orang yang bebal, maka jadilah //4// bersalahan i’tiqadnya, maka jadi bertuhan kan kepada nyawa jika demikian itu terlebih kafir daripada Yahudi dan Nasrani karena firman Allah ta’ala qul al-ruh min amri rabbi. Katakan olehmu ya Muhammad, nyawa itu daripada perbuatan Tuhan ku. Hai thalib, engkau gurukan kepada orang yang alim Quran adanya orang usul dan orang faqih dan orang yang tasauf, maka jangan lah engkau gurukan orang yang bebal. Jika me[me]rintahkan akan ilmu syara’, maka jika jadi kafir orang itu, maka gurukan ilmu nafsu akan guru kan ilmu. Maka seyogyanya engkau lakukan dalam hati, janganlah engkau putuskan akan menyebut Allah Allah dan huwa. Huwa itu yang dituntutnya karena puji nafsu itu memenuhi akan ilmu sekalian yaitu seyogyanya kita bersungguh-sungguh lah jangan engkau lupa dan lalai akan puji nafsu ini engkau kenangkan dan engkau ingatkan siang dan malam seketika jika seperti menilik perhiasan janganlah engkau akan rupanya gurunya ketikanya fikir nafsu atau lainnya karena rupa Tuhan itu tiada boleh dibukanya rupa gurunya yang dibuat jalan dan buat tali, dan maka inilah menyatakan martabat insan akan yang empat perkara itu. Pertama nafsu dan kedua hati, dan ketiga akal, dan keempat nyawa. Maka adapun nafsu itu berkehendak kepada Allah ta’ala. Maka adapun akal itu membicarakan kesucian Allah ta’ala, maka adapun artinya hati itu kenyatawan Allah ta’ala. Maka adapun artinya nyawa itu mehadapkan zikir zat puji maka nyawa ternyatalah suatu sekalian itu maka manalah lainnya //5// daripada nafsu dan hati dan akal dan nyawa karena tiada boleh berciri yaitu bersuatu wujudnya yang berkehendak dan yang ingat dan yang melihat dan yang dibicara itulah nyawa jua daripada qudrat Allah dan kedekatan Allah kepadanya dianugrahi Allah akan dia, artinya daripada Allah jua umpamanya karena perhiasan akan zat Allah yaitu bersuatu akan penglihatnya orang yang banyak yang dapat sekarang ini, yaitu bicara maka manalah kehendak nyawa dan ingat nyawa karena tiada boleh tiada diperbuat karena perbuatan jimat karena hendak nyawa itu dan ingat nyawa daripada kehendak zat Allah dan kehendak wujud Allah, maka mengenal nyawa itu diberi dengan Tuhan janganlah engkau sungguh akan lainnya, maka jadi

nyatalah penglihatnya nyawa itu penglihat Allah jua, yaitu sempurna imannya dan tauhidnya jangan dan jika sungguh maka jadilah engkau semata akan sesat akan yang terlebih jauh. Maka berkata segala masyayikh ahlu al-shawaf, maka adapun nafsu itu dua bahagi, suatu yang keluar ke dalam akan tubuh insan, dan jika ke dalam lengkap akan sekalian di luar dan di dalam jika keluar daripada tubuh insan, maka lengkap alam zahirnya dan batinnya karena kata Nabi shallallahu ‘alayhi wa sallam, maka adapun nafsu itu permata ra’una yang terlebih indah yang masuk keluar daripada insan. Maka terlebih bebalnya orang itu, maka tiadalah mulia hari akhirat, hidupnya pun seperti mata binatang. Maka sayyid Abu Bakr Shiddiq //6// radhiyallâhu ‘anhu, adapun yang huruf itu huruf wujub yaitu tempat sebenarnya. Maka asal huruf itu empat perkara, yaitu huruf ‘fa’, maka dibuang salah suatu daripadanya empat huruf itu, yaitu satu, ‘alif’, dan kedua ‘lam’ awal, dan ketiga ‘lam’ akhir, keempat ‘ha’. Maka jadi nama yang Mulia itu yaitu lafaz Allah. Maka dihimpunkan yang empat huruf ‘huwa’ yaitu memenuhi akan bunyinya. Maka adapun nafsu itu tatkala naik ke langit huruf ‘huwa’ yaitu memenuhi akan tujuh lapis langit, maka turun ke bumi, maka hurufnya yaitu memenuhi akan tujuh petala bumi, maka yaitu puji nafsu barangsiapa membiasakan membaca kitab ini, maka terbuka pintu rahmat Allah, dan selamat dunia akhirat. Adapun nafsu insan itu tetap ada sebelah kanan. Maka tatkala engkau makan akan makanan, maka engkau ambil mabiq‘af nafsu yang kanan jua. Maka jika tidur, dahulukan yang kanan jua. Janganlah engkau lupa dan lalai akan perbuatan ini, dan janganlah tinggal, maka engkau ikuti nafsu jika engkau manjakan akan amal ini, maka seyogyanya engkau tetapi supaya hadir puji yang tiada berkeputusan. Maka yaituluah bernama puji daim. Maka jika telah sudah biasa ia maka engkau himpunkan akan segala amal batin akan segala perbuatan dan segala kelakuanmu. Maka nyawanya karena kata Nabi shallallâhu ‘alayhi wa sallam, jika engkau jalankan amal zahir dan amal batin akan kelakuanmu //7// jika engkau jalankan amal zahir dan batin, maka yaitu yang dinamai sembahyang daimun, hendaklah dikerjakan sembahyang lima waktu karena sembahyang lima waktu itu tiang agama. Maka

karena sabda Nabi shallallâhu ‘alayhi wa sallam, barangsiapa mendirikan sembahyang maka berdirilah agamanya, dan barangsiapa tiada mendirikan sembahyang niscaya runtuh agamanya. Maka inilah menyatakan ibarat yang tiga perkara itu. Adapun nafsu yang keluar ke dalam daripada hidung yaitu tajalli Muhammad yang amat nyata yaitu puji yang tiada berkeputusan karena keluar ke dalam dengan zikir ‘lâ ilâha illallâh muhammad rasulullah’. Maka tatkala keluar nafsunya sebutnya ‘illallâh’ atau tatkala ke dalam ‘illallâh’ dan tatkala keluar karena banyaknya keluar ke dalam sehari sebilangan dua ratus. Demikian lagi dalam sehari semalam delapan empat ribu empat ratus dalam sehri semalam karena sabda Nabi shallallâhu ‘alayhi wa sallam: ‘man ‘arafa nafsahu fa qad ‘arafa rabbahu.’ Artinya: barangsiapa mengenal akan dirinya maka bahwasanya menganal akan Tuhannya. Dan telah berkata ‘arif billah yang khash al-khâsh dalam sembahyang ra’a nafsuhu al-anfus Allah khâshah, artinya melihat mukmin khas al-khâsh akan dirinya hanya Allah semata-mata, yaitu lah sempurna pengenal karena yang berkata tubuh itu tiga perkara, suatu nafsu, dan kedua anfas, ketiga tanaffus yaitu tu[buh] halus yang tiada menerima mati dan dan segala jala, dan kedua tanaffus nama, yaitu masuk ke dalam hatikuat- kuat, maka diam di dalam dada, yaitu ahmad, yaitu puji daimun namanya, dan jika menjalankan akan ilmu tanaffus, maka engkau henyap. Tammat. //8//

Bismillâhirrahmânirrahîm

Al-hamdulillahi wahdah, wa al-shalâtu wa al-salâmu ‘alâ man lâ nabiyya ba’dahu. Segala puja puji bagi Allah . Bermula rahmat Allah dan salamnya atas tiada Nabi yang kemudiannya. Adapun kemudiannya dari itu, maka inilah kitab yang sempono daripada hadis Nabi shallallâhu ‘alayhi wa sallam, ‘qala nabiyyu shallallâhu ‘alayhi wa sallam man ‘arafa nafsahu faqad ‘arafa rabbahu’. Artinya: ‘barangsiapa mengenal dirinya bahwa sesungguhnya mengenal Allah, karena yang dinamai dirinya itu zahir pun batin pun ada, maka yang zahir itu tubuh, karena asal tubuh itu daripada jawhar awal, yaitu ilmu shafir serta

ada daripada jawhar awal nuthfah namanya, tatkala berlaku kan rasa nikmat turun daripada bapa itu dinamai mani, dan mani itulah bernama dzuriyyah. Adapun tatkala pada kepala mâ’ al- hayah namanya tatkala lengkap kepada tubuh jamid namanya, tatkala kepada shulbi ‘aqil namanya, tatkala kepada perempuan mani namanya, tatkala ia turun kepada rahim ibunya nuthfah namanya, yakni air yang setitik datang kepada empat puluh hari, ‘aqal namanya yakni darah yang segumpal datang kepada enam puluh hari mudhaffah namanya, yakni daging yang segumpal dan sampailah empat bulan, yakni seratus dua puluh hari huni namanya artinya tempat rupa berdiri dengan zat tatkala ia nama huni itulah maka dititahkan Allah seorang malaikat bernama Raham, memasukkan nyawa ke dalam dzuriyah, maka disuratkan empat kalimah, pertama ajalnya, kedua amalnya, ketiga bahagianya, keempat rizkinya. //9// maka bergeraklah kanak-kanak itu dalam perut ibunya, maka hiduplah tubuh sebab serta nyawa itu, dan tatkala memakan darah ibunya hayawani namanya. Apabila genaplah bulannya maka dinamai ia insan. Maka kemudian keluar budak itu daripada perut ibunya, nyawanya dinamai ruhani. Adapun insan terlebih mulia mulia kepada Tuhan. Inilah rupa hayawani, maka fahamkan olehmu. Adapun ini pada menyatakan jalan kepada Allah yang sempurna dunia sempurna [akhirat], yakni rahasia yang terbuni, artinya menyatakan jalan kepada Allah ta’ala yang sempurna dunia akhirat. Adapun yang dinamai ilmu Allah ada tempatnya dalam mungabitil pusar-pusar kepala kita. Itu rupanya seperti rupa manusia dalam manusia itu, manusia pula itulah hidup dalam dua negeri tatkala ia ke mata kerjanya memandang, tatkala ia ke telinga mendengar, tatkala ia ke hidung mencium, tatkala ia ke lidah berkata, yaitu demikianlah Tuhan menjadikan semut, sekalian pohon hidup dan pohon mati, dan Ia yang menjadikan matahari dan bulan dan bintang dan masyriq dan maghrib, dan syurga dan neraka di ketujuh petala langit dan bumi. Inilah nama ilmu Allah, supaya diketahui oleh segala [p]enuntut ilmu jalan kepada Allah dan segala auliya Allah dan anbiyaullah dan hendaklah dilakukan dalam zikir la ilaha illallah dalam duduk dan dalam tidurnya dan dalam berjalan dan dalam berdiri dan dalam

//10// makan dan dalam minumnya dan dalam malam masih dalam kaya dan dalam papa, atau kematian dan kejurian semata sekaliannya itu kembali namanya lagi kamil ahlullâh beroleh jalan kepada Allah daripada Allah. Adapun tatkala kita pulang ke rahmatullah, maka terbukalah pemandang kita itu, maka berpandang lah kita dengan rupa itu, yakni cahaya arwah kita. Rahasia itu lah membawa kita kepada Allah seperti kilat yang yang tiada diambil mâlik al-maut nyawanya seperti makhuk yang lain karena nyawanya sendirinya pulang ke hadirat Allah subhânahu wa ta’âla. Ini sejarah awliya’ Allah pertamanya turun kepada Nabi Muhammad shallallâhu ‘alayhi wa sallam daripada Nabi Muhammad turun kepada baginda Ali, daripada baginda Ali kepada syaikh ‘Abdul Qadir rahimahullah ‘alayhi karena ilmu.

2.2. Transliterasi Muhammad Arif

Pedoman Hidup di Minangkabau Karya Syaikh Sulaiman ar-Rasuli

Pendahuluan

Bagailah ke ujung karang tertusuk ke pulau batu Dengan nama Allah kami mengarang memuji Tuhan yang satu

Berlarat-larat ke tanah haji singgah sebentar ke Surian Kami shalawat atas Nabi sahabat dan Ali kemudian

Balari-lari kaSianyak singgah makan ka limpasi Maminta maaf ba[a]gih nan banyak kami mengarang khabar penanti..

Bakejar-kejar ka subarang balari-lari bendi baroda Kabar tamtsil kami karang untuk pengajar bagi nan muda

Bismillaahirrahmaanirrahiim

Adapun kemudian dari itu ada seorang perempuan Siti Budiman itu namanya anak Tuanku Lebar Alam dunsanak Datuk Raja Adil sukunya budi caniago di kampung talago manis dalam negri teluk paham di luhak nan tigo nangko pemerintahan laras nan duo di tanah alam Minangkabau. Lorong kapado Siti Budiman

orang baik asal baik tau mudharat dan manfaat, tau di awal dengan akhir, ingat di rintang ka mancucuak, tau di dahan ka manimpo, tau di ereang dengan gandeang, tau di adat jo pusako, baso basi nan lebih bana bijaksana arif budiman sifat cerdik candokio patut namonyo Siti Budiman.

Lorong kepada agamanya, Siti taat menyembah Allah. Hati suci, khusuk, tawadhu’ iman teguh, amalan banyak, hati ikhlas beribadah, sabar ridha hati, tawakkal tidak di gaduah apa-apa, tantang kepada paromanan itupun bentuk rendah tinggi//3// sedang elok mata memandang, tidak melebihi hak-hak, tidak mengurangi sia-sia. Lorong kepada kelakuan, sifat pemalu dipakainya, jarang keluar dari rumah, bamain nan tidak bana, salah sedikit tidak kaya, padi tidak sadang ka dimakan, sudah menyabit enam bulan tetap hidupnya membeli beras, bakaian sepuluh lusin tidak menyimpan di almari, adalah garin sakutiko setelah patut basuami umur cukup salapan belas, orang nan datang pun lah banyak, hendak kawin dengan si Siti. Bakato Tuanku Lebar Alam, anak den Siti Budiman, dengarlah nak den katokan maksud den di masa kini dek mancaliak miskin anak, anak lah patut basuami, nak mancari ka minantu, singkek kito kok lai baulas, nan kurang kok lai batukuak, bakato Siti Budiman bapak den Tuanku Lebar Alam, kato bapak iyo bana talatak satu di tempatnyo, di adat bapakai bana, kok di syarak tantu basuruah, tapi saketek den tanyokan umum biaso bakhususkan kalam biaso batarangan singkek mano maksud bapak kurang nan mano ka ditukuak, kok tantang harta benda, sawah ladang, kabau jo bantiang, cukuplah sarupo kini, malah den tidak mangicuah, curi maling nan tidak bana, tapi kok ilmu jo amalan, ka bakal pulang ka akhirat, patut sekali kito tukuak, lah sawajibnyo kito ulas, belum cukup sarupo kini. Mendengar kato nan bak kian, bakato Tuanku Lebar Alam, anak den Siti Budiman, kok baitu kato anak lah sanang hati mandangakan, cubolah anak pikir-pikir, pandang hampir ditukikkan, pandang jauh dilayangkan, kato pepatah Minangkabau, kok lamak di nan ka mamakan elok di nan ka mamakai. Bak bunyi pantun urang siko :

Kelabak bao ka pakan

kadaikan di bawah sungai Kok lamak nan ka mamakan elok di nan ka mamakai

Eloklah anak bapancarian. Bakato Siti Budiman, tantang itu bapak tahu, laut darat di dada bapak, bun[y]i pepatah Minangkabau lama hidup banyak di rasoi, jauah bajalan banyak basuo*.* Larangan adat Minangkabau babanak ka ampu kaki, batariah ka ujung dahan*,*//4// dengarlah pantun Minangkabau:

Kok balaras ka Sialahan bataranak amuah mandaki Ibarat manusia ka santosa kok batariah ka ujung dahan Babanak ka ampu kaki alamat dunia ka binasa

Kini baitulah dek bapak tantangan etongan itu anak manyarah bulat-bulat, anak nan tidak tahu pandai, kok kilat caminlah ka muko, kok kilat baliunglah ka kaki, bapak sajolah manimbang. Bakato Tuanku Lebar Alam, kok baitu kato anak berjanji bapak dahulu bapikir palita hati bamanuang sarugo akal, nak bapak manuang-manuangkan buliah ditimang habis-habis jangan menyesal kemudian. Sesal celaka tu kironyo. Sampailah garin tujuh hari risalah tampak nan katuju nan patut jodoh siupiak ialah Muhammad Siddiq nan bergelar Faqih Arifin mandeh bapaknyo tak disebut tapi nagari iko juo. Bakato Tuanku Lebir Alam, anak den Siti Budiman lah den pikir den manuangkan, lah tampak garin nan katuju si buyuang Muhammad Sidiq bergelar Faqih Arifin, kini timbanglah di anak. Bakato Siti Budiman, tantang itu bapak tahu, anak tidak tahu pandai hanyo menyarah bulat-bulat, kato pepatah Minangkabau, kok anak saparintah bapak, kok kamanakan saparintah mamak, kato pusako nan baitu. Kini baitulah dek bapak, kok lah basuo nan den sabut nan ka manukuak ka manambah tantang ilmu jo amalan lakukan sajolah dek bapak tak perlu maminta izin mufakat nan tidak bana iyo jo badan diri hamba.

Lorong kepada Muhammad Sidiq orang alim lagipun taat banyak kitab nan dihafiznyo hadits qur’an jan disabuik tahu ditempat kato-kato, paham dalam, akalnyo tanang, mangaji pantang tasasak, kok ibadatnyo kita sabut banyak sembahyang banyak wirid, siang puaso nan biaso, pantang membuang-buang umur, kok duduk marawat ranjo, kok tagak maninjau jarak, patutlah jodo[h] Siti Budiman. Tidak lama//5// antaranya paham saukur kata masak, sampailah kawin caro miskin, baralat anam orang saja, tidak memotong jawi mandabiah, hanya membeli daging saja. Dapat pagi dimakan petang, dapat petang dimakan pagi, baitu selamanya.

Lorong kepada kerjanya, Muhammad Sidiq Faqih Arifin siang baparak-parak ketek mananam ubi jo kantang atau nan lain sebagainyo. Tibo waktunyo sembahyang sudah sembahyang mengajar pulo, malam hari sudah maghrib faqih mengajar orang banyak hampir tidur maka berhenti mangajar sah jo batal, halal haram sunat paralu, baitu selamanya. Supiak Siti Budiman siang batanun jo mangguntiah adang marendo, manjahit malam, mangajar anak-anak rukun syarat sifat duo puluh, qur’an nan lebih bana, hidup miskin selamanya. Sungguh miskin siang malam, imannya bertambah kuat, amalan bertambah banyak, ka suami semakin taat, kasih jo sayang jan disabut, iblis lalu tak dapat jalan.

Sipendengki Datang Membujuk

Adalah garin sakutiko tumbuhlah dengki orang kayo. Nama gelarnya tak disebut saudagar gadang jayo urang banyak toko jo kadaiyan, sawah ladang nan banyak bana, kabau, jawi, bantiang jan disabut. Sipendengki lalu berkata, wahailah upiak Siti Budiman sarancak ikolah awak, saelok ikolah tampan, mangapo badang dipasusah, elok caraikan suami kau nan miskin sarupo iko, buliah diganti jo nan kayo, nan bapadi lebih dimakan, nan batokoh baniago, badan kau sanang baibadat, tak mancari kediaman, pakaian cukup di lamari, jangan dimabuk tidak juo, sanang hati kau menyembah Allah, tidak apa nan dirusuahkan. Bakato Siti Budiman, tuan tokoh tuan saudagar, kato tuan nan hamba danga taraso bana tu mah di den, tapi samantang pun baitu pihak di

badan diri hamba, nan lebih bana dirusuhkan bukan uang //6// bukan pitih, bukan beras dengan padi, konon rizki di dunia ko cukuplah sarupo iko kini, tetapi ilmu jo amalan, ka bakal badan pulang mati iyo ka rantau liang lahad sampai ka jalan simpang duo di sarugo jo narako, itu nan lebih den risuhkan. Apo sebab mako baitu, bak papatah Minangkabau sajauah-jauah bajalan ka pulang ka kampuang juo, satinggi-tinggi malantiang ka tanah juo kambalinyo, sakayo-kayo manusia liang lahad juo tempatnyo. Konon balanjo di atas dunia cukup sarupo iko kini, malah tak maliang jo mancuri, tidak mangicuah jo manipu, cukup rasonyo itu di hamba, sadang mamintak hamba lai tidak antahko alah kadangaran, tantang suami hamba kini satu tujuan tu jo hamba, bak kapurun jo sawahnyo, parmato lakek ka cincin tak guno dibukak lahi, biarlah lamo kami sapahi bak baliuang jo asahan nak samo bahabis-habis tambilang sajolah mancarikan lorong kapado lorong kayo habis akal hilang pikiran tak dapat jalan tempat ba[a]giah lalu lah diobat lah dimintakkan, lah banyak dukun bakarajo, tapi tak ado memberi bekas, arang habis basi binaso, uang habis tidak baguno, nan dimaksud batambah jauah, bajalan sajo nan jadi, pulang ka {k}atoko kagadaian mambao kapalo bangkak, alang malunyo di urang banyak, bak bunyi pantun Minangkabau:

Parang iblis senantiaso bak bunyi urang barontak Arang habis basi binaso banyak rugi baguno tidak

Supiak Siti Budiman tetap kelakuan nan dahulu baibadat menyembah Allah sedang mengajar anak-anak, siang hari lai batanun, marendo lai adang-adang, asal dapat balanjo sajo, tidak manantang kayo rayo, tantang kapado suaminyo, semakin lamo semakin taat tidak perduli asung fitnah.

Siti Budiman Ka Baranak

Dengan untung takdir Allah, lamolah maso basuami lah hamil Siti Budiman, //7// sembilan bulan lamo mangandung

zhahirlah anak laki-laki patang kamis malam jum’at bulan tahun tak takana, lah sampai garin tujuh hari didabiah kambiang dikekahkan ado manjamu tando suko si buyuang nan jolong zhahir lalu sakali dinamoi, sibiran nama bapaknya ialah Muhammad Arif si buyuang Muhammad Arif gadang bak damba- damba, tinggi bak danjuang-danjuang, cadiak bak daja-daja, laranglah anak ka jodo{h}nyo, lamo sebentar sudah itu sampai umurnyo duo tahun, Siti Budiman lah hamil pulo, sampailah garin sambilan bulan patang kamis malam jum’at bulan dan tahun tidak teringat, zhahirlah anak perempuan, hampir subuh kiranya hari lah hampir ayam bakukuak, murai bakicau tak lamo lai lamo sebentar sakutiko sampailah masa tujuah hari didabiah kambiang se rekor dengan sengaja untuk kekah oleh bapaknya Faqih Arifin dibuat jamu sedikit untuk pengikut suruh saja, nama si upiak dihimbaukan belahan nama tuannya ialah Siti Arifah. Tantang si upiak Siti Arifah sarupo pulo jo kakaknyo antah lebih wallahu a’lam.

Tidak lamo antaronyo kiro satahun lebih kurang malang jo mujur tidak bacari bak pepatah Minangkabau nan banyawo biaso mati nan bapucuak biaso layuar, sakit tak ado waktunyo, mati tak tantu kutiko nyo, si upiak Siti Arifah lah pandai tagak-tagak surang, hukuman tuhan nan lah tibo, ajal Allah nan lah datang Faqih Arifin sampai ajalnyo, nan batakuok nan batabang, nan babaris nan bapahek tidak guno disasali.

Lorong kapado Siti Budiman, anak kecil suami mati, yatimlah anak kaduonyo, miskin pulo ditanggungkan, tetapi samantang pun baitu iman kuat bertambah teguh, amalan bertambah banyak, sabar nan bukan alang-alang, sedikit tidak kaluah kasah, meratap nan tidak bana, orang baik sajak diasal, sampai kini baik juo. Bak pepatah Minangkabau, aia janiah sajak dahulu, ka muaro janiah juo, asal jangan kotor di jalan.//8//

Lama sebentar antaranya, kiro duo tahun lebih kurang datang seorang perempuan banamo Siti Rahimah padusi datuak rajo adil, di kampuang suku di koto dalam nagari itu juo. Bakato siti rahimah, awak den datang kamari iyo disuruah pak sibuyuang nan bergelar datuak rajo adil di hati den takana pulo. Adiak den

Siti Budiman di maso nan kini nangko, darah kami tak amuah sanang, nasi dimakan raso sakam, air diminum sambiluan, mancaliak adiak cando iko, badan surang anak pun ketek, miskin pulo kito tangguang. Kini baitulah dek adiak, kok iddah alah sampai, elok hilang kito ganti, nan patah kito tumbuahkan, kok lai tumbuah tantu singkek akan baulas, nan kurang akan batukuak, dapatlah baiyo-iyo mancari apo nan tidak untuak balanjo patang pagi, kok balabiah ka untuak anak.

Bakato Siti Budiman, kakak den siti rahimah, danga di kakak jalas-jalas, kakak sampaikan katoan den iyo datuak rajo adil pihak di badan diri hamba, belum takana nan baitu ka mangganti bapak si buyuang, biar marando sampai mati, toh kito tidak ka salah, dengar pepatah Minangkabau:

Kok elok bana pangali indak sarupo jo tambilang Tambilang elok ulunyo kok elok bana pangganti Indak sarupo jo nan hilang nan hilang elok lakunyo

Bak ibarat urang makan batambuah jo nasi dingin, mako baitu kato denai lah den caliak den pandangi, laku parangai urang kini, nan banyak pandai mangecek bakarajo jarang basuo, kecek nan banyak maso kini, indak talatak di tempatnyo, parangai tiru-tiruan, rakyat bak cando rajo, kamanakan lebih dari mamak, nan bodoh lebih dari nan pandai, si jahil banyak bafatwa, lebih bak alim ulama besar itu mengusik nagari iko,itu di den indak katuju, tantang rizki minum makan, atau pakaian //9//, rumah tingga, cukup sarupo iko kini, asal iman jangan barubah,amalan tak dikurangi, tuhan Allah kayo sungguh, ado nyawo ado rizki.

Karajo Siti Budiman Samanjak Suami Mati

Beralih kabar sedikit, sungguh beralih sanan juo, tantangan Siti Budiman, samanjak suami mati, siang rintang dek batanun, tetap duduk di tandaian, adang manjahit dan marendo, patangan

mambuang umur, malam hari ditarangkan, sembahyang maghrib alah sudah, ditambah pulo jo pintanyo, dzikir jo doa di belakang, lalu mengajar anyolai kanak-kanak dalam kampuang. Di kampuang talago malas habis berkumpul ka rumah nantun, ka rumah Siti Budiman belajar syarat jo rukun, Qur’an nan lebih banyak, sifat duo puluah lai adang, satangah pulo dikabarkan ado nan tetap siang malam, belajar jahit jo marendo, atau manyuji manarawang, adang batanun jo mahani. Tantang balanjo nafkahnyo Insya Allah belum nan kurang, murid banyak ado manolong, tidak disuruh dikehendaki, hanyo keridhoan halai sajo. Tantangan murid suaminyo Muhammad Siddiq Faqih Arifin tidak kurang datang ziarah, bamacam-macam pambaoan, pendek kato kito sebut, penghidupan Siti Budiman serta anak nan baduo, lebih rasonyo dari cukup. Adolah garin sakutiko, bakato Siti Budiman, tuan datuk rajo adil tantang rizki minum makan, atau pakaian dan perkakas, untuk kami batigo urang, indak marusuah itu di hamba, hanyo sabuah nan marusuh, tantang si buyuang Muhammad Arif, adiaknyo Siti Arifah, kok dahulu kito mati, awaknyo tinggal dalam kampuang, sedikit belum bapangaja, apa saja belum nan dapat, kok ilmu nan banyak nangko, ado sakolahnyo masing-masing, indak kurang guru di sanan, Muhammad Arif buliah belajar, Siti Arifah buliah juo, tetapi duduak dalam kampuang, atau duduk banagari, tidak ada sekolahnya, hanyo nan banyak tiru-tiruan, caliaklah kanak-kanak kini, dibiar saja selelo nyo, adang kehendaknyo nan diturut, nan tak dimakan alur paut, lah babanak ka ampu kaki, //10// batariah ka ujuang dahan, alamat dunia ka binaso, dengarlah pepatah Minangkabau maso ketek taranjo- ranjo, lah gadang tabao-bao, sampai tuo tarubah tidak, dengarkan sabuah lai, tabi’at pantang tarubah, katuju pantang bacarai, mambari teladannyo nan lah den caliak den pandangi, kini baitulah dek tuan, tantangan anak nan baduo, biar den ansua ma[a]jari, beri izinlah dek tuan. Katonyo datuak rajo adil, kalau karajo nan ka elok, di hamba tidak basalahi, kalau ditimbang-timbang bana patutlah kau ma[a]jari mulo-mulo dari kini, mako baitu kato denai sagalo ibu kanak-kanak itu nan mulo jadi guru, kok masuak bana ka sikola{h}, di rumah indak dididik, indak juo itu akan elok, lamo sebentar sudah itu, lorong kapado Siti

Budiman, tidak kurang ma[a]jar anak, lebih-lebih mendidiknyo, dengan tingkah kalakuan atau karajo patang pagi, untuk pendidik nak juo, kelakuan Siti Budiman kalau dihampiri anak kandung tak membawa lain-lain, hanya membaca zikirullah adang shalawat atas nabi, adang Qur’an dilagukan, apa karajo dan buatan, kok dihampir anak cako dipilih nan baik-baik, untuk pendidik maksudnyo, bak pepatah minagkabau, ragu badiang nasi masak, sadang manyuruak galeh lalu, apo tujuan kato nantun, fi’il parangai nan baik-baik perlu juo diperbuat sedang siti membayar hutang, anak lah dapat pulo terdidik.

Muhammad Arif Akan Masuk Ka Sakola

Kabar beralih tantang itu, sungguh beralih sanan juo, tantang si buyung Muhammad Arif lah sampai umur tujuh tahun, masuk salapan jo nan kini, kaji Qur’an alah sampai, rukun jo syarat nan paralu lah tamat pulo dikajinyo, sifat duo puluah alah saketek. Si upiak Siti Arifah, hampir tamat pulo kajinyo, indak banyak lai tinggal, sebab diajari kaduonyo dek mandeh Siti Budiman. Adolah garin sakutiko, datanglah datuak rajo adil karumah Siti Budiman, alah sudah minum //11// jo makan, alah marokok sabatang duo, pikiran sadang tabukak, sadang takana kebenaran, siti bakato anyolai tuan datuk rajo adil, kakak iyo mamak pun iyo, tantang si buyung Muhammad Arif, alah den ansur ma[a]jari bak pitaruah tuan dahulu insyaallah ado berhasil, kini Qur’an alah tamat, rukun syarat alah saketek, nan paralu patang pagi, sifat duo puluah sedang manangah, adiaknyo Siti Arifah tidak pulo katinggalan samo den tunjuak den ajari. Kini maksud sangajo den kok lai sasuai tu jo tuan nak mamasukkan ka sakola, nak tau tulis baco, nak pandai bilang jo baretong, kalaulah pandainyo menyurat atau mambaco dan baretong apo bahagian nan tasurat, buliahnyo turut jo sanang hati, kito melihat lah suko pulo, tapi kok tidak tahu apo barang diturut tak selamat dapat salisiah juo akhirnyo. Manjawab datuak rajo adil, tantang niat sangajo kau oucuk dicinto ulam datang, di den lah lamo tu takana tapi takana-kana sajo, bak sibisu barasian, takana lai, tasabut tidak, dek miskin iko juo sedang anak koa nan di koto kamanakan

datuk rajo budi lebih umurnyo 10 tahun belum juo kasikola, lah malu bana den dek urang. Bakato Siti Budiman, itu jangan dirusuahkan asal pikiran lah sabuah, pendapat alah sasuai, tantang balanjo jo ongkosnyo atau pemberi uang saku atau pambali buku-buku insyaallah indak kakurang asal badan asah juo. Tantang si buyung nan di koto iyo anak kanduang tuan elok nan samo dimasukkan nak samo den balanjoi, mako baitu kato denai, samanjak bapaknyo mati suami hamba Faqih Arifin apo den buek laku balaku tidak nan tinggal sahalai juo, kok hargonyo indak murah, urang suko mambali mahal, kok anak-anak nan mangaji tak kurang mambao beras disuruh mandeh bapaknyo, tak nan amuah den tagahkan, kok murid bapak si buyung nan sakaliliang nagariko, samanjak beliau mati baik hampir ataupun jauh tak kurang datang ziarah tak kurang babuah tangan, adang-adang barupo uang, adang-adang barupo beras, ado barupo barang lain, itu //12// tak habis ka balanjo. Bakato datuk rajo adil, kok baitu kato kau, alahlah sanang hati denai, hanyo sabuah nan takana, elok kini den katokan, si buyung Muhammad Arif kok sampai masuak ka sikola campur gaul jo anak-anak nan tidak bakatantuan, nan tak batunjuak baajari dek bapak urang tuonyo, lihatlah angkuah jo tampannyo, banyak yang salah den pandangi indak talatak di tempatnyo, anak kau kok turut-turut dek bacampur tiap hari banyak sedikit tentu mamindah. Kato Nabi janyo urang tabiat pindah mamindah, parangai tiru maniru, itu nan lebih den rusuahkan, sebelum masuk nyo kasikola elok ditunjuak di ajari, kalau dinanti sampai gadang payah bana manunjuak i, bak mambantuak batuang tuo, jangan ka amuah nyo dibantuak, antah kok pacah nan ka lai. Bakato Siti Budiman, tuan datuk rajo adil, dalam pikiran hati hamba alah takana nan baitu, tetapi maso kini nangko kok ditunjuak di ajari paham belum akal pun belum, indak kalakek tu rasonyo, sabagai hujan jatuah ka kasiak, bak kampia diisi nasi, masuak amuah raso tak dapek, kalaulah masuknyo sikola, alah paham agak saketek, alah berakal agak samiang, lah paham di kato-kato, sanan ditunjuak diajari, insyaallah kok lai malakek, baitu pendapat hati den. Bakato datuak rajo adil, kok baitu kato kau, iyo taraso pulo di den, elok sakolanyo dahulu, bak papatah urang siko, mandaki sajak di

bawah, babilang sajak di aso. Bakato Siti Budiman, kakak den datuak rajo adil, hari barisuak hari jum’at, sikola dibukak kato urang, guru-guru manarimo murid, eloklah tuan mamasukkan, si buyung Muhammad Arif samo si buyung nan di koto kamanakan datuak rajo budi nan banamo si buyung sungguh anak kandung tu di tuan. Manjawab datuak rajo adil, kok baitu kato kau insyaallah baiklah itu, nak den datang pagi-pagi, kini nak pulang den dahulu, ka rumah kampuang di koto, nak mufakat jo mamaknyo, ia datuk rajo budi, turunlah datuk rajo adil. Lalu sakali inyo bajalan, lah tibo dikampuang koto, naik sakali ka ateh rumah, lamo sebentar antaranya, datanglah datuk rajo budi, //13// lah sudah minum jo makan, lah marokok agak sabatang, sadang tabukak kiro-kiro, sadang takana elok jo buruak, sadang takiro labo jo rugi, lalu mufaqat anyolai, tantangan si buyung sungguh. Bakato datuk rajo adil, baik masukkan ka sikola jo si buyung Muhammad Arif. Manjawab datuk rajo budi, tantang maksud bapak sibuyung, kok dihamba alah takiro, tahun kini kito masukkan, hari hampir pukul anam, kato saukua rundingan habis, datuak bacarai kaduonyo, nan surang tinggal di rumah, rajo budi turun janjang, lalu bajalan anyolai. Lorong kapado rajo adil, makan sudah sembahyang sudah, lalu tidur anyolai, murai bakicau ayam bakukuak, fajar terbentang hari subuh, datuk bangun dari tidur, lalu ka surau pai sembahyang, lah tabik garin matohari, rajo adil kembali pulang, alah sudah minum jo makan, turunlah datuak rajo adil, di bao sibuyung sungguh, ka kampuang talago manis, ka rumah Siti Budiman, manjaput Muhammad Arif akan dibawa ka sikola, lamo sabantar antaranya alah tibo garin di sikola, lalu bicaro jo guru gadang nan bagala Sutan Pilihan guru nan pintar maajar anak, sajak mulo jadi guru balum muridnyo nan tak pandai, pandai balaku kasamuonyo, si buyung Muhammad Arif duo jo si buyung sungguh masuk kaduonyo kasikola, namo tasurat dalam buku, rajo adil kambali pulang ka budi ka caniago, ka kampuang talago manis, si buyung Muhammad Arif alah bamulonyo berlajar batampat di kelas satu, lah sampai sahari duo hari, lain bana gelagatnyo, satu kalimat diajakan, empat lima kaji nan dapat, tacangang malah guru gadang, belum pernah dilihatnyo, kok diajanyo baretong mangumpul mambagi-bagi, belum sampai ka

gurunyo, awaknyo tibo dahulu. Pendek kato dikabarkan, lah habis maso empat bulan, Muhammad Arif naik kelas, iolah duduk di kelas duo, habis maso salapan bulan, inyo naik kelas tigo, cukup satahun di sakola, lah tigo kelas talampaui, dalam maso duo tahun tamatlah garin sikolanyo, luar biaso jarang tumbuh, dalam saribu mahal saurang //14// tantang sabab karanonyo, siang bak hari tarang tarang bak bulan, tidak suluah batang pisang malah basuo matohari, tampang elok dari asal, air janiah dari ulu di muaro janiah juo, asal jangan ditimpo kotor. Lorong kapado si buyung sungguh, tatap jo di sikola, tingganyo turut biaso, Muhammad Arif sudah lepas, lah dapat surat dari guru, tamat belajar namo suratnyo, adang palum janyo urang, mano nan betul wallaahu a’lam.

Siti Budiman Memberi Nasehat

Adolah garin sakutiko, pagi-pagi hari jum’at bulan dan tahun antah, garin sadang duduk bersama-sama, hati nan sedang suko riang, pikiran sedang tabukak. Bakato Siti Budiman, anak kanduang Muhammad Arif, duo jo upiak Siti Arifah, dengarkan bana dek kalian, nak den ansur mambayar utang, masukkan ka dalam hati, esok mandeh tambah pulo, anak kok hidup dalam kampuang, dikampuang talago manis, dalam negri teluk paham, anak tak boleh sanang diam, hidup tanggung jangan dipakai, tarang jabatan satu-satu, pakai papatah nenek moyang, kok duduak marawat ranjo, kok tagak maninjau jarah, waktu jangan dibuang-buang, umur jangan disia-siakan, jarum baputar umur rusak, matohari bajalan juo, turun naiak tiok hari, umur nan panjang jadi singkek, eloklah abisi jo jabatan, dunia laweh dijadikan, bukan tempat bersenang-senang, hanyo tempat basusah payah, mancari barang nan tidak, nan manfaat duo kampuang, satu dunia duo akhirat, hidup tanggung den katokan, kayo ketek tanggung bengkok, ka bajak indak namuah, ka singka kok ampang amat, ka dapur kasudahannyo, dalam jabatan masing-masing, ado rukun jo syaratnyo, isuak buliah den tunjuakkan, kini dangalah saketek, kaji bamulo sajo baru, anak den Muhammad Arif, kalau duduak dalam kampuang, nan tuo

handak muliakan, nan mudo handak kasihi, samo gadang lawan mufaqat, nan lebih bana dangai, apo nan elok untuak diri, itu nan elok untuak kawan //15// kalau anak tak katuju, di kawan tantu tak elok, kato junjuangan handak ingati, belum dipandang iman kito, sebelum kasih pado kawan samacam kasih pado diri. Papatah pulo mangatokan, tanak nasi uokkan lado, kana di hati baok ka dado, sabagai pulo den katokan, anak anak kanduang sibirantulang, tetap pendirian kokoh katagak an, sifat rimbang jan dipakai, calako mudo tu mah anak, sifat rimbang anak kanduang, itu taragak itu katuju, bak pimpiang tumbuah di lereang, kamano angin nan kareh, kakayuan rabah pucuaknyo, tidak mamandang alur patut, hawa nafsu diturutkan, celaka anak akhir kelak, anak kanduang Muhammad Arif, nan ketek Siti Arifah, kalau anak hendak mangecek, atau mamakai tiap hari, baik parangai kalakuan, talatak satu di tempatnyo, jangan bak cando mudo kini, angkuh angkuh kalakuan, baik tabiat jo parangai, nan den caliak den pandangi, mancameh marusuah hati, kok tacimpuang anak kian, laku parangai urang kini, angkuh-angkuhnyo nan mudo-mudo, baiak jantan atau padusi, antah mano ka dipiliah, saroman sarupo iyo bak satali tigo uwang, parangai banyak tiru-tiruan, tidak bapikir bagai, tidak bamanuang bahangahkan, baru takana lah malupoi, baru tagak lah bajalan, setelah duduak lah mahunjua, kok nan jantan den katokan, babaju kain palambek i, baupian kalopak laweh, badasi sampai ka pusek, basarawa pantalun gadang, lawehnyo maampang labuah, dalamnyo manyapu tanah, sapatu gadang tumitnyo, bak taji tajam ujuangnyo, adang bakaus adang tidak, dicaliak pulo kapalonyo, abuak babalah basibak duo, potongan taba kahadapan, tiap jam tiap basikek, tiap menit tiap basago, adang sampai baminyak i, lalu kamuko pakai badak, tak ubah jo perempuan, kalau dilihat ka hidungnyo, sarupo camporong kapa, asap mambumbuang ka udaro, pipa dipegang jo nan kida, pangujung sajangka kurang saketek, pahisok putiah nan dihisok, rokok sigeret janyo urang, adang-adang pahisok hitam, rokok maniladang namonyo, banyak ka mandor nan mahisok, antah siapo raso badan, kok bajalan tangah labuah saliriang //16// kawan tigo, ampek, mandaram bunyi sapatunyo, bunyi belanda pulang bariah, kapalo haram kok batutup, antah cino

antah japang, tampan belanda inyo tidak, Minangkabau nan tidak bana, ragu mato den mamandangi, kok batamu urang tangah jalan, baik tuo atau mudo haram mutlak ko basapo, sadang mancaliak inyo tidak, adang batamu jo karibnyo, jalan mamak atau bapak, ampir bisan dikampuang lain, awaknyo disapo urang kama sutan atau bagindo, nyo jawab jo danguah-danguah, antah kalua dihidungnyo, itu nan banyak maso kini, kalau duduk dilapau-lapau, atau di simpang jalan ramai, kecek tidak lain surat koran, penjahit patah duo rupo, beras taserak di tanah japang, lalu dihetong dibilangnyo, tokoh si anu jatuh pelit, kadai si anu tabasalah, awak nyo tahu dahulu si anu banamo jadi damang, jaksa itu ka pensiun, awak pulo nan manakok si anu kini perkaro lah sampai, garin kalendrah, lendrah belum basidang, fonislah sudah dikarangnyo, si anu lah jatuah kalah, duo puluah mambayar ongkos, rumah mandehnyo nan lah condong, kok atab bintang bintangan, lantainyo jungkang jungkatan, sandi ampek tingga duo, belum pernah dilihatnyo, bunyi pantun Minangkabau:

Si manan upas sakawat baju rancak nan dipakainyo Kecil kuman dibalik laut selalu tampak dimatanyo

Orang kancah laweh tangango tajarang di tungku ampek Gadang gajah di bawah mato jarang bana nan diliek

Anak jan bak cando itu, indak katuju tu di mandeh, kok tumbuah musim ka sawah, atau ka ladang mananam ubi, awaknyo jarang pulang, biaso tinggal di lapau, karajo tiap-tiap hari, pai baburu jo angku-angku, urang bagaji dituruikkan, angku pensiun ditampangnyo, alah patang kironyo hari, jam berbunyi pukul empat, digalanggang tibo dahulu, main bola main tenis, atau malakak bulu ayam, lonceng bunyi pukul anam, angku-angku kembali pulang, karumah tingga masing-masing, awaknyo//17// Tinggal di lapau tidur bagaluangan di sanan mangaluah maharang panjang parut lapar pitih tidak ada akan dihandok hutanglah

banyak urang lapau kok indak amuh kapulang takut diibu urang ka sawah awak bamain urang ka ladang tidak di tolong ditahan lapar sampai pagi alang jahatnyo itu anak sakali jangan anak tiru lah sudah manyabit padi nan batuai lah habis pulang nan basabit sudah berhirik kapuak lah panuh barisi padi awaknyo alah mahampir pulang lah banyak kecek banyak tipu panarik hati urang tuanyo maksud lain dalam hati nak mamintak pitih kapado ibu anak den Muhammad Arif anak jangan bak cando itu kok rancak lagak jo tampan tagak saurang balum tahu duduak saurang balum pandai hidup bak ajanyo ibu juo kok tumbuah lapar jo miskin saketek tidak tahu batanggang lari karantaunyo nan pandai ibu tingga dunsanak tingga antah makan antah tidak antah rumah nan lah condong ibu tidak maengong lahi adang-adang marantau ka Kuantan adang-adang ka tanah Jambi ado nan sampai ka tanah kolong duduak manjadi anak samang karajo manakiak gatah ado nan sampai tukang jahit lah sebentar dirantau urang lah dapat pitih dua puluh dapat sakali kagunanyo terus sakali ka rumah Cina kamamalut gigi nan putih kabasenter jo isu-isu kabapalut jo emas kuning lah habis pitih dua belas tingga salapan anyo lahi lah malam kiranya hari pukul tujuh sudah makan lalu sakali kabasahut kamanantuan kemedi gambar lah habis pulo rupiah satu main habis kambali pulang badan talalap hari siang pukul salapan barisuk hari lekat pakaian sapatagak bukan main tampan diri bak rajo jolong dinobatkan angkuh sultan jolong naik terus bajalan ka toko Cina ka rumah tukang potret nak bagambar maksud hati ka dikirim pulang ka kampuang di dalam bagambar diterangkan cincin emas dua pasang lakat di jari keduanya buah baju lima buah cukup tujuh jo konapnyo rantai loji berat dua tahil tersampang sabalah kiri kalau dipandang sapinteh lalu //18// Tampan saudagar nan batokoh, nan sebenarnyo barang itu barang disalang kesemuanya, tukang potret nan punyo bana, habis karajo potret sudah lalu ditabus anyo lahi, pitih tujuh tinggal ampat, nan tigo pambali gambar, ongkos pengirim belum masuk, pulang ka lapau anyo lahi, Barisuak hari pukul salapan, gambar dikirim pulang ka kampung bertambah pokok jo parangkonyo, lah tibo gambar di rumah, surat sepucuk

disamakan khabar baik bacaan surat badan sehat pikiran sanang, urang di rumah suka semuanya dilihat pula gambarnya gigi emas cincin lah emas buah baju pun alah ameh pulo, rantai loji nan santiang bana, kamanakan bagadang hati melihat tampan mamaknyo raso beruang berpuluh ribu, sampai baniat jo banazar kok untuang mamak den pulang, aden beralat seekor kambiang, mamanggil urang barzanji, lorong kapado mamak si upiak, samanjak bakirim gambar, hati nan tidak sanang lahi apo karajo tak salasai, pikiran raso di kampuang, lah habis maso setahun, lah masuak katahun dua, dihitung utang jo piutang kiranyo banyak nan tasaok, balabiah pitih induak samang, untuang baribu kali untuang induak samang urang pamurah, utang lepas belanjo boleh, kira akan ongkos ka bekal pulang, lebihnya pambali tas peti kulit nan banyak kini untuak panyimpan pakaiannyo, lamo sebentar antaronyo, lah tibo garin di kampuang, lalu sakali naiak rumah, alah sudah minum jo makan marokok sabatang dua, kamanakan lalu bertanyo mamak jawab tanyo den, rantai loji jo cincin mamak buah baju nan limo buah cukup tujuh jo konapnyo, dimano mamak latakkan, sabab tidak tampak den pandangi, mandanga kato nan bak kian, muko lah merah-merah padam paluah dibadan lah mangalir, kok duduak lah kaluah kasah, lalu nyo turun dari rumah terus bajalan kalapau sampiang, lah batamu jo urang banyak, kawan-kawan nan dahulu, lah ganti sirah manyirah lah bertimbang kampir rokok, banyaklah kecek-kecek jo barito, bahaso bukan Minangkabau, antah rayu antah palayang, bahaso kolong ciek-ciek, lah gaduah urang mandangakan, habis maso satu bulan, tiap pasar habis di turut lusuah //19// Pakaian sapatagak, utang di lapau alah tumbuah bali rokok api-api, adang-adang minum jo makan baitu pulo sewa bendi, lamo sebentar antaranyo, dihitung hutang di lapau ditambah jo sewa bendi cukuplah garin tangah ampat, dilihat dampak tak berisi, dimanung-manung dipikirkan, dimano pitih kadiambil, eloklah tas digadaikan ditambah jo baju sahalai, tinggal sarawal jo kain saruang, indak cukup sapasang lai, nan janggal pulo den caliak-caliak laku parangai muda kini, tampan nan bukan main-main, rancak nan bukan ulah-ulah, bak raja jolong nobat, angkuh sultan jolong naiak, kok batamu ditangah jalan disangko jaksa atau

damang, tapi dilihat urang tuo nyo mipis tapak dek bajalan, pai manggalas tiap hari pai pagi pulang patang mancaharikan parut nan tak makan, kok kapalo nan tak batukuik pungguang nan tidak basaok, indakkah malu nyo diurang, kok tak kahibo dimandeh nya bujang apa iko namanya, pado hidup baiklah mati, anak den Muhammad Arif laku parangai anak nan bak kian, sekali jangan tiru binasa anak kasudahan, bakato Siti Budiman, alah jadi itu dahulu untuk bamulo kaji sajo, utak anak balum kuat, pikiran balum tatap bana, kok den tambah bana banyak-banyak, kalapas sajo kaluar elok saketek asal tatap, apa gunanya banyak tasirok, bakato Muhammad Arif, patwa ibu kanduang hamba anak pacik harek-harek, anak pagang taguah-taguah, siang hari kajadi tongkat malam kajadi kain salimut, alah kasanang hati mandeh.

Siti Arifah Akan Masuk Sikola

Khabar baralih tantang itusungguh baralih sanan jua lorong kapado Siti Arifah lah sampai umur tujuh tahun masuk salapan jo nan kini quran alahlah tamat rukun syarat alah saketek sambahyang sudah bamulai sifat dua puluh alah pangkanyo lah patut masuak sikola sikola di sanan ado kini pendek kata kito ambil siupiak Siti Arifah dua tahun di sikola lah tamat sajo sikolanyo //20// Utak nan jalang bukan main dua kelas habis satahun tahun katigo inyo kaluar mambawo surat dari gurumenyatakan tempat belajar satu ketika pukul tujuh pagi-pagi hari jumat bulan tahunnya tak disabut sadang duduak basamo-samo dirumah budi caniago di kampuang talago manis bakato Siti Budiman tuan datuak rajo adil tantang siupiak-siupiak siti aringah sikolah desa alah tamat suratpun dapat dari guru mnyatakan tempat belajar den piker-pikir den manuangkan patut disambuang sikolanyo masuak khusus perempuan nak pandai masak mamasak nak tau cuci mancuci pandai manjahit jo marendo sagalo urusan rumah tangga maka baitu kato hamba banyak dicaliak masa kini nan gadis-gadis jolong gadang rancak dilabuah kabanyakan kalau basua tangah jalan takutlah kita memandangi lagak jo tampan balabiahan dikalau lihat ketempatnya saketek tidak pandai basegehdi dapur nan tidak

bana bakato datuak Rajo Adil dihamba tidak basalahan apo karajo nan kabaik tapi samantangpun baitu kok sibuyuang Muhammad Arif sudah kau tunjuak kau ajari sanang hati den mandangakan siupiak Siti Arifah patut bana diajari jangan lakunya tiru-tiruan lihatlah de kau mudo kini kalaulah tinggi sakolanyo saketek tidak tau diadat diagama nan tidak bana kalau dilihat lagak tampannyo antah nyai antah kontrak ragu mato den mamandangi bakato Siti Budiman kato tuan nan talompat hamba pacit harat-harat hamba ganggam taguah-taguah barilah kini den amalkan sementara dihampir tuan kok pandai dapat olesnya kok kurang buliah batokok sasat buliah basurutkan bakato Siti Budiman anak den Siti Arifah anak kok pahi ka sikola masuk mis perempuan bawo bekal agak saketek bawo balanjo agak samiang kini den ansur mambarikan esok buliah den tambah pulo kalau umur ado panjang kok jadi anak masuk mis kapandaian sajo anak cari laku parangai jan ditiru tartib sopan nak den tunjukkan nan qori di adat kita nan lazim dalam syariah den tarimo dari mamak kau //21// Bagelar datuak Rajo Adil panghulu dalam nagari nan dijawat dari bapak kau Muhammad Sidiq Faqih Arifin nan alim dikampuang kito bamurid panuah sukuliliang sungguhpun anak basikola salamo nyawo dikanduang badan agamo jangan anak gadaikan adat jangan anak jual kapandaian buliah kito cari asal manfaat pado kito tapi pandirian tatap-tatap jangan bapaham bak ujuang batuang kamano angin nan keras kakiun rabah ujuangnyo balaku sombong sakali jangan fi‘il sombong jangan dipakai itu pantangan adat kito den dengar dari mamak kau disyarak dilarang sungguah nan fatwa dari bapak kau Muhammad Sidik Faqih Arifin nan den sabut-sabut juo sifat pamalu jangan tinggal itulah benteng perempuan kok batamu jo laki-laki nan bukan muhrim kito bukan kaum bukan family tak buliah banyak mangecek kiro paralu sajo buliahnyo nan labih jahat dari itu duduak sabendi jo urang lain nan bukan family awak mamak tidak suami tidak bapak dan kaka tidak pulo berguru atau sahabat fi‘il sombong itu namanya sabagai laki-laki anak den kalau anak tinggal di rumah laki-laki naiak dihadapan anak nan jangan lalu lintas tatap saja dibalakang galak-galak sakali jangan galak tabahak galak syetan sakali jangan anak pakai apo karajo baik-

baik tanang-tanang apo dibuat jangan serupo urang di lapau hiruk pikuk buninyo perang basongkong satu sama lain anak ku banyak galak-galak banyak mangecek jo laki-laki nan tidak qorib jo muhrim tandanya anak tak pamalu lah runtuah benteng perempuan alamat musuh akan masuk ialah setan jo iblis binasa anak kasudahan sebagai pulo anak kanduang sifat pamalu kalua kurang bak sipulut di tapi jalan siapa urang nan lalu nak mangambil saketek surang dangakan sabuah lahi nan den pandang den caliak-caliak laku parangai gadis kini tantang mamakai jo mangecek ataupun tingkah kalakuan banyak bana nan sombong-sombong sakali jangan anak tiru kok bakawan bak rupo nona batas terbuka enggan lutut tangan terbuka kaduanya dari ujuang sampai kapangka //22// Leher kapalo jan disabut sungguh pakaian serupo nona tapi salendang dilatakkan angkuh tabawo tampan tingga madam inyo bukan gadis kito nan tidak bana antah ular antah belut Tuhan Allah nan katahu ragu mato den mamandangi kok lah gadang nyo saketek kapandaian alah samiang haram kok amuah diparintahi diam di rumah larang basuo di dapur nan tidak bana nan katuju tiap siang malagak kian kamari ilir mudik masuk pasar babaju kabaya songkek baju bakuruang pantangannyo bak sumpit barisi beras baitu tampan tagak nyo indak bantuak saketek jua banyak urang nan manyabut basipatu bajolong juliang kok solob tinggi tumitnyo kain jao tapi balipek panyanggur gadang jalan maungkuak bak rupo hantu den pandangi payuang dipegang jo nan kanan tas dipacik jo nan kida rupo bakapit kakatiak kapalo haram kok batutup tagak bulu den mamandangi kalua pahinyo ka pasar adang bakawan jo mandehnyo sarupo koki mairiangkan alah tibo garin di pasar lah batamu jo kawalnyo bujang sakola nan dahulu adang-adang jo guru-guru guru nan kurang beragama di adat balumnyo tahu jolong batamu nyo lah basalam ado saminit antaronyo sampai baguyang-guyang tangannyo nyo jo tuan-tuan adang salereng inyo bajalan kok kecek karesah pasiah tampan balando jolong basua urang tuanya mandangakan tacangang tangango-ngango hati nan suka-suka bangis didengar anaklah pandai siko tumbuh suko hati dipandang kalakuannyo banyak salah banyak sombong disiko tumbuh hati bangis anak den Siti Arifah laku parangai nan baitu

tidak dimakan ulur patut adat bukan pasak tidak disyarak tarang batagah tagak bulu den mandangakan bangis apo nan ditiru lagak nan mano nan diconto tak ubahnyo den pikirkan bak buni pantun urang siko

Tumangguang mambali padi Dijamur di atas bauk Nyonya tanggung anak tak jadi apo kanamo badan awak //23//

Nan labih jahat dari itu laku parangai gadis kini tiap hari pahi ka pasar masuk toko kaluar toko ka toko bombai nan labih bana mancari kain model kini kain nan jarang rupo tangguak sedikit tidak menutup aurat paubat dingin nan tidak bana alah dapat kain dibali dibuat kabaya senteng pinggang sampit tangannyo sampit kutangnyo kutang basangkut tabiduak badan sakarek leher kapalo jan disabut adang lahi baunduang-unduang rupo batutup kapalonyo tapi kain nan dipakai labiah jarang dari tangguak lahi umpamo tidak jua itu nan banyak maso kini kutuk Allah nan kamamakan tagak bulu den mamandangi adang-adang den caliak-caliak waktu zuhur sudah makan dipasang pulo pakaian tagak lurus dimuko camin dilemok muko bak malepoh hati lah tibo pulo di pasar hendak manonton beko malam melihat komedi gambar pukul empat patang-patang mananti hari pukul tujuh kian kamari inyo bajalan dimano urang nan rami inyopun ado pulo di sanan gadis apo iko namonyo pado lahi baiklah tidak kok lamo bana hidup nyo kamanambah malu ibu kamanokok aib bapak pado hidup baiklah mati kamarusak dalam pun lah salah alah tasorong mulo dahulu menurut kahendak anak anak dibayar salelonyo saketek tidak dibantuak tidak ditimbang pait-pait bak papatah urang siko babanak kaampu kaki batareh kahujuang dahan kini apo kadisabut banyaklah tasorong kaurat lah sukar manyentak kok disentak inyo patah kok lalu kapatah jua lamolah maso nan baitu sampailah kira tiga bulan padi di sawah sudah tabit mandeh nyo naik ka atas lumbang kiranya padi hampir habis tinggal sedikit inyo lahi untuk dimakan agak sabulan nan lain habis dijualnyo dek anak siupiak kinang mandeh turun di atas lambung dibarut dada dikaluahkan tidur mangaluah maharang

panjang malang kamano dihimbaukan kok disabut-sabut bana malu jo aib nan katumbuah elok ditutup mati-mati bakato Siti Budiman //24// anak den Siti Arifah sagitulah dahulu utak anak balum kuat pikiran balum tatap bana kok banyak bana pangajian banyak hilang dari hati bari sadikit asal tatap tidak guna banyak keluar kini pailah sikola buliah dihantar mamak kau iyo Datuak Rajo Adil dalam sikola rajin-rajin banyak lalai sakali jangan bagalut-galut nan jan bana bakato Siti Arifah fatwa mandeh kanduang hamba anak pacit harat-harat anak pegang taguah-taguah siang hari ka jadi tongkat kok malam kakalang hulu alah kasanang hati mandeh.

Muhammad Arif Akan Masuk Sikola Agamo

Khabar baraliah tantang itu sungguh baraliah sanan jua bakato Siti Budiman anak den Muhammad Arif adiak ang Siti Arifah lah masuk sikola mis nak pandai jahit manjahit nak tahu mancuci kain sagala hurusan rumah tangga tantang buyuang anak kanduang piliahlah ampat parkaro kajabatan untuak anak mano katuju buliah pakai asal cukup rukun syaratnyo

1. manjadi urang alim suluah bendang di nagari camin terus dalam suku tampat batanyo dinan banyak
2. Manjadi saudagar atau orang kaya dalam nagari tampat batanggang dek nan bangsat paulas urang keputusan
3. Jadi ambtenir jadi ujung jadi jakas jadi damang sebagainya pagar basi dinagari karajo manjago kaamanan

4. Jadi panghulu kayu gadang di tangah kota tampat balinduang di rakyat kok bajalan batongkat budi kok duduak pegang naraca Anak den Muhammad Arif karajo nan ampat itu sasudah
   tamat sikolanyo ado lagi rahasia nyo kajinyo dalam pahamnyo halus isuak buliah mandeh tunjukkan bakato Muhammad Arif karajo nan ampat itu dua saja nan tercinta

5. Menjadi urang alim waris turun dari bapak den suluah bendang di nagari camin terus dalam suku

6. Jadi panghulu pusako di Minangkabau buni papatah urang siko //25//

Ramo-ramo sikumbang jati Khotib indah pulang bakudo Patah tumbuah hilang baganti Pusako di sanan jua

Bakato Siti Budiman kok itu nan katuju masuklah anak kasikola mangaji anak dahulu nak tahu di Tuhan Allah tahu sagalo sifat tuhan begitu juga pada rasul supaya dapat percayai apo hukum disampaikannyo baitu pulo halal haram shah batal sunat paralu semuanya anak ketahui parangai hati pulo anak baik dan jahat hendak basukan hukum mahukum baitu pulo dakwa dan jawab siksa bainah semuanya tarang dalam utak jangan sasat anak mahukum tantang balanjo jo ongkosnyo uang sikola bali kitab nak mandeh carikan jua Insya Allah tidak kakurang kalau Tuhan ado manolong tatapi ingat anak sanan iblis jangannyo lalu baikkan niat jo sangajo manuntut karna allah apo ilmu nan lah dapat barang pangajian nan lah matang terus dipakai diamalkan kabekal pulang ka akhirat jangan sangajo untuak dunia tuah pangikat wang jo pitih sakali jangan itu anak sabagai anak kanduang manuntut ado tartib paralu ain dahulukan paralu kifayah nan kadua sudah itu nan sunat-sunat ilmu harus pangabisan jangan bak cando urang kini mangaji tidak batartib mano katuju nan dikaji tak mamandang halur patut adang den caliakkan kajilah sampai ka atas langit tambo alam sangatlah mahir sampai pangajian kaeropa tanah arab jangan disabut kalau dikorek di selidiki mandi janabat balum tahu ado pandai kareseh peseh bahasa inggris dan jerman tapi qobilah balum tantu sambahyang turut-turutan urang taqlid dicacatnyo inyo mambuat tiap hari sabagai pulo pataruh den mambali sabanyak pitih bababan kira katajujuang mamakan kira katalulur jangan bak cando urang kini sifat rimbang dipakainyo itu taragak iko katuju maksud sagalo pandai tuan dutur tengah di awak maneter lambu awak pulo tuan hakim tuan master mentri hewan mentri rimbo tuan tambang tuan toko jadi basitur awak pulo talayan-talayan sabagainyo //26// Sagalo bahaso dapat dihawak anak kanduang Muhammad Arif mandeh tangguang indak sampai antah kok paruak-paruak sajo dapat pakawan tidak mungkin akhirnya anak pitih tanggung pitih taba harga murah sagadang muda lalu sapitih

kok murah amak danga papatah Minangkabau nak (tidak terbaca) jo diujung jari nanlah lapas dengarlah pantut Minangkabau

Anak anduang katitiran Anak barabah ampat-ampat Nan dikanduang baceceran Nan dikajar indak kadapat

Dengar sabuah lai nak duo pantun sairiang

Sikua capang sikua capeh Hinggap dirantiang kayu baringin nan seekor tabang nan seekor lapeh tahawa dihabu dingin

anak kanduang Muhammad Arif isi tujuan kato nantuan nan biasa maso sakarang banyak ilmu nan dituntut pak umum namonyo kini sifat baraliah kasitu den tapi sabuah tak nan sampai agamo nan tidak bana satu ilmu tak nan matang antah kok paruak jo pahut mahiruak disampiang lawah atau dihalaman lapau-lapau dibawo karajo indak mungkin situ tak dapat digunakan tumbuah kamatian dalam kampuang dipanggil urang kasumbayang situ den rukuk awaknyo lah hiruak urang dalam kampuang tumbuah salisiah dinagari kamangaji shah jo batal dimuko imam jo khatib dihadapan datuak jo panghulu alim ulama nan di sanan mambawa kitab furu’ syariah tapi situ den nan bapak umum kitab kifayah dibawonyo pangajian sifat dua puluh alang jangga nyo itu anak nan labiah hebat dari itu tabligh dimuko umum atau pidato jo balesang bukan main lancang mulut banyak pamandangan nan disabut lah tangakoa urang mandangarkan tapi ditanya satu-satu pangajian zakat jo fitrah jarinyo kambang dahulu kadijawab tidak dapat kaditolak dapat malu awaklah pulang //27// dari mesir nan labiah manggalak bana dipanggil urang kenduri situ den ampat jo limo maksud nan punyo rumah nak bakahandak khatam quran atau shalawat jo doanyo tahlil jo barzanji satu urang tidak nan pandai tapi kok Koran dikatangahkan maukur gunuang jo tunjuak raso kasamo tampak jauah barabut inyo mambaco itu nan banyak maso kini anak jangan sarupo itu sabagai laki pataruah

den kaguru hendak beradab atau kapado urang tua mambari salam jolong batamu jabat tangannyo basapahah lalu dicium tu sakali apo suruhnyo hendak diturut berang tagahnyo dihantikan asal jangan malawan syarak suruhkan untuang buat-buat sangkalah dibari dibalinyo buliah nyo jual nyo gadaikan atau nyo suruah apo karajo dangalah kato saidina ali suami siti fathimah binantu kanduang rasulullah rajo alim khalifah nabi dirinyo budak dari gurunyo buliah dijual digadaikan atau disuruah apo karajo baitu kaji bapak ang den danga masonyo hidup jangan sabagai urang kini saketek tidak baparangai kaguru banyak malawan nan labiah bana ka nan tua nan kuluk dipandanginya anak den Muhammad Arif jaso guru bukan sabuah labih sabagai bpak kanduang dari narako dihelakannyo dari bodoh inyo cerdikkan wajib sakali tarimo kasi sabagai syukur mambalas jaso samaso bapak ang hidup inyo mangaji den dangakan kato nabi junjuangan kito kalau urang babuat baik wajib dibalas sadapatnyo kalau tidak kito barutang didunia tidak berkat tapi nan banyak den caliakkan kalau tak lalu nan dihati atau baranjak tempat diam labih-labih bapartai guru kolok dipandangi awak modern jakny awak pandai bahadis baquran bapak umum lah santiang pulo tapi janyo awak saurang balum diuji kanan pandai bak loncek dibawah tampuruang suko malawan bakeh guru guru dipandang hina bana sampai mambehot karajo guru inna lillahi mandeh sabut murid narako kumuah garin tak ubahnyo den pandangi bak ayam mangasuah itik alah gadang nyo saketek inyolah tajun masuak air hanyut karantau ditantangnyo adang-adang den caliakkan bak ayam harga //28//sikupang bak kambiang harga tangah dua bukan main keletiak jari dikacak langan lah bak langan dikacak batis lah bak batis bukan disangka padang datar patwa guru banyak nan salah kaji guru bid’ah sajo tapi kalau diselidiki dihandang ditampi taruih dipiliah ateh ciek-ciek iyo jua kaji guru tapi kalau kamarantau kamancari suaro tingga kamaajar anak-anak atau tabligh dimuko umum urang tak amuah manarimo sabalum surat dari guru siko takana guru lamo lah paguno guru kuluk kambali pulang inyo lahi dating mangadap kaguru lamo duduak manakur suaro lunak maminto surat katarangan pangakuan bahaso murid tak ubahnyo den pandangi bak ampam

kucing sholeh duduaknyo manakur-nakur urang malengah inyo manangkap sabagai laki den katakan urang malawan bakeh guru nan den caliak den pandangi didunia lah dapat ‘iqob adang-adang tabuang pulus kapapua kabawo pandigul ado mulutnyo nan ditutup tidak boleh mangajar lahi atau tabligh dimuko umum adang hidupnyo malesaik tidak tantu katagakan kama datang urang tak suko sabab manggaduah dikampuang urang mangusut dalam nagari dagu dagi kasalahannyo mangguntiang barang nan bantar mahanjak barang nan tatap tukang cukur kasudahannyo atau manakiak-nakiak gatah anak den Muhammad Arif anak jangan sarupo itu sabagai laki pataruh den kalau anak masuk sikola bahaso arab nan dikaji hadis quran nan dipaham kias ijmak nan di bantuak cukupkan alat pakakasnyo shorof nahu mantiq ma’ani ilmu hadis dan tafsir ilmu usul nan labiah bana ilmu lugoh tak boleh kurang kitab kamus kitab sihah atau nan lain sabagainyo nasikh jo mansukh umum jo khusus atau sababnyo turun ayat kata sahabat dan ijmak dapat semuanya tu nak kanduang banyak lagi yang lain-lain nan tidak mandeh sabutkan kaji sajolah jo guru ang hadis quran ank kanduang bahaso arab nan dahulu sifat balaghoh jo pashohah bukan mahacam bahaso kini bahaso banyak masuk campuran bahaso arab nan lamo-lamo bukan (tidak terbaca)//29// mamahankan hadis quran nan labiah bana paralu tahu sabab turun sabagai laki den katakan kalau mangaji disikola kaji kitab sampai-sampai dari awal lalu ka akhir dari pangka sampai ka ujuang maksud matan habiskan bana nan muthlaq ado qoidnyo nan umum ado tahksis latakkan ayat di tempatnyo bagitu hadis kata nabi kata ulama dalam kitab jangan ditukar maksudnyo jangan samacam muda kini mangaji bakarek- karek kaji kutipan nan dipakai diambil mano nan murah atau sekira nan katuju disalin kabuku hijau sangkut pautnyo jo nan lain saketek tidak nan tantu sasatlah paham kasudahan jadi manggaduah dalam kampuang mangusut urang dinagari lah putus silaturahmi bacari anak dengan bapak bisuak mamak jo kamanakan guru jo murid jan disabut sabagai lagi den katakan salamo anak balajar bapatwa nanti dahulu banyak nan alim dari kita pulangkan sajo kanan tua nan lamo hidup banyak dirasoi jauah bajalan banyak basuo itu papatah Minangkabau jangan

samacam ayam gadis kalau batalur agak ciek hiruak kotetnyo dalam kampuang bakucang tando tak panuah bariak tando tak dalam anak den Muhammad Arif sakitulah dahulu kamudian kalau hayat buleh mandeh tambah pulo pahilah anak kasikola rajin-rajin anak balajar sungguah manarimo palajaran supayo lekas anak pandai bakato Muhammad Arif patwa mandeh kanduang hamba pegang taguah-taguah siang buliah jadi tongkat kok malam jadi salimut alah kasanang hati mandeh.

Muhammad Arif Akan Jadi Guru

Bakato Siti Budiman anak kanduang Muhammad Arif anak kok lapas disikola tamat sikola kalas tujuh dapat surat dari guru surat palum maso kini surat ijazah danga namanya disiko anak maka susah sabagai duduak dimato padang bak manitih banang sahalai murah jatahnyo kiri kanan anak kok duduak dalam kampuang jadi guru dinan banyak suluah bendang dinagari camin tarus //30// Dalam suku tempat batanyo dirakyat pandai bargaul latakkan satu ditempatnyo nan tua patut dimuliakan nan muda hendak dikasihi samo gadang lawan mufakat niniak mamak dalam nagari mulutnyo didengar urang pangajar diturut rakyat apo pangajian nan maraso nan balum biaso diamalkan balum tapakai dinagari elok panghulu malakukan ulama tinggal bapatwa buni papatah Minangkabau syarak mangato adat mamakai kamudian bulih den jelaskan anak den Muhammad Arif urang kok datang sakaliliang nak mangaji pado anak bagi-bagi darajatnyo ado kayo ado miskin ado mulia ado hina siko anak tagak lurus samo disayangi dikasihi sangkolah murid anak kanduang jangan bak cando nan den caliak bamurid balabiah kurang agak sayang ka nan kayo agak kasiah ka nan mulia tanda mangajar tak ikhlas itu banamo sifat riya masuak narako kasudahan sabagai pulo anak kanduang kalau datang urang batanyo tantang hukuman agamo kito halal haram shah jo batal sunat paralu jo makruh disiko anak labih susah narako sajo tantangannyo ingatlah anak kato junjungan nan den danga dari bapak ang urang barani bapatwa itu barani masuk narako sabagai pulo den dangakan waktu bapak ang hidup ditanyo urang imam malik alim madinah baliau tu

pangarang hadis muatthok guru diimam kito syafii ampat puluh tanyo nan datang ampat sajo baliau jawab lambok nan dari pado itu baliau bilang indak tahu junjungan kito panghulu alim satu kali ditanyo urang bumi mano nan labiah baik baitu pulo nan labiah jahat kato baliau balum tahu nanti dahulu den tanyokan sabantar turun jibrail mambawo wahyu dari tuhan untuak panjawab tanyo cako tampat nan baik atas bumi ialah tanah jadi masjid nan jahat pula ditarangkan iyo tanah jadi pakan sabagai lagi den katakan kalau anak bapatwa jangan anak barcapat-capat pancapat datang dari syetan elok manyasal tak dikatakan bulih dikatakan bisuak hari tapi manyasal takatokan sukar bana manyintak surat nan labiah jahat dari itu kok lagi hitam atas putih buku bacetak alah sudah //31//Alah kambang kian kamari kalau ditantang ditampi taruih dipilih alah ciek-ciek dibuka kitab nan gadang-gadang dilihat kitab jo sunat dibantuak kias jo ijmak dilatakkan satu di tempatnyo dengan cukup alat pakakasnyo kiranyo banyak nan salah nan haram lah jadi halal amalan sunat jadi bid’ah sabab pancapek mangatakan barabut-rabut bapatwa bakajar mangarang kitab mutah talingo den mandangakan sabuah lahi anak kanduang kalau ado urang nan alim nan lah tua dari anak elok baliau bapatwa anak mandangalah dahulu pado maso sahabat banyak bertolak-tolak bapatwa jangan bak cando muda kini sangat pancapat bapatwa sapotong hadis nan dapat satu ayat hapis quran ujuang pangkanyo balum tantu apo sangkutan jo nan lain apo tujuannyo balum tarang lekas saja diamburkan adang talatak ditampatnyo tapi nan banyak den pandangi indak talatak pado tampatnyo sasat amalan urang banyak dosa batimbun untuak kita anak jangan sarupo itu danga papatah Minangkabau manjadi pantun din an mudo.

Hujan labat hari kiamat Runtuah gunung kajar bakajar biar lambat asal asal selamat tidak kalari gunuang di kajar

biar lambat asal salamat tidak kalari gunuang dikajar nan labih jahat dari itu bapatwa nan ganjil-ganjil nan sasuai jo nafsu tidak mamandang kuat dhoif tidak mamandang nasikh jo

mansukh atau mutlak jo muqaid umum jo khusus nan tidak bana ayat sapotong dihotakan hadis sabuah diruakkan patwa nan lamo-lamo pandakatan imam mujtahid nan dipaham maso dahulu dari quran hadis nabi atau kias jo ijmak sasuai dalil jo madlul dibilang sasat jo bid’ah alang jangga nyo itu anak bak sibuta malanyau piriang urang nan punyo disalahkan indak talatak ditampatnyo tapi sibuta tak manantu tak jalan nan ditampuahnyo jadi talanyau piriang urang sabagai lagi den dengarkan sajak patwa nan ganjil-ganjil hiruak //32// pikuak dalam nagari pacahlah urang nan sarumah anak malawan kabapaknyo durhako murid kapado guru kamanakan tidak bamamak hanyo bakahandak hati sajo nagari tidak bapanghulu rakyat sendiri masiang-masiang silaturahim sudah putus nagari indak dapat aman pemerintah bertambah susah adat kusut dalam nagari pantangan datuak katumangguangan larangan datuak parpatiah dagu dagi namo salahnyo mahanjak barang nan tatap mangguntiang barang nan buntal sabagai pulo den dangakan samanjak patwa ganjil-ganjil satu masjid dua jumat baganti-ganti manyumbahyangkan adang-adang nagari ketek satu jumat sudah cukup dek patwa na ganjil jua sampai jumat duo tigo.

Sabagai lagi den dangakan dimaso nan kini juo kecil tahu gadanglah pandai disiko urang batabligh disitu urang balesang babagi-bagi patwa nyo mabuaklah urang mandangakan antah nan mano nan kadipakai adang sambahyang bahantikan sabab patwa balain-lain anak manyuruah mambaco qunut tiap sambahyang waktu subuh dating bantuak managahkan bid’ah sasat nan katanya masuk naraka nan mambaco kaditurut patwa anak binantu kok ketek hati siupiak kok ditolaknyo kadipakai kato binantu jo pandakat kurang sasuai tambahan ank lah disarahkan pitih habis barasolah habis mancari kaji kadipakai anak den Muhammad Arif pintu quran hadis nabi sangat lapang maso kini urang masak tua muda baik pandai atau tidak dapatlah kaji nan ganjil-ganjil balum tadanga salamanya urang mangangkat nabi baru atu mambanum rasul muda kutuk allah dijalan laknat lah banyak pulo urang manurut nan tak bautak bapikiran na’uzubillah mandeh sabut innalillah mandeh ucapkan sabagai pulo kadangaran saketek tidak disangko urang manatapkan qudrat diri

mambari bekas pada alam kaum qudriyah danga namanyo lah kambang pulo disiko lah banyak pulo sikolanyo anak den Muhammad Arif iko nan labiah den rusuahkan musang mamakai bulu ayam kitab quran hadis nabi jadi pakakas kaduanya untuak paruntuah, //33//

agamo Allah anak jangan masuk itu, anak den Muhammad Arif pendek kato den tarangkan kitab quran hadis nabi bahasa lamo bukan kini, sangat manyusah mamahaminya bagi urang nan ado kini, tatapi maso abad nan tigo abad sahabat dan tabiin satu abad dibalakangnyo matohari di tangah siang lampu hidup tarang cahayonyo, logat bahaso balum barubah tantulah mudah mamahaminyo, kalau dibandingkan jo maso kini anak den Muhammad Arif, anak salidikilah alquran atau hadis nabi kito, cukupkan alat jo pekakas, kok sasuai pandapek anak jo ulama nan tigo abad, Alhamdulillah banyak syukur tapi baliknyo kito sabuikan kok basalahan faham anak jo ulama tigo abad, tarang anak bafaham salah, manurut adat nan biaso anak lah jauh dari lupo, logat bahaso banyak barubah Nabi pun sudah mangatokan, nan sabaik baik abad adolah abad nan tigo, sadang itu balabiah kurang sudah abad nan tigo itu mashur, disatoanyo lahia hasil kato den tarangkan tantang ilmu jo amalan nan basangkuik jo akhirat labiah tarang maso dahulu sebab hampir kalampau gadang bait junjungan kito kok kapandaian iko itu nan basankuik dengan dunia, tantulah maso kini nan tak dilihek lah dilihek, nan tak didanga lah didnga, apo sebab demikian nyatolah dan hamuah urang dahulu, lain tidak agamonyo dunia sakiro jadi jalan tapi urang maso kini hamuahnyo dunia sajo, sadikit bana ka agamo kok ado di lahir sajo pada bathin dunia juo lieklah tando buktinyo, apo karajo bahambuah puji sajo, nan maksud atau uang ringgit rupiah, luweh pangkek nan labiah bana anak den mahammad arif sagitulah dahulu isuak kok umur ado panjang nak mandeh tambahi pulo, katonyo Muhammad Arif pangajar mandeh nan talimpah anak pacik arek arek, anak ganggam taguah taguah siang hari manjadi tungkek kok malam jadi bantal kaluang alah ka sanang hati mandeh. //34//

Nasihat Siti Budiman kalau anaknyo jadi ambtenir

Bakato Siti Budiman anak den Muhammad Arif hidup manjalang bahagian, apo bahagian nan tasurek itulah nasib kadipakai, papatah diMinangkabau nan babaris nan bapahek nan batukuak nan batabang kok tasurek diluh mahfuz apo nasib kauntuk kito tantulah kito mandapati, tapikul anak kandung usaho utang dikito apo nan jalan kabaikan kok tasurek untuk anak kahidup mamakan gaji jadi ambtenir Nan karajo jadi ujung jadi jaksa atau galeri juru tulis jadi damang sabagainya jadi kapalo di nagari disiko anak tagak lurus batua batua bakarajo, lurus lurus mamegang pangkek ingati sumpah nan dahulu helo rakyaik kanan bana bawolah urang kanan baik majukan kampong jo nagari kuat maurus pahidupan sawah ladang, bandari polongan labuah tapian jangan lalui balai masajik sidang patang, apo kebaikan di nagari adat jo sarak nan labiah bana.banyak kan jaso kaanak buah labiahkan budi kanagari kusuk jo rabah dalam kampuang lakaslah anak mahilangkan, ninik jo mamak lawan sakato imam khitib alim ulama apo kaputusan dalam rapek anak sakiro manjalankan jangan ma aden bakato surang, bataratik bakuat asing adat bodi caniago mupakaik jadi rajonyo kuat paling kito sabut iyo barajo ka Daulat di luhak nan tigo nan ka kuat paling tak dipakai alah pindah garin ka rantau maso ninik maamak nan baduo kini kito mandapati sabagi lagi anak kanduang kalau anak mananyo urang mamariso urang pakaro pariso juo hati kasih ditanyo jo muluik manih sakli jangan jo molut kasar jo hati bangis hinda jauhi sakali tabukak kabanaran apo jawabnyo nan kaluar tuliskan dengan lurus satu huruf jangan batukar jangan bak cando nan den caliak an ado satangah urang bapankek pankek diambik paniayo tuah untuk jadi pakakeh basuluak kajdi gaduah kapanindeh kawan kawan kapalapaskan //35// hati sakik rangik dilindih jo nan panjang dirahuik sajo jo nan laweh barutang pantang babayar manyalang tak amuah manyuaratkan kok sawah indak bapamatang kok ladang tak ado bantalaknyo mana perempuan nan katuju dihambau sajo jo pangkek tabudak manuruk alur patuik di syariaik lan nyato haram masuk narako kasudahan sababagai pulo nan dicaliak ado urang nan ambo liek mananyo urang pakaro maharik mamberang

berang mambulalang mambulalaik manggaretak mahntam hantam takuiklah uarang mandangakan jadi batekar panjawabanyo nan tidak lah di iyokan nan iyo dikaku tidak tahukum di urang nan salah tabayar nan tak bar utang sabagai pulo nan den caliak kalau mananyo urang tatuduah itu tacemo babuek salah tapuak tampa lakek dahulu pengadilan belum basidang hukuman jatuah dahulu adang adang indak tatahan tapuak lakek tampalah lakek nan tidak dikaku iyo tahukum pulo sakali lai nan sabananyo indak basalah hanyolah jawab nan batukar sebab dek takuik kanai tapuak nan tiadak sampai diayukan banyak terjadi macam itu laku satangah urang kini sabagi ladi pitaruh den kalau anan dapek pangkek dapek basuluik mamarintah sipaik sombong jangan dipakai jan anak batinggi hati sipaik takabua tu namonyo urang takabu udu Allah basudaro dengan setan kalau mati masuak narako kalau batanu jo kawan kawan muluik manih baso nan baok itu perlaku anak pakai nan tuo anak muliakan nan ketek hendak kasihisamo gadang lawan musyawarah sungguhpun anak dapek basuluik bangsa nan jangan dilupokan adapt dan sarak jangan dijual jo basulik nan tak ka lamo jo gaji nan tak ka kekal itu pantangan ninik moyang ingek papatah minag kabau satinggi tinggi malanting katanah jou kambali satjauh jauh marantau akhirnyo pulang ka kampuang satinggi tinggi bapankek akhirnto masuak pakuburan sabagi pulo den katokan papatah diminag kabau hidup di ateh dunia nangkoroda padati umpamonyo sakali berambung ka ateh sudah itu bersintak terungang baganti papatah pulo kok kayu sakali surang siang jo malam duo balawan ujan jo paneh baganti ganti samantaro hari siang elok lah //36// malam di pikiri samantaro paneh elok pikiri hari kahujan pendek kato den tarangan kalau hidup mamakan gaji manarimo upah itu namonyo apo karajo nan di upahkan hendak karajokan baik baik jangan berang urang maupah anak den Muhammad Arif nan den calaik den pandangi saurang manjadi laras atau kapalo di nagari waktu pagang basulut gagah nan bukan alang alang rangik disangko budak anak buah raso dibali man den bakato surang apo karajo dalam nagari pantangan bana kamufakat hanyo nan suka bakato surang adat habis agama habis nafsunyo sajo dilakukan tumbuh karajo dalam

nagari lai patuik mamakan ongkos awaknyo tibo dahulu mangguntiang dalam lipatan sadang manyalam minum air itu maksud di hati nyo kok karajo tak beronkos indak kadapek inyo manyalam hatinyo sagan mauruskan salamo mamagang pangkek sawah indak bapambatang ladang tak ado bantalaknyo Bak papatah Minangkabau manden bakato surang bataratik bakato asing datang takdir dari tuhan pihak atas datang kamaesek kironyo kas alah tapakai dek kala kawan banyak salah main muda main judi ba koa hampir tiap malam aduh sakitnyo anak kanduang umur mudo badan sehat karajo sadang dihati kapintaran ado manangah tapi apo kadiabuik laku salah pangkat lah jatuah lun darah sudah bersidang hukuman buang tigo tahun habis karajo badan pulang indak dapek karajo lai ilia mudiak malonjak lonjak surang tak dapek kawan urang banci kasamuonyo maingati laku nan dahulu sungguhpun indak ado karajo basuluik mantari jalan sabulan gaji tigo puluah makan masuak kadalam kain baju nyato diluar kampie rokok kalua masuak iyo akhirnyo iduik sombong sabanta lamo sudah itu lah malas pulo jadi mantari datang pangajaran dari setan bak bunyi pantun urang disiko

Datuk putiah datang di kuti babalik turun ka ranah pado ang bapitih mati elok lah bakalang tanah.//37//

Mati bagantumg kasudahan mati sasek dunia akhirat ingati benar itu anak sabagi lagi nan den like saurang kapalo nagari jadi laris jadi damang jaso banyak ka rakyaik budi baik ka nagari sangaik panyayang ka nan bangsaik sangaik pangasiah ka nan miskin sombong takabua tak dipakai karajo baik untuk umum bali misajik siding patang rumah sekolah lah tiap nagari tampek baraja anak anak sangaik setia pado adaik ka agamo nan labiah bana di bangsa tabidak nyo pandirian sangat tatap sipaik panghulu tapakai bana sampai manggali baliau tu hujan rancak kironyo hari tando alamat urang rusuah sampai baribu urang datang baratuih ratuih bilangan oto bilangan banda jan disabuik isuak harinyo den liekkan baratuih ratuih urang datang mambaco

quran jo tahlil doa panutuik kasudahan mamintak kapado Allah kubur lapang doso ampun rahmat baik datang ka kubur sampai jumat kironyo hari tapi sidang urang tahlil mambaco Qur’an jo fatihah untuk arwah nan mati juo urang kapado urang tidak banyak siap manyuruhmyo dipaso hati masing masing maingati jaso nan dahulu batahun tahun sudah mati urang tak lupo mandoakan mangaji mambaco tahlil untuk arwah nan mati juo adang adang den calik kan babondong bondong urang datang pai ziarah ka kuburnyo sudah ziarah tahlil doa panutup kasudahan anak den Muhammad Arif adolah jadi itu dahulu indak guno pangajaran banyak kalau tak amuah mamakainyo sedikit sajo sudah cukup kalau mamakai lai suko mandeh tutup dengan pantun rahsio adapt minag kabau.

Pulau pandan jauh di tangah Dibaliak pulau angso duo Hancur badan dikanduang tanah Jaso baik ingati juo.

Bakato Muhammad Arif nasehat mandeh kanduang hambo pacik arek arek ambo pegang taguah tahuag siang kajadi tungkek anak malam kajadi bantal guliang //38// alah kasanang hati mandeh.

Nasihat Untuk Saudagar Dan Urang Kayo

Bakato Siti Budiman anak den Muhammad Arif kok takdir pado anak, anak manjadi saudagar duduk di toko di kadaian atau rangkayo di nagari banyak sawah banyak ladang banyak kerbau atau jawi atau nan lain sabagainyo, di siko anak batambah susah kalau tak ado ilmunyo kalau anak jadi saudagar jadi panolong kanagari mahampirkan barang nan jauh mamudahkan hidup anak buah kalau tak ado saudagar alang susah hidup kito, kito hendak kain baju atau makanan dan minuman kaduonyo jauh dari kito ado nan sampai manyubarang bakapal makonyo sampai sungguh baitu ado tandonyo saudagar nan manolong kalau ado labo sadikit barang lantas dijualnyo tidaknyo pandang gadang labo disano

mangicuah pantangannyo kalau barangnyo bar aib tapi tak dapat diketahui inyo suko manarangkan si pambali jangan terkicuh kalau si bodoh datang mambali atau urang sangat hendak haragonyo tidak dimahalkannyo kalau sampai tahun zakatnyo zakat segera dikaluarkan pantangnyo mambuek hilah saudagar kutuak laknat awaknyo nak hidup surang ambil untung sangat banyak labiah labiah kok urang bodoh nan tak tau diharago atau urang sangat handak hargo mambumbuang tinggi disano kicuah sangat murah pamuliakan barang yang hino aib barang inyo suruakkan jangan tampek sipambali sampai tahun tak bazakat banyak hilah dibaulnyo harato jadi ular gadang pamaluik lihia nan punyo nanti dipanggang dinarako anak den Muhammad Arif kok kayo dalam nagari ingek lah guno harato harato dibari Allah guno panutup ongkos diri kaum famili tanggungan kito anak dan bini ibu bapak kalau salabiah dari itu untuk panolong si miskin atau pambantu anak yatim nan tidak ado haratonyo atau sangsaro dalam kampuang paralu umum di nagari untuk masjid madrasah atau jambatan tampek //39// lalu bandar sawah polongan air atau nan lain sabagainyo asal baguno untuak umum kok datang urang pado anak nak batanggang dek miskin hendaklah bari sapatuiknyo kok patuik diparutangi parutangi karano Allah jangan mangambil untung pulo makan riba itu namonyo cukuplah untung di akhirat hasil kato den tarangkan urang kayo tarbagi ampat satu bahagiannyo nan elok nan tigo isi narako satu banamo kayo pamurah nan bak cando mandeh sabuikkan amuah marugi karano Allah harap ka dapek surga Naim nan kaduo kayo ceke kayo loba nak banyak buliah tidak mamandang halal haram bazakat indaknyo amuah banyak hilah nan disabuiknyo tapi urang tahu juo bak manyuruk di bawah lumbuang manunggkuih tulang jo daun talas apo hutang nan wajib wajib labiah labiah nan sunat sunat hatinyo sagan mambarikan datang miskin mintak sedekah atau batenggang nak barutang hatinyo patah dahulu disiko amuahnyo badusta mangatakan tidak ba uang tapi kok amuah mahinok i utang ampek babayar anam sapuluah jadi limo baleh awaknyo bagaluik galuik takuik ka ka lapeh ka nan lain sakurang kurang karajonyo kalau urang datang barutang basyarat juo handaknyo tolong ka sawah jo ka ladang atau nan lain sabagainyo

asal riba hatinyo sanang narako sajo tantangannyo kayo ceke nan buruak bana urang ceke ka dirinyo urang kayo pakaian buruak makanan bakurang kurang untuak urang nan tidak bana pakaian nan dipakainyo kain badawai diirup tidak baulang sakali lai sampai habis tak masuak air baawan ranging rupo bakilek makanannyo pulo den calikkan gulai rasan sambalah lahang bulunyo banyak lah mamutiah belum juo dihabiskan ka tabuang nan tidak bana kalau anaknyo nak mamakan atau mambarikan untuak kuciang sabab rasonyo lah barubah buliah ditukar jo nan lain mukonyo merah merah padam muluik kalua tak manantu untuk barisuak jo baiko awak balum ka mati lai hindakkan sajolah dahulu masukkan ka lamari lah ranging rumah sakarek indak takao maampia lai kok naik urang ka rumah awak nyo makan ditapati atau sadang minum air, air angek indak //40// basobok hati kurang tampak di muko. Lalu bakato ka urang naik rupo babaso pado zahir dilawannyo urang mupakaik kok makan kito baagak saketek sajo jadi urang manjawab hamba kanyang datuk sajolah katonyo hati nan kayo baru sanang dicalik pulo ka tampatnyo kasua sagudang bakambangkan nan sahinggo pinggang kaateh kainnyo berat dek panumbok itu salimuik patang pagi bajamua lai adang adang basasah nan tidak bana bantal bakilek kanai paluah harum kok buliah masuak air kalau malam kito lihat dama apinyo maijok ijok indak buliah lamo dipasang pukul tujuah kironyo hari inyolah tidur dama nyo padam karajo habis siang hari anak den Muhammad Arif iko kayo ceke pandir uangnyo baguno tidak hanyo nan dapek mancaliak sajo dunia lepas akhirat sansai badan mati harto tinggal manfaat tidak pado diri hanyo nan dapek sansaronyo masuak narako kamudian nan manggalak diri itu si kayo ditanyo urang pitih banyak nan banyak iko eloklah kini pagunokan jangan disimpan simpan juo kato nan kayo wahai buyuang harta den akan untuak tuo anak banci kamanakan berang siko paguno harto den tapi badannyo tuo rongkeh kaki nan duo lah jadi tigo bajalan barek ka hadapan setan apokah nan mandayo ? inna lillah mandeh sabuik. Katigo kayo mubazir uang kalua tak batantu banyak paguno ka nan haram main judi main koa apo nafsu dituruikkan babini lai umpamo tidak babaso juo mancari urang nan tak nikah bakawini padi

disisik jo ilalang pendek kato den tarangkan kalau haratonyo kakalua lai manurut hukum Allah kadapek manfaat untuk umum hatinyo sagan dahulu banyak hilah nan di muatnyo kalau nan bukan dibuat urang nan batagah dalam agamo atau tak guno di nagari awaknyo tibo dahulu urang baturun satu rupiah inyo saratuih mambarikan kayo mubazir iko namonyo badunsanak kanduang dengan syaitan masuak narako kasudahan. Kaampek kayo polisir, kayo karano ego namonyo harato untuak diri surang //41// balabiah labiahan rumah tangga atau pakakas isi rumah kain baju jan disabuik minum makan nan labiah bana korong jo kampong jatuh miskin urang nagari banyak tak makan saketak tidak amuah manolong karajo umum dalam nagari balai masjid sidang patang bandar sawah polongan air belum pernah inyo berwakaf anjingnyo nan kadang kadang sampai duo tigo ampek tak kurang makan goreng ayam rumahnyo batahun tahun balun pernah bakanduri mambaco Qur’an jo tahlil patutlah setan diam sinan pakaiaan rumah tingganyo labih labiah pakaian diri banyak bana nan batagah cincin emas loji emas buah bajupun emas pula sampai sendok jo garapu banyak perak den lihat kan main main diateh meja dari perak tampak di den anak den Muhammad Arif kaji bapak ang den dangakan urang polisir macam iko narako juo katampeknyo sakali jangan anak tiru bakato Muhammad Arif nasihat mandeh kanduang hamba dipacik dibuhua mati indak kahilang salamonyo alah kasanang hati mandeh.

Nasihat untuk jadi panghulu

Bakato Siti Budiman anak den Muhammad Arif malang jo mujua tak bacari nan banyawo biaso mati tiok bapucuak biaso layua sakit jo mati den tarangkan titian batu di nagari jalan raya dek urang banyak indak kadapek di ilakkan kok sampai lingkaran mati ka mamak ang nan hidup kini nan bagala datuak Rajo Adil malang tidak buliah kito tulak mujua tidak dapek kito raih manurut papatah Minangkabau manjadi pantun dinan mudo

Ramo ramo sikumbang jati Khatib andah pulang bakudo Patah tumbuah hilang baganti

Pusako disinan juo

Sabagian lagi anak kanduang nak duo pantun sariring nan biaso disabuik urang //42//

Biri biri tabang ka sasak disasak katangah halaman dari ninik turun ka mamak dari mamak kakamanakan

kok sapakaik urang sapayuang nak malatakkan baju nantun ka tubuah anak sandiri tantu tak buliah dihilakkan dibanam kok tidak buliah dilipek nan tidak bana digantung tidak andangnyo dalam payuang tidak salisih uarang sepakat kasamuanyo tantu dipakai baju nan tun paralu anak jadi panghulu pangurus di nagari labiah labiah di suku kito di alam bodi caniago dangalah pantu Minangkabau

rami pakan disari lamak panjual sanduk jo baliung di baliak urang jual pantau kamanakan kok tak bamamak bak biduak indak bapandayuang akhirnyo hanyuik karantau

Anak kok jadi panghulu kaji dulu rukun syaratnyo nan marusakkan panghulu anak kaji dahulu jaleh jaleh nak samparono panghulu anak jangan bak sabuah undang-undang alun tantu jadi panghulu kasudahannyo sabalum kaji den panjangkan danga dahulu sungguh sungguh nak den taunjuak den ajakan asa panghulu dahulunyo maso junjungan kito hidup nabi Muhammad panghulu alam karajo balum babahagian urusan balum bilah hanyo tasarah bulek bulek kapado junjungan Nabi kito rajo dan panghulu pangkek Nabi mamarintah di dalam alam alim ulama baliau pulo bakato patang jo pagi halal jo haram sah jo batal pendek kato den tarangkan rajo tidak panghulu tidak alim ulam imam khatib mufti di dalam alam tidak ado kasamuanyo hanyo dipikul Nabi surang apo sabab nan bak kini ilmu Nabi sangat luas

dado lapang utak waras pandangan terlalu lanjut pengetahuan sanagat dalamnyo satahun baraso kamahal cupak lah sudah dipapeknyo apo kajadi kamudian labiah dahulu //43// baliau tahu apo sabab mako baitu baliau sikola tinggi tidak baguru ka manusia hanyo gurunyo tuhan Alalh jibrail nan manyampaikan waktu nabi junjuangan kito dapek hundian katiko itu karajo tarsarah bulek bulek Abu Bakar nan mamikulnyo maninggal pulo Abu Bakar Sayyidina Umar jadi rajo salamaik alam di tangannyo waktu Umar khalifah duo Sayyidina Usman manggantikan sudah itu Sayyidina Ali Husain sabantar panghabisan habislah maso bakhalifah lapeh tahun tigo puluah manusia tidak nan pintar cando khalifah nan barampek karajo babahagi inyo lai kakuasaan Nabi Muhammad pandai mamarintah dalam alam turun kapado ninik mamak rajo rajo dan panghulu kaaliman junjungan kito tahu di nan halal dengan haram tahu di sah dengan batal turun kapado imam khatib alim ulama dalam nagari mufti kito nan ado kini menurut pandapek mandeh kanduang iko nan pinang dibalah duo maso khalifah sudah habis maso barajo kini lahia disiko ado kato nabi dua golongan umat aku kalau kaduonyo ado baik atau hidupnya ado damai isi nagari tantu salamat duo golongan kalau rusak hidupnyo tidak badamai hanyo salisiah tidak sapakat alamat nagari akan rusak anak buah tidak ka maju nan duo golongan mandeh sabut satu rajo jo panghulu pandayuang dalam nagari malayarkan kamano maksud kaduo alim jo ulamo tukang kamudi di balakang mampaluruih jalan parahu jangan maleset kiri kanan nagari ado umpamonyo danga di anak jalas jalas tak ubah dengan parahu akan balayar kasubarang dimuko duduk juru batu akan mandayuang malayarkan kamano maksud nan dituju di balakang duduk juru mudi mampalurus jalan perahu jangan maleset kiri kanan di tangah banyaknyo sipanumpang nasibnyo manyarah sajo karam jo sasek tak ditangguang hanyo tangguangan nan baduo juru batu dan juru mudi kalau kaduonyo ado damai lai sapakat patang pagi bakarajo lai pandai palayaran sampai ka subarang tidaklah kurang satu apo sipanumpang banyak syukur banyak doa kapado Allah tarimo kasih di ucapkan kapado tuan juru batu bagitu tuan juru //44// mudi, tapi baliknyo mandeh sabuik nan baduo tidak badamai salisiah sajo karajonyo

atau karajo tidak pandai alamat parahu ka tanggalam si panumpang bacarai barai manurut nasib surang surang ka subarang nyato tak sampai anak kandung sibiran tulang nagari nan luas iko manusia banyak di atehnyo disarahkan Tuhan bulek bulek kapado rajo jo panghulu ka mandayuang malayarkan kamano maksud nan dituju di balakang alim ulama imam khatib jo mufti mampalurus jalan kamajuan jangan maleset ka nan salah larangan Allah jo Nabi nan ka mambao masuk narako kalau kaduonyo lai damai alah sepakat bakarajo kaduonyo pulo lai pandai alamat nagari akan damai, apo maksud tantu sampai nagari aman dan makmur. Pado manjadi jaguang maupiah antimun mangarang bungo malayang curi tidak katumbuah sabung judi nan tidak bana anak buah tarimo kasih banyak sukur banyak doa kapado Allah Tuhan kito panjanglah umur mamk kami rajaki murah atas nan halal baitu pulo alim ulam nan salalu manarangi mampaluruih jalan kamajuan baliak nyo pulo mandeh sabuik kalau kaduonyo tidak damai salisih sajo apo karajo atau karajo tidak pandai alamat nagari akan rusak tidak kadapek aman makmur maliang manjadi pancuri banyak main judi nan banyak bana kamjuan tiadak kamungkin antah kok mundur kabalakang anak nagari atau rakyat salalu barusuh hati mandoa kapado Allah pendeklah umur mamak kami nan tidak pandai karajonhanyo mangusuik dalam kampung baitu pulo ulama kami nan tak mangambang alimunyo bafatwa sakali tiadak ulama bisu tu mah garan pendek kato mandeh katakan panghulu di Minangkabau atau rajo dalam alam kamanyuruh babuek baik managah barbuat jahat kamaurus keselamatan alim ulama kita sebut suluah bandang di nagari caminan taruih dalam suku kamambari panarangan disiko ado papatahnyo jadi pantun di Minangkabau //45//

Anak balam jatuah barambau basurik urang di pantai Riuh lah urang kasamuonyo kakuatan alam Minangkabau sarak mangato adapt mamakai samo bajalan kaduonyo.

Sabagi lagi anak kandung nak duo pantun bariring Simuncak jatuh tarambau luko badannyo kanai lambiang Tapancar darah dipahonyo Adat jo sarak diMinangkabau Umpamo aur jo tabiang #Sandar manyandar kaduonyo

Anak den Muhammad Arif kok sampai anak jadi panghulu kok bajalan batungkek budi kok duduk pegang naraca arti tujuan kato tuntun banyakkan jaso kanagari kok mahukum adil adil tiok di paruik jan di kempeskan tiok dimato jan dikicingkan lihek de anak mato keris kisaran panghulu Minangkabau matonyo tajam kaduonyo bukan samacam mato sakin sabalah sajo nan tajam itu pakaian muntia muntia bukan pakaian ninik mamak sabagai lagi den katokan anak jangan putiah santan jangan pulo kuning de kunik kato nan benar jangan ditukar waktu urang parkaro datang manjalang anak kanduang langkapi jo bungkus jo unjuiknyo kabajalan bajawek tangan sakali jan ditarimo harato rusuah tu namonyo, fatwa dari bapak ang masuk narako kemudiannyo sabagai lagi den katokan kalau anak jadi panghulu, banyakkan jago dari lalok banyakkan susah dari sanang maurus kasalamatan anak buah tantang dunia agamonyo baitu pulo penghidupan ka sawah ladang bandar polongan danga dek anak pantun siko.

Tarkilek oto dek pajak Tando Balando pulang baris Bari barkilek mato tajak Nak bakilek mato keris

Dangakan sabuah lai nak duo pantun sairing pantun papatah Minangkabau //46//

Bamalam oto di pajak Datang nan dari lubuak sikaping Tajam tajamkan mato tajak Nak rancak lakek sisampiang

Anak den danga pitaruh tanah kito di Minangkabau bumi lueh tanahnyo subur apo ditanam apo tumbuah pulau ameh disabuik urang rimbo banyak kayunyo banyak batu dan kasiak baitu pulo indak patuik kito tingggalkan nan miskin tinggal di siko nan panyagan bakarajo suko bamain patang pagi nan banyak mandeh caliak sabagai lagi anak kandung panghulu di Minangkabau katonyo didangar urang pangajar dituruik rakyat baok rakyat kana baik kamankan handak majukan nagari hendak baiki balai masjid labuah tapian surau surau tampek mangaji atau nan lain sabagainyo ingek papatah Minangkabau sabagai pantun di nan mudo.

Babelok pai baburu Bahujan di kandang kudo Elok nagari dek panghulu Elok tapian de nan mudo

Tapi syaratnyo anak kanduang damai panghulu jo tuanku anak buah manurut sajo kamano didayuang juru batu dipalurus oleh juru mudi tapi kalau tidak damai kamajuan tidak ka dapek aman makmur indak basuo nan bak mandeh sabuik juo danga dek anak pantun siko papatah ninik mamak jo moyang.

Dimano wali nan keramat Batampaik di hulu sungai Dimano nagari ka selamat Panghulu Tuanku tidak damai Dimano kini kadai baju Di baliak urang jua jimat Dimano nagari akan maju Panghulu Tuanku bakhusumat Hendak sangkutkan sabingka balam Jangan rubuah jatuah tatimpo Patut biduak tertenggalam Nahkodo mamacah tambo

Sabagi lagi anak kanduang syarat syarat panghulu den katokan tigo //47// balas parkaro pertamo urang berakal kaduo bailmu pengatahuan dalam pangajian hukum mahukum dakwa dan jawab saksi bitah katigo barani karano bana kaampek pandai mamarintah kalimo urang pamurah kaanam sabar patang pagi katujuh ingek lagi jago kasalapan bamuluik manih lunak lambut dalam barkato kasambilan lurus pamandangan tibo diparuik tak dikampiskan tibo dimato tak dipicingkan kasapuluh jan banyak garah kasabaleh jangan pandusta kaduo belas berhati kasiah katigo belas budi baik kalau tapakai sifat nantun sah panghulunyo dunia akhirat tapi kok kurang sifat nantun tiado sah panghulunyo adang adang jadi panghulunyo atau pangaleh dan pangali adang pangelok dan pangalang atau pangalah dan pangaluh ado pangalik dan pangali ado pangulung dan pangiling. anak kanduang Muhammad Arif satu satunyo den tarangkan danga dek anak jaleh jaleh arti panghulu den katokan pangka dan hulu dalam nagari ka mambao nagari kito arah ka padang kamajuan ka manyuruh babuek baik ka managah babuek jahek nan bak mandeh sabut sabut juo arti panghuluan anak kanduang urang panghisap darah urang paambil harato kamanakan harato pusako nan dipegang di tangannyo habis dijual digadaikan barang amanah ditangannyo pitaruah anak kamanakan mandabih dalam parkaro pantang kambali ka nan punyo kalau salisih dalam kampuang anak buahnyo parkaro hatinyo sanang mandangarkan kalau dijalang malam hari urang nan dalam parkaro mambawo unjuik jo bungkusan bajabat tangan jolong basuo hatinyo gadang bukan main sia nan banyak mangalang roda biarnyo salah manang juo anak den Muhammad Arif laku parangai nan baa kini sakali jangan anak pakai apo karajo dalam kampuang di rumah tibo dahulu di darat pantang basuo arti pangaliah pulo anak urang culiah lakunyo bengkok manampak padang awak nyo lari nampak lamang awak nyo duduak karajo bapantang sudah parkaro baik balipek //48// putuih talatak biasonyo hilah banyak ruokpun banyak tiok hari mambilang susah tapi sumangek kaciak sajo.

Arti pangali den tarangkan anak paham batua batua urang pamalas bakarajo satu tidak nan manyampik haram sabuah nan manyusah lah di singok api mamakan tidurnyo takali juo

salimuiknyo balum tabukak anak kamanakan lah miskin lah banyak pai marantau namun hatinyo sanang juo banyak kajahatan dalam kampuang (s-y-r) bakar maling curi tikam bunuah samun saka hatinyo tidak barubah asal tidurnyo lai sanang kok laloknyo lai dalam.

Arti pangelok anak denai urang pangicuh dan pandusto bajalan tak amuah lurus bakato tak amuah bana pangguntiang dalam lipatan minum air dalam manyalam apo nan tumbuah dalam kampuang atau karajo dalam nagari awak nyo lah main akal nak mamiuah nak mamilin ini tidak maksudnyo paisi saku sajo.

Arti pangalang anak kanduang pahalangi karajo baik apo karajo dalam kampuang ataupun dalam nagari kito sangajo anak kamanakan balum buliah dilakukan tapi didabiah ayam sa ikua dipanggil baliau makan apo karjo nan takana lah buliah kito lakukan tidak dipandang buruak jo baik.

Arti pangalih pulo anak pandakwa anak kamanakan manahan jariah di pantau malukah dalam balango asa sakunyo ka barisi siapo sajo didakwanyo habis bulan baganti bulan habis tahun baganti tahun balum panah jadi hakim hanyo mabuk mandakwa sajo nan basasa karajonyo diasah ruduih tajam tajam batang pisang nan di pakuaknyo.

Arti pangaluah danga pulo nak den tarangkan jaleh jaleh urang paransua parusuah hati tiok duduk tiok maharang tiok tagak tiok mahala apo karajo tidak nan lalu mabuak dek angan angan sajo cito randah kamauan kurang apo karajo ka dibuek ka di muko hati nyo sagan ka di balakang awaknyo maleh.//49//

Nan pangaliek mandeh terangkan dengarkan dek anak jelas-jelas. Urang panakut ka dihulu apo karajo dalam kampung labih-labih dalam nagari. Awaknyo mangiringi sajo baik mufakat di atas balai atau pun rapat di tangah medan. Sedikit tidak bapandangan hanyo manurut-nurut sajo. Tigo kato kapadonyo Angku Datuk nan disuduh tantangan rundingan nan ka tangah, keputusan kami mintak paluahnyo tabik dahulu jawabnyo kamari pai keputusan manyarah sajo. Kalau tumbuh barapat didanga, komandor

kedatangan rapat. Pukul salapan dalam perintah, pukul lima awaknyo jago manyuruh batanak maangekkan kopi satangah anam kironyo hari, minum sudah makan lah sudah pakaian cukup dilakekkan, awaknyo bajalan lai itun ka balai tampek rapek seorang pun belum ado sanan sedangkan upik belum jago. Pukul delapan kironyo hari lah rapat urang di balai tuan komandor alah lah datang awaknyo manyuruk-nyuruk di belakang urang sajo adang-adang sarupo gogong gilo manyahut muko sajo awaknyo takut ka kanai sambah indak ka pai takut bana.

Arti pangali kito sabuik pahamkan anak betul-betul urang jahat lagi pandengki apo karajo dalam kampung, lebih-lebih dalam nagari. Hatinyo dengki dahulu titian dahulu diragaknyo lubang lah sudah inyo gali karajo baik jan manjadi adang adang takdir Tuhan titian sudah diragaknyo awaknyo pulo nan manitih, baitu lubang nan dikali awaknyo masuk dahulu anak den Muhammad Arif.

Arti pangaluk den tarangkan ialah urang mati hati kalau duduk dalam jamuan, lebih-lebih dalam rapat matonyo takantuk sajo kepalonyo acok tatungkur sarupo ayam kanai lakok apo keputusan dalam rapat ciek tidak nan takana kamano kan datang batanyo apo mufakat urang di balai jawabnyo indak takana atau indak kadangaran awak den jauh di sudut mato den terakuk-akuk.

Arti pangulang den katokan danga di anak jelas-jelas penghulu nan rancak jolong //50// sudah beralat potong kabau. Bajulah sudah di kanakkan bukan main elok baliau rundiang elok karajo elok urusan nan lebih bana kamano kan di bawok payuang lantas mamuji kasemuanyo sampailah kiro dua tahun berangsur hilang cahayonyo, bak bulan hampir ka habis sampai malam tigo puluh sedikit tidak kelihatan bak timbago basapuh perak. Mulo-mulo ruponyo putih banyak urang nan tadayo sebentar sajo kito pakai mukonyo berangsur merah dari sahari ka sahari, dari sapakan ka sapakan ruponyo nan putih hampir habis akhirnyo merah kasemuanyo. Disiko jelas palsunyo cincin parogol basapuh perak isi tambago sebetulnya.

Arti pangilang pulo anak jelas-jelas mandangakan panghulu gadang suaro kicik gadang berbatu gadang tetapi tidak dapat dipahamkan kalau tumbuh berapat-rapat atau pun alat jamu kicik

sajo kedengaran tapi tak tentu ujung pangkanyo. Dimano dapat dipahamkan anak den Muhammad Arif tantang kaji nan tasabuik nan basangkuik jo panghulu. Alah jadi itu dahulu kok den curi den papakan indak kahabis dua hari. Kok lupa anak dek banyak kito sudahi itu dahulu.

Nasehat Kepada Muhammad Arif Kalau Akan Berkawin

Anak den Muhammad Arif nan qawi di adat kito nan lazim dalam syariat kok laki-laki iyo babini nan perempuan dipalakikan. Anak kok dijapuik urang sumando ka kampung lain sapakat ninik jo mamak, lah sakato ibu jo bapak. Lihat dahulu perempuan kalau padusi tak bamalu tidak manaruh budi baik walaupun rupo bulan panuh indak ba fi’il batertib indak manaruh sopan santun janganlah anak amuh sajo mambawo cacat jo binasa hino kito kasudahan asal padusi baik budi lahir batinnyo bak jari manaruh malu dengan sopan jangan dipandang rancak rupo syaitan iblis tu nan punyo disiko ado pantun nan tuo pakaian anak mudo-mudo //51//

Babelok babilin-bilin Dicapo tumbuhlah padi Rupo elok kami tak ingin Elok baso kami cari

Sebagai pulo anak kandung kok sampai ka kampung urang pakaikan alur jo patut kok mangecek di bawah-bawah kok manyauk di hilir-hilir. Nyato awak di kampung urang kok nan tuo di kampung nantun patut dijalang dan diturut atau disapo di tangah jalan baitu nan mudo-mudo. Patut ditegur dengan rokok atau disapo dengan sirih. Jangan anak magadang-gadang kalau anak lalu di jalan urang banyak duduk barangguk janganlah anak lalu sajo, manyapo anak saketek, ka rumah angku indak ka samo duduk siko kalau seiring jo nan tuo di belakang anak bajalan kalau anak hendak dahulu minta maaf baik-baik. Hamba bagulut ka rumah inyik dahulu hamba saketek kalau lalu urang di labuah bahampiran jo rumah anak baolah singgah ka rumah sekalipun urang tak amuah baso basi itu namonyo kalau kito di kampuang

urang sekalipun bermando sangkalah diri urang dagang jangan kita bertinggi di kampung orang jangan baqorib jo bini sajo. Kaum famili di atas rumah baik tuo atau mudo jalan mamak atau kakak mantu ipar dan besan itulah karib kasemuanyo jangan sebagai nan den calik. Bakarib jo bini saurang apo barang dibali dimakan baduo sajo pantangan mamberi urang anak den Muhammad Arif, jikalau sudah anak nikah masuk ka korong kampung urang naik ka atas rumah tangga lah duduk di kasur gadang, peganglah bungkal jo naraco ganggam taraju jo katin tahadap kapado karib kok basalisih bini awak jo dunsanak saudaronyo atau jo ibu jo bapaknyo, bacaran samo sarumah kawani jo kebenaran berangi bana bini awak sambil manunjuk maajari usah bak laku urang kini. Kalau salisih padusinyo dicari akal nan buruk dibuat asung //52// jo fitnah. Diasung-asung bini awak suruh malawan ibu bapak atau kapada dunsanaknya lebih-lebih kepada mamak, mamacah urang sarumah, mambatas urang sakampung jilatang miang tu namonyo sebagian pula anak kandung kalau kito jadi sumando kalau tidak akan menambah jangan dicita mengurangi kok tidak kito baharato usaha malah dipabanyak usaha kok tidak pulo tolonglah urang jo bacaro banyakkan budi nan baguno lebih beribu harganya, kok tidak nan sado itu elok anak tatapan sajo. Badagang disurau tinggal usah babini salamonyo. Kok jadi buah tutur urang di akhirat barutang pulo. Maka baitu kato mandeh kato fatwa ninik kito banyak bahaginyo di sumando satu sumando kacang miang dua sumado langau hijau tiga sumando kutu dapur empat sumando lapik buruk lima sumando bapak paja, enam sumando ninik mamak. Anak kandung dangakan bana. Mandeh tarangkan satu-satu.

Arti sumando kacang miang nan mangusut barang selesai nan manggaduh korong jo kampung bumi sempat alam tak suni urang sarumah dipacahnyo lebih sebagai upeh racun.

Arti sumando langau hijau emas tersirok dinan kalam intan tercecer sedang bedo ulat tinggal acu lah tabang langau tak marungiang lahi arti tujuan kato nantun bini hamil awaknyo talak sampai baranak tidak dilihat.

Arti sumando kutu dapur tidak bajalan hilir mudik korong kampung tak tatampuh karib karabat tak dilihat ibu bapak tidak peduli hanyo tetap di rumah bini amuh ka rimbo bakayu api amuh manumbuk jo batanak mambalah kayu manggiling lado manjaput air adang adang lah samak jalan ka pasar lah buto jalan ka nan rami lah elok langkah ka dapur asal bininyo kian kamari tiap pakan dicaliknyo. Biarlah inyo susah payah nak manjadi kutu dapur urang-urang mangasuh anak matilah iman matilah tungau dunialah cukup sado itu.

Arti sumando lapik buruk itulah urang kalungkahan manjadi hijuk //53// panamba sajo patang pagi dikicuh bini awak kasih bini mangandung bini kok dapat malu besar awak ka jadi alas sajo.

Arti sumando bapak paja urang sebagai kumbang jantan datang rancak painyo rancak datang sanjo painyo pagi apo tidak nan diharap pandai manggoreng indak jo minyak tahu manggulai indak jo santan muluik manis batutur pandai apo keceknyo bak raso air. Bininyo kacang diruok sajo tiok hari raso ka buliah sakali tidak nan sampai.

Arti sumando ninik mamak ialah bumi langit kito ka ganti cincin jo kalung payuang panji tempat balinduang jadi satu jo sadingin tempat mengadukan apa apa kalau terpanjang dikareknyo kok singkek dapat diulasnyo laut budi bacaro dalam paham elok rundingan lamak, anak tiri jo anak kandung tidak basuo kaduanyo urang sarumah dan sapayung sama mandapat paidahnyo salamat dunia akhirat lahir batin tak basinggung.

Anak kandung dangakan malah lah banyak urang den dangakan pai bini tak baguru masuk sumando tak batanyo, membuat laku nan tak elok tertib nan tidak patut sadang manyalam minum air. Manggunting dalam lipatan akhir kalakunyo kama den tagadai mandeh kandungnyo. Tajual sawah jo ladangnyo. Pambayar utang dapat malu, sungguhpun utang lah tabayar badan dalam kancing baju. Sebagian pula anak kandung kok barunding jo mantu baik jo bini awak bana sungguh-sungguh anak barunding bana-bana anak bakato bari basantan batangguli lamak manis didengar urang sampai tangah tiga hari di talingo

urang jua. Tidak baranjak dari bibir jangan bak urang nan den danga, kalau mangecek jo mantu ipar bisan jo ninik mamak seketek tidak babaso baso hiruk pikuk kedengaran adang sampai babangisan adat tidak limbago tidak disyarak jauh sakali sebagai laki den katokan nan fatwa dari Bapak ang, kalau perempuan ada taat wajib nafkah balanjonyo. Kain baju minyak //54// rambut segala pakakas pingan cawan sampai ka pangur pariuk sendok dan kasur kain selimut wajib semuanyo atas suami pendeknyo sajo den katokan segala pakakas rukun hidup utang suami tu semuanya kalau perempuan ada taat kok sampai pula baranak bertambah pula utang kito berikan cukup kasemuanya sampai umurnya tujuh hari utang mandabiah akikahnyo ba piutang rambut dinamai sampai umurnyo tujuh tahun suruh sembahyang dan mangaji siang masukkan kasikola kalau lah pandai tulis baca tahu berhitung sadang elok lah dapat surat tamat balajar masukkan pulo sudah itu kasikola banyak kini sikola agama danga namanyo jangan diberikan saliluik nak tahu hidup batuhan apo nan utang di kito budak terhadap kepada tuhan baitu sesama kito ada kewajiban masing-masing dalam agama baru dapat jangan bak cando nan den calik barabut-rabut bini bakejar-kejar baranak tapi sarupo jo binatang tak ma acuhkan apo-apo untung bini tinggal di bini untung anak tinggal di anak, anak jangan samacam itu kini dakwa di akhirat kini tunggu di mahsyar masuk narako kasudahan. Anak den Muhammad Arif tantang ilmu pai babini segitulah dahulu kamudian mandeh tambah kalau umur ado panjang. Bakato Muhammad Arif pangajar mandeh kandung hamba dipacik harek-harek diganggam taguh-taguh tak kalua sampai mati insya allah anak ucapkan.

Nasehat Kepado Siti Arifah Tantang Adab Basuami

Bakato Siti Budiman anak den Siti Arifah kamari-marilah kau duduk nak den sabut nan takana adat kito di Minangkabau kalau padusi lah berumur salapan belas tahun arab kok tidak basuami lah aib bana di urang lah malu bana di nan banyak ibu bapak jo ninik mamak indak tacaliak urang lai anak lah hampir salapan belas indak lamo lai basuami mari den ajar anak dahulu

ilmu adab basuami nan den tarimo dari mamak kau. Pangajar bapak anak kandung urang //55// nan patut ditarimo lai babudi bacaro lai basopan batertib jangan dipandang banyak uang lagak dan tampan jangan bana kalau lah dapat nan baitu sarahkan untung bulat-bulat jangan anak manduo hati sangko lah inyo bapak kandung tumpangan dari dunia akhirat. Kalau anak ka bajalan kaluar rumah maksud anak mintak izin lebih dahulu kalau suami baru pulang sonsong ka pintu mus}a>fah}ah. Jawek salam cium tangannyo kalau nyo duduk anak datang apo tercinta di hatinyo anak segera mambayarkan kalau barunding jo suami jangan mangareh jo mangasar rundiang manyakek sakali jangan hanyo rundiang nan lamak manis nan manyuko hati suami minum makannyo sediakan kain baju hendak disuci tempat tidur kasur dan bantal kain selimut dan sebagainyo suci bersih harum-harum jangan diberi kotor busuk iko pakasih nan lebih kuat, tapi pakasih maso kini banyak ramuan nan dicari banyak nan kotor masuk di dalam sampai diberikan ka suami sampai tamakan laki sakit adang-adang mamuntahkan darah indak lamo sudah itu suami mati, inyo lahi adang-adang hidup marano badan pucat bulu maramang daging habis badanlah kurus itu nan banyak maso kini sebagian pulo anak kandung kalo kawan nan mudo kini sakali jangan anak tiru ka suami banyak malawan tidak hormat patang pagi rundiang kasar atau tajam hati suami banyak sakit tentu narako ka mamakan. Sebagai lagi pitaruh den kalau bakahendak ka suami kain baju subang jo kalung atau nan lain sebagainyo jangan nan mahal dikehendakkan nan tak tabali di suami lebih elok diserahkan apo dibalinyo pakai sajo. Kalau suami urang baik tentu nan elok dibalinyo sebagai pulo anak den, suami kok lambat pulang atau tidak pulang, amaik anak jangan manaruh marah kenal kok banyak sangsaronyo} limbago urang laki-laki banyak jalan banyak karajo adang-adang bajalan jauh ado nan sampai bilangan hari mananti hasil apo maksud jangan bak cando mudo kini suami kok tidak pulang sampai dicari ka barang tampek. //56// Ado nan sampai bakalahi bahelo baenjoan-enjoan. Adang-adang mintak talak di hadapan urang rami di muko urang nan banyak suami lah dapek malu. Malu bacampur dengan marah,

talak tigo dijatuhkan buni pepatah Minangkabau manjadi pantun di nan mudo:

Limau manih patah tabuang Salasih anak rang kurai Habis manis sampah tabuang Kasih habis badan bacarai Lah sabulan sudah bacarai takana untung nan lah malang bapak si buyung lah talak tigo putus tak mungkin diulas lai diramas paruik dikaluahkan tak dapek tampek mangadu suami urang japutan lah empat pulo bininyo. Kok amuah bana bacindur ka kambali indak juo. Putih lah mato mamandangi anak jangan sarupo itu. Sebagai pulo anak kandung lah adat di Minangkabau disarak lah nyato buliah nan lamak samo dimakan nan elok samo dipakai suami anak kok dijapuik urang sumando ka kampung lain alhamdulillah anak sabuik. Tando suami urang baik lepaslah jo muluik manis hati suci muko janiah. Gadang nikmat untuk anak awak surang jadi baduo karajo barek lah jadi ringan {sambayan} ambil ka dunsanak sangkolah awak satu bapak jangan batingkah bakalahi usah badandam bakusumat haram sapanjang kitab Allah larangan junjungan kito pantangan datuk nan baduo jangan bak laku mudo kini malah {basuo jo pambaian }tidak bahati elok lai. Rundiang basindir bakiasan caliak mahadu suduik mato sampai bacakak bagarumaih hingga bakoyak kain baju, bak anjing beribu tolong kalau dikenang-kenang bana patut malu kito di sinan. Kok banyak urang nan malihat berapo bisa dengan desus lama sebentar sudah itu di mano-mano tempat rami atau di simpang-simpang labuah lain tak bukan kecek urang hanyo si anu nan bacakak bakalahi jo {pambaian suami madapek kabar bukan main marah hatinyo dek malu marah mendatang dek bangih kasih kok habis pasak nan harek manjadi goyah bak pepatah urang siko hadis melayu Minangkabau //57//:

Limau manis tumbuh dirawang Salasih anak rang kurai Habis manis sampah tabuang Habis kasih badan bacarai

Dangakan bana tu nak kandung kok saiyo bapambaian lai manurut kitab Allah lai mandanga pengajaran. Kok sairing di tangah labuah atau basamo-samo duduk baikpun dalam alat jamu atau di rumah ipar jo bisan saukur saiyo sajo. Hilang sukonyo hati suami pasak nan goyah manjadi harek puji pun dapek di urang banyak anak masyhur tepelajar ibu bapak mandapek tuah sampailah garan tigo bulan anak di muluik urang juo. Anak den Siti Arifah banyak pangajian basuami kok den rentang panjang-panjang indak kahabis duo malam kini baitulah di anak danga sajo ka simpanan bak pepatah Minangkabau hadis melayu pantun tuo.

Urang padang mahani banang Dikumpul mula dilipek Dilipat-lipat patigo Indak elok direntang panjang Elok dikampa nai nyo singkek Diambil sakiro ka paguno

Anak den Siti Arifah danga ka simpanan kato mandeh arti tujuan kato nantun bak buni hadis melayu:

Kok nan merah iyo sago Kok nan kuriak iyo kundi Kok nan indah iyo baso Kok nan baik iyo budi

Babelok babilin-bilin Di capo tumbuhlah padi Roman elok urang tak ingin Elok baso urang cari

Anak den Siti Arifah alah jadi itu dahulu kok lai panjang umur den tambah pulo pangajian. Bakato Siti Arifah pangajaran mandeh kandung den anak pacik harek-harek anak ganggam taguh-taguh. Siang hari manjadi tungkek malam ka jadi bantal guling alah ka sanang hati mandeh.//58//

Pambahagian Manusia Untuk Panutup

Bakato Siti Budiman anak kandung Muhammad Arif nan bungsu Siti Arifah kalian kamari malah duduk bayang kacabik genteng kaputus sabung malepas hari patang si bungsu indak baradiak lai umur den kok tidak panjang pengajar indak batambah anak den dangakan malah manis banyak bahagianyo danga de anak jelas-jelas jangan takicuh di nan tarang usah tajatuh di nan datar panghulu tujuh danga bahaginyo, satu panghulu kayo gadang tumbuhnyo di tangah kota, duo panghulu nan di tanjung, tigo panghulu ayam gadang, empat panghulu buluh bambu, lima panghulu katik-katik, enam panghulu topi tuo, tujuh panghulu pisak sarawal.

Arti panghulu kayo gadang itu panghulu sebenarnyo kayo gadang di tangah kota artinyo tempat berselo batangnyo tempat bersandar dahannyo tempat bergantung daunnyo tempat berteduh apabilo kito kehujanan tempat balindung kepanasan buahnyo makanan rangit bunga pamenan dagang nan lalu.

Arti panghulu nan di tanjung panghulu sifat panurut pantun sapongang dalam ngalau atau pun dalam gua-gua. Baik di runggu- runggu tabing kito maharik inyo maharik kito mahimbau nyo manyahuik kalau dilihat inyo tak ado. Inyo babuni dibuni urang itu panghulu sifat dusta diraih untuk lalu tak ado bapaham dipaham urang elok dicaliak-caliak sajo.

Arti panghulu ayam gadang berkotek hilir jo mudik berkokok kiri jo kanan mambilang tuah kemegahan apo kebaikan di nagari inyo balaku nan pokoknyo walaupun urang nan pangkanyo dilampok sajo jo kecek lamak itulah sifat ayam gadang bakotek tidak bertelur gadang bungkus tak berisi.

Arti panghulu buluh bambu batarih tampak di luar tapi di dalam lapang sajo tidak barisi apo-apo tampan elok pikiran kurang tagak rancak akal tak ado ilmu jauh sekali. Apo tidak nan ditaruh agama nan tidak bana. //59//

Arti panghulu katik-katik ialah tontong urang dalang kalau diguguh inyo babuni kalau tak urang nan mahambu tidak tadangar suaranyo, kabarunding indak pandai kamangecek indak tahu manjadi dek amuah berat bibir.

Arti panghulu topi tuo elok nan tidak mangaluar, gadang indak mangatangah dibawa manyuruk sajo bak karabang talua itik elok tabuang sajo tercampak ka balik dapur tidak diharap naik lai. Baitu sifat topi tuo indak tatampuh ujung dahan dima di bawah tapis sajo alat jamu indak di turuik balai rami indak dijalang gilo manyuruk-nyuruk sajo bakiblat ka rumput mudo barabitah ka jawi gapuk.

Arti panghulu pisak sarawal itu panghulu nan jahannam hino bingas randah pangkatnyo hati mahiang pahamnyo busuk budi hanyir pikiran haring panjang akal nak malilit panjang bacaro nak mangabek cadik nak mangani sajo. Muluik manis bak tangguli tutur lamak bagai santan bak mamakan pisang masak elok tipu manis umbuknyo tukang piyuh tukang pilin pangicuh urang dalam nagari panipu korong jo kampung panjual anak kamanakan bapitih di saku saurang indak mancari emas halal itu panghulu nan jahannam banamo pisak sarawal.

Anak den Muhammad Arif alim ulama den tarangkan tujuh pulo danga bahagiannyo, satu ulama matahari, dua ulama sumbu lampu, tigo ulama nan pamacah, empat ulama banyak lincah, lima ulama bagai kancah, enam ulama ruok sabun, tujuh ulama nan panggawah, anak kandung danga kan bana.

Arti ulama matahari suluh bendang di nagari cermin terus dalam suku kok hidup bakeh batanyo. Kok mati tempat bakawal itu ulama sebenarnyo.

Arti ulama sumbu lampu ulama banyak bapatwa tapi untuk urang sajo sakali tidak diamalkan urang banyak dapat faidah badan sendiri nan dibakar sebab tidak ado mangamalkan.//60//

Arti ulama nan pamacah nan baik dimaso kini fatwanyo baiak nan ganjil keceknyo baik nan baru pamacah urang sakampung pancarai anak jo bapak pamutus silaturrahim pahasung malawan guru, danga nagari nan lah kusut sebab marampas karajo urang naik mimbari jadi khatib indak siapo nan manyuruh sedang awak belum khatib sampai manyusah pemerintah.

Arti ulama palincah iyo ulama nan pamacah ia ulama nan pajalan tiap pasir dijalangnyo tiap pakan diturutinyo habis nagari ditampuhnyo. Satu tidak nan dituruti hanyo samato lincah sajo diama di situ enam bulan beranjak pulo ka sini diama di sini dua bulan pindah pulo ka nan lain lasak badukung tu namannyo, dari lutut naik ka bahu, dari bahu ka kapalo itulah sifat ulama lincah.

Arti ulama nan bak kancah ia ulama nan lah babaso tidak manyuruh babuat baik tidak managah babuat jahat tak mayampaikan hukum Tuhan tumbuh barapat musyawarah beliau tidak mangecek-ngecek hanyo bamanung-manung sajo adang mangango bagai kancah.

Arti ulama ruok sabun ulama nan kurang kaji tapi maruok inyo pandai kalau tablig dimuko umum dihafizh ayat sapotong, dilancar hadis sabuah lalu diruok diotakan ditambah jo kecek baik sampai ka langit ka awan biru lalu ka Makah ka benua Rum manggeser pulo ka tanah Cina hari lah sampai tangah malam si pandangar lah banyak lalok sabuah tidak nan dapat hanyo dikanyang ruok sajo bak makan jo gulai amba daging sapotong dalam pinggan rempahnyo hamper sakatidiang.

Arti ulama nan panggawat apo kaji nan kaluar baik pituah nan katangah lain tak bukan maksudnyo halnyah untung diri sajo mambanyakkan isi sakuse mampagadang isi dompet, bak ilmu urang manggawat mahelo manolak tidak itu ulama sifat riya manjual agamo dengan dunia sakali jangan anak tiru.

Sebagai lagi anak kandung dangakan bana dek kalian urang mudo lima bahagiannyo partamo mudo pasurau, kaduo mudo palapau, katiogo mudo paransu, ka empat mudo //61// pangusu kalimo mudo langkisau.

Arti mudo nan pasurau ialah mudo nan sajati adat teguh agama kuat baso basi jan disabuik biaso diam disurau kalapaunyo adang-adang kalau perlu mambali sajo.

Mudo palapau den tarangkan mambali tidak majual tidak tatapnyo dilapau sajo dari pagi sampai patang indak baranjak inyo di sinan dunsanak ado bini lai minum makan dilapau juo, alah ditawan pisang goreng alah dimabuk katan angat indak takana

anak dan bini. Nan lamak dimakan seorang indak dimakan basmo- samo tando mudo nan cilako.

Arti mudo nan paransu siang malam bahati rindu patang pagi bahati rimbang balam dihambu lah babuni belum dikubik inyolah datang belum di cuci inyolah galak bak katiding tingga bangkai bak payuang tabukak kasau di mano duduk inyo banyanyi di mano tagak lah basiur itu mudo nan calako.

Arti mudo nan pangusu bak buni pantun Minangkabau: Cinicn perak duo permato cincin timbago bakilatan Lah riuk sapanuh kota adat urang kasabutan

Hilir mudik inyo manyusah, kiri kanan mamacah parang dari jorong sapanuh jorong, dari kampuang sapanuh kampuang barang tajumbai nak mahelo apo nan tampak nak manarik apo barang inyo nak iyo mamantak jo keras hati tidak mamandang suka urang mambali indak jo hargo bak alang terbang randah ayam dilasung disambarnyo itu mudo nan cilako sebab dimabuk dosa-dosa.

Mudo langkisau anak kandung itulah mudo lidah air sapantun talingo angin labuh sampik kudo panyipak urang keras lari panyimpang ekor kupit kapalo randah kulit taba ajaran kurang akal busuk I’tikat jahat paham tak suka //62// kinin baik manaruh dengki jo khiyanah sifat takabur dalam hati kok dihalau inyo manyepak kok dihirik inyo manggigit itulah mudo nan cilako.

Anak kandung dangakan bana padusi empat baginyo, satu sejati perempuan, duo banamo samorayuan katigo simambang rayuan, ka ampek gadih palawan.

Adapun sejati permpuan menurut kitab Allah lai manurut Nabi kito, manurut ajaran ibu bapak, ninik jo mamak, diikutinyo adat lai dipakainyo limbago, lai dituanginyo baso jo basi jan disabuik.

Nan banamo samarayuan pahamnyo bak gatah cair iko elok itu katuju pikiran tidak amuh tetap bak cando pamping dilereng,

baling-baling diatas bukit kamano angina nan kareh kakiyun rabah hatinyo walaupun balaki bana bak umpamo tidak juo itu padusi kutuk Allah isi narako tujuh lapis. Di dunia memberi malu kapado ibu bapaknyo ninik jo mamak mandapek aib.

Anak den dangakan bana nan banamo simambang rayuan itu padusi tinggi hati kok mangecek samo gadang atau barunding dinan rami angannyo tidak kinin lain tasambil juo kalakinyo dibonceng bapak si buyung disabuik juo bapak si upik sebagau lebih dari urang babilang ribu jo ratus lakinyo lebih sakali tantang balanjo nafkahnyo baikpun pulang karumahnyo lebih banyak tiap hari adang tidak baranjak amek pendek kato den tarangkan kecek malagak bakih kawan diawak asagalo labih diurang sagalo kurang itu nan banyakk dimaso kini anak usah bacando itu.

Gadih-gadih palawan den curi[to]kan danga dianak jelas-jelas itu padusi busuk hati suka bacaran jo suami nan tak anti basalisiah banyakk bantah jo kalahi kalau takurung agak seketek apo dibali suaminyo atau talambek laki pulang hatinyo masam dahulu duduknyo tamanung sajo mukonyo merah-merah padam mato merah calik liar bak harimau tanggal labu itu padusi nan cilako loba tamak //63// jadi pakaian balaki duo satahun tetap tidak nan selamat sakali jangan anak tiru.

Anak kandung ingati bana nak den curi[to]kan den papakan urang tuo empat macamnyo satu tuo karambil masak, kaduo nyinyir tak manantu, katigo di amuah badak jantan, ke empat riang-riang asam.

Arti tuo karambilmask tuo nan banyak faidahnyo apo katonyo nan kaluar barang tuturnyo nan katangah jadi satu jo sidingin urang salisih dapat damai kok nan bodoh jadi cadiak nan tak tahu jadi pandai jauh jalannyo banyak basua lamo hidupnyo banyak dirasoi jadi patunjuk pangajar kepada anak kamanakan nyinyir nan sarupo iko kini jadi pusako dinan tuo. Bukan cilako itu anak untuk pangajar dinan mudo. Karambil masak den katokan sabuik masik tampurung keras gunanyo banyak di nagari, tantang isinyo mandeh katokan sadang rancak makan pangaur sampai ditanak jadi minyak, minyak banyak lagipun harum hingga sampalah baguno juo.

Tuo nyinyir tak manantu bak balam talampau jinak maangguk-angguk tabung air pancotok kili kilinyo dimabuk kecek lumak lamik rundingan sarasah turun tidak memberi pangajaran kato babuni gunung runtuh tidak ada artinyo bertutur berolok- olok galib manyinggung bisul urang ikolah tuo nan cilako sebabtak ado berilmu.

Arti diamuh badak jantan nan tidak tahu diduri kok duri akan mancucuk kok dahanakan manimpo haram matolak kok lai tahu kulit suriah jangeklah luka namun lingguknyo baitu juo bak kabau jalang keras hiduang parunyuh pambulang tali tidaklah tahu dikandangnyo bak ilmu tukang rabab tak buliah kito salahi hanyo kehendak hatinyo surang bak itulah tuo nan cilako sebab miskin pado budi.

Arti riang-riang asam bak kancah luas harangnyo pahamnyo tabung saruaso //64// kok dapat ka kakok-kakoknyo taruh sajo bak ketiding, kok tak elok hawa-hawanyo tasurut sajo bak jalai siapo pandai maijokan dipuji bamuko-muko bukan main gadang hatinyo bak di ambung banteng kurus siapo urang tak mamuji tak mamuji dimukonyo berapa upat dibelakang sampai dicacat dihinokan buruk jo aib lah bahimpun syetan berjanti dilidahnyo iblis datang manolongi itulah tuo nan cilako sebab tak suka ka agama kasurau bapantang datang guru diambil jadi musuh anak jangan sarupo itu.

Anak den duo bak balam saekor jantan saekor batino alah jadi itu dahulu kok lah tapakai itu di anak salamat dunia dan akhirat. Padi manjadi jagung maupih antimun mangarang bunga di akhirat masuk sarugo akhir kalam panyudahi la> ilaha illa Alla>h Muhammad Rasulullah hamba baca.

Ayam patah di galanggang tak pandai berkokok pagi Kalam patah dawat tatunggang karangan sudah hanyo lai

Danga padang mahani banang dikumpa mula dilipat Dilipat-lipat patigo

kok dirantang amuah panjang Elok dikumpa naknyo singkat diambil kiro kapaguno

Dari pasir kahujung karang anak cino mati tahanyak Khabar tamsil kami karang maminta maaf kanan banyak //65// Patah pangkur panggali ubi dibawa ka hujung karang Anak ayam mati talanyak ya allah Tuhanku rabbi Khabar tamsil kami karang maminta ampun baik-baik //66//

TAMAT

Haji Simajuddin Abbas (Datuk Bandaharo) Dipimpin oleh yang mulia Sulaiman ar-Rasuly Canduang For de Cok

Sedikit syair daripada penyalin Dengan tolongan Allah rab al-‘a>lami>n Berkata faqir Muhammad Amin Di Ampang Gadang min al-muttaqi>n Kelarasan empat Angkat terang bak camin

Wahai saudara sekalian teman Patut dipakai buku pedoman Siang dan malam jadi idaman Cerita putri Siti Budiman

Isinya patut paukur tubuh Melebihi buku rancak di labuh Pergaulan hidup jangannya cabuh Dibaca sedikit hendak bertambuh

Isinya cukup tidaklah kurang Bermacam nasehat ada dikarang Dunia akhirat keduanya terang Adat dan syara’ terang benderang

Wahai saudara taulan ikhwa>na> Saya tompangkan sedikit rencana Mudah-mudahan dapat berguna Bagi saudara di sini sana

Kebanyakan kita di masa kini Suka teriak bergandang bunyi Isi di dalam kosong sunyi Umpama tabuh kita di sini

Begitu memakai banyak lebihnya Sarung sarawal dalam adanya Tanah dan kasik habis disapunya Larangan Nabi itu keduanya

Adang keduanya melepai-lepai Najis di labuh jadi tersepai Dibawa sembahyang jikalau sampai Pahala sembahyang tidak tercapai

Begitu karajo di masa kini Kebanyakan pemuda senyap dan suni Sawah dan ladang tak dibawani Tiap medan penuh beruni //67//

Sawah dan ladang di pulau kita Di Minangkabau semuanya rata Boleh dipandang intan mahkota Siang dan malam patut dicita

Sebagai lagi pula dengarkan Membuang ongkos hendat tertibkan Membeli nan perlu hendak dahulukan Nan tak perlu kita kudiankan

Jangan sebagai nan banyak kini Membuang ongkos sangat berani Tapi aturan tak dijalani Kemauan nafsu tak ditahani

Umpama membeli solop sepatu Tetapi jinjing batung di situ Pasang tahereang tidak menentu Sehendaknya kayu ataupun batu

Atau mehisap rokok segerek Bak tampan ujung tuan gerek Tetapi penghidupan belum harek Kaum pembeli banyak nan larek

Atau batopi batuduang keras Pentalon dan dasi umpama laras Tapi biasa kakurangan beras Akhirnya layu bak sirih raras

Kasimpanan saja saya maklumkan Apa karajo hendak tertibkan Nan patut dahulu dahulukan Nan patut kudian hendak kudiankan

Begitu juga karajo kita Ada ukuran semata-mata Jangan diturut nafsu yang dusta Ukur dahulu supaya nyata

Kitab pedoman yang saya puji Di situ boleh apa diuji

Patut ditaruh ganti arloji Laksana bendera ataupun panji //68//

Dalam pedoman banyak ukuran Siapa menaruh selamat pelayaran Haroklah taruh ganti pelajaran Isinya remas membawa heran

Katau ditlik dipikir-pikiri Kelakuan bujang muda jauhari Kitab pedoman inan biduri Patut sekali menzahirkan diri

Menzahirkan diri ke atas dunia Pimpin pemuda segala bangsa Disapuh pergaul jangan terdaya Lihat dahulu apakah dia

Sebab kebanyakan pada masa kini Manusia terdaya dielok buni Daripada nyawa kosong dan suni Umpama karampun kita di sini

Begitu juga dielok tampan Macam gambaran dibikin japan Zahirnya cukup dengan kangkapan Batinnya kosong dihembus topan

Mudah-mudahan pedoman kita Dapat pemimpin manusia rata Supaya terbuka kedua mata Jangan bakarajo membabi buta

Tuan pengarang kami doakan Begitu pimpin kami samakan Lanjut usia serta ditaatkan

H}usnul kha>timah Tuhan kasihkan

Sebagai lagi pengharapan diulang Pengharapan besar bukan kepalang Rencana ini bukan terbilang Tapi cetakkan jagannya hilang

Rencana sedikit untuk pemuji Bukan ukuran untuk pa uji Lagi tak tajam umpama taji Atau tak sama dengan arloji //69//

Sekedar ini saya sudahi Berpanjang kalam tidak birahi Akhir memohon kepada ilahi Serta iman nyawaku pai

Tuan pembaca ini risalah Rencana saya mana yang salah Tuan baiki karena Allah Jangan diberi sesat d}ala>lah Mengharapkan doa patang dan pagi Begitu maaf tidak dibahagi Dengan beriman nyawa pergi Mendapat nikmat surga yang tinggi Di sini habis dawat dal qa>lam Lampu tak nyala haripun kalam Siangpun habis timbullah malam La> ilaha illa Alla>h akhirnya kalam

Wassalam Muhammad Amin faqih Bandaharo Ampang Gadang Murid lama dari pemimpin ini buku 9 Jumadil awal 1357 H 7 Juli 1938 Tamat bi‘awnilla>h ta‘a>la.

2.3. Transliterasi Mantra dan Jimat

Allâhumma innaka hayyun lâ yamûtu wa zhâhirun lâ yughâbu wa lâ ghâba wa yahran allâ tartâbu wa bi ayyi lâ tanfudzû wa lâ tuqdzibu wa qâhirun wa qârîbun lâ yabdû wa qâdirun lâ qadhâ-u wa ghaffârun lâ tatlubu lâ tuzhlamu wa mumadun wa lâ tuzhiru wa qayyûmu lâ tawfamu wa mujîbu nis-am rabbanâ zhalamnâ anfusanâ wa in lam taghfirlanâ wa tarhamnâ lâ nakûnannâ min al-khâsirîn. //1// Ini azimat baginda Rasulullah tatkala berjalan. Barangsiapa memakai dia supaya ditolong Allah barang pekerjaannya dan selamat ia pulang pai dan dikana makhluq kasih pada kita. Dan jika dibawanya perang, tiada sampai senjata orang pada kita, dan jika seperti ujan sekalipun. Inilah do’anya: bismillâhirrahmânirrahîm, bismillâh ya Allâh wa ‘azhamtu, ya Allâh wa tawakkaltu ‘alallâh wa lâ hawla wa lâ quwwata illâ billlâh al-‘aliyy al-‘azhîm, wa tawakaltu ‘alallâh lâ hawla wa lâ quwwata illâ billâh al-‘aliyy al-‘azhîm //2// fasal pada menyatakan hari bulan naik. Pada hari-hari setengah tiga puluh hari, sisinya naik bulan. //3// pada menyatakan binatang hari dalam nan tiga puluh bulan. Mula pertama sehari bulan kuda binatangnya. Pada hari itu jika bertanam tanaman adalah baik, atau berlayar baik, niscaya beroleh laba. Jika berlaki isteri pun baik. Jika kita diserang orang atau menyerang jahat niscaya beroleh kesakitan pada hari itu. Jika kita baik sungguh kata jahat tiada ada sungguh. Jika harta hilang segera dapat orang yang memaling itu pendek buahnya, dan jarang rambutnya. Dan keningnya panjang, buntar mukanya, dan kecil pinggangnya, kuning warnanya, dan suak pula, ganjai tubuhnya, jarang rambutnya, dahinya panjang. Jika beranak pada ha// pada hari itu amat mulia daripada hari itu, terlalu baik jika sekira-kira sukar sembuh tolak bahayanya nas diperbuat seperti kuda, maka dibagikan sedekah pada pakaian masakin. Fasal dua hari bulan binatang kambing, pada hari itu Allah ta’ala menjadikan Siti Hawa terambit dikiri Adam. Dan jika beranak pada hari itu, ibu bapaknya ada sedikit kesakitan, atau kehilangan. Jika bertanam tanaman pada hari itu

baik. Jika pergi berjalan ke mana-mana baik. Jika berjual beli baik. Jika berperang bertemu dengan lawan bertemu dengan orang berani. Jika harta //4// hilang orang yang memaling itu hijau warnanya, kurus tubuhnya, panjang lehernya, tebal bibirnya, sawan pula warnanya, putih bercampur hitam. Harta itu ditaruhnya di sisi hutan pada kayu yang besar, atau dibawah tempat tidurnya. Jika sakit, segera sembuh akan tolak bahayanya naas diperbuat seperti kijang dibungakan ke darah. Wallâhu a’lam. Fasal tiga hari bulan binatang harimau pada hari itu terlalu jahat karena anak Adam.//5// bismillahirrahmanirrahim. Giling gigi tiada aku berbaju besi Tuhan berbaju besi dalam jannah sendi selingka berkat aku memakai do’a putaran ila putaran Muhammad putaran baginda rasulullah berkat lâ ilâhaillallâh. Hai nago indang nago salindang, tegak tegang jo lah dalam batang tubuhku berkat aku memakai do’a putaran ila putaran baginda Rasulullah berkat lâ ilâha illallâh muhammad rasûlullâh. Hai sulaibi Nabi Muhammad tawa aku asal mula engkau jadi urat rantai asal mula engkau jadi bangunlah engkau diri badan //5// lah kalua-kalua lipat-lipat teguh tegang seperti besi pun jua beliung nan jantan banalah senjataku urat tulang sangko akulah menika [n] jo lâ [ilâha illallâh] jo Muhammad jo baginda Rasulullah.