mm

333

N

Milik Departemen P dan K Tidak diperdagangkan Untuk umum

Hikayat

Sariman Budi

Anzib

Departemen Pendidikan dan Kebudayaan

HIKAYAT

SARIMAN BUD1

Milik Dep. P dan K PPS/Ac/6/82 Tidak diperdagangkan

Hikayat SARIMAN BUDI

Oleh ANZIB

Departemen Pendidikan dan Kebudayaan PROYEK PENERBITAN BUKU SASTRA IN DON ES IA DAN DAERAH Jakarta 1983

Proyek Penerbitan Buku Sastra Indonesia dan Daerah

Hak pengarang dilindungi undang-undang

KATA PENGANTA R

Bahagialah kita, bangsa Indonesia, bahwa hampir di setiap daerah di seluruh tanah air hingga kini masih tersimpan karya-karya sastra lama, yang pada hakikatnya adalah cagar budaya nasional kita. Kesemuanya itu merupakan tuangan pengalaman jiwa bangsa yang dapat dijadikan sumber penelitian bagi pembinaan dan pengembangan kebudayaan dan ilmu di segala bidang. Karya sastra lama akan dapat memberikan khazanah ilmu penge- tahuan yang beraneka macam ragamnya. Penggalian karya sastra lama yang tersebar di daerah-daerah ini, akan menghasilkan ciri-ciri khas kebudayaan daerah, yang meliputi pula pandangan hidup serta landasan falsafah yang mulia dan tinggi nilainya. Modal semacam itu, yang tersimpan dalam karya-karya sastra daerah, akhirnya akan dapat juga menunjang kekayaan sastra Indonesia pada umumnya. Pemeliharaan, pembinaan, dan penggalian sastra daerah jelas akan besar sekali bantuannya dalam usaha kita untuk membina kebudayaan nasional pada umumnya, dan pengarahan pendidikan pada khususnya. Saling pengertian antardaerah, yang sangat besar artinya bagi pemeliharaan kerukunan hidup antarsuku dan agama, akan dapat ter- cipta pula, bila sastra-sastra daerah yang termuat dalam karya-karya sastra lama itu, diterjemahkan atau diungkapkan dalam bahasa Indonesia. Dalam taraf pembangunan bangsa dewasa ini manusia-manusia Indonesia sungguh memerlukan sekali warisan rohaniah yang terkan- dung dalam sastra-sastra daerah itu. Kita yakin bahwa segala sesuatunya yang dapat tergali dari dalamnya tidak hanya akan berguna bagi daerah yang bersangkutan saja, melainkan juga akan dapat bermanfaat bagi seluruh bangsa Indonesia, bahkan lebih dari itu, ia akan dapat menjelma menjadi sumbangan yang khas sifatnya bagi pengembangan sastra dunia. Sejalan dan seirama dengan pertimbangan tersebut di atas, kami sa- jikan pada kesempatan ini suatu karya sastra daerah Aceh, dengan harapan semoga dapat menjadi pengisi dan pelengkap dalam usaha men- ciptakan minat baca dan apresiasi masyarakat kita terhadap karya sastra, yang masih dirasa sangat terbatas.

Jakarta, 1983

Proyek Penerbitan Buku Sastra Indonesia dan Daerah

PENGANTAR

Naskah hikayat Sariman Budi kami peroleh dari Pusat Dokumentasi Dan Informasi Aceh bulan Juni 1982. Naskah yang berukuran 20,5 X 13,50 cm ini merupakan salinan dari huruf Arab ke dalam huruf latih oleh Anzib Lamnyong. Dalam "Sipatah kalam" nya Anzib mengatakan bahwa hikayat ini berasal dari Teungku Abdullah Raja. Di bagian luar tercantum nama "Teungku Abdullah Raja Gampong Pande Banda Aceh." Pengarang hikayat ini mengatakan bahwa ia berasal dari Gampong Rawa, Sigli. Dikatakan pula bahwa ia merasa berdosa karena bekerja sebagai kuli Belanda, tetapi dengan berbagai kata merendahkan diri, ia tidak mau menyebutkan namanya. Pengarang juga tidak menyebutkan tanggal dan tahun penyusun- an karyanya. Terdapat pula tulisan yang menyatakan bahwa yang empunya hikayat ini adalah Nyak Musa, Gampong Pande. Nyak Musa sendiri mengatakan bahwa ia seorang kuli yang bekerja pada Belanda dan hidupnya dalam keadaan serba susah. Ia menyalin hikayat ini sebagai ganti bertemu muka dengan para pembaca, seraya mengharap doa restu dari rekan-rekannya. Ia juga memberi nasihat supaya para pembaca taat menjalankan ajaran agama. Penjelasan ini bertanggal, Sigli 15 April 1916. Mukadimahnya ditulis tanggal 6 Juni 1916 di Gampong Pande. Pada bait terakhir pengarang menyatakan bahwa hikayat ini belum selesai dan akan disambung pada jilid ke dua. Hikayat Sariman Budi tidak jauh berbeda dengan hikayat-hikayat Aceh lainnya. Perang sakti memperebutkan putri dengan dibantu oleh makhluk-makhluk halus sangat mewarnai jalan ceritanya. Namun demikian, sebagai perbendaharaan kebudayaan daerah, hikayat yang disusun dengan bahasa yang baik ini dapat menjadi bahan penelifian bagi peminat sastra. Untuk tidak membosankan pembaca mengikuti cerita yang agak panjang ini, penyunting telah membaginya menjadi delapan anak judul. Jakarta Mei 1983

Ramli Harun

Ringkasan Hikayat Sariman Budi

Negeri Tanuran Syah diperintah oleh seorang raja yang adil bernama Ainun Syamsi. Seratus tujuh puluh kerajaan takluk di bawah kekuasaannya. Baginda mempunyai dua orang permaisuri. Dari permaisuri pertama baginda memperoleh seorang putra yang diberi nama Sariman Budi Syamsi Lila. Dalam usia lirna tahun Sariman Budi telah pandai menunggang kuda dan sering mengikuti perlombaan bersama teman-temannya. Pada suatu hari Sariman Budi merninta izin kepada ayahnya hendak berburu. Dengan rasa berat baginda meiepaskan putra- nya pergi dengan ditemani sejumlah pengikutnya. Nasib sial menimpa mereka dalam hutan rimba. Akibat angin badai yang dahsyat disertai hujan yang lebat Sariman Budi terpisah dari rombongan. Ia berjalan sendirian dalam hutan hingga sampai di sebuah lapangan. Para pengikutnya berusaha mencari. Akan tetapi karena sudah berbulan-bulan mencari dan tidak kunjung bertemu akhirnya mereka pulang menghadap baginda raja. Alang- kah sedihnya baginda demi mendengar bahwa anaknya sudah hilang. Baginda baru merasa tenang sesudah seorang ahli nujum memberi tahukan bahwa Sariman Budi sedang bertapa di suatu tempat. Sesudah tujuh hari Sariman Budi berada di lapangan dalam hutan datanglah seorang brahman syiah tapa bernama Jamaloi Akba. Ia menceritakan hal ihwal yang telah menimpa dirinya. Di tempat itu ia belajar berbagai ilmu sakti dari Jamaloi Akba. Ia dibekali seekor kuda sakti 'dan sebilah pedang berikut dua orang pahlawan masing-masing bernama Zaibun Amarah dan Zainan Akasah. Tersebutlah sebuah kerajaan besar dikayangan bernama Keumala Silan. Rajanya bernama Mambang Aksan yang sangat terkenal karena saktinya. Lima ribu orang raja takluk di bawah kekuasaannya. Baginda mempunyai seorang putri bernama Baniroi Indra, yang lebih cantik dari Putri Gumbak Meuh dan Putri Bungsu. Putri Baniroi ditempatkan dalam sebuah mahligai ber-

sama enam orang dayang-dayang dan dijaga oleh empat puluh jin afrit. Tiga tahun Sariman Budi dalam pertapaan. Pada suatu malam ia bermimpi bertemu dengan putri Baniroi Indra. Ia ber- tekad hendak mencari putri impiannya. Kepada Jamaloi Akba tidak diberitahukan tentang mimpinya itu. Ia hanya mohon izin hendak pulang ke Tanuran Syah melihat orang tuanya. Jamaloi Akba merestui keberangkatan Sariman Budi, dan membekali- nya lagi dengan sebentuk cincin sakti, serta sewaktu-waktu dapat memanggil pasukan yang dapat terbang ke angkasa. Berkat cincin saktinya Sariman Budi telah menjelma menjadi seekor burung dan terbang menuju negeri Keumala Silan di kayangan. Di angkasa Sariman Budi dihadang oleh dua jin afrit yang menjelma sebagai dua ekor burung unggas. Terjadilah perkelahian antara Sariman Budi dengan kedua jin afrit itu. Kedua unggas tidak berdaya menghadapi Sariman Budi dan pulang memberitahukan kepada penjaga putri. Sariman Budi harus berhadapan lagi dengan ber-puluh-puluh jin afrit. Ketika pasukan saktinya bertempur dengan para pengawal putri, Sariman Budi menyamar sebagai seekor kupu-kupu dan masuk istana Baniroi. Ia memperkenalkan dirinya kepada putri Baniroi, Putri inipun pernah pula bermimpi bertemu dengannya. Sariman Budi menganjurkan supaya Baniroi memberitahukan ayahnya tentang kedatangannya, tetapi Baniroi tidak berani dan sebaliknya menyuruh Sariman Budi sendiri memberitahukan- nya. Raja Mambang Aksan telah mendengar laporan banyak pengawalnya yang tewas akibat kesaktian Sariman Budi. Ia men- duga bahwa putrinya pasti sudah dirampasnya. Sejumlah pasukan menuju mahligai putri Baniroi. Seorang dayang-dayang memberitahukan kepada putri tentang kedatangan ayahnya beserta sejumlah laskar. Sariman Budi memerintahkan Zaibun dan Zainan Akasah untuk menghadang pasukan Raja Mambang. Pertempuran terjadi dan pasukan Raja Mambang kalah. Raja Mambang meminta bantuan dari semua daerah takluknya untuk membebaskan putrinya

Tiga tahun lamanya perang berlangsung. Tidak ada pihak

yang menang. Akhirnya Sariman Budi menyamar sebagai seekor

burung kecil dan masuk istana Raja Mambang. Raja Mambang bersama permaisuri dibawa ke mahligai Baniroi. Di sana Raja Mambang menyetujui perkawinan putrinya dengan Sariman Budi, lalu mengumumkan kepada rakyatnya bahwa perang telah usai, dan putrinya akan dinikahkan dengan Sariman Budi. Pada hari yang sudah ditentukan berlangsunglah upacara pernikahan kedua anak raja itu dengan segala adat kebesaran. Adapun baginda Ainun Syamsi telah mendapat seorang putra lagi dari permaisurinya yang kedua Indra Nu Isah. Putra kedua ini dinamai Umaranlah. Ketika Umaranlah sudah berusia sepuluh tahun baginda menceritakan kepadanya peristiwa yang menimpa abangnya Sariman Budi. Mendengar cerita ayahnya itu Umaranlah bermaksud hendak mencari abangnya dalam rimba. Meskipun ayahnya melarang, ia tetap hendak pergi. Maka dengan diiringi sejumlah rakyat iapun meninggalkan istana orang tuanya pergi mencari abangnya yang sudah lama tidak pulang. Sesudah tiga bulan berjalan rombongan Umaranlah sampai di sebuah lapangan. Di situ mereka beristirahat. Malam hari Umaranlah bermimpi seakan-akan seorang brahman memberitahukan bahwa abangnya berada di negeri kayangan. Sesuai dengan pesan brahman, Umaranlah berangkat menuruti petunjuk mimpinya. Dalam perjalanan ia bertemu dengan seorang syiah bernama Beureuma Zibun. Umaranlah disuruh bertapa sebelum mencari abangnya. Sesudah empat belas bulan lamanya Umaranlah bertapa di tempat Beureuma Zibun, barulah ia diizinkan berangkat mencari abangnya. Ia dibekali benda-benda sakti antara lain sebilah pedang sakti bernama Samdon Birang. Dengan menjelma sebagai seekor rajawali ia terbang menuju negeri kayangan. Di sebuah negeri bernama Milon ia beristirahat. Rajanya bernama Samidon Awan yang juga takluk kepada Raja Mambang Aksan. Baginda juga mempunyai seorang gadis yang tidak kalah cantik dengan putri Baniroi. Putri ini bernama Cantek Maneh dan dalam usia yang masih muda telah dipertunangkan dengan Banta Hamidan, putra

raja Haliman. Tiap hari Senin dan Kamis putri Cantek Maneh turun mandi di sebuah kolam. Di situlah Umaranlah menyaksikan putri tersebut sehingga timbul niatnya hendak memilikinya dengan cara apapun. Dengan ilmu saktinya ia membangun sebuah istana lengkap dengan bentengnya dekat kolam itu. Putri merasa heran melihat ada istana baru dekat tamannya. Putri ingin mengetahui keadaan istana itu. Umaranlah telah menjelma menjadi seorang perempuan tua. Ketika bertemu dengan Cantek Maneh perempuan tua yang dipanggil Po Ni itu meminta kepada Cantek Maneh supaya sudi menginap satu malam di istananya supaya dapat bertemu dengan anaknya yang bernama Umaranlah. Cantek Maneh menerima ajakan Po Ni. Malam harinya Umaranlah memperkenalkan dirinya dan dengan segera terjalin rasa cinta antara keduanya. Cantek Maneh tidak pulang lagi ke istana ayahnya. Pagi harinya Raja Samidon Awan menyuruh seorang dayang-dayang mencari Cantek Maneh yang tidak pulang. Raja Samidon Awan sangat murka ketika mendengar putrinya telah ditawan di sebuah istana oleh Umaranlah yang berasal dari bumi. Baginda mengirim surat kepada Umaranlah supaya anaknya dikembalikan. Umaranlah menjawab bahwa putri akan dikembalikan sesudah dinikahkan dengannya. Akhirnya Raja Samidon menyerang istana Umaranlah, dan terjadilah perang sakti.

SIPATAH KALA M

Ka padumna trep lawet ka lama Suntok Ion mita di Ion hikayat Leupah meusaket sulet tamita Ube nyang ka na ka Ion peusapat

Bandum Ion himpon suson ban nyang na Muploh-ploh nyang ka abeh Ion surat Nyang jameunpi le nyang baropi na Siri meusua ka Ion peusapat

Ulon deungo gah Abdullah Raja Nibak gop nyan na le that hikayat Ubak Abdullah Ion langkah lanja Geubri le teuma saboh hikayat

SARIMAN BUDI geurasi nama Lon puwoe lanja Ion salen leugat Hana jeuet taboh gadoh pusaka Seubab meuguna keu rakan sahbat

Jan jan teuduek buet jeuet tabaca Faidah raya tabeuet hikayat Peunyum seunuban sinan teurasa Ibaratpi na nyang jeuet nasihat

Mudah redeuki neubri jeuep masa Abdullah Raja neuberi beu sehat Umu bu panyang badan beu teuga Neubri bahgia donya akhirat

LAMNYONG, 5 Maret 1969

ANZIB

NIBAK PEUNYALEN

Sariman Budi rawi that panyang Baro cit sikhan ulon peulangka Akan lon sambong troh ujong kalam Tamat he rakan bak jiled dua

Jinoe that sunggoh meugucoh that prang Talo ngon meunang bak jiled dua Habapi indah cidah geukarang Luah pandangan pujangga lama

Hikayat Aceh leubeh guransang Nyang baca seunang nyang deungo gura Buhu ngon pakhok meurok di dalam Kisah habaran tadeungo meusra

Jeuet keu 'ibarat le that tamselan Mufeu'at sinan raya lagoena Pujangga lama haba geukarang Le that he rakan nyang gura-gura

Kisah Prang Sabi ngon Malem Dagang Juhan Budiman ngon Malem Diwa Lom Nun Parisi Muhammad Adan Laen niban nyan meureutohpi na

Beulanda puwoe u nanggroe Nederlan Jicok masa prangpi le lagoena Haba saboh roe jinoe ka hilang Gadoh keunarang atra pusaka

Jinoe lon mita soe na bak rakan Bri keu lon tuan lon salen teuma Hana jeuet baton gadoh atra nyan Le that gunaan keupada bangsa

Jinoe tamita atra peunulang Mangat meuruwang seumangat bangsa Meunan harap lon kawom jeunulang Meu'ah lon tuan dumna syeedara

LAMNYONG, 26 Maret 1969

ANZIB

KISAH PEUNGARANG

Lon seubot ureueng po surat Nak neutupat singoh lusa He syeedara deungo hikayat Wahe sahbat ureueng baca

Bek tacarot ngon taupat Lon seumurat tan biasa Banja sirong hana teupat Daweuet pucat kaiam raya

Lom ngon ate lon sosah that Lagi singkat ngon bicara Nyankeu seubab ulon peugah Bak keureutah ulon rika

Ate tunu sangat sosah Bek neumarah he syeedara Nanggroe Sigli lon daerah Hana leupah tan areuta

Han soe sayang meuube drah Lon pabanbah 'oh nan kada Ka teukeudi nibak Allah Jeuet lon kisah nyoe calitra

Adak karot deungon salah Buet leupah han lon saja Lon tamse umpama birah Gatai babah 'oh tarasa

Nyang nama lon han lon peugah Malee leupah bukon pura Cit maklum teungku meutuah Nyang daerah Gampong Rawa

Keupeue gunalon seubot nan Seubab laman ureueng muda Taboh bu di dalam pingan Lam peuluman taboh piala

That mangat meunyo makanan Leubeh nibak nyan asoe geuta Laen bandum rasa saban Meunan rakan gop peuhaba

Laen nibak bu deungon eungkot Beungoh seupot ek tamita Uroe malam lon mupot-pot Gop carot ban siseun lingka

Mirah-mirah bungong meurak Jroh meusigak soe eu rupa Lon seumurat hana rancak Kureueng sigak deungon haba

Blang Mureue na sigo lon jak U Lamkrak sigo lon hala Lon he cut bang hana rancak Kureueng sigak hana gura

Seubab ate alon that rusak Ka pipak di dalam dada Bungong jeumpa lhee sirungke Gampong Pande lon yue mita

Lon surat nyoe han meusampe Seubab han le deungon bund? Lom lon tuan kuü kafe Uroe page lam nuraka

Lon meugoe blang han jeuet pad Lampoh di gle han jeuet lada 'oh lon ingat that weueh ate Rabbon Kade nyang kuasa

Lon syeedara umpama awe Di dalam gle ureueng M a Ngon areutapi hana le Sosah ate rok-rok masa

Meunan rakan lon boh mise Bek taruhe di rot raya Kutaraja teumpat kafe Jroh han sabe rame banda

Trep that hantom ulon jak le Peuet seun pade di Lam Ara Aneuk Tulo di dalam pade Aneuk bace di dalam paya

Teuka sidroe ureueng keumawe Ka jikap le pantah sigra Ka jiboh lam raga awe Keu kafe lanja jijak ba

Amma bakdu laen ulah Muwoe kisah lom keu banta Geunap Ihee thon lam tapaan Teukeudi Tuhan leumah rahsia

Bak simalam banta meulumpoe Na nyum putroe keunan teuka Mubri saleuem mumat jaroe Marit putroe deungon banta

Ampon tuanku meuribee katoe Udeh u nanggroe gampong Antara Bek le tuanku neuduek sidroe Neutueng kamoe lam Antara

Meunan na nyum marit putroe Seuot meunoe teuma banta Insya Allah tuan putroe Uroe dudoe troh lon teuka

Meuna umu lon bak Allah Cit troh langkah lon bak gata He putroe cut nyang sambinoe Deungo kamoe po jroh rupa

Peue nan gampong he sambinoe Nyang troh keunoe peue tamita Jinoe adek pioh sinoe Sajan kamoe siuroe dua

Banta kheun lom nyan sipatah Soe nan ayah adek di gata Peue nan nanggroe pat daerah Cuba peugah soe nan gata

Putroe seuot pantah-pantah Ka jipeugah ubak banta Ampon tuanku po junjongan Gampong laman di Antara

NYANG PO AREUTA HIKAYAT SARIMAN BUDI

Teuduek haba dilee siat Lon riwayat keu po areuta Si Nyak Musa nyang po hikayat Galak that keu calitra

Si Nyak Musa Gampong Pande Jak keumawe mula-mula Teuma geuduek nyan di peukan Geumeurakan sabe khunsa

Sabe male geumeusahbat Meugaseh that hana tara Geusyik Hamzah Gampong Lamlagang Nyankeuh keu rakan Si Nyak Musa

Teuma dudoe beukah konsi Geucari laen keurija Tuan Du Ping trok di Idi Masok kuli Si Nyak Musa

Jak peugot kubu sulotan Cok gambaran batee Meuraksa Di sinan meunasah Kandang Yup geulumpang geumeugamba

Meunan meunan troh u Idi Geucari kuburan raja Teuma tuan woe u Sigli Tan beureunti geukeurija

Nyan sinan jalan redeuki Tuhan neubri keu Nyak Musa Sepkeu dumnan haba wayang Peuringatan dudoe teuma

Teuduek 'oh nan dilee siat Laen riwayat lon calitra Aneuk puyoh po lam pade Mirahpati po u para

Po hikayat na taturi Nan geurasi Si Nyak Musa Jinoe siat duek di Sigli Pajoh gaji bak Beulanda

Beungoh geujak seupot geuwoe Jeuep-jeuep nanggroe meuraba-raba Bak beurunyong timoh lam gampong Tapot bungong tasrah ija

Adak na wareh han jitulong Rumoh tutong han troh teuka Gupang busok meuek tabri Karong walipi le teuka

Meunyo hana gupang busok Duek teuseupok ro ie mata Adak inong teungoh baleh Maken leubeh hina gata

Bak tuan tha han peue peugah Breueh nyang mirah nyan geumita Boh seulimeng ngon eungkot brok Nyankeu geujok u nap gata

Carnpü cina umpeuen beurujuek Nyan geupeuduek u nap gata Meunankeu tamse lon boh meuhat Di lon sahbat meuribee ganda

Fahuwa Rabbussamai wal arli Tuhanku neubri ban pinta hamba Lon harap keu Tuhan Po alam nyoe Dua geutanyoe sapat keurija

Sayang V.eumukoh timoh lam lampoli Cabeueng rot baroh umpung cempala Lon dong di gampong hana saho roh Bahle gadoh ho langkah ba

Saleuem seumbah bandum sare Got nyang sampe tot nyang hana Handai teelan aduen adoe Dum sinaroe tuha muda

Gantoe lon bri ranup sigapu Badai he teungku tameungieng mata Lon isyarat ngon ujong kaiam Geulantoe salam keu syeedara

Jampang neukalon dalam surat nyoe Sang ka jaroe tamumat dua 'oh lheueh seumbahyang baranggajan Do'a tuan keu lon neuba

Donya he po rab kiamat Beukai akhirat jinoe tamita Asoe peutoe dum bu peunoh Bek that meh-moh jan tabungka

Jinoe tateebat yoh na kuat Yoh goh mawot jak bak gata Mata peungeuh gaki goh leumoh Badan kukoh teungoh muda

Yoh goh tajak tameutungkat Yoh na kuat dum angeeta Yoh goh tuleueng ruengteu bungkok Yoh na taduek ban geupula

Yoh goh mata dua lapeh Yoh goh taeh lam keureunda Geulunyueng peungeuh atepi trang Badan cacang han meuriba

Peurintah 'etikeuet tahareutoe

Niet meunanoe beu seumporeuna

Beu na 'ibadat geunap uroe

Tuhan sidroe gata puja

Seumbahyang watee bek peutuwo

Geunap uroe jeuep kutika

Suroh Tuhan beu na hiro

Tameurunoe jeuet bek lupa

Suroh teugah peurintah Tuhan

Beu taiman bek binasa

Meunan nibak lon sipatah kalam

Keupada rakan kawom syeedara

SIGLI, 15 April 1916

MUKADDIMAK

BISMILLAHIRRAHMANIRRAHIM

Bismillah phon mulaan Muhammadan di lon Nabi Beureukat mukjizat Nabi Muhammad Deungon horeumat dumna wali

Beureukat kutob dengon utad Ngon beureukat dum ansari Ngon beureukat nanggroe Makah Beuek keumah ulon rawi

Ya Allah astaghfirullah Hu Allah ampon ya Rabbi Neuampon lon nibak salah Neupumeu'ah deesya kami

Laot raya riyeuek bicah Kapai leupah ulee-ili Ngon mukjizat Rasulullah Bu meutuah jaroe gaki

Beuek leungka ulon surat Kisah Hikayat Sariman Budi Neubri ya Allah beu troh hajat Beuek tamat ulon rawi

Meu'ah keu lon rakan sahbat Nyang roh silap ulon rawi Deungo jinoe wahe sahbat Haba hikayat lon mulia

GAMPONG PANDE, 6 Juni 1916 NYAK MUSA BEN NYAK GADENG

ASOE BUK U

20 8

HIKAYAT SARIMAN BUDI

I. SARIMAN BUDI SISAT LAM RIMBA

'Ajaeb subhanallah Nyoe lon kisah sidroe raja Nama raja Ainun Syamsi Nama geurasi lon peunyata

Tanuran Syah nama nanggroe Hana bagoe ngon tapeusa Nanggroe luah rakyat rame Tan meune-ne keunan teuka

Raja ade amat sangat Peutimang rakyat mat neuraca Sireutoh tujoh ploh raja di baroh Raja nyan saboh nyan that raya

Gagah beurani sakti meukarang Raja pilehan nyang that ula Raja meukawen dua droe putroe Rupa sambinoe peurumoh raja

Padum lawet keurajeuen nanggroe Goh na sidroe aneuk raja Raja neukheun nibak siuroe Ubak putroe neumeusabda

Wahe putroe nyang sambinoe Pakri geutanyoe aneuk hana Keupeue areuta dum sinaroe Roh gop gantoe 'oh tan hamba

Hana guna lon mat nanggroe Bah taboh droe u dalam rimba Teuma seuot tuan putroe Beuet jaroe ateueh jeumala

Ampon tuanku neupangge nujum Neupumaklum yue peunyata Lheueh meusabda raja ngon putroe Nujum jinoe neupangge sigra

'oh sare troh ahli nujum Neupumaklum sabda raja Nyang lon pangge gata keunoe Kareuna kamoe aneuk hana

Cuba taeu dalam kitab Di dalam bab silsilah raja Ek na aneuk atawa han Cuba tuan tapeunyata

Meutan aneuk ureueng lakoe Keupeue nanggroe deungon kuta Hana guna lon keurajeuen Got lam uteuen lon jak tapa

Lheueh nyan nujum buka kitab Jilarab jipupoh angka Jikalon thon deungon bintang Jipandang peuet panca indra

Jitop kitab jibet jaroe Ampon kamoe po meukuta Rab na aneuk deelat tuanku Goh troh umu neupeulahe nyata

Leumah tuanku dalam kitab Meutuah that aneuk meukuta Gohlom kudrat Tuhan sidroe 'oh ka sampoe lahe nyata

Ban raja deungo nujum peugah Ubak Allah neulakee do'a Ate mangat bukon bubarang Nyum beu rijang neungieng rupa

'oh abeh woe ulama syiah Raja dasyah lam istana Padum lawet lheueng nibak nyan Teukeudi Tuhan Rabbon 'ala

Hame putroe Indra Syahi Nyang juhari peurumoh tuha Dua blah buleuen lam kandongan Karonya Tuhan gohlom nyata

Yoh nyan sosah raja nanggroe Kareuna putroe budak goh na Indra Syahi hana sosah Tan ube drah saket hana

Hana saket meusigeutu Kheundak Tuhanku Allah Ta'ala Kheundak Tuhan Rabbon 'alamin Gohlom idin pandang donya

Peuet blah buleuen hame sampe Budak lahe pandang donya Malam Hamen putroe saket Teungoh neupet lalu jaga

Bandum dendayang ka jipeutoe Bak cut putroe jiduek lingka Ladom jipot ladom ceupet Suebab saket putroe muda

Indra Nu'isyahpi di sinan Sapat sajan deungon raja Na sikeujab putroe saket Dendayang ceupet peunoh lingka

Yoh masa nyan keulua budak Hu meuhalak lam istana Rupa jroh that lang-geumilang Miseue bintang dalam hawa

Lam meuligoe tamse tanglong Sang ka tutong ngon istana Lagi deungon ureueng lakoe Paleuet jaroe ban on bunga

Dendayang bandum tahe laloe Seubab putroe jroh meucahya Na sikeujap tahe laloe Yoh nyan jimoe budak nyata

'oh jideungo budak jimoe Dum sinaroe kiam subra Ban nyang adat lam nanggroe nyoe Meunan di putroe dendayang kira

Peugot rangkang deungon dapu Peuek laju putroe muda Geupumadeueng tuan pütroe Ureueng nanggroe lon calitra

Amma bakdu teuma dudoe Rakyat nanggroe dum jiteuka 'oh ban meugah madeueng putroe Dum sinaroe jak eu rupa

Uleebalang raja rakyat Abeh meusapat ubak raja Nyang di inong saboh jumeulah Abeh jikrah jeuep-jeuep donya

Jak eu putroe ka na manyak Meugalak-galak bandum rata Meugah aneuk rupa jroh that Hana sapat bandeng rupa

Lagi deungon ureueng lakoe Dum sinaroe galak raya ïnong jime bungong jaroe Nyang di lakoe laen jeumba

Peurumoh geusyik deungon meuntroe Alat di asoe bandum jiba Ladom siraphi ngon gleueng jaroe Intan pudoe ladom jeumba

Nyang di lakoe bungong jaroe Peurdana meuntroe lumo jiba Nyang ba keubeue uleebalang Rakyat sibarang peue nyang suka

Limong buleuen rakyat jitren Bandum duson abeh teuka Seugaia alam raja nyang meugah Abeh sudah tren bak raja

Umu Ihee thon teuka rakyat Areuta le that poteu raja Geudong dilee nyang abeh soh Jinoe peunoh nyan areuta

Sipioh laen peunoh sarat Areuta le that dudoe jiba 'Ainun Syamsi mangat ate Ka meusampe troh ban pinta

Ka na aneuk ureueng lakoe Nibak putroe nyang jroh rupa Galak ate hana padoe Ngon cut putroe indah rupa

Teuduek haba raja nanggroe Jinoe keu putroe lon calitra Hana panyang ulon kisah Abeh keureutah mantong saja

Lon cok haba nyang peunileh Mangat meuceh putroe muda 'oh lheueh uroe putroe madeueng Geupeutren' u leuen uleh maja

Jak bak kulam putroe marsoe Dayang sinaroe ireng lingka Putroe manoe bak kulam intan Dum seukalian ase jiba

Peue nyang adat reusam nanggroe Meunan di putroe dendayang ba 'oh lheueh manoe geuuet ngon kalang Geupuwoe rijang u istana

Teuduek haba putroe manoe Karangan muwoe keu aneukda Padum lawet lheueh di dapu Rayek laju banta muda

Tamse kayee got meusibu Jroh that leuhu onpi raya Rupa jroh that hana lawan Galak sulotan hana tara

Lang-geumilang miseue intan Hana teuladan jeuep-jeuep banda Umu limong thon cut budiman Geurasi nan uleh raja

Nan meualet deungon ibu Roh sigeutu deungon ayahda Banta indah nan geurasi Sariman Budi Syamsi Lila

Aneuk putroe Indra Syahi 'Ainun Syamsi nyang ayahda Meujan geumeuhei le sulotan Budi Sariman Syamsi Lila

'oh tee neuhei le Indra Syahi Lila Syamsi Sariman Muda Akaipi jroh hana lawan Na le rakan aneuk miet muda

Teubiet u padang na meujan-jan Deungon rakan nyang muda-muda Guda saboh bulee intan Salop badan ngon meutia

Na tujoh ploh ka na rakan Maseng kandran pasang guda Tanoh rata mideuen luah Jiplueng pantah dum boh panta

Sariman Budi u hadapan Tinggai rakan han kuasa Rakyat pandang mata laloe Samlakoe di ateueh guda

Pakaian meuh intan pudoe U asoe jibaplueng cahya Rupapi jroh beepi mangat Dumna rakyat keunan mata

Geunap uroe meunan sabe Leurriah pike dalam dada Bak siuroe teukeudi Tuhan Marit ngon rakan banta muda

Wabe rakan dum sinaroe Lon hareutoe ubak gata Tatem meuen tajak u gle Tapubeude glueh ngon rusa

Rakyat seuot han peue salah Ban nyang titah po meukuta 'oh banta deungo narit rakan Bak sulotan neujak lanja

Tamong laju bak sulotan Deungon rakan bandum jiba 'oh sare troh u hadapan Beuet tangan ateueh jeumala

Sariman Budi peuek seumbah Bak khalifah raja raya Jibet jaroe bandua blah Marit sipatah deungon ayahda

Deelat teurgahyu po junjongan Seumbah laman hamba hina Seumbah tuanku di bawah gaki Tuanku neubri lon jak lam rimba

Idin tuanku laman meuen Jak meuramien paroh rusa Neubri tuanku ban nyang babat Beukai alat jak lam rimba

Deungon pawang tuanku bri Esok hari laman bungka Raja deungo seumbah samlakoe Laen bagoe bak ri rupa

'oh lheueh neukalon iaën macam Neukeumeung tham pakri daya Teuma neukheun sikrak kalam Pirak upam deungo hamba

Beukit meunan he aneuk droe Tanggoh kamoe ubak gata Lon meutanggoh ïmong uroe Teuma dudoe ban nyang suka

'oh banta deungo narit meunan That sukaan hana tara 'oh troh tanggoh limong uroe Banta peutoe lom bak raja

Limong uroe tanggoh meuhat Ase alat rakan banta Abeh meuhimpon bandum rakyat Pawang le that sajan banta

Syamsi Lila tamong leugat Ubak deelat ngon peutua Na lhee reutoh nyang hebat-hebat Pahlawan meuhat nyang teuga-teuga

'oh sare troh ubak ayah Jaroe dua blah ateueh jeumala Ampon tuanku si alam deelat Ka meusapat kamoe rata

Bandum rakyat cit ka ase Pakri pike po meukuta Pakat keumah janji sampoe Reumbang uroe got kutika

Keu lon neubri nyang patot mee Pawang ngon asee nyang biasa Rakyat di mideuen ka meuhimpon Banta mohon bak ayahda

Ampon tuanku idin jinoe Bak uroe nyoe jadeh bungka Tuanku lakee beu seulamat Beu jeuoh laknat mara-bahaya

Beu jarak jen beu jeuoh setan Bek meulaenkan bahya donya Beu Tuhan bri keubajikan Nyawong badan beu sijahtra

, 'oh lheueh banta neungadu droe Neubet jaroe di jeumala Com di teuot seumbah di gaki Horeumat neubri keu ayahda

'oh lheueh raja seumbah putroe Bandua droe peumulia Indra Syahi ngon Nu 'isyah Banta peugah keunak bungka

Neuidin lon ma siuroe jinoe Hajat kamoe jak lam rimba Meung Tuhan bri mangat asoe Rijang lon woe ma lon gisa

Indra Syahi seuot meunoe Sira neumoe sret ie mata Insya Allah he boh ate Kaman bahle ban nyang hawa

Meubek lambat gata di gle Mateu mate ngon ayahda Beukit tajak he aneuk droe Beu rijang tawoe bijeh mata

Beu Tuhan bri mangat asoe ' Tuhan sidroe peutroh pinta Lheueh nibak nyan teuma dudoe Neubet jaroe seumbah bunda

Com di gaki ngon di teuot Putroe sambot con di muka Wa di baho com di ubon Sariman tren di istana

Teubiet dalam tren u mideuen Teuma neukheun bak lasyeuka Beudoh rakan laju jinoe Dum sinaroe jak lam rimba

'oh jideungo kheun Sariman Rakyat yoh nyan ate suka Jipalee gong deungon geundrang Di teungoh blang kiam subra

Jiyup suleng deungon seurune Rakyat rame jak lam rimba 'oh ere mideuen jurong panyang Tamong u blang meuhajana

Abeh jitren bandum yoh nyan Sabda sulotan sigra-sigra Neuyue tanyong banta Sariman Ho beurjalan leupahji ka

Mantong udep atawa han Ubak laman tapeuhaba Nujum deungo sabda meunan Kitab yoh nyan le jibuka

Bileueng angka yoh masa nyan Leumah Sariman dalam rimba Di dalam tapa ngon Beurahman Lam pandangan lahe nyata

Awai akhe ieumah sinan Bak junjongan le jikata Nujum jibet dua tangan Ampon laman po meukuta

Bek that sosah po junjongan Banta Sariman that bahgia That meutuah banta samlakoe Uroe dudoe troh meugisa

Raja deungo ulama peugah Han le sosah dalam dada Nibak Tuhan neupeujok droe Neuleueng jaroe lakee do'a

Bak seulamat aneuk lon sidroe Beu troh jiwoe ya Rabbana Beu Tuhan bri mangat asoe Aneuk lon sidroe bijeh mata

Teuma meugah u meuligoe Banta sidroe han binasa Kheundak Tuhan Po lon sidroe Uroe dudoe troh meugisa

Teuka reudok deungon ujeuen Tamse tupeuen bade teuka Seupot rimba han deuh sapeue Deungon geulanteue that meutaga

Lom ngon kilat teuka soseue Han deuh sapeue glap-gulita Lasyeuka banta yoh masa nyan Ngon Sariman dalam rimba

'oh ban teuka bahya meunan Jiplueng yoh nyan dum jiguda Han ingat le keu Sariman Seubab meunan reudok taga

Jeuep alue gle ka meuseupreuek Jibloh abeuek arong paya Banta Sariman tinggai sidroe Meuteutaloe ro ie mata

Han le rakan dum sinaroe Tinggai sidroe banta muda Syamsi Lila yo meutat-tat Kareuna kilat meunyala-nyala

Sret ie mata muka pucat Kareuna rakyat han meuho ka Tujoh uroe geulanteue kilat Kheundah Halarat neubri bahya

'oh troh bak had tujoh uroe Peungeuh nanggroe miseuê nyang ka Yoh nyan leumah matauroe Muda samlakoe lon calitra

Amma bakdu dudoe nibak nyan Banta Sariman dalam rimba Hingga han le geulanteue kilat Neumita rakyat jeuep-jeuep data

Hana sidroe le mubakat Banta sisat dalam rimba Neuek gunong neujak leugat Timu barat han meuhingga

Han neutuho tunong baroh Laju neubloh dalam rimba Sret ie mata hana teudoh Sang ujeuen toh meulumba-lumba

Basah ija nibak tuboh Teubiet reuoh ban ie raya Padum buleuen neujak sunggoh Hingga troh bak saboh data

Meuteumee padang jroh han lawan Tanoh intan naleueng meutia Lom ngon luah that seureuloe Tujoh uroe pasang guda

'oh nan luah buju linteueng Teubai bideueng sithon lingka Sariman Budi ka troh keunan Hireuen yoh nyan hana haba

Seubab neueu pudoe intan Karonya Tuhan neupeurupa Teuma neupioh di bineh padang Meugeulumbang ngon ie mata

Teutap sinan banta seudang Haba meuriwang keu lasyeuka Rakyat jiplueng yoh geulanteue Abeh meusiseue dalam rimba

Tujoh uroe jiplueng meuhat Seubab kilat ujeuen teuka 'oh hana le geulanteue kilat Teuma meusapat dum lasyeuka

'oh ka abeh dum meusapat Teuma leugat heundak gisa Teungoh-teungoh geubeurangkat Yoh nyan teuingat keu cut banta

Marit sidroe nyang sulotan Dalam kawan nyang keupala Jitanyong bak uleebalang Dum sibarang tuha muda

Wahe rakan dum sinaroe Ho samlakoe banta muda Hana keunoe lon eu lagoe Pakrj tawoe hana banta

Banta Sariman hana keunoe Bandum geutanyoe meuhat fana Uleebalang deungo meunan Ubak rakan jipareksa

Seuot rakyat dum sinaroe Banta sidroe dalam rimba Masa reudok seupot tuloe Tinggai sidroe banta muda

Bandum kamoe abeh soseue Yoh geulanteue ujeuen teuka 'oh geudeungo narit meunan Jimita yoh nyan jeuep-jeuep data

Abeh jiek gunong manyang Jipandang peuet panca indra Hana leumah sidroe ureueng Tan meudieueng jieu banta

Abeh sosah uleebalang Dum sibarang sret ie mata Padum buleuen mita sabe Ladom mate rimueng seuba

Na siteungoh nyang ka han le Di dalam gle rimba raya Bandum lasyeuka mita pike Kaman bahle jinoe gisa

Keumah pakat bandum sare Ka jiwoe le ubak raja Dumna rakyat nyang woe di gle Rupa tamse bungong mala

Bandum pucat darah han le Lom ngon ate miseue geumpa Dumna rakyat pioh di padang Nyang uleebalang tamong lam kuta

Tamong bandum nyang pahlawan Ubak sulotan raja 'ala 'Ainun Syamsi di bale keumang Rakyat sibarang jingadap lingka

Keunan ka troh uleebalang Jaroe meulayang atueh jeumala Teuma neukalon le sulotan Ka woe pahlawan jak lam rimba

Neukalon hana banta Sariman Neutanyong rijang deungon sigra He pahlawan ka troh tawoe Ho samlakoe banta muda

Hanalon eu keunoe lagoe Gata sinaroe dum ka gisa Teuma seuot uleebah - _, Kamoe neucang po ieukuta

Banta samlakoe h? A meuho le Gadoh lam gle rif iba raya Saleh udeb saleb mate Jeuep alue gle 1' i lheueh mumita

Asai tuanku nyang jeuet keucre Di dalam gle meuteumee bahya Teungoh-teungoh kamoe meuburu Teuka 'a-'u dalam rimba

Teuka reudok deungon ujeuen Tamse tupeuen geulanteue teuka Seupot tuloe han leumah sapeue Kilat soseue lam-lam mata

Bandum rakyat yoh nyan jiplueng Sang-sang di rueng geulanteue teuka Tujoh uroe tuanku meunan Bandum rakan plueng lam rimba

Yoh nyan ka ere banta sidroe Rakyat sinaroe ka jiguda Teukeudi Tuhan teuma dudoe Peungeub nanggroe miseue nyang ka

'oh meukalon tan samlakoe Bandum kamoe teuma mita Jeuep-jeuep gunong mita dudoe Padum uroe lama masa

Tan meuteumeung banta sidroe Teuma meuwoe po meukuta 'Ainun Syamsi deungo meunan Reubah pangsan poteu raja

Teuma meuthee u meuligoe Nibak putroe nyan bandua Meugah han le muda samlakoe Tuan putroe tumbok dada

Dumna dendayang ka jipoh droe Ban sinaroe tuha muda Reubah pangsan dua putroe Lam meuligoe ka teurhanta

Ie mata srot meuteutaloe Tamse bagoe ujeuen teuka 'Oh teukeujot teuma dudoe Lom neupoh droe hana reuda

'Oh neubae tuan putroe Tamse bagoe gambang Jawa Allah he aneuk po samlakoe Apon jaroe putoh asa

Bukon sayang bungong geutoe Angen tampoe ruek-ruek masa Bukon sayang banta Samlakoe Leupah sidroe dalam rimba

Allah he intan keumala nanggroe Tinggai kamoe tajak digata Bukon sayang bungong panjoe Keunong uroe layee rata

'Oh lon ingat gata sidroe Saleh ho nanggroe e bentara Bukon sayang matauroe Reudok tampoe padan cahya

Allah he aneuk bukon rugoe Mate putroe pungo gila Bukon sayang bungong seurunoe Putoh taloe srot meutia

Putroe bae bah le oh noe Laen sambinoe lon peuhaba Ainun Syamsi puleh jinoe Neuhei meuntroe pantah sigra

Jak leh takrah ahli nujum Beutroh bandum keunoe teuka 'Oh meuntroe ngo sabda meunan Jikrah yoh nyan nujum panita

Teuma neukheun ubak meuntroe Peuase jinoe dum peukara Tabri khanduri bandum syiah Ngon seudeukah bandum rata

Geudong tujoh neuyue peuhah Neuyue bri seudeukah poteu raja Teudongkeu rakyat dum kafiiah Preh seudeukah tuan meuntroe ba

Gasien miseukin keu aneuk yatim Han sapeue tan sianeka Geukoh ija meukudoe-kudoe Dum sinaroe ban sidumna

Inong balee neuyue sasat Neuyue peusapat geubri ija Jitrenkeu rakyat subhanallah Siulah-ulah keurija raya

Umu lhee buleuen khanduri sabe Ladom meudike ladom meudo'a Nyang jeuoh dum surat geubri Raja khanduri sang-sang keurija

Peunohkeu rakyat dum seuleusak Laen teungoh jak han teukira Geusie keubeue meuribee-ribee Meusukee-sukee rakyat teuka

Ladom geujok meuh ladom intan Dum seukalian keu panglima Rakyat lam mideuen meuribee katoe Peurdana meuntroe bulueng rata

Sare abeh geubri seudeukah Ulama syiah dum meugisa Abeh bandum rakyat jiwoe Lon hareutoe poteu raja

Meunan meugah ubak putroe Bujang sidroe jak peuhaba Ban putroe deungo jihareutoe Bandum sinaroe han le kubra

Ubak Allah neupeujok droe Tuan putroe han le duka Teutap ate dum sinaroe Tan le teugoe-goe keu cut banta

Indra Syahi lam meuligoe Raja nanggroe pumeureksa Uroe seupot sulotan neuwoe Ubak putroe indah rupa

Teutap raja lam meuligoe Deungon putroe sinan dua Indra Syahi ngon cut 'Isyah Raja dasyah hana tara

Banlhee droe han le sosah Banta indah nyoe lon kira Jinoe lon seubot banta juhari Sariman Budi Syamsi Lila

Amma bakdu keumudian lagi Sariman Budi lon calitra Sinan neuduek bineh padang Meugeulumbang ngon ie mata

Tujoh uroe pioh sinan Troh Beurahman syiah tapa Jamaloi Akba nan syiah nyan Ka troh keunan ubak banta

Jamaloi Akba kalon Sariman Tamse intan cahya muka Lang-geumilang indah sangat Meukilat-kilat deungon rupa

Leumah neueu lom neupandang Meugeulumbang ngon ie mata Syiah tapa peurab rijang Meunyum sayang dalam dada

Banta Sariman teuma pandang Syiah datang neueu rupa Neubeudoh le pantah rijang Jaroe meulayarig le bandua

Nibak gaki banta seumbah Ile limpah ngon ie mata Jamaloi Akba tanyong pantah He meutuah pane gata

Lon eu aneuk rupa cidah Pane langkah ho tahala Peue buet keunoe u dalam gle Boh ate peue tajak mita

Ngon ie mata meugule-gule Nakeu tamse geulumbang teuka Sariman Budi teuma seuot Jaroe neubet di jeumala

'oh lheueh seumbah nibak teuot Ban nyang patot junjong sabda Ampon meu'ah lon he teungku Peuturot napsu dalam rimba

Asai dilee lon jak meuburu Kheundah Tuhanku meuteumee bahya Nama nanggroe Tanuran Syah Nyan daerah laman sripada

'Ainun Syamsi nama ayah Keurajeuen limpah sigom donya Nama ibu Indra Syahi Sariman Budi nama hamba

Dilee geuboh nan le abi Sariman Budi Syamsi Lila Bak siuroe teukeudi Tuhan Laman beurjalan ngon lasyeuka

Mita rusa deungon rakan Ngon peurasan bandum jiba Padum lawet dalam uteuen Teuka ujeuen ngon ie raya

Lom ngon reudok kilat soseue Ngon geulanteue that meutaga Dumna lasyeuka meuseurabeue Seubab geulanteue teumakot raya

Abeh jiplueng dum sinaroe Saleh ho nanggroe bandum rata Ulon tuan tinggai sidroe Peungeuh nanggroe lom ban nyang ka

'oh ka leumah matauroe Rakyat meukatoe lon jak mita Tan meuteumeungpi meusidroe Padum uroe arong rimba

Lon arong gle gunong manyang Jeuep-jeuep padang lon jak mita Ngon teukeudi Tuhan sidroe Ka troh keunoe bak syekhuna

Jinoe teungku gaseh sayang Lon heundak riwang bak ayahda Meukon gaseh teungku sidroe Lon mupaloe dalam rimba

Han lon tupat daratan nanggroe Trep saboh roe dalam rimba Seuot syiah teuma dudoe Bek le tamoe bijeh mata

Tulong Tuhan Po geutanyoe He samlakoe bek that duka Pioh aneuk kaman sinoe Sajan kamoe taduek tapa

Tatueng sakti nibak kamoe Tameurunoe peue nyang suka 'oh troh tapa teuma dudoe Bahle tawoe bak ayahda

Seuot banta nyang samlakoe Deungon jaroe di jeumala Ban nyang titah teungku sidroe Dum sinaroe ulon rela

Insya Allah kaman jinoe Neuba kamoe sajan seureuta Jamaloi Akba deungo meunan Neumat bak tangan banta muda

Teuma neukheun bak Sariman Beudoh intan jinoe lon ba Sariman Budi beudoh pantah Sajan syiah neujak lanja

'oh sare troh u teungoh padang Pioh rijang sikutika Na sikeujap pioh sinan Marit yoh nyan Teungku Tapa

Wahe banta nyang samlakoe Gata sidroe tapet mata Nak rijang troh jinoe sampoe Bek trep laloe dalam rimba

Sariman Budi deungo meunan Neupet yoh nyan pantah sigra Banta neupet yoh masa nyan Mat bak tangan Teungku Tapa

Han jan siat pet Sariman Bak padang nyan ka na kuta Ngon meuligoepi ka ase Teungkujian le leumah nyata

Di leuen meuligoe saboh bale Teumpat meulale Teungku Tapa Sariman Budi di leuen meuligoe Teudong keudroe hana haba

Mata meumandang hireuen laloe Neueu meuligoe jroh that rupa Teungoh-teungoh hireuen laloe Ka troh neuwöe Teungku Tapa

Neumat banta lom bak jaroe Lam meuligoe peuek sigra Syiah neukheun lom sipatah Nyoe daerah teumpat hamba

Soe nyang hajat jak tueng sakti Sinoe meuri bijeh mata Bak meuligoe keudroe jibri Baranggari aneuk raja

Meukon ureueng nyang meutuah Meuligoe reubah 'oh jitapa Siat hilang bandum sudah 'oh lheueh reubah han le nyata

Meunan aneuk nyang han bagi Deungon teukeudi Allah Ta'ala Kheundak Tuhan Po lon Rabbi Meutan suci niet lam dada

Sariman Budi deungo kheun syiah Han sipatah jaweueb haba Mata hireuen ate dasyah Meuligoe indah neueu rupa

Syiah peutamong dalam khaluet Ka neubri buet amai mintra Neubri sakti muploh nbee Ngon eleumee peue nyang suka

Sariman Budi ate mangat Neukhedeumat syiah tapa Keu rakyat han le teuingat Ka na rahmat dalam dada

Jamaloi Akba that le sakti Abeh neubri dum keu banta Neuplah pha wie pasoe peudeueng Pha rot uneun neupasoe guda

Dua pahlawan lom neupasoe Lam paleuet jaroe banta muda Nama pahlawan nyoe lon peugah Deungo beu sah he syeedara

Seudroe geupeunan Zaibon Amarah That bit meugah ngon peurkasa Teuma nyang dua Zainan Akasah Nyanpi gagah hana ngon sa

Tamse biram 'oh ka juah Miseue gajah teungoh meunta Teutap banta lam tapaan Nanggroe lam awan lon calitra

II. MEULUMPO E ME U RUM POK NGON PUTROE BANIROI INDRA

Amma bakdu teuma komdian Laen daratan nama raja Jinoe lon seubot laen sulotan Dëungo he teelan tuha muda

Saboh nanggroe dalam awan Luah daratan hana ngon sa Nama nanggroe Keumala Silan Mambang Aksan sinan jiraja

Nyankeu raja dalam awan That saktian hana ngon sa Hekeumat le hana macam Sakti meukarang meuribee laksa

Limong ribee taklok sulotan Nyang pahlawan siploh laksa Bandum raja that saktian Mambang Aksan nyang ulee nuga

Mambang Aksan aneuk na sidroe Ureueng binoe indah rupa Elok parah jroh han bagoe Nama putroe Baniroi Indra

Rupa indah hana bagoe Tamse uroe cahya muka Umu limong thon tuan putroe Neubri meuligoe uleh raja

Di teungoh mideuen teudong meuligoe Tameh seureuloe lam antara Lom ngon kuta lapan sagoe Rakyat meukatoe kawai lingka

Lam istana geupeuduek putroe Dendayang nam droe sajan seureuta Meusuka-suka geunap uroe Hana padoe bak meuseunda

Ngon peurasan geunap uroe Tan na sunyoe dap reubana Panton syae deungon dendang Uroe malam han torn reuda

Banyak mure le that macam Yue sulotan bak aneukda Jimeunari jimeunyanyoe Ureueng binoe nyang muda muda

Rakyat kawai banpeuet sagoe Aneuk meuntroe ngon bentara Lam istana tuan putroe Teuduek keudroe meuseusuka

Raja yue kawai lua bak jen Putroe canden indah rupa Jen apeuret nyan peuet pioh droe Kawai putroe bek binasa

Jiteureubang lingka meuligoe Jipeujeuet droe maseng rupa Ladom rupa sang beuragoe Ladom bagoe cicempala

Na tamse kleueng ladom bagoe Ateueh meuligoe po meugisa Ladom rupa miseue siwah Jipo pantah lam antara

Tamse bayeuen tamse siwah Maseng jumeulah jaga jaga Binatang laen han jeuet leupah 'oh meusinggah dum jiseuba

Bek nyang geukheun nyan binatang Meuseuki ensan han jitaba Bandum tarek dum saktian Uroe malam jaga jaga

Nyankeu sakti raja meugah Putroe indah ate suka Baniroi Indra that bit indah Nyoe lon peugah nyang keumeung sa

Seugala putroe dalam awan Han ek saban ube lada Di lua meugah Putroe Awan Judo sulotan raja raya

Iram Kasumi nyan daratan Han cit saban he syeedara Cantek biduri Lela Gambang Putroe seudang di Buket Miga

Nyankeu judo Muhammad Adan Han cit saban ngon Putroe Indra Cahya muka cantek biduri Cahya gaki Baniroi Indra

Tamse rupa Lela Gambang Cahya subang putroe muda Dua putroe jeh sidroe putroe nyoe Meungon jaroe han geutuka

Buket Miga lom na putroe Bandua droe indah rupa Judo raja Diu Peulinggam Duek di dalam Gunong Miga

Indra Kayangan nama sidroe Tamse uroe cahya muka Lela Wati nyang dua droe Tamse bagoe bintang kala

Bandum cidah hana bagoe Miseue pudoe ngon meutia Bitpi meugah cidah putroe Cahya gigoe Baniroi Indra

Cahya muka buleuen peuet blah Hireuen dasyah taeu rupa Ruhon 'Ali Ruhon Afeulah Judo Beuransah raja muda

Han cit ek sa meung ie babah Meunan geupeugah dilee nyang ka Putroe Gumbak Meuh yoh saboh roe Di gop nyan lakoe Lila Bangguna

Leubeh cit nyoe wahe adoe Cidah putroe Baniroi Indra Putroe Haloh Putroe Bungsu Judo teungku Malem Diwa

Cidah that nyoe hana lawan Miseue intan Baniroi Indra Bandum indah hana sakri Tamse hari ban keulua

Na tamse budiadari Cut siti asoe syeuruga Soe nyang kalon that beureuhi Miseue nuri dalam cintra

Goh meuteumeung lom suami Cut siti ate han rela Kheundak Tuhan Po lon Rabbi Neukeumeung bri keu cut banta

Roh judo Sariman Budi Ngon teukeudi Allah Ta'ala Teuduek gaba putroe siti Sariman Budi lon calitra

'oh abeh blang sampoe u gle Jiteungoh le ateueh data Ka jiek gle jitren paloh Lanja jibloh lam beuluka

Sariman Budi panyang rakan Rot beurjalan gunong raya Mita rusa han peue tanyong Jiek gunong raya-raya

Rakyat jiplueng meudilee-dilee Peuseutot asee peulet rusa 'oh ka seupot geumupioh Rakyat kiroh dalam rimba

Binatang uteuen ka jiboh droe Hana bagoe teumakot raya Teuma beungoh le nyan uroe Dum sinaroe jak mumita

Hana sapeue na meuteumee Meubulee han jieu rupa Geutham keudeh geulet rotnoe Kiam bunyoe dalam rimba

Beungoh jijak seupot jiwoe Han torn meunoe peue kareuna Umu lhee buleuen di dalam gle Han meuho le daratan donya

Grak teukeudi nibak Tuhan Gadoh daratan han meuhingga Kheundak Tuhan Rabbon 'alamin That Salihin Tuhan Esa

'oh nan kada nibak Allah Banta indah keunong bahya Teungoh-teungoh neumeuburu Ka'a-ka'u dalam rimba

Nama nanggroe Keumala Silan Mambang Aksan nan ayahda Nyankeu raja that saktian Nan lon tuan Baniroi Indra

Laman tuanku goh na suami Raja barangri hana rela Di tuanku patbu nanggroe Tuanku soe geuhei nama

Meunan narit cut nyak putroe Dalam lumpoe neumeuseunda Teuma seuot po samlakoe Jarak nanggroe lon adekda

Tanuran Syah nama nanggroe Ma lon putroe Syahi Indra Nama ayah 'Ainun Syamsi Sariman budi nama hamba

Meujan geuhei Sariman Budi Meujan geurasi Syamsi Lila Nyankeu adek nama ulon Keunoe lon com intan keumala

Putroe teukhem leumah gigoe Sangat laloe banta muda Jinoe adek bek tawoe le E boh ate nanggroe Antara

Sajan kamoe udep mate Bek jarak le sajan hamba Ampon tuanku po junjongan Han jeuet meunan po meukuta

Han jeuet tinggai sinoe laman Beungeh junjongan raja raya Kareuna laman mantong ayah Dudoe amarah 'oh lon gisa

Geupoh mate han geukeubah Akhe teulah po meukuta Idin tuanku jinoe lon woe Beu troh dudoe tuanku teuka

Meuna hajat neupula panjoe Geupeueh neupasoe lam kaso sutra Meunyoe na napsu keu tuan putroe Beu troh u nanggroe gampong Antara

Meunan jikheun cut nyak putroe Dalam lumpoe jimeuhaba Sariman deungo haba putroe Meugrak jaroe neukeumeung wa

Neukeumeung drop tuan putroe Teukeujot dudoe lalu jaga Ban teukeujot bak meulumpoe Dua blah jaroe meuraba-raba

Bak neusangka mantong putroe Kon neulumpoe bak nyum nyata Mata teupet ulee mumang Bungong keumang cit neuraba

Nyum-nyum mantong tuan putroe Gohlom jiwoe u Antara Teuma teuingat neumeulumpoe Neuleueng jaroe neulakee do'a

Ka teuseupok teuduek sidroe Ingat keu putroe sret ie mata Pat lon mita siri nanggroe Si nyak putroe indah rupa

Ie mata ro meuteutaloe Tamse bagoe ujeuen teuka Teuma leumah dalam ate Leumah pike bak neukira

Bah lon mita bu meusampe Adak matepilon rela Banta pike teuma meunan Beudoh yoh nyan pantah sigra

Wahe banta nyang bangsawan Ho beurjalan bijeh mata Ka tateubiet lam tapaan Wahe intan peue na hawa

Sariman Budi seuot pantah Lheueh neuseumah Syiah Tapa Neubet jaroe bandua blah Marit sipatah ngon eelia

Nyang troh keunoe ulon langkah Ampon di bawah laman sripada Kareuna trep that tinggai nanggroe Lon keumeung woe sikiep mata

Meunan haba banta seudang Jimeukalam ngon ulama Teuma seuot Teungku Syiah Insya Allah wahe banta

Jakkeu aneuk beu seulamat Beu jeuoh laknat jarak bahya Beu jeuoh jen jarak hantu Bintang timu jak tabungka

Idin teungku keu lon seukarang Heundak riwang bak ayahda Lon jak sawene ma ngon ayah Trep ka leupah lon lam rimba

Nibak teungku lon gade langkah Beu le seudeukah teungku raja Jamaloi Akba seuot pantah Han peue salah he bentara

Patot aneuk saweue ayah Saleh sosah 'oh tan gata 'oh tan gata saleh pakri Cut puteh di jak tagisa

Jak tagisa bungong seurunoe Keu kamoe aneuk bek lupa Meunyo aneuk gata tawoe Wasiet kamoe bek talupa

Nyoe he aneuk bak lon peunulang Keusaktian lon bri keu gata Nyoe na aneuk malakat saboh Adak gop poh han binasa

Sariman Budi sambot rijang Euncien peunulang Teungku Tapa Jamaloi Akba lom neupulang Cumboi nyang datang nibak raja

Cumboi intan keumala sakti Sariman Budi sambot sigra Banta sambot dua blah jaroe Muda samlakoe neupeumulia

Dalam cumboi rakyat meuribee Bandum sukee jeuet po lam hawa Jeuet teureubang tamse siwah Ladom ulah ban geureuda

Sariman Budi ate dasyah Le seudeukah Teungku Tapa Abeh neubri dum ijadah That meutuah Syamsi Lila

'oh lheueh idin nibak Syiah Beudoh bagah le neubungka Sariman Budi neucok langkah Tinggai Syiah dalam rimba

Troh bak padang jroh that indah Pioh payah sikutika Na sikeujap neuduek sinan Teuingat yoh nyan keu putroe muda

Teuma neubeuet ngon hekeumat Troh le siat ban nyang pinta Badan ka jeuet keu cicem subang Neupo rijang u Antara

Miyup manyang cicem teureubang Deuh jipandang seugala donya Troh lam awan cicem subang Leumah jipandang tanoh data

Leumah mideuen that seureuloe Deuh meuligoe deungon kuta Kuta meuligoe tujoh lapeh Meutindeh pancang meulila

Lapeh nyang phon batee ruham Dum pahlawan jaga jaga Lapeh dua kuta beusoe Banpeuet sagoe ureueng jaga

Lapeh nyang lhee batee akek Cit mublek-blek hu meucahya Lapeh nyang peuet kuta pirak Sit meuhalak puteh safa

Lapeh limong kuta zamrut Kawai po cut bek jeuet gop ba Lapeh keunam kuta intan Hana lawan hu meucahya

Lapeh tujoh nyan kuta meuh 'oh taeu deuh sang teumaga Dalam kuta saboh meuligoe Pucak tanggoe u antara

Cicem subang keunan peutoe Bak meuligoe jak eu rupa Nakeu jarak tujoh uroe Goh troh sampoe ubak kuta

Jen apeuret nyang peuet pioh droe Kawai putroe aneuk raja Le that macam jipeujeuet droe Baranggasoe han jeuet teuka

Seugala cicem dalam nanggroe Ka jiboh droe dalam rimba Sariman Budi cicem subang Teungoh teureubang dalam hawa

Teuduek haba po samlakoe Karangan muwoe Baniroi Indra Putroe jiduek lam meuligoe Malam uroe meusuka-suka

Bak simalam jimeulumpoe Nyum samlakoe keunan teuka Mubri saleuem mumat jaroe Marit putroe deungon banta

Lheueh meuhaba dalam lumpoe Teukeujot putroe lalu jaga Ban teuingat nyan keu lumpoe Jileueng jaroe lakee do'a

Nyum beu rijang beu troh sampoe Samlakoe nyang indah rupa Lam ate sabe teugoe-goe Hana padoe mohon pinta

Bu jipajoh hana le troe Lheueh jilumpoe Syamsi Lila Seubab rupa jroh han bagoe Galak putroe keu cut banta

Na nyum beu troh ngon siuroe Meunan bagoe bak jikira Rindu ate hana padoe Lam teugoe-goe rok-rok masa

Wate jieh jileueng jaroe Tamse bagoe ureueng gila Miseue banta yoh saboh roe Ingat keu putroe hana reuda

Meunan lakuan jinoe di putroe Meuseudang lumpoe ate ka goga Teutap sosah lam meuligoe Karangan muwoe lom keu banta

Amma bakdu nyoe lon peugah Maken cidah nibak nyang ka Maken ateueh maken mangat Maken ladat tadeungo haba

Neukalon cicem dum teureubang Meulayang-layang di antara Teuma leumah cicem beuragoe Jipeurab toe ngon cempala

Cempala kheun bak beuragoe Bah keu kamoe bek di gata Han peue salah wahe adoe Jak taseudoe uleh gata

Cempala deungo jihareutoe Peurab sidroe pantah sigra Ka jisama meulayang-layang Cicem subang po meugisa

Jipeucrok le pantah rijang Po meulinggang cicempala Rab jiteumee meunan nyum sang Banta rijang ubah rupa

Neupeujeuet droe le keu siwah Neutham bagah cicempala Cempala eu jeuet keu siwah Jipo pantah le jigisa

Bak beuragoe jijak peugah Ka jeuet keu siwah he syeedara Beuragoe deungo jikheun siwah That amarah hana tara

Nyang kon haba peue tapeugah Bek beurakah he syeedara Hana raja laen meugah Lam daerah po meukuta

Teungoh-teungoh cempala peugah Ka troh siwah keunan teuka Cempala kheun teuma pantah Jeh taeu sah pakri rupa

Bek takhcun lon nyang beurakah 'oh kupeugah han peucaya Beuragoe ka teuhah babah Jieu siwah hebat rupa

Bulee hitam mata mirah Jipo bagah dalam hawa Beuragoe tanyong teuma pantah Hobu langkah tajak gata

Peue nan nanggroe pat daerah Le that ulah lon eu rupa Peue nan gata cuba peugah Lon deungo sah lahe nyata

Teuma seuot cicem siwah Lon daerah dalam rimba Pakon.gata cabak babah Peue faidah tapareksa

Got barangho lon meulangkah Peue kiam kah nyan bandua Nyang got kaiem na faidah Yoh goh kuplah nibak muka

Beuragoe deungo laen ulah Droe jiubah laen rupa Jipeujeuet droe nyan keu unggah Jipo pantah le jigisa

Bandua drpe meunan ulah Jimeutak pantah dalam hawa Unggah dua siwah sidroe Tujoh uroe mantang padra

Nyang laen bandum bak putroe Lingka meuligoe nyan jijaga Lhee pioh lapan bak meuligoe Nyang dua droe ka na bahya

Ka jimuprang tujoh uroe Hana sidroe bantu teuka Meuadu sakti meutaloe-taloe Ban nyang jeuet droe aneuk jen dua

Apeuret utoh banta ragoe Sakti neuujoe meuganda-ganda Meunyum tiwah jen dua droe Teuma jiwoe le jigisa

Jipo pantah laju jiwoe Tinggai sidroe banta muda Jen apeuret ka leupah woe Banta sidroe tren u data

Seubab payah lumpok asoe Neupeujeuet droe miseue nyang ka Banta neupioh di bineh padang Kisah meuriwang apeuret dua

U meuligoe ka troh da'tang Jipeugah rijang bak peutua Peuet panglima lam kawan nyan Le saktian hana tara

Dalam siploh sidroe pahlawan Sikureueng rakan nyang seureuta Deungo jinoe lon seubot nan Apeuret peuet nyan nyang peurkasa

Sidroe geurasi Hantu Peuruman Sidroe geupeunan Hantu Peureuba Teuma nyang keulhee Hantu Aziman Hebat ruman tamse maga

Nyang keupeuet Hantu Pari'an Peuet droe jih nyan pahlawan raya Laen bandum di likot po nyan Tan lon boh nan he syeedara

Meuka meusoe nyang pahlawan Laeh rakan hana laba Hana faidah lon seubot nan Seubab jih nyan kon peutua

Aneuk jen dua 'oh troh keunan Bak Pari'an peugah haba Ampon tuanku po junjongan Seumbah laman po meukuta

Seulawet nyoe tuanku laman Meuteumee lawan lam antara Hana meune sidroe datang Cicem subang asai rupa

Kamoe peucrok pantah rijang 'oh mupandang keunoe teuka Phon jisurot cicem tiwah Lon peucrok bagah meugisa-gisa

'oh jikalon that meugagah Jeuet keu siwah dudoe rupa Ban lon kalon jeuet keu siwah Tanyong pantah pane gata

Jiseuot le teuma pantah Lon daerah dalam rimba Peue katanyong cabak babah Jilakee plah le di muka

Kamoe dua that amarah Tamse unggah peujeuet rupa Dua kamoe sidroe siwah That bit pantah hana ngon sa

Tujoh uroe kamoe gagah Hana tiwah po meukuta 'oh han ek le bak meureupah Teuma bagah peulheueh mintra

Meuadu sakti subhanallah Tan ube drah jeuet keu laba Bandum sakti jeuet jipeuglah That bit cidah hana ngon sa

Kamoe dua meunyum tiwah Han ek gagah bak ri rupa Apeuret dua meunan peugah That amarah peuet peutua

Jitanyong le teuma pantah Jinoe ho leupah nyan jibungka apeuret dua yoh nyan peugah Bak nyum lon sah mantong lam hawa

Peuet panglima deungo meunan Jipeujeuet badan keu geureuda Banpeuet pioh droe jipo yoh nyan Hantu Pari'an nyang that peurkasa

Hantu Peureuba Hantu Peuruman Hantu Aziman lhee seureuta 'oh sare troh dalam awan Jikalon tan siwah raja

Ka jitanyong ubak rakan Ho beurjalan nyan tamita Hantu Aziman teuma padan Deungo lon tuan lhee droe gata

Jinoe tameuen maseng daratan Peuet pasokan jak mumita Maseng jeumba tajok rakan Meunan padan bak lon kira

Siploh gata dalam awam Jeuep daratan dum tamita Teuma siploh tabeurjalan Dalam hutan rimba raya

Ladom tatren wahe rakan Padang Silan nyang jroh rupa Di lon jinoe kubeurjalan Jeuep-jeuep sulotan lon pareksa

Ube daerah Keumala Silan Bahle lon tuan jinoe pareksa 'oh meuteumeung wahe rakan Tapeureulan pantah sigra

Keuma pakat dum sinaroe Jipo jinoe maseng jeumba Rakan sikureueng panglima sidroe Jeuep-jeuep nanggroe jak mumita

Ban geureuda dum sinaroe Pahlawan peuet droe miseue naga Hantu Pari'an troh u nanggroe Jipeujeuet droe laen rupa

Tamse ensan rupa bagoe Apeuret pindoe le bicara Hantu Peuruman ngon rakan droe Jipo dudoe dalam rimba

Hantu Peureuba teuma dudoe Ngon rakan droe lam antara Jipo tajam ban seuriwoe Tamse bagoe angen raya

Hantu Aziman wahe adoe Jitren tanggoe u padang raja U Padang Silam ka troh sampoe Dum sinaroe nyan seureuta

Keunan jimita seugala nanggroe Amarah han soe peuet peutua Hantu Aziman teuma dudoe Ngon rakan droe u mideuen raja

Ban binatang jipeujeuet droe Ladom bagoe eungkong ngon kra Sarman Budi di bineh padang Leumah binatang neueu rupa

Keunan bandum jijak rijang Seubab jipandang manusia Banta neuduek sinan sidroe Eungkong peutoe jidong lingka

Jieu rupa jroh han bagoe Marit sidroe nyang peutua Lon ngon alat han di jaroe Jikheun meunoe pantah sigra

Wahe banta nyang samlakoe Peue buet sidroe taduek gata Peue na hajat taduek sinoe Tamse bagoe ureueng gila

Patbu gampong pane nanggroe Tapeugah soe nama gata Sariman Budi seuot meunoe Deungo kamoe he syeedara

Ulon rakan ureueng bumoe Nyang troh keunoe na peukara Hajat laman jak eu nanggroe Lom ngon putroe aneuk raja

Nama ulon wahe rakan Budi Sariman Syamsi Lila Di lon rakan ka meusoe nan Di gata tuan ho tahala

Lon eu tajak jroh meurumpan Peugah rakan peue tamita Teuma seuot apeuret sidroe Jikheun meunoe ubak banta

Keupeue katanyong kamoe sinaroe Nyang kawai putroe nanggroe Indra Dum ruman gata jak eu putroe Po di kamoe aneuk raja

Saleh gata nyang lam awan Adu saktian ngon rakan hamba Jinoe ho lheueh gata rakan Meuhat simpan nyawong gata

Nyoekeu kamoe aneuk jen pari Beu taturi wahe banta Beudoh jinoe tapeureugi Ubak doli raja raya

Teuma seuot Sariman Budi Tan na janji deungon raja Meunyo meunan he jen pari Jak peureugi jinoe gata

Hantu Pari'an kheun bak rakan Le saktian aneuk raja Rakan bandum jeuet teureubang Nyoeho datang dalam hawa

Yoh nyankeu phon meutunang prang Meuteumee biram ngon cuala Lam antara jimeutak-tham Uroe malam han torn reuda

Jen apeuret meunyum ugah Gop barollah jih lhee pioh sa Hantu Peureuba Hantu Peuruman Hantu Pari'an nyang peurkasa

Teuma nyang peuet Hantu Aziman Adu saktian meuganda-ganda Jihayak droe yoh masa nyan Ka troh keunan jen meulaksa

Ladom tamse ban waliman Ladom ruman ban geureuda Sepot nanggroe yoh masa nyan Jipo waliman ngon geureuda

Lila Pujangga kalon meunan Amarah yoh nyan hana tara Ban siploh droe that amarah Tamse siwah drop cempala

Tujoh malam tujoh uroe Seupot nanggroe glap-gulita Phon jimuprang ateueh nanggroe Teuma dudoe troh lam rimba

Jen apeuret ka jisurot U laot lam awan miga Rakan banta let di likot Miseue ribot jicang lanja

Rakna Kamiran Lila Peuringgi Jen neutadi neupet mata Yon nyan tiwah aneuk jen pari Seubab le sakti rakan banta

Lami antara meuadu sakti Han soe tukri that peurkasa Teuduek haba aneuk jen pari Sariman Budi lon salitra

Neupeujeuet droe miseue bambang Neuteureubang bak putroe muda Neueu kuta jroh seureuloe Banpeuet sagoe jaga jaga

Pageue lingka suda beusoe Maseng tanggoe u antara Banta ka troh bak meuligoe Neukalon putroe ateueh geuta

Dendayang ngadap dum sinaroe Lingka putroe meuseunda-seunda Sariman Budi teuma peutoe Dong bak jaroe putroe muda

Baniroi Indra leumah pandang Jieu bambang nibak ija Bulee hijo miseue kumbang Hireuen mandang sikutika

Ka jidrop le pantah rijang Bak dendayang peugah sigra Hoka gata he dendayang Taeu bambang nyoe jroh rupa

Bulee jroh that hana lawan Putroe intan ate suka Jireugam hana jipeulheueh Meunyum enseueh galak raya

Bandum dendayang keunan bak putroe Jikuak jaroe nak kalon rupa Meuseunoh kalon dum sinaroe Pakri bagoe po jroh rupa

Toh bri lon eu wahe putroe Buka jaroe sikiep mata Sariman Budi yoh masa nyan Dalam tangan putroe muda

Neubalek droe laen ruman Gadoh sinan han le rupa Tamse angen gadoh sinan Banta Sariman sakti raya

Putroe hireuen mata mandang Han le bambang neueu rupa Neucarot le dum dendayang Hoka bambang he ceulaka

Teungoh lon mat nibak jaroe Gata peutoe jak eu rupa Hana meuho gadoh keudroe Yoh nyan putroe ate lia

Saleh meujen binatang nyan Han torn meunan dilee nyang ka Dendayang seuot teuma yoh nyan Nyo bit meunan po jroh rupa

Tamse bambang jipeuruman Kadang cit nyan hantu rimba Sariman Budi na ban sidom Ka neumeusom bineh tika

Neueu putroe lang-geumilang Neupandang pat na meurupa Jeuep-jeuep binteh putroe pandang Jikalon bambang indah rupa

Hana sapat na meudieueng Putroe meugleueng han le mita Uroepi na watee 'asa Neukheun lanja bak dendayang

Bek le lale dumna gata Uroe seunja he dendayang Tapeuase dum sinaroe Malam nyoe tamupeurasan

Dendayang deungo narit putroe Jiyue sidroe jak cok geundrang Canang tambo bangsi gambang Jiba rijang pantah sigra

Ka troh keunan dum sibarang Uroe peutang le ho seunja Dendayang ba keunan idang Putroe seudang makeuen sigra

Teungoh-teungoh jisrah jaroe Samlakoe neubalek rupa Banta ka jeuet nyan keu kuceng Duek di geunireng putroe muda

Rupa indah hana bandeng Badan kureng ban meutia Mata puteh miseue gadeng Putroe leunteng kalon rupa

Neueu rot wie teuduek kuceng Hana bandeng cidah raya Deungon jaroe neukeumeung mat Kuceng lumpat na sideupa

Putroe teuma peucrok leugat Troh u rambat neulet lanja Teuduek idang han le neumat Neukheun leugat meunoe haba

Suroh laman gata waki Keu lon geubri putroe muda Meunan takheun jak peureugi Putroe siti yue boh gaca

Yue boh gaca jaroe gaki Bek trep lawi lon di lua Nama ulon beu taturi Sariman Budi Syamsi Lila

That hinaan hana sakri Putroe siti lon jak mita Apeuret deungo narit meunan Amarah yoh nyan hana tara

Teuma seuot Hantu Aziman Jikheun yoh nyan ubak banta Pakri takheun narit meunan Gata ruman ban meurua

'oh lheueh jikheun narit meunan Jipeujeuet badan keu geureuda Jipo lanja le u manyang Meulayang-layang ateueh banta

Sariman Budi kalon meunan Teupok tangan le nibak pha Nibak pha wie neuteupok tangan Teubiet sinan alat seunjata

Teubiet peudeung teuma sinan Alam Kariman geurasi nama Geureuda sujud yoh masa nyan Banta Sariman peudeung neuhila

Neutak sidroe yoh masa nyan Putoh meukhan ka jeuet dua Sidroe mate teuma yoh nyan Hantu Aziman marah raya

Ubak rakan jikheun rijang Jak teureubang jinoe sigra Tajak bri thee ka jeuet muprang Di teungoh padang mideuen raja

Bandum keunoe yue teureubang Jak beu rijang jinoe gata Ban jideungo suroh meunan Jipo yoh nyan pantah sigra

Phon-phon jipo bak Pari'an Dudoe nibak nyan bak Peureuba Hantu Peureuba Hantu Pari'an Jimita yoh nyan nyang lam hawa

Jimita Hantu Peuruman Bak Aziman jipo lanja Banlhee pioh droe jipo keunan Banta Sariman kalon rupa

Tamse reudok teuka meunan Sang waliman ladom rupa Ka jisujud meulayang-layang Banta seudang hana lia

Nibak teudong hana leukang Beuthat guransang nyan geureuda Ri nyang peurab keunan datang Bandum neucang sigra-sigra

Na limong droe nyang ka mate Tinggai bangke di mideuen raja Ban ie laot darah ile Geureuda mate lam blang raya

Hantu Peuruman that amarah Jikalon tiwah dum lasyeuka Bak Pari'an jikheun, pantah Pakri ilah he syeedara

Sang geutanyoe meunyum tiwah That bit pantah sidroe banta 'oh lheueh,jikheun nyan sipatah Droe jiubah tamse naga

Ubak banta jijak pantah Ngon ie babah miseue sua Hu sang apui meujeureulah Lam babah teubiet u lua

Sariman Budi meunyum tiwah Seubab gagah peuet panglima Bantah kalon laeh ulah Neugrop pantah siploh deupa

Cumboi sakti le neupeuhah That amarah hana tara Keumala intan cumboi indah Sinan kafilah dum lasyeuka

Teubiet rakan that barollah Watee teuhah lahe nyata Nam ribee rakyat teubiet pantah Peuek seumbah sigra-sigra

Ampon tuanku jikheun pantah Peue faidah kamoe teuka Pane raja nyang that meugah Nyang bantah narit meukuta

Nyang han pateh ban peurintah Tunku peugah jinoe sigra Mangat kamoe lanja gagah Neueu kuplah nibak muka

Sariman Budi teuma peugah Ban nyang titah asai mula Lon he rakan ka troh lam prang Ka jisagang teungoh bungka

Jen apeuret dum teureubang Ban binatang jipeurupa Rakyat nam ribee deungo meunan Amarah yoh nyan dum peutua

Lam nam ribee siploh pahlawan Le saktian hana ngon sa Pahlawan siploh lon peugah nan Rakna Kariman nyang phon mula

Lila Pujangga dua ngon nyan Hebat ruman miseue naga Teuma nyang lhee Lila Peuringgi Keupeuet geurasi Rakna Sila

Nyang keulimong Mambang Pari Keunam Syah Ali Pari Sigeumpa Keutujoh Hamidan Rakna Syamsi Keulapan geurasi Arnat Jalila

Jamaloi Alam Peurbadinan Laeh nibak nyan han lon kira Nyang pahlawan ngon beurani Lom ngon sakti that meuganda

'oh lheueh suroh Sariman Budi Lila Peuringgi hu ngon mata Jikheun ubak Rakna Syamsi Jeh jen pari lam antara

Meunan jikheun ubak rakan Syahi Hamidan amarah raya Bannam ribee po lam awan Seureuta sajan nyang peutua

Jen apeuret ka eu angkatan Po lam awan miseue nyang ka Sariman Budi le saktian Bandum rakan tamse naga

He dendayang kajak keunoe U seuramoe katren sigra Lon eu kuceng rupa jroh that Tadrop leugat keunoe taba

Han tom lon eu he dendayang Tamse bintang aneuk mata Dendayang deungo narit putroe U seuramoe jitren sigra

Jilet keudeh jiplueng keunoe Di seuramoe kiam-subra Kameuhayak ngon meuligoe Tuan putroe marit sigra

Kacok kayee kaman keunoe Binatang nyoe pantah raya Bahle tapoh nibak gaki Mubek mate ngon ceulaka

Banta deungo narit putroe Seuot meunoe pantah sigra Wahe putroe nyang juhari Pakon deungki akai gata

Lon tameung poh nibak gaki Peue lon curi di rumoh gata Peue na lon cok ngon lon pajoh Nyang jeuet kiroh talet hamba

Peue na lon cue atra neutroh Lon taparoh kiam raya Ban putroe deungo kuceng meusu Neukheun laju meunoe haba

Jeuet lon peucrok ulon teungku Ate rindu nyan keu gata Peutoe ulon kaman keunoe Duek ngon kamoe sapat dua

Mubri umpeuen nyang mangat-mangat Tundok khedeumat lon ngon gata Peue nyang napsu mangat-mangat Peue nyang hajat ulon mita

Kuceng seuot teuma meunoe Ampon kamoe putroe muda Kareuna ulon wahe putroe Ayeuem jaroe po cut banta

Lon nyoe ayeuem banta sidroe Nyang samlakoe indah rupa Meuhat neupoh watee lon woe He cut putroe lon binasa

Meunyo galak nyan keu kamoe Tatueng keu lakoe po cut banta Tameukawen ngon po kamoe Lon he putroe hukom gata

Meukon meunan bek taharok Han jeuet tacok lon le gata Meutadrop lon nyan di sinoe Ngon uroe nyoe troh geuteuka

Ban putroe deungo narit meunan Neukheun yoh nyan pantah sigra Wahe ulon nyang that indah Soe nan po kah pane raja

Peue nan gampong deungon nanggroe Namageu soe nyang po gata Soe po aneuk peue nan kawom Kadang mufom nibak hamba

Kuceng seuot teuma pantah Ka jipeugah dum peukara Gata tanyong wahe putroe Lon hareutoe nyan bak gata

Nyang po ulon he putroe ti Sariman Budi Syamsi Lila Aneuk Raja 'Ainun Syamsi That le sakti ateueh donya

Lagi meugah lom beurani That juhari deungon rupa Ban putroe deungo kuceng peugah Neukheun pantah meunoe haba

Meunyo ulon Sariman Budi Ka lon turi lam rahsia Dalam lumpoe dilee leumah Nyo bit indah lon eu rupa

Patbu jinoe he meutuah Kayue langkah keunoe sigra Meunyo Banta Sariman Budi Ka lheueh janji lam rahsia

Deungo ulon kupeugah kri That beureuhi lon keu banta Pakon han troh geupeureugi Malam hari lon mupinta

Geunap malam lon leueng paleuet Do'a lon beuet han torn reuda Jinoe he ulon bek kawoe le Udep mate sajan hamba

'oh troh banta keunoe sampe Bak lon mise bungong jeumpa Lam seulanggoi lon boh sabe Han lon bri ere meusideupa

That bit rindu lon lam ate Sang jinoe le beu troh teuka Kuceng deungo narit putroe Jibet jaroe le bandua

Ampon po cut bungong geutoe Han le lon woe ubak banta Jipeurab le keunan ka toe Com di jaroe putroe muda

Putroe cok le teuma rijang Ka neutimang com bak muka Ka neucom-com bak-bak gaki Putroe siti galak raya

Hana jithee Sariman Budi Keunong taki putroe muda That jigaseh hana sakri Putroe ti ate sang gila

Seubab banta le that sakti That juhari indah rupa Putroe pike teuma nyoe ban Saleh pajan ek troh banta

Salang kuceng rupa nyoe ban Tamse intan aneuk mata Hana nyang sa dalam awan Jeuep sulotan bandum rata

Adak meugah le angkatan Han ek saban ngon nyoe rupa Salang kuceng dumnoe cidah That lom indah po areuta

Putroe yoh nyan ate sosah Mita ilah ngon bicara 'oh troh banta pat lon keubah Nak bek meugah bak ayahda

'oh teuingat keu Sariman Kuceng yoh nyan le jiwa-wa Leupah nibak teungoh malam Bandum diam han le haba

Tuan putroe mata reukam Yue leueng tilam pantah sigra Jileueng tika Ihom keuleumbu Neulop laju le bandua

Deungon kuceng peueh sajan Putroe intan galak raya Hana siat neubri jarak Ho nyang neujak sajan neuba

Watee jieh ka jibalot Jipeulimot sapat dua Teungeut putroe teuma yoh nyan Banta Sariman mantong jaga

'oh got teungeut tuan putroe Neubalek droe banta muda Tamse ensan rupa muwoe Eh ngon putroe sinan dua

Teutap teungeut sajan putroe Beungoh uroe hana jaga Tujoh malam tujoh uroe Bandua droe gohlom jaga

Teuma geunap lapan uroe Jaga Putroe Baniroi Indra 'oh ban jaga tuan putroe Mata laloe ateueh banta

Jieu rupa jroh han bagoe Keumeung peugoe malee mata Putroe pike teuduek keudroe Saleh nyo nyoe banta muda

Nyoekeu banta nyang lon lumpoe Yoh saboh roe dalam rimba Sariman Budi geurasi nan Hana lawan indah rupa

Ban jipeugah uleh kuceng Bak lon bandeng nyoekeu banla Meunan leumah dalam ate Hana lahe nyan u lua

Putroe rindu hana mise Mita pike ngon bicara Teuma leumah meunoe syawe Seubab ateji that suka

Allah Tuhan Rabbon Kade Putroe mise ureueng dahga Miseue manok kalon pade Galak ate hana tara

Putroe cut meunan tamse Galak ate jieu banta Rupa indah hana sabe Miseue kande tujoh mata

Tamse buleuen di ateueh gle Muble-ble jikalon cahya Na nyum rasa siat bek ere Lam ate putroe jroh rupa

Ro ie mata yoh nyan ile Putroe tamse bungong mala Keumeung peugoe ceudieng pade Takot mate ngon ayahda

Meuhat geupoh ulon mate Pakri pike ngon kudaya Teungoh putroe sosah ate Teukeujot le Syamsi Lila

Putroe kalon banta beudoh Cut putroe jroh le seumapa Jisujud laju ubak gaki Sariman Budi peumulia

Sira meusah jikheun meunoe Ampon kamoe po meukuta Pajan tuanku neujak keunoe Adekteu nyoe ate luka

Padum lawet lheueh lon lumpoe Bak uroe nyoe lon eu rupa Banta seuot teuma meunoe Adoe kamoe ureueng hina

Kareuna lon ureueng bumoe Reusam sinoe tan lon cuba Ayah gata le that sakti Han lon tukri pubicara

Sambe nyawong lon peureugi Seubab beureuhi lon keu gata Meunan haba Sariman Budi Seuot siti Baniroi Indra

Ampon tuanku meukuta doli Na peue lon sudi sikrak haba Patbu gampong tuanku droe Peue nan nanggroe po meukuta

Soe nan ayah deungon ibu Peuebu napsu keunoe teuka Neuboh gampong deungon nanggroe Tuanku soe geuhei nama

Cuba peugah teungku ampon Nibak ulon hamba sahya Sariman Budi seuot meunoe Deungo kamoe po cut raja

Pakon putroe lon tasidek Gata adek han bicara Meukon aneuk raja meugah Ek troh langkah ubak gata

Ka tatanyong he cut indah Deungo lon peugah putroe muda Nama nanggroe Tanuran Syah Nyan daerah lon adekda

Nama ibu Indra Syahi 'Ainum Syamsi nyang ayahda Lon nyoe geuhei Sariman Budi Beu taturi adek raja

Dilee ka lheueh tameujanju Cut putroe ti dalam rahsia Nyankeu nyang jeuet lon peureugi Jinoe tabri nyang lon pinta

Lon boh nanggroe ma ngon ayah Putroe indah lon jak mita Putroe seuot teuma pantah Deungo lon peugah po meukuta

Meunyo meunan tuanku droe Got neupeutoe bak ayahda Kareuna lon mantong ayah Patot neulangkah he meukuta

Meukon meunan tuanku droe Akhe dudoe malee mata Ulon mate tuanku mate Han meusampe po meukuta

Meunan bak lon nyang got pike Jinoe neujak le pantah sigra Sariman Budi deungo meunan Neukheun nyoe ban meunoe haba

He putroe cut bungong geutoe Han lon tusoe ayah gata Lon turi tan lon tupat har. Pakri laman tayue teuka

Soebu nama ayahteu putroe Peugah adoe lon deungo nyata Lom he adek kheun bak kamoe Gata Jinoe soebu nama

Baniroi Indra seuot meunoe Deungo kamoe he meukuta Nama ayah tuanku droe Lon hareutoe he kakanda

Raja sakti hana lawan Mambang Aksan geurasi nama Baniroi Indra nama lon tuan Mambang Aksan nan ayahda

Han ek tuanku nyan neulawan Le that sulotan nyang peurkasa Dumna raja lam nanggroe nyoe Taklok keunoe bak ayahda

Sariman Budi deungo meunan Neukheun nyoe ban sikrak haba Wahe putroe nyang sambinoe Deungo kamoe po cut raja

Meunyo meunan wahe adoe Tajak sidroe jinoe gata Tajak peugah ulon sinoe Ngon siuroe nyoe sigra-sigra

Meukeu idin wahe putroe Beu troh tawoe teuma gata Meuhan idin tayue jak prang Jinoe rijang Jak peuhaba

Meunyo tayue lon he putroe Idin lon woe nibak gata Lon jak di gampong lon sambe nyawong Lon jak bloe bungong keunoe bak gata

Meunyo han tabri bungong ulon bloe Bahle lon jak woe wahe adekda Kon he adek jak eu ayah Peue tapeugah nyang kon haba

Putroe seuot teuma pantah Jaroe dua blah ateueh jeumala Ampon tuanku meuribee katoe Got neupeutoe bak ayahda

Bek jeuet sosah uroe dudoe Tuanku droe jeuet binasa Meutan idin ma ngon ayah Bak lon sosah he meukuta

Meunan jikheun putroe indah Seuot pantah Syamsi Lila Meunyo meunan he nyak putroe Idin ion woe po jroh rupa

Tabri lon mat ujong jaroe Lon kujak woe meu'ah deesya Meunyo sosah gata adoe Ulon sidroe han mulia

Tan lon turi laen barangsoe Gata adoe nyang lon cinta Seubab janji dalam lumpoe Ulon sidroe tayue teuka

Jinoe adek tan ban janji Idin tabri nak lon gisa 'oh lheueh neukheun narit meunan Banta Sariman beudoh sigra

Neubeudoh le ka neugrak droe Neukeumeung woe pura-pura Putroe kalon laen bagoe Nibak jaroe jimat banta

Seubab jieu ka geubeudoh Laju tijoh ngon ie mata Sira jimat jikheun leugat Pioh siat he meukuta

Adak neuwoe bungong keumbee Neuduek dilee sikiep mata Banta kheun lom teuma nyoe ban He cut intan bek meuseunda

Keupeue tamat lon he putroe Lon keumeung woe bak ayahda Nyang jeuet lon mat tuanku ampon Na peue ulon peugah haba

Neuduek dilee nyan meusiat Na peue pakat he kakanda Teuma neuduek lom samlakoe Si nyak putroe ate suka

Dalam leumueng jisumpom droe Cut putroe Baniroi Indra Jieh laju dalam leumueng Neukoh reukueng lon meukuta

'oh lheueh neupoh ulon sidroe Adak neuwoe han soe sangga Meukon meunan tuanku droe Han jeuet neuwoe po meukuta

Meusitapak han lon bri ere Meugoh mate lon he raja Pakon rijang neukeumeung woe Ie siseun troe goh neurasa

Ka han neujak ubak ayah Lon pabanbah adak deesya Ban nyang hajat tuanku droe Bak lon sidroe hana dawa

Darah gapah milek Tuhan Nyang badan hukom meukuta Jinoe lon bri gaki jaroe Got mupaloe ulon rela

Meunyo tuanku neukeumeung woe Ulon sidroe sajan neuba Ka han ek troh nyan u nanggroe Neupubloe neutueng hareuga

Bahle neubri keu barangsoe Ulon sidroe hukom gata Meunan jikheun si nyak putroe Samlakoe seuot le sigra

Kru seumangat bungong rambot Hana patot narit gata Lon that hina wahe putroe Gata sidroe aneuk raja

Pakri takheun narit meunan He intan putroe jroh rupa Nyang troh adoe lon jak keunoe Hajat kamoe cit keu gata

Kon ho laen nyang ulon jak Bungong meurak nyang lon pinta Jinoe pakri putroe rancak Lon tayue jak bak du gata

Meunyo lon cok nyan ngon mangat Han lon minat ayah gata Meunan putroe bak lon jinoe Pakri adoe nibak gata

Meunyo suka gata adoe Baranggasoe han lon taba Beu that meugah ngon beurani Bah le sakti deungon mintra

Ulon lawan baranggari Han lon turi beuthat raja Meunan neukheun Sariman Budi Seuot siti Baniroi Indra

Ampon tuanku meuribee katoe Bak lon sidroe ban nyang suka Ho nyang hajat lon neupuwoe Got u nanggroe bak meukuta

Kri nyang hajat tuanku droe Ulon sidroe ate suka Sajan tuanku seutot langkah Tinggai ayah han le kira

Beuthat gadoh ayah ngon ibu Meuna tuanku sajan hamba Meunan jikheun si nyak putroe Seuot meunoe teuma banta

Kru seumangat wahe adoe Bak lon sidroe hana dawa Lon boh gampong deungon nanggroe Hajat adoe cit keu gata

Abeh haba raja ngon putroe Bandua droe ate suka Meukhem meukhak hana padoe Lam meuligoe meusuka-suka

Bandua droe rupa cidah Han peue peugah he syeedara Banta tamse matauroe Si nyak putroe bintang kala

Padum lawet sajan putroe Neulakee woe banta muda Idin adoe keu lon jinoe Lon keumeung woe bak ayahda

Putroe kheun le meunyo neuwoe Neuba kamoe he meukuta Han jeuet tajak gata adoe Soh meuligoe deungon kuta

Meunyo meunan tuanku droe Bek neuwoe u tanoh donya Meunan sabe meutulak deungki Meunang siti talo banta

Meujan banta neupura woe Tuan putroe mat bak uja Teuduek haba banta ngon potroe Karangan muwoe keu poteu raja

III. PRANG LAWAN JEN

Amma bakdu dudoe nibak nyan Mambang Aksan lon calitra Teungoh neuduek di bale keumang Uleebalang ngadap lingka

Laen pahlawan deungon sulotan Mambang Aksan raja raya Ube na nanggroe dalam awan Dumna sulotan keunan teuka

Neumarit deungon pahlawan Neukheun nyoe ban bak peutua Peue nan musem nyan buleuen nyoe Han torn meunoe dilee nyang ka

Reudok mantong ujeuen cit tan Taeu awan miseue baja Matauroe han tom leumah Langet siblah glap-gulita

Teungoh-teungoh marit sulotan Sret pahlawan di mideuen raja Hantu Pari'an sidroe mate Keunong sakti Lila Pujangga

Teuma nyang lhee teungoh surot Di laot meugisa-gisa Dumna rakyat di bale keumang Leumah jipandang mideuen raja

Jieu apeuret sret di manyang Deuh meulayang jikalon rupa Ubak raja ka jipeugah Jaroe dua blah di jeumala

Ampon tuanku di bawah gaki Sang jen pari sret lam hawa Raja deungo haba meunan Neuyue yoh nyan jak peunyata

Beudoh sidroe uleebalang U teungoh blang jijak lanja Ban sare troh keunan datang Jicok 'rijang me bak raja

Asoe hanco miseue anoe Jiba jinoe ubak raja Raja kalon yoh masa nyan Amarah ban gajah meunta

Muka mirah bibi hijo Neumeututo bak peutua Bak pahlawan neukheun meunoe Si nyak putroe ka binasa

Hoka bujang deungon meuntroe Geusyik sagoe ngon peutua Ho pahlawan uleebalang Beudoh rijang pantah sigra

Takrah rakyat dum lam nanggroe Bandum keunoe tayue teuka Saleh pane raja datang Jeuet teureubang lam antara

Ka jitamong ubak putroe Jipoh sidroe nyoe panglima Jen apeuret kawai putroe Banpeuet pioh droe nyum ka fana

That meugah deungon le sakti Jen pari ka jitueng nyawa Meunan sabda raja nanggroe Peurdana meuntroe jijak lanja

Bujang rnudek jak keumeurah Jeuep daerah jiseuranta Teuduek haba bujang mudek Raja neuek pantah sigra

Troh u rumoh bak teumpat droe Neutren dudoe pantah lanja Bak pahlawan neuhareutoe Beudoh jinoe dumna gata

Lon keumeung jab bak cut putroe Lon jak eu soe dalam kuta Pane raja nyang that meugah Pat daerah asai mula

Hana patot jimeulangkah Bak cut indah aneuk hamba Meunan sabda raja meugah That amarah hana tara

Rakyat sinan that barollah Cidah pantah seutot raja Uleebalang ngon pahlawan Nyang sulotan han ek kira

Raja teubiet le u padang Bak cut bintang lam istana Baniroe Indra lam meuligoe Ngon samlakoe banta muda

Dawok laloe bak meuayang Raja datang tan jikira Tan jikalon nyan u padang Tamse jeundrang rakyat teuka

Sulotan pioh di teungoh mideuen Leumah mubayeuen blah utara Neueu hitam miseue ujeuen Teuma neukheun bak peutua

He panglima tadeungo lon kheun Taeu ujeuen miseue baja Teuma jieu uleh meuntroe Laen bagoe po meukuta

Nyum tuanku bukon ujeuen Tamse ureueng meunan rupa Tamse tuanku rakyat muprang Bak lon pandang meunan nyata

Neukheun lom bak uleebalang Cuba pandang dumna gata Dumna rakyat dalam padang Ka jipandang lam awan miga

Han jan siat lheueh nibak nyan Ka troh keunan lhee panglima Hantu Aziman Hantu Peuruman Ka troh keunan Hantu Peureuba

Laen rakyat muploh ribee Panglima lhee tren bak raja Keunan jitren laju meuhee Muploh ribee ngon lasyeuka

Rakyat banta let di likot Tamse ribot pantah lanja Rakan banta mantong di manyang Troh u padang rakyat raja

Mambang Aksan yoh masa nyan Bak Aziman neupareksa Soebu peucrok he Aziman Pakon meunan lon eu gata

Hantu Peureuba seuot pantah Ka jipeugah ubak raja Awai akhe jihareutoe Tahe laloe poteu raja

Ban neudeungo jipeugah proe Teupok jaroe le nibak pha Rakyat pari keunan jiwoe Dum sinaroe ngon peutua

Lhee pangüma ka lam jaroe Raja nanggroe sakti raya Nyankeu ayah cut nyak putroe That geupujoe jeuep-jeuep raja

Tinggai sinan deungon rakyat droe Dum sinaroe di mideuen raja Neujak laju u meuligoe Bak putroe Baniroi Indra

Baniroi Indra lam meuligoe Dendayang sidroe jak u lua Jieu rakyat muploh katoe Plueng bak putroe ka jigisa

Jiek laju u meuligoe Jibet jaroe di jeumala Ampon po cut bungong geutoe Raja nanggroe nyoeho teuka

Deungon rakyat seupot nanggroe Dum sinaroe alat rata Bajee zireh keutupong beusoe Peudeung di jaroe sideupa-deupa

Rakyat jijak got meurumpan Dum pahlawan sama-sama Deungon alam puteh hitam Meukibaran panca wareuna

Bak nyum patot laen nanggroe Han torn puroe dilee nyang ka Ban putroe deungo kheun dendayang Tingkap rijang le jibuka

Jikalon le u teungoh padang Putroe seudang sret ie mata Na Nyum nyawongji ka hilang 'oh jipandang teuka raja

Teuma jikheun bak samlakoe Sira jimoe sret ie mata Deungon jaroe jibet meulayang Putroe seudang ate lia

Ampon tuanku pakri reumbang Ayah datang keunoe teuka Meunyo tuanku neulawan prang Cut abang pakri ban suka

Sariman Budi seuot rijang He cut bintang bek that rugha Pakon adeh sosah ate Lon goh mate sajan gata

Bek teumakot bungong pade Udep mate ulon rela Meugoh mate ulon sidroe Gata adoe han binasa

Pioh putroe dilee siat Ulon sahbat hei lasyeuka Lon meung pangge keunoe rakyat Ulon siat jak u lua

Meunyo meunan tuanku droe Neuba kamoe po meukuta Putroe jimat nibak keuieng Meuglum bak mieng kong that jiwa

Putroe jimoe ka jibae Meutajo meuhila-hila Bek neukeubah lam meuligoe Tuanku droe sajan neuba

Meukon meunan han lon bri ere Adak mate sapat dua Banta Sariman deungo kheun putroe Neuprok jaroe pantah sigra

Teubiet asap teuma dudoe Lam meuligoe glap-gulita Gadoh asap teuma dudoe Jen dua droe lahe nyata

Dua pahlawan teudong sinan Jibet tangan ateueh banta Jiseumbah putroe ngon Sariman Marit yoh nyan le bandua

Ampon tuanku meuribee katoe Neupangge kamoe peue na bahya Sariman Budi seuot meunoe Deungo kamoe he syeedara

Lon ka langsong roh buet salah Putroe indah nyang lon hawa Tan lon lakee jih bak ayah Ka roh langkah keunoe lon teuka

Jinoe ka beungeh ayah putroe Geuprang kamoe jeh di lua Deungon rakyat muploh katoe Bak jaroe alat seunjata

Jinoe rakan gaseh sayang Talawan prang raja raya Pahlawan deungo narit meunan Jikheun yoh nyan meunoe haba

Peue cit sosah po junjongan Meunyo buet nyan po meukuta Meunyo buet prang neucok putroe Baranggasoe bek tataba

Di gop laen nyo bit sosah Buet ube drah geukheun raya Idin jinoe kaman bagah Kamoe langkah jak tham raja

Meunan haba Zaibon Amarah Muka mirah ban keusumba Nyang adoe nyan Zainan Akasah Nyanpi juah tamse naga

Bandua droe that amarah Tamse gajah teungoh meunta Meukeucap-keucap deungon baba 'oh jideungo gah prang nyang ray;

Sariman marit teuma pantah Deungo lon peugah sikrak haba Jak leh tatueng dilee rakyat Tapeusapat sajan gata

Lasyeuka mantong dalam awan Taba sajan deungon gata Rakyat nibak keumala intan Siploh pahlawan dalam hawa

Teungoh muprang ngon jen pari Meuadu sakti lam antara Saleh talo saleh meunang Gohlom riwang ubak hamba

'oh meuteumeung dum sinaroe Tatren dudoe u mideuen raja Ban jideungo kheun samlakoe Bandua droe jipo lanja

Ban jiteubiet dalam meuligoe Jipeujeuet droe keu geureuda Na sikhan rot jiteureubang Leumah jipandang dum lasyeuka

Teungoh jitren dum u padang Meulayang-layang lam antara Zainan Akasah peurab rijang Ka troh datang bak lasyeuka

Ka jitanyong teuma pantah Peue daerah nyan lasyeuka Soe po tantra cuba peugah Lon deungo sah he syeedara

Meunyo rakyat Banta Sariman Pioh sinan sikutika Ulon suroh tuanku droe Bandua droe yue tueng gara

Lila Peuringgi seuot pantah Insya Allah he peutua Nyo tantra nyoe banta indah Peurab bagah peue na sabda

Kamoe milek po samlakoe Dum sinaroe hukom banta Panglima deungo jukheun meunan Peurab yoh nyan pantah sigra

'oh troh keunan mumat jaroe Marit meunoe pahlawan dua Deungo kamoe dum sinaroe Tatren jinoe u mideuen raja

Deelat tuanku lam meuligoe Deungon putroe indah rupa Di teungoh mideuen raja nanggroe Jak cok putroe nibak banta

Kamoe pahlawan lam paleuet jaroe Neuyue kamoe jak tueng gata Panglima siploh deungo meunan Jitren yoh nyan u mideuen raja

Bannanj ribee sigo sujud Meuhuet-huet sang bade raya Raja di mideuen ka neusurot U likot rab bineh kuta

Seubab neueu le that rakyat Keunan leugat bandum teuka Keunan jitren dum sinaroe Rab meuligoe putroe muda

Rakyat kawai kuta putroe Dum sinaroe ka jiguda Ka jiplueng bak raja nanggroe Jak peugah proe rakyat teuka

Troh bak raja jibet jaroe Ampon kamoe po meukuta Hana meune rakyat datang Dalam awan keunoe teuka

Saleh musoh saleh sahbat Hana}dapat jeuet pareksa Lon eu rupa hebat-hebat .Bandum alat jimat rata

Seuot rijang raja nanggroe Ka lon tusoe he peutua Han peue peugah le bak kamoe Si nyak putroe ka binasa

Teubiet jinoe laju muprang Jak cok pulang putroe muda Ho pahlawan uleebalang Teubiet rijang jinoe ngaza

Jakleh teubiet dum sibarang Talawan prang ureueng teuka Ban jideungo sabda meunan Amarah yoh nyan dumna raja

Jipeh tambo deungon geundrang U padang teubiet lasyeuka Jime alam ngon pupanji Dong meuriti di mideuen raja

Deumpek surak meualon-alon Miseue riyeuek tron di mieng kuala Rotnoe surak rotdeh deumpek Laju jiek nyang raja raja

'oh sare troh keunan ka rab Jimeukap limpeuen ngon kala Tamse reudok teuka ujeuen Di mideuen rakyat meulaksa

Meuron keudeh meuron keunoe Meugumoe-gumoe meugisa-gisa Nyang rot raja le that mate Meugule bangke di mideuen raja

Dua pahlawan Sariman Budi That beurani hana ngon sa Jimeucang tamse ban keudidi Han soe tukri pantah raya

Zainan Akasah Zaibon Amarah Nyang that pantah he syeedara Lila Pujangga Lila Peuringgi Jiadu sakti meuganda-ganda

Rakna Sila ngon Mambang Pari Musoh neutadi mate meulaksa Jamaloi Alam Peurbadinan U teungoh kawan meulila-lila

Hamdan Rakna deungon Syah Ali Na ban bubiri neulet lasyeuka

A.mat Jalali saboh pasokan Rakyat teureuban troh meulaksa

Nyang pahlawan raja samlakoe Dua blah droe that peurkasa Tantra raja yoh nyan tiwah Jiplueng pantah dum jiguda

Nyang na tinggai dua lhee droe Jiplueng jiwoe ubak raja Raja kalon rakyat riwang Neukheun rijang pantah sigra

Pakon kaplueng han kameucanj Di padang ngon ureueng teuka Seuot sidroe uleebalang Jaroe meulayang ateueh jeumal

Ampon tuanku meuribee katoe Dua blah droe pahlawan raja Jimeucang tamse seuriwoe Nyang dua droe that peurkasa

Mata miseue uleue biram Han soe pandang bak ri rupa Dumna raja uleebalang Abeh jicang di mideuen raja

Raja deungo narit meunan Amarah yoh nyan hu ngon mat Jiek bisa tamse biram Neukheun rijang bak peutua

Bahle kamoe teubiet muprang Yue peh geundrang pantah sigr; Jaweueh sidroe uleebalang Meulayang jaroe bandua

Ampon tuanku sialam deelat Pioh siat po meukuta Tuanku neuduek nibak teumpa Prang nyoe meuhat teuntee ray

Han peue tuanku neujak keudroe Rakyat nanggroe gohlom teuka Bah tapioh bak malam nyoe Singoh uroe prang lon puga

Di tuanku neuduek sidroe Bahle kamoe u mideuen raja Meunan haba uleebalang Tan le girang poteu raja

Singoh jadeh prang raya that 'oh troh rakyat tuha muda Teuduek haba raja nanggroe Karangan muwoe keu cut banta

Panglima dua blah yoh nyan jiwoe Bak samlakoe dalam kuta Sariman Budi lam meuligoe Deungon putroe Baniroi Indra

Di gop lale teungoh muprang Putroe seudang khem ngon banta Teungoh lale bak meuayang Sidumnan prang han jikira

Rakyat ka troh lam meuligoe Samlakoe neutanyong sigra Neutanyong le pantah rijang Soe ato prang he syeedara

Lon eu bandum ka tariwang Peugah rijang lon deungo nyata Zainan Akasah seuot rijang Lheueh meunang prang kamoe gisa

Tantra raja dum ka jiwoe Teuma kamoepi meugisa Abeh jiplueng rakyat nanggroe Dum sinaroe lop lam kuta

Syamsi Lila deungo meunan Jitanyong yoh nyan bak panglima Di geutanyoe dumna mate Nyang ka han le sajan gata

Panglima seuot teuma meunoe Lhee reutoh droe na binasa Cit lhee reutoh nyang ka han le Nyang ka mate di mideuen raja

Sariman Budi deungo meunan Jak cok kaman keunoe sigra Banlhee reutoh puwoe keunoe Lon pasoe dalam keumala

Rakyat deungo sabda meuntroe Dum sinaroe keunan jiba Jipeuduek di leuen meuligoe Troh samlakoe pantah sigra

Cumboi sakti keumala intan Rakyat nyang ka tan neupasoe lanja Troh u dalam bandum udep That 'ajaeb sakti banta

'oh neupeuhah jiteubiet le Nyang ka mate udep sigra Baniroi Indra kalon meunan Hireuen yoh nyan putroe muda

Seubab neueu sakti Sariman Hana nyang meunan ube na raja Ube na raja lam nanggroe nyoe Hana meunoe tamse banta

Meunan pike tuan putroe Lam ate droe tan u lua Teuma neuek po samlakoe Ubak putroe indah rupa

Lingka kuta rakyat sinaroe Jikawai putroe deungon banta Teurna seupot le ngon uroe Teutap 'oh noe haba banta

Meuriwang keu raja nanggroe Beungoh uroe bandum jaga Rakyat jitren jeuep-jeuep nanggroe 'oh lheueh meuntroe jak seuranta

Ube taklok bak sulotan Bandum keunan abeh teuka Na cit mantong nyah goh datang Raja Adrang ngon Raja Indra

Raja Milon ngon Raja Batak Gohlom jijak ubak raja Nyang laen bandum ka datang Peunoh padang mideuen raja

Raja pahlawan uleebalang Meuntroe bujang ngon bentara 'oh abeh troh bandum rakyat Teuma jideelat raja raya

Sireutoh sulotan peuek seumbah Bak khaiifah raja alarn Ampon tuanku syahi alam Nyang ek geunggam langet donya

Rakyat abeh jeuep-jeuep makam Syahi alam peue na sabda Sabda raja teuma nyoe ban Deungo lon tuan dumna gata

Lon he raja ka jitawan Putroe intan ka gop hila Baniroi Indra aneuk kamoe Jeh pat jinoe di mideuen raja

Ka jireubot lam meuligoe Teuka sidroe aneuk raja Ngon le sakti hana bagoe Dua blah droe pahlawan raya

Meukon gaseh gata sahbat Lon nyoe meuhat hilang nyawa Nibak jeuheut malee adat Got teu leugat hilang nyawa

Meunan sabda bak halarat Arnarah that dumna raja Jiteubiet le teuma leugat Deungon rakyat muploh laksa

Meusu tambo deungon geundrang Alamat prang raja raja Tarek alam peunoh padang Tamse jeundrang nyan lasyeuka

Raja sireutoh nyoe lon peugah Nyang meugah deungon peurkasa Na dua pioh nyang that meugah Lom ngon cidah sakti raya

Rupa cidah ngon le sakti Beurani hana saboh sa 'oh jimeucang ban keudidi Tan jap gaki ateuet data

Lon seubot nan dua pioh droe Mangat meusoe nama raja Sidroe raja di nanggroe Iram Nyan sulotan nyang peurkasa

Sulotan Zaibon Ali Basyah Nyang meugah hana ngon sa Nyang keudua Sulotan Asyek Sulotan Malek nyang keutiga

Teuma nyan peuet Ismun Pari Meureudan Syamsi nyan syeedara Teuma nyang nam Sulotan Seuman Tujoh jimeunan Sulotan Üma

Sulotan Alam Rakna Silan Nyang pahlawan teuga raya Keusikureueng Sulotan Mambang Siploh abang Sulotan Geumpa

Siblah Ahmad dua blah Balot Lhee blah Dawot sulotan raja Peuet blah Aliman nyang le sakti Rakna Hindi Lila Wangsa

Sariman Alam Pawot Janggi Hamdan Syahi Ali Sikanda Nyan sulotan nyang le sakti Beu taturi he syeedara

Nyang laen tan lon peugah nan Dua pioh nyan nyang peurkasa Nyang sireutoh nyan nyang tarek Prang jipeuek di mideuen raja

Ladom surak ladom deumpek Sang mubalek padang raya Sariman Budi lam meuligoe Rakyat sinaroe kawai lingka

Lasyeuka raja keunan jijak Deumpek surak meutaga-taga Zaibon Amarah kalon rakyat Jikheun leugat bak syeedara

Kheun bak rakyat dum sinaroe Beudoh jinoe dumna gata Udeh tapreh rakyat datang U mideuen prang teubiet sigra

Panglima siploh deungo meunan Deungon rakan jijak lanja Zainan Akasah Zaibon Amarah Nyanpi pantah grop u lua

Neujak linteueng neuplueng bagah Tamse siwah let cempala Rotnoe rotdeh ka meujak-jak Ka meurumpak dua tantra

Yoh nyan ka prang subhanallah Sabe gagah ngon peurkasa Tantra raja nyum rab bicah Rupa tiwah meunyum lia

Yoh nyan beungeh raja dua pioh Laju jibloh dalam tantra Zaibon Amarah di teungoh kawan Rakna Silan keunan teuka

Ban meuteumee meuhadapan Rakna Silan le pareksa He pahlawan nyang that meugah Deungo lon peugah ubak gata

Lon eu gata that beurani Soe geurasi nama gata Peugah jinoe bak lon rijang Wahe cut bang nyang peurkasa

Yoh goh mate nyawong hilang Peugah rijang he syeedara Lon eu pantah tacang rakyat Jinoe meuhat hilang nyawa

Zaibon Amarah seuot leugat Pakon jeungkat narit gata Nama ulon nyak meutuah Zaibon Amarah nan lon geula

Lon panglima Sariman Budi Beu taturi singoh lusa Lon raja kon pahlawan tan Pakon rakan taseurapa

Jamalon Akba pulang kamoe Keu samlakoe Syamsi Lila Nyang po ulon beu taturi Sariman Budi Syamsi Lila

Peue na tame keuion tabri Lon cuba ci keumeung rasa Di lon rakan ka meusoe nan Peugah rijang nama gata

Di gata soe nan geurasi Narit keuji le tabuka Rakna Silan seuot pantah Deungo lon peugah he kakanda

Sulotan Alam Rakna Silan Nan lon tuan he syeedara Suroh Raja Mambang Aksan Nyan sulotan nyang that raya

Hukom nanggroe dalam awan Dum seukalian taklok raja Raja tinggai lam meuligoe Neuyue kamoe jak u lua

Neuyue kamoe jak cok putroe Dalam jaroe po di gata Nyang got dalem pulang leugat Yoh goh meuhat mate gata

Yoh goh malee got tapulang Jinoe rijang he kakanda Peue tapeugah Rakna Silan Bek tapadan lon le gata

Meuka lon cok pane pulang Bek meuayang lon ka tuha Nyang got jak woe jinoe rijang Yoh goh hilang nyawong gata

Keu putroe bek le tasayang Peue tamuprang hana laba Gata mate nanggroe reuloh Jinoe yoh goh tapeulara

Meunan nyang got he adoe jroh Gata saboh sayang raya Meunan narit pahlawan meugah That amarah sulotan Rakna

•Sulotan Alam Rakna Silan Na miseue ban gajah meunta That amarah hana bagoe Neuteupok jaroe nibak dada

Teubiet apui meujeureulah Zaibon Amarah jijak mita Apui tamse naga teureubang Keunan rijang meulila-lila

Zaibon Amarah sama teungoh Apui peunoh neueu lingka Neukalon hu meujeureulah Ka neurudah sigra-sigra

Sigo saho Zaibon rudah Apui mirah han le nyata Sulotan Alam that amarah Neusuet pantah peudeueng raya

Neutak ateueh pahlawan Zaibon Bulee sion han binasa Salang keunong ateueh ulee Tamse lagee reudok taga

Meusigeutu hana geuthee Ka patah lhee peudeueng raja Sulotan Alam that amarah Peudeueng patah neueu rupa

Neutiek peudeueng tajo bagah Zaibon Amarah neudrop bak pha Yoh nyan ka phon geumeureupah Bandua blah sabe teuga

Na sireutoh rakyat bicah Bak meureupah ureueng dua Keudeh keunoe hana reubah Saban gagah ngon peurkasa

Nyan laen maseng jumeulah Han peue peugah prang that raya Tujoh uroe geumeureupah Meunyum tiwah pahlawan banta

Sulotan Alam that beurani Dan lagi umu goh tuha Zaibon Amarah keumeung reubah Droe neuubah laen rupa

Tamse daruet neupeujeuet droe Lheueh lama jaroe poteu raja Sulotan Alam tahe laloe Pahlawan sidroe han meuho ka

Neungieng keudeh neungieng keunoe Ban sijak nyoe teungoh neuwa Pahlawan banta 'oh lheueh sinan Jipo yoh nyan lam antara

Troh u manyang jibalek droe Rupa muwoe ban geureuda Jitren laju teuma yoh nyan Rakna Silan lom jimita

Sulotan Alam Rakna Silan That pahlawan hana ngon sa Lagi utoh ngon saktian Sireutoh sulotan nyan nyang teuga

Neueu geureuda keunan datang Ka meulayang ateueh keupala Ka neuturi Zaibon Amarah Droe neuubah miseue naga

Naga teureubang meunan ulah Neupo pantah bak geureuda Ban meuteumee han peue peugah Ka meureupah lam antara

Teuma jitren lom u padang Jimeutop cang han ban publa Pahlawan dua blah banta seudang Meutunang prang sireutoh raja

Meuadu askti mupanah-panah Ube nyang leumah di dalam tapa Raja dua pioh nyang that le sakti Hana soe tukri meuganda-ganda

Lila Pujangga jipeulheueh panah Jipo le pantah u dalam hawa Jitren di manyang ujeuen apui hu Ban bungong meulu meuleua-leua

Sret u ateueh raja sireutoh Tamse guroh meunan rupa Neukalon yleh Meureudan Syamsi Panah sakti neupeulheueh sigra

Jipo pantah dalam awan Teuka yoh nyan angen raya Ujeuen apui ka jibapot U laot tamse geulawa

Rakyat Sariman di teungoh padang Angen datang meugisa-gisa Jikeumeung bapot dumna rakyat Rab jiangkat u antara

Rakna Siian kalon meunan Panah lam tangan srom lam hawa Ka jipo miseue seulayang Di teungoh padang gunong raya

Ka meulhop angen nyang datang Gunong manyang u antara Lingka gunong ka jeuet apui Meugasui-gasui u mideuen raja

Lasyeuka raja ka jisurot Ka teumakot apui that raya Seuman Pari kalon gunong Ka teuceungong sikutika

Sulotan Zaibon Ali Basyah Gunong neuplah neugeulawa Ka neusrom keudeh u laot Mate eungkot cut ngon raya

Sulotan Seuman neutingkrom gaki Aneuk jen Pari sinan keulua Rupa tamse budiadari Nama geurasi Raja Sangkila

Ubak raja jisujud le Lon neupangge peue na haba Sulotan Seuman teuma peugah Lon that sosah he syeedara

Aneuk sulotan putroe indah Gop meunikah wahe raja Ka jireubot di teungoh padang Sidroe datang aneuk raja

Jinoe ka roh kamoe rnuprang Gaseh sayang adoe gata Sangkila deungo haba meunan Jiteupok tangan le nibak pha

Teubiet apui troh lam awan Na tamse ban apui nuraka Lam apui nyan teubiet rakyat Bandum hebat taeu rupa

Bak jaroe jireugam alat Beusoe tungkat raya-raya Bak Sangkila le jideelat Peue na hajat he meukuta

Raja jen pari jiseuot le Nyang lon pangge prang that raya Kamoe heundak teubiet muprang Jak tueng bintang aneuk raja

Ban jideungo keumeung muprang That guransang dum lasyeuka Jiteubiet le u teungoh padang Jimasok prang sigra-sigra

Lasyeuka banta meunyum tiwah Seubab gagah sireutoh raja Nyang rot banta hana tulong Ureueng gampong that meulaksa

Dua pioh raja nyang le sakti Hana soe tukri meuganda-ganda Sulotan Malek neupeulheueh sakti Teuka gogasi meuribee laksa

Jimat ngon rante dum bak jaroe Keunan jipeutoe bak rakan banta Jikeumeung drop Lila Peuringgi Seubab gogasi keunan jilingka

Na sireutoh ka jihudom Urnpama jarom jilop lam ija Bak jikira hana lheueh le Keubit mate bak jisangka

Lila Peuringgi sama teungoh Yoh nyan gadoh hana meuho ka Neupeujeuet droe nyan keu bambang Neuteureubang lam antara

Gogasi teudong tahe mandang Pahlawan hilang di nap muka Zainan Akasah kalon gogasi Lila Peuringgi ka jilingka

Neupeurab le keunan rijang Gogasi neucang seun-seun dua Lila Pujanggapi na sajan Abeh neusimpan gogasi raya

Yoh nyan amarah Seuman Pari Seubab gogasi abeh seureupha Jilumpat le u teungoh kawan Ngon Rakna Silan Sigo Bandua

Sulotan Uma Sulotan Mambang U teungoh padang neuplueng le lanja Ri nyang meuteumee laju neucang Yoh nyan meuteuntang Pari Sigeumpa

Amat Jalilapi na sajan Nyan pahlawan nibak cut banta Seuman Pari ngon Rakna Silan Ka meuhadapan ngon Rakna Sila

Ka meuteumee ngon Seuman Pari Meuadu sakti ngon Rakna Sila Jamaloi Alam Peureuba Zainan Ka troh keunan pantah sigra

Teuma neupeulheueh panah saktian Rakna Silan keunong bak dada Reubah meugule di teungoh padang Surak meuguncang lasyeuka banta

Rakna Hindi kalon meunan Panah bak tangan teuma jipuja Jipeulheueh pantah panah lam jaroe Ka jeuet keu taloe nyang puta dua

Jamaloi Alam meucarueh gaki Reubah meugule ka roh lam singkla Rakna Hindi jihei rakan Cok pahlawan puwoe sigra

Sulotan Geumpa deungo meunan Jitajo yoh nyan pantah lanja Ban jideungo le Sulotan Ahmad Laju jilumpat pahlawan raya

Sulotan Geumpa jaroe neumat Sulotan Ahmad neumat bak pha Jiusong puwoe bak sulotan Sidroe pahlawan roh lam singkla

Jamaloi Alam Peureuba Zainan That saktian hana ngon sa 'oh ban jimat nibak jaroe Neubalek droe laen rupa

Tamse kumbang neupeujeuet droe Lheueh lam taloe han meuho ka Tahe raja bandua droe Pahlawan sidroe han le nyata

Neupeugah bak Rakna Hindi Le that sakti pahlawan raya Han meuho le deungon siat Lheueh lam ikat sikiep mata

Rakna Hindi deungo meunan Amarah yoh nyan hu ngon mata Neutajo le tamse kilat Neucang rakyat lam kawan bha

Wie ngon uneun reubah peudeueng Teugageueng rakyat meulaksa Jamaloi Alam yoh masa nyan Neupeujeuet badan lom ban nyang ka

Ka neulinteueng Rakna Hindi Seuman Pari sinan dua Teungoh jicang dumna rakyat Neukheun leugat meunoe haba

He sulotan nyang that meugah Deungo sipatah narit hamba Bek ngon rakyat tapubeuhe droe Ngon kamoe sidroe lawan gata

Seuman Pari deungo meunan Peurab yoh nyan pantah sigra Bandua droe keunan jijak Tamse meurak jilila-lila

Jamaloi Alam peudeueng bak jaroe Neutak sidroe putoh dua Rakna Hindi yoh nyan mate Seuman Pari amarah raya

Seuman Pari that pahlawan Adu saktian meuganda-ganda Jamaloi Alam meunyum tiwah Seubab pantah sulotan raya

Sireutoh raja dua nyang mate Sinan meugule di mideuen raja Lapan blah droe tinggai sulotan Nyang that pahlawan deungon peurkasa

Yoh nyan ka prang that meuseuke Seubab mate sulotan dua Jipeuek prang that meugajah Yoh nyan tiwah lasyeuka banta

Ka jisurot rab meuligoe Dum sinaroe rakan banta Panglima dua blah lumpoh asoe Sireutoh droe di gop teuga

Banta Sariman lam meuligoe Deungon putroe indah rupa Neulop tingkap le samlakoe Neueu jiwoe dum lasyeuka

Jipeucrok le ureueng nanggroe Dum sinaroe ka jiguda Ban neukalon rakan tiwah That amarah hana tara

Teuma neucok panah sakti Dilee geubri yoh lam tapa-Ka neupeulheueh u teungoh padang Ka meureuntang laot raya

Taeu bicah ngon geulumbang Di teungoh padang meubura-bura Raja sireutoh ka lam laot Ka jisurot pantah sigra

Umu lhee thon ka geumuprang Hana reunggang sikiep mata Bak uroe nyan prang meugajah Meunyum tiwah pahlawan banta

Dumna rakyat teungoh surot Neupeujeuet laot uleh banta Rotdeh teumapi ka surot Uroe seupotpi ka seunja

Ka patah prang bak uroe nyan Seubab Sariman amarah raya Bak malam nyan pioh rakyat Maseng teumpat dalam kuta

Rotdeh rotnoe geumupike Geumeusyawe kira-mira Mambang Aksan kheun bak rakyat Singoh meuhat lon keulua

Mangat talo bek le lambat Prang takarat talet kuta Meunan sabda raja nangroe Teuma neuwoe lam istana

Teuduek haba raja muproe Rot samlakoe lon peuhaba Neumarit deungon pahlawan Pakri padan dumna gata

Ek talawan cuba peugah Nak jeuet tiwah ube nyang ka Zaibon Amarah seuot pantah Hantom tiwah ube nyang ka

Nyang dileekon sabe timang Bak bunoe sang tiwah hamba Sireutoh raja han lut beusoe Nyang dua droe ka cit fana

Bitpi meunan tuanku droe Peunyum kamoe han ek ngaza Bandum raja nyang ka keunoe Hana bagoe utoh mintra

Bandum utoh bak saktian Siribee ban jipeurupa Sariman Budi dengo meunan Pioh kaman jinoe gata

Na bicara nibak kamoe Jak cok keunoe raja raya Bah lon jak cok ayah putroe Bandua droe deungon bunda

'oh lheueh neukheun narit meunan Neupeujeuet badan keu cempala Neupo laju u meuligoe Jak cok putroe deungon raja

'oh sare troh u meuligoe Geubalek droe laen rupa Rupa ka jeuet tamse lalat Tamong leugat ubak raja

Raja neuduek lam meuligoe Deungon putroe sapat dua Lalat jidong bak keuleumbu Neubeuradu poteu raja

Bandua ngon putroe meulu Lop keuleumbu malam jula Bandua droe teungeut sinan Banta Sariman cok keumala

Neubuka cumboi teuma yoh nyan Pasoe keunan poteu raja Bandua ngon tuan putroe Ka mupaioe pantah sigra

Sira neuwoe tren u padang Lasyeuka prang neujak mita Neueu rakyat di yup khimah That barollah dum lasyeuka

Teuma neueu nyang sulotan Dum seukalian neupareksa Teuma neudrop raja sireutoh Bandum neuboh lam keumala

'oh lheueh bandum nyan neupasoe Laju neuwoe dalam kuta Troh bak putroe neukheun meunoe Deungo kamoe he cut intan

Ayah gata ka bak kamoe Lon poli jinoe mangat simpan Pakri adek nibak gata Tarela mate sulotan

Cuba takheun po jroh rupa Deungon bunda sapat sajan Ka ulon boh lam keumala Kheun beu sigra jinoe padan

Laen raja sireutoh droe Bunoe uroe that pahlawan Ban-putroe deungo narit banta Putroe muda seuot nyoe ban

Ampon tuanku po junjongan Ayah laman bek neusimpan Bek tuanku neupoh ayah Got neukeubah teutap sajan

Meunyo neupoh ayah mate Na nyum han le ulon tuan Jinoe tuanku ulon lakee Yoh goh malee he sulotan

Neubri bak lon he meukuta Ulon buka cumboi intan Teuma seuot po cut banta Po jroh rupa deungo lon tuan

Meunyo meunan adek raja Droeteu buka nyan sulotan 'oh neuteubiet lam keumala Putroe muda beu got padan

Meuhan geutueng lon ngon gata Jinoe raja nyawong simpan 'oh lheueh neukheun meunan sabda Neucok sigra cumboi intan

Banta neuduek ateueh geuta Putroe buka cumboi intan Teuma teubiet poteu raja Neueu hanta tamse intan

Raja mandang hana haba Seubab banta neueu sinan Putroe seumbah pantah sigra Seureuta neubet ngon tangan

Ampon meu'ah he ayahda Lon neusula le du badan Meunan jikheun putroe muda Beudoh banta bak sulotan

Banta seumbah teuot raja Deungon bunda sinan sajan Bandua droe banta seumbah Surot pantah teuma yoh nyan

Sira surot neubet jaroe Marit meunoe cut Sariman Ampon tuanku deelat khalifah Lon ka salah bak junjongan

Seuot raja teuma pantah He meutuah deungo laman Gata aneuk hana deesya Lon he banta salah sinan

Kareuna lon nyoeho taba Wahe banta bak cut intan Bit neumeusu poteu raja Malee mata hana lawan

Nyang jeuet malee hana tara Seubab banta le saktian Han ek lawan dum lasyeuka Lom ngon geuba nyan sulotan

Tahe mandang han le haba Neungieng banta jroh han lawan Tamse buleuen malam jula Meunan rupa banta intan

Leumah pike dalam dada Hana bangsa dum sulotan Lom ngon sakti hana ngon sa Jroh that rupa ngon pahlawan

Patot judo putroe muda Dumnan rupa ulon pandang Dumna sulotan lam antara Ngon nyoe han sa dum sibarang

Teuma marit poteu raja Ubak banta neukheun rijang Wahe banta raja intan Deungo lon tuan aneuk bintang

Lon meung tanyong sipatah haba Nibak gata uleebalang Peue nan nanggroe deungon ayah Pat daerah takheun rijang

Siri kawom cuba peugah He meuh mirah bungong mancang Seuot banta teuma pantah Lon he ayah neuk dagang

Dagang yatim hina leupah Lam gop marah hana reunggang Nyang troh keunoe ulon langkah Ngon peurintah bak plueng utang

Utang le that ma ngon ayah Han ek peuglah kon sigupang Meukon gaseh tuanku droe Han jeuet lon woe ubak makam

That meuseukin tuanku droe Di nanggroe lon gapiet umpang Seuot raja teuma meunoe He samlakoe bek meuayang

Bek pumalee ulon tuan Wahe intan muda seudang That weueh ate po samlakoe Ulon sidroe talo bak prang

Wahe banta bungong geutoe Samlakoe tapeugah beu trang Meuka mupat mantong nanggroe Tapeugah soe uleebalang

Meunan neukheun raja nanggroe Neubet jaroe muda seudang Ampon tuanku meuribee katoe Lon hareutoe meunan nyum sang

Meunan tamse lon di nanggroe Tuanku droe bukon wayang Lon boh mise ngon teuladan Ulon tuan tamse dagang

Adat dagang panyang idong Boh panggong na ube umpang Ka troh keunoe ulon jalan Bak sulotan beu neusayang

Ube salah bak meukuta Bandum deesya lon seukarang Ampon jinoe ulon pinta Ube nyang ka dum sibarang

Tuanku tanyong ayah bunda Lon calitra dum sibarang Tanuran Syah nama nanggroe Muploh katoe uleebalang

Nama ayah Ainun Syamsi Indra Syahi nama bunda Nama lon tuan wahe doli Sariman Budi Syamsi Lila

Meunan ayah dilee rasi Ngon teukeudi keunong bahya Abeh bandum neuhareutoe Raja nanggroe han le haba

Teuma marit putroe meulu Nyan ibu Baniroi Indra Meunyo meunan aneuk teungku Roh sikufu putroe muda

Pakon banta pubuet meunoe Rakyat nanggroe abeh fana Banta seuot buet ka leupah Ampon salah lon he bunda

Meunyo meunan he samlakoe Aneuk lon sidroe tapeuhamba Beu jeuet keu teumon si nyak putroe Samlakoe meulintee di hamba

Kru seumangat po ma intan Bek kheun meunan wahe bunda Geutanyoe dum hamba Tuhan Nyang laen tan na kuasa

Meukon Tuhan Po geutanyoe* Langet bumoe nyang that raya Meunan neukheun po samlakoe Seuot meunoe poteu raja

Wahe banta Sariman Budi Putroe lon bri nyan keu gata Tameukawen aneuk kamoe Nyang sambinoe bijeh mata

Jampang banta tajak manoe Ka na putroe yue srah ija Kru seumangat tuanku droe Bak kamoe ateueh jeumala

Meunan narit rotdeh rotnoe Raja nanggroe deungon banta Teutap banpeuet lam meuligoe Rakyat nanggroe lon calitra

IV. RAJA AKSAN PEUNIKAH PUTROE NGON SARIMAN BUDI

Amina bakdu teuma bacut Nyo elon seubot ureueng nanggroe Di yup khimah dum lasyeuka Sireutoh raja ka lam taloe

Abeh neudrop uleh banta Lam keumala nyan neupasoe Laen teumpat deungon raja Keumala lam paleuet jaroe

Dalam paleuet neuboh raja Nyang peurkasa sireutoh droe Laen tinggai di yup khimah That barollah ureueng nanggroe

Uroe suboh bandum jaga Peutua ngon keujruen meuntroe Uleebalang ngon bentara Bandum jaga beungoh uroe

Beudoh rakyat ngon pahlawan Mat ngon simban alat di jaroe Keumeung teubiet nyan u midan Jieu ka tan raja nanggoe

Ban sireutoh han le sinan Tanyong yoh nyan ubak meuntroe Wahe meuntroe deungo lon tuan Ho sulotan sireutoh droe

Meuntroe seuto teuma pantah Tan geupeugah bak lon sidroe Lon pahlawan lagee gata Ban jaga sijak nyoe uroe

Rakyat deungo meunan haba Tamong lanja u meuligoe Pahlawan ngon uleebalang Jijak rijang deungon meuntroe

Jijak peugah raja sireutoh Bandum rioh ureueng nanggroe Bak raja jitamong sunggoh Keunan rab troh leuen meuligoe

Di lua geukeubah rakyat Tamong leugah bujang meuntroe Seureuta ngon uleebalang Geuek rijang lam meuligoe

Troh u pinto meuntroe bujang Geueu dendayang ka jipoh droe Antok ulee tumbok dada Jimoe rugha jisumpom droe

Yoh nyan meuntroe tahe mandang Ngieng dendayang jiantok droe Geutanyong le pantah rijang He dendayang pakon tamoe

Wahe meuntroe deungo hamba Han le raja deungon putroe Beuklam gadoh han meuho ka Bandua dalam meuligoe

Meunan jikheun le dendayang Jitren rijang teuma meuntroe Jipeugah bak uleebalang Pakri reumbang tuanku droe

Raja rayapi hana le Pakri pke dum sinaroe Keunong sakti ureueng teuka Deungon raja sireutoh droe

Kadang tuanku abeh jipoh Bandum jiboh laen nanggroe Pahlawan deungo han le raja Hu ngon mata hana bagoe

Tamse biram jiek bisa Bak lasyeuka jihareutoe Teubiet bandum u mideuen raja Tapoh bila tuanku droe

Meunyo han le raja raya Peueu na laba tamat nanggroe Got teu abeh dum seureupha Beudoh sigra wahe meuntroe

Meunan jikheun le pahlawan Bandum rakan peukeumah droe Jaweueb sidroe uleebalang Jikheun rijang ubak meuntroe

Wahe meuntroe deungo hamba Tapeusan raja lhee boh nanggroe Tapeuek surat keu Raja Adrang Yue bantu prang raja nanggroe

Raja Milon Raja Batak Tayue jijak dum sinaroe Raja raya takheun gadoh Ka jiboh han meuho nanggroe

Meunan sabda uleebalang Seuot rijang teuma meuntroe Bak pahlawan jikheun pakat Takirem surat lhee boh nanggroe

Pahlawan seuot le meukeutee Pioh dilee wahe meuntroe Meunyo han ek droeteu lawan Bah tapeusan raja lhee droe

Lhee pahlawan meunan haba Dumna tantra seungap iem droe Seubab pahlawan raja raya That peurkasa hana bagoe

Sidroe geupeunan Meureubok Tapa Nyoe nyang dua lon hareutoe Meureucu Alam nyang keudua Hana nyang sa jeuep-jeuep nanggroe

Teuma nyang keulhee wahe rakan Tami Silan teuga han soe Tamse rimueng 'oh ka marah Muka mirah miseue uroe

Banlheeji nyan that amarah Han soe bantah jeuep-jeuep nanggroe Jimat peudeueng deungon tungkat Teubiet leugat wahe adoe

U teungoh mideuen jijak pantah That amarah aneuk bisoe Troh u padang jikalon laot Riyeuek ngon riböt meuadoe-adoe

Pahlawan lhee droe teudong meureuntang Jieu geulumbang meutaloe-taloe Jitingkrom gaki Meureucu Alam Tanoh jireugam tho lam jaroe

Tanoh lam jaroe jisrom u laot Gadoh ngon ribot dum sinaroe Laot hana le jeuet keu darat Beudoh rakyat dum jipeutoe

Jiek laju pantah leugat Mat ngon alat nibak jaroe Jideumpek deungon jisurak Nyum meuhayak reuloh nanggroe

Lasyeuka Banta dong meusigak Jipreh troh bak rab meuligoe Neudeungo le raja raya Ubak banta neupeugah proe

Idin aneuk keu lon siat Jak tham rakyat dum sinaroe Bek jimuprang he boh ate Jinoe bahle ulon kuwoe

Lom lon lakee he bentara Beu seureuta si nyak putroe Bahle sideh meukeurija Lon boh gaca gaki jaroe

Han peue salah seuot banta Ban nyang suka tuanku droe Banta neuhei pahlawan dua He syeedara keunoe tawoe

Zaibon Amarah deungo neupangge Ka jiek le u meuligoe ' oh troh keunan neumeusabda Intat raja deungon putroe

Jakleh jinoe gata dua Sajan raja u meuligoe Teuma beudoh Baniroi Indra Seumbah banta gaki jaroe

Di Samiran seumbah raja Deungon bunda bandua droe Teuma neujok ngon keumala Ubak raja neupeujaroe

Nyoepat tuanku sireutoh raja Lam keumala ulon pasoe Sulotan kheun pantah sigra Pajan banta keunoe puwoe

Baroe lon con ngon meukuta Nibak tantra dum sinaroe Raja deungo meunan haba Yoh nyan raja hireuen laloe

Neuthee tarek sakti banta Bandum raja ek mupaloe 'oh lheueh sambot ngon keumala Neutren raja di meuligoe

Sajan putroe nyan bandua Rakan banta lom dua droe Dua pahlawan nibak banta Sajan raja intat putroe

Raja teubiet troh u lua Cok keumala ubak jaroe Cumboi intan le geubuka Teubiet raja sireutoh droe

Ban sireutoh le keulua Marit raja teuma meunoe Mambang Aksan teuma meusabda Nibak raja sireutoh droe

Peue buet keunan bandum gata Lam keumala tajak som droe Di gop laen teungoh muprang Di padang nyang rakyat nanggroe

Gata bandum nyang sulotan Han talawan tabri putroe Seuot raja seukalian Marit nyoeban wahe adoe

Ampon tuanku keumala nanggroe Bukon kamoe talo bak prang Kon tuanku meujak som droe Sajan meuntroe uleebalang

Kamoe bandum sajan rakyat Nibak teumpat dum sibarang Hana meuthee keunong sakti Jitaki hana deungon trang

Jicok kamoe he meukuta Lam keumala jiboh rijang Han jeuet sikrak le meudawa Keunong mintra jidrop rijang

Jinoe tuanku pakri daya Hoka banta nyang di padang Baniroi Indra lon eu keunoe Deungon kamoe ka jipulang

Lom pahlawanpi na dua Nyang peurkasa dilee muprang Mambang Aksan teuma peugah Ban nyan ulah dum sibarang

Neukheun ubak sulotan Zaibon Deungo ulon he buleuen trang Kon meugata keunong sakti Di ulonpi nyawong hilang

Lonpi jicok lam istana Sajan ngon ma putroe seudang Kamoe jiboh tamse gata Lam keumala miseue bintang

Si nyak putroe teuma buka Lon eu banta ban buleuen trang Rupa cidah hana ngon sa Lom ngon cahya lang-geumilang

Lagi kuat ngon peurkasa Hana daya ek tamuprang Ka lon taklok wahe raja Nibak gata pakri reumbang

Patot judo Baniroi Indra Tan kuasa keumeung muprang Teuma seuot bandum raja Ban nyang suka bak junjongan

Bak kamoe dum ikot rata He meukuta meunyo meunan Hana patot meujeuet dawa Han kuasa nibak laman

Ban nyang reumbang bak sripada Kamoe rela seukalian Meunyo meunan seuot raja Beudoh gisa wahe rakan

Keumah pakat bandum raja Beudoh sigra teuma sinan Troh u mideuen bak lasyeuka Marit raja teuma yoh nyan

Rakyat kalon ka woe raja Putroe mudani na sajan Keunan bandum peurab sigra Bak raja jijak com tangan

Wahe meuntroe uleebalang Bek le muprang pioh 'oh nan Tamong bandum dalam kuta Meukeurija lheueh nibak nyan

Si nyak putroe taboh gaca Deungon banta nyang tunangan Ban jideungo meunan sabda Ka jigisa teuma yoh nyan

Tamong laju dalam kuta Pahlawan duapi na keunan Sulotan neuek u meuligoe Deungon putroe cut budiman

Ngon pahlawan banlimong droe Neuek putroe bri makanan Pahlawan limong putroe dua Teuma raja marit nyoe ban

Neukheun ubak pahlawan banta Beudoh gisa jinoe tuan Takheun saieuem lon keu banta Yue meukeurija kheun lon tuan

Ban nyang adat meukeurija Bek le raja mupeurasan Seubab ban lheueh dalam bahya Kheun bak banta he pahlawan

Pahlawan deungo narit raja Beudoh gisa teuma yoh nyan Lheueh minoman pahlawan dua Neuseumbah raja laju sinan

'oh lheueh raja seumbah putroe Bandua droe balek ruman Di nap raja lam meuligoe Dum sinaroe teuduek meunan

Pahlawan dua han meuho le Raja pike teuma yoh nyan That 'ajaeb sakti raya Le that mintra cut Sariman

Pahlawan lhee hireuen mandang Jieu hilang pahlawan dua Ubak sulotan marit rijang Han ek taprang po meukuta

Bit han talo meunyo meunan Banta Sariman sakti raya Salang pahlawan po junjongan Ek jeuet ruman siploh rupa

Adak banta han peue peugah Leubeh cidah siploh ganda Teuma seuot putroe indah Jipeugah asai troh banta

Abeh bandum jihareutoe Hireuen laloe poteu raja Teuduek haba raja nanggroe Pahlawan woe lon calitra

Amma bakdu laen lon pakoe Lheueh balek droe di hadapan raja Tamse kumbang rupa meunan Jipo yoh nyan le bak banta

'oh troh jiwoe bak Sariman Jibet tangan di jeumala Ampon tuanku po junjongan Deungo laman saleuem raja

Neuyue meuase tuanku droe Tujoh uroe meukeurija Meunan sabda raja nanggroe Neuyue jak woe kamoe dua

Lom tuanku kheun sulotan Peurasan han geubri raya Seubab nanggroe ban lheueh lam prang Uleebalang le nyang fana

Banta seuot kakeu reumbang Jinoe abang jadeh gaca Rakyat nam ribee yoh masa nyan Peurab keunan bak cut banta

Limong pioh droe balek ruman Na tamse ban aneuk dara Rupa cidah lang-geumilang Banta seudang jiboh gaca

Laen bandum di teungoh padang Jipeh geundrang ngon nukara Mupeurasan dum sinaroe Ladom bagoe culek mata

Nyang pahiawan dua blah droe Jiek taloe deungon guda Guda jiplueng ateueh taloe Ban sinaroe pantah raya

Abeh jitren ureueng nanggroe Dum sinaroe tuha muda Agam inong bandum jijak That galak jikalon rupa

Ladom jiek ateueh tambak Jilikak meugisa-gisa Ladom jipo miseue meurak Jimeutak nanggroe antara

Bandum ureueng ate galak Keunan jijak agam dara Bungong apui boh beuleuhak Ie arak pasoe lam gaca

Nyan peurasan raja samlakoe Raja nanggroe ulon kira Nyang boh gaca si nyak putroe Lon peugah soe aneuk dara

Boh bak gaki Nyak Meuligoe Bak jaroe si Nyak Ti Jeumpa Nyang dendayang tuan puiroe Indah han soe deungon rupa

Nyang peurasan han ek peugah Le sileupah he syeedara Tujoh uroe teuma sudah Bandua blah han le gubra

Teuma geuintat linto baro Sali walo seuot rata Sariman Budi teupok jaroe Teubiet sidroe inong tuha

Nyang dara na limong pioh droe That sambinoe indah rupa Bandum jijak u meuligoe Ngon samlakoe po cut banta

Yoh nyan tahe ureueng nanggroe Dum sinaroe tuha muda Jieu ka na ureueng binoe Ngon samlakoe bandum dara

Sidroe tuha lam kawan nyan Bak tangan puan meujintra Ladom ureueng teuma tanyong Pane inong intat banta

Dilee hana lon eu sidroe Po samlakoe sakti raya Jiek laju u meuligoe Seumbah putroe bandum rata

Putroe pandang hireuen laloe Neueu bagoe sakti banta Sariman Budi di seuramoe Ureueng binoe keunan mata

Bandum inong lam meuligoe Bak samlakoe talak mata Jimeusah-sah sabe keudroe Jido putroe cidah raya

Dumna raja dalam nanggroe Hana sidroe bandeng rupa That meutuah tuan putroe Teuka lakoe hana nyang sa

Ladom inong jikheun meunoe Di kamoe pakon hana teuka Pakon han troh baranggasoe Beuthat meuntroe meugot rupa

Meuka cidah meunan bagoe Beu troh sidroe keu kee raja Meunan jikheun aneuk bisoe 'oh kee sidroe geutem banta

Adak geutem banta ngon lon Kuseuon ulee ceumara Kupeugot droe bu meusigak Mangat galak keu lon banta

Meunan jikheun inong sidroe Aneuk bisoe malee hana Teuduek 'oh nan inong muproe Po samlakoe ulon kira

Lheueh Wakilah raja nanggroe Beuet dudoe geunulong tika Yoh nyan banta geupeunikah Lheueh wakilah poteu raja

Teungku neukheun ngon bismillah Kabui pantah teuma banta Peue nyang neukheun uleh teungku Seuot laju tan meutuka

'oh lheueh nikah po samalakoe Peuek dudoe u istana Ban nyang adat di geutanyoe Meunan sinoe di cut banta

Ban nyang reusam dalam nanggroe Peusandeng putroe uleh maja 'oh lheueh sandeng teuma dudoe Jiduek putroe di wie banta

Tamse buleuen deungon uroe Bandua droe indah rupa Dumna ureueng lam meuligoe Ka jipubloe aneuk mata

Nyang agam jikalon putroe Ate dukhoe bandum rata Nyang inong jieu samlakoe Hireuen laloe aneuk dara

Ladom jiek ateueh binteh Mata keudeh ateueh banta Aneuk dara le nyang seudee 'oh jicom bee minyeuk ata

Jisrak binteh ngieng u juree Beukah bajee han jikira Deungon bara meukhok ulee Hana jithee ka jeuet luka

Meunan bandum inong lahee Hana malee po ceulaka Han jeuet jieu meugot ruman Bandum meunan aneuk dara

Nyang meuidang beukah pingan Ngon peunuman ka jeuet dua Seubab mata dijih keunan Beukah pingan han jikira

Jicok laen jiboh nyang nyan Bet idangan keu cut banta Meuseunoh peuek u meuligoe Bak jaroe meuhila-hila

Ladom jikheun teuma meunoe Bri bak kamoe wahe cut da Bah lon peuek u meuligoe Gata sidroe hana biasa

Han tatukri reusam kanun Tabri bak lon jinoe sigra Jiseuot le teuma pantah Peue tapeugah nyang kon haba

Pakon ulon hana babah Lakee meu'ah bandum rata Meunankeu dum han ek peugah Meureupah meuhila-hila

Cawan mangkong abeh beukah Bak meureupah aneuk dara Teuduek nyang nyan dilee siat Bek panyang that hana gura

Lon peuriwang lom riwayat Lon sambat putroe ngon banta Baniroi Indra di wie samlakoe Deungon jaroe jicukeh banta

'oh lheueh cukeh jikhem keudroe Cahya gigoe tamse sua Tan jitakot deungon malee Cit ka dilee jimeuseunda

Ureueng agam bandum ratee Seubab lahee putroe muda Bak malam phon le meuayang Putroe seudang deungon banta

Di nap ureueng dum sinaroe Tuan putroe cukeh banta Bak malam nyan kawen putroe Ureueng nanggroe le nyang gila

'oh lheueh makeuen ureueng lakoe Bandum jiwoe nibak kuta Bak istana tuan putroe Keunan jiwoe rakan banta

Abeh bandum rakyat jiwoe Ureueng nanggroepi ka gisa Raja raja nyang goh riwang Di padang deungon lasyeuka

Jipreh suroh raja Mambang Goh jiriwang sireutoh raja Teuma beungoh le ngon uroe Raja nanggroe jak u lua

Teuma neutren lom samlakoe Laju neuwoe bak lasyeuka Troh u mideuen rab meuligoe Raja nanggroe kalon rupa

Raja neudong ngon rakyat droe Ngieng samlakoe Syamsi Lila Troh bak tantra samlakoe cut Cumboi neusuet pantah sigra

Neubuka cumboi keumala intan Rakyat seukalian ka jigisa Bannam ribee jilop keunan Tinggai yoh nyan pahlawan dua

Bandua droe tinggai sinan Teupok tangan lom cut banta Pahlawan dua gadoh keunan Dalam tangan po cut banta

Rakyat di mideuen hireuen yoh nyan Jieu Sariman sakti raya Bunoe rame bandum rakyat Deungon siat han meuho ka

Nyankeu seubab tahe rakyat 'oh jilihat sakti banta Mambang Aksanpi na sinan Sajan yoh nyan sireutoh raja

'oh ban jieu sakti Sariman Bandum keunan peurab lanja Raja sireutoh keunan jijak Jipeutoe bak Syamsi Lila

'oh troh keunan dum sinaroe Jikheun meunoe bandum raja Raja sireutoh jibet jaroe Ampon kamoe po meukuta

Bandum kamoe dilee salah Jinoe meu'ah barang deesya Sariman Budi seuot pantah Hana salah bandum gata

'oh lheueh neukheun narit meunan Mumat tangan bandum rata 'oh lheueh mumat sinan jaroe Neujak dudoe ubak raja

Jak meuteumee ngon raja nanggroe Ayah putroe Baniroi Indra Banta seumbah nibak teuot Neusurot dudoe sideupa

Keu sulotan bri horeumat Tanda adat atoran raja Raja sireutoh yoh nyan peurab Jijak ngadap jipeumulia

Ireng banta ngon sulotan Ban seukaüan sireutoh raja Ngon lasyeuka bandum sinan Tamong yoh nyan dalam kuta

Ek cong bale nyang sulotan Seureuta sajan banta muda Na sikeujap pioh sinan Troh minoman di istana

Bancium rakyat nyang di sinan Na makanan maseng jeumba 'oh lheueh makeuen dum sinaroe Jilakee droe sireutoh raja

Bak Sariman jibet jaroe Idin adoe kamoe gisa Idin banta kamoe muwoe Saleh nanggroe pakri bahya

Kareuna trep that kamoe sinoe Kadang nanggroe ka gop raja Meunan sabda raja sulotan Seuot nyoeban Syamsi Lila

Ampon tuanku meuribee katoe Bak lon sidroe ban nyang suka Kareuna tuanku sireutoh droe Dalam jaroe tuanku raja

Bak sulotan ayah putroe Nyang mat nanggroe po meukuta Seuot raja sireutoh droe He samlakoe deungo hamba

Meuka idin tuanku droe Han peue peutoe le bak raja Kamoe sireutoh he Sariman Ka lam tangan jaroe gata

Han peue peurab bak junjongan Kareuna gop nyan ureueng tuha Mambang Aksan neuduek keudroe Peutimang nanggroe po meukuta

Teuma marit po samlakoe Jaklek neuwoe wahe raja Meunyo na sosah na prang nanggroe Beu troh sidroe yue bri haba

Neuyue bri thee rijang keunoe Ubak kamoe deungon raja Meunan narit po samlakoe Teuma geuwoe bandum raja

Raja sireutoh laju jiwoe Nyang dua droe nyang ka fana Dua sulotan nyang ka han le Dilee mate di mideuen raja

Nyang na tinggai abeh jiwoe. Bak teumpat droe maseng jeumba 'oh abeh woe bandum rakyat Banta leugatpi neugisa

Laju neuek u meuligoe Bak cut putroe indah rupa Putroe kalon banta ka woe Mat bak jaroe seurahi kaca

Troh bak pinto po samlakoe Tajp putroe seumbah lanja 'oh lheueh seumbah jisrah gaki Neutiti laju bak tika

Teuma putroe jibet idang Makeuen rijang sapat dua 'oh lheueh makeuen jibri puan Putroe intan le meuseunda

Tujoh uroe neuduek sinan Banta Sariman sajan raja Teuma neukheun ubak putroe Geutanyoe tawoe u mideuen raja

Kuta mideuen nyang teumpat droe Bak meuligoe asai mula Putroe kheun le ubak ayah Idin langkah kamoe dua

Idin ayah keu lon jinoe Dua kamoe ngon meukuta Keudeh meuduek bak meuligoe Bak teumpat droe dilee nyang ka

Raja seuot teuma pantah Han peue salah bijeh mata Teuma putroe jijak rijang Ngon dendayang bandum jiba

Nyang na sajan dum sibarang Woe u padang deungon banta Teutap raja sajan putroe Seunang nanggroe han le bahya

Kuta gampong raja nanggroe Banta ngon putroe kuta di lua Bandum rakyat dalam nanggroe That jipujoe Syamsi Lila

Dumna raja nyang abeh woe Bandum pujoe keu cut banta Banta teutap lam meuligoe Ngon putroe Baniroi Indra

Meukhem meukhak hana padoe Geunap uroe jimeuseunda Cidah raja cantek putroe Baranggasoe han pueh hawa

Raja muda dara putroe Napsu goh troe jeueb kutika Teuduek haba raja ngon putroe Laen jinoe lon calitra

Amma bakdu laen bagoe Haba rampoe nyoe na bacut Lon surat nyoe lam ate droe Ulon bagoe bacut-bacut

Dalam cintra cicem beuragoe Lam meuligoe teumpat po cut Meunan tamse he syeedara Nyoe calitra jroh meuseubot

Di lampoh timoh keutila Lam paya timoh simot-mot Meukawen ngon aneuk dara Tabloe baja beungoh seupot

Lom ngon bungong meulu jeumpa Bloe ija lambang leumbot Ladom ureueng he syeedara Jimeuhawa nyang kon patot

Jilakee le gleüeng suasa Beu raya ban ulee teuot Takoh trieng tableuet keu raga U kuala jak bloe eungkot

'oh meuteumee sipeng laba Tablo bada deungon pulot Got hikayat hana tara Beungoh seunja idang jibet

Meutan tabri gleueng suasa Ceuken muka beungoh seupot Meunan ladom he syeedara Nyang kon kada ateueh patot

Nyang mee taboh gleueng suasa Ateueh rupa bu meusambot Meukon meunan peue tahawa Meunyo rupa tamse sipot

Ladom ureueng jimeuhawa Tadeungo subra inong carot Meuhan tabri nyang jihawa Jiseurapa rimueng angkot

Seuot lakoe teuma sigra Ngon dara meuseuot-sambot Gata iakee gleueng suasa Bloe teumaga kujak balot

Meuhana peng pakri daya Bah teumaga lon yue salop-Asai mantong tatueng cahya Peugala han jitem lagot

Meulon boh gleueng nibak jaroe Dumna rugoe bak ceureulop Asai bak na gleueng suasa Beuthat teumaga jeuet tabalot

Taek u gle teungoh rimba Lam data timoh bak rambot Nyang tan ringget malee mata Jibungka jeumeurang laot

Han le jiwoe troh 'an tuha Jak seumuga beuladeh laot Manyo hana le areuta Tan le gisa nyan u likot

Meunyo na peng he syeedara Peue nyang pinta ek jiangkot Ringgetpi le jroh ngon rupa Seunja-seunja tarek seulimot

Leuho uroe singoh jaga Lam tika mubalot-balot Han jan beudoh beuthat jula Bandua napsu peuturot

Hana sikrak jimeudawa Ate suka beungoh seupot Tamse putroe deungon banta Bandua cidah meusambot

Geunap uroe ek meuseunda Tamse kadra langue laot Adak beukah deungon ija Bak meuseunda jipeuturot

Padum lama sinan banta Laen kira po bintang sret Kheun bak putroe lakee gisa Bek meuseunda kheun putroe cut

Pakon tuanku keumeung bungka Lon goh raya mantong ubit Saweue ayah deungon bunda Kon lon bungka he putroe cut

Padum buleuen lon lam rimba Ayah bunda saleh pakri 'oh noe lawet lama masa Lam antara lhee seun haji

Meunan narit Syamsi Lila Putroe muda teuma kheun kri Meunyo meunan he meukuta Ulon neuba jak eu doli

Lon keumeung com ayah bunda Bandua bak tapak gaki Kadang mate singoh lusa Ayah bunda tan lon turi

Meunyo meunan seuot banta Jak adekda ubak abi Lakee idin bak ayahda Mangat gata jeuet peureugi

Takheun ulon keumeung gisa Saweue bunda deungon abi Putroe beudoh jitren lanja Dalam kuta woe keumbali

Troh bak raja ka jipeugah Ban nyang titah Sariman Budi Abeh bandum putroe kisah Insya Allah seuot doli

Han peue salah seuot raja Ban nyang suka cut putroe ti Ube napsu banta muda Bak lon suka idin lon bri

Seutot aneuk sajan banta Ho nyang jiba tapeureugi Adak jipo dalam awan Gata sajan cut putroe ti

Udep mate aneuk sajan He intan rupa juhari Meunan sabda Mambang Aksan Putroe intan woe keumbali

Neuwoe laju bak samlakoe Hana bagoe galak ate Seubab neuyue seutot lakoe Leugat jinoe jak peugah kri

'oh sare troh u meuligoe Bak samlakoe jimarit le Ampon tuanku meukuta nanggroe Ban napsu droe neukheun ase

Meunyo meunan bungong keumbee Jak yue adee jinoe pade Teuma putroe hei dendayang' Geucok umpang adee pade

'oh lheueh suroh tuan putroe Dum sinaroe jitajo le Laju jiba dalam uroe Wahe adoe han peue pike

Bahkeu dumnan haba putroe Teungoh laloe adee pade Lon kisah keu raja nanggroe Nyang saboh roe lon peugisa

Ï55

V. UMARANLA H SEUTOT ADUE N
Teuduek haba banta ngon putroe Ayah samlakoe lon calitra Amma bakdu dudoe nibak nyan Ayah Sariman nyang di donya

Ainum Syamsi ulon kisah Nyankeu ayah po cut banta Masa gadoh Sariman Budi Hana sakri sosah raya

Padum buleuen keumudian lagi Putroe ti aneuk lom ka na Nibak putroe Indra Nu Isah Rupa cidah hana ngon sa

Lagi deungon ureueng lakoe Raja nanggroe ate suka Han le teuingat keu Sariman Lale ngon nyan adoe banta

Dua putroepi sit meunan Keu Sariman ka jeuet lupa Kareuna cidah deungon ruman Neurasi nan uleh raja

Umu limong thon banta seudang Ka jeuet pasang ateueh guda Na le rakan jak u padang Le soe sayang aneuk raja

Umaranlah nan geurasi That juhari deungon rupa Nama ibu Indra Nu Isah Umaranlah nyang aneukda

Umu siploh thon banta indah Deungon ayah neumeusabda Bak siuroe kheundak Tuhan Ngon sulotan lam istana

Jiteumanyong banta intan He du badan deungo hamba Wahe ayah dengo laman Di kamoe han na syeedara

Hana aduen lon junjongan Cit malahan sidroe saja Meunan jikheun cut Umaran Yoh nyan sulotan ka teurhanta

Reubah seulinteueng le sulotan Banta Umaran neuhei bunda Wahe ma po neuplueng pantah Lon eu ayah ka teurhanta

Ulon tanyong narit sipatah Teuma reubah wahe bunda Putroe deungo narit meunan Jiplueng yoh nyan le bandua

Troh bak raja teuma yoh nyan Pakon meunan po meukuta Pakon aneuk pangsan ayah Lon eu boh-bah ngon ie mata

Peue na neukheun he meutuah Nyang jeuet reubah ate luka Seuot laju Umaranlah Han sipatah lon meudawa

Nyang na he ma lon kheun meunoe Pakri kamoe tan syeedara Jeuet aneuk phon he ma kamoe Meunan jak nyoe lon meuseunda

Tan syeedara ulon sidroe Teurna neumoe reubah sigra Indra Syahi deungo meunan Teuma gop nyan lom teurhanta

Teuingat le keu Sariman Reubah pangsan lom bandua Indra Syahi ngon Nu Isah Laju reubah di nap mata

Tinggai sidroe Umaranlah Ate sosah hana tara Pakon meunan he Po tallah Ureueng reubah tan kareuna

Yoh nyan neumoe banta seudang Plueng dendayang keunan lanja Troh keunan dum nyan dendayang Tanyong rijang nibak banta

Pakon pangsan ureueng lhee droe He samlakoe peue peukara Tan jiseuot po samaiakoe Teungoh laloe moe han reuda

Yoh nyan dendayang cok ie mawo Ka jilabo ureueng tiga Teuma banlhee le teukeujot Ie mata sret ateueh tika

Raja neucok banta Umaran Neukheun nyoeban pantah sigra He aneuk cut meuntroe intan Ulon pangsan bijeh mata

Nyang jeuet aneuk ulon teumoe Teuingat jak nyoe keu aduen gata Abang gata he samlakoe Gadoh saboh roe dalam rimba

Bak jak meuen deungon rakan Gadoh intan aduen gata Troh 'an jinoe hana lom woe Aneuk lon sidroe indah rupa

Sariman Budi nan lon uroh Trep ka gadoh bijeh mata Nyankeu nyang na dilee saboh Samlakoe jroh aduen gata

Bata Umaran seuot pantah Idin ayah lon jak mita Lon jak seutot wahe ayah Pat nyang meugah lon pareksa

Bek he aneuk tajak seutot Nyak bungong got aduen gata Meuna udep cit troh jiwoe Uroe dudoe he bentara

Ulon seutot wahe ayah droe Jeuep-jeuep nanggroe ulon mita Keupeue udep ulon sidroe Keupeue nanggroe tan syeedara

Meunan narit banta Umaran Yon nyan sulotan lom teurhanta Reubah pangsan lom di sinan Seubab junjongan ingat keu banta

Na sikeujap raja pangsan Banta Umaran han le haba Teuma teukeujot neuduek teusumpan Neudrop Umaran laju neuwa-wa

Sira neuwa neukheun meunoe He samlakoe bijeh mata Wahe aneuk Umaranlah Deungo lon peugah he bentara

Meunyo aneuk taseutot abang Uleebalang bandum taba Takrah rakyat dun sibarang Beusa seudang bandum rata

Umaranlah deungo meunan Neuhei yoh nyan bujang dua Bujang meuntroe ka troh keunan Marit junjongan ayah banta

Wahe bujang deungo lon peugah Jakleh takrah dumna raja Keujruen geusyik uleebalang Bentara blang ngon peutua

Bandum beu troh keunoe datang Seukarang beu troh jiteuka Bujang deungo sabda meunan Jijak yoh nyan le bandua

Jikrah rakyat jeuep-jeuep sagoe Dua meuntroe meuseuranta Dumna raja lam nanggroe nyan Bandum keunan troh bak raja

Padang ngon mideuen peunoh sarat Jitren rakyat muploh laksa 'oh abeh troh dum meusapat Ka jideelat raja raya

Raja raja peuek seumbah Bak khalifah poteu raja Ainun Syamsi lam meuligoe Ngon samlakoe muda beulia

Uleebalang ka troh keunan Jicom tangan le bandua Seureuta ngon jihei ampon Jaroe jiseuon ateueh jeumala

Ampon tuanku meukuta nanggroe Rakyat sinaroe ka troh teuka Peuebu sabda tuanku droe Siri nanggroe keumeung ngaza

Peue na raja neukeumeung prang Peugah rijang po meukuta Sabda raja teuma meunoe Deungo kamoe dumna gata

Hana hajat keumeung muprang Tan meusugang dum peukara Nyang lon pangge gata keunoe Jak uroe nyoe sajan banta

Dumna rakyat seutot sajan Banta Umaran heundak bungka Jikeumeung seutot Sariman Budi Jinoe pakri nibak gata

Dalam gunong tabeurjalan Banta Umaran jak lam rimba Nyankeu haba bak lon tuan Pakri padan dumna gata

Uleebalang seuot pantah Han peue salah po meukuta Bandum kamoe seutot langkah Ban peurintah po cut banta

Meunan haba uleebalang Kakeu reumbang seuot raja Meunyo meunan jakleh riwang. U padang ubak lasyeuka

Yue meuase dumna rakyat Beukai alat jak lam rimba Uleebalang deungo meunan Jitren yoh nyan pantah sigra

Troh u padang ubak rakyat Ban nyang babat jibri aja Ubak rakyat dum jikheun ban Banta Umaran jak lam rimba

Neujak seutot banta Sariman Leupah beurjalan dilee bungka Sariman Budi dilee gadoh Troh jinoe gohlom meugisa

Umaranlah seutot jinoe Jeuep-jeuep nanggroe jak pareksa Uleebalang peugah meunan Ubak rakan geucalitra

Dumna rakyat ate galak Seubab geujak seutot banta Teutap pioh di teungoh padang Jipreh datang 'oh tren banta

Dumna raja ngon uleebalang Pioh di padang ngon lasyeuka Teuduek haba rakyat di padang Lon peuriwang lom keu banta

Amma bakdu mula keumudian Banta Umaran lon calitra Lakee idin bak cut putroe Nyang ibu droe Umaran banta

Indra Nu Isah teuma neumoe Meuteutaloe ngon ie mata Banta Umaran jak lom dudoe Ubak putroe ibu banta

Ubak ibu Sariman Budi Indra Syahi nyang jroh rupa Banta seumbah nibak gaki Idin neubri wahe bunda

Lon meung bungka seutot dalem Do'a kayem keu lon saja Meuna tuah bunda sidroe Beu troh sampoe hajat pinta

Beuek rijang meuteumee woe U nanggroe deungon kakanda Meunan neukheun banta Umaran Ubak Tuhan neumupinta

Indra Syahi yoh nyan reubah Ile limpah ngon ie mata Neudrop neucom Umaranlah Bu meutuah bijeh mata

Teuma neukheun sira neumoe Neupeurunoe sikrak haba Deungo aneuk wasiet ibu Bek sigeutu jeuet meutuka

Sira tajak he puteh di Sariman Budi nyan tacinta Meunyo taseubot Sariman Budi Han Allah bri keunong bahya

Dumna setan dalarn gunong Han jitanyong aneuk gata Seubab Sariman that meutuah Nyan lon peugah bijeh mata

Banta Umaran seuot pantah Insya Allah wahe bunda Banta seumbah ayah ibu Neutren laju di istana

Tinggai raja deungon putroe Banlhee droe ro ie mata Dumna dendayang lam meuligoe Meuteutaloe ngon ie mata

Banta teubiet lanja u blang Uleebalang kalon rupa Yoh nyan jipeh le ngon geundrang Dum sibarang ate suka

Banta neukheun teuma rijang Bak uleebalang neumeusabda Hoka meuntroe deungon bujang Yue peh geundrang nak tabungka

'oh lheueh neukheun narit meunan Jipeh yoh nyan geundrang suasa Di teungoh mideuen mupeurasan Teuma beurjalan dalam rimba

Rot nyang dilee rakyat jijak Meugalak-galak hana tara Limong ribee rakyat sajan Banta Umaran jak lam rimba

Padum lawet neubeurjalan Sampoe tuan u teungoh rimba Han le meuri tunong baroh Laju jibloh rimba raya

Dumna rakyat yoh nyan payah Reuoh-reuah hana tara Bak ek gunong manyang leupah Muka mirah dum lasyeuka

Tren gunong nyoe ek gunong jeh Ladom teueh ka teurhanta Nyang tan kuat leumoh beuteh Lam teureubeh reubah teurhanta

Banta Umaran neuek leugat Dumna rakyat han kuasa Bandum ureueng muka pucat Gunong manyang that hana tara

Banta Umaran kalon rakyat Muka pucat bandum rata Yoh nyan banta pioh siat Neupreh rakyat sikiep mata

'oh abeh troh ka meusapat Lom beurangkat miseue nyang ka Uroe malam jak han teudoh That sunggoh seutot syeedara

Umu lhee buleuen jak han pioh Teubiet reuoh sang ie raya Rakyat han le na sireutoh Rimueng pajoh gajah seuba

Banta Umaran sosah ate Le that mate rakyat neuba Sret ie mata laju ile Beukah ate meugrak rasa

Ubak Tuhan neupeujok droe Samlakoe ate that. rugha Ya Tuhanku tulong kamoe Lam rimba nyoe neupeulara

Neubri meuteumee aduen lon sidroe Beu troh sampoe ban lon pinta Allah he dalem keumala nanggroe Tatueng adoe dalam rimba

Meuhan meuteumee gata sidroe Han le lon woe bak ayahda Bukon sayang kayee lam gle Abeh reule angen timpa

He dalem cut bungong pade Adoe lam gle seutot gata Ho lon seutot he dalem droe Siri nanggroe lon jak mita

Bukon sayang bak sijaloh Kayee tan boh rok-rok masa 'oh lon ingat dalem gadoh Nanggroe teuboh tan soe raja

Allah he aduen keumala intan Tatueng lon tuan adoe gata Siri nanggroe lon beurjalan Siri peukan ulon mita

Meunan narit banta Umaran Seureuta sajan sret ie mata Ie mata ro meuteutaloe Tamse bagoe geulumbang teuka

Sira neujak sira neumoe Hana padoe ate duka Teuma neukalon saboh padang Neutren rijang pantah sigra

Bandum rakyat tren u padang Uleebalang ngon peutua 'oh troh keunan dum sibarang Di teungoh padang pioh tantra

Geupeudong khimah maseng babat Pioh rakyat bandum rata Teuma seupot le ngon uroe Samlakoe ka teungeut mata

Seubab payah padum uroe Hana bagoe arong rimba Bak malam nyan Banta Umaran Teukeudi Tuhan leumah rahsia

Neuiumpoe teuka sidroe Beurahman Neukheun Sariman lam antara Wahe aneuk Banta Umaran Deungo lon tuan wahe banta

Sariman Budi ka lam awan Dilee beurjalan saboh masa Dalam nanggroe Keumala Silan Mambang Aksan di sinan raja

Bek tamita lam rimba nyoe Han le sinoe aduen gata Banta Umaran tanyong meunoe Pakri kamoe tan kuasa

Pakri lon jak seuot jinoe Seubab lon nyoe ureueng donya Han kuasa ek teureubang Meukon sayang teungku raja

Teuma seuot teungku syiah Lom neupeugah ubak banta Deungo aneuk ulon peugah Beudoh langka sajan hamba

Rakyat bandum tayue jak woe Bek jeuet paloe dalam rimba Tainggai gata aneuk sidroe Rakan sinaroe tayue gisa

Meunyo banta rame rakyat Han troh hajat ban nyang pinta Meunan neukheun teungku syiah Umaranlah teuma jaga

Yoh nyan banta ate sosah Teungku syiah han le nyata Teuma teuingat neumeuïumpoe Meuteutaloe ro ie mata

Teuingat keu aduen sidroe Lam nanggroe Gampong Antara Teuma beungoh le ngon uroe Rakyat meukatoepi ka jaga

'oh ban teukeujot dumna rakan Jieu Umaran ro ie mata Uleebalang ngon sulotan Bak Umaran jak pareksa

Ampon tuanku meuribee katoe Pakon neumoe po cut banta Peue tuanku leumah lumpoe Tuanku droe nyang jeuet rugha

Banta Umaran seuot pantah Deungo lon peugah he syeedara Na nyum teuka sidroe syiah Neupeugah aduen lon banta

Dalem han le neukheun sinoe Lam rimba nyoe bek tamita Sariman Budi ka lam awan Pakri padan nyan tamita

Kan kuasa bak teureubang Got tariwang bandum gata Gata bandum jakleh riwang Bek meulang-lang dalam rimba

Got tajak woe bandum jinoe Tinggai kamoe sidroe saja Bah tinggai lon larn rimba nyoe Gata jinoe dum tagisa

Meunan sabda Umaranlah Seuot pantah dumna raja Teuma marit uleebalang Jikheun rijang ubak banta

Ampon tuanku meuribee katoe Han le meuwoe po meukuta Ho nyang tuanku beurjalan Kamoe sajan bandum neuba

Udep mate seutot sajan Nyawong simpan ulon rela Meunan tuanku bak lon tuan Seutot sajan po meukuta

Teuma seuot banta umaran Deungo lon tuan he syeedara Bek he polem neujak sajan Rot beurjalan raya bahya

Beuklam leumah dalam lumpoe Syiah sidroe nyang peuhaba Kareuna dalem ka lam awan Bah lon tuan jinoe mita

Meunyo rame neukheun rakyat Han troh hajat ban nyang pinta Nyankeu nyang jeuet ulon yue woe Bek mupaloe dalam rimba

Dumna rakyat lom bet jaroe Bak samlakoe junjong sabda Seureuta ngon jikheun meunoe Neupoh kamoe wahe banta

Meunyo neuyue kamoe riwang Bahle neucang dalam rimba Got bu mate bandum neucang Meutan riwang po meukuta

Meunan haba uleebalang Banta seudang sret ie mata Ie mata ro meugeulumbang Seubab sayang keu lasyeuka

Kareuna seubab han jiriwang Ka meulang-lang dalam rimba Teuma banta marit. rijang Bak uleebalang neupeuhaba

Meunyo meunan wahe rakan Ulon sajan singoh gisa Bek le mita kakanda sidroe Got tajak woe bak ayahda

Troh u gampong dum sinaroe Laen bagoe tabicara Tapeugot bajee dum sibarang Ngon teureubang u antara

Uabak nanggroe Mambang Aksan Keunan tuan tajak mita Meunan sabda Banta Umaran Dumna rakan han le haba

Teuma seupot lom ngon uroe Peuase droe dum lasyeuka Bak geusangka singoh ka woe Dum sinaroe ate suka

Teutap pioh bak malam nyan Di sinan bak padang raya Abeh teungeut bandum rakan Banta Umaran mantong jaga

Seubab sosah dalam ate Mita pike ngon bicara Sret ie mata meugule-gule Teuingat sabe keu cut banta

Ingat keu aduen Sariman Budi Hana sakri sosah raya Teuma leumah dalam ate Jinoe bahle ulon bungka

Bah lon bungka jinoe sidroe Jeuep-jeuep nanggroe lon jak mita Meunan leumah lam ate droe Tan neupeugoe dumna tantra

Beudoh laju neujak sidroe Meuteutaloe ngon ie mata Tinggai rakyat dum sinaroe Banta sidroe jak lam rimba

Ka neuek gle neutren paloh Laju neubloh rimba raya Sret ie mata sang ujeuen toh Teubiet reuoh sang ie raya

Sira neumoe neukheun nyoe ban Banta Umaran hei kakanda Teuma beungoh le ngon uroe Samlakoe laju neubungka

Ie mata ro seun-seun siploh Ban ujeuen toh hana reuda Neuhei aduen hana teudoh Neumoe rioh hana tara

Wahe dalem bungong keumang Lon meulang-lang dalam rimba Saleh ho leupah aduen lon sidroe Siri nanggroe ulon mita

Wahe dalem aduen kamoe Pakri jinoe ya Rabbana Adak udep lon han sampoe Gadoh nanggroe tinggai bangsa

Deumi Allah han lon woe le Beuthat mate dalam rimba Baranggajan han le riwang Meugoh lon pandang aduen lon banta

Allah he dalem ho troh adoe Saleh ho nanggroe lon jak mita Banta Umaran moe meuree-ree Mumang uiee ro ie mata

Bukon sayang aneuk beulalang Di teungoh padang jimeutala Bukon sayang muda seudang Ka meulang-lang di teungoh rimba

Wahe dalem bungong mancang Beu le sayang keu adekda Lon tinggai gampong deungon nanggroe Cut bang sidroe lon jak mita

Tinggai ayah ma lon putroe Tinggai meuligoe deungon kuta Lon jak seutot aduen sidroe Ka troh sampoe dalam rimba

Troh lam rimba ulon lumpoe Gata sidroe lam antara Pakri jinoe lon peureugi Tan sakti nyang jeuet teureubang

Allah he aduen Sariman Budi Lon beureuhi keu cut abang Gadoh ilah lon ya Rabbi Got bak tabri nyawong hilang

Got bu mate ulon sidroe U nanggroe han le lon riwang Wahe dalem keumala nanggroe Tatueng adoe ka meulang-lang

Meuhat mate lam rimba nyoe Gata sidroe han lon pandang Meunan neukheun sira neumoe Samlakoe bukon that sayang

Sira neumoe neujak sabe Gunong ngon gle neuniet padang 'oh abeh gle neuek gunong Ka teuceungong muda seudang

Banta Umaran nyang teuceungong Beuladeh gunong leumah padang Di teungoh padang rakyat rame Tamse keude bak neupandang

Padang indah jroh meusigak Teuma neujak keunan rijang Neutren gunong laju neujak Seubab galak neueu padang

Neujak laju hana pioh Keunan rab troh bineh padang Neudeungo su sangat rioh Meugeureupoh nyum ureueng bang

'oh rab keunan samlakoe jroh Rakyat gadoh badum hilang Ureueng han le keude gadoh Teumpat ka soh han peue pandang

Bana Umaran tahe hireuen Kareuna ureueng tan neupandang Bunoe jarak rakyat rame Deungon keude jroh meureuntang

Jinoe han le leumah rupa Yoh nyan banta hireuen mandang Keude han le ureuengpi tan Banta Umaran ate leukang

Abeh neueu seukalian Meusidroe tan le mubayang Ro ie mata teuma neumoe Samlakoe di teungoh padang

Ubak Tuhan neupeugah droe Neubet jaroe le meulayang Ya Tuhanku Po lon sidroe Neubri sampoe bak cut abang

Allah he aduen tanglong nanggroe Ho troh adoe ka meulang-lang Rakan han le gatapi tan Pakri padan ulon riwang

, Lon neutulong wahe Tuhan Beu troh jalan ubak abang Meunyo hana ek meusampe Got bu mate ngon seukarang

Meunan neukheun sabe-sabe Dalam ate han torn reunggang Ngon ie mata taeu iie Boh ate bukon that sayang

Sinan teuduek di teungoh padang Bukon sayang po samlakoe Teungku syiah teuma datang Keunan rijang ka neupeutoe

Beureuma Zaibon nan meusyeuhu Nyankeu teungku banta lumpoe Bak Umaran neujak laju Seubab rindu keu samlakoe

Banta Umaran kalon teungku Teuma laju neucom jaroe Beureuma Zaibon tanyong meunoe

• Deungo kamoe he samlakoe Pakon aneuk lon eu tamoe Peue buet keunoe tajak sidroe Peuebu hajat he aneuk droe Ho samlakoe tabeurjalan Dalam rimba tajak sidroe Hana lagoe taba rakan Banta Umaran neubet jaroe Ampon kamoe teungku badan

Nyang troh langkah ulon keunoe Lam rimba nyoe lon beurjalan Lon jak seutot kakanda sidroe Saboh roe gadoh daratan

Troh 'an jinoe hana lom woe Ulon lumpoe ka lam awan Beureuma Zaibon le pareksa Toh kakanda aneuk badan

Soebu nama aduen gata Peugah sigra bak lon tuan Banta Umaran seuot sigra Jaroe dua jibet sajan

Aduen laman that bahgia Dilee masa neubeurjalan Bak jak meuen paroh rusa Dalam rimba gadoh intan

Teuka ujeuen ngon ie raya Gadoh banta dalam kawan Dumna rakan abeh gisa Bak ayahda jikheun padan

Sariman Budi nan meusyeuhu Meunan teungku lon deungoran Meunan peuneugah ayah ibu Ulon teungku goh laheran

Ban neudeungo haba Umaran Neukheun nyoeban pantah sigra Meunyo meunan aneuk meutuah Bek that sosah bijeh mata

Insya Allah he aneuk droe Ek troh sampoe bak kakanda Beudoh aneuk kaman jinoe Sajan kamoe tajak tapa

Aduen gata he samlakoe Lam nanggroe Gampong Antara Adoe ulon nyang bri eleumee Masa dilee masok tapa

Banta Umaran deungo meunan That sukaan dalam dada Neubet jaroe le meulayang Neukheun rijang meunoe haba

Han peue salah teungku payong Ban nyang untong ulon rela Gaseh sayang keu lon sidroe Beu troh sampoe bak kakanda

Insya Allah seuot teungku Ban nyang napsu he bentara Beudoh banta laju jinoe Sajan kamoe taduek tapa

Teuma beudoh Banta Umaran Neujak sajan teungku tapa Beureuma Zaibon mata bak jaroe Neuba jinoe dalam guha

Di teungoh padang guha jroh that Nyankeu teumpat Beureuma Indra Soe nyang hajat tueng eleumee Lam guha batee neuyue tapa

Jamaloi Akbapi nyan guree Masa dilee neujak tapa Nibak aduen tueng eleumee Muploh ribee neubri mintra

Teutap sinan Banta Umaran Neuduek sajan teungku tapa Beureuma Zaibon pulang sakti Abeh neubri dum keu banta

Peuet blah buleuen banta sinan Sajan Brahman neutueng mintra Banta Umaran teutap sinan Laen karangan lon calitra

Amma bakdu dudoe keumudian Teutap sinan siat banta Teuduek haba Banta Umaran Jinoe rakan lon peuhaba

Rakyat nyang tinggai di teungoh padang Ka jiriwang ubak raja Seubab han le muda seudang Uleebalang abeh gisa

Troh bak Raja 'Ainun Syamsi Jipeugah kri asai mula Banta Umaran jikheun hana le Gadoh lam gle rimba raya

Awai akhe jihareutoe Raja nanggroe han le haba Dumna rakyat teuma jiwoe Bak teumpat droe maseng jeumba

Raja teutap lam meuligoe Hana padoe ate rugha Han le aneuk bandua droe Malam uroe sosah raya

Neulakee do'a beu rijang woe Bandua droe bijeh mata Geunap malam geunap uroe Cit teugoe-goe keu cut banta

Teutap raja dalam sosah Nyoe lon peugah lom keu banta Banta Umaran nuwoe kaisah Sajan syiah dalam rimba

'oh troh tapa po samlakoe Neulakee droe heundak gisa Seumbah syiah gaki jaroe Samlakoe neupeumulia

Seureuta ngon neukheun meunoe Idin kamoe teungku raja Teuma syiah lon seumulang Sibarang angkatan raja

Neubri cumboi ngon malakat Ban nyang babat bri pusaka Dalam cumboi kuta rakyat Lam malakat jen peuet pioh sa

Peue nyang napsu tameuhajat Deungon siat troh ban pinta Cumboi sakti nyang manikam Di dalam rakyat meulaksa

Banta Umaran sambot tajam Lam mata hitam neuboh sigra Keunan neukeubah cumboi sakti Nyang neubri le teungku tapa

Euncien saboh lom teungku bri Jen pari nyang po areuta Jen peuet pioh droe lam malakat 'oh na hajat bandum teuka

Banpeuet pioh droe kuat-kuat Rupa hebat hana ngon sa Banta Umaran that sukaan Le saktian hana tara

Beureuma Zaibon le that sakti Abeh neubri dum keu banta Leubeh nibak Sariman Budi Saboh bagi leubeh ganda

Adak jimuprang ngon aduen droe Sikhan uroe han ek padra That le sakti Umaranlah Lom meutuah banta muda

Baranggasoe han ek gagah Dumnan cidah sakti banta Teungku syiah lom seumulang Samdon Biram peudeueng pusaka

Nyankeu peudeueng nyang meutuah Ek jipeuglah nibak bahya Samdon Biram nan geurasi Syiah neubri keu cut banta

Banta Umaran sambot rijang Samdon Biram peudeueng raya Abeh bandum teungku pulang That neusayang keu cut banta

Banta Umaran seumbah syiah Lakee langkah heundak gisa Idin teungku keu lon jinoe Lon heundak woe bak ayahda

Syiah seuot teuma meunoe Idin bak kamoe wahe banta Nyoe wasiet lon aneuk badan Peuringatan bek jeuet lupa

Adak banta roh tamuprang Bek rijang amarah gata Bek tasuet-suet peudeueng rijang He bintang bak ingat gata

Meuka tasuet Samdon Biram Nyawong hilang dumna raja Hana jan troh aneuk tacang Dum geureupang putoh dua

Baranggasoe han jipantang 'oh meugriet prang aneuk gata Nyan he banta lon peuingat Kamoe amanat wahe banta

Banta Umaran seuot pantah Insya Allah hana lupa Abeh bandum wasiet teungku Beudoh laju Umaran banta

Seumbah syiah gaki jaroe Neujak sidroe dalam rimba Leupah padang troh bineh gle Teuingat le keu syeedara

Teuingat aduen dalam ate Ka neubeuet le saboh mintra Neupeujeuet droe tamse siwah Jipo pantah dalam hawa

Tamse kilat jipo pantah Ka leupah nanggroe Antara Leumah jikalon lhee boh nanggroe Luah han soe ngon tapeusa

Jroh meureuntang banlhee sagoe Siwah peutoe pantah sigra Saboh luah that meuhalak Raja Batak po areuta

Nyankeu nanggroe Raja Batak Nyang taklok bak Mambang raja Si u barat nyang nanggroe nyan Sulotan Aliman nama raja

Bandum ureueng jeuet saktian Han soe lawan ube nyang ka Si u barat nanggroe Milon Raja Samidon nyang kuasa

Nyanpi nanggroe luah han ban Milon Awan po areuta Nyanpi sahbat Mambang Aksan Le saktian hana ngon sa

Si u tunong lom na nanggroe Leupah sampoe keunan banta Nyankeu nanggroe Raja Adrang Jroh meureuntang lam antara

Lhee boh nanggroe jroh meureuntang Banta pandang nyang that raya Nanggroe Batak nanggroe Adrang Dum geutuang saboh rupa

Hana leubeh hana kureueng Sadum ngon ureueng meunan rupa Nanggroe Milon banta pandang Tamse jeundrang ureueng teuka

Bak lhee nanggroe nyan nyang luah Keunan pantah peurab banta Na sibuleuen adak tajak 'oh nan jarak deungon banta

Cicem siwah keunan jiiak Seubab galak jieu rupa Neusangka nanggroe Keumala Silan Banta Umaran ate suka

Nakeu jarak sikhan uroe Samlakoe neutren lam rimba Tren lam gunong po samlakoe Neupeujeut droe miseue nyang ka

Neusuet euncien nibak jaroe Ateueh bumoe neutiek sigra Teudong bale sinan saboh Rupa that jroh hana ngon sa

Na ngon kulam teumpat manoe Samlakoe pioh le lanja Teuma neusuet ngon pakaian Banta Umaran jak srah muka

Teuma neuek ateueh bale Sinan lale sikiep mata Pioh paya po samlakoe Neuduek sidroe dalam rimba

Bak neukira ka meusampe Geupreh di gle ureueng teuka Meusoe na jak ureueng nanggroe Aduen sidroe geupareksa

Meunan leumah dalam ate Got dalam gle preh kakanda Teutap sinan Banta Umaran Neupreh-preh jan ureueng teuka

VI. MEUTEUMEE NGON PUTROE CANTEK MANEH

Teuduek haba po samlakoe Raja nanggroe lon calitra Amma bakdu he teungku ampon Keu Raja Milon muwoe haba

Nyoe lon seubot Raja Milon Nyang meuturon sakti raja Samidon Awan nan geuuroh Aneuk saboh indah rupa

Cantek Maneh geurasi nan Seubab ruman hana nyang sa Di teungoh padang saboh taman Kayem keunan putroe muda

Jijak meuen ngon dendayang Di padang teumpat meuupa Di teungoh taman geupeugot kulam Batee manikam geuturab lingka

Raja Samidon nyang yue peugot Tamse culot indah rupa Teumpat meusuka Cantek Maneh Seunayan Hameh jak u lua

Bineh kulam saboh bale Teumpat meulale dang tho ija Putroe muda ate galak Sabe jijak nyan u lua

Umu limong thon putroe intan Neumubisan sabe raja Deungon aneuk Raja Aliman Nyan tunangan putroe muda

Gohlom meukawen haba mantong Putroe carong gohlom raya Banta Hamidan geurasi nan Sulotan Aliman nyan ayahda

Nyankeu nanggroe Raja Batak Nyang that rancak ngon peurkasa Gohlom gatib deungon putroe Goh troh sampoe tanggoh raja

Raja Milon tanggoh jibri Lhee seun haji beu troh teuka Jinoe ka rab hana trep le Teungoh meuase buet keurija

Rotdeh rotnoe ka rab ase Dang top pade muploh gunca Dua buleuen goh troh tanggoh Kacah-kacoh he syeedara

Cantek Maneh peuase droe Rab na lakoe bak jisangka Jak utaman geunap uroe Dendayang peuet droe sajan jiba

Rupa cidah hana bagoe Tamse uroe ban keulua Hana nyang sa baranggasoe Cahya gigoe ban suasa

Cahya muka tamse uroe Cahya gigoe tamse sua Dumna putroe lan hikayat Hana sapat bandeng rupa

Nyang na saban paleuet jaroe Deungon Putroe Baniroi Indra Judo Banta Sariman Budi Han taturi adoe ngon a

Nyoe meutia nyang jeh pudoe Baranggasoe ate suka Hana leubeh keudeh keunoe Tamse anoe di mieng kuala

Laen bandum dalam awan Hana saban ube lada Got lam awan got di bumoe Hana sidroe nyang keumeung sa

Bit meugah jroh Putroe Paridoh Hu seumeulhoh tamse sua Han cit saban ngon putroe nyoe Siploh bagoe leubeh ganda

Putore Lason Dien Sarifah Ti Sairahpi got rupa Banlhee putroe rupa cidah Meunan peuneugah lam calitra

Han saban ngon Putroe Cantek Leubeh baek putroe muda Judo Banta Rakna Keumari Cut Siti Rakna Keumala

Nyanpi cidah hana sakri Budiadari meunan rupa Cahya gigoe Cantek Maneh 'oh teuseungeh jiplueng cahya

Cahya badan laen putroe Cahya gigoe nyang keumeung sa Jikhem mantong yum sikatoe Cut putroe hana saboh sa

Dumnan cidah hana bagoe Bukon adoe lon meuseunda Tiwah bintang buleuen uroe Cidah putroe siploh ganda

Meunan peuneugah jeuep-jeuep nanggroe Hana sidroe bandeng rupa Grak teukeudi bak siuroe Leupah putroe u mideuen lua

Jijak manoe ngon dendayang U padang bak kulam tahta Oh lheueh idin nibak ayah Putroe indah jak meuupa

Ubak taman nyang jroh indah Me ngon reumpah minyeuk ata Lhee dendayang jiba sajan Ngon peurasan meusuka-suka

Troh lam keubon ek u bale Sinan lale putroe muda Teutap sinan si nyak putroe Karangan muwoe lom keu banta

Banta Umaran di dalam gle Sosah ate hana tara Padum uroe neuduek sinan Meusidroe han ureueng teuka

Teuma leumah dalam ate Neubeudoh le pantah sigra Neucok euncien bale han le Di dalam gle neujak banta

'oh abeh gle leumah padang Banta pandang leumah kuta Tujoh lapeh kuta meureuntang Suda pacang jiboh lingka

Di teungoh mideuen neukalon taman Jroh hana ban indah rupa Banta Umaran kalon meunan Neubalek ruman pantah sigra

Neupeujeuet droe miseue 'lalat Neupo leugat dalam kuta Lam meuligoe tamong leugat Neukalon teumpat putroe muda

Neukalon raja lam meuligoe Hebat han soe deungon rupa Ka teupike Banta Umaran Saleh nyan aduen lon banta

Neupeurab le teuma leugat Jidong lalat bineh ija Raja Samidon jimeututo Deungonjudo sapat dua

Laen dendayang di seuramoe Neukheun meunoe uleh raja He dendayang soe jak bunoe Sajan putroe nyan u lua

Pakon trep that lon eu jiwoe Jeh 'oh uroe ka rab 'asa Si Nyak Benti seuot bagah Da Sapiah ngon si Cahya

Nyak Cut Nabeuetpi na sajan Lhee droe rakan putroe muda 'oh raja deungo kheun Nyak Benti Neukheun pakri trep that gisa

Banta Umaran deungo meunan Neupo yoh nyan jak u lua Jipo laju ubak taman Seubab meunan narit raja

Leumah pike po samlakoe Jak eu potroe pakri rupa Troh lam taman jipo lalat Jikalon teumpat putroe muda

Ubak bale peurab leugat Leumah jilihat putroe muda Ngon dendayang teuduek sapat Keunan leugat peurab banta

Putroe teuduek ateueh bale Teungoh lale meusuka-suka Teungoh lale bak meuayang Putroe seudang ate suka

Banta Umaran tamse lalat Jidong leugat nibak ija Neukalon ruman putroe indah Neupeusah bek jeuet keu deesya

Kadang aneuk Sariman Budi Bek jeuet keuji akhe masa Abeh jeuep pat neukalon hi Indra Syahi ngon ayahda

Hana bacutpi meusaban Banta Umaran ate suka Kon syeedara ngon lon tuan Hana saban deungon bunda

Tan mubacut hi jiturot Bah kureubot putroe muda Keu raja hana kutakot U laot ion yue geulawa

Meunan leumah dalam ate Neupeujeuet le saboh kuta Ngon meuligoe sinan lahe Pageue ase bandum lingka

Neupo banta lam meuligoe Neupeujeuet droe miseue nyang ka Tamse ensan rupa muwoe Neuduek sidroe ateueh geuta

Cantek Maneh teuma pandang Bak dendayang jikheun sigra He dendayang tangieng keunoe Pane meuligoe deungon kuta

Lingka keubon kuta meuligoe Pakri tawoe bak ayahda Teuma seuot Nyak Sapiah Jipeugah bak putroe muda

Kadang sakti Banta Hamidan Aneuk sulotan raja raya Ka troh geujak kadang keunoe Geupeugot meuligoe teumpat gata

Udeh taek lam meuligoe Takalon soe po areuta Meuna ureueng jeuet tasidek Jak keunoe ek putroe muda

Meunan padan Nyak Sapiah Putroe indah han le haba Ka jibeudoh Putroe Cantek Laju jiek lam istana

Banta Umaran lam meuligoe Neukalon putroe keunan teuka Teungoh jiek u meuligoe Neubalek droe laen rupa

Neupeujeuet rupa teuma dudoe Tamse bagoe inong tuha Ok ka puteh han le gigoe Neuduek sidroe hana haba

'oh troh keunan si nyak putroe Jieu sidroe ureueng tuha Maja teuduek peulale droe Tajo putroe pantah sigra

Putroe seumbah nibak teuot Jiroe jibet le bandua Ngon ie mata ro meutaloe Jikheun meunoe ubak maja

Wahe ma po ma sambinoe Peulheueh kamoe nyan u lua Bek neutheun kamoe di sinoe Got meujak woe bak ayahda

Banta Umaran seuot meunoe Deungo kamoe putroe muda Pioh siat sajan kamoe He sambinoe na peue haba

Na peue hajat lon meung tanyong Wahe bungong ubak gata Putroe Cantek seuot pantah Insya Allah po ma raja

Peuebu hajat ma sambinoe Bak kamoe ateueh jeumala Seuot po Ni nyanglon tanyong Gata bungong toh ayahda

Soe nan ayah po sambinoe Ubak kamoe tacalitra Meuka meusoe nama ayah Lon peuleupah nyan u lua

Meunan haba Umaramlah Seuot pantah putroe muda Ka neutanyong ma meutueh Nyoe lon peugah ubak gata

Ayah laman raja meugah Keurajeuen luah lam Antara Raja Samidon nama ayah Nyang that meugah jeuep-jeuep raja

Siri kawom maja tanyong Kheun bak keunong putroe muda Kawom he ma Milon Awan Nyang saktian ngon peurkasa

Nanggroe Milon he ma badan Han soe lawan dilee nyang ka-ka Gata soe nan wahe intan Bak lon tuan peugah sigra

Nama lon tuan Putroe Cantek Keupeue tasidek he ma raja Peuebu seubah lon tasidek He ma tasek dum peukara

Di gata ma patbu nanggroe Nyang troh keunoe peue tamita Han torn nyang ka lon eu meunoe Ubak kamoe han soe teuka

Neupeulheueh lon he ma putroe Lon keumeung woe bak ayahda Peue na laba neutheun kamoe Bak jak manoe taboh kuta

'oh neutupeue uleh ayah That amarah nyan keu gata Maja seuot teuma pantah Deungo lon peugah po jroh rupa

Bek le putroe woe u teumpat Taduek sapat deungon hamba Taduek sinoe Putroe Cantek Bek tabalek bak ayahda

Lon he putroe beu taturi Nyoekeu po Ni nyang lam rimba Nyang jeuet gata ulon tahan Heundak mubisan deungon raja

Gata putroe meulintee kamoe Meukawen jinoe deungon banta Lon peukawen gata putroe Lon puwoe u dalam rimba

Di lonpi na aneuk sidroe Ureueng lakoe indah rupa Putroe seuot teuma meunoe Ka na lakoe lon he po ma

Deungon aneuk Raja Aliman Nyan tunangan po ma-raja Banta Hamidan nan geurasi That juhari indah rupa

Gohlom geuwoe ubak laman Tanggoh junjongan ayah hamba Lhee seun haji tanggoh meuhat Jinoe pakat rab sampoe ka

Meunan jikheun tuan putroe Seuot meunoe inong tuha Bek le tatem wahe putroe Han got lumpoe kheun bak raja

Meunyo aneuk Sulotan Aliman Kon tunangan deungon gata Ka lon turi Banta Hamidan Sakti jitueng nibak hamba

Peue cit cidah takheun ruman Meusidumnan putroe muda Ek aneuk lon han ek saban Banta Umaran nyang lam rimba

Tapak gaki Banta Umaran Hana saban jeuep-jeuep raja Lom ngon meugah keusaktian Hana lawan cidah rupa

Aneuk raja nanggroe bumoe Bak kamoe jimasok tapa Hana nyang sa lam naggroe nyoe Wahe putroe deungon banta

Seugala raja ka lon tilek That baek Umaran muda Patot judo gata intan Banta Umaran aneuk raja

Tamse meutia deungon pudoe Gata putroe po jroh rupa Meukon meunan ban lon kheun nyoe Di sinoe ulon tasula

Bukon wayang Putroe Cantek Keubit baek hana ngon sa Meunyo putroe hana baek Lon taculek aneuk mata

Ban putroe deungo narit po Ni That beureuhi putroe muda Yoh nyan putroe ka jisudi Jinoe po Ni di pat banta

Pakon hana neuba keunoe Hajat kamoe kalon rupa Meunyo keubit rupa cidah Lon meunikah wahe po ma

Kadang hana ban tapeugah That beurakah saleh gata Neuseuot Ni teuma pantah Keubit cidah wahe putroe

Meunyo meunan ma meutuah Peuleupah ulon kujak woe Lon jak bri thee ubak ayah Jak peugah bak ma lon putroe

Meuka idin ma ngon ayah Han le ubah tak lon sidroe Ban nyang hajat ma sambinoe Peulheueh kamoe dilee meuwoe

Po Ni deungo haba meunan Neukheun yoh nyan ubak putroe Han peue salah cut budiman Jroh that meunan bak lon sidroe

Singoh putroe woe bak ayah Tameulangkah teubiet uroe Bak malam nyoe bek tagisa Putroe muda pioh sinoe

Han jeuet he ma lon dom sinoe Geupoh kamoe watee lon woe Han he putroe geupoh gata Lon seureuta singoh tawoe

Meugeucarot uleh raja Kutampa beu reuloh gigoe Ayah gata he putroe ti Lon geuturi yoh saboh roe

Dilee bak lon geutueng sakti Abeh kubri dum sinaroe Teuma jinoe geumeuungki Kutadi beu cula-caloe

Ban putroe deungo narit po Ni Mangat ate hana bagoe Cantek Maneh keunong taki Tan jituri po samlakoe

Bak jisangka keubit po Ni Putroe ti seungap jiiem droe Teuma seupot le ngon uroe Teutap putroe sajan banta

Teutap sinan lam meuligoe Raja nanggroe lon calitra Raja Milon ayah putroe Lam meuligoe deungon bunda

Neueu tan woe Putroe Cantek Ka neusidek nibak hamba He dendayang hoka putroe Hana jiwoe troh 'an seunja

Teuma seuot si Nyak Benti Han lon tukri po meukuta Singoh ulon jak peureugi He doli ulon pareksa

Peue buet geudom nibak taman Han torn meunan dilee nyang ka Si Nyak Benti nyang kheun meunan Seungap yoh nyan poteu raja

Teutap iem droe bak malam nyan Teuduek 'oh nan saboh leua Lon peuriwang lom keu putroe Bak meuligoe nyang di lua

'oh lheueh makeuen ban limong droe Marit putroe ngon Ni tuha Wahe Ni po ma sambinoe Hajat kamoe nyan keu banta

Beu troh banta bak malam nyoe Hajat kamoe kalon rupa Meutroh banta bak malam nyoe Han le lon woe bak ayahda

Kri nyang napsu po ma sidroe Dum sinaroe ulon rela Seubab takheun jroh han sakri Lon beureuhi that keu banta

Meunyo gata ma Ie sakti Keu lon tabri pantah sigra Banta Umaran nyang juhari Jinoe he Ni beu troh teuka

Bunoe uroe lon tataki Jinoe tabri ban nyang pinta Meunyo hana ban tapeugah Bit beurakah po ma gata

Jinoe tabri banta indah Bek tapeugah got that rupa Bak jinoe le lon meuhajat Deungon siat beu troh teuka

Meunyo hana ingat keudroe Jeuet mupaloe ngon ayahda Lon tatipee bunoe ruoe Han tabri woe uleh gata

Tayue pioh ulon sinoe Banpeuet kamoe nibak gata Meunan haba Cantek Maneh Ka beungeh keu po Ni tuha

Teuma po Ni seuot meunoe Wahe putroe bek that duka Peue nyang napsu jinoe lon bri He putroe ti bak le subra

Ta thee troh Banta Umaran He intan keunoe jiteuka Putroe seuot teuma nyoe ban Peue tapadan lon le gata

Keunong raya bak boh padan Le ambilan tipee-daya Meunyo na cuba peuleumah Lon kalon sah iahe nyata

Meunan jikheun putroe cidah Umaranlah ka teurtawa Teusinyom-sinyom neukhem keudroe Ka na gigoe po Ni tuha

Leumah jieu uleh putroe Kilat gigoe jroh meucahya Hireuen mandang mata laloe Seubab gigoe jieu rupa

Bunoe hana dum sinaroe Yoh nyan putroe ka teurtawa Cantek Maneh khem teusinyom Jroh reunom ngon ie muka

Banta Umaran beuet hekeumat Deungon siat lahe nyata Teubiet saboh tikoh puteh Lam tika eh jiplueng lanja

Badan raya na ban beuteh Putroe kheun jeh pantah sigra Neukheun bak Ni hai nyan tikoh Taparoh bek dalam tika

Putroe beudoh teuma laju Lam keuleumbu jilop sigra Mita tikoh jikeumeung poh Samlakoe jroh balek rupa

Dendayang lhee di seuramoe Teungeut keudroe malam jula Putroe lale mita tikoh Ka jilhoh ban siseun lingka

Teungoh lale si nyak putroe Neubalek droe banta muda Ateueh geuta teuduek sidroe Samlakoe teurtawa-tawa

Nyang jeuet teukhem po samlakoe Neueu putroe sunggoh raya Mita tikoh keudeh keunoe Ban sijak nyoe han meuho ka

Putroe marit teuma sidroe Teungoh jaroe jilop tika Tikoh paleh pantah han soe Gadoh keudroe sikiep mata

Jikheun bak Ni teuma pantah Putroe peugah han meuho ka Tan meuteumee wahe po Ni Ka jilari nyan u lua

Tan soe seuot tanyong putroe Teuma dudoe seuot banta Meunyo hana putroe bintang Teubiet rijani' keunoe gata

Teubiet keunoe bek mita le Boh ate ka tron kakanda Putroe deungc ka iaün su Teubiet laju puiro;; .nuda

Troh u lua putroe pandang Ka hilang inong nyang tuha Leumah jieu banta seudang Lang-geumilang limpah cahya

Po Ni han le putroe pandang Banta seudang ateueh geuta Cantek maneh sangat malee Jitop ulee deungon ija

Seubab po Nipi hana le Ka teupike putroe muda Saleh banta cita nyang bunoe Peurupa droe inong tuha

Jinoe pakon jeuet hana le 'oh ban lahe po cut banta Banta Umaran teuduek keudroe Neueu putroe malee mata

Teuma neukheun narit meunoe Panton nyanyoe le neubuka Banta neukheun panton Aceh Neusareh jitupeue basa

Bungong jeumpa abeh layee Meukeumat bee nibak tika Pakon adek tatop ulee Laen lageelon eu rupa

Manok puteh di dalam abee Meuligan bulee ngon keusumba Pakon putroe nyang jeuet malee Bungong keumbee lon ngon gata

Ureueng laen hana sidroe Pakon putroe tasom muka Han tajeuet ngieng ateueh kamoe Takheun bunoe beu troh teuka

Bunoe adek lon tapeusan Jinoe intan han mulia Tatop ulee leumah badan Han saban lon ngon gata

Meunyo beungeh gata adoe Got lon jak woe dalam rimba Ban putroe deungo neukeumeung woe Beudoh dudoe seumbah banta

Seureuta ngon jibet jaroe Ampon kamoe po meukuta Kon beungeh lon tuanku droe Teuingat proe narit maja

Leupah narit ulon bunoe Ngon Ni sidroe lon meuseunda Jinoe po Nipi ka han le Weueh that ate po meukuta

Nyankeu seubab lon teupike Seubab han le po Ni tuha Jinoe tuanku ampon meu'ah Lon that salah bak meukuta

Neukoh jaroe neukoh lidah Narit leupah tan lon saja Nyang jeuet tuanku han lon turi Tamse po Ni peugot rupa

Nyoe ka lahe lon eu doli Idin neubri ulon pinta Banta Umaran seuot meunoe Deungo kamoe putroe muda

Hana adek gata salah Putroe indah hana deesya Lon baro troh keunoe langkah Ni nyang peugah neuyue teuka

Ni peugah lon gata peusan Nyan he intan nyang jeuet teuka Ulon teuduek lam tapaan Ni kheun padan pantah sigra

Beudoh aneuk tabeurjalan Jipeusan le putroe muda 'oh lheueh deungo narit po Ni Lon peureugi pantah sigra

Jinoe peue na tameujanji He puteh di ka troh hamba Peue na hajat lon tapeusan Wahe intan peugah sigra

Peugah laju he sambinoe Lon keumeung woe dalam rimba Han jeuet adek trep di sinoe Kareuna kamoe goh troh tapa

Lah ka adek gata peusan Ulon paban po jroh u rupa Jinoe putroe peue na padan Nyang tapeusan bak Ni tuha

Meunan narit Banta Umaran Putroe intan han le haba Putroe teukui ateueh teuot Ie mata sret meuleulumba

Banta marit tan jiseuot Seubab teumakot keu ayahda Bak jak manoe ka gop reubot Tamse eungkot roh lam kaja

Jikeumeung pluengpi han jeuet le Sosah ate putroe muda Ngon ie mata laju ile Na tamse ujeuen keunong sa

Bitpi jimoe putroe linteng Jikeureuleng ngon iku mata Ateueh banta ngieng mupaleng Meupuseng jikalon banta

Jieu rupa po samlakoe Si nyak putroe ate gila Nyum bek jarak meusiuroe Lam meuligoe sajan hamba

Dumna raja lam nanggroe nyoe Hana meunoe indah rupa Meunan pike tuan putroe Lam ate droe tan u lua

Cantek Maneh teuma meusu Sang lagu panton seuluka Meugrak babah cit sigeutu Sang Bungsu ngon Malem Diwa

Dua jaroe jibet laju Meunoe lagu phon jikata Sang bagoe panton Meulayu Roh sigeutu syae Jawa

Aneuek Jawa masok sidadu Aneuk Meulayu masok sikula Mate seumut jimakan madu Mari tuanku apakan cinta

Di teungoh laot burong teureubang Di teungoh padang maenan raja Keuheundak adek mupangge abang Nanti seukarang bilang rahsia

Ujeuen turon darinya awan Cuaca éulan di dalam kali Kalee ada abang gasehan Adekda tuan rindunya ate

Bunganya keumbang di dalam dawon Jatohnya satu diambek urang Abang kucinta beurapa tahon Sudah keuteumu malam seukarang

Wahe kakanda muda juhari Deungo adekda hamba sampari Apakan rindu di dalam hati Adekda mau akan suami

Meunan jikheun le Putroe Maneh Banta teuseungeh deungon ie muka Banta Umaran teuma neutaleh Nyoe baro jadeh rab jeuet meuseunda

Umaran balah ngon panton Aceh Nak rijang jadeh ban hajat pinta Panton gura rasapi leubeh Panton Aceh leubeh that meusra

Reudok di langet ujeuen han jadeh Sayang that bijeh ka layee rata Padumna lawet kamoe gata preh Malam nyoe jadeh ka troh lon teuka

Dalam paya timoh beuramoe Dalam anoe timoh seusawi Nyang troh langkah ulon keunoe Malam nyoe tapeukong janji

Di ateueh cot timoh riwat Di ateueh jeurat timoh keumili Ulon tapeusan he pirak lipat Jinoe hajat keu ulon tabri

Meunan panton Banta Umaran Jiseuot nyoe ban si nyak putroe ti Seureuta deungon putroe kheun panton Bungong sitahon keumang meuriti

Nyang jeuet lon peusan tuanku ampon Raya that ulon keumeung meujanji Ureueng keumawe taloe ie tajam Umpeuen lam reugam ikan geurisi

Ulon sugot ok lon koh ngon andarn Uroe ngon malam ingat keu doli Ulon pajoh bu han jeuet keu asoe Ate teu goe-goe malam ngon hari

Meunan jikheun le si nyak putroe Seuot samlakoe muda juhari Pakon he adek ingat keu kamoe Gata sambinoe ka na suami

Kareuna ulon ureueng di bumoe Ulon jak keunoe ngon suroh po Ni Teuma jiseuot lom si nyak putroe Jibeuet jaroe reundahkan diri

Sireutoh laen hana lon pakoe Di lon hajat droe meukuta doli Meunyo tuanku jinoe neumeung woe Ulon boh taloe jaroe ngon gaki

Meukon tuanku neuba lon sidroe Han ek jeuet neuwoe meukuta doli Jinoe tuanku bek le neugisa U dalam rimba bak teumpat po Ni

Bahle di sinan tuanku raja Nanggroe Antara indah han saktri Teuma neuseuot Umaran banta Bak putroe muda nyang that juhari

Wahe adek putroe sambinoe Tadeungo kamoe sepatah haba Narit adekda takheun sijak nyoe Bak kamoe ateueh jeumala

Nyang troh langkah ulon keunoe Bak nanggroe nyoe keumeung raja Lon boh gampong deungon nanggroe Sit putroe ulon jak mita

'oh meuteumeung teuma lon woe Meugoh sampoe han lon gisa Han lon takot baranggasoe Beuthat sidroe ion adekda

Lon arong gle lon ek gunong Publoe nyawong dalam rimba Sit lon hajat mita bungong Jinoe keunong ulon gisa

'oh na bungong han le lon bloe Na tom adoe meunan nyang ka Meugoh lon cok dalam jaroe Han ulon woe barangjan masa

Jinoe adek deungo lon peugah Ubak ayah bek le tagisa Taduek sinoe putroe indah Ban peurintah ulon rela

Meunan haba Umaranlah Putroe indah ate suka Bandua droe ate galak Meukhem meukhak le bandua

Banta lisek putroe rancak Tamse meurak ateueh data Putroe cidah banta carong Janji that kong gop nyan dua

Gohlom nikah kawen mantong Seubab carong sakti banta Putroe muda jijak manoe Banta nyoe keunan troh teuka

Jinoe ka na ngon meuligoe Teutap putroe sajan banta Dendayang lhee ka jipeugoe Jiyue pasoe idang raya

Saboh euncien nibak putroe Ek troh sampoe hajat pinta 'oh tee jisuet nibak jaroe Peue hajat droe ase teuka

Ka na idang le di sinan Jibet yoh nyan keu cut banta Banta kalon troh minoman Hireuen yoh nyan hana haba

Dalam ate leumah meunoe Putroe nyoe tarek that mintra Jih lon tahan bak jak manoe Pane nyoe idang nyang raya

Banta Umaran tahe mandang Neukalon idang indah rupa Teungoh banta hireuen mandang Marit rijang putroe muda

Deungon jaroe jibet meulayang Putroe seudang rneusuara Seureuta ngon jikheun panton Su meualon sang biula

Bukon sayang putik sukon Di dalam on layee rata Peue han neumakeuen tuanku ampon Makanan bak lon nanggroe Antara

Kon tuanku lon peugot keudroe Buet jaroe euncien keumala Teuma seuot po samlakoe Peurab keunoe adoe ngon gata

Makeuen sajan he sambinoe Deungon kamoe ureueng lam rimba Insya Allah seuot putroe Neusrah jaroe teuma banta

Putroe jok ie keu samlakoe Cut putroe idang neubuka Neumakeuen le bandua droe Samlakoe ngon putroe muda

'oh lheueh makeuen pinah idang Lhee dendayang po keurija Bri öuan le putroe bintang Sambot rijang po cut banta

Si nyak putroe lakee seupah Insya Allah seuot banta Jitheun jaroe nibak babah Banta rudah teuma sigra

Putroe pajoh teuma pantah Bibi mirah ban keusumba Muka puteh bibi mirah Jroh that indah hana tara

Banta Umaran hireuen dasyah Neueu babah putroe muda Jibeudoh hu cahya limpah Meujeureulah u antara

Tuan putroe ngieng Umaran Tamse intan jiplueng cahya Seumeulhoh u dalam awan Cahya badan deungon muka

Putroe beudoh teuma laju Lop keuleumbu deungon tika Ngon bee-beewan ka jijampu Minyeuk gahru ngon minyeuk ata

'oh lheueh ase dum sinaroe Teuma dudoe jimat banta Bak ija jimat le putroe Tamse lakoe meunan rupa

Teuma jilop lam keuleumbu Beuradu sinan bandua Teutap teungeut lam keuleumbu Ate seuu putroe muda

Dendayang lhee di seuramoe Teungeut keudroe malam jula Teutap 'oh nan haba putroe Lam meuligoe deungon banta

VII, RAJA SAMIDON PUGA PRANG

Amma bakdu teuma dudoe Raja nanggroe lon calitra Raja Milon lam meuligoe Deungon putroe teuma jaga

Ka jihei dendayang sidroe Nyang sajan droe raja raya Si Nyak Benti jih nyang baroe That ragoe bak peugah haba

Yue jak kalon tuan putroe Pakon baroe hana gisa Peuebu seubab hana jiwoe Peue laloe sideh di lua

Meunan sabda Raja Milon Dendayang tren pantah sigra Jitren laju jijak sidroe Jak eu putroe suroh raja

Leupah kuta troh u mideuen Tahe hireuen sikiep mata Jieu kuta lingka taman Jiplueng yoh nyan ka jigisa

Hana jan troh ubak putroe Jiplueng jiwoe ubak raja Jiek laju lam meuligoe Jibet jaroe di jeumala

Raja tanyong pakon kawoe Hana putroe lon eu rupa Si Nyak Benti seuot meunoe Ampon kamoe po meukuta

Tan troh lon jak ubak putroe Baro sampoe nyan d lua Leumah lon kalon tuanku droe Saboh meuligoe deungon kuta

Di lingka keubon tuan putroe Teudong meuligoe deungon kuta Rupa indah hana bagoe Pacang beusoe bandum lingka

Raja Milon deungo meunan Amarah yoh nyan hana tara Neuhei bujang teuma yoh nyan Ka troh keunan pantah sigra

Wahe bujang deungo kamoe Tajak jinoe nyan u lua Soe po kuta jeh di padang Tajak rijang jinoe pareksa

Cantek Manehpi tan riwang Soe di padang pane raja Jakleh lanja wahe bujang Bek jisagang putroe muda

Bujang deungo sabda meunan Jijak yoh nyan pantah sigra 'oh sare troh ubak taman Jidong sinan meusuara

Jitanyong soe lam kuta nyan Tapeugah nan jinoe sigra Wahe ureueng nyang di padang Peugah rijang peue nan raja

Troh tujoh seun tanyong bujang Lhee dendayang teuma jaga Jideungo.su ureueng teumanyong U rumoh inong jiek sigra

Siti Cahya jiek sidroe Jijak peugoe putroe muda Han jitakot jijak laju Lop keuleumbu pantah sigra

Deungon banta putroe beuradu Ka watee bu gohlom jaga Ka jiceupet nibak teuot Ka teukeujot putroe muda

Pinah ija han le limbot Bak teuot si nyak Ti Cahya Bandua blah jaroe jibet Ban nyang patot peugah haba

Beudoh po cut rijang keunoe Han lon tusoe nyan di lua Geutanyong soe lam kuta nyoe Pakri jinoe putroe muda

Cantek Maneh deungo meunan Jipeugoe yoh nyan Umaran banta Teukeujot le cut budiman Dendayang nyan jitren sigra

Laju jitren u seuramoe Tinggai putroe deungon banta Putroe peugah ureueng tanyong Su meudeungong nyan di lua

Teungoh putroe peugah meunan Jihei yoh nyan lom di lua Soe lam kuta teubiet siat Na peue hajat lon pareksa

Teubiet laju pantah leugat Wahe sahbat nyang lam kuta Banta Umaran deungo meunan Neutren yoh nyan oh seulasa

Ka neutanyong soe neuhei nyan Di lua taman meusuara Peuebu hajat tahei kamoe Peugah jinoe he syeedara

Bujang seuot teuma meunoe Po meukuta nyoe peue nan raja Peugah reujang wahe sahbat Suroh deelat yue paraksa

Nyang troh keunoe peue na hajat Peugah leugat ubak hamba Meunan jikneun uleh meuntroe Samlakoe seuot le sigra

Jeuoh gampong lon ngon nanggroe Tuan putroe lon jak mita Lon nyoe aneuk raja bumoe Ka troh keunoe nanggroe gata

Meuteumee putroe jijak manoe Bak nanggroe nyoe he syeedara Nyankeu sabab pioh kamoe Pakri jinoe nibak raja

Jak leh tawoe gata jinoe Takheun kamoe nyang dilua Saleuern ulon lom tapeugah Lhee droe siah tayue teuka

Kheun bak raja neuwakillah Mangat sah putroe keu hamba Nak lon puwoe oh lheueh nikah Jinoe pantah ulon gisa

'Oh bujang ngo narit meunan Jiplueng yoh nyan ubak raja Troh udalam peuek seumbah Ka jipeugah teuma sigra

Jibot jaroe bandua blah Meuhah-meuhah jimeusabda Bujang marit teuma pantah Ka jipeugah ban nyang haba

Abeh bandum jihareutoe Tuan putroe jikeumeung ba Meuka idin tuanku droe Jinoe jiwoe po meukuta

Raja milon deungo meunan Amarah yoh nyan hana tara Muka juah tamse biram Deungon bujang jimeuhaba

Jak krah rakyat dum sibarang Uleebalang beu troh teuka Uroe nyoe le beu troh datang Lon dalam prang tapeuhaba

Meuhan jitren ingat keudroe Dum sinaroe kuboh seksa 'Oh bujang deungo haba meunan Jijak yoh nyan pantah sigra

Jimudek le nanggroe tunong Jipeh mong-mong meuseuranta Jeuep-jeuep jurong ka jitamong Meudeungong jimeusuara

Jikrah rakyat barat tunong Jikheun bungong ka gop hila Teuduek haba bujang mudek Lon balek jinoe keu raja

Leupah bujang jikrah rakyat Neupeugot surat uleh raja Jikeumeung tham banta siat Nibak surat peugah haba

Jiboh narit jeungkat-jeungkat Jisrom leugat dalam hawa Nibak angen yue teureubang Sret u padang nibak banta

Roh lam jaroe banta seudang Neuploh rijang ka neubaca Meunoe haba dalam surat Deungo sahbat lon calitra

Haba di phon dum bu leukat Saleuem deelat raja raya Nyoe nibak lon saboh surat Nyang hina that wahe banta

Keu adekda nyang meundapat Nyang meugah that ngon peurkasa Pioh dilee sinan siat Lon meuhajat kalon rupa

Si nyak putroe aneuk kamoe Pulang keunoe wahe banta Ban nyang napsu lon bri jinoe Patot kamoe tuan gata

Nak lon bri sah po sambinoe Bek bak meunoe nyan tahila Pakon tareubot di rot di blang Nyang han reumbang buet di gata

Jinoe pantah nyan tapulang Putroe seudang bek tahawa Kon dum gata nyang meudagang Di padang tapeugot kuta

Meuhan tapulang ingat keudroe Kuboh taloe jinoe gata Gata mate kucok putroe Akhe dudoe jeuet binasa

Nyang got banta peulheueh jiwoe Bek mupaloe deungon gata Meunyo hajat tameukawen Lon bri laen nyang got rupa

Asai banta meuka tatem Na buet dalem nyang peucara Tan meusaket nibak kamoe Di yup meuligoe na sigunca

Rupa cidah that sambinoe Asee kamoe bandum dara Meusaboh han lom meulakoe Jinoe adoe bah keu gata

Ri nyang galak kalon keudroe Samlakoe bek sosah raya Meunyo mantong lon mat nanggroe Ek na putroe judo gata

Meuka pulang Putroe Cantek Nyang baek laen lon mita Kareunajih ka na lakoe Pulang adoe jinoe sigra

Meunan haba dalam surat Pirak lipat ka teurtawa Ubak putroe neukheun leugat That bit jeungkat ayah gata

Lon sidroe geulakee ikat Nyoe surat nibak ayahda Gata adek geuyue pulang Meuhan geuprang pantah sigra

Putroe seuot teuma rijang Ban nyang reumbang bak kakanda Patot tuanku neulawan prang Jinoe rijang balah haba

Udep mate bak lon tuan Seutot sajan po meukuta Saboh kubu sikrak gafan Mate sajan ngon kakanda

Meunyo han le nyawong simpan Ulon paban ka troh masa Meunan jikheun si nyak putroe Samlakoe teurtawa-tawa

Bek that gundah wahe adoe Tuhan sidroe nyang peulara Han lon takot baranggasoe Wahe putroe meuna gata

Meunan haba Umaranlah Cok keureutah teuma sigra Neupeugot surat teuma pantah Ka neubalah narit raja

Haba surat nyoe lon peugah Deungo beu sah he syeedara Neuboh narit nyang saket that Narit jeungkat hana tara

Bak mula phon narit sehat Dudoe sahbat tamse tuba Nyoe nyang haba dalam surat Dum bu leukat ngon asoekaya

Alhamdulillah mula phon syahdat Saleuem lon meuhat keu raja 'ala Datang di mideuen nibak lon tuan Banta Umaran geurasi nama

Heundak meundapat sama sulotan Nanggroe lam awan gampong Antara Bek rayek ate meukuta Awan Pakri lon paban adak neusula

Jinoe tuanku beu rayek sayang Ulon meuladang bak nanggroe gata Ka leupah jaroe patot neureupang Nyang putroe seudang han lon bri gisa

Meuka mee lon cok pane lon pulang Meunyo goh hilang nyawong lam dada Nyang got tuanku bek le neulakee Ka na meulintee sinoe di lua

Di lon tuanku patot lon malee Nyang bungong keumbee bek le neuhawa Nyang got tuanku yue teubiet syiah Jak yue peunikah putroe muda

'oh lheueh nikah teuma lon pulang Deungon dendayang ubak meukuta Meunan tuanku bak lon nyang reumbang Han le lon pulang putroe muda

Meunyo na hajat keu nyawong hilang Yue teubiet jak prang jinoe beu sigra Adak takeumeung pumate rakyat Teubiet bak leugat ngon gata-gata

Rakyat ulon poh gata lon ikat Putroe nyoe meuhat teuma uion ba Meunan haba di dalam surat Teuma neulipat neusrom lam hawa

Sret lam jaroe Raja Samidon Sulotan Milon teuma le buka Jideungo haba jroh that meuturon Awai deungon phon abeh jibaca

Di awai mangat 'oh dudoe saket Yoh nyan bicah phet di dalam dada Seugala raja surat jipeuek Ateji saket hana tara

Teuma jitren u leuen meuligoe Jipreh meuntroe gohlom gisa Bujang leupah jijak baroe Jeuep-jeuep nanggroe meuseuranta

Abeh jikrah jeuep-jeuep nanggroe Teuma jiwoe ubak raja Rakyat jitren dum sinaroe Bujang meuntroepi ka gisa

Peunoh mideuen ka troh rakyat Marit leugat poteu raja Hana meujan geumupioh Ka jisuroh jak prang banta

That amarah hana bagoe Dum sinaroe yue keulua Jakleh kacok si nyak putroe Dalam jaroe aneuk raja

Hana meune jih nyan sidroe Jidrop putroe nyan di lua Banta Umaran jipeugah nan Nanggroeji nyan gampong donya

Meunan sabda Raja Milon Meuron-ron rakyat keulua Di teungoh mideuen dum meuhimpon Nyang teungoh tren han ek kira

Bandum jijak u mideuen prang That guransang dum lasyeuka Jipeh tambo deungon geundrang Alamat prang mula-mula

Jideumpek deungon jisurak Bandum jijak lingka kuta Kuta banta sama teungoh Rakyat peunoh jidong lingka

Jikeumeung grop nyan u dalam Ka jihantam pageue kuta Banta Umaran ïam meuligoe Deungon putroe sapat dua

Neudeungo su ureueng surak Sang meuhayak mideuen raja Neulop tingkap neungieng u mideuen Tahe hireuen rakyat teuka

Neueu jitren dum sinaroe Tangkat beusoe raya raya Pageue kuta ka jieumpoe Saboh sagoe ka seureupha

Yoh nyan beungeh po samlakoe Tamse bagoe gajah meunta Neusuet malakat nibak jaroe Lam meuligoe neugisa-gisa

Lingka kuta ka jeuet laot Tamse ribot ie meubura Dumna rakyat ka teumakot Ka jisurot ubak raja

Teuma beungeh nyang pahlawan Jikheun nyoe ban bek tagisa Bahle lon hei wahe rakan Nyoe saktian yoh lon tapa

'oh lheueh jikheun haba meunan Jijak yoh nyan pantah sigra Bak bumoe jiteupok tangan Laot yoh nyan han le nyata

Banta Umaran kalon meunan Malakat nyan le neugisa Jeuet le apui di teungoh padang Rakyat pandang ate lia

Milon mate nyawong hilang Di padang ka jeuet keu sira Nyang tinggai ka abeh jiriwang Jiplueng rijang ubak raja

Uleebalang peuek seumbah Ka jipeugah dum peukara Han ek tuanku kamoe gagah Rakyat barollah ka seureupha

Abeh mate dumna rakyat Sakti le that aneuk raja Apui raya tuanku that Tutong rakyat jeuet keu sira

Jinoe tuanku pakri pakat Hana sapat ek tangaza Tutong nanggroe deungon siat Nyum meukarat po meukuta

Raja Milon deungo meunan Amarah yoh nyan hu ngon mata Teuma jikheun bak pahlawan Teubiet teelan jinoe gata

Banlimong droe teubiet sajan Dang lon peusan lhee droe raja Pahlawan deungo sabda deelat Jijak leugat u mideuen raja

Seureuta ngon bandum rakyat Jimat alat band urn rata Lhee pahlawan rupa hebat Jimat tungkat beusoe raya

Pahlawah lhee that beurani Utoh sakti deungon mintra Nyankeu panglima Raja Milon Nyan uroe phon jikeulua

Seubab suroh Raja Samidon Teungku ampon poji raja Banlhee droe lon peugah nan Pahlawan nyan nyang peurkasa

Sidroe geurasi Damilon Awan Nyang le saktian meuribee ganda Teuma nyang dua Pari Hamidan Nyanpi tuan that peurkasa

Damilon Raksa teuma nyang keulhee Tamse himee takalon rupa Sajan rakyat dua pioh ribee Bandum sukee Damilon Raksa

Ladom me cokma ladom me batee Ladom kayee nyang that raya Teudong meureuntang di teungoh mideuen Tamse naleueng rakyat raja

Teuma jikalon apui mirah Peurab bagah Damilon Raksa Deungon gaki le jicacah Apui mirah han le nyata

U bineh kuta jijak bagah Umaranlah kalon rupa Neueu ureueng that barollah Bandum gagah ngon peurkasa

Pahlawan lhee droe neueu hebat Jimat leugat pageue kuta U dalam laju jilumpat Nyang rakyat mantong di lua

Banta Umaran kalon meunan Teupok tangan pantah sigra Teubiet cumboi teuma yoh nyan Mat bak tangan ka neubuka

Cumboi sakti nyan manikam Di dalam rakyat meulaksa Jiteubiet le bandum curam Jikhadam Umaran banta

Jitanyong le teuma tajam Syah alam peue na sabda Peuebu hajat pangge kamoe Peugah jinoe pantah sigra

Banta Umaran seuot meunoe Deungo kamoe he syeedara Nyang lon pangge gata dum nyoe Kareuna kamoe ka na bahya

Ulon jiprang uleh Milon Raja Samidon sakti raya Kareuna aneuk kucok le lon Nyan asai phon mula-mula

Jinoe beungeh Raja Samidon Ka jihimpon dumna lasyeuka Jak tateubiet jinoe rijang Talawan prang he syeedara

Rakyat Milon jeh di padang Teubiet rijang pantah sigra Ban jideungo sabda meunan Ban waliman peujeuet rupa

Padum jipo dalam awan Na tamse ban reudok teuka Tamse guroh suara nyan Milon Awan yo sang geumpa

Gohlom jitren nyan u padang Su meugrang-grang lam antara Rakyat Milon hireuen mandang Lam awan su meutaga

Dumna rakyat ka jipandang Peue datang jikalon rupa Teuma leumah yoh masa nyan Waliman deungon geureuda

Bandum jitren teuma keunan Milon yoh nyan ka jiguda Seubab le that siploh nanggroe Jiplueng jiwoe ubak raja

Pahlawan lheepi ka riwang Jieu datang rakan banta Abeh jiplueng rakyat Milon Teuma jitren rakyat banta

Peunoh mideuen keunan jitren Rakyat Milon abeh gisa Rakan banta peunoh padang Preh datang lasyeuka raja

Sukee Milon ka jiriwang Tamong rijang ubak raja Lhee pahlawan peuek seumbah Bak khalifah raja raya

Abeh bandum ka jipeugah That amarah hana tara Raja Milon beungeh han ban Ngon pahlawan jimeusabda

Pakon kaplueng han kalawan Malee bit tan dumna gata Meunyo meunan beudoh jak woe Bahle sidroe lon keulua

Bahle kamoe muprang keudroe Beudoh jak woe bandum gata Hana laba bak lon pike Han tamate sajan hamba

That amarah hana tamse Jiruhe dumna peutua Beudoh jinoe dum beu sare Bek le pike teubiet sigra

Teubie tlaju nyan u padang Talawan prang ngon geureuda Meunan sabda Raja Milon Nyoe baro phon jeuet prang raya

Jiteubiet le dum meuron-ron Sukee Milon that peurkasa Lhee pahlawan nyang beurani Ka jinari di mideuen raja

Damilon Raksa Hamidan Pari Jiadu sakti ngon rakan banta Rotdeh jipreh rotnoe jijak Ka meurumpak dua tantra

Yoh nyankeu prang that meutunang Saban timang he syeedara Rotnoe Milon jeh waliman Yoh masa nyan jeuet prang raya

Le that mate milon awan Ka rab simpan saboh tantra Rakyat banta sidroepi tan Milon awan rab seureupha

Yoh nyan beungeh lhee pahlawan Adu saktian Milon Raksa Damilon Raksa peuleumah saktian Jitren lam awan apui geureuda

U teungoh mideuen laju beurjalan Rakyat Umaran laju jimita Tamse geureuda apui teureubang U padang laju jiteuka

Rakyat banta di teungoh padang Keunan troh datang apui geureuda Teuma jikalon le uleebalang Jitanyong rijang ubak lasyeuka

Soe nyang sakti lam kawan nyoe Cuba jinoe lawan geureuda Teuma seuot sidroe pahlawan Nyang le saktian Paridon Lila

Paridon Lila nama geurasi Sukee jen pari lam keumala Jiteupok jaroe jitingkrom gaki Teuma beurdiri aneuk jen dua

Paridon Lila jiseumbah gaki Aneuk jen pari tanyong peue sabda Paridon Lila teuma le peugah Apui nyang mirah lawan keu gata

Apui geureuda nyang sakti Milon Jinoe tapeulen wahe syeedara Meukon gata jinoe nyang tulong Bandum tutong rakyat keumala

Seubab Umaran buet ka langsong Putroe tanglong geumeuhawa Geucok putroe aneuk Milon Nyoe baro phon prang that raya

Meunan sabda Lila Paridon Keunan ka jitren apui geureuda Rakyat keumala sinan meuhimpon Geureuda jitren u teungoh tantra

Aneuk jen dua dalam kawan nyan Jikalon keunan ka troh geureuda Jipeujeuet badan naga teureubang U teungoh padang laju jiteuka

Badan raya bukon bubarang Teuma jimuprang deungon geureuda Teubiet ie babah naga teureubang Yoh nyan ka hilang apui meunyala

Tamse ie laot jitren u padang Apui nyang datang abeh seureupha Apui geureuda hanco di padang Surat meuguncang rakyat keumala

Aneuk jen dua teuma jiriwang Jitren rijang lom bak nyang ka Paridon Lila tingkrom lom gaki Aneuk jen pari keunan jiteuka

Damilon Awan yoh nyan amarah Jikalon bicah apui geureuda Teuma jipeulheueh laen saktian Jipo lam awan tamse geureuda

Jitren di langet ujeuen batee Keunong ulee rakyat keumala Paridon Lila kalon meunan Panah lam awan neusrom sigra

Na sikeujap dalam awan Ka jeuet sinan nanggroe Antara Ka meusangkot ujeuen batee Yoh nyan malee Damilon Raksa

Jiteubiet le sigo banlhee Hana lagee beungeh raya Jipoh ureueng deungon kayee Ladom batee jigeulawa

Rakyat banta beukah ulee Keunong batee raya-raya That amarah milon asee Yoh nyan padee rakyat banta

Nyang ka mate na siribee Beukah ulee ka jeuet dua Seubab le that sukee Milon Teungoh jitren han ek kira

Ri nyang ka troh jimasok prang Jimeucang ngon rakan banta Rakyat keumala yoh nyan tiwah That gagah Milon Raksa

Jisurot le teuma pantah Umaranlah kalon rupa Neukalon rakan meunyum tiwah That amarah hana tara

Sukee Milon that guransang Jimeucang meugisa-gisa Rakan banta suroh rijang Han ek sagang bak ri rupa

Euncien malakat banta tayang Troh datang pari lam rimba Banpeuet pioh droe jiteureubang Marit rijang po cut banta

Neupeugah bak sulotan pari Ka teukeudi lon syeedara Ka roh lam prang wahe rakan Milon Awan that peurkasa

Abeh jipoh dumna rakan Le angkatan Milon Raja Lagi meugah ngon saktian Han ek lawan bak ri rupa

Meukon gaseh gata rakan Talawan Milon Raksa Sulotan pari deungo meunan Jibet tangan di jeumala

Peue jeuet sosah po junjongan Meungon nyan lawan meukuta Milon asee peue tatakot U laot ulon geulawa

Nyang tuha lon mat bak janggot Lon niet sipot po meukuta Banta teuma laju seuot Jroh meusambot wahe raja

Dalam peuet pioh sidroe sulotan Laen pahlawan Pari Tapa Banpeuet pioh droe teuga han ban Sidroe sulotan that peurkasa

'oh lheueh suroh Banta Umaran Laju beurjalan u mideuen raja Banpeuet pioh droe jiteureubang U padang ubak lasyeuka

Jitren laju di mideuen prang That guransang Pari Tapa Jipoh milon ka jitadi Raja Pari that kuasa

Jiwiet jaroe deungon gaki Peuet pioh pari bandum teuga Jipoh laju han soe tukri Jitadi ngon jigeulawa

Subhanillah milon mate Tinggai bangke di mideuen raja Sang ie laot darah ile Le that mate nyang biek raksa

Teuma amarah pahlawan lhee Jimat batee jigeulawa Jisrom pari ateueh ulee Ngon batee nyang raya-raya

Raja pari that amarah Peurab pantah keunan sigra Bak pahlawan jijak pantah That amarah hana tara

Milon laen abeh bicah Ka reubah ladom jitampa Bak pahlawan peurab bagah Jieu pantah jigeulawa

Damilon Raksa kalon yoh nyan Ka troh keunan Pari Tapa Sidroe raja nyang jak keunan Nibak tangan jimat lanja

Milon marit teuma yoh nyan Jitanyong nan Pari Tapa Milon Raksa tanyong pantah Hobu langkah tajak gata

Seubab lon eu that amarah Cuba peugah peue na sabda Soe geurasi nan nyan di kah Lon eu gagah that peurkasa

Sulotan Pari seuot pantah Lon jak bak kah hai ceulaka Nyoekeu ulon Raja Pari Beu katuri singoh lusa

Nyang got jak woe bek kutadi Yue peureugi keunoe raja Raja Milon yue jak keunoe Kah banlhee droe jinoe gisa

Kon deungon kah lawan kamoe Yue jak keunoe pokeu raja Bek baroekon that guransang Jinoe hilang nyawa gata

Nyang got jinoe jakleh riwang That lon sayang lhee droe gata Damilon Raksa seuot rijang Nyang kon reumbang narit gata

Bek tamarit putoh reupang Han lon pantang meudum gata Di kamoe lhee gata sidroe Kreueh that gigoe tameudawa

Pakon kamoe tayue jak woe Raja nanggroe tayue teuka Bak tasangka ulon takot Nyang kon patot narit gata

Meuka ukeue han u likot Pueh lon surot saket lam pha Sulotan Pari deungo meunan Amarah yoh nyan hu ngon mata

Peurab laju mat bak tangan Jisrom yoh nyan dalam hawa Damilon Raksa geurasi nan Buet tangan Pari lam rimba

Sret u nanggroe Raja Aliman Di sinan mate teurhanta Di teungoh mideuen Sulotan Batak Ka teukeupak nyawong keulua

Sulotan Pari marit sikrak Jikheun ubak pahlawan dua Wahe Milon nyang pahlawan Pakri padan nibak gata

Kamoe han ek gata lawan Jak he rakan jinoe gisa Tayue teubiet nyang sulotan Nak sipadan deungon hamba

Teuma seuot Milon Awan Jikheun nyoe ban pantah sigra Bek tapeugah narit teuboh Nyang ka gadoh bek le mita

Haba sot-sot nyan tateuoh Bek that teuboh narit gata Teugoh mate sidroe tapoh Ngon kamoe gohlom tacuba

Nyoe ngon kamoe cuba peurab Bek tameukat ngon suara Kupoh mate sinanteu jap Kuhisap nyawong di gata

Meunan jikheun Damilon Awan Pari Sulotan amarah raya Sulotan Pari peurab leugat Ka jilumpat pahlawan dua

Jigrop lambong jibet tungkat Jipoh meuhat Pari Tapa Damilon Awan that beurani Jipoh Pari meugisa-gisa

Milon dua Pari sidroe Tamse bagoe weng meugisa Jipoh keunoe jigrop keudeh That bit areh Pari Tapa

Jipoh ngon cokma Milon Awan Pari Hamidan jigeulawa Sulotan Pari pantah han ban Damilon Awan jidrop bak pha

Teuma jisrom le lam awan Pari Hamidan ate lia Seubab han le dua rakan Ka lam awan jigeulawa

Ka jisurot bacut bacut Ate kuyut hana tara Sulotan Pari peucrok meuhuet Jiplueng ban buet teuma sigra

That teumakot Pari Hamidan Jikalon rakan ka lam hawa Milon Raksa Damilon Awan Ka simpan nyawong keulua

Damilon Awan jisrom dudoe Sret bak nanggroe gampong Antara Bak nanggroe Raja Adrang Di padang Milon teurhanta

Hanco tuleueng jeuet keu anoe Lam bumoe na siploh deupa Pari Hamidanpi ka jiwoe Rakyat sinaroe abeh gisa

Hana tinggaipi meusidroe Abeh jiwoe dalam kuta Rakyat banta tinggai di padang Siurang di mideuen raja

Dumna milon abeh riwang Ka talo prang nyang po banda Pari peuet pioh that guransang Di padang jilila-lila

'oh hana le jieu lawan Bak Umaran laju gisa Jikheun han le Milon Awan Ka simpan panglima dua

Teuma marit Banta Umaran Ubak rakan neukheun sigra Rakyat keumala dumna mate Nyang ka han le sajan gata

Paridon Liia jiseuot le Le that mate po meukuta Na sirebee bak lon pike Nyang ka han le sajan hamba

Paridon Lila peugah meunan Marit yoh nyan lom cut banta Jak tacok bandum kaman Bek sinan di mideuen raja

Cok beu abeh dum tapuwoe Lon pasoe dalam keumala Bek tatinggaipi meusidroe Dum tapuwoe dalam kuta

Meunan sabda po samlakoe Rakyat sinaroe jijak lanja Jijak pileh mayet rakan Nyang ka simpan yoh prang raya

Abeh bandum jipeusapat Jipuwoe leugat ubak banta Banta Umaran teuma lihat Euncien malakat le neugisa

Ubak syiah neumeuhajat Pasoe leugat lam keumala Nyang ka han le bandum rakyat Neupeusapat teuma sigra

Neuboh bandum nyan u dalam Cumboi manikam sakti raya Teuma udep bandum tajam Troh u dalam tamse nyang ka

'oh neubuka jiteubiet le Nyang ka mate yoh prang raya Jinoe bandum udep sare Rabbon Kade nyang kuasa

Cantek Maneh lam meuligoe Hireueïi laloe jieu banta Saiai utoh hana bagoe Si nyak p.utroe ate suka

Dalam ate leumah meunoe Bit banta nyoe sakti raya Han ek lawan ayah kamoe Meusidumnoe tarek banta

Hana nyang sa lam nanggroe nyoe Sakti meunoe miseue banta Meunan pike si nyak putroe Lam ate droe tan u lua

Teuduek haba si nyak putroe Lon puwoe jinoe keu banta Banta Umaran kheun bak rakyat Bak ingat that he syeedara

Raja Milon sakti le that Lom ngon rakyat meuleulaksa Takawai kuta uroe malam Prang nyoe agam nibak nyang ka

Sulotan Pari seuot tajam Syah alam bek that duka Bek that sosah tuanku droe Baranggasoe han lon taba

Di tuanku neuduek keudroe Rakyat sinaroe kawai kuta Meunan jikheun sulotan Pari Seungap doli po cut banta

Banta teutap lam meuligoe Deungon putroe indah rupa Ate dasyah hana bagoe Rakyat sinaroe kawai kuta

Raja Pari nyang peurintah Maseng jumeulah jiyue jaga Nibak rakyat dum jipeugah Bek peuleupah soe nyang teuka

Got di miyup boh rot manyang Got binatang cicem rimba Peue nyang leumah nyang mubayang Tapoh rijang teuma sigra

Pari rimba nyang peuet pioh droe Ateueh meuligoe jiyue jaga Ban binatang jipeujeuet droe Lingka meuligoe po meugisa

Rakyat keumala cumboi manikam Kawai di dalam ngon di lua Maseng jumeulah meunan ragam That 'ajam sakti cut banta

Jipreh-preh troh teuka lawan Dumna angkatan that peurkasa Lam istana Banta Umaran Dumna rakan kawai lingka

Deungon putroe sinan sajan That sukaan hana tara Teutap sinan lam meuligoe Raja nanggroe lon calitra

VIII. LAKE E BANTUAN BAK SARE RAJA

Amma bakdu teuma dudoe Kisah muwoe keu poteu raja Jinoe lon seubot keu rakyat Milon Teungku ampon abeh gisa

Dalam kuta dum jitamong Teuma tanyong raja 'ala He panglima pakon tawoe Toh na putroe keunoe taba

Soe talo prang nyang jeuet tawoe Dum sinaroe abeh gisa Teuma seuot pahlawan sidroe Jibet jaroe le bandua

Ampon tuanku meuribee katoe Dua droe han le syeedara Damilon Raksa tuanku tan Damilon Awan ka seureupha

Dua droe mate pahlawan Teuga han ban Pari Tapa Dumna rakyat ka teureuban Ka simpan nyawong keulua

Nyang na tinggai cit lon tuan Laen rakan ka seureupha Jinoe tuanku pakri padan Han ek lawan bak ri rupa

Sidroe tuanku Sulotan Pari Milon jitadi di keupala That peurkasa ngon beurani Utoh sakti deungon teuga

PahMwan jimat-sibtah jaroe Jisrom dudoe lam antara Nyang na tinggai laman sidroe Laen sinaroe ka seureupha

Jinoe tuanku pakri reumbang Han ek taprang bak ri rupa That meugah banta di padang Sakti meukarang po meukuta

Meutan tuanku laen tulong Nanggroe tutong sikiep mata Meunan jikheun le pahlawan Amarah han ban Milon Rara

Muka mirah tamse biram Jikheun rijang bak peutua Yue jak meuntroe deungon bujang Bak cut abang putroe muda

Taseutot banta keunoe rijang Lon dalam prang tapeuhaba Banta Alamsyah nyan di laot Sajan eungkot jiduek tapa

Takheun adoe ka gop reubot Nanggroe jitet deungon kuta Ulon takheun teungoh muprang Yue woe rijang sikiep mata

Meunan sabda ubak bujang Jijak rijang teuma sigra Bujang meuntroe jijak pantah 'oh lheueh peugah ubak raja

Jijak tueng Banta Alamsyah Putroe indah nyan syeedara Cit dua droe aneuk Milon Nyang awai phon aneuk raja

Awai agam dudoe inong Putroe bungong indah rupa Leupah bujang jak u laot Uabak eungkot nyang that raya

Teuduek siat meuntroe bujang Lon peuriwang lom keu raja Teuma jipeugot lhee boh surat Keu sahbat ube na raja

Saboh jikirem keu Raja Batak 'oh leupah jak milon dua U nanggroe Raja Aliman Dudoe nibak nyan u Antara

U nanggroe Raja Adrang Sidroe bujang keunan jak ba Meunoe haba dalam surat Saleuem keu deelat raja 'ala

Datang nibak kamoe sahbat Keu halarat po meukuta Nyang didalam nanggroe Batak Hadapan pihak raja raya

Ampon tüanku meukuta nanggroe Aneuk lon sidroe ka gop hila Nyang tunangan banta samlakoe Ka lam jaroe aneuk raja

Putroe jireubot bak jimanoe Teuma kamoe muprang kuta Jinoe ulon teungoh muprang Gaseh sayang po meukuta

Meunyo na malee Banta Hamidan Beu troh jak lawan jinoe sigra Meunan haba keu Raja Batak Teuma nyang ubak Adrang Raja

Keu raja Antara meunoe jipeugah Ampon di bawah po meukuta Ini surat datang meujamah Keu raja meugah dalam Antara

Gaseh sayang meukuta Awan Ulon sukaran di dalam bahya Aneuk lon jicok nanggroe jireuloh Kamoe jimeung poh deungon angkara

Aneuk raja di nanggroe bumoe Jiprang kamoe po meukuta That bit meugah ngon saktian Han ek lawan dumna raja

Meukon tulong tuanku sahbat Ulon nyoe meuhat nyawong keulua Meunan haba di dalam surat Milon jak intat pantah sigara

Dua droe milon lom beurangTcat Jak me surat suroh raja Nanggroe Adrang sidroe jijak Nanggroe Batak sidroe jiteuka

'oh troh sampoe bak sulotan Milon Awan teuma gisa Raja Aliman sambot surat Buka leugat le jibaca

Abeh bandum ka jilihat Amarah that hana tara Jideungo putroepi hana le Saket ate raja raya

Banta Hamidan ka jipangge Jikheun han le judo gata Cantek Maneh bungong rambot Ka gop reubot di mideuen raja

Ka jicok teungoh jak manoe Raja bumoe baro teuka Pakri pakat bak geutanyoe Patot jinoe bantu raja

Banta Hamidan teuma seuot Ban nyang patot bak meukuta Kri nyang pakat ulon turot Lam laot lon cok u lua

Asai ayah di lon putroe Baranggasoe han lon taba Meunan bak ion tuanku droe Cit putroe nyang ulon pinta

Idin ayah kamoe jinoe Bahle kamoe dilee bungka Bah lon bungka le uroe nyoe Idin jinoe he ayahda

Raja Aliman euot leugat Pioh siat bijeh mata Meunyo aneuk tabeurangkat Taba rakyat wahe banta

Kareuna prang nyoe raya that Milon meuhat tiwah ngaza Raja Milon sang meukarat Beu le rakyat sinoe taba

Rakyat Milon bandum han le Ka mate nyang teuga-teuga Raja di padang that pahlawan Ngon saktian that peurkasa

Meuek jisrom Damilon Awan Laen rakan han jitaba Sideh jisrom ek troh keunoe Bak nanggroe nyoe ka teurhanta

Milon mate di teungoh padang Baroe dendayang kalon rupa Teuma lom nyoe ka troh surat Milon meuhat tiwah raya

Banta Hamidan deungo kheun ayah Rakyat neukrah jeuep-jeuep raja Dumna raja nanggroe Batak Bujang jijak jiseuranta

Geusyik sagoe uleebalang Dum sibarang abeh teuka Abeh jitren beusa seudang Peunoh padang mideuen raja

'oh abeh troh keunan rakyat Yoh nyan beurangkat po cut banta Limong reutoh uleebalang Panglirna prang limong laksa

Taeu jijak seupot padang Tamse biram jiek bisa Dua ribee nyang pahlawan Banta Hamidan laju bungka

Na sikhan rot teungoh jijak Teuma meurumpak ureueng Antara Raja Adrangpi teungoh jak Ka meurumpak di rot raya

Jitanyong le ureueng Batak Tatren ubak Milon Raja Raja Adrang seuot nyoeban Milon peusan jiyue teuka

Nanggroe raja that sosahan Aneuk sulotan ka gop hila Teuma seuot Banta Hamidan Judo lon tuan putroe muda

Deungon ulon nyang tunangan Jinoe laman bantu teuka Bandua droe he junjongan Pahlawan ka hilang nyawa

Raja Adrang deungo meunan Geutren yoh nyan pantah sigra Dua tantra laju beurjalan Rakyat sajan meuribee laksa

Ureueng Adrang deungon Batak Laju jijak nanggroe raja Nanggroe milon keunan jijak Raja Batak ngon Antara

Ka jiek gle gunong manyang Jipeuseunang u mideuen raja Kayee raya panyang-panyang Dum geureupang putoh dua

Rot rakyat jak uteuen lapang Ka jeuet padang rimba raya Teuduek haba Raja Adrang Jinoe meuriwang lom bak nyang ka

Raja Milon lom krah rakyat Jipeusapat jeuep-jeuep raja Hana tinggai le meusidroe Jeuep-jeuep nanggroe jiyue teuka

Abeh jitren dum sinaroe Di jaroe alat seunjata Nyang pahlawan cokma beusoe Rakyat nanggroe maseng jeumba

Ladom sikin ladom tumbak Ladom kapak teubai mata Ladom beude deungon peudeueng Ladom ureueng kayee raya

Rakyat jitren han ek bileueng Miseue naleueng dalam raga Sarat padang nanggroe Milon Nyang teungoh tren han ek kira

Abeh bandum jitren rakyat Teuma jideelat raja raya Raja Samidon marit leugat Ubak rakyat di mideuen raja

Ho pahlawan uleebalang Teubiet rijang u mideuen raja Teubiet laju jinoe muprang Dum sibarang tuha muda

Dang-dang teuka Sulotan Haliman Dudoe nibak nyan Sulotan Antara Teubiet dilee lawan ngon droe Jak cok putroe indah rupa

Meunan sabda raja nanggroe Rakyat sinaroe ate suka Ka jiteubiet rakyat Milon Meuron-ron u mideuen raja

Surak deumpek meualon-alon Sang riyeuek tren di mieng kuala Jipeh tambo deungon geundrang U mideuen prang jijak lanja

Sukee Raksa that guransang Nyang uleebalang amarah raya Jireugam cokma deungon peudeueng Ladom kareueng batee raya

Taeu teudong jroh meureuleueng Nyang mat peudeueng ateueh guda Nyang mat cokma ateueh gajah Nyang meugah deungon peurkasa

Jideumpek sang langet beukah That barollah rakyat raja Jiek laju jipeugajah Umaranlah kalon rupa

Bak jen pari neukheun pantah Teubiet bagah he syeedara Milon teuka that barollah Padang luah penoh rata

Meunan sabda Banta Umaran Pari sulotan amarah raya Sulotan Pari jihei rakyat Teubiet leugat u mideuen raja

Jikalon milon hebat-hebat Beusoe tungkat raya-raya Sulotan Pari ka u mideuen Teuma meuteumeung dua tantra

'oh ban meuteumee pari ngon milon Nyan baro phon prang that raya Jimupoh-poh keudeh keunoe Meusoe-gumoe meugisa-gisa

'oh sret cokma ateueh bumoe Jipo anoe u antara Sukee Milon that beurani Jipoh pari han ban publa

Yoh nyan amarah sulotan Pari Panah sakti le neupuja Jipo aneuk dalam awan Panah saktian Pari Tapa

Jitren sinan wahe rakan Na tamse ban naga raya U teungoh padang laju jijak Jipeutoe bak milon Raksa

Ka jipoh milon mubalak Mate rusak keunong cula 'oh jihirup tanoh pipak Dum geulantak lam pruet naga

Sukee Milon mate le that Jisurot leugat dalam kuta Naga peucrok liirup leugat Mate rakyat han ek kira

Nyang ria tinggai jiplueng jiwoe Dum sinaroe lop lam kuta Jitop pinto teuma dudoe Jipasoe meuriam lila

Naga keunan ka rab sampoe Jipeutoe u bineh kuta Muka pucat raja nanggroe Teuma troh woe pu cut banta

Banta Alamsyah keunan sampoe Lam meuligoe ka troh banta Woe di laot po samlakoe 'oh troh meuntroe peugah haba

Banta Alamsyah hireuen mandang Di teungoh padang jieu naga Badan raya kon bubarang Ka troh datang u bineh kuta

Yoh nyan jibeuet saboh hekeumat Deungo siat troh geureuda Badan raya miseue gunong Ka jitanyong peue na sabda

Banta Alamsyah marit rijang Jak lawan prang deungon naga Meunan suroh Banta Alamsyah Jipo pantah u mideuen raja

j Ubak naga jitren pantah Jimeureupah han ban publa Geureuda pindoe that amarah Ka tiwah panglima naga

Jikalon mata deungon gukee Naga layee di mideuen raja Sulotan Pari that bit malee Hana lagee beugeh raya

Kareuna seubab tiwah sakti Sulotan Pari malee raya Geureuda mantong di teungoh padang Goh jiriwang ubak banta

Sulotan Pari ka troh keunan Geureuda nyan kalon rupa Jieu Pari teuka sidroe Dijaroe cokma meulila

Ka jisama pantah han soe Keumeung seudroe Pari Tapa Sulotan Pari that pahlawan Marit nyoeban ngon geureuda

He binatang cicem paleh Jakweh keudeh dalam rimba Yoh goh mate nyawong abeh Beu kapateh narit hamba

Geureuda seuot teuma pantah Peue kapeugah nyang kon haba Kah nyang Pari kee kutakot Meulam janggot han meurasa

Sidum raja naga pindoe Dalam gigoe tan meurasa 'oh lheueh jikheun narit meunan Jisama yoh nyan pantah sigra

Jisujud ie jiklok jiglong Lam idong deungon lam mata Sulotan Pari bit that kuat Jimat leugat gaki geureuda

Deungon jaroe neudrop leugat Dum geuikat nyan geureuda Jimeulawan hana dapat Gadoh kuat po geureuda

Sulotan Pari pahlawan that Lagi hebat deungon rupa Geureuda jimat siblah jaroe Jiplah dudoe ka jeuet dua

Yoh nyan mate geureuda pindoe Buet jaroe Pari keumala Banta Alamsyah di leuen meuligoe Amarah han soe aneuk raja

Teuma jiek u meuligoe Jibet jaroe bak ayahda Idin ayah keu lon jinoe Uroe nyoe teubiet u lua

Ulon jak cok Putroe Cantek Prang lon peuek u mideuen raja Raja Samidon seuot pantah Han peue salah bijeh mata

Teubiet aneuk jinoe rijang Jak cok pulang putroe muda Meunan sabda Raja Milon Laju jitren banta muda

Bak lasyeuka le jipeugah Teubiet pantah u mideuen raja Yue peh tambo deungon geundrang Alamat prang aneuk raja

Banta Alamsyah keupala prang Teubiet rijang dumna tantra Di teungoh mideuen jroh meuhimpon Sukee Milon biek raksasa

Ladom jimat cokma beusoe Ladom bagoe kayee raya Jisurak sang reuloh nanggroe Milon pindoe that peurkasa

Sulotan Pari di teungoh mideuen Yoh nyan meuteumeung dua tantra Nyoe baro lom prang raya that Seubab beurangkat aneuk raja

Banta Alamsyah tamse kilat Jicang rakyat Pari Tapa Sukee Milon that beurani Jipoh pari han ban publa

Ladom jipoh deungon kayee Ladom batee jigeulawa Lasyeuka le that hana lagse Nyang mat kayee biek raksasa

Rakyat keumala ngon rakyat pari Na sibagi nyang ka fana Yoh nyan amarah Sulotan Pari Milon neutadi di keupala

Ladom jimat deungon jaroe Jisrom dudoe lam antara Yoh nyan milon le that mate Ladom ugle jigeulawa

Neukalon le Banta Alamsyah Jitham bagah Pari Tapa Jilumpat le keunan bagah That amarah hana tara

'oh sare troh meuhadapan Jikalon nyoe ban uleh banta He pahlawan nyang beurani Soe geurasi nama gata

Lon eu pantah tapoh rakyat Peugah leugat ubak hamba Adak mate gata sidroe Ka lon tusoe singoh lusa

Sulotan Pari seuot pantah Deungo lon peugah ubak gata Ulon adoe beu taturi Sulotan Pari lam keumala

Tan lon takot baranggasoe Ngon jaroe ulon geulawa Lon pahlawan banta seudang Han lon pantang meudum gata

Di lon adoe ka taturi Kawom Pari nyang lam rimba Di gata soe geurasi nan Peugah kaman jinoe sigra

Banta Alamsyah seuot rijang Deungo cut bang lon calitra Lon nyoe aneuk raja nanggroe Ban lon woe di dalam tapa

Banta Alamsyah nama kamoe Lam nanggroe nyoe lon kuasa Baro lon woe dalam laot Sajan eungkot kamoe tapa

Lon deungo adek ka gop reubot Di laot keunoe lon teuka Jinoe dalem bek le wayang Got tapulang adek hamba

Bek tareubot di rot di blang Nyang kon reumbang buet di gata Yoh goh mate nyawong hilang Jok rijang keunoe adekda

Sulotan Pari seuot rijang Nyang kon reumbang narit gata Meuka lon cok pane lon pulang Putroe seudang adoe gata

Jeuoh nanggroe nyoeho datang Hajat muprang lon that raya He Alamsyan deungo kamoe Gata jinoe jakleh gisa

Lakee idin ubak ayah Yue peunikah putroe muda Tueng keu parui Umaranlah Nyang that meugah aneuk raja

Patot tabri jinoe beu sah Putroe indah keu cut banta Got tataklok he Alamsyah Bek sosah ate lam dada

Patot jido putroe intan Banta Umaran aneuk raja Meukon meugah ngon saktian Ek troh jalan keunoe teuka

Di bumoe ka troh lam awan Dumna rakan lam keumala Nyoeho ka troh geubeuijalan Patot rakan tayue gisa

Lon nyoe sidroe nyang pahlawan Banta Umaran bri pusaka Nyang got jakwoe he bangsawan Yoh goh simpan gata-gata

Peue na laba nyan tamuprang Patroe seudang sajan banta Gata nyoe beungeh nyan di padang Di gop bimbang bak meuseunda

Banta Umaran deungon putroe Lam meuligoe meusuka-suka Gata aduen dalam rugoe Nyang adoe meuteumee laba

Teuduek haba dilee siat Akan lon sambat bak jiled dua Haba panyang mantong le that Prangpi hebat nibak nyang ka

6P S^*» p N BALAI PUSTAK A-JAKART A