mm 360 Milik Departemen P dan K Tidak diperdagangkan Untuk.umum.

Hikayat

Peureudan Ali

Teungku Pakeh

Departemen Pendidikan dan Kebudayaan

HIKAYAT PEUREUDAN ALI 1

Hikayat

PEUREUDAN AL

Milik Dep. P dan K j PPS/Ac/1/83 Tidak diperdagangkan I

Hikayat PEUREUDAN ALI

Dikarang oleh TEUNGKU PAKE H Dialihaksarakan oleh RAMLI HARU N

Departemen Pendidikan dan Kebudayaan PROYEKPENERBITAN BUKU SASTRA INDONESIA DAN DA ERA H Jakarta 1984

Diterbitkan oieh Proyek Penerbitan Buku Sastra Indonesia dan Daerah

Hak pengarang dilindungi undang-undang

KATA PENGANTAR

Bahagialah kita, bangsa Indonesia, bahwa hampir di setiap daerah di seluruh tanah air hingga kini masih tersimpan karya-karya sastra lama, yang pada hakikatnya adalah cagar budaya nasional kita. Kesemuanya itu merupakan tuangan pengalaman jiwa bangsa yang dapat dijadikan sumber penelitian bagi pembinaan dan pengembangan kebudayaan dan ilmu di segala bidang. Karya sastra lama akan dapat memberikan khazanah ilmu penge- tahuan yang beraneka macam ragamnya. Penggalian karya sastra lama yang tersebar di daerah-daerah ini, akan menghasilkan ciri-ciri khas kebudayaan daerah, yang meliputi pula pandangan hidup serta landasan falsafah yang mulia dan tinggi nilainya. Modal semacam itu, yang tersimpan dalam karya-karya sastra daerah, akhirnya akan dapat juga menunjang kekayaan sastra Indonesia pada umumnya. Pemeliharaan, pembinaan, dan penggalian sastra daerah jelas akan besar sekali bantuannya dalam usaha kita untuk membina kebudayaan nasional pada umumnya, dan pengarahan pendidikan pada khususnya. Saling pengertian antardaerah, yang sangat besar artinya bagi pemeliharaan kerukunan hidup antarsuku dan agama, akan dapat ter- cipta pula, bila sastra-sastra daerah yang termuat dalam karya-karya sastra lama itu, diterjemahkan atau diüngkapkan dalam bahasa Indonesia. Dalam taraf pembangunan bangsa dewasa ini manusia-manusia Indonesia sungguh memerlukan sekali warisan rohaniah yang terkan- dung dalam sastra-sastra daerah itu. Kita yakin bahwa segala sesuatunya yang dapat tergali dari dalamnya tidak hanya akan berguna bagi daerah yang bersangkutan saja, melainkan juga akan dapat bermanfaat bagi seluruh bangsa Indonesia, bahkan lebih dari itu, ia akan dapat menjelma menjadi sumbangan yang khas sifatnya bagi pengembangan sastra dunia. Sejalan dan seirama dengan pertimbangan tersebut di atas, kami sa- jikan pada kesempatan ini suatu karya sastra daerah Aceh, dengan harapan semoga dapat menjadi pengisi dan pelengkap dalam usaha men- ciptakan minat baca dan apresiasi masyarakat kita -terhadap karya sastra, yang masih dirasa sangat terbatas.

Jakarta, 1984

Proyek Penerbitan Buku Sastra Indonesia dan Daerah

BATVAJK39 ATAZ kb Amsb qa5a lb vmad.mvdad.aommbal baae4 .ana dabaiada8 amol aue alavied aqudaval d inis sagn ue des duna Bvnaume92 aia lsoen tyehoe gs Amabe avnelad abea ge Beaitaii geh gaey ered pt semega egpen asqua aeb msvabudel negaadmosn asb dda bed saleneq tdame knabid alsgsa ib mmi -0309q wm 68aacadl ackn9dmem 18qab cela mmsk ma2e 0a.4 amel eeea svial neilcggoey avamkon meam alonend gna aas

ca4 mo maaadsa me m desab dab ib nadl sae7

bal ee cegbnsq see y e abo mt ansy .unl msoemea babobe .evatlfo laab asb afum gmr dalack) ssu laqeb auaa scmnbkle .dmoeb aune2 anel-ecmd meteh aoqm b7mag kc4 850ka6 5a6 p6a2422 g06a0nom

svdeds sbsq melbioneg ca gee asi aynms abay sen

g8d avina ad n 2 9me 202

at isqeb nsia ,stes eab olueene cebid aanuána aisimso er-al malsb l gs dsat sue-sid taluq skck -at saadad msieb nakqelamuib ars aaldamsisib .un emal smeaa si0nem-aia0aam iml sc6vob 8agmed 9anugm6dmsq 1ansl malaI. ak4n0b 4a sv dadot asw dok a d0se aooa 40076082 6692.8084 m6< a2 8 48927 5042-872 60 .26 Memoab tged amyd mals svnan kabe avamelab nab agvoi laaeb. sek

sed lnmed lagub aeds sgui neaaaise ,sisa nendeasead aav

amistaem mqeb nsae al ui hah édei neaded slsobal casnad demuiez epe2 nagmmmamg tad eyie ad gasy nan ye lham 8iaub es kas2 .ams ib modyaof degmndmineq nagnsb kmaoise mub aelaak. aegaab la demsb aass sal uteve id aaeqmoca abna oan com alezu maieb qeganq neb aigneg ibeinem leb egoor aagsian syiel gabso e nlatavan sienqe pab poad ue a

26.69m1 182082 88eab gla≤09 g497 .8m27
4821811841 8u282 m4a8.a68d0925 1v019 de2s80.meq zindobal

PENGANTAR

Naskah Hikayat Peureudan Ali ini kami peroleh dari Kolonel purnawirawan Ishak Pakeh ketika kami berkunjung ke rumahnya di Banda Aceh bulan Agustus 1983. Naskah bahasa Aceh huruf A Arab ini tebalnya 299 halaman. Dengan ukuran 29,5 x 21 cm, tiap halaman terdiri rata-rata 24 baris. Tulisannya masih terang meskipun sudah berusia setengah abad. Tidak jelas siapa sebenarnya pengarang hikayat ini. Di bagian akhir dikatakan bahwa naskah kepunyaan orang Pakeh, penduduk kampung Teupin Jangak. Selain nama kampungnya Teupin Meu- sambong, nama pengarangnya sendiri tidak disebutkan. Selesai dikarang tanggal 26 Mei 1933 di Kutaraja (sekarang Banda Aceh). Namun Ishak Pakeh mengatakan bahwa Hikayat Peureudan Ali dikarang oleh.ayahnya sendiri Teungku Pakeh yang namanya tercantum dalam naskah sebagai pemilik. Teungku Pakeh lama tinggal di Kutaraja sebagai pedagang dan penggemar hikayat. Tidak jauh berbeda dengan hikayat-hikayat lainnya, hikayat ini pun menceritakan tentang kehidupan raja-raja zaman dahulu dengan berbagai kesaktian dan diselang seling dengan peperangan memperebutkan putri. Meskipun pada permulaan hikayat disebut nama Ali Peureudan, selanjutnya sering juga disebut Peureudan Ali. Nampaknya pergantian nama ini disesuaikan dengan sanjak yang terdapat dalam suatu baris. Nama yang terakhir ini kami pilih sebagai judul hikayat. Hikayat ini sudah kami alih aksarakan ke dalam huruf Latin berikut ringkasan ceritanya dalam bahasa Indonesia dan memba- ginya menjadi dua jilid. Bahan kajian kesusastraan daerah akan bertambah dengan diperbanyaknya hikayat ini.

Penyunting

IATKAOMSS

bnoe X bab don ke A sbos9 lvea da

avodema sk souimuaed kmed ae. deae4 audel mawmwamae A lamur A smdd dza4 .891 aukuaA -mud dooA ebaa9 b mo 15 x 2.05 moack asn00 ammaiad 005 avala9d im d614 gmmat dean syameuT aed es ater-cies nibnt nemahi ce bada daaeta smunad dsboe aeqlkeo0g neged k k leva am svaenode ega a ab Mububao dese sno avmrad dan adad malalpa nae al aiqeT avnaaoqmel eman ael2 eaai niquaT ymbnea

ssto2 aexudeib ab ibme s9q sme .odore2

(400A sb8 sm 02 6601 35 ad mab 8A aobum09 Mvaa ce4 maaaom.dake5=2adl aaak

eenenea gee da9 ams1 mbaae evuievs do 2aneab

smci dsded-aarusT .aumoq leyade dazasn maeh amtnao7s .Jevsad 15msg9noq nsh gumssbsq i6gedaa cia1eiu3 ib lca9mi tevalid menais tavatsyaed aegot sboded dus asbf blodeb memas stet ajea aequtadox sostmst maleibsocam muqim aagmmsg2a mnsb ana 3maoeih nsb Ralaass iegeod aagnsb

.1199.6416491909m
wonegt iA. mman ludab 1evakd askamag sbag .mqkbok

bsq ash o a e g

o nee e

iagedae duq imesl lm unaenot apck uev .ehed uan mccb mtal laed euleh el andevals die imal dabua ini tavaadf snmbm kab cbonabml.vaadad mrlsb avaafho amamlgmh lukme1 Bax6 dcosb ar6ubk26004.-aab27 nede8 .ba 80b=hah9m cm92

gA0nmvasS

RINGKASAN CERITA HIKAYAT PEUREUDAN ALI JilidI

Sultan Yahya yang memerintah negeri Jarussalam sangat di- cintai oleh rakyatnya. Sembilan buah kerajaan takluk di bawah kekuasaannya. Baginda mempunyai empat orang permaisuri. Dua di antara mereka anak dua orang menteri dan masing-masing bernama Rakna Keumala dan Geureudan Umami. Yang ketiga yaitu Rakna Diwi adalah anak seorang guru. Sedangkan Lelan Syikri, yang tercantik di antara mereka adalah anak seorang kadi. Setiap permaisuri mempunyai sebuah istana yang letaknya ber- jauhan satu sama lain. Dari Geureudan Umami baginda mendapat seorang putra bernama Ahmad Kasari. Dari permaisuri Lelan Syikri dua orang, satu putri bernama Juhur Seutia dan seorang putra bernama Peureudan Ali. Sedangkan dari kedua permaisuri yang lain baginda tidak mendapat keturunan. Rakna Keumala merasa iri hati terhadap Lelan Syikri karena baginda lebih sering berada di istananya. Pada suatu hari Sultan Yahya memutuskan untuk mengang- kat putranya Ahmad Kasari menggantikan baginda. Dengan disaksi- kan oleh rakyat dan para pembesar negeri Ahmad Kasari dinobat- kan menjadi raja Jarussalam. Baginda sendiri beristirahat di istana Putri Lelan [Syikri. Hal ini membuat Rakna Keumala makin tidak senang terhadap Lelan Syikri. Seorang dayang-dayang bernama Nyak Jeumpa dibujuk untuk meracuni Lelan Syikri. Begitulah pada suatu pagi Nyak Jeumpa menaruh racun ke dalam madu yang disediakan buat Lelan Syikri-Malang bukan tuan putri yang minum madu itu tetapi Sultan Yahya. Dengan seketika baginda meninggal. Seisi istana gaduh. Rakna Keumala amat menyesal atas perbuatannya yang keliru itu Raja muda Ahmad Kasari menyalahkan Lelan Syikri atas kematian ayahnya karena baginda berada di tempat Lelan Syikri. Raja Muda hendak men- jatuhkan hukuman mati terhadap Lelan Syikri. Ibunya Geureudan Umami dan Rakna Diwi serta ayah Lelan Syikri menasihati raja muda supaya menyelidiki lebih, dahulu siapa sebenarnya yang

menghabiskan nyawa baginda. Namun raja muda tetap atas ke- putusannya dan Lelan Syikri dipenjarakan. Juhur Seutia dan Peureudan Ali bermohon kepada Ahmad Kasari supaya ibu mereka diampuni, tetapi tidak dihiraukan bahkan keduanya dimasukkan pula ke dalam penjara terpisah dari ibu mereka. Di tengah ma lam kedua kakak beradik itu dibebaskan oleh seorang dayang-dayang yang baik hati, serta dianjurkan meninggalkan istana. Sesudah berpamitan dengan ibu dan mendapat bekal sekadarnya mereka keluar dari istana tanpa tujuan. Sesudah tujuh hari dalam perjalanan, mereka sampai di sebuah gua yang dihuni oleh seekor raja naga. Dari raja naga itu mereka mendapat dua benda sakti yaitu sebatang tongkat dan sebentuk cincin. Kemudian mereka melanjutkan perjalanan. Ketika mereka sedang menyeberangi sebuah sungai tiba-tiba banjir datang dan kedua kakak beradik itu hanyut. Putri Juhur Seutia yang terdampar di muara sungai diketemukan oleh seorang perem- puan tua bernama Cutti Male. Ia dibawa pulang ke rumahnya dan dipelihara sebagai anaknya sendiri. Peureudan Ali dapat menye- lamatkan diri. Dalam keadaan sedih memikirkan nasib kakaknya ia bertemu dengan seorang alim bernama Teungku Abdussu'ud. Orang alim itu membawa Peureudan Ali ke rumahnya dan di sana ia tinggal selama empat tahun. Berbagai ilmu dipelajarinya dari Teungku Abdussu'ud sampai ia meningkat remaja. Tersebutlah sebuah negeri bernama Palistina yang diperintah oleh raja Adil Parisi. Raja ini mempunyai putri satu-satunya bernama Cut Arian. Permaisurinya bernama Syarifah Binti. Pada suatu hari ketika Cut Arian memetik bunga tangannya digigit kala jengking. Semua tabib dan nujum dipanggil untuk mengobati tangan putri, tetapi tidak seorang pun yang sanggup bahkan penyakitnya makin bertambah. Baginda mengumumkan ke segala pelosok negeri bahwa barang siapa yang dapat mengobati Cut Arian ia akan dinikahkan dengannya. Pcngumuman itu sampai ke telinga Peureudan Ali. Berkat siraman air cincin sakti Cut Arian sembuh kembali seperti sedia kala. Alangkah senangnya baginda raja dan permaisuri. Pembesar negeri dipanggil. Permusya- waratan diadakan untuk menentukan saat pernikahan Peureudan

Ali dengan Cut Arian. Pesta perkawinan Peureudan Ali dengan Cut Arian diadakan secara besar-besaran di istana kerajaan. Sejak itu Peureudan Ali tingga! di istana negeri Palistina. Tak lama sesudah menjadi suami putri, Peureudan Ali teringat akan kakaknya Juhur Seutia. Ia yakin akan dapat bertemu kembali dengan kakaknya. Ia minta izin kepada isterinya mencari kakaknya. Juga kepada Teungku Abdussu'ud ia mohon doa restu atas keberangkatannya. Tongkat dan cincin hikmat dibawanya serta. Putri Juhur Seutia yang tingga! di rumah Cutti Male di Pusong Rawa, tiap hari dirundung malang memikirkan nasib adiknya. Dalam mimpi ia bertemu dengan seorang syiah yang me- ngatakan bahwa tak lama lagi ia akan bertemu dengan adiknya yang sedang mencarinya. Negeri Pusong Rawa diperintah oleh seorang menteri yang masih muda bernama Adan. ïa sangat dicintai rakyatnya karena bijak dalam memerintah, dan belum beristeri. Berita tentang seorang gadis tinggal bersama Cutti Male diketahui olehnya. Ia sendiri pergi menyaksikan gadis cantik itu. Keesokan harinya seorang perempuan tua bernama Macut Haji diutus ke rumah Cutti Male membawa pesan bahwa menteri ingin memi- nang^Juhur Seutia. Cutti Male sangat senang mendengar keingin- an menteri lalu menyampaikan kepada Juhur Seutia. Putri tidak menolak lamaran menteri, hanya ia belum bersedia menjadi isteri siapapun sebelum bertemu dengan adiknya Peureudan Ali. Ia minta supaya menteri türut mencari adiknya. Mendengar jawaban Juhur Seutia, Menteri segera memerintahkan empat puluh orang untuk mencari Peureudan Ali. Tersebutlah sebuah negeri bernama Anta Laden. Rakyatnya masih menyembah berhala. Rajanya bernama Syarif. Ia tidak senang dengan Raja Adil Parisi yang menikahkan putrinya dengan orang yang tidak dikenal asal usulnya. Ia bermaksud merebut Cut Arian yang sudah menjadi isteri Peureudan Ali. Dipersiapkanlah angkatan perangnya yang besar untuk menyerang negeri Palistina jika putri Cut Arian tidak diserahkan kepadanya. Pada hari yang sudah ditentukan berangkatlah angkatan perang Anta Ladeh menuju Palistina. Di suatu tempat mereka berhenti. Seorang utus-

an dikirim menghadap Raja Adil Parisi dengan membawa surat yang isinya Raja Syarif minta supaya putri Cut Arian diserahkan kepadanya. Baginda Adil Parisi amat murka membaca surat tersebut seraya merobek-robeknya dan utusan yang membawanya diusir. Baginda memerintahkan seluruh rakyatnya bersiap-siap menghadapi musuh. Mendengar laporan pembawa surat. Raja Syarif sangat marah lalu dengan segera ia memerintahkan pasukan- nya untuk menyerang. Terjadilah pertempuran seru antara pasukan Palistina dan pasukan Anta Ladeh. Ketika perang sedang berkecamuk di Palistina, Peureudan Ali yang sedang mencari kakaknya sudah berada di daerah Pusong Rawa. Di suatu tempat ia mendengar orang sedang membicarakan seorang gadis cantik di rumah Cutti Male bernama Juhur Seutia. Dengan segera ia mencari rumah tempat tinggal kakaknya itu. Sampai di sana Cutti Male terheran-heran melihat Juhur Seutia berpelukan dengan seorang pemuda yang tidak dikenalnya. Baru- lah sesudah diberitahukan ia mengerti bahwa pemuda itu adalah adik Juhur Seutia. Dengan segera pula ia pergi memberitahukan kedatangan adik putri kepada menteri Adan. Utusan menteri datang iagi ke rumah Cutti Male membicarakan perihal lamaran menteri. Lamaran diterima baik oleh putri Juhur Seutia dan disetujui pula oleh Peureudan Ali. Upacara per- nikahan diadakan. Pesta besar-besaran berlangsung selama tujuh hari tujuh malam. Sejak itu Juhur Seutia tinggal di istana Menteri Adan di negeri Pusong Rawa. Empat puluh orang yang dikirim oleh menteri Adan untuk mencari Peureudan Ali telah kembali karena tidak berhasil me- nemukannya. Dua orang di antara mereka menceritakan tentang perang yang sedang terjadi di Palistina karena Raja Syarif dari Anta Ladeh • hendak merebut Putri Cut Arian. Mendengar berita tersebut Peureudan Ali sangat marah. Dengan segera ia berangkat ke Palistina bersama menteri Adan dan sejumlah panglima perang. Ketika perang sedang berkecamuk dan pasukan Raja Adil Parisi mulai terdesak, pasukan menteri Adan dan Peureudan Ali tiba. Serangan mereka yang tiba-tiba membuat pasukan Raja Syarif kucar kacir. Seorang menteri bernama Sakdi menyerah dan

menyatakan masuk agama Islam. Menteri Adan dan Peureudan Ali mendapat kehormatan besar dari Raja Adil Parisi karena mereka telah berhasil mengusix musuh. Karena merasa dirinya sudah tua dan mengetahui bahwa Peureudan Ali seorang putra raja dari Jarussalam maka Raja Adil Parisi menyerahkan pimpinan kerajaan kepadanya. Di bawah pimpinannya negeri Palistina semakin makmur. Tidak ada rakyat yang menganggur. Hukum dan ajaran agama dijalankan sebagai- mana mestinya. Pertahanan negeri diperkuat. Sejumlah orang dikirim ke negeri Anta Ladeh untuk mengamat-amati tingkah laku Raja Syarif yang bermaksud merebut Cut Arian. Demikian pula ke Jarussalam, Peureudan Ali mengirim seorang perempuan tua untuk menyelidiki keadaan negeri yang sudah lama ditinggalkan- nya. Keadaan negeri Jarussalam di bawah pimpinan Ahmad Kasari berada dalam keadaan kacau akibat ketidakmampuannya me- naerintah. Banyak rakyat meninggalkan negeri. Dari penyelidik yang dikirim ke Jarussalam, Peureudan Ali mendapat berita yang lengkap mengenai negerinya. Rahasia kematian ayahnya terung- kap. Kepada mertua dan isterinya ia menyatakan maksudnya hendak pulang ke Jarussalam menengok ibunya. Kemudian ia berangkat ke Pusong Rawa bersama Menteri Sakdi yang baru me- meluk agama Islam. Di sanai ia memberitahukan maksudnya kepada kakaknya Juhur Seutia dan suaminya Menteri Adan. Dengan disertai 500 orang yang terdiri dari laki-laki dan perempuan Peureudan Ali dan kakaknya bersama Menteri Adan berangkat menuju Jarussalam. Tiga bulan dalam perjalanan mereka sampai. Di suatu tempat mereka beristirahat. Dua orang utusan dikirim ke istana memberitahukan kedatangan sultan dari Pusong Rawa beserta rombongan. Raja Ahmad Kasari menghormati kedatangan Menteri Adan dan menyediakan istana Lelan Syikri sebagai tempat tinggal para tamu yang baru datang itu. Di tengah malam Peureudan Ali bersama Menteri Sakdi pergi ke istana Rakna Keumala. Permaisuri yang sedang tidur nyenyak diikat lalu dibawa keluar oleh menteri Sakdi dan digantung pada sebatang pohon. Kemudian Peureudan Ali pergi ke penjara. Sesudah pintunya di-

dobrak Lelan Syikri dibawa ke istananya. Suasana haru terjadi di tengah malam itu. Seorang ibu yang sudah lama terpisah ber- temu kembali dengan kedua anaknya. Keesokan harinya penduduk menyaksikan Rakna Keumala tergantung pada pohon kayu. Mengetahui hal itu raja Ahmad Kasari sangat marah, dan Rakna Keumala dibebaskan. Atas perta- nyaan raja, Rakna Keumala mengatakan bahwa yang menyiksa- nya adalah salah seorang di antara tamu yang baru datang lalu ia menunjuk ke arah Peureudan Ali. Raja Ahmad Kasari minta pendapat Menteri Adan tindakan apa yang harus diambil terhadap orang yang telah berbuat noda itu. Menurut Menteri Adan orang yang telah berbuat demikian harus dihukum mati, tetapi penyeli- dikan harus diadakan terlebih dahulu sebelum hukuman dijatuh- kan. Sebagai contoh menteri menceritakan suatu peristiwa yang menimpa seorang panglima perang. Sesudah kawin dengan seorang gadis, panglima tersebut pergi jauh meninggalkan isterinya dalam keadaan hamil. Ia baru pulang ketika anaknya sudah remaja. Ketika ia tiba di rumah dilihatnya isterinya sedang tidur bersama seorang lelaki. Tanpa pikir panjang isteri dan anak muda itu dibunuhnya. Kemudian ternyata pemuda yang dibunuhnya itu adalah anak kandungnya sendiri. Akibatnya ia menjadi seperti orang hilang ingatan karena perbuatannya yang terburu nafsu. Mendengar cerita itu Ahmad Kasari membenarkan pendapat menteri Adan. Ketika itu Peureudan ali membeberkan kejadian yang sebenarnya lengkap dengan bukti yang dimilikinya berupa sebotol sisa racun yang diperoleh dari Nyak Jeumpa. Terbongkar- lah semua rahasia. Rakna Keumala dan Nyak Jeumpa dihukum. Ahmad Kasari minta maaf atas segala kesalahannya. Keluarga istana almarhum Sultan Yahya damai kembali. Banyak anak negeri datang memberi penghormatan kepada Peureudan Ali dan Juhur Seutia yang baru pulang. Selama Peureudan Ali tinggal di Jarussalam rakyat yang sudah pergi, pulang kembali karena tertarik dengan Peureudan Ali yang pandai mengambil hati rakyat. Oleh karena melihat Peureudan Ali sangat dicintai oleh rakyat dan ia sendiri tidak sanggup memerintah maka Ahmad Kasari mendesak adiknya supaya bersedia memimpin negeri Jarus-

salam. Permintaan itu diterima oleh Peureudan Ali. Menteri Sakdi yang tidak pernah jauh dari Peureudan Ali dinikahkan dengan dayang-dayang yang telah berjasa membebaskan Peureudan Ali dan Juhur Seutia dari penjara. Tak lama kemudian Peureudan Ali bermaksud pulang ke negeri Palistina dan menunjuk abangnya sebagai wakilnya. Sebagai pelaksana pemerintahan sehari-hari ditunjuknya menteri Sakdi. Dengan diantar oleh 400 orang rakyat, Peureudan Ali dan kakaknya Juhur Seutia bersama menteri Adan berangkat menuju Palistina dengan melalui Pusong Rawa. Adapun keseratus orang mata-mata yang dikirim oleh Peureudan Ali ke negeri Anta Ladeh telah menjalankan tugasnya dengan baik. Seorang di antara mereka bernama Teungku Cut Ben telah diangkat sebagai seorang menteri. Seorang lagi sebagai pesuruh yang bebas keluar masuk istana Raja Syarif. Raja Syarif sedang mengadakan persiapan lagi hendak menye- rang negeri Palistina. Ia ingin menebus kekalahannya yang lalu. Menteri Cut Ben yang turut membuat rencana, segera mengirim surat kepada Peureudan Ali memberitahukan rencana Raja Syarif. Dimintanya supaya Peureudan Ali datang ke Anta Ladeh. Sebaik membaca surat itu ia segea memerintahkan rakyat supaya per- tahanan negeri diperkuat. Parit-parit sekelihng kota sudah lama dipersiapkan lengkap dengan pancang-pancangnya. Pada saat pasukan Raja Syarif meninggalkan negerinya, Peureudan Ali menuju Anta Ladeh. Sebagai menteri yang mendapat tugas meng- awal istana, Cut Ben tidak pergi ke Palistina. Setelah beberapa hari dalam perjalanan Peureudan Ali sampai di Anta Ladeh dan disambut oleh menteri Cut Ben. Tengah malam Peureudan Ali dibawa masuk ke istana tempat tinggal putri Hindia Licen. Putri dibangunkan. Ia terheran-heran melihat seorang pemuda masuk ke kamarnya. Ternyata kedua insan itu akhirnya saling jatuh cinta. Menjelang pagi keduanya keluar dari istana.

M:0A nb. m5bo wm3.96a meshnaTimeo

maadea

Hikayat PEUREUDAN ALI 1

1sVeliH BE AITI

HIKAYAT PEUREUDAN AL I Jfled keu sa

Nama hikayat sinoe Ion bayan Ali Peureudan nama meusyeuhu Nama isteri putroe analan Pociit Arian judo tuanku

BISMILLAHIRRAHMANIRRAHIM Bismillahi phon mulaan Nama Tuhan zat nyang Esa Nama isem nyang beusaren Wajeb tuan bak phon mula

Nyang keudua alhamdulillah Pujoe Allah Rabon 'Ala Bandum pujoe meuwoe keu Allah Nyang peurintah alam donya

Lahe baten saket mangat Dum buet kudrat Allah Ta'ala Langet bumoe laot darat Bandum leungkap neukaronya

Lheueh Ion pujoe sidroe Tuhan Seulaweuet lheueh nyan keu Saidna Pujoe pi lheueh seulaweue sajan Lon leueung tangan jaroe dua

Lon lakee bak Tuhan sidroe Beusampoe barang lon cinta Nyang lon surat beusuleusoe Tuhan sidroe tulong ham ba

Harah lapan beuek teupat Beumeuhad beumeuadoe a Beuek keunong buhu rajaz Beumangat watee geubaca

Meunan hai nyak nyang Ion hajat Bak kudrat lon mohon pinta Adat teukeudi bak Hadarat Roh silap meutuka banja

Bek tacarot ngon taupat Hai sahbat bukon lon saja Kareuna lon goh lom cakap Goh lom 'ajab bak meurika

Ulon baro lon seumurat Patot silap Iheueng-lheueng banja Nyangkeu lon kheun bek taupat Lon seumurat goh biasa

Bitpi meunan nyak meutuah Insya Allah lon usaha Meuna tulong nibak Allah Cit pantah bak lon meurika

Tulong Tuhan insya Allah Beucidah lon pakhok haba Lon meulakee malam uroe Tuhan sidroe kabui do'a

Meuna tulong Tuhan sidroe Baranggasoe troh ban pinta Proekeu sabab lon seuleuah Sabab cidah that calitra

Meunan lon ngo bak gop peugah Sahib kisah po calitra Haba lon teumeung di dalam surat Pakhok hikayat di dalam dada

Bak lon pike sang-sang 'ajab Nyankeu sabab lon usaha Soe nyang dengo jeuet keu ubat Teuingat silama masa

Haba 'ajab keunong lagee That teuntee nibak calitra Bak Tuhan do'a ion lakee Geunap watee meunoe do'a

Ya Ilahi wa ya Rabbi Po lon neubri ban lon pinta Neubri kuat jaroe gaki Beuta rali dum keurija

Amin amin ya Ilahi Ya rabbi takabui do'a Haba khuteubah 'oh noe teutap Bek panyang that glak tabaca

Jinoe lon boh tangga surat Mangat meupat had ngon hingga Uroe Hamen phon lon surat Lon tueng beureukat watee luha

Lom lon seubot nama buleuen Tango lon kheun thon Beulanda Uroe limong blah buleuen sikureueng Poh lapan jeuem ulon mula

Thon siribee sikureueng reutoh Lom meutamah lhee ploh dua Dalam thon nyan ma teungku beh Apah-apoh ureueng lam donya

Thon meuseuke peng ngon ringget That meusaket han pat mita Pade murah peng meusaket Meutarnah sulet manusia

Dalam thon nyan aneuk meutuab Han peue peugah that seungsara Barang-barang bandum murah Meuh nyang mirah han soé gala

Han peue panyang le lon peugah Maklum sudah dum aneukda La ilaha illallah Nyang peurintah dum peukara

Muhammadur Rasulullah 'Oh noe sudah saboh leua 'Oh noe abeh nyang khuteubah Nyoe lon tamah la en mula

Rampak-rampak Lhok Seumawe Nyang that rame Peukan Cunda Ureueng meukat sidroe sane Keu nan jime dumpeue nyang na

Beuthat rayek Keude Idi Di Sigli nyang le Beulanda Kata dalang eumpunya rawi Tadeungo he dumteu rata

'Ajayeb subhanallah Nyoe lon kisah sidroe raja Teumpat nanggroe Jarussalam Di sinan teumpat neuraja

Teuseubot nan Yahya Sulotan Hana lawan dalam donya Rupapi got hana macam Tan teuladan umpamanya

Peurangui jroh hukom seunang That adelan hana tara Lagi hibat lom ngon gagah That barollah ngon areuta

That meusyeuhu raja meugah Keurajeuen luah hana tara Padum padum raja di baroh Lam geunggam beh poteu raja

ïntat wase tunong baron Dum keu nan troh jok keu raja Sikureueng raja taklok keu nan Bak junjongan raja raya

Meusyeuhu gah sigala alam Yahya Sulotan sit geuthee na Nyankeu raja nyang beusaran Geukheun meunan lam calitra

Nanggroe luah hana bagöe Peuet blah uroe pasang guda Banda rame makmu nanggroe Tuhan sidroe peurintah hamba

Di lon tuan tan kutukri Dalam rawi geucalitra Sidroe Tuhan nyang keutahwi Nyang tukri rugoe ngon laba

Poteu raja neumeukawen Putroe canden indah rupa Bandum putroe linteng-linteng Puteh Heen judo raja

Dua putroe aneuk meuntroe That sambinoe hana tara Rupa cidah hana bagoe Jeuep-jeuep nanggroe ton umpama

Aneuk Kadi nyang guree droe Dua putroe lom meuganda Jeuet jumeulah peuet droe putroe Nyan judo droe poteu raja

Peuet droe potroe tango lon kheun Sira bileueng lon kheun nama Aneuk meuntroe intan buleuen Nyang phon geukheun Rakna Keumala

Nyang sidroe truk Geureudan Umami Aneuk meuntri putroe nyan dua Rakna Keumala Geureudan Umami Dua abi dua bunda

Putroe nyang keulhee Rakna Diwi Aneuk Syekhi guree raja Teuma nyang keupeuet aneuk Kadi Lelan Syikri geuboh nama

Nyanpi meunan wahe adoe Dua ma droe dua bapa Dua kadi dau meuntroe Maseng aneuk droe judo raja

Raja peugot ngon meuligoe Indah han soe taeu rupa Peuet esteuri peuet meuligoe Maseng putroe maseng istana

Gaseh sabe banpeuet putroe Hana sidroe kureueng mulia Meuligoe jroh saban-saban So e nyang pandang ngilu mata.

Tameh beusoe pucak intan Binteh tuan ceureumen kaca Lom geulabo deungon ie meuh Jeuoh peungeuh jiplueng cahya

Geuturab ngon batee rukham Geunta pualam mutu ratna Batee yakot lom geupasang Lang-geumilang u antara

Teuka beureuhi napsu bimbang Soe nyang pandang ladat mata Nibak ate mayoh deundam Meunankeu sang nekmat teuka

Geuleueng ija peureumadani Sang beureuhi taeu rupa Geuboh tiree ngon iahuri Han takukri peucalitra

Peuet meuligoe saban-saban Leubehpi tan kareueng hana Haba meuligoe sepkeu dumnan Han ek tuan lon calitra

Nyoe lon peugah putroe intan Deungo teelan lon peuhaba Putroe phon judo sulotan Nyang geupeunan Rakna Keumala

Putroe male aneukjih tan Meunan Tuhan neubri jeumba Geureudan Umami aneuk meuntroe Nyankeu putroe neumoi dua

Di sinan na aneuk sidroe Ureueng lakoe ilok rupa Ahmad Kasari raja boh nan Teuseubot meunan lam calitra

Nyangkeu saboh aneuk sulotan Bak putroe nyan laen hana Teuma Putroe Rakna Diwi Nyanpi male aneuk hana

Putroe nyang keupeuet teuma lagi Sinan teujali Tuhan peunyata Nyang geuboh nan Lelan Syikri Aneuk Tuhan bri sinan dua

Lelan Syikri Putroe nyang tulet That leubeh got nibak nyang tuha Gaseh raja leubeh ba cut Gaseh dalam pruet hana that nyata

Leubeh rupa leubeh neugaseh Hana meuceh teutap lama dada Bak gop kalon saban gaseh Raja areh panyang bicara

Lelan Syikri aneuk dua droe Deungo jinoe lon kheun nama Aneuk tuha putroe sambinoe Rupa bagoe buleuen purnama

Juhur Seutia raja boh nan Aneuk junjongan putroe jroh rupa Kulet puteh lang-geumilang Sang lakuan asoe syeuruga

Umu baro muda seudang Siploh thon sang kira-kira Aneuk tulet ureueng lakoe Adoe Putroe Juhur Seutia

Baro tujoh thon umu sampoe Goh lom ragoe tupeue basa Bak meutoto tilo alang Soe deungoran galak raya

Geurasi nan Ali Peureudan That bijakan bak ri rupa Silawet na Peureudan Ali Raja doli leubeh that suka

Mayoh deundam hana sakri That beureuhi napsu ngon hawa Peue jilakee rijang neubri Hana lanti tanggoh lusa

Lelan Syikri majih putroe Hana bagoe leubeh suka Poteu raja sinan laloe Malam uroe lam istana

Putroe laen jareueng neuwoe Sinan laloe bak aneukda Lelan Syikri leubeh cidah Leubeh indah nibak nyang na

Poteu raja sinan dahsyah Tan neusinggah laen nisa Ho siuroe gaseh meutamah Deelat syah meutamah suka

Hana jarak meusilangkah Raja dahsyah lam istana Rindu deundam hana bagoe Tan siuroe ere di tangga

Meunan sabe geunap uroe Han torn neuwoe laen nisa Teutap sinan raja laloe Sajan putroe ngon aneukda

Jinoe lon kheun narit singkat Deungo sahbat dumteu rata Soe nyang dungo jeuet keu ubat Nyang na ingat puphom makna

Amma bakdu phon meundapat Teuduek siat hamba raja Teukeudi Allah peurintah Hadarat Raja ka rab na peukara

Teudeuk 'oh nan raja do li Jinoe esteuri lon calitra Rakna Keumala jinoe lon kehun kri Judo do li putroe peurtama

Ate sosah tuan putroe Malam uroe kira-kira Jiduek jidong ate seungkoe Hana padoe suntok masa

Sabab raja han tom neuwoe Nyankeu putroe rusak dada Bu jipajoh miseue duroe Pruet han tom droe sabab rugha

Sosah ate cut putroe beh Bu jipajoh tan meurasa Pike teusyawe hana teudoh Meuh seuneupoh kira-mira

Balek batang hana padoe Bak siuroe pike teubuka Meunoe pike si nyak putroe Bahle jinoe kubicara

Kurahsia namiet sidroe Kuyue jak bloe racon tuba Bahle kaman racon kubri Lelan Syikri mangat fana

Meuka mate Lelan Syikri Puleh ate ulon hamba Meukon meunan han meusampe Kee lam sabe jamong rugha

Tuan putroe meunan pike Jimeuhei le nyan si Kamba Hai ulon jroh kadeungo nyoe Kukheun jinoe sikrak haba

Meunyo troh ban hajat lon nyoe Kah sidroe leupah meurdeka Kubri upah siploh katoe Kubri nanggroe kah kuasa

Kupeujeuet kah banta seudang Trengsajan rakan dumna Kubri judo nyang analan Ka leupasan dum peukara

Hajat ulon meunyo ek troh Jinoe kuboh siribee dina AJcan teutapi hai ulon beh Beugot katroh di dalam dada

Bek jithee le baranggasoe Uleh sidroe manusia Meunan jikheun tuan putroe Laba rugoe jipeurasa

Seuot namiet meunoe jikheun He buleuen intan peurmata Peue nyang napsu putroe neukheun Lon ngo hireuen bak ri rupa

Kajak mita keu lon jinoe Kajak bloe racon ngon tuba Beurijang le nyan kapeuwoe Bek thee sidroe manusia

Putroe peugah awai akhe Sajan jijok le siribee dina Yoh nyan namiet mangat ate Jibeudoh le jak peucara

Namiet yoh nyan jibeurangkat Jak mita pat racon tuba Jeuep-jeuep gampong sidek sasat Deungon siat meuteumeung ka

Sare meuteumeung laju jiwoe Jok keu Putroe Rakna Keumala 'Oh troh racon ka u jaroe Baro putroe teuploh muka

Tuan putroe mangat ate Bak jipike troh ban pinta Bak jisangka ka meusampe Putroe hei le sidroe nisa

Yoh nyan putroe hei dendayang Mari intan keu noe gata Si Nyak Jeumpa teuseubot nan Panyang seunuban tipee daya

Troh le jijak keu nari datang Marit nyoeban Rakna Keumala Wahe cutda po da payong Tangieng keu lon siblah mata

Gaseh sayang cutda keu lon Beutatulong akan adekda Akan proe hai ulon sosah Maklum sudah ubak gata

Teuma jinoe da meutuah Taseuleuah siat le gata Si Nyak Jeumpa seuot meunoe Bek hai putroe ate duka

Pakri hajat peugah jinoe Bah buet lon nyoe jak peucara Tuan putroe teuma kheun kri Tadeungo he cutda Jeumpa

U meuligoe Lelan Syikri Tapeureugi jinoe gata 'Oh troh keu deh gata ili Tamita kri tipee daya

Mita jalan rot tataki Lelan Syikri tabri tuba Meukon meunan han meusampe Raja han le woe bak hamba

Putroe peugah awai akhe Jiseuot le Si Nyak Jeumpa Peucit sosah tuan putroe Bah buet lon nyoe jak peucara

Meukon buet lon laen han soe Cut Lelan nyoe kupeufana Si Nyak Jeumpa jijak sidroe Troh le sampoe u leuen istana

Lelan Syikri di meuligoe Ngon aneuk droe boh ate ma Si nyak putroe ngieng u bumoe Leumah sidroe po da Jeumpa

Si Nyak Jeumpa teudong di leuen Meunoe jikheun Putroe Lela Taek keu noe hai da buleuen Jameun-jameun siblet teuka

Pb da Jeumpa jimat rinyeun Jiek mameung u istana Sira jiek meunoe jikheun Hai cut meugleueng nyang jroh rupa

Beuthat beutrep siblet keu noe Kon hai putroe na lon lupa Rumoh jeh deungon rumoh nyoe Nibak lon nyoe hana dua

Sira seumbah tuan putroe Gon han bagoe jipeumeulia Sujud seumbah troh bak gaki Horeumat jibri got han tara

Lheueh jiseumbah putroe ahli Kunjong jibri akan aneukda Aneuk dua seudang-seudang Saboh agam saboh dara

Putroe Seutia rupa sang intan Cut Lelan nyan aneuk tuha Hana lom kong jiruet pinggang Mantong seudang goh lom raya

Nyang tulet Ali Peureudan Adoe intan Putroe Seutia Mantong tuto tilo alang Goh lom trang bak peugah haba

Po banta cut jiugon-ugon Jicok jicom ngonjiwa-wa Sira jikheun le meunoe phon Hai cut ampon beurijang raya

Han jitukri timang-timang 'Gh taeu sang galak raya Nibak lahe meunan macam Panyang seunuban Si Nyak Jeumpa

Dalam baten meudeh pike Mangat ase tipee daya Jibloe gaseh aneuk sihe Nibak lahe cidah raya

Lelan Syikri ate seunang 'Oh jieu sang jeuet keu suka Teuka beureuhi napsu bimbang Jipandang bak buet Si Jeumpa

Kakeu sinan aneuk bisoe Sajan putroe lam istana Poteu rajapi ka neuwoe U meuligoe neuek lanja

'Oh troh neuek u meuligoe Beudoh putroe seumbah raja Si Nyak Jeumpa han peue pike Jibeudoh le pantah sigra

Nibak gaki jijak com le 'Ajab ate puteu raja Yoh nyan raja tanyong meunoe Peuebuet keu noe kah hai Jeumpa

Peue jisuroh nibak putroe Kah uroe nyoe keu noe teuka Si Nyak Jeumpa seuot pantah He deelat syah ampon hamba

Lon jak keudroe he khalifah Hanititah Rakna Keumala Lon jak kunjong raja putroe Sabab keu noe troh lon teuka

Kadang mate ajai sampoe Ulonteu nyoe tinggai donya Raja keu deh han tom neuwoe Sayang lon nyoe apon asa

Nyankeu sabab keu noe datang Lon jak pandang poteu raja Sabab ka trep tan lon pandang Kadang-kadang na seungsara

Meunan narit aneuk jalang Hireuen mandang poteu raja Poteu raja kaneuiem droe Hana sapeue le suara

Si Nyak Jeumpa teutap jinoe Lam meuligoe jarak hana Hana jiweh sajan putroe Malam uroe jipeumulia

Khadam raja deungon putroe Aneuk bisoe som rahsia Adat putroe hei dendayang Awai datang le Si Jeumpa

Jak tanyong peue neusurohan Bah lon tuan jak keurija Meunan sabe baranggajan Sibagoe nyan rok-rok masa

Jitueng ate tuan putroe Aneuk bisoe le bicara 'Oh abeh buet dum seuleugose Hadap putroe deungon raja

Ceupet urot hana khali Peutang pagi beungoh sinja Mangat ate Lelan Syikri Apa lagi puteu raja

Aneuk raja Peureudan Ali Lam jime-me suntok masa Lamjicom-com hana sakri Han jitukri peumulia

Uroe malam meunan sabe 'Ajab kon le Si Nyak Jeumpa Poteu raja rindu ate Lelan Syikri leubeh ganda

Si Nyak Jeumpa lam meuligoe Sajan putroe jarak hana Sinan teutap malam uroe Teuduek 'oh noe siat haba

Teuduek haba haram jadah Ba lek harah laen bagoe Ija puteh cop kupiah Beuneung mirah sok keu reumboe

Amma bakdu nyoe nyang cidah Ngo lon kisah raja nanggroe Yahya Sulotan jinoe lon peugah Teukeudi Allah bak siuroe

Poteu raja leumah pike Dalam ate kira meunoe Ulontue nyoe teuntee mate ' Di akhe ajai'oh sampoe

La ilaha illallah Poteu Allah tinggai sidroe Laen 'oh troh ajai sudah Han neukeubah dum alam nyoe

Nyang na tinggai sidroe Tuhan Laen bak nyan mate dudoe Ladom akhe ladom rijang Ladom malam ladom uroe

Pajan saleh di lon tuan Han lon tujan ajai sampoe Meunan pike raja sulotan Neuhei bujang teuma sidroe

Troh le keuman teuka bujang Marit nyoeban raja nanggroe Takrah rakyat dum sibarang Beutroh rijang keu noe sampoe

Tandi waki uleebalang Bentara blang imum nanggroe Dum peutua panglima perang Beusajan rakyat sinaroe

'Oh lheueh suroh nibak raja Bujang lanja jak lama nanggroe Jipeh mongmong jiseuranta Suroh raja jihareutoe

Jikheun bek trep pantah-pantah Meunoe jipeugah jeuep-jeuep sagoe Jitren rakyat subhanallah Han peue peugah ureueng nanggroe

Tunong Baroh Timu Barat Meusapat bak raja nanggroe Troh lam kuta dumna rakyat Jiangkat dua blah jaroe

Ampon kamoe tuanku beh Jaroe siploh'neungieng keu noe Bandum kamoe ka abeh troh U yup kawoh tuanku droe

Peue tuanku buet neusuroh Neukheun beutroh lon deungo proe Siri nanggroe hajat neuprang Uleebalang dum ka keu noe

Siri ulee nyang kreueh ceukang Pat han datang adat keu noe Siri laot nyang tan wase Toh siri gle nyang na paloe

Toh siri prang nyang meuseuke Nyang neupangge duman kamoe Teuma seuot raja deelat Hana sapat na meupaloe

Tan laot darat meuseugang Dum jiintat wase keu noe Nyang lon pangge dumna gata Lon ka tuha umu sampoe

Kadang pajan ajai teuka Boh le gata nyan geulanteo Taboh badai mat neuraca Nyan aneukda boh ate droe

Boh Raja Ahmad Kasari Dan lagi umu ka sampoe Meunan neukheun raja doli Seuot wadi deungon meuntroe

Ampon tuanku ban peurintah Junjong titah dumna kamoe Meupakat meuntroe deungon syiah Banta indah boh geulantoe

Geuboh raja banta seudang Tet meuriam kiam bunyoe Geutet beudegeumpa alam Sirasa lham kuta nanggroe

Buet peurasan han lon peugah Panyang kisah malah kamoe Watee meunan han peue kisah Hana ubah miseue jinoe

Dum syeedara maklum sudah Hana payah lon kheun sinoe La Ilaha illallah Nyang peurintah langet bumoe

Geusie keubeue geukhanduri, Alem faki galak han soe Geuboh Raja Ahmad Kasari Geuhei sare kiam bunyoe

Meusu geundrang geutet beude Nyum-nyum reule kuta nanggoe Nama nanggroe Jarussalam Sang meuguncang langet bumoe

Ka geupeuek banta seudang Ateueh intan batee ujoe 'Oh lheueh tabai po cut banta Poteu raja neuek dudoe

Ateueh batee nyang peurmata Sajan banta boh ate droe Neubri bi'at keu aneukda Meusempeuna pulang nanggroe

Neupeurunoe dum peukara Bijeh mata deungo lon nyoe Jinoe aneuk gata raja Waseit bapa beutapakoe

Baranggajan bek talupa Suntok masa lon leueng jaroe Kareuna lon ureueng tuha Pajan masa saleh lon woe

Pajan saleh ajai teuka Han troh juga baranggasoe Adat mate ulon tuan Tinggai intan peukong nanggroe

Beugot aneuk nanggroe tatimang Hukom seunang beutapakoe Beutapeubuet suroh Tuhan Beutimang hukum barangsoe

Cutmateu lhee bunda sajan Beusaban tahiro siboe Bek bri saket ate bunda Sireuta banlhee droe putroe

Beutapateh wasiet bapa Bek lupa malam ngon uroe Meutan takzim ayah bunda Meureuka ngon Tuhan sidroe

Bek meupake ngon syeedara Bek tom dawa deungon adoe Peureudan Ali Juhur Seutia Adoeteu dua gata sidroe

Beuta gaseh rok-rok masa Jeuep kutika malam uroe Tapeurunoe tapeulara Bandua tahiro pakoe

Aneuk nanggroe beutagaseh Bek peujayeh baranggasoe Bahle kawom bahle wareh Bek tapeujayeh aneuk nanggroe

Bek tapandang teubai lipeh Beutagaseh dum sinaroe Beutapateh lon peuneusan Gata in tan lon peurunoe

Bek jeuet gata beunci reusam Han got tuan nibak budoe Meunyo salah bak atoran Han soe sayang bube bajoe

Beuthat gata aneuk sulotan Tinggai sinan di gop geuwoe Siblah mata han jipandang Meunyo sit tan bayek budoe

Pihak gata aneuk raja Di nap mata that jipujoe Di nap gata gaseh teuka Di likot gata laen bagoe

Meunyo gata jitakot that Han jipeurab rakan sinaroe Nanggroe laen jibeurangkat Bah meuulat gata sidroe

Nyankeu aneuk ingat beuthat Meunyo silap teulah 'oh dudoe Meuka abeh jiplueng rakyat Soe lom deelat gata sidroe

Peuekeu sabab lon kheun meunan Sabab tuan han got budoe Meunyo napsu bek roh meunan Beugot rakan dum tasiboe

Meunyo gata that budiman Meusidroe han jiboh nanggroe Ho nyang tajak ireng sajan Sikeujap han jüiek sidroe

Meunyo cidah bak jipandang Bandum rakan cit sajan droe Hana jiweh uroe malam Dumna insan galak han soe

Nyangkeu aneuk ka lon peugah Aneuk lidah beutapakoe Wasiet ulon bek taubah Beutakeubah lam ate droe

Meutapateh aneuk meutuah Sabe dahsyah lon leueng jaroe La ilaha illallah 'Oh noe sudah haba peurunoe

Abeh wasiet poteu raja Keu aneukda boh ate droe Geufatihah lakee do'a Dum ulama geuleueng jaroe

Lheueh khanduri beudoh gisa Maseng tangga u gampong droe Poteu rajapi neugisa U istana la ju neuwoe

Teuduek haba poteu raja Lon peugisa namiet putroe Amma bakdu'ajab raya That ceulaka aneuk bisoe

Nyoe lon peugak Si Nyak Jeumpa Hana gisa u gampong droe Mantong jiduek si ceulaka Lam istana sajan putroe

Mita jalan aneuk sihe Goh lom ase hajat sampoe Barangpeue buet siat ase Jitueng ate tuan putroe

Uroe malam pike syawe Utoh kon le bak jisiboe Bak pihak jeuet jitueng ate Gaseh kon le tuan putroe

Ho siuroe gaseh meutamah Putroe indah galak han soe Si Nyak Jeumpa haram jadah 'Ajab leupah utoh siboe

Putroe gaseh nibak nyang ka Leubeh nyoe ka nibak baroe Bak pihak got jibicara Harap simata uleh putroe

Putroe harap si ceulaka Hana tara malam uroe Bukon utoh Si Nyak Jeumpa Balek mata bit that ragoe

Uroe malam jimeujaga Jibicara maudeh meunoe Padum lawet jiusaha Jinoe rab ka hajat sampoe

Lawet la wan saboh masa Reudok teuka bak siuroe Grak teukeudi Tuhan Esa Poteu raja ka rab paloe

Bak uroe nyan teuka reudaok Seubak-seubok kiroh tuloe Ujeuen raya meugeureutok Sang-sang teulet rumoh meuligoe

Ngon geulanteue that klam-kabot Teuka seupot hitam nanggroe Angenpi kreueh bade ribot That teukeujot dum sinaroe

Asoe meuligoe that teumakot Maseng jilop bak teumpat droe Dum dendayang dara-dara Plueng lam karna jijak som droe

Bak masa nyan poteu raja Di istana deungon peutroe Eh seumayam sapat dua Teungeut indra lam meuligoe

Bak watee nyan Si Nyak Jeumpa Jeuep-jeuep karna ka jipeutoe Jijak eu dendayang dumna Teungeut indra maseng sagoe

Si Nyak Jeumpa ate mangat Jiek leugat u meuligoe Ubak tilam le jipeurab Buka sahab idang putroe

Sit ka ase dum peukara Racon tuba sit bak jaroe Dalam idang sianika Meuh suasa cawan putroe

Dum makanan indah-indah Han peue peugah ladat han soe Ka jiboh le racon pantah Lam juadah ie rabin nyoe

'Oh lheueh jiboh racon keu nan Jitop idang lagee puroe Sare ase sileungkapan Jitren rijang aneuk bisoe

Po Jeumpa tren laju keu deh Jijak eh dalam karna droe Tarek limot tujoh lapeh Aneuk paleh peuteungeut droe

Mangat ate hana tara That ceulaka aneuk bisoe Nyankeu dum buet aneuk beulaga Jitem tuba pojih sidroe

Nyangsa di gop geupeulara Di jih hana ingat budoe Han jiingat nyan keu guna Biek beulaga paleh han soe

Nyangkeu ureueng bangsa kureueng Aneuk bajeueng biek geupeubloe Nyankeu bangsa biek jen uteuen Tan meuteumeung laen nanggroe

Adat sideh Kamariah Tan lon kisah lam surat nyoe Nyang jibloe uleh Habeusyah Jijok sah keu bungong jaroe

Dum jitem poh aneuk mirah Wahsyon Falah boh ate droe Hana panyang ulon peugah Maklum sudah dum geutanyoe

Lam surat nyoe Si Nyak Jeumpa That ceulaka namiet putroe Ureueng laen meunan hana Paleh raja aneuk bisoe

Han ek le lon peugah haba Si Nyak Jeumpa teutap 'oh noe Amma bakdu teungku badan Laen syahdan nyoe lon aju

Teuduek haba aneuk jalang Lon peuriwang aneuk teungku Puteh-puteh bungong geutoe Bungong panjoe buju-buju

Nyoe lon peugah bungong uroe Lam meuligoe panyot lampu Putroe teungeut di meuligoe Sajan lakoe eh beuradu

Nakeu watee leuho uroe Jaga putroe beudoh meupru Jaga sajan raja nanggroe Beudoh putroe lop keuleumbu

Putroe beudoh pantah rijang Bak idang jipeurab laju Poteu raja duek bak tilam Buka idang po cut meulu

'Oh sare lheueh buka idang Sulotan neumakeuen laju Abeh neujeb saboh cawan Junjongan minom ie madu

'Oh lheueh minom di sulotan Dalam pruet sang ka jimeusu Dalam ulee tuka mumang Geulunyueng sang ka meu'u-'u

Raja tanyong le bak putroe Pakon meunoe judo teungku Nyang ka dilee han tom meunoe Makanan nyoe peuebu laku

Teuma seuot tuan putroe Tuanku droe bak ri laku Sabab neueh lama uroe Geutanyoe trep that beuradu

Kadang meunan tuanku droe Laen bagoe nyum sigeutu Meunan neukheun tuan putroe Raja nanggroe han got laku

Poteu raja reubah keudroe Tuan putroe tajo meupru Jidrop raja jimueng ulee Jipangkee le aneuk teungku

Si nyak putroe moe meuree-ree Hai pangulee peuebu laku Jieu raja idong keumee Meutamah Ihee hana le su

Si nyak putroe nyang ka padee Ho kujak kee wahe teungku Poteu raja laju layee, Lam peunangkee abeh umu

Ka mate raja sulotan Neukheun han jan Allah hai ku Ka troh janji nibak Tuhan Ulon paban he tuanku

Si nyak putroe jimoe rioh Allah hai beh sayang taeu Putroe poh droe ma teungku beh Sare rioh bunyoe 'a-'u

Ka teukeujot dum dendayang Jiplueng keu nan bandum pra-pru Si Nyak Jeumpapi plueng sajan 'Oh troh keu nan peugot laku

Jipoh-poh droe sali 'ala Si ceulaka biek jen hantu Han jitukri tumbok dada Supi raya moe meu'u- u

Hana ureueng dum Si Jeumpa Sulet raya tukang tipu Jipeuleumah gaseh sayang Biek jen hutan bangsa hantu

Jiploh ngon ok teugeureubang Han jituban peugot laku Dendayang dum han peue peugah Taeu joh-jah ie mata ro

Jisumpom droe reuboh-reubah Supi cidah jimoe bae Wahe teungku uleebalang Han lon tujan abeh umu

Keupeue kamoe lom dendayang Soe lon khadam'oh tan teungku Bukon sayang po buleuen trang Lam awan han deuh le lon eu

Hana lon thee uleebalang Woe bak Tuhan Rabbon :Ghafu Allah Allah untong badan Ampon laman han le lon eu

That jipoh droe han reunggang Dendayang namiet tuanku Lelan Syikri saboh bagoe Bok-bang keudroe sajan teungku

Jimoe bae nyan keu lakoe He judo droe pakri laku Ahmad Kasaripi ka sampoe Jingo bunyoe hana le du

Ka meusapat u meuligoe Laen putroepi troh laju Troh le wadi deungon meuntroe Bak sagoe jipeurab laju

Jicok gong jiseupot le Tanggoe u gle jideungo su Jitren rakyat dum sigala be Raja mate ka meusyeuhu

Abeh jitren agam inong Han peue tanyong uroe Rabu Timu Barat Baroh Tunong Dum jitamong bak tuanku • Abeh jitren dum sigala don Meusinthong lam kuta batu Bandum ureueng ka meuhimpon Jak kunjong mayet tuanku Lam meuligoe kacah-kacoh Nyang that kiroh rumoh leupu Putroe lhee droe ka keu nan troh Meuh seuneupoh sabe madu

Bandum putroe jimoe bae Tadeungo sye mangat that su Ladom bae ladom meppho He teungku e deelat tuanku

Jitumbok droe dara baro Han le judo ka tan teungku Meunoe bangon putroe bae Bah lon ato meusigeutu

Bukon sayang bintang kala Reudok teuka hana le hu Wahe judo po meukuta Ka neubungka han jan lon eu

Allah hai teungku po samlakoe Pakon meunoe hana le su Hana saket meusiuroe Pane keu noe teuka hantu

Bukon sayang bintang tanjong Neutinggai lonneujak teungku Meuka tan le tuanku ampon Soe lam di lon neujak teungku •

Putroe bae maseng-maseng Jimoe maken kiroh laju Ngon ie mata dum meuleng-leng Puteh licen sayang taeu

Rakna Diwi moe meui'- i Geureudan Umami moe meu'u-u Nyang that sayang Lelan Syikri Han jitukri meuhei teungku

Sabab jingieng aneuk dua Junur Seutia jimeuhei du Ali Peureudan meuhei bapa He abuya peuebu laku

Jingieng aneuk saboh bagoe Jingieng lakoepi ka teudu Bukon sayang si nyak putroe That jipoh droe aneuk teungku

Sinan jiduek sajan lakoe Meunoe bagoe putroe meusu Wahe judo raja nanggroe Ka neuwoe bak Rabbon Ghafu

Tinggai ulon lam meuligoe Po samlakoe neujak laju Wahe aneuk Ali Peureudan Hanalle wang soe peulaku

Allah Allah aneuk badan Ulon paban bri Tuhanku Ka troh janji nibak Tuhan Sulotan kasampoe umu

Wahe aneuk bijeh mata Soe peulara aneuk teungku Meunyo tan le poteu raja Lon ngon gata saleh soe eu

Allah Allah wahe Tuhah Tatueng sajan lon ngon teungku Deungon aneuk lon beusajan Bek meulang-lang hana soe eu

Meunan sabe si nyak putroe Hana padoe meuhei teungku Bandum putroe moe keu lakoe Lam meuligoe got that karu

Rakna Keumala nyang that sosah Sabab salah buet meutipu Dalam atejih that teulah Haram jadah tuba madu

Jiyue tuba Lelan Syikri Roh suami abeh umu Ka roh mate raja doli Meunan teukeudi bak Tuhanku

Raja mate putroe tinggai Goh lam ajai bungong meulu Nibak Tuhan goh lam ajai Panekeu hai ek tatipu

Rakna Keumala nyang that poh droe Mate lakoe han jeuet jieu Sabab salah that buet jaroe Nyangkeu putroe leubeh tunu

Sira bae balek ayat Su mangat that Putroe Keumala Rakna Keumala mukajih pucat Meuhei deelat wahe raja

Wahe judo teungku abang Bukan sayang lon eu gata Miseue bintang dalam awan Reudok datang gadoh cahya

Hana meujan deuh lon pandang Gadoh hilang ere di mata Bukon sayang lon kalon layang Teureubang buet bade raya

Wahe teungku ulon paban Bak Tuhan ka 'oh noe kada Bak Tuhan ka 'oh noe janji Ka teukeudi ateueh hamba

Bokon sayang bungong sirunoe Putoh taloe ro u lua Bukon paleh badan lon nyoe Mate lakoe tan kareuna

Bukon sayang bungong pade Sit lam sabe angen timpa Gata ngon lon Tuhan peucre Han meusampe lon usaha

Putroe bae haba mise Peupueh ate lam istana Han jeuet jieu raja mate Teulah kon le Putroe Keumala

Haba bae le that bagoe Han ek kamoe pakhok haba Bahle lon kheun haba nyang toe Geuseumanoe poteu raja

Lheueh seumanoe boh lam gafan Peulop rijang lam keureunda Sireuta ngon geuseumbahyang Ase keu nan dum ulama

Lheueh seumbahyang bri seudeukah Teungku Syiah neutheun ija Mayet raja geucok pantah Putroe sosah mat keureunda

Yoh masa nyan bandum putroe Jisumpom droe ateueh keureunda Putroe bae ngon tumbok droe Maklum adoe dumna gata

Haba bae teuduek 'oh noe Lon kheun jinoe mayat raja Putren mayet troh'oh pinto Ureueng that le yup keureunda

Nyang theun ulee ladom baho Hai teungku e han ek kira Peng ngon ringget han ek pike Keu breueh pade poteu raja

Peuet ploh guni keu nan ase Geuseupreuek le ateueh keureunda Lheueh nibak nyan me u jeurat Ir eng rakyat bansineuna

'Oh troh keu deh tanom leugat "Malem meusapat lakee do'a Lheueh geuseubee beuet teuleukin Geuleueng amin rakyat dumna

Nyang beuet do'a Teungku Luddin That salihin guree raja Nyangkeu ayah Lelan Syikri Putroe ahli nyang got rupa

Sajan do'a seudeukah geubri Dumna faki uroe raya Lheueh geutanom raja do li Woe keumbali maseng tangga

Leupah rakyat woe keumbali Tinggai doli teumpat seulinya Raja mate ka lam jeurat Saleh nekmat saleh syeksa

Saleh saket saleh mangat 'Oh nan teutap haba raja La ilaha illallah Nyang peurintah ateueh hamba

Muhammadur Rasulullah Gaseh Allah soe nyang baca Amma bakdu pioh siat Lon jak teebat watee 'asa

Lheueh seumbahyang lom lon surat Meuna kudrat tulong hamba Bah lon pioh jinoe siat Meugadoh prat bulee mata

Lagi jaroe lon keurawat Hana sihat dum anggeeta Lompi ate lon na gundah Pike payah akan beulanja

Tuboh saket muka mirah Mata bilah bak meujaga Peuekeu sabab lon seuleuah Sabab cidah that calitra

Hikayat nyoe kon le cakap Laju mangat maken jula Soe nyang deungo teuka 'ajab Bak duek siat roh bak jula

Miseue ureueng jak pot kulat Geujak siat geuwoe jula Lagi keunong buhu rajat Sanjak teupat meuadoe a

Keunong antok tango mangat Dumna rakyat jiplueng suka Nyang na bacut ulon surat Banja teupat sang kreh Jawa

Haba cakri teuduek siat Bek panyang that gadoh gura Bahle jinoe balek ayat Meudeh siat ulon cuba

Ie di laot that barollah Riyeuek bicah bineh pasi Teuduek 'oh nan saboh ulah Nyoe lon peugah laen lagi

Jinoe lon kheun po samlakoe Aneuk Putroe Geureudan Umami Nyankeu raja peugang nanggroe Ka saboh roe gantoe abi

Yoh masa nyan muda seudang Dum sibarang ka jiantri Ahmad Kasari meuhei bujang Hai tuan datang keu mari

Beudoh bandum uleebalang Beusajan meuntro ngon wadi 'Oh meusapat dum sinaroe Beudoh jinoe geupeureugi

Geujak laju keu deh geuwoe U meuligoe Lelan Syikri Teuku meuntroe guree sajan Sikalian deungon wadi

Putroe nyang lhee sit di sinan Sajan-sajan Lelan Syikri Ka meusapat dum sibarang Yoh masa nyan Ahmad Kasari

Bet ngon jaroe di hadapan Jiduek jeunjang atueh keurusi Phon neutanyong meunoe bagoe Wahe meuntroe deungo kami

Wahe teungku guree kamoe Dan sinaroe laen lagi Wahe cutma po man putroe Tanyong kamoe jaweueb neubri

Lon tanyong nyoe kareuna Allah Nyang ekheulah jaweueb neubri Akan proe hai mate ayah Nibak Allah ka troh janji

Bak hakikat ka troh ajai 'Oh nan sagai umu neubri Ka bak Tuhan meunan azai Nibak akaipi that jibri

Akan teutapi nibak adat Deungon sabab roh teukeudi Ayah matepi na sabab Na alamat leumah teurjali

Le that dali han ek hisab Jeuep-jeuep teumpat jaroe gaki Dalam idong te ubiet darah Dalam babah tan beureunti

Pakon meunan cuba peugah Asailiah cuba kheun kri Cuba peugah nyang sibeuna He peurdana teuku wadi

Mangat puleh ate hamba Meunyo hana ingat seundiri Meunan tanyong raja muda Seuot teuma teuku wadi

Sabet beuna po meukuta Tan meutuka ban kheun doli Beuthat mawot ajai teuka Sababjih na baranggari

Akan teutapi tuanku droe Bak kamoe han putoh tukri Hana trok thee bandum kamoe Di meuligoe raja doli

Meunan jaweueb teuku meuntroe Meusu Putroe Lelan Syikri He banta cut aneuk lidah Ngo lon peugah mangat meukri

Lagee lon eu meunan lon peugah Asailiah mate doli Masa teuka ujeuen raya Teungeut indra dua kami

Teungeutpi trep lama masa Han tom nyang ka meunan lawi Tiba-tiba lam nibak nyan Jaga tuan raja doli

Sireuta lon jaga sajan Beudoh laman cok khanduri Lon cok sahab buka idang Sulotan neuminom kanji

Abeh neujep saboh cawan Neukheun yoh nyan ubak kami Peuebu lagee tuan putroe Pakon meunoe rasa kanji

Nyang ka han tom dilee puroe Uroe nyoe laen teurjali Teuma seuot patek laman Untong kadang sabab ini

Sabab lama keutidoran Meunan nyum sang wahe doli Han jan lhee seun peugah haba Yoh nyan raja han le meukri

, Sinankeu phon raja reubah Lon sambot pantah ulee doli Nyankeu sabab nyang na leumah Mate ayah teunku abi

Laen nibak nyan hana leumah Sidroe Allah nyang keutahwi Han jeuet aneuk lon meuteuoh Di lon reuloh that lam ate

Putroe peugah sira jimoe Meutaloe ie mata ile Po cut Ahmad seuot meunoe Buettan nyoe 'ajab sikali

Wahe cutma po ma badan Lon tanyong ban jinoe lagi Pat jiteubiet ma idang nyan Makanan datang keu mari

Pane teuka sret di manyang Keu junjongan soekeu nyang bri Pane ureueng laen datang Siri in san nyang beurani

Si Cut Ahmad muka masam Jipandang bak Lelan Syikri Jicok peudeueng le jireugam Putroe Lelan jimeung tadi

Meuntroe kalon han got lagee Peudeueng dilee neusambot le He raja cut bungong keumee Piyoh dilee he Kasari

Putroe dua beudoh sajan Marit nyoeban Rakna Diwi Wahe aneuk muda seudang Pakon rijang teuka beunci

Piyoh dilee uleebalang Hai intan tadeungo umi Ka lheueh lagoe raja pulang Peuneusan bak teungku abi

Pakon lupa wasiet ayah Aneuk lidah bek meupake Ka lheueh lagoe raja peugah Bek meubantah barangsoe le

Raja Ahmad muka mirah Teusuet pantah narit keuji Meuhan meukri buettan ayah Han kukeubah Lelan Syikri

Kupoh mate haram jadah Han jeuet keubah han got bagi Han jeuet keubah lam donya nyoe Bangsa geubloe biek abeudi

Teuboh adat rusak nanggroe Sabab gop nyoe buet that keuji Hana patot tuba lakoe Aneuk bisoe Lelan Syikri

Meuhan kupoh aneuk bisoe Kon ulon nyoe nan Kasari Si Cut Ahmad jimeusumpah Seuot pantah guree sani

Guree dua seuot pantah Nyankeu ayah Rakna Diwi Abdus Sa'id nan geupeugah Meunoe ulah jaweueb geubri

Wahe raja banta indah Sibeunalah ban kheun doli Sit na geukheun dalam kisah Na geupeugah dalam rawi

Tiep-tiep ureueng buettan salah Han jeuet keubah sikali-kali Boh barangsoe hina meugah Waleepon mbah raja neugri

Patot tapoh patot tadra Biek beulaga aneuk sihe Patot taboh ateueh sula Hana guna takeubah le

Akan teutapi he junjongan Keuteurangan dilee tacari Meunan bak lon nyang na reumbang Akhe datang cit teurjali

Baranggasoe nyang buet salah Cit leumah alamat meuri Hana sidroe hamba Allah Bangke gajah ek jibuni

Patot dilee sidek sasat Bek sigra that adeueb tabri 'Oh meuteumeung nyan alamat Tapoh leugat ureueng deungki

Bekkeu jinoe tapeumate Di akhe lon takot rugi Meunyo kureueng pike syawe Teukeusa peue guna lagi

Meunan bak lon nyang meusampe Diakhie rugoe teurjali Ka lon peugah awai akhe Cuba pike toh nyang meukri

Kasari hana jipateh Di jih meudeh leumah rawi Bak pihak atejih peudeh Jikhen meuceh nan bak waki

Wahe bujang waki nanggroe Kacok Putroe Lelan Syikri Kabeureukah gaji jaroe Beudoh jinoe kaboh rante

Kajak hue ateueh bumoe Aneuk bisoe han got bagi Bahle mate umu sampoe Meuhan kamoe han pueh ate

Yoh nyan jiikat putroe seudang Sayang intan Lelan Syikri Teuma jihue rijang-rijang Uleuen peukan jikeubah le

Ka jirinthak keu noe keu deh Sira teureuh ulee ili Hana sidroe teuka gaseh Aneuk paleh bandum deungki

Luka asoe teubiet darah Hana gundah tuan Siti Dum peukara jok bak Allah Nyang peurintah langet bumi

Nyang na teubiet meuie mata Sayang raja putroe ahli Ucap syuko keu Rabbana Allah Ta'ala sidroe Rabbi

Paleng ate nibak donya Hadap Esa Tuhan Ghani Pulang bak Allah dum peukara Sosah hana. Lelan Syikri

Syiah Luddin ai meuligoe Ayah putroe tuan Siti Neubeuet do'a neuleueng jaroe Sira neumoe Teungku Kadi.

Neubeuet kulhu neubeuet yasin Syiah Luddin hana khali Hana teudoh neuleueng amin Ate yakin keu Putroe Ti

Nyang sayang that aneuk dua Seutot bunda moe meu'i-'i Ho nyang jihue Putroe Lela Aneuk dua ulee ili

Ngon jipoh droe hana reuda Putroe Seutia ngon Cut AH Putroe Juhur balek ayat Moe rayat that jipeubla ma

Bek kahue le wahe rakyat Pakon jeungkat bandum gata Sira jimoe Putroe Juho He dalem e bek tapoh ma

Si Cut Ali hana tuto Ie mata ro moe meu'a-'a Aneuk jimoe hana teudoh Meuh seuneupoh seutot bunda

Putroe jihue Tunong Baroh AUah hai beh sayang raya 'Oh lheueh jihue keu deh keu noe Keubah jinoe di teungoh banda

Jipeuayeb tuan putroe Aneuk bisoe tan seutia deungon ija abeh beukah Jihue pantah tan jikira

Luka asoe teubiet darah Allah Allah sayang raja Bitpi meunan putroe indah Hana gundah Putroe Lela

Suntok sabe dike Allah Ate dahsyah keu Rabbana Lheueuh jikeubah tuan putroe Lasyeuka woe ubak raja

'Oh leupah woe aneuk bisoe Ureueng nanggroe laen teuka Na padum droe gujak keu nan Nyang na iman dalam dada

Geupeurab bak putroe intan Pihak sayang inseueh teuka Ija geujok pantah rijang Geutop badan putroe muda

Sireuta ngon geucom tangan Ngon cut intan meuah deesya Hoh masa nyan ureueng nanggroe Dum jimeuproe tuha muda

Bukon sayang tuan putroe Trok bak dumnoe geupeusyksa Patot patot teugo salah Sidah geukeubah lam istana

Beuthat geupoh nyawong sudah Bek leumah bak asoe donya Hankeu na got ayeb bunyoe Bit raja nyoe tan bicara

Bit raja nyoe hana akai Sangat beubai bak ri rupa Meunan-meunan dum jimeuproe Sira jimoe rakyat dumna

Sireuta ngon jileung jaroe Keu putroe lakee sijahtra Allah Allah Tuhan kamoe Neubri putroe beuleupah bahya

Ka sidumnan neuteukeudi Jinoe neubri beusijahtra Sayang lon that Lelan Syikri Ya Ilahi neupeuglah bahya

Bandum meunan jimeulakee Hana padee rakyat dumna Yoh masa nyan bungong keumee Moe meuree-ree Putroe Lela

Sabab neungieng Peureudan Ali Dan lagi juhur Seutia Saboh aneuk meuhei abi Saboh lagi meuhei bunda

Nyankeu sabab putroe bae Hai ameuk e pakri daya Teukeudi Po Rabbon Ghafu Aneuk teungku ka troh masa

Allah Allah aneuk badan Ulon paban bijeh mata Ka troh janji nibak Tuhan Mate sajan lon ngon bapa

Ayah mate lonpi mate That meusampe bijeh mata Ka teukeudi Rabbon Kade Tuhan peucre lon ngon gata

Lon sangka aneuk mate abi Tinggai umu soe peulara Hana lon thee hai Cut Ali Lom teukeudi mate bunda

Bak lon sangka hai boh ate Beumeusampe lon peulara Hana lon thee lonpi mate Panyot kande tinggai gata

Allah Allah aneuk badan Bukon sayang boh ate ma Saleh mate ulon tuan Gata intan soe peulara

Ulon mate ngon teukeudi Saleh pakrigata dua Allah aneuk ulon paban Nasib badan bunda gata

Nasib tuboh laon hai intan Buet cut abang aduen gata Meunan sabe putroe bae Ie mata ro hana reuda

Aneuk dua sinan bae Putroe Juhur lhee sireuta Teutap putroe sinan jimoe Lasyeuka woe lon calitra

'Oh troh ubak raja nanggroe Kheun hareutoe dum peukara Lheueh nibak nyan raja nanggroe Neukheun meunoe bak lasyeuka

Wahe namiet riwang jinoe Jak cok putroe nyang ceulaka Kajak peulop keu deh leugat U dalam glap seupot buta

Yoh nyan namiet jibeurangkat Jicok leugat Putroe Lela Jicok putroe jiba rijang Seutot sajan aneuk dua

Ka jipeulop putroe seudang U yup bagan dalam kama Ngon seupot that hana bagoe Sayang putroe teumpat hina

Jiploh ikat gaki jaroe Kon le bagoe miseue nyang ka Lheueh jikeubah putroe sinan Namiet yoh nyan woe bak raja

'Oh troh keu deh bak sulotan Jipeugah ban aneuk dua Ampon tuanku aneuk putroe Ka sajan droe Putroe Lela

Ban raja ngo meunan bagoe Riwang jinoe jak kagisa Kayue jak weh pantah rijang Bek sinan meusapat ngon ma

Namiet jiplueng teuma rijang Bak bagan jipeurab lanja 'Oh troh keu nan ka jipeutoe Jihareutoe haba raja

He Cut Ali ngon cut putroe Han jeuet sinoe taduek gata Beudoh laju taweh leugat Bek meularat ngon poteu raja

Yoh masa nyan Putroe Juho Teudong tahe hana haba Po Cut Alipitantuto Sit nyang na ro meuie mata

Putroe Lelan neukheun meunoe He aneuk droe bijeh mata Beudoh aneuk keu deh jak woe Bek le sinoe duka cita

Bek le aneuk ate sosah Jik bak Allah dum peukara Aneuk beudoh yoh nyan pantah Taeu joh-jah ngon ie mata

Jijak laju bandua droe Keudeh jiwoe ubak raja 'Oh troh jiwoe keu deh sampoe Marit meunoe ngon syeedara

He cut abang raja nanggroe Peulheueh jinoe bunda hamba Han soe bri bu lon dua droe Tan di kamoe laen bunda

Raja Ahmad seuot pantah Bunda kah that-that ceulaka Bah beu mate umu sudah Han jeuet keubah dalam donya

Putroe Juhur maken jimoe Jikheun meunoe lom bak raja Wahe dalem aduen lon nyoe Ngieng keu kamoe siblah mata

Beutagaseh ngon tasayang He cut abang gata raja Ta ngieng keu lon adek sajan Bek tapandang ateueuh bunda

Adat salah ma boh ate Jinoe bek le tapeusyeksa Meunan jikheun sabe-sabe Saket ate poteu raja

Yoh nyan raja neuseuot le Aneuk sihe kreueh that jungka Kukheun meunoe kakheun meudeh Bit that paleh kah ceulaka

Kuteumeung poh aneuk sihe Bahle mate jih bandua Meukon meunan han meusampe Kutiek bangke sapat ngon ma

Kasari beudoh cok ngon kayee Bungong keumee jiplueng lanja Jiplueng laju woe ujuree Moe meuree-ree adoe ngon a

'Oh sare troh u rumoh droe Jieh jinoe lam istana Bahle lon kheun haba nyang toe Aneuk putroe teungeut indra

Singoh beungoh teubiet uroe Beudoh jinoe po jroh rupa Jijak laju ubak ma droe Keu deh sampoe bak glap buta

Sare meu sapat nyan banlhee droe Lom ka geumoe jamong rugha Ngon ie mata sret teurjjon Jimeucom-com ngon meuwa-wa

'Oh sare lheueh geumeucom-com Bungong sukon duek sajan ma Hingga seupot le ngon uro Beudoh jiwoe aneuk dua

Aneuk jiwoe u meuligoe Tinggai ma droe bak glap buta Singoh beungoh lom jiriwang Bungong karang jak saweue ma

Deungon adoe dua sajan Ali Peureudan boh ate ma Beungoh jijak seupot jiwoe Hana padoe suntok masa

Suntok sabe meunan bagoe Geunap uroe meunan keurija Suntok uroe meunan sabe Neutupeue le poteu raja

Yoh nyan raja saket ate Neumeuhei le sidroe hamba Troh le namiet jipeureugi Raja kheun kri meunoe haba

Kacok Putroe Lelan Syikri Lam glap sunyi keu deh kaba Bek le sinan jih kakeubah Kapinah bak leubeh hina

Kaboh gunci teuma pantah Bahle punah sinan fana Aneuk dua laen teumpat Bek meusapat deungon bunda

Katop pinto beugot rapat Mangat teutap jih lam karna Mangat mate jih banlhee droe Bangsa geubloe biek ceulaka 'Oh lheueh suroh bak tuanku Jijak laju le Si Kamba Hingga troh bak bungong meulu Aneuk teungku jicok sigra

Jicok Putroe Lelan Syikri Lam glap sunyi jisak lanja Nyankeu teumpat nyang that keuji Ngon bee hanyi khep han tara

Lheueh jipeulop Lelan Syikri Jiboh gunci pinto karna Putroe Juhur deungon adoe Laen sagoe laen karna

Jitop pinto jiboh bajoe Aneuk bisoe jiwoe lanja Lelan Syikri teutap sinan Di yup bagan dalam karna

Hana sosah putroe intan Hana bimbang ate duka Hana saket mangatpi tan Peuteungohan lam antara

Neumeudike uroe malam Pujoe Tuhan hana reuda Meunan sabe baranggajan Pagi peutang hadap Esa

Putroe Juhur teumpat laen Bintang canden ngon syeedara Jimoe sabe that meuleng-leng Muka ceuken rok-rok masa

Bukon sayang bungong pade Suntok sabe dalam rugha Hana teudoh jimoe sabe Reuloh ate that bandua

Tujoh uroe tujoh malam Sikeujap han na tom reuda Lom jipoh droe hana reunggang Peureudan ngon Cut Seutia

Lawet la wan teuma dudoe Simalam nyoe po got rupa Ka teupike si nyak putroe Keupeue lon yoe jamong rugha

Bak malam nyan si nyak meugleueng Cut Juhur kheun bak adekda He adek cut intan buleuen Tango lon kheun sikrak haba

Nyang got adek bek tamoe le Bak lon pike hana guna Beuthat takhenn meunoe meudeh Han sit puleh ate duka

Nyang na reumbang bak lon pike Gotkeu bahle tapoh cakra Untong gadoh sosah ate Bekkeu that le jamong rugha

Meunan jikheun cut puteh di Si Cut Ali seuot sigra Di lon cutda han lon tukri Bak poh cakri tan biasa

Cuba takheun hai cutda Ti Sang beureuhi lon adekda Putroe Juhur su meualon Jikheun le pohn hai adekda

Geutanyoe na miseuetiong Dalam kurong cintramula Ka Tuhan bri meunan untong Gata ngon lon meunoe kada

Suara putroe go meusye-sye Sang buloh tho geuplah dua Lom putroe kheun lagee bae Meunoe ato basa Jawa

Ayo he nasib pike keu untong Nasib beugini kita keudua Nasib tuboh di dalam kurong Nasib datang dari kakanda

Ayo he sayang badanku ini Beurnyala-nyala sirupa api Ateku sosah tinggai di sini Pike teureubang bunda dicari

Kalee datang kapai Marikan Banyak muatan nyang bayek-bayek Kalee kuteumu bundaku sajan Sijuek badan ayer peureucek

Wahe Tuhan Rabbon 'Izzati Tuhan peurintah langet dan bumi Leupah badanku di dalam peuti Sajan adekda Peureudan Ali

Beutapa guna dudok sikarang Ate peureugi jawohnya hilang Dadaku hanco sibagoe reundang Sabab bundaku tidak kupandang

Badanku sayang di dalam rante Pike teureubang di dalam ate Bundaku hilang ayahpun mate Di mana teumpat jalan kucari

Allah hai lam sosah ate Sit lam sabe dukacita Ayah mate mapi tan le That meusampe ateueh hamba

Allah hai lam saket badan Pat kupeusan ie peunawa Apon mata apon badan Hai Peureudan meunyo tan ma

Allah hai adoe Peureudan Ali Tapaban tukri bijeh mata Grak bak Allah troh bak janji Ka jeuem teukeudi lon ngon gata

Putroe bae le that macam Han ek teelan lon calitra Ngon suara bagoe gambang Siat-siat sang genggong Jawa

Nakeu watee teungoh malam Teukeujot insan sidroe jaga Ban teukeujot nibak pangsan Yoh nyan dendayang deungo suara

Su cidah that jitupat tan Sabab jih nyan baro jaga Sang di likot sang hadapan Sang-sang ma nyang di antara

Sang di miyup sang di kanan Hireuen mandang meupat hana Sosah ate ureueng binoe Jitren jinoe jak peunyata

'Oh sare troh tren u bumoe Jingo bunyoe dalam karna Banjideungo su cut putroe Dendayang nyoe gaseh teuka

Dalam ate pike meunce Bahle jinoe kujak buka Buka pinto mameung-mameung Sira jikheun meunoe haba

Wahe putroe intan buleuen Hai cut meugleueng deungo cutda Bek le pot cut taduek sinoe Laen nanggroe tajak bungka

Meunyo taduek laju sinoe Akhe dudoe mate fana Bek le po cut ate sosah Jik bak Allah dum peukara

Meuna bagi deungon tuah Dumpeue mudah neukaronya Taduek sinoe peue na ase Cuba pike peue na guna

Nyang na saja rusak ate Troh bak mate lama-lama Nyang got bak lon putroe intan Beudoh rijang jak neubungka

Meuna untong nibak Tuhan Nakeu jalan akhe masa Di lon po cut kupeuingai Sayang lon that gata dua

Po ma putroe bahle teutap Sinan meuhad dalam karna Ka lon peugah saket mangat Cuba ingat toh nyang laba

Meunyo po cut panyang ingat Teuntee arat bak neukira Teuma seuot si nyak putroe He po da droe sabet beuna

Bit meutuah gata sidroe Da sambinoe that seutia Tatem peugah dum keu kamoe Laen han soe lagee gata

Allah Allah da meutuah Han ek balah guna gata Sidroe Tuhan nyang ek balah Nyang peurintah ateueh hamba

Beudoh cutda jak ba kamoe Siat jinoe ubak bunda Dendayang ek u meuligoe Peukayan putroe jijok lanja

Teuma jitren rijang-rijang Putroe intan laju jiba 'Oh troh keu deh bungong rihan Marit nyoeban meuhei bunda

Wahe mapo ma teungku droe Idin lon nyoe ngon adekda Hajat bungka bak uroe nyoe Tinggai sinoe gata bunda

Lon meung tamong hana jalan Pakrikeu ban lon ngieng mata Meunan jikheun cut meusubang Putroe Lelan jaweueb sigra

Han peue salah po sambinoe Idin lon nyoe bijeh mata Yoh neukheun nyan putroe neumoe Meuteutaloe ngon ie mata

Tajak aneuk beuseulamat Tuhan Hadarat nyang peulara Uroe page di akhirat Keu deh meusapat lon ngon gata

Allah hai aneuk bintang tanjong Meuah ampon bandum deesya Nyoekeu aneuk peulheueh apon Uroe nyoe lon ere ngon gata

Yoh masa nyan meuh seuneupoh Basah tuboh sret ie mata Rot deh geumoe rot noe riyoh Allah hai beh sayang raya

Lelan Syikri moe rheuree-ree Sang ka pade lam glap hina Nyoe lon peugah bungong keumee 'Oh lheueh lakee idin bak ma

Maumat jaroe ngon dendayang Cutda badan meuah deesya Jyok ija le dendayang Dum jipulang ngon boh dokma

Nyoe makanan saboh bungkoh Nyan peunajoh di rot raya Beuseulamat cut putroe beh Meuh seuneupoh beumeubahgia

Kukuek manok saboh-saboh Cut putroe jroh beudoh bungka Dumna cicem goh lom beudoh Awai suboh teubiet faja

Yoh nyan neujak putroe seudang Dua sajan ngon adekda Ngon ie mata meugeulumbang Bukon sayang aneuk raja

Sayang putroe panyot tanglong Ate tutong ingat bunda Jiteubiet blang tamong gampong Seutot untong ho langkah ba

Sira jijak si nyak putroe Pike meunoe dalam dada Keupeue di ion peukayan nyoe Dum sinaroe ngon boh dokma

Kadang mate nyawong simpan Rot lam hutan peukoh rimba Bandum alat ngon peukayan Keurugian sia-sia

Kamoe mate alat gadoh Sayang teuboh di rot raya Adat lon bri keu seudeukah Bak Allah meuteumeung fahla

Meunan pike putroe indah Tanda meutuah aneuk raja Teungoh-teungoh putroe pike Meuteumeung le ureueng tuha

Si nyak putroe yoh nyan pangge Panyot kande meunoe haba Nyoe hai teungku cok seudeukah Lon ekheulah bri keu gata

Teungku faki sambot pantah Meuh nyang mirah dum peurmata Sira neukheun alhamduiillah Ajarakallah nyang keudua

Lompi neukheun putroe indah Tuhan balah dum keu gata 'Oh lheueh jijok dum peukayan Putroe intan laju bungka

Deungon adoe dua sajan Cut Peureudan boh ate ma

• Hingga lon kheun haba nyang toe Aneuk putroe jimeusafa Ka dalam gle keu deh sampoe Nakeu uroe watee 'asa Yoh masa nyan aneuk agam Cut Peureudan salah sangka Si Cut Ali salah waham Muka masam jieu rimba Ka teuingat nyan u nanggroe Jikheun meunoe le bak cutda Wahe cutda jak udeh woe U nanggroa bak teumpat nyangka Adat mate bah di nanggroe Peue buet keu noe peukoh rimba Saket mangat laba rugoe Bah di nanggroeteu hai cutda Peue buet cutda keu noe lam gle Jak bloh awe rimba raya Beudoh jak woe bek le pike Da boh ate jak tagisa Teuma seuot si nyak putroe Pakon adoe rijang lupa

Tan taingat yoh di nanggroe Geutanyoe keunong enaya Hana sabab geutanyoe geupoh Peue buet adoe jroh lom tagisa

Geutanyoe geupoh bunda sajan Sababjih tan geupeusyeksa Peue buet adoe lom tariwang Soe tapandang 'oh hana ma

Pakon adoe salah pike Bek boh ate salah sangka Di lon adoe han kuwoe le Bahle mate dalam rimba

Adat mate ulon paban Ka bak Tuhan meunoe kada Meunan jikheun putroe intan Ali Peureudan han le dawa

Meunyo meunan cutda badan Bri makanan deuek lon raya Si nyak putroe cok makanan Makeuen sajan dua-dua

'Oh lheueh makeun bungong meulu Beudoh laju leugat bungka Jipeuteupat nap u Timu Matauroe hu nyan keu tanda

Uroe malam jijak sabe Han le pike adoe ngon a Jibloh uteuen duroe awe Jiarong gle peukoh rimba

Abe jibloh lam-lam duroe Si nyak putroe tan jikira Beukah ija luka asoe Bandua droe sisyeedara

Tan jiingat teubiet darah Han le gundah aneuk raja Dum peukara jok bak Allah Hana ubah dalam dada

Hingga lon kheun haba nyang toe Malam uroe jijak lanja Tujoh malam tujoh uroe Troh sampoe bak saboh guha

Saboh naga lam guha nyan Padum jaman sinan jitapa Sit jpreh troh teuka insan Jimeung pulang hekeumat tapa

Sit ka janji masa dilee Jilakee bak Tuhan Esa Jimeung bri keu bungong keumee Soe nyang dilee keu nan teuka

Naga jieh lagee bateueng Meukuweueng sang kayee raya 'Oh troh keu nan bandua droe Meusu adoe kheun bak cutda

Si Cut Ali jikheun meunoe Peue meubunyoe jeh hai cutda Peue binatang raya teudu Matapi hu miseue sua

Seuot putroe sang ban laku Uleue leumbu nyankeu naga Aneuk dua ate lucot U likot jipakat gisa

Naga jikheun hai bungong sret Bek teumakot po jroh rupa Tacok po cut nyoe peunulang Pusaka wang raja naga

Peukreueh ate putroe seudang Jita nyong ban ubak naga Peue tapulang he cut abang Peugah rijang wahe raja

Seuot naga euncien malakat Deungon tungkat sajan dua Lom jitanyong pirak lipat Euncien ngon tungkat peue na guna

Seuot haga hai nyak putroe Le that bagoe nibak guna Watee tungkat mat ngon jaroe Tase kamoe raja naga

Adat hajat nyan keu peudeueng Han soe linteueng tajam mata Le that guna han ek bileueng Po cut meugleueng tueng keu gata

Naga peugah awai akhe Ka teupika po jroh rupa Aneuk dua mangat ate Naga jok le nyan pusaka

Abeh wasiet dum amanat Pirak lipat sambot sigra Lheueh nyan putroe lom beurangkat Jijak leugat ngon adekda

Si Cut Ali lakee tungkat Tabri siat ulon bawa Deungon euncien nyang malakat Galak lon that wahe cutda

Si nyak putroe jijok leugat Pirak lipat hana dawa Jisok euncien nibak jaroe Po samlakoe ate suka

Hingga lon kheun haba nyang toe Sikhan uroe ere ngon naga Jijak laju bandua droe Troh bak sungoe krueng nyang raya

Ie dalam krueng hana that le Pante dum tho leumah nyata " Si Nyak putroe ka teusawo Jimeututo ngon syeedara

Tadeungo lon wahe adoe Tabri keu moe tungkat raja 'Oh leupah krueng pulang bak droe Bahle jinoe ulon bawa

Si Nyak Ali seuot pantah Bek tagundah wahe cutda Nibak badan lon beureukah Adat reubah han peue mara

Si nyak putroe ka jiiem droe Hana sapeue le suara Takot beungeh ate adoe Po sambinoe jipeulara

Yon nyan putroe jijeumeurang Dua sajan ngon adekda Troh teungoh krueng muda seudang Ujeuen datang sajan ie raya

Teukeudi Po Rabbon Kade Alamat ere urueng dua Yoh masa nyan bungong pade Jigule uleh ie beuna

He laju si nyak putroe Laen nanggroe bineh kuala Ka meusareueng ateueh tungoe Teupin sungoe dalam bangka

Sidroe ureueng jak cok kayee Geueu lagee manusia Geujak laju keu nan dilee Bungong keumee jak peunyata

Nama gop nyan Cutti Male Inseueuh ate neueu rupa Neucok putroe neupuwoe le Galak kon le ureueng tuha

Troh u rumoh salen basahan Bri peukayan gantoe ija Si nyak putroe hana pangsan Tulong Tuhan neupeulara

Sabab le that bri seudeukah Tuhan balah akan dia Dalam ate that ekheulah Soe bri seudeukah raya fahla

Nyankeu fahla Tuhan balah Gadoh sosah lam ie raya Nyoe lon peugah Cutti Male Dumpeue asa sianika N**&&3 JOK** lo nyfcn p - < Neubri ngon bu panyot kande Galak ate hana tara 'Oh lheueh makeuen si nyak putroe Tanyong meunoe ureueng tuha

Wahe aneuk nyak sambinoe Peugah jinoe nyang sibeuna Patbu gampong deungon nanggroe Namateu soe geuhei gata

Soe nan ayah intan buleuen Soe keurajeuen nanggroe gata Bunda gata soe nan geukheun Sret dalam krueng peue kareuna

Putroe Juhur yoh nyan jimoe Ingat keu adoe si cut banta Sireuta ngon seuot meunoe E ma putroe hai ma raja

Ka tatanyong ma meutuah Ulon peugah ngon sibeuna Sabab nyang phon mate ayah Asailiah sinan mula

Lom teukeudi nibak Tuhan Bunda sajan keunong syeksa Lonpi geupoh adoe lon sajan Hai ma badan tan kareuna

Han ek lon theun sabe-sabe Lon plueng lam gle peukoh rimba 'Oh troh lam krueng ie peuile Sinankeu ere ngon adekda

Saleh udep saleh mate Saleh han le adoe hamba Putroe peugah awai akhe Sajan ile ngon ie mata

Cutti Male yoh nyan teupike Neuseuot le meunoe haba Meunyo meunan hai sambinoe Deungo lon nyoe po jroh rupa

Bek le tajak keu deh keu noe Piyoh sinoe sajan hamba Meunyo tajak nyak meutuah Tan faidah bak lon kira

Si nyak putroe han le tuto Ka tahe ingat syeedara Nyang na jimoe ie mata ro Putroe Juhur sayang raya

Teutap sinan si nyak putroe Malam uroe sajan maha Bah lon balek ayat jinoe Bek le meunoe bacut saja

Teuduek haba si nyak putroe Jinoe adoe lon calitr Ia di laot meuwoe ulang Lam beurawang meujak meuwoe

Am ma bakdu adek badan Ali Peureudan lon hareutoe Masa karam lam ie raya Cre ngon cutda dalam sungoe

Hana jeuoh hanyot banta Bacut saja rab ngon bunoe Jime le ie bineh reuleueng Jidrop naleueng deungon jaroe

Jimat kayee mameung-mameung Bungong seupeueng teungoh keudroe Troh u darat bungong pade Jieu han le syeedara droe

Sira jimoe meunoe pike Dalam ate po samlakoe Allah hai Po Rabbon Kade Ka neupeucre cutda kamoe

Saleh udep saleh mate Saleh han le pakri jinoe Si Cut Ali moe meu'u-'u Soe nyan na eu gundah han soe

Jipeugah bak Rabbon Ghafu Pakri laku ulon jinoe Meunyo hana le syeedara Keupeue guna kamoe sidroe

Ya Tuhanku neupeulara Lon ngon cutda bandua droe Udep mate beusijahtra Tuhan Esa tulong kamoe

Allah Allah ya Rabbana Kabui do'a lakee kamoe Banta jimoe sabe-sabe Weueh that ate hana bagoe

Ngon ie mata sret meugule Sampoh sabe deungon jaroe Teuma teupike dalam dada Peue na laba lon duek sinoe

Jibeudoh le teuma sigra Dalam rimba jijak sidroe Han piyoh jijak sabe Hingga troh le ujong nanggroe

Nanggroe Tunong lam lungkiek gle Panyot kande tamong nanggroe Meuteumeung le sidroe teungku Meunan laku neutanyong proe

Hai aneuk cut bungong meulu Aneuk teungku patbu nanggroe Si Cut Alijiseuot le Di dalam gle di lon nanggroe

TBukeudi Po Rabbon Kade Ie peuile u nanggroe nyoe Ban neudeungo ie peuile Ka teupike di teungku nyoe

That meutuah panyot kande Dalam ate meunoe bagoe Nan teungku nyan Abdus Su'ud Kayem khaluet neuboh nanggroe

Teuma neupeuwoe po banta cut Hajat peubeuet po samlakoe Sabab neungieng ateueh banta Neupareksa gaki jaroe

Teungku neuthee that bahgia Aneuk raja neuthee keudroe Neueu sigak deungon laku Utoh teungku neufam keudroe

Troh u rumoh ka neubri bu Bungong meulu makeuen sidroe 'Oh lheueh makeuen muda seudang Piyoh sinan malam uroe

Singoh beungoh hari siang Teungku yoh nyan peubeuet keudroe Phon neupeubeuet sit Quruan Jeuet le rijang utoh han soe

Watee tamat beuet Quruan Peubeuet lheueh nyan kitab jawoe Nyanpi siat jeuet le rijang Banta ajam sit that ragoe

Ate peungeuh muda seudang Uroe malam that jipakoe Teungku kalon meunan macam Peubeuet yoh nyan laen bagoe

Neupeurunoe dum peukar Si cut banta utoh han soe Dum eleumee teungku aja Jeuet le sigra jifam keudroe

Peue nyang jieu siat jeuet le Peungueh ate po samlakoe Utoh jifam bungong pade Dumpeue ase bansinaroe

Bahle lon kheun haba nyang rab Pirak lipat rayek keudroe Umu peuet thon sinan teutap Dum hekeumat utoh han soe

Deungon badan rayek leugat Miseue kulat ujeuen baroe Akai lisek ceureudek that Hana sapat kureueng pindoe

Si Nyak Ali tulong Tuhan Utoh jifam jeuep-jeuep sagoe Ate teungku galak han ban Dum neupulang hekeumat sinaroe

Teutap sinan bungong keumee Sajan guree malam uroe Jinoe teungku balek lagee Bungong keumee teuduek 'oh noe

Puteh-puteh pirak lipat Soe ngieng kilat gadoh tunu Amma bakdu balek ayat Meudeuh siat ulon aju

Nyoe lon peugah sidroe raja Lon calitra meusigeutu Nama nanggroe nyan Palistina Di sinan na sidroe tuanku

Nama Raja Adil Parisi Sit geuturi that meusyeuhu Nama Putroe Syarifah Binti Nyan esteuri deelat tuanku

Nyanpi saboh raja meugah Meusyeuhu gah troh u Timu Neumeuaneuk putroe indah Rupa cidah han jeuet taeu

Raja boh nan Cut Ariyan Kulet bad- .ng keululu Watee jijak taloe jalan Ureueng pandang lenyang tunu

Cahya badan meujeureulang Han ubah ban panyot lampu Bahle lon kheun aneuk raja Lon peuhaba meusigeutu

Rupa cidah hana tara San g Diwa aneuk Diu Cahya gigoe miseue intan Dhoe meupatam keunong laku

Soe nyang kalon napsu bimbang Le nyang bok-bang teuku teungku Bulee keuneng buleuen siuroe Rancong tajoe meunan laku

Got meutanggong ngon patam dhoe Muka putroe han that buju Watee jikhem leumah gigoe Baranggasoe ate tunu

Jeuep-jeuep gampong jeuep-jeuep nanggroe Hana sidroe nyang sikufu Hana bandeng ngon teuladan Cut Ariyan that meusyeuhu

Paleuet jaroe jroh meukulam Dhoe meupatam keunong laku Nibak bibi jiboh gaca Got meucahya watee taeu

Cahya gigoe sang suasa Le nyang gila guru-guru Soe nyang kalon Cut Ariyan Han peue tuan le pajoh bu

Pruetteu tarek badan seunang 'Oh tapandang ate rindu Meunankeu nyum nibak rasa 'Oh watee ka siblet taeu

Meunyo putroe aneuk raja Maklum sit ka teungku-teungku Han peue panyang le lon peugah Sang bedeuah narit payu

Bahle lon kheun haba pantah Putroe indah lheueh pajoh bu 'Oh lheueh makeuen bak siuroe Si nyak putroe jak bak abu

'Oh troh jijak bak ayah droe Marit keudroe bungong meulu Tabri idin he ayahda Lon aneukda ate rindu

Ha jat di lon jak pot gaca Keubon bunga nyang meusyeuhu Teuma seuot poteu raja He aneukda bungong meulu

Han peue salah bijeh mata Ban nyang suka aneuk teungku 'Oh lheueh idin bak ayah droe Si nyak putroe beudoh meupru

Ngon dendayang dum sinaroe Jijak jinoe po cut meulu Troh u taman jijak leugat Pirak lipat ate rindu

Jeuep-jeuep sagoe jibeurangkat Rata teumpat dum jijak eu Putroe meu'en keu deh keu noe Hingga uroe seupot laju

Yoh masa nyan si nyak putroe Bak sinaroe ka jibri su Wahe cutda beudoh rijang Bungong rihan tapot laju

Sajan ngon droe putroe seudang Jipot rijang bungong meulu Haba nyang rab ulon peugah Bungong mirah jipot laju

Ngon teukeudi nibak Allah Putroe indah gundah ragu Saboh kala sangat juah Jikap pantah po cut bungsu

Sangat bisa han peue peugah Rupa mirah sang aupi hu Jikap nibak aneuk jaroe Reubah putroe bungong meulu

Yo ngon badan leungo asoe Bungong geutoe gadoh ngon su Yoh masa nyan dumna rakan Ngon dendayang moe meu'u-'u

Dalam keubon sare kiam Ureueng datang got that karu Ureueng teuka Tunong Baroh Dalam lampoh ka' a-ka' u

Ladom tanyong peue nyan kiroh Meuh seuneupoh hana le su Jimeupakat dum sinaroe Jicok putroe peuwee laju

'Oh sare troh u meuligoe Raja nanggroe ka raya su Syarifah Binti majih putroe Hana bagoe moe meu'u-'u

Wahe aneuk bungong nroe Pakon meunoe hana le su Raja peurab bak aneukda Neueu rupa han got laku

Neueu hitam jiek bisa Han le cahya putroe bungsu Neuhei tabib teuma sigra Neuyue tawa po cut meulu

Troh le keu nan dum jiteuka Ubat jiba ban silaku Ladom tawa ladom gajah Putroe indah han teubiet su

Nibak puleh that meutamah Raja sosah moe meu'u-'u Si nyan putroe Cut Ariyan Reuoh peusam han jeuet taeu

Jipoh-poh droe hana reunggang Soe nyang pandang ate tunu Poteu raja sosah ate Ka neupangge nujum laju

Teuku nujum siat troh le Raja kheun he teungku-teungku Cuba kalon jinoe leugat Pirak lipat mantong umu

Jikalee na mantong ubat Neupeugah pat nak lon bri su Yoh nyan nujum buka kitab Jikalon bab peupoh laju

Leumah jieu dalam kitab Pirak lipat panyang umu Ubatjih na tatupat tan Pakrikeu ban he tuanku

89'

Ban neudeungo haba meunan Sulotan meutamah tunu Hingga teuma padum uroe Raja nanggroe ka neumeusu

Wahe bujang jak lam nanggroe Kahareutoe meunoe laku Soe peupuleh si nyak putroe Nyankeu lakoe po cut meulu

Uleebalang imum nanggroe Beuthat meuntroe teungku-teungku Beuthat aneuk sigeumadoe Boh barangsoe si duek keu bu

Ban nyang lon kheun hana ubah Jak keumeurah jinoe laju Bandum ureueng hina meugah Kayue langkah dum jijak eu

'Oh lheueh suroh nibak raja Bujang lanja jijak laju J ip eh mo ngmo ng j iseuranta Jikheun haba bak tuanku

Hingga lon kheun haba nyang toe Ureueng nanggroe deungo laku Dumna tokang dalam nnggroe Cut putroe bandum meunapsu

Dumna tabib abeh teuka Jijak tawa putroe bungsu Bek antara puleh bisa Maken lanja saket laju

Teubiet tamong hana teudoh Seun sireutoh seun siribu Dalam kuta sare riyoh Sang seunujoh kiam 'a-'u

Si nyak putroe that meutamah Raja sosah leubeh laju Ubak bujang lom neupeugah Kajak pantah ubak teungku

Beutroh keu deh ujong nanggroe Teungku keu noe kayue laju Kayue abeh dum sinaroe Rjjang jinoe sajan teungku

Teuma jijak teuku bujang Siat datang troh bak teungku Teungku Su'ud cit di sinan Jipeugah ban teuma laju

Wahe teungku guree hamba Suroh raja deelat tuanku Sajan murid beusireuta Beusigra jinoe ngon aku

Bujang peugah ngon sibeuna Aneuk raja han got laku Ka jikap le saboh bisa Putroe muda gadoh ngon su

Dumna tabib gadoh ragoe Hana sidroe ek boh laku Meuek puleh tuan putroe Nyankeu lakoe po cut bungsu

Si Cut Ali jideungo proe Po samlakoe seuot laju Meunyo meunan wahe meuntroe Taba kamoe lon meung jak eu

Lagi ulon ureueng hina Teumpat rajahan tom lon eu Han peue salah seuot bujang Sit han jeuet han beuneujak eu

Teuma beudoh teungku sajan Cut Peureudan neuba laju 'Oh troh keu deh tamong rijang U dalam kuta meusyeuhu

Laju jiba bak sulotan Peugah rijang ban silaku Laju neume nibak putroe U meuligoe neupeuek laju

'Oh troh keu deh bungong geutoe Rab ngon putroe neuduek meupru Ka neulakee saboh cawan Geujok rijang keu nan laju

Neusuet euncian nibak tangan Dalam cawan neulhom laju Ateueh putroe ie neusiram Rahop badan putroe meulu

Bak jaroe jikap le kala Gadoh bisahana le hu Gadoh saket nekmat teuka Teubleut mata putroe bungsu

Cut Ariyan beudoh sigra Jihei bunda jilakee bu Mangat ate raja raya Cut meutia ka teubiet su

Cut Ariyan bayak rupa Jingieng banta malee sipu Sabab han tom jieu nyang ka Paleng muka ubek ibu

Syarifah Binti sirong mata Bak aneukda po cut meulu Putroe areh tupeue basa Teuot banta seumbah laju

'Oh lheueh seumbah Cut Peureudan Jiduek sajan rab ngon teungku Teuma geubet le ngon idang U hadapan keu nan laju

Si Cut Ali makeuen sajan Cut Ariyanpi pajoh bu 'Oh lheueh makeuen pinah idang Teutap sinan panyot lampu

Nyoe lon peugah poteu raja Bak sineuna ka neubri su Neuhei guree ngon peurdana Peugah haba ban silaku

Meusapat dum uleebalang Bale keumang nyang meusyeuhu Sare ase sikalian Meuntroe sajan deungon teungku

Turon sabda nibak raja Si cut banta neuyue jak eu Si Cut Ali keu nan geuba Poteu raja neukheun laku

Wahe aneuk bijeh mata Deungo hamba aneuk teungku Lon peukawen jinoe gata Putroepi ka sampoe umu

Si Cut Ali seuot meunoe Ampon kamoe he tuanku Pakri neubri keu lon putroe Lon sidroe ureueng duek keu bu

Lagi nanggroe hana meupat Teubeulasat roh bak teungku Nibak ulon ampon deelat Sang han meuhad keunong laku

Seuot raja neukheun nyoe ban Beuthat meunan aneuk teungku Ka teukeudi nibak Tuhan Di gata nyan roh sikufu

Adat meukon ka teukeudi Pane neubri dumnoe laku Bek le aneuk panyang cakri Nyan esteuri putroe meulu

Lagi ulon ka lheueh janji Han jeuet ungki aneuk teungku Baranggasoe ubah janji Adeueb neubri le Tuhanku

Meunan neukheun raja nanggroe Po samlakoe han le su Ka tahe teuingat keudroe Seungap 'oh hoe bungong meulu

Puteh kuneng bungong geutoe Bungong panjoe sret meutabu Bah lon balek ayat jinoe Bek le meunoe wahe teungku

Meunan adat bak hikayat Balek ayat seun sigeutu Meunoe siat meudeh siat Toh nyang mangat ulon aju

Meunyo hana balek ayat Sit malah that ureueng nyang eu Miseue mangat bak bu leukat Tapeusapat ngon sroekaya

Amma bakdu balek ayat Raja deelat lon calitra Nyoe lon peugah Adil Parisi Peutroh janji bek meutuka

Oh lheueh neukheun bak Cut Ali Ubak meuntri neumeuhaba Neutueng pakat ubak kadi Lom bak waki meunoe-haba

Takrah rakyat dalam nanggroe Beutroh jinoe tayue teuka Imum geusyik.peutua sagoe Dum sinaroe ngon bentara

Beutroh keu noe asa uroe Takheun kamoe na peukara Bujang beudoh jijak keu deh Aneuk paleh galak raya

Jicok le gong nibak binteh Jipileh nyang raya taga Jipeh ngon gong tet ngon beude Jimeuhei le sigom dunya

Jikrah rakyat dum sagoe be Tangoe u gle jiseuranta Abeh bandum jiyue ilu Geusyik waki maharaja

'Oh troh keu nan ubak doli Junjong jibri raja raya Ampon tuanku syahi alam Uleebalang dum ka teuka

Peue tuanku na surohan Peugah rijang po meukuta Poteu raja seuot meunoe Tadeungo nyoe dumna gata

Nyang lon pangge gata keu noe Hajat kamoe meukeurija Lon peukawen si nyak putroe Bisan lon nyoe bandum gata

Meunan narit bak sulotan Seuot nyoeban dum peutua Insya Allah he junjongan Nibak laman ateueh jeumala

Lheueh nibak nyan rakyat jiwoe Peuase droe balata ntra Teungku kadi deungon meuntroe Geutueng jinoe po cut banta

'Oh sajan troh ubak jcadi Peukayan geubri bajee dokma Geuboh gaca jaroe gaki Peureudan Al i ureueng teuka

Geusie keubeue geukhanduri Geunap sare jeuep kutika Peurasan le han soe tukri Teungku kadi meukeurija

Peh hareubab ngon kudangdi Kucapi ngon genggong Jawa Jitet beude peh bunyian Ali Peureudan geuboh gaca

Ka geupeungui ngon peukayan Bak badan alat mutiara Jaramani pudoe intan Di ateueh nyan kulahkama

'Oh lheueh meungui dum peukayan Soe nyang pandang ladat mata Jiek jahat nibak badan Meujeureulang that ie muka

Jisok ragam intat linto Ureueng tahe keu nan mata Geupeusok ngon luweue hijo Linto baro cidah rupa

Lheueh di sinan nibak kadi Lom bak wadi ngon peurdana Di sinanpi hana sakri Peh rapai ngon nukara

Bak kadi dumnan peurasan Bak sulotan laot raya Han ek peugah dum binyian Meunyo 'oh jan meukeurija

Geusie keubeue troh meureutoh Puteh leusoh geuboh gaca Jitet beudepi han teudoh Rakyat kiroh dalam lua

Le peurasan nibak putroe Hana padoe jitet lila Jitet ngon dhien jeuep-jeuep sagoe Malam uroe hu meunyala

Tujoh uroe tujoh malam Meupeurasan dalam kuta Rakyat meusak uroe malam Inong agam tuha muda

Han ek peugah buet peurasan Maklum tuan dumna gata Buet peurasan teuduek 'oh nan Han ek teelan lon calitra

Nyoe lon peugah Cut Ariyan Rupajih ban bintang kala Geuseumanoe geucet andam Ban atoran aneuk raja

Sit ka maklum dumna rakan Han peue tuan lon calitra Gaca hitam jaroe gaki Lom bak bibi geuboh baja.

Boh ngon aneuk jaramani Nibak gaki gleueng meugeunta Peusok subang meuteufapan Han jeuet pandang jiplueng cahya

Mata euncien mata subang Biet-b lot intan dum peurmata Ngon ie muka lang-geumilang Badan timang sang geuupa

Soe nyang kalon Cut Ariyan Le nyang pangsan punyo gila Si nyak putroe that analan Lom dendayang dara-dara

Tujoh pioh dor saban-saban Ngon peukayan bandum sama Lam meuligoe uroe malam Jarakjih tan sikiep mata

Rupa jroh-jroh seudang-seudang Peungapetan putroe muda Teuduek 'oh noe si nyak putroe Po samlakoe lon calitra

Hingga trok had tujoh uroe Linto geupeuwoe u istana Intat mampleue dum sinaroe U meuligoe poteu raja

Buet meuampeueng han lon peugah Karot babah tacalitra Ka geupeuek banta indah Dumpeue sudah sianika

Seuleueng tika bak duek linto Ateueh kaso mutu ratna Got meusigak dum meuato Meurungko ngon tireerawa

Anteng-anteng puteh hijo Reumboe le ma nek meutia Jibeudoh hu sang meuhambo Brat-breut hjjo meucuaca

Peureumadani ateueh kaso Bak duek linto po cut banta Soe nyang kalon hireuen take Ek teusawo dalam dada

Meusapat dum uleebalang Sajan intan ateueh geuta Meuntroe-meuntroe bentara blang Peungapetan po cut banta

Sare asa dumna rakyat Yoh nyan deelat neubri basa Ubak guree neuisyarat Maklum leugat teungku ulama

Teungku cok ie neusrah babah Neupeunikah putroe muda Pohon-pohon neukheun ngon bismillah Alhamdulillah nyang keudua

Anfusikum 'ibadallah Banta indah kabui sigra 'Oh lheueh ijab kabul nikah Teungku syiah baca do'a

Haba singkat ulon peugah Rijang sudah buet keurija Lheueh khanduri bri seudeukah Dumna syiah woe neugisa

Ka geupeuek linto baro Jitajo seurahi kaca Lheueh srah gaki bungong kundo Banta lalo u istana

Ka jibeudoh dum dendayang Seumbah rijang teuot banta Aneuk dara seudang-seudang Apet intan putroe muda

Banta neuduek ateueh tüam Cut Ariyan teutop muka Putroe cidah that analan Bantapi tan na saboh sa

Tamse buleuen deungon uroe Meunan bagoe ureueng dua 'Oh meusapat bandua droe Keu deh keu noe jiplueng cahya

Soe nyang kalon mata laloe Nyum bek tawoe sikiep mata Meunankeu nyum lam ate droe Baranggasoe ladat teuka

Miseue banta matauroe Miseue putroe buleuen purnama Dendayang na miseue bintang Lam kandang buleun purnama

Meusapat buleuen ngon bintang Meutamah trang malam jula Cut Ariyan putroe lint eng Jikeureuleng ateueh banta

Ali Peureudan sang-sang neukhem Putroe maken jitop muka Teuma geupeumueng dara baro Khem meuhubo lam istana

Ureueng meusak nibak pinto Jitajo jak jingeuk banta Watee meunan peue tapeugah Maklum sudah dumna gata

Nyang ladom ureueng beurakah Pakri meukah kalon saja Dikee nyang that reuoh-reuah Hana leumah kueu rupa

Meunankeu dum jimeusah-sah Bahle pantah lon peuhaba Jibet idang pantah-pantah Jaroe geusrah banta muda

Banta suleueng putroe indah Lhee boh babah asek sigra 'Oh lheueh makeuen sikalian Pin ah idang pantah sigra

Sare ase sileungkapan Rakyat pulang maseng tangga Tinggai Banta Ali Peureudam Teutap sinan lam istana

Sajan Putroe Cut Ariyan Eh tidoran sama-sama Sare faja beungoh uroe Beudoh putroe sajan banta

Cut Ariyan tren jak manoe Jipeugleh droe jeuep anggeeta Ngui ngon beudak dum bee-beewan Ate seunang hana tara

Lheueh meusalen ngui peukayan Duek seumayam ateueh geuta Meunan sabe baranggajan Maklum tuan dumna gata

Teutap sinan po samlakoe Sajan putroe lam istana Ate galak hana bagoe Malam uroe meuseusuka

Lale ate Ali Peureudan Cut Ariyan leubeh suka That beureuhi napsu bimbang Got timang sang on neuraca

Rot deh buleuen rot noe bintang Jroh sopadan ureueng dua Hana kureueng leubehpi tan Saboh seudang saboh dara

Ate galak hana macam Cut Ariyan sajan banta Meunan sabe uroe malam Sikeujap han jarak tangga

Hingga lon kheun haba nyang toe Po samlakoe lon calitra Padum lawet sinan laloe Bak siuroe teuingat keu a

Ka teuingat keu cutda droe Cut Putroe Juhur Seutia Nibak pike po samlakoe Cutda droe mantong lam donya

Goh lam mate Putroe Juho Teusawo lam ate banta Yoh masa nyan bungong kundo Ie mata ro jamong rugha

Bak wat es nyan Ali Peureudan Peugah rijang bak putroe muda Wahe judo Cut Ariyan Lon tuan siat kubungka

Pakon teungku neuboh nanggroe Po samlakoe peue kareuna Meunyo tuanku ere di sinoe Ulonteu nyoe sajan neuba

Meunan jikheun Cut Ariyan He sajan ngon ie mata Peureudan Ali seuot rijang Bek hai intan ate duka

Kon hai po cut lon boh nangroe Rijang keunoe ulon gisa Meuna tulong Tuhan sidroe Meugoh sampoe nyawong fana

Tinggai sinoe gata intan Lon tuan jak seutot cutda Tameulakee bek na reunggang Hai intan bek tajak gata

Hana teuntee uroe malam Rot lam hutan peukoh rimba Nyankeu sabab hai boh ate Panyot kande bek jak gata

Talekee bak Rabbon Kade Beumeusampe seutot cutda Saleh udep saleh mate Saleh han le di lon cutda

Banta peugah awai akhe Sajan ile ngon ie mata Cut Ariyan yoh nyan jimoe San.binoe ingat keu banta

Hana meujan padum uroe Samlakoe ka ere di mata Si nyak putroe sangat gundah Arwah sang ka keulua

Yoh masa nyan putroe indah Jiseumbah bak paki banta Ych nyan jitren Cut Peureudan Tinggai bintang lam istana

Banta jijak bak sulotan Jak peugah ban pasai bungka Troh bak raja sujud seumbah Banta peugah dum peukara

'Oh lheueh idin nibak ayah Ubak syiah jipeuteuka Banta riwang ubak guree Jijak teuntee nyang sijahtra

'Oh troh keu deh bungong keumee Jilakee peunutoh dumna 'Oh lheueh idin nibak teungku Bungong meulu laju bungka

Jiharap sidroe Tuhanku U Timu jipeunap lanja Bak jaroe euncien malakat Sajan tungkat raja naga

Jyak sidroe pirak lipat Nyankeu alat po jroh rupa 'Oh leupah Ali Peureudan Cut Ariyan alet ie mata

Rusak ate that han macam Sayang intan jamong rugha Cut Ariyan jimoe bae Bungong kundo lam istana

Sabab bungka linto haro Tahe gante putroe muda Teutap putroe lam meuligoe Teuduek 'oh noe siat haba

Bungong asan mirah hilam Sret meurumpan duroh keudroe Si Cut Ali teutap 'oh nan Bukon sayang jiboh nangroe

Anima bakdu laen syahdan Ali Peureudan teuduek 'oh noe Teuduek haba Cut Ariyan Lon peuriwang cutda putree

Nyoe lon peugah Putroe Juho Tahe gante geunap uroe Jiduek jidong jimoe bae Ie mata ro suntok padoe

Suntok buleuen meunan sabe Silawet ere deungon adoe Ngon ia mata sret meugule Weueh that ate tinggai sidroe

Padum lawet lama masa Hingga teuma narit nyang toe Ngon teukeudi Tuhan Esa Saboh rnasa meunoe bagoe

Bak simalam teungeut indra Putroermuda leumah lumpoe Dalam lumpoe meunoe leumah Teungku syiah keu nan sampoe

Ubak potroe geujak peugah Meunoe ulah geuhareutoe Wahe aneuk bungong pade Bek sosah le gata putroe

Si Cut Ali goh lom mate Meute guble juep-juep nanggroe Deungon tulong Rabbon Kade Sit meusampe hajat sampoe

Beuthat jinoe meute guble Dudoe akhe sit troh keu noe 'Oh nan saja teungku peugah Putroe indah seungap iem droe

'Oh lheueh teungku neuseumeugah Gadoh syaih tinggai putroe Na sikeujap gadoh teungku Po cut meulu jaga dudoe

Ban teukeujot bak beuradu Beudoh meupru teuduek keudroe Putroe jideuk sampoh mata Teuingat ka nyan keu lumpoe

Ban teuingat keu rahsia Sret ie mata si nyak putroe Sira jimoe jimeupinta Putroe muda jileueng jaroe

Wahe Tuhan Po Nyang Esa Bak gata lon lakee sidroe Ya Ilahi Po lon Tuhan Cut Peureudan beutroh keu noe

Apon mata apon badan Lon meupandang di lon adoe Meunan sabe jimeulakee Geunap watee jileueng jaroe

Teutap meunan bungong keumee Teuduek dilee haba putroe Bahle lon kheun pa^ah-pantah Putroe inda' s;ioe dukhoe

Padumna trep sinan dahsyah Hingga meugah da^m nanggroe Jimeututo sibabah-babah Meusyeuhu gah troh bak meuntroe

Lam na iggroe nyan tan le raja Pusong Rawa nama nanggroe Raja mate saboh masa Aneuk hanapi meusidroe

Nyankeu meuntroe badai raja Mat neuraca peugang nanggroe Peurangui got hana tara Gaseh teuka baranggasoe

Lompi mameh that suara Galak raya aneuk nanggroe Nyankeu sabab jeueut keu raja Budoe basa nibak meuntroe Geuseubot nan Meuntroe Adan Jih nyang peugang dum sinaroe Rupa hibat that analan Hana lawan baranggasoe

Umu baro muda seudang Meuntroe Adan that samlakoe Bak masa nyan bungong kundo Goh na judo teuku mentroe

Jideungo gah grop meututo Putroe Juho dalam manggroe Meuntroe deungo got that rupa Putroe teuka laen nanggroe

Putroe hanyot lam ie raya Meunan haba dum lam nanggroe Ka geucok le Cutti Male Ie peuile dalam sungoe

Meuntroe yoh nyan ka teupike Dalam ate sang teugoe-goe Han ek jitheun sabe-sabe Jiheudoh le jijak sidroe

Troh le u leuen beungong pade Cutti Male di seuramoe Yoh masa nyan Cutti Male Neumeuhei le po samlakoe

Taek keun noe intan buleuen Bungong supeueng pane tawoe Ban jideungo meunan geukheun Meuntroe timpeueng u seuromoe

Cutti Male neuleueng tika Hak b entara piyoh sinoe Meuntroe jiduek keu nan sigra Ureueng tuha kheun bak putroe

Tacok ranup takoh tangke Boh lam batee peutren keu noe Si nyak putroe jicok batee Jipasoe le dum sinaroe

Jeumuju ngon bungong lawang Sikalian dum jirampoe Pasoe ranup keunong ragam Jiboh sajan bakong asoe

Sare ase pasoe puan Peutren rijang u seuramoe Troh seuramoe putroe intan Seumbah rijang teuot meuntroe

Sajan jijok ranup bate Bungong pade jiduek bak sagoe Yoh nyan meuntroe ka teupike Jimeurawe le that bagoe

Nibak jaroe teutap bate Meuntroe han le jitupeue droe Han jitupeue pajoh ranup Meuntroe teuduek tahe keudroe

Teubiet nafah seun-seun bacut Tarek ngon pruet sang-sang ka troe Sabab jingieng Putroe Juho Meuntroe tahe mata laloe

Puleh nubak hireuen tahe Meunoe tuto teuku meuntroe Allah Allah ma meutuah Nyang troh langkah ulon keu noe

Tuboh saket ate gundah Pat tailah ubat jinoe Cutti Male seuot leugat Pirak lipat deungo kamoe

Meuna saket nakeu ubat Asai meupat meuri sagoe Seuot meuntroe meunoe kalam Hai ma badan tahareutoe

Adat ureueng saket badan Tapeugah ban ubat jinoe Lom neuseuot ureueng tuha Deungo maha wahe meuntroe

Meunyo saket tuboh gata Ie peunawa boh bak asoe Meunyo saket nibak ate Sit puleh le meunoe bagoe

Saket ate ubat ate Siat ase nekmat sampoe Soe nyang deungo Cutti Male Ek teupike baranggasoe

Sang bangon pheut teuuke Meunan mise ureueng dua droe Tuto meuntroe saboh mise Cutti Male saboh bagoe

Jimeuteuoh sabe-sabe Ujong akhe sret keu putroe Teuku meuntroe saboh utoh Tuto bayoh meunoe bagoe

Di leuen rumoh saboh lampoh Bah lon boh tanaman jinoe Hajat hai ma lon seumula Dum sigala ayeuem jaroe

Saleh timoh bijeh mula Khen le gata hai ma jinoe Cutti Male neukheun nyoeban Hai intan bak penyum lon nyoe

Meuka talhom bijeh ba wang Ujeuen datang timoh keudroe Meunan neukheun Cutti Male Mangat ate teuku meuntroe

Jimeuteuoh sabe-sabe Hingga akhe seupot uroe Abeh tuto seungap kalam Meuntroe Adan jilakee droe

'Oh han ek le geupoh rantam Jitren rijang teuku meuntroe Cuttti Male teuduek 'oh nan Meuntroe Adan lon hareutoe

Teuku meuntroe woe u leupu Lheueh pajoh bu tarek asoe Dalam ate sangat rindu Eh beuradeu dalam meuligoe

Singoh beungoh pagi hari Macut Haji jihei sidroe Troh le keu nan geupeureugi Meuntroe kehun kri meunoe bagoe

Taja ubak Cutti Male Tajak langke si nyak putroe Meuntroe peugah awai akhe Geubeudoh le geujak sidroe

Geujak laju Macut Haji Geuili keu deh troh sampoe 'Oh troh keu deh geupeureugi Geutiti laju seuramoe

Cutti Male geujok tika Piyoh cutda laju keu noe Pajoh ranup sinan dua Sabe tuha han le gigoe

Macut Haji phon seumeugah Insya Allah wahe adoe Ulonteu nyoe nyang troh langkah Suroh titah nibak meuntroe

Neumeunapsu puteh licen Bungong sunteng ayeuem jaroe Hajat meuntroe neumeukawen Kon peue laen pakri jinoe

Cutti Male seuot leugat Sit patot that nibak kamoe Akan teutapi taprah siat Musyawarat dilee ngon droe

Cutti Male meuhei rijang Aneuk badan tatren keu noe Teuma jitren putroe intan Jiduek sajan deungon ma droe

Cutti Male tanyong sigra Bijeh mata deungo lon nyoe Lon peukawen jinoe gata Meusyen bunda hai sambinoe

Deungon banta nyang budiman Meuntroe Adan raja nanggroe Hajat ulon cit han jeuet han Ate bimbang bundateu nyoe

Beumeusampe lon peutimang Putroe intan meusyen lon nyoe Nyankeu aneuk lon peuhaba Nibak gata pakri jinoe

Meunan neukheun ureueng tuha Po jroh rupa seuot meunoe Putroe jikheun insya Allah Han peue salah nibak lon nyoe

Narit gata ma meutuah Sit lon keubah lam ate droe Cit patot that neupeukawen Hana laen ma di kamoe

Meunyo ka sep bak tabandeng Tuto bareng ulon kheun nyoe Pakri hai ma tameubisan Meuntroe Adan raja nanggaroe

Bak lon pike sang han reumbang Han sipadan ngon geutanyoe Lagi ulon ureueng tuka Pakri raja tueng keu lakoe

Deungon bangsa hina dina Hana guna lon hareutoe Allah Allah wahe bunda Pakon gata han thee keudroe

Tan tapike ateueh kada Pakon hai ma buta tuloe Meunan jikheun Putroe Juho Ka tahe ureueng dua droe

Cutti Male lom meututo Bungong kundo aneuk putroe Keupeue aneuk panyang haba Hana guna hai sambinoe

Lon tanyong narit sibeuna Sikrak saja bri keu kamoe Harap ulon bijeh mata Bek meudawa ngon mateu nyoe

Beumeusampe lon peulara Lon cok gata dalam sungoe Meunan neukheun Cutti Male Bungong pade seuot meunoe

Meunyo maunan ma boh ate Ulon pike siat jinoe Lon meutanggoh hai ma sikarang Cut Peureudan dang troh keu noe

Lon preh teuka Ali Peureudan Di lon bimbang that keu adoe Han jeuet hai ma lon meuteuoh Sangat reuloh ate lon nyoe

Yoh jikheun nyan putroe muda Sret ie mata meuteutaloe Cutti Male lom pareksa Bijeh mata tahareutoe

Padum na trep aneuk badan Tanggohteu nyan padum uroe Lom jiseuot putroe intan Hana meujan nibak lon nyoe

Hana teuntee siploh buleuen Han lon jeuet kheun siploh uroe Si nyak putroe meunan jikheun Maken hireuen ureueng dua droe

Ureueng dua yoh nyan tahe Putroe Juhur lom kheun meunoe Keupeue hai ma panyang tuto Bahle bek le lon hareutoe

Jinoe lon kheun sikrak saja Hana guna meudeh meunoe Meunyo hana troh adekda Beuthat bek na di lon lakoe

Meunyo napsu buet beurijang Ali Peureudan seutot keu noe Meunyo hana Cut Peureudan Hareuem badam lon keu lakoe

Si nyak putroe jimeusumpah Teuhah babah bandua droe Ureueng dua yoh nyan meusah That meutuah si aneuk nyoe

Meunyo hana troh syeedara' Beuthat hana di jih lakoe Nyankeu aneuk nyang seutia Laen hana meunoe bagoe

Meunan-meunan geumeuteuoh Di phon bungoh troh cot uroe Ureueng dua ate reuloh Han ek satoh si nyak putroe

'Oh han ek le geupoh cakri Macut Haji geutren geuwoe Troh bak meuntroe Macut Haji Neupeugah kri narit putroe

Wahe meuntroe uleebalang Putroe intan lakee adoe Meunyo hana Cut Peureudan Hareuem badanjih keu lakoe

Meunan jikheun Putroe Juho Nyankeu tutojih nyang tanggoe Meunyo napsu tueng keu gata Beudoh sigra seutot adoe

Meunyo hana si cut banta Apon asa gata meuntroe 'Oh tapeuwoe Si Cut Ali Peutroh janji deungon putroe

Meuhan meunan hana sakri Bek poh cakri geunap uroe Meunan narit bak teulangke Ka teupike po samlakoe

Lheueh geupeugah awai akhe Teungku langke laju geuwoe Macut Haji geuwoe rijang Tinggai sinan teunku meuntroe

Yoh masa nyan Meuntroe Adan Geuhei rijang geusyik sagoe Troh le keu nan dum meusapat Bri hroeumat teungku meuntroe

Meuntroe Adan marit leugat Jitueng pakat bak sinaroe Nyang lon pangge dumna gata Lon meuhawa si nyak putroe

Hajat meukawen putroe teuka Nibak gata pakri jinoe Dum peutua seuot pantah Insya Allah tuanku droe

Cit patot that hai khalifah Seuon titah bandum kamoe Meunyo meunan dumna gata Jak usaha siat jinoe

Peureudan Ali tajak mita Peuwoe sira laju keu noe Meuntroe peugah awai akhe Jibeudoh le dum sinaroe

Peuet pioh ureueng jijak lam gle Meute guble jeuep-jeuep nanggroe Ladom u Timu ladom u Barat Jipeuteupat maseng sagoe

Jijak mita pirak lipat Jitanyong pat na meubunyoe Leupah ureueng jak beurangkat 'Oh nan teutap nyang haba nyoe

Haba meuntroe teuduek siat Lon riwayat laen jinoe Teuduek 'oh nan saboh ato Laenpi le deungokeu nyoe

Amma bakdu teuma dudoe Roh bak sagoe wahe rakan Kon lon saja wahe adoe Ka roh keudroe bak lon reusam

Proekeu sabab hai boh ate Hantroh pike ulon tuan Lagiulon sosah ate Jimeurawe uroe malam

Adat salah bacut sapat Bek teupat lon hai rakan Ulon baro lon seumurat Goh lom cakap bak keumarang

Lah bak pihak jaroe cabak Miseue budak mantong seudang Baro jeuet duek goh lom jeuet jak Jimeukheundak mat seunapang

Cuba pike wahe nyak cut Troh meukeusud meunoe macam Pihak napsu dalam pueued Jitem peubuet dum sibarang

Nyankeu sabab nyak meutuah Tapeurneuah sikalian Nyang na rancak cit meubabah Allah Allah bukon alang

Astagfirullahal 'azim Rabbon Karim ampon hamba Tameuucap wahe sahbat Beutateebat nibak Tuhan

Beuthat hai nyak kheun hikayat Ubak teebat beutariwang Uroe malam beutateebat Ingat beuthat wasiet abang

Jeuetkeu domnoe wahe sahbat Bek panyang that jeuet keu wayang Teuduek 'oh nan haba kamoe Laen jinoe ulon karang

Nyoe lon kisah saboh nanggroe Deungon asoe sikalian Nama nanggroe Anta Ladeh Raja Syareh nyang sulotan

Nyangkeu bangsa mata puteh Kaphe paleh si tree Tuhan Deungon badan raya-raya Dum sigala simban-simban

Musoh Tuhan Po Nyang Esa Seumbah beurala uroe malam Nyankeu bangsa biek meureuka That ceulaka aneuk jalang

Muka mirah ban aneuk saga Nyankeu bangsa nyang that suang Raja Syareh nyang keupala Dua blah raja taklok keunan

Bak siuroe si ceulaka Jingo haba gop peugah ban Jideungo gah puteh li een Ka meukawen Cut Ariyan

Kon ngon raja geupeukawen Nanggroe laen ureueng datang Sidroe ureueng keu nan teuka Biek si Kamba jak meu dagang

Hana geutueng saba bangsa Raja-raja uleebalang Meunan jingo bak gop peugah Teuka marah aneuk jalang

Dalam ate beungeh leupah Muka mirah jiek biram Bak masa nyan lam meusapat Raja deelat jimeukalam

Wahe meuntroe takrah rakyat Ngon sit keu noe beurijang Tayue jitren beujinoe le Dum sigala be uleebalang

Ngon alat prang dum beuase Tumbak beude sikin panyang Bandum beutroh singoh uroe Takheun kamoe peubeudoh prang

Adil Parisi kuprang jinoe Bak siseun nyoe han kupantang Hana patot buetjih meunoe Bit raja nyoe akai kurang

Tueng meulintee baranggasoe Lakoe Putroe Cut Ariyan Bek antara ureueng meusoe Gampong nanggroe tatupat tan

Meunan jikheun Raja Syareh Ate peudeh that han macam Bujang cok gong nibak binteh Jiplueng keu deh laju curam

Yoh nyan bujang jimeulangkah Jak keumeurah sigala alam Jeuep-jeuep gampong jijak peugah Suroh titah bak sulotan

Hingga lon kheun haba nyang toe Ureueng nanggroe jitren curam Uleebalang dun sinaroe Imum nanggroe bentara blang

Tunong Baroh Timu Barat Dumna rakyat abeh datang Dum pahlawan kuat-kuat Ek jime brat siploh kuyan

Sira jijak jipeh mongmong Urueung tunong jak meukawan Meupeurasan han peue tanyong Got that keunong dum bunyian

Abeh jitren dumna rakyat Meusapat baik kuta dalam 'Oh troh keu nan ka meusapat Jideelat ampon jeunulang

Ampon tuanku raja nanggroe Dumna kamoe abeh datang Dum peutua abeh keu noe Peue buet jinoe neusurohan

Meunan tanyong dum peutua Turon sabda bak sulotan Nyang lon pangge dumna gata Saboh raja hajat lon prang

Adil Parisi di Palistina Buetgeu hana ateueh reumbang Geuboh adat raja-raja Geucok kada nyang sibarang

Meunan jikheun uleh raja Seuot lanja uleebalang Ampon tuanku ateueh patot Kamoe turot sikalian

Pajan tuanku neubeurangkat Peugah leugat he sulotan Meuka ase cukop alat Jinoe meuhad lon jeumeurang

Lom jiseuot dum peutua Bak kamoe hana le lintangan Dumna kamoe sit ase ka Dum sigalangon alat prang

Raja deungo meunan haba Ikat ija dum peureuban Lheueh peureuban dum sigala Beudoh sigra peh ngon geundrang

Geucok langkah poteu raja Sireuta bandum pahlawan Raja Syareh jibeurangkat Dumna rakyat ireng sajan

Tumbak beude han ek hisab Cukip alat peukakah prang Sira jijak jihei sare Dumna kaphe sangat girang

Bandum rakyat galak ate Rot dalam gle jisrang-abrang Jareueng-jareueng jitet beude Suntok sabe meupeurasan

Padum lawet jiarong gle Hingga troh le bineh padang. Bak ujong nanggroe Palistina Ka troh teuka dum angkatan

'Oh troh keu nan dumna tantra Peugot sigra ngon bantayan Maseng-maseng peudong kimah Maseng syeekah ban atoran

Jitarek ngon alam mirah That barollah ka peunoh blang Sare ase cukop teumpat Peugot leugat surat kireman

Lheueh j isurat teuma j ilipat Geuyue intat bak utosan Saboh meuntroe nyang me surat Jibeurangkat sajan rakan

Na padum droe seutot rakyat Jijak leugat keu deh curam Padum na trep jicre teumpat Troh leugat bak kuta dalam.

'Oh troh keu deh tamong sigra Ngadap raja syahi alam Lheueh jiseumbah puteu raja Surat haba jijok rijang

Poteu raja sambot surat Neuploh lipat ka neupandang Meunoe haba dalam surat Ngo he sahbat phon mulaan

Seumbah sujud sireuta takzim Peutakeurim lon kheun saja Keu bawah kidam ampon dili Adil Parisi meukuta alam

Surat nibak Raja Syareh Anta Ladeh teumpat makam Lon meunanpsu bungong puteh Sabab sideh keu noe datang

Kucre gampong deungon teumpat Nyang lon hajat bungong rihan Meunyo napsu keu seulamat Intat leugat Cut Ariyan

Bek kutamong dalam nanggroe Roh meupaloe dumna urang Lon takot leupah buet jaroe Pike jinoe pakri reumbang

Dua uroe kupreh tanggoh Meuhana troh nanggroe kuprang Nang got bak lon tuanku beh Meuh seunupoh bek tatahan

Tajok keu noe si nyak putroe Nak lon jak woe ubak makam Pakon tabri keu barangsoe Si nyak Putroe Cut Ariyan

Kamoe laen dum sineuna Bak gata hana sigupang Taboh adat raja-raja Tacok kada nyang sibarang

Pakon meunan cut di gata Sang beulga meunan macam Meuhan tabri si nyak putroe Ingat keudroe hai sulotan

Kupoh mate dum lam nanggroe Kutueng putroe gata kucang Nyangkeu narit lon nyang tanggoe Pike jinoe toh nyang reumbang

Ka lon peugah laba rugoe Bek meupaloe akhe datang Nyanggot pike bek panyang that Intat leugat Cut Ariyen

Meunan jiboh dalam surat Raja deelat muka masam Leungo badan sang meutat-tat Yoh nyan surat neupriek rijang

Sireuta ngon neukheun meunoe Beudoh jak woe hai utosan Kayue jiprang laju keu noe Singoh uroe beutroh datang

Bek jipike meujih raja Laen hana ureueng agam Nyoepi saboh biek meubaka Bek jisangka kon keulantan

Beudoh laju keu deh jak woe Bek kutasoe nyawong simpan Utosan meunyum teumakot U likot laj u jiriwang

Dalam ate that meupot-pot Jisurot jiwoe u padang Teuduek haba utusan woe Raja nanggroe neumeukalam

Wahe bujang jak lam nanggroe Yue tren keu noe dumna urang Kayue jime tumbak beude Uroe nyoe le jitren curam

Dum alat prang dum beuase Bek taduek le beudoh rijang Yoh nyan bujang beudoh meupru Plueng meu'u-'u teuploh pinggan

Jeuep-jeuep gampong jijak bri su Tuanku suroh u dalam Bujang peugah musoh teuka Le that tantra dum angkatan

Jimeung tawan putroe muda Poteu raja jikeumeung prang Hingga teuma haba nyang rab Ulon rapat mangat rijang

Abeh jitren dumna rakyat Meusapat ba ik kuta dalam Durnna alat cit ka ase Tumbak beude peudeung sajan

'Oh troh keu nan hana pike Jirok beude dum sinapang Yoh masa nyan raja doli Hukom geubri teubiet u blang

Ka meusapat dum sipai Jiantri teudong meureuntang Teupat banja dum meuato Meujudo-judo maseng kawan

Ngon peukayan hijo-hijo Nibak baho dum sinapang Cukop alat dum sinaroe Ureueng nanggroe geulawan prang

Teutap meunan ureueng nanggroe Lon kheun jinoe musoh datang Nyoe lon peugah utosan woe Ka troh sampoe ubak makam

'Oh troh keu deh teuku meuntroe Jibet jaroe bak sulotan Meuntroe peugah laju-laju Peuek ngadu meunoe macam

Ampon tuanku sit meupatot Geupeusambot Cut Ariyan Geuyue langkah keu deh beutrok Sit geumeung jok bungong rihan

Akan teutapi nyang na bacut Nyang meukeusud lon peugah ban Surat geupriek deungon geutet Kamoe geudhot geulakee cang

Adat kon bagah ulon surot Bandum lupot nyawong hilang Bek neusangka Adil Parisi Tan geuturi laen urang

Bandum kamoe geumeung tadi Meuplueng lari keu noe u blang Ban jideungo meuntroe peugah Muka mirah aneuk jalang

Raja Syareh beungeh leupah Jikheun pantah bak angkatan Wahe rakyat bek le pike Pasang beude ngon sinapang

Dumna rakyat jibeudoh le Jirok beude rijang-rijang Saboh meuntroe nyang that ahli Sit gcuturei dalam makam

Geurasi nan Meuntroe Sakdi That beurani bak jimeuprang Raja Syareh jikheun meunoe Ubak meuntroe nyang pilehan

Beudoh laju wahe meuntroe Bak siseun nyoe gata urem Hingga taume haba nyang rab Beudoh rakyat meuntroe sajan

Ladom beusoe jimeutungkat Ladom alat sikin panyang Jipeubeude na dum tupheuen Sang-sang ujeuen kiroh alam

Ureueng nanggropi han meupeue kheun Leu'am-leu'um lheueh meuriam Rot noe beude rot deh beude Sang-sang reule geulanggang prang

Surak deumpek jihei sare Asap beude seupot alam Nanggroe Palistina sang-sang teulet That klam-kabot su meuriem

Dum pahlawan jimeugrop-grop Kalang-kalot han soe tuban Asep beude that meukalot Nanggroe seupot sang ka malam

Jimeupoh-poh leubab-leubob Patah teuot keunong parang Jipeuek prang got that rapat Hana siat jarak reunggang

Rot deh rot noe prang jikarat Hana lukat that gurantam Meunan sabe geunap uroe Teuduek 'oh noe ureueng di blang

Ureueng meuprang teutap sinoe Laen jinoe lon peuriwang Amma bakdu keu deh meuriwang Banta seudang lon calitra

Nyoe lon peugah Ali Peureudan Jisrang-abrang dalam rimba Si Cut Ali han le pike Jiarong gle suntok masa

Uroe malam jijak sabe Panyot kande seutot cutda Timu Barat Baron Tunong Dum jitamong jeuep-jeuep kuala

Jeuep simpang krueng banta tamong Jeuep-jeuep seunong dalam bangka Abeh jijak Tunong Baroh Meuh seuneupoh jak meumita

Jeuep-jeuep panton jeuep-jeuep paloh Abeh jibloh jeuep-jeuep paya Bu sianeuk tan jipajoh Pijuet tuboh pucat muka

Bukon sayang meuh seuneupoh Cut banta beh seutot cutda Padumna trep peukoh aroh Jinoe ka troh u Pusong Rawa

Troh lam nanggroe banta seudang Tren u peukan tamong banda Jimita rot deungon jalan Cut intan mita rahsia

Banta deungo gop meututo Putroe Juhur ureueng teuka Pura-pura tahe gante Bungong kundo le bicara

Gop meututo seun-seun siat Jipeusapat jeuep-jeuep banja Keu deh keu noe sidek sasat Hingga meupat rumoh cutda

Sare teuntee meuri rumoh Buleuen peunoh tamong lanja Po Cut Ali tamong laju U leupu jipeurab sigra

Troh u rumoh bungong meulu Beudoh meupru putroe muda Ban jikalon Putroe Juho Jitajo sigo bandua

Rot noe tajo rot deh tajo Ie mata ro han teukira Jimeucom-com jimeumoe-moe Rot deh rot noe jampong rugha

Cutti Male saboh bagoe Peue bala nyoe hai aneukda Putroe Juhur tan padoli Cut Ali laju jiwa-wa

Allah hai adoe Peureudan Ali Peutang pagi lam kucinta Bak lon sangka cit hana le Ka mate lam ie raya

Lam kuteuoh suntok sabe Reuloh ate lon adekda Allah Allah hai boh ate Bak lon pike tinggai cuta

Tulong Tuhan Rabbon Kade Ka meusampe lon ngieng mata Rot deh geumoe rot noe riyoh Allah hai beh sayang raya

Si Cut Ali teuma meubayoh Bek le kiroh wahe cutda Si nyak putroe moe meu'u-'u Han jeuet jieu ateueh banta

Putroe Juhur sayang taeu Gadoh ngon su keumong mata Cutti male nibak dapu Neupeulaku dum peukara

Siblah dapu neutaguen bu Siblah dapu reundang Jawa Bupi masak rijang-rijang Paseo idang urueng tuha

Sare ase sileungkapan Beuet rijang keu naeukda Si Cut Ali jisrah tangan Sireuta ngon Cut Seutia

Putroe Juhur makeuen sajan Duek sipangan sapat dua 'Oh lheueh makeuen pinah idang Sayang bokbang ureueng tuha

Nyang ranup sit ka lam puan Makeuen intan ngon syeedara Pajoh ranup baro bicah Yoh nyan geupeugah dum peukara

Rot noe peugah rot deh peugah Maklum sudah adoe ngon a Dum jipeugah awai akhe Baten lahe jeuep-jeuep punca

Teutap sinan bungong pade Cutti Male lon peuhaba 'Oh lheueh bri bu banta seudang Neutren rijang ureueng tuha

Neujak ubak Meuntroe Adan Jak peugah ban meunoe haba Ali Peureudan ka troh jiwoe Adoe putroe nyang Seutia

Ban jideungo uleh meuntroe Ureueng nanggroe jiseuranta Troh le keu nan geusyik waki Bujang tandi maharaja

'Oh troh keu nan dum jiili Hukim jibri maseng jeumba Jiyue ikat ngon pupalang Got meureuntang ban seulingka

Ladom peugot ngon bantayan Ureueng datang han teukira Maseng pangkat maseng babat Ban nyang adat ateueh kada

Bandum ureueng sit meupakat Deungon siat sit ase ka Meuntroe meuhei Macut Haji Datang keu mari keu noe gata

Troh le keu nan geupeureugi Meuntroe kheun kri dum peukara Yoh masa nyan Macut Haji Ka neuili keu deh lanja

'Oh troh keu deh neupeureugi Han tatukri bak meuhaba Duek meusapat Cutti Male Panyot kande ngon syeedara

Macut Haji neumarit le Cutti Male dampeng haba Teuku langke neuboh seupah Insya Allah phon neumula

Ulonteu nyoe nyang troh langkah Lon jak peusah janji nyang ka Janji deungon putroe indah Maklum sudah ubak gata

Nyankeu sabab ulon keunoe Suroh bunoe meuntroe raja Geuyue teuntee dum sinaroe Hajat kamoe sit beusigra

Lompi meuntro yue tanyong ban Peue na alang lintang mara Walee hana jeuet hntangan Tapeugah ban lon jak gisa

Po Cut Ali seuot meunoe Bak kamoe eteueh jeumala Saboh nibak teuku meuntroe Siploh sinoe nibak hamba

Allah ka na geutem peusayang Adat han sang la bala-bala Geutem tueng le Meuntroe Adan Kamoe dagang ureueng hina

Teuku teulangke lom peuteuntee Bungong keumee kheun beusigra Padum di peuha nyan jeunamee Nak lon bri thee ubak raja

Lom jiseuot Ali Peureudan Hai ma badan deungo hamba Ban nyang napsu Meuntro Adan Bak lon tuan tan meuhingga

Ban geudeungo haba meunan Seungap kalam han le haba Yoh nyan teulangke geutren curam Geuwoe rijang ubak raja

Geujak peugah ubak meuntroe Dum sinaroe geucalitra Hingga teuma haba nyang toe Yoh nyan meuntroe phon keurija

Geubri hukom ureueng nanggroe Dum sinaroe maseng jeumba Mupeurasan tujoh uroe Geutueng putroe u istana

Geusie keubeue geukhanduri Dumna faki ngon ulama Teubiet tamong ulee ili Ureueng bangki galak raya

Tet ngon beude peh rapai Han tatukri peucalitra Buet peurasan han lon peugah Tan faidah lon calitra

Nyang na saja kuweut babah Maklum sudah dum syeedara Dalam kuta kacah-kacoh Tunong Baroh ureueng teuka

Geutet beude meugeureupoh Meuh seuneupoh geuboh gaca Ban atoran putroe geutueng Po cut meugleueng ureueng teuka

Galak ate bandum ureueng Got that bangon geupeumulia Na ban lagee sigak bangon That meukeunong meukeurija

Rakyat le that agam inong Teubiet tamong dalam kuta Tujoh uroe tujoh malam Sikeujap tan nyang na reuda

Ngon su beude geumpa alam Dum bunyian meusuara Uroe malam hana teudoh Got that kiroh dalam kuta

Han soe tukri kacah-kacoh Han jeuet lon boh lam calitra Bahle lon kheun haba nyang toe Rijang sampoe buet keurija

'Oh sare troh tujoh uroe Linto geupeuwoe u istana Peuek linto u rumoh inong Got meukeunong meusapat dua

Soe nyang kalon seunang bingong Sabab keunong that bak rupa Agam keunong inong keunong Sang-sang bangon pura-pura

Putroe cidah agam linteng Jiduek sa peng kon le gura Rot deh rot noe meukeureuleng Han peue po lem lon peuhaba

Buet seumeumah han lon peugah Kuweut babah tacalitra Agam inong maklum sudah, Keu peue lon peugah hana guna

Teuma geubet le ngon idang Makeuen sajan rakyat dumna 'Oh lheueh makeuen pinah idang Lon kheun rijang malam jula

Hikayat nyoe lon peurijang Bek that girang ureueng ba ca Sare ase sikalian Jitren rijang rakyat dumna

Ureueng gampong jilakee droe Maseng jiwoe dum u tangga Abeh jitren dum sinaroe Tinggai putroe deungon raja

Peulen panyot rijang-rijang Eh tidoran pura-pura Putroe Juhur kana kalam Meuntroe Adan sali 'ala

Teutap sinan lam keuleumbu Eh beuradu sama-sama Kukuek manok puteh Timu Beudoh meupru ureueng dua

Awai suboh tren jak manoe Beungoh uroe adee ija Lheueh meusalen bandua droe U meuligoe duek sibanja

Lam meuligoe han peue peugah Ase sudah sianika Dum makanan indah-indah Dendayang keubah sajan ie kahwa

Si nyak putroe makeuen laju Sajan teungku meuntroe raja Sit ka maklum teungku-teungku Pisang susu sajan dua

Meunan sabe geunap uroe Si nyak putroe are suka Si Cut Ali saboh meuligoe 'Oh uroe sajan syeedara

Galak ate hana bagoe Si nyak putroe ngon adekda Teutap sinan bandua droe Sajan meuntroe lhee sireuta

Amma bakdu teuma keumudian Teuduek 'oh nan siat haba Teuduek siat. muda seudang Lon peuriwang ureueng bungka

Nyang ka leupah yoh saboh roe Suroh meuntroe jak meumita Geuyue mita po samlakoe Goh lom sampoe troh u tangga

Dua ureueng nyang goh lom woe Laen sinaroe abeh gisa Jijak mita Peureudan Ali Jipeureugi jeuep-jeuep banda

Uroe malam ulee ili Tan beureunti beungoh sinja Abeh sigampong tamong sigampong Sret bak ujong nanggroe raya

Jikalon prang that meukeupong Meusong-abong lam blang raya Jingo bunyoe bak lakuan Cut Ariyan jikeumeung ba

Nyankeu judo Ali Peureudan Meunan macam gop peuhaba Ban jideungo meunan bagoe Jiplueng jiwoe pantah sigra

Troh u gampong laju jiwoe Jingo bunyoe ka woe banta Ubak meuntroe sit jipeutroh Meuh seuneupoh sinan sireura

Ka jibet le jaroe siploh Tuanku beh lon meuhaba Nanggroe Palistina raya that prang Le angkatan musoh teuka

Raja Syareh sangat girang Cut Ariyan jikeumeung ba Si Cut Ali sinan sajan Leungo badan miseue geumpa

Jiek seudong lagee biram Matajih sang meugisa-gisa Yoh nyan banta jilakee droe Idin lon nyoe hai kakanda

Beungeh meuntroe seuot meunoe Pakon adoe lon han taba Pakri gata tajak bak prang Meuntroe Adan peue tasangka

Meuhan kujeuet theun geudubang Han kupandang cutda gata Ulon di nap gata di likot Meunan patot hai adekda

Meunyo bak prang han kusurot Meugoh lupot nyawong fana Meunan jikheun Meuntroe Adan Seungap kalam si cut banta

Putroe Juhurpi di sinan Jikheun nyoeban bak syeedara Udep sare mate sajan Hai peureudan ngon kakanda

Si Cut Ali han le kalam Adat jeuet sang jiteureupa Teuku meuntroe kheun bak bujang Pangge rijang rakyat dumna

Tayue jime ngon alat prang Angkatan cukop beurata Tapeugah lon jak bantu prang Sikarang jinoe beusigra

Yoh nyan bujang jibeudoh le Yue peuase balatantra Dengon siat keu non troh le Han peue pike tajam raya

Sikin panyang tumbak beude Bandum sare sama rata Ka meusapat dum sigala be Cukop ase sianika

Limong pioh droe nyang pahlawan That pilehan nibak nyang na Nyankeu ureueng panglima prang Hana lawan that peurkasa

Cukop alat dum bak asoe Jiikat droe simplah dada Seuon di ulee keutupong beusoe Bansinaroe nyang peutua

Balot gateh dum peureuban 'Oh tapandang hibat raya Tumbak leumbeng cit ka sajan Han jeuet tuan lon calitra

Nibak keuieng jilhat peudeueng Sare kingkeueng taeu rupa Hana laen meunan ureueng Aneuk bajeueng rampak raya

Abeh meusapat dumna sudah Geucok langkah meuntroe raja Sireuta ngon banta indah Sajan syeekah balatantra

Yoh masa nyan Peureudan Ali Hukom jibri bak sineuna Jipeurunoe dum sipai Wahe meuntri deungo hamba

Nyoe amanat tuanku beh Deungo beutroh kheun adekda Dum geutanyoe jak prang musoh Ate sunggoh bek syok sangka

Bahle rot uteuen keu deh tabloh Beuthat jeuoh keu deh talingka Beuroh rot likot nyan tapagap Prang takarat talet lingka

Meukon meunan hana cakap Musoh le that han ek sangga Barangpeue buet dengon ilah Miseue gajah tapeufana

Gajah beumate kayee bak patah Meunan nyang sah bek bicara Meunan jikheun po samlakoe Bak sinaroe jibri basa

Gt meupakat deungon meuntroe Sabet adoe ban kheun gata Meunan-meunan dum jipeugah Banta indah bijaksana

Sira geujak pantah-pantah Dum jipeugah akai bicara Teutap banta teungoh jeumeurang Meuntro Adan sajan sireuta

Teuduek haba muda seudang Lon peuriwang lam blang raya Amma bakdu keu deh u blang Ureueng meuprang lon calitra

Meuntro Sakdi keupala prang That pahlawan hana ngon sa Rakyatjih le got peunoh blang Laen urang teungoh teuka

Meubacut han jibri reunggang Jikarat prang lagee raya Hana teudoh meusu beude Sang-sang reule nanggroe raja

Uroe malam jimeupake Ureueng mate that meukeuba Surak deumpek jihei sare Rakyat kaphe that guranta

Ureueng nanggroe meunyum singke Sang han ek le lawan ngaza Tujoh uroe prang jikeupong Meusong-abong hana reuda

Nibak adat gadoh untong Ureueng gampong masam muka Bandum ureueng ate lucot Ka meusurot seun sideupa

Mata kayem ngieng u likot Mukajih krot hajat teureupa Le that beude sret bak jaroe Peusiblah droe surot sigra

Ureueng gampong kakeu talo Ka geuundo lop lam kuta Musoh surak that meuo-o Jadeh talo bak jisangka

Bak masa nyan bungong kundo Trohjilalo ubak tantra Roh rot ükot jipeutajo Tan teusawo musoh dumna

Yoh masa nyan Ali Peureudan Ubak rakan jibri basa Jiklep mata ubak rakan Lheueh sinapang sigo rata

Sinankeu phon prang meuseubee Le that sitree mate fana Dumna musoh hana jithee Keunong tipee banta muda

Jipeubeude na dum tupheuen Sang ujeuen teungoh keunong sa Le that mate kaphe bajeueng Meukeubeueng darah keulua

Ube rakan Meuntro Adan Jipeuek prang that guranta Ladom saho jiyue rakan Nyang pahlawan teuga-teuga

Rakan meuntroe juah-juah Tarek leupah bak jimeutha Dalam kawan prang jigagah Le that bicah musoh teuka

Peureudan Ali han peue pike Jiseupot le tungkat raja Jimat tungkat bungong pade Laju jise raja naga

Yoh nyan tungkat jeuet keu peudeueng Intan buleuen 'ajab raya Jimasok prang jicang ureueng Keunong pang-peung han soe peubla

Ho nyang jihue mata peudeueng Dum meuruweueng mate fana Le that mate dum seulinteueng Buet peudeueng si raja naga

Bitpi dumnan le that mate Hana singke musoh teuka Surak deumpek jihei sare Sang-sang reule nanggroe raya

Nyang udep jimeuprang sabe Nyang mate sinan meukeuba Rot deh rot noe prang jikarat Hana lukat sikiep mata

Ureueng musoh mate le that Han ek hisab deungon hingga Ladom keunong tungkat beusoe Ladom jaroe puntong dua

Ile darah ateueh bumoe Sang sijak nyoe ujeuen teuka Bak masa nyan prang meukalot Bagoe ribot bade raya

Ngon su beude that klam-kabot Sang-sang teulot kuta raja Si Cut Ali gadoh ingat Timu Barat peudeueng jiba

Keu noe siat keu deh siat Na ban kilat teungoh faja Jicang musoh le that mate Meutindeh bangke dum meukeuba

Prang jikarat bungong pade Beungeh ate that han tara Si Cut Ali saboh sagoe Teuku meuntroe blah Utara

Prang jikarat aduen adoe Jikap gigoe jipet mata Jipeusak dak jime mate Nibak keuji ayeb nama

Nibak jicok bungong pade Gotkeu bahle nyawong fana Nyoe lon peugah si nyak putroe Di meuligoe duka cita

Jideungo gah ka woe lakoe Sajan Meuntroe Pusong Rawa Peureudan Ali teungoh meuprang Cut Ariyan lakee do'a

Ya Ilahi Po lon Tuhan Ali Peureudan neubri sijahtra Beuseulamat bungong kundo Beuek talo musoh dumna

Sira jimoe ie mata ro Sujud syuko keu Rabbana Jimeulakee jileueng tangan He Tuhan neukabui do'a

Neubri kuat Ali Peureudan Beuek geucang si ceulaka Beuek talo Raja Syareh Kaphe paleh darohaka

Hana teudoh jileueng jaroe Lakee lakoe beusijahtra Teutap sinan lam meuligoe Si nyak putreo jimeupinta

Meunan sabe si nyak putroe Teuduek 'oh noe siat haba Nyoe lon peugah raja nanggroe Masa bunoe talo ngaza

Raja kalon prang ka talo Ureueng undo plueng lam kuta Musoh surak that meuo-o Ka teusawo puteu raja

Yoh nyan raja ate peudah Bak binten peudeueng neuhila Neucok peudeueng reugam ngon kreh Neugrop keu deh pantah sigra

Neusuet peudeueng neukoh sarong Jiek seudong mirah muka Mata mirah ban boh jantong Boh idong sang bungong kala

Nibak dali deungon adat Beungehneu that poteu raja Yoh masa nyan dumna rakyat Ka meusapat sajan raja

Poteu raja teubiet rijang Jak lawan prang musoh teuka 'Oh troh raja keu deh u blang Neukalon prang that meutaga

Troh le ureueng sideh datang Sulotan laju pareksa Pane ureueng mantong meuprang Angkatan pane jiteuka

Teuma seuot ureueng datang Angkatan di Pusong Rawa Po Cut Alipi na sajan Meuntroe Adan nyang keupala

Ban neudeungo linto baro Raja tahe han le haba Dalam ate ka teusawo Bungong kundo meubahgia

Yoh nyan raja piyoh sinan Neukalon ban buet aneukda Neukalon buet Meuntroe Adan Keulakuan pakri rupa

Neukalon buet Si Cut Ali Sang beureuhi ate raja Raja neuduek bineh padang Teuduek 'oh nan siat haba

Nyoe lon peugah ureueng meuprang Meuntroe Adan sajan banta Meuntroe Adan blah rot Barat Prang jikarat han ban peubla

Sajan rakan kuat-kuat Hibat-hibat taeu rupa Jipoh musoh han peue peugah Le that bicah si ceulaka

Ureueng kaphe yoh nyan sosah Han ban jibah peubicara Jieu rakan le that bicah Jimeusah-sah rakyat dumna

Sira meuprang dum jimeuproe Peue bala nyoe pane teuka Bak takalon masa bunoe Ureueng nanggroe talo ngaza

Abeh jiplueng dumna ureueng Ka meuruweueng bak ri rupa Jinoe pane laen ureueng Aneuk bajeueng le lagoina

Pat jiteubiet dalam uteuen Pene ureueng saleh nyoe ka Teungoh meunan jimeukheun-kheun Leupuk peudeueng troh bak muka

Ladom takue putoh meukhan Ladom badan beukah dua Hana meujan deuh jipandang Jih ka simpan peudeueng seuba

Teutiek bangke dum meutimpan Darah lam blang sang ie raya Rakan meuntroe sangat 'ajam Bak jimeucang utoh raya

Ladom leumbeng ladom peudeueng Ladom ureueng mat geulawa Keu deh keu noe jicang ureueng Dum seulinteueng mate fana

Le that mate kaphe bajeueng Han jan jikheun Allah hai ma Yoh masa nyan ureueng kaphe Kuyut ate han ek sangga

Han ek jitheun meunyum singke Yoh nyan kaphe talo ngaza Nyang na udep jiplueng sabe Nyang mate sinan meukeuba

Bandum musoh jiplueng u gle Nyang goh mate nyawong fana Meuntroe Sakdi nyang pahlawan Mantong sinan dalam tantra

Bak masa nyan Meuntroe Adan Sajan rakan dum sireuta Ka jipagap Meuntroe Sakdi Lom jisudi meunoe haba

Hai pahlawan Meuntroe Sakdi Napsu mate atawa hana Meunyo gata tameung lawan Angkat prang pantah sigra

Walee hana tameung lawan Ucap rijang kalimah dua Meuntroe Sakdi teuma seuot Bit that karot tuto gata

Meuka u nap han u likot Han kusurot peue tasangka Beuthat gata saboh kawan Kupantang han bek takira

Meuntroe Sakdi peue takian Bak jimeucang guna biasa Han jan abeh jihareutoe Rakan meuntroe troh le sigra

Saboh kawan sigra sampoe Ladom jaroe mat jiputa Ladom reupah jicok peudeueng Ladom ureueng weng keupala

Jipeureubah le seulinteueng Han jan jikheun Allah hai ma Yoh nyan jiikat jaroe gaki. Meuntroe Sakdi han le haba

Adat meukon sapeue ate Han jitukri peubicara Sabab meuntroe nyan keubai that Dumna rakyat ate lia

Nyankeu sabab got jirapat Meupakat rakan sineuna Meuntroe Adan mangat ate Rakan sare dum sireuta

Surak deumpek geuhei sare Meuntroe kaphe keunong singkla Mangat ate prang ka meunang Teuduek 'oh nan siat haba

Nyoe lon peugah Peureudan Ah Beungeh sang ri uleue bisa Jilet musoh han soe tukri Jiplueng lari talo ngaza

Raja Syareh kalon macam Dum angaktan jiteureupa Ka jibeudoh aneuk jalang Plueng teureuban tan jikira

Tinggai sinan dum rampasan Le that beuban balot ija :Raja Syareh jiplueng curam Meu'u-'u sang bade raya.

That teukeujot aneuk bajeueng Sunggoh jiplueng tan jikira Meucarueh gaki deungon naleueng Reubah teugageueng si ceulaka

Keunong batee ulee beukah Teubiet darah kulet mata Lom jibeudoh haram jadah Jiplueng pantah nibak nyang ka

Abeh kaphe dum sinaroe Ka jiboh droe rot lam rimba Teuduek haba kaphe pindoe Lon kheun jinoe si cut banta

Neueu musoh han le sinan Ali Peureudan woe neugisa Teutap banta neubeurjalan Teuduek 'oh nan siat haba

Jinoe lon kheun Meuntroe Adan Sajan rakan balatantra Sidek sasat dumna rakan Sikalian dum pareksa

Lheueh geuikat Meuntroe Sakdi Peureudan Ali geueu hana Maseng rakan ka jiantri Ulee ili jak meumita

Yoh nyan neubeudoh le deungon droe Jak eu adoe si nyak banta Bahle lon kheun haba nyang toe Rot deh rot noe geujak lanja

Sinoe geujak sideh ili Meureumpok le ngon syeedara Ban meureumpok Si Cut AU Han geutukri meucom meuwa

Geumeucom-com rot deh rot noe Aduen adoe ate suka Adoe aduen mangat ate Panyot kande meunoe kata

Deungon tulong Rabbon Kade Ka meusampe leupah bahya Nyang na tinggai ureueng kaphe Abeh u gle jiteureupa

Beudoh bandum wahe rakan Jak cok beuban balot ija Teuma beudoh dumna rakan Cok rampasan peuwoe sigra

Le that beunda tueng rampasan Ube rakan meuntroe raja Dumna rakyat galak han ban Rampasan le that pusaka

Hingga teuma haba nyang toe Geucok meuntroe nyang lam singkla Geuploh ikat gaki jaroe Hajat peuwoe u lam kuta

'Oh lheueh geuploh sikalian Ali Peureudan meunoe haba Wahe meuntroe nyang pahlawan Seumbah Tuhan jinoe gata

Bek le ikot ureueng kaphe Suntok sabe seumbah beurala Pakon meuntroe salah pike Silap sabe sampoe tuha

Tantaningat ngon ate droe Wahe meuntroe cuba kira Soe nyang peujeuet langet bumoe Dum ngon asoe sianika

•Laot darat jen ngon insan Dum binatang asoe donya Kayee batee dum sibarang Nyawong badan soe nyang peuna

Langet bumoe sikalian Dum buet Tuhan nyang karonya Masa dilee sapeuepi tan Miseue badan tuboh gata

Pat jiteubiet pane datang Yoh dilee tan jinoe ka na Tan taingat sikalian Nyawong badan Tuhan peuna

Soe peuudep soe peumate Dudoe akhe bandum fana Pakon meuntroe tan tapike Pakon ate dungoe raya

Nyang got bak lon wahe meuntroe Riwang jinoe bak agama Beutaseumbah Tuhan sidroe Bek le jinoe seumbah beurala

Allah hai meuntroe beutapateh Tanda kugaseh di lon keu gata Dalam nanggroe Anta Ladeh Bandum paleh manusia

Bak lon pike wahe meuntroe Gata sidroe nyang meubahgia Hana kuthee dumnoe bagoe Peusaban droe ngon si ceulaka

Haba mangat dum jipeugah Banta indah le bicara Lagipi got pusa lidah Teuhah babah rakyat dumna

Meunankeu dum jipeurunoe Laba rugöejipeurasa Meuntroe Sakdi ngo hareutoe Dum geupasoe dalam dada

Yoh masa nyan Meuntroe Sakdi Jaweueb jibri meunoe haba Allah hai adoe Peureudan Ali Keu lon tabri nyang sijahtra

Nyankeu gata di lon adoe Nyang peurunoe dum peukara Sira beudoh jicom jaroe Po samlakoe peumulia

Meumat jaroe laen sajan Bandum rakan meuah deesya Sinankeu phon masok Islam Meuntroe pahlawan meubahgia

Peureudan Ali suroh titah Ucap pantah kalimah dua Asyhadu an la ilaha illallah Wa asuhadu anna Muhammadar Rasulullah

Meuntroe Sakdi kebui leugat Ate mangat tamong agama Agama Islam le that nekmat Donya akhirat lam sijahtra

Tanda meutuah Meuntroe Sakdi Tuhan neubri meubahgia Masa dilee agama Yahudi Jinoe Tuhan bri agama syeuruga

Rayek tuah deungon bagi Meuntroe Sakdi ka sijahtra 'Oh lheueh Islam Meuntroe Sakdi Salen geubri gantoe ija

Teuma beudoh woe keumbali Meuntroe Sakdi sajan geuba Peureudan Ali Meuntroe Adan Sajan rakan balantantra

Got meuron-ron jak dalam blang Prang ka meunang woe u tangga Teuduek haba po samlakoe Teungoh geuwoe lam blang raya

Nyoe lon pegah raja nanggroe Ayah putroe lon calitra Raja neuduek bineh padang Neupandang dalam blang raya

Deuh neukalon ulee kawan Angkatan bandum meugisa Poteu raja beudoh mameung Neujak ampeueng peumulia

Geutet beude jareueng-jareueng Raja jak tueng nyan aneukda Rot noe geujak rot deh geujak Ka meureumpak pihak dua

Oh takalon got that sigak Bungong meurak eu ayahda Peureudan Ali kalon ayah Neujak seumbah pantah sigra

Raja neukheun that meutuah Aneuk lidah meubahgia 'Oh lheueh seumbah le samlakoe Laen sinaroe maklum gata

Poteu raja mat bak jaroe Laju neupeuwoe u lam kuta Meuntroe Adan sajan rakyat Tamong leugat bansineuna

Troh u dalam dum meusapat Geubri teumpat maseng jeumba Meuntroe-meuntroe bak keurusi Dum sipai ngadap lingka

Duek meusapat meuntroe Sakdi Horeumat geubri ban adat raja Teutap sinan sikalian Ali Peureudan beudoh sigra

Lheueh na teumpat bandum rakan Neuek rijang u istana Lakee idin ubak rakan Meuntroe Adan dum sireuta

Troh u rumoh muda seudang Cut Ariyan tajo sigra Jijak seumbah teungku abang Ali Peureudan sampoh keupala

Han tatukri kalang-kabot Sang leuek meulet ngon cempala Si nyak putroe com bak teuot Banta sambot com bak muka

Lheueh nyan banta duek bak tilam Cut Ariyan rampot tika Si nyak putroe sangat bokbang Jicok puan roh ceurana

Syarifah Binti nibak dapu Neupeulaku dum peukara Cut Ariyan ate rindu Jiek laju u istana

Jipasoe bu dalam idang Jibet keu nan pantah sigra Po Cut Ali neusrah tangan Putroe sajan makeuen dua

'Oh lheueh makeuen po samlakoe Teutap jinoe lam istana Seunang ate mangat asoe Sajan putroe nyang jroh rupa

Teuduek haba po samlakoe Lam meuligoe meusuka-suka Ate galak bandua droe Teuduek 'oh noe siat haba

Iedi laot meujak meuwoe Bineh nanggroe riyeuek bicah Tapeumeuah aduen adoe Bacut sinoe ulon tambah

Jinoe teungku balek ayat Meudeh siat lon ci peugah Nibak ate lon sang hajat Sang-sang mangat bak lon kisah

Miseue ureueng dahga raya Jikalon na ie dalam glah Teuntee napsu deungon hawa Jiyue ra sa meusibabah

'Oh tarasa beuthat beuphet Han ek tajep ulak pantah Napsu ulon meunan sabet Wehe taleb kon beurakah

Ladom napsu na lon pateh Ladom keudeh ulon keubah Kon meuulon nyang surat nyoe Baranggasoe hamba Allah

Napsu hawa that jipakoe Malam uroe turot sosah Bit pi meunan wahe rakan Beuthat meunan ulon peugah

Lon meulakee ruoe malam Ubak Tuhan sidroe Allah Insya Allah heundak Tuhan Napsu nyan beuek lon pinah

'153

Beuek lon boh keujeuhatan Meulayenkan lon seuon titah Meuna kheundak Tuhan sidroe Baranggasoe ate dahsyah

Lam ibadat malam uroe Hana padoe dike Allah La ilaha illallah Muhammadur Rasulullah

Wahe kawom aduen adoe Beutapakoe nyoe kalimah Beuta seubot malam uroe Baranggasoe hamba Allah

Teuduek 'oh noe saboh rawi Laen lagi nyoe lon peugah Jinoe lon kheun Adil Parisi Ayah Siti putroe indah

Amma bakdu teuma dudoe Raja nanggroe sajan syeekah Poteu raja hei aneuk droe Po samlakoe banta indah

Yoh masa nyan Ali Peureudan Neutren rijang jak bak ayah Troh u bale muda seudang Sujud rijang bak khalifah

'Oh lheueh seumbah nyan ayahda Po cut banta neuduek pantah Sit meusapat dum sineuna Meuntroe raja sinan dahsyah

Uleebalang dum peutua Dum sigala hina meugah Duek meusapat got that keunong Raja tanyong meunoe ulah

Wahe aneuk intan bungong Lon tanyong narit sipatah Patbu gampong bijeh mata Soe nan bunda deungon ayah

Peugah aneuk ngon sibeuna Bek meutuka ban ekheulah Siri ujong nanggroe gata Kheun beusigra aneuk lidah

Teuma seuot po jroh rupa Jaroe dua beuet pantah Ampon meuribee tuanku droe Deungo jinoe uion peugah

Jarussalam nama nanggroe Gampong lon nyoe nyan daerah Nama ayah Sulotan Yahya Nyangkeu raja mat peurintah

Ayah mate saboh masa Teukeudi ka nibak Allah Nibak Tuhan ka teukeudi 'Oh nan janji abeh langkah

Nama ulon Peureudan Ali Ampon doli ngo lon peugah. Nama bunda Lelan Syikri Teungku abi peuet droe zeejah

Bunda ulonpi teukeudi Lam glap sunyi sideh dahsyah Ahmad Kasari nan syeedara Laen bunda he khalifah

Mate ayah badai raja That angkara mat peurintah Geuboh bunda dalam syeksa Ulon dua lon plueng pantah

Cutda ulon Cut Seutia Saboh bunda he khalifah Nyang lon seutot dilee masa Pusong Rawa sideh dahsyah

Padumna trep lon jak mita Meuteumeung ka bri Po tallah Ka lheueh ka wen deungon meuntroe Cutda lon nyoe tueng keu zeejah

Geupeusayang syeedara kamoe Uleh meuntroe nyang khalifah Banta peugah sira jimoe Meutaloe ie mata jojah

Ingat bunda nyan di nanggroe Samlakoe ate that gundah Abeh neukheun awai akhe Raja teupike ate dahsyah

Poteu raja hireuen ate Neungo ruhe banta indah Dalam ate teupike keudroe Jimeurawoe meunoe ulah

Roh bak untong aneuk badan Ariyan rupa that cidah Roh judo aneuk sulotan Peureudan sangat meutuah

Abeh narit muda seudang Sulotan hireuen meutamah Abeh meufom bak sulotan Sibarang ka maklum sudah

Yoh nyan raja kheun hareutoe Bujang jinoe jak keumeurah Kayue jitren rakyat nanggroe Sinaroe hina ngon meugah

Teuma beudoh teuku bujang Jiplueng curam sangat pantah Jak peugah jeuep-jeuep simpang Sulotan suroh meulangkah

Hingga teuma haba nyang rab Jitren rakyat subhanallah Tunong Baroh Timu Barat Meusapat lam kuta meugah

'Oh troh keu nan dum sinaroe Beuet jaroe bak khalifah Peue tuanku pangge kamoe Dum sinaroe datang sudah

Teuma seuot poteu raja Saboh haba lon meung peugah Nyang lon pangge dumna gata Taboh raja banta indah

Lagi ulonpi ka tuha Pajan masa saleh leupah Peureudan Ali mat neuraca Bandum gata bek meubantah

Teuma seuot dumna rakyat Cit patot that he khalifah Bandum kamoe sit meupakat Pirak lipat mat peurintah

Hingga teuma haba nyang rab Dumpeue leungkap ase sudah Sit ka asa sikalian Cut Peureudan geucok pantah

Peuek ateueh batee intan Rakyat pandang bukon cidah Beudoh sidroe ureueng tuha Suroh raja kheun peurintah

Geuyue meuhei ban seulingka Geupeuhaba meunoe ulah Wahe kawom cut ngon raya Dum sigalahina meugah

Beuna tathee uleh gata Jinoe raja banta indah Beutagaseh sajan takot Beutaturot ban peurintah

Beutapateh ngon taikot Beungoh seupot bek meubantah Abeh geupeugah awai akhe Geutet beude subhanallah

Sireuta ngon geuhei sare Sang-sang reule nanggroe luah Geupeh ngon gong sajan geundrang Dum binyian le that ulah

Hana lon kheun buet peurasan Maklum tuan dum ka sudah Lheueh boh raja Peureudan Ali Teungku Kadi neufatihah

Teuma geubet le khanduri Sajan geubri ngon seudeukah Hingga teuma haba nyang toe 'Oh seuleusoe dumpeue sudah

Ureueng gampong jilakee droe Bandum jiwoe ubak zeejah Meuntroe Adanpi lakee droe U gampong droe sajan syeekah

Meuntroe Sakdi sinan dukhoe Ngon samlakoe sinan dahsyah Abeh jiwoe sikalian Tinggai sinan banta indah

Sajan Putroe Cut Ariyan Sinan bimbang reubah limpah Han tom jarak meusipade Hana tom ere meusilangkah

Uroe malam meunan sabe Panyot kande sit lam dahsyah Ceupet urot uleh putroe Puleh asoe nibak payah

Rindu ate po samlakoe Si nyak putroe han peue peugah Ate galak bandua droe Dum geutanyoe maklum sudah

Padumna trep sinan dukhoe Po samlakoe sinan dahsyah Lawet lawan teuma dudoe Bak siuroe bri Po tallah

Ka teuingat po samlakoe Dum jeuep-jeuep syoe abeh leumah Peureudan Ali panyang pike Jimeurawe meunoe ulah

Han jeuet meunoe kupeuiem le Di akhe meuteumeung susah Yoh masa nyan Peureudan Ali Neuyue waki jak keumeurah

Teuma bujang beudoh peureugi Suroh doli dum jipeugah Ban jideungo dalam nanggroe Jitren jinoe dum barollah

Ka meusapat dum sinaroe Samlakoe jijunjong seumbah Lheueh jiseumbah poteu raja Turon sabda bak khalifah

Meunoe neukheun po cut banta He syeedara ka troh langkah Dum peutua seuot rijang Jilayang jaroe dua blah

Ampon kamoe po jeunulang Abeh datang dum kafilah Uleebalang abeh teuka Sigala rakyat barollah

Meunan jikheun dum peutua Seuot banta meunoe ulah Nyang lon pangge dumna gata Peugot kuta jinoe pantah

Sajan taboh pacang junga Parek kuta kueh beuluah 'Oh lheueh suroh nibak banta Peubuet sigra dumna syeekah

Sajan ngon droe po jroh rupa Lam uroe kha reuoh-reuah Geutueng ate dumn rakyat Haba mangat dum geupeugah

Bandum ureueng ate mangat Hana siat na meubantah Peue nyang geuyue siat ase Panyot kande 'ajab leupah

Rakyat peubuet galak ate Hana pike beuthat payah Siploh uroe peugot kuta Cukop leungka dumna sudah

Lheueh geupeugot dum sigala Woe lam kuta rakyat barollah Troh lam kuta dum sipai Khanduri ase ka sudah

Peuduek idang dum meuriti Cut Ali tangan that murah Teungoh ureueng dum pajoh bu Beudoh meupru banta indah

Rata ureueng dum neujak eu Bungong meulu 'ajab leupah Neueu ureueng nyang budiman Nyang tuban adat peurintah

Nyang ceureudek balek batang Neupandang bandum ka sudah 'Oh lheueh makeuen rakyat sinaroe Samlakoe yoh nyan peusiblah

Ureueng nyang ka neungieng bunoe Saboh sagoe banta keubah Ka lheueh neunging nyang ceureudek Nyang jeuet balek akai pantah

Abeh neungieng ureueng lisek Neufam tarek banta indah Nyang na iman dalam dada Nyang seutia bek na bantah

Ureueng nyang na budi basa Dum peukara jeuèt peurintah Nyang na tukri kanun reusam Banta pandang dum ka sudah

Ureueng nyang jeuet boh atoran Keubajikan bek roh salah Abeh neungieng gaki jaroe Neufam keudroe banta indah

Ka meusapat sireutoh droe Marit jinoe meunoe ulah Wahe rakan adoe aduen Ngo lon kheun narit sipatah

Ulonteu nyoe nakeu tatueng Cuba takheun jinoe pantah Rakan sireutoh seuot meunoe Ampon kamoe he khalifah

Udep mate laba rugoe Bandum kamoe seuon titah Barangpeue buet kamoe seuon Tuanku ampon cuba peugah

Seuot banta meunoe neukheun He bandum rakan meutuah Meunyo gata ate yakin Ban lon kheun bek sagai ubah

Meunyo tapateh ka seulamat Tulong Hadarat Insya Allah Meuhan tapateh jeuet meularat Akhe meuhad meuteumeung sosah

Mula nyang phon lon peuhaba Bandum gata tameulangkah Meuka leupah tajak gata Nyang beulanja bek tagundah

Boh beulanja boh peukayan Boh makanan aneuk zeejah Na bak ulon sikalian Asai tuan turot titah

Lon meuiakee ubak Tuhan Dum sibarang insya Allah Meunyo bak buet keubajikan Tulong Tuhan dumpeue mudah

Dalam nanggroe Anta Ladeh Tajak keu deh jinoe pantah Tatueng ate kaphe paleh 'Oh troh keu deh turot titah

Tangieng beuabeh lua dalam Pakri macam jipeurintah Bandum ureueng beujeuet rakan Turot reusam bek meubantah

Gata tajak meukat ija Maniaga peue nyang mudah Bek meusapat dumna gata Dua-dua tameulangkah

Lom bak raja tajak sidroe Tapeujok droe ban peurintah Bek tapeugah sinoe nanggroe Tahareutoe barang mudah

Raja Syareh nyang keupala Dua blah raja nyang di bawah Saboh raja sidroe gata Dum beurata tameulangkah

Nyang beulanja cok bak kamoe Lon bri jinoe dumpeue sudah Sidroe gata siploh katoe Ba sajan droe nyan nafakah

Nyang di gampong aneuk binoe Siploh katoe jak takeubah Adat han sep uroe dudoe Dum sinaroe lom lon tamah

Bandum gata bek tawoe-woe Malam uroe mita ilah Peue nyang taeu dum peukara Nyang rahsia tadeungo gah

Peugot surah pantah sigra Yue bawa keu noe beupantah Lon bri jinoe ngon peukayan Tame sajan ho nyang langkah

Sidroe gata dua pasang Cap lon tuan daweuet mirah Banta peugah laba rugoe Bansinaroe seuon titah

Awai akhe neuhareutoe Samlakoe 'ajab sileupah Hingga teuma haba nyang rab Beudoh rakyat geucok langkah

Cok peukayan bandum leungkap Teugon ngan cap banta indah Ladom geucap nibak bajee Ladom lagee bak kupiah

Maseng-maseng dum meuteuntee Keunong lagee that peurintah Leupah ureueng sireutoh droe Nyang di nanggroe meunoe ulah

Teungoh u gle saboh bagoe Samlakoe yue jak ceumeucah Maseng-maseng dum sinaroe Ban adat droe hina meugah

Nyang na tinggai dalam nanggroe Sidroe-droe han saho leupah Neuyue peugleh jeuep-jeuep teumpat Jalan teupat peugot pantah

Peugot jalan Timu Barat Ube neumat keurajeuen luah Peugot keude han ek hisab Deungon siat ase dum sudah

Ladom ureueng neuyue meukat Hareukat mita nafakah Nyang duek mantong hana neubri Peureudan Ah' that neuteugah

Bandum neuyue mita raseuki Tacari tailah-ilah Bek duek mantong tawa tuboh Peue tapajoh meunan neupeugah

Sajan neuyue ngon ibadat Peubuet taat suroh Allah Peubuet suroh ngon hareukat Pirak lipat that neupapah

Buet meujudi ngon meureubot Neupeutakot banta indah Sit han neubri buet nyang karot Manok meulet dum neuteugah

Peugot peue laen sibagoe nyan Sikalian buet nyang salah Hana neubri buet han reumbang Meulayenkan nyang suroh Allah

Neuyue peubuet nyang suroh Tuhan Mauhammadan ikot titah Peue nyang wajeb sikalian Seumbahyang jakeuet ngon pitrah

Saleh ate Ali Peureudan Keubajikan dum peurintah Lawet banta mat keurajeuen Bandum ureueng ate dahsyah

Galak ate bandum ureueng Intan buleuen 'ajab leupah Rakyat nanggroe le that hireuen Bandum jikheun bukon cidah

Adat nanggroe neupeukureueng Peng han neutueng nikah pasah Adat siploh neutueng limong Meunan bangon dum peurintah

Mangat ate agam inong Han peue tanyong hina meugah

• Geutueng sikhan bandum adat Bukon cakap banta indah Meuhan neutueng hana cakap Gadoh adat jeuet keu sosah Peureudan Ali sangat utoh Akai haloh bri Po tallah Ureueng teuka Tunong Baroh Meuh seuneupoh junjong titah Rakyat gampong dum sinaroe Han tom sidroe na meubantah Bujang tandi waki meuntroe Lamjipujoe banta indah Lawet banta mat neuraca Raseuki hamba dumpeue mudah Kareuna Po Tuhan Esa Sabab raja ade leupah Nanggroe makmu banda rame Asoe keude that barollah Ureueng teuka sidroe sane Keunan jime peue nyang mudah Meugot raja makmu nanggroe Raseukipi troe bri Po tallah Galak ate asoe nanggroe Dum jipujoe banta indah Peureudan Ali ceureudek that Hana sapat pike salah Padum na trep sinan teutap Pirak lipat mat peurintah Teukeudi Po Tuhan Esa Yoh nyan banta ate gundah

Ka teuingat nyan keu bunda Dalam karna aduen keubah Yoh masa nyan po samlakoe Neuhei sidroe keunan pantah

Banta kalon ureueng binoe Nyang pindoe bak mita ilah Neuyue bungka keu deh jinoe U nanggroe droe teumpat ayah

Banta peugah dum hareutoe Haba puroe asailiah Neupeurunoe dum peukara Meukat gula suroh titah

'Oh lheueh wasiet nibak banta Jak peucara pantah-pantah Hingga ase sianika Balot gula lam beureukah

Jarussalam hajat bungka Ngon beulanja neujok pantah Cukop ase dum peukara Beudoh sigra geucok langkah

Geujak laju pantah sigra Meuhei gula nyan di babah Keu noe gula keu deh gula Hana reuda poh beurakah

Ureueng inong leupah bungka Po cut banta sinan dahsyah Sajan judo nyang analan Ariyan putroe that cidah

Pike syawe uroe malam Cut Peureudan rancak leupah Teuduek siat muda seudang Lon peuriwang nanggroe ayah

Balek ayat wahe teungku Amma bakdu roh bak sagoe Lon peuriwang nanggroe ibu Deungo teungku lon hareutoe

Nyoe lon peugah Ahmad Kasari Gantoe abi peugang nanggroe 'Oh lheueh jiglap Lelan Syikri Tuhan neubri dum ateueh droe

Sabab jireuloh peneuduek ayah Bandum jiubah tan jipakoe Haba amanat peuneusan ayah Kon le cidah raja peurunoe

Tan jipateh jitiek u likot That geuturot ban napsu droe Rakyat nanggroe dum jireubot Abeh teukeujot aneuk nanggroe

Le that ureueng ka jibungka Han ek saba dum sinaroe Nanggroe laen dum jibungka Dalam rimba ladom jiboh droe

Tinggai sinan sisukee bagi Akan teutapi meunoe bagoe Adat geumeuhei Ahmad Kasari Hana padili dum jiiem droe

Sabab lam ate tan jigaseh Geumeuhei keu deh jitajo keu noe Raja Ahmad ate peudeh Ureueng ka abeh musoh sinaroe

Ho nyang geujak rakan hana Suntok masa cit lam sidroe Meutan tuah ngon bahgia Padumkeu na gop peurunoe

Géuduek geudong tahe gante Bungong kundo sayang sidroe Miseue ureueng mate judo Tahe gante geunap uroe

Nyankeu bala nibak Tuhan Sabab gop nyan han got budoe Sidek sasat tan di sinan Leupah tuan dum bak buet jaroe

Saboh bangon truek meuteumeung bala Sabab ayahda neulungkop jaroe Lakee meukawen ngon aneuk raja Hana suka barangri nanggroe

Sabab han got bidi basa Beuthat raja ureueng meusoe Ahmad Kasari han got baten Meusyeuhu po lem han got budoe

Ngon aneuk raja lakee meukawen Han jitem barangri putroe Sabab geungieng pie ngon guna Dum syeedara han le di nanggroe

Peureudan Ali ngon Cut Seutia Tan jipura tanyong pat jinoe Nyankeu sabab putroe han jitem Lakee meukawen keu deh keu noe

Nyoe han jitem jeh han jitem Sosah teungku lem malam uroe Nyankeu bala Tuhan balah Neupeuleumah dum sinaroe

Laen nibak nyan tan lon peugah Maklum sudah dum geutanyoe Dalam ate neubri sosah Uleh Allah po alam nyoe

Uroe malam ate gundah Teuduek kisah siat 'oh noe Teuduek kisah 'oh nan saboh Jinoe lon satoh tuan putroe

Cut Keumala rupa that jroh Nyanpi saboh geuthee keudroe Bukon sayang Putroe Keumala Sosah teuka malam uroe

Lawet mate poteu raja Cut Keumala tan le asoe Tuboh awoh ate rusak Jipandang bak jeurat lakoe

Gadoh utoh gadoh rancak Gadoh cangklak gadoh pindoe Jiduek jidong teutahe-tahe Bungong kundo teupike keudroe

Uroe malam ingat judo Ie mata ro lam paleuet jaroe Nyanpi saboh bala raya Cut Keumala sosah keudroe

Abeh ngon peng dum beulanja Namiet dua that jisiboe Pengpi abeh lakoepi tan Bukon sayang aneuk meuntroe

Ate teulah hana macam Uroe malam tahe keudroe Allah Allah wahe rakan Bek roh meunan baranggasoe

Hana panyang lon calitra Maklum gata dum sinaroe Hikayat nyoe he syeedara Bacut saja lon hareutoe

Meubek gadoh asaipunca Maklum haba maseng bak droe Tiep-tiep ureueng nyang ceulaka Beuthat raja boh barangsoe

Deungon Tuhan teumeureuka Neubri bala dum sinaroe Neubri bala le that macam Uleh Tuhan Po geutanyoe

Maseng-maseng ban atoran Ladom tuan ateueh asoe Ladom bala bak areuta Jeuep-jeuep punca roh bak rugoe

Meunan-meunan dum peukara Maseng jeumba maseng bagoe Miseue haba ureueng tuha Geucalitra meunoe bagoe

Baranggasoe jiusaha Jiseumula ateueh bumoe Meunyo jipuia bijeh rambot Hana patot timoh geutoe

Pula rambot timoh rambot Meunan patot wahe adoe Nyankeu hai nyak lon boh mise Beutapike narit lon nyoe

Meunyo kureueng pike syawe Teukeuse meuteumeung dudoe Haba lon nyoe jeuet keu ubat Beutaingat dum sinaroe

Baranggasoe ingat beuthat Bek silap teulah dudoe Miseue bungong hana le bee Meuka layee han le soe bloe

Barangpeue buet pike dilee Meuka balee toh lom lakoe Jeueutkeu dumnan bek panyang that Gadoh beureukat le nibak nyoe

Cut Keumala teuduek siat Ureueng meukat lon kheun jinoe Amma bakdu nyoe nyang gura Lon calitra ureueng binoe

Ureueng inong meukat gula Suroh banta yoh saboh roe Padumna trep jisrang-abrang Ka troh datang teumpat putroe

Ban sare troh Jarussalam Tamong rijang dalam nanggroe Meukat gula sangat ajam Bak poh rantam utoh han soe

Sira geujak poh beurakah Meunoe ulah kheun hareutoe Gula ulon mangat leupah Yumpi murah soe na tem bloe

Soe nyang deungo khem meuhah-hah 'Ajab leupah ureueng binoe Lompi geukheun meunoe ulah Kon beurakah mameh han soe

Ban jideungo geukheun meunan Meuhei yoh nyan ureueng nanggroe Pakri rupa gulateu nyan Cuba kaman tamong keu noe

Geupeutamong pantah sigra Bak bale ka geuduek keudroe Ka jitanyong pane gula Hareuga padum sikatoe

Hanya panyang lon peuhaba Bacut saja lon hareutoe 'Oh lheueh teuntee ngon hareuga Timang gula na lhee katoe

Bayeue ngon peng rijang-rijang Bak masa nyan phon geumeuproe Ureueng meukat tanyong nyoeban Hai tuan pakonbu meunoe

Jarussalam masa jameun Le that ureueng asoe nanggroe Pakon jinoe tan le ureueng Ho ka jiplueng dum jiboh droe

Lagee bangon teuka waba Ureueng hana troh padum droe Seuot sidroe ureueng tuha Allah cutda malang nanggroe

Sabab raja hana ade Abeh cre-bre dum sinaroe Jeuep-jeuep gampong meute guble Ladom u gle ka jiboh droe

Meunyo hana ade raja Teuntee hana aman nanggroe Allah Allah hai syeedara Hana guna lon hareutoe

Meunyo hana ade raja Haro-hara that lam nanggroe Teuntee ureueng that seungsara Meunyo raja han got budoe

Ureueng meukat seuot pantah Haba bantah meunoe bagoe Pakri patot raja salah Sang beurakah naritteu nyoe

Lom jiseuot ureueng tuha Narit beuna ban lon kheun nyoe 'Oh dum putroe ka jisyeksa Sireuta bandua adoe

Hana sinan sidek sasat Kon lon upat kon lon pujoe Lom geutanyong ureueng meukat Bukon 'ajab sang haba nyoe

Pakon meunan cuba peugah Asailiah pakri bagoe Bak lon deungo 'ajab leupah Seuot pantah ureueng nanggroe

Meunoe bangon asai mula Poteu raja peuet judo droe Putroe Lelan cidah rupa Umu muda po sambinoe

Leubeh cidah Lelan Syikri Raja doli sinan laloe Padumna trep teuma lawi Teukeudi bak Tuhan sidroe

Teukeudi Po Tuhan Esa Mate raja tinggai putroe Meusikeujap saket hana Sikiep mata umu sampoe

Bak alamat keunong racon Meunan meufom nibak kamoe Teubiet darah dalam idong Lam-lam punggong gaki jaroe

Nyankeu sabab nyang na leumah Asailiah troh bak dumnoe Laen bak nyan hana leumah Poteu Allah nyang thee sidroe

Ureueng meukat deungo meunan Tanyong rijang meunoe bagoe Padum droe na ureueng sinan Dendayang asoe meuligoe

Ureueng laen nakeu datang Kutika nyan padum uroe Ureueng gampong jaweueb sigra Asai mula na tujoh droe

Dudoe nibak nyan saboh masa Laen teuka keu nan sidroe Si Nyak Jeumpa keu nan datang Jeuet lapan asoe meuligoe

Ureueng meukat lom tanyong ban Nyak Jeumpa nyan patbu nanggroe Padum na trep jih di sinan Lam rumoh nyang padum uroe

Masa mate poteu raja Si Nyak Jeumpa kakeu sampoe Atawa goh keu nan teuka Cuba kata awai ngon dudoe

Ureueng nanggroe jaweueb sigra Awai Si Jeumpa peuet pioh uroe Neugaseh that uleh raja Sireuta ngon tuan putroe

Ureueng meukat deungo meunan Teupike yoh nyan lam ate droe Pike syawe balek batang Seungap kalam bandua droe

Pajoh ranup meümat tangan Beudoh rijang geuiakee droe Cok ngon beuban balot gula Geujak lanja dalam nanggroe

Keu noe gula keu deh gula That ceuncala babahgeu nyoe Bahle lon kheun pantah leugat Jak beurangkat laju sidroe

Keu noe siat keu deh siat Sidek sasat jeuep-jeuep sagoe Jeuep-jeuep jurong meukat gula Jak pareksa utoh han soe

Geumeuteuoh pura-pura Rahsia geumita keudroe Hingga teuma geujak lanja Bak Si Jeumpa ka troh sampoe

Troh bak rumoh Si Nyak Jeumpa Jimeuhei ka aneuk bisoe Wahe cutda peue barang nyan Tamong rijang laju keu noe

Lon meung kalon pakri macam Bak laku sang jadeh lon bloe Ban geudeungo narit meunan Tamong rijang laju sidroe

Ureueng meukat tamong sigra Tren po Jeumpa di seuramoe Peutren ranup sajan tika Piyoh cutda laju keu noe

Bahle lon kheun haba nyang rab Lon peurapat rijang sampoe Jibloe gula lhee katoe brat. Cutda meukat marit meunoe

Allah Allah adoe badan Gaseh sayang keu lon sidroe Tateurimong lon eh malam Lon jualan watee uroe

Si Nyak Jeumpa seuot leugat Kru seumangat hai po da droe Watee uroe neujak meukat Malam meuhad keu noe neuwoe

Ban geudeungo narit meunan Piyoh sinan bak malam nyoe Singoh beungoh hari siang Jak me beuban keu deh keu noe

Watee malam keu nan riwang Eh tidoran di seuramoe Meunan sabe baranggajan Dudoe nibak nyan meunoe bagoe

Neutueng ate inong badu Geupeulaku indah han soe Neuplah rujee neutaguen bu Soe nyang na eu teukap jaroe

Adee pade srah ngon ija Jeuep peukara dum seuleusoe Mangat ate Si Nyak Jeumpa Payah han dum buet jaroe

Umu sibuleuen meunan sabe Gaseh ate ining bisoe Deungon gulapi hana le Abeh sare dum geupeubloe

Abeh pike balek batang Ureueng meukat nyan bak siuroe Ngon ie mata sret meurumpan Geupeusayang sira geumoe

Di hadapan Si Nyak Jeumpa Peugah haba meunoe bagoe Allah Allah hai adekda Ngieng keu cutda bak siseun nyoe

Beuta pandang siblah mata Laen hana pat lon kheun droe Ulon hai nyak ate sosah Taseuleuah siat jinoe

Deungokeu nyoe ulon peugah Asai sosah ulonteu nyoe Lhee boh aneuk lon boh ate Jinoe han lepi meusidroe

Mate sigo lhee sirungke Jiracon le geusyik sagoe Lheueh lon tanom uroe tujoh Lon adoe beh kuboh nanggroe

Lon arong gle peukoh aroh Nyoe baro troh keu noe sampoe Jeuep-jeuep gampong lon jak tuntut Sapat han jeuet lon peugah droe

Sang bak gata hai adoe cut Troh meukeusud cutdateu nyoe Abeh geukheun awai akhe Aneuk mate geupeugah proe

Si Nyak Jeumpa jiseuot le Aneuk sihe jikheun meunoe Ka tapeugah asai mula Hajat gata pakri jinoe

Hajat ulon kutueng bila Meunyo na racon bak adoe Si Nyak Jeumpa seuot nyoeban Han sapeu tan meunyo sinoe

Sidroe ureueng ka lheueh simpan Geukheun han jan pakri lon nyoe Beusep lam pruet wahe cutda Laen hana jithee sidroe

Dilee mate poteu raja Lon bri tuba tuan putroe Lon keumeung bri Lelan Syikri Roh teukeudi raja nanggroe

Got that cutda ulon buni Tan keutahwi asoe meuligoe Meunan jikheun inong badu Seuot laju ureueng binoe

Meunyo meunan adoe teungku Bri sigeutu ulonteu bloe Han peue tabloe wahe cutda Lon bri saja bungong jaroe

Sajan jicok racon tuba Nyopat cutda beudoh jak woe 'Oh nan seungap abeh haba Sambot tuba beudoh geuwoe

Amma bakdu balek ayat Wahe sahbat laen macam Kakeu geuwoe ureueng meukat Geubeurangkat rot lam hutan

Jinoe lon peugah haba nyang toe Malam uroe geubeurjalan Umu lhee buleuen siploh uroe Troh u nanggroe teumpat makam

Geutamong laju dalam kuta Ubak Raja Ali Peureudan 'Oh lheueh seumbah puteu raja Peugah haba meunoe lakuan

Amon tuanku meuribee katoe Ka troh ulon nyoe Jarussalam Deungon tulong Tuhan sidroe Troh sampoe hajat sulotan

Dum rahsia abeh meupat Lon urat uroe ngon malam .Tulong Tuhan Rabbon Tbad Ka lon tupat sikalian

Deungon tuah po meukuta Ngon bahgia syahi alam Lon teumeung dum rahasia Si Nyak Jeumpa nyang that ajam

Jihkeu nyang boh racon tuba Putroe Keumala nyang surohan Jiyue bri keu Putroe Lela Sabab raja sinan bimbang

Sampoe jinoe mantong jitroh Tuba tikoh got jisimpan Dalam kaca lon eu jiboh Inong biyoh buet han reumbang

Na tuanku bacut lon peuwoe Lon lakee bloe na lhee gupang Peureudan Ali lakee bak droe Ureueng binoe jok le rijang

Banta sambot racon tuba Boh lam kaca ka neusimpan Ureueng binoe dum calitra Maklum banta sikalian

Abeh narit deungon banta Geutren lanja geuwoe rijang Teuduek haba ureueng meukat Lon riwayat muda seudang

Po Cut Ali beudoh leugat Pirak lipat jak bak tuan Troh bak raja banta indah Neuseumbah teuot sulotan

'Oh lheueh seumbah neuduek pantah Neupeugah meunoe lakuan Neuidin lon tuanku droe Siat lon woe ubak makam

Hajat saweue bunda sidroe Saleh jinoe pakrikeu ban Poteu raja seuot leugat Kru seumangat aneuk badan

Patot aneuk woe u teumpat Beuseulamat nibak jalan Akan teutapi bijeh mata Meunyo gata woe bak makam

Peuwoe sajan putroe muda Sireuta deungon angkatan Han jeuet tawoe badan bulat Gadoh adat gadoh reusam

Patot aneuk taba rakyat Tabeurangkat rot lam hutan Lom neuseuot pirak lipat Ampon deelatdeungo laman

Han jeuet lon woe sajan rakyat Lon meuhajat mita keutrangan Bahle jinoe lon woe sidroe Rijang sampoe ban pintaan

Meuna umu tuanku droe Uroe dudoe laen jalan Ban neudeungo meunan haba Seungap raja han le kalam

Abeh tuto deungon raja Beudoh sigra Cut Peureudan Banta neuek u meuligoe Po samlakoe cok peukayan

Sira neukheun ubak putroe Deungo lon nyoe judo badan Ulonteu nyoe woe u nanggroe Tinggai sinoe gata intan

Awai akhe dum neupeugah Nyang goh leumah akan datang Putroe seuot han peue salah Ban peurintah he junjongan

Ban nyang hukom bak khalifah Hana bantah bak lon tuan Yoh jikheun nyan si nyak putroe Meuteutaloe ie mata sajan

'Oh lheueh meungui Peureudan Ali Sang beureuhi Cut Ariyan Si nyak putroe com bak gaki Idin neubri keu junjongan

Po cut Ali sampoh ulee Bungong keume lom kheun nyoeban Hai putroe do'a talakee Geunap watee uroe malam

Talakee bak Tuhan sidroe Beusampoe hajat lon tuan Abeh tuto rot deh rot noe Po samlakoe neutren rijang

'Oh ban neutren po cut banta Ro ie mata putroe intan Jingieng lakoe puteh mata Aneuk dara bukon sayang

Sinan jiduek nibak pinto Ie mata ro hana reunggang Si nyak putroe tahe gante Bungong kundo teuduek 'oh nan

Nyoe lon peugah po Cut Ali Meuntroe Sakdi meuhei rijang Neuba sajan Meuntroe Sakdi Neupeureugi laju rot blang

Peukoh uteuen arong rimba Neujak lanja uroe malam Padum na trep neumeusafa Pusong Rawa troh le datang

Troh nanggroe nyan po jroh rupa Tamong banda ngon pahlawan Troh lam keude pot cut banta Meuntroe raja cit di sinan

Meuntroe kalon troh adekda Peurab lanja rot noe rot nan Meumat jaroe ngon syeedara Sireuta meuntroe pahlawan

Lheueh horeumat peumulia Lam kuta peutamong rijang Peuek laju u seuramoe Po samlakoe duek bak tilam

Putroe Juhur di meuligoe Jingo adoe ka troh datang Jicok ranup jikoh tangke ^ Jipasoe le dalam puan

Jimat puan tatang bate Jipeutren le pantah rijang Troh u ramoe Cut Seutia Beudoh banta com bak tangan

Putroe Juhur piyoh sigra Rab syeedara duek teusumpan Pajoh ranup baro bicah Marit sipatah Cut Peureudan

'Oh lheueh banta neuboh seupah Insya Allah neumulaan Ulonteu nyoe nyang troh langkah Lon jak peugah wahe cut abang

Hajat ulon kujak gisa Woe bak bunda teumpat makam Sajan cutda beusireuta Kakanda langkah beusajan

Meuntroe Adan seuot meunoe Wajeb adoe cit han jeuet han Wajeb adek woe u nanggroe Patot kamoe seutot sajan

Meunan jaweueb raja meuntroe Po samlakoe lom peugah ban Lahe baten neuhareutoe Maklum meuntroe putroe sajan

Teutap sinan bungong pade Peuet sirungke ngon pahlawan Dum makananpi ka ase Geupeutren leu keunan idang

Tunggeng geupet basah jaroe Makeuen jinoe peuet sikarang 'Oh lheueh makeuen dum sinaroe Raja meuntroe yue bak bujang

Geuyue pangge asoe nanggroe Lhee reutoh droe ureueng agam Dua reutoh ureueng binoe Ngon putroe dendayang sajan

Dum peukayan indah-indah Hijo mirah meujeureulang Agam inong ase sudah Geucok langkah watee reumbang

Nyang jak di nap ureüeng lakoe Limong pioh droe ulee kawan Sama teungoh ureueng binoe Got meurandoe jak meurumpan

Troh bineh gle ere ngon nanggroe Geucok putroe nyang analan Si nyak putroe boh lam uosng Uroe tutong payong sajan

Han ek jijak panyot kande Jigulam le ureueng agam Tamong uteuen geuarong gle Rakyat sare meupeurasan

Uroe malam geubeurangkat Hana siat beureuntian Umu lhee buleuen geucre'teumpat Sampe hajat Jarussalam

Ban sare troh bineh nanggroe Geupiyoh droe dalam padang Peudong kimah dalam uroe Sinaroe pegot bantayan

Teutap sinan dumna tantra Ureueng tuha beudoh rijang Dua ureueng suroh banta Jak bak raja kuta dalam

Lheueh peurunoe lahe baten Bintang canden akai ajam Yue jak peugah ubak dalem Lagee laen kheun lakuan

Geujak laju bandua droe Troh sampoe bak bale keumang Bak watee nyan raja nanggroe Wadi meuntroe cit na sajan

Troh le keu nan ureueng dua U bale ka geuek rijang Lheueh geuseumbah poteu raja Peugah sigra ban suruhan

Ampon kamoe he khalifah Nyang troh langkah ulon tuan Raja kamoe jarak langkah Uroe sudahpi ka malam

Poteu raja sideh piyoh Ulon peutroh keu noe datang Neubri idin tuanku beh Kamoe piyoh siat di blang

Lagi sosah ureueng binoe Tuan putroe payah jalan Meunan narit ureueng tuha Poteu raja seuot nyoeban

Pane gampong ho geuhala Soebu nama nyang sulotan Lom geuseuot ureueng tuha Nyang keupala Meuntroe Adan

Nama nanggroe Pusong Rawa Nyankeu raja nyang sulotan Yoh masa nyan Raja Ahmad Ka teuingat meunoe macam

Tiep-tiep raja lakee teumpat Nyang meuhad keu noe u dalam Meukon meunan han meulagee Ulon malee akhe datang

Poteu raja marit meunoe Piyoh sinoe gata tuan Ho ka bujang waki nanggroe Jak tueng keu noe Meuntroe Adan

Tayue langkah bandum keu noe Meusidroe bek tinggai di blang. Bujang beudoh jijak laju Meu'u-'u keu deh u padang

'Oh troh keu deh peugah laku Tuanku suroh u dalam Ban neudeungo Peureudan Ali Hukom neubri dum bak rakan

Beudoh bandum jak peureugi Bek lanti sinan dalam blang Hingga teuma haba nyang rab Tamong leugat kuta dalam

Troh u dalam geubri teumpat Ban adat meujeulih reusam Meuntroe-meuntröe bak keurusi Cut Ali sajan ngon rakan

Akai sulet po Cut Ali Bek geuturi le cut abang Ureueng binoe u meuligoe Roh rumah droe putroe intan

Rumoh ka soh jeh 'oh uroe Hana sidroe ureueng sinan Teuduek siat haba putroe Ban sinaroe uleebalang

Nyoe lan peugah ureueng nanggroe Masa bunoe rakyat lam blang Ban jikalon rakyat that le Jimeututo inong agam

Saleh pane dara baro Mirah hijo dum peukayan Teungoh-teungoh jimeuteuoh Jieu beudoh ulee kawan

Jieu bandum geubeurangkat Tamong leugat kuta dalam Yoh masa nyan jimeupakat Meusyawarat sikalian

Jimeupakat dumjih rata Meubicara meunoe macam Uroe nyoe geutanyoe dumna Bak raja tamong u dalam

Bek jeuheut ayeb ngon malee Sabab jamee keu noe datang 'Oh jikalon uleh jamee Gotkeu lagee ngon atoran

Bek taingat meudeh meunoe Bak uroe nyoe dumteu tuan Beuthat singoh laen uroe Meusidroe bek tajak keu nan

Keumah pakat bandum sare Jitamong ie kuta dalam Troh lam kuta dum ka hade Jipeubuet le peue nyang reumbang

Yoh masa nyan Ahmad Kasari Hukom geubri ubak bujang Raja yue sie kameng biri Itek gasi manok panggang

Matauroepi ka jilop Lampu geutet meujeureulang Ureueng makeuen kalang-kabot Ladom eungkot boh lam idang

Bupi masak dumpeue ase Geubeuet le pantah rijang Cukop keu nan bandum sare Geubeuet le jaroe sajan

Bahle lon kheun haba nyang rab Makeuen leugat sikalian 'Oh lheueh makeuen dumna rakyat Geupeurab jak pinah idang

Sajan geubet keu nan pantah Ija mirah sampoh tangan Nyang ranup hana peue peugah Dalam karah cit ka sinan

Gotkeu bangon geupeujamee Ban lagee raja ban datang Malampi ka jula watee Ureueng jamee teutap sinan

Ureueng gampong lon peuhaba 'Oh ase ka pinah idang 'Oh lheueh bri bu jamee teuka Maseng tangga jiwoe rijang

Abeh bandum ka jigisa Seungap kuta han le kiam Maseng-maseng woe u rumoh Singoh beungoh laen syahdan

Bak malam nyan buleuen peunoh Ka neubeudoh Cut Peureudan Jula malam watee sunyi Peureudan Ali neubeurjalan

Neuba sajan Meuntroe Sakdi Neupeureugi lam seupot klam U meuligoe Cut Keumala Neuek lanja keu nan curam

'Oh troh keu nan po cut banta Sireuta meuntroe pahlawan Meuntroe sungket bintah laju Neuek meupru Cut Peureudan

Troh u rumoh bungong meulu Panyot lampu neutet rijang Tuan putroe sidroe neueh Putroe paleh teungeut pangsan

Lop keuleumbu tujoh lapeh Neulop keu deh banta seudang Sit ka ase po samlakoe Ngon taloe ka neume sajan

Banta ikat gaki jaroe Yoh nyan putroe sare kiam Meuhei bantu lagee raya Sidroe hana ureueng datang

Putroe meulawan hana daya Leubeh teuga ureueng agam Ureueng binoe kuat hana Padumkeu na ek meulawan

Sira jimoe Cut Keumala Rupa banta deuh jipandang Tuan putroe ret seumangat Klik raya that geumpa alam

'Oh lheueh putroe banta ikat Surung leugat bak pahlawan Meuntroe Sakdi sambot putroe Bak baho droe le jigulam

Sajan neutren le samlakoe Kheun bak putroe bek that kiam Meunyo kaklik sabe-sabe Kupoh mate mangat simpan

Ban jideungo geupoh mate Putroe han le that geumeuntam Putroe jimoe meusok-meusok Teuploh ngon ok teugeureubang

Geuba laju u rumoh aduen Cut Ali kheun bak pahlawan Taboh taloe jaroe uneun Tagantung bak cabeueng asan

Saket ate meuh seuneupoh Nyoe baro troh ban pintaan Meuntroe ikat putroe biyoh Jisaoh keu deh cong asan

Teutap sinan putroe jimoe Po samlakoe beudoh rijang Banta neujak ubak ma droe Ngon meuntroe keu deh bak jalan

'Oh troh keu deh ubak bunda Pinto karna neutrom rijang Sira neumoe neuhei bunda Mantong gata e ma badan

Lelan Syikri su ka haloh Meuh seuneupoh seuot nyoeban Di lon aneuk la'eh tuboh Han ek troh lon beudoh keu nan

Ban neudeungo haloh tuto Neutajo dalam seupot klam Banta neumoe ie mata ro Hai bunda e ulon paban

Sira neucok laju bunda Neucom neuwa nibak badan Rot deh rot noe inseueh teuka Bandua rindu ngon deundam

Yoh masa nyan po samlakoe Kheun bak meuntroe beudoh rijang Meuntroe cok le tuan putroe Jipeuwoe laju jigulam

'Oh troh keu deh jiseumanoe Peugleh asoe le that kalang Teuma geupeuek u meuligoe Samlakoe salen peukayan

Ureueng laen lam meuligoe Nyan sinaroe teungeut pangsan Bak masa nyan Putroe Juho Sajan linto Meuntroe Adan

Goh lom teungeut bungong kundo Teusiyo hana lom pangsan Po Cut Ali meuhei sigra Hai cutda bek le di sinan

Ban jideungo ka troh bunda Bandua jitajo rijang Jitajo jicom bak gaki Han jitukri jiwa badan

Rot deh rot noe that beureuhi Lelan Syikri nyang that sayang Bak pihak that leumoh teuot Ie mata sret duek teusumpan

Meuntroe Adan com bak teuot Putroe sambot com bak badan Putroe Juhur Lelan Syikri Cut Ali ngon Meuntroe Adan

Banpeuet ureueng han soe tukri Beureuhi napsu that bimbang Bak malam nyan teungeut han le Suloh nyang akhe phon mulaan

Aneuk ngon nang galak ate Peuet sirungke that sukaan Peugah haba sampoe beungoh Meuteuoh nyang keu beulakang

Awai akhe dum meuteuoh Buleuen peunob teutap sinan Teuduek haba intan buleuen Jinoe lon kheun putroe suang

Teungoh malam phon meugantung Sangat hireuen ban seulayang Cut Keumala dalam taloe Hingga uroe ke peungeuh trang

Ureueng lingka troh sidroe-droe Jieu bagoe teuka sayang Bandum ureueng teukap jaroe Peue bala nyoe pane datang

Raja Ahmadpi ka jaga Uroepi ka troh poh lapan Ban neudeungo ureueng subra Yoh nyan raja neutren rijang

'Oh troh raja tren u bumoe Neuntanyong peue subra alam Ureueng keumalon seuot meunoe Ampon kamoe he junjongan

Han lon tusoe teungku ampon Meuayon jeh di cong asan Deungon nafah meuek meutren Nyang mula phon saleh pajan

Teuploh ngon ok teutop muka Nyangkeu hana deuh lon pandang Ban neudeungo meunan haba Yoh nyan raja neuplueng rijang

'Oh troh keu nan raja lalo Hireuen tahe mata mandang Dalam ateneu teusawo Neumeututo pane urang

Poteu raja yue koh taloe Jiek sidroe u cong asan Ladom ureueng sambot putroe Putoh taloe mat bak badan

Neuyue salop ok di muka Lemah rupa raja pandang Ban neukalon Cut Keumala Lam ate ka marah han ban

Neuntanyong le wahe cutma Soe angkara peugah rijang Baranggasoe han kutaba Ateueh sula sit kupanggang

Tuan putroe ka ubit su Seun sigeutu kheun lakuan Bak lon kalon aneuk teungku Sang ban laku jamee datang

Baroe seupot jih na keueu Sajan teungku Meuntroe Adan Yoh nyan putroe moe meu'u-'u Raja laju lom tanyong ban

Wahe cutma tapeugah kri Na taturi rupajih nyan Seuot putroe that kuturi Teutapi watee kupandang

Abeh narit dengon putroe Raja nanggroe kheun bak bujang Tajak gata bujang sidroe Tayue keu noe Meuntroe Adan

Deungon rakan dum sireuta Beusigra laju sikarang Bujang beudoh jijak lanja Peugah haba meunoe macam

Teungku ampon surah deelat Keudeh siat langkah rijang U bale keu deh meusapat Ngon rakyat bansikalian

Ban geudeungo meunan haba Meuntroe raja beudoh rijang Dumna rakyat jak sireuta Ngon Banta Ali Perueudan

Troh u bale ek le leugat Duek meusapat got lakuan Raja raja duek meuhadap Dumna rakyat di beulakang

Cukop ase dum ka leungkap Raja Ahmad neumeukalam Phon neutanyong meunoe bagoe Wahe meuntroe uleebalang

Neupeuleumah bak siseun nyoe Ulonteu nyoe mita keutrangan Meuntroe Adan seuot pantah Han peue salah bak lon tuan

Saket mangat beuna salah Ban peurintah syahi alam Yoh masa nyan poteu raja Cut Keumala neuhei rijang

Wahe cutma keu noe gata Jak peunyata dalam kawan Ureueng beuklam nakeu sinoe Lam kawan nyoe jak tapandang

Troh le neujak tuan putroe Po samlakoe dueh neupandang Ban putroe eu Peureudan Ali Jaweueb neubri meunoe macam

Nyankeu aneuk nyang that deungki Duek rot kiri aneuk badan Jijak poh lon hana seubab That khianat aneuk jalang

Putroe carot di nap rakyat Pirak lipat hironeu tan Peureudan Ah duek di teungoh Buleuen peunoh hana hiram

Pajoh ranup kunyah-kanyoh Cut banta jroh akai ajam Pura-pura hana hireuen Beuthat jikheun baranggaban

Cut putroe kheun aneuk bajeueng Nyankeu ureueng teuka beuklam Nyankeu ureueng ikat lon nyoe Aneuk bisoe biek jen hutan

Hana patot buetjih meunoe Jipoh kamoe sababjih tan Baroe seupot jih ban teuka That ceulaka aneuk jalang

Ngon jigrop-grop meuseurapa Cut Keumala sangat girang Bak jisangka keunong hukom Meunan meufom putroe suang

Abeh narit Cut Keumala Jinoe raja lon peugah ban Bak watee nyan Raja Ahmad Beungehneu that bak lakuan

Siteungoh sang gadoh ingat Muka pucat meuri masam Saket ate hana ngon sa Beungeh raya jiek biram

Kasari yoh nyan pareksa Ubak Raja Meuntroe Adan He tuanku kheun beukeunong Lon teumanyong nibak sulotan

Adat di gop Baroh Tunong Pakri bangon buet nyang reumbang Ureueng salah pakri hukom Pakri meufom bak junjongan

Walee di nanggroe teungku ampon Neuhukom nyang silagee nyan Meuntroe Adan seuot meunoe Nibak lon nyoe buet nyang meunan

Hukpm lon koh gaki jaroe Baranggasoe lon pantang han Hanalon preh tanggoh siat Lon poh leugat nyawong simpan

Akan teutapi ampon deelat Dengon syarat cit han jeuet han Barangpeue buet beuna syarat Bek ngon adat le tabangkang

Meunyo rijang taba adat Akhe meuhad teulah tuan Bek roh lagee ureueng poh judo Tuanku e aneuk sajan

Mate aneuk ie mata ro Mate judo akai hilang Meunan narit raja mentroe Raja nanggroe lom tanyong ban

Pakri bangon raja meuntroe Cuba kheun proe habateu nyan Geupoh judo peue seubab phon Han tom di lon kudeungoran

Seuot meuntroe teungku ampon Le that bak lon calitra nyan Tuanku deungo jinoe lon kheun Haba jameun lon peugah ban

Dalam kisah cit meuteumeung Sidroe ureueng panglima prang Ho nyang geujak han soe linteueng Ngon peudeueng sabe lam reugam

Cit teumakot dumna ureueng Meunoe geukheun lam karangan Saboh inong neumeukawen Puteh licen kulet badan

Tiba-tiba inong bunteng Panglima tren neujak curam Panglima nyan leupah bungka Geuthee hana pruet ka meunan

Geunap buleuen troh kutika Budak nyata aneuk agam Lawet lawan teuma dudoe Rayek keudroe di aneuk nyan

Han tom jarak malam uroe Sajan ma droe eh tidoran Saboh bantai jieh ngon ma Suntok masa baranggajan

Deungon badan rayek lanja Salah sangka soe nyang pandang Kira-kira tuanku ampon Dua blah thon nyang meumeunan

Sapat jieh saboh suson Deelat ampon aneuk ngon nang Dalam thon nyan saboh masa Geuwoe bungka panglima prang

Troh u rumoh lem panglima Kira-kira teungoh malam Geuek laju u rumoh droe Geueu binoe teungeut pangsan

Inong sidroe agam sidroe Lam ate droe beungeh han ban Sabab geueu sapat teueh Ate peudeh panglima prang

Geusuet peudeueng sajan ngon kreh Bak teueh laju neuriwang Bandua le sinan padee Syetan tipee panglima prang

Bak geusangka puleh malee Hana geuthee keurugian Singoh beungoh teubiet uroe Waeh nanggroe jak peugah ban

Pakon gata poha aneuk droe Sajan binoe mata simpan Lem panglima yoh nyan tahe Han le tuto mata mandang

Teuku panglima rayek teulah Buet ka leupah geutanyong tan Aneuk binoe mate sudah Dalam sosah akai hilang

Sisat akai ngon bicara Akhe masa grop lam kubang Meutan le akai bicara Keupeue guna udep badan

Nyoepi meunan hai pangulee Bek roh lagee buet nyang meunan Barangpeue buet pike dilee Meuka malee pangkat hilang

Meuka rampueh gadoh beureukat Gadoh adat jeuet keu irang Patot dilee sidek sasat Bek awai that jiek biram

Leupah langkah jeuet tasurot Tuto karot that geupandang Lagee putroe neuceumarot Keupeue ribot subra alam

Hana guna bube pade Kadang akhe teulah tuan Cuba tuanku nyan neupike Awai akhe abeh lon trang

Raja Ahmad seuot meunoe Sabet meuntroe ban neukheun nyan Ulon tanyong teuma jinoe Cuba kheun proe buet nyang beuklam

Nyang jeuet ek troh bak sidumnoe Pakri bagoe phon mulaan Yoh masa nyan putik rambot Ka neuseuot Cut Peureudan

Banta meusu leumah-leumbot Neubeuet jaroe meulimbang Tuanku ampon insya Allah Nyoe lon peugah keulakuan

Sabab nyang phon he khalifah Asailiah meunoe macam Sabab lon poh Cut Keumala Cutda Jeumpa nyang surohan

Ulon geuyue le da Jeumpa Hai meukuta ulon paban Hana lon tem meunyo malee Upah dilee geujok rijang

Lagipi lon ureueng jamee Cit hana mee nyang bantahan Meunan narit pirak lipat Cit utoh that peutakian

Yoh masa nyan Raja Ahmad Neuyue leugat ubak bujang Si Nyak Jeumpa neuyue pangge Siat troh le inong leumbam

Ban sare troh inong sihe Neutanyong le meunoe macam Lon tanyong hai cutda Jeumpa Nyang sibeuna takheun rijang

Na tayue bak aneuk muda Buet ceulaka tayue beuklam Si Jeumpa yoh nyan seuot Hana patot he junjongan

Han tom di lon buet nyang karot That lon takot teugah Tuhan Bek neupateh ampon doli Jimeung taki ulon tuan

Bek antara lon meujanji Meulon turi rupajih tan Peureudan Ali seuot'pantah He khalifah meunoe macam

Hana geuyue deungon babah Isyarah surat kireman Lheueh geupeugot saboh surat Geuyue intat keu lon tuan

Sampoe jinoe ampon deelat Mantong surat ulon simpan Raja deungo narit banta Surat haba lakee rijang

Banta jok le surat haba Sajan kaca teupeureuban Lheueh nyan raja neuploh ikat Deuh neulihat laen macam

Dalam ate teuka 'ajab Raja siat tahe mandang Sabab tahe meunoe bagoe Deungo adoe lon peugah ban

Racon dilee yoh saboh roe Banta pasoe dum dalam nyan Ka lheueh neuboh racon tuba Dalam kaca mirah hitam

Banta balot got han tara Neuboh rupa lhee peuet macam Lapeh nyang phon surat haba Lapeh nyang dua ija hitam

Lapeh teungoh ija mirah Banta isyarah bak cut abang Tanda bayek banta indah Hana leumah bak laheran

Neuboh di lua ija puteh Ate khaleh Cut Peureudan Balot kaca na peuet lapeh Sangat areh banta intan

Yoh masa nyan Raja Ahmad Puleh nibak hireuen mandang Neucok surat neuploh lipat Neubeuet leugat dum habaran

Meunoe haba dalam surat Deungo sahbat permulaan Seumbah sujud sajan horeumat Nyoe amanat he junjongan

Hai tuanku gata raja Nyoe rahsia dum lon pulang Nyang boh racon mate raja Cutda Jeumpa inong suang

Nyang yue bri Putroe Keumala Geuyue tuba Putroe Lelan Nyankeu tuba nyang lam kaca Laenpi na lom jisimpan

Mantong jitroh lom di para Yue pareksa jinoe rijang Nyoekeu ulon Peureudan Ali Nak taturi he cut abang

Lon boh gampong trep ka lawi Lon jak cari cit keutrangan Tulong Allah Tuhan sidroe Troh sampoe hajat lon tuan

Jinoe dalem deungo adoe Lon kheun sinoe sikrak kalam Gata dalem raja nanggroe Hukom nyoe beugot that timang

Meunyo hana hukom ade Di lon han le udep badan Nyankeu dalem beutapike Bek trep le jinoe beurijang

Meunan neuboh dalam surat Narit singkat hana panyang Han jan abeh neubeuet surat Raja Ahmad muka masam

Sira beudoh neukheun meunoe Neucom bak dhoe Cut Peureudan Tapeumeueh wahe adoe Deesya lon nyoe dum sibarang.

Hana lon thee bijeh mata Bak lon sangka pane urang Han lon turi hai adekda Trep ka lama tan lon pandang

Aduenteu nyoe rayek salah Tapeumeuah deesya abang Peuereudan AU seuot pantah Ampon meuah nibak Tuhan

Meuah bak lon barang salah Buet leupah teukeudi Tuhan 'Oh teukeudi nibak Allah Han ek ubah baranggaja"n

Patot dalem pike salah Tanda ubah bandum alam Nyang han ubah Rabbon Kade Teutap sabe baranggajan

Nyangkeu dalem beutapike Singoh bek le buet nyang meunan Po Cut Ali meunan neukheun Ngon aduen meucom-com badan

Si Nyak Jeumpapi ka jiplueng Aneuk bajeueng jiue meunan Ban neukalon Si Jeumpa plueng Raja neukheun kadrop rijang

Ka jipeulet dumna ureueng Jiteumeung sama teungoh blang Jibeureukah jiboh taloe Jipeuwoe laju u dalam

Troh bak raja aneuk bisoe Dalam taloe teutap sinan Cut Keumala mantong teudong Neutanyong lom le sulotan

Raja neukheun pakon-pakon Di gop han tom buet nyang meunan Meudeh meunoe neupareksa Sikrak hana jaweueb. kalam

Raja tunyok lam-lam mata Cut Kemala jiseuot tan Raja tanyong sabe-sabe Aneuk sihe neukheun rijang

Yoh nyan raja saket ate Neuyue boh le taloe seumirang Nibak dali deungon adat Beungehneu that lagee biram

Bandua raja yue ikat Ka meusapat saboh karang Ureueng dua han le ubat Muka pucat inong leumbam

Yoh nyan raja neubri hukom Ureueng gampong beudoh rijang Ureueng dua nasib untong Yoh nyankeu phon gadoh ajam

Jicok Putroe Cut Keumala Ngon Si Jeumpa inong leumbam Sira jipoh jihue hila Sidroe hana teuka sayang

Sira jihue jikheun meunoe Jihareutoe taloe jalan Nyoekeu putroe tuba lakoe Meuwoe keudroe atueh badan

Nyoekeu ureueng haram jadah Buet that salah bak atoran Putroe jihue laju pantah Teubiet darah luka badan

Jihei ampon han jipateh ' Gadoh gaseh dumna urang Bandum jikheun inong paleh Bah beuabeh hanco badan

Meunna jikheun dum sinaroe Jeuep-jeuep sagoe jeuep-jeuep simpang Jeuep-jeuep jurong jeuep-jeuep nanggroe Jeuep-jeuep uroe meunan macam

Kakeu jihue keu deh keu noe Bandua droe inong jalang Teuduek haba inong bisoe Lon kheun jinoe uleebalang

Nyoe lon peugah Ahmad Kasari 'Oh lheueh neubri hukum meunan Ubak Putroe Lelan Syikri Neupeureugi laju yoh nyan

Neujak lakee meuah deesya Ube nyang ka dum sibarang Lom ngon adoe putroe muda Cut Seutia nyang analan

Abeh bandum lakee meuah Nyang ka sudah di beulakang Lahe baten nyang ka leupah Abeh meuah sikalian

Rot deh rot noe mangat ate Hankeu na le hiram masam Aneuk ngon nang rot deh rot noe Han le sapeue na dukaan

Jinoe lon kheun haba nyang toe Po samlakoe teudeuk 'oh nan Teuduek haba tuan putroe Bansinaroe ate bimbang

Nyoe lon peugah ureueng nanggroe Jingo bunyoe dalam alam Jingo kawoe Putroe Jhho Bungong kundo adoe sajan

Sireuta ngon linto baro Tuanku e Meuntroe Adan Lom pi Putroe Lelan Syikri Peureudan Ali suet lam bagan

Cut Keumala nyang that deungki Cut Ali teumeung keutrangan Meunan meubunyoe dalam nanggroe Jijak jinoe dumna urang

Jijak kunjong tuan putroe Bungong jaroe jime sajan Ladom jime teubee meuon Boh jagong ladom boh pisang

Ladom jime u meulason Ureueng duson jak meukawan Maseng pangkat maseng habat Ban adat meujeulih reusam

Ladom tumpoe ngon bu leukat Nyang le that beureuteh pisang Abeh jijak dum sinaroe U meuligoe Putroe Lelan •* Jijak kunjong tuan potroe Ngon aneuk droe dua sajan 'Oh troh keu nan rakyat dumna Po cut banta peurjamuan

Neubri teumpat nyang mulia Dum sigala inong agam Cit neugaseh keu ureueng gampong Bintang tanjong got aturan

Got bangon ato ngon turon Uroe nyang phon Cut Peureudan Sinan neuduek sajan rakyat Pirak lipat poh-poh rantam

Banta peugah haba mangat Dumna rakyat that sukaan Galak ate bandum ureueng Banta jikheun that budiman

Ho siuroe maken rame Sidroe sane keu nan datang Nyang that galak ureueng binoe Ate laloe napsu bimbang

Sira banta poh beurakah Neupeugah nyang keubajikan Soe nyang deungo ate dahsyah Dum geukeubah dalam badan

Meunan sabe geunap uroe Po samlakoe sajan rakan Jigaseh le ureueng nanggroe Lam meuligoe jarakjih tan

Hingga meugah nanggroe laen Troh nanggroe Kleng keudeungoran That meusyehu puteh licen Hana band eng got atoran

Ureueng dilee nyang ka bungka Dilee masa plueng lam hutan Jideungo gah meunan haba Abeh gisa sikalian

Dum ureueng nyan abeh jiwoe U nanggroe bak teumpat makam Jijak kunjong po cut banta Cut Seutia Putroe Lelan

Nyankeu sabab dum jigisa Budi basa jijak pandang Hingga teuma haba nyang toe Po samlakoe lon peugah ban

Neueu rakyat abeh jiwoe Bak siuroe Cut Peureudan Ubak Kadi neutueng pakat Musyawarat ngon cut abang

'Oh lheueh banta musyawarat Neukrah rakyat sigala alam Abeh jitren ureueng gampong Meusinthong bak kuta dalam

Peureudan Ali neubri hukom Ban nyang meufom inong agam Neusie keubeue dua lhee pioh Nyang meureugoh leumo agam

Bak uroe nyan sare riyoh Tunong Baroh ureueng datang Taguen ngon bu neukhanduri Alem faki neuyue khatam

Neupeuwoe thon mate abi Banta neubri seudeukah sajan Srah ngon ulee pirak lipat Ubak jeurat me ngon idang

Putroe-potroe dum meusapat Peulheueh hajat Putroe Lelan 'Oh lheueh banta neusrah ulee Bungong keumee ate seunang

Aneuk ngon nang duek di juree Teuduek dilee nyang haba nyan Teuduek kisah po cut banta Calitra keu deh meuriwang

Jinoe lon kheun Cut Keumala Sireuta ngon inong leumbam Mantong jihue keu deh keu noe Jeuep-jeuep nanggroe taloe jalan

'Oh sare troh tujoh uroe Troh jipeuwoe bak sulotan 'Oh troh keu nan dalam kuta Yoh nyan raja hukom rijang

Raja putoh hukum sigra Ban sikada undang-undang Si Nyak Jeumpa neuyue koh jaroe Raja nanggroe suroh meunan

Mangat teuingat ureueng nanggroe Baranggasoe bek roh meunan Lheueh raja koh jaroe Si Jeumpa Cut Keumala laen macam

Peulop lam glap leubeh hina Saboh karna that seupot klam Geuboh rante jaroe gaki Lam glap sunyi sinan diam

Ie han geujok bu han geubri Padum lawi nyang bu meunan Hingga lon kheun haba nyang toe Adeueb putroe dalam bagan

Umu nam buleuen teuma dudoe Lakee keudroe Cut Peureudan Adat meukon banta lakee Hana teuntee lawet lawan

Raja Ahmad sit ka tathee Sit ka dilee kreueh ngon ceukang Peureudan Ali ate cidah That neupapah keubajikan

Padum-padum bunda lam sosah Banta indah hana troh dam Hana ku'eh hana deungki Tuhan neubri that budiman

Saleh ate intan buleuen Tan meuteumeung laen urang Han tom neudhot sidroe ureueng Rakyat bandum gaseh sayang

Nyangkeu ureueng utak peunoh Hana saboh na teuladan Alempi na akaipi jroh Buleuen peunoh sangat ajam

Lawet banta keu nan neuwoe Ureueng lakoe that sukaan Hana peue le lon hareutoe Ka lheueh bunoe dum lon bayan

Jinoe teungku haba nyang toe Bek that laloe lon keumarang 'Oh lheueh neusuet tuan putroe Lheueh ngon jaroe meumat tangan

Abeh ampon dum sinaroe Bandua droe meurdekaan Bitpi ampon ureueng dua Si Nyak Jeumpa nyang that sayang

Sabab jaroe siblah hana Keupeue guna tumbon badan Nyankeu hai nyak beutapike Barangsoe le gata intan

Bek roh sagai buet nyang jahe Teukeuse menyeusai datang Bek tapandang peng lhee ringget Meupalet di akhe tuan

Tuboh payah ate saket Keupeue ringget rusak badan Padum-padum malee mata Ngon syeedara dumna rakan

Peue lom hai nyak tuboh luka Seudang mata tiwah mandang Jeuetkeu dumnan lon peuingat Bek panyang that jeuet keu wayang

Soe meutuah cit geuingat Amanat nibak cut abang Hikayat nyoe hai boh ate Sit lam sabe meuwoe ulang

Ban ie paseueng ateueh pante Siat ile siat datang Nyankeu mise hikayat nyoe Meujak meuwoe hana reunggang

Siat raja siat putroe Siat kamoe nyang keumarang Jeuetkeu dumnan haba ulon Meuah ampon dumteu tuan

Barang salah meuah ampon Assalam 'alaikom bandum rakan Amma bakdu piyoh siat Di lon hajat jak u peukan

Lon jak kalon ureueng meukat Lagot dit that tanggong bulan Euntreuk malam lom lon surat Meuna hayat udep badan

Lon lakee bak Rabbon Kade Beumeusampe lon keumarang Uroe malam lam lon pike Teuingat sabe Cut Ariyan

Saleh cit ek lon peutamat Saleh meuhad 'oh noe diam Goh lom teuntee wahe sahbat Lon harap bak sidroe Tuhan

Bahle dumnan haba kamoe Le nibak nyoe jeuet keu wayang Teuduek siat dilee 'oh noe Keudeh jinoe lon peuriwang

Miseue bungong marairi Di pasi timoh meureuntang Bahle teuduek haba cakri Ahmad Kasari lon peugah ban

Lawet neuwoe po cut banta Muka raja cit lam masam Sabab neungieng rakyat dumna Ceundrong bak banta sikalian

Raja Ahmad yoh nyan teupike Dalam ate meunoe macam Meunyo meunoe sabe-sabe Kee di akhe grop lam kubang

Si Cut Ali akai le that Akhe meuhad jih sulotan Nibak dudoe lon meularat Bahle leugat kujak peutrang

Meunan pike raja nanggroe Bak siuroe meunoe macam Duek meusapat deungon adoe Marit meunoe di hadapan

He adek cut banta muda Deungo haba bak cut abang Pulang nanggroe hukom gata Han le daya ulon tuan

213-

Ka neuseuot po samlakoe Neukheun meunoe bak cut abang Di lon dalem lon woe keunoe Kon nanggroe lon jak peutimang

Sabab di lon keu noe gisa Sabab bunda dalam bagan Lom neuseuot puteu raja Hai adekda beuthat meunan

Buet nyang ka lheueh ka teulanjo Adoe e pakri lon paban Bek le adoe tameututo Teulanjo salah cut abang

Aduenteu nyoe akai kureueng Sit ka maklum gata intan Taboh leubeh taweuek kureueng Han le linteueng baranggajan

Meunan neukheun poteu raja Seungap banta han le kalam Abeh narit ngon syeedara Bandua beudoh le rijang

Maseng-maseng woe u teumpat Raja Ahmad seungap kalam Nyoe lon peugah pirak lipat Le that rakyat ireng sajan

Padumna trep sinan laloe Malam uroe sajan rakan Lawet lawan teuma dudoe Po samlakoe bak masa nyan

Neupeukawen Meuntroe Sakdi Judo neubri nyan dendayang Dendayang nyan na taturi Ngo lon kheun kri dumteu tuan

Nyankeu ureueng peulheueh banta-' Dilee masa dalam tahan Yoh aduen glap dalam karna Cut Seutia dua sajan

Nyankeu ngon nyan neupeukawen Puteh licen kulet badan Ngon peukayan dum neusalen-Ate ngeuren meuntroe pahlawan

Areuta ngon cawan pingan Abeh keu nan banta pulang Keubeue leumo umong di blang Sikalian neujok keu nan

Nyang jeuet abeh neupulang keu nan Yue peutimang Putroe Lelan Lheueh peukawen Meuntroe Sakdi Peureudan Ali kheun bak abang

Ubak aduen banta kheun kri Wasiet neubri meunoe macam Wahe dalem deungo lon nyoe Keurajeuen nanggroe ka neupulang

Jinoe gata badai kamoe Peugang nanggroe ngon pahlawan Kareuna lon kuwoe keu deh Beutapateh nyoe peuneusan

Aneuk nanggroe beutagaseh Bek peujayah dum sibarang Gata dalem taduek dahsyah Nyang peurintah meuntroe pahlawan

Akai gata beutaubah Peurintah han jeuet kreueh ceukang Bek tom tadhot aneuk nanggroe Baranggasoe beusa seudang

'Oh jitakot keu geutanyoe Jiboh nanggroe plueng lam hutan Kadang aneuk ureueng tuha Gata raja alang-peualang

Bak pihak that malee mata Jibungka han le jiriwang Meuka abeh dum jibungka Pat taraja lom lam kubang

Beutapateh kheun adekda Beuthat tuha gata abang Meunan narit Peureudan Ali Ahmad Kasari tahe mandang

Abeh bandum banta kheun kri Po Cut Ali nyang that ajam Lheueh nibak nyan po samlakoe Peukeumah droe rakyat sajan

Ngon syeedara si nyak putroe Sajan lakoe Meuntroe Adan Lakee idin ubak bunda Dum sireuta laen sajan

Rot deh rot noe sret ie mata Jamong rugha bak masa nyan Han soe tukri geumeumoe-moe Rot deh rot noe aneuk ngon nang

Geumeumat-mat gaki jaroe Saboh bagoe com bak badan Dendayang bandum jipoh-poh droe Lam meuligoe sare kiam

Lagee bangon ureueng mate Weueh that ate aneuk ngon nang Ureueng nanggroe moe dum sare Panyot kande that jisayang

Teungoh kiroh lam meuligoe Po samlakoe neutren rijang Idin ka lheueh nibak ma droe Bungka jinoe Cut Peureudan

Sireuta ngon Putroe Juho Ie mata ro taloe jalan Bungka laju bungong kundo Rakyatpi le seutot sajan

Ureueng nanggroe na peuet reutoh Neusuroh le Putroe Lelan Neuyue intat meuh seuneupoh Nanggroe jeuoh peurjalanan

Meuntroe Sakdi tinggai sinoe Peukong nanggroe ngon cut abang Ka lheueh banta kheun hareutoe Ngon bunda droe yue peutimang

Jarussalam masa jinoe Asoe nanggroe got that aman Han le jijak keu deh keu noe Bansinaroe ate deundam

'Oh lheueh jingo tuto banta That meurasa dumna urang Lompi meuntroe badai banta Ubah hana ban surohan

Mangat ate dum jiturot Ban nyangpatot dum atoran Konkeu lagee nyang ka u likot Le that karot buet cut abang

Meuntroe Sakdi mat peurintah Suroh titah Ali Peureudan Ban nyang,neuyue hana ubah Teuduek kisah meuntroe pahlawan

Nyoe lon peugah po cut banta Sajan Raja Meuntroe Adan Bungka laju rot lam rimba Neumeusafa uroe malam

Teutap banta neubeurangkat Sajan rakyat rot lam hutan Teuduek haba pirak lipat Nyoe lon sambat laen syahdan

Jinoe teungku balek lagee Miseue dilee bak le meunan Amma bakdu meudeh dilee Wahe sampee hajat kamoe

Meunyo keunong taboh lagee Galak teuntee baranggasoe Lagee haba ureueng tuha Meujroh rupa jingieng laloe

Meunyo makmu le areuta Jamee teuka geunap uroe Meunyo keunong bak taato Ureueng tahe galak keudroe

Nyoepi meunan hai teungku e Lon ato beumeuduek adoe Lom bacut treuk haba maja Adat donya reusam nanggroe

Meunyo ek tabri dum beulanja Di nap mata that jipujoe Meukon meunan hana sakri Seundiri taingat keudroe

Jeuetkeu dumnan haba cakri Laen lagi lon kheun jinoe Nyoe lon peugah rakan sireutoh Banta suroh yoh saboh roe

Nyang neuyue jak nanggroe musoh Dum abeh troh keu deh sampoe Ban nyang neuyue tan meutuka Meukat ija keu deh keu noe

Ladom jijak ubak raja Peugah haba jipeujok droe Nyang dua droe leubeh areh Di jih keu deh ka jipeutoe

Ka jijak bak Raja Syareh Jibloe gaseh raja pindoe Jipeugah droe ureueng aseng Nanggroe laen bandua droe

Jipeugah nan Teungku Cut Ben Akai canden utoh han soe Meudeh meunoe jibicara Sajan raja malam uroe

Jitueng ate poteu raja Gaseh tuka ho siuroe Peugah habapi tahat utoh Padan jiboh meudeh meunoe

Jigaseh le raja biyoh Sampoe jibohjih keu meuntroe Galak ate Teungku Cut Ben Sangat ngeuren jeuet keu meuntroe

Jeuet keu namiet sidroe rakan Keuhinaan geupeu jeuet droe Ija tuha ngui bak badan Dum peukayan ruya-rayoe

Nyanpi saboh that meuteuntee Geuplah rujee geunap uroe Adat putroe tanyong kayee Awai dilee buet teungku nyoe

Dua gop nyan dua macam Hana saban maseng keudroe Rakan Cut Ben teuduek 'oh nan Lon peugah ban raja nanggroe

Raja Syareh aneuk saboh Putroe jroh rupa sambinoe Han jeuet hai nyak tameuteuoh Sang tijoh ie mtaa keudroe

Raja boh nan Hindi Licen That meuleng-leng cahya gigoe Soe nyayang kalon Hindi Licen Le that gigeng ureueng nanggroe

Bak masa nyan hana laen Leubeh canden nyankeu putroe 'Oh takalon ate ngeuren Nyum bek tatren di meuligoe

Meunankeu nyum nibak rasa Beuthat raja meuntroe-meuntroe Han peue panyang lon peuhaba Maklum sit ka dum geutanyoe

Nyoe lon peugah Hindi Licen Han tom jitren di meuligoe Bak sibuleuen siblet jitren Jisalen ija bak asoe

Meunan sabe baranggajan Lawet intan umu sampoe Hingga teuma lawet lawan Bak simalam si nyak putroe

Putroe jieh ateueh geuta Dalam indra leumah lumpoe Na nyum jitren awan miga Glap gulita seupot nanggroe

Teutap meuntroe dalam pike Bungong pade lon hareutoe Lheueh jimanoe gleh ngon kalang Jiwoe rijang u meuligoe

Ate sosah sangat bimbang Cut meusubang seungap keudroe Tan jipeugah sidroe ureueng Han tom jikheun haba lumpoe

Teutap sosah po cut meugleueng Jinoe lon kheun ayah putroe Raja Syareh saboh masa Jicok kaca ka jiloh droe

Leumah jieu nibak muka Parot Iuka mantong bak dhoe Yoh talo prang masa dilee Bak plueng kajee reubah keudroe

Reubah bak plueng keunong batee Raja asee plueng that tanggoe Ban jikalon parot ulee Sangat malee raja pindoe

Lom teuingat Meuntroe Sakdi Ka gop taki keunong taloe Yoh masa nyan raja 'asi Jihei kadi hakim sidroe

Troh le keu nan hakim guree Pakri lagee takheun jinoe Ulonteu nyoe sangat malee Yoh prang dilee talo kamoe

Ngon parot han jitem puleh Sangat peudeh ate lon nyoe Lompi meuntroe nyang kugaseh Jidrop keu deh pakri jinoe

Jicok putroe uleh awan Jiteureubang keudeh jipeuwoe 'Oh troh keudeh putroe intan Jeuet awan keu matauroe

Si nyak putroe hayut badan Dalam pangsan meunan bagoe Meunankeu nyum nibak rasa Teuma jaga bak meulumpoe

Ban teukeujot beudoh sigra Sampoh mata teuduek keudroe Teuingat le keu rahsia Cut meutia yoh nyan jimoe

Teubiet reuoh basah ija Sret ie mata pike keudroe Hingga teuma haba nyang rab Teubiet leugat matauroe

Putroe beudoh buka tingkap Pirak lipat tren u seuramoe Jimeuhei le ngon dendayang Cutda badan beudoh keu noe

Teuma beudoh dua sajan Cut intan jitren jak manoe Meuntroe Cut Ben yoh nyan neueu Putroe lalu jijak keudroe

Bak neupandang keunong laku Abeh neueu gaki jaroe Meuntroe yoh nyan meunoe kira Lam ate ka meunoe bagoe

Bah kubri thee ubak banta Aneuk raja that sambinoe Meunan leumah dalam até Hana lahe seungap keudroe

Cuba kalon dalam kitab Pakri ayat keunong uroe Yoh nyan guree buka kitab Jikalon bab bileueng jaroe

Abeh jingieng keu noe keu deh Di dalam tef jeuep-jeuep sagoe Jitop kitab jitiek keu deh Jikheun meuceh ampon kamoe

Dalam kitab lon eu leumah Han ek ilah tuanku droe Peureudan Ali leubeh tuah Gadoh meugah baranggasoe

Bandum raja gadoh agam Cut Peureudan that seureuloe Akai lisek sangat ajam Utoh jifam dum jeuep-jeuep syoe

Sangat haloh jibicara Rahsia nyang dalam nanggroe Di gop baro ajok cuba Di banat jithee ka baroe

Meunan leumah dalam kitab Nyang meuhad neupike keudroe Nyang got bak lon ampon deelat Bek neukarat le bak buet nyoe

Yoh nyan seuot raja asee Han kumalee akai ragoe Kuba rakyat meuploh ribee Pane lagee meujih sidroe

Hakim guree seuot pantah He khalifah pateh lon nyoe Meunyo tuanku that neugagah Roh teulah lon takot dudoe

Masa dilee yoh neujak prang Neupeugah nan raja nanggroe Adat kuthee Cut Peureudan Cit ka kutham yoh saboh roe

Hakim guree that-that jitham Jipateh han raja pindoe Raja Syareh meuhei bujang Mari abang gata keu noe

Bujangpi troh keu nan pantah Raja peugah jak lam nanggroe Beutroh ubak raja dua blah Kayue langkah laju keu noe

Kayue jime ngon alat prang Angkatan bandum sinaroe Kapeugah lon jak tuntut prang Beurijang laju uroe nyoe

Bujang beudoh jijak leugat Timu Barat jak hareutoe Leupah bujang jak beurangkat Teuduek siat dilee 'oh noe

Nyoe lon peugah ureueng bungka Rakan banta sireutoh droe Teungku Cut Ben nyang keupala Meuntroe raja ka jeuet jinoe

Raja Syareh beungehjih that Musyawarat masa bunoe Teungku Cut Ben tupeue pakat Peugot surat laju keudroe

Haba surat meunoe macam Cut Peureudan ampon kamoe Raja Syareh jituntut prang Gata intan ingat keudroe

Ka jipangge raja dua blah Le that syeekah raja pindoe Bak peunyum lon jicok langkah Buleuen lemah dua blah uroe

Bitpi meunan hai Peureudan Saboh padan na bak kamoe Aneuk raja putroe intan Rupa cit ban matauroe

Nama Putroe Hindi Licen Bintang canden goh na lakoe Watee abeh rakyat jitren Adat tatem beutroh keu noe

Nibak dali deungon adat Bungka rakyat soh ngon nanggroe Adat tatem tajak siat Pirak lipat jak ngieng keudroe

Meunan haba Teungku Cut Ben Surat geukirem keu samlakoe Hingga teuma rakan laen Maseng-maseng surat keudroe

Bandum rakan peugot surat Geuyue intat keu deh jinoe Lepah rakan peuwoe surat Teuduek siat dang-dang sampoe

Puteh kuneng bungong meulu Panyot lampu di meuligoe Teuduek 'oh nan saboh laku Amma bakdu laen jinoe

Nyoe lon peugah po cut banta Dalam rimba teungoh neuwoe Sajan po lem sama-sama Lakoe cutda raja meuntroe

Uroe malam neujak leugat Sajan rakyat dum sinaroe Padumna trep neubeurangkat Sampoe hajat nanggroe meuntroe

Pusong Rawa jinoe ka troh Sinan piyoh dum sinaroe Dua uroe tho ngon reuoh Meuh seuneupoh neulakee droe

Yoh nyan meuntroe tambah rakan Cut Peureudan laju neuwoe Sajan rakyat dumna rakan Sampoe datang kuta nanggroe

Troh lam kuta banta intan Seumbah tuan ayah putroe Poteu raja neujok tangan Aneuk badan ka troh tawoe

Yoh nyan banta neupeugah le Awai akhe neuhareutoe Lheueh nibak nyan bungong pade Yue peuase dum sinaroe

Dumna rakan yue bri teumpat Pirak lipat ingat keudroe Maseng-maseng ban nyang pangkat Ban adat atoran nanggroe

'Oh lheueh piyoh dum ureueng le Bungong kundo ek rumoh droe Banta neuek troh 'oh pinto Beudoh meusye si nyak putroe

Jijak seumbah teungku abang Cut Peureudan sampoh bak dhoe Po Cut Ali duek bak tilam Ariyan reuoh meutaloe

Hingga teuma haba nyang rab Pirak lipat sajan putroe Deungon rakan ureueng intat Sinan teutap duek sinaroe

Ayah putroe Adil Parisi Han geutukri galak han soe Sie ngon keubeue neukhanduri Cut Ali rakan jipeuwoe

Mangat ate poteu raja Meukeurija geunap uroe Leubeh cidah neupeumulia Rakan banta jeuoh nanggroe

Meunan sabe jeuep-jeuep watee Teuduek dilee siat 'oh noe, Teuduek haba bungong keumee Ureueng dilee lon kheun jinoe

Nyoe lon peugah si me surat Jikarat laju jipeuwoe Padumna trep jibeurangkat Sampoe hajat troh u nanggroe

Tamong laju dalam kuta Ubak banat laju jipeutoe Lheueh horeumat peugah haba Sireuta ngon jipeujaroe

Peureudan Ali sambot surat Neuploh lipat neungieng asoe Awai akhe banta lihat Neutupat laba ngon rugoe

Bak watee nyan Peureudan Ali Beudoh peureugi keu deh keu noe Cut banta jak ulee ili Neurawi dalam ate droe

Keu deh keu noe pike syawe Peungeuh ate that samlakoe Abeh meufom dalam ate Neupeugot le surat keudroe

Peugot surat rijang-rijang Di dalam haba nyang tanggoe Lipat surat jok bak rakan Jak riwang keu deh beusampoe

Beutroh ubak Meuntroe Cut Ben Dan laen bandum sinaroe Bek jithee le ureueng laen Haba baten dum dalam nyoe

Abeh wasiet Cut Peureudan Beudoh rakan bandua droe Bungka laju rot lam hutan Jisrang-abrang padum uroe

Jinoe lon kheun haba nyang rab Lon rapat nak rijang sampoe 'Oh troh keu deh jime surat Jijok leugat maseng bak droe

Abeh maklum dum habaran Ube rakan sabe keudroe Teuduek siat haba rakan Lon peuriwang po samlakoe

Jinoe lon kheun banta indah 'Oh lheueh leupah rakan bunoe Neuyue seutot ureueng meugah Lakee langkah u meuligoe

Ureueng patot panglima prang Uleebalang imum nanggroe Neuyue seutot Meuntroe Adan Cut abang lakoe cut putroe

Teuma beudoh teuku bujang Jak peugah ban narit tanggoe Troh le keu nan dum sibarang Hana meujan padum uroe

Abeh bandum ka meusapat Duek meuhadap ngon samlakoe Po Cut Ali marit leugat Neuangkat dua blah jaroe

Nyang lon pangge dumteu tuan Saboh padan lon tanyong nyoe Raja Syareh jituntut prang Uleebalang pakri jinoe

Teuma seuot dum peutua Hai meukuta nibak kamoe Meunyo jiprang lawan saja Nyang bicara hana sinoe

Lom neuseuot Cut Peureudan Meunyo meunan deungo lon nyoe Na bak ulon saboh padan Bek talawan raja pindoe

Peue faidah tameupake Beuthat kaphe boh barangsoe Nyang na saja rakyat mate Teukeuse beulanja rugoe

Bitpi meunan meunyo ase Lon meupike laen bagoe Tacuba eu balek lagee Boh tatipee aneuk bisoe

Meuhan ase bak tatipee Baro mee talawan dudoe Nyoe lon peugah dum amanat Beutaingat dum sinaroe

Meuna umu lon seulamat Jarak siat lon di sinoe Adat teuka keu noe sitree Beuthat sukee meuploh katoe

Nyang talawan cit bek dilee Meugoh lom mee troh ulon woe Bandum gata duek lam kuta 'Oh watee ka trohjih keu noé

Meusidroe bek dong di lua Tajaga beukong bak sagoe Ase nyang bek tabri tamong Ngon reunong tapeh bak gigoe

Pageue nyang brok ikat beukong Pacang taglong dum tagantoe Ingat beuthat dumteu rata Kawai kuta malam uroe

Jeuep-jeuep sagoe beuta jaga Jeuep-jeuep kuta beumeuasoe Lagee lon kheun meunyo ubah Roh teulah binasa dudoe

Meunan neukheun banta indah Neupeugah laba ngon rugoe Rakan seuot insya Allah Han peue salah tuanku droe

Abeh wasiet ngon amanat Pirak lipat peuase droe Cukop ase dumpeue leungkap Neubeurangkat reumbang uroe

Banta neujak balek lagee Ija bajee ruya-rayoe Kupiyah brok nibak ulee Peugot lagee jak geumadoe

Cut Peureudan sangat utoh Leubeh haloh akai ragoe Tamong uteuen peukoh aroh Puteh leusoh neujak sidroe

Leupah banta neubeurangkat Payahneu that malam uroe Teuduek haba pirak lipat Nyoe lon upat raja pindoe

Amma bakdu meuwoe keu deh Anta Ladeh nanggroe raya Jinoe lon peugah Raja Syareh Aneuk paleh beungeh lagoina

Abeh bandum jikrah rakyat Dum lat batat sianika Dua blah raja ka meusapat Le that rakyat si ceulaka

Bujang peuron dum sigala be Abeh sare tuha muda Nyang ek me brat sigantang pade Han jeuet pike tanggoh lusa

Ka meusapat uleebalang Panglima prang teuga-teuga 'Oh troh keu nan dum sibarang Bet le rijang jaroe dua

Ampon tuanku meukuta nanggroe Dumna kamoe abeh teuka Uleebalang imum nanggroe Dum sinaroe maharaja

Peue tuanku suroh titah Deelat peugah jinoe sigra Raja Syareh seuot pantah Ngo lon peugah he syeedara

Lon meutanyong toh eleumee Pakri ban mee nibak gata Ulonteu nyoe sangat malee Parot ulee mantong bak muka

Pakri laku adoe meutuah Lon ka teuhah tan le ija Adat tatem taseuleuah Meubek leumah that anggeeta

Dum peutua seuot pantah Bek neugundah po meukuta Jinoe patot prang tagagah Taheumpah beujeuet keu sira

Neueu kulet prang kupagap Ngon siat kuhanco kuta Pajan tuanku neubeurangkat Peugah leugat toh kutika

Raja Syareh seuot leugat Uroe Ahad bek tabungka Meuka ase cukop alat Singoh meuhad lon kubungka

Hingga teuma haba nyang toe Bek malam nyoe eh lam kuta Singoh beungoh teubiet uroe Raja pindoe jimeuhaba

Ho ka gata uleebalang Panglima prang dum sireuta Bek le taeh beudoh rijang Ikat pinggang lon kubungka

Yoh masa nyan ureueng kaphe Jibeudoh le ikat ija Jicok peudeueng sawak beude Hana pike seuu raya

Cukop ase sileungkapan Meugrum geundrang bak peutua Yup seurumpet peh bunyian Bungka yoh nyan si ceulaka

Dum peurasan han ek peugah Le that syeekah balatantra Rakyatjih le that barollah Juah-juah mirah mata

Bungka laju rot lam uteuen Aneuk bajeueng le lagoina Binatang gle abeh jiplueng Badeuek rimueng gajah singa

Sabab le that ureueng kaphe Jiarong gle peukoh rimba Abeh karu binatang gle Jiplueng sare han jikira

Leupah kaphe jibeurangkat. Teuduek siat si ceulaka Nyoe lon peugah pirak lipat Mantong sisat dalam rimba

Sabab neujak jalan jeuoh Cut Ali beh that meulingka Bek meurumpok deungon musoh Puteh leusoh meunan kira

Nyankeu sabab banta boh droe Lam-lam duroe neubloh lanja Beukah ija luka asoe Samlakoe hana neukira

Bukon sayang bungong pade Sit lam sabe peukoh rimba Padum lawêt neuarong gle Jinoe troh le nanggroe raya

Troh u nanggroe Anta Ladeh Ate puleh po cut banta Po Cut Ali sangat areh Keu noe keu deh" rakan neumita

Meuteumeung le ngon rakan droe Sit ka baroe jipreh banta Sabab surat ka lheueh tanggoe Samlakoe janji neuteuka

Rakan banta tinggai sinan Dua urang di lua kuta Rakan laen leupah bak prang Turot reusam si ceulaka

Na sidroe treuk nak geunap lhee Nyang plah rujee dalam kuta Bandum rakan cit ka jithee Bungong keumee janji lheueh ka

Yoh masa nyan Peureudan Ali Beureunti sajan syeedara 'Oh troh malam watee sunyi Cut Ali tamong lam kuta

Cut banta ngui ngon peukayan Dum bee-beewan boh bak ija Minyeuk gahru neungui intan Peureudan rahop bak muka

Jiek jahet meujeureulang Lang-geumilang that ie muka Miengpi heen bak tapandang Kulet badab meucuaca

Troh lam kuta Peureudan Ali Neutiti meuligoe raja Boh hekeumat teupeuro gunci Cut Ali tamong istana

Troh u rumoh Cut Peureudan Duek bak tilam cok ceurana Pajoh ranup dalam puan Bibi hitam meucuaca

Hindi Licen teungeut keudroe Banta peugoe ngon bicara Po Cut AU cok rampagoe Samlakoe keuting ceurana

Cut putroe jaga han jitem Hindi Licen sangat indra Po Cut Ali akai canden Neugiseng keuleumbu kaca

Teupeh asoe putroe linteng Prieh beureusen lalu jaga Ban neudeungo ka beureusen Banta maken keuting ceurana

Putroe beudoh mameung-mameung Tahe hireuen jingieng banta Jimeung marah han jijeuet kheun Sabab jingieng ateueh rupa

Jieu hibat that samlakoe Sang bagoe buleuen purnama Kuyut ate kuyut asoe Tahe keudroe putroe muda

Salam ate bungong teuprom Sang gop nyoe kon manusia Nyang ka dilee kueu han tom Jinoe pakon keu noe teuka

Saleh cit jen saleh insan Han kutuban saleh raja Saleh cit nyoe biek sulotan Ngon rupa ban bintang kala

Saleh cit nyoe nyang lon lumpoe Dilee puroe saboh masa Awan jitren jitueng kamoe Jeuet keu uroe teuma sigra

Meunan leumah dalam ate Panyot kande hana nyata Yoh masa nyan bungong pade Neumeusu le po cut banta

Rajawali ateueh pinto Aneuk tulo dalam cintra Pakon po cut tahe gante Peue teusawo dalam dada

Baro meusu si nyak putroe Tahe lon nyoe that keu gata Sabab dilee han tom keu noe Cit malam nyoe lon eu rupa

Seuot banta meunoe neukheun Hai buleuen intan peurmata Lon boh gampong deungon mideuen Cut meugleueng lon jak eu gata

Lom jiseuot Putroe Hindi That beurani lagoe gata Lon ngo tuto that meutakwi 'Ajab sikali bak ri rupa

Di cong iboh aneuk tiyong Di cong nibong leuek bangguna Peue na hajat teungku ampon Neujak eu lon han tom nyang ka

Po Cut Ali lom kheun meunoe Sambinoe miseue peunawa Hajat di lon boh bak asoe Hai putroe keu ubat luka

Si nyak putroe bacut teukhem Jipaleng u likot muka Lom jimeusu Hindi Licen Tuto dalem that peurbula

Miseue geukheun bak sirahet Ateueh buket ie meumata Naritteu nyan sang meupalet Meusingklet han meupat punca

Nyangkeu lon kheun that meutakwi Han lon tukri ingat makna Lom kheun banta Peureudan Ali Hai cutti bek salah sangka

Laksana proe hai bungong meuluri Keumang meuseuti cit uroe sinja Napsu lon deundam mayoh beureuhi Teugoh ngon janji sambat seutia

Puteh di laot jalo kawe Hitam ateueh gle tungoe sala Puteh di babah mirah bak ate Peunyaket sabe dalem bak gata

Meunan jikheum si nyak putroe Seuot meunoe banta muda Sabet beuna ban lon kheun nyoe Sambinoe ubah cït hana

Kapai Beulanda di bineh pasi Aron meuriti di mieng kuala Lagee di ate meunan di bibi Page bak titi blang padang masya

Uteuen sineubok lon niet padang Buket manyang lon niet data Kareueng meuapet lon jeumeurang Beurcintaan cit keu gata

Lon thee gata manikam jroh Bek teuboh rugoe meuba'ra Nyankeu sabab jeuet lon satoh Lon adoe jroh tanda seutia

Ayah gata hai boh ate Kawom kaphe seumbah beurala Jinoe gata bek meunan le Riwang boh ate bak agama

Deungo po cut nyoe habaran Peuneusan narit mulia Kadang mate ulon tuan Tinggai intan tueng pusaka

Deungo beudeuh kheun cut abang Lon bayang ngon basa Jawa Sipeurti ban syae Meulayu Aneuk tuanku wajeb peucaya

Kalee bulan eumpat blah hari Tranglah cahya langet dan bumi Kalee adekda intan juhari Peurcayalah intan peungajaran ini

Seumbahlah Tuhan Rabbon Tzzati Ikot peurintah Muhammad Nabi Jangan dilupa malam dan hari Junjonglah titah.Tuhanku Rabbi

Kalee adekda aneuk bangsawan Ingatkan budi Tuhan jadikan Sudah dijadi nyawa dan badan Tangan kaki hati dan lisan

Wajeb juga dijunjong titah Barang disuroh jangan beurbantah Juga jangan keurija nyang salah Wajeb dijawoh barang nyang teugah

Meunurot hukom agama Islam Jangan sikali makan nyang haram Agama kaphe wajeb dibuang Keumbali diri keupada Islam

Agama Islam intan peurmata Laksana lampu di dalam kaca A'dekda jangan beursalah sangka Hatenya jangan keuna peurdaya

Jangan meungikot iblih dan syetan Sabab beurlindong nyang keubajikan Kalee suka nyang keujahatan Akhirat jadi meuseuti datang

Wajeb adekda takot keu mati Di donya tidak lama beureunti Tidaklah teuntee peutang dan pagi Malaikat mawot nyawa diambil

Beuratos tahon hidop di donya Meuseutilah kita tinggaikan dia Beusar keucil miseukin dan kaya Di dalam tanoh teumpat seudia

Sikali pon raja nyang amat sakti Meumpunyai asyka beuribu kati Biar seumbunyi da dalam peuti Malaikat mawot dapat dicari

Meunan neukheun po samlakoe Le that bagoe laenpi na / Putroe Hindi hireuen laloe Dum geupasoe dalam dada

Dalam tahe si nyak putroe Po samlakoe marit lanja Jinoe gata hai sambinoe Jak lon peuwoe nanggroe hamba

Meunyo teutap sinoe sabe Roh takaphe dudoe gata Nyang got bak lon hai boh ate Bek le pike po jroh rupa

Ureueng binoe ate leumoh Sang gadoh akai bicara Lompi banta rupa that jroh Buleuen peunoh beureuhi teuka

Si nyak putroe tahe mandang Cut Peureudan lom meuhaba Pakon taiem putroe intan Sikrak kalam hana taba

Si nyak putroe tan jiseuot Meujibet tan bulee mata Teungoh ingat cut bintang sret Nyoe nyang ka trok lumpoe hamba

Bitpi putroe dalam pike Nyang ate keu deh bak banta Ka jiek grak bungong pade Cut kande nafah ka raya

Po cut banta cit neukhem-khem Bintang canden peugah haba Yoh masa nyan Hindi Licen Ate ngeuren that keu banta

Banta kalon meunan laku Lom neumeusu meunoe haba Ulonteu nyoe sang ban laku Sigeutu hana meuguna

Peue nyang lon kheun teuboh keudroe Gotkeu jinoe lon jak gisa Neubeudoh le po samlakoe Neueu ujoe aneuk raja

Banta beudoh jak bak pinto Putroe tajo mat bak ija Piyoh dilee uleebalang Pakon rijang le neugisa

Bek tuanku ate gigeng Hindi Licen peue neusangka Meuka neuek pat kubri tren Lon dalem bek apon asa

Po Cut Ali lom ka neukhem Neupaleng u likot muka Jimat bit-bit uleh putroe Neupeuglah droe pura-pura

Tarek keu deh tarek keu noe Meunang putroe talo banta Ka jipeuduek lem bak tilam Tarek puan ngon ceurana

Pajoh ranup dua sajan Marit yoh.nyan putroe muda Ampon tuanku lon teumanyong Kheun beukeunong po meukuta

Bek weueji ate intan bungong Lon tanyong soe nama gata Patbu nanggroe teumpat gampong Neujak tueng lon ho keumeung ba

Cuba peugah teungku ampon Ate di lon sang beurcinta Seuot-banta neukheun meunoe Hai putroe bek panyang haba

Meunyo tajak beudoh jinoe Sambinoe dr lon kugisa Meunan neukheun bungong pade Narit singke pura-pura

Si nyak putroe han beungeh le Lam ate leubeh that suka Bak pihak that jiplueng napsu Jikheun laju meunoe haba

Meunyo meunan he tuanku Ban napsu nibak meukuta Nyawong tuboh darah gapah Neutueng beusah hai kakanda

Boh neupeubloe boh neukeubah Han le bantah nibak hamba Lom neuseuot Cut Peureudan Hai intan bek leupah haba

Lon takot singoh kon meunan Naritteu nyan sang peurbula Putroe seuot tuanku droe Di kamoe tan dua cita

Meunyo ubah ban Ion kheun nyoe Kon lon nyoe Cut Hindi muda Meunan jikheun si nyak putroe Seuot meunoe po cut banta

Meunyo meunan po cut meulu Beudoh laju malam jula Si nyak putroe beudoh meupru Lop keuleumbu jicok ija

Buka peutoe putroe seudang Cok peukayan dum peurmata Keuruncong meuh pudoe intan Sibarang ulee ceumara

Abeh jicok dumna alat Jipeusapat boh lam ija Pihak napsu gadoh ingat Pirak lipat jadeh bungka

Nyankeu hai nyak beutapike Barangsoe le tuha muda Meunyo keunong that bak ate Singkat pike ngop bicara

Peureudan Ali hana le su Neueu laku aneuk raja Dumna alat jicok laju Sangat rindu putroe muda

Hingga teuma haba nyang rab Lon ra pat malam ka jula Abeh sare jipeusapat Bandum leungkap lheueh ase ka

Kukuek manok saboh-saboh Goh lom beudoh cicem rimba Abeh tuto janji teugoh Buleuen peunoh tren bandua

Yoh nyan neutren Cut Peureudan Neuba sajan aneuk raja Neujak laju lam seupot klam Han soe tuban glap-gulita

Banta neujak bak rakan droe Samlakoe peugah rahsia / | Awai akhe neupeurunoe Narit tanggoe bak syeedara

'Oh lheueh banta kheun peuneusan Beudoh rijang laju bungka / Abeh gampong teubiet u blang Peuseunang laju u rimba

Troh bineh gle po samlakoe Teubiet uroe peungeuh donya Neujak laju bandua droe Sayang putroe rot lam rimba

Bak pihak napsu that bimbang Putroe intan jitinggai ma Tinggai ayah ngon dendayang Tan sayang tinggai istana

Si nyak putroe han le pike Rindu ate that keu banta Pihak galak bungong pade Adat lam glepi jirela

Uroe malam geujak sabe Meute guble arong rimba Bukon sayang pirak lipat Beuseulamat nibak bahya

Leupah banta neubeurangkat Teuduek siat po jroh rupa Teuduek haba po samlakoe Teutap neuwoe rot lam rimba

Baca jiled keudua !

4573 1985

HIKAYAT PEUREUDAN ALI1

Teungku Pakeh

bpPN BALAI PUSTAKA — JAKARTA