Milik Departemen P dan K Tidak diperdagangkan Untuk umum

Peureudan Ali 2

Teungku Pakeh

Departemen Pendidikan dan Kebudayaan

U-J

PPS/Ac/la/83 Milik Dep. P dan K Tidak diperdagangkan

Hikayat PEUREUDAN ALI

Dikarang oleh TEUNGKU PAKEH

Dialihaksarakan oleh RAMLI HARUN

(W "fib*

Vb/kenkvi A*

Departemen Pendidikan dan Kebudayaan PROYEKPENERBITAN BUKU SASTRA INDONESIA DAN DAERAH Jakarta 1984

Proyek Peneroitan Buku Sastra Indonesia dan Daerah

Hak pengarang dilindungi undang-undang

Bahagialah kita, bangsa Indonesia, bahwa hampir di setiap daerah di seluruh tanah air hingga kini masih tersimpan karya-karya sastra lama, yang pada hakikatnya adalah cagar budaya nasional kita. Kesemuanya itu merupakan tuangan pengalaman jiwa bangsa yang dapat dijadikan sumber penelitian bagi pembinaan dan pengembangan kebudayaan dan ilmu di segala bidang. Karya sastra lama akan dapat memberikan khazanah ilmu penge- tahuan yang beraneka macam ragamnya. Penggalian karya sastra lama yang tersebar di daerah-daerah ini, akan menghasilkan ciri-ciri khas kebudayaan daerah, yang meliputi pula pandangan hidup serta landasan falsafah yang mulia dan tinggi nilainya. Modal semacam itu, yang tersimpan dalam karya-karya sastra daerah, akhirnya akan dapat juga menunjang kekayaan sastra Indonesia pada umumnya. Pemeliharaan, pembinaan, dan penggalian sastra daerah jelas akan besar sekali bantuannya dalam usaha kita untuk membina kebudayaan nasional pada umumnya, dan pengarahan pendidikan pada khususnya. Saling pengertian antardaerah, yang sangat besar artinya bagi pemeliharaan kerukunan hidup antarsuku dan agama, akan dapat ter- cipta pula, bila sastra-sastra daerah yang termuat dalam karya-karya sastra lama itu, diterjemahkan atau diungkapkan dalam bahasa Indonesia. Dalam taraf pembangunan bangsa dewasa ini manusia-manusia Indonesia sungguh memerlukan sekali warisan rohaniah yang terkan- dung dalam sastra-sastra daerah itu. Kita yakin bahwa segala sesuatunya yang dapat tergali dari dalamrya tidak hanya akan berguna bagi daerah yang bersangkutan saja, melainkan juga akan dapat bermanfaat bagi seluruh bangsa Indonesia, bahkan lebih dari itu, ia akan dapat menjelma menjadi sumbangan yang khas sifatnya bagi pengembangan sastra dunia. Sejalan dan seirama dengan pertimbangan tersebut di atas, kami sa- jikan pada kesempatan ini suatu karya sastra daerah Aceh, dengan harapan semoga dapat menjadi pengisi dan pelengkap dalam usaha men- ciptakan minat baca dan apresiasi masyarakat kita terhadap karya sastra, yang masih dirasa sanga^ terbatas.

Jakarta, 1984 Proyek Penerbitan Buku Sastra Indonesia dan Daerah

JILID n

Angkatan perang Raja Syarif telah tiba di Palistina. Seorang utusan yang membawa surat, diterima oleh Menteri Adan yang sudah berada di Palistina atas permintaan Peureudan Ali. Surat itu dibalasnya dan membuat Raja Syarif sangat marah. Pasukannya diperintahlcan untuk menyerang, tetapi mereka bingung melihat kota dikelilingi oleh parit yang penuh dengan pancang besi. Permaisuri Raja Syarif yang bernama Safiah pagi hari melihat pintu istana terbuka. Putri Hindi Licen berikut dengan segala perhiasannya tidak ada di tempat. la menangis sambil memanggil- manggil anaknya. Seisi istana menjadi gempar melihat permaisuri jatuh pingsan. Menteri Cut Ben beserta dengan beberapa pengawal segera berangkat ke Palistina memberitahukan peristiwa itu kepada raja. Peureudan Ali dan Hindi Licen sudah tiba di Jarussalam. Sesudah memberitahukan abangnya bahwa negeri Palistina sedang dikepung musuh, ia berangkat lagi. Dengan menyamar sebagai pengemis mereka berhasil memasuki istana Palistina tanpa ada orang yang mengenal. Hindi Licen diserahkan kepada Putri Arian untuk diajarkan ilmu agama. Raja Ahmad Kasari dan Menteri Sakdi dengan sejumlah pasukannya berangkat pula ke Palistina untuk membantu Peureudan Ali. Dalam perjalanan mereka dihadang oleh pasukan Raja Syarif. Terjadilah pertempuran seru. Peureudan Ah datang membantu dan menyerang pasukan Raja Syarif dari belakang. Pertempuran berlangsung seimbang. Ketika itu pula Raja Syarif mendapat berita dari Menteri Cut Ben bahwa anaknya sudah menghilang dari istana. Secara diam-diam bersama Cut Ben dan beberapa pengawal, ia pulang ke Anta Ladeh. Peureudan Ali telah diberitahu tentang kepergian Raja Syarif. Para pengikutnya membuat siasat dengan menyebarkan berita bahwa Raja Syarif

Sesampai di istananya Raja Syarif amat murka mendengar putrinya 'hilang. Isterinya Safian menyalahkannya karena kesera- kahannya hendak merebut isteri orang. Rakyat diperintahkan untuk mencari putri. Barang siapa yang berhasil menemukannya akan dihadiahkan sebagian negeri. Hampir seluruh rakyat pergi mencari putri. Menteri Cut Ben sendiri mengirim surat kepada Peureudan Ali menceritakan apa yang terjadi di Anta Ladeh, dan saatnya sudah tiba untuk menundukkan Raja Syarif. Peureudan Ali minta bantuan Ahmad Kasari dan Menteri Sakdi di Jarussalam dan Menteri Adan di Pusong Rawa. Pada waktu yang sudah ditetapkan berangkatlah pasukan besar itu ke Anta Ladeh. Sampai di perbatasan mereka berhenti dan mendirikan sebuah benteng dengan nama Kuta Mara. Raja Syarif mengetahui kedatangan pasukan Peureudan Ali. Ia mengirim seorang utusan.\Hasil pembicaraan ialah .Raja Syarif harus menyerah. Mendengar kabar itu pikiran Raja Syarif makin kalut. Ia minta pendapat Menteri Cut Ben. Menteri menganjurkan supaya baginda mengundang Peureudan Ah ke istana untuk berunding. Jika Peureudan Ali sanggup mencari dan mengembali- kan Putri Hindi Licen, Raja Syarif harus tunduk kepadanya. Pendapat itu disetujuinya. Peureudan Ali mengatakan bahwa putri masih hidup dan sedang dijaga oleh jin yang menculiknya. Beberapa hari kemudian Putri Hindi Licen dibawa kembali ke istana oleh Menteri Sakdi. Alangkah senangnya Raja Syarif dan permaisuri Safiah dapat berkumpul kembali dengan putri mereka. Raja dan permaisuri yang tadinya belum beragama itu, segera memeluk agama Islam. Putri Hindi Licen kemudian dinikahkan dengan Peureudan Ali. Tiada berapa lama kemudian Peureudan Ali pulang ke Palistina. Ketika Putri Arian hamil ia ingin makan daging rusa. Peureudan Ali mengerahkan sejumlah pawang untuk mencari rusa.

Tersebutlah dua belas orang raja yang tunduk dibawah kerajaan Anta Ladeh. Mereka tidak senang dengan tindakan Raja Syarif yang menyerah kepada Peureudan Ali. Raja Lila dan Raja Lizam telah bersiap-siap hendak menyerang Anta Ladeh. Rencana itu diketahui oleh Raja Adil Parisi yang segera pula memberitahukannya kepada teman-teman Peureudan Ali. Pasukan Palistina bersama-sama dengan pasukan dari Pusong Rawa dan Jarussalam bersiap-siap hendak berangkat ke Anta Ladeh. Negeri itu sendiri sudah mulai kacau. Pasukan dari dua belas orang raja mulai menyerang. Raja Syarif terdesak. Putri Hindi Licen disingkirkan ke hutan oleh Menteri Cut Ben. Rakyat banyak yang menjadi korban. Raja Syarif sendiri harus berhadapan dengan Raja Lizam yang dibantu oleh Raja Lila. Akhirnya ia tewas. Dalam keadaan demikian balabantuan datang dari Palistina, Jarussalam dan Pusong Rawa. Raja Lizam dan kawan-kawannya sekarang berhadapan dengan pasukan yang dipimpin oleh Menteri Adan. Peperangan berkobar lagi. Peureudan Ah belum mendapat rusa yang dicarinya, malahan ia tersesat dalam hutan rimba. Tetapi berkat cincin saktinya dan dengan bantuan seekor burung ia mendapat seekor rusa yang segera diterbangkan ke Palistina. Di sana ia mendapat berita tentang kemelut yang terjadi di Anta Ladeh. Belum sempat bertemu dengan isterinya ia sudah berangkat lagi ke Anta Ladeh. Di sana ia tidak menemukan putri Hindi Licen, tetapi ia yakin bahwa putri telah diselamatkan. Perang makin berkecamuk. Pasukan Raja Lizam makin mendesak pasukan Anta Ladeh. Peureudan Ah' menyusun suatu siasat. Kepada beberapa orang pasukan anta Ladeh yang menyamar di pibak musuh, diberikan sejumlah besar mata'uang ringgit. Ketika perang sedang berlangsung dengan seru, uang ringgit disebarkan di tengah-tengah medan perang. Pasukan Raja Lizam berebut mata uang ringgit yang berjatuhan. Di saat itulah pasukan Peureudan Ali membinasakan

Sesudah Menteri Sakdi diangkaf sebagai raja Anta Ladeh, Peureudan Ah' bersama dengan seluruh pasukannya pulang ke Palistina. Pada saat ia tiba putri Arian melahirkan seorang putra. Raja Adil Parisi menamakan cucunya Beureuman Sakyan. Adapun Menteri Cut Ben. dengan seorang kawannya yang meninggalkan istana Anta Ladeh untuk menyelamatkan Putri Hindi Licen, karena pergi terlalu jauh tersesat dan akhirnya jatuh di sebuah negeri bernama Cintra Biru. Rajanya bernama Tok Ja Raden dan terkenal sangat ketat dalam mengawasi negerinya. Seorang panglima bernama Hazab Uboe menangkap ketiga orang dari Anta Ladeh itu dengan tuduhan orang laki-laki membawa seorang perempuan yang bukan isterinya. Hanya beberapa hari Peureudan Ali tinggal di Palistina. Ia teringat kepada putri Hindi Licen yang belum ketahuan rimbanya. Kepada putri Arian ia mengatakan bahwa ia ingin pergi melihat-lihat negeri orang untuk beberapa waktu lamanya. Dengan mengendarai seekor burung raksasa ia terbang ke sana ke mari sambil melihat-lihat kalau-kalau nampak Putri Hindi Licen. Akhirnya ia sampai di negeri Cintra Biru. Ketika hendak ditangkap oleh Panglima Hazab Uboe ia mengadakan perlawanan sehingga dalam usaha membela diri ia terpaksa membunuh Panglima Hazab Uboe dan beberapa anak buahnya. Raja Tok Ja Raden segera diberi tahu tentang peristiwa itu. Baginda tidak bermaksud hendak membalas karena baginda yakin bahwa yang membunuh Panglima Hazab Uboe lebih sakti. Raja Tok Ja Raden mempunyai tiga orang putri, kecuali yang bungsu bernama Nilam Cahya, kedua orang kakaknya masing

Upacara pernikahan diadakan dan Cut Nilam Cahya menjadi isteri ketiga Peureudan Ali. Sementara itu Menteri Cut Ben dan kawannya serta Hindi Licen dibawa ke pengadilan. Sesudah ternyata tidak bersalah, mereka dibebaskan. Peureudan Ali yang mendengar ada orang sedang diadili pergi melihat. Terjadilah pertemuan yang mengharukan. Raja Tok Ja Raden yang sudah mengetahui kejadian yang sebenarnya, minta maaf kepada Peureudan Ah atas tindakannya yang keliru. Setelah beberapa lama berada di Cintra Biru, Peureudan Ali disertai oleh kedua isterinya dan Menteri Cut Ben pulang ke Palistina. Di sana mereka disambut dengan gembira oleh putri Arian. Satu bulan kemudian ia berangkat lagi ke Anta Ladeh untuk memberi bimbingan kepada rakyat di sana. Dua bulan berikutnya ia kembali lagi ke Palistina. Karena Menteri Cut Ben sudah berjasa kepada Peureudan Ali maka pimpinan negeri Palistina diserahkan kepadanya. Kemudian bersama ketiga orang isterinya Peureudan Ah pulang ke Jarussalam. Di sana ia menetap bersama ibunya Lelan Syikri. Negeri Palistina diperintahnya sendiri. Setahun sekali ia pergi ke negeri yang diperintah oleh menteri-menterinya. Sebanyak dua puluh orang raja tunduk di bawah kekuasaannya.

000O000-

Jiled keu dua

BISMILLAHIRRAHMANIRRAHIM

Nyoe Ion peugah raja pindoe Ayah putroe Cut Ali ba Jinoe Ion kheun Raja Syareh Ate peudeh si ceulaka

Le that rakyat raja paleh Jijak keu deh tuntut bila Jiarong gle uroe malam Lam beurawang jibloh lanja

Padum lawet jisrang-abrang Troh datang nanggroe Palistina Troh dalam blang ujong nanggroe Jipiyoh droe si ceulaka

Peudong kimah dalam uroe Bansinaroe dum lasyeuka Maseng-maseng beuratoran Bantayan bak piyoh raja

Maseng raja maseng kawan Pasokan meujeumba-jemba Raja-raja sama teungoh Rakyat damoh ban seulingka

Panglima prang Ugoh-ugoh Duek di teungoh poh-poh cakra Dum sipaijauh-jauh Le that syeekah si ceulaka

Suroh titah poteu raja

Jiyue peugot surat pantah Haba ringkah sigra-sigra 'Oh Iheueh surat teuma lipat Jiyue intat bak peutua

Utosan beudoh me surat Peuteupat laju bak kuta Utosan teungoh me surat Teuduek siat si ceulaka

Aman bakdu nyoe nyang gura Teuduek haba ureueng kaphe Jinoe Ion kheun poteu raja Tuan banta pheuet meuuke

Cit ka ase sikalian Meuriam sajan ngon beude Ube wasiet Cut Peureudan Neuubah tan bube pade

Dalam kuta ka meusapat Dumna rakyat sapeue ate Panglima prang kuat-kuat Cukop leungkap bandum sare

Meuntroe Adanpi ka keunan Nyang rakan han peue peugah le Ka meusapat dum sibarang Uleebalang dum sigala be Tujoh lapeh kuta nanggroe Bandum asoe ka Iheueh ase Dum sipai ka geupasoe Jeuep-jeuep sagoe ato beude

Hingga teuma haba nyang rab Lon rapat nak ryang ase Utosan bunoe me surat Deungon siat keu nan troh le

Troh bak pinto Kuta Mara Marit sigra aneuk sihe Tuan-tuan kawai kuta Dum sigala tadeungo he

Tapeutamong lon lam kuta Bak raja jinoe beutroh le Utosan meunan haba Asoe kuta jiseuot le

Hanjeuet tamong lam kuta nyoe Masa jinoe barangsoe le Dalam kuta cukop asoe Han peue adoe tatamah le

Meunyo meunan wahe sahbat Nyoe surat tajak peuhade Si keumawai sambot surat Bak deelat jijak peutroh le

Ban sare troh bak sulotan Sambot ryang surat kaphe Raja jok bak Meuntroe Adan Cuba pandang peue na ase Meuntroe Adan sambot surat Neuploh lipat neukalon le Meunoe haba dalam surat Haba singkat narit singke

Peue buet taduek lorn di dalam U padang teubiet meupake Meunyo gata aneuk agam Cit di blang sinoe tamate

Meunan jiboh dalam surat Meuntroe lihat awai akhe Yoh nyan meuntroe balah surat Lheueh neulipat neuyue jok le

Geujok surat bak utosan Jiwoe rijang aneuk sihe 'Oh troh jiwoe bak bantayan Keu sulotan surat jijok le

Raja Syareh buka surat Jilihat hanjanjipike Geuboh haba dalam surat Hana hajat bak meupake

Baranggasoe kuat me up rang Nyankeu urang tan seumike Hana akai bube gupang That girang hajat keu mate

Nyankeu ureueng nyang that sisat Ate laknat bangsa sihe Nyankeu ureueng nyang paleh that Tanjiingat rakyat mate Peu meusaket bak tapeugah Nyang bilah ureueng mat beude Teugo gata raja meugah Dumna syeekah yue meupake

Mate rakyat tan tasayang That ceukang di gata ate Adat asee biek binatang Na cit sayang rakan mate

Bit nyo gata that ceulaka Akai hana bube pade Di kamoe han lagee gata Goh lorn buta mata ate

Nyang got gata Raja Syareh Jak woe keu deh bek taduek le Bek peuturot napsu paleh Peng abeh gata teukeuse

Tuntut bila top meunalee Pakri tathee puleh ate Talo meunang goh lorn teuntee Kadang cit mee talo sabe

Meukeusud han troh gata malee Meutamah lhee saket ate Meuka jeuheut han le lagee Nyankeu dilee beutapike

Bitpi meunan Raja Syareh Nyang abeh ingat lam ate Adat tatem jak woe keudeh Han tapateh pasoe beude Haba surat meunan macam Beungeh han ban raja kaphe Ka jikheun bak panglima prang Beudoh rijang bek kaduek le

Jipeurab laju bak kuta Sireuta ngonjihei sare Surak deumpek hana tara Troh bak kuta ka teupike

Pinto kuta bandum teutop Meunyo talop jikoh lihe Parek kuta luah ngon lhok Meunyo tagrop han ek sampe

Yoh nyan rakyat jipakat bloh Bandum sunggoh sapeue ate Seuot rakan meunyo tabloh Buya pajoh bandum sare

Jimeupaka't la en bagoe Rot sagoe jijak tamong le Ban sare troh dalam sagoe Ureueng nanggroe sit ka ase

Ban jikalon musoh ka rab Jirapat ngon aneuk beude Padum ploh droe sigo ratap Ka seungap hana beudoh le

Jipeubeude hana reunggang Han jan jipandang jih ka mate Ladom mate keunong pacang Meutimpan sinan meugule Nyang na tinggai ka jisurot U likot jijak meupike Pakri lagee ho rot talop Lam kurok teubai that beude

Pageuepi kong parekpi lhok Tagrop han trok gadoh pike Rot sagoe hajat lon masok Lam kurok jiduek dum sare

Hakim gureepi di sinan Jitanyong ban pakri pike Seuot hakim ampon laman Bak lakuan payah ase

Cit ka lon kheun masa dilee Meunalee bek taseutot le Peureudan Ali sit ka tathee Gadoh lagee barangsoe le

Akaijih le ceureudek that Jitupat barang meuseuke Utoh jifam jeuep-jeuep teumpat Ngon siat jipeubuet ase

Kadang-kadang nibak buet nyoe Geutanyoe dudoe teukeuse Lon takot jitipee dudoe Nyang jinoe teungoh jipike

Raja Syareh yoh nyan seuot Tuto karot bek takheun le Tajak peugah laot-laot Nyang han patot bak gop pike Ho ka gata uleebalang Beudoh ryang pasoe beude Ho ka gata panglima prang Jak guncang kuta beureule

Yoh masa nyan rakyat dumna Ateueh kuta jipeubeude Ka jipagap ban seulingka Rakyat that bha ureueng kaphe

Jipeubeude na dum tupheuen Meureuleueng pageue sang reule Beuthat beude lagee ujeuen Nyang ureueng sidroe tan mate

Sabab kuta got that kukoh That leusoh teunambak sare Di ateueh pageue dum geuboh Di baroh tanoh sagai be

Ureueng musoh pagap kuta Jilingka bandumjih sare Jimeung tamong hana daya Lingka-lingka meunan sabe

Nibak sagoe nyang na lapang Suda pacang han peue kheun le Ngonjijaga uroe ma lam Sinapang jitimbak sabe

Nyang beude sabe meuasoe Bak sagoe siat han torn ere Jijaga meugantoe-gantoe Ureueng nanggroe meunan sabe

Ureueng musoh yoh nyan sosah Haram jadah tunu ate Uroe malam mita ilah Teuduek kisah aneuk sihe

Teutap sinan teungoh pike Jiiioe keu deh lon peuriwang Teumpat makam nanggroe kaphe i Masa bunoe Peureudan Ali Cut Hindi neubaplueng u gle Singoh beungoh pagi hari Jaga umi bungong pade

Nyankeu bunda putroe indah Cut Safiah inong kaphe Jieu pinto bandum teuhah Safiah yoh nyan teupike

Teuma jiek u meuligoe Bak aneuk droe cut boh ate Deuk jikalon ateueng peutoe Teuhah keudroe asoe han le

Dalam ate meusoe-gumoe Pakon meunoe meunan pike Safiah jak lop keuleumbu Nyanpi jieu aneuk han le

Lam ate meutamah tunu Jihei laju dendayang le Dendayang troh keu nan pantah Ho leupah aneuk boh ate

Dum dendayang teuhah babah Safiah reuloh that ate Asoe meuligoe tajo pra-pru Abeh karu keu nan hade Cut Safiah moe meu'u-'u Peuebu laku tangke ate Wahe aneuk Hindi Licen Pajan tatren bungong pade

Cut Safiah jimoe kiam Laju pangsan lagee ka mae Lam meuligoe yoh nyan karu Plueng meudru-dru rakyat sare

Ladom tanyong peuebu laku Po cut meulu han meuho le Abeh teuka ureueng inong Jyak tanyong pakrj pike

Jyak seutot Baroh Tunong Ladom lam mon jijak rawe Hingga teuma haba nyang rab Dumna rakyat sosah ate

Cut Safiah gadoh ingat Ka teupat sang-sang hana le Ladom ureueng tet keumunyan Jipot keu nan asap sare

Teutap putroe dalam pangsan Lon peugah ban ureueng pike Ureueng agam na sidroe-droe Abeh sampoe keu nan hade

Jimeupakat sabe keudroe Pakri bagoe nyang mesampe Tajak peugah bak sulotan Tasrang-abrang rot dalam gle Rakan bantapai di sinan Seuot rijang narit dampe Nyang got bak lorn wahe sahbat Bak deelat tajak peugah le

Hingga teuma haba nyang toe Na padum droe sapeue pike Keumah pakat bansinaroe Bungka jinoe rot dalam gle

Bungka sajan rakan banta Seutot raja sare-sare Geujak laju rot lam imba Teuduek haba mantong lam gle

Teuduek siat ureueng seumeutot Mantong bak rot meute guble Nyoe lon peugah panyot culot Rupa that got bungong pade

le dalam krueng jeureungeh that Teuntee hajat tren jak manoe Amma bakdu balek ayat Meunan hajat napsu lon nyoe

Jinoe lon kheun Cut peureudan Bukon sayang po samlakoe Di dalam gle uroe malam Sajan-sajan si nyak putroe

Lam-lam uteuen neusrang-abrang Lain beurawang lam-lam duroe Han neukira luka badan Neubeurjalan malam uroe Padum-padum duroe bugeng Bintang canden teutop asoe Nyang that sayang Hindi Licen That meuleng-leng geunap firoe

Bukon sayang puteh leusoh Pijuet tuboh bandua droe Bu sianeuk tan geupajoh Allah hai beh sayang putroe

Padumna trep peukoh aroh Jinoe ka troh keu deh sampoe Jinoe ka troh Jarussalam Cut Peureudan tamong nanggroe

Sabab rot deh neubeurjalan Jak peugah ban dum sinaroe Ban sare troh Jarussalam Kheun lakuan bak aduen droe

Sireuta meuntroe pahlawan Neupeugah ban laba rugoe Banta peugah musoh teuka Dum peukara jiprang nanggroe

Neupeurunoe akai bicara Neuyue bungka di likot droe Banta peugah jalan teumipee Bungong keumee cit utoh droe

Meupeue uroe meuri watee Abeh teuntee dum sinaroe Abeh wasiet dum peuneusan Cut Peureudan bungka jinoe Teubiet gampong laju u blang Sajan-sajan si nyak putroe Soe nyang kalon tahe hireuen Bandum jikheun lakoe binoe

'Oh abeh blang teungoh u gle Meute guble geunap uroe Lorn neuek gle neutron paloh Laju neubloh lam-lam duroe

Han neuingat luka tuboh Kareueng pajoh luka asoe Po Cut Ali akai le that Neukarat neuwoe u nanggroe

Sabah ateneu yakin that Neuingat bek rusak nanggroe Nyang na bacut sangkot pawot Leumoh teuot si nyak putroe

' Han ek jijak cut bungong sret Kuweut atot ureueng jinoe Pihak galak bungong pade Han jibri ere suntok padoe

Nyankeu sabab yakin ate Adat mate pakri teugoe Nyankeu sabab hana pantah Gadoh ilah po samlakoe

Bitpi meunan neupaban bah Seuleuah hajat beusampoe Neumeulakee ubak Allah Banta indah neuleueng jaroe Banta lakee ubak Tuhan Nyang laen tan harap sidroe Meunan sabe baranggajan Bak Tuhan neulakee keudroe

Sare troh nanggroe Palistina Piyoh sigra ujong nanggroe Saba musoh le lagoina Lingka kuta jig let nanggroe

Yoh masa nyan Cut Peureudan Mita jalan laen bagoe Neubloe gapu saboh umpang Neubagian laju keudroe

Neume keudroe saboh bagian Sikhan umpang jok bak putroe Ija bajee balek macam Ngui peukayan ruya-rayoe

Tupong gapu boh bak muka Bandua ngon si nyak putroe Ngon peukayan ija tuha Kalangpi na nibak asoe

Lorn banta boh geutah pisang Teubai kalang kulet asoe Meusambot that ngon peukayan Ngon beuban ateuh baho droe

Jitanyong le Hindi Licen Keupeue dalem peugot meunoe Banta seuot akai canden Le that jen bak tempat nyoe

Nyankeu sabab lon boh siat Jeuet keuubat hekeumat kamoe Nyoe hai po cut lon amanat Beutaingat wasiet lon nyoe

Meunyo tangieng nap ngon likot Hai bungong sret binasa dudoe Adat jihei nyanjitawok Bah lon seuot ureueng lakoe

Gata po cut han jeuet meuse Bek meutaeu baranggasoe Sabab meunan cut banta kheun Bekjingieng ureueng gampong droe

Abeh wasiet dum sibafang Beudoh rijang bandua droe Saboh sapo seuon umpang Neujak curam deungon putroe

Ateueh musoh banta lalu Bandum jieu tahe keudroe Bak kuta peuteupat laju Umpang gapu bak baho droe

Neubeuet isem sira neujak Neulakee bak Tuhan sidfoe Awih saboh tungkat sikrak Sangat bijak po samlakoe

Bandum musoh tan padoli Cut Ali neujak ngon putroe Musoh jikheun ureueng faki Mita raseuki dalam nanggroe

Dlam kawan banta lalo Tan teusawo musoh sinaroe Neujak laju gungong kundo. Troh bak pinto kuta nanggroe

Leupah banta jitop pinto Bandum tahe ureueng nanggroe Yoh masa nyan bungong kundo Yue pluek labo kalang asoe

Lheueh neumanoe gleh ngon kalang Sireuta ngon si nyak putroe Lheueh nibak nyan Cut Peureudan 'Oh lheueh rakan meumat jaroe

Po Cut Ali ek u rumoh Buleuen peunoh bak judo droe Cut Ariyan sangat meh-moh Jibeudoh jak seumah lakoe

'Oh lheueh seumbah teungku abang Ariyan di sinan laloe Ka jibeudoh dum dendayang Bet le idang keu nan sampoe

Cukop jibet keu nan hade Panyot kande makeuen jinoe Cut Ariyan jicok bate Jipasoe le laju keudroe

Sare ase dum ka keu nan Cut Peureudan basah jaroe Makeuen laju bungong kundo Dara baro mat rampagoe 'Oh lheueh makeuen lonto baro Bungong kundo sampoh jaroe Si nyak putroe tarek idang Peuseuk puan rab ngon lakoe

Wahe judo putroe indah Ngo lon peugah he sambinoe Aneuk raja putrod linteng Bintang canden ka lon peuwoe

Nyang geuboh nan Hindi Licen Meunyoe tatem tueng keu adoe Tapeurunoe dum peukara Beutaaja malam uroe

Bak Allah meuteumeung fahla Meubahgia gata putroe Kareunajih ureueng kaphe Fahla ase hai judo droe

Banta peugah awai akhe Mangat ate si nyak putroe Yoh masa nyan.Cut Ariyan Bak dendayang jikheun meunoe

Hindi Licen ka troh datang Cutda badan jak tueng keu noe Dendayang beudoh le jitren Putroe linteng jitueng jinoe

Troh bak Putroe Hindi Licen Bintang canden mat bak jaroe Beudoh po cut keu noe langkah Suroh titah tuan putroe Teuma beudoh putroe indah Ek le pantah u meuligoe Troh u rumoh putroe seudang Dendayang peuturi putroe

Cut Hindi nyang com bak teuot Ariyan sambot sampoh bak dhoe Cut Ariyan yoh nyan meusu Adek teungku piyoh keu noe

Putroe Hindi malee sipu Jiduek meupru le bak sagoe Po Cut Ali ate bimbang Neupandang dua boh putroe

Hingga geubet le ngon idang Makeuen sajan dua putroe Putroe Hindi jipajoh bu Sigeutu 'oh basah jaroe

Sabab ka trep han torn na bu Po cut meulu pruetpi ka doe 'Oh lheueh makeuen pinah idang Cut meusubang rhangat asoe

Hingga uroepi ka malam Eh tidoran lam meuligoe Putroe Hindi geubri teumpat Kama meuhad nyang bak sagoe

Ngon dendayang dum meusapat Pirak lipat jieh keudroe Ariyan eh deungon judo Dara baro sajan lakoe Puleh payah linto baro Ateueh kaso kasab reumboe Po Cut Ali woe beurangkat Payahneu that jarak nanggroe

Singoh beungoh makeuen saho Bungong kundo tren jak manoe 'Oh lheueh manoe ngon meusalen Puteh licen ek meuligoe

Ariyan hei Hindi Licen Bintang canden beudoh keu noe Putroe Hindi peurab ryang Ariyan yoh nyan peurunoe

Jipeurunoe beuet Quruan Sireuta ngon rukon manoe Jipeurunoe rukon Islam Rukon iman dum sinaroe

Jipeurunoe do'a seumbahyang Putroe seudang galak han soe Meunan sabe baranggajan Ariyan sunggoh peurunoe

Hingga teuma haba nyang rab Meugaseh that du putroe Uroe malam sinan teutap Pirak lipat teuduek 'oh noe

Haba banta teuduek siat Meusapat rakyat sinaroe Dalam kuta sinan teutap Musoh le that lingka nanggroe Meuntroe Sakdi lon peugah ban Ngon cut abang Kasari nyoe Masa bunoe po Cut Ali Abeh janji neukheun tanggoe

Jitren rakyat dum sigala don Meusinthong bak kuta nanggroe Deungon alat cukop ase Tumbak beude sajan cakroe

'Oh troh keu nan han le pike Geubeudoh le kalon uroe 'Oh lheueh leupah Cut Peureudan Lheueng nibak nyan dua uroe

Geucok langkah watee reumbang Bungka yoh nyan seutot adoe Uroe malam tan geupiyoh Ate sunggoh bansinaroe

Rot malam uteuen laju geubloh Lam-lam paloh lam-lam duroe ' Hingga lon kheun haba nyang rab Lon rapat nak ryang sampoe

Padumna trep geubeurangkat Sampoe hajat u nanggroe nyoe Deungon musoh meuteumeung le Nyang beude ka lheueh geupasoe

Ban meuteumeung hana pike Lheueh le beude kiam nanggroe Meuntroe Sakdi nyang keupala Sireuta aduen samlakoe Dumna musoh salah sangka Pane teuka angkatan nyoe Sabe keudroe jimeututo Teusawo lagee saboh roe

Meusu beude na dum tupheuen Sang-sang ujeuen karam nanggroe Rot deh rot noe hana peue kheun Bandum ureueng ate seungkoe

Ureueng musuh han peue daleh Sit ka jipreh padum uroe Udep mate han le jiweh Beuthat jadeh umum sampoe

Jimeuprang laju jikarat Le that rakyat raja pindoe Nyang jeuoh keu nan jipeurab Jirapat mueoh sinroe

Meusu beude subhanallah Kon beurakah kiam bunyoe Ureueng mate han ek peugah He darah ban ie sungoe

Nyoe lon peugah Cut Peureudan Neuduek dalam kuta nanggroe Neungo beude geumpa alam Cut abang neuthee ka sampoe

Yoh masa nyan po Cut Ali Hukom neubri bak rakan droe Beudoh rakan bek le lanti Ka troh janji bak uroe nyoe Teuma lon kehun haba nyang rab Bandum rakyat jiikat droe Dumna beude pasoe ubat Beudoh leugat teubiet jinoe

Troh u lua hana pike Jipeubeude geunta bumoe Jilet musoh jihei sare Sang-sang reule karam nanggroe

Meusu beude that neugrum-grum Tunyoe geulunyueng dum geutanyoe Mate rakyat han ek bileueng Meukeubeueng darah bak bumoe

Nyang that arat ureueng musoh Roh di teungoh aneuk bisoe Yoh nyankeu prang got meulimbang Sang meuguncang kuta nanggroe

Surak deumpek dumpahlawan Sang-sang karam ajai sampoe Meusu beude na dum tupheuen Miseue ujeuen reudok baroe

Sang meugram-gram sang meugrum-grum Dumna ureueng abeh tuloe Yoh masa nyan prang meukalot Sang-sang teulet kayee jatoe

Asap beude that klam-kabot Nanggroe seupot han deuh uroe Rot deh rot noe prang jipeusak Deumpek surak hana sunyoe Rot deh geuek rot noe geujak Ka meurumpak bansinaroe Ban meuteumeung dua pihak Jimeutop tak rot deh rot noe

Tunong Baroh han le meu'oh Ladom meupoh sabe keudroe Ladom matekeunong peudeueng Ladom ureueng keunong cakcoe

Mate rakyat hana peue kheun Seulinteueng bangke sinaroe Blah rot Barat Meuntroe Sakdi Ngon Kasari raja nanggroe

Jipoh musoh han soe tikri Jikap bibi ganceng gigoe Blah rot Timu Meuntroe Adan Sajan rakan ereueng nanggroe

Nyanpi saboh that analan Peudeueng panyang mat bak jaroe Jipeuek prang that meukalot Tan meusurot keu deh keu noe

Jimeupoh-poh leuban-leubub Leuab-leuub keunong cakcoe Jimeugrop-grop dum pahlawan Jibet sajan tungkat beusoe

Jibeudhoh dhoi dum teureubang Hana le trang seupot nanggroe Yoh nyan musoh gadoh ingat Hanjitupat le rakan droe

Ladom aduen jipoh leugat Ladom karat jipoh adoe Timu Barat han meuho le Gadoh pike aneuk bisoe

Bitpi dumnan prang jipeusak Goh lorn seungkak keu deh keu noe Ureueng musoh sama teungoh Kameh-kamoh sabe keudroe

Sang-sang rasa akai gadoh Jimeupoh-poh aduen adoe Nyang geusuen atejih lucot That meupot-pot aneuk bisoe

Miseue kapai karam dudok Meujipreh trok ajai sampoe Nyang rot Islam that guranta Pihak dua rot deh rot noe

Surak deumpek hana reuda That meutaga kiam bunyoe Sajan beude tambo geundrang Sangat girang ureueng rot noe

Bitpi dumnan geukarat prang Meusurot tan kaphe pindoe Sabab musoh le that rakyat Na dum lalat lam donya nyoe

Baranggadum prang geukarat Han cit lukat aneuk bisoe Awai suboh geupuphon prang Hingga peutang seupot uroe Sikhan uroe meutunang prang Mantong timang rot deh rot noe Po Cut Ali dalam kuta Sajan raja ayah putroe

Blali rot Baroh Meuntroe Adan Blah Seulatan Sakdi meuntroe Di dalam prang that meugeucoh Puteh leusOh neuleueng jaroe

Ureueng meuprang teungoh tangkoh Bah lon piyoh siat jinoe Reudok di gle ujeuen datang Bak taeu sang ban boh jambee

Teuduek haba ureueng meuprang Sinan di blang that meuseubee Jinoe keu deh lon peuriwang Deungo tuan haba dilee

Amma bakdu nyoe nyang gura Ngo beurata wahe sampee Nyoe lon peugah namiet raja Sireuta ngon si plah rujee

'Oh lheueh gadoh Hindi muda Pangsan bunda dalam juree Jimeupakat peukoh rimba Bak raja hajat jibri thee

Padumna trep peukoh aroh Jinoe ka troh ubak sukee Meuteumeung le raja biyoh Bak kawoh jiseumbah dilee

Lheueh jisumbah peugah haba Hari raja ampon-meuribee Po Cut Hindi bayek rupa Bijeh mata bungong keumee

Jicok rakan na padum droe Jiplueng jiwoe raja asee Gadoh akai raja pindoe Bak sinaroe tan jibri thee

Hana jithee laen rakyat That meukarat prang meuseubee Poteu raja jiwoe leugat Jikarat jiplueng jikajee

Raja Syareh plueng meu'u- 'u Abeh karu lutong him bee Binatang gle abeh karu Ka'a-ka'u di cong kayee

Badeuek gajah bandum jiplueng Leu'am-leu'um rebah kayee Padum singa padum rimueng Abeh jiplueng ka jikajee

Raja Syareh plueng meutaga Meugareueh r)ha hana jithee Sabab ate beungeh raya Ngop bicara raja asee

Teutap raja leupah jiwoe Lon kheuri jinoe si plah rujee Jilop laju dalam kuta Ubak banta jikheun teuntee Raja Syareh kajigisa Dum lasyeuka hana jithee Po Cut Ali deungo meunan Neuyue yoh nyan laen lagee

U dalam prang jimasok le Dumna kaphe hana jithee Meuteumeung le deungon rakan Teungoh meuprang sajan sitree

Jiyue bri thee dum bak teelan Maseng kawan maseng sukee Ube rakan nyang sireutoh Abeh putoh narit teuntee

Hana jithee dumna musoh Kawan sireutoh yoh nyan tipee Rakan sireutoh yoh nyan peugah Bak kafilah kawom sitree

Maseng syeekah maseng peugah Meunoe ulah jikheun teuntee Hai rakan e rakan teungku Pakri laku tohbu lagee

Poteu raja han le lon eu Sang ban laku han got lagee Nibak kimah raja han le Saleh mate umu padee

Saleh cit ka neuplueng u gle Pakri pike nyang meuteuntee Peue geutanyoe laju meuprang Sulotan jak mita dilee

Baranggadum takarat prang Meutan uram han soe malee Musoh deungo dum peuneugah Yoh nyan pantah jipeuteuntee

Sabab han ek talo kuta Meunanpi na narti teuntee Yoh nyan musoh ate lucot Ka meusurot seun siribee

Bak watee nyan Cut Peureudan Teubiet u blang bungong keumee Banta kheun bak Meuntroe Adan Peuek prang beugot meulagee

Peh le geundrang prang jiarak Jipeusak jiek meuree-ree Jihei sare deumpek surak Sang meuhayak gunong geurutee

Kalet kacang ladom jikheun Ladon ureueng kapreh dilee Meunan-meunan jimeukheun-kheun Ladom peudeueng jitak kayee

Meuntroe Sakdi saboh sagoe Jikheun meunoe narit teuntee Bek kakeubahjih meusidroe Kaboh taloe aneuk asee

Sajan surak jihei sare Jipeubeude seun siribee Yoh masa nyan ureueng kaphe Kuyut ate dumna sitree

Rakan sireutoh tipeuphon plueng Laen ureuengpi jikajee Yoh nyan musoh abeh jiplueng Aneuk bajeueng keunong tipee

Bek le talet wahe rakan Jiriwang sosah neuteumee Meunan neukheun Cut Peureudan Teuma riwang dumna sukee

Rakyat jijak bak bantayan Cok rampasan meudilee-dilee Ate rakyat galak han ban Rampasan areuta sitree

Le that tinggai bantai kaso Laen pi le ija bajee Mangat ate dum ureueng le Musoh talo pleung meuree-ree

Adat meukon ngon bicara Talo kuta jeuet keu abee Sabab musoh le lagoina Le tha tantra raja asee

Pihak lisek Cut Peureudan Akai ajam utoh tipee Tagipi na tulong Tuhan Keubajikan bungong keumee

Dum neupeubuet kareuna Allah Ban ekheulah tan meusilee Hukom ade banta indah Meusyeuhu gah troh u Reubee Han torn neudhot ureueng gampong Han torn langsong buet meuseubee Nyankeu sabab seunang untong Tuhan tulong talo sitree

Tiep-tiep ureueng that ekheulah Tulong Allah sit ka teuntee Meutamah pangkat deungon meugah Beutapapah wahe sampee

Jinoe lon kheun haba nyang rab Lon peurigap narit teuntee Talo musoh diplueng leugat Ate mangat bungong keummee

Ka seungap gong seungap geundrang Pang ka meunang talo sitree Yoh masa nyan Cut Peureudan Dum bak rakan ka neubri thee

Ureueng mate yue peusapat Sidek sasat maseng sukee Rakyat gampong yue peusapat Saboh jeurat geuyue seubee

Ureueng patot na sidroe-droe Neuyue peuwoe dum bak sampee Nyang beulanja neubri le droe Neupeujroe ija meukayee

Po Cut Ali tangan murah Banta indah that meulagee Hana neusyen dum seudeukah Hana pa yah dum geulakee

Ban nyang patot ateueh pangkat Ban nyang babat dum meuteuntee Sajan mayet neuyue intat Woe u teumpat maseng sukee

Banta yue cok bangke kaphe Bak bineh gle neuyue seubee Teuma beudoh dumna rakyat Jak peusapat bangke meuribee

Jihue u gle keu deh leugat Jitop meuhad ngon on kayee Jitiek sinan dum sinaroe Rakyat jiwoe lorn u juree

Teutap sinan padum uroe Po samlakoe neupeujamee Neusie ngon keubeue meureutoh ploh Dum jipajoh wareh sampee

Lam meuligoe kacah-kacoh Sang seunujoh teungoh watee Hingga lon kheun haba nyang toe Ureueng nanggroe jimeulakee

Lakee idin bak samlakoe Beudoh jiwoe maseng sukee Ladom jiwoe Pusong Rawa Meuntroe raja awai dilee

Maseng-maseng woe u tangga Dum sigala wareh sampee Ahmad Kasari bak watee nyan Cut Ariyan neujak lakee

Teuma geubri Cut Ariyan Ban nyang reusam ureueng dilee Buet teumeutuek hana lon kheun Bacut kureueng siploh ribee

Deungon bisan jaroe geumat Beuseulamat dum geulakee Po Cut Ah beudoh mameung Bak aduen idin neulakee

Sireuta ngon laen ureueng Hana peue kheun bungong keumee 'Oh leheuh idin dum sibarang Teubiet rijang kuta batee

Raja Ahmad ngon pahlawan Sajan rakan dumna sukee Geuwoe laju Jarussalam Cut Peureudan teutap di juree

Abeh rakyat dum peureugi Woe keumbali maseng sukee Tinggai sinan po Cut Ali Ngon esteuri dalam juree

Dalam pike uroe malam Akai ajam bungong keumee Meunan sabe baranggajan Teuduek 'oh nan siat dilee

Nyoe lon tambah laen bacut Nyang meukeusud wahe sampee Lon amanat wahe nyak cut Beutapeubuet bek meusilee

Baranggasoe peukong nanggroe Hikayat nyoe tueng teurajee Tueng ibarat lam surat nyoe Sabab sinoe keunong lagee

Jitem mate bahle fana" Keugata jigaseh teuntee Cit jingat balah guna Meunyo gata keunong lagee

Asai beuna ube janji Bek meuungki akhe watee Ban atoran po Cut Ah Hukom meukri adat teuntee

Dan lagi bak hukom Allah Kata syiah dumna guree Got tapeubuet got meunalah Hana ubah janji dilee

Miseue kisah Cut Peureudan Wajeb tuan tueng teurajee Adat rakyat mate lam prang Neubri gafan dum meukayee

Padum ureueng neuyue bungka Jok beulanja meuploh ribee Hana neusyen dum areuta Neukira adat bek malee

Nyankeu hai po beutaingat Hai sahbat wareh ngon sampee Beutapateh lon amanat Soe ingat pangkat meuteumee

Jeuetkeu dumnan wasiet lon nyoe Teuduek 'oh noe siat dilee Amma bakdu teungku badan Teuduek 'oh nan saboh leua

Uroe malam tan jipiyoh Jinoe ka troh teumpat tangga Troh u rumoh raja bajeueng Abeh ureueng peumeureuka

Asoe meuligoe abeh jiplueng Jilet king-keueng ngon geulawa Sira jimoe jiceumarot Tango ribot meuseurapa

Bu kapajoh beungoh seupot Hana patot nyoe kurasa Sia-sia dum kubri bu Tan sigeutu na meuguna

Aneukku saboh han ek kaeu Pinto leupu tan kajaga Hindi Licen ho ka leupah Pat kakeubah ho ka kaba

Pakon kaboh aneuk lidah Keupeue cit kah agam dara Keupeue cit kah dum neuploh-ploh Meuh seuneupoh han meuho ka

Beungoh seupot bu kapajoh Rimueng tanggoh bansineuna Nyan sa di kee kupeusayang Kapeutimang cut ngon raya

Kubloe ija sawak pinggang Dum sibarang ngon beulanja Raja Syareh that meupot-pot Jiceumarot lagee raya

Bak pihak that ate seungkoe Kheun keu lakoe po ceulaka Rimueng pangkong peue ka peugah Hai gajah plah buya hila

Gadoh aneuk putroe indah Cit sabab kah turot hawa Cit sabab kah turot napsu Hai teungku po rimueng seuba

Bak meunapsu bungong pade Rakyat mate dum ka fana Cit sabab kah turot ate Aneuk han le ho saleh ka

Bak meunapsu Cut Ariyan Peubeudoh prang harap teuga Han meusoe-soe peubeudoh prang Meubiek musang malee hana

Hakim guree ka lheueh jitham Kapateh han hai ceulaka Ka jibeudoh Cut Safiah Tajo pantah ateueh raja

Deungon lakoe jimeureupah Abeh jiplah baje ija Kakeu sinan jimeupake Sang reule rumoh istana

Nyoe lon peugah rakyat sare Plueng dalam gle talo ngaza Bak masa nyan ka troh jiwoe U meuligoe dum jihala

Dum peutua jimeupakat Jiek leugat u istana Troh u rumoh jieu pake Jja nhn le poteu raja

Sabe keudroe jimarit le Peue kapike han kapeubla Ladom jikheun kamat putroe Kaploh jaroe poteu raja

Teuma lon kheun haba nyang toe Peurab jinoe jijak peubla Jicok raja peutren rijang Putroe bimbang sangat rugha

Cut Safiah tinggai sinan Hana reunggang meuseurapa Lakoe binoe reuloh ate Sabab han le byeh mata

Poteu raja ija han le Abeh sare jeuet keu ruja Troh u bale raja deelat Duek meusapat dum peutua

Raja dua blahpi meusapat Yoh nyan deelat jimeusabda Hai kawom adoe ngon aduen Cut meugleueng gadoh lam hingga

Adat tat em lem meutuah Taseuleuah siat le gata Soe nyang teumueng putroe indah Nanggroe siblah bagi dua

Hana ubah lagee lon ^heun Cut buleuen beudoh jak mita Raja Syareh meunan jikheun Meurijeuen sajan ie mata

Dum peutua yoh nyan seuot Jibeuet jaroe bandua Meugoh mate nyawong lupot Bungong sret kamoe jak mita

Meuntroe Cut Ban yoh masa nyan Sapat sinan ngadap raja Abeh maklum dum lakuan Undang-undang dalam dada

Nyoe lon peugah narit nyang toe Jilakee droe rakyat dumna Raja dua blahpi ka jiwoe Bansinaroe maseng tangga

Rakan seutiapi woe sajan Maseng teelan maseng tantra Timu Barat sikalian Abeh pulang rakyat dumna

Troh u gampong padum uroe Puleh asoe bak meusafa Uleebalang dum sinaroe Imum nanggroe meukeunira

Sireuta ngon bandum rakyat Beudoh leugat jak meumita Tunong Baroh Timu Barat Jak mita pat aneuk raja

Ladom u gle jibeurangkat Nyang le rakyat dalam bangka Jeuep-jeuep pante sidek sasat Bandum rakyat sunggoh raya

Pihak napsu peugang nanggroe Malam uroe meuraba-raba Tan jikira luka asoe Lam-lam duroe jibloh lanja

Saleh pakri dumna rakyat Bak jikarat jeuet keu raja Nyankeu hai po beutaingat Ladom sisat dalam rimba

Meunan-meunan jeuep-jeuep nanggroe Teuduek 'oh noe siat haba Amma bakdu keu deh meiawoe Ubak meuntroe dalam kuta

Jinoe lon kheun Meuntroe Cut Ben Keu peue laen tan jikira Abeh jingieng lahe baten Meuntroe canden jol rahsia

Abeh meufom bansinaroe Peugot jinoe surat haba Meuntroe kirem keu samlakoe Bak rakan droe geuyue bawa

Geuboh haba lam surat nyan Keulakuan si ceulaka Raja Syareh sosah han ban Sibagoe nyan laenpi na

Haba surat le that bagoe Han ek kamoe bak neurika Lon boh bacut asai sinoe Laen dudoe lahe nyata

Surat nibak Meuntroe Cut Ben Jikirem saleuem rahsia Hingga teuma rakan laen Maseng-maseng surat haba

Maseng-maseng surat keudroe Jeuep-jeuep nanggroe na syeedara Dalam surat narit tanggoe Le that bagoe peue-peue nyang na

Sidroe rakan saboh surat Dum jiintat keu cut banta Jinoe lon kheun haba nyan rab Jipeusapat surat haba

Ka meusapat sireutoh boh Rakan beudoh laju bungka Bandum surat meufom saboh Janji teugoh that seutia

Dua ureueng peuwoe surat J yak leugat peukoh rimba Sikhan buleuen jibeurangkat Sampoe hajat troh lam kuta

Tamong laju kuta nanggroe Bandua droe ubak banta 'Oh troh keu nan bak samlakoe Jipeujaroe surat geuba

Abeh surat banta bandeng Dalam dihen putoh kira Yoh masa nyan bintang canden Peugot laen balah haba

Peugot surat banta indah Haba ringkah bacut saja Haba surat insya Allah Lon meulangkah prang lon puga

Han peue panyang lon hareutoe Maklum bak droe dumna gata Jinoe lon kheun riarit nyang toe Rakan bunoe nyang seutia

Rakan bunoe peuwoe surat Banta leugat neuyue gisa Sireuta ngon neujok surat Kheun amanat laenpi na

Rakan beudoh pantah rijang Lorn jiriwang peukoh rimba J yak laju jisrang-abrang Bukon sayang payah raya

Uroe malam jijak sabe Meute geuble jimeusafa Padumna trep jiarong gle Hingga troh le nanggroe raya

Anta Ladeh ka troh sampoe Jijok jinoe surat haba Maseng-maseng ke deh keu noe Jeuep-jeuep nanggroe bak syeedara

Yoh nyan rakan pike syawe Jipreh ase troh kutika Teutap rakan dalam pike Bungong pade lon peugisa

Jinoe lon kheun banta indah 'Oh leupah surat neuyue ba Neuhei bujang pantah-pantah Jak keumeurah laju sigra

Bujang beudoh jak lam gampong Jipeh ngon gong meuseuranta Jikrah rakyat dum sigala don Troh u duson jipeuhaba

Leupah bujang jak lam nanggroe Laen sineo banta kira Neuyue seutot raja meuntroe Teumpat nanggroe Pusong Rawa

Neuyue seutot Jarussalam Pahlawan deungon syeedara Banta yue me ngon alat prang Angkatan cukop beurata

Abeh narit po samlakoe Beudoh jinoe saboh peutua Geujak seutot jeuep-jeuep nanggroe Padum uroe lama masa

Ladom saho geubeurangkat Deungon siat troh geuhala 'Oh troh keu deh peugah leugat Ampon deelat suroh banta

Geuhimpon le dumna rakyat Deungon alat sianika Siat ase dum meusapat Beudoh leugat laju bungka

Padum uroe geujak sabe Hingga troh le u Palistina 'Oh troh keu nan dumgeu sare Geutet beude juru basa

Geutet beude jareueng-jareueng Geubri lageuem ka troh teuka Yoh nyan banta neuyue ampeueng Teubiet jak tueng peumulia

Geuteubiet le mat bak jaroe Geupeuwoe laju lam kuta 'Oh meuhimpon dum sinaroe Po samlakoe meukeurija

Geubri ngon bu geupeujamee Ban nyang lagee adat raja Beubri teumpat nyang meuteuntee Bungong keumee peumulia

Dua uroe sinan piyoh Dum abeh troh balantra Puleh payah tho ngon reuoh Uroe siploh tueng kutika

Cukop ase silengkapan Sibarang alat seunjata Keunong uroe watee reumbang Geupeh geundrang beudoh bungka

Bak uroe nyan geucok langkah Banta indah raja raya Rakyat le that subhanallah Han ek peugah lhe boh raja

Bungka laju pirak lipat sajan rakyat peukoh rimba Padumna trep geucre teumpat Sampoe hajat nanggroe raja

Troh bak ujong nanggroe kaphe Bungong pade neumeusabda Hai rakan e bek le pike Bak ulee gle peugot kuta

Yoh nyan rakyat dum sibarang Peugot rijang Kuta Mara Ban nyang patot undang-undang Kuta landang kukoh raya

Timu Barat Tunong Baroh Pageue geuboh dum geusangga Nyang jeuet meunan banta suroh Puteh leusoh meunan kira

Talo mantong goh lorn teuntee Le that sukee si ceulaka Meunan ase bak neutipee Bak meusilee nyankeu kuta

Nyankeu sabab peugot meunan Cut Peureudan han troh kira Hana troh thee bandum insan Sikalian manusia

Bak Tuhan do'a neulakee Geunap watee han torn lupa Lheueh seumbahyang limong watee Neulakee do'a sijahtra

Akai lisek sangat utoh Meuh seuneupoh 'ajab raya Dumna rakyat peubuet sunggoh Bansiseun troh siat leungka

Neuyue peudong ngon bantayan Di lua nyan lam blang raya Lhee boh raja nyang sulotan Lhee bantayan raya-raya

Laen sukee uleebalang Pasokan maseng peutua Laen sukee panglima prang Angkatan han ek soe kira

Saboh raja lhee ploh kimah Alam mirah bandum raya Sikureueng ploh jeuet kafilah That barollah balatantra

Maseng peutua maseng kawan Atoran meubanna-banja Peuduek tumpok na sikhan blang Angkatan meuribee laksa

Got meuato dumna syeekah 'Ajab leupah taeu rupa Geutarek ngon alam mirah Han ek peugah sangat that bha

Han ek le lon peugah haba Jinoe cutda balek macam Amma bakdu nyoe nyang gura Ngo beurata dumteu tuan

Soe nyang deungo bek takhem-khem Lon goh ladem bak keumarang Mata teungeut lon eh kayem Lon han jitem tumbon badan

Amma bakdu bek poh cakra Nyoe calitra lon peuriwang Teuduek haba po cut banta Lon peugisa raja suang

Nyoe lon peugah Raja Syareh Aneuk paleh sangat bokbang Uroe malam hana jieh Sangat reugeh pijuet badan

Lawet badoh puteh leusoh Raja biyoh teungeutjih tan Bu sianeuk tan jipajoh Pruetjih seungkoh grak-gruk dalam

Jiduek jidong pike syawe Reuloh ate that han macam Suntok buleuen meunan sabe Lawet tan le putroe intan

Bak watee nyan laknat Allah Jideungo gah jiimee datang Raja deungo le that syeekah Jihei pantah wahe bujang

Kungo jiduek bak ulee gle Bandum sare kayue riwang Kapeugah lon sosah ate Bek kaduek le beudoh rijang

Yoh nyan bujang beudoh meupru Teubiet laju keu deh u blang Bak ulee gle troh jilalu Leumah jieu le that urang

Yoh nyan bujang teuhan babah Meunyum gundah muka masam Dalam ate teuka marah Bujang dahsyah hireuen mandang

Sabab jieu le that tantra Deungon kuta ka meureuntang Deungon siat ase leungka 'Ajab raya pane urang

Lompi jieu alam mirah That barollah sang peunoh blang Pane teuka dum kafilah Bujang sosah tahe mandang

Puleh nibak hireuen tahe Bujang lalo jak tanyong ban Tuan-tuan jamee teuka Pane gata ho beurjalan

Lon eu rakyat sangat that bha Soe keupala siri uram Po Cut Ah seuoc keudroe Angkatan nyoe di lon tuan

Raja Syareh lon jak seutot Beutjih han got bak atoran Hana patot jijak prang lon Han sep sithon lorn jiriwang

Jinoe ho ka rimueng seuon Kumeung rancong deungon peudang Jinoe gata jak woe keu deh Raja Syareh tayue datang

Tayue teubiet bek le jieh Kumeung rampeh ujong peudang Jakleh peugah keu deh beutroh Bek katroh ladom habaran

Dua uroe kupreh tanggoh Meuhana troh nanggroe karam Meunyo napsu bek kueunsyok Yue taklok bak Cut Peureudan

Bak agama kayue masOk Yoh goh harok nanggroe jeuet prang Yoh nyan bujang jiwoe laju Plueng meu'u-'u dalam padang

'Oh troh keu deh peuek ngadu Tuanku ampon jeunulang Hana lagee tuanku droe Ka troh sampoe Ali Peureudan

Jiba rakyat meuploh katoe Ujong nanggroe ka peunoh blang Alam mirah han ek hisab Le that rakyat hai sulotan

Jikheun bak lon hai tuanku Jimeunapsu cit sulotan Jiyue teubiet keu deh laju Jimeung eumpu deungon peudang

Ban jideungo meunan tuto Sang meutoto leungo badan Meunyum gundah raja kaphe Ureueng han le pakrikeu ban

Le that ureueng leupah u gle Jeh 'oh akhe goh jiriwang Leupah seutot si nyak putroe Raja pindoe muka masam

Nyankeu sosah raja nanggroe Musoh ka toe pakrikeu ban Kuduek mate kudong mate Gotkeu bahle kumeulawan

Meudeh meunoe cit han ase Jimarit le wahe bujang Meunyo meunan nyan tapeugah Jak keumeurah jinoe rijang

Tayue jitren pantah-pantah Ngon peukakah dum alat prang Beutroh keu deh nanggroe bawah Raja dua blah tayue rijang

Yoh nyan bujang jiplueng sunggoh Siat troh ban saboh alam Abeh jijak jeuep-jeuep gampong Jiseupot gong jeuep-jeuep simpang

Ban jideungo meunan haba Beudoh sigra dumna urang Teuma lon kheun haba nyang rab Jitren rakyat sigala alam

Abeh bandum jipeusapat Han jeuet silap sidroe urang Nyoe lon peugah rakan banta Nyang seutia lam kawan nyan

Bak watee nyan dum sigala Jingui raya turn peukayan Peukayan dilee yoh saboh roe Jime keudroe dua pasang

Saboh pasang jingui keudroe Saboh bagoe bri keu rakan Jok keu rakan nyang meuturi Nyang teubuni gaseh sayang

Nyoekeu hamba Peureudan Ali Meunan teurjali cap peukayan Maseng kawan maseng sukee Meunan lage dum peukayan

Dumna musoh hana jithee Sangat teuntee nyan lakuan Rakan banta cit sireutoh Janji putoh seutiaan

Jeuet peukayan dua reutoh Banta suroh peulaheran Lagi surat jijak jiwoe Keu deh keu noe hana reunggang

Rakan bantapi beurangkat Sapat-sapat lam kawan nyan Dum meuron-ron teungoh jijak Got meubulak dum angkatan

Sajan beude leumbeng kapak Meusak-sak bak bale di blang Bak watee nyan Meuntroe Cut Ben Abeh baten dum bak rakan

Teungku meuntroe sangat canden Lagee laen jiboh padan Raja Syareh ateuh geuta Sidroe saja bak masa nyan

Meuntroe Cut Ben peurab lanja Peugah haba meunoe macam Ampon tuanku lon meuhaba Bak meukuta syahi alam

Na lon teumeung saboh rahsia Dalam tantra dum angkatan Bak alamat leumah lon eu Buet meutipu bak lakuan ••

Ulon peunyum bak ri laku Tuanku dudoe sukaran Raja Syareh seuot leugat Pakri meuhad takheun meunan

Teungku ampon bak alamat Lon kalon cap bak peukayan Lon kalon cap Peureudan Ali Siteungoh ri dalam kawan

Bak lon pike tuanku droe Roh meupaloe akhe datang Peureudan Ali akai ragoe Jitem siboe dumna urang

Kadang-kadang hai pangulee Cit ka dilee dum jitampang Ka jisiboe dumna sukee Meunan teuntee fam lon tuan

Adat meukon meunan bagoe Pane keu noe dum peukayan Nibak lahe rot geutanyoe Lam baten nyoe laen macam

Jidong rot noe pura-pura Hai meukuta bak laheran Dadang-dadang jibicara Akhe masa jeuet rusohan

Dalam baten jidong rot deh Beuneupateh fam lon tuan Ka lheueh jibloe dumna gaseh. Sangat areh Cut Peureudan

Meunan tuanku bak alamat Lon ijtihad keulakuan Nibak dali deungon adat Akhe meuhad teulah tuan

Meunyo tuanku meunan bagoe Teuntee dudoe keui ugian Meukeusud han troh lorn ngon rugoe Tuanku droe jeuet keu sirang

Nyoepi meunan hai pangulee Neungieng dilee neujak pandang Neungieng keudroe patot dilee Meuka teuntee taubahkan

Raja Syareh seoot pantah Muka mirah bacut masam Pakri laku toh rot ilah Mangat leumah deuh lon pandang

Seuot meuntroe jipeugah kri Ampon doli meunoe macam Neusie keubeue neukhanduri Taantri yue duek meureuntang

Teungoh rakyat turn pajoh bu Tuanku beudoh beurjalan Teungoh-teungoh geuteumayong Troh jitamong uleebalang

'Oh troh keu nan beuet jaroe Ampon kamoe syahi alam Dumna rakyat abeh keu noe Pajan jinoe peubeudoh prang

Meuntroe Cut Ben seuot dilee Piyoh dilee uleebalang Piyoh siat hai pangulee Di yup kayee bak geulumpang

Yoh nyan rakyat ka jipiyoh Laen dang troh di beulakang Nyoe lon peugah raja biyoh Ka jisuroh rijang-rijang

U lam kuta peuwoe pantah Jipeuseumbah bak sulotan Raja yue sie bagah-bagah Han jan jisrah jiyue reundang

Jiyue masak sajan ngon bu Jipeulaku inong agam Kacah-kacoh nibak dapu Ka'a-ka'u sare kiam

Bahle lon kheun haba nyang rab Lon peurigap mangat rijang Masak sare dum ka leungkap Suroh deelat pasoe idang

Bandum rakyat ka jiantri Dum sipai duek meureuntang Peuduek idang got meuriti Majusi galak han macam

Teungoh rakyat pajoh umpeuen Raja timpeueng jak lam kawan Raja jijak jeuep-jeuep ruweueng Rata ureueng jijak pandang

Jijak kalon jeuep-jeuep sukee Jijak teuntee dum peukayan Leumah jieu cap bak bajee Raja layee muka masam

Ladom teucap bak kupiah Daweuet mirah sidalinggam Yoh nyan raja meunyum gundah Muka mirah jiek biram

Bak pihak meunyum teumakot Mata seupot gadoh meungilang Dalam ate sang meupot-pot Mukapi krot 'oh tapandang

Lheueh jikalon keu noe keu deh Raja paleh ka jiriwang Troh bak bale Raja Syareh Meuntroe areh jak tanyong ban

Peue na leumah tuanku droe Ka lheueh keudroe neujak pandang Ka jiseuot raja pindoe Sabet meuntroe ban takheun nyan

Jinoe meuntroe pakri laku Takheun laju pakri reumbang Ateku nyoe sangat karu Leubeh tunu laju datang

Nyankeu lon kheun hai pangulee Laen lagee bak lakuan Peureudan Ali cit ka tathee Cit ka dilee meusyeuhuran

Narit jeuheut han torn jikheun Dumna ureueng gaseh sayang Peng ngon ringget hana jitheun Cit jisurung soe nyang alang

Nyoepi meunan tuanku droe Ka lheueh jibloe gaseh sayang Pura-pura jidong rot noe. Meunan bagoe bak lon pandang

Leumah pike raja pindoe Jikheun meunoe pantah rijang Meunyo meunan wahe meuntroe Bah taujoe keu deh u blang

Tayue meuprang kaman dilee Taeu lagee pakri macam Keudeh taeu mangat teuntee Dumna sukee cit mangat trang

Meunyo rakyat kureueng ate Jeuet tapike laen macam Meukon meunan han meusampe Taeu ate dumna urang

Lagi musohpi ka keunoe Malee kamoe han meulawan Padum-padum ayeb bunyoe Jitueng nanggroe meunan-meunan

Untong kadang saleh pakri Peureudan Ali jituntut prang Nyankeu lon kheun bahle taci Taeu uji dumna urang

Meuntroe Cut Ben seuot pantah Allah Allah ampon laman Buet nyang meunan leubeh sosah Leubeh payah akhe datang

Nyang meunan buet ureueng beubai Hana akai bube gupang Cit ka taeu racon tuba Peue taseuba kon makanan

Boh prang dilee tuanku beh Hana sunggoh dum lon pandang Apalagi nyoe ho ka troh Jiteumeung boh mata peudang

Dalam jitem pateh gata Teuntee saja ban takheun nyan Kadang keu noe jipeugisa Meuhad gata nyawong simpan

Nyang got bak lon tuanku droe Pateh kamoe hai sulotan Barang hajat beuek sampoe Meubek rugoe meusigupang

Deelat ampon gadoh malee Saboh lagee bak lon tuan Rot deh rot noe hana soe thee Dumna sukee angkatan prang

Prang han jadeh manggroe seulamat Bandum rakyat hana hiram Akan teutapi ampon deelat Bacut pangkat jeuet keu kurang

BeUthat kureueng masa jinoe Akhe dudoe teuma manyang Raja Syareh tanyong meunoe Pakri bagoe pakatteu nyan

Deungo lon kheun teungku ampon Mula nyang phon hai junjongan Peureudan Ali yue tueng keu noe Bansinaroe ngng angkatan

Keu alamat raja meugaseh Tayue boh meuceh alam hitam ' Oh troh keu noe Peureudan Ali Tatueng janji jeuet lon padan

Lon meulakee putroe Hindi Bah tauji meunan macam Tayue mita Hindi Licen Soe nyang peutren pane urang

Sabab gob nyan akai canden Teuntee geutem ureueng ajam Kadang-kadang tuanku droe Laen nanggroe troh geutuban

Meunyo geuteumeung si nyak putroe Dum geutanyoe taklok keu nan Meunan tuanku tameujanji Hana meuri keutiwasan

Dumna ureueng tan keutahwi Hana dali talo meunang Meunyo meuteumeung cut boh ate Gata han le rusak dalam

Han meuteumeungpi meusampe Sabab han le nanggroe jeuet prang Teungku ampon gadoh malee Dumna sukee han soe tuban

Meukon meunan hai pangulee Hana lagee laen macam Bek le tuanku panyang pike Uroe akhe laju malam

Jiseuot le pantah sigra 'Ajab raya naritteu nyan Meunyo meunan wahe meuntroe Ulonteu nyoe han troh tuban

Hukom gata dum sinaroe Rela kamoe sikalian Yoh masa nyan Meutroe Cut Ben Ureueng laen jihei rijang

Troh le keu nan Imum Maken Gata dalem teubiet u blang Peureudan Ah jak tueng keu noe Tapeuwoe laju u dalam

Sajan rakyat dum sinaroe Beudoh jinoe pantah rijang Meuntroe peugah awai akhe Jibeudoh le Imum Makam

Raja Syareh mangat ate Sikrak han le teubiet kalam Yoh nyan beudoh Imum Maken Rakan laen seutot sajan

Jilhat sikin ulee gadeng Sang meutunggeng kupiah syam Ubak rakyat jipeurintah Alam mirah jiyue buang

'Oh lheueh sinan dum jipeugah Teubiet pantah laju u blang U binehglejipeuteupat Deungon siat troh le datang

72 /

Ka.teuingat bungong pade Sang meusampe tulong Tuhan Imum Makenpi troh sampoe Beuet jaroe ampon laman

Nyang troh langkah ulon keu noe Suroh bunoe syahi alam Raja Syareh suroh titah Neuyue peugah bak junjongan

Teungku ampon sajan syeekah Neuyeu langkah kuta dalam Yoh masa nyan Peureudan Ali Hukom neubri keudoh rakan

Ka jibeudoh dum sipai Neuyue antri maseng kawan Tinggai sinan ladom rakyat Keumiet teumpat kuta landang

Yoh nyan beudoh pirak lipat Neubeurangkat peh ngon geundrang Yup seurumpet peh keudangdi Han soe tukri dum bunyian

Sira geujak peh rapai Suleng bansi han soe tuban Lasyeuka jak got meurungkho Hana tuto seungap kalam

Nyang na meusu cit meutambo Laenpi le dum bunyian Neujak laju po samlakoe Got meurundoe di dalam bidang

Deng meubanja dum sipai Apalagi uleebalang Meuntroe suroh peumulia Qu Banta Ali Peureudan

Bantapi troh keu nan sigra Tamong lanja kuta dalam Troh u dalam Peureudan Ali Teumpat geubri nyang keueumasan

Cit ka ase dum keurusi Meuntroe ahli peurintah nyan Raja raja duek meusapat Nibak teumpat bale keumang

Duek di baroh dumna rakyat Ban nyang adat meujeuhsan 'Oh lheueh piyoh bandum sare Geubeuet le ngom minoman

Sajan geubet ranup bate Geumakeuen le sikalian Meuntroe Cut Ben sangat utob Lagi haloh lorn ngon ajam

Teungoh-teungoh ranup geupajoh Meuntroe utoh buka kalam Raja Syareh duek bak sagoe Seungap keudroe tahe mandang

Meuntroe Cut Ben beuet jaroe Bak samlakoe Ali Peureudan Ampon tuanku meuribee deelat Sujud khedeumat keu bawah kidam

Sipeurti ban nanggroe raya Bak kamoe hana le lintang Raja Syreh han le bantah Ban peurintah syahi lama

Meuah ampon barang salah Nyang ka leupah di beulakang Bitpi goh lorn nanggroe talo Tuanku e ka lheueh karam

Bitpi mantong poteu raja Nyang rasa nyawong ka simpan Jinoe hukom po meukuta Taniet hamba ka tiwasan

Nyawong tuboh darah gapah Cit milek sah meukuta alam Meunyo meunan nyan tapeugah Ucap kahmah jinoe rijang

Bek le seumbah nyan beurala Seumbah Esa sidroe Tuhan Lheueh tariwang bak agama Lon peucaya naritteu nyan

Lorn jiseuot teungku meuntroe Tanggoh kamoe bak sulotan Buet nyang meunan uroe dudoe Sabab jinoe lam sosahan

Sabab raja rusak ate Aneuk han le sudah hilang Lawet gadoh bungong pade Raja sabe akai waham

Putroe gadoh sudah lama Usaha siat sikarang Kareuna tuanku panyang mata Leumah nyata 'oh neupandang"

'Oh troh keu noe Putroe Hindi Teugoh janji ngon sulotan Patong beurala dum lon ungki Seumbah Rabbi sidroe Tuhan

Nyankeu baro nyang meusampe Meuka hade cut meusubang Bandum kamoe galak ate Han ubah le baranggajan

Abeh janji meuntroe peugah Banta indah neukheun nyoeban Meunyo meunan nyan tapeugah Jinoe lon ubah dum atoran

Cuba tanyong Raja Syareh Geutem pateh ulon tuan Seuot meuntroe that geupateh Han soe langgeh baranggajan

Yoh masa nyan panyot culot Neuyue peugot saboh rangkang Neuhei tokang neuyue peugot Deungon siat lheueh le rijang

Yoh nyan banta ka neupeurab Neutet leugat ngon keumunyan Sajan gahru neutet sapat Neupot asap u yup rangkang

Nyankeu sabab meunan bagoe Po samlakoe akai ajam Putroe gadoh banta lihat Neukalon pat ka jibuang

'Oh lheueh banta kalon surat Pirak lipat marit nyoeban Putroe gadoh bek tagundah Insya Allah mudah-mudahan

Deungon tulong Poteu Allah Putroe indah lon peuriwang Akan teutapi poteu raja Bek meudawa jinoe rijang

Meunyo napsu keu aneukda Ucap sigra syahdat rijang Meunyo hana si nyak putroe U nanggroe han le lon riwang

Meunyo ubah ban lon kheun nyoe Kon kamoe Ali Peureudan Ban jideungo Raja Syareh Ate puleh rindu dendam

Peue nyang geuyue ka jipateh Agamajih ka jibuang Geupeurunoe ucap syahdat Seubot leugat nama Tuhan

Yoh masa nyan raja deelat Kakeu teutap dalam Islam Lorn neusuroh banta indah Neuyue ubah dum atoran

Teutap sinan po samlakoe Dums sinaroe ngon angkatan Ngon makananpi ka ase Rakyat sare peurjamuan

'Oh lheueh makeuen pheuet meuuke Neumarit le ngon sulotan Ho ka gata Raja Syareh Beudoh keu deh jak tidoran

Gata jinoe sideh taeh Bak teumpat jeh rumoh rangkang Tameudike sinan keudroe Malam uroe pujoe Tuhan

Sunggoh ate malam uroe Mangat jiwoe putroe in tan Meunyo napsu Hindi Licen Bek tatren-tren rumoh rangkang

Meunan neukheun bintang canden Dan peue laen neupeugah ban le seumbahyang neuyue jak tueng Tren le u krueng rijang-rijang

'Oh Iheueh manoe teungoh di krueng Raja timpeueng le u rangkang Bak malam nyan hana jieh Raja Syareh ate bimbang

Jiduek jidong jimeurateb Ate galeb teungeutjih tan Rumoh jambo ceu'at-ceu'iet Sang meuhapit rumoh rangkang

Singoh beungoh pagi hari Peureudan Ali marit nyoeban Di hadapan banta kheun kri Putroe Hindi dalam hutan

Banta peugah that meuteuntee Di yup kayee bineh kulam Sinan jitiek le jen asee Bungong keumee hana pangsan

Abeh narit po samlakoe Beudoh meuntroe jak peugah ban Ho ka gata asoe nanggroe Jak cok putroe cut meusubang

Ka lheueh neueu dalam surat Putroe meuhad bineh kulam Ka jibeudoh dumna rakyat Jijak leugat tamong hutan

Nyang ka leupah dilee puroe Sampoe jinoe goh jiriwang Lorn ka jiyue uleh meuntroe Jipeugah toe lam rimba nyan

Bandum rakyat ate sunggoh Ka jijak bloh lam beurawang Nyoe lon peugah puteh leusoh Po banta beh sangat ajam

Abeh wasiet ubak meuntroe Banta neuwoe kuta landang 'Oh troh keu deh batee ujoe Kheun hareutoe bak pahlawan

Padum uroe jijak lam gle Hingga troh le teumpat makam 'Oh troh keu nan Meuntroe Sakdi Jipeugah kri bak Ariyan

Suroh banta Peureudan Ali Cut Hindi neuyue. peuriwang Ariyan kheun han peue salah Cit keuneubah syahi alam

Yoh masa nyan putroe indah Jiseumbah gaki Ariyan Taidin lon jarak siat Kru seumangat adek badan

Han peue salah pirak lipat Beuseulamat nibak jalan 'Oh lheueh putroe meuah deesya Jicok jiba pantah rijang

Padum lawet peukoh rimba Troh bak banta kuta landang Ban sare troh si nyak putroe Po samlakoe kheun lakuan

Lahe baten neuhareutoe Neupeurunoe putroe intan Abeh wasiet deungon janji Cut Ali ngon putroe seudang

Yoh masa nyan Putroe Hindi Yue keumbali keu deh rijang Jiwoe laju bungong uroe U meuligoe troh le datang

Putroepi troh jiek laju Tajo meupru jicom badan Cut Safiah sret ie mata Laju jiwa boh ate nang

Allah hai aneuk sijuek mata Kusangka han le meuriwang Teutap sinan jimeumoe-moe Lam meuligoe aneuk ngon nang

Nyoe lon peugah raja nanggroe Jingo kawoe putroe intan Bak watee nyan Raja Syareh Jigrop sideh rumoh rangkang

Jiplueng laju u rumoh jeh Ate puleh ma'yoh deundam 'Oh lheueh jicom bijeh mata Jipareksa meunoe macam

Peugah aneuk ngon sibeuna Soekeu nyang ba putroe intan Beuthat aneuk baranggasoe Kupeusampoe umu simpan

Putroe Hindi seuot meunoe Deungo lon nyoe hai du badan Mula nyang phon asailiah Masa leupah ayah bak prang

Di lon kueh dalam juree Nakeu watee teungoh malam Dalam teungeut hana lon thee Troh jen ase hantu hutan

Troh lam rimba lon jikeubah Jenpi leupah jibeurjalan Teuma lon jak du meutuah Reubah limpah dalam hutan

Padumna trep meunan sabe Di dalam gle uteuen jeulatang Lawet lawan dudoe akhe Meuteumeung le sidroe insan

Ban meuteumeung lon tanyong soe Geupeugah droe Ali Peureudan Geucok ulon mat bak jaroe Geupeuwoe bak kuta padang

'Oh troh keu nan lon geupeuwoe Laju keu noe geuyue riwang Hingga ka troh keu noe sudah Ngon afuah muda seudang

Nyankeu ureueng nyang meutuah Geutem meupayah gaseh sayang Teuma jinoe wahe ayah Ngo lon peugah sikrak kalam

Nyang got bak lon du meutuah Banta indah neupeusayang Ulonteu nyoe adat neutem Neupeukawen deungon gop nyan

Meukon ngon nyan neupeukawen Cit han lon tern laen urang Sabab gop nyan akai that jroh Tan meusaboh na teuladan

Nyankeu narit lon nyang tanggoe Pike jinoe hai du badan Meunan narit bungong kundo Raja tahe hireuen mandang

Dalam ate that teusawo Neungo tuto putroe seudang Poteu raja hireuen laloe Ngon aneuk droe cut meusubang

Sinan teutap lam meuligoe Laen jinoe lon peuriwang Teuduek siat raja kaphe Bungong pade lon peugah ban

Jinoe lon kheun pheuet meuuke Bak ulee gle kuta landang Leupah putroe u istana Seutot banta di beulakang

Tamong laju dalam kuta Duek bak geuta nyang keueumasan Meuntroe Cut Ben han peue peugah Jipeurintah got han macam

Raja Syarehpi tren pantah Jak peuindah banta intan Yoh masa nyan pirak lipat Tanyong leugat meunoe macam

Wahe meuntroe takheun leugat Po cut ubat ka meuriwang Gata ngon lon ka lheueh janji Seumbah Rabbi Allah Tuhan

Han torn ubah ka u hkot Han torn karot di beulakang Cit ka lon kheun bak meukuta 'Oh meugisa putroe intan

Kamoe seumbah Tuhan Esa Patong beurala dum lon buang Meunan narit teungku meuntroe Po samlakoe seungap kalam

Nyoe lon peugah raja nanggroe Jiduek keudroe tahe mandang Sosah ate hana sakri Han jitukri balek batang

Sabab tuto Putroe Hindi Cut Ali lakee tunangan Hajat raja bek jadeh le Sang han ase pakrikeu ban

Han ek putoh raja pike Jimeuhei le meuntroe ajam Jipeurab le teungku meuntroe Raja nanggroe tanyong rijang

Pakri laku si nyak putroe Lakee lakoe Ali Peureudan Meukon ngon nyan lon peukawen Cit han jitem laen urang

Ka jiseuot Meuntroe Cut Ben Hindi Licen that budiman Teungku ampon cit meupatot Tapeuturot ban jikheun nyan

84-

Patot ngon nyan tapeukawen Meunyang laen han sipadan Meunyo ngon nyan roh sikufu Po cut meulu sabe ajam

Meudeh meunoe jiboh ato Laenpi le peutakian Lon boh sinoe bacut saja Asai punca meubek hilang

Meunyo panyang lon peuhaba Le cahtra malah tuan Jingo tuto teungku meuntroe Raja pindoe tahe mandang

Teuma seuot raja nanggroe Jikheun meunoe horn hai kaman Meunyo meunan hukom gata Buet keurija dum sibarang

Meuntroe beudoh hei peutua Dum beurala jiyue buang Deungon siat abeh sare Dum ka reule patong Tuhan

Sajan rakyat dum jipangge Jisuroh le meupeurasan Mangat laloe ate raja Meunan kira meuntroe ajam

Yoh nyan meuntroe peurab lanja Bak banta Ah Peureudan 'Oh troh keu nan peugah haba Meukuta ampon jeunulang

Ka neupeuwoe di dalam gle Beumeusampe neupeusayang Patot jinoe tapeuhamba Cit areuta syahi alam

Meunan neukheun poteu raja Bijeh mata neuyue pulang Teuma seuot banta indah Han peue salah bak lon tuan

Akan teutapi nyoe lon peugah Bek le ubah etikeuet nyan Meunan neukheun po samlakoe Di meuntroe jibeudoh rijang

Jijak peugah dum sinaroe Tujoh uroe meupeurasan Teuma beudoh dum peutua Jicokmugapeh le geundrang

Nyang ladom yup sangkaikala Suara banyak han macam Buet peurasan hana lon kheun Le that ureueng keubeuncian

Bitpi meunan hana kureueng Leu'am-leu'um tet meuriam Nyang kasyuk dhap ngon rapai Suleng bansi dum bunyian

Nyang that paleh ureueng bangki Kanan kiri jan jiriwang Keu noe siat keu deh siat Miseue kilat ujeuen datang

Dalam kuta kacah-kacoh Sare riyoh dum bunyian Sie ngon keubeue dum meureutoh v Rakyat sunggoh taguen reundang

Meunan sabe malam uroe Le that bagoe dum peurasan Jinoe keu deh ulon peuwoe Di meuligoe cut meusubang

Nyoe lon peugah po cut meugleueng Teuka ureueng jak cet andam Buet teumeutuek hana lon kheun Cit ka maklum tuan-tuan '

'Oh lheueh putroe peuek jahet le kulet jibeudoh ngilang Ka geupeungui ngon peurmata Dum mutiara pudoe intan

'Oh lheueh meungui putroe muda Salah sangka ureueng pandang Sang-sang aneuk bangsa pari Han tatukri meujeureulang

Gaca hitam jaroe gaki Lorn bak bibi jarahitam Ka geupeuduek ateueh rakna Kipah Cina bak dendayang

Jipot-pot le aneuk dara Jiduek lingka putroe seudang Sinan teutap lam meuligoe Si nyak putroe nyang analan

Peuek laju u meuligoe Ngon rakan droe uleebalang Dan sigala wadi meuntroe Dum sinaroe ireng sajan

Buet meuampeueng tan lon peugah Ulon malah bak keumarang Troh u rumoh banta indah Geupeunikah rijang-rijang

Teungku malem neuboh seupah Kheun bismillah phon mulaan 'Oh sare lheueh neufatihah Neupeunikah putroe intan

'Oh lheueh ijab kabui nikah Bet le pantah laju idang Teuma geucok linto baro Bek bak pinto wahe rakan

Srah ngon gaki bungong kundo Banta lalo duek bak tilam Putroe Hindi ulee teutop Teungoh jipot le dendayang

Teuma beudoh cutda Lambot Pinah limbot putroe intan Deungon banta jak peuteumeung Cut meugleueng jak seumbah abang

Ka geupeuduek le lam leumueng Cit tan kureueng saban-saban Rot noe meubee rot deh meubee Nyang le ratee cit dendayang

Laju beudoh cutda Baren Putroe linteng geucok rijang Lorn bak sagoe keu deh geubot Dendayang pot reuoh hilang

Teuma meusu cutda Lambot Peue han kabet laju idang Bahle lon kheun haba nyang rab Geubet leugat idang keu nan

Sare ase cukop leungkap Pirak lipat basah tangan Buet seumuleueng han lon peugah Maklum sudah tuan-tuan

Bahle jinoe lon kheun pantah Watee sudah jula malam 'Oh lheueh makeuen dum sinaroe Cutda Baloe pinah idang

Sira geukheun peue kaiem droe Sampoh jaroe kacok rijang Cutda Barenpi geumeusu Han torn kueu that bantahan

Ka geubeudoh cutda Meulu Geucok laju bandum idang Deungon siat ka seuleusoe Bansinaroe abeh simpan

Teuma lheueh nyan ureueng nanggroe Jilakee droe jiwoe rijang Tinggai sinan Putroe Hindi Ngon suami Cut Peureudan

Ateueh kaso ka jigureng Bintang canden dua sajan Rot deh rot noe hana haba Bandua teungeut that pangsan

Singoh beungoh teubiet faja Teubleut mata beudoh rijang Ureueng dua laju beudoh Buleuen peunoh duek bak tilam

Dum dendayang sangat meh-moh Ban beungoh jak pasoe idang Sajan jibet keu nan laju Po cut meulu makeuen sajan

Si nyak putroe sangat rindu Sajan teungku Ali Peureudan Meunan sabe geunap uroe Bandua droe rindu dendam

Yoh masa nyan po samlakoe Dum rakan droe neuyue pulang Po Cut Ali bri peurintah Neupeugah bak Meuntroe Adan

Ban jideungo banta titah Dumna syeekah jiwoe rijang Abeh wasiet ngon amanat Jiwoe leugat ubak makam

Limong reutoh tinggai rakyat Pirak lipat sinan sajan Sabab banta tinggai rakyat Kureueng harap Cut Peureudan

Banta ingat keu buet dilee Raja malee yoh talo prang Baranggadum jitop ulee Nyang malee payah that hilang

Meunyo malee nibak ate Teuntee sabe jitroh deundam Apalagi ureueng kaphe Walee bahle ka lheueh Islam

Beuthat banta ka meukawen Nyang baten han troh neutuban Neutakot rOh lagee laen Bintang canden hana troh fam

Tinggai rakan nyankeu sabab Pirak lipat ka ingatan Hingga lon kheun haba nyang rab Sinan teutap muda seudang

Yoh nyake'u phon po samlakoe Dalam nanggroe bri atoran Neupeurintah jeuep-jeuep sagoe Neupeurunoe dumna urang

Peue nyang wajeb lam donya nyoe Miseue bagoe yue seumbahyang Rukon suci rukon manoe Hingga sampoe beuet Quruan

Neupeurunoe jeuep peukara Neubicara ngon amilan Ureueng nanggroe galak raya Le that teuka uroe malam

Dan sigala rukon laen Peue nyang ladem keuwajiban Po Cut Ah sangat canden Sira khem-khem neumeukalam

Apalagi Meuntor Cut Ben Peulop areng jeuep-jeuep urang Nyankeu sabab rijang ase Galak ate sikahan

Dumna ureueng gaseh teuka Keu Cut banta Ali Peureudan Neupeurunoe dum hareutoe Asoe nanggroe dum sibarang

Meunan sabe geunap uroe Ureueng nanggroe ate bimbang Jinoe lon kheun haba nyang rab Pirak lipat lon peugah ban

Limong buleuen sinan teutap Ka teuingat heundak pulang Bak masa nyan po samlakoe Di meuligoe rindu deundam

Hana torn tren meusiuroe Sajan putroe nyang analan Hingga troh uroe sikureueng Bungong seupeueng meunyum bimbang

Bak siuroe intan buleuen Banta neukheun judo badan Ulon po cut woe u nanggroe Tinggai sinoe gata intan

Yoh nyan jitren Putroe Hindi Kheun bak abi hai du badan Po cut banta neukheun neuwoe Pakri jinoe buet nyang reumbang

Seuot raja neukheun meunoe Seutot lakoe putroe intan Ho nyang geujak bek tabri ere Bungong pade cit beusajan

Ulonteu nyoe taniet tan le Umu akhe rab ka simpan Putroe Hindi sret ie mata Jiek lanja keu deh rijang

'Oh troh keu deh seumbah banta Putroe muda marit nyoeban Meunyo tuanku neuwoe keumbali Putroe Hindi bek meulang-lang

Meutinggai lon ampon doli Cit han lon bri teubiet u blang Gata po cut piyoh dilee Goh lorn teuntee keunong jalan

Lorn eu laku sideh dilee Pakri lagee Cut Ariyan Ate lam pruet soe tube thee Han ek teuntee puteh hitam

Meunan neukheun Peureudan Ali Putroe Hindi seungap kalam Putroe beudoh com bak gaki Po Cut Ali neutren rijang

Sajan rakan dumna rakyat Teubiet leugat laju curam Putroe Hindi duek bak tingkap Pirak lipat jingieng u blang

Si nyak putroe ate tunu Jingieng teungku neupoh linggang Allah Allah hai tunaku Han jan lon eu gadoh hilang

Yoh nyan putroe jimoe bae Dara baro bukon sayang Keupeueku lorn bantai kaso Tuanku e ka neuriwang

Teutap putroe tahe gante Sinan jipho ate bimbang Nyoe lon peugah hnto baro Banta lalo rot lam hutan

Neujak laju bungong pade Rot dalam gle rimba Tuhan Padum lawet neujak sabe Hingga troh le woe bak makam

Troh u gampong po samlakoe Jilop uroe teuka malam Banta neuek u meuligoe Beudoh Putroe Cut Ariyan

Si nyak putroe tajo meupru Seumbah teungku Cut Peureudan 'Oh lheueh seumbah jibri ngon bu Makeuen laju sajan-sajan

Teungku ampon ka troh neuwoe Si nyak putroe pakri jeuet tan Hindi Licen patkeu jinoe Hana lagoe lon eu sajan

Teuma seuot bintang canden Ka lheueh kawen ngon lon tuan Goh lorn trok had keu noe jitren Hindi Licen sideh diam

Meunan narit po samlakoe Seungap putroe han le kalam Hingga teuma haba nyang toe Banta laloe ngon Ariyan

Lam meuligoe han torn jarak Meusitapak han torn reunggang Rot deh rot noe ate galak Sang bek jarak siat lapang

Meunan sabe geunap uroe Bandua droe rindu deundam Sinan teutap lam meuligoe Bahle jinoe balek macam

Miseue ureueng tet bu karah Balek pantah bek meupaloe Amma bakdu ngo lon peugah Putroe indah sajan lakoe

Gaseh leubeh that meuganda Maken lama ho siuroe Lawet lawan saboh masa Watee nyan ka hame putroe

Rindu ate putroe muda Teubiet u lua kuta nanggroe Lakee idin bak ayahda Sireuta deungon bak lakoe

'Oh lheueh idin ureueng dua Putroe muda teubiet jinoe Ngon dendayang dum sireuta Meuseusuka galak han soe

Meukhem meukhak taloe jalan Ariyan rindu han bagoe Hingga sampoe troh u peukan Dumna urang teukap jaroe

Peue buet keu noe aneuk raja Han torn nyang ka dilee puroe Jeuep-jeuep simpang meuseusuka Sangat raya tuan putroe

Jimeuseunda ngon dendayang Di leuen peukan han torn meunoe 'Oh lheueh meu'eu keu noe keu deh Putroe areh teuma jiwoe

Sira jiwoe lorn ka riyoh Allah hai beh han thee keudroe Jimeuseunda kacah-kacoh Sampoe 'oh troh u meuhgoe

Troh u rumoh putroe muda Pruetpi lapa deuek han bagoe Pajoh le bu pantah sigra Leubeh lanja nibak baroe

Tho ngon reukueng phet ngon babah Mata mirah geulunyueng tuloe Yoh nyan teubiet napsu amarah Putroe indah kheun bak lakoe

Wahe judo ampon jeunulang Ulon nyoe sang ajai sampoe Adat neutem neupeusayang Kadang-kadang puleh lon nyoe

Neubri keu lon rusa saboh Nyang teumeuloh lumpok asoe Meunyo na nyan tuanku jroh Nyawong gadoh sang meugantoe

Meuhan ek na po meukuta Apon asa that ulon nyoe That tuanku di lon hawa Han torn nyang ka nyang bu meunoe

Sang-sang rasa han lorn mate Meugoh hade rusa keunoe Meunan jikheun bungong pade Sajan ile ie mata droe

Sret ie mata sangat jojah Putroe peugah sira jimoe Banta seuot insya Allah Bek tagundah po sambinoe

Lorn meulakee ubak Tuhan Beutroh rijang hajat sampoe Yoh masa nyan Ali Peureudan Neuhei pawang dum lam nanggroe

Troh le pawang keu nan teuka Po cut banta kheun hareutoe Gaseh sayang dumna gata Jak peucara keu lon jinoe

Tajak mita rusa saboh Nyang teumeuloh hajat putroe Dumna pawang yoh nyan beudoh Jiuroh rakan sinaroe

Jiba ngon asee sajan ngon jareng Ladom leumbeng mat bak jaroe Ladom taren awe lilen Sajan areng ngon rampagoe

Geujak laju dalam rimba Mita rusa keu deh keu noe Jeuep-jeuep uteuen tamah muda Saboh hana rusa pindoe

Bek antara nyang teumeuloh Nyang saket boh hana lagoe Sabe keudroe jimeuteuoh Pakri nyang jroh dum geutanyoe

Sikhan buleuen ka dalam gle Meute guble lam-lam duroe Geumeupakat dumgeu sare Jibeudoh le pawang jiwoe

Troh u gampong teuku pawang Peugah rijang narit tanggoe Teungku ampon kheundak Tuhan Meusaboh tan rusa pindoe

Bek antara lon eu rusa Meuek rusa tan meubunyoe Banta deungo hana rusa Sret ie mata po samlakoe

Troh u rumoh Cut Peureudan Bak Ariyan neukheun meunoe Hai putroe cut judo badan Bahle kaman lon jak keudroe

Bahle lon jak jeuep-jeuep rimba Nyang gata hajat beusampoe Meugoh lorn troh hajat pinta Han lon gisa hai sambinoe

Yoh masa nyan Cut Ariyan Sayang intan lorn ka jimoe Sabab neukheun han neuriwang Banta seudang neuboh nanggroe

Teutap sinan bungong kundo Linto baro lon hareutoe Abeh narit deungon judo Dara baro teutap jimoe

Tinggai sinan putroe intan Ah Peureudan peukeumah droe Yoh nyan neutren Cut Peureudan Keu Tuhan neuharap sidroe

'Oh troh neutren gaki rinyeun Jaroe neuleueng po samlakoe 'Oh lheueh banta neumeuinseuen Bungong seupeueng tinggai nanggroe

Meusidroe tan neuba rakan Bukon sayang neujak sidroe Neuharap cit sidroe Tuhan Nyang laen tan dum sinaroe

Pihak inseueh gaseh teuka Cut meutia pruet meuasoe Neujak laju pekoh rimba Tan neukira malam uroe

Leupah banta neubeurangkat Peutroh hajat tuan putroe Teuduek 'oh nan dilee siat Nyoe lon sambat laen jinoe

Amma bakdu laenpi le Putroe Juho lon hareutoe Jideungo gah gop meututo Dara baro pruet meuasoe

Cut Ariyan pruet ka raya Ngon banta ka neuboh nanggroe Yoh masa nyan po jroh rupa Meubicara deungon lakoe

Teungku ampon pakri padan Ariyan ka laen bagoe Lompi banta Cut Peureudan Leupah jalan jiboh nanggroe

Nyang got bak lon teungku ampon Bahle ulon keu deh jinoe Sabab banta tan di gampong Meunyo na lon lale putroe

Meuntroe Adan seuot leugat Ban nyang pakat hai sambinoe Lagee di gop reusam adat Peubuet leugat di geutanyoe.

Troh le keu nan bandum sare Adee pade leukat jatoe Hana meujan putroe peugah Siat keumah dum sinaroe

Ka jitet le ngon bu karah Juadah sajan ngon tumpoe Ureueng binoe sangat pantah Bandum cidah that buet jaroe

Dum makanan indah-indah Han ek peugah le that bagoe Dum peurumoh ureueng patot Beungoh seupot sinan laloe

Han tatukri kalang-kalot That klam-kabot di meuligoe Siat ase dum makanan Hana meujan padum uroe

Sare ase sileungkapan Pasoe idang dum seuleusoe Ka geutop ngon ija hijo Dum meuato di seuramoe

Yoh nyan marit Putroe Juho Beudoh da e bandum jak woe Peukeumah droe bandum gata Beusigra tariwang keu noe

Teuma beudoh bandum gisa Jak cok ija peukeumah droe Bak watee nyan Meuntroe Adan Kheun bak bujang jak lam nanggroe

'Oh troh keu nan bri horeumat Ampon deelat ka troh kamoe Turon sabda Meuntroe Adan Keudeh tuan bek di sinoe

Beudoh geusyik imum sajan Jak tanyong ban ubak putroe 'Oh troh ubak Putroe Juho Tanyong ato peue buet jinoe

Teuma seuot bungong kundo Hai dalem e deungo lon nyoe Nyang lon seutot dumna gata lon kubungka bak siseun nyoe

Hajat ulon beusireuta Dum sigala asoe nanggroe Lon jak kaweueh Cut Ariyan Intat idang siat jinoe

Tapeuase ngon peurakan Peurasan beule that bagoe Seuot peutua insya Allah Han peue salah tuan putroe

Jibeudoh le jiwoe pantah Jak peukeumah dum sinaroe Watee meunan peue tapeugah Galak leupah ureueng nanggroe

Deungon siat ase sudah Jipeuseumbah ubak meuntroe Jinoe lon kheun haba nyang rab Mangat rigap rijang sampoe

Uroe tarek sangat tutong Geupeutudong si nyak putroe Padum lawet geubeurangkat Sampoe hajat ujong nanggroe

'Oh troh keu nan piyoh siat Musyawarat sabe keudroe Yue plueng sidroe keu deh dilee Geuyue bri thee u meuligoe

Leupah ureueng geujak bri thee Bungong keumee beudoh jinoe Nyang jak di nap Macut Haji Cit geuturi dalam nanggroe

Sireuta ngon Si Nyak Sidi Han jitukri bak tiek jaroe Dilikot.nyan Si Nyak Sahan Dua sajan Si Nyak Baloe

Han tatukri jipoh linggang Jan jigawang keu deh keu noe Di likot nyan Si Nyak Baren Nyanpi dalem cidah han soe

Baho keumang keuieng linteng Seulangoi geng sang geuujoe Nyankeu ureueng keu peutua Aneuk dara apet putroe

Dalam nanggroe Pusong Rawa Laen hana meunan bagoe Watee jijak aneuk miet nyan Taloe jalan yoh di nanggroe

Yoh nyan waki tanrong rijang Jak peugah ban suroh meuntroe Ban jideungo suroh deelat Jitren leugat dum sinaroe