Milik Departemen P dan K Tidak diperdagangkan Untuk umum

Hikayat

Usman Basyah

2 Ramli Harun

Departemen Pendidikan dan Kebudayaan

0127 2127

006319720

HIKAYAT USMAN BASYAH 2

Proyek penerbitan Buku Sasta Indonesia dan Daerah

Hak pengarang dilindungi undang-undang

mm.335-N

Milik Dep. P dan K PPS/Ac/1a/82 Tidak diperdagangkan

Hikayat

USMAN BASYAH 2

Oleh RAMLI HARUN

KONINKLIJK

Departemen Pendidikan dan Kebudayaan PROYEK PENERBITAN BUKU SASTRA INDONESIA DAN DAERAH Jakarta 1983

HAX2A2647M2U

KATA PENGANTAR

Bahagialah kita, bangsa Indonesia, bahwa hampir di setiap daerah di seluruh tanah air hingga kini masih tersimpan karya-karye sastra lama yang pada hakikatnya adalah cagar budaya nasional kita. Kesemuanya itu merupakan tuangan pengalaman jiwa bangsa yang dapat dijadikan sumber penelitian bagi pembinaan dan pengembangan kebudayaan dan ilmu di segala bidang. Karya sastra lama akan dapat memberikan khazanah ilmu penge- tahuan yang beraneka macam ragamnya. Penggalian karya sastra lama yang tersebar di daerah-daerah ini, akan menghasilkan ciri-ciri khas kebudayaan daerah, yang meliputi pula pandangan hidup serta landasan falsafah yang mulia dan tinggi nilainya. Modal semacam itu, yang tersimpan dalam karya-karya sastra daerah, akhirnya akan dapat juga menunjang kekayaan sastra Indonesia pada umumnya. Pemeliharaan, pembinaan, dan penggalian sastra daerah jelas akan besar sekali bantuannya dalam usaha kita untuk membina kebudayaan nasional pada umumnya, dan pengarahan pendidikan pada khususnya. Saling pengertian antardaerah, yang sangat besar artinya bagi pemeliharaan kerukunan hidup antarsuku dan agama, akan dapat ter- cipta pula, bila sastra-sastra daerah yang termuat dalam karya-karya sastra lama itu, diterjemahkan atau diungkapkan dalam bahasa Indonesia. Dalam taraf pembangunan bangsa dewasa ini manusia-manusia Indonesia sungguh memerlukan sekali warisan rohaniah yang terkan- dung dalam sastra-sastra daerah itu. Kita yakin bahwa segala sesuatunya yang dapat tergali dari dalamnya tidak hanya akan berguna bagi daerah yang bersangkutan saja, melainkan juga akan dapat bermanfaat bagi seluruh bangsa Indonesia, bahkan lebih dari itu, ia akan dapat menjelma menjadi sumbangan yang khas sifatnya bagi pengembangan sastra dunia. Sejalan dan seirama dengan pertimbangan tersebut di atas, kami sa- jikan pada kesempatan ini suatu karya sastra daerah yang berasal dari Perpustakaan Museum Nasional Jakarta, dengan harapan semoga dapat menjadi pengisi dan pelengkap dalam usaha menciptakan minat baca dan apresiasi masyarakat kita terhadap karya sastra, yang masih dirasa sangat terbatas. Jakarta, 1983 Proyek Penerbitan Buku Sastra Indonesia dan Daerah

ASOE HIKAYAT

5 Kata Pengantar 9 Ringkasan Hikayat Usman Basyah Jilid II

I.Prang Ngon Raja Samidan 11 II. Usman Basyah Jeuet Keu Raja Nanggroe Indra 45
84 III. Raja Geunta Alam Keumeung Reubot Putroe Meurak 132 IV. Raja Syarwan Bantu Usman Basyah

V. Jak U Nanggroe Meuse 180 VI. Meukawen Ngon Putroe Kariman Binti ..214 VII. Peutroh Janji Ngon Syamsul Kama Dan Hasyim Jeuet
Keu Raja .......250

RINGKASAN HIKAY AT USMAN BASYAH JILID II

Ketika Bribot Tapa sedang bersiap-siap hendak menjem- put raja Haliman Syah, datanglah raja Samidan dengan bala- tantranya yang besar hendak membantu abangnya yang kalah perang. Maka pertempuran berkobar lagi. Bribot Tapa berha- dapan dengan panglima Bulee Kabat. Pasukan Samidan kewa- lahan menghadapi lasykar Usman Basyah. Kedua anaknya dari Sailan datang membantu. Tetapi raja Samidan dan kedua anaknya akhirnya tewas di ujung pedang Usman Basyah. Negeri aman kembali. Kelima orang kakak Meurak Asanah dengan diantar oleh putri Daraman Ali menyerahkan diri mereka kepada Meurak Asanah. Bribot Tapa pergi mencari baginda Haliman Syah di tem- pat persembunyiannya. Raja yang sudah liar itu dapat ditang- kap dan dibawa pulang ke istana dalam keadaan luka-luka dan pingsan. Baginda diobati dan dirawat oleh putri bungsunya Meurak Asanah yang amat sedih melihat keadaan ayahnya. Tiada berapa lama kemudian baginda sembuh kembali seperti sedia kala. Tampuk pemerintahan diserahkan kepada menantunya Usman Basyah. Adapun ratu Syarwan dari negeri Hairan yang datang ke negeri Indra atas undangan Usman Basyah telah membantu mencari jodoh bagi keenam saudara putri Meurak Asanah. Se- sudah mereka dinikahkan dengan enam orang putra raja, Usman Basyah menyerahkan pimpinan kerajaan kepada kakak-kakak iparnya. Tersebutlah sebuah negeri bernama Tasik Hitam. Rajanya bernama Geunta Alam yang terkenal karena kesaktiannya. Pa- da suatu malam ia bermimpi tidur bersama putri Meurak Asanah. Dari ahli nujum ia mendapat keterangan bahwa sangat su- lit untuk mendapat Meurak Asanah karena suaminya seorang raja yang sakti. Dengan tidak menghiraukan keterangan ahli nujumnya Geunta Alam mengumpulkan para menteri dan hu-

lubalangnya lalu memerintahkan untuk mengadakan persiap- an perang. Ia akan menyerang negeri Indra dan merebut putri Meurak Asanah. Sesudah beberapa lama dalam perjalanan sampailah balatantra Geunta Alam ke negeri Indra. Di suatu tempat Geunta Alam membuat kubu pertahanan. Sepucuk surat dikirimkan- nya kepada Usman Basyah. Ia meminta supaya Meurak Asanah dikirim kepadanya. Usman Basyah membalas surat bahwa ia akan mengirim seekor anjing sebagai ganti putri. Alang- kah marahnya Geunta Alam menerima penghinaan itu. Pasu- kan Geunta Alam segera diperintahkan untuk menyerang negeri Indra. Peperangan terjadi. Adu sakti berlangsung dengan serunya. Sesudah mendapat bantuan dari ratu Syarwan baru- lah balatantra raja Geunta Alam dapat ditundukkan. Geunta Alam menyerah. Usman Basyah bersama anak isterinya tinggal di istana negeri Indra dengan keenam kakak iparnya dalam keadaan da- mai. Tiga tahun kemudian Usman Basyah pulang ke Mekah dengan mengendarai burak saktinya untuk menjenguk ibunya yang sudah lama ditinggalkannya. Kemudian ia meneruskan perjalanannya ke pulau Ruja menemui putri Meulu. Putri Meulu mengingatkan Usman Basyah bahwa orang Yahudi yang da- hulu hendak membunuhnya harus dicari karena ia tetap akan membunuh Usman Basyah pada setiap kesempatan. Usman Basyah pergi ke negeri Syairan mencari orang Yahudi yang hendak membunuhnya. Sesudah bertemu mereka saling mengadu sakti. Akhirnya orang Yahudi itu dapat ditewaskan. Sesudah itu Usman Basyah kembali lagi ke pulau Ruja. Beberapa waktu lamanya Usman Basyah tinggal di pulau Ruja. Putri Baniroh, salah seorang dari ke tujuh orang gadis penjaga istana membujuk Usman Basyah supaya kawin dengan putri Meulu, tetapi Usman Basyah menolaknya karena putri Meulu sudah dianggap sebagai kakaknya sendiri. Rupanya Usman Basyah masih teringat kepada putri Kariman Binti dari Mesir. Ia menuju ke sana dan di tengah malam ia bertemu dengan Kariman Binti. Seorang syiah datang menikahkan mere-

ka. Raja Mesir tidak senang putrinya kawin dengan Usman Basyah. Melalui tiga orang utusan Usman Basyah meminta maaf kepada baginda. Tetapi baginda tidak mau memaafkannya ma- lahan mengutuknya habis-habisan. Ketiga utusan yang sakti itu marah dan raja Mesir diikatnya dan dibawa ke hadapan Usman Basyah. Atas desakan putrinya akhirnya baginda meres- tui pernikahan mereka dan mengakui Usman Basyah sebagai

menantunya seraya mengangkatnya pula sebagai sultan Mesir.

Tiada berapa lama kemudian Usman Basyah berpamitan dengan putri Kariman Binti karena akan kembali ke negeri In- dra. Dalam perjalanan mengarungi rimba raya ia beristirahat di bawah sepohon kayu. Di situ ia tertidur nyenyak. Seekor

burung garuda yang melihat ada seorang manusia tertidur di

bawah pohon menyambar dan membawanya ke atas puncak sebuah gunung. Ketika burung garuda hendak menelannya ba- dan Usman Basyah tersangkut di kerongkongannya sehingga ia terbangun. Dengan menyebut nama ratu Syarwan seketika itu juga muncul seekor burak. Burung garuda dibunuhnya dan Usman Basyah dibawa ke negeri Hairan. Dalam perjalanan, Usman Basyah melihat dua orang raja yaitu raja Hindi dan raja Syairan sedang berperang memperebutkan seorang putri. Kedua orang raja itu dapat didamaikan dan putri yang sedang di- perebutkan kawin dengan raja Hindi. Usman Basyah sampai di negeri Hairan. Ia menyarankan agar ratu Syarwan sudi kawin dengan raja Jin Pari dari negeri

Paya yang rakyatnya semua laki-laki. Saran itu diterima baik

oleh kedua belah pihak dan pada waktu yang sudah ditentu- kan kawinlah ratu Syarwan dengan raja Jin Pari. Demikian pula semua rakyat raja Jin Pari kawin dengan seluruh rakyat ratu Syarwan. Setahun lamanya Usman Basyah tinggal bersama ratu Syarwan. Kemudian Usman Basyah meneruskan perjalanannya ke negeri Kuta Karang. Di sana ia bertemu lagi dengan putri Syamsul Kamar. Sesuai dengan janjinya dahulu Usman Basyah dini- kahkan dengan Syamsul Kamar. Sesudah beberapa lama ting-

gal di Kuta Karang, Usman Basyah mendapat izin dari Syam- sul Kamar untuk pulang ke negeri Indra melihat anak isterinya yang sudah lama ditinggalkannya. Dengan mengendarai burak tak lama Usman Basyah sampai di negeri Indra dan disambut meriah oleh putri Meurak Asanah dengan kedua putranya ber- sama dengan keenam kakak iparnya. Tiada berapa lama kemu- dian, sesudah mendapat persetujuan dari semua pihak Hasyim diangkat menjadi raja negeri Indra. Hasyim yang sangat taat menjalankan ajaran agamanya memerintah negeri dengan adil. Pendidikan sangat diperhati- kan dan hukum dijalankan sebagaimana mestinya sehingga negeri menjadi aman dan makmur. Adapun Usman Basyah pulang pergi mengunjungi kedua orang isterinya di Mesir dan Kuta Karang. Berbagai negeri di- kunjunginya. Negeri Arab tempat orang tuanya tinggal dilupa- kannya.

HIKAYAT USMAN BASYAH IⅡI

I.PRANG NGON RAJA SAMIDAN Beuribot Tapa jak lam rimba Jak tueng raja ayah cut bintang Teungoh-teungoh keumeung jak tueng Troh le ureueng keunan datang Ngon pahlawan useueng-useueng Cokma peudeueng ban on pisang Nyankeu adoe Haliman Syah Rakyat barollah ka peunoh blang Raja Samidan nan geuuroh Pahlawan jroh tungang-tungang Jideungo aduen dum gop peugah Haliman Syah ka talo prang Raja Samidan saket ate Sang geuruge mata hitam Jijak laju pantah sigra Jak tueng bela deelat makam Rajapi ka leupah u gle Han saboh le ureueng dalam Jideungo aduenjih ka talo Nanggroe hanco abeh karam Jijak laju beungehji that Troh le leugat bak mideuen prang Pahlawan le that mubalak Na lhee cupak jara hitam Jihei sare ngon jisurak Sang meuhayak nanggroe karam Troh u padang keunan jijak Jipeurab bak kuta reuntang 公

Ka jikeumiet lingka kuta Meugriet raya ureueng dalam

Jimeuhei ngon su raya raya Ka jilingka kuta reuntang

Nyankeu adoe Haliman Syah Tan soe peugah yoh raya prang Kareuna seubab nanggroe jeuoh Hana tom troh surat datang

Keupeue jeuet lom jinoe teuka Poteu raja sudah hilang Raja Samidan jak tueng bela Rakyat jiba uleebalang

Taeu jidong dum meureuleueng

Useueng-useueng ceukang-ceukang Ka jimeuhei Usman Basyah Teubiet pantah keunoe rijang

Masa dilee kah that meugah Jinoe sudah ngon kee hilang Teubiet keunoe nyang beurani Nak kuturi aneuk agam

He pahlawan ugoh-ugoh

Hana saboh le nyang tungang Peue kaduek. lom han kabeudoh Jaroe bek soh kee ka datang

Teubiet bek trep kupreh nyoepat Dilee kah that meugurantang 'oh lheueh katot nanggroe deelat Kaplueng leugat le kariwang

Aneuk nanggroe dum kareubot Abeh ka'uet dum sibarang

Balah kucoh dum areuta Han meurasa meugoh kucang

Phon baroekon han soe linteueng

Meutan ureueng kah gurantang Jinoe ngon kee kacuba ci Nak kuturi aneuk agam

Beuribot Tapa seuot leugat Bek meugriet that he binatang Mubiek-biek kah kajak keunoe Aneuk jaroeku han reunggang

Keupeue kahei raja kamoe He eungkong bue asee musang Buet nyang la lheueh kah jak sambat Kaharab that droekeuh meunang

Di gop hana geupeumulia Aneuk raja soe nyang datang Ureueng mupake dum geupeujroh Di kah kareuloh kapeujeuet prang Han got akai rimueng bakoh Akai teuboh dum binatang Tuan Putroe Meurak Asanah Deungon ayah roh meusugang

Ka teukeudi nibak Allah Tapabanbah ka neumuprang Aneuk ngon ku akhe jeuet got Kah jak seutot kalet kacang

Raja kamoe Usman Basyah Meurak Asanah judo bintang Peue meugriet kah meunoe meudeh Aneuk paleh akai kurang

Po Samidan lom beungeh that Si Bulee Kabat lom ka datang Maken beungeh nibak bunoe Anek bisoe that gurantang

Teuma marit Beuribot Tapa

Ureueng tuha guree bak prang Akai jroh that hana tara Ngon suara that meulumbang

Hana rakyat balatantra Sidroe saja neugrop u blang

'oh jikalon uleh rakyat

Jilumpat u teungoh padang

Jiek laju lom jikarat

Beungehji that dum pahlawan

Beuribot Tapa neusuet peudeueng Neucang ureueng musoh datang

Tadeungo su miseue ribot

Abee jipot troh lam awan Taeu reubah dum meugule Le that mate ureueng datang

Miseue ie krueng darah ile Hanyot bangke ureueng landang Teuma beudoh si Bulee Kabat

Mata jagat kulet hitam

Saket ate beungehji that

Jieu rakyat le that karam

Jisuet peudeueng ka jitajo Jilalo rot ulee kawan

Meurumpok ngon Beuribot Tapa Jimeuhaba tanyong peue nan Tadeungo lon he panglima Peue nan gata cuba kheun ban

Jiseuot le Beuribot Tapa Namiet Raja Cut Usman Na kadeungo ka kupeugah Kakheun di kahpi han jeuet han e1

Teuma seuot si Bulee Kabat Namiet deelat Cut Samidan Ka katuri nama kamoe Peurat keunoe he pahlawan Cuba sigo theun peudeueng kee Han tom dilee kakalon ban Jisuet peudeueng pantah mupru Mata hijo ulee dandan Jitak laju keunong baho Ban kulet tho dumnan ceukang Bek antara na meudarah Ulee siwah hana leukang Payahji that hana lagee Baho singkee teusuet tulang Si Bulee Kabat sang teumakot Mukaji krot miseue musang Jikeumeung plueng hana patot Teumakot jipoh ke Juhan Mubiek-biek nyan kucang sabe Di akhe han troh tariwang Han tateumeung woe u nanggroe Abeh sinoe nyawong hilang Raja Samidan that amarah Peue kapeugah he binatang Pakri kah dum raya utak Tangkurak ube-be umpang Pakon kaplueng han kameutak Nyang hana hak buet han reumbang Muka paleh buya seuba Ngon kee raja kameuayang Tuto paleh keunoe kaba He ceulaka aneuk jalang

Padumna trep keunoe teuka Jeh 'oh masa ka kumuprang Han tom sigo nyang na padra Siumu na kee dalam prang Bek antara katueng kuta 'oh meusua kateureubang Keupeue guna le panglima Kah gop ceula hana reunggang Nyoesa di kee kupulang guna Di kah hana katem sayang Peupeue guna dum panglima Raya nama jroh ngon ruman Kubri nanggroe dum bentara Ngon areuta dum kupulang Ngon wase krueng lom kuala Laen teuma wase ladang Aneuk peurumoh kubri ija Lom kukira han tom reunggang Ayeuem sanggoi gleueng suasa Kujak mita kutheun utang Bit nyoe paleh dum peutua Dikeue mata uleebalang Kepeue cit le kah meulaksa Ureueng dua han ek kacang Han meusoe-soe kubri nama Biek aneuk da seuon idang Ugoh-ugoh dum panglima Tatiek lam paya umpeuen bubrang Lon lam sabe jeuheut nama Seubab hana katem meucang Janggot mantong lhee-lhee deupa Miseue raya ban ateueng blang

Raja Kumiran sinan teuduek Nyankeu aneuk Raja Samidan Rupapi jroh hana sakri Ngon beurani that pahlawan Ek jileukang gunong raya Jigeulawa dalam awan Jimeututo ngon ayahda Jaroe dua jibet manyang Ampon tuanku po meukuta Lon aneukda gaseh sayang Pakon neumarah dum peutua Meusikada goh tamuprang Meuka abeh neupumeureuka Toh lom teuma ureueng muprang Adat teukeudi teuka bala Teubiet gata teuma u blang Droe ham tatem gop peuhina Pakri teuma rot meunang prang Tatakot tinggai bungong seulanga Lam ceumara putroe seudang Teuka di gop ureueng tuha Ngon bicara mantong meunang Beuthat geueh dalam tika Di lua na ureueng meucang Nyeo neucarot di nap mata Buet beulaga hana reumbang Meuka abeh tapumeureuka Pat taraja dalam kubang Di gop nyang na geujuara Nyoe di gata taruhe nang Teuka di gop raja raja Ngon beulanja lom geutumpang

Meunan di gop geukeurija Kon ban gata tapeucrok cang Nyansa rakyat meuseutia Dum peutua uleebalang Adat tabri sikrak ija Han jikira nyawong hilang Nyeo tacarot di keue mata Buet beulaga sang binatang Adat salah bube seuma Tapeuraya na ube blang Kadang aneuk ureueng tuha Jibungka han le jiriwang Beuthat tatueng ngon areuta Han jikira tinggai gampong blang Kadang-kadng jih ngon gata

Han jan tagisa jitop meusyang

Tageureuhem pura-pura U muka bek sit tapandang Nak teumakot si ceulaka Bek biasa aneuk jalang Meuka abeh dum jibungka Pat taraja bak binatang Keupeue kaya le areuta Rakyat hana soe lom meucang Rakyat abeh dum jibungka Toh lom teuma ureueng meucang Meunyo meunan takeurija Simasa han le jiriwang 'oh meuteumeung jih ngon gata Singoh lusa kadang kadang 'oh troh jiwoe singoh lusa 'oh tamaba jih kreueh ceukang

Adat jijak sinoe sama Troh u lua jieh lam drang Han jan tangieng silap mata Jiwoe lanja le jiriwang

'oh tatanyong tapareksa Pakong ata tawoe rijang Han meutroh 'oh pageue kuta Tawoe lanja le tariwang

Hana patot meunan gata

Kamoe nyang na mantong di blang

Jiseuot le pantah sigra Tuto gata jipeuayang Pakri ulon aneuk dara Bunoe hana soe jeuet meucang Ulon dong siblah rot timu Tuanku han deueh neupandang

Meunan bandum jipeuhaba Rakyat raja uleebalang Raja Samidan teuduek tahe Bibi keundo lidah ceukang

Jideungo aneuk peugah haba Di nap tantra uleebalang Ceureudek that hana tara Ngon suara that meulumbang

Banta Kumiran lom meuhaba Ngon peutua panglima prang He panglima deungon meuntroe Intat kamoe siat u blang

Lheueh nibak nyan gata tawoe Tinggai kamoe bahle gop cang Bek jeuet malee dumna gata 'aeb nama uleebalang

Nyangkeu ulon bek takira Mubek gata jeuet keu lapang Lon nyoe miseue dara baro 'oh troh linto seungap geundrang. Seungap rakyat han le a-o Jak eu linto baro datang Meunan meunan lon boh saheh Taboh leubeh taweuek kurang Teuma seuot dum peutua Bansineuna uleebalang Ampon tuanku po meukuta Barang sabda kamoe julang Walee langet sret u donya Ngon keupala kamoe tumpang Meunyo mantong kamoe dumna Nyang raja han lon bri u blang Raja Ebrahim Beuribot Tapa Ureueng dua jeuet kamoe cang Usman Basyah dudoe tapoh Cut putroe jroh tacok pulang Neumeukawen le tuanku Nyoekeu baro na sipadan Bek deungon jih hana mufom Hana kawom aneuk dagang Jinoe tuanku tabri surat Tayue intat seugala alam Tunong baroh timu barat Ube neumat deelat makam Nanggroe Silan Banta Sidi Aneuk doli po Samidan Nyanpi keubai hana sakri Ngon beurani that pahlawan

Yoh masa nyan surat geubri Tujoh hari sampoe datang Tuan Putroe Kariman Benti Judo doli Cut Samidan

Nyankeu ibu Banta Sidi

Neupeureugi bungka sajan Rakyat le that hana sakri Meuntroe wadi seukalian

Agam inong dum peureugi Tujoh hari sampoe datang 'oh sare troh ubak teumpat Peurab leugat bak sulotan

Cut Kamiran beudoh laju Seumbah ibu baro datang Putroe gusuek nibak ulee Bungong keumbee aneuk badan

Lheueh meuteumeung deungon raja Ate suka putroe intan Teutap putroe lam meuligoe Sajan lakoe Cut Samidan

Nyan haba nyan teuduek dilee Lon peuteuntee raja alam Nyoe lon peugah ayah putroe Raja nanggroe jeuoh jalan

Haliman Syah ka dalam gle Han neuwoe le baranggajan Padum lawet teuma dudoe Raja nanggroe keunan datang

Seubab meugah teuka adoe Jeuoh nanggroe keunan datang Nyankeu seubab raja neuwoe Meugah adoe jak bantu prang

Po Samidan meugah teuka Ngon aneukda dua sajan Seureuta ngon Kariman Benti Banta Sidi ngon Kumiran 'oh troh raja u meuligoe Mumat jaroe ngon Samidan Deungon aneuk bandua droe Raja nanggroe that sukaan Raja marit teuma meunoe Wahe adoe toh amilan Meunyo Putroe Meurak Asanah Ka gop reupah aneuk badan Pakri jinoe nyang na leumah Ek tagagah tatueng pulang Kon meunalee ulon sidroe Gata adoe jeuet keu lapang Po Samidah teuma seuot Ban nyang patot ulon julang Ban nyang reumbang bak tuanku Ban nyang napsu syahi alam Meunyo meunan adoe teungku Beudoh laju bek le lintang Usman Basyah jinoe tapoh Cut putroe jroh tacok pulang Bek takeubahpi meusaboh Bandum tapoh aneuk jalang Dudoe teuma he adekda Lon ngon gata tamubisan Meunyo putroe puteh licen Tapeukawen ngon Kumiran Bak lon adoe hana laen Lahe baten hana wajang

Meunyo meunan wahe deelat Peugot surat peuek rijang Usman Basyah tayue teubiet Bek ngon namiet 'aeb lapang Siblah raja siblah bala Miseue nyang ka buet han reumbang Geutanyoepi takeulua Bah tacuba sigo meucang Yoh nyan raja surat geujok Siat le trok sampoe datang 'oh troh surat dalam jaroe Neubeuet keudroe banta seudang Di nap rakyat dum sinaroe Wadi meuntroe panglima prang Neupeugah bak Beuribot Tapa He panglima toh nyang reumbang Haliman Syah ka neugisa Ngon adekda jehpat di blang Neuyue teubiet dum geutanyoe Bak uroe nyoe bek le lintang Meunyo trep that han ek geupreh Keunoe jadeh kuta geuprang Pahlawan le kureueng leubeh Lhee kai bijeh jara hitam Teuma rakyat han ek peugah Subhanallah peunoh padang Mee geutanyoe tameulangkah Doli khalifah ka neuriwang Beuribot Tapa seuot leugat Nyan nyang mangat bak lon reumbang Ampon tuanku doli halarat Ban nyang hajat ulon julang

Teuduek dilee 'oh nan siat Riwayat jinoe neuriwang Haliman Syah leumah pike Sang han ase lom talo prang

Cut Usman ureueng meutuah Waliyullah pangkat manyang Baranggasoe han ek gagah Pahlawan gagah tungang tungang

Bahle jinoe lon kuboh droe Nibak dudoe jeuet keu lapang Dumjih muprang ka lon tu'oh Dua beungoh jiteureubang

Dum rakyat kee tamse naleueng Useueng useueng lom pahlawan Ek cit keumah jitueng kuta Dum panglima jiteurajang

Dum asee nyoe rakyat lhee droe

Geujak keunoe mita wayang Han jan siat abeh lari Maken keuji jeuep-jeuep alam

Hana laba kudong sinoe Leugat rugoe 'oh kupandang Meunan pike Haliman Syah Neukheun pantah bak Samidan

Wahe adek bungong uroe He samlakoe ulon riwang Bahle lon woe ubak nyang ka Dalam rimba gunong hitan

Sang han kujeuet le ngieng mata Ngon aneukda Meurak intan Jinoe adek hukom gata ** Meuligoe kuta gampong ngon blang

Di lon han le kukeurajeuen Bah lam uteuen rimba Tuhan Nyanpat kuta deungon mideuen Takeurajeuen dum sibarang Po Samidan mangat ate Jisambot le rijang rijang Teuma raja neujak u gle Keurajeuen han le ka neubuang Abeh geubri dum keu adoe Meuligoe deungon beurandang Po Samidan suroh rakyat Teubiet leugat keudeh u blang Kumiran ngon Banta Sidi Hana sakri cubeueh tungang Teuma jikheun ubak rakyat Lon taintat siat u blang Lheueh takeubah woe di gata Kamoe dua bahle gop cang Rakyat deungo meunan haba Han peue kira that guransang Jibeudoh le dum peutua Ikat dada deungon pinggang Nyak Kumiran Banta Sidi Aneuk doli po Samidan Jinoe teubiet droe raja ahli Dum sipai ireng sajan Rakyat teubiet han ek kira Le that fana nyawong karam Banta Sidi kandran rimueng Kureng di rueng jroh meureuntang Si Kumiran ateueh gajah Jicok langkah teubiet u blang

Jitet sigo beude nubat Tanda beurangkat uleebalang Meusu canang deungon tambo Rakyat a-o dum guransang Geujak laju hana pioh Hingga troh bak teumpat padang Rakyat jidong jroh meureuleueng Hana peue kheun tamse jeundrang Sidehpi ka geucok langkah Usman Basyah ka troh datang Teudong sina blah rot barat Banja teupat jroh meureuntang Nyang dong di keue po cut banta Beuribot Tapa panglima prang Dong di uneun Raja Pari Siblah kiri Syam Nadiman Raja Mahkot dong di likot Apet po cut banta seudang Limong ploh droe aneuk raja Jidong lingka Cut Usman Pahlawan dum teuga teuga Ka jimeukha di teungoh blang Jibeudoh le seun-seun saboh Jimupoh-poh meutang-ilang Beudoh rotnoe keujruen puteh Beudoh rotdeh keujruen hitam Rakyat teudong dum meuseupeh Rotnoe rotdeh tarek alam Ureueng patot dum mupayong Uroe tutong reuoh peusam Nyang rot timu Geusyik Ubat Dong rot barat Geusyik Agam

Bandua droe ceureudek that Jaroe teupat dum geutuang Beudoh rot tunong Teuku Basoh Beudoh rot baroh Teungku Salam Peulheueh beude seun silapeh Miseue bareh tadeungo kram Rakyat reubah dum teueh-eh Meutindeh sang tungoe ladang Bumoe mirah langet seupot Asap jipot sang ka malam Rakyat muprang kalang-kabot Le that mawot musoh datang 'oh meuteumeung dua pihak Deumpek surak tadeungo kiam Peulheueh busu leumbeng kapak Jilantak ngon boh meuriam Sret lam kawan boh beureutoh Rakyat awoh peungeuh lapang Sang geulanteue hana teudoh Nyum ka runtoh bumoe karam Lheueh di tunong ngon di baroh Miseue guroh geumpa alam Binatang gle abeh kiroh Badan awoh tinggai sarang Rakyat meutak kalang-kalot Abee jipot sang ka malam Hana leumah nap ngon likot Sang teumakot jamee datang Lawan rakan han meuri le Udep mate han soe pandang Banta Sidi beudoh yoh nyan Tanyong Usman rijang rijang

Ho saleh ka Usman Basyah Meurak Asanah ka jitawan Tajo rijang siat keunoe Peudeueng kamoe heundak makan

Peudeueng gohlom jipajoh bu Dalem teungku bek trep datang Cut Usman teuma seuot Jroh mupatot tuto kalam

Pakon meunan he adek e Haba tuto sang binatang Pat saleh roe Banta Sidi Han lon turi toh pakri ban

Cuba peurab keunoe laju Lon keumeung eu nibak ruman Long meung kalon deungon rupa Cuba tampa deungon tangan

Kreueh that gigoe deungon jungka Buet kakanda nak jituban Teuma tajo Banta Sidi Hana sakri that pahlawan

Peudeueng jimat kanan kiri Kreh ngon bari lhat di pinggang Cut Usman lom meututo He adek e uleebalang

Cuba keunoe siat tajo Lon thee beuhe gata tungang Teutapi sayang lon han bagoe Gata adoe teungoh malang

Peue buet tajak gata keunoe

Nyang got jak woe bek le wayang

Gata adek umu muda Sayang raya lon cut abang

Nyang got adoe jak tagisa Yoh goh cidra bek meuayang Lon he adek ulon peugah Yoh goh reubah bukon sayang Banta Sidi that amarah Jigrop pantah le meulayang Jisuet peudeueng sarong meuklah Bak wie siwah mat jipeugang Jitap jitop hana keunong Payah mantong aneuk jalang Cut Usman khem teusinyom Taeu bangon pakri macam Teuma neukheun haba meunoe Wahe adoe bek meuayang Pakon adek han taingat Peue meugriet that bak geudubang Meunyo meunan tamat peudeueng Han meuteumeung musoh tacang Gohlom utoh gata adoe Tameurunoe bak cut abang Tatheun jinoe gata adoe Eu buet jaroe teungku abang Neusuet peudeueng ulee patong Neutak rancong putoh meukhan Bak teudong hana meuiseuk Meuube meuk payahneu tan Banta Sidi meuseuk-meuseuk Badan paneuk jeuet dua khan Sinan teueh ateueh bumoe Beungeh le nyoe Raja Kumiran Jieu adoejih ka mate Jibeudoh le beungeh han ban

Jitajo le sigo meuhee Lhee ribee dum pahlawan Rakyat le that dum on kayee Le that sukee po Samidan Cokma beusoe ube bak u Peudeueng busu peukakah prang Troh le sigo ban lhee ribee Beungeh lagee rimueng agam Ka jibeudoh Beuribot Tapa Nyoekeu nyang ka prang meutunang Cokma beusoe ube raya Jilila jitimang-timang Jikloh tanoh ube lhee krong Jilambong jisrom lam awan Sret le tanoh ateueh rakyat Han tatupat nyawong hilang Lom jibeudoh Sulotan Jali Jinari jihayak badan Galakji that hana sakri Sipai bandum pahlawan Jibet kayee ladom bak u Jisrom laju dalam kawan Rakyat reubah dum teududu Miseue laku waba simpan Beurahi.n Bapa teuma seuot Nyanpi saboh ulee kawan Dum sipai ugoh ugoh Janggot ka roh mirah sikhan Lom jibeudoh Raja Pari Dum sipai biek edeurang Jimat peudeueng kanan kiri Hana sakri bak jimeucang

下

Jipoh rakyat dum jitadi dagueq ks mad stam tadt ol gnswsmed teust dsisb all Na lhee bagi nyang ka simpan Raja limong ploh beudoh di likot Msvedusm gnsiq somu dojut Ureueng patot jinoe muprang gnsuabe mowsl Ast-ketusmil

Raya that prang hana sakri Sang meusundi bumoe leukang Jipoh rakyat dum jitadi Raja Pari that analan Rab ka abeh siblah pihak Deumpek surak leungo alam Si Geumpa Alam teuma beudoh Di jih saboh jiboh ragam Han ek duek le punggong keuboh Ka jibeudoh datok rumpang Jikalon prang kalang-kalot Padang seupot rakyat hitam Ateueh musoh jipeulikot Jitoh geuntot ban meuriam Rakyat deungo dum teukeujot Ka meusurot peungeuh padang Si Geumpa Alam ka jigrop-grop Leugap-leugup leungo alam 'oh takalon that teumakot Sang ka lupot nyawong karam Kayee raya taeu jilet Gunong jibet batee hitam Teuma jisrom ateueh musoh Rakyat awoh ka soh padang

Le that mate han ek peugah Ile darah jeuet beurawang

Tujoh uroe prang meuhayak

Jimeutak-tak kawom edeurang

Jiek laju prang jipeusak Lam uroe phak meutang-ilang Dumna rakyat abeh undo

U likot laju jiriwang

Si Kumiran that amarah Muka juah taeu hitam 'oh jikalon rakyat talo Jitajo miseue boh sungkam

Jimat peudeueng ujong meutoto Bak baho cokma jigulam Meuteumeung ngon raja limong ploh Tadeungo kiroh jimeuhantam

Sinoe jipoh sideh jitak

Prang meuhayak lom meutunang

Ka neubeudoh po cut banta Seubab raja ka troh datang

Jimarit le sigra sigra Ureueng dua ka mupandang Ho tameung jak he syeedara Peue tamita peugah rijang

Peue na napsu cuba peugah

Meuna mudah lon peujampang

Si Kumiran seuot pantah Meurak Asanah tabri pulang

Meunyo tatem pulang jinoe Uroe dudoe bek jeuet masam 'oh meuteumeung dua geutanyoe

Mumat jaroe di rot di blang

Cut Usman seuot meunoe Tadeungo kamoe adek badan Keupeue talakee judo kamoe Laen putroe meupat nyang tan Meunyo napsu bungong mirah Deungo lon peugah haba nyang trang Meunan hajat tuan putroe Lon bri gantoe nyang analan Momjih tujoh dua banja Jroh that rupa sang buleuen trang Nyankeu lon bri he adekda Cok keu gata putroe intan Rupa jroh that hanpeue peugah Kacok keu kah jakleh riwang Nyan he adoe cut abang bri Jak keumbali gata sayang Ban jideungo haba meunan Tajo yoh nyan si Kumiran Jitak laju ateueh banta Hana luka kulet badan Cut Usman peudeueng neugrak Bak tangkurak neupeusimban 'oh ban keunong bak tangkurak Peudeueng jijak leupah badan Putoh takue deungon badan Reubah sinan nyawong hilang Si Kumiran ka dua droe Tajo nyoe Raja Samidan Jisuet peudeueng sarong meuklah Jibalah ateueh cut intan Nyanpi tulong nibak Allah Hana leupah ateueh badan

Jitajo le Beuribot Tapa Jimat bak pha le jikuran Kakeu mate sinan banlhee droe Raja nanggroe nyawong simpan

Banta Sidi umu abeh

Buet cut puteh Teungku Seuman

Rakyat laen bandum jiplueng Dalam uteuen dum teureuban

Raja mate prang ka talo Pahlawan le jiteurajang Nyang tan mate jiplueng lanja Dalam rimba dum jibeukam

Beuribot Tapa Raja Pari Deungon doli Cut Usman Manton sinan dalam padang Deungon Juhan duek di sinan

Rakyat musoh tan le di blang Abeh peujam plueng lam rimba Cut Usman marit rijang Jak tariwang dalam kuta

Ban jideungo sabda meunan Bandum riwang po bentara Cut Usmanpi neuriwang Meusajan deungon lasyeuka

Jipeh tambo deungon geundrang Rakyat riwang maseng jeumba Troh lam kuta jipioh droe Malam uroe le ho seunja

Teutap sinan Cut Usman Deungon rakan pari diwa Rakyat lari nyang talo prang Nyang riwang bak nanggroe raja 2E

conusm toues nsmeU JO nsbsd ksba somsx ogmuabsT soma obut essst ausque mst gasva tsquem sottuq nesl

denim gaognud neqan ovnuaM gnava sdsr dagusq noł oamue sontuq asut teiad nsgueM aslsms gmsva eotmeg ind no.l sined suh dlotut dijmon msusiud gosa equr tadt don ebsbs ar id nol resé mstai sortuq sisg usd o

mwdeás ai u koos nd gaeds o sobs s nev gasvee sisg iemusx el

astimuX iz nevn dov olsl stasó deueia pisl etl nsbed iotud szul sms

2010 sub sx astimuX i2 nsbima2 ste9 sova otst

rsti tu rousis daisoi disllA adia gnolut iqaavk nsbsd reusts daquei saah

Troh lam kuta leugat jiwoe Ubak putroe jipeuhaba Ampon po cut bungong uroe Raja nanggroe tinggai donya Deungon aneukneu ban lhee droe Samlakoe deungon ayahda Dalam padang rab ngon tasek Prang that tarek reuloh donya Nyang lawan prang Usman Basyah That jigagah ateueh raja Sinan mate raja nanggroe Ban lhee droe deungon aneukda Ban putroe deungo haba meunan Putroe yoh nyan limpah dada Ka jipoh droe putroe intan Dum dendayang jimoe rugha Tadeungo kiroh lam meuligoe Jipoh-poh droe tuha muda Putrie poh droe hana lagee Antok ulee keumong muka Jiantok droe bak-bak guci Keumong bibi buta mata Allah he aneuk bukon sayang Tamse subang reuloh mata Teungoh galak mateu pandang Ka leukang sang broh lam mata Allah he aneuk muda samlakoe Saleh ho nanggroe ma di gata Bukon sayang bungong meulu Sret meutabu dalam tika 'oh lon ingat ate ragu Talo ngon du meusigo tiga

Bukon sayang bungong geutoe Tarek uroe layee rata 'oh lon ingat he samlakoe Mateu putroe pungo gila Saleh ho troh mateu putroe Po samlakoe dilee bungka Bukon sayang lo eu sipot Di bineh laot dum mubanja Hana soe le lon idang surot Beungoh seupot miseue nyang ka Bukon sayang bungong asan Sret meurumpan dalam tika Allah he aneuk uleebalang Ho troh jalan ma di gata Kepeue kuta ngon meuligoe Han le asoe payong donya Bukon sayang lon eu pade Troh angen gle ka meutimpa Allah he aneuk tangke ate Jinoe pakri ma di gata Keupeue lom blang deumgon gampong Keupeue geudong deungon kuta Meuka tan le bungong tanjong Bah mate lon sajan gata Allah he aneuk bukon rugoe Bandua droe gata bungka Ie di laot puteh hijo Peukan baro keude Cunda Keupeue tika deungon kaso Linto baro 'oh tan gata Bungong jeumpa mirah-mirah Sret siulah lam ie raya

Wahe aneuk nyak meutuah Saleh pakri bah 'oh tan gata Bukon sayang lon eu bayam Jroh meurumpan dalam rimba Wahe aneuk uleebalang That lon sayang 'oh tan gata Jinoe ngon soe lon meututo Tinggai judoe dalam tika Kadang-kadang lon meulumpoe Soe lon peugoe peugah rahsia Allah Allah he Po talah Jinoe leupah ho langkah ba Meuhad kugrop dalam laot Bahle eungkot meukeurija Meuka tan le cut bintang sret Keupeue po cut 'oh tan gata Bukon sayang bak rangkileh Bohpi abeh kameng seuba Allah he teungku nyang lon gaseh Ngon soe lon eh tan le gata Meuhad kutop teuntang ate Bahle mate putroe muda Meuhan meunan lon jak lam gle Bah meugule rimueng seuba Bukon sayang cicem murong Jeuep-jeuep gampong jak mumita Reuloh ate lon ngon jantong Bungong jantong 'oh tan gata Bukon sayang mirahpati Ulee-ili jih di para Gata mate ngon teukeudi Saleh pakri ma di gata

Bukon sayang lon eu rumoh Abeh reuloh tinggai rungka Wahe aneuk banta cut jroh Gata gadoh lam pangkee ma Teungoh galak mateu pandang Ka jilop sang broh lam mata Wahe aneuk bungong keumang Soe peutimang ma ka tuha Jinoe han soe le peurintah Bungong mirah gata bungka Haba bae han ek peugah Meule kisah jeuet keu wayang Mate Raja Samidan Syah Putroe indah ka meulang-lang Jinoe han soe le peurintah Abeh kisah po Samidan Deungo jinoe ulon peugah Cut Basyah ngon Meurak intan Deungon aneuk Hasyem Pari Woe keumbali ubak makam Sajan meuntroe deungon wadi Dum sipai ireng sajan Meurak Asanah boh lam usong Buka payong tarek alam 'oh sare troh bineh gampong Geupalee gong tet meuriam Tantra pari dong meuato Bak baho bandum seunapang Sang geuarak linto baro Geupeh tambo palee geundrang Aneuk rawa jimeutangkeh Rotnoe rotdeh jimeutop cang

Cokma peudeueng tumbak ngon kreh Meutindeh taeu meureuntang Aneuk mambang meuen ganja Meugisa-gisa muwoe ulang Peurasan le han ek kira Le that rupa macam-macam Tuan putroe di meuligoe Cutda nam droe Meurak intan Nyang keutujoh Kariman Benti Banun Sahri jadi lapan Syahri Banun umi putroe Laen sinaroe han le urang Sosah sangat hana bagoe Jitakot woe Meurak intan Jipoh mate dum geutanyoe Bela lakoe aneuk sajan Daraman Ali teuma peugah Tapabanbah kheundak Tuhan Dilee kukheun han kapateh Bandum paleh that bantahan Nyang tuto kee kapeujaeh Meunoe meudeh kagurantang Daraman Ali lon kheun meunoe Deungo kamoe adek badan Udeh tajak dum geutanyoe Ubak Putroe Meurak intan Tapeujok droe keu cut indah Darah-gapah nyawong badan Beuthat jiboh u cong sula Beuta rela baranggajan Keumah pakat dum syeedara Beudoh lanja teubiet u blang

Jijak laju ubak putroe Ban sinaroe dum beurjalan 'oh sare troh ubak putroe Salah kamoe bak cut intan

Patot puntong gaki jaroe Bandum kamoe beursalahan Nyawong tuboh darah gapah Batang karah milek Tuhan

Gata bandum lon peuseurah Lon ijadah seukalian Taniet kamoe hamba tabloe Ban sinaroe dum teubosan

Jampang-jampang na buet jaroe Bek payah droe wahe intan Tagantung manyang taboh jeuoh He po cut beh cahya bintang

Ho nyang hajat kamoe taboh Bak ateueng putoh sambat jalan Teuma seuot Meurak Asanah Ampon meu'ah bak lon tuan

Bak lon cutda hana salah Tan bube drah beurdawaan Buet nyang ka lheueh bek le teulah Tapabanbah janji Tuhan

Meu'ah bak lon he syeedara Gata cutda seukalian Hana patot lon peuhamba Teumeureuka lon bak Tuhan

Buet nyang ka lheueh han lon ingat Nyang lon minat keubaekan Meurak Asanah ate saleh Hana ku'eh deungki deundam

Cutda deungo meunan tuto Jitajo lom bak putroe intan Mumat jaroe meu'ah deesya Adoe ngon a seukalian Jicok adek ka jipuwoe Cutda nam droe that sukaan Ka jipeuek u istana

Bansineuna ireng sajan

Jigaseh that dum keu adoe Cutda nam droe ate rawan Putroe Meurak han jeuet teupeh Gaseh leubeh keu cut intan Jroh jikhadam Putroe Meurak Han tom jarak bandum sajan Teuduek dilee 'oh nan haba Lon peugisa bak mulaan Lheueh talo prang rakyat bicah Usman Basyah ka troh datang Sajan aneuk banta indah Dum kafilah uleebalang Abeh tamong rakyat dumna Banseumua jamee datang 'oh meusapat bandum abeh Siploh naleh jara hitam Dum pahlawan meuceh-meuceh Nyang teupileh Raja Juhan Cut Usman neupioh droe Samlakoe bak bale intan

Ureueng gampong dum neuyue woe

Suroh sidroe jak lam uteuen Rakyat jitren dum sinaroe Waki meuntroe tandi bujang

Ka jipeurab bak samlakoe Jibet jaroe le meulayang Ampon tuanku payong nanggroe Dumna kamoe ka meuriwang Patot puntong gaki jaroe Salah kamoe he jeunulang Cut Usman seuot pantah Ampon meu'ah dum sibarang Nibak ulon hana salah Alhamdulillah nekmat datang 'oh lheueh ampon dum kafilah Usman Basyah lom meukalam Yoh nyan rakyat lom neuyue woe Bak teumpat droe maseng pulang Rumoh tutong neuyue peugot Neuyue seutot dumna tokang Areuta gadoh dum neugantoe Hana rugoe meusigupang Ganceng azimat sawek jaroe Ikai meuduroe gleueng meusubang Abeh bandum ka neugantoe Tan rugoe meuija pinggang Meunan meunan dum sinaroe Ureueng nanggroe ate bimbang Abeh jiwoe dumna rakyat Nanggroe jroh that rame urang Teuduek dilee 'oh nan siat Lon riwayat laen lagi

II. USMAN BASYAH JEUET KEU RAJA NANGGROE INDRA

Seureuta lon balek ayat Bek le ban sot hana meukri Nyoe lon seubot banta indah Usman Basyah raja 'ali Lagipi lom ngon keuramat Raya meurtabat pangkat tinggi Nyankeu raja nyang meutuah Waliyullah lom ngon sufi Mupakat dum ureueng nanggroe Geuboh gantoe lakoe cutti Geuboh badai Haliman Syah Usman Basyah nyang that 'ali Ureueng nanggroe mangat ate Hukom ade hana sakri Padum lawet teutap sinan Bak nanggroe nyan neubeureunti Deungon judo Meurak Asanah Ate dasyah malam hari Seureuta aneuk bandua droe Nama geuhei Hasyem Pari Aneuk tulet ayah boh nan Cut Budiman sang-sang hari Bandua droe rancak babah Hitam lidah miseue abi Padum lawet teuma dudoe Teupike nyoe raja neugri Cut Usman kheun bak putroe He sambinoe jinoe pakri

Poteu raja han le neuwoe Ho-ho nanggroe saleh lari Bak peunyum lon leupah u gle Han neuwoe le seukali-kali Saleh udep saleh mate Pakri pike wahe cutti Meurak Asanah teuma seuot Ban nyang patot nibak doli Baranggakri ulon ikot Lon turot hana meuungki Meunyo meunan bungong geutoe Ureueng nanggroe jinoe tabri Neumeuhei le Beuribot Tapa He panglima deungo lon kheun kri Tajak siat jinoe gata Jak tueng raja ayah cutti Ka neuboh droe dalam rimba Beudoh sigra bek trep lanti Bak peunyum lon han le neuwoe Bak geutanyoe sang han meukri Taba sajan ureueng nanggroe Padum ploh droe nyang beurani 'oh meuteumeung tabet jaroe Saleuem kamoe tapeugah kri Sajan tame surat saboh Meunan nyang jroh dilee taci Samlakoe cut peugot surat Aneuk deelat Hasyem Pari Tutopi jroh daiam surat Deungon mangat hana sakri Meunoe haba dalam surat Deungo sahbat dum barangri

Ampon tuanku meuribee katoe Ulonteu nyoe hamba faki Jeuoh gampong deungon nanggroe Lon peuto jak junjong doli Meuhan tuanku jinoe neuwoe Bah lon boh droe laen neugri Seureuta aneuk tuan putroe Ngon cuco droe Hasyem Pari Cut Budiman cuco tulet Nyanpi patot meutan doli Meuhan tuanku jinoe neuwoe Akhe dudoe meuhad rugi Meureutoh laot lon jeumeurang Meureutoh blang ka lon mari Hajat ulon keunoe datang Bak jeunulang jak com gaki Abeh gunong abeh hutan Bak jeunulang payong neugri Lon cre gampong lon boh nanggroe Hajat lon nyoe ubak doli Neumeuniet lon hamba neubloe Badai nanggroe payong hari Kareuna lon ureueng ubit Lagi gareb lom ngon faki Meuhan tuanku jinoe neuwoe Teulah dudoe apon jari Ka limong thon lon jak keunoe Tuanku droe goh lon turi Saleuem nibak Meurak Asanah Lakee meu'ah ubak abi Buet nyang ka lheueh bek le teulah Beubai silap ngon teukeudi

Wahe ayah payong nanggroe Siat neuwoe keunoe mari Meuhan neuwoe bak siseun nyoe Ulon sinoe ka troh janji Bahle mate bah kutop droe Bah jeuet nanggroe gop peugah kri Meunan haba dalam surat Tuto jroh that tan meuungki Lheueh neusurat teuma neulipat Neujok leugat ubak wadi Beuribot Tapa beudoh leugat Sajan rakyat dum peureugi Padum lawet jak lam uteuen Jeuep pucok krueng ulee-ili Abeh alue dum ka jibloh Jeuep-jeuep paloh gunong tinggi Geujak laju hana pioh Mita sunggoh raja neugri Hingga troh bak saboh teumpat Alue lhok that hana sakri Teuma jitren dumna rakyat Mita bakat ureueng lari Nyankeu teumpat raja alam Bukon sayang raja neugri Ban neukalon ureueng datang Beudoh rijang plueng neulari Rakyat seutot jilet laju Pakon tuanku plueng peureugi Kamoe meujak tueng tuanku Suroh teuku judo cutti Tan neudeungo neuplueng leugat Teumakot that raja neugri

Han le akai raja deelat Sret seumangat hilang budi Seubab ureueng neueu le that Gadoh ingat teumakot gli Neuplueng leugat lam-lam duroe Luka asoe teupeh gaki Bukon sayang raja deelat Akai sisat ngon teukeudi Rakyat sosah hana bagoe Pakri jinoe tadrop doli Meuhan meuteumeung han jeuet tawoe Payah dudoe lom keumari Teuma marit Beuribot Tapa He syeedara deungo lon kheun kri Taboh jareng miseue rusa Tadong lingka dum meuriti Meukon meunan han seumporna Hana guna baranggakri Neupeugah le ubak pawang Meunan reumbang wahe akhi Jibeudoh le rijang rijang Pak jireuntang dum taloe gle Jihei sare jidong lingka Poteu raja leugat lari Ka roh lam pak meucuet sigra Neuhila han leupah gaki Troh le ureueng keunan teuka Banseumua jak kalon hi Bak jikalon poteu raja Ro ie mata meuntroe wadi Jieu badan kulet gasa Hitam sukla sang bee hanyi

Haliman Syah reubah pangsan Han tatuban hilang budi 'oh meusapat bandum keunan Lam usongan peuduek doli Puwoe laju troh u gampong Deelat payong raja neugri Teuma jijok bak Cut Usman Meuntroe yoh nyan le peugah kri Ampon tuanku meuribee ampon Payah that lon hana sakri Payahpi that meudrop deelat Pak taloe jrat dum meuriti Neuplueng pantah miseue kilat Gadoh bakat han meuho le Ban putroe eu poteu raja Ro ie mata cut putroe ti Neueu bangon laen rupa Kon ban nyang ka neukalon hi Wahe ayah pakon meunoe Peue seubab nyoe gata rudi Poteu raja seungap iem droe Hana sapeue jaweueb neubri Mata seupot geulunyueng tuloe Aneukneu putroe han neuturi Meurak Asanah yoh nyan bae Ie mata ro meuteutali Jieu ayah tahe gante Bungong kundo ka jigule Cut Usman yoh nyan peugah Bek gundah he bungong diri Ka teukeudi nibak Tuhan Pakri tapaban wahe nyak ti

Neubeudoh le pantah leugat Bak deelat laju neupeutoe Abeh neueu ka neulihat Bacut sapat teupeh asoe Pajoh ranup siseun mirah Neucok seupah gusuek bak dhoe Teuma neukheun ngon bismillah Ngon fatihah neubeuet dudoe 'oh lheueh neukheun alhamdulillah Kulhu Allah le neupujoe Neubeuet saboh isem keuramat Abeh neumat neupruh asoe Peunyaket gadoh han le meukeumat Ngon keuramat isem jalaloe Poteu raja muwoe ingat Beudoh leugat duek teupipoe Ban teukeujot bak beuradu Miseue laku ure ueng meulumpoe Seubab sosah ate tunu Deelat tuanku mabok keudroe Ban teuingat neubeudoh laju Leumah neueu tuan putroe Ban neukalon Meurak Asanah Usman Basyah di sinan toe Putroe tajo seumbah ayah Ie mata limpah meuteutaloe Raja sambot pantah-pantah Bu meutuah he aneuk droe Cut Usman com di teuot Raja sambot meulintee droe Tajo cuco keunan dua Neucom neuwa raja nanggroe

Bu meutuah he bintang sret Aneuk tulet ka troh tawoe Wahe cuco Hasyem Pari Deungon abi Meurak putroe Lon he aneuk sangkot pawot Silap lupot jeuet keu rugoe Bu meutuah puteh lumat Ulon ingat geunap uroe Bu phet kulet asoe mangat Beu seulamat dua nanggroe Bu meutuag Cut Usman Banpeuet sajan deungon putroe Deungo aneuk ulon kheun ban He intan keumala nanggroe Raja neukheun pantah-pantah Deungo lon peugah he samlakoe Tameuniet lon he meuh mirah Hambateu sah ban lheueh tabloe Nyawong tuboh darah gapah Milek Allah dum sinaroe Bak gata pon lon ijadah Neupeumurah bak jeuep-jeuep syoe Ngon mukjizat Nabi Muhammad Ngon keuramat dum eelia Jinoe aneuk lon bri ingat Pulang amanat dum bak gata Nyanpat kuta ngon meuligoe Lon peujaroe ubak gata Blang ngon gampong dum sinaroe Aneuk nanggroe hukom gata Tameuniet lon he samlakoe Hamba tabloe lheueh meurdeka

Abeh wasiet raja nanggroe Pangge meuntroe ngon bentara Hoka tandi waki bujang Kajak rijang meuseuranta Kayue teuka dum sibarang Uleebalang ngon panglima Bujang mudek baroh tunong Jipeh mongmong subra donya Rakyat jitren han peue tanyong Agam inong woe lam rimba Uleebalang ngon pahlawan Abeh keunan troh bak raja Abeh jitren seukalian Tamong yoh nyan dalam kuta Tujoh uroe jitren sabe Sang han lot le mideuen raja Puteu raja neupeugah le Tadeungo he dum bentara Nyang jeuet gata dum lon pangge Kaoi janji lon meunada Hajat ulon meukhanduri Alem faki yue meudo'a Cut Usman ulon rasi Lakoe cutti gantoe raja Lon ka tuha hana le asi Rab ka mate ajai teuka Lom neupeugah bak samlakoe Judo Putroe Meurak muda He aneuk raja dungo lon kheun proe Gata gantoe lon ka tuha Tameuniet lon lheueh tateuboh Soe me bungkoh ranup gata

Meunan jinoe he aneuk beh Lon peugah troh bijeh mata Adat gop poh di rot di blang Na soe sayang meuna gata Mubek aneuk tatumpoh cang Jampang-jampang jan tamaba Poteu raja yoh nyan pulang Dum sibarang balatantra Abeh neujok alat keurajeuen Kreh ngon peudeueng pulang keu gata Rumoh meuligoe kuta ngon mideuen Dum reuen-mareuen alat raja Kulah kama meuh kawoh intan Peutoe keulandan geudong meutia Bungong sunteng alat pakaian Teumpat singgahan keurusi tahta Sikin sarong ulee intan Bungkoh sajan bate ceureupa Abeh neujok seukalian Raja yoh nyan lom meusabda Hoka gata uleebalang Di lua di blang bansineuna Jinoe Raja Cut Usman Ikot bek han dumna gata Poteu raja phon hei ampon Nyang awai phon mula-mula Teuma rakyat seugala don Ato turon ban nyang kada Lheueh geutabai Cut Usman Raja yoh nyan lom meusabda Tadeungo he keujruen meuntroe Bansinaroe tuha muda

Silapeh treuk goh seuleusoe Gohlom sampoe kaoi nada Meurak Asanah lon peukawen Mayoh meusyen meukeurija Lon peugah lom lahe baten Kon peue laen lon meunada Bak donya nyoe bek le jeuheut Tan mubacut beuet keurija Ka lon peugah nyan ube buet Tadong santeut dumna gata Ulon siblah sidroepi jeuet Nyang meukeusud keu seumua Peueu han ase tapeuase Ubat beude ngon ramtaga Uleebalang dum seuot le Ban nyang pike po meukuta Nibak kamoe cit ka ase Hana pade meujak mita Nyoepat meuriam dum ube-be Ka jitet le su meutaga Jitet sigo geureuda kafe Sang-sang reule nanggroe raya Dua buleuen keurija sabe Meusu beude miseue geumpa Bumoe leungo langet mirah Bu meukuah beungoh seunja Rakyat le that han peue peugah Usman Basyah badai raja Buet keurija sep-sep han sep Ho maken trep laju raya Putroe nam droe ate saket Lam meurep-rep geunap masa

'oh jikalon lakoe adoe Hana bagoe ate luka Dalam ateji that seungkoe Geunap uroe ro ie mata Daraman Ali hana gundah Gaseh meutamah keu adekda Putroe limong nyang that sosah Mita ilah ngon bicara 'oh jikalon Usman Basyah Nyum aruwah jikeulua Adat meujeuet jipeureulan Ji'uet han jan siklep mata Pakri laku cutda badan Toh amilan rot tadaya Teuma jikheun bak ayah droe Cut putroe peugah rahsia Wahe ayah raja nanggroe Pakri kamoe he meukuta Meurak Asanah ka na lakoe Ka dua droe aneukji na Kamoe nam droe han padoli Tan suami troh 'an tuha Saboh di ulee saboh di gaki Hana sabe bah ayahda Poteu raja seuot pantah Meunoe ulah neumeuhaba Wahe aneuk bek that sosah Meurak Asanah buet Rabbana Hana di lon kupeukawan Bak jitren Pulo Sumatra Dilee ngon kah sigo jitren Sideh kawen gampong donya

Bek le aneuk ate sosah Jinoe di kah na soe kira Ngon keuramat Usman Basyah Meurak Asanah jroh seutia

Peue nyang aneuk tameuhajat Ase siat ban tapinta Lagi alem ngon keuramat Raya meurtabat dum geuthee na

Adat meukon raya tuah Han troh langkah keunoe teuka Bala di rot hana peue peugah Laot barollah le that bahya

Meukon ureueng hampe Tuhan

Hana jalan rot jiteuka Ureueng hampe ngon halarat Laot darat bakjih sama

Beuthat rot laot hana mupat Jalan mangat ro musafara Pinto donya ka lon yue doe 'oh woe putroe adek gata

Nyang na teuhah pinto bumoe Rot nanggroe Raja Angkara Asai phon-phon nyang meulinteueng Kuta Kareueng saboh raja

Teuma lheueh nyan Kuta Beusoe Nyanpi nanggroe luah raya Teuma lheueh nyan Kuta Pirak Raja Palak nyang kuasa

Nanggroe luah that meuhayak

Nam buleuen jak pasang guda Kuta Gunong Meueh nyang that tarek

Paya Rubek meuglet bungka

Sakti le that hekeumat tarek Sulotan Malek nama raja Tujoh thon jak jalan sampoe Troh bak nanggroe Syrwan Indra 'oh troh keunan baranggasoe Umu sampoe mate fana Kareuna raja ureueng inong Jihantam han jeuet tagisa Dum raja nyan bansinaroe Taklok keunoe banseumua Bitpi taklok han troh jijak Jalan jarak silagoina Muploh ribee kapai karam Jihantam le bakat raya Adat seulamat sinan jalan Laot intan han ek lingka Intan jibeudoh ateuch umbak Lhee buleuen jak jiplueng cahya Bek antara keunan tajak Di jarak ka buta mata Baranggasoe jak han ek leupah Angen bagah ribot raya Cut Usman nyang meutuah Ka troh langkah keunoe teuka Nyankeu lon kheun bek that sosah Bungong mirah iem tasaba Cut Usman meutuah that Buet halarat han troh duga Bek le aneuk sosah ate Bungong pade bek that subra Teuduek dilee ate sosah Nyoe lon peugah Raja Muda

Lheueh geutabai Usman Basyah Rakyat barollah dum jigisa Ayah putroe lom neupeugah Buet Po tallah han troh duga He raja cut po samlakoe Cutda nam droe toh bicara Kareuna jih goh na lakoe Pakri jinoe pat tamita Jinoe aneuk gata hukom Wareh kawom laen hana Adat na lon he samlakoe Han troh jaroe keupeue guna

Kadang jijak jeuep-jeuep nanggroe He samlakoe jeuheut gata Han le jidong bak teumpat nyoe Malee kamoe gop ceureuca Bek he aneuk le taiem droe Judo putroe tajak mita Kanun reusam 'uruf nanggroe Bak ureueng binoe seulangke teuka Cit ka meunan he samlakoe Baranggasoe meugah hina Po Cut Usman seuot pantah Insya Allah po meukuta Tulong Tuhan insya Allah Ngon afuwah po meukuta Ngon beureukat do'a nang mbah Mudah-mudah ek lon peuna Teutapi na bacut sosah That bit payah bak tamita Lam nanggroe nyoe hana sapat Timu barat aneuk raja

Aneuk meuntroe deungon meugat Han ek dapat jiba kada Lagi kureueng bak meurtabat Han jeuet jimat aneuk raja Raja Muda sosah sangat Seubab hajat goh seuporna Bu neupajoh han tom mangat Gadoh ingat bak neukira Ka teuingat nibak ate Kaman bahle lon meuhei ma Bah lon pangge Raja Syarwan Wasiet peusan dileepi na Na sikeujap lheueh nibak nyan Neukheun nyoeban Raja Muda Wahe ma po ma teungku droe Beu troh keunoe siklep mata Tajak he ma siat keunoe Aneukteu nyoe sosah raya Meuhana troh bak siseun nyoe Malee kamoc jeuheut gata Sinoe neuhei sidch neuthee Bungong keumbee sakti raya Raja Syarwan yoh nyan seuot Leumah-leumbot ngon suara Taprch dilee he bintang sret Aneuk tulet boh ate ma Insya Allah he Cut Usman Troh lon keunan bijeh mata Raja Syrwan pangge rakyat Troh le siat keunan teuka Pahlawan dum kuat-kuat Gunong jimat jigeulawa

Limong ribee geuba pahlawan Uleebalang lapan laksa Laen meutroe deungon meugat Barollah that tantra teuka Sakti tarek dum pahlawan Po lam awan lop lam donya Laot apui jeuet jitamong Dalam gunong jeuet jihala 'oh troh keunan dum jideelat Peue na hajat po meukuta Raja Syarwan peugah leugat Lon jak siat bak aneukda Cut Usman pangge kamoe Beudoh jinoe jak tabungka Jiseuot dum meuntroe meugat Kadang arat gop prang kuta Meujadi prang po junjongan Bahle karam nanggroe Indra Mangat jithee meuntroe Syarwan Mangat jituban Raja Angkara Beudoh rijang po junjongan Cut Usman saleh peue ka Meunyoe bit-bit gop prang nanggroe Dum sinaroe kupufana Raja Syarwan seuot rijang Kon gop jak prang aneuk hamba Putroe nam droe lakoejih tan Kakee tuban dum rahsia Meunyan tuanku peue cit sosah Insya Allah troh ban pinta Kamoe sangka gop prang nanggroe Judo putroe mudah raya

Insya Allah tuanku droe Bak kamoe ateueh jeumala Raja Syarwan peukeumah droe Bungka jinoe deungon tantra Neuhei angen nyang saktian Neupo yoh nyan tantra raja Jiteureubang dalam awan Tantra Syarwan u Antara Umu peuet jeuem jiteureubang Sampoe datang.bak aneukda 'oh sare troh bak nanggroe nyan Tamong rijang dalam kuta Abeh tamong dum u dalam Troh u hadapan Raja Muda Meuntroe meugah ngon pahlawan Abeh keunan dalam kuta Po Cut Usman beudoh leugat Bri horeumat seumbah po ma Raja Syarwan ate mangat Tanyong leugat bak aneukda Wahe aneuk peue na sosah Tapeugah bek malee mata Peue na napsu he meuh mirah Insya Allah Po Karonya Po Cut Usman seuot pantah Lon that sosah wahe po ma Putroe nam droe he ma pakri Tan suami troh 'an tuha Wahe po ma jinoe pakri Pat tacari aneuk raja Lam nanggroe nyoe hana sapat Timu barat ka lon mita

Ka lon sudi jeuep-jeuep teumpat Hana sapat aneuk raja Beu le gaseh ma meutuah Taseuleuah siat he ma Tatueng fahla bak Po tallah Bek ngon ilah bak buet donya Tuhan neubri nekmat limpah Badai payah le that fahla Raja Syarwan seuot laju Aneuk teungku lon usaha Pane raja tameunapsu Bungong meulu nyang tahawa Beuthat meugah ngon meusyeuhu Barat timu lon jak mita Beuthat jiduek dalam laot Long angkot keunoe bak gata Beuthat nanggroe dalam awan Lon con intan keunoe lon ba Peugah aneuk leugat pantah Bungong mirah siri raja Cut Usman peugah meunoe Deungo kamoe wahe po ma Aneuk Raja Kuta Karang Na meuteumeung saboh masa Masa lon jak bungka keunoe Ngon kamoe ka jeuet syeedara Dilee lon jak keunoe seubrang U Kuta Karang Cut Meulu ba Meunyo cutda neukheun ayah Di lonpi sah kukheun bapa Saleuem ulon ma neupeugah Keu bawah kidam meukuta

Bungkoh di baho tungkat di jari Ulon geumade nibak sripada Neubri keu lon aneuk sidroe Cutda putroe judo hana Neucre sinan u Kuta Beusoe Bak nanggroe Mahmud Beurama Neulakee bak raja nanggroe Saleuem kamoe neupeuhaba Sinanpi na aneuk sidroe Ureueng lakoe elok rupa Neucre sinan u Kuta Pirak Bak nanggroe wak Sulotan Usma Teuma neujak u nanggroe Tasek Sulotan Malek bak ayahda Neukheun saleuem ulon peuek Putroe baek judo goh na Nyankeu raja nyang di ateueh Gunong meuh di leuen istana Nam reutoh raja taklok keunan · Bak tuan nyang junjong sabda Nama geuhei Amat Kumiran Di bawah nyan peuet reutoh raja Takheun saleuem lon keu ayah Jaroe dua blah di jeumala Aneuk tuanku lon bri zeejah Hajat peunikah ngon teumuda Geulantoe neubri keu lon seudeukah Lon tueng ijadah bak meukuta Sare abeh Usman peugah Syarwan pantah beudoh sigra Nam boh pucok peugot surat Ban nyan adat meujeulih raja

Maseng-maseng na alamat Lapek surat jeuep-jeuep raja

Raja Syarwan dong beurdiri

Jihei wadi ngon panglima

Ka jipangge angen sakti Jimeuncri dalam Indra Beudoh rakyat yoh nyan mari

Kandran sakti banseumua

Ka jibapo dalam awan 'oh tapandang han meuho ka Kandran sakti miseue hewan Ban lakuan kleueng seumama

Ka rab hampe laot intan Raja Syarwan le bri haba Ka jipeugah dum bak rakyat Ingat beu that bek binasa

Cuba kalon na deuh kilat Ateueh bakat na meucahya

Meuna jibeudoh cahya u darat

Surot siat preh kutika

Meutabungka jeuet meularat Jadeh meuhad sret bruek mata

Keupeue udep hana mate

Mata han le keupeue guna

Rakyat seuot jipeugah le Ampon doli hana cahya Nyang na leumah cit meusagop Laot seupot glap-gulita

Bak peunyum lon intan ka sret

U pusat laot dum teurhanta

Meunyo meunan bungka leugat Bit nyo jroh that roh kutika

Sakti pantah po jikarat Jilumpat ka lheueh u lua Sare leupah laot intan Troh bak jalan nyang seujahtra Bungka laju bacut bacut Han le hayut ka seumporna Troh bak nanggroe Sulotan Mahmud Sakti sujud ban kleueng sama Troh bak nanggroe geubeurjalan Sajan-sajan ngon balatantra Sira geujak mupeurasan Raja Syarwan le that tantra Hingga troh u nanggroe Tasek Surat geupeuek keu poteu raja Han jitamong jih u dalam Seubab han jan teungoh bungka Limong ho treuk gohlom jijak Goh meurumpak deungon raja Jihei ureueng sinan sidroe Jok u jaroe surat dafta Tadeungo he ureueng lakoe Surat nyoe tajok keu raja Han peue ulon le hikayat Dalam surat sinan haba Nyang jom meusoe teuka mupat Soe nyang lihat 'oh jibuka 'oh neutanyong soe me keunoe Takheun kamoe Syarwan Indra Pakon han troh jijak keunoe 'oh jan lon woe tapeuhaba Takheun saleuem lon sipatah Usman Basyah meulintee raja

Judo Putroe Meurak Asanah Haliman Syah nama raja Nyankeuh ayah Meurak Asanah Raja meugah di Antara

Abeh dumpeue ka jipeugah Yoh nyan pantah le jibungka Tinggai sinan ureueng lakoe Ka jiwoe bak poteu raja

Troh bak raja jibet jaroe Ampon kamoe po meukuta Seumbah saleuem Usman Basyah Geuyue peugah bak sripada

Meunan bak lon geuyue peugah Kon beurakah lon peuhaba Nyoe na saboh surat geujok Geuyue peutrok keu meukuta

Hana keunoe droegeu masok Gop nyan dawok teungoh bungka Nyang me surat Raja Syarwan Cuco tuan Raja Angkara

Poteu raja neucok surat Kalon leugat peue na haba Neueu haba dum mangat that Sang bu leukat ngon srikaya

Cut Usman that meutuah Ka troh langkah bak tuan tha Sabet beuna waliyullah Dum meusiblah nibak bahya

Bak lon sangka han udep le Ka mate lam laot raya Ka seulamat cut boh ate Ka meusampe troh ban pinta

Poteu raja neumeuase Rakyat neupangge meukeurija Uroe malam geutet beude Jeuep lungkiek gle ureueng bungka Raja Syarwan jibeurangkat Sajan rakyat balatantra Troh bak nanggroe Kuta Pirak Bak nanggroe wak Raja Beurama Raja Syarwan ate galak Kuta Pirak jieu rupa Jieų kuta hu mubhak-bhak Lhee buleuen jak jiplueng cahya Nyanpi surat jiyue bawak Droe han jijak lom jibungka Miseue dilee lom jipeugah Usman Basyah surah hamba Surat jijok jiyue puwoe Ureueng nanggroe me bak raja Poteu raja neubeuet surat Ate mangat hana tara Raja Syarwan bungka leugat Troh bak teumpat Kuta Teumaga 'oh sare troh bak nanggore nyan Jok kireman leugat bungka Di jih han le jidong sinan Bungka yoh nyan pantah sigra Bungka laju tan jipioh Hingga troh bak laen donya Troh bak gampong Kuta Beusoe Jipioh droe siklep mata Nyanpi surat jiyue puwoe Han jijak droe lom jibungka

Rab ka abeh dum seuleusoe Saboh nanggroe treuk gohlom na Bungka leugat Raja Syarwan Kuta Karang troh jihala

Tantra Syarwan dong meureuleueng

Jareueung-jareueng jitet lila Jitet beude meugeureupoh Abeh kiroh ureueng donya

Raja nanggroepi ka rioh Neukheun musoh pane teuka Ka neupangge le ngon meuntroe

Geusyik sagoe ngon panglima

Wahe meuntroe tadeungo kamoe Cuba jinoe jak peunyata Teubiet u blang gata siat Le that rakyat lon eu teuka

Cuba tanyong peu na hajat Kheun beu teupat bek meuriba Meuntroe teubiet laju u blang Sajan-sajan ngon peurdana

Hana jan troh jijak keunan Raja Syarwan le meuhaba Keunoe laju wahe tuan

Na peue padan lon ngon gata Han jijeuet jak sang teumakot

Meusurot 'oh jieu tantra Jikeumeung plueng hana patot Bak teuot jipeugot geumpa

Bek tatakot wahe teelan Bukon lawan lon syeedara Ulon suroh cut bangsawan Haluan lon me keu raja

'oh jideungo geukheun meunan

Peurab yoh nyan han le goga Ban sare troh jijak keunan Surat yoh nyan le geuyue ba

Takheun saleuem Cut Usman Raja Syarwan nyang me sabda Jicok surat mat u jaroe Teuma jiwoe pantah sigra

Troh bak raja jikheun meunoe Ampon kamoe po meukuta Ureueng datangpi ka meusoe Jeuoh nanggroe keunoe teuka

Hajat keunoe geumeulangkah U bawah kidam po meukuta Geukheun saleuem Usman Basyah Geuyue peugah bak sripada

Nyang jak keunoe Raja Syarwan Cuco tuan Raja Angkara Nyoepat surat saboh geujok Geuyue peutrok keu meukuta

Gop nyan keunoe han geujak trok Surat geujok mula-mula Ban raja deungo haba meunan Po junjongan ate suka

Neueu saleuem Cut Usman Raja yoh nyan suka rasa Bit meutuah aneuk lon nyoe Ka troh jiwoe bak tuan tha

Bak lon sangka ka mupaloe Bak nanggroe Raja Angkara 'oh troh keunan baranggasõe Umu sampoe mate fana

Nyankeu aneuk nyang meutuah Waliyullah that takwa Sabet beuna Usman. Basyah Meurak Asanah nyo judonya Poteu raja kalon surat Neubeuet leugat pakri rupa Neudeungo haba dum mangat that Raja deelat ate suka Aneuk ulon jilakee sidroe Judo putroe hana lom na Bahle lon bri kaman jinoe Aneuk kamoe bah lon yue ba Poteu raja kheun bak bujang Rakyat rijang kaseuranta 'oh sare troh keunan datang Suroh u blang pantah sigra Jak kateubiet jinoe rijang Jamee datang ampeueng sigra 'oh lheueh suroh nibak deelat Teubiet leugat le u lua Kajigrop-grop ngon jilumpat Galakji that hana tara Jitet beude meugerupoh Tadeungo kiroh su meutaga Nyang tuha tuha mumat jaroe Dum sinaroe meu'ah deesya Jipeutamong le u dalam Troh bak makam poteu raja 'oh sare lheueh mumat jaroe Sideh sinoe bungkoh geuba Raja Syarwan geupeujamee Miseue lagee meukeurija

Dua uroe teutap sinan

Raja Syarwan buka haba

Wahe Raja Kuta Karang Lon ka datang keunoe teuka

Lon ngon gata ka meuteumeung

Neubri bulueng lon jak gisa

Peue peuneugah dalam surat Ka talihat peue na haba

Teuma seuot raja deelat Haba mangat dum srikaya Aneuk ulon na siurat Gohlom dapat lon bri jeumba

Bak lonpi jeuet ban nyang hajat Hana dapat lon meudawa Cut Usman manyang pangkat Lon takot that teumeureuka

Dum geuthee na timu barat Meusyeuhu that Raja Muda Diwa Syarep aneuk deelat Neujok leugat le neuyue ba

Raja Syarwan yoh nyan neuwoe U Kuta Beusoe le neuhala Kuta luah hana bagoe Raja nanggroe geuhei Beurama

Sinanpi lom jicok sidroe

Nama samlakoe Sulotan Usma Hingga meunan jeuep-jeuep teumpat Abeh meusapat aneuk raja

Abeh bannam jipeusapat

Jiba leugat banseumua Jipeuduek ateueh kandran sakti Dua hari ka seumporna

'oh sare troh bak samlakoe Jipeujaroe aneuk raja Saleuem Raja Kuta Beusoe Geuyue puwoe ubak gata Nyoe ha aneuk cut bangsawan Suroh intan ubak po ma Ka lon puwoe bungong mirah Ngon meutuah boh ate ma Tan jidawa 'oh lon peugah Bungong kipah tuah gata Jinoe aneuk lon kujak woe Po samlakoe idin gata Insya Allah ma teungku droe Keu ulon nyoe beu le do'a Uroe dudoe jan meukarat Tahei leugat troh lon teuka Insya Allah ma jeunulang Jak tariwang beu sijahtra Raja Syarwan beudoh teureubang Sajan-sajan deungon tantra Cut Usman beudoh pantah Jak bak ayah putroe muda 'oh troh keunan u hadapan Cut Usman neumeuhaba Ampon tuanku na peue hajat Nibak deelat lon peuhaba Kheundak Tuhan Po halarat Hajat deelat troh ban pinta Napsu deelat linto baro Bri Tuhanku troh ban pinta Cutda nam droe neubri judo Linto baro nyoe nyang ka na

Roh sipadan ngon siuko Ban diseuto han meutuka Bukon aneuk baranggasoe Ureueng meusoe biek meunama Aneuk Raja Kuta Beusoe Ngon kamoe ka jeuet syeedara Poteu raja seuot meunoe He samlakoe Raja Muda Peue tatanyong nibak kamoe Ban hajat droe bijeh mata Ban nyang hajat bungong peukan Seukalian milek gata Han peue tanyong bak lon tuan Kri nyang padan bak lon rela Di lon han le kumat nanggroe He samlakoe hukom gata Ban neudeungo haba meunan Cut Usman beudoh sigra Neupangge le waki meuntroe Tajak jinoe meuseuranta Beu abeh dum jitren keunoe Hajat kamoe meukeurija Meuntroe beudoh rijang-rijang Jikrah urang meuseuranta Rakyat jitren dum sibarang Uleebalang ngon panglima Nam reutoh tujoh ploh raja di baroh Bandum ka troh keunan teuka Cut Usman raja alem Seukalian tren bak raja Nyankeu raja nyang meutuah Waliyullah that takwa

'oh lheueh meuntroe jak keumeurah Rakyat barollah abeh teuka Jitren laju subhanallah Han peue peugah ban ie raya Tujoh uroe jitren sabe Sang han lot le mideuen raja 'oh meusapat seugala be Jijunjong le Raja Muda Uleebalang dum hei ampon Jiseuon ngon jaroe dua Kamoe ka troh seugala don Ho neusuron po meukuta Siri gampong ka meusugang Toh siri blang tan musara Kamoe ka troh dum ka datang Pat saleh prang lawam raja Raja Muda seuot rijang Bukon buet prang lon yue gata Beu le gaseh deungon sayang Tulong alang dumna gata Cutda nam droe lon peukawen Mayoh meusyen meukeurija Gata siblah teudong aseng Linto jitren di rumoh gata Tadong santeut seugala don Bek malee lon bak teumuda Syeedara han kawom lon tan Tulong sayang lon tan bapa Nyankeu narit ka lon peugah Pakri mudah nibak gata Bek meusampe ureueng meudagang Teugo tan wang han soe kira

Uleebalang seuot meunoe Bak kamoe ateueh jeumala Ban nyang titah po junjongan Seuon laman barang sabda Meunyo keumah pakat sampoe Jakleh tawoe meukeurija Teuma beudoh uleebalang Puwoe rijang aneuk raja Jicok linto saboh sidroe Maseng bakdroe dum beulanja Maseng-maseng kira keudroe Aneuk nanggroe jak mumita Seubab aneuk raja meugah Jeuoh langkah keunoe teuka Buet keurija han peue peugah Jitet keumurah raya-raya Rot Usmanpi ka ase Geureuda kafe geutet sigra Ngon suara hana sabe Sang reuloh gle karam donya Tujoh uroe mupeurasan Lheueh nibak nyan linto geuba Putroe bannam sigo kawen Maseng-maseng judo ka na Saboh sapo geubri judo Linto baro aneuk raja Roh sipadan ngon siuko Ban nyang laku tuha muda Jinoe han le tahe-gante Ka na judo banseumua Han ceumuru le keu adoe Cut putroe ate suka

Na cit bacut nyang na paloe Judo adoe badai raja Halaman Syah neuduek keudroe Miseue bagoe ureueng tuha Na cit bacut jitroh deundam Muka masam bandum cutda Lagi bakjih aneuk agam Han ek tatham dum peukara Cut Usman ate seunang Cutda bannam judo ka na Cut Usman keurajeuen nanggroe Meurak Putroe dalam kuta Teutap keurajeuen raja seudang Hukom seunang tan meuriba Hukom ade hana lawan Lam nanggroe nyan Raja Muda Aneuk raja bunoe nam droe Tadeungo jinoe lon kheun nama Diwa Sang Sarep sidroe geupeunan Keudua nan sulotan Usma Nama nyang lhee Raja Pari Peuet geurasi Juhan Indra Nama keulimong Rakna Syahi Keunam geurasi Raja Miga Nyan syeedara Cut Usman Lam nanggroe nyan mat neuraca Usman kheun bak siuroe Ubak nam droe aneuk raja Neuyue pangge raja nam droe Troh le sampoe keunan sigra 'oh troh keunan bak bale rom Meuhimpon deungon bentara

Cut Usman neumeututo Hadapan le neumeusabda Ho panglima deungon meuntroe Bak ulon nyoe bacut haba

Hajat ulon raja nam droe Lon yue gantoe mat neuraca Jinoe lon boh peurdana meuntroe Bannam droe peudimang raja Timu barat tunong baroh Hukom putoh bak kakanda Kareuna lon akai kureueng Tamse bateueng tan bicara Ulon harap dum sibarang Hukom abang bannam gata Syeedara han kawom lon tan Lon harapkan bak kakanda Lon kakanda aneuk dagang Keunoe datang sidroe saja Beu le gaseh deungon sayang Lon niet mawang saboh bunda

Adat gop poh di rot di blang Na cut abang deungon hamba Bak kakanda sibarang hai Lon tan akai ube seuma Udep mate laba rugoe Lon nyang adoe hukon gata Nyan kakanda ulon peugah Beuna salah bak kakanda Neupeutimang ban nyang adat Aneuk rakyat ngon panglima Nam reutoh droe raja di baroh Lam keumak beh bak kakanda

'oh troh raja timu barat Keunan leugat ubak gata Nyang lhee reutoh han troh jijak Hukom nibak lon adekda Ulon teuka 'oh na hajat Timu barat troh lon teuka Wase nanggroe wase ladang Hukom abang banseumua Nibak ayah neutueng hukom Ladom-ladom bak ayahda Raja Usman neukheun pantah Ubak ayah putroe muda Haliman Syah di hadapan Neubet tangan Raja Muda Ampon tuanku payong nanggroe Raja nam droe peutimang raja Nyankeuh meuntroe lam nanggroe nyoe Aduen adoe mat neuraca Dumna raja dalam nanggroe Dalam jaroe bak kakanda Neutueng pakat nibak ayah Beuna salah ikot dumna Raja han troh jijak keunoe Hukom kamoe po meukuta Ngon beureukat kawoh doli Troh lon titi deungon sigra Bak kakanda ulon yue ladom Ban nyang hukom aduen hamba Haliman Syah seuot rijang He bintang ban hukom gata Udep mate laba rugoe Po samlakoe ban nyang suka

Haliman Syah neukheun rijang Bak raja nam neumeusabda Nyan he aneuk tuto adek Bek tabalek bijeh mata Beu sapeue kheun bantujoh droe Po samlakoe aneuk hamba Bak lon aneuk paleuet linteueng Intan buleuen bandum gata Raja nam droe seuot pantah Jaroe dua blah di jeumala Ampon tuanku meuribee ampon Patek junjong kawoh meukuta Kamoe tuanku keunoe datang Aneuk dagang jeuoh donya Di tuanku neutem peusayang Kamoe tan wang mante rimba Bannam kamoe po junjongan Di yup kidam harap mulia Neugantung manyang neuboh jeuoh Nyawong tuboh milek sripada Ban nyang hukom po junjongan Bak kamoe tan paleng muka Syeedara han kawommeu tan Meulaenkan kawoh sripada Hana patot neujok nanggroe Deelat meukatoe kamoe hamba Nyang patot mee ampon doli Ie srat gaki lon keurija Laen nibak nyan deelat meulagee Lon plah kayee yup istana Cut Usman seuot leugat Kru seumangat he kakanda

Lon niet gata he cut abang Saboh mawang deungon hamba Lon niet nyawong deungon tuboh Nanggroe jeuoh keunoe teuka

Meutan gaseh gata nam droe Ka lheueh bunoe lon peuhaba Bek meudawa he cut abang Lon pulang bak nam droe gata

Ayah gata di lon ayah Bek tabantah he kakanda Masa lon jak bak nanggroe nyoe Dum sinaroe bak ayahda

Meunyo gata takheun ayah Di lonpi sah ibu bapa Nyankeu cut bang bek bantahan Meulaenkan ban hajat hamba

Hana bantah bak lon tuan Meulaenkan ban hajat kakanda Ban nyang titah po junjongan Bak patek han paleng muka

Mangat ate raja nanggroe Bantujoh droe sang syeedara Putroe nyang nam han le sosah Haliman Syah ate suka

Raja Usman lam meuligoe Deungon Putroe Meurak muda Raja nam droe nyang peutimang Wase datang rok-rok masa

Jeuep-jeuep nanggroe troh dum wase

Keunan jime nanggroe raja Nyang teurimong raja nam droe Hukom nanggroe jeuep-jeuep banda

Keunan teuka jeuep-jeuep tempat Timu barat troh u Jawa Cut Usman meugah han soe Dum geupujoe troh u Banggala Troh nanggroe Rom ngon Turuki That juhari hukom beuna Nanggroe luah amat sangat Le that rakyat ngon panglima Pahlawan le meugah meugah That barollah kandran guda Baranggasoe han ek jiprang Le pahlawan teuga teuga Dalam kuta le meuriam Jicuram babah u lua Iku Lutong Geumpa Alam Taeu macam dum mubanja Hana sidroe nyang na agam Keunan jiprang Raja Muda Han ek talo bak lakuan That jeumeurang luah raya Lagi ade raja saleh Pangkat leubeh that eelia Uroe malam ingat halarat Jigaseh that le panglima Bandua ngon putroe ubat Aneuk deelat Hasyem muda Deungon rakan neujak meuen Meuen-meuen sabe muda Raja Usman lam meuligoe Deungon putroe meuseusuka Raja nam droe gantoe tangan That budiman bijaksana

Dalam nanggroe murah pade Ujeuen di gle kaem teuka Ureueng nanggroe manget ate Seubab ade raja raya Bentara ngon uleebalang Jipeutimang raja raya Hana sapat miyup manyang Jitimang ban on neuraca Buju kuta sibuleuen jak Ngon tapak bukon ngon guda Rakyat peunoh dum meusak-sak Jai ureueng jak ade raja Linteueng teuma nan blah uroe 'oh nan tanggoe luah kuta Teuduek 'oh nan dilee siat Lon riwayat laen raja

III. RAJA GEUNTA ALAM KEUMEUNG REUBOT PUTROE MEURAK

Nama nanggroe Tasek Hijo Pahlawan le teuga teuga Rakyat le that miseue naleueng Dumnan ureueng dalam banda

Raja nyan that sakti utoh Jipo jeuoh dalam hawa Jitapa bak cicem ujeuen Di baroh buleuen dalam miga

Umu peuet ploh thon lam tapaan Seukalian jipeurupa Han jithee na raja laen Meuntroe ireng lingka raja

Geunap uroe lam sukaan Seukalian deungon tantra Nama Raja Geunta Alam Luah makam hana ngon sa

Taklok raja lapan ribee Le that sukee kandran guda Deungon rakyat that barollah Nanggroe luah han ek bungka

Teutap raja lam meuligoe Wadi meuntroe sajan raja Bak simalam jimeulumpoe Na nyum putroe keunan teuka

Na nyum Putroe Meurak Asanah Meunan leumah lam rahsia Sang nyum jieh sajan putroe Lam meuligoe di istana

Jieu rupa dum bintang hu Glum meutabu peunoh dada Bulee keuneng rancong tajoe Patam bak dhoe jroh that rupa Takue panyang dum geularek Muka baek ban purnama Miengpi licen ban ceureumen Nyang that reunem bulee mata Raja tahe hireuen mandang Galak that sang ate suka Putroe laen hana meunan Jroh putroe nyan hana ngon sa Mata dua tamse bintang Reukuengji ban larek bunga Keuieng seudang baho manyang Jroh keumang sang kipah Cina Taeu gigoe puteh mirah Hana ubah bijeh deulima Raja yoh nyan mayoh keudroe Gila wang-woe pandang mata Aneuk jaroe jroh meususon Ujong turon bungong jeumpa Geunta Alam rindu ate Keu putroe ti Meurak muda Na nyum putroe jieu bek cre Pungo ate raja raya Ban teukeujot bak meulumpoe Beungoh uroe teubiet faja Ate sosah hana bagoe Raja nanggroe pungo gila Jiduek han seunang jidong ham teutap Seubab got that putroe muda

Bu jipajoh hana lot le Sang di ate sang di mata Yoh nyan raja pangge nujum Keunan bandum tren bak raja Jidong di yup peurakna seumbah Jaroe dua blah di jeumala Ampon tuanku meuribee ampon Kamoe bandum abeh teuka Peuebu hajat po junjongan Neukheun rijang po meukuta Sabda raja ubak nujum Neuyue kalon ban rahsia Wahe teungku guree kamoe Lon kheun jinoe ubak gata Beuklam teungku lon meulumpoe Na nyum putroe keunoe teuka Ulon lumpoe putroe indah Keunoe langkah troh bak hamba Na nyum jiduek sajan kamoe Lam meuligoe di istana Meurak Asanah nama putroe Indah han soe ateueh donya Nanggroe Tasek nan geurasi Kuta tinggi troh lam hawa Cuba kalon teungku siat Ek troh hajat ban lon pinta Lon meuhajat jak tueng putroe Cuba cieu dalam dafta Ampon tuanku kamoe lihat Ban kheun deelat di jeumala Yoh nyan nujum kalon surat Deuh jilihat dalam dafta

Jibet jaroe le meulayang Jikheun rijang meunoe haba Ampon tuanku payong nanggroe Payah putroe tuanku ba

Bak tamuprang payah hansoe Judo putroe sakti raya Le hekeumat han peue peugah Pahlawan meugah that peurkasa Teutapi le mate rakyat Seungsara that bak tangaza Geunta Alam seuot pantah Insya Allah he peundita Asai ka na putroe indah Nyang laen bah kri nyang suka Yoh nyan nujum jilakee woe Dum sinaroe lakee gisa Geunta Alam jikrah rakyat Timu barat raja raja Jitet sigo beude nubat Teuka rakyat jeuep-jeuep donya Raja taklok uleebalang Abeh datang keunan teuka Rakyat bha that ngon pahlawan Adi juhan ngon panglima Rakyat ka troh dum u mideuen Pioh di leuen meuligoe raja Sabda raja bak uleebalang Di lua di blang dum bentara Nyang lon pangge dum sinaroe Hajat kamoe heundak bungka Nanggroe Tasek nyang seureuloe Meugah putroe jroh that rupa

Meurak Asanah putroe indah Meusyeuhu gah ateueh donya Hajat ulon cut putroe jroh Lakoe lon poh lon prang kuta Uroe Hameh lon beurangkat Lon prang teumpat putroe muda Gaseh gata keu lon siat Tabeurangkat sajan hamba Seuot rakyat wadi meuntroe Dum sinaroe raja raja Ampon tuanku payong nanggroe Dumna kamoe ate suka Bah tacuba adu sakti Mangat meuri ngon peurkasa Keupeue kamnoe seukalian Meunyo tan prang keupeue kuta Keupeue meugah dum pahlawan Uleebalang ngon panglima Cuba sigo adu sakti Mangat meuri po meukuta Padumna trep hana muprang Dum pahlawan teuga teuga Keupeue sakti dum sibarang Han tom na prang rugoe raya Kamoe tuanku abeh pike Cit ka ase dum peukara Raja raja uleebalang 'oh jideungo prang ate suka Rakyat le that han peue peugah Guda gajah ladom unta Yoh nyan raja neubeurangkat Ireng rakyat han teukita

Jibeurangkat jalan lam gle That meuseuke dalam rimba Ateueh kandran dum peureugi Jak ngon gaki ladom guda Ladom ateueh guda tanji Meuntroe wadi ateueh singa Ladom duek ateueh waliman Ladom pasang ateueh naga Ladom giduek ateueh gajah Ladom ulah cong angkara Ladom duek ateueh guda plang Ladom pasang ateueh geureuda Ateueh burak ladom pasang Uleebalang ateueh naga Ateueh burong ladom pasang Ateueh tilam ladom raja Rakyat le that han peue peugah Gunong luah jeuet keu data Ladom raja jiteureubang Ateueh awan dalam miga Geunta Alam nyang meusyeuhu Ateueh manggu kandran raja Le that kandran macam-macam Dum pahlawan ngon bentara Bungka u nanggroe Haliman Syah Seubab meugah putroe muda Seubab meugah putroe jroh that Jibeurangkat jiprang kuta Padum lawet jibeurangkat Tan jitupat nanggroe raja Teutap mumita geunap uroe Hingga sampoe nam buleuen ka

Nanggroe putroe han jitupat Timu barat han meuhingga Tujoh buleuen jibeurangkat Rab ka mupat keumeung nyata

Hingga troh bak saboh padang Leumah yoh nyan hu meucahya

Leumah jieu hu that bandrang

U manyang u dalam indra

Meuteumeung le ureueng sidroe Supo nanggroe jipareksa Nanggroe Tasek pat daerah Cuba peugah ubak hamba

Aneuk Raja Haliman Syah Aneuk tujoh jroh dum rupa Aneuk tulet Meurak Asanah Nyang leubeh jroh nibak nyang na

Cut Usman nama lakoe Gampong nanggroe di Sumatra Nyang mat nanggroe lakoe putroe Meugah han soe ade raya Sakti utoh hana lawan Meurak intan judo banta Ngon pahlawan that barollah Guda gajah kandran rata

Kuta leusoh panyang tinggi Dum sipai kawai lingka Dalam kuta beude meuasoe Kawai putroe aneuk raja

Jen ngon pari kawai dalam Baranggajan lam jijaga

Ngon meuriam dum teudu-du

Aneuk taeu ube-be raga

Ngon sidadu jeuep-jeuep lapeh Beude puteh seunapang ceureupa Watee meugriet teuka musoh Sigo jicoh ban seulingka Nyang meuriam han ek peugah Keumurah panyang nam deupa Meuntroe wadi uleebalang Di geunireng raja raya Mangkubumi meuntroe tarek That ceureudek boh bicara Uroe malam hana tom cre Dum sipai pahlawan kha Haliman Syah neuduek keudroe Saboh sagoe dalam kuta Nyan habaran ka lon peugah Abeh udah lon calitra Geunta Alam deungo meunan Lom beurjalan ate suka Amma bakdu that meuragam Geunta Alam lon calitra Jibeurangkat malam uroe Mita nanggroe putroe muda Sibuleuen treuk jibeurjalan Uroe malam musafara Padum lawet teuma dudoe Troh bak nanggroe putroe muda Troh bak nanggroe Usman Basyah That barollah musoh teuka Troh bak padang di blang Tasek Uroe tarek sangat that kha Geunta Alam cinta hekeumat Teudong leugat dumna kuta

Na siribee kuta teudong Leusoh manyang dalam hawa Peunoh asoe dum di dalam Pahlawan deungon panglima Kuta teudong dum meureuntang Peunoh padang mideuen raja Manyang-manyang troh lam awan Geunta Alam nyang po kuta Geunta Alam peugot surat Yue ba leugat ubak raja Meunoe haba dalam surat Deungo he sahbat dua banja Saya datang raja deelat Bak teumpat gata nyang raja Cut Usman sayang lon that Bek meularat ateueh gata Bungong keumang lon meuhajat Intat siat keunoe sigra Tasek Hijo lon tren sideh Bintang peureuseh lon meuhawa Geunta Alam nama meuceh Jithee abeh dumna raja Meunyo hana bungong puteh Pike abeh dilee gata Meuhan tabri tuan putroe Ingat keudroe peukong kuta 'oh lon tamong dalam nanggroe Bek soh jaroe kamoe raja Sinoe lon preh limong uroe Ingat keudroe meunyo hana Lon kira.bek runtoh nanggroe Tabri putroe lon jak gisa

Dumna pahlawan gata sinoe Di kamoe lhee cupak sira Kutren di rumoh kurudah rinyeun Tan dua seun kupandang donya Meuhan tabri putroe buleuen Ban nyang kukheun han meutuka Rumoh kutet monteu kudoe Kucok putroe judo gata Meuhana troh limong uroe Kupoh lakoe putroe kuba Kubri ingat beu abeh proe Pike keudroe gata raja Ka lon peugah awai akhe Cuba pike toh meurasa Putroe kucok gata mate Nanggroe reule peue na laba Nyang got tabri rijang putroe Mangat kuwoe bek le goga Dalam surat nyang hareutoe Jiyue puwoe ubak raja Beudoh bujang jak me surat Troh le siat dalam kuta Meuteumeung le raja nanggroe Jok ba jaroe surat sigra Raja buka yoh nyan surat Neueu riwayat sabda raja Neudeungo habapi saket that Raja deelat mirah muka Cut Usman balah surat Tuto jroh that na dum saka Wahe Raja Geunta Alam Jakleh riwang bek le haba

Han peue dalem tapeuingat Cit tarek that lon thee gata Lon bri jinoe ban nyang hajat Putroe jroh that hana bagoe Rupa cidah putroe linteng Inong anjeng bulee soebroe Putroe jroh that dalem payong Bah tacom-com sira tawoe Dua banja mom bak dada Jroh that rupa plang bak takue Ngon suarapithat gura Ureueng teuka jigurantang Mukapi jroh tamse lutong Dalem payong sambot rijang Meuhan tatueng jakleh tawoe Bek kuseudoe nyawong karam Meuhan tawoe lon pakri bah 'oh noe tuah gata abang Saleh jinoe na umpeuen peudeueng Meuseunoh bayeuen dalam padang Simadua trep lam tapa Dua thon ka nyang hana prang Simadua Alam deuek deungn grah Bahle mirah ie beurawang Hana tom troh keunoe umpeuen Peudeueng keurajeuen lheuen neupulang Kubri umpeuen beu troe leupah Bek deuek ngon grah peudeueng bak wang Sayang lon that Alam Geunta Jak tagisa yoh goh karam Nyoepi saboh rimueng uteuen Tan soe linteueng jeuep-jeuep alam

Ka lheueh lon po dalam miga Ka lon lingka laot intan Laot apui ka lon cuba Tan lon kira nyawong hilang Nyoepi han peue insya Allah Deungon tuah abi ngon wang Ngon beureukat Teungku Syiah Deungon tuah Raja Syarwan Wahe Raja Tasek Hijo Jak woe laju yoh goh karam Tanda gaseh nibak hamba Nyang got gisa he buleuen trang Adat han tawoe lon pakri bah Ka sep tuah gata abang Saleh gata keumeung mate Narit singke sang binatang Meunyo galak teubiet nyawong He nyak bungong teubiet u blang Mangat taturi sane meuganong Cuba tamong u padang prang Meunyo galak gadoh keurajeuen Teubiet u leuen wahe abang Meuhan tamuprang beudoh jak woc Bek le sinoe le habaran 'oh nan tamat haba surat Ka neulipat jok bak bujang Bujang beudoh teubiet leugat Troh siat bak kuta di blang Jok bak raja pantah leugat Neuploh lipat le neupandang Ban raja eu haba surat Amarah that Geunta Alam

Peue kaduek lom he peutua Teubiet sigra u padang prang Jiteubiet le dum pahlawan Guda kandran gajah unta Uleebalang deungon rakyat Teubiet leugat dum bentara Troh u mideuen dumna rakyat Jideumpek that ngon meutaga Cut Usman ngieng u padang Neukheun rijang bak kakanda Bak syeedara raja nam droe Neukheun meunoe pantah sigra He kakanda Raja Pari Hukom neubri dum panglima Neuyue teubiet dum u padang Jak lawan prang musoh teuka Rakyat le that lon eu di blang Teubiet rijang bek lam kuta Raja nom droe suroh rakyat Teubiet leugat tajak ngaza Rakyat teubiet dum meuron-ron Ban bakat tren di kuala Raja nam droe teubiet sajan Guda kandran le that rupa Diwa Sang Syarep Raja Pari Lhee droe lagi Sulotan Usma Rakna Syahi nyang adoe nyan Abeh bannam teubiet ngaza Po Cut Usman neukheun meuceh Bak Sang Syarep meunoe haba Diwa tinggai sajan kamoe Bak uroe nyoe bek tangaza

Sang Syarep deungo haba meunan Tinggai yoh nyan dalam kuta Seubab Diwa that budiman Seubab gop nyan le bicara Jampang bicah ureueng muprang Na soe tuan boh bicara Diwa Sang Syarep tinggai sinan Deungon Usman dalam kuta Limong teubiet u mideuen prang That meuguncang mideuen raja Ngui mahkuta dum mupangkat Rupa hebat limong raja Neumupayong intan meukarang Reumboe intan hebat han tara Nibak jaroe peudeueng analan Sarong intan ngon meutia Rakyat deumpek rotdeh rotnoe Sang-sang bumoe beukah dua Meuteumeung le dua pihak Jimeutop tak han ek kira Jihei sare ngon jisurak Nyum meuhayak langet donya Jimeupoh-poh jimeutak-tak Mate rusak blah keudua Subhanallah prang meuhayak Jimeulikak dum panglima Jimeutop ngon leumbeng tumbak Jimeuancak meuen ganja Ngon peudeueng puteh mubhak-bhak Jikacak ngon cokma raya Ladom keunong di tangkurak Ka teukeupak hilang nyawa

Ka teupeuro teubiet utak Ladom layak reuloh muka Jeurat meulila deungon kapak Jipeusak u teungoh laksa Keudeh keunoe han meuirak Mate rusak han ek kira Nyang udep jimuprang sabe Nyang mate ka hilang nyawa Bumoe donya han leumah le Bangon mise malam jula Keudeh keunoe hana leukang Meutunang prang he teungku ma Jimeutop-top jimeucang-cang Meukumang meugisa-gisa Hana saho jitem leukang Meugeucoh prang han ek publa Ladom mate nyawong hilang Ladom mandang rusak saja Darah ile ban ie kubang Ka mirah blang ban keusumba Ladom bingong ulee mumang Jibangkang ngon peudeueng raya Pahlawan nyang kuat kuat Jilumpat u teungoh laksa Tunong baroh timu barat Jilumpat pahlawan raja Surak deumpek bangon bakat Rioh sangat dum peutna Hana teudohpi meusiat Sang kiamat meunan rasa Sang meugo-go sang meugop-gop Ka jisagop asap cokma

Seupot seupeuet beudoh sagop Ka jitop le asap lila Neutajo le Raja Pari Beungeh sang ri uleue bisa Sulotan Usma neubeudoh le Ka neunari dalam laksa Dalam laksa ka neutiek droe Meusoe-gumoe ngon rakyat bha Neucang rakyat that meukeupong Ulee puntong takue ngon pha Mate reubah dum meutamon Tamse bangon naleuen sira Dum pahlawan meugah meugak Abeh reubah dum meutimpa Meunyum tiwah ureueng landang Jiplueng rijang woe lam kuta Tantra riwang abeh bicah Raja marah hu ngon mata Pakon gata dum tariwang Panglima prang ngon bentara Teuma seuot dumna rakyat That meukrat kamoe dumna Lon eu limong droe pahlawan Gagah tuan hana ngon sa Jicang rakyat that barollah Han ek peugah boh had hingga Pantah miseue kilat barat Jicang rakyat han soe hingga Banlimong droe tamse kilat Abeh rakyat dum seureupha Hana meujan deuh tapandang Putoh reukueng takue ngon pha

'oh takalon mantong jarak Han jan meugrak troh u muka Tamse bade angen ribot Hana bacut ate lia

Han jan tangieng tajam leupah Ban siwah jisama kadra Han ek lon theun po junjongan Kamoe riwang siklep mata

Lon teubiet lom po junjongan Beuthat jicang ulon rela Beuthat raya deungon tungang Han lon pantang po meukuta

Meunyo hana lon cok putroe Hareuem nanggroe han lon gisa Di tuanku neuduek keudroe Na buet kamoe teubiet ngaza

Ban raja deungo narit meunan Raja yoh nyan ate suka Jiteubiet le dumna rakyat Meuntroe meugat ngon bentara

Ladom pasang guda tanji Meuntroe wadi ngon panglima Ladom payong meuceuradi Jipeunari dum peutua

Ladom pasang ateueh gajah Puteh mirah kandran raja Ngon mahkuta le that pangkat

Teubiet leugat dum panglima

Ngon pakaian macam-macam Keumba lapan le wareuna Raja raja payong intan Uleebalang nyang meunama

Jipeh tambo deungon geundrang Dum bunyian meusuara Jiyup suleng deungon gambang Jipeuek prang that bak nyang ka Surak deumpek bunyoe kiam Dalam padang that jimeutha Deumpek surak that meuguncang Nyum sang karam mideuen raja Ureueng jamee that gurantang Dum pahlawan teuga teuga Lheueh le beude ngon meuriam Kuta reuntang dum seureupha Amma bakdu jagong reuboh 'oh tapajoh seungam bangoe Jinoe beudoh puteh leusoh Seumeuloh ban matauroe Jipeugah le bak panglima Musoh ka na le meukatoe Jiteubiet le raja limong That meukeunong troh lam uroe Cut Usman tingkrom gaki Teubiet pari dum sinaroe Raja Pari dalam paya Ban keulua jibet jaroe Teudong di keue Cut Usman Yoh masa nyan jikheun meunoe Pakon tuan neupangge lon Ho neusuron bak uroe nyoe Patbu nanggroe hana wase Toh siri gle han troh keunoe Patbu gampong nyang meusugang Toh siri prang pangge lon nyoe

Cut Usman seuot sigra Ka na bahya lon siseun nyoe Lon syeedara ka roh lam prang Gaseh sayang keu lon sidroe Syeedara han kawom lon tan Aneuk dagang jeuoh nanggroe Meukon gata nyang ngieng hamba Laen hana baranggasoe Jen pari deungo haba meunan Jikheun rijang meunoe bagoe Insya Allah jikheun rijang Meumyo bak prang suka kamoe Pat jinoe tuanku lawan Jehpat di blang that meukatoe Rakyat le that sarat padang Di mideuen prang hana bagoe Amma bakdu nyoe nyang cakap Maken mangat nibak nyang ka Ban jideungo sabda meunan Deumpek rijang pari diwa Jiteubiet le dum meuree-ree Ban on kayee dalam rimba Rakyatpi le that barollah Guda gajah jipoh lawa Pahlawan le tamse jeundrang Hitam padang mideuen raja Dum rakyat nyan bangsa mambang Jibet tangan ateueh raja Pakon kamoc tapanggekan Neukheun rijang po meukuta Bek trep kamoe dalam padang Meunyo na prang lon jak ngaza

Neupeuleumah musoh datang Dum sibarang ate suka Raja Pari seuot rijang Tamasok prang dumna gata Cut Usman ka gop jak prang Jeh lam padang musoh ka na 'oh jideungo sabda meunan Beudoh yoh nyan pantah sigra Jiteubiet le u mideuen prang That guransang pari diwa Surak deumpek han soe tukri Teumakot gli musoh teuka Cokma peudeueng dum jisandang Mukaji ban tabak raya Mata mirah hu sang apui Musoh teukui pandang rupa Dalam padang dum jilumpat Jimita pat musoh teuka 'oh jideumpek na ban guroh U jeuoh sang geumpa raya Ateueh singa ladom pasang Nyang pahlawan ateueh naga Ngon pakaian le that macam Mirah hitam le wareuna Ngon mahkuta nam blah pangkat Rupa hebat miseue singa Jipalee gong deungon geundrang Bangsi gambang ngon nukara Dum pahlawan jigrop lumpat Teubiet leugat u mideuen raja 'oh sare troh u padang prang Deumpek rijang meutaga-taga

Rotdeh deumpek rotnoe surak Ka meurumpak dua tantra Raja limong sapeng-sapeng Manok bireng ngon keulantan Rakyat muprang that lam kabot Ban leuek meulet di cong asan Keudeh keunoe tan meusurot Got that patot jimeuhantam Rakyat mate that mubalak Nyang rusak han ek tabilang Nyang udep sabe jimeutak Prang meugunjak hana macam Pari kalon prang han tiwah Jicok pantah le ngon peudang Dalam tantra tamong leupah Jicang pantah musoh datang Raja nam droe blah rot barat Neucang leugat ureueng landang U timu sigo neulumpat U barat sigo neuriwang Tantra musoh le that mate Meugule sinan teulintang Raja Pari jicang sabe Musoh reule muka masam 'oh jikalon Raja Pari Ka jituri that guransang Dalam ate ka meunyum gli Le nyang lari u beulakang Parı deumpek that kuasa Rakyat bena abeh simpan U timu sigo neugisa Di pari ka sikhan kawan

Jideumpek le pari diwa Ka jeuet naga dalam padang Ube gunong badan raya Ka jiseuba tantra datang Gigoe panyang lhee ploh deupa Babah raya na ube blang Tantra le that ka jiseuba Beungeh raya Geunta Alam

Geunta Alam teupok jaroe Naga pindoe gadoh hilang Mangat ate dumna rakyat Ho maken that lom jimeucang Rakyat seuu nibak nyang ka Han le naga mate simpan Jimuprang lom nibak nyang ka Jiek lanja keunan curam Raja limong han peue kira Neucang lanja ureueng datang Tantra musoh le that mate Teutiek bangke sang timon phang Ho jipeunap abeh reula Le that mate rakyat simpan Jimuprang lom nibak nyang ka Jiek lanja keunan curam Raja limong han peue kira

Neucang lanja ureueng datang

Tantra musoh le that mate Rab han ek le nibak nyum sang Darah ile ban ie raya Hana reuda laju neucang Hana ek le dum jimeutha Jiplueng sigra dum jiriwang

Jikeumeung lop dalam kuta Pari diwa ka troh keunan Raja limong ka neukeupong Ka puntong takue neureupang Keudeh keunoe meusong-abong Ka neukeupong kuta di blang Rakyat bunoe abeh jiplueng Lam uteuen ladom jibungkam Ladom meusom bak bineh krueng Ladom lam lueng sinan diam Raja Pari beungeh raya Bak kuta keunan jiriwang Raja limong that seutia Neuek lanja keunan curam U pinto ka neupeuteupat Neukarat miseue boh sungkam Lheueh meuriam ateueh madat Ngon su nubat that geumeuntam Geunta Alam beungeh that hu Tanoh laju cok sireugam Dalam mideuen ka jisrom le Jeuet keu rante dalam padang Rante le that dum meuhue-hue Bak takue meucuet le rijang Bandum ureueng ka jeuet keu bue Hana sapeue teubiet kalam Raja limong bandum sapat Raya that rante meujantang Laen pari deungon rakyat Ka meuikat di teungoh blang Kon le rupa manusia Bandum rupa sang binatang

Miseue bangon lutong ngon kra

Rakyat banta'seukalian Dum teuduek-duek hana haba Alam Geunta po saktian Ka peunoh blang dum rakyat bha Rante raya meujeureukhang 'oh lheueh jiboh dum hekeumat Tamong leugat kuta dalam Tantra Usman ka meuikat Jilihat taloe meujantang Ka lagee bue rupa rakyat Galakji that Geunta Alam Raja Pari deungon rakyat Ka lam ikat dalam padang Ladom jeuet bue meunan rupa Kameng rusa lumo agam Jipeulagee rupa-rupa Seungap haba 'oh nan kalam Amma bakdu Allah he teungku Bungong meulu lon peuriwang Neudeungo cokma su ka teudoh Ka putoh hana le kiam Neubeudoh le puteh leusoh Neuteubiet troh pinto dalam Ka neukheun bak putroe areh Teubiet keudeh peunyatakan Pakon seungap hana bunyoe Rotdeh rotnoe seungap diam

Sang Syarep jak yoh nyan leugat

Troh bak teumpat lam padang prang Jikalon bue dum meuikat Bandum meuhad taloe meujantang

U likot neuriwang pantah Neujak peugah ubak Usman 'oh troh keunan neukheun laju Ka ulon eu meunoe macam Lon kalon bue sinan le that Ka meuikat dum di padang Nibak takue taloe meuhad Nyang rakyat meusidroepi tan 'ajab ate raja indah Tungkat pantah neucok rijang Cut Usman neutiek tungkat Neumeuhajat bak eelia Ka neuglong le ateueh bumoe Teubiet sidroe aneuk raja Rupa hebat that samlakoe Bak jaroe na beude ganja Geunta Sukma nan geuuroh Ngon rupa jroh sakti raya Geunta Sukma jibet jaroe Bak samlakoe Raja Muda Pakon tuanku neupangge kamoe Bak uroe nyoe han tom nyang ka Cut Usman seuot meunoe Lon uroe nyoe ka na bala Rakyat geutanyoe ka meuikat Tulong siat he syeedara Dalam padang dum meuikat Rante bulat bak angeeta Ban jideungo sabda meunan Beungehji ban uleue bisa Jibeudoh le uleue seudong Jibet sion bulee mata

Jijampu ngon bulee idong Ka jilambong dalam hawa Jitren ujeuen deungon guroh Abeh putoh rante bena Rakyat puleh tamse puroe Badan muwoe miseue nyang ka Rakyat beudoh bandum sare Tan le rante bak angeeta Geunta Sukma srom hekeumat Teuka leugat saboh bala Teuka reudok that meukeupong Ka jigulong tantra teuka Tantra musoh sret lam laot Taeu hanyot lam ie raya Rakyat sosah dalam laot Buet ribot Cut Geunta Sukma Le that rakyat mate lupot Dalam laot that seungsara Seungap mideuen hana le prang Rakyat hilang han meuho ka Geunta Sukma ka jiriwang Kuta alam woe bak raja Troh bak raja jikheun rijang Abeh karam tantra teuka Tantra musoh Geunta Alam Abeh peujam u laot raya Cut Usman seuot pantah Insya Allah he syeedara Geunta Sukma teutap sinan Lheueh meukalam deungon raja Lon peugah lom keudeh u blang Geunta Alam nyang po tantra

'oh jikalon tantra hilang Beungehji ban rimueng daya Jibeudoh le Geunta Alam Jicok rijang cokma raya Jipoh laju ateueh bumoe Tho laot nyoe jeuet keu data Tantra karam ka jiriwang U padang bak teumpat tantra Geunta Alam ate mangat Jieu rakyat tamse nyang ka Jimuprang lom nibak dilee Le that lagee jiboh daya Rotdeh rotnoe jiek gunjak Prang meuhayak nibak nyang ka Jimupoh-poh han soe tu'oh Leungo tanoh tamse geumpa Geunta Sukama jiteureubng Jilhom rijang dalam tantra Asap racon teubiet sinan Abeh pangsan dum lasyeuka Abeh reubah dum di padang Ka seungap prang tan soe ngaza Seungap bunyoe han le kiam Tan le urang safan-safa Geunta Sukma ka jiriwang U padang lam kuta raja Beude ganja nibak jaroe Leugat jiwoe dalam kuta 'oh troh keunan jibet jaroe Jikheun meunoe pantah sigra Tuanku rakyat abeh pangsan Dalam padang midcuen raja

Rakyat musoh Geunta Alam Abeh karam po meukuta 'oh lheueh pangsan dumna rakyat Lon woe leugat keunoe hamba Di likot lon saleh pakri Ampon doli han troh duga Cut Usman seuot pantah Bu meutuah dumna gata Geunta Sukma teutap sinan Lon peuriwang musoh teuka Geunta Alam duek ngon wadi Jideungo han le ureueng ngaza Mideuen seungap hana le prang Ureueng pangsan jideungo haba Jibeudoh le Geunta Alam Teubiet rijang u lua kuta Jideumpek le sigo nyang that Puleh rakyat dum lasyeuka Rakyat pangsan abeh puleh Nibak teueh beudoh sigra Rakyat beudoh nibak pangsan Jikheun rijang musoh hoka Jipeuek prang deumpek surak Rakyat galak nibak nyang ka Tantra musoh that guransang Sang nyum karam mideuen raja Raja Pari teubiet leugat Deungon rakyat balatantra Rakyat teubiet dum u mideuen Ladom peudeueng ladom cokma Raja raja cong guda plang Uleebalang ateueh unta

Ateueh singa ladom pasang Ladom tuan ateueh naga Surak deumpek karam mideuen Ka meuteumeung dua tantra Jimupoh-poh jimeutak-tak Mate rusak dum panglima Yoh nyan geuprang guransang that Mate rakyat han ek kira Rusak mate han ek peugah Ile darah ban ie raya Geunta Alam raja sakti Jiteubiet le jak peunyata Jikalon prang hana lagee Tiwah sukee raja teuka Jideumpek le sigo nyang that Angen leugat keunan teuka Ka jibapot Usman Basyah Troh leupah u lua kuta Bandum rakyat abeh reubah Sayang leupah dumna tantra Jinoe lon boh amma bakdu Ate seuu dum pahlawan Rakyat ranap tamse tika Alam Geunta that analan Ka jisurak that meutaga Siblah tantra Geunta Alam Rakyat Usman dum ka mate Mangat ate musoh datang Jisurak ngon jihei sare Jipubeude hana reunggang Yoh masa nyan Raja Muda U lua kuta ka meulayang

Jibapot le angen raya Raja Muda ingat rijang Cut Usman lambong mintra Angen raya meukhap hilang Angen teudoh han le goga Yoh nyan raja ka neuriwang 'oh troh keunan bungong pade Neueu han le dumna rakan Neubeuet do'a dalam ate Nyang ka mate puleh rijang Jibeudoh le ka jilikak Leumbeng kapak jicok rijang Ateueh musoh le jilumpat Jicang rakyat han soe tuban Cut Usman neusrom tungkat Ateueh rakyat Geunta Alam Grak teukeudi bak halarat Timoh leugat naleueng pisang Rakyat pari ate galak Taeu jitak seun-seun lapan Le that mate nyawong fana Jimeuhei ma that sukaran Geunta Alam beungeh raya Mirah muka hana macam Jideumpek le that meutaga Sang jeuet geumpa dalam padang Saboh kameng sinan ka jeuet Naleueng jirot abeh simpan Kameng raya that geureulot Ngon siat naleueng ka simpan Muwoe padang tamse dilee Beudoh sukee musoh datang

Ka jisurak that meuree-ree Sang-sang malee po Cut Usman Neucok keureutah dalam bajee Neulipat lhee rijang-rijang Dalam padang neusrom mupree Jeuet le lagee rimueng agam Jidrop kameng ka jiputa Jigeulawa dalam awan 'oh lheueh mate kameng pindoe Jipeutoe bak rakyat datang Jiwiet takue seun-seun sidroe Ka sampoe nyawong dum simpan Surak deumpek that meutaga Siblah Raja Cut Usman Geunta Alam raja raya Jimintra saboh saktian Jeuet le rante miseue cintra Rimueng raya roh u dalam Jimeulawan hana daya Beusoe dumna ka meureughang Teutap rimueng dalam cintra Lom jimintra Geunta Alam Jimintra saboh hekeumat Troh le siat ujeuen datang Ujeuen raya sangat leubat Keunong rakyat Cut Usman 'oh tee keunong gatai raya Jiek bisa ban jeulatang Rakyat nanggroe sangat sosah Apoh-apah meugriet han ban Ujeuen raya han peue peugah Gatai leupah leukuep han ban

Tantra datang khem teurtawa Nyan karasa he binatang Pakon krot di kah muka Meunyan bala peue sosahan

Meunan jikheun narit timplak Ngon jisurak hana macam Ngon jigrop jilikak-likak

Musoh galak that guransang Ban Usman eu meunan rupa

Ka mubala dumna rakan

Usman beuet le saboh mintra Ujeuen raya yoh nyan pirang

Nibak rakyat puleh bisa

Miseue nyang ka lom guransang

Jimeucang lom miseue dilee

Jiproh ulee musoh datang

Seun-seun siploh rakyat padee Musoh asee rab ka simpan Cut Usman that eelia Ka neubaca ismu alam

Neucok tanoh saboh leua

Neusrom lanja dalam padang

Na sikeujap yo nyan teuka Laot raya ka meureuntang

Siblah padang musoh teuka

Ngon riyek ka meugeulumbang

Tantra musoh ka lam laot Keunan ka sret seukalian

Deungon riyek that mupalot

Deungon laot that geumeuntam

Meulangue-langue keudeh keunoe Lam laot nyoe muwoe ulang

Ladom buhuek umu sampoe Nyang ladom nyoe meuhue ulang 'oh jilangue ubak bineh Musoh teupreh ka meureuntang Soe troh keunan laju jitak Bak tangkurak laju jicang Peue buet keunoe di kah kajak Ka jitulak lam ie tajam Bahle sinan kah lam laot Mita eungkot keu sulotan Bek rab keunoe got kasurot Lam laot sinan ka diam Meunan jikheun dum sinaroe Narit bunoe ka jipulang Rakyat musoh ka meuloe-loe Le that sampoe nyawong hilang Geunta Alam ka teukeujot Jieu laot ka meureuntang Jideumpek le ngon lam kabot Sang-sang beusot bumoe alam Jipoh deungon cokma beusoe Laot ka doe jeuet keu padang Rakyat puleh lom ka muwoe Tamse baroe lom jimeucang Geunta Alam that amarah Cumboi pantah buka rijang 'oh jibuka cumboi indah Teubiet pantah saboh kumbang Ka jiteubiet kumbang hijo Buleeji hu jroh analan Jiteureubang yoh nyan laju Ka jilalu dalam padang

Kumbang jipo meugisa-gisa Gunong raya ka meureuntang Han padum trep lama masa Gunong mintra seukalian Roh u dalam rakyat raja Panglima ngon uleebalang Kuta kuta ngon meuligoe Sinaroe ka roh u dalam Kumbang hijo ka jipeutoe Bak samlakoe keunan datang Jisrom batee ateueh raja Po jroh rupa akai hilang Cut Usman ka mupaloe Bukon rugoe raja seudang Han le ingat dalam dada Teudong saja tahe mandang Hana reubah po samlakoe Teudong keudroe jroh that reumbang Han le mumet gaki jaroe Sang bagoe nyawong ka hilang Na sikeujap raja layee Musoh asee lom jimeucang Jeuet keu apui gunong raya Hu meunyala troh lam awan Ngon suara that meutaga Rakyat banta roh u dalam Apui hu nyan jijak leugat Jirapat keunan bak kawan Yoh masa nyan dumna rakyat Teukeujot that leungo badan Jieu apui hu meunyala Ban seulingka ka meureuntang

Dumna rakyat abeh subra Apui raya jikalon ban Ngon seuuem that hana tara Rakyat raja sosah han ban

Gohlom tutong bak angeeta Ngon peungaba that sukaran Apuijijak keunan laju Meu 'u-'u tadeungo kiam

Ngon asap peunoh meutabu Apui that hu ngon geumeuntam Dumna rakyat jimoe rugha Geunta Sukma troh le datang

'oh troh keunan dalam kuta Jieu raja dalam padang Jieu teudong sang geupula Apui lingka tutong badan

Geunta Sukma jideumpek that Ujeuen leugat troh le datang Sret di manyang ban ie raya Dum lasyeuka puleh badan

Apuipi len han jan siat Ngon beureukat seugala alam Cut Usman muwoe ingat Ngon keuramat seukalian

Jimuprang lom dumna rakyat Jikarat bak musoh datang Yoh nyan ka prang that bak nyang ka Sang-sang donya keumeung karam

Raja limong ngon Raja Pari

Hana sakri bak jimeucang

Cut Usman ka neupioh

Dalam kimah di bineh blang

Neukalon prang ate galak Jipeusak bak musoh datang Rakyat laen ban nyang laku Masok laju lam padang prang Raja Pari troh u mideuen Neueu ureueng peunoh padang Raja Pari neukheun meunoe Bak rakan droe biek edeurang Tadong mantong dumna gata Lon jak mita meuntroe suang Raja Pari jijak sidroe Troh sampoe u dalam tantra Ka meuhadap deungon meuntroe Po samlakoe peurab lanja Jitanyong le namateu soe Pane nanggroe ho tahala Raja Pari seuot nyoeban Pari Mambang nama hamba Nyang poh musoh keunoe datang Nak tatuban uleh gata Ban jideungo haba meunan Beungeh han ban hu ngon mata Jieu rakyat le that simpan Di meuntroe nyan beungeh raya

Jideumpek le that geumeuntam Jeuet le angen bade raya Ka jigulong Pari Mambang Drum sibarang meugrak hana Dum bak kayee abeh simpan Patah meukhan dum seureupha Kuta kuta rab teureuban Dumna rakan pucat muka

Raja Pari yoh masa nyan Neubeuet rijang saboh mintra Na sikeujap teuma lheueh nyan Angen hilang han le goga

Angen teudoh ka trang-bandrang Uroe ka trang tarek raya Jibleut uroe tarek leupah Sangat sosah tantra teuka

Tutong leupah rakyat kiroh Teubiet reuoh lam lam mata Han jituho jak som tuboh Puteh leusoh khem teurtawa

Ban jikalon uleh meuntroe Po samlakoe teukhem saja Beungeh raya teuku meuntroe Tungkat di jaroe jisrom lanja

Na sikeujap teuma lheueh nyan Jitren ujeuen sang ie raya Ujeuen raya deungon tupeuen Dumna rueueng pucat muka

Rakyat pari abeh sosah Sijuek leupah ujeuen raya Ngon ie raya sangat boboh Sang ka sudah peunoh kuta

Bubong meuligoe abeh beusot Dumnankeu sret ujeuen raya Rakyat lam kuta that teumakot Bandum lucot masam muka

Raja Pari kalon meunan Ismu alam jibeuet sigra 'oh lheueh jibeuet ismu alam Ujeuen pirang tho ie raya

Raja Pari beuet hekeumat Jeuet le leugat limpeuen ngon kala Abeh jikap ureueng.landang Bukon sayang sangat bisa Ladom jikap nibak gaki Siteungoh ri jikap muka Nyang paleh that jikap bak bibi Klik meu 'i-i sang bui luka Ladom jikap nibak jaroe Hana bagoe meugriet raya Nyang saket that bak keumiroe Sang bagoe nyawong keulua Di geumeuto jikap bak idong Limpeuen seudong jikap bak pha Rakyat dum klik deungon ranggong Lakee tulong dumna tantra Jikap keunoe sampoh keudeh Binatang paleh saket raya Surak deumpek that meu 'u-'u Ate seuu pari diwa Soe meuteumeung jipoh laju Jieumpu di muka-muka Hana jeuet le jimeulawan Tantra nyan laloe ngon bisa Cut Usman khem teusinyom Neueu peurasan rakyat teuka Teuku meuntroe beungehji that Jieu rakyat dum binasa Han jeuet sidroe le meulawan Dong teuceungang mantong saja Geunta Alam saket ate Jicinta le saboh mintra

Ngon sikeujap limpeuen han le Abeh mate safan-safa Bisa puleh dum bak rakan Muwoe badan miseue nyang ka Jimarit le meuntroe meugah Beungeh leupah hana ngon sa Wahe pari nyang that gagah Uroe nyoe sah kuthee gata Meuek katheun cokma kamoe Kuthee kah nyoe that kuasa Laju jibet cokma beusoe Ka jiseudoe di keupala Raja Pari neugrop tanggoe Lam bumoe meutanom cokma Ban jikalon meuntroe asee Bungong keumbee hana fana Jicok cumboi dalam bajee Jisrom meupree u antara Meuntroe paleh utoh sihe Jeuet keu rante cumboi meutia Jipeurab bak bungong pade Mupalet le bak angeeta Raja Pari gundah pike Hana jeuet le ingat mintra Teudong mantong bungong pade Deungon rante ka meusingkla Troh le keunan Meuntroe Meugah Laknat Allah si ceulaka Jipruh angen dalam babah Jeuet le pantah keu geureuda Ka jisama Raja Pari Jipo u gle gunong raya

Troh u gunong keunan sampoe Geureuda nyoe jeuet keu naga Raja Pari ji'uet laju Bungong meulu sayang raya Lam pruet naga Raja Pari Ka teukeudi keunong bala Nyoe lon seubot Meuntroe Meugah Galak leupah ate suka Galak raya Meuntroe Meugah Khem meuhah-hah leubeh gura Raja Pari mate sudah Jipeugah laju bak raja Jihei rakyat dum jipangge Jiyue ek le u bineh kuta 'oh jideumpek tamse bakat Le that rakyat musoh teuka Ubak kuta dum jirapat Rab troh jimat pageue kuta Jipubeude miseue ujeuen Bangon tupeuen beude raya Su meuriam jareueng jareueng Sang geuampeueng jamee teuka Asap beude sang ka seupot Meusagop ngon asap lila Hingga teubiet Geunta Alam Ngon angkatan le that jiba Jideungo han le Pari Mambang Ka jisimpan le geureuda Mangat ate Geunta Alam Jiek curam bineh kuta Kaek laju he rakan droe Kacok putroe keunoe kaba

Peue katakot lom he teelan Pari Mambang ka binasa Dalam kuta kaek rijang Kabet pacang deungon suda Ngon jisurak han peue pike Sang ka reule bumoe donya Taeu jiek jipeudap-dap Ka troh jimat pageue kuta Sira jikheun narit meunoe Ho lheueh ka nyoe he ceulaka Cut Usman di meuligoe Deungon Putroe Meurak muda Neutren laju po samlakoe Mat bak jaroe tungkat cokma Neueu musoh le that ka doe Glong bak bumoe tungkat sigra Tungkat neuglong nibah bumoe Teubiet sidroe aneuk raja Geunta Sukma teubiet sidroe Jibet jaroe di jeumala Peue tuanku nyang that sosah Cuba peugah po meukuta Cut Usman neukheun leugat Le that rakyat jeh di lua Pageue kuta ka troh jimat Tulong siat uleh gata Raja Paripi hana le U dalam gle ka naga ba Gaseh sayang bu meusampe Saleh mate Pari Diwa Geunta Sukma deungo meunan Yoh masa nyan beungeh raya

Laju jisrom saboh tungkat Dalam rakyat musoh teuka Jeuet keu naga teuma leugat Ji'uet rakyat bansineuna Abeh ji 'uet dum kafilah Meuntroe Meugah beungeh raya Jieu naga raya leupah Tantra bicah dum sineuna Meuntroe beuet le saboh hekeumat Ka jiingat le ngon mintra Jitiek tanoh saboh reugam Naga hitam tan binasa Ji'uet rakyat Geunta Alam Jisimpan hana ban publa Rakyat jiplueng dum jiboh droe Ka meuloe-loe han le mintra Ka jisurot riwang pantah Jipeusiblah badan raya Gadoh pike Meuntroe Meugah Allah Allah kheun han reuda Rakyat jiplueng dum sinaroe Kisah muwoe Geunta Sukma Lheueh jikeubak naga di blang Pari Mambang jijak mita Dalam gunong jiteureubang Leumah sinan saboh naga Naga teueh meunan teudu Peurab laju keunan sigra 'oh troh keunan ka jimeusu Sang beureugu kapai raya Geunta Sukma deumpek rijang Ka meuguncang gunong raya

Yoh nyàn naga pangsan laju Jideungo su that meutaga Geunta Sukma jicok kayee Naga asee jipoh lanja Keunong jipoh nibak ulee Naga layee mate fana Geunta Sukma beuet hekeumat Teubiet lam pruet Pari Diwa Teubiet Pari lam pruet uleue Hana sapeu na binasa Raja Pari mantong pangsan Pari Mambang ingat hana Geunta Sukma meunyum sayang Jibeuet rijang deungon do'a Raja Pari muwoe ingat Beudoh leugat pantah sigra Geunta Sukma jieu sinan Jikheun nyoeban Pari Diwa Pari kheun le meutuah that Wahe sahbat tulong hamba Geunta Sukma kheun lom rijang Beudoh riwang tajak gisa Yoh masa nyan Pari Mambang Neutren u blang le bandua Naga bunoe nyang analan Teungoh simpan dumna tantra Geunta Sukma peurab keunan Jibet tangan ubak naga Naga raya jeuet keu tungkat Jicok leugat pantah sigra Geunta Sukma jiwoe leugat Han jan siat han meuho ka

Rakyat Usman ate girang Watee riwang Pari Diwa Mangat ate dum sibarang 'oh woe Mambang bandum suka Ka jisurot rakyat lam blang Meuguncang ba siseun lingka Ka jiteubiet lom u padang Peh ngon geundrang dan nukara Raja Pari bak masa nyan Neujak keunan dalam tantra Neujak mita Meuntroe Meugah Beungeh leupah hana tara Soe meuteumeung ka neuheumpah Ajai sudah hilang nyawa Meusidroe han jeuet meusinggah Rakyat neupoh le that fana Ho neupeukeue abeh ranap Ho neupeunap peungeuh rata Raja limongpi jikarat Jicang leugat hana tara Tantra musoh le that mate Teutiek bangke meukeuba-keuba Jisurak ngon jihei sare That beureuhi Pari Diwa Teuma jiplueng tantra bicah Jicok langkah ka jiguda Hingga teubiet Meuntroe Meugah Jieu kafilah ka meugisa Teuma laju meunoe jikheun Pakon ka plueng he ceulaka Rakyat seuot jikheun nyoeban Pari Mambang ka meugisa

Jehpat jinoe dalam padang Han ek lawan kamoe dumna Ban meuntroe deungo Pari kawoe Teuku meuntroe beungeh raya Jitajo le jikap jaroe Ngon samlakoe meuhadap ka 'oh troh keunan ka meuhadap Pari peurab keunan sigra Meuntroe Meugahpi jikarat Jilumpat ateueh Pari Diwa Jideumpek le that meuguncang Pari Mambang hana geunta Raja Pari kheun le meunoe Wahe meuntroe nyang ceulaka Cuba tajo laju keunoe Gata sidroe meugah raya Mangat meuri Meuntroe Meugah Tajo pantah keunoe sigra Meuntroe Meugah teuma seuot Jipeukeujot Pari Diwa Mantong kadong han kasurot Yoh goh lupot hilang nyawa Ban jideungo haba meunan Pari Mambang khem teurtawa Pakon meunan tuto meuntroe Tasangka droe teuga raya Sang meugata nyang na ragoe Baranggasoe lheueh keu gata Insya Allah tulong Rabbi Tuhan neubri na kuasa Raja Pari neusuet peudeueng Neutak mupeueng di keupala

Han jipajoh meuntroe bajeueng Patah peudeueng ka jeuet dua Ban jikalon peudeueng patah Khem meuhah-hah galak raya

Jisuet peudeueng meuntroe meugah

Pari indah jicang lanja

Raja pari neubet langkat Peudeueng leupah han mumara

Raja Pari bungong keumbee Meuntroe asee neupoh lanja

Nibak keuieng neudrop mupru Mita laku neumeung puta

Meuntroe Meugah neumeung sampon

Leungoji han si ceulaka

Miseue bumoe meunan that kong

Jih teudong miseue geupula

Meuntroe Meugah jikheun meunoe Bek ngon kamoe tameuseunda Kupoh mate kah uroe nyoe Kucok Putroe Meurak muda

Raja Pari ka bicah phet Tuto saket ka jibuka Ka neutajo bungong riwat Neutop leugat teuntang dada

Neutop di pruet beusot u rueng Meuntroe bajeueng abeh nyawa Reubah sinan le di mideuen Seulinteueng sinan teurhanta

Kakeu mate Meuntroe Meugah

Abeh tuah han le teuga

Napsu han troh jihpi mate Tuhan Rabbi han neurela

Peurumoh gop galak leupah Abeh langkah si ceulaka Beu taingat baranggasoe Aduen adoe teungku apa Han neulurong uleh Tuhan Beuthat tuan pangkat raya Meunan adoe narit nyang sah Ulon peugah nibak gata Phon di timu bah di barat Birem meuhad sideh di Langsa Beu tapateh ban lon peugah Teuka tuah ngon bahgia Beuthat raja beuthat toke Bek meuate nyang kon jeumba Han tapateh areuta rugoe Abeh droe droe deungon nyawa Meuntroe mate teuduek siat Lon riwayat dum lasyeuka Ban jikalon meuntroe reubah Rakyat barollah hudom lingka Jikeumeung cok Meuntroe Meugah Jiek pantah dum seureungga 'oh troh keunan ubak meuntroe Pari meunoe le beurkata Kaplueng bandum jakleh kawoe Bek kuseudoe di keupala Laju neudrop limong nam droe Bak bumoe neusumpom lanja Ladom neusrom dalam kawan Ka teureuban hilang nyawa Soe meuteumeung di hadapan Neusimpan han jan jihei ma

Han ek theun le dumna rakyat Jiplueng leugat ka jig da Rakyat Pari seutot laju Jieumpu di mata mata Sayangteu that soe nyang na eu Ladom teungku ka patah pha Jiplueng laju keudeh leugat Sayang rakyat patah luka

Lam kuta jitamong leugat Dumna rakyat neuyue gisa Dumna rakyat jiwoe rijang Peh ngon geundrang han ek kira Raja Paripi woe sajan Tamong rijang dalam kuta Troh lam kuta dumna rakyat Beudoh leugat Raja Muda

Cut Usman tajo rijang Pari Mambang peumulia Wahe dalam bungong karang Ka neuriwang he kakanda Adat han le gata abang Lonpi bak sang meuhad fana Raja Pari seuot pantah Bek tagundah po meukuta Meugoh mate nyawong sudah Saja leupah nibak bahya Raja Pari teutap sinan Rakyat sajan ngon lasyeuka

IV. RAJA SYARWAN BANTU USMAN BASYAH

Amma bakdu alen macam Geunta Alam lon calitra Sosahji that Geunta Alam Kareuna prang tiwah ngaza

Jikheun ubak panglima prang Pakri padan he peutua Panglima kheun rijang pantah Ampon di bawah po meukuta

Beu ingat that dum geutanyoe Rakyat meukatoe di mideuen raja Nam reutoh raja ka lon lawan Han tom meuteumeung dumnoe kuasa Peurkasa that ngon saktian Pantah na ban kilat faja Nam droe raja nyang pahlawan Nibak ruman tangieng bida

Laen rakyat that barollah Meulaenkan Allah thee sibeuna Jinoe tuanku neukrah sulotan Nyang le saktian neuyue teuka

Raja Milon nanggroe Awan Adoe sajan Raja Lila Keudeh ubak Geumpa Alam Raja dalam nanggroe Miga Beu troh bak Raja Gunong Hijo Neuyue lalo keunoe sigra Beu troh ubak Raja Mambang Raja Edeurang neuyue teuka

Han jipajoh meuntroe bajeueng Patah peudeueng ka jeuet dua Ban jikalon peudeueng patah Khem meuhah-hah galak raya

Jisuet peudeueng meuntroe meugah

Pari indah jicang lanja

Raja pari neubet langkat Peudeueng leupah han mumara

Raja Pari bungong keumbee Meuntroe asee neupoh lanja

Nibak keuieng neudrop mupru

Mita laku neumeung puta

Meuntroe Meugah neumeung sampon Leungoji han si ceulaka Miseue bumoe meunan that kong Jih teudong miseue geupula

Meuntroe Meugah jikheun meunoe Bek ngon kamoe tameuseunda Kupoh mate kah uroe nyoe Kucok Putroe Meurak muda

Raja Pari ka bicah phet Tuto saket ka jibuka Ka neutajo bungong riwat

Neutop leugat teuntang dada

Neutop di pruet beusot u rueng Meuntroe bajeueng abeh nyawa Reubah sinan le di mideuen Seulinteueng sinan teurhanta

Kakeu mate Meuntroe Meugah Abeh tuah han le teuga Napsu han troh jihpi mate Tuhan Rabbi han neurela

Peurumoh gop galak leupah Abeh langkah si ceulaka Beu taingat baranggasoe Aduen adoe teungku apa Han neulurong uleh Tuhan Beuthat tuan pangkat raya Meunan adoe narit nyang sah Ulon peugah nibak gata Phon di timu bah di barat Birem meuhad sideh di Langsa Beu tapateh ban lon peugah Teuka tuah ngon bahgia Beuthat raja beuthat toke Bek meuate nyang kon jeumba Han tapateh areuta rugoe Abeh droe droe deungon nyawa Meuntroe mate teuduek siat Lon riwayat dum lasyeuka Ban jikalon meuntroe reubah Rakyat barollah hudom lingka Jikeumeung cok Meuntroe Meugah Jiek pantah dum seureungga 'oh troh keunan ubak meuntroe Pari meunoe le beurkata Kaplueng bandum jakleh kawoe Bek kuseudoe di keupala Laju neudrop limong nam droe Bak bumoe neusumpom lanja Ladom neusrom dalam kawan Ka teureuban hilang nyawa Soe meuteumeung di hadapan Neusimpan han jan jihei ma

Han ek theun le dumna rakyat Jiplueng leugat ka jig da Rakyat Pari seutot laju Jieumpu di mata mata Sayangteu that soe nyang na eu Ladom teungku ka patah pha Jiplueng laju keudeh leugat Sayang rakyat patah luka Lam kuta jitamong leugat Dumna rakyat neuyue gisa Dumna rakyat jiwoe rijang Peh ngon geundrang han ek kira Raja Paripi woe sajan Tamong rijang dalam kuta Troh lam kuta dumna rakyat Beudoh leugat Raja Muda

Cut Usman tajo rijang Pari Mambang peumulia Wahe dalam bungong karang Ka neuriwang he kakanda Adat han le gata abang Lonpi bak sang meuhad fana Raja Pari seuot pantah Bek tagundah po meukuta Meugoh mate nyawong sudah Saja leupah nibak bahya Raja Pari teutap sinan Rakyat sajan ngon lasyeuka

IV. RAJA SYARWAN BANTU USMAN BASYAH

Amma bakdu alen macam Geunta Alam lon calitra Sosahji that Geunta Alam Kareuna prang tiwah ngaza

Jikheun ubak panglima prang Pakri padan he peutua Panglima kheun rijang pantah Ampon di bawah po meukuta

Beu ingat that dum geutanyoe Rakyat meukatoe di mideuen raja Nam reutoh raja ka lon lawan Han tom meuteumeung dumnoe kuasa Peurkasa that ngon saktian Pantah na ban kilat faja Nam droe raja nyang pahlawan Nibak ruman tangieng bida Laen rakyat that barollah Meulaenkan Allah thee sibeuna Jinoe tuanku neukrah sulotan Nyang le saktian neuyue teuka

Raja Milon nanggroe Awan Adoe sajan Raja Lila Keudeh ubak Geumpa Alam Raja dalam nanggroe Miga Beu troh bak Raja Gunong Hijo Neuyue lalo keunoe sigra Beu troh ubak Raja Mambang Raja Edeurang neuyue teuka

Lom bak Raja Geunta Bumoe Beu troh keunoe po meukuta Lom bak Raja Gunong Mirah Neuyue langkah rijang teuka Beu troh ubak Raja Dangki Nyang le sakti nibak nyang na Lom bak Raja Kuta Intan Seukalian keunoe teuka Meuhana troh dum raja nyan Po junjongan talo ngaza Sabda raja ubak bujang Tajak rijang jeuep-jeuep banda Takheun beu troh keunoe rijang Lon arat prang tapeuhaba Ban bujang deungo sabda meunan Jiteureubang jeuep-jeuep raja Nam ribee raja taklok keunan Troh le bujang jime sabda Bujang kilat bumoe surat Jiyue teubiet dum panglima Kajak teubiet kah u padang Jak ngaza prang dang troh raja Jiteubiet le dum pahlawan Uleebalang ngon panglima Jipasang le cong guda plang Dum pahlawan maseng jeumba Sajan adi deungon juhan Le angkatan nibak nyang ka Raja Pari ka lon lawan Jikheun rijang ubak tantra Udeh teubiet dum u mideuen Tajak ampeueng rakyat meulaksa

Rakyat le that mangat tacang Han sret geudubang ateueh donya Raja limong deungo meunan Teubiet yoh nyan bandum tantra Jicang rakyat wie ngon uneun Ban bayeuen sama cempala Yoh nyan geuprang sabong-meunyabong Biram ngon seudong meuseunoh bisa Watee meuteumeung cokma ngon peudeueng Dalam mideuen apui meunyala Maseng-maseng mita lawan Le that karam dum panglima Geumpa Sari tema tanyong Soe he bungong nama gata Raja Pari seuot meunoe Nama lon nyoe Pari Diwa Peue na taba wahe adoe Tabri keunoe lon eu rupa Geumpa Sari jisuet peudeueng Jitak keunong Pari Diwa Tan jipajoh peudeueng patah Neutak balah sigra sigra Keunong ulee Geumpa Sari Reubah meugule di mideuen raja Mate panglima neucang rakyat Mate le that han teukira Teungoh teungoh meutunang prang Leumah angkatan meuribee laksa Ka troh Raja Gunong Sarang Dalam awan jitren u donya Yoh masa nyan ka teudoh prang Seubab angkatan teungoh teuka

"oh troh Raja Gunong Sarang Tamong rijang dalam kuta Na sikeujap pioh sinan Leumah angkatan laen teuka Tamse reudok nyang that hitam Meunan macam taeu rupa Ban sare troh le u mideuen Tamong bandum dalam kuta Geunta Alam that sukaan Troh sulotan jeuep-jeuep raja Bandum raja ka troh keunan Teubiet yoh nyan jijak ngaza Yoh nyan rakyat teibiet u padang Ateueh guda plang dum pohlawa Payong alam le that bagoe Keutupong beusoe di keupala Rakyat teubiet dum u mideuen Ladom mat peudeueng ladom lila Yoh nyan meuteumeung cokma ngon peudeueng Di teungoh mideuen apui meunyala Nyang di rakyat sama rakyat Prang raya that nibak nyang ka Teuka naga u teungoh mideuen Han teubileueng meuribee laksa Raja Pari that amarah Jicok panah lom jilunta Jeuet le cicem rajawali Jititi u mideuen raja Yoh masa nyan ka jiampeueng Jitak le kleueng abeh fana Geunta Alam kalon tiwah Peulheueh panah yoh nyan sigra

Dalam mideuen jeuet le meurak Jimeutak ngon siwah raja Jipo tajam miyup manyang 'oh meuteumeung jicoh mata Rajawali jiplueng keng-keueng Ka meulinteueng dalam hawa Pahlawan Miga kalon meunan Mat bak tangan peudeueng ngon cokma Jimeucang ngon Raja Pari Bagoe keudidi ngon cempala Raja Juhan peulheueh sakti Jipo tinggi dalam hawa Yoh masa nyan jitren ujeuen Peunoh mideuen ngon ie raya Abeh jiplueng bandum u gle Keunong sakti Juhan Raja Rakyat musoh abeh u gle Han sidroe le dum jiguda Raja Sarang saket ate Seubab han le dum lasyeuka Jipasang guda leugat u mideuen Ka meuteumeung ngon Juhan Raja Raja Juhan peudeueng bak tangan Jitak yoh nyan Sarang Raja Keunong bak ulee meusumpom le Ka meunyum gli ate raja Hana putoh sion bulee Kreueh sang batee silagoina Geunta Sukma peujeuet laot Ka jisurot Sarang Raja Cut Usman pangge rakyat Beu troh siat raja raja

Ho ayahda Kuta Pirak Beu troh neujak bak aneukda Ho ayahda Kuta Beusoe Beu troh keunoe ubak hamba Ho ayahda bak Kuta Meuh Raja di ateueh nibak nyang na Ho ayahda Sulotan Malek Nyang that tarek ateueh donya Sinoe neuhei sideh neuthee Tajam eleumee Raja Muda Cut Usman eelia Allah Troh le pantah peue nyang pinta Sulotan Malek mula phon-phon Rakyat neuhimpon seugala donya Neuyue pangge dum pahlawan Seureuta sajan ngon lasyeuka Sare abeh dum meusapat Yoh nyan beurangkat raja raja Sulotan Malek beuet hekeumat Neumeuhajat bak aneukda Ngon keuramat po Cut Usman Beu trohkeu ban pinta hamba Neubri keunoe saboh kandran Ngon teureubang bak aneukda Sulotan Malek meunan lakee Tuhan bri mee kabui pinta Teudong kapai keunan saboh Rupapi jroh luah raya Turab intan deungon pudoe Tihang sinaroe dum suasa Ek dum rakyat seukalian Ngon sulotan leugat bungka

Jiteureubang dalam awan Siat peujam han meuho ka Neubeurangkat rakyat sajan Adi juhan ngon bentara

Kapai jipo hana pioh Hingga le troh bak aneukda Bandum raja jiteureubang Ubak Usman mohon pinta

Dumna raja troh u padang That sukaan Raja Muda Cut Usman teubiet leugat Bri horeumat dum ayahda

Lheueh meuteumeung mumat jaroe Po samlakoe buka haba Neuyue tamong dum u dalam Raja datang baro teuka

Sulotan tamong deungon rijang Di likot nyan laen raja Pioh rakyat seukalian Dum di midan lua kuta

Lheueh peujamee raja datang Teubiet rijang neujak ngaza Rotdeh rotnoe teubiet u blang Meutunang prang nibak nyang ka

Surak deumpek dalam padang

Rasa nyum lham mideuen raja Dum pahlawan hebat hebat Jiek leugat rakyat raja

Payong intan dum bak jaroe Taeu reumboe bandum lingka Ngon mahkuta dum mupangkat Rupa hebat raja raja

Taeu jijak meusong -abong Bintang tanjong nibak dada Surak deumpek reuloh padang Nyum sang karam mideuen raja Raja limong neutajo le Sirungke ngon Pari Diwa Jehpi hana ngon seunabe Tamse beude han soe sangga Han jeuet jideungo surak deumpek Taeu jiek ban boh lila Meuteumeung le dua pihak Jimeutak-tak meugisa-gisa Rotdeh leumbeng rotnoe kapak Mate rusak ureueng lua Raja limong rakyat jicang Di dalam blang meugisa-gisa Jicang rakyat hana pioh Talo musoh plueng meukeuba Jipeucrok le jicang sunggoh Jiriwang troh ubak nyang ka Yoh nyankeu prang sangat rioh Sang runtoh bumoe ngon donya Rusak mate han ek peugah Ile darah ban ie raya Yoh nyankeu prang sabe meugah Bandua blah timang padra Jimeutop-top jimeutak-tak Mate rusak hilang nyawa Subhanallah prang meuhayak Jimeulikak deungon cokma Raja raja dum teupipoe Buet jaroe limong droe raja

Ladom mate ateueh gajah Ladom reubah ateueh guda Tujoh uroe meutunang prang Sang-sang karam nanggroe raja Beungeh Raja Geunta Alam Ingat rijang saboh mintra Teupok jaroe ateueh bumoe Seupot nanggroe glap-gulita Lam seupot nyan hana lagee Ujeuen batee ube-be raga Sret di manyang tum meuree-ree Ka meuseubee rakyat dumna Cut Usman gujang ate Ka neupangge Geunta Sukma 'oh troh keunan jibet jaroe Tuanku droe peue na haba Geunta Sukma peue taiem droe Peue bala nyoe dum ka teuka Ban jideungo sabda meunan Jieu yoh nyan bak kutika Sare leumah jipandangan Jibet rijang jaroe dua Ampon tuanku ka lon lihat Sakti kreueh that raja teuka Rakyat tuanku abeh pangsan Keunong saktian ujeuen teuka Cut Usman seuot laju Adoe teungku hukom gata Gata adoe ureueng sakti That tatukri dum peukara Geunta Sukma jigrak badan Jibeuet rijang saboh mintra

Jiteupok le dua jaroe Troh le angen teuga raya Dalam awan tren u.bumoe Keunong asoe rakyat dumna Nyankeu angen syeuruga nekmat Keunong rakyat puleh mintra Abeh jaga seukalian Beudoh sajan ngon panglima Jimasok lom lam puprangan Seukalian beudoh ngaza Raja raja masok lam prang Seureuta sajan limong raja Abeh rakyat seukalian Puleh pangsan bandum rata Yoh nyankeu prang that geumeuntam Kreueh angkatan Raja Muda

Cut Usman mangat ate Raja Pari meunang ngaza Tantra musoh le that mate Tiwah sabe plueng lam kuta Mate rakyat that barollah Guda gajah le that fana Sang meugum-gum sang meugop-gop Sang ka sret langet donya Nibak nyang ka that nyoe seuuem Keutam-keutum sang-sang geumpa Han tatupeue peugah bagoe Le that nyang moe manusia Raja Pari peulheueh busu Teudong laju gunong raya Gunong manyang troh lam awan Kareueng tajam tamse suda

Lingka gunong laot sinaroe Tarek ie nyoe ban geulawa Seugala rakyat Geunta Alam Abeh karam lam laotnya Gunong raya jijak leugat Ateueh rakyat jimeung timpa Geunta Alam kalon meunan Yoh masa nyan beudoh sigra Geunta Alam tingkrom gaki Laot reule gunong fana Muwoe padang tamse baroe Rakyat dum nyoe puleh rata Jimuprang lom nibak baroe Rakyat dum nyoe ngon panglima Raja limong that guransang Rakyat jicang meugisa-gisa Beuribot Tapa Geumpa Alam Gohlom muprang ureueng dua Tinggai sajan Cut Usman Masa prang nyan goh jingaza Geunta Sukma jiteureubang Jeuet le badan sang geureuda Jisama le keudeh keunoe Lam padang nyoe rakyat raja Abeh rakyat seukalian Ka jisimpan raja raja Abeh lam pruet geureuda nyan Jiriwang bak Raja Muda

Le that rakyat abeh simpan Leugat riwang Geunta Sukma Troh bak kuta jisujud le Di keue doli jidong sigra

Meunoe jikheun bak Cut Usman Ka lon simpan dumna tantra Raja Usman deungo meunan Yoh masa nyan ate suka Ka jiulak dumna rakyat Di keue deelat Raja Muda Dalam babah teubiet leugat Raja rakyat ngon panglima Bandum jaroe ka meuikat Rante bulat ube-be pha Ban neukalon le Cut Usman Neukheun yoh nyan meunoe haba Neuyue peulheueh seukalian Rante badan bek meusingkla Cut Usman tanyong meunoe Gata dum nyoe pakri suka Meuna hajat lom tariwang Nak lon ampon jak tagisa Jiseuot le seukalian Ampon laman po meukuta Kamoe bandum han le muwoe Bahle sinoe neupeuhamba Nyawong darah tuboh asoe Ban hukom nyoe bak sripada Di donya kon troh ngon dudoe Bandum kamoe neupeuhamba Hana ubah nibak laman Po junjongan tan meutuka Cut Usman deungo meunan Meunyum sayang Raja Muda Teutap sinan dumna rakyat Sajan deelat Raja Muda

Prang di mideuen raya leugat Mate rakyat ureueng teuka Ateueh guda dum jipasang Payong alam le that rupa Jimat bak jaroe cokma ngon peudeueng 'oh meuteumeung cang han reuda Dum pahlawan deumpek surak Sang meugrak-grak bumoe geumpa Yoh nyankeu prang guranta that Mate rakyat tantra teuka Rakyat Pari 'oh ka mate Udep lagi woe lam paya Troh lam paya rakyat puleh Teubiet keudeh lon jingaza Troh lam paya bandum puleh Wahe wareh kon peurbula 'oh lheueh mate di mideuen prang Lom jiriwang ateueh tantra Deungon siat dum ka teudong Ka jipasang ateueh guda Bak masa nyan raya that prang Dum teureubang dalam hawa Tujoh ribee nyang pahlawan Uleebalang muploh laksa Rupa hebat dum guransang Rakyat jicang dum seureupha Raja limong teubiet leugat Dum meusapat ngon syeedara Ka geumeucang hana teudoh Talo musoh plueng lam kuta Geunta Alam beungehji that Seubab rakyat dum meugisa

Do'a sihe jibeuet rijang Geunta Alam sakti raya Raja Pari jeuet keu batee Tajam eleumee sihe tapa Raja limong jeuet keu batee Raja Pari jeuet keu rusa Seugala rakyat abeh padee Ladom batee ladom rusa Jeuet binatang macam-macam Seungap padang safan-safa Seungap mideuen hana le prang Wahe rakan jak pareksa Meunan neukheun Cut Usman Ubak rakan Geunta Sukma Geunta Sukma beudoh rijang Jiteureubang jak peunyata Jipo leugat u mideuen prang Dum binatang teungoh rimba Teungoh jiplueng bandum u gle Ka jituri Geunta Sukma Jipeujeuet droe keu cicem subang Jiriwang bak Raja Muda Cicem subang sujud leugat Di nap deelat jidong sigra Jigrak tuboh rijang-rijang Ka muwoe ban miseue nyang ka Ampon tuanku ka lon lihat Abeh rakyat jeuet keu rusa Ladom rakyat jeuet keu batee Le that lagee jipeurupa Tan le sidroe di mideuen prang Abeh karam keunong mintra

Raja Usman seuot rijang Wahe bintang hukum gata Wahe adoe tulong siat Sayang rakyat dum binasa Geunta Sukma deungo meunan Teupok tangan ateueh donya Na sikeujap teuma lheueh nyan Teuka ujeuen deungon sigra Sret di manyang hana sakri Ujeuen wangi deungon ata Keunong badan rasa nekmat Puleh rakyat keunong mintra Abeh puleh dum pahlawan Uleebalang ngon panglıma Bandum jiwoe u padang prang Uleebalang raja raja Jitrên di gle dumna rakyat Jitakat u mideuen raja Hingga seupot le ngon uroe Rotdeh rotnoe woe lam kuta Jimeusu le ngon geundrang prang Rakyat riwang lop lam kuta Seupot laju uroe malam Seukalian pioh tantra Makeuen minom beursukaan Rotdeh meunan rotnoepi sa Hingga beungoh le ngon uroe Gong meubunyoe di blang raya Amma bakdu that seureuloe Rotdeh rotnoe teubiet mintra Sideh jiek sinoe jijak Ka meurumpak dua tantra

Nyoe baro lom meurumpok lawan Jimeukap puesan deungon kala Nyang di rakyat sama rakyat Mate le that han ek kira Rakyat mate han peue peugah Guda gajah dum meutimpa Raja Pari di teungoh lawan Neucang angkatan meuribee laksa Raja limong that pahlawan Rakyat neupandang ube-be seuma Raja Pirak that amarah Neucang pantah musoh teuka Raja Kuta Meuh beungeh han soe Neutiek-tiek droe dalam tantra Lom neutajo sulotan Malek Taeu neuek dalam laksa Deungon rakyat han peue sidek Neutarek busu teumaga Neutajo le u mideuen prang Rakyat neucang dum seureupha Bak neumeucang hana peue kheun Ban bayeuen sama-meunyama Na sikeujap meutunang prang Tiwah angkatan raja teuka Geunta Alam saket ate Jipeugot le saboh naga Badan raya hana lagee Ateueh ulee timoh cula Watee jihah na ube blang Soe nyang pandang ro ie mata Naga juah hana macam Jimeung simpan rakyat dumna

Rakyat Usman bandum kuyut Jikeumeung 'uet kuta kuta Geunta sukmapi that ragoe Jipeujeuet droe saboh rupa Jeuet le saboh cicem beuragoe Jipeutoe keunan bak naga Yoh nyan jilop lam geulunyueng Jiniet umpung rumoh tangga Jikurek utak le beuragoe Naga poh droe alo-ala Na sikeujap teuma dudoe Mate keudroe naga raya Sinan mate dalam padang 'oh tapandang han meuho ka Geunta Sukma jiwoe leugat Troh le siat dalam kuta 'oh troh keudeh ka jigrak droe Rupa muwoe miseue nyang ka Raja Usman mangat ate Seubab tanle naga raya Geunta Sukma ka neupujoe Neucom bak dhoe ngon neuwa-wa He adoe cut bungong tanjong Raya tulong keu lon hamba Teungoh teungoh neukheun meunan Teuka ujeuen han teukira Ujeuen apui sret di manyang Yoh masa nyan karam kuta Deungon seuuem hana lagee Jeuet keu abee sang-sang kuta Kuta hekeumat sang meuguncang Abeh karam lam ie raya

Cut Usman ka neuingat Busu neumat pantah sigra Neupeubusu le u manyang Ujeuen peujam han meuho ka

Ujeuen apui abeh seungap Ngon keuramat Meurak muda Teudoh ujeuen jroh ngon uroe Peungeuh nanggroe trang cuaca Tantra bandum suka ate Seubab han le ujeuen raya Raja Pari teuga han soe Ka jitiek droe dalam tantra Ho neupeukeue abeh ranap Ho neupeunap dum seureupha Padang tasek peungeuh lapang Abeh simpan tantra teuka Bak jimeucang hana pada Le that simpan rakyat fana Rakyat laen bandum girang Ulon tuan nyang cubeueh raya

Raja raja uleebalang Mate di blang seun silaksa Yoh masa nyan that geumeuntam Sang-sang karam bumoe donya

Sang meugo-go sang meugop-gop

Nyum sang ka sret langet donya Han leumah le ureueng muprang Seupot alam uroe seunja Nyang na leumah sit meukilat Sang-sang bakat cahya cokma

Cahya a mahkuta bak uleebalang

Miseue bintang leumah rupa

Sang-sang nanggroe ka meuhayak

Sang-sang pipak gunong raya

Suara cokma miseue guroh U jeuoh sang geumpa raya Uleebalang mate layoh Sang han teudoh miseue teuka Mate siploh troh sireutoh Hana teudoh bantu teuka Yoh masa nyan prang meugunjak Leubeh rancak pari paya Cut Usman ate galak 'oh neueu bak limong raja U-timu sigo jilumpat U barat sigo jigisa Cokma jibet peudeueng jigrak Keunong mupak seun-seun tiga Prang uroe nyan hana lagee Tiwah sukee raja teuka Hingga malam le ngon uroe Abch jiwoe dua tantra Jimeusu le ngon geundrang prang Rakyat riwang uroe seunja Troh lam kuta rakyat riwang Seukalian pioh rata Makeuen minom beursukaan Peh bunyian suroh raja Raja yue peh tambo geundrang Watee malam meusuka-suka Hingga beungoh uroe siang Meusu geundrang teubiet tantra Teubiet rakyat seukalian

U mideuen prang teumpat ngaza

Deumpek surak tamse guroh Bumoe runtoh bangon rupa Cokma peudeueng bagoe ribot Keunan jilop dalam tantra Geunta Sukma jiteureubang Ka jeuet badan sang geureuda Dalam awan jiteureubang Jimeusajan ngon boh lila Yoh nyan jitiek dalam kawan Boh meuriam sret lam tantra Boh meuriam sret u baroh Gum beureutoh dalam tantra Asap racon teubiet sinan Abeh pangsan rakyat that bha Ladom mate ladom pangsan Ka teureuban dum panglima Pahlawan ngon uleebalang Abeh pangsan musoh teuka Seungap bunyoe han le kiroh Prang ka teudoh han le goga Geunta Sukma ka jiriwang U padang bak Raja Muda 'oh troh keunan ka jigrak droe Rupa muwoe manusia Jibet jaroe jikheun ampon Jiseuon ngon jaroe dua Ubak Usman jikheun leugat Tan le rakyat musoh teuka Boh meuriam lon srom saboh Ka beureutoh dalam tantra Tantra musoh abeh pangsan Keunoe teuman ka lon gisa

Di likot lon saleh pakri Ampon doli tan pareksa Geunta Sukma meunan kalam Geunta Alam lon calitra

Jieu rakyat abeh pangsan Tan soe muprang rakyat hana Geunta Alam saket ate Seubab han le rakyat dumna

Jimat cokma le bak jaroe Jipoh bumoe ateueh donya Teuka seupot hana bagoe Sang-sang nanggroe ka meugisa

Jeuet le laot yoh nyan leugat Siblah rakyat Raja Muda Tantra Usman ka lam laot Abeh hanyot lam ie raya

Geumpa Alam jideumpek that Puleh rakyat keunong mintra

Tantra bunoe keunong racon

Abeh bandum puleh sigra

Ka jibeudoh bandum rakyat Jimita pat musoh teuka Leumah jieu dalam laot Teungoh hanyot lam ie raya

Teungoh hanyot keudeh keunoe Lam laot nyoe that seungsara Cut Usman kalon meunan Rakyat karam lam ie raya

Neucok tungkat pantah-pantah Teungku Syiah le neucinta Neutiek tungkat dalam laot Teudoh ribot tho ie raya

Laotpi tho jeuet keu padang Uroepi trang tamse nyang ka Tantra pari mangat ate Laot tan le tho dum rata Dumna rakyat ate girang Uleebalang ngon panglima Uroe tarek hana bagoe Rakyat jiwoe lom jiguda Lom jimuprang miseue dilee Rakyat padee ngon panglima Yoh nyankeu prang han peue peugah Guda gajah abeh fana Uleebalang han peue pike Le that mate musoh teuka Surak deumpek that meuguncang Bangon karam mideuen raja Subhanallah raya that prang Geunta Alam sakti raya Rakyat le that troh di nanggroe Geunap uroe hana reuda Ie kuala ceukoe sabe Darah ile ban ie raya Uroe nyan prang that meutunang Tiwah angkatan ureueng teuka Seubab mate dum pahlawan Bak uroe nyan talo ngaza Ureueng jamee ka talo prang Ka leukang teungoh jingaza Jiplueng laju hana lagee Ka jiteumee pageue kuta Le that mate sira jiplueng Geutak di rueng seun-seun tiga

Geunta Alam eu rakyat plueng Tamse rimueng beungeh raya Geunta Alam tingkrom gaki Jeuet mata ie meubura-bura

Ngon sikeujap ka ngop nanggroe Mata ie nyoe teubiet sigra Karam nanggroe deungon gampong Jimeung gulong kuta kuta

Jiek leugat dalam nanggroe Ie beuņa nyoe sakti raya Rakyat bandum abeh karam

Ulon tuan plueng meutaga Siblah Raja Cut Usman

Sosah han ban dum panglima Kuta Usman abeh phang-phoe Dalam ie nyoe abeh fana

Geunta Sukma beuet hekeumat Kuta leugat po lam hawa Seureuta rakyat bandum sajan Jiteureubang deungon kuta

Cut Usman duek di dalam Meusajan ngon limong raja. Tantra pari jiteureubang Seureuta sajan jen lam paya

Putroe Meurak deungon lakoe Lam kuta droe Raja Muda Abeh bandum dalam awan Syah Haliman raja tuha

Dalam awan dum teureubang Hekeumat nyan Geunta Sukma Teutap sinan dalam awan Cut Usman deungon tantra

Cut Usman neukheun meunoe Bak raja nyoe Geunta Sukma He pahlawan pakri jinoe Geutanyoe tatren u donya Bek le sinoe dalam awan Han got macam gop eu rupa Meunyo'sabe dalam awan Tan saktian bak gop kira Sang-sang malee ulon tuan Nyang got teelan tren u donya Ie beuna nyoe bek sosahan Kheundak Tuhan han binasa Geunta Sukma seuot rijang Ampon laman po meukuta Pioh dilee payong nanggroe Na bak 'kamoe saboh mintra Lon keumeung tiek saboh sakti Nak jituri Geunta Sukma He tuanku neupioh dilee Neueu lagee buettan hamba Wahe adoe ban nyang hajat Bannyang mangat nibak gata Ban gata kheun ulon turot Ban nyang patot takeurija Gata adoe ureueng sakti That tatukri dum peukara Ban jideungo sabda meunan Yoh masa nyan jipet mata Geunta Sukma jitiek tungkat Sret leugat u mideuen raja Na sikeujap nanggroe seupot Teuka ribot hana tara

Teuka ribot kreueh han bagoe Tarek uroe ju keupala Deungon reudok keutam-keutum Sang-sang kram-krum bumoe donya

Dum lasyeuka Geunta Alam Abeh mumang ladom fana Ribot kreueh that han peue tanyong Gunong-gunong dum seureupha

Bumoe donya sang meuhayak Reudok jijak cong keupala Ie beuna tho dalam nanggroe Padang muwoe miseue nyang ka

Uroepi trang buleuenpi jroh Ureueng gadoh ka meugisa Geunta Sukma beuet hekeumat Jisrom tungkat dalam hawa

Dudoe nibak nyan na sikeujap Apui leugat hu meunyala Ka jeuet apui dalam padang Ka troh keunan dalam kuta

Apui raya han soe tu'oh Tutong tanoh deungon tantra Tutong kuta abeh angoh Sangat meh-moh raja teuka

Apui raya hana lagee Abeh padee musoh teuka Tan soe peulen ngon beurani Apui sakti Geunta Sukma

Tantra bandum abeh tutong Kuta jitren di antra Cut Usman ka u bumoe Deungon putroe dalam kuta

Kuta jitren dalam padang Meusajan deungon lasyeuka Apui raya hu maken that Siblah rakyat raja teuka Geunta Sukma ka jisujud Jidong di nap Raja Muda Mangat ate Cut Usman Ka troh keunan Geunta Sukma Jigrak tuboh rijang-rijang Ka muwoe ban manusia Ampon tuanku ka lon riwang Uroe ka trang miseue nyang ka Cut Usman seuot pantah Deungon tuah sidroe gata Geunta Sukma teutap sinan Sajan-sajan Raja Muda Prang di mideuen that meuguncang Ureueng landang that seungsara Seubab apui han reuda le Sosah ate dumna tantra Tantra Usman surak sabe Sang reuloh gle karam donya Yoh masa nyan Geunta Alam Jibeuet rijang saboh mintra Jicok batee le jireugam Jisrom rijang dalam hawa Seupot seupeuet ngon sikeujap Reudok kilat lagee sua Langet bumoe sang ka reule Gunong ngon gle sang meugisa Teuka reudok deungon tupeuen Jitoh ujeuen ngon ie raya

Ujeuen raya leugat jitren Ka abeh len apui raya Ujeuen raya hana lagee Abeh padee apui dumna Geunta Alampi han sakri Tiwah sakti Geunta Sukma Tantra bandum abeh girang Jimuprang han duka-cita Jimuprang that nibak dilee Hana jithee hilang nyawa Leubeh that nyoe nibak baroe Le teupipoe dum panglima Sang meugo-go sang meugup-gup Sang-sang geuyup sangkaikala Langet bumoe sang rasa sret Sang ribot suara cokma Jimeutop cang sang leuek meulot Sang di laot riyeuek teuka Raja Pari that guransang Leugat jicang mekeuba-keuba Ho jipeukeue abeh ranap Ho jipeunap abeh rata Le that mate dum teupipoe Buet jaroe limong droe raja Prang han reuda uroe malam Uleebalang abeh fana Tantra pari hana mate Ka jiwoe le dalam paya 'oh takalon ka jiriwang Jipeuseunang ateueh tantra Tahe hireuen 'oh tapandang Bunoe hilang nyoe ka teuka

Tantra musoh hireuen mandang Bunoe tacang jih ka fana 'oh takalon ka jiriwang Jipeuseunang ateueh tantra Sosahji that ureueng landang Jiriwang jitak bak muka Yoh masa nyan prang ka timang Meutunang ngon ureueng banda Masa nyan prang that meuhayak Mate rusak dum peutua Langet bumoe sang meuguncang Gunong manyang dum meugisa Kareueng buket gadoh hilang Bak jimeucang keunong cokma Jiek laju keunan leugat Jimumat-mat dum panglima Guda gajah mate di blang Le that simpan musoh teuka Han jan leumah deuh tapandang Sinan hilang han jigisa Raja Pari ngon rakyat droe Jiek meuree-ree dalam tantra Raja limong that seureuloe Hana bagoe ban cempala Pantahji that bak jimeucang Abeh simpan raja raja Yoh nyakeu prang that geumeuntam Kreueh angkatan Raja Muda Meusurot le ureueng landang Jiplueng rijang dalam kuta Geunta Alam beungehji that Jicok leugat saboh cokma

Cokma jsrom dalam awan Jeuet le rijang dum geureuda Jeuet geureuda le han bagoe Babah beusoe sang meulila Mataji hu bandua blah Susoh mirah ban keusumba Juahpi that hana bagoe Jimeung seudoe dumna tantra Jisujud le dalam padang Jisimpan rakyat ban nyang na Abeh ji'uet seukalian Panglima prang rakyat raja Raja limong dum sinaroe Ka jiseudoe bandum tantra Abeh rakyat dum jisimpan Uleebalang sama juga 'oh lheueh ji'uet seukalian Jiriwang bak raja raya Jiriwang bak Geunta Alam Jimeukalam deungon raja Tuanku ampon pruet lon deuek that Neupeugah pat laen tantra Goh mumada po junjongan Neukheun rijang po meukuta Seubab kamoe na dua lhee Lon lakee bak po lon raja Neupeuleumah rijang-rijang Meujak simpan ulon gisa Pruet lon deuek that ulee mumang Lhee boh pisang han mumada Geunta Alam seuot rijang He binatang bek that subra

Jinoe kajak bak si Usman Ka'uet rijang kuta kuta Jakleh leugat he binatang Bek le kiam jakleh seuba Ban jideungo sabda meunan Jiteureubang dalam hawa Troh lam hawa jiteureubang Jipandang leumah le kuta Dalam kuta rakyat sinan Usman deungon laen raja Dum geureuda jilayang droe Ban sinaroe nam ribee sa Kuta hekeumat ka jihirup Abeh lam pruet raja raja Kuta kuta abeh lam pruet Ka jihirup Raja Muda Cut Usman ka mupaloe Buet sakti nyoe Alam Geunta Geunta Sukma tinggai sidroe Masa bunoe tan lam kuta Ban jikalon kuta tan le Bandum sare ngon lasyeuka Dalam padang tan le sidroe Seungap bunyoe prang ka reuda Jieu keudeh jingieng keunoe Tan le sidroe raja raja Geunta Sukma sosahji that Seubab rakyat han meuho ka Geureuda mantong dalam awan Teungoh meuen di antara Rakyat lam pruet bandum pangsan Gohlom simpan mate fana

Teutap lam pruet rakyat pangsan Seukalian raja raja Mantong sinan dalam awan Goh jiriwang woe bak raja Geunta Sukma sakti gagah Jibeuet pantah saboh mintra Jitren ujeuen dalam awan Ribot sajan bade raya Ribot raya kreueh han bagoe Ujeuen 'oh doe ube-be raga Dum geureuda keunong ribot Ka abeh sret bandum rata Sret u mideuen bandum sare Keunong sakti Geunta Sukma Geureuda sret patah meukhan Hanco badan jeuet keu sira Geunta Sukma beuet hekeumat Jaga rakyat ngon panglima Cut Usman puleh pangsan Neuwoe yoh nyan bandum rata Kuta tan le dalam padang Neuglong rijang dalam tantra 'oh ban neuglong tungkat beusoe Teudong keudroe leugat kuta Tamse nyang ka kuta teudong Rakyat tamong dum lam kuta Cut Usman tamong sajan Uleebalang raja raja Seugala rakyat abeh puleh Masok keudeh jijak ngaza Prang di mideuen that meuhubo Rasa hanco bumoe donya

Raja Pari jicang rakyat Dum meusapat ngon lasyeuka Le that mate raja rakyat Jicang leugat han ban publa Cut Usman di meuligoe Sajan Putroe Meurak muda Neukalon prang that meutunang Mantong timang saban padra Guree tapa le neiingat Tungkat neumat Raja Muda Neuglong tungkat di teungoh blang Teuka rijang angen raya Teuka ribot deungon guroh Sang ka runtoh alam donya Angen kreueh that deungon ribot Abeh jipot dumna tantra Tantra musoh sret u laot Kreueh that ribot ka angen ba Tan le sidroe ureueng muprang Uleebalang ngon panglima Abeh bandum sret u laot Buet ribot Cut Raja Muda Bukon sayang bungong meulu Sret meutabu dalam tika Bukon sayang musoh datang Dum sibarang u laot raya Uleebalang deungon rakyat Abeh seungap safan-safa Tantra pari suka ate Seubab tan le dum lasyeuka Jisurak ngon jihei sare Sang reuloh gle karam donya

B

Sang-sang karam nanggroe reule Surak sabe ngon meutaga Teutap musoh sidroe han le Peungeuh sare mideuen raja Bandum musoh ka lam laot Jinoe lon seubot Alam Geunta Geunta Alam sosah ate Seubab tan le dum lasyeuka Geunta Alam beungehji that Beudoh leugat pantah sigra Teupok jaroe ateueh bumoe Tho laot nyoe jeuet keu data Laotpi tho jeuet keu ribot Jibapot rakyat bak nyang ka Ribot puwoe lom u padang Seukalian tantra raja Geunta Alam jicok panah Jimat pantah saboh cakra Bak cakra nyan sakit le that Nanji mangat Cakra Donya Nyankeu sakti han soe lawan Jisrom rijang dalam hawa Seupot seupeuet tamse malam Uroepi tan han meuho ka Tantra pari that teumakot Seubab seupot glap-gulita Lam seupot nyan lon peugah kir Naga sakti keunan teuka Abeh ji'uet tantra pari Naga sakti le han tara Abeh ji'uet panglima prang Uleebalang ngon peutua

Raja limong bandum sare Han saboh le abeh fana Han le sidroe ureueng muprang Seungap padang mideuen raja Uroe seupot tamse malam Meunan sang-sang taeu rupa Cut Usman bak masa nyan Duek seumayam dalam kuta Neueu seungap di mideuen prang Beudoh rijang Raja Muda Neueu uroe tamse malam Reudok hitam siblah donya Ban neukalon meunan macam Teupok rijang jaroe bak pha Ban neuteupok dua jaroe Jibleut uroe tamse nyang ka Reudok hilang gadoh tupeuen Peungeuh mideuen trang cuaca Neueu naga dum di padang Teungoh jisimpan tantra dumna Neucok busu yoh masa nyan Mat di tangan le neulunta Neupeubusu dalam padang Naga suang mate fana Sinan mate bandum hilang' Naga simpan banseumua Rakyat lam pruet bandum pangsan Puleh rijang keunong mintra Abeh puleh seukalian Beudoh rijang lom jingaza Jitajo le lom u padang Jimeucang leubeh bak nyang ka

Yoh masa nyan prang meutunang Mantong timang dua tantra Suara cokma tamse guroh Keunan jibloh raja raja Keudeh keunoe prang han tiwah Sabe tuah raja dua Bak uroe nyan prang meuhayak Peudeueng kapak le binasa Teungoh sunggoh tantra muprang Teuka malam le ho seunja Teuma meusu le geundrang prang Rakyat riwang woe lam kuta Rotdeh rotnoe woe u dalam Bak sulotan maseng raja Abeh tamong dum u dalam Panglima prang raja raja Makeuen minom meusukaan Watee malam pioh tantra Cut Usman waliyullah Deungon ayah neumeusabda Deungon raja ayah putroe Laen sinaroe dumna raja Sulotan Malek di sinan toe Neukheun meunoe Raja Muda Wahe ayah payong nanggroe Prang geutanyoe padum lama Ulon ayah lupa sangat Padumna trep nyang ka lama Sulotan Malek seuot rijang Neumeukalam ngon cut banta Wahe aneuk bungong seupeueng Sikureueng buleuen nyan ka lama

Prang nyoe aneuk raya sangat Bak lon lihat nyang ka nyang ka Saleh pakri uroe dudoe He samlakoe prang that raya Cut Usman seuot pantah Insya Allah po meukuta Tulong Tuhan deungon Nabi Laen lagi dum eelia Bek that gundah teumakot gli Neuduek doli dalam kuta Neukalon buet tantra pari Ate bek gli po ayahda Dum geutanyoe salahpi tan Troh raja nyan jak enaya Cut Usman lom kheun rijang Raja Syarwan neuhei sigra Wahe ma po tajak keunoe Lon di sinoe ka lam bahya Meuhan tajak bak siseun nyoe Mate kamoe aneuk gata Raja Syarwan seuot rijang Preh he intan dang kuteuka Sinoe neuhei sideh neuthee Tajam eleumee Syarwan Indra Hingga beungoh le ngon uroe Rotdeh rotnoe teubiet tantra Meuteumeung le dua pihak Prang meuhayak leungo donya Dum pahlawan mate rusak Dum teukeupak raja raja Na sikeujap meutunang prang Leumah angkatan teungoh teuka

Ho maken toe le u mideuen Ban tupeuen meunan suara Geunta Sukma sinan sajan Neukheun nyoeban Raja Muda Cut Usman neukheun rijang Cuba pandang pane tantra Geunta Sukma jiteureubang Jeuet le badan laen rupa Jipeujeuet droe keu cicem subang Jipo rijang ubak tantra Jieu rakyat that barollah Jitawajah u mideuen raja Jieu alam mirah hitam Raja Syarwan nyang,po tantra Raja Syrwan ateueh burak That meusigak dum panglima Payong intan jroh han sakri Meuseundi ngon mutiara Kandran burak raja pasang Dum pahlawan ireng lingka Jigrop lumpat dum pahlawan Alat sajan peudeueng cokma Geunta Sukma hireuen tahe Tantra that le jieu teuka Meuri nama dum bak alam Meunan jifam dalam dada Geunta Sukma ka jiriwang Cicem subang troh bak raja 'oh troh keunan ka jigrak droe Rupa muwoe manusia Jibet jaroe rijang pantah Ka jiseumbah Raja Muda

Ampon tuanku ka lon pandang Raja Syarwan teungoh teuka Deungon rakyat that barollah Meugah meugah dum panglima Cut Usman deungo meunan Teubiet yoh nyan le u lua Neujak ampeueng Raja Syarwan Muliaan raja raya Na sikeujap leumah alam Puteh hitam le wareuna Leumah payong le that macam Rakyat hitam siblah donya Tamse reudok seupot hitam Tamse malam glap-gulita Raja Syarwan troh u padang Cut Usman kalon rupa Neumupayong intan meukarang Tamse intan reumboe lingka Cut Usman peurab rijang Jak meuteumeung deungon raja 'oh rab keunan Usmanpi troh Bujang suroh rakyat dumna Neuyue dong tunong ngon baroh Nyang di teungoh rot geuteuka Wie ngon uneun dong dua seueh Teungoh peungeuh jurong raya Raja Syarwan ka leumah deuh Seumayam ateueh burak indra Payong intan hana macam Neurakam meugisa-gisa Rupa indah tamse tanglong Reumboe payong mupeurmata

Di likot nyan that meuteuntee Lapan ribee nyang panglima Pakaian jroh ija bajee Ateueh ulee kulah kama Di likot nyan dum pahlawan Adi juhan muploh laksa Teuma rakyat di likot nyan Hana padan seupot donya Cut Usman keunan hampe Neutajo le keunan sigra Teuma neucom gaki tangan Raja Syarwan neusambot neuwa Raja Syarwan suka ate Neungieng sabe Raja Muda Yoh aneukda peusan kamoe Teungoh lon nyoe lam beurcinta Heundak lon nyoe kubeurangkat Lon jak siat kalon rupa Cut Usman neukheun rijang Teungoh laman cinta po ma Na sikeujap baro dapat Leumah deelat baro teuka Raja Syarwan lom kheun meunoe Seureuta ngon mameh muka Dumpeue kuthee he samlakoe Dum di sinoe buet di gata Barangpeue buet dum kutukri Ulon nini nibak gata Masa taprang Haliman Syah Taloji sah meunang gata Tamuprang ngon Raja Samidan Wahe intan bandum fana

Jikoh takue gata intan Jitiek badan dalam paya Lhee ngon aneuk puteh licen Dum jipeulen abeh fana Bandum kuthee he samlakoe Buet di sinoe maklum po ma Tan kuteuka yoh masa nyan Ka kutuban han mumara Cut Usman deungo meunan That sukaan hana tara Cut Usman neukheun leugat Ngon beureukat po meukuta Deungon tuah doli halarat Nyang bri rahmat Tuhan Esa Teungoh marit Cut Usman Troh le keunan Geunta Sukma Jijak seumbah Raja Syarwan Jicom tangan raja raya Keuramat that hana sakri Bagi doli nyang troh mata Teuma dudoe teuka laen Sukee jen ngon pari paya Ate galak mayoh meusyen Dum sukee jen pari diwa Jika seumbah tueng beureukat Bandum rakyat keunan teuka Raja Syarwan sukaan that Dum keu rakyat lakee do'a Neubeuet do'a neuleueng jaroe Seureuta neumoe neumupinta Beu seulamat gata dum nyoe Bangsa jen nyoe deungon diwa

'oh sare lheueh neumeulakee Leumah sukee musoh teuka Teungoh·teubiet dum u padang Uleebalang ngon panglima

Raja raja teubiet u blang Ladom pasang ateueh naga Geunta Alam jiteubiet droe

Bak uroe nyoe prang that raya

Talo meunang bak uroe nyoe Mangat tawoe dum tagisa Aeh teubiet uleebalang Panglima prang dum peutua

Dalam kuta tan le ureueng Ka u mideuen dum jak ngaza Nam ploh ribee raja taklok Jimasok u mideuen raja

Payong intan dum meutabu Han jeuet taeu reumboe lingka Troh u mideuen deumpek surak Siblah rakyat raja teuka

Raja Syarwan deungo surak Nyum meugrak-grak leungo donya Ubak Usman neukheun rijang He cut intan aneuk hamba

Tabri idin po samlakoe Bak uroe nyoe bah lon ngaza Bah lon cuba adu sakti Mangat jituri Syarwan Indra

Wahe aneuk meuntroe intan Lon peukaram po ceulaka

Mangat jithee raja inong

Kupeukeunong bubee raya

Lon cuba tiek bubee beusoe Nak jithee droe rimueng seuba Le that sakti geukoh ulee Dalam bubee kucuet singkla Wahe aneuk Cut Usman Dum raja nyan kiniet bue kra Bah jirasa po rimueng cang Teu'ajam-'ajam keunoe teuka Cut Usman han jituri Pangkat wali biek eelia Raja Syarwan kheun bak meuntroe Bubee beusoe jiyue bawa Ban meuntroe deungo sabda meunan Jicok yoh nyan bubee keumala Jilambong le dalam awan Sret u padang tempat raja Raja Syarwan jibeurangkat Teubiet leugat dalam tantra Deungon meuntroe dua sajan Troh u padang dua saja Rakyat laen seukalian Jikalon ban buettan raja Jidong mantong seukalian Raja Syarwan that peurkasa Raja Syarwan troh u padang Jipasang burak jroh rupa Ubak meuntroe neukheun leugat Deumpek bak that su meutaga Jideumpek le meuntroe Syarwan Seupot alam siklep mata Seupot seupeuet tamse malam Hana le trang glap-gulita

Yoh nyan rakyat abeh mumçng Jilop keunan banseumua Abeh ji'uet le bubee nyan Seukalian rakyat raja Tan le sidroe tinggai rakyat Abeh seungap safan-safa Ka u dalam bandum jilop Tamse eungkot dalam raga Geunta Alam ka lam bubee Tan le lagee po ceulaka Raja taklok muploh ribee Ka lam bubee bandum rata Panglima prang ngon pahlawan Abeh simpan dum seumua Geunta Alam tan le lagee Buet bubee Syarwan Indra Bubee beusoe jisrom u manyang Sret le rijang di lua kuta Raja Syarwan leugat jiwoe Bak samlakoe Raja Muda Cut Usman puteh leusoh Sinan pioh di lua kuta Neupreh riwang Raja Syarwan Dum angkatan preh di lua Raja Syarwan troh le keunan U hadapan rakyat dumna Tahe hireuen seukalian Raja Syarwan sakit raya Cut Usman hireuen dasyah Allah Allah sakti that kha Raja Syarwan kheun le pantah Neupeugah bak Raja Muda

Wahe aneuk meuntroe intan Hana le prang bijeh mata Abeh jilop dalam bubee Bungong keumbee tuah gata

Tan le lagee wahe Usman

Dum raja nyan dalam singkla Ka lon rante gaki jaroe Han le sidroe jeuet meuhaba

Jinoe pakri takheun rijang Lon peukaram bandum raja Cut Usman seuot pantah Neubet bagah jaroe dua Ampon bak ma raja bandum Neubri hukom yue keulua Kadang-kadang jitem taklok Mangat bek trok ajai teuka Jinoe he ma cuba tanyong Pakri keunong tapareksa Raja Syarwan seuot pantah Insya Allah bijeh mata Wahe aneuk po Cut Usman Rakyat bandum ka lam rimba Di mideuen prang tan le sidroe Sinaroe jiteungoh rimba

Raja Syarwan beuet hekeumat Teubiet leugat dumna raja Jaroe gaki ka meurante Kong han sabe na ube pha Ka teuduek dum seukalian Di raja nyan dalam singkla Jaroe gaki dalam rante Hana jeuet le peugah haba

Keunong sakti Raja Syarwan Dum raja nyan that seungsara Nibak badan ladom hitam Keunong saktian Raja Indra

Ka teuduek-duek miseue bateueng Keunong cukeueng inong raja Raja Syarwan lom kheun meunoe Bak raja nyan dum lam singkla Pakri napsu dum gata nyoe Na lom nanggroe tameuhawa Meunyo hajat takeurajeuen Lon bri mideuen bak taraja Meunyo han le takheun rijang Lon peukaram mangat fana Meunyo hajat mate nyawong Bah kutanom bek kagisa Kupoh mate bansinaroe Han kubri woe he ceulaka Cut Usman han katuri Kameuungki keu kee raja Han katuri nyan aneuk kee Raja asee buta mata Raja laen abeh jithee Nyoe aneuk kee Raja Muda Kah dum paleh geukoh ulee Kukoh-koh lhee kuboh sira Dum kugasi aneuk asee Hana kathee aneuk hamba Wahe Raja Geunta Alam Gata bandum pakri suka Geunta Alam jibet jaroe Ampon kamoe salah nyang ka

Kareuna ulon hak ka mate Ampon doli kawoh po ma Peue kapeugah mate geucang Lon kon mawang peùe kasangka Kon ma gata kee nyoe sidroe Rimueng seudoe buta mata Meuntroe Syarwan tajo leugat Ampon deelat payong hamba Kareuna Raja Geunta Alam Ampon sibarang goh jeuet bahsa Beusa salah bek neuhaloh Ureueng ka roh dalam singkla Ampon tuanku meuribee ampon Kamoe bandum hak ka fana Ban nyang hajat payong nanggroe Hana sidroe soe theun sangga Neugantung manyang neuboh jeuoh Nyawong tuboh neupeuhamba Nyawong darah tuboh asoe Gaki jaroe di meukuta Hana ubah nibak kamoe Troh 'an dudoe neupeuhamba Raja Syarwan teuma peugah le Taploh rante bak angeeta Meuntroe Syarwan teupok jaroe Rante beusoe han meuho ka Geunta Alam beudoh pantah Jijak seumbah Syarwan Indra Jigisa lom ubak Usman Seumbah yoh nyan Raja Muda Cut Usman sambot pantah Bu meutuah bandum gata

BVE

Bandum raja mumat jaroe Bak uroe nyoe meu'ah deesya Prang hana le nanggroe aman Dum raja nyan jeuet syeedara Geupeutamong le u dalam Muliaan dum raja raja Geunta Alam geupeujamee Jroh that lagee geupeumulia Bet idangan bandum sudah Makeuen pantah raja raja Buettan Raja Haliman Syah Nyankeu ayah putroe muda Makeuenpi lheueh malam uroe Dum sinaroe pioh tantra Beungoh uroe datang siang Meusu geundrang dalam kuta Meusu tambo deungon gambang Geurakkan Raja Muda Na sikeujap jula uroe Jilakee droe dumna raja Sulotan Malek neulakee droe Bak aneuk droe Raja Muda Idin aneuk lon keumbali He puteh di bijeh mata Cut Usman neuseuot le Leugat ile ngon ie mata Meunyo ayah woe u nanggroe Ingat keu kamoe beu le do'a Insya Allah he samlakoe Malam uroe lon mipinta Sulotan Malek phon beurangkat Deungon rakyat dum panglima

Sajan rakyat woe u nanggroe

Seureuta meuntroe ngon bentara

Raja Gunong Meuh leugat riwang

Dum pahlawan leugat gisa

V JAK U NANGGROE MEUSE

Maseng-maseng woe bak makam Keu Cut Usman lon calitra Amma bakdu teuma dudoe Teuma neuyue woe Alam Geunta Cut Usman neukheun rijang Bak Syarwan raja raya Ampon deelat ma jeunulang Geunta Alam neuyue gisa Watee na buet uroe dudoe Beu troh keunoe ubak hamba Raja Syarwan seuot pantah Insya Allah bijeh mata Wahe Rja Geunta Alam Jak tariwang dumna gata Watee na buet uroe dudoe Beu troh keunoe bak aneukda Jinoe tawoe seukalian 'oh lon peusan bandum teuka Ban jideungo sabda meunan Jimoe yoh nyan dumna raja Bandum raja that dukaan Jibet tangan ateueh jeumala Ampon tuanku payong nanggroe Heundak kamoe ubak raja Bek tuanku cre siuroe Jarak kamoe ngon meukuta Bek sitapak Tuhan bri cre Udep mate rugoe laba Usman deungo that weueh ate Sajan ile ngon ie mata

eTT

Lompi neukheun bahle tawoe Uroe dudoe beu troh teuka Barangapat meuduek kamoe Beu troh dudoe bandum gata 'oh jideungo bit jiyue woe Meuteutaloe ngon ie mata Teuma jicom gaki jaroe Jilakee droe dum jigisa Seureuta rakyat ngon pahlawan Deungon kandran gajah guda Geunta Alam ka leupah woe U nanggroe teumpat jiraja Seureuta rakyat ngon pahlawan Adi juhan dum panglima Jiteureubang dum lam awan Deungon kandran gajah guda Geunta Alam ka leupah woe U nanggroe teumpat jiraja Deungon tantra dum sinaroe Takat nanggroe maseng jeumba Raja Syarwan neukheun meunoe Tadeungo kamoe bijeh mata Idin aneuk lon kujak woe Lon lakee droe ubak gata Watee na buet peusan kamoe Uroe dudoe troh lon teuka Usman deungo sabda meunan Cut Usman ro ie mata Pakon tamoe po samlakoe Bit ka kuwoe sajan gata Nyoepat euncien aneuk kubri

Euncien sakti nibak jaja 'oh tacinta nama kamoe Teubiet sinoe burak raya Jeuet keu kandran po samlakoe Jampang tawoe nanggroe bunda Ateueh laot jiteureubang Laot intan han binasa Laot apui ek teureubang Han ek karam burak raya Nyawongjih tan dalam badan Han ek simpan barang bahya Euncien tasok jaroe uneun Wahe buleuen bek talupa Nama ulon tacintakan 'oh tapeusan troh bak gata Ka lon peugah po samlakoe Lon kujak woe tinggai gata Cut Usman beudoh pantah Neujak seumbah raja raya Sira neucon gaki jaroe Sira neumoe Raja Muda Lheueh meuteumeung raja riwang Ka meulayang dalam hawa Raja Syarwan ka u manyang Uleebalang raja raja Tujoh ribee raja sajan Adi juhan han teukira Cut Usman tinggai sinan Bak nanggroe nyan meuseusuka Sajan Putroe Meurak intan Ngon dendayang muda muda

Cut Usman neukheun meunoe Bak raja nyoe pari paya Wahe Raja Diwa Pari Keunoe mari bandum gata Raja Pari keunan peutoe Meusajan ngon Geunta Sukma 'oh troh keunan u hadapan Cut Usman le meusabda Jak kakanda gata tawoe Bak tempat droe dalam paya Cut Usman neumat tungkat Jiwoe leugat Geunta Sukma Uleebalang deungon rakyat Gadoh bakat han le rupa Cut Usman tinggai sinan Meusajan ngon nam droe raja Hireuen tahe raja nam droe Jikalon proe Raja Muda Uroe malam ireng sajan Nam raja nyan sang syeedara Wadi meuntroe adi sajan Rab Usman jarak hana Haliman Syah ayah putroe Neuduek keudroe raja tuha Nyang peutimang raja nam droe Jeuep-jeuep nanggroe wase teuka 'oh troh wase jeuep-jeuep nanggroe Jok bak jaroe nam droe raja Cut Usman neuduek keudroe Nyang peungaroe dum teumuda Cut Usman raja alam Di awah nyan le that raja

'oh troh bak thon sampoe keunan Dum raja nyan di bawahnya Sikureueng laksa raja taklok Barangjan trok junjong sabda Laen Raja Kuta Beusoe Nyan ayah droe nam blah raja Cut Usman teutap sinan Uroe malam dalam kuta Kutapi kong nanggroe aman Rakyat keunan dalam banda Hukom ade raja sehat Han tom rakyat neuenaya Boh kayee jeuet murah pade Ujeuen sabe kayem teuka Umu lhee thon lheueh neumuprang Teutap sinan Raja muda Cut Usman bak siuroe Teuringat nyoe janji nyang ka Ingat janji yoh saboh roe Deungon putroe aneuk raja Kariman Benti nama putroe Dilee puroe leupah haba Meuhana troh janji puroe Salah lon nyoe bak Rabbana Bah lon peutroh kaman jinoe Bek jeuet dudoe lon meureuka Bahle lon jak nanggroe Meuse Meunan janji dilee mula Cut Usman meunan pike Dalam hate tan u lua Bahkeu lon jak u nanggroe Meuse Lon keumbali woe bak bunda

Sira lon woe ubak ibu Lon meung jak eu mantong bunda Keumah pike Cut Usman Bak masa nyan neumeusabda Neukheun ubak raja nam droe Deungo lon nyoe he kakanda Idin kakanda lon ban nam droe Hajat lon woe ubak bunda Saleh mantong saleh tan le Jameun ka cre dilee masa Gata bannam tinggai sinoe Bak nanggroe nyoe mat neuraca Meunyo tuanku woe u nanggroe Kamoe nam droe sajan neuba Deungon rakan dum sinaroe Tuanku droe patot neuba Han peue rakan insya Allah Ngon afuwah dumna gata Lagi lon jak han trep lon woe Lhee peuet uroe ulon gisa Keupeue rakan lon woe rijang Meunyo meunan payong nanggroe Idin kamoe mubek lama Cut Usman ek bak putroe Jak lakee droe keumeung bungka Idin keu lon bungong geutoe Siat lon woe saweue bunda Lon jak kalon saleh tan le Idin tabri putroe muda Ban putroe deungo raja riwang Ile mubram ngon ie mata

pegnotmuj oq sowuen ovnusM ad uasut maise nol corggmsn ib nol rsdueuan laf atit kad slsk aol sorb painaut eslib laial sonuq ad s shaud gnotmsm ssmustuaq ao.l sobub eonu umu snuaM atas gnent dst sow aol mol comsg anogmud ssib le| o8 saig mol font somu taueq aad 1sgmam ote somtuq mavn doY solgmud sonil talssb indi asttiben Jaguol namaU tuO shum aotuq nibi douad aA mamaU tu ujsl lajuov atut dedu namea ol dorT sorst ledin nciomps rsusaneé aist smen eova tagniual nawiey sta aman mgnkuovi evat ssnud amath ef donT

sbdea somusm amsji merdlueéi blea isd gmova lsmd.odaW sva1 somsgnen u ismuol nol gnatab tajad oausM sonagnan U. edmar aale gneühx guoluT ino8 mambX songsaea adU szam aslib fpetuam nol 904b|2 6162 8m8V82 do26O steg áslu sova nol adsT dallA sveni sovoa lmu8 edad deuats datneq la185

Lheueh meuteumeung deungon bundanemaU tuO aned lb grobusT

Meunyo neuwoe po junjongan Ulon sajan tuanku ba Bek neukeubah lon di nanggroe Tuanku droe lon jak bak tha Bek he putroe tajak dilee Lon peuteuntee mantong bunda Meuna umu uroe dudoe Lom ulon woe jak tueng gata Bek jak dilee bungong geutoe Lhee peuet uroe troh lon gisa Yoh nyan putroe ate mangat Jibri deelat jinoe bungka Cut Usman leugat neutren Ka lheueh idin putroe muda Neujak laju Cut Usman Troh le keunan ubak kuta Neuseuet euncien nibak jaroe Neuingat nyoe nama raja Neuingat nama Raja Syarwan Troh le rijang burak raya Teudong di keue Cut Usman Neukheun rijang meunoe sabda Wahe burak nyang that sakti Lon kumari u nanggroe raya U nanggroe Meuse hajat datang Tulong rijang akan hamba Ubak nanggroe Kariman Benti Lon meujanji dilee masa Gaseh sayang gata sidroe Taba lon nyoe uleh gata Burak seuot insya Allah Neuek pantah ateueh hamba

Cut Usman neuek rijang Jiteureubang dalam hawa Jipo tajam tamse kilat Jitakat bak awan miga Dua uroe jiteureubang Laot bintang meuteumeung ka Neueu riyeuek ngon geulumbang Miyup manyang troh lam hawa Limong uroe lam laot nyan Leupah sinan troh laot bahtra Abeh leupah bandum laot Rab troh po cut u nanggroe raya Leumah Makah deungon Meuse Pucok krueng Ne luah raya Luah sangat hana sabe Ka neutren le di antara Neusujud le Cut Usman Sret keunan u lua kuta Cut Usman tamong mideuen Troh le u leuen rumoh bunda Cut Usman neumeuuroh Soe di rumoh ma lon bunda Syahri Banun deungo meunan Beudoh rijang jak peunyata Ban neukalon Cut Usman Neugrop yoh nyan neucom neuwa Jak woe aneuk u meuligoe Po samlakoe ka tagisa Cut Usman neuek sajan Ateueh tilam rab ngon bunda Wahe aneuk meuntroe intan Ka tariwang jak tanom ma

Na troh tajak po samlakoe Ubak putroe u Antara Troh ulon jak ubak putroe Jeuep-jeuep nanggroe lon meuraba Padum mate dalam laot Padum nyang sret lam ie raya Lon he po ma udep mate Meunoe sabe lam seungsara Mantong udep tuan putroe Aneuk dua droe tan binasa Bak lon sangka tan udep le Pat ka mate ngon aneukda Jinoe ka troh ulon riwang Lheueh talo prang nanggroe Indra Syahri Banun that sukaan 'oh woe intan Raja Muda Teutap sinan lapan uroe Neukheun meunoe ubak bunda Wahe ma po pirak lipat Lon jak siat ubak cutda Putroe Meulu lon jak kalon Trep that han tom lon eu rupa Saleh mantong saleh tan le Jameun ka cre saboh masa Lon jak siat he bunda droe Bak nanggroe Pulo Sumatra Insya Allah po samlakoe Rijang keunoe lom tagisa Cut Usman neutren sidroe Euncien bak jaroe le neucinta Teudong burak di hadapan Neupasang yoh nyan uleh banta

gnejh dlouog nemaU dug ewat mslsb gnsduswustit tefbl samet maket oqit sgim newe led talatit anadusmotij aona sod a4 sousmustusm gnetaid tosJ gnedmulusg nogn levavh ueusu swed mst rlou sneymam quviM msyn tosl msl sow gnomil andsd rosl dou manie doqusl tocl mubmad dequol dsda 9 105 oq do11 da2 peuaM nogmusb dsxaM denmeJ evat daul el amsund 2oou9 adaa arad iagnsz deul Rusima ib ol nertusn s

mamaU tu el bubuaue biux sul u mamual tei2 neusbim gabmat namaU tu sbrud domi asaol u ol dorT domuomuon nsmeU tu) sbaud aol ám romaib so8 nsmusm ognush auasg hdavë atsvmsq lsi amai dobus8 nemeU tuO polaslosn ns8 swusn mosuan nsyn dov qo1gusk sogiluom ur luens sow kat saigst ax solsimsa 09 asis lauen mameU n sbmud negn dsi meit dsuaiA neini couusm chuene sdsW sm monat lei gnewinsi s2

Jiteureubang tamse kilat Deungon siat han meuho ka Dua uroe jiteureubang Sampoe datang ubak cutda Troh le keunan bak meuligoe Leumah putroe kalon banta Jiplueng laju bantujoh droe Jak mat jaroe ngon syeedara Muwa meucom deungon putroe Po samlakoe baro gisa Jimumat-mat bantujoh droe Tanyong meunoe bak adekda Na troh tajak po samlakoe Ubak Putroe Meurak muda Cut Usman seuot pantah Deungon tuah tujoh gata Meureutoh laot lon jeumeurang Nyawong hilang han lon kira Mate udep lon barangjan Lon cintakan tujoh gata Deungon tuah gata intan Troh lon tuan nanggroe Indra Lon kheun gata he boh ate Pat ka mate po bentara Geunap malam lon leueng jaroe Beu troh tawoe ubak cutda Adat han troh gata tawoe Ulon boh droe dalam rimba Bahle mata dalam laot Bahle eungkot meukeurija Gohlom mate he cut indah Mantong tuah adek gata

Padum lawet lonsinoe tan Nyawong badan sajan gata Sirasa nyum lon eh sajan Cut intan dalam istana

Ka troh lon jak deungon riwang Bungong peukan tuah gata Putroe Meulu deungo meunan Mameh reunom ngon ie muka Putroe tujoh ate ringan 'oh ka keunan Raja Muda Teutap sinan po samlakoe Tujoh putroe sidroe raja Geunap uroe lam sukaan Cut Usman deungon cutda Buet tan laen bungong puteh Tan teuseureh dalam dada Cut Usman eelia Tuhan Padoli tan keu buet donya Han neupubuet teugah Tuhan Seubab gop nyan that eelia Lagipi ka leupah sumpah Cut Basyah deungon syeedara Putroe tujoh bak siuroe Ngon samlakoe peugah haba Wahe adek bungong uroe Nyoe lon peugoe haba nyang ka Haba dilee yoh saboh roe Po samlakoe yoh cut gata Gata jiboh le Yahudi Jiba u gle gunong raya Gata adek jipoh mate Meunan pike dumji rata

Jinoe mantong jitroh deundam Gata intan jipufana Bak jisangka gata tan le Ka lheueh mate dilee masa Meunyo jithee gata intan Baranggajan jijak mita Yahudi nyan adoe badan Le saktian tarek mintra Jipeulara saboh hantu Raya laku sang geureuda Jibri umpeuen lheueng nam uroe Jidrop sidroe manusia Hana soe theepi meusidroe Yahudi nyoe tarek mintra Jinoe adek jih tajak poh He teungku jroh tajak mita 'oh meuteumeung tapoh mate Bek taweueh le si ceulaka Meuhan tapoh Yahudi nyan Cut Usman mate gata Ureueng nanggroe dum jitipee Aneuk asee tarek mintra Jinoe adek jih tajak poh He adek jroh narit hamba Jipeugot meuh bak on kayee Meunan lagee balek mata Jinoe jiduek dalam peukan Berujualan maniaga Dalam banda nanggroe Sya'iran Jih di sinan tajak mita Meuka tapoh nyawong simpan Tulong Tuhan ateueh gata

Soe laen poh jih han mate He boh ate meukon gata Lompi kamoe han jeuet meujak 'oh meurumpak jipufana Nyan he adek ka lon peugah Beudoh pantah tajak mita Cut Usman seuot pantah Insya Allah wahe cutda Meuna tuah gata tujoh Mate musoh tinggai hamba Idin cutda keu lon sidroe Bak uroe nyoe heundak bungka Beu seulamat he samlakoe Tinggai putroe jimoe rugha Jimoe bae bantujoh droe Weueh samlakoe Raja Muda Cut Usman bungka leugat Neutakat seulatan daya Pat nyang malam teuma neudom 'oh beungoh lom le neubungka Lhee uroe peurjalanan Sampoe yoh nyan u nanggroe raya Nanggroe Meuse keunan sampoe Neujak sidroe sayang raya Tan soe turi bungong uroe Pakaian di asoe cek-bek raya Bungka laju Cut bangsawan Nanggroe Sya'iran troh neuhala Dalam banda banta tamong Neueu ureueng rame raya Neueu geudong peunoh asoe Rame tuloe dalam banda

Neujak laju cut puteh di Bak Yahudi nyang neucinta Meuteumeung le ngon samlakoe Neukhuen meunoe pantah sigra Assalamu'alaikom he dalem droe Ka troh lon nyoe ubak gata Gata dalem biek Yahudi Biek teumaki bangsa gata Masa dilee kee kajak boh Gata kupoh kutueng bela Gata dalem tan udep le Jinoe mate tinggai donya Ban jideungo haba meunan Beungehji ban uleue bisa Jibeudoh le teubiet uleuen Meunoe jikheun si ceulaka Katheun keunoe buet jaroe kee Jinoe kathee tinggai donya Lheueh jikheun nyan gadoh keudroe Sosah jinoe banta muda Jipeujeuet droe hantu syetan Cut Usman jimeung daya Jimat di pha cut bintang sret Jimeung peulop dalam donya Troh 'oh keuieng dalam bumoe Cut samlakoe pantah sigra Neutupéue le raja seudang Peurasaan meugriet raya Allahuakbar neukheun meuhad Leukang leugat jaroe dua Hantu syetan leukang jaroe Po samlakoe lheueh u lua

Lom ka teudong di hadapan Jimeung kuran banta muda Cut Usman neukheun pantah Ngon bismillah le neubaca Neusuet peudeueng dalam sarong Neutak rancong putoh dua Putoh takue tinggai badan Jiteureubang dalam hawa Di manyang ka jeuet ngon bulee Ulah lagee sang geureuda Jisujud le pantah han soe Po samlakoe jimeung sama Deungon peudeueng neutak simban Putoh meukhan jeuet le dua Gadoh bangke hana mupat Jeuet le leugat rimueng raya Jikeumeung kap po samlakoe Peudeueng di jaroe neutak sigra Mate rimueng sinan neucang Jeuet lom rijang dumna naga Jipeurab dum bak samlakoe Panyang gigoe nam-nam deupa Jikeumeung 'uet po samlakoe Neucok jinoe tungkat pusaka Neubet tungkat rijang-rijang Neupoh keunong bak keupala Naga gadoh dum sinaroe Po samlakoe mubahgia Naga gadoh han le mupat Timoh leugat uteuen rimba Timoh uteuen that barollah Meugriet leupah Raja Muda

Cut Usman sang teumakot Uteuen seupot rimba raya Kayee le that dum sinaroe Po samlakoe meunyum lia Tungkat neumat nibak jaroe Neubet keudroe bacut saja Sare neubet 'oh meulayang Teubiet rijang sidroe raja Geunta Sukma nan geuuroh Ngon rupa jroh that peurkasa Jidong leugat di hadapan Jitanyong ban peue na sabda

Cut Usman peugah rijang

Uteuen padang tamse rimba Gaseh gata deungon sayang Uteuen landang taboh sigra Geunta Sukma deungo meunan Jideumpek ban teuga raya Teuka ribot kreueh sileupah Uteuen reubah dum meutimpa Abeh uteuen dum ribot me Han sapeue le miseue nyang ka Yoh nyan hantu jisumpom droe Lengo bumoe miseue geumpa Deungon tulong Tuhan sidroe Lheueh samlakoe dalam bahya Mate Yahudi hantu pindoe Jinoe neuwoe Raja Muda Cut Usman leugat neuwoe Ubak Putroe Meulu Rakna Siploh uroe peurjalanan Sampoe yoh nyan lam istana

Putroe kalon Cut Usman Jitren yoh nyan bandum cutda

Jimat adek bacut sapo

Peuek laju ateueh geuta

Jicok bate Putroe Meulu Jime laju keu cut banta Nyoepat ranup he adek jroh Bungong jaloh troh.tagisa

Lon meukaoi jeuep-jeuep watee Bungong keumbee troh bak cutda Cut Usman seuot pantah That meutuah bandum gata

Seulamat lon bungong mirah

Hana reubah nibak bahya Ulon teuoh he cutda beh Gata tujoh lam lon cinta

Lon eh malam sang lon lumpoe Lon eh uroe di mata-mata

Meunan sabe lam teugoe-goe

Rindu kamoe akan cutda

Teungoh-teungoh neukheun meunan Troh idangan u keue banta Pajoh adek bu ngon asam Eungkotpi tan bu ngon siřa

Tabeue masen bak takheun-kheun Lon teumaguen sidroe dua Cut Usman seuot leugat Kru seumangat di jeumala

Takheun cutda hana eungkot Jarak laot tan soe mita Bak lon cutda han peue peugah Sang-sang reubah keubeue dua

Laen lumo kameng gasi Meunan mise bak adekda Lon niet neubri gunong manikam Sang neupulang nanggroe dua Meunan bak lon bungong peukan Putroe intan makanan gata Cut Usman makeuen laju Na sigeutu 'oh mumada 'oh ban lheueh bu po samlakoe Neusrah jaroe Raja Muda Peuek idang Putroe Meulu Tinggai teungku dalam tika Cut Usman le tidoran Putroe intan le duek lingka Ceupet ulee deungon badan Beudak sajan minyeuk ata Teungeut mangat Cut Usman Putroe intan ngadap lingka Meunan sabe watee malam Cut Usman jarak hana Putroe Baniroh bak simalam Deungon Usman neumeuhaba Wahe adek po samlakoe Deungo kamoe sikrak haba Jinoe gata puteh licen Lon peukawen ngon Cut Rakna Ngon si Meulu lon peunikah Bungong mirah bek cre dua Kamoe nam droe ate mangat Meuka sapat gata dua Bu meusampe lon peutimang Mangat seunang ate cutda

Cut Usman seuot laju Cutda teungku di jeumala Pakri cutda lon meunikah Leupah sumpah lon ngon gata

Lon niet gata saboh ibu Bungong meulu meunan kira Bek he cutda lon meukawen Gata bandum lon syeedara

Jampang lon jak 'oh troh buleuen Gata bandum boh bicara Meunan bak lon bungong tanjong Bek he ulon nyang kon jeumba

Hana neugrak uleh Allah Bungong kipah lon adekda Cut Baniroh han le tuto Teuduek tahe putroe muda

Hom he adoe bungong tanjong Ban nyang hukom nibak gata Teutap sinan po samlakoe Sajan Putroe Meulu Rakna

Uroe malam rindu deundam Putroe intan ate suka Umu sathon sajan putroe Po samlakoe laen kira

Ka teuingat janji putroe Deungon putroe indah rupa Jinoe lon jak nanggroe Meuse Han jeuet trep le sinoe lama

Teuma neuhei Putroe Meulu Cutda teungku lon na haba Idin keu lon bantujoh droe Hajat lon nyoe heundak bungka

Lon jak meuen meulhee uroe Rijang keunoe ulon gisa Jiseuot le Putroe Meulu Adoe teungku Raja Muda Ho tameung jak wahe raja Tinggai cutda leupah adoe Lon niet siibu ngon sibapa Pakon gata taboh kamoe Han meusampe lon peulara Keunoe lon ba dilee puroe Jinoe rayek adoe gata Keu cutda han ingat budoe Wahe adek po Cut Usman Pakon meunan tanglong nanggroe Meutan gata wahe buleuen Soe keurajeuen lam nanggroe nyoe Reuloh kuta deungon mideuen Hana ureueng laen sidroe Cut Usman teuma seuot He cutda cut deungo adoe Hajat ulon jak meununtut Lon meung jak beuet kon lon boh droe Do'a beu le bak cut intan Cutda badan keu lon sidroe Talakee tulong nibak Tuhan Quruan goh baek seuleusoe Kon lon jak ngon saket ate Kon dalam gle lon jak boh droe Nyan he cutda cuba pike Cuba syawe tuto lon nyoe Meunan neukheun Usman Basyah Meunan jipeugah bak cutda droe

Hana jikheun jak meunikah Tan jipeugah laen bagoe Idin cutda lon seukarang Lon jeumeurang bungka sidroe Meuna untong cutda badan Troh lon tuan teuma dudoe Boh pisang mah masak di lubang Makanan cicem sibaree-baree Meutuah cutda meuteumeung pulang Jikalee malang mate meuseubee Lheueh neukheun nyan neutren laju Moe meu'u-'u bantujoh droe Putroe bae bangon Meulayu Mangat that su neudeungo bunyoe Aye pasang limpah keu darat Cina meunginjak di ateueh batu Adek lon tuan leupah beurangkat Lon halarat peurintah Tuhanku Anak elang jisma ikan Sutra hitam dari gakinya Jangan lama adek beurjalan Cutda intan atenya ragu Tuan tuan naek keulapa Bagoe keusawi upeh seulodang Jakalee adek heundakkan bungka Tinggaikan saya kaen sipinggang Tuan tuan jahetnya baju Ambek beunang di rumah saya Jangan adek buangkan aku Ingat-ingatkan guna seutia Meunan bae Putroe Meulu Jitren laju po samlakoe

Teubiet laju po Cut Usman Dalam padang neujak sidroe Sira neujak meunoe pike Dalam ate payong nanggroe Bah ulon jak nanggroe Meuse Bak putroe ti dilee puroe Neusuet euncien nibak jari Burak sakti troh le teuka Teudong burak di hadapan Cut Usman pasang sigra Neupasang le bunong keumang Jiteureubang dalam hawa Jiteureubang tamse kilat Jitakat bak awan miga Limong uroe jiteureubang Sampoe yoh nyan u nanggroe raja U nanggroe Meuse keunan datang Teungoh malam mantong jula Buleuen peungeuh peuet blah uroe Deuh meuligoe deungon kuta Tingkap meuligoe bandum teuhah Peungeuh leupah deuh u lua Putroe jaga goh tidoran Beuet Quruan putroe muda Cut Usman kheun bak burak Kacuba jak lam istana Cuba jak eu siat le kah Putroe indah mantong jaga Yoh nyan burak jihah babah Teubiet pantah cicem pala Jitren leugat lam meuligoe Jieu putroe sidroe saja

Jiteubiet le pantah rijang Jiteureubang troh bak raja Jipeugah le bak samlakoe Jaga putroe sidroe saja Ureueng laen bandum pangsan Putroe intan sidroe jaga Cut Usman deungo meunan Sujud yoh nyan lam istana Neusujud bak tingkap meuligoe Po samlakoe tamong sigra Neumeuinseuen yoh masa nyan Nibak Tuhan'Po alam nyoe Ya Ilahi wa ya Rabbi Tuhan Gani Po lon sidroe Bek jeuet 'aeb keu lon neubri Lon bek keuji bak malam nyoe Cut Usman beuet hekeumat Pangsan rakyat lam meuligoe Teuma neuek laju leugat Troh u rambat po samlakoe Hingga troh bak pinto inong Ka teuceungon raja nanggroe Jieu rupa putroe bungong Neutamong laju bak putroe Tamong leugat leupah pinto Dara baro eu samlakoe Dalam ate ka teusawo Putroe tahe mandang keudroe Jibri saleuem teuma sigra Keu raja nyang tamong keunoe Tadeungo meusye ngon suara Jimeusapa si nyak putroe

Kayee rampak jroh hijo on Meuhimpon cicem sinaroe Nateu keunoe tuanku ampon Ulon seuon dua jaroe Kureueng meujeulih kamoe duson Meu'ah ampon tuanku droe Nabu kamoe cut ma ubon Datang ulon bak sambinoe Lon sret keunoe bagoe ie mbon Angen peutren lam nanggroe nyoe Putroe jok ranup lam bate Neusambot le po samlakoe Ranup uteuen lon duek lam gle Han meusampe rasajih nyoe Tuanku bek saket ate Bek neuruhe 'aeb kamoe Kru seumangat cut boh ate Bak lon mise intan pudoe Bak gata nyoe ranup uteuen Bak lon buleuen seulaseh roe Lonpi adek that reuen-mareuen Nam ploh buleuen datang keunoe Abeh laot lon jeumeurang Nyawong hilang jeuep-jeuep sagoe Raja pajoh ranup sigapu Lom jimeusu po sambinoe Pane nanggroe trep that lon eu Peue na napsu neujak keunoe Padum mate ln lam laot Sangkot pawot lon he putroe That seungsara lon jak lon woe Gata adoe that lon pakoe

Jeuep-jeuep gampong lon peuteuka Troh bak gata he sambinoe Bitpi lon jak seunja-seunja Siblah mata klam ngon tuloe Bitpi baek taeu rupa Ate luka lam pruet kamoe Jeuep-jeuep tabib lon peuteuka Rok-rok masa ate seungkoe Saleh mate lon troh masa Hilang nyawa peunyaket nyoe Meutan ubat he adekda Akhe masa umu sampoe Kariman Benti teuma seuot Peue nyang patot ubat jinoe Teungku peugah ulon ikot Lam laot yue cok keunoe Peue tuanku jeuet keu ubat Lon mita pat seugala nanggroe Ate saket puleh siat Peugah deelat bak ulon nyoe He adek cut bungong keumang Ubat nyum sang lam pawok nyoe Kon di miyup kon di manyang Nyak cut bintang maklum keudroe Ubak saket cicem nuri Cut putroe ti umpung pat jinoe Puleh saket that beureuhi Meunyo tabri wahe putroe Lon kalon na lon tupat tan Ubat nyan dalam rumoh nyoe Siulah-ulah bagoe ensan Umpung meunan sang meuligoe

Sang-sang jeuoh sang-sang rab that

Lon keumeung mat han troh jaroe Lon eu kaem ulon lihat Han lon tupat lam gampong nyoe

Ate puleh meugeutem bri Saket lagi meuhan rela Sang teusinyom Kariman Benti Tuto takwi sang haba nyoe

Pat tuanku cicem nuri Ulonteu bri meuna sinoe Pakri rupa wahe doli Keu ubatpi pakri bagoe

Han tom lon deungo bak jad-majad Mustahe that habaneu nyoe Ate saket ate ubat Meunan nyang brat lon fam sinoe

Tuboh saket na alamat Nyoe teuga that lon eu bagoe Tuto tuanku sang meutakwi Han lon tukri fam haba nyoe

Adat lam kruengpi lhok tuwi Soe beurani teuka keunoe Meulaenkan ureueng nyang hakikat Nyang jeuet lumpat lam tuwi nyoe

Ureueng hampe ngon halarat Laot darat saban sit roe Narit teungku meunan lagee Lon nyang dungee meusoe-gumoe

Han troh pike lon pangulee Tan eleumee bak lon fam nyoc

Bitpi meunan wahe doli

Cicem nuri na sit sinoe

Jinoe cintra tuanku bri Lon cuba ci bri cicem nyoe Cintra pudoe deungon intan Bak cicem nyan jiteueng-teueng droe Meutan nyan tuanku ampon Han jeuet ulon drop cicem nyoe Meunan hajat lon po junjongan Meutan nyang nyan hajat han sampoe Meuek na nyan tuanku bri Cicem niri lam rumoh nyoe Cut Usman deungo kheun siti Iem beurdiri po samlakoe Akai sadak 'oh jipike Gadoh syawe haba putroe Sangat lisek bungong pade Dalam ate raja sidroe Peue nyang kukheun jeued jitaleh Akai leubeh si nyak putroe Bahle lon kheun haba saheh Han ek lon preh beungoh uroe He putroe cut wareuna ie meuh Deungo beu deuh lon hareutoe Ubo-ubo lon sangka leumak Santan meulimbak lon sangka dadeh Nyang jeuet adek keunoe lon jak Dilee ngon si nyak janji ka abeh Lom guda plang guda peulanggi Guda meunari di ateueh buket Pakon he adek taubah janji Sireh tabagi pineung meukulet Adat takeumeung pajoh pawoh Dong di baroh pupo geulawa

Meuna hajat keu ureueng jeuoh Beu got tapupueh bek leupah bungka Leuek jikutru di cong keutapang Siwah datang ka mupaloe Narit he adek bek meuayang Gata cut bintang aneuk kutusoe Bungong rom ngon bungong rihan Bungong peukan bee meulaen Masa dilee meudeh padan 'oh troh lon tuan ka meulaen Limbang-limbang pade sipulot Mayam teusangkot ateueh peutoc Gaseh adek gaseh di mulot Tidak sampoe keupada ate Baek-baek cahya peurmata Jika dihupam cahya peureuseh Sudah dikeunai deungon mata Di dalam ate tidak digaseh Teuma seuot Kariman Benti Jitaleh le cut bangsawan Seulaseh gilang-geumilang Tanam di miyup kayeenya mate Adek gaseh bukon keupalang Dari hidup sampoe mate Keuranji tumboh di ladang Di dalam taman tumboh keuladi Sudah beurjanji beurteupok tangan Di mana buleh beurubah lagi Cut Usman seuot pantah Ka neutaleh haba cutti Seulaseh beurjampu jati Batangnya mirah bagoe keusumba

Sudah digaseh di dalam ate Dagang ini menjadi hamba Meuk jipo-po di cong siganda Lon eu rupa meuek meutren Lon sangka adek kon narit seunda Nyang jeuet lon teuka bak puteh licen Euncck Amat ureueng Peulimbang Malee-mumalee deungon cut abang Akulah ini muda seukarang Mulotnya maneh lidah beurcabang Pade sipulot siteumon dulang Ambek keureundang dalam kuali Rupapun jahat bangsapun kurang Apa cek pandang keupada kami Po Cut Usman meunan neukheun Putroe buleuen seuot meunoe Neudeungo lon po meukuta Kon lon seunda narit puroe Teungku deungo lon peuhaba Miseue meukuta deungon kamoe Cut Kariman lom mupanton Akhe ngon phon meuduek adoe Boh deulima mupangsa-pangsa Di dalam pangsa bijinya mirah Bukon tuanku lon tilek bangsa Sama-sama darahteu mirah Bungong jeumpa jeumpa keubiru Bunganya rampeng di dalam puan Tujoh kali simalam rindu Tidak sampe keupada tuan Dualah tiga kapai di teulok Bunga seulipok di dalam puan

Malam dan hari ateku mabok Umpama punggok rindukan bulan Puhon seurahet di ateueh buket Daon kireman siraja magoe Jangan tuanku atenya saket Tuboh dan nyawa relalah kamoe Boh punti thok lawan bu leukat Boh pisang klat peunajoh cicem Ulon ikot ban suroh deelat Peue nyang hajat jinoe ulon tem Meunan jikheun uleh putroe Po samlakoe yoh nyan neukhem Teuma seuot linto baro Haba bek le jeuet meukawen Lon meuhajat jeuet keu judo Hai adek e bungong sunteng Tuan putroe sang teuseungeh Muka rumeh hana ceuken Wahe teungku uleebalang Hana wayang jadeh lon tem Di lon ateku that bimbang Nyum bek leukang ngon teungku lem Jinoe putroe nyang meurasa Got lon gisa jinoe lon tren Lon bri seulangke ubak raja Peugah haba lon meukawen Bek gop upat geutanyoe dua Dalam donya gop kheun baten Nyang bit janji ka lheueh dua Lon ngon gata bungong sampeng Abeh peugah po samlakoe Seuot putroe bek le neutren

Bahle sinoe lam meuligoe Sajan lon nyoe neuduek sapeng Bak ayahda lon yue peugah Lon deungo titah tabeue masen Meuhan idin bak ayahda Bak lon rela nyawongku len Bek neujak le meusideupa Po meukuta ngon cut leunteng Bahle sinoe lam meuligoe Bek neuwoe-woe le ho laen Bek he putroe meunan dilee Bungong keumbee jinoe lon tren Teumeureuka lon bak Allah Buettan salah bungong sunteng Bek tuanku neumeudawa Mate hamba meutan po lem Ulon top droe nibak dada Mangat fana meunyo neutren Raja Muda yoh nyan sosah Han jeuet langkah le ho laen Neupeujok droe ubak Allah Ban peurintah gata lon tem Teutap sinan po samlakoe Deungon putroe rupa canden Watee malam putroe muda Ateuch geuta eh cut leunteng Cut Usman sajan dua Ateueh geuta tan pat laen Teueh sinan sapat dua Putroe muda ate ngeuren Bitpi neuch dua sapat Hana tom rab putroe leunteng ji

Cut Usman waliyullah Saleh leupah buet lam baten Di cut putroe eh beu sapat Tuboh beu jab bek ban laen

Raja hana neueh sapat Bungong riwat sangat malem Putroe sosah geunap masa Seubab raja rab han neutem

Bak siuroe neumeuhaba Ubak raja putroe neukheun Pakon meunoe po meukuta Deungon hamba han rab badan

Sang-sang ulon ureueng budok

Ngon rupa brok miseue musang

Tan got rupa lon meukuta Boh lam paya umpeuen bubrang

Meunyo sinoe dalam leupu Meujampu ngon po junjongan

Meujampu meuh deungon teumaga Teuboh meukuta roa lon tuan

Abeh teuboh dum mutiara Teumaga meujampu sajan

Bah lon boh droe dalam paya

Bahle buya lon jikuran

Nibak teuboh po meukuta Gotkeu hamba bek na sajan Meunan jikheun putroe muda

Seuot raja rijang-rijang He putroe cut bungong pade

Bek weueh ate gata intan

Nyang jeuet bek rab lon ngon gata

Hana rela nibak Tuhan

Seubab gohlom lon meunikah Putroe indah cahya intan Han jeuet rab lon ngon cut indah Buet nyoe tugah nibak Tuhan Teumeureuka lon nibak Rabbi He putroe ti bek le kiam Bahle jinoe lon meunikah Mangat sudah buet nyoe rijang Bek kiam le putroe indah Insya Allah nanti malam Hingga seupot le ngon uroe Tuan putroe ate seunang Cut Usman waliyullah Mohon titah nibak Tuhan Ya Ilahi wa ya Rabbi Tuhan neubri keu lon rijang Neubri beu troh Teungku Syiah Bak cut indah putroe seudang Neuseumbahyang dua raka'at Mohon rahmat nibak Tuhan Lheueh beuet do'a po samlakoe Keunan lhee droe teungku datang Neupeunikah uleh teungku Bintang timu bungong karang Lheueh peunikah Raja Muda Teungku gisa woe bak makam Beudoh sinan bungong puteh Laju jak eh lam keuleumbu Deungon uroepi ka mureh Cut puteh teutap beuradu Aneuk tulo di cong ara Cicem pala dicong langsat

Meunoe sabe han meurasa Bah lon cuba balek ayat Miseue haba ureueng tuha Meugot rupa le soe hajat Nanggroe makmu le areuta Hana reuda teuka rakyat Untong-untongjeuet keu raja Beue Rabbana siklep-siklap Haba putroe mangat ukeue Adat tabeue na mupat-pat Bek tapeugah baranggapeue Maken u keue leubeh ladat

SE

VI. MEUKAWEN NGON PUTROE KARIMAN BINTI

Ammía bakdu wahe po lem Jinoe laen lon boh ayat Soe nyang deungo bek neukhem-khem Lon goh ladem peugot hikayat Puteh-puteh bungong geutoe Angen tampoe sret lam bakat Nyoe lon peugah lom keu putroe Ngon samlakoe raja deelat 'oh ban jaga bak beuradu Putroe meulu beudoh leugat Tren jak manoe ngon tuanku Bungong meulu nyang puteh that 'oh lheueh manoe bandua droe U meuligoe neuek leugat Duek bak tika nyang meusujoe Cut putroe ngon raja deelat Ate mangat geunap uroe Bungong geutoe meusampe that Meusitapak hana tom cre Sipade han tom beurangkat Uroe malam rindu ate Bungong pade ceudieng leukat Jipot angen timu jatoe Peuraho woe dalam bakat Hana tiwah rotdeh rotnoe Bandua droe sang geusipat Bak beuramoe ateueh pante Meurante di gunong le that

Miseue sikin saboh kande Sabe-sabe ngon cut ubat Jipot angen timu padang Karam gongkang angen kreueh that Uroe malam ate bimbang Hantom reunggangpi meusiat Hingga meugah bak ayah putroe Ureueng sidroe sinan teutap Han tom jarak geunap uroe Sajan putroe sinan sapat Di meuligoe han tom jarak Sitapak han tom beurangkat Baranggaho han tom neujak Bungong meurak ka mubee that Saket ate raja raya Jiyue jaga nibak rakyat 'oh kateumeung si ceulaka Kadrop sigra le kaikat Keunoe bak kee leugat kaba Kumeung sula bek paleh that Aneuk meuntroe aneuk raja Bek kakira manyang pangkat Dum sipai han le jieh Jidong bareh banja teupat Ulee-ili keunoe keudeh Beude puteh dum meukilat Hana meuteumeung po samlakoe Leugat jiwoe ubak deelat Lam meujaga uroe malam Meusidroe tan na meundapat Ban neudeungo meunan haba Poteu raja neuiem siat

Raja neuhei sidroe dayang Jak u dalam bak cut ubat Tatueng keunoe putroe muda Na haba sikrak lon urat

Dendayang jak bak si nyak ti Troh keunan le laju leugat Jipeugah le bak putroe ti Amanah doli yue woe siat

Putroe peugah bak Usman Idin laman wahe deelat Lon woe siat bak ayahda Kadang peue na nyang meularat

Bak masa nyan Raja Muda Ateueh geuta raja deelat Sinan neuduek bintang pari Bak keurusi nyang indah that

Neukheun ubak tuan siti Gata dek ti gisa leugat Meunyo tajak wahe putroe Keu ulon nyoe bek takheun had

Bek tapeugah lon di sinoe Geupoh kamoe uleh deelat Lon takot that geupoh mate He cut kande nyang meusurat

Han tom lon eu aneuk beude Di dalam gle sideh teumpat Teuma seuot bintang peureuseh Han lon pateh tuto deelat

Ureueng sulet han jeuet pateh Meunoe meudeh utohpi that Hingga teuma putroe muda Beudoh sigra neuwoe leugat

Troh u rumoh bak ayahda Neupareksa laju leugat Wahe aneuk bungong jeumpa Na haba sikrak lon sasat

Na lon deungo gop peuhaba Jinoe gata meulaen that Pane uréueng he aneuk droe Di meuligoe sinan teutap

Peugah aneuk ubak kamoe Ulonteu nyoe maleepi that Kadang soe-soe he aneukda 'aeb nama raja deelat

Lagi ulonpi ka tuha He mutiara nyang meusurat Teuma seuot putroe muda Sabet beuna wahe deelat

Uroe malam di istana Sideupa han tom beurangkat Nama geuhei Usman Basyah Rupa indah sang malakat

Jinoe sideh dalam kuta Di istana ngon lon sapat Ngon suara jroh that laku

Sang ie madu ngon bu leukat

Geukheun bak lon geunap uroe Gampong nanggroe tanoh Arab Bak lon kalon he ayahda Aneuk raja teuntee meuhad

Kon aneuk sibarang bala Bak rupa meunan lon takat Meunan narit putroe muda Poteu raja tanyong leugat

Pakri laku he aneukda Bak rupa nyang ka talihat Teuma seuot putroe muda He ayahda peue neusasat

Sinan sabe di meuligoe Geunap uroe ngon lon sapat Deungon rupa jroh han bagoe Jeuep-jeuep nanggroepi tan dapat

That meusampe akai budoe Nyang jeuet lon nyoe harok lon that Beuthat neupoh lon bu mate Han lon bri le geubeurangkat

Beuthat mayet takue neukoh Gop nyan saboh ulon hajat Hana lon tem baranggasoe Gop nyan sidroe harok lon that

Beuthat raja beuthat meuntroe Bah jitiek droe dalam bakat Allah Allah he nyak putroe Gata sidroe angkara that

'aeb nama lon jeuep nanggroe Gata putroe ka mubee that Gata aneuk sulotan raya Lon ayahda ka malee brat

Jinoe aneuk tayue jak tren Bungong tanjong bek le hajat Lon bri laen aneuk raja Nyang jroh rupa manyang pangkat

Hana lon tem po meukuta Beuthat raja manyang meurtabat Meuhan neutueng lon meukuta Bahle fana di keue deelat

Meunan narit putroe muda Seungap haba raja deelat Jibeudoh le teuma sigra Jiwoe lanja ubak teumpat 'oh troh sampoe u istana Raja Muda tanyong leugat Peue na saket poteu raja Laen peue na nyang meularat Teuma seuot putroe muda Suka-suka neuhei siat Meunan narit po jroh rupa Seungap haba 'oh nan teutap Padumna trep, teuma dudoe Po samlakoe sinan lambat Bak simalam bungong geutoe Duek ngon putroe sinan sapat 'oh lheueh makeuen po samlakoe Neukheun meunoe pirak lipat He putroe cut bungong geutoe Keu ulon nyoe idin siat Bak da Meulu siat lon woe Lon di sinoe trep ka lambat Bak putroe tujoh han tom lon woe Ulonteu nyoe hana tom rab Teuma seuot putroe muda Pajan teuma na lon ikat Tan lon yue j.k tan lon yue woe Ban suka droe pubuet leugat Cit ka kada di lon dumnoe Lon paban nyoe nyang ka babat Kayee gahru di Peulimbang Limo maneh di keubon Cina

Sudah untong nasibku malang Sudah beurputik meunjadi bunga Meunan neukheun tuan putroe Po samlakoe seuot leugat Meunyo meunan he cut putroe Keu ulon nyoe beunciteu that Peuekeu laba lon duek sinoe Bah uroe nyoe lon beurangkat Meunan narit Raja Muda Po jroh rupa neuiem seungap Cut Usman lom kheun pantah Neupeugah haba nyang sigap He putroe cut bungong tanjong Idin keu lon bungong meulu Lon jak saweue cutda putroe Rijang keunoe ulon riwang Meunan neukheun le samlakoe Seuot putroe meunoe laku Patot jinoe mee neuboh droe Ka troh sampoe hawa napsu Jinoe patot ka mee neujak Lon ka rusak neupeulaku Lagipi ka peunoh leuhak Ka puch galak han le rindu Meunan narit tuan putroe Po samlakoc seuot laju Bukon meunan he sambinoe Deungo kamoe meusigeutu Nyang jeuet lon jak tuan putroe Buettan lon nyoe ka teulalu Nibak raja gohlom meuthee Bungong keumbee pakri laku

Lon kalon hai raja nanggroe Meulhee uroe lon cuba eu Tabri maklum uleh gata Pakri haba bak tuanku

Kadang-kadang hana suka Geupoh hamba dalam leupu Lon takot that geupoh mate Hai cut kande nyang mangat su

Han tom di lon kumupake Lon dalam gle gampong ma ku Han tom di lon kumat peudeueng Lon lam uteuen han tom lon eu

Adat geupoh ulon sudroe Hana putroe soe tueng bela Meuhad mate lon di sinoe Gata putroe han binasa

Seuot putroe bungong mirah Jikheun pantah nibak raja Bek tuanku seulimbot ngon jeue Ka lon tupeue po meukuta

Patot lam krueng buyaji tan Patot biram hana bisa Patot gajah hana gadeng Patot leumbeng hana mata

Patot beururu hana meujen Lam ie masen hana buya Patot laot hana darat Patot pukat hana kaja

Patot krueng hana pante

Patot gle hana data Patot raja tan keurajeuen Patot mideuen timoh rimba

Meunan jikheun putroe intan Cut Usman paleng muka Cut Usman ka teusinyom Mameh reunom ngon ie muka Seureuta panton le di babah Meunoe ulah le beurkata Kapai Men Cina di laot Silan Heundak beurjalan nanggroe Ierupa Hambanya ini keu sini datang Meuncari lawan raja nyang beusa Buah duren di teungoh jalan Ambekkan daon dimakan guda Kalee beurtuah tanganku kanan Kalahnya musoh dapat kucita Tinggi-tinggi si matahari Burak meunari di ateueh geuta Kalee tidak putroe kucari Hareuemlah neugri tidak kugisa Cut Usman meunan neukheun Putroe buleuen mameh muka Teutap sinan Cut Usman Dua sajan putroe muda Han tom neujak meusipade Hana tom cre meusideupa Lam meuligoe uroe malam Ngon cut intan ate suka Amma bakdu teuma dudoe Raja nanggroe lon calitra Geunap uroe ate sosah Mita ilah nyang seujahtra Ingat malee raja meugah Jeuep babah gop ceureuca

Seubab putroe jitroh agam Ate deundam galak suka Neukeumeung poh tuan putroe Hana bagoe sayang raya Neukeumeung poh Cut Usman Putroe intan tan cre dua Sayangneu that keu putroe jroh Ameuk saboh laen hana Han ban keunong 'oh neupike Meunyo mate sayang raya Geunap uroe raja syawe Pakri pike nyang seujahtra Sosah raja teungeut han le Neupike keu putroe muda Aneuk saboh laen tan le Meuhad mate sayang raya Meunan ingat raja nanggroe Hana bagoe sosah raya Teuduek dilee raja sosah Keu Cut Basyah lom lon buka Di gop nyanpi ate sosah Tan neupeugah dilee masa Yoh meunikah masa dilee Tan neubri thee ubak raja Nyang jeuet sosah Cut Usman Jinoe kaman lon bicara Meuhan rela raja nanggroe Lon pabanroe ka troh masa Ka teukeudi nibak Tuhan Baranggajanpi mubala Han ek tulak buet di Tuhan Ateueh ensan barang suka

Meunan pike Cut Usman Yoh masa nyan neumat cokma Tungkat dilee nibak Syiah Neupoh pantah ateueh donya 'oh ban neupoh ateueh bumoe Teubiet lhee droe aneuk raja Rupa hebat hana bagoe Bak jaroe peudeueng ngon cokma Geunta Sukma nama sidroe Lon peugah soe nyang keudua Si Geumpa Alam dua jadi Raja Pari nyang keutiga Peurkasa that jih banlhee droe Adat nanggroe jigeulawa Sakti utoh jih banlhee droe Jeuep-jeuep nanggroe han soe sangga Teudong di keue Cut Usman Jibet yoh nyan jaroe dua Ampon tuanku meuribee ampon Tapangge lon peue na haba Ho neusuroh lon uroe nyoe Tohbu nanggroe neuyue ngaza Cut Usman seuot laju Adoe teungku lon hei gata Lon leupah buet bak nanggroe nyoe Lon cok putroe aneuk raja Gata banlhee ulon suroh Tajak beu troh ubak raja Ubak raja tajak peugah Lon ka salah lakee gata Talakee ampon lon ka salah Lakee meu'ah seugala deesya

Insya Allah tuanku droe Maklum kamoe buet meukuta Geunta Sukma beudoh jijak Troh le ubak mideuen raja Ka jitamong le u dalam Syahi alam kalon sigra Bak muka han jeuet tapandang Tamse biram uleue bisa Beudoh rakyat seukalian Jamee datang peumulia Raja kira jamee jarak Keunan jijak ubak raja Hana neuthee nibak Usman Di sinan bak putroe muda Poteu raja ateueh bale Keunan troh le ureueng tiga Raja yue ek ateueh bale Sabda doli bak peurdana Ateueh bale jijak keunan Mumat tangan deungon raja Jamee datang neuyue pioh Neujok bungkoh uleh raja Pajoh ranup na sigapu Marit laju lhee droe raja Jibet laju jaroe meulayang Ngadap sulotan raja raya Raja tahe hireuen mandang Sang mumang meuhayak mata Rupapi jroh hebatpi that Nam blah pangkat bintang dada Bajee direh keurawang meuh Di ateueh intan meutia

'oh meuhayak cahya peungeuh U ateueh raja nyang raya Saboh peudeueng nibak jaroe Zamrut hijo bak keupala 'oh jilihat cahya meuhambo Soe nyang eu seumilu mata Saboh bari puteh ulee Jroh that lagee indah rupa 'oh tee jieu di ateueh bajee Jroh teuntee saban ngon rupa Saboh cokma nibak jaroe Ngon pudoe geutataii lingka Hijo biro cahya soe-broe Hana bagoe elok rupa Rupa indah that seureuloe Dijaroe bak Geunta Sukma Raja Meuse hireuen keudroe Keunan laloe neueu rupa Teuma leumah dalam ate Saleh pakri that peurkasa Pakriban jih keulakuan Kueu rakan tamse raja Ubak meuntroe neukheun rijang Nyoe bit rakan aneuk raja Ampon tuanku syahi alam Hana maklum po meukuta Geunta Sukma jibet j.roe Seureuta ngon ngadap raja Jikheun seumbah po di kamoe Dua jaroe di jeumala Usman Basyah raja ade Di yup gaki po meukuta

Raja Malek nanggroe Makah Keurajeuen luah nanggroe Indra Meulintee Raja Haliman Syah Nyang that meugah di Antara Turon-muron raja mupangkat Meusyeuhu that jeuep-jeuep donya Meunan tuanku patek peugah Neupeuek seumbah keu po meukuta Neulakee ampon nyang ka sala'. Bek neumarah keu aneukda Kareuna aneuk di tuanku Umu baro gohlom raya Miseue kulat bangon laku Malam neue beungoh raya Meunan tuanku laman pandang Ampon sibarang sz'ah nyang ka Ampon tuanku sibarang-barang Gaseh sayang keu aneukda Seumbah ampon saja-sajan Keu junjongan nyang mulia Raja Meuse jaweueb pantah Nyoe lon peugah ubak gata Si Usman hana kutueng Aneuk uteuen mante rimba Hana kutueng keu meulintee Aneuk asee buet han jeumba Patot jiek u meuligoe Sajan putroe padum lama Jinoe kakheun watee kawoe Kayue jak woe bek kusula Meuhan jitren ingat keudroe Aneuk bisoe kupufana

4:227

Aneuk paleh biek pancuri Biet teumaki nibak ja ja Jakleh kawoe kajak bri thee Aneuk asee bek kusula Geunta Sukma deungo meunan Beungeh yoh nyan hu ngon mata Seubab neukheun si pancuri Beungeh sang ri uleue bisa Geunta Sukma pike meunoe Bit raja nyoe keumeung fana Cut Usman aneuk dagang Adat neucang han soe sangga Beuna salah bek neuhaloh Gop nyan jeuoh keunoe teuka Syeedara han kawomneu tan Meulaenkan gaseh po meukuta Neuniet tuanku namiet neubloe Si boh duroe yup istana Neugantung manyang neuboh jeuoh Badan tuboh di meukuta Cut Usman hana mawang Neupeusayang po meukuta Ampon tuanku sibarang-barang Di yup kidam kawoh meukuta Raja seuot meunoe lagee Aneuk asee peue bicara Peue kapeugau nyang kon bak kee Aneuk gutee that ceulaka Bek le tuto kah banlhee droe Nyang got jak woe yoh goh fana Pakon tuanku meunan narit Sang aneuk miet droeneu raja

Babah tuanku beuna larang Cubeueh ceukang hana guna Neumeututo ingat dilee Meuka malee keupeue guna Tuto tuanku hana patot Tuto karot 'oh neubuka Hana neungieng jeuoh ngon rab Droeneu deelat sang-sang raja Patot neukheun jih pancuri Raja ahli that eelia Han tom siblet karot buettan Ban kheun Tuhan hana lupa Takheun pancuri raja ade Keumeung mate saleh gata Hana patot tuto brok that Gata deelat kon biek raja Geunta Sukma beungeh han ban Jimeung kuran takue raja Lah jitakot keu Cut Usman Jigrak badan ban geureuda Raja Meuse ji'uet sidroe Jipuwoe bak Raja Muda Jiteureubang jih banlhee droe Siat sampoe bak cut banta Cut Usman di seuramoe Deungon putroe ateueh geuta Geunta Sukma nyan banlhee droe U seuramoe jiek sigra Dua jaroe jibet pantah Jipeuseumbah tuto raja Ampon tuanku payong nanggroe Kamoe lhee droe ka meugisa

Tuto tuanku patek peugah Lon peuseumbah ubak raja Abeh bagoe lon peuseumbah Lakee meu'ah bak sripada Jaweueb raja tuto karot Hana patot nyang kon jeumba Geukheun tuanku si pancuri Biek abdi mante rimba Han jeuet lon kheun tuto seudeh Jeuheut abeh troh bak ja ja 'oh lon deungo sang ka tuloe Kamoe kon droe le bantiga Lon keumeung poh raja deelat Sayang lon that putroe muda Lom lon takot keu tuanku Raja hantu ka rab fana Jinoe raja he deelat syah Lam beureukah ka lon singkla Pakri nyang got bak junjongan Bahle kaman lon pufana Cut Usman seuot pantah Peue tapeugah nyang kon haba Pat takeubah raja nanggroe Taba keunoe ubak hamba Geunta Sukma jihah babah Teubiet pantah sinan raja Ka meuikat jaroe gaki Hana sakri that seungsara Tuan putroe kalon ayah Neumoe bobah ngon ie mata Putroe jiklik hana bagoe Pakon meunoe po meukuta

Allah Allah he Po tallah Pakon ayah ka meusingkla Jitajo le bak Cut Usman Pakon meunan po meukuta Pakon ayah po junjongan Han neusayang siblah mata He putroe cut bungong mirah Buettan salah ayah gata Tuto karot dum neuteuoh Neukeumeung poh lon ngon gata Geunta Sukma neukeumeung poh He putroe jroh laen dumna Teuma jidrop raja nanggroe Jiba keunoe ubak hamba Ulon yue jak lakee ampon Salah that lon deungon gata Geukheun keu lon peue nyang galak Ate rusak Geunta Sukma Ayah gata he putroe ti Tan geuturi laen raja Seubab babah bulee basah Kareuna lidah jeuet binasa Jinoe tuanku tapeuampon Ayah ulon po meukuta

Hana deesya ayah bak lon Nyang peuampon ureueng tiga Hana di lon meunan buettan Phon jameun kon jinoe masa Han lon pubuet meunan buettan Lon bak Tuhan teumeureuka Bitpi meunan han peue salah Insya Allah na buet hamba

Allah Allah he Po tallah Lon pabanbah ayah gata Adat mate bunoe ayah Lon ka teulah deungon gata

Panyang umu mantong ayah That meutuah lon ngon gata Meuteumeung eu rupa ayah That meutuah mata hamba

Wahe putroe bungong pade Ban nyang pike nibak gata Meunyo ayah gata intan Di lon tuanpi ayahda

Ampon tuanku meuribee-ribee Ulon lakee bak meukuta Insya Allah bungong keumbee Ban talakee kabui pinta

Cut Usman neukheun lagee Ngon raja lhee neumeusabda Neukheun ubak Beuribot Tapa Ubak gata lon peugah nyoe

Cuba tanyong ubak raja Geutem rela lon ngon putroe Lon keumeung com kawoh raja Bek na deesya bandua droe

Cuba tanyong tapareksa Ubak raja ayah kamoe Meunyo hana neupeuampon Ban nyang hukom gata lhee droe

Adat tapoh han lon tham le Beuthat mate raja nanggroe Akai jeuheut raja jahe Miseue kafe buta tuloe

Kri nyang galak banlhee gata Hana sangga nibak kamoe Teungoh meututo Cut Usman Raja sinan neudeungo proe Ayah putroe yo teumakot Leungo atot badan asoe Yo meugum-gum hana teudoh Teubiet bioh dum meutaloe Teumakot that Raja Meuse Sang nyum mate ajai sampoe Teubiet bioh han le kira Teuboh tika di seuramoe Geunta Sukma khem bantiga He ceulaka pakon meunoe Peue geupeugot raja bakoh Abeh teuboh teumpat putroe Nyan karasa aneuk asee Keu raja kee kakheun bisoe Kapeuampon Cut Usman Kakheun rijang bek kuseudoe Kukoh takue kukoh badan Kuboh tamon lhee ploh asoe Masa dilee han kapateh Raja paleh kreueh that gigoe Teungoh jikheun haba meunan Seuot yoh nyan ayah putoe He pahlawan nyang that gagah Lon mate sah sit ka bunoe Tuto leupah tapeuampon Salah ulon bak samlakoe Nyawong tuboh darah gapah Lon milek saha dum gatra nyoe

Tagantung manyang taboh jeuoh Tan sidroe troh ubak kamoe Di donya kon sampoe dudoe Ban lon kheun nyoe bak samlakoe Hana ubah bak lon tuan Cut Usman aneuk jaroe Bandua ngon putroe muda Dijeumala geunap uroe Tamse jantong aneuk ate Meunan mise bak lon sidroe Beurubot Tapa jideungo meunan Jiploh tangan gakijaroe 'oh lheueh jiploh jaroe gaki Cut putroe ti seumbah ayah droe Cut Usman peurab pantah Lom neuseumbah gaki jaroe Raja Meuse kheun meutuah He Cut Basyah payong nanggroe Putroe jimoe maken rugha Ingat raja ban lam taloe Ampon deelat wahe ayah Kalon peugah dilee puroe Han neupateh tuto hamba Bak neukira han mupaloe Allah Allah he po meukuta Han peucaya tuto kamoe Jinoe peue lom ka lheueh malee Masa dilee lon peurunoe Putroe jikheun meunoe meudeh Bungong puteh sira jimoe Ie mata ro hana teudoh Putroe rioh leugat jimoe

Poteu raja meunoe neukheun He buleuen bek meudeh meunoe Bek taingat buet ka leupah Deungon tuah gata sidroe Wahe aneuk putroe indah Bandua kah deungon lakoe Lon he aneuk sangkot pawot Silap lupot jeuet keu rugoe Bu meutuah puteh lumat Lon ingat geunap-nap uroe Bu phet kulet asoe mangat Beu seulamat dua nanggroe Bu meutuah cut Usman Bandua ngon si nyak putroe Deungo ulon bungong peukan He intan keumala nanggroe Raja neukheun pantah-pantah Deungo lon peugah po samlakoe Tameuniet lon he meuh meuntah Hambateu sah ka lheueh tabloe Nyawong tuboh darah gapah Milek Allah dum sinaroe Bak gata po lon ijadah

Ulon seurah dum jeuep-jeuep syoe

Amma bakdu ulon balek Bek le adek lagee nyang ka Ngon mukjizat Nabi Muhammad Ngon keuramat dum eelia Jinoe aneuk lon bri ingat Pulang amanat dum bak gata Nyanpat kuta ngon meuligoe

Deungon putroe milek gata

Blang ngon gampong dum sinaroe Ureueng nanggroe hukom gata Cut Usman seuot pantah Insya Allah ateueh jeumala Abeh haba raja nanggroe Panggé meuntroe dum peutua Hoka gata waki bujang Kajakrijang meuseuranta Keyue teuka dum sibarang Uleebalang ngon panglima Bujang mudek baroh tunong Jipeh mongmong subra donya Rakyat jitren han peue tanyong Lam-lam gunong abeh teuka Uleebalang ngon pahlawan Abeh keunan tren bak raja Abeh jitren seukalian Tamong keunan dum lam kuta Tujoh uroe jitren sabe Sang han lot le mideuen raja Poteu raja neupeugah le Tadeungo he dum bentara Nyang jeuet gata ulon pangge Kaoi janji lon meunada Hajat ulon meukhanduri Alem faki yue meudo'a" Cut Usman banta 'ali Ulon rasi jinoe raja Lon ka tuha han le asi Rab ka mate ajai teuka Lom neupeugah bak samlakoe Raja nanggroe meunoe kata

He raja cut bungong uroe Gata gantoe lon ka tuha Meunan jinoe he aneuk beh Lon peugah troh bijeh mata Adat gop poh di rot di blang Na soe sagang meuna gata Mubek aneuk tatamah cang Jampang-jampang jeuet tamaba Raja Meuse yoh nyan pulang Dum sibarang balatantra Abeh neujok alat keurajeuen Dum reuen-mareuen alat raja Umong di blang kuta mideuen Cut Usman kheun yoh nyan sigra Insya Allah po junjongan Nibak laman ateueh jeumala

Neupulang nanggroe nibak kamoe Bungong jaroe po meukuta Jinoe tuanku lon teurimong Jinoe lon pulang bak sripada Seuot raja he boh ate Bungong pade bijeh mata Bek tagundah bungong meurak 'oh ka tajak na ayahda Abeh neujok seukalian Raja yoh nvan lom meusabda Hoka gata uleebalang Di lua di blang bansineuna Beudoh bandum seukalian Tabai rijang banta muda Raja Meuse phon hei ampon Nyang awai phon mula-mula

Teuma rakyat seukalian Ulon tuan ikot pula Lheueh geutabai Cut Usman Raja yoh nyan lom boh nama Sulotan Meuse neurasi nan That budiman bijaksana Poteu raja lom meukalam Bak uleebalang ngon panglima Tadeungo he wadi meuntroe Bansinaroe tuha muda Nyang silapeh ka seuleusoe Gohlom sampoe nyang keudua Jinoe putroe lon peukawen Mayoh meusyen meukeurija Lon peugah dum lahe baten Kon peue laen kaoi hamba Bietpi ka lheueh jimeunikah Gohlom sudah ulon kata Bak donya nyoe lon bek jeuheut Nyang meukeusud ka seumporna Peue han ase jak peuase Ubat beude ngon ramtaga Di lon siblah sidroepi jeuet Laen santeuet bandum gata Uleebalang dum seuot le Ban nyang pike po meukuta Dum meuriam meugule-gule Jipasang le su meutaga Jitot sigo geureuda kafe Nanggroe Meuse geunta raya Aneuk jipo meugulong-gulong Abeh puntong kayee rimba

Dua buleuen keurija sabe Meusu beude tamse geumpa Bumoe leungo langet mirah Han peue peugah buettan raja

Jitet tanglong di cong kayee

Jroh that lagee peungeuh donya Cut Usman saboh lagee Tungkat dilee neumat sigra

Teubiet raja limong blah droe Jibet jaroe bak cut banta Keupeue tuanku pangge kamoe Neukheun jinoe po meukuta

Nyang lon pangge gata keunoe Peugot nanggroe dalam miga Lon meukawen bak nanggroe nyoe Deungon putroe aneuk raja

Bek malee lon deungon putroe

Saboh nanggroe tapeurupa

Bu meugantung dalam awan Bek that manyang sireutoh deupa

Beu na rakyat dum di dalam Pahlawan deungon panglima Gata bandum seukalian Mupeurasan di dalamnya

Lon bek malee lam nanggroe nyoe Dum sinaroe buettan gata

Gaseh sayang dum sinaroe

Keu lon sidroe tan syeedara

Syeedara han kawompi tan Meulaenkan ngon tulong gata Beurubot Tapa seuot pantah

Insya Allah po meukuta

Nyang top malee Tuhan sidroe Bandum kamoe tan kuasa Jibeudoh le dum sibarang Jiteureubang dalam miga Geunta Sukma jideumpek that Nanggroe leugat jeuet lam hawa Nanggroe jroh that peungeuh muphang Pudoe intan ngon peurmata Ngnggroe ubit hana layak Nam uroe jak pasang guda Ateueh nanggroe Raja Meuse Jitet kande peungeuh donya Rakyatpi le dalam nanggroe Wadi meuntroe raja raja Hana manyang nanggroe peungeuh Jeumbatan meuh dum u donya Hana miyup hana manyang Nanggroe nyan sireutoh deupa Jeumbatan meuh dum u bumoe Dalam nanggroe Meuse raya Raja Meuse teukap jaroe Pane nanggroe di antara Han tom nyang ka dilee puroe Pane nanggroe dilee hana Hireuen rakyat dum sinaroe Gila keudroe pandang rupa Su bunyian jroh han bagoe Raja laloe deungo suara Abeh gila ureueng nanggroe Jideungo bunyoe dalam hawa Uroe malam peungeuh muphang Cahya intan ngon peuimata

Raja Meuse sosah ate Neuyue pangge nujum peundita Wahe bujang lon bri maklum Jak tueng ujum keunoe sigra Teungoh raja neukheun meunan Troh jeumbatan dalam kuta Phon di sideh dalam nanggroe Hingga sampoe u leuen kuta Jeumbatan nyan intan pudoe Peungeuh han soe kuta raja Dalam kuta Raja Meuse Hana peue le dum peulita Peungeuh nanggroe ngon jeumbatan Buet saktian Raja Muda Raja Meuse maken sosah Peungeuh limpah troh u lua Nujumpi troh keunan hampe Raja kheun le meunoe haba Wahe teungku guree kamoe Peue meubunyoe dalam hawa Deungon nanggroe ka meugantung Cuba kalon neupeunyata Kadang-kadang buet di Tuhan Atawa ensan nyang keurija Teungku nujum neuwa jaroe Seureuta nyoe neupet mata Leumah neueu lam pandangan Sulotan Usman nyang keurija Ampon tuanku syahi alam Buet sulotan aneuk meukuta Nanggroe luah hana macam. Ngon peurasan sianeka

Ngon jeumbatan intan pudoe Ujong keunoe bak meukuta Raja Meuse deungo meunan That sukaan ate raja Baro seunang ate deelat Bak neutakat pane bala Teukap bibi Raja Meuse Bukon sakti hana ngon sa Sakti tarek hana macam 'oh troh lam prang leubeh ganda Bit ban jikheun uleh putroe Dilee puroe han lon rela Rab ceulaka ulon sidroe Jiboh taloe jipufana Meutuah that aneukku putroe Meuteumee lakoe Raja Muda Meusampe that putroe intan Sret lam awan intan meutia Meunan neukheun Raja Meuse Mangat ate raja tuha Teuduek dilee raja dasyah Nyoe lon peugah sulotan muda Lapan uroe nanggroe manyang Neucok yoh nyan tungkat cokma Tungkat neucok nanggroe hilang Dum sibarang han meuho ka Han le sapeue tinggai sinan Jiwoe yoh nyan lam keumala Sulotan Usman nibak putroe Intat jinoe dalam kuta Tan meunikah le ngon putroe Ka lheueh putroe dilee nyang ka

Meundapat meuh deungon pudoe Bungong jaroe ureueng donya Dum teumeutuek agam inong Keu cut bungong Raja Muda Nam ploh geudong meuh ngon intan Bungong tangan dum panglima Raja Meuse kaya limpah That barollah dum areuta Sulotan Usman teutap sinan Bak nanggroe nyan meuseusuka Deungon Putroe Kariman Benti Hana ton cre meusideupa Amma bakdu lon kheun leugat Jinoe ayat laen lon boh Nyoe lon peugah putroe muda Jroh that rupa puteh leusoh Leubeh cidah nibak. nyang ka Cahya muka sang seumeuloh Putroe ngon raja seudang-seudang Soe nyang pandang ate putoh Teuka gaseh deungon sayang Seubab bimbang dalam tuboh Seubab galak bak jikalon Hana meukon gaseh teuka Sang-sang sajanjih ngon putroe Lam-lam lumpoe lam-lam jaga Baranggasoe ate rindu Binoe ngon teungku hana beda 'oh dum teungku tatem pandang Putroe seudang jroh that rupa Bit neupandang uleh teungku Meunoe laju le neukata

Astagfirullah la ilaha illallah Ampon salah ya Rabbana Meunan neukheun uleh teungku Meungucap laju hana reuda Nyoe lon peugah lom he adoe Ureueng lakoe muda muda Karimah Benti jroh that bagoe Sabe keudroe jimeuhaba Adat geubri meuh siploh peutoe Peuet boh nanggroe gata raja Nyang toh tatueng meuh ngon putroe Takheun jinoe uleh gata Teuma seuot ureueng sidroe Tadeungo kamoe he syeedara Di lon adek si cut putroe Lam dunya nyoe le soe hawa Meunan jikheun dum sinaroe Ureueng lakoe tuha muda Han jitueng meuh adat geubri Putroe Benti nyang jihawa Bak jikheun nyan bek neutanyong Rab ngon inong jimeuhaba Teuma marit ureueng inong Tadeungo lon he syeedara Nibak gata meugah putroe Bak kamoe nyoe han ho meuba Tuan putroe peue han cidah Meuh nyang mirah jeuep angeeta Teuduek dilee kisah putroe Lon kisah nyoe laen ulah Seureuta lon balek ayat Ban nyang mangat ulon kisah

Meulagee sot ulon surat Kureueng mangat ureueng peugah Lon seumurat tan biasa Tan bicara meuube drah Lagi han tom lon meureusam Lon mat kalam hana ilah Haba raja han jeuet lon fam Bek tawaham lon ka cidah Lon surat nyoe wahe adoe Lon meurunoe bak keureutah Kheuetpi han got ulon tuleh Lon he wareh bek neupeuhah Nyang haba nyan teuduek dilee Lon peuteuntee putroe muda Teutap sinan lam meuligoe Deungon lakoe Raja Muda Hingga malam le ngon uroe Tuan putroe meuseusuka Han tom jarak meusipade Hana tom cre meusideupa Abeh buleuen troh bak buleuen Hana peue kheun sulotan muda Dalam nanggroe hukom ade Rakyat rame dalam banda Nanggroe Meuse meusyeuhu that Timu barat rakyat teuka Sulotan Usman teutap sinan Bak nanggroe nyan ate suka Cut Usman bak siuroe Ingat u nanggroe gampong Indra Teuma neukheun pantah rijang Bak cut intan putroe muda

He putroe cut bungong tanjong Taidin lon siat gisa U nanggroe Indra ulon pulang Lon jak pandang bijah mata Lon jak kalon Hasyem Pari Saleh pakri jih bandua Idin putroe lon jak siat Hana lambat ulon gisa Seureuta lon jak ubak Syarwan Lon neupeusan beu troh teuka Rotnan lon jak putroe intan Raja Syarwan peusan hamba Kariman Benti seuot rijang Lon jak sajan po meukuta Lon tuanku bek neukeubah Seutot langkah tuanku ba Bek he putroe tajak sajan Keunoe rijang ulon gisa Lompi lon jak rot meulaot Sangkot pawot lon ba gata Uroe dudoe 'oh got nanggroe Jeuet he putroe tajak gata Putroe yoh nyan leumoh ate Idin lon bri po meukuta Neudong sideh lhee peuet uroe Rijang keunoe ubak hamba Meujeuet meunan idin lon bri Jak keumbali u nanggroe Indra Insya Allah pirak lipat Meunan jroh that ban kheun gata Teutapi na bacut salah Han ek leupah ulon gisa

Dua buleuen di jalanan ST Trep lon intan goh seumporna Kadang-kadang di rot lintang Han troh ban kheun lon ngon gata Lintang di rot po junjongan Bak lon tuan han peue mara Lon leueng jaroe uroe malam Bek na lintang bak rot raya Mubek lintang di kayangan Mupat laen ate suka Cut Usman teukhem bacut Cut putroe cut peugah haba Ka neupaleng le ho laen Sira neukhem Raja Muda Putroe kheun lom meunyo meunan Lon bri kaman jak neubungka Teuma seuot Cut Usman Adat meunanpi lon rela Lon bri tanggoh he putroe ti Buleuen haji troh bak gata Han jeuet tuanku buleuen haji Neukeumbali ubak hamba Meunyo tuanku saket-maket Buleuen peurapet beu troh gisa Meuhan meunan han lon bri jak Bahle apak di Antara Ka lheueh neudong troh tujoh thon Neupeungeut lon dilee masa Janji ngon lon lhee peuet uroe Lon di sinoe puteh mata Nyoepi meunan neumeung jak lom Meukon neugom ha le rela

Cut Usman teukhem keudroe Seubab putroe hana rela Bitpi neukhem ate sosah Putroe indah got jijaga Teuma neukheun rijang-rijang Han trep intan ulon gisa Buleuen peurapet troh lon keunoe Gata putroe bek that rugha Teuduek po cut lam meuligoe Taleueng jaroe tabeuet do'a Uroe malam taleueng jaroe Beu troh lon woe bak aneukda Han ubah le bungong meurak Bahle lon jak siat gisa Banta Hasyem lon jak kalon Trep ka hantom lon eu rupa Cut Usman meunan neukheun Seureuta ngon neuboh mintra Keunong mintra putroe indah Seungap leupah tan le dawa Ate sijuek tamse timah Jieu leupah raja bungka Adat meukon mintra neuboh Hana teudoh jimat raja Yoh nyan putroe mangat ate Raja tren le di istana Cut Usman neujak pantah Neujak peugah bak tuan tha Neuek leugat ateueh bale Seumbah doli raja raya Cut Usman neubet jaroe Neupeugah droe heundak bungka

Idin tuanku laman siat Patek hajat keumeung gisa U Antara siat lon woe Lon jak eu proe Hasyem muda Lon meung kalon pagi peutang Lon he intan tan kuasa Lon he aneuk tan lon tu'oh Saleh singoh tinggai donya Lon he aneuk taniet tan le Kadang mate di likot gata Taniet tan le lon he intan Pajan pajan tinggai donya Bek neugundah po junjongan Han trep laman keunoe gisa Meuna umu lon bek saket Buleuen peurapet troh lon gisa Nyanpat putroe deungon gampong Dalam hukom po meukuta Dang-dang lon woe po junjongan Harap laman bak sripada Insya Allah po samlakoe Ingat keunoe bek talupa Cut Usman beudoh neutren Sira neucom teuot raja Bu meutuah po samlakoe Beut troh tawoe u Antara Meunan neukheun ayah putroe Po samlakoe troh u lua

VII. PEUTROH JANJI NGON SYAMSUL KAMA DAN HASYIM JEUET KEU RAJA

Troh u lua po samlakoe Neujak sidroe Raja Muda Neupeuteupat timu jatoe Matauroe neuboh keu tanda

Uroe malam neujak sabe Bungong pade arong rimba Neubeurjalan deungon gaki Cut puteh di sidroe saja

Tujoh uroe neubeurjalan Raja seudang saket lam pha Cut Usman pioh dilee Di yup kayee bak keupula

Sinan neupioh Cut Usman Saket badaan ngon dalam pha Sinan teueh bungong keumbee Di yup kayee ka teurhanta

'oh ban neueh cut bangsawan Teungeut pangsan hekneu raya Peudeueng ngon kreh nibak badan Dalam reugam tungkat cokma

Dua uroe sinan pangsan Teukeudi Tuhan neubri bala Troh geureuda saboh keunan Cong kayee nyan jidong sigra

U yup kayee deuh jipandang Leumah ensan teungeut indra Mangat ate geureuda nyan Umpeuenpi tan jijak mita

Dua uroe pruet ka deuek that Jitren leugat ka jisama Cut Usman sinan pangsan Neutheepi tan sayang raya Jiba leugat po samlakoe Jipuwoe bak teumpat nyang ka Cut Usman mantong pangsan Dalam tangan tungkat raya Peudeueng tungkat cut bangsawan Dalam reugam Raja Muda Jipo leugat tamse kilat Jikarat bak gunong nyang ka Dalam laot jipo leugat Jikarat bak gunong raya Nyan geureuda masa dilee Yoh jiteumee lam kulet guda Geureuda nyan mantong udep Umu lawet hana tuha Ate mangat hana bagoe Sang-sang ka troe umpeuen ka na Troh bak gunong keunan jiwoe Po samlakoe gohlom jaga Jipeuduek le ateueh gunong Raja seudang jimeung seuba 'oh jimamoh hancopi han Tulong Tuhan ateueh banta Di geureuda sosah han soe Pakon meunoe si ceulaka Han tom ensan meunoe bagoe Kreueh that asoe sang meulila Bahle ku'uet bulat-bulat Meunan ingat po geureuda

Ji'uet laju banta indah Sayang leupah Raja Muda Ji'uet-'uet han jitem leupah Dalam babah meukeumat lanja Ulee han jeuet 'uet han leupah Apoh-apah bak keunira 'oh jimamoh hancopi han Geureuda nyan sosah teuka Cut Usman puleh pangsan Jaga rijang Raja Muda Neukalon droe raja indah Dalam babah po geureuda Ingat euncien nibak tangan Raja Syarwan bri pusaka 'oh neuingat Raja Syarwan Burak sinan teudong sigra Wahe burak nyang that sakti Ka teukeudi ateueh hamba Gaseh sayang bak uroe nyoe Tacok kamoe dalam bahya Lon ka ji'uet le geureuda nyoe Tacok kamoe takeulua Jihpi tapoh bek takeubah Haram jadah that ceulaka Burak deungo sabda meunan Jigrak badan jeuet keu naga Raya nibak gunong sinan Geureuda nyan jipriek dua Jipriek babah yoh masa nyan Cut Usman lheueh lam bahya Geureda nyan sinan mate Jicok bangke jigeulawa

Jisrom geureda dalam laot Dumna eungkot meukeurija Seunang ate Cut Usman Neueu sinan kayee raya Bak kayee meuh dilee puroe Yoh samlakoe keunan teuka Nyoekeu gunong dilee puroe Jiba kamoe po-ceulaka Nama geuhei Gunong Adimah Manyang leupah hana tara Tamse payong meunan pucak Leusoh troh bak awan miga Han jeuet taek deungon tatren Laot meualon sinan lingka Meulaenkan jeuet tateureubang Laen sibarang han kuasa Cut Usman peurab keunan Bak kayee nyan neueu rupa Neujak kalon pakri bangon Mirah reunom meuh suasa Bungongpi le pudoe intan Neupot rijang Raja Muda Neuboh bungong lam keulandan Ikat rijang bak uram pha Burak sinan gohlom hilang Neukheun rijang meunoe haba Wahe burak nyang saktian Kateureubang nanggroe bunda Ubak nanggroe Raja Syarwan Taba keunan lon le gata Burak seuot rijang leupah Neuek pantah po meukuta

Neuek rijang tuanku jroh Burak beudoh jipo sigra Tamse kilat jiteureubang Leumah daratan nanggroe raya Troh jipo bak nanggroe Sya'iran Jieu sinan rakyat that bha Di dalam blang that barollah Guda gajah deungon unta Ubak burak Usman kheun Peue buet ureueng di blang raya Lon eu rakyat 'oh peunoh blang Cuba pandang peue peukara Burak seuot pantah rijang Ureueng muprang po meukuta Raja Hindi ngon Sya'iran Buet cut intan putroe muda Raja Hindi lakee meukawen Hana jitem jeuet prang raya Meunyo meunan tatren siat Lon jak lihat pakri rupa Burak sujud le meurang-rang Leugat keunan dalam tantra Troh u bumoe Cut Usman Mat u tangan tungkat pusaka Neupoh tungkat ateueh bumoe Jeuet meuligoe deungon kuta Kuta luah troh lam awan Pudoe intan hu meunyala Dalam kuta le that rakyat Peunoh sarat troh u lua Bangsa pari dum rakyat nyan Mat bak tangan peudeueng cokma

Jipasang dum ateueh kandran Gajah hitam ladom guda Ateueh singa ladom pasang Ladom tuan ateueh naga Raja Hindi ngon Sya'iran Tahe mandang jieu rupa Jieu tantra ka peunoh blang Kuta teudong siklep mata Raja dua ka teupike Saleh pane keunoe teuka Ateueh kuta teudong payong Alam sirong hijo warna Ngon meuriam dum teudu-du Leumah jieu uleh tantra Hireuen tahe seukalian Han tom meunan jieu kuta Turab intan deungon pudoe Kuta tanggoe troh lam hawa Raja dua sang teumakot Prangpi seungap sikutika Rotdeh rotnoe meusu geundrang Rakyat riwang lop lam kuta Bandua si rakyat riwang Seungap padang han le kubra Raja Hindi meunoe pike Jinoe bahle lon pareksa Kadang pane Brahman Sakti Kuta tinggi lon eu rupa Jipeugah le ubak meuntroe Tajak lhee droe jinoe gata Tajak tanyong 'oh na langkah Pat daerah keunoe teuka

Tajak leugat pantah lari Kuta tinggi lon eu rupa Meuntroe beudoh jijak leugat Troh le siat ubak kuta 'oh troh keunan ubak pinto Meuntroe tahe hireuen mata Seubab jieu leupah luah Pudoe ngon meuh turab kuta Jieu rakyat teumakot gli Panyang miseue lhee-lhee deupa Rupa hebat han soe pandang Mata nyum sang ban nuraka Meuntroe lhee droe that teumakot Yo ngoh atot pucat muka Rakyat pari tanyong pantah Pane langkah lhee droe gata Pane nanggroe peue tajak eu Peugah laju yoh goh fana Meuntroe yoh nyan yo meugam-gam Jikheun rijang meunoe haba He pahlawan nyang that meugah Nyang troh langkah suroh raja Raja Hindi yue jak kamoe Bak kuta nyoe baro nyata Hireuen raja jaroe teukap Ngon sikeujap teudong kuta Soepo kuta peugah rijang Lon jak riwang peue nan raja Meuka meusoe nama deelat Jinoe leugat lon jak gisa Sulotan Meuse nyoeho datang Tayue rijang keunoe teuka

Rotdeh rotnoe tayue peugah Beu troh langkah dua raja Meunyo han troh ingat keudroe Kuboh taloe dumna tantra

Raja kupoh kukoh reukueng Kuba u krueng dum lasyeuka Tajak riwang jinoe leugat Bek trep lambat rijang teuka

Peue lom kadong he binatang Kajak riwang bek trep jula Rotdeh rotnoe kajak peugah Bahle buet kah keunoe kaba

Meuntroe beudoh pantah leugat Teumakot that yo angeeta Deungon siat troh le jiwoe Bak raja droe Hindi nama

'oh troh keunan jipeuseumbah Jibet pantah jaroe dua Ampon tuanku payong nanggroe Han tom meynoe lon eu tantra

'oh troh keudeh deelat payong Jikheun bak lon nama raja Sulotan Meuse Raja Usman Han tom na meunan sakti raya

Jinoe deelat neubeurjalan Bak raja nyan geuyue teuka Ngon seukarang neubeurangkat Meuhan ingat dum geusula

Ban raja deungo meuntroe peugah Dum geukeubah dalam dada Pane raja jikheun tuto That teukabo aneuk ceulaka

Jithee that droe tarek sakti Tan jituri laen raja Raja tanyong lom bak meuntroe Pakri bagoe kaeu rupa Tuanku ampon bit tarek that 'oh lon ingat han soe sangga Kuta leusoh troh lam awan Pudoe intan meuh peurmata Rakyat pari tuanku le tha Rupa hebat sang nuraka Cokma beusoe dum bak tangan Miseue panyang lhee-lhee deupa Jipasang dum ateueh kandran Gajah hitam ladom naga Sang raja nyan keusaktian Meunan macam lon eu rupa Jiyue peugah rotdeh rotnoe Kamoe lhee droe yue me haba Meuhan lon jak po junjongan Jidrop laman jiboh sula Bitpi meunan ampon doli Cuba pangge nujum sigra Yoh nyan nujum meuntroe pangge Keunan troh le ubak raja Raja peugah ubak nujum Teungku kalon raja teuka Pane raja hobu langkah Peue jipeugah nyang kon haba Yoh nyan nujum buka surat 'oh jilihat jipet mata Leumah jieu lam pandangan Jibet rijang jaroe dua

Ampon tuanku ka lon lihat Sakti kreueh that ateueh donya Tarek sakti hana macam Siat karam bumoe donya Ka lheueh talo Geunta Alam Raja laen siklep mata Gop nyan tuanku waliyullah Usman Basyah dilee nama Sulotan Meuse gop nyan jinoe Le that nanggroe taklok raja Nyan sulotan nanggroe Meuse Hukom ade raja eelia Nyang troh keunoe po junjongan Geudeungo prang reuloh donya Keumeung peugot deelat makam Bek le muprang haro-hara Kon peue laen geumeuhajat Hana jeungkat that eelia Patot tuanku neujak junjong Tamse tanglong peungeuh donya Seuot meuntroe nyang jak bunoe Jikheun meunoe lom bak raja Nibak ulon ampon doli Sabda geuyue me raja bandu Meuhan lon jak po junjongan Salah laman akhe masa Seuot raja rijang-rijang Jakleh kaman tame sabda Leupah meuntroe me habaran Bak Sya'iran peutroh sabda Ban nyang suroh sulotan Usman Sigeutu han ubah haba

Banlhee meuntroe troh le keunan Tamong yoh nyan kuta raja Meuteumeung ngon Raja Sya'iran Jibet tangan di jeumala Ampon tuanku payong nanggroe Nyang troh kamoe bak meukuta Sulotan Meuse ka troh datang Ngon angkatan sangat that bha Nyang troh ulon keunoe langkah Neuyue peugah bak sripada Beu troh keudeh neumeulangkah Poh dua blah beu troh teuka Meuhana troh ingat keudroe Geuboh taloe bak angeeta Raja raja keunong tangkap Laen rakyat keunong sula Ka loh peugah deelat ampon Bek salah lon akhe masa Meunyo neujak beudoh leugat Uroe ka rab pukoi dua Meuhan neujak ingat beu that Keunong ikat bandum rata Meunan jikheun uleh meuntroe Beudoh jiwoe meuntroe raja Raja Sya'iran teumakot that Beudoh leugat deungon tantra Jibeurangkat ngon pahlawan Adi juhan ngon panglima Raja dua geubeurangkat Ubak deelat Raja Muda Raja Hindi ngon Sya'iran Troh keunan bak pinto kuta

Sulotan Meuse bri hukoman Neuyue tamong raja dua Jibuka le pinto dalam Tamong rijang dalam kuta Cut Usman ateueh bale Rakyat rame ireng lingka Raja dua keunan datang Jiek rijang hadap raja Mumat jaroe ngon sulotan Cut Usman peumulia Teuma jiduek bak keurusi Sare-sare bandum raja Na sikeujap duek di sinan Troh le puan ranup rata Sulotan Meuse neukheun rijang Makeuen tuan ranup tuha Raja Hindi sambot puan Marit rijang sulotan muda Cut usman buka kalam Pakon tuan jeuet meudawa Raja Hindi seuot rijang Ubak Usman neucalitra Awai akhe dum neupeutrang Abeh maklum Raja Muda Cut Usman kheun lom rijang Bak Sya'iran neucalitra Jinoe bek le gata muprang Na lon tuan peugot gata Bak Po tallah han jeuet meunan Sabe ensan bek meudawa Dum getanyoe umat Islam Nyang tamuprang laen bangsa

Nyang jeuet troh lon bak gata nyoe Uroe nyoe lon tamong tuha Soe han pateh hukom Tuhan Ureueng nyan lon boh lam sula Hajat ulon beu seuleusoe Neubri putroe ubak hamba Lon peukawan ngon raja nyoe Bandua droe bek le dawa Atawa mee lon peunikah Neukheun pantah lon deungo haba Bek meudawa nyang got bak lon Ban nyang hukom lon keurija Lon pubuet nyoe hukom Tuhan Nyang got teelan bek le dawa Raja Sya'iran seuot pantah Ban nyang titah bak sripada Nyawong tuboh darah gapah Dum milek sah haram mulia Dumna kamoe tuanku beh Diyup kawoh po meukuta Ban nyang hukom po junjongan Bak laman ateueh jeumala Salah beuna tan soe bantah Ban nyang titah tan soe sangga Meunyo meunan tapeunikah Putroe indah aneuk gata Bek taubah ban lon kheun nyoe Tinggai sinoe ulon gisa Lon beurangkat bak uroe nyoe Bandua droe bek le dawa Insya Allah po junjongan Ban nyang hukom ikot hamba

Sulotan Usman peukeumah droe Dum sinaroe deungon tantra Beudoh raja seukalian Jak com tangan Raja Muda Neumat euncien nibak tangan Burak keunan teudong sigra Teudong burak di hadapan Abeh hireuen dumna raja Neupasang le po samlakoe Tungkat baroe neumat sigra Kuta hilang rakyat tan le Sulotan Meuse leugat bungka Abeh hireuen uleebalang Jieu buettan Raja Muda Teukap bibi seukalian Keusaktian hana ngon sa Bit raja nyoe hana soe theun Ban nuium kheun tan meutuka Meunan jikheun dumna meuntroe Po samlakoe laju bungka Burak jipo tamse kilat Jitakat bak Syarwan Indra Jiteureubang uroe malam Leumah daratan nanggroe raja Jipo tajam tamse siwah Jitawajah jeuep-jeuep raja Padum lawet jiteureubang Troh le keunan ateueh kuta Burak sujud ngon meurang-rang Sret keunan di leuen istana Raja Syarwan duek bak tingkap Deuh neulihat Raja Muda

Raja Syarwan tren u bumoe Neukheun meunoe bak cut banta Allah he aneuk bungong meurak Ho ret tajak he bentara Cut Usman tajo leugat Seumbah deelat raja raya Raja Syarwan ate keumang Jiwa jicom Raja Muda Wahe aneuk bungong mirah That -meutuah bijeh mata Ek troh keunoe aneuk tajak Tasaweue bak po ma gata Bu meutuah bintang timu Bu meusyeuhu jeuep-jeuep donya Phon lam donya troh 'an dudoe Dua nanggroe beu seujahtra Meunan jikheun Raja Syarwan Sira jicom ngon jiwa-wa Raja Syarwan ate keumang 'oh troh keunan Raja Muda Raja peuek u meuligoe Peuduek jinoe ateueh geuta Geuta intan meuh ngon pudoe Tamse uroe limpah cahya Sulotan Meuse duek di sinan Neuseumayam ateueh geuta Na sikeujap neueumayam Troh idangan dendayang ba Peuduek ukeue Cut Usman Jibet tangan Syarwan Indra Makeuen aneuk bu ngon gule Bit rab pasi eungkot hana

Tabeue masen bek takheun-kheun Nyang teumaguen ma ka tuha Makeuen aneuk dua babah Ampon meu'ah po meukuta Cut Usman seuot leugat Kru seumangat di jeumala Lon niet neubri gunong intan Sang neupulang nanggroe dua Meunan bak lon he ma payong Makeuen ngon lon sigo dua Wahe aneuk bungong tanjong Bah tinggai lon po bentara Makeuen rijang samlakoe jroh Buleuen peunoh bah tinggai ma Cut Usman makeuen sidroe Neusrah jaroe peugot rupa Neupajoh bu sibuju jaroe Nekmat ka troe Raja Muda Neusrah jaroe sampoh babah Marit pantah Syarwan Indra Po dendayang pinah idang Raja Syarwan tinggai dua Cut Usman makeuen sireh Meunoe meudeh marit ngon ma Wahe ma po bungong.keumang Bak lon tuan sikrak haba Na tamse ban matauroe Hana bagoe peungeuh raya Ateueh ulee dua jaroe Lon he ma droe heundak meulaba Manok puteh jipo malam Manok hitam jipo uroe

Lon meung marit sipatah kalam

Syahi alam payong nanggroe Bukon sayang bungong mirah

Ka patah di leuen meuligoe

Adat leupah kalam teulanjo Ampon ma po dum sinaroe Raja Syarwan teuma seuot Jroh mupatot hana bagoe

Manoh puteh jipo malam

Boh mamplam peunajoh putroe

Bek antara leupah kalam Adat tacangpi lon iem droe

Bukon sayang aneuk daroh Sisoh-soh di leuen meuligoe Idin tacarot deungon tapoh He aneuk jroh rela kamoe

Cut Usman teuma seuot Narit patot neukheun meunoe Kru seumangat he ma po cut Cit ulon bet ateueh ulee

Pakon meunoe nanggroe gampong

Peugah bak lon bu meuteuntee Pakon inong nyang na mudah Agam sabohpi tan mubee

Ureueng agam pakon hana

Lam nanggroe ma bandum balee Han got bangon pog eu rupa Inong saja han got lagee

Jeuep-jeuep nanggroe ka lon juga Meunoe hana lon eu dilee Phon di timu troh u darat Hana sapat na meuteumee

Nanggroe he ma meutan agam Han got macam kueu lagee Neueu di gop jeuep-jeuep teumpat Agam le that dum meuteuntee Adat meuna ureueng agam That meuguncang jeuep-jeuep wate

Adat teukeudi nanggroe gop prang

Ureueng agam bah jikoh lhee Gata he ma bukon malang Inong suang abeh balee Pakon meunan dilee masa Inong saja ok di ulee Syarwan deungo sabda meunan Jimoe yoh nyan that meuree-ree Wahe aneuk Cut Usman Nyoe lon kheun ban bungong keumbee Suroh nibak tiep-tiep kamoe He samlakoe masa dilee 'oh na aneuk meunyo agam Neuyue hamtamjih bu padee Troh 'an jinoe meunan sabe He boh ate bungong kayee Jinoe he ma bek meunan le Cuba pike ma pangulee Bak nanggroe nyoe lon ba agam Laen macam lon boh lagee Pakri pike ma bak gata Lon aneukda heundak lakee

Meuhan neubri nyang lon pinta Bahle fana lon meuseubee Bak lon pike got na agam He ma intan bungong kayee

Neudeungo he ma ulon peugah Tuto indah sang bu leukat Lon peunikah jinoe gata Deungon raja manyang pangkat Sakti utoh han soe sangga Pari Diwa nama deelat Neukeurajeuen nanggroe Paya Rakyat that bha timu barat Dum pahlawan teuga teuga Gunong raya jisrom leugat Bek wahe ma lon tadawa Keunoe lon ba raja deelat Bek meunoe le miseue nyang ka Han got laba bak jad-majad Wahe aneuk bungong uroe Bak lon sidroe ban nyang pakat Ban nyang hukom nibak gata Ikot hamba putik langsat Meunyo meunan he ma putroe Lon bri meuntroe jak peugah had Lon yue beu troh euntreuk malam He ma intan raja deelat Cut Usman meunan pike Hana lahe bak ma ubat Tan neupeugah jen lam paya Hana rela kadang deelat Jinoe he ma peukeumah uroe Linto keunoe lon ba leugat Sajan linto rakyat kuba Lapan laksa hana that brat Bandum he ma tabri judo Dara baro neuboh alat

Neuyue bri thee dalam nanggroe Dum sinaroe miseue deelat Inong muda tabri lakoe Dalam nanggroe timu barat Bek le meunan lagee dilee Inong balee muka pucat Tabri judo ban sinaroe Na soe pakoe 'oh jeumeu'at Gata he ma rugoe raya Tan soe kira jampang arat Adat he ma tameulumpoe Soe tapeugoe peugah hajat Di gop bandum nyang na lakoe Jeuep-jeuep nanggroe ate mangat Jak peukeumah lam meuligoe Linto keunoe euntreuk le that Taleueng tiree di seuramoe Rakyat keunoe sajan deelat Meuhan meunan malee kamoe Seuramoe apak maken that Insya Allah po samlakoe Uroe nyoe jak peugleh teumpat Ban nyang hukom gata sidroe Bungong geutoe meutuah that Lon he aneuk malang raya 'oh tuha lakoe meundapat That meutuah bijeh mata 'oh na gata ate lon rab Raja bri thee dalam nanggroe Jeuoh ngon toe bandum rakyat Jinoe adat kon ban dilee Han got lagee miyup pangkat

Dum gata nyoe beu na judo Linto baro timu barat Abeh maklum sabda raja Kon ban nyang ka dilee adat Hingga malam le ngon uroe Po samlakoe duek bak teumpat Dalam kama neuduek sidroe Bungong geutoe ceudieng leukat Teupok jaroe nibak boh pha Mohon pinta bak halarat Beu troh keunoe pari raya Deungon sigra bek trep lambat Na sikeujap troh le keunan Bak Usman raja deelat Di lua kuta dum pioh droe Tamong nam droe ubak deelat Raja Pari Geumpa Alam Troh u dalam kama leugat 'oh troh keunan jibet jaroe Keupeue kamoe that meukarat Neupangge lon malam-malam Deelat makam peugah leugat Cut Usman seuot laju Dalem teungku raya hajat Lon peukawen gata sinoe Bak nanggroe nyoe inong le that Agam laen hana sinoe Kareuna nanggroe nyoe laen adat Lam nanggroe nyoe inong raja Agam hana meusiurat Lon nyang balek laen macam Gaseh sayang keu lon beu le that

Raja sinoe ma seubot lon

Bek le inong nyang jideelat

Lon peukawen jinoe raja Deungon gata ulon harap

'oh lheueh kawen deungon raja

Nanggroe raya gata nyang mat Lam nanggroe nyoe takeurajeuen Kuta mideuen deungon madat

Ban hajat lon ubak gata Bek tadawa tulong beu tahat Kon meugata lon peukawen Laen-laen bandum rakyat

Pakri tuanku neupeukawen Kamoe biek jen maklum deelat Kamoe dum nyoe bangsa bak jen Meunan geukheun bak jad-majad

Nyang biek ensan sabe ensan Dum meulawan buet halarat Bek takira meudeh meunoe Maklum kamoe seugala had

Ulon tueng lheueh nibak mara Dudoe masa laen ingat Tameuaneuk dumna gata Manusia dudoe meuhad

Na tadeungo haba nyang ka Sidroe raja jen raya that

Jimeukawen deungon ensan Na aneuk nyan ensan teupat

Jimeuaneuk salen-malen Asai phon jen ayah meuhad Lila Indra asai bak jen Jikeurajeuen luah sangat

Nyoepi meunan dumna gata Bek le dawa wahe sahbat Tameuaneuk dum beu sunggoh Sithon lhee boh beu takarat Raja Pari seuot sigra Ban nyang suka wahe deelat Bak kamoe dum hana dawa Ikot saja timu barat Meunyo meunan dalem intan Euntreuk malam bek le lambat Jakleh pioh dum u mideuen Sinan di leuen kuta deelat Meudang malam uroe laen Gata dum jen sinan teumpat Cut Usman neutren sidroe Di meuligoe tan soe lihat Teubiet laju troh u lua Euncien sigra neutiek leugat Ateueh bumoe euncien gisa Kimah raya teudong jroh that Lot ureueng duek lapan laksa Toe ngon kuta raja deelat Raja Pari duek di dalam Ngon angkatan cukop alat Deungon rakyat that barollah Dalam kimah sinan teutap Cut Usman leugat neuwoe U meuligoe ubak teumpat Na sikeujap beungoh uroe Po samlakoe jak bak deelat 'oh troh keunan neukheun rijang Euntreuk malam jadeh meuhad

Raja Pari ka troh keunoe Dum sinaroe deungon rakyat Yue peukeumah lam meuligoe Dum sinaroe bak duek deelat

Aneuk dara dum lam nanggroe Jak peugleh droe jeuep-jeuep teumpat Euntreuk malam dum meunikah Teungku Syiah nyang rame that

Teungku Syiah keunan datang U dalam bak raja deelat Dalam nanggroe aneuk dara Dalam kuta keunan sarat

Dalam kuta sinan kawen Singoh jitren woe bak teumpat Sinan kawen sajan raja Inong muda rupa jroh that

Hingga uroe malam laju Geuyue bri bu bandum rakyat Jibet idang bandum rata

Pari Diwa makeuen leugat

'oh lheueh makeuen dum sinaroe Pinah jinoe idang leugat Di seuramoe Raja Pari Teungku kali jaroe neumat

Neupeunikah uleh teungku Bintang timu deungon deelat Ngon jeunamee han ek peugah Meuh nyang mirah lapan seun brat

Lon peunikah raja inong Keu cut bungong raja deelat Lon meunikah inong raja Keu hamba neubri le deelat

'oh lheueh nikah poteu raja Neugisa teuma bak rakyat Abch bandum geupeunikah Buet cut Basyah raja deelat Jula malam jak beuradu Teuma teungku neuwoe leugat Rakyat jiwoe dum u tangga Ate suka timu barat

Dumna inong ka na lakoe Dilee sidroe jieh teupat Cut Usman ate seuu Ka troh napsu bagoe hajat Diwa Pari lagi raja Mat neuraca hukom rakyat Tan le inong jaga nanggroe Dum sinaroe agam teupat Saban deungon nanggroe laen Meunan po lem jinoe adat Hukom seunang nanggroe aman Meusyeuhuran timu barat Tunong baroh ureueng teuka Ureueng Jawa ureueng langkat Meugah nanggroe ade raja Hana reuda teuka rakyat Kapai Cina kapai Cati Hana khali troh meuneukat Lapan reutoh raja sinan Lam nanggroe nyan nyang mupangkat Sakti kreueh that dum raja nyan Laot intan jeuet keu darat Jiteureubang dalam awan Donya karam deungon siat

Hana lawan sakti utoh Nanggroe kukoh le that rakyat Cut Usman teutap sinan Ate seunang 'oh neulihat Geunap uroe ate suka Duek lam kuta ngon ma ubat Raja Syarwan peukong dapu Pari maju rata urat

Cut Usman geunar uroe Sinan laloe deungon deelat Umu sithon teutap sinan Cut Usman ate mangat Cut Usman bak siuroe Neukheun meunoe bak ma ubat Idin he ma keu lon sidroe Hajat lon woe jinoe siat U antara lon heundak woe Ubak putroe pirak lipat Trep that he ma tan lon gisa Pakri rupa lon jak lihat Raja Muda peugah laju He ma teungku lon woe siat Han trep he ma ulon gisa Abeh lama buleuen Rajab Saleh pakri banta muda Siklep mata lon jak lihat Sira lon jak u Kuta Beusoe Lon ngon putroe janji that brat Lon jak kalon keumeung kawen Putroe canden aneuk deelat Meunyo hana lom meunikah Ma meutuah lon jipubrat

Bak siseun nyoe lon meunikah Ma meutuah idin beu that Raja Syarwan teuma seuot He bintang sret bungong riwat Wahe aneuk bungong mirah Lon ngon ayah ingat beu that Bek talupa uroe malam Lon he bintang umu lambat Saleh pajan lon lop kubu He intan hu pirak lipat Cut Usman seuot pantah Insya Allah he ma ubat Cut Usman peurab laju Seumbah ibu deungon deelat Troh u lua po samlakoe Euncien di jaroe laju neumat Neugisa euncien nibak jaroe Burak ragoe teudong di nap Jibet sayeuep pantah sigra Keupeue hamba wahe deelat Cut Usman seuot sigra Hajat raya lon beurangkat Ubak gampong Kuta Beusoe Keunan lon woe ubak deelat Burak deungo sabda meunan Jikheun yoh nyan neuek leugat Mangat rijang yoh goh jula Lon po lanja miseue kilat Sulotan Usman neuek pantah Jipo bagah deungo siat Jiteureubang tajam raya Ban boh lila dalam asap

Tujoh uroe jiteureubang Troh bak makam raja deelat Ateueh kuta ka troh keunan Sujud yoh nyan pantah leugat

Ka teudong di leuen meuligoe Tuan putroe ngieng bak tingkap Ban neukalon Cut Usman Putroe yoh nyan kheun bak deelat

Neukheun ubak raja raya Ka troh banta nyang lon hajat Ban raja deungo putroe peugah Suka leupah ate mangat

Troh ban hajat raja raya Putroe muda meutuah that Poteu raja tren u bumoe Deungon putroe judo deelat

'oh troh keunan bak samlakoe Neucom bak dhoe neuwa leugat Sira neukheun meunoe haba Banta muda meutuah that

Troh ban takheun dilee masa Jipreh gata di cut ubat Hana jitem laen raja Meukon gata bungong riwat

Beuthat tuha jiduek keudroe Baranggasoe hana hajat Bahle puteh ok di ulee Jikheun bak kee bungong langsat

Meukon gata di jih lakoe Bah jitiek droe dalam bakat Jinoe aneuk ka troh tawoe Nyanpat putroe ban nyang hajat

Tapeulaku ban nyang suka Milek gata pirak lipat Cut Usman seuot sigra Di jeumala aneuk deelat Neumat jaroe Cut Usman Peuek yoh nyan bungong riwat Peuduek laju ateueh geuta Banta muda rupa jroh that Di seuramoe lam meuligoe Neutren putroe aneuk deelat Ngon pakaian dum bak asoe Tiwah uroe teungoh leubat Deungon ikai nibak jaroe Ngon patam dhoe sang malakat Gleueng bak gaki ulee intan Gleueng di tangan jroh meukilat 'oh lheueh jingui dum pakaian Hana lawan timu barat Jaroe gaki gaca hitam Dhoe meuandam sirong teupat U seuramoe jitren pantah Cut indah ate seunang that Ka lapan thon putore meutha Cut banta baro meundapat Laju jitren u seuramoe Bate bak jaroe meuh peurmata 'oh troh keunan u seuramoe Tajo putroe ubak banta Nateu keunoe he cut abang Neusaweue lon trep ka hana Pajoh cutbang ranup jatoe Bak lon adoe sang mutiara

Sang-sang tabri gunong intan Meunan sang-sang bak kakanda Bak lon adek sapeuepi tan Jeuep-jeuep uteuen lon meuraba

Abeh laot lon jeumeurang

Nyawong hilang tan lon kira Teuingat lon uroe malam Janji intan deungon hamba

Han lon ubah ban nyang janji Lon putroe ti teumeureuka Tuan putroe seuot pantah Meunoe ulah le neukata

Manyang-manyang Gunong Geurutee Lam sapai bajee limpeuen ngon kala Lon meukaoi jeuep-jeuep watee Bu meusilee nibak bahya

Cut Usman teuma seuot Jroh that patot ngon suara Manvang-manyang Gunong Gle Paroe Matauroe trang cuaca.

Geunap malam lon meulumpoe

Gata putroe sama dua Padum lawet lon sinoe tan Nyawong badan sajan gata

Sirasa nyum lon eh sajan Meunan nyum sang bak kakanda Di nanggroe Meuse geupula gadong

Di nanggroe Rom pade geupula

Lon troh keunoe Tuhan intat Troh ban hajat geutanyoe dua Wahe teungku uleebalang Lon that bimbang ate gila

Sang-sang bek cre uroe malam Nyawong lon sang sirasa dua Hana teungeut uroe malam Lon that deundam 'oh troh gata Jinoe deelat neumeunikah Neuyue peugah bak ayahda 'oh lon ingat lakoe lon tan Nyawong badan bahle fana Geunap malam lon eh sidroe Ulon lumpoe po meukuta Sang-sang lon eh ngon tuanku Leumah lon eu trang that rupa Han jeuet trep le po junjongan Mangat rijang lheueh peukara Ate lon nyoe sang-sang reule Bek neuiem le po meukuta Di gop laen 'oh lon pandang Lakoe sajan geunap seunja Di lon sidroe lakoe lon tan Geunap malam lon uem ija Euntreuk malam neumeunikah Ban lon peugah bek meutuka Meuhan jadeh euntreuk malam Bahle karam nyawong hamba Han jeuet trep le payong nanggroe Yoh goh rugoe lon adekda Cut Usman seuot pantah Insya Allah he adekda Euntreuk malam lon meunikah Putroe indah troh ban pinta Troh ban napsu gata intan Euntreuk malam tan le lusa

Hingga malam le ngon uroe Raja nanggroe neumeusabda Neuyue pangge Teungku Syiah Putroe indah ate rugha Taba rijang teungku lhee droe U meuligoe yoh goh jula Bujang jak eu Teungku Syiah Bujang peugah suroh raja Teungku langkah u meuligoe Ubak Putroe Syamsu Kama Jinoe neujak sajan kamoe Teungku lhee droe deungon hamba Teungku deungo haba meunan Beudoh yoh nyan neujak sigra Troh le teungku u hadapan Raja alam neumeusabda Hoka gata Teungku Syiah Jak peunikah putroe muda Ngon jeunamee lhee boh gajah Nyoe lon peugah cut banta a'la Meuh keureutah deungon intan Ateueh kandran gajah tiga Tajak laju u meuligoe Ubak putroe bek trep jula Teungku beudoh sinan lhee droe U meuligoe neuek sigra 'oh sare troh u meuligoe Mumat jaroe ngon cut banta Teungku neuduek ateueh tilam Neumat tangan pantah sigra Teungku cok ie ngon srat babah Neupeunikah Raja Muda

Lon peunikah po samlakoe Deungon Putroe Syamsu Kama Ngon jeunamee meuh keureutah Ngon wakilah poteu raja Cut Usman seuot pantah Lon kabui nikah Syamsu Kama Ngon jeunamee meuh keureutah Kandran gajah lhee boh unta Neubeuet do'a Teungku Syiah Bri seudeukah teungku gisa Tinggai raja di meuligoe Sajan Putroe Syamsu Kama Ate mangat hana bagoe Ka na lakoe galak suka Jula malam jak beuradu Putroe meulu jak leueng tika Tika sujoe dum meuh meuntah Bukon indah bak eh raja Putroe riwang bak Usman Jimat tangan laju jiba Jiba leugat ubak kaso Jak beuradu sapat dua Neueh sapat ngon cut meulu Panyotpi hu leumah rupa Rupapi jroh bee meuhayak Leubeh gunjak nibak nyang ka Ate mangat hana laku Putroe laju meuseusuka Rotdeh rotnoe that beureuhi Cut putroe ti raja wa-wa Teungeut mangat bungong teuprom Nyang ka han tom teungeut hana

Bak malam nyan teungeut pangsan Meunan ragam proe umpama Hingga beungoh deungon uroe Beudoh putroe deungon raja Tren jak manoe bandua droe Cut putroe ngon Raja Muda Meunan sabe tuan putroe Beungoh uroe jak meuupa Syamsu Kama ate galak Han tom neujâk meusideupa Han tom jarak sajan lakoe Lam meuligoe meuseusuka Raja nanggroe ate seunang Putroe intan judo ka na Adat hantroh Cut Usman Putroe intan judo hana2 2 Hana jitem baranggasoe Beuthat meuntroe beuthat raja Cut Usman jipreh sabe Beuthat matepi jirela Troh ban hajat putroe indah That meutuah aneuk hamba Meunan ingat ayah putroe Geunap uroe ate suka Cut Usman sinan laloe Po samlakoe lam istana Nibak gampong Kuta Beusoe Nama Putroe Syamsu Kama Uroe malam rame rakyat Meusapat lam kuta raja Cut Usman jigaseh that Dumna rakyat keunan teuka

Wadi meuntroe ireng sajan Cut Usman jarak hana Umu sithon teutap sinan Bak nanggroe nyan Raja Muda Ingat aneuk bandua droe Po samlakoe hajat bungka Neumeututo bak simalam Ngon cut intan Syamsu Kama He putore cut bungong geutoe Siat lon woe bak aneukda Banta Hasyem lon jak lihat Idin siat bungong jeumpa Ban putroe deungo raja riwang Neuba sajan lon meukuta Bek neukeubah lon di nanggroe Geunap uroe ate luka Wahe judo putroe indah He meuh mirah maen mata Di lon ateuku that sosah Sang aruah lon keulua Di lon putroe keunoe langkah Aneuk lon keubah bandua droe Saleh mantong saleh han le Jameun ka cre lon he putroe Idin gata bungong pade Hai boh ate keu lon sidroe Troh lon keunoe ulon riwang He cut bintang nyang seureuloe Teuma seuot putik kumbang Cut meusubang sira jimoe Wahe tuboh laksana untong Umpama peunyu dimakan tontong

Di teungoh laot teurapong-apong Keupada Allah kita beurgantung Lon jak teudong teupangkong-pangkong Jeuep-jeuep gampong meuraba-raba Kapai meulayeue di Laot Jawa Mintak paksa di pinto kurong Meuhan jikheun Kama Syamsu Seuot laju po samlakoe Wahe judo putroe 'ali Lon keumbali bak rijang keunoe Pulo Pinang buket nyang tinggi Teumpat Cina tanam-tanaman Kalee tuanku sudah keumbali Ingatkan kami siang dan malam Pulo Sabang Pulo Raya Pulo Rimueng di bilang eumpat Tidak untong apakan·daya Ikan kupanggang jadi dilumpat Pulo Pinang laot teurlangsong Pulo Beutung di Pulo Daya Leupah kakanda pulang keu kampong Mintalah tulong nibak Rabbana Lom jikheun le putroe siti Tuhanku neubri leupah bak mara Abeh haba ngon putroe ti Bungka doli woe u nanggroe Wahe putroe idin tabri Po juhari rugha jimoe Tinggai putroe di istana Neutren lanja po samlakoe Neujak laju raja seudang Euncien rijang suet bak jaroe

Neugisa le euncien rijang Burak keunan teudong keudroe Cut Usman le neupasang Jiteureubang burak ragoe Jipeuteupat u pinto donya Dalam hawa jiteueng-teueng droe Tinggai putroe di istana Syang rugha dawok jimoe Bu jipajoh han meurasa Ingat banta ate seungkoe Jiduek han keunong ate sosah Putroe indah ingat lakoe Sang-sang bangon hilang aruah Keuloh-keusah lam meuligoe Dawok bae putroe indah Ate sosah sang geutampoe Wahe judo uleebalang Hana sayang keu lon sidroe Neukeubah lon teungoh muda Tajak gata woe u nanggroe Keupeue tilam deungon kaso Linto baro ka neuboh droe Allah he teungku bungong tanjong Neukeubah lon lam meuligoe Gata leupah woe u gampong Takeubah lon tinggai sidroe Allah-Allah he Po tallah Pakri lon bah tan le lakoe Pakri ban lon ya Tuhanku Tan le teungku lon eh sidroe Keupeue lon gleueng deungon subang Tan soe pandang han le lakoe

Bukon sayang bungong keumang Sret bak karang putoh taloe Tuboh lon nyoe sabe malang Lakoe ka tan tinggai sidroe Keupeue peuniti nyang mata intan Taloe tangan nam boh sagoe 'oh tan lakoe soe lom pandang Bahle karam nyawong sampoe Keureuncong meuh lon bak gaki Ho lon gule tan le lakoe Wahe teungku muda seudang Lon meulang-lang tinggai sidroe Patam bak dhoe keupeue lon boh Teungku jeuoh ka neuboh droe Lon eh sidroe teungeut han le Di lon ate dum geutampoe Bahle lon jak jinoe lam gle Mangat mate rimueng sidoe Meuhan kutop teuntang ate Bahle mate meutan lakoe Allah he teungku uleebalang 'oh lon pandang po samlakoe Hana ngon sa rupa gata Dumna raja ka lon pakoe Suara jroh miseue santan Rupa na ban tiwah uroe Mata dua tamse gintang Ie gigoe sang yum nam katoe Paleuet jaroe jroh meukulam Lidam hitam jeuet bloe nanggroe Allah he teungku 'oh lon ingat Meujeumeu'at dawok lon moe

Bungong meulu keumang bagah Bungong mirah keumang uroe Teuduek dilee putroe indah Lon peugah muda samlakoe Burak leugat jiteureubang Tujoh malam tujoh uroe Troh bak nanggroe Haliman Syah Jitawajah ateuh meuligoe Burak jitren dalam kuta Nam droe raja eu samlakoe Ka teudong di leuen istana Nam droe raja jak mat jaroe Geumeucom-com ngon Syeedara Nam teumuda mangat asoe Seubab kawoe Cut Usman Uroe malam meuleueng jaroe Haliman Syah keunan teuka Neucom neuwa po samlakoe Bu meutuah bungong jeumpa Lon meudo'a geunap uroe Beurijang woe bijeh mata Kabui pinta ulon sidroe Lon he aneuk sosah raya 'oh tan gata bungong uroe Dawok lon moe geunap seunja Bandua ngon mateu putroe Lon kheun aneuk ho saleh ka Laot mana ka mupaloe Lon meukaoi bijeh mata Bandum cutda jipoh-poh droe Lon he aneuk nyang that gila Ingat gata tan di nanggroe

Pakon aneuk trep tagisa Lon cinta malam dan uroe Cut Usman seuot pantah Ngon afuah tuanku droe Mantong umu Tuhan keubah Troh lon langkah lom u nanggroe Adat meuhan lon ka mate Buet Yahudi dilee puroe Lon jak mita Yahudi nyan Ka lon simpan bandua droe Lon pon mate jih bandua Rab mubala ulonteu nyoe Ngon meutuah kawoh doli Troh lon titi woe u nanggroe Jak eu aneuk u istana Bak adekda tuan putroe Cut Usman neuek laju Bak cut meulu u meuligoe Putroe Meurak tajo lanja Seumbah raja gaki jaroe Nibak jaroe neumat puan Cut intan neujok keu lakoe Nyoepat ranup ampon deelat Meulaen that lon eu bagoe Tamse ureueng jak pot kulat Neujak siat jula neuwoe Neujak u timu jeuet u barat Neujak teupat roh lam duroe Tuan putroe neukheun panton Meutiek ujong ateueh lakoe Di keude Batee geuikat ayon Di Kuta Sukon geuputa taloe

Dilee neukheun woe u gampong Pakon langsong u nanggroe neuwoe Dilee neukheun woe u gampong Bak ate lon ho laen nanggroe Bak ate lon kon u gampong Pakon langsong u laen nanggroe Lon eu bangon laen macam Peunyum lon sang laen bagoe Di Pasi Rawa le bak aron Di cong sukon aneuk beuragoe Ulon lumpoe deelat ampon Sang neucom-com dua putroe Di nanggroe Meuse geupula gadong Aneuk tiong ateueh jaroe Lon di sinoe môhon tulong Bek roh langsaong laen bagoe Tan mustajab do'a ulon Teungku ampon napsu ka troe Raja Muda deungo meunan Neukheum yoh nyan po samlakoe He putroe cut bungong keumang Bek takheun nyan bungong- uroe Hana di lon kumeukawen Bungong makeń laen nanggroe Ulon kuwoe jak eu bunda Seureuta lon jak lu putroe Cutda Meulu lon peunyata Saleh hoka bantujoh droe Seubab di lon leupah sumpah Han jeuet ubah bak lon putroe Ka lon seubot dilee masa Geupeulara ulon sidroe

Han jeuet lupa putroe indah Bak Po tallah salah dudoe Tan galak droe putroe laen Nyang that lon syen gata sidroe Gata sidroe nyang lon cinta Sampoe fana nyawong lon nyoe Adat tapo dalam awan Seutot sajan gata sidroe Meureutoh laot lon jeumeurang Nyawong hilang geunap uroe Adat meukon tulong Tuhan Lon hai intan nyawong Spoe Bek tadawa lon he intan Lon cintakan gata sidroe Padum lawet lon sinoe tan Nyawong badan lon di sinoe Sirasa nyum lon eh sajan Ngon cut intan lam meuligoe Putroe Meurak ka teusinyom Mameh reunom muka putroe Na sikeujap troh idangan Buet dendayang lam meuligoe Peuduek u keue Raja Muda Putroe sigra nyang-srat jaroe Makeuen tuanku bu sibabah Neuwoe payah jeuoh nanggroe Cut Usman neukheun sigra Makeuen gata sajan kamoe Bah tinggai on ampon deelat Makeuen leugat tuanku droe Cut Usman deungo meunan Makeuen yoh nyan leugat sidroe

Di geunireng putroe muda Sabe mata ateueh putroe 'oh lheueh makeuen Cut Usman Pinah idang u meuligoe Hingga malam uroe seunja Jak leueng tika tuan putroe Cut Usman jak tidoran Dua sajan tuan putroe Panyotpi hu trang cuaca Leumah rupa tiwah uroe Beepi harom miseue ata Gahru jeumpa nidah han soe Teungeut mangat le bandua Singoh jaga beungoh uroe Tren jak manoe bak mon raya Bandua ngon tuan putroe 'oh lheueh manoe Raja Muda Neuwoe sigra u meuligoe Boh makanan rupa-rupa Makeuen raja deungon putroe Na sikeujap uroe jula Rakyat teuka dum sinaroe Jak com jaroe Raja Muda Baro gisa raja nanggroe Jime teubee u meulason Peunoh mideuen bungong jaroe Jitren rakyat banda duson Meuron-ron lam kuta nanggroe Jak horeumat raja raya Baro gisa po samlakoe Ladom jime beureuteh pisang Dalam idang dum jipasoe

Jak peusunteng Cut Usman Neukheun nyoeban ubak putroe Takheun rakyat bek jigisa Bandum rata bek dilee woe

Bak ulon nyoe na bicara Lon peurasa bak rakyat droe Pioh dilee bandum rata Bek jigisa lom u nanggroe

Meuntroe seuot insya Allah Ban nyang titah tuanku droe Meuntroe peugah dumna rakyat Hukom deelat bek tawoe-woe

Singoh beungoh jeuet tagisa Dan peutua imum meuntroe Seuot rakyat insya Allah Seuon titah bandum kamoe

Ban nyang hukom nibak deelat Kamoe rakyat hana muwoe Cut Usman kheun bak bujang

Jak tueng rijang ayah putroe

Seureuta ngon nam droe raja Nyan teumuda po samlakoe Tajak laju pantah sigra Jak tueng raja ban tujoh droe

Bujang peugah sabda raja Po meukuta dalam jeuem nyoe Bantujoh droe neuyue teuka Dalam kuta deungon kamoe

Ban raja deungo hama meunan Beudoh yoh nyan bandum rata Troh bak bale bantujoh droe Po samlakoe peumulia

Pioh bandum bak keurusi Ranup troh le di istana Peuduek ukeue ayah putroe Raja nam droe dum seureuta Cut Usman neukheun meuceh Makeuen sireh he kakanda Raja nam droe makeuen sireh Bandum abeh ngon panglima 5O 'oh sare lheueh makeuen sireh Po cut puteh buka haba Nyang lon pangge ayah keunoe Seureuta ngon dum kakanda Banta Hasyem gantoe kamoe Pakri bagoe bak ayahda Atawa mee atawa han Neukheun rijang he kakanda Raja nam dore seuot pantah Sibeunalah kheun meukuta Patot aneuk gantoe ayah Meunan peuneugah nyang ka nyang ka Patot that mee po junjongan Gantoe tangan Raja Muda Meuntroe wadi dum mupakat Deungon rakyat sama juga Amma bakdu laen macam Banta seudang raja nanggroe Janji keumah deungon pakat Wadi rakyat deungon meuntroe Banta Hasyem nyang geudeelat Duek bak teumpat batee pudoe Kulah kama geupeuseuon Geuhei ampon deelat jinoe

Lheueh geudeelat ban nyang turon Guree ulon meunoe rawi Banta Hasyem nyang keurajeuen Dalam mideuen duek samlakoe Le redeuki mudah ujeuen That sapeue kheun ureueng nanggroe Hukompi kreueh buetpi sunang Uleebalang that meubudoe Buet nyang karot dum neularang Yue seumbahyang ureueng nanggroe Jakeuet pitrah dum geuyue bri Yue ek haji dum sinaroe Sibarang hai syara' Nabi Cut puteh di nyang hareutoe Ban kehun syara' hana ubah Rakyat neukhrah peugot nanggroe Peugot meuseujid ngon meunasah Peuduek syiah jeuep-jeuep sagoe Neuyue aja aneuk miet cut Neuyue jak beuet baranggasoe Bek na dina bek meureubot Neuyue kaluet aneuk nanggroe Daem-kaem bak ibadat Hana ingat le donya nyoe Neupujoe Po Allah Ahad Keunan sahbat suntok dukhoe Keupeue laen hana hajat Hukom teupat neuhareutoe Nyankeu raja nyang saleh that Beu taingat baranggasoe Deungon meuntroe muwafakat Keu ibadat sabe laloe

Bahle dumnan lon riwayat Meunyo lambat glak lon keudroe Lon tueng saboh nibak siploh He teungku beh raja nanggroe Meunyo panyang kureueng mangat Lon riwayat haba bunoe Banta Hasyem nyang keurajeuen Hana peue kheun seunang nanggroe Raja nam droe nyang peutimang Nanggroe aman hana bagoe Teuduek keudroe Cut Usman Ate seunang bungong uroe Cut Usman neuwoe riwang Bak cut intan jeuep-jeuep nanggroe Nanggroe Meuse dawok neuwoe Kuta beusoe kaem han ban Lompi neujak nanggroe inong Neutamong bak Raja Syarwan Pulo Sumatrapi neulalu Bak Cut Meulu nyang analan Neujak 'saweue jeuep-jeuep teumpat Nanggroe Arabpi neuriwang Kakeu tamat wahe adoe Hikayat nyoe cut bangsawan Uroe Hameh lon peutamat Watee meuhad pukoi lapan Deungon tahon ulon peugah Keu phon lhee blah tujoh lapan Nibak uroe dua ploh lhee 'oh nan teuntee tamat haba Gampong Pusong Lhok Seumawe Bak pasok rame ureueng manoe TAMAT

2367 1984

bpPN BALAI PUSTAKA — JAKARTA