! m m |

» 322 ' f

i j [ N]

Milik Departemen P dan K Tidak diperdagangkan Untuk umum

Hikayat

Raja Bada

Ramli Harun

Departemen Pendidikan dan Kebudayaan

HIKAYAT RAJA BADA

Milik Dep. P dan K PPS/Ac/6/81 Tidak diperdagangkan

Hikayat RAJA BADA

Alih aksara

Ramli Harun

Departemen Pendidikan dan Kebudayaan PROYEK PENERBITAN BUKU SASTRA INDONESIA DAN DAERAH Jakarta 1982

Proyek Penerbitan Buku Sastra Indonesia dan Daerah

Hak pengarang dilindungi undang-undang

KATA PENGANTAR

Bahagialah kita, bangsa Indonesia, bahwa hampir di setiap daerah di seluruh tanah air hingga kini masih tersimpan karya-karya sastra lama, yang pada hakikatnya adalah cagar budaya nasional kita. Kesemuanya itu merupakan tuangan pengalaman jiwa bangsa yang dapat dijadikan sumber penelitian bagi pembinaan dan pengembangan kebudayaan dan ilmu di segala bidang. Karya sastra lama akan dapat memberikan khazanah ilmu penge- tahuan yang beraneka macam ragamnya. Penggalian karya sastra lama yang tersebar di daerah-daerah ini, akan menghasilkan ciri-ciri khas kebudayaan daerah, yang meliputi pula pandangan hidup serta landasan falsafah yang mulia dan tinggi nilainya. Modal semacam itu, yang tersimpan dalam karya-karya sastra daerah, akhirnya akan dapat juga menunjang kekayaan sastra Indonesia pada umumnya. Pemeliharaan, pembinaan, dan penggalian sastra daerah jelas akan besar sekali bantuannya dalam usaha kita untuk membina kebudayaan nasional pada umumnya, dan pengarahan pendidikan pada khususnya. Saling pengertian antardaerah, yang sangat besar artinya bagi pemeliharaan kerukunan hidup antarsuku dan agama, akan dapat ter- cipta pula, bila sastra-sastra daerah yang termuat dalam karya-karya sastra lama itu, diterjemahkan atau diungkapkan dalam bahasa Indonesia. Dalam taraf pembangunan bangsa dewasa ini manusia-manusia Indonesia sungguh memerlukan sekali warisan rohaniah yang terkan- dung dalam sastra-sastra daerah itu. Kita yakin bahwa segala sesuatunya yang dapat tergali dari dalamnya tidak hanya akan berguna bagi daerah yang bersangkutan saja, melainkan juga akan dapat bermanfaat bagi seluruh bangsa Indonesia, bahkan lebih dari itu, ia akan dapat menjelma menjadi sumbangan yang khas sifatnya bagi pengembangan sastra dunia. Sejalan dan seirama dengan pertimbangan tersebut di atas, kami sa- jikan pada kesempatan ini suatu karya sastra daerah Aceh, dengan harapan semoga dapat menjadi pengisi dan pelengkap dalam usaha men- ciptakan minat baca dan apresiasi masyarakat kita terhadap karya sastra, yang masih dirasa sangat terbatas.

Jakarta 1982

Proyek Penerbitan Buku Sastra Indonesia dan Daerah

PENGANTAR

Hikayat yang menceritakan raja Khandak melawan Nabi Muhammad dan Ali bin Abi Thalib, semata-mata hasil imajinasi pengarang dan tidak berdasarkan fakta sejarah. Sepanjang pe- ngetahuan kami dalam sejarah bangsa Arab tidak terdapat raja yang bernama Khandak, kecuali perang antara pasukan Islam yang menahan serangan kaum Quraisy di Medinah yang terkenal dengan nama "Perang Khandak". Demikian pula tidak ada raja yang bernama Bada (Badar), kecuali "Perang Badar" yang terkenal dalam sejarah islam. Namun sebagai sebuah karya sastra yang disusun dengan bahasa yang baik, hikayat ini dapat dijadikan sebagai milik kebudayaan daerah yang berharga. Pada akhir cerita dengan cara merendahkan diri penulis mengatakan bahwa ia malu menyebutkan namanya. Demikian pula ia tidak menyebutkan tahun penulisannya, selain hari dan jamnya. Hal semacam ini sering kita jumpai dalam hikayat Aceh. Ia hanya menyebutkan nama kampungnya yaitu Leubok Tuwi, berdekatan dengan kampung Jungka Gajah. Dikatakannya pula bahwa dalam menulis hikayat ini, ia telah merobahnya sedikit dari naskah aslinya. Demikianlah halnya dengan kebanyakan hikayat Aceh. Naskah tulisan tangan huruf Arab ini, kami peroleh dari Pusat Dokumentasi dan Informasi Aceh bulan September tahun

1981. Ukurannya 20 x 14 cm, tebal 79 halaman dan tiap halaman terdiri dari rata-rata dua puluh satu baris. Seperti halnya dengan beberapa hikayat lain yang sudah kami sunting atau alih aksarakan ke dalam huruf Latin, hikayat ini pun telah kami pengga-penggal menjadi enam anak judul.
      Penyunting

ASOE HIKAYAT

H I

RINGKASAN CERITA Hikayat Raja Bada

Pada suatu hari Raja Khandak bermufakat dengan para panglimanya untuk menyerang Nabi Muhammad dan Saidina Ali. Malaikat Jibril datang dan memberitahukan rencana Raja Khandak itu kepada Nabi Muhammad. Saidina Ali meminta izin kepada Nabi Muhammad untuk menyerang lebih dahulu sebelum Raja Khandak mendahuluinya. Mengetahui Ali dengan pasukannya telah datang, Raja Khandak menyusun barisan dan mempersiapkan pasukannya. Rencana mereka untuk menyerang Mekkah dan Medinah gagal karena Ali dan pasukannya telah mendahuluinya. Tujuh orang pahlawan perang dari negeri Habsyi diperintah- kan oleh Raja Khandak untuk menyerang pasukan Ali. Nabi Muhammad sendiri bersama para sahabatnya mengatur siasat perang dalam kemah. Pertempuran seru terjadi. Ali dengan pedang Zulfakarnya mengamuk dan tak terhitung korban yang jatuh di pihak lawan. Mereka mundur dan melaporkan kepada Raja Khandak. Raja Bada, yaitu putra Raja Khandak yang gagah berani memanggil tiga orang pahlawannya yang terkenal untuk melawan Ali. Dalam suatu adu senjata, seorang di antara mereka bernama Uzmah tewas di tangan Ali. Raja Khandak memeriritahkan sepasukan balatantra di bawah pimpinan Masyil dan Qabit untuk menyerang Mekkah dan Medinah. Dalam pikirannya apabila Mekkah dan Medinah dapat ditaklukkan, Ali dan Nabi Muhammad dengan mudah dapat di- tundukkan. Tetapi berkat keramat Mekkah dan Medinah sebelum mereka sampai di kedua kota suci itu semua pasukan Masyil dan Qabit mendapat bencana. Mata dan telinga mereka menjadi buta dan tuli. Ketika mereka mundur mata dan telinga mereka kembali seperti semula. Mereka menghadap Nabi Muhammad dan rne- nyatakan masuk agama Islam. Hanya tujuh orang yang kembali kepada Raja Khandak. Oleh karena banyak pasukannya yang telah memihak kepada

Nabi Muhammad atau terbunuh, Raja Khandak bersama anaknya Raja Bada mengerahkan lagi rakyatnya untuk menyerang Ali dan Nabi Muhammad. Perang berkecamuk lagi. Masyil dan Qabit berhadapan dengan tujuh orang pahlawan Raja Khandak. Mereka tidak berhasil mengalahkan Masyil dan Qabit. Dalam suatu kesempatan adu senjata, pedang Zulfakar Ali dapat menewaskan ketujuh pahlawan itu. Raja Khandak sangat murka melihat pasukannya tidak pernah menang dalam melawan Ali. Raja Bada belum putus asa. Ia mengerahkan rakyatnya termasuk berbagai jenis binatang untuk memperkuat pasukannya. Ia sendiri yang memimpin balatentaranya yang besar itu. Saat penyerangan pun sudah ditentukan sesuai dengan petunjuk seorang ahli nujum. Dengan mengendarai seekor harimau dan dibantu oleh se- jumlah hewan lainnya Raja Bada bertemu dengan Ali yang sedang mengendarai kudanya. Nabi Muhammad dengan beberapa orang pengawalnya juga terjun ke medan perang. Ali dapat menghancur- kan semua pihak penyerang dan Nabi Muhammad sendiri mem- buat musuh tidak berdaya ketika "ahlul sama" membinasakan balatentara Raja Khandak. Sisa-sisa pasukannya memeluk agama Islam dan hewan-hewan datang bersembah sujud mohon ampun dari Nabi Muhammad. Raja Bada dan ayahnya sangat murka. Dengan mendatangkan bala bantuan yang lain mereka menyerbu lagi. Seorang menteri bernama Humak ditewaskan oleh Masyil. Raja Khandak bersama pasukannya sempat mengepung Nabi Muhammad. Tetapi berkat bantuan Tuhan Raja Khandak mendapat mala petaka. Pasukannya berperang sesama sendiri. Ia sendiri banyak membunuh anak buahnya. Raja Bada dengan harimaunya berhadapan dengan AU. Ali mencoba membujuk raja muda ini supaya insaf. Tetapi ia tetap hendak menyerang Ali. Pertarungan sengit satu lawan satu terjadi. Akhirnya Raja Bada menemui ajalnya. Raja Khandak yang tidak tahan lagi menghadapi mukjizat Nabi Muhammad mengundurkan diri dan lari ke istananya. Karena lelah ia tertidur nyenyak dan tidak mengetahui bahwa anaknya sudah mati. Pasukan Ali mengikutinya dari belakang. Ketika

terbangun dari tidurnya ia melihat pasukan Nabi Muhammad sudah mengepung pertahanannya. Ali sendiri menemui Raja Khandak dan berusaha menasihatinya supaya menyerah. Karena ia tetap melawan maka dalam suatu pertarungan singkat Ali dapat menewaskannya. Sesudah Raja Khandak mati semua rakyatnya memeluk agama Islam, Masyil dan Qabit masing-masing diangkat oleh Nabi Muhammad sebagai raja dan perdana menteri negeri Khandak.

HIKAYAT RAJA BADA Bismillahirrahmanirrahim MUKADDIMAH

Bismillahi phon mulaan Nama Tuhan zat nyang suci Beu Tuhan bri beu kong iman Beureukat junjongan Muhammad Nabi

Lagi baka lom ngon kadim Nyang halim sayang barangri Lom ngon rahman neubri kayem Nyang rahim dudoe neubagi

Peue talakee Tuhan peutroh Meuseuki cicem na redeuki Dan rupa neuboh meulaen Maseng-maseng nan neurasi

Lom sigo treuk dali mungken Dilee gasien dudoe gani Lom ngon rupa lagi canden Dudoe laen dum teurjali

Meunan kheundak Poku Tuhan Teutap haba nyan 'oh noe lanti Bak siuroe teukeudi Tuhan Ulon tuan jak peureugi

Hana meuho taloe jalan Meuteumeung sinan sidroe akhi Nama geuhei Teungku Hasan Meurumpok sinan bak warong kupi

Geubri keu Ion ie sicawan Teuma 'oh lheueh nyang peugah cakri Meuteuoh le bhah sulotan Peurjalanan nyang ka lawi

Teuma meuteuoh bhah Raja Bada Got han tara hikayat ini Teuma geujok ngon keureutah Geuyue seuleuah ubak kami

Teuma ulon tuleh pantah Alhamdulillah le Ion puji Kareuna di lonpi harok leupah Seubab cidah Ion deungo hunyi

Kareuna harok jeuet Ion surat Kareuna ladat Ion jep kupi Meuna umu Ion seulamat Bah Ion surat baranggakri

Insya Allah wahe sahbat Tuhan halarat peutroh janji Uloteu nyoe han teudapat Makna kitab han Ion tukri.

Eleumee kureueng akai singkat Bak adat meunan he nyak ti Bube mufom dalam Taurat Meuhan dapat balek lagi

Insya Allah tulong halarat Ulon surat haba ini Bitpi hadih Rasulullah Tapeugah han jeuet teutapi

Pueh Ion pike hana ek jlah Seubab harah le teubuni Hana keunong ban nyang surah Lafai salah hana meuri

Nyankeu seubab jeuet keu gundah Hana keumah le meutakwi Lafai ladom basa Arab Meusapat ngon basa Jawi

Basa Aceh na mupat-pat Nyang le that basa Arabi Keupeue guna le hikayat Meutan mangat soe peudoli

Beu Tuhan bri jeuet Ion ubah Bu meutuah jaroe gaki 'Oh noe abeh nyan khuteubah Jinoe Ion kisah hadih Nabi

Soe nyang ikot Rasulullah Tuhan balah pangkat tinggi Haba Ion nyoe kon beurakah Dalam naseukah Kitab Mahalli

Sinan meuteumeung masaalah Dalam naseukah kitab beugini Laen nibak nyan han peue peugah Fireuman Allah hana khali

Nibak laen dum peurintah Nyang meugah tajak u haji Seubab mukjizat Rasulullah Le faidah Tuhan neubri

Soe nyang pateh le manfa'at Soe nyang pubuet fahla neubri Tuhan neubri ase rahmat Donya akhirat bandua si

Nibak donya manyang pangkat Tuhan halarat bri redeuki Soe nyang ikot Rasulullah Syeuruga balah Tuhan neubri

Meutapateh meuteumee nekmat Soe nyang sisat jeuet keu 'asi Haba Ion nyoe dalam kitab Fireuman halarat Tuhanku Rabbi

Soe nyang pateh ban amanat Uroe akhirat lheueh bak titi Meunan meuteumee lam riwayat Muwafakat ngon hadih Nabi

Suroh Tuhan bak syari'at Nabi Muhammad bek tabeunci Teumpat keurajeuen di nanggroe Arab Sajan sahbat dum ansari

Seugala binatang dum lat-batat Nabi Muhammad dum jipuji Teuma jinoé wahe sahbat Kafe laknat nyang meuungki

Abeh neuprang kafe laknat Buet sahbat Saidina Ali Ho nyang neuprang abeh ranap Ho neupeunap abeh sunyi

Bak siuroe prang raya that Sidroe mawot apa Nabi Tuanteu Hamzah yoh nyan mawot Lam prang Uhud jeuem teukeudi

'Oh lheueh mate Saidina Hamzah Maken juah kafe 'asi Teungoh-teungoh mita ilah Rasulullah jimeung taki

Teuduek haba Rasulullah Jinoe Ion kisah laen lagi Ajaeb subhanallah Nyoe Ion kisah kafe hareubi

I. RAJ A KHANDAK KEUMEUNG LAWAN NABI Raja Khandak deungo Ion kisah Keurajeuen luah hana sakri Rakyatji le that barollah Aneukji saboh beu taturi Raja Bada nan geupeugah Rupa indah hana sakri Bak puprangan beuhe leupah Deungon pantah hana sakri Mat peurise reugam peudeueng Kafe bajeueng that beurani Bak puprangan han tom jiplueng Ban rimueng bueh hana sakri Rakyatji le tamse naleueng Tamse beudeueng dalam tuwi Troh nanggroe jen jikeufajeuen Abeh reuen-mareuen baranggari Abeh jitupeue basa binatang Kon bubarang that juhari Binatang gle nyang teureubang Dalam tangan raja 'asi Meugahji that hana padan Ngon pahlawan dum Habeusyi Hebat hebat dum analan Badan hitam bieh Habeusyi Nyankeu ureueng nyang jak sajan Me pakaian kafe hareubi Tadeungo adoe Ion peugah nan Bak bilangan dum barangri

Peurtama Jirah keudua Rakah Keulhee Adimah geurasi nama Keupeuet Mukabah limong Safakah Keunam Kadimah teuma lagi

Teuma sidroe treuk nan Radakah Tujoh sudah wahe akhi Teuduek siat nyang pahlawan Muwoe karangan kafe 'asi

Raja Khandak jimupadan Bri utosan jeuep-jeuep neugri Raja Khandak nyan sulotan Seutot pahlawan dum barangri

Abeh teuka dum u dalam Bak sulotan kafe hareubi Ampon tuanku syahi alam Peue habaran nyang meuseuke

Raja Khandak seuot nyoeban Na peue padan he boh ate Nyang kuseutot dum mupakat Musyawarat bek teukeuse

Hana sapeue laen hajat Buet Muhammad ulon syawe Adat tatem wahe sahbat Bek le lambat tamupake

Ulonteu nyoe kupeuingat Meularat bandumteu sare Gata udep beu na syarat Nyang mawot akan teutapi

Meuna mantong nyan Muhammad Ngon sahbat Saidina Ali Baranggadum tamupakat Nyang meukeusud han ek ase

Di jih sidroe badan bulat Geutanyoe le that dum seukali Meusigeutu han ek hajat Sigohlom punah eleumee sihe

Han jeuet meunan Ion peuteupat Abeh kiamat geutanyoe mate Nyang got jinoe ngon mupakat Tamusyawarat dumteu sare

Raja Khandak meunan kalam Bak uroe nyan dumji sare Jiseuot le jikheun nyoeban Dum pahlawan raja kafe

Ampon tuanku bek tagundah Buet ube drah peue tapike 'oh meuteumee han kukeubah Beuthat meugah baranggabe

Hebat hebat dum analan Meunan jikheun jimeucakri Saidina Ali ulonteu plah Rasulullah kupoh mate

Bek meuureueng nyan ube drah Beuthat gajah ek kurante Baranggakri kuseuleuah That meugah jih ube campli

Meunyo hana ban kupeugah Dalam babah gata ruge Beukit meunan dum pahlawan Jak beurjalan bek lale le

Meunyo sabet keurugian Meuhad meunan roh di akhe Kacok alat pileh rakan Me angkatan tumbak beude

'oh lheueh ase sileungkapan Jibeurjalan laju sare Raja Khandak nyang sulotan Ngon pahlawan jimeujanji

Teuduek siat nyang haba nyan Muwoe karangan ubak Nabi Tuanteu Ali sahbat junjongan Nyang pahlawan that barangri,

Lagi rancak ngon bij akan Hana padan that juhari Hana sidroe laen nibak nyan Meulaenkan Saidina Ali

Ate beuhe muka juah Ngon pantah hareuga piti Hana sapat nyang na salah Bandua blah jaroe gaki

Nyankeu sahbat Rasulullah Nyang meugah nibak prang sabi Ban neudeungo haba meunan Beungeh han ban Saidina Ali

Tuanteu Ali musyawarat Ngon Muhammad duek beureunti Laen bak nyan dumna sahbat Meusapat kawom ansari

Ya Nabiyullah kafe laknat Ri ka troh had jan jiili Pakri jalan jinoe sahbat Ya Muhammad tapeugah kri

Meukon jinoe muwafakat Meuka lamhat jeuet keu rugi Teuma seuot Nabi Muhammad Ban nyang kheundak Tuhanku Rabbi

Ulonteu nyoe han teudapat Ngon kuatpi tan seukali Tuanteu Ali tanyong leugat Nabi Muhammad bri mufeuti

Teungoh-teungoh geumupadan Tren fireuman bak Jebrai Malaikat suroh Tuhan Bri habaran ubak Nabi

Meuteumee le meuhadapan Saleuem haluan bandua si 'oh lheueh saleuem mumat jaroe Nabi geutanyoe deungon Jebrai

Nyang troh langkah ulon keunoe Tuhan kamoe yue bak Nabi Neuyue peugah kafe pindoe Bak uroe nyoe jiprang Nabi

Beukit jitamong nanggroe Makah Ka'bah Allah ek jiungki Meunan fireuman nibak Po tallah Neuyue peugah ubak Nabi

Takrah rakyat dum taseutot Keudeh u rot preh talanti Bek tabri troh keunoe jijak Meunan nyang got he ya sai di

La takhaf wa la tahzan Fireuman Tuhan bek tagli-gli Bek tatakot he junjongan Kafe jahnam nyang meuungki

Meunan suroh nibak Tuhan Neuyue iman ubak Nabi Abeh haba ngon Muhammad Malaikat neukeumbali

Nabi peugah dum bak sahbat Fireuman halarat Tuhanku Rabbi Lam meuseujid duek meusapat Sajan sahbat dum ansari

Ban geudeungo ate mangat Muwafakat ban kheun Nabi Nibak laen bandum sahbat Nyang kuat Saidina Ah

Ate beuhe lagi jeungkat Hana dapat that beurani Ban neudeungo meunan pakat Neulumpat le hana sakri

Neulakee idin bak Muhammad Sajan sahbat dum ansari Hana sidroe nyang han pakat Teuduek seungap teukap bibi

Neumaritle leugat-leugat Hana siat nyang na sunyi Meuka idin bak halarat Han kutakot kafe 'asi

Kulakee tulong nibak Allah Ngon afuwah do'a Nabi Beu jeuoh nyang jalan sosah Nyang mudah Tuhan karonya

T£afe paleh han kukeubah Jinoe kupoh bansineuna Neubet jaroe bandua blah Deungon seumbah sajan neuba

Di nap Nabi Rasulullah Wallah billah le neukata Meunyo dudoe teuma ubah Beu sret nikah Ion meelana

Siti Fatmah aneuk Nabi Han kuwoe le barangjan masa Meugoh talo raja kafe Bak esteuri han kugisa

Raja Khandak kupoh mate Nyang meuungki keu Rabbana Meunan neukheun tuanteu Ali Ubak Nabi Rasul kita

Neucom jaroe deungon gaki Neubeudoh le ek cong guda Troh ateueh rueng neuhei sare Neudeumpek le ngon meutaga

Guda saboh droeneu sidroe Di jaroe peudeueng zulfaka Sibuleuen jak jeuoh nanggroe Kafe pindoe neujak mita

'oh troh keudeh rab ka sampoe Deumpek tuloe ngon meutaga Raja Khandak tanyong meunoe Peue meubunyoe dalam rimba

Han torn kudeungo meunan macam Siulahan su geureuda Saleh cit su lumo hitam Nyang gulam bumoe donya

Siulahan sang kiamat Kudeungo that raya taga Teuma seuot teungku meuntroe Kon kiamat po meukuta

Tuanteu Ali nyang that kuat Laen rakyat teungoh teuka Beukit meunan jak tadapat Cuba lihat dumna tantra

Jibeudoh le jijak leugat Deungon alat sajan jiba Leubeh kureueng dalam hisab Lam riwayat dua laksa

Tuanteu Ali han jitupat Kafe laknat jak mumita Teuduek 'oh nan dulee siat Muwoe riwayat Nabi kita

Rasulullah neubeurangkat Suroh halarat Tuhan Esa Laen bak nyan teuma rakyat Silaksa peuet ribee rakyat neuba

Kheundak Tuhan kudrat iradat Rab ka troh had jeuet prang kuta Geujak kalon tuanteu Ali Sahbat sare dum seureuta

Ngon peurasanpi damoh that Ireng rakyat balatantra Jipalee gong ngon bunyoe that Galak rakyat meuseusuka

Angka-angka ngon pupanji Payong ceuradi meugeugisa Laen bak nyan han soe tukri Ngon napiri dan nukara

Padum lawet neupeureugi Sampoe Nabi nanggroe raja Ban neukalon ka troh Nabi Tuanteu Ali tren cong guda

Neujak meuteumeung deungon Nabi Neupeureugi sigra-sigra 'oh meuteumeung deungon Nabi Neupeurab le peumulia

Teuma Ali neubet jaroe Neupeugah proe bak Saidina Ya Rasulullah idin kamoe Bak siseun nyoe bah Ion ngaza

Nabi peugah ubak sahbat Pioh siat dumteu rata Pakon meugriet that teudap-dap Bahle beu rab keunoe teuka

Boh pupanji deungon kimah Bah tapioh siklep mata Haba Nabi ulon pioh Jinoe Ion boh Raja Bada

Ban jideungo Nabi ka troh Pahlawan tujoh jijak mita Jijak laju leugat-leugat Troh bak teumpat Nabi kita

Jieu pupanji Nabi Muhammad Teusurat kalimah dua Teuma jitanyong ubak Nabi Peue pupanji soepo atra

Ngon angkatan dum ka ase Rame-rame kueu teuka Nyang got tawoe jak keumbali Meunan mate kupoh fana

Teuma seuot Saidina Ali Ngon Nabi bek kameuseunda Nyang got beudoh bek le cakri Kutadi han jeuet kagisa

Ban jideungo tuto seungkoe Beudoh jiwoe ubak raja 'oh troh keudeh jibet jaroe Ampon kamoe po meukuta

Seumbah tuanku di bawah gaki Saidina AH sabet teuka Rakyat le that hana sakri Nyang beurani lapan laksa

Bek le neujak u Madinah U Makah bek le tangaza Pahlawan tujoh meunan peugah Jipeuseumbah ubak raja

Raja Khandak tanyong leugat Adat tahisab padum laksa Ampon tuanku han troh dapat Teutapi rakyat Ie lagoena

Beukit meunan got takarat Yoh gohlom rab keunoe teuka Raja Khandak meunan kasad Tuhan halarat han neurela

Jibeudoh le teuma leugat Lheueh mupakat deungon raja Jipeh tambo deungon geundrang Rakyat meukumang meugeugisa

Na tujoh pioh uleebalang Nyang jak sajan Raja Bada Nyankeu ureueng nyang pahlawan Rakyat sajan troh meulaksa

Jibeudoh le teuma tajam Ban boh sungkam pantah sigra Meuteumeung le meuhadapan Deungon tuan Ali Murtala

Ateueh guda neumeukandran Di tangan peudeueng zulfaka Ban neukalon kafe laknat Neulumpat le dalam tantra

Di kafepi jiek leugat Jikarat ban siseun lingka Jitak jitop hana padan Kafe jahnam that guranta

Deungon tulong Polu Tuhan Jisingahan bak angeeta Zulfaka peudeueng analan Di tangan neupuba-puba

Ban neukalon hana ruweueng Neuklik yoh nyan deungon raya Langet bumoe tamse karam Buket kareueng sang meuleua

Ban jideungo kafe bajeueng Rasa tuleueng sret u lua Bitpi meunan hana jiplueng Jihudom ban siseun lingka

Ban neukalon le that jiek Neutarek cokma nyang raya Ka neupoh le ateueh ulee Su meukeutee meuk teupanca

Ladom muka ka beukah lhee Ladom ulee ka jeuet dua Ladom badan ladom singkee Na lhee ribee rakyat fana

Ban jikalon han got lagee Kafe asee dum jiguda Saidina Ali tinggai sidroe Dudoe neuwoe bak Saidina

Teuma neucom gaki ngon jaroe Teuma dudoe meusuara Tuhan tulong dum geutanyoe Ka seuleusoe saboh bahya

Teuduek siat nyang haba nyoe Kisah muwoe ubak raja Amma bakdu teuma dudoe Kafe pindoe Ion calitra

Pahlawan tujoh ka troh jiwoe Jipeutoe bak raja raya 'oh meuteumee jibet jaroe Ampon kamoe po meukuta

Le that rakyat tuanku mate Saidina Ali nyang pufana Pahlawan that hana sakri Ngon beurani hana tara

Cokma ngon peudeueng jipeunari Bagoe suwe dalam tantra Baranggasoe gadoh pike Meunyo ngon Ali po meukuta

Bak jimeucang hana sabe Beuhe dte silagoena Ban jideungo meuhei sare Jilumpat le dalam tantra

Meunankeu phon jeuet teukeudi Jeuet keu mate kamoe dumna Ban jideungo le that mate Raja kafe beungeh raya

Jikap bibi hana lheueh le Puta mise hana reuda Raja Khandak duek di bale Sabda jibri jeuep peutua

Jeuep-jeuep nanggroe jibri surat Ube neumat Raja Bada Uroe malam rakyat ili Sipai deungon lasyeuka

Ladom taeu me meuriam Ladom gulam beude lila Rakyat teuka uroe malam Jitren curam ubak raja

Abeh teuka jeuep-jeuep nanggroe Kafe pindoe le that tantra Nyankeu dum buet ka Ion peugah Ban nyang leumah bak calitra

Meunan kata saheb kisah Teutapi Allah that sibeuna Teuduek 'oh noe dilee siblah Nyoe Ion kisah nyang keudua

Buet hikayat meuriwang ato Amma bakdu Ion peuriwang Sinoepi ka geumupike Sahbat Nabi seukalian

Dalam kimah dong beureunti Deungon Nabi sinan sajan Nyang pahlawan Saidina AU Laen lagi dumna ikhwan

Muwafakat buet prang kafe Hajat ate jak syahidan Ureueng mukmin sabe pike Bek teukeuse deungon Tuhan

'oh lheueh pakat dum ka ase Geubeudoh le sahbat junjongan Sira geujak geuhei sare Troh bak kafe jideungoran

Supih raya hana sabe Sang reuloh gle gunong manyang Ban jideungo uleh kafe Jibeudoh le ban boh sungkam

Na tujoh droe nyang beurani Bajee rante dum di badan Bak takalon sang-sang dali Rot Nabi meunyum tiwasan

Meunan teuseubot dalam rawi Tuhanku Rabbi nyang na tuban Rotdeh rotnoe bandua si Hana sakri that analan

Surak deumpek geuhei sare Saidina Ali phon mulaan Neutamong lam tantra kafe Meuteumee le meuhadapan

Ban jikalon tuanteu Ali Di kafepi le amilan Kafe paleh le that cakri Saidina Ali jimeung tawan

Tulong Tuhan Poku Rabbi Neudeumpek le neutak yoh nyan Na sireutoh sigo mate Teutiek bangke dum meutimphan

Le that mate rakyat kafe Darah ile sang ie kubang Kafe paleh jiek sabe Dumnan mate ka teureuban

Han peudoli nyan ka mate Saidina Ali jimeung lawan Leupah beungeh hana sakri Meusoseue Ie dalam kawan

Kheundak Tuhan Rabbon Kade Rakyat kafe le that simpan Mate siribee hana Ion gü Laen lagi teuka keunan

Surak deumpek jihei sare Abeh mate dum pahlawan Pahlawan tujoh nyang beurani Jikap bibi jiek meusyam

Ngon beuhepi hana sakri Ban keudidi gidong ek pam Ban meuteumee Saidina Ali Ka jitadi laju meukram

Hana keunong Tuhan neubri Ateueh bumi keudeh meukeutam Jikalee kon roh neukilah Abeh bicah tuboh badan

Kafe paleh ate saket Jipoh bit-bit hana padan 'oh neukalon yoh nyan maran Neugrop pantah dalam kawan

Zukfaka peudeueng meutuah Ujong mirah ban meulisan Kafe mate that barollah Han ek peugah kheundak Tuhan

Abeh jiplueng dum jiguda Dalam rimba dum sibarang Tuanteu Ali that guransang Mantong sinan dalam padang

Teuduek siat nyang haba nyan Muwoe karangan Nabi kita Neudeungo puprangan that meutunang Neujak kalon neupeunyata

Ban meuteumee deungon Ali Neupeurab le neucom neuwa Teuma neukheun Rasulullah Bu meutuah he aneukda

Kulakee tulong ubak Allah

Beuek leupah nibak bahya Tuanteu Ali teuma peugah Peudong kimah dum beurata

Meusidroe bek bicah kawan Geutanyoe sang na keurija Saidina Ali meunan titah Rasulullah kabui sigra

Teutap Nabi dalam kimah Muwoe kisah keu Raja Bada Amma bakdu nyoe nyang indah Saboh cidah nibak nyang ka

H. SAIDINA ALI TAMUEK LAM PRANG Raja Bada yoh nyan marah Jideungo gah Nabi teuka Buet puprangan dum jipeugah Ngon ayah sajan seureuta Uroe malam ate sosah Jieh salah han meurasa Jiyue jak tueng teuma pantah Pahlawan meugah lhee nyang raya 'Oh troh keunan jiisyarah Jipeugah haba rahsia Raja Bada raya ilah Buet ngon mudah jibicara Muka mameh narit indah Teubiet lam babah narit keulua Pakri laku aduen meutuah Lon ka teuhah tan le ija Adat tatem taseuleuah Meuhan bahle bah lon keurija Pahlawan deungo meunan titah Isyarah jitupeue makna Ampon tuanku bak neugundah Ali nyang meugah lon pufana 'Oh meuteumee han kukeubah Kuramah beu jeuet keu sira Meunyo hana ban lon peugah Lon taubah balek nama Meunan narit pahlawan Adimah Ngon Asrakah nyang keudua

Nyang sidroe treuk Marakiah Abeh sudah ka bantiga Jih nyan banlhee pahlawan meugah Bak kafilah saboh tantra

Ngon beurani lagi gagah Deungon juah hana ngon sa Tuanteu Ali jilakee plah Jimeusumpah bak beurahla

Beudoh sinan jiplueng pantah Deungon bagah tulong tantra 'oh troh keudeh jihei sare Tuanteu AU jijak mita

Rakyat le that hana sakri Teungoh iü hana reuda Cukop alat nibak jaroe Peudeueng camcoe raya raya

Peurintah Allah Rabbon Kade Tuanteu Ali deungo suara Nyanpi hana ngon peusabe Bagoe mise ngon tapeusa

Ban neudeungo jihei sare Neudeumpek le bagoe raya Pasang guda laju rijang Dalam padang le neuhala

'Oh troh Ali dalam padang Jihee dum ban siseun lingka Na lhee ribee sigo mate Rakyat kafe abeh fana

Bitpi dumnan ka hana le Saidina AU neuthee hana Kata saheb eumpunya rawi Teuma Nabi lom meusabda

Neukheun ubak Saidina Ali He boh ate jak tangaza Bek tatakot kafe hareubi Tuhanku Rabbi tulong gata

Deungon rakyat bandum sajan Jak syahidan he syeedara Saidina Ali seuot nyoeban Junjongan bek dilee gata

Meunan umu Tuhan neubri Kafe Yahudi lon pufana Meugoh mate nyawong simpan Dalam kawan jih kumita

Adat manyang kupeugandoe Jitren keunoe kutheun cintra Beukit jigrop dalam apui Kulangue u dalam nyala

Adat jilop dalam bumoe Ulonteu nyoe tran u lua Deungon tulong Tuhan sidroe Kafe pindoe kujak mita

Jak bak Nabi neucom jaroe Teuma dudoe ek cong guda Guda utoh that seureuloe Jitupeue barangpeue makna

Neulhat di rueng cokma beusoe Jiplueng tanggoe dalam tantra Ban meuhadap kafe pindoe Neugrop bagoe gajah meunta

Tuanteu Ali pantah han soe Guda ragoe that mubasa Neugrop keudeh neugrop keunoe Di jaroe peudeueng zulfaka

Ban neukalon jroh meupadoe Meuhudom ban siseun lingka Neupoh rotdeh jiek rotnoe Meuree-ree teungoh jiteuka

Bajee direh keutupong beusoe Dum jipakoe di keupala Surak deumpek hana padoe Kiam bunyoe sare gubra

Pahlawan meugah na banlhee droe Hana bagoe that guranta Jikap bibi ganceng gigoe Jih banlhee droe dalam tantra

Cokma peudeueng mat di jaroe Jimeuhei toe Ali Murtala Wahe Ali tateubiet keunoe Nyoepat kamoe sabe padra

Bak soe laen gata meugah Ngon kee kuplah beu jeuet dua Nyoe Adimah na katusoe Teubiet keunoe kueu rupa

Ngon soe laen that keukrasan Ngon kee rakan hilang nyawa Tuanteu Ali yoh nyan marah Muka juah jiek bisa

Neutanyong le pantah-pantah Cuba peugah soebu nama Beukit mate gata pahlawan Na tinggai nan dalam donya

Jiseuot le pantah-pantah Lon Adimah nyang peurkasa Jeh sidroe treuk nan Sarsarah Pahlawan meugah kamoe dua

Han jan abeh lheueh jipeugah Neutadi bagah deungon cokma Di kafepi hana ugah Jibalah ateueh Saidina

'oh lheueh jipoh khem meuhah-hah Jipeugah ka hilang nyawa Maken beungeh that amarah Ka ingat kah he ceulaka

Teungoh teungoh khem meuhah-hah Neubet pantah cokma raya 'oh ban neupoh ulee beukah Kheundak Allah ka troh masa

Ka troh ajai nibak Tuhan Kafe jahnam asoe nuraka Ban jikalon ka le mate Seugala be laen teuka

Teungoh jiek dum meurumpan Jime sajan dum meulila Surak deumpek hana padan Neudapan u dalam tantra

Tuanteu Ali nyang pahlawan Siulahan geumpa donya Na siribee sigo mate Ka gli ate bandum tantra

Raja Khandak yue peh geundrang Rakyat meuriwang uroe seunja Teuduek siat nyang haba nyan Muwoe karangan Raja Bada

Amma bakdu nyoe nyang masen Leubeh ceuken nibak nyang ka Raja Khandak jimupakat Musyawarat ngon aneukda

Raja Bada tuto jeungkat Jikheun teupat ubak bapa Beukit meunan ampon doli Masyil ngon Kabed tayue dua

Tayue jak prang nanggroe Makah Ngon Madinah tayue ngaza Meukon meunan hana keumah Prang nyoe tiwah bak ri rupa

Sidroe saho tayue beurangkat Neubri rakyat dua laksa Meunan teungku nyang mupakat Taprang teumpat nanggroe dua

Meuka talo nanggroe Arab Nabi Muhammad tapufana Kafe paleh meunan pakat Beudoh Kabeh teuma bungka

Umu sibuleuen jijak leugat Troh u teumpat nanggroe dua Tulong Tuhan limpah kudrat Ngon beureukat nanggroe dua

I^adom kheun kon nanggroe Makah Ngon Madinah kon bandua Soe nyang kheun kon ka meutuah Soe nyang kheun sah ka buta mata

Tuloe geulunyueng bandua blah Seubab jipeugah nanggroe dua Teuma jiduek jimupakat Pakri mangat nyang seujahtra

Nanggroe Makah sang keuramat Meunan dapat kueu nyata Bek antara taprang teumpat Meutalihat buta mata

Nibak meunan jeuet meularat Tamupakat got tagisa Ban jideungo meunan pakat Masyil ngon Kabed beungeh raya

Teuma jikheun ubak rakyat Ngon nasihat jibri aja Pakri tawoe han geumarah Raja meugah yue keurija

Meuhan talo taprang Makah Peue tapeugah ubak raja Ban jideungo meunan titah Jimeukeumah dumji rata

Nakeu baro jicok langkah Bandua blah sigo buta Teuma jplueng meuhah-meuhah Allah Allah ka ceulaka

Bunoe kukheun han tapateh Nyoe ka paleh buta mata Nabi Muhammad Tuhan gaseh Tapeujaeh uleh gata

Lheueh meudawa meunoe meudeh Jibeudoh gleh dumji rata Hana jan troh jiwoe keudeh Bandum puleh buta mata

Muwoe ulang lhee peuet lapeh Teuma meugureh dalam dada Jimupakat bandum abeh Jijak keudeh bak Saidina

Masyil ngon Kabed mangat ate Jak bak Nabi meu'ah deesya Meunan jikheun dumji sare Bek tawoe le ubak raja

Raja geutanyoe beukit mate Nanggroe reule haro-hara Aneuk peurumoh talakee pulang Dan sibarang ngon areuta

Adat neugaseh deungon neusayang Jikalee han bek takira Raja geutanyoe han torn meunang Saleh malang raja ceulaka

Meuna sibuleuen treuk tamuprang Abeh meuguncang buet Saidina Tuanteu Ali that guransang Peudeueng panyang hu ban sua

Gaseh Allah tulong Tuhan Seubab junjongan Nabi mulia Meunan bandum jimeukalam Beudon yoh nyan jijak lanja

Meurumpok le ngon junjongan Saleuem haluan mula-mula Tuto mameh ban meulisan Dong di hadapan Nabi kita

Jitiek alat kreh ngon peudeueng Jimeuteumeung ngon meelana Seureuta deungon jilakee meu'ah Barang salah buet nyang ka ka

Nabi kalon meuhah-meuhah Rasulullah neumeusabda Hoka Masyil deungon Kabed Meungucap syahdat dilee gata

Ban sare lheueh Nabi peugah Meungucap pantah sigra-sigra Ka jiekrai deungon lidah Rasulullah neubri aja

Asyhadu an la ilaha illallah

Wahdahu la syarikalah Wa asyhadu anna Muhammadan 'abduhu wa rasuluh Kabed sunggoh bak agama

Lheueh Islam Masyil ngon Kabed Teuma rakyat bansineuna Teutap sinan jeuet keu sahbat Nabi Muhammad lom meusabda

Nabi tanyong ubak Kabed Peue na hajat tajak mita Ya Rasulullah suroh sulotan Geuyue jak prang nanggroe gata

Masa meujak peungeuh bandrang 'oh mupandang buta mata Beudoh sinan dum meuriwang Peungeuh bandrang miseue nyang ka

Nam tujoh seun meuulang-ulang Teuma meuriwang keunoe bak gata Ban neudeungo meunan jikheun Sang teusinyom Nabi kita

Masa lon jak dilee siseun Nyoeho bandum ka bak gata Ya Rasulullah na tujoh droe Keudeh jiwoe ubak raja

'oh nan teudoh dila haba nyoe Ureueng tujoh droe lon calitra Troh bak raja jibet jaroe Ampon kamoe po meukuta

Masyil ngon Kabed hana le jiwoe Tuanku droe ubak gata Ka jitamong agama Islam Keu syahi alam paleng muka

Ban raja deungo haba meunan

Jimeukalam ngon aneukda Pakri laku aneuk badan Pahlawan han le jigisa

Raja Bada seuot nyoeban 'Bahle meunan sikiep mata 'Oh meuteumee tapoh mate Peue tapike ureueng dua

Nyang got tuanku tameusyawe Tayue pangge dum peutua Tayue seutot dum beu abeh Kawom wareh ban seulingka

Mangat meuri nyang han pateh Nak tatuleh dum seugala Teuma jinoe na sit ladom Nyang tem kawom meuseutia

Meuka abeh dum gop hukom Pat tacok lom toh syeedara Di sinoe dum karong wali Bandua si gata sama

Rot Muhammad meuka keunoe Beu takiloe bek na reuda Kareuna jih akai that jroh Tuto leumoh na dum saka

Jipeutaklok seun-seun saboh Abeh jiuroh nyang peutua Kadang-kadangpi ek abeh Han jipateh le kheun gata

Meutan wareh aneuk nanggroe Ngon siuroe ek seureupha Beukit tajak nanggroe laen Han that gop syen tan syeedara

/

Adat tayue gop sang taupah Keu peunayah dom takira Kadang mate ureueng nyang meugah Ngon nyan teulah gata papa

Meuka abeh syawe pike Boh ate ban hukom gata Raja Bada mangat ate Jiyue pangge dum peutua

Abeh teuka seugala be Ban nyang pike raja dua Teuduek siat raja kafe Sahbat Nabi lon hareutoe

Sidehpi ka geumeuase Bandua si rotdeh rotnoe Nyang peutua Saidina Ali Sahbat sare dum sinaroe

Laen bagoe teuma lagi Kabed ngon Masyil bandua droe Masa dilee agama kafe Yoh gohlom ere nibak nanggroe

Peurintah Allah Rabbon Kade Agama Nabi teuma jiwoe Rupa indah-hana sakri Ngon beurani hana bagoe

Umu baro mantong keucek Sabe-sabe bandua droe Ngon pahlawan hana sakri Ngon beurani buta tuloe

'oh jitamong agama Nabi Mangat ate bandua droe Lheueh jiseumbah jaroe gaki Idin neubri keu lon jinoe

Ya Rasulullah idin neubri Lon poh mate bansinaroe Hana patot jimeuungki Keu Nabi ngon Tuhan sidroe

Teuma neukheun uleh Nabi Jak boh ate bansinaroe Tamong laju bek tapike Teutapi bek sia-sia

Ban jideungo sabda Nabi Jibeudoh le dum sinaroe Di kanan peudeueng meuceuradi Di kiri peurise beusoe

Jiek laju jikap bibi Meuteumee le kafe pindoe Ban meuhadap Kabed ngon Masyil Jitanyong le pajan kawoe

Rakyat teuka uroe malam Jitren ubak Raja Bada Leumbeng tumbak deungon camcoe Kapak beusoe ube-be raya

Bajee direh dum jipakoe Keutupong beusoe di keupala Abeh teuka jeuep-jeuep nanggroe Kafe pindoe le that tantra

Nyankeu dum buet ka lon peugah Ban nyang leumah bak calitra Meunan kata saheb kisah Teutapi Allah thee sibeuna

Teuduek 'oh nan dilee siblah Nyoe lon kisah nyang keudua Saboh-saboh ulon ato Bek meurungkho bak karangan

Meuka le peue roh meujampu Meusoe nyang eu han jituban Buet hikayat ban nyang tuto Amma bakdu dudoe nibak nyan

Sinoepi ka geumupike Sahbat sare seukalian Dalam kimah duek beureunti Deungon Nabi sinan sajan

Nyang peutua Saidina Ali Laen lagi dum pahlawan Geumupakat buat prang kafe Hajat ate jak syahidan

Ureueng mukmin meunan pike Bek teukeuse nibak Tuhan Keumah pakat dum ka ase Geubeudoh le seumbah junjongan

Sira beudoh geuhei sare Tuanteu Ali bri ajaran Kudeungo kah sahbat Nabi Kameuungki raja kamoe

Nyang got jak woe bek le cakri Meuhan mate bandua droe Ban jideungo tuto singke Jibeuet le cokma beusoe

Na peuet reutoh sigo mate Jiek sabe miseue unoe Bitpi dumnan ka hana le Sang reuloh gle kiam bumoe

Ban geukalon jroh meuriti Geutadi han jan jibet droe Teutap sinan dum ka mate Dum pupanji han soe puwoe

Peh bunyian kanan kiri Hana sakri rioh bunyoe Na sisa'at baro sunyi Teuka lagi rakyat that doe

Teungoh jitren dum jiili Rakyat rame sarat nanggroe Ngon kawoh bandum di gaki Bajee anti sok bak asoe

Peudeueng tumbak jipeunari Peurise beusi mat di jaroe 'oh meusapat jihei sare Nyum reuloh gle karam nanggroe

Rakyat le that hana sakri Teungoh ili hana padoe Nyang that utoh pahlawan Masyil Yoh goh rame dilee som droe

'oh meusapat rakyat kafe Jibeudoh le jijak sidroe Han jan jiplueng meusipade Abeh meugule bansinaroe

Beukah ulee puntong lihe Rakyat kafe dum teupipoe Siploh ribee sigo mate Darah ilee mirah bumoe

Na sidroe-droe hana mate Jiplueng sabe laju jiwoe Meunan teuseubot kata rawi Tuhanku Rabbi nyang thee sidroe

# * *

IE. RAJ A BADA PEUINGAT AYA H

Amma bakdu teuma lagi Raja kafe lon hareutoe Ban jideungo le that mate Jipeugah le ureueng nyang woe

Raja Khandak saket ate Jiyue pangge bujang meuntroe Troh bak raja dum jiili Ampon doli raja-nanggroe

Beudoh sinan le jititi U bale bak intan pudoe Rakyat geutanyoe le that mate Pakri pike bujang meuntroe

Muploh ribee sigo mate Kabed ngon Masyil poh dua droe Pantahpi that tan seunabe Bagoe suwe dalam uroe

Han jan leumah taeu lahe Geutanyoe mate dum teupipoe Bak akai han got tapike Saleh pakri jeuet keumeunoe

Saleh bakjih eleumee sihe Nyum di ate ulonteu nyoe Bujang seuot teuma meunoe Jipeugah le bak raja droe

Pahlawan tujoh tuanku pangge Neuyue me le ngon jrat beusoe Jiyue ureueng jak mudek le Teuma ile bantujoh droe

Troh bak raja jipeugah le Salen jibri bantujoh droe Pakaian meuh intan pudoe Sikin jibri lapan sagoe

Abeh jisalen dum barangri Jihei sare nyum lham nanggroe Alat pupranganpi ka ase Jibeudoh le bant uj oh droe

Teuduek siat dilee kafe Sahbat Nabi lon hareutoe 'oh troh keunan pahlawan Masyil Jak meuteumee jak com jaroe

Ya Rasulullah idin neubri Seukali lagi bak uroe nyoe Brat that rakyat lon eu sabe Tujoh kali nibak bunoe

Meuna umu Tuhan neubri Esok hari lon jak sidroe Meugoh meuteumee raja kafe Kumeucang sabe geunap uroe

Ban neudeungo uleh Nabi Beu Tuhan bri mangat asoe Beungoh-beungoh pagi hari Geuhei sare kiam bunyoe

Geutamong lam tantra kafe Geupujoe le Tuhan sidroe Meunoe geukheun dum di babah Allahumma salli wa salem 'aloi

Geucok langkah geulhom gaki Tuhanku Rabbi lom geupujoe Allahummagfirli zunubi Wali wa lidoi

Lheueh geupujoe Rabbon Alamin Geupeunari cokma beusoe Ban jikalon sahbat Nabi Jimeuhei le peurab keunoe

Masa dilee le beurani Nyoe hana le kueu sidroe Jimeugrak-grak hana sakri Jikap bibi jihing gigoe

Pahlawan tujoh nyang beurani Ngon Zanggi nyang raya gigoe Pahlawan tujoh kafe 'asi Cokma beusi mat di jaroe

Ladom rakyat jime baci Nyang rame jigulam camcoe Nyang pahlawan jigulam beude Nyang beurani cokma beusoe

Rakyat le that hana sakri Nyang keutahwi Tuhan sidroe 'oh meusapat jihei sare Nyum reuloh gle karam nanggroe

Soe nyang kalon gadoh pike Nyum hana le malam uroe Bitpi meunan le cit kafe Kabed ngon Masyil ka lang han soe

Pahlawan tujoh meuhadap le Jinoe mate gata dua droe Jimupakat dumji sare Kabed ngon Masyil deungo bunyoe

Dong meusapat geutanyoe bek ere Mangat tarante ngon jrat beusoe Hana jan troh jitiek rante Abeh meugule bansinaroe

Tujoh pioh ribee sigo mate Pahlawan kafe tinggai sidroe Sa'at laenpi le mate Uroe akhe rab ka sampoe

Geupeh tambo deungon gèundrang Rakyat riwang abeh jiwoe Singoh beungoh lom jiili Maken rame nibak baroe

Angkat-angkat jipeunari Payong ceuradi kasab meureumboe Rupa indah hana sakri Raja kafe yue me keudroe

Peh bunyian kanan kiri Han soe tukri le that bagoe Sangkaikala ka meutiti Ngon napiri rioh bunyoe

Rakyat le that lam hisabi Limong kati rakyat sampoe 'oh meusapat jihei sare Nyum reuion gle langet bumoe

Nyanpi geucang abeh mate Han cit na gli kafe pindoe Jipeusak dak jibloe mate Nibak keuji 'aeb bunyoe

Leupah narit teulanjori Jimeujanji yoh saboh roe Meuhan mate Saidina Ali Bak esteuri han le jiwoe

Meunan kalam dilee janji Deungon doli raja nanggroe Ngon pakaian salen jibri Han ta tukri peugah bagoe

Ija pinggang plang mupeulangi Kreh ngon bari intan pudoe Kupiah meuh meuceuradi Taloe lihe yum sikatoe

Deungon bajee dum meureumboe Peunoh asoe takalon hi Deungon kawoh meuh seutaki Dilee jibri bant uj oh droe

Tujoh laksa beulanja jibri Laeh lagi umong meuneugoe Anek peurumoh dan esteuri Dum raja bri bungong jaroe

Ganceng-peundeng jeuramani Gleueng di gaki euncien di jaroe Alat tuangan peuneugot Cati Lheueh jiuke intan jipatroe

Nyankeu seubab jeuet jimate Jipike guna saboh roe Nyoe na saboh lon boh syae Deungo akhi aduen adoe

Tamse bungong kacang keulandi Di lua tangke di dalam taloe Rupa indah hana sabe Ayeuem putroe ti lam meuligoe

Uroe malam hana tom ere Sret meugule bak siuroe Bandua peue sigo han le Putroepi mate bungongpi rugoe

Geumeusumpah seutia mate Meunan di akhe dum barangsoe Abeh haba rawi sahbat Nabi Muhammad lon hareutoe I

Jinoe beudoh Saidina Ali Kabed ngon Masyil bansinaroe Nyoepi hana ngon seunabe Miseue beude tadeungo tuloe

Dikafepi hana sakri Jiek sabe ban boh gandoe Jidong meureuntang kana kiri Jimeung rante ngon jrat beusoe

Jipreh troh Saidina Ali Jinak hambo rante beusoe 'oh meusapat bandua si Jipeusimban le kafe pindoe

'oh ban keunong Saidina Ali Neutarek le deungon jaroe Neutiek keudeh teuma lagi Keunong kafe nyan tujoh droe

Abeh mubalot dumji sare Jeuet keu bace kafe pindoe Seubab raya mukjizat Nabi Tuhanku neubri roh ateueh droe

Bitpi meunan hana that gli Maken sabe lom jipeutoe Gadoh ingat Saidina Ali Neueu kafe le mupadoe

Zulfaka beusoe beurani Hana sakri dalam jaroe Hana jan lheueh jihei sare Ulee ka ere sret u bumoe

Beukah ulee puntong lihe Ladom reule gigoe-gigoe Prang meucupheuek mate sabe Darah ile sang lhanvnanggroe

Ngon pahlawanpi hana le Abeh mate bantujoh droe Nyang na udep jiplueng sabe Nyang ka mate hana le woe

Troh bak raja jipeugah le Ampon doli dumna kamoe Rakyat geutanyoe le that mate Pakri pike tuanku droe

Asai sampoe jicang reule Di akhe han tinggai sidroe Meunan leumah lon eu lahe Nyang got bek le jeuet keu rugoe

Ban jideungo meunan haba Hitam muka miseue adang Jibeudoh dong peunap muka Ngon suara meugurantang

Muka juah jiek bisa Ngon mata han jeuet tapandang Ate saket hana tara Beungeh raya miseue biram

Abeh jicarot dum peutua Di nap mata uleebalang Tuto paleh keunoe kaba Ngon kee raja kameuayang

Keupeue guna kah meulaksa Ureueng dua han ek kacang Han torn sigo nyang na padra 'oh noe masa ka kamuprang

Hana meusoe kubri nama Biek aneuk da seuon idang Meunan dilee ka biasa Nibak ja ja inong ma wang

Nyangkeu seubab jeuet ceulaka Jiboh kada pangkat mawang Meunan bandum taeu rata Tuha muda beusa seudang

Keupeue guna meuseutia Meunyo hana katern meucang Keupeue jeuet le pahlawan raya Sep lam gop ceula han torn reunggang

Kumeurugoe ngon areuta Kee nyoe papa tinggai sarang Peue nyang hajat kameuhawa Kujak mita kutueng utang

Kubri nanggroe keu bentara Ngon areuta dum kupulang Wase krueng deungon kuala Laen teuma wase ladang

Kubri salen hana reuda Ngon seunjata sikin panyang Pakaian jroh bajee ija Kasab sitra meukeurawang

'oh jan watee uroe raya Kubicara sie bakmeugang Saboh geusyik saboh kubri Laen lagi uleebalang.

Keubeue lumo kujak mita Bak kukira katern meucang Anek peurumoh dum kaseuba Di kee hana saboh panggang

Nyan dum di kee seutiaan Nyang di kah han teuma ka sayang Adat kuthee dumnoe rupa Lon tiek lam paya umpeuen bubrang

Raja Khandak meunan kata Raja Bada seuot rijang Jimeukalam ngon ayahda Jibet dua jaroe manyang

Ngon meuakai bijaksana Ngon suara that meulumbang Ngon beurani that peurkasa Beuhe raya lom ngon tungang

Jipeuek seumbah ubak raja Jidong sabda badan jeunjang Ampon tuanku di jeumala Lon aneukda gaseh sayang

Pakon tuanku sare subra Peuebu sabda amarahan Pakon neumarah di nap mata Meusikada goh tamuprang

Meuka abeh neupumeureuka Pane teuma ureueng muprang Kadang aneuk ureueng tuha Simasa han le jimuprang

Beukit tatueng ngon areuta Jibungka han le jiriwang Nyang jeuet paleh dum peutua Jipeuraya buet sigupang

Meuka abeh dum jibungka Pat taraja han le urang Adat teukeudi teuka bahya Tateubiet gata teuma u blang

Beukit tatem na cit nana Kadang hana tajeuet meucang Tatakot tinggai bungong seulanga Dalam ceumara putroe seudang

Meuka mate hilang nyawa Tinggai nama bungong karang Nyankeu seubab jeuet ceulaka Meuhana soe teubiet u blang

Keudroepi tan goppi hana Pakri teuma rot meunang prang Adat tatem pura-pura Na silaksa ureueng meucang

Meuka jiba gata sama Malee mata bak jiriwang Kadang-kadang aneuk miet muda Maken gura that guransang

Bek tacarot di nap mata Malee raya uleebalang Jikalee han tabri areuta Meusuara bek that meulumbang

Nyan sa di gop geumeuseutia Peue na tabri meusigupang Adat na tabri sikrak ija Han jikira nyawong hilang

Dumnan rakyat meuseutia Di peutua han jisayang Taparohjih tatueng areuta Han takira jeuet keu lapang

Sidroe gadoh ureueng tuha Mangat silaksa laen hilang Beuthat beule keupeue guna Ureueng donyan dum sibarang

Hana jitem tabri nama Si ceulaka mita gupang Meuseuki beuhe silgoena Beuthat teuga bak geudubang

Meutan akai ube seuma Keupeue guna beuthat tungang Teuka di gop ureueng tuha Ngon bicara mantong meunan

Beuthat geueh dalam tika Ikot rata bandum muprang Adat alang ngon beulanja Jibri areuta lom jitumpang

Atawa na buet jisambe nyawa Dumnan guna han tasayang Patot taseuep di nap mata Buet beulaga sang binatang

Di gop nyang na geupeulara Di gata tarubeng sinan Meuka jeuheut keupeue guna Kon seutia buet tawayang

Nyang na di gop geupubeulanja Geubri areuta dum sibarang Meuka makmu le areuta Tacok teuma keu pangkai prang

Meunan di gop geukeurija Di gata talet ngon tacang Tiep-tiep ureueng geupumeureuka Geukira dilee bu panyang

Ngon peuleuheuen geubicara Bek ngon sigra meugurantang Walee salah jimeudeesya Bek antara meukreueh ceukang

Teungoh na buet han geukira Singoh lusa adat geuriwang Geupreh dilee sikiep mata Meuseuki tasula akhe datang

Tapeutakot meusikada Pura-pura takheun tacang Untong-untong jitem saba Bek biasa aneuk jalang

Adat meuteumee jih ngon gata Singoh lusa kadang kadang Tageureuhem pura pura U muka bek cit tapandang

Nak teumakot bek biasa Meunan keurija uleebalang Meuna umu jih ngon gata Kadang teuma jroh meuriwang

Meuka mate tapufana Kon seutia akhe datang Teugo jinoe ka ceulaka Dilee gunajih ube blang

Meunan sinan sajan gata Singoh lusa lom tapandang Meuka jitu'oh akai bicara Simasa han le jipantang

Peue nyang tayue jimeudawa Maken lanja meutamah girang Walee jitem lom tamaba Keupeue guna han le guransang

Adat jijak pura pura Meukeutanda undang-undang Yoh di gampong sama-sama Troh u lua jieh lam drang

Han jan tangieng sikiep mata Jiwoe lanja le jiriwang Beukit tatanyong tapareksa Pakon di gata tawoe rijang

Hana jan troh gaki kuta

Meunan bicara buet han reumbang Ampon tuanku barang sabda Bunoe hana deuh neupandang

Bukon ulon aneuk dara Bukon hana kujak meucang Meuka lon jak po meukuta Han kukira nyawong hilang

Nakeu jinoe nyang ka tuha Yoh muda han torn kuriwang Lagi sajan poteu raja Walee hanapi kumeucang

Meunan jipujoe di nap mata Tuto seunda jipeuayang Ureueng bingong kheun seutia Nyang na bicara kheun peuayang

Lah jitakot that keu gata Sambat seutia mubek alang Bek takirajih kreueh jungka Abeh nyang na laen ceukang

Beu na pike ureueng tuha Jipubla meuka bek irang Nyang baten soekeu na tuban Lahe saja got tapandang

Seubab tareubot hana reuda Nyankeuh punca han soe muprang Keupeue guna kapai raya Meuka hana malem sarang

Teuka bade angen raya Sigo saho timpa tihang Keupeue guna le areuta Meuhana soe me seunapang

Dilee keu gop han takira Jinoe keu gata pane jisayang Adat buet bacut tapeuraya Han takira teuhah pinggang

Tameukeusud meuareuta Ngon syeedara beuthat reunggang Beuthat beungeh geuseurapa Buet kon jeumba peue talarang

Jinoe nyang le dum peutua Jikeurija buet han reumbang Uroe malam jiusaha Jimeujaga sit keu gupang

Pakri han sidroe jitem kaya Jireubot atra hana reunggang Meutan hareukat ube seuma Pane teuka sret di manyang

Meuatra gop padumkeu na Meukon atra hareukat tulang Hana jan lheueh taseumula Jiyue teuka jak me umpang

Jeuep-jeuep sagoe tadeungo subra Bangon rupa ureueng meucang Han jitupeue keunak bri le Seubab pade mantong di blang

Nyang na pateh haba peusuna Han takira jeuet keu irang Peue meusaket di ureueng donya Meujitueng na di jih gupang

Adat na saboh kapai teuka Ateueh kuala jidong kuangkang Meudilee-dilee ek peutua Geujak mita ase sigupang

'oh troh lam kapai meuteumee Cina Teungoh subra basa cong cang Han jan putoh meuhareuga Wase kuala laju tamakan

Meunan bagoe adat raja Bak Cina lakee meuutang Singoh-singoh han jiteuka Teuboh kuala jeuet keu suang

Keupeue keude dua banja Meuka hana kapai datang Peukan seumak timoh drang jawa Abeh jibungka ureueng meuladang

Adat le aneuk han peue kira Maken ceulaka meutamah suang Jicok lam keude barangpo atra Jikheun hareuga 'oh woe tungkang

Meunan umu kapai teuka Kubri keu gata dua pucok tihang Adat han jibri jimeudawa Jitampa laju jibangkang

Nyang lam gampong han peue kira Ban ie raya ka saboh blang Han jeuet meuaneuk tapeulara Dumnan ceulaka uleebalang

Siuroe tujoh go teuka geumpa Ngon khueng raya han torn reunggang Abeh deuek troe ban saboh donya Ngon areuta lom teusagang

Takira na jeuet keu laba Han takira jeuet keu suang Kadang meuteumee sama dua Han jan tagisa jitop meutihang

Meunyo aneuk ureueng tuha Han jikira tinggai gampong blang Meudumnan buet keupeue guna Kon teusia uleebalang

Meusigo salah ureueng donya Tasaba dilee bu panyang Yoh goh tapoh bek taceula Bek nyang pada tapeutimang

Meuhan meunan tabicara Rogoe raya akhe datang Meunan nyang ka taeu rupa Dalam donya dum tapandang

Tiep-tiep ureueng meukeurija Han geukira talo meunang Baranggapeue buet takeurija Ban neuraca tapeutimang

Walee salah buet aneukda Tapeusa ngon ureueng landang Meukon meunan takeurija Meuhad ceulaka akhe datang

Meutan akai ube seuma Keupeue guna uleebalang Lah ka di nap jikheun raja Di likot gata asee musang

Meunan narit Raja Bada Di nap peutua uleebalang Sajan meuntroe ngon beuntara Ngon suara that meulumbang

Hana sidroe jeuet meututo Teuduek tahe miseue batang Raja Khandak miseue mante Bibi keundo lidah ceukang

IV. ABE H BINATANG JIKRAH JAK NGAZA

Bahkeu dumnan aneuk ngon ku Amma bakdu lon peuriwang Raja Bada teungoh meututo Maken laju that guransang

Jeuep-jeuep nanggroe dum jibri su Jiyue palu gong ngon geundrang Abeh teuka dum meu'u-'u Han jeuet taeu ka mirah blang

Hana putoh jitren laju Rakyat le han putoh reuntang Ngon alat bandum di baho Peurise le ngon geudubang

Leumbeng kampak dum meurungko Han jeuet taeu miseue jeundrang Nyang pahlawan beuhe beuhe Jipeh tambo deungon canang

Langet bumoe sang meugo-go Han jeuet tadeungo sang nyum mumang Tamse bade tren meu'u-'u Ban ujeuen sret nyan di manyang

Makhluk Allah tahe gante Han jeuet jipo cicem teureubang Duroh bulee dum teupeuro Abeh pungo dum binatang

Sang kiamat nyum ka hanco Bumoe meutoto langet meuguncang Seugala binatang abeh sosah Hana saboh jeuet teureubang

Meuumpeuen han jeuet le jicoh Badan awoh tinggai sarang Nyankeu bagoe ka lon peugah Le that ulah 'oh tapandang

Raja Bada raya syeekah Nanggroe ulah le that urang Jeuep-jeuep gampong abeh jikrah Jak peuseumah uleh bujang

Teuka rakyat han peue peugah That barollah ka peunoh blang Ngon seunjata han peue peugah Keumurah beude seunapang

'oh lheueh jipeh ateueh larah Jitatah teumaga loyang Keumurah beusoe raya babah Aneuk timah dum meukarang

Di pusat ubat jibicah Dalam babah awe sunsang Nyang beude cut raya larah Aneuk bagah jiteureubang

Di pusat baro meusinggah Di babah sideh ka reunggang Ngon pahlawan meugah meugah Ateueh gajah dum jipasang

Ceumeuti beusoe jimat siblah Keumurah jilhat di pinggang Bak tangkulok beusoe meuklah Bajee mirah di beulakang

Mise leubat bandua blah Galak leupah soe nyang pandang Soe nyang kalon teuhah babah Hebat leupah aneuk jalang

Ngon teuga na saboh gajah Beukit jiplah gunong lapang Pura-pura got keumurah Jimeureupah seunda wayang

Ngon peurasan han peue peugah Nyum-nyum beukah baloh geundrang Ureueng meunari cidah cidah Inong jariah seudang seudang

Suara mangat rupa cidah Nyum meuriah 'oh tapandang Nyang keumalon han peue peugah Teudong meuseueh ban pupalang

Dalam kuta peunoh limpah Rakyat barollah dum ka datang Peudeueng alat dum geukeubah Keumurah beude seunapang

Beudoh rakyat dum meukeumah Geusimplah ija geupinggang Jaroe manyang ulee reundah Peuek seumbah uleebalang

Nibak raja turon titah Geuyue peugah ek u manyang Geubri teumpat indah indah Ban kaidah uleebalang

Nyang rakyat teuduek di bawah Nyang meugah u bale keumang Geuleueng tika bandua blah Geukeubah ngon bantai keurawang

Teumpat indan dum meutatah Ngon meuh mirah lheueh jituang Jeuet taloh droe sang nyum leumah Hu sang basah deuh mubayang

Bak tiek jaroe lhat kupiah Bandua blah meuneureupang Nyang rot ateueh meuh meutatah Di bawah pirak keurawang

'oh takalon that meusyeekah Bak duek tufah uleebalang Ngon tingkap bandum geupeuhah Angen tampah keunan datang

Soe nyang kalon teuhah babah Jroh that indah bale keumang Pasoe ranup dalam karah Buet jariah ngon dendayang

Jipileh nyang kuneng indah Nyang mirah bandum jibuang Jikoh tangke bandua blah Jikeubah bandum jibuang

Lheueh jisunteng jiboh keumpah Dalam karah sang jilinggang Tuan putroe peurumoh raja Utoh raya bak keumarang

Lipat ranup jisom punca Tangke hana deuh tapandang. Boh di dalam bakong meulila Gapu naga dum jiruncang

Lheueh nyan jiboh pineung muda Jiboh teuma bungong lawang Jigantung ban siseun lingka Ngon sutra bandum jikarang

Di teungoh-teungoh bungong meucula Rot lua keureutah neucang Keu pucak bungong peureuda Hu meucahya 'oh tapandang

Rupa indah hana tara Ladat mata soe nyang pandang Dumnan bangon peurasan raja That mulia uleebalang

Sira meuduek geumeuhaba Seun sibanja le ka leukang Abeh ranup dum geurata Geubet kahwa dalam idang

Beuet jaroe ureueng tuha Peurdana raja that meulumbang Rupa hebat badan raya Bideueng dada na ube blang

Tujoh pioh hah ija sutra Han seb punca mantong reunggang Nyang raya that aneuk mata Bube raga siploh gantang

Nyang leupek pruet got that raya Meuadoe a ngon geulumbang Bulee keuneng panyang raya Jeuet taputa keu seumurang

Lam geulunyueng reuhung raya Lot taba guda sikawan On keutupong nyang that raya Ube banda kuta Midan

Deungon idong han peue kira Luah raya ban geulanggang 'oh jan watee na keurija Tangkulok raya tujoh ha bidang

Pakaian jroh bak anggeeta Kasab sutra meukeurawang Bipi meunan mantong muda Tujoh pioh raja ka jipandang

Nyankeu sidroe ureueng tuha

Nyang biasa bak meuidang Lheueh minoman ngon ie kahwa Uroe asa rab ka peutang

Geuyue bri bu dum peutua Bansineuna panglima prang Ladom rakyat bu lam raga Ladom teuma lam on pisang

Ureueng meugah sidroe dua Maseng kada dalam dulang Beuet jaroe ureueng tuha Miseue nyang ka geupeutimang

Lheueh minoman dumgeu rata Bet u lua pinah idang Lheueh mugreb seumbahyang isya Duek mubanja dum meureuntang

Sama teungoh Raja Bada Ban seulingka panglima prang Buet puprangan geubicara Nyang seutia uleebalang

Nyang meututo Raja Bada Laen teuma dum sibarang Beuet jaroe bak peutua Ngon suara that meulumbang

Tuto mameh na dum saka Miseue gula ban meulisan Soe nyang deungo ro ie mata Gaseh teuka timue sayang

Dua tangan di jeumala Meunoe kata jikheun rijang Nyang kuseutot dumna gata Bansineuna uleebalang

Adat na gaseh keu syeedara Raja Bada tatiek u blang Lheueh takeubah dalam tantra Tawoe gata bahle gop cang

Nibak malee keuji nama Bahle fana nyawong hilang Meuka keuji keupeue guna Jeuheut gata uleebalang

Nyankeu sagai ulon publa Nama gata dum bek irang Bek antara rugoe areuta Tinggai donya han lon sayang

Meunan narit Raja Bada Di nap peutua uleebalang Adat saket dalam dada Di lua sang boh peudeundang

Saket mangat hana nyata Utoh raya thatji sang-sang Abeh haba Raja Bada Marit teuma uleebalang

Peurdana meuntroe ureueng tuha Bijaksana that meulimbang Ampon tuanku barang sabda Rugoe laba kamoe julang

Adat langet sret u donya Ngon keupala ulon tumpang Pakon meugriet tajak gata Kamoe nyang na gohlom meucang

Kamoe laen mantong dumna Pakon gata teubiet u blang Meuka mate poteu raja Keupeue kamoe soe peutimang

Teuboh keurajeuen atueh donya Ngon agama han le seunang Pike dilee po meukuta Nyang got saba rijang-rijang

Meugoh mate kamoe nyang na Nyang raja han lon bri u blang Bahkeu dumnan bek le laku Meule tuto jeuet keuwayang

Nakeu sidroe Ali Murtala Adat silaksa han kupantang Nabi Muhammad kujak mita Ureueng nyan dua bah kamoe cang

Meunan jikheun dum peutua Di nap mata duek meuteumtang Phon seunja kon geumeuhaba Hingga jula datang siang

Simalam beungoh geumeuhaba Bansineune uleebalang Beungoh uroe teubiet faja Abeh haba pakat muprang

Abeh narit ngon peutua Jibri haba jeuep binatang Raja Bada raya tantra Hekeumatpi na dum sibarang

Binatang kleuet dalam rimba Bansineuna ek jigeunggam Hana saboh jeuet meudawa Jiepeuhamba dum binatang

Jeuep-jeuep gunong jiseuranta Pat na guha teumpat binatang Badeuek gajah rimueng singa Asoe rimba dum sibarang

Saboh bagoe biek kawom kra

Eungkong raya panglima prang Maseng-maseng dum peutua Saboh raja sidroe bujang

Nyang biek cicem jisama-sama Siwah raja kleueng teureubang Nyanpi sidroe biek nyang raya Saboh tantra di raja ngang

Nibak laen dum peutua Raja gagak sia mambang Seugala binatang jih nyan raja Ngon geureuda uleebalang

Peulandok kance le bicara Waki raja aneuk jalang Raja Bada raya tantra Binatang rimba jeuet jipeucang

Laot darat jiseuranta Bansineuna dum binatang Nyang lam tanoh sidom bisa Di laot raya uleue biram

Nyang dalam krueng raja buya Dalam paya meuntroe bubrang Saboh kawan biet keukura Binatang rimba raja dandang

Saboh sagoe limpeuen ngon kala Saboh jeumba nyang biek ganggang Biek beujabak ngon meurua Sama-sama peudeueng panyang

Seugala binatang dalam paya Nyang peutua panglima prang Lagi tarek hana haba Keurajeuen raya dalam kubang

Saboh kawan raja naga Saboh bangsa jen edeurang Maseng-maseng na peutua Ngon peurdana uleebalang

Miseue ureueng manusia Meunankeu tantra dum binatang Jitaklok bak Raja Bada Binatang rimba dum sibarang

Jeuep-jeuep gampong abeh teuka Maha raja uleebalang Langet meutoto bumoe geunta Binatang rimba dum teureubang

Han lon tupeue peugah rupa Le that bangsa dum binatang 'oh meusapat dum sineuna Nanggroe donya dum meuguncang

Jidong di nap Raja Bada Bansineuna dum binatang Peulandok kance ureueng tuha Peurdana raja nyang meulimbang

Ampon tuanku ateueh jeumala Binatang rimba dum ka datang Peue na hajat po meukuta Peugah sigra rijang-rijang

Saket rugoe deungon laba Peugah sigra ampon jeunulang Meuka sudah dum bicara Mangat meugisa dum meuriwang

Pajan meukeusud ulon teuka Po meukuta keunoe rijang Sangkira trep jeuet keu jula Neubri haba bek meuayang

Ban raja deungo meunan kata He po waki jakleh riwang Meuna umu beu rijang teuka Hajat guna heundak muprang

Han peue salah po meukuta Ban nyang hawa ulon meucang Peulandok paleh le bicara Jipeungeut raja jipeuayang

Abeh kalam deungon raja Teuma jigisa duai jiriwang Lheueh abeh woe binatang rimba Raja Bada pangge bujang

Pangge nujum eu kutika Jimeujaga uroe malam Jibuka tik jilop patra Jeuep-jeuep banja dum jipandang

Raja kafe pane teuka Uleue naga ho jiriwang Beukit leubeh tinggai esa U antara naga jipandang

Keunong ngon jifam reumbang kutika Dua pioh dua phon tamuprang Meunan nujum kheun bak raja Di nap mata duek meuteuntang

Ban jideungo jroh kutika Raja Bada yue tet simban Jitet sigo beude raya Mangat teuka dum binatang

Mangat meuthee seugala donya Bansineune uleebalang Ban jideungo that meutaga Binatang rimba dum teureubang

Laen nibak nyan ureueng donya Bansineuna uleebalang Dua katoe sikureueng laksa Manusia kon binatang

'oh lheueh abeh rakyat teuka Raja Bada jak u padang Pakaian jroh bak angeeta Kasab sutra meukeurawang

Ateueh ulee kulah karna Sok bak dada bajee geutang Dokma sajan dua banja Intan meutia meukeurawang

Jroh pakaian hebat rupa Keunan mata dum sibarang Soe nyang kalon ladat mata Jroh that rupa aneuk jalang

Kawoh gaki meuh suasa Bandua meueh meukeurawang Taloe lihe bungkoh sutra Kasab diwangga meukeurawang

Bak jaroe uneun peudeueng panyang Kreh meudulang lhat bak pinggang Ngon meuh uke dum jiteumpa Piala mundak meudulang

Seupoh mirah hu meunyala Ngon mata intan meukarang Ngon pinggang plang ija sutra Jroh that rupa meukeurawang

Lhat peurancong punca ija Teuma jigisa kreh meudulang Jimeukandran ateueh rimueng Ngon peudeueng saboh jisandang

Rupa indah tamse buleuen Keureubueng di rueng ban guda plang Banduapi jroh meurancong Bak geulunyueng tamse subang

Peulana meuh lom nibak rueng Bak reukueng geunta meukarang Ngon iku jroh meualam lulon Bak ujong lagee mubintang

Lisekpi that tamse ureueng Sang kon rimueng 'oh tapandang Raja Bada rupa useueng Ateueh rimueng tamse mambang

Pantahpi that hana peue kheun Tamse bangon cicem teureubang Badeuek meueundram nama peudeueng Mat di uneun sang seulayang

Rakyat le that tamse neleueng Ladom ureueng ladom binatang Ngon peurasan han torn kureueng Sabe kram-krum hana reunggang

Ladom geundrang nyang ladom gong Ladom momong ladom canang Han jeuet tadeungo su meukhung-khung Tuloe geulunyueng sang-sang mumang

Sang-sang canang sang-sang tambo Syam-kasyum sye meusu geundrang Sang-sang suleng sang-sang beureugu Sang meugo-go sang meucrang-crang

Sang-sang na ban deungon muri Sang meunduli sang su gambang Sang ceuracap sang keucapi Sang napiri sang su canang

Sang hareubab sang keudangdi Sang meuti-ti sang meutang-tang Peurasan le banyak muri Raja kafe teubiet u blang

Saboh kawan di sipai Saboh bagi panglima prang Nyang pahlawan jikap bibi Nyang beurani sangat girang

Jimeugrop-grop hana sakri Mangat ate sang-sang meunang Sira jijak jihei sare Rab ka hampe u geulanggang-

Rakyat le that hana sakri Peurasanpi that meuguncang Ammabakdu dudoe nibak nyan Muwoe karangan Ali Murtala

Tuanteu Ali bak uroe nyan Hana sajan ngon Saidina Neujak sidroe neubeurjalan Neucre kawan tinggai tantra

Nakeu watee seumbahyang leuho Neudeungo meugo-go that meutaga Sang-sang kafe nyum teusawo Bah kujak eu sikiep mata

Neusaleuem le rijang-rijang Lheueh seumbahyang ek cong guda Ban neuteupok di beulakang Jiteureubang dalam tantra

Guda jiplueng sang meulayang Na nyum sang-sang troh lam hawa Teungoh teungoh neupeusimban Mupandang ngon Raja Bada

Ateueh rimueng jimeukandran Di tangan peudeueng nyang raya Uleebalang meuntroe sajan Ngon pahlawan troh meulaksa

Laen nibak nyan han tatuban Dum binatang dalam rimba Ban jikalon tuanteu Ali Jitiek rante jeue meulila

Han jan neuweh meusipade Keunong lihe le meusingkla Bitpi dumnan nyan hana gli Neukoh rante ngon zulfaka

Hana sapeue teuingat le Neucang sabe neupet mata Na lhee ribee nyang ka mate Pahlawan kafe Raja Bada

Bitpi dumnan ka hana le Jiek sabe dum boh panta Dumnan neupph han ek lapang Tamse jeundrang rakyat that bha

Teungoh jiek dum meureuntang Uleue biram limpeuen kala Tuanteu Ali nyang guransang Han ek neucang meunyum lia

Ban neukalon le binatang Neuriwang bak Nabi kita 'oh lheueh neucom jaroe gaki Neupeugah le sigra-sigra

Neupeuek seumbah ubak Nabi Tuanteu Ali duka cita Ya Rasulullah ya habibi Saleh mate lon meelana

Raja Bada kafe laknat Le that rakyat nyoeho teuka Han torn lon eu siumu drat Miseue lalat le lagoena

Siumu jeuet lon mat peudeueng Han torn lon kalon meunan rupa Seugala binatang asoe gunong Badeuek rimueng abeh teuka

Jeuep-jeuep nanggroe nyang ka lon prang Han torn meunan rakyat that bha Han torn kueu le binatang Uleue biram limpeuen kala

Abeh teuka dum sibarang Binatang nyang bisa bisa Wallahu a'lam sang syubeuhat Peurintah kudrat Tuhan Esa

Dalam ate meunan labat Saleh mawot lon meelana Bak takalon dali adat Hana dapat lheueh u lua

Bitpi meunan hana meuhad Buet hakikat han troh duga Beukit meunan ya Muhammad Nyoe amanat lon bak gata

Beukit mate ulon jicang Akhe datang saboh masa Meuka han le neueu diblang Got neuriwang ya meelana

Meuka mate ulon tuan Kafe jahnam han soe ngaza Bek teukabo lon bak Tuhan Di bawah nyan Nabi kita

Hana sidroe laen lawan Meulaenkan Ali Murtala Nabi seuot teuma nyoeban He intan beu mubahgia

Bek tatakot aneuk badan Sibagoe nyan han binasa Meuna tulong Khalekon Alam Kafe jahnan tapufana

Teungoh teungoh bri ajaran Tren fireuman Allah Ta'ala Nibak Tuhan Po Nyang Ahad Keu Muhammad Nabi kita

Tren Jebrai bak Muhammad Fireuman halarat neucalitra Ya Nabiyullah fireuman Tuhan Neuyue iman ubak gata

Bek tatakot kafe jahnam Poku Tuhan tulong gata Meuna umu Saidina Ali Tathee mate bansineuna

Khieng dum nanggroe sama seukali Hanyot bangke ban ie raya Meunan fireuman nibak Tuhan Neuyue peugah ban ubak gata

Nabi seuot isnya Allah Ban nyang titah Tuhan Esa Ban neudeungo meunan titah Lakee meu'ah teuma gisa

Tinggai sinan Nabi Muhammad Sajan sahbat dum seugala Lheueh neuriwang malaikat Nabi Muhammad neumeusabda

Neupeugah bak Saidina Ali He boh ate jak tangaza Ban geudeungo sabda Nabi Mangat ate dumgeu rata

Beudoh rakyat dum peureugi Jak ngon gaki ladom unta Kabed ngon Masyil uleebalang Ateueh guda plang nyan bandua

Tuanteu Ali panglima prang Guda teureubang ka meusaja Sira geujak geuhei sare Deungon Nabi di ateueh rungka

Rupa indah hana sakri Unta peulari pantah raya Ulee iku meuceuradi Di gaki kawoh meulila

Wareuna bulee miseue nuri Sang geusyahi bak angeeta Di ateueh rueng saboh peuratah Hana luah na sideupa

Rotdeh rotnoe jroh sileupah Bandua blah got that rupa Bak teumpat duek Rasulullah Jroh that indah miseue geuta

'oh takalon that meuugah Hana ubah sang syeuruga Teuduek haba Rasulullah Muwoe kisah Ahlon Asma

V. RAKYA T SEUREUPHA RAJAPI MAT E Suroh Tuhan Po Nyang Ahad Malaikat tren u donya Geubri keu ngon Rasulullah Gaseh Allah Tuhan Esa Ateueh bumoe hana teumpat Le that rakyat Ahlon Asma Neujak bantu Nabi Muhammad Meunan riwayat Nabi kita Teuduek 'oh nan siblah rambat Lon hikayat nyang keudua Amma bakdu nyoe nyang baek That ceureudek nibak nyang ka Raja Bada rupa cantek Geudubang tarek hana ngon sa Ban jideungo suara deumpek Jitarek busu teumaga Jimat di wie peudeueng leuntek Nyang baek ulee suara Rakanpi jroh sabe sabe Banduajih sang geujangka Umu baro sang sirungke Sabe sabe muda muda Jiek cundrong santeut ulee Ek meuree-ree ban silaksa Saboh kawan siploh ribee Nyang jak dilee Raja Bada Di sinanpi hana lagee Meuhee-hee. na dum geulawan

Tuanteu Ali panglima prang Ka mupandang ngon Raja Bada 'oh ban leumah deuh jipandang Jibet manyang peudeueng raya

Ban neukalon jikeumeung cang Neukheun rijang bek meuseunda Kafe paleh bek meuayang Nyang got riwang jakleh gisa

Ban jideungo neuyue riwang Miseue biram jiek bisa Raja Bada that guransang Rimueng seudang bueh lagoena

Tuanteu Ali panglima prang Peudeueng panyang hu ban sua Ban jikalon neukeumeung cang Jigrop manyang ban cempala

Han jan leumah deuh tapandang Ka meuriwang le bak nyang ka Nam tujoh seun meuulang-ulang Han ek keunong si ceulaka

Hana saho tiwah meunang Sabe timang bak seunjata Ban neukalon han ek leukang Neukliek meudeungong that meutaga

Na lhee ribee sigo neucang Nyang mumangpi na silaksa Tamse suwe meuhayak ulee Ladom lagee ureueng gila

Neupet mata laju neucang Leupah jeumeurang dalam tantra Saboh sagoe hana lapang Dumnan neucang ka meulaksa

Raja Bada that analan Jroh that rakan meuseutia Hana jarak bandum sajan Bitpi dumnan ka jirasa

Saidina Ali nyang pahlawan Nyang le rakan Raja Bada Jiek cundrong jroh meurumpan Neudapan u dalam tantra

Na lhee ribee rakyat neucang Keumeung lawan blah utara Ban jikalon ka meuriwang Jiek reumbang Raja Bada

Ateueh rimueng jimeukandran Nyang rakan di ateueh guda Teungoh jiek dum meureuntang Ban saboh blang sang ie raya

Tuanteu Ali that guransang Maken neucang hana tara Ho neupeukeue abeh lapang Jiek meuguncang leubeh bak nyang ka

Tamse angen larat laot Raya ngon cut hana bida Keu mate hana jitakot Keu mawot hana jikira

Nyang mate tinggai di likot Miseue ribot jiek lanja Hana sidroe nyang na teumakot Jiek santeut dumji rata

Rakyat muprang mupalot-palot Ban lheueh meulet ngon cempala Uroe nyang trang nyum ka seupot Keulam-kabot miseue ka seunja

Bak guda plueng that meukalot Abee jipot u antara Suara peudeueng bunyoe guroh Seun sireutoh rakyat fana

Jiek laju hana teudoh Keunan jibloh lam seunjata Rotnoe cokma rotdeh camcoe Jimeukiloe hana reuda

'oh meuteumee sabe beusoe Teubiet apui hu meunyala Rotdeh rotnoe hana peue kheun Meuron-ron seun-seun nam deupa

Rotnoe kapak rotdeh busu Tadeungo pra-pru ban seulingka Rakyat mate dum teudu-du Jimeueundru hana reuba

Hana sapeue teumakot kuyu Han sigeutu ate lia Deungon rakan kandum meulaku Le that bantu Raja Bada

Rotnoe kapak rotdeh leumbeng Keutang-keuting teupeh mata Tuanteu Alipi sang gigeng Neugancang u teungoh laksa

Neucang kafe neukeulileng Meupuseng-puseng bagoe jeureukha Raja Bada badan leunteng Rimueng kureng bueh lagoena

Ban jikalon rot geunireng Jigrop leunteng pantah sigra Jimeusapat jak rot likot Ngon jeue kadot jigeulawa

Tuanteu Ali roh lam peungeut Silap bacut ka meusingkla Ban jikalon ka meucarueh Jiek u ateueh na silaksa

Tuanteu Ali neubeuet seuleusoh Lhee seun neupruh bak angeeta Deungon tulong Tuhan utoh Abeh luroh dum meuleua

Tuanteu Ali jikeumeung poh Beusoe keuneukoh sahbat Saidina Nakeu rante nyan ube broh Rimueng nyang bueh ek neutampa

Lagi raya gaseh Tuhan Ngon junjongan Nabi kita Han jitukri mita jalan Pahlawan Ali Murtala

Ka jipeugah nyoeban akhe Binatang gle teuma teuka Jijak peungeut raja kafe Mangat ate dumji rata

Surak deumpek jihei sare Jidong meuriti ban seulingka Raja Bada bri mufeuti Peulandok kance seuot sabda

Nyang rot barat gajah balohan U timu nyan gajah singa Teungoh jiek dum meurumpan Sajan Sulotan Raja Bada

Di timu laot uleue biram Seudong bangkong barat daya Teungoh jiek dum meureuntang Sang pupalang ban seulingka

Siblah barat jen edeurang Di raja ngang blah tungara Nyang di ateueh raja mambang Di barat nyan raja naga

Sama teungoh tuanteu Ali Rakyat kafe ban seulingka Ban neukalon jroh meuriti Neutadi seun-seun dibanja

Han jeuet jiweh meusipade Abeh meugule dum meutimpa Nyang le mawot binatang gle Abeh mate dum meulaksa

Bitpi dumnan ka hana le Meugantoe sabe laen teuka Han jan mate siteungoh bagi Ka jiili na lhee laksa

Meusigeutu hana sunyi Dumnan mate ka meulaksa Baranggasoe hayut ate Binatang gle le lagoena

'oh neukalon tuanteu Ali Nyum-nyum han le lheueh u lua Meuna tulong nibak Rabbi Neucang sabe miseue nyang ka

Zulfaka peudeueng analan Di tangan neugisa-gisa Bitpi dumnan le angkatan Hana meuj an lheueh u lua

Abeh neupoh dum neusimpan 'oh mate nyan laen teuka Dumnan mate han jitakot Miseue ribot dum jiteuka

Tuanteu Ali pantah ban ribot Meuhuet-huet sang bade raya Ho nyang neuse keunan neugrop Sapat-sapat seun silaksa

Nyang rot di nap mantong meukalot Di likot laen ka teuka Meusigeutu hana kuyut Nyan sa mawot ka meulaksa

Rotdeh rotnoe jimeugrop-grop Nyum rasa sret bumoe donya Ngon jisurak rame-rame Jiek laen ban seulingka

Hana putoh jihei sare Meugule-gule laju teuka Tuanteu AJipi han lale Neucang sabe hana reuda

Zulfaka peudeueng meutuah Bak seumajoh sang geureuda Hana jan toe keunan musoh Di jeuoh sideh ka fana

Cokma beusoe neumat siblah Nyang meugah na brat sigunca Baranggadum han ek jigagah Rimueng gajah dum neutampa

Di sinoe baro meusinggah Sideh reubah seun silaksa Han jan meusurot meusilangkah Ban meurimbah ka seureupha

Tuanteu Ali pantah han soe Neuseudoe seun-seun silaksa Hana teudoh sabe neucang Kafa jahnam le that fana

Rakyat mate dum teupipoe Darah meulangoe ban ie raya Hana neueh uroe malam Minom makan tan neurasa

Baranggajan sabe meunan Dalam kawan kafe ceulaka Rasulullah sinan sajan Bak uroe nyan buet neungaza

Laen nibak nyan teuma rakyat Nyang le that Ahlon Asma Cokma apui bandum alat Masyil ngon Kabedpi sajan na

Raja bada kafe laknat Han jikakot bube seuma Ban jikalon Nabi Muhammad Jipagat ban siseun lingka

Jiek laju dum jikarat Jitiek ngon jrat ateueh Saidina Teukeudi Tuhan limpah kudrat Malaikat neujak publa

Neucok batee Nabi neumat Lheueh meungucap istigfara Lheueh neupujee Allah Ahad Neusrom leugat hana reuda

Keunong batee dum muphat-phat Kafe laknat le binasa Tulong Allah limpah kudrat Seubab mukjizat Nabi kita

Nakeu baro keumeung sampoe Si di barat blah utara Na siteungoh ka beh jahnam Bak uroe nyan tamong agama

Nyang ladom tem nyang ladom han Tan salahan bak calitra Teuduek siat nyang haba nyang Muwoe karangan binatang rimba

Abeh jitaklok bandum keunan Bak junjongan Nabi kita Laen nibak nyan dum barangri Bak kafe mantong jimeutha

Binatang gle nyang peuet gaki Jak bak Nabi laen hana Nyang jak dilee lem po waki Peulandok kance ureueng tuha

Jipeuek seumbah hana sakri Siulah ri manusia Ban meuteumee deungon Nabi Jijunjong le sigra-sigra

Nabiyullah ampon kami Baranggari tuha muda Raya salah lon bak Nabi Lom lagi ngon Tuhan Esa

Neupeuampon ya habibi Di yup gaki ya meelana Teureutib meujeulih han lon tukri Binatang gle dalam rimba

Tamse mante tren di gunong Hana keunong dum peukara Eleumee lon tan akai bingong Nanggroe tunong jeuoh banda

Reusam nanggroe han teudapat Reusam adat han biasa Tuto gasa kalam singkat Ampon deelat barang sabda

Teureutib meujeulih amat sangat Nabi Muhammad sang teurtawa Binatang gle teuduek di nap Jingadap bak Nabi kita

Jilakee ampon dum bak Nabi Sajan ile ngon ie mata Rasulullah seuot nyoeban Gata intan han le deesya

Ban jideungo sabda Nabi Mangat ate dumji rata 'oh lheueh ampon nibak Nabi Binatang gle dum jigisa

Teungoh jiwoe dum meuriti Tuanteu Ali kalon rupa Ban neukalon peulandok kance Neubeudoh le nemeung tampa

Adat kon pantah di po waki Rab teukeudi hilang nyawa Ban jikalon that meuseuke Jipeugah le sigra-sigra

Ampon tuanku binatang gle Bak Nabi ka ampon deesya Ban neudeungo Saidina Ali Mangkat ate suka cita

Beukit meunan he po waki Raja kafe jak tangaza Meunan katern peungon Nabi Kupoh mate bansineuna

Teuma seuot le po waki Jibeuot le jaroe dua Ampon tuanku nibak doli

Bak kami ateueh jeumala

Mata ate lidah bibi Jaroe gaki tuboh nyawa Hana patot lon meuungki Buet nyan neubri lon keurija

Deungon tulong Poku Rabbi Kafe 'asi kupoh fana Raja Bada kupoh mate Nyang meuungki keu Rabbana

Meuhan jipateh Allah ngon Nabi Kupoh mate bansineuna Meunan kalam di po waki Esok hari phon tamula

Meuna umu Tuhan neubri Udep mate sajan gata Teutap sinan di po waki Tuanteu Ali teuma neugisa

Neujak keudeh ubak Nabi Binatang gle neupeuhaba Abeh neupeugah awai akhe Lheueh nyan Nabi lakee do'a

Beungoh uroe pagi hari Geuhei sare ek cong guda Geutamong lam tantra kafe Binatang gle sama-sama

Nyang rot tunong tuanteu Ali Kabed ngon Masyil blah utara Laen nibak nyan malaikat Timu barat Ahlon Asma

Geupeuek sigo dum meusapat Nabi Muhammad lakee do'a Sama teungoh kafe laknat Malaikat dum di lua

Kilat peudeueng han jan tangieng Ngon leumbeng na dum bak nyang ka Tuanteu Ali rot geunireng Neutak meucring lhong di raja

Raja Bada badan leunteng Ban gaseng pantah jigisa Adat kon na pantah jingieng Putoh keuieng meukhan dua

Ban jikalon hana cakap Jikarat ngon silagoena Kafe paleh le that rakyat Sang kiamat bumoe donya

Di dalam gohlom meugugat Jikarat laen di lingka Ban meuteumee deungo Kabed Jiintat sampoe u lua

Leupah langsong troh u barat Meuhadap ngon Raja Bada Ban sare troh keunan ka rab Jiseumangat uleh raja

Peurab keunoe wahe sahbat Na peue hajat lon ngon gata Padum lawet ere ngon teumpat Han teuingat le syeedara

Pakon meunan tapeulaku Han ek taeu kamoe nyang na Ayah gata kon tarohan Sigeutu han ingat guna

Hana tangieng sagai laman Pakon meunan akai gata Adat salah leubeh sikai Bek troh ajai tapoh fana

Patot meunan tapeulaku Hana ingat keu guna-bina Peue nyang hajat tameunapsu He adoe po ulon peuna

Kabed seuot teuma meunoe Tuhan sidroe amat kaya Beuthat kabri meuh sikatoe Hana keupeueku areuta

Na kadeungo raja pindoe Kupeurunoe nyang seujahtra Meuhan kapateh Allah ngon Rasul Bak uroe nyoe kupoh fana

Raja Khandak di meuligoe Kukoh takue sigo fana Ban jideungo tuto seungkoe Nyum ka tuloe lam teulinga

Muka beungeh ate saket Dum geuceupet bak angeeta Raja Bada rimueng sulet Jitak meuglet le di muka

Bek antara putoh kulet Meusaket han bak angeeta Meusigeutu hana saket Got that kulet meutheun raya

Kabedpi meunan jicang bit-bit Jiboh euncit Raja Bada Jitak ulee jiproh bangkang Seun sigantang meuk teupanca

Meubube broh hana leukang Kulet ceukang sang meulila Meusion ok hana lapang Geuliwang nyang na meuputa

Hana saho talo meunang Pahlawan dua sabe sa 'oh han ek le geumupioh Teubiet reuoh lam-lam mata

Tuanteu Ali hana teudoh Teungoh meugeucoh neucang lanja Suara peudeueng meugeureupoh Di jeuoh sang geumpa raya

U likot nap peudeueng pajoh Ulee putoh meugeugisa Tuanteu Ali meunyum leumoh Han ek le poh kafe that bha

Blahdeh blahnoe geumupioh 'oh nan teudoh sikiep mata Tamse intan deungon pudoe Tamse putroe deungon raja

Soe nyang deungo mangat asoe Meuduek adoe sang biula Raja Khandak kafe pindoe Jideungo bunoe mantong padra

Jitren di rumoh lam meuligi Duek di bale sabe tuha Jiyue pileh nyang meusoe-meusoe Jiteubiet droe raja raya

Na lhee reutoh uleebalang Tungang-tungang dum peurkasa Raja Khandak teubiet u blang Jipasang ateueh geureuda

Sayeuep linteueng ban seulayang Sang gambang di nanggroe diwa Gaki kuneng ban meuh mirah Paroh cidah ban suasa

Matajih hu bandua blah Hana ubah bintang kala Rupa elok bangon cidah Siulah meureudu diwangga

Gukee tajam dum peunyuko Bulee hijo sang mutiara Raja Khandak duek di baho Jibapo u dalam tantra

Jipeh geundrang jipoh tambo Rakyat that le laksin laksa Raja suroh mupeurasan Peurmaenan meusuka-suka

Ban jideungo suroh sulotan Peh bunyian hana reuda Kram-krum rotdeh tadeungo bunyoe Tam-tum rotnoe tadeungo subra

Peurasan le meuribee bagoe Han tatupeue peugah rupa Dangdi nuri meunduli Hareubab bangsi ngon biula

Peh ceuracap yup napiri Keucapi ngon gambang Jawa Ngon seurune ka meuti-ti Ngon napiri ka meu'a-'a

Sangkaikala le cit meusu Ngon beureugu subra donya Banyak rupa le triat lagu Peurasan le tadeungo subra

Han tatu'oh peugah laku Meu'u-'u ladom meu'a-'a Saboh bangon jak ngon ulee Saboh lagee jak ngon dada

Jimeugrop-grop meudilee-dilee Ulah lagee gajah meunta Sira jijak jimubareh Jipeueh beude bak dada

Saboh bagoe jimeutangkeh Saboh lapeh jimeuen ganja Jimeurinthak rotdeh rotnoe Sira dum nyoe jimuwa-wa

Jimeutop-topi ngon leumbeng beusoe Jilambong droe pura-pura Jisrom keudeh jisrom keunoe Jisambot ngon jaroe teuma

Sira tinggong pru jitinjak Meuen galak muda muda Rotdeh rotnoe jimeulikak Jimeutak-tak pura-pura

Ladom tajo jikeumeung tak Jitheun tumbak nyan jisangga Rakyat le that troh mubalak Jisurak bube geureuda

Sideh geupreh sinoe geujak Meurumpak ngon Raja Bada Rakyat teudong dum meusigak Jisawak beude bak dada

Ban meuteumeung ngon si manyak Raja Khandak ate suka Raja Bada tamse burak Jisawak ateueh jeumala

Jiwa aneuk jicom bak dhoe Samlakoe beu mubahgia Bu meutuah he aneuk droe Jeh 'oh uroe ere ngon bapa

Kukira aneuk gata han le Ka mate dalam prang raya Mantong umu hana mate Boh ate beu mubahgia

Gata aneuk tangke ate Bu meusampe kupeulara Meuseulamat bak ulon nyoe Kumeukaoi bak beurahla

Ban jideungo meunan bunyoe Jibeudoh rui Raja Bada Ngon pahlawan mangat asoe Jiek tanggoe dalam tantra

Di likot nyan raja pindoe Bandua droe ngon aneukda Di sinoepi ka geugrak droe Sahbat Rasui Nabi kita

Deumpek surak rioh bunyoe Rotdeh rotnoe tadeungo subra Awai phon lheueh ali-ali Hana khali jigeulawa

Rotdeh rotnoe bandua si Tadeungo ca-ci ban seulingka Lheueh nyan meugrup le jipeutoe Di jaroe peudeueng ngon cokma

Tuanteu Ali teudong keudroe Hana sapeu neumeuhaba Kafe paleh keureuleng keunoe Jingieng geutanyoe ngon iku mata

Ban neukalon got meujandreng Rot geunireng peudeueng neupuba Zulfaka beusoe seureuloe Miseue apui hu meunyala

Hana jan rab troh jipeutoe Ban meureumboe ka binasa Kafe paleh hana jitupeue Maken meutamah that angkara

Nyang rotdeh baro neukaweue Nyang rot keue laen ka teuka Jiek laju dum meurui-rui Sang sungoe teuka ie raya

Teungoh neupoh dum neukiloe Maken jilui lam seunjata Su beude tadeungo kram-krum Nyang meutum-tum sigo hana

Rakyat mate han le meudum Reubah pam-pum ban seulingka Ban-ban keunong hana meunyum Miseue sidom laen teuka

Ban mate nyawong hilang Laen datang leubah bak nyang ka Mate teutiek dum teugaleue Bulue-bulue raya-raya

Kafe paleh maken that kheue Keunan jipeukeue dalam tantra Troh lom dudoe nyang kreueh iseueng Uleebalang saboh tantra

Meugoh mate han jiriwang Jiceumeucang troh 'an seunja Meuntroe Hunak nan geurasi Panglima 'asi beuhe raya

Ate beuhe that beurani Baranggakri han jitaba Jiek laju jikap bibi Tuanteu Ali jijak mita

Dalam tantra wie ngon uneun Jisrom trang-treung jeue meulila Jijak rabong baranggari Sit teukeudi ka binasa

Silap bacut hana meukri Keunong Masyil roh meusingkla 'Oh ban jithee ka meukeumat Jikarat ngon abeh teuga

Tamse eungkot keunong pukat Jigunto jrat leupah u lua Bitpi meunan gadoh ingat Yo meugap-gap leungo jungka

Puleh bak nyan lom jitajo Maken beuhe nibak nyang ka Silap bacut ka teulanjo Jieumpu keunong keupala

Jitak di ulee troh u baho Jitajo leupah u dada Badan beukah jih teupako Meuhambo di ateueh guda

Teutap mate jih di sinan Kheundak Tuhan Po Nyang Esa Tinggai nanggroe gampong laman Kafe jahnam asoe nuraka

'oh leueh mate meuntroe Hunak Raja Khandak lom meusabda Jinoe taek beu mubalak Deumpek surak lom tangaza

Meukon meunan peunyum lon nyoe Rusak geutanyoe prang han padra Ban jideungo meunan kacak Teuma jisurak Raja Bada

Jiek rakyat dum mupadoe Rotdeh rotnoe ban seulingka Sahbat Nabi sama teungoh Kafe peunoh dum di lua

Geunta langet geunta bumoe Nyum lham nanggroe sikiep mata Rakyat le that miseue unoe Han tatupeue peugah rupa

Tiba-tiba kheundak Tuhan Neupeutren yoh nyan saboh bala Jimeucang-cang sabe keudroe-droe Kafe pindoe seupot mata

Nyang aduen jitak adoe Nyang parui jipoh teumuda Nyang dalem jipoh aduen Nyang keumuen jipoh apa

Han jituri adoe aduen Beuhe geusuen hana bida Raja Khandak kafe pindoe Jimeucang ateueh geureuda

Jicang rakyat dum kawom droe Siblah nanggroe rab seureupha Jidrop keudeh jidrop keunoe Meusoe-gumoe dalam tantra

Raja Bada kafe bajeueng Ateueh rimueng jipoh lawa Hana jituri ureueng gampong Abeh jikeupong bansineuna

Leupah u nap bacut jiplueng Meuteumeung ngon Ali Murtala Ban neukalon jroh samlakoe Neupeurunoe nyang se uj ah tra

Na kadeungo raja pindoe Nyang got kawoe bak agama Meuhan kapateh Allah ngon Rasui Kukoh takue kah binasa

Ban jideungo tuto seungkoe Jikheun meunoe sigra-sigra Beukit meunan wahe Ali Na lom lagi peugah lanja

Na tatube thee buet teukeudi Di akhe kadang ngon gata Bek antara puntong lihe Bah mate hana kurela

Bitpi meunan kupeugah kri Teutapi na bacut haba Beukit mate kee dalam jeurat Nyoe amanat kee bak gata

Tiep-tiep raja dum teumpat Donya akhirat han meutuka Beukit mate gadoh adat Nyang pangkat mantong sit raya

Beukit na aneuk meusiurat Keunan meuhad sret pusaka Baranggadum meusambat-sambat Nyang adat mantong sit raya

Meukon meunan tatem pike Taba mate han sapeue na Bit takalon agama kafe Meuhan meukri pat kurela

Ban neudeungo tuto singke Tuanteu Ali beungeh raya Han jan jiweh meusipade Sinan mate le meutimpa

Bek antara leupah jiplueng Meurimueng han jan jigisa Reubah sinan le teugageueng Sret seulinteueng hilang nyawa

Teutap mate sinan layee Neukoh ulee ngon zulfaka Neucok ate neubri keu asee Lheueh nyan neuseubee ngon zulfaka

Teuduek siat 'oh na dilee Laen lagee lon calitra Meulagee sot hana meukri Bah lon cuba ci balek lagee

Banja wajeb miseue nyang ka Banja dua miseue dilee Tamse haba ureueng tuha Meugot rupa keunong lagee

Kadang makmu le areuta Hana reuda teuka jamee Untong-untong jeuet keu raja Buet Allah Ta'ala soe tube thee

Bahkeu dumnan dua banja Meule haba gadoh lagee Teutap mate Raja Bada Raja raya hana jithee

**# # ***

VI. TRE N UJEUEN BATEE PADEE UBENA

Mantong sinan dalam tantra Goh jigisa meuhad teuntee Po tallah bri peutren bala Ateueh raja kafe asee

Hana teudoh sabe teuka Seubab mulia that pangulee Tulong Tuhan Po Nyang Esa Neubri teuka ujeuen batee

Sret di mayang raya raya Ube raga asoe teungoh lhee Han jan jiplueng meusideupa Abeh ceulaka dum meuseubee

Hanco ulee beukahjungka Troh bak dada ujeuen batee Leubam-leubum ban seulingka Hana reuda sret meuree-ree

Ladom keunong di keupala Ladom muka ka beukah lhee Ladom keunong meukhan dua Patah ngon pha meukhan singkee

Darah ile ban ie raya Hanyot guda dum meuree-ree Kafe paleh sosah raya Seubab hana pat meusilee

Han jitukri mita bicara Palet ija nibak ulee Ladom seuon peurise raya Asai meuka teutop ulee

10S

Kupiah peurise di keupala Beukah dua jeuet keu abee Bitpi dumnan ka jirasa Han cit lia kafe asee

Jiek laju keunan lanja Dalam tantra dum jikajee Kafe paleh pungo gila Abeh ceulaka seudee-ratee

Han tatudum ujeuen raya Sret u donya dum meuree-ree Tadeungo sang pande teumpa Meunan suara keuta-keutee

Saboh bangon sang su nuga Saboh rupa sang su palee Keutam-keutum hana reuda Keunong di muka aneuk batee

Rakyat mate le lagoena Khieng donya han ek tatubee Siuroe-uroe siploh laksa Hana reuda sabe layee

Darah ile silangoe guda Sang kuala taeu lagee Bangon tamse laot raya Jeuet taba kapai meuribee

Mate sabe hana reuda Seureupha na ka bulueng lhee Nyang mate dudoe takira Nyang luka ulon peuteuntee

Nyang capiek na siploh laksa Nyang buta na lhee pioh ribee Han ek jitheun le jimeutha Teuma jibungka dum meuree-ree

Ladom jiplueng dalam rimba Lop lam guha padok ulee 'oh meuteumee kayee raya, Jidong lingka di peureudee

Peurintah Allah Tuhan Esa Lheueh nyan teuma reubah kayee Ateueh kafe dum meureula Abeh bungka dum meuree-ree

Tamse bade angen raya Meunan rupa taeu lagee Reubah kram-krum ban seulingka Hana reuda su meu'ee-'ee

Ateueh kafe dum meugeundra Seun silaksa jih meuseubee Han jitukri pubicara Abeh daya jipeulagee

Saboh kawan lop lam guha Kira-kira na lhee ribee Hana sidroe jiteumee lop Abeh jigruep uleh bate

Tinggai sinan dalam geugop Sigo mawot ban lhee ribee Laen nibak nyan batee cut-cut Leubab-leubub ateueh ulee

Patah gaki puntong teuot Nyang ladom sret singkee-singkee Jijak u nap roh u likot Kafe kutok abeh seudee

Meugaki han jan jibeuet Meurungkot sinan ka layee Tamse angen barat laot Leugab-leugub aneuk batee

Nyang le mate sret lam urong Bak meukong-kong keunong batee Patah keuieng reuloh idong Ladom puntong takue ulee

Ladom rakyat plueng u gampong Jijak kalon pat meusilee Jimupiueng-plueng ruho'p idong Ka meukong ngon-ngon meulintee

Maseng-maseng peulheueh untong Peulheueh nyawong bek meuseubee Ladom ka troh yup seurayueng Nyang tudong mantong bak ulee

Raja Khandak kafe bajeueng Dalam leusong jisak ulee Jikira mangat troh u gampong Maken tutong nibak dilee

Ladom u rumoh jimeuplueng-plueng Sret bak rinyeun patah singkee Nyang di rambat plueng u anjong Bak meukong-kong beukah ulee

Rakyat mate han payah cang Sinan seulinteueng abeh layee Nyang le mawot sret di para Siti Mama beukah ulee

Rakyat mate dum meulaksa Bah lon cuba bileueng ulee Adat tahisab pura-pura Na sigunca sireutoh ribee

Lam riwayat meunan meuteumeung Leubeh kureueng han troh eleumee Padum lawet meunan macam Teuma leueueng bube gutee

Nakeu baro keumeung leueueng Kafe bajeueng mita lagee Raja Khandak yue keurija Tulak bala ujeuen batee

Lheueh khanduri tulak bala Woe lam kuta dum meuree-ree Teutap sinan dalam kuta Ngon lasyeuka muploh ribee

Hana jiteubiet le u lua Jimeutha lam kuta batee Dumnan mate ka meulaksa Maken that kha nibak dilee

Raja Khandak raya tantra Dumnan bala hana jithee Kutaji kong hana padan Barangsoe tan na kuasa

Meukon tulong nibak Tuhan Meulaenkan Ali Murtala Meusoe laen bah pahlawan Sep ngon rakan dum lasyeuka

Baranggasoe gadoh agam Ngon meuriam bube-be raya Geureuda Kafe Geumpa Alam Jicuram babah u lua

Di babah rot Tupe Beuradu Meujampu lila teumaga Ngon aneuk hana jeuet taeu 'oh jimeusu geunta donya

Nyang rot baroh Dagang Rumpong Nyang rot tunong jiboh suda Nyang rot barat Iku Lutong Mupayong asap keulua

Rot timu meuriam gamboh Na lhee reutoh saboh banja Watee meugriet teuka musoh Siga jicoh ban seulingka

Nyang beude cut hana peue kheun Han soe tudum boh had hingga Lon peugah beu abeh muf om Maklum kawom tantra raja

Teuduek siat nyan haba nyan Muwoe karangan Nabi kita Tuanteu Ali lon boh sajan Nyang pahlawan that peurkasa

Teungoh geuek dum meurumpan Geusurak ban teuga raya Tulong Tuhan limpah kudrat Troh keunan rab gaki kuta

Ban jikalon sahbat Nabi Kafe 'asi that guranta Raja Khandak ate sosah Sinan reubah saket ulee

Bak siuroe eh teuhanta Putroe muda jak mueng ulee Nyankeu ibu Raja Bada Nyang ceulaka masa dilee

Jipeuek seumbah ubak raja Ngon suara jroh that lagee Tuto mameh na dum saka Ngon gula saboh teurajee

Sira jimoe ngon ie mata Sret bak dada dum meuree-ree Ampon tuanku di jeumala Ho aneukda bungong keumbee

Masa dilee lon eu dua Jinoe hoka pat meuseubee Saleh mate Raja Bada Dalam tantra ka meusilee

Meunan meunyum po meukuta Pakri daya jinoe lagee Meuka mate Raja Bada Tinggai gata han soe malee

Ban nyang kukheun po meukuta Hana meutuka bube gutee Meukon meunan taeu teuma Taboh tuba lam babah kee

Ban jideungo raja raya Tumbok dada antok ulee Neumeung top droe ngon seunjata Pura-pura di ulee-ulee

Jipoh-poh droe sare subra Putroe muda kalon lagee Ban jikalon rab ceulaka Teuma jiwa jipeusilee

Jimeulawan han peue peugah Teuma reubah lam peulangkee Raja Khandak teungeut indra Putroe muda nyang mueng ulee

Jiploh ngon ok jipot dada Ngon ceumara that mangat bee Putroe teuma leubui mata Bandua sinan teuadee

Putroepi cut mantong muda Ube hawa jipeulagee Umu lhee uroe teungeut indra Teuma jaga kafe asee

• 111

'oh teukeujot kafe 'asi Sahbat Nabi ban seulingka Ngon angkatanji ka ase Yue tet beude ban seulingka

Hana teudoh sabe jicoh Jitot sunggoh beude raya Nyang beude cut han ek peugah Jitadah babah dum u lua

Jimeugrop-grop sira mubeude Jikheun ka mate ureueng di lua Di luapi han peue pike Geuek sabe dalam kuta

Boh beude po miseue unoe Hana sidroe na binasa Hana saboh keunong asoe Tuhan sidroe nyang peulara

Geuek laju rotdeh rotnoe Banpeuet sagoe ka geulingka Raja Khandak teutop ulee Meunyum layee sang ie muka

Han jitukri mita lagee Kafe asee sosah raya Jicok kayee ka roh batee Peue meuteumee srom u lua

Jicok tanoh roh seulungkee Seudee-ratee pungo gila Ngon mukjizat Nabi Muhammad Kafe laknat ate lia

Tuanteu Ali nyang that kuat Neukarat bak pinto kuta Di kafepi keunan mundo Bak pinto keunan jimeutha

Tuanteu Ali sang-sang tuloe Ka neueumpoe pinto kuta Pinto hanco rakyat bicah Mate patah na silaksa

Ban neukalon ka teupeuro Neulalo leupah lam kuta Peudeueng zulfaka neumat di jaroe Ka neuseudoe seun-seun silaksa

Teungoh neupoh dum neukiloe Meuteumee ngon raja raya Ban neukalon kafe pindoe Neukheun meunoe sigra-sigra

Kadeungo lon peugah jinoe Kupeurunoe nyang seujahtra Nyang got jinoe lon peugah trang Jinoe kaulang bak agama

Ban jideungo tuto seungkoe Jikheun meunoe sigra-sigra Adat kayue masa dilee Kadangpi mee kutem rela

Jinoe han kutem kah peulaku Bah beu sulu kee ka tuha Rakyat ka mate kee ka malee Patotkeu mee kah keu bela

Tuanteu Ali meunyum marah Muka juah jiek bisa Han jan abeh lheueh jipeugah Neueumpah ngon cokma raya

Han jan lheueh jicok langkah Sinan reubah le meutimpa 'oh lheueh mate raja kafe Geutamong le dum lam kuta

Sahbat muhajir ngon ansari Laen lagi bansineuna Teuduek haba sahbat Nabi Meuulangi keu putroe muda

Ban jideungo tan le suami Jibeudoh le jak peunyata Ban jikalon bit ka mate Jimoe sabe limpah dada

Jimueng ulee jiwa gaki Putroe siti sangat rugha Hana teudoh jimoe sabe Sajan ile ngon ie mata

Suara mangat tiwah bangsi Meujan-jan ri sang biula Ulah bangon budiadari Sang-sang mise anek indra

Bak mubae jroh that lagam Meunoe macam phon jimula Bukon sayang kukalon mancang Teungoh meudulang reubah meutimpa

Keupeue guna tinggai sarang Tan sigupang le hareuga 'oh kuingat bukon sayang E buleuen trang gata bungka

Bukon sayang kukalon bintang Tujoh sikarang di langet donya Han jan leumah deuh kupandang Ka leukang sang broh lam mata

Bukon sayang bungong geutoe Ayeuen jaroe ma en mata Meuka mate bintang cot uroe Tinggai putroe keupeue guna

'oh kuingat bukon rugoe E samlakoe lon han taba Bukon paleh tameh sagoe Han got uroe jipheuet rungka

Keupeue guna raya meuligoe Meutan bajoe reubah meutimpa Bukon sayang putik labu Bungong meulu bungong seulanga

Meuka mate bintang timu Tinggai leupu keupeue guna 'oh kuingat bukon rugoe Pakon samlakoe lon han taba

Bukon sayang kukalon pade Jipot angen gle reubah meutimpa Masa dilee hana torn ere Nyoe hana le kueu rupa

Bukon sayang bungong sirungke Sret meugule dalam tika Raja Badapi hana le Ka jimate sajan gata

'oh kuingat bukon reule He boh ate pakri daya 'oh kuingat weueh that ate Ka mate sigo bandua

Bukon sayang minyeuk simplah Di dalam klah ro u lua Bak kukira aneuk meutuah Mate nang mbah tinggai gata

'oh kuingat bukon teulah Rasa reuloh langet donya Bukon sayang bungong sirunoe Putoh taloe sret meutia

'oh kuingat bukon rugoe Bandua droe sigo hana Haba meuawo bahle 'oh noe Meule bak nyoe hana gura

Teuduek 'oh nan dilee siat Muwoe riawayat keu Nabi kita Tulong Tuhan Po Nyang Ahad Ka seulamat nibak mara

Lhee reutoh droe nyang na syahid Seubab mukjizat Nabi kita Meunan meuteumeung lam riwayat Tuhan halarat thee sibeuna

Nyang rot kafe han peue peugah Miseue ulah ta'un raya Meunan kata saheb kisah Teutapi Allah thee sibeuna

Amma bakdu teuma akhe 'oh lheueh mate raja ceulaka Bandum rakyat sosah ate Peue jeuet mate po cut raja

Jimupakat bandum sare Agama kafe takeulua Bak lon sidroe meunan pike Meuhan mate geupufana

Seuot bandum teuma dudoe Nyokeu meunoe ban kheun gata Teuduek 'oh nan kafe pindoe Nabi geutanyoe neumeusabda

Neuyue seutot dum sinaroe Ureueng nanggroe tuha muda Abeh jiwoe dum sinaroe Ureueng nanggroe tamong lam kuta

Hanyot bangke hana bagoe

Jieu ka doe bangke dumna Teuma jijak dum sinaroe Lagee bunoe dum seureuta

'oh sare troh ubak Nabi Jicom gaki dum seumua Teumakot that hana sakri Keu Saidina Ali nyang murtala

Lheueh nyan Nabi neupeuislam Inong agam dum seureuta Ngon beureukat juho alam Abeh tamong dum agama

Abeh Islam ureueng nanggroe Geuboh gantoe raja raya Kabeh ngon Masyil peugot nanggroe Bandua droe mat neuraca

Saboh geuboh peurdana meuntroe Nyang sidroe geuboh keu raja Beukit meunan lon peugah soe Nyankeu Masyil geuboh peurdana

Teutap sinan bandua droe Muda samlakoe mat neuraca Neucok rampasan lam meuligoe Intan pudoe ngon meutia

Alat raja alat putroe Dum sinaroe han ek kira Laen nibak nyanpi le bagoe Han tatupeue peugah rupa

Ngon dendayang dum sinaroe Ngon sambinoe dara dara Meuh ngon pirak intan pudoe Abeh dumpeue neupeujeumba

Ladom neubri keu ureueng nanggroe Tinggai keu droe dua bara Laen nibak nyan dum sinaroe Neujok u jaroe Raja Muda

Neujok bak tangan muda samlakoe Lheueh nyan neuwoe Nabi kita Deungon peurasan le that bagoe Ireng sinaroe rakyat lingka

Galak ate bandum rakyat Ka seulamat nibak mara Sira geujak mupeurasan Ngon bunyian sangat gubra

Padum lawet geubeurjalan Sampoe tuan Nabi kita Troh u Makah Nabi neuwoe Ureueng nanggroe nyang di sana

Ka jiteubiet dum sinaroe Jak mat jaroe Nabi kita Lheueh meuteumee bri horeumat Woe Muhammad u rumoh tangga

Teuma laen bandum rakyat Geujak intat troh u tangga Lheueh nibak nyan teuma dudoe Nabi geutanyoe lom meusabda

Neupeugah bak ureueng nanggroe Jak gata woe dum tagisa Neupeugah bak ureueng nanggroe Kafilah woe bak Prang Bada

Hoka gata bandum jinoe Maseng jak woe nyan u tangga Maseng-maseng woe u teumpat Tinggai Muhammad nyan di sana

Alhamdulillah 'oh noe tamat Buet Muhammad prang ngon Bada Ka Tuhan bri nyan seulamat Tulong halarat Tuhan Esa

Uroe Sabtu lon peutamat Watee meuhad bak pukoi sa Dumnan teungku lam naseukah Ulon tamah bacut haba

Bukon sayang pucok lipah Cabeueng reubah dalam pade Ulon tuan sangat sosah Bala Allah sabe-sabe

Tiep-tiep thon kheundak Allah Teuka sosah he boh ate Di gop makmu kaya limpah Aneukjih sah udep mate

Nama ulon han lon peugah Brok meuleumpah lom meukude Nyankeu seubab han lon peugah Malee babah sabe-sabe

Kareuna lon nyang hina that Ureueng seumurat he cut kande Nama gampong dek meutuah Geupeugah nan Leubok Tuwi

Baroh bacut Jungka Gajah Lheueh nyan sudah gampong kami Paya Itek teumpat nang mbah 'oh nan sudah haba ini

• TAMA T -

PN BALAI PUSTAK A-JAKART A