mm 325

N Milik Departemen P dan K Tidak diperdagangkan Untuk umum

Hikayat

Harap Binasa

Teungku Abdullah

Departemen Pendidikan dan Kebudayaan

HARAP BINASA

HIKAYAT HARAP BINASA

Milik Dep. P dan K PPS/Ac/1/81 Tidak diperdagangkan mm-325-N

Hikayat

HARAP BINASA

Disusun oleh

TEUNGKU ABDULLAH

YOOR

Departemen Pendidikan dan Kebudayaan PROYEK PENERBITAN BUKU SASTRA INDONESIA DAN DAERAH Jakarta 1982

J6V82iH

B 2

Diterbitkan oleh Proyek Penerbitan Buku Sastra Indonesia dan Daerah Hak pengarang dilidungi undang-undang

MOIIM

KATA PENGANTAR

Bahagialah kita, bangsa Indonesia, bahwa hampir di setiap daerah di seluruh tanah air hingga kini masih tersimpan karya-karya sastra lama, yang pada hakikatnya adalah cagar budaya nasional kita. Kesemuanya itu merupakan tuangan pengalaman jiwa bangsa yang dapat dijadikan sumber penelitian bagi pembinaan dan pengembangan kebudayaan dan ilmu di segala bidang. Karya sastra lama akan dapat memberikan khazanah ilmu penge- tahuan yang beraneka macam ragamnya. Penggalian karya sastra lama yang tersebar di daerah-daerah ini, akan menghasilkan ciri-ciri khas kebudayaan daerah, yang meliputi pula pandangan hidup serta landasan falsafah yang mulia dan tinggi nilainya. Modal semacam itu, yang tersimpan dalam karya-karya sastra daerah, akhirnya akan dapat juga menunjang kekayaan sastra Indonesia pada umumnya. Pemeliharaan, pembinaan, dan penggalian sastra daerah jelas akan besar sekali bantuannya dalam usaha kita untuk membina kebudayaan nasional pada umumnya, dan pengarahan pendidikan pada khususnya. Saling pengertian antardaerah, yang sangat besar artinya bagi pemeliharaan kerukunan hidup antarsuku dan agama, akan dapat ter- cipta pula, bila sastra-sastra daerah yang termuat dalam karya-karya sastra lama itu, diterjemahkan atau diungkapkan dalam bahasa Indonesia. Dalam taraf pembangunan bangsa dewasa ini manusia-manusia Indonesia sungguh memerlukan sekali warisan rohaniah yang terkan- dung dalam sastra-sastra daerah itu. Kita yakin bahwa segala sesuatunya yang dapat tergali dari dalamnya tidak hanya akan berguna bagi daerah yang bersangkutan saja, melainkan juga akan dapat bermanfaat bagi seluruh bangsa Indonesia, bahkan lebih dari itu, ia akan dapat menjelma menjadi sumbangan yang khas sifatnya bagi pengembangan sastra dunia. Sejalan dan seirama dengan pertimbangan tersebut di atas, kami sa- jikan pada kesempatan ini suatu karya sastra daerah Aceh, yang berasal dari Pusat Dokumentasi dan Informasi Aceh, dengan harapan semoga dapat menjadi pengisi dan pelengkap dalam usaha menciptakan minat baca dan apresiasi masyarakat kita terhadap karya sastra, yang masih dirasa sangat terbatas.

Jakarta, 1982 Proyek Penerbitan Buku Sastra Indonesia dan Daerah

=86VKA2|99 ρTAM

nadadmm a alb ao mss acaoel e d

809682mm1m c8725.0280ed 86090adm99161296. 250b 88491 808v 4ma60 080262 06452 000003m 600k-92900ba1 ed aned lge a mu aaba ,a 2sagad ey auz nasaedmogag. 7 avae aá s0e mégnadme baiaom .sinub

.2016d101 Jegn62 6aenib 5801=|016361

PENGANTAR

Cerita HARAP BINASA ini disusun oleh Teungku Abdullah Lhok Sukon dalam bentuk hikayat dan telah diberi kata sambutan oleh Anzib Lamnyong, seorang pencinta sastra Aceh yang banyak jasanya dalam mengumpul dan menerbitkan hikayat-hikayat Aceh. Naskah ditulis dalam huruf Latin, berlainan dengan pengarang-pengarang lama yang mengarang hikayat dalam huruf Arab. Penyunting memperoleh naskah ini dari Pusat Dokumentasi dan Informasi Aceh di Banda Aceh bulan September 1981 dalam bentuk ketikan. Dengan susunan bahasa yang indah pengarang melukiskan kekuatan iman seorang wanita yang meskipun mendapat berbagai godaan yang cukup berat namun tetap dapat mempertahankan kehormatannya. Menurut pengarang, cerita ini sudah ada sejak zaman dahulu dan berasal dari negeri Arab. Dari sebuah salinan, pengarang menyusunnya kembali dengan mengadakan beberapa perobahan pada susunan bahasa dan sajaknya. Penyusunan kembali cerita ini oleh pengarang dimaksudkan untuk dapat diambil ibarat oleh para pembaca karena di dalamnya banyak suri teladan yang patut dicontoh. Bahasa dan susunannya cukup baik sehingga tidak menyulit- kan penyunting dalam mengganti ejaan lama yang terdapat dalam naskah, dengan ejaan baru. Untuk memberi gambaran isi ceritanya kepada para pembaca, penyunting telah membuat ringkasannya dalam bahasa Indonesia. Jakarta awal Desember 1982 Penyunting Ramli Harun

ETKAKAR

allubdA uausT dolo mib lai A2AVI3 TASAH an9D arjod a kad da msh tae zunedmb nozu 2o Myed y d a s9 06msL Vioio

.do2A lavazd-1svea aaidnem meb buqmuguom suleb symaj 200vgeq neoab aanahad .ma.1 1mme mab aub aa da d.meb tev em a snnq 28169m7200 64 kab 18 627 96791m9m 9000v99 malra 180l madaoge maiud d cbnes laolal meb
03394 20824 mausm ynnq daba gay ed na n dd basm dbm y s oe mla nolouieteqmom lsaeb qaet aumn larsd quao sney naaboa 1492 abe a0a 47. .809 om vamoa caiae rsudoe el dm nogsa bap leaerod na dietab nema sqeded moleagnom nesneb Hadia avayaem gmeiaoe adma meevvos4 oynsjee o eadad aava aq madadoq mib ab m bamb gq do aabsiot ha devned avumalab ib anaia aoadma am doło ud 4iuvaom aaba aanidsa led quuo avanameua neb amde8 sb laqsbet goav amal assio lmem mieb gnimmq cea a d l m s svaeo ed am lu saadad mlsb avamsaszaai ieudomm dafs amimovaeq aoad .blasmobml 5801 nsdmaa0 mwa ariakal gaimyasg notiH llme8

RINGKASAN CERITA HARAP BINASA

Sultan Mahmud yang memerintah di negeri Badar sangat ter- masyhur. Beberapa negeri takluk di bawah kekuasaannya. Baginda hidup menduda dan mempunyai seorang putri cantik bernama Siti Badariah. Putri yang masih gadis ini hidupnya sangat sederhana. Ia amat taat dalam menjalankan agamanya. Banyak orang yang datang melamarnya tapi tiada seorangpun yang berkenan di hatinya. Adapun Sultan Mahmud hidupnya hanya bersenang-senang dengan wanita-wanita cantik. Sebanyak lima puluh orang dayang-dayang tiap hari menghiburnya. Urusan pemerintahan diserahkan kepada seorang menteri bernama Jam. Pada suatu malam seorang dayang-dayang bernama Zalikhah mencoba tidur di atas tempat tidur Sultan. Sedang tidur nyenyak raja pulang dan dalam keadaan amat marah Zalikhah dipukulnya sampai luka. Zalikhah mencerita- kan sifat-sifat Nabi Sulaiman yang mempunyai kekuasaan besar namun tetap taat kepada Tuhan. Sultan rasanya menyesal atas perbuatannya dan Zalikhah dimerdekakan. Pada suatu hari Sultan Mahmud mengumpulkan rakyatnya dan mengumumkan bahwa beliau akan pergi ke tanah suci. Sebagai pejabat raja, ditunjuknya menteri Jam. Badariah dititipkan pada- nya dengan pesan supaya dijaga baik-baik. Baginda menasihati rakyatnya supaya taat kepada Tuhan. Dengan diiringi ratap tangis putrinya, Sultan Mahmud meninggalkan negerinya menuju Mekkah. Menteri Jam melaksanakan amanat Sultan dalam memimpin kerajaan. Tetapi ternyata ia me- naruh hati terhadap Badariah. Pada suatu malam ia mendatangi Badariah dan menyatakan cintanya. Badariah pura-pura menerima dan berjanji akan datang ke kamar menteri. Tetapi diam-diam malam itu juga ia meninggalkan istana. Menteri Jam mengirim surat kepada raja di Mekkah bahwa putri sudah menghilang dengan seorang laki-laki. Sultan amat sedih

membaca surat itu. Putri Badariah berkelana dalam hutan dengan segala penderitaannya. Tiada berapa lama ia sampai di suatu tempat dan sesudah mengambil air wuduk di sebuah kolam, ia ber- sembahyang di bawah sepohon kayu. Di situ putri raja itu menetap dengan memakan buah-buahan rimba. Tersebutlah seorang raja muda bernama Juhan Syah dari Irak yang masih bujang. Pada suatu hari raja muda ini pergi berburu. Ketika sedang mencari air, Juhan Syah bertemu dengan putri dari kerajaan Badar itu. Badariah dibawa ke istana Juhan Syah dan tak lama kemudian ia menikah dengannya. Keduanya hidup damai sebagai suami isteri di istana kerajaan Irak. Tiada berapa lama kemudian Badariah melahirkan dua orang anak kembar. Karena rindu kepada ayahnya, Badariah bersama kedua orang anaknya pergi ke Mekkah diantar oleh sejumlah rakyat yang di- pimpin oleh seorang menteri bernama Alakah. Sesudah empat pu- luh hari dalam perjalanan rombongan beristirahat di suatu tempat. Rupanya menteri Alakahpun menaruh hati kepada Badariah. Pada suatu malam ia masuk ke kemah Badariah dan menyatakan rasa cintanya kepada permaisuri raja dengan nada mengancam. Putri yang saleh itu menolak dengan memberi nasihat bahwa perbuatan semacam itu sangat terlarang. Alakah mendesak terus. Akhirnya karena Badariah tetap bertahan, Alakah sangat marah dan kedua anak yang masih kecil itu dibunuhnya. Melihat keadaan itu putri menangis sambil berkata bahwa ia hanya bersenda gurau. Katanya ia tidak menolak kehendak menteri. Hanya ia sedang datang bulan. Malam berikutnya ia bangun dan minta izin dari Alakah hendak keluar sebentar membuang hajat. Menteri mengizinkan dengan harapan ia akan dapat melampiaskan hawa nafsunya dengan putri. Sambil berdoa kepada Tuhan Badariah keluar dari kemahnya agar terhindar dari perbuatan terkutuk. Ia terus pergi masuk hutan. Malang baginya dalam perjalanan ia bertemu dengan seorang penjahat bernama Zanggi. Putri dengan paksa dibawa dengan kuda ke rumahnya. Penjahat itu sangat senang mendapat seorang putri cantik. Di rumahnya Zanggi mengajak Badariah berbuat maksiat. Ia berpura-pura bersedia. Ketika Zanggi sedang dalam keadaan mabuk, Badariah melarikan diri dengan kuda hingga sampai di ne- geri Awa Sapahan. Di sana ia tinggal di rumah seorang laki-laki bernama Buya Pari. Sesudah beberapa hari, Buya Pari membujuk

Badariah supaya mau menikah dengannya. Ia berpura-pura berse- dia dengan mengatakan bahwa ia masih dalam idah. Adapun Zanggi tatkala sadar dari mabuknya ia heran melihat Badariah tidak· ada lagi. Dicarinya kesana kemari namun sia-sia. Demikian pula menteri Alakah. Mengetahui putri sudah lari, pe- ngikutnya disuruh pulang untuk memberitahukan raja Johan Syah bahwa putri telah lari dan kedua anaknya dibunuh orang. Alakah sendiri pergi mencarinya. Baginda sangat sedih mendengar berita itu dan bertekat akan mencari isterinya. Berangkatlah raja muda itu mengharungi rimba raya dengan segala penderitaannya. Badariah masih di Aspahan dalam keadaan gundah memikirkan nasibnya. Dalam keadaan demikian ia menyamar sebagai seorang lelaki lalu diam-diam meninggalkan negeri Aspahan. Tak lama ia sampai di negeri Zamintoran. Raja negeri itu sudah wafat dan be- lum ada penggantinya. Para menteri bermusyawarah untuk memi- lih raja baru. Seorang menteri tua mengusulkan supaya dalam mencari pengganti raja, menggunakan cara zaman dahulu kala, yaitu melepaskan seekor gajah peliharaan untuk mencari seorang raja. Barang siapa yang akan dibawa oleh gajah, dialah yang akan menjadi raja. Usul diterima dan ternyatatatkala bertemu dengan Badariah sang gajah segera menangkap dan membawanya ke istana. Atas penunjukan gajah akhirnya Badariah yang menyamar sebagai seorang lelaki dinobatkan menjadi raja Zamintoran. Pada suatu hari timbullah suatu pikiran pada diri Badariah, yakni secara rahasia menyuruh seorang pelukis meniru wajahnya dengan pakaian wanita. Sesudah selesai,lukisan itu digantung di sebuah persimpangan jalan. Kepada para penjaga dipesannya agar menahan siapa saja yang memperhatikan dan menangisi lukisan itu. Tiada berapa lama antaranya Buya Pari yang sedang mencari- cari Badariah sampai di persimpangan jalan itu. Sebaik ia melihat lukisan yang dikenalnya itu ia terus meratapinya sambil menangis tersedu-sedu. Penjaga lukisan segera menangkap dan menahannya. Beberapa hari kemudian Zanggi mengalami nasib yang sama. Tersebutlah raja Juhan Syah yang sedang mencari isterinya dan tidak menghiraukan lagi kerajaannya. Akhirnya ia sampai di Zamintoran. Di suatu tempat ia melihat orang berkerumun menyaksi- kan sebuah lukisan. Ia mendekatinya dan sesudah mengamat-

amati lukisan itu ia jatuh pingsan. Ia dibawa orang ke istana. Alang- kah terkejutnya Badariah melihat suaminya dalam keadaan pingsan. Ia terharu tetapi dapat menyembunyikannya. Kepada menteri diperintahkan supaya mempersiapkan tempat tidur khusus bagi orang pingsan itu. Sesudah siuman raja Juhan Syah merasa heran ia mendapat perlakuan istimewa dari raja Zamintoran. Dalam benaknya ia bertanya-tanya apakah isterinya berada di negeri itu. Adapun menteri Alakah dalam usahanya mencari Badariah akhirnya ia sampai di negeri Badar. Karena ia orang Irak yang me- miliki mata uang yang sama dengan mata uang negeri Badar dengan cap nama putri Badariah, Alakah diperiksa oleh hakim dan selanjutnya ia dibawa ke Mekkah menghadap Sultan Mahmud. Menteri Jam ikut juga. Sultan Mahmud merasa heran bahwa nama putrinya tercantum pada mata uang Irak. Sultan tidak dapat me- ngambil sesuatu keputusan terhadap Alakah. Baginda mengatakan bahwa perkara tersebut harus di bawa kepada raja Zamintoran yang terkenal cerdik dan adil. Berangkatlah Sultan Mahmud bersama menteri Jam membawa Alakah ke Zamintoran. Di sana Sultan Mahmud disambut dengan penuh penghormatan oleh raja Zamintoran. Sultan menceritakan riwayat dirinya kepada raja Zamintoran. Kemudian masalah mata uang bercap nama putrinya Badariah. Mendengar cerita itu Badariah terkenang masa di digoda dan diancam oleh menteri Jam dan Alakah. Zanggipun diambil dari tahanan dan diperiksa bersama Buya Pari. Kemudian Juhan Syah menceritakan asal mula ia bertemu dengan isterinya Badariah yang hendak diperkosa oleh menteri Jam dari negeri Badar. Mendengar riwayat itu menteri Jam dan Alakah gemetar ketakut- an. Kedua menteri itu dihukum dan tak lama meninggal dalam tahanan akibat perbuatan jahat mereka. Sesudah selesai memutuskan perkara mata uang itu, Badariah masuk ke kamarnya mengganti pakaian dengan pakaian permaisuri lalu keluar mencium lutut ayah dan suaminya. Ketika itulah semua rahasia tersingkap. Sultan Mahmud menyerahkan negeri Badar kepada menantu- nya, lalu kembali ke Mekkah untuk beribadat. Badariah menun- juk suaminya Juhan Syah menggantikannya sebagai raja Zamintoran. Dengan demikian Juhan Syah memerintah tiga buah ke- rajaan.

Tiada berapa lama kemudian putri Badariah melahirkan dua orang putra kembar dan tak lama sesudah itu ia melahirkan se- orang putra lagi. Sesudah cukup dewasa putra pertama dinobat- kan sebagai raja negeri Badar, putra kedua menjadi raja negeri Irak dan putra ketiga sebagai raja negeri Zamintoran.

Hikayat HARAP BINASA

JRVSMiH A A

BARO MEUTURI

Assalamu'alaikum Warahmatullahi Wabarakatuh Lawet ka lama nyang ka padum thon Meuheut that di lon keumeung meuturi Teungku Abdullah meugah Lhok Sukon Syae ngon panton ceudah geurawi Bak Malem Diwa lon baca phon-phon Haba geususon leupah that meukri Galak gob baca gura geususon Meunggoh troh ujong han jibeuranti Keubit that gura haba geususon Ngon gob nyan di lon hajat meuturi

Jeuoh lagoena teuma di gampong

Sideh Lhok Sukon han troh lon ili Masa nyoe teuma ka di Peunayong Raseuki di lon Tuhan peuturi Dua calitra nyang ka troh bak lon ANEUK YATIM phon sinan geurawi HARAP BINASA nyoe ka troh bak lon Haba meukandong le that meutakwi Soe nyang na baca raya meuuntong Disinan muphom bandum buet keuji Bak buet geularang keunan bek takong Mupaloe ujong bala Tuhan bri Teungku Abdullah peumeuah keu lon Narit nibak lon sang hana meukri

Wassalam ANZIB LAMNYONG Banda Aceh I Februari 1972

IRUTUEM OSAS

duickmedeW bailutamdeięW mukeleumasfacA mol mobag 02 gm8va amei e2 10wa.1

haemaaune.no6 1a uadue

roau8 orJ 4agum aeubdA 10gmusT rwausg dabuea momq mog ay8

nodg-nonig soad mol awik.meiaM.ke8

imuomfant daquel mostauag sdsk noam00g 810g boed dog Mals 2ameodi nad gaojo do dogsnbaM

. 002 e a10 30 1d05a

hunuam laiad sol ib asyn dog acgit g00qmug ib anmet sm90gal dousl 0 gol rou mad novu orLl dobi2

. 900vomn09 8b k2 6muet 609a 026M hulwoq neruT nol ib ükoass2 nol xad doil e2 anava amnlsa sog lwausg asnie nodg MTAY ZUBVA
nol lad domad 7a A2AV 9A4AR rwaeioom ad sl gnobmá0om aah gaoluuom 8V81 soad 62 gm8va s02 Jju2 1and moboed merqom aenizia 800381 208 mmau52 gmaalmg t816 1v6 nd anda7 aiad gmoiu sokeqeM

• fol uex dausmuq rallabda m4agvaT: nluom ansif gnee nol ledin thaè
  m81602aW OMOYVMAJ ISKA ST01 bamtd53.1 s53A abme8

MUKADIMAH

Salam alaikum he kaom sahbat Rata jeueb-jeueb pat peukan ngon duson Sambot saleuem lon sion seunurat Haba beureukat ngon supan santon Geunantoe lon ba peunawa ubat Haba nasihat bukon nyoe panton Cit le meukeusud jeuet keu ibarat Han roh meulumpat nibak nyang sirong Ureueng nyang pateh puleh lam jasad Han roh buet silab e wahe kaom Haba nyoe ka na masa saboh had Di tanoh Arab dilee geususon Lheueh nyan geukirem ho laen leugat Meuse Bagdad sampe nanggroe Rom Oh lheueh geusalen kirem lom meuhad Rata jeueb teumpat hingga troh bak lon Teuma lon karang he rakan sahbat Haba ka teupat hana le sirong Haba ban jameun bandum lon surat Jeuet keu mupeuat keu wareh kaom Peue mirah-mirah siblah ret barat Tanda alamat matauroe tren Teungku Abdullah ka sah nyang surat Cuba tacab-cap haba lon suson Malam ngon uroe kamoe meuhajat Beu ekkeu tamat uram ngon ujong Ulon mohon droe sampoe bek cacat Nibak halarat lon lakee tulong

Ureueng nyang baca ka na ibarat Bek roh meulumpat bak buet nyang sirong Mangat tatuban reusam ngon adat Masam deungon klat seuuem ngon tutong Bek roh nyang jeuheut pubuet e sahbat Sinoe ibaratpi na meuuntong Oh nankeu sahja haba lon euntat Beu na teuingat wahe e kaom

Wassalam dari Penyuson Teungku Abdullah Lhok Sukon Peunayong 10 Januari 1972

HIKAYAT HARAP BINASA

BISMILLAHIRRAHMANIRRAHIM

Deungon bismillah kisah lon mula Riwayat haba jinoe lon rawi Deungo teungku jroh na saboh haba Di nanggroe Bada wahe ya akhi Sulotan Mahmud geuseubut nama Gagah peukasa raja teupuji Leupah meusyeuhu sibuju donya Hana sapat sa deungon barangri

Keunan jitundok masok pat nyang na

Jeupang ngon Cina Siam ngon Hindi Inggreh Peutugeh ngon Amerika Jeureuman Beulanda Polan Turuki Na peuet ploh ribee teuntee bawahnya Nyang raja-raja taklok bak duli Keunan dum sare wase ka jiba Sulotan Mahmuda raja nyang tinggi Gob nyan ka balee teuntee ka lama Inonggeu hana ka padum lawi Hana meukawen laen di raja Hana meuhawa hajat isteuri Aneuk na sabohpi jroh that rupa Meukaca-kaca muka ngon bibi Cit ka meusambot teuot ngon pha Ngon reuoh teuma bee minyeuk wangi

Ok patah manyam panyang sideupa

Na tamse rupa Budiadari

Dalam meuligoe cut putroe muda Dayang seun lingka khadam sinyak ti Ti Badariah geupeugah nama Dilee mate ma ka padum lawi Jinoe ka rayek ka troh kutika Cit ka mumada dak judo tabri Sinyak cut putroe lakoe goh lom na Meunankeuh haba nyang ka geurawi Dijih lam laloe jipujoe Esa Keu nekmat donya hana beureuhi

Hana jigalak keu lagak rupa Hana jihawa intan biduri Hana that rihon pawon bak dada Hana jisuka keu seulob tinggi Hana that kiroh keu aloh ija Hana geumbira keu mirah bibi Hana that ingen reben dimata Hana jihawa pakek rok mini Hana that galak beudak bak muka Hana jisuka bak giduek gari Nibak ibadat nyang that jijaga Oh lheueh isya putroe meungaji

Jibeuet Kuruan barang kajan masa Akan keu donya hana peuduli Watee putroe beuet han jeuet takira Tango suara tamse ban bangsi Soe-soe nyang deungo leungo anggeeta Teudong teupula ulee meusundi Ti Badariah meugah jeueb donya Dum raja-raja keunan peureugi Cit hana tom cre seulangke teuka Meung sidroe hana meukeumat janji Raja han neutem kawen aneukda Goh lom meukada judo Tuhan bri

Le that nyang beungeh teupeh peurasa Dum raja-raja sama sikali Hajat keumeung prang ka trang han daya Teutap jisaba han jeuet peugah kri Dicong bak rihat na cangat itam Dicong bak mamplam burong keutok-tok Ulon riwayat deelat sulotan Nyang keubeusaran nyang peugang tampok Sulotan Mahmud han jeuet ingatan Didalam seunang lam suntok-suntok Gobnyan lam laloe uroe ngon malam Cit gadoh bimbang ngon donya mabok Nyang dara-dara raja deundayang Limong ploh sajan sinan meutumpok Rumah dum ceudah indah trang bandrang Bandum peurawan goh na ureueng thok Soe jeupet teuot soe urot badan Sireugam-reugam keuieng ngon kudok Nibak teumpat eh meuceh dum macam Deungon bee-beewan han ek tateugok Kaso meujab-jab mangat tidoran Oh ban jab badan laju meuanggok Han peue lon peugah kisah that panyang Bak eh sulotan raja nyang rayek Geuboh keu meuntroe sidroe bawahan Nama meuntroe Jam lon peugah beutroh Nyankeuh geunantoe sampoe meujan-jan Oh tan sulotan bak meuntroe geujok Jan hana deelat meusapat sinan Nibak meuntroe Jam neuyue mat tampok Sigala raja nyang na bawahan Ngadap meuntroe Jam ubit ngon rayek Keu haba meuntroe bah oh noe diam Akan deundayang lon peugah be ok Ulon hareutoe sidroe deundayang Nyang ulee kawan rupa pih elok

Didalam ate leumah pikiran Pakon sulotan jeuet manyoh mabok Sapeue tan pike ate lam badan Lam teungeut pangsan jeueb uroe suntok Geueh pih sidroe binoegeu pih tan Pakon digobnyan bak ureueng mabok Dum na roe mangat nekmat digobnyan Inong tan sajan napsu hana troh Pakri ek saba hana gurangsang Dalam tidoran neueh meutumpok Dak ureueng laen puseng pikeran Hana jeuet reunggang ngon atra budok

Seudang Zalikhah leumah lagee nyan Bah le keu kaman lon cuba beutrok Teumpat eh raja dum nakeu seunang Lon ci eh sinan lon peujab kudok Seudang Zalikhah meulangkah yoh nyan Bak eh sulotan raja nyang rayek Oh ban jipeurab baro jab badan Teungeut le pangsan laju meutumpok Teueh meuadee ka lagee bubrang Tuboh meulayang han meuho ka trok Teungeut ka leunyab seungab le yoh nyan Mangat kon wayang sampoe ujong ok Hana jithee droe teupipoe sinan Dumnankeuh seunang siinong budok Raja ka neuwoe neupeutoe keunan Leumah neupandang neungieng meutumpok Nibak neukira hana meukri ban Sang-sang binatang ate teubarok Neucok le tungkat leugat neuhantam Laju le meukham keunong bak kudok Oh ban meuleupee bak ulee meutam Sayang sinyak nyan habeh leukang ok Teubiet ngon darah basah tidoran

Teubiet ngon darah basah tidoran

Deelat sulotan meuanggok-anggok Ka neueu leumah Zalikhah sinan Bak eh lontuan pajan kamasok Peue buet keunoe kah Zalikhah suang Keunoe tidoran peue kah ka mabok Peue jeuet keu seudee lagee nyoe macam Teumpat lontuan kaeh meutumpok Deundayang laen puseng pikeran

Geumpa ngon badan meugok-gok kudok

Raja neumarah Zalikhah sinan Meunoe jawaban dijih ube ok Meung baro siat dilon jab badan Dumnoe lakuan dilon bala troh Ka meunan layak dilon bak Tuhan Bak mita seunang ka roh meulingkok Teuma meusabda di raja yoh nyan Nibak deundayang peugah laju troh Siti Zalikhah jak pinah reujang Bek le disinan jiduek meutumpok Diateueh tahta raja duek yoh nyan Ubak meuntroe Jam neukheun meunoe troh Cuba pareksa le gata teuman Pakon jeuet meunan dijih mubilok Diteuku meuntroe meunoe tanyong ban Peue sabab keunan dikah kamasok Nibak eh raja hana kathee nyan Kajak tidoran peue kah ka mabok Seuot Zalikhah Allah ya Rahman Ka kheundak Tuhan dilon meunoe troh Adak ka salah kupabah teuman Deungo lontuan kupeugah be ok Dilon teupike ate lam badan Akan sulotan raja nyang rayek Peue jeuet keu meunoe sampoe barangjan Uroe ngon malam lam manyoh suntok

Geueh pi sidroe soe peungon pih tan Pakri rasaan nekmat mupakhok Ho geutiek ulee soe pangkee badan Watee saboh jan pat geumeung adok Tiep uroe meuhat deelat lam seunang Nibak tidoran sidroe meutumpok Padum treb lawi isteurigeu tan Pakon digobnyan peue khunsa ka troh Dilon kucuba rasa pakriban Teukeudi Tuhan ka leukang kudok Lon keunong seksa ka kada meunan Geutanyoe insan han jeuet tabilok Seudang di ulon langsong lagee nyan Deelat sulotan lam suntok-suntok Uroe akherat meuhat digobnyan Keunong hukoman nyang leubeh rayek Sabab meuthon-thon langsong seunangan Hana ingatan keu Tuhan be ok Deungo lon peugah kisah saboh jan Mangat neutimang ceudah deungon brok Yoh masa lawi Nabi Sulaiman Rasui di Tuhan hana soe santok Dan lagi leungkap neumat hukoman Sigala alam Nabi mat tampok Keunan teuseulem jen deungon mambang Sidom ngon hiwan bandum jitundok Angen pih jitron junjong Sulaiman Dum sikeulian keunan jitaklok Bandum keurajeuen geukheun digobnyan Neuseumah Tuhan lam suntok masa Diateueh angen meuen Sulaiman Ho neumeung jalan angen nyang peutrok Hana soe ungki Nabi masa nyan Rasui di Tuhan nyang leubeh elok Bandum neukeubah nyang teugah Tuhan Hana ingatan keu droeneu rayek

Seudang di Nabi meunan kri macam Geunaseh Tuhan hana cit mabok Teuma diulon tong-tong lam kubang Nibak sulotan ka keunong antok Hana lon saja rasa siat nyan Dumnoe balasan sampoe leukang ok Teuma oh dudoe soe-soe beunaran Hadapan Tuhan taduek mupakhok

Ureueng nyang salah neubalah sinan

Neuraka jahanam ho-ho nyang neujok Geutanyoe hamba beuna sabaran Bek that gurangsang Tuhan lhom kutok Meunan lon ingat meuhat barangjan Di lontuan pike teubarok Oh raja deungo leu igo le badan Haba deundayang mneunyum ujong ok Teuingat keudroe dum bagoe macam Nyang ka salahan baro teuseupok

Neukheun le bagah Allah ya Tuhan

Ulon sulotan buet-buet pi ka brok Ka leupah jaroe kamoe silapan Ka roh lon hantam ka leukang kudok Ulon ka silab meuhat salahan Bek jeuet keu masam ate ube ok Seuot Zalikhah peugah meunoe ban

Ampon bak Tuhan pat-pat nyang ka brok

Raja neujok meuh oh lheueh nibak nyan Adak tatimang lhee bungkai ka troh Neupumeurdeka teuma le reujang Zalikhah yoh nyan teuma jitundok Jicom bak gaki duli sulotan Lheueh nibaknyan jiwoe keudeh troh Ubak syeedara gisa le teuma Zalikhah Seudang ka seunang be ok Han le meukeumat ngon deelat makam Sabab jawaban get that meuadok

Jinoe laen bab ayat lon karang Lon ubah ragam jinoe ube ok Mubanja-banja tapula campli Ateueng bumeuri nibak taglong bak Ulon calitra keu raja duli Ingat keu Rabbi ate meukuak Leupah teukeujot takot han sakri Neudeungo rawi Zalikhah timplak Ingat keu deesya nyang ka-ka lawi Ka meunyum seui leumoh lam utak Ka neuyue peh gong langsong laju pih Yoh nyan mubunyi rata jeueb sawak Rakyat meuron-ron jitron dum ili Keunan peureugi ban bandum jijak Tuha ngon muda sama sikali Di gle di pasi jitron mubulak Lam blang ka sarat rakyat meuriti Ladom meunari nyang ladom surak Dum raja-raja sama sikali Haba meunoe pih jikheun le sikrak Dum raja-raja sama sikali Haba meunoe pih jikheun le sikrak E deelat ampon tanglong juhari Kamoe ka ili keunoe ka meujak Saleh peue hajat arat han sakri Pat na meuantri wase tan bawak Toh nanggroe neuprang he alam syahi Peugah e duli meung pat nyang rusak Seuot le raja haba meunoe kri Sama sikali hana nyang pipak Lon pangge gata teuka keumari Na wasiet kami jinoe meung sikrak U tanoh Arab hajat peureugi Lon pujoe Rabbi bak keudeh lon jak Ubak Jam meuntroe nanggroe ulon bri Lon boh keu waki sabab lon jarak

Meung nyankeu jinoe geunantoe kami

Bek dakwa-dakwi ngon gata rusak Ikot meuntroe Jam ban-ban mupeuti Atoran jibri bek jeuet keu pipak

Aneuk lon sidroe putroe juhari

Tinggai sinyak Ti hana lon bawak Wajeb tajaga sigala tabri

Saka ngon kupi tajok ube hak

Lon jak ibadat siat peureugi Ngon donya ini bek that meugalak Geutanyoe pahna sama sikali Bandum ensani mate jeueb sawak

Meung tan ibadat meuhat meusundi

Bah that barangri lam apui geusak Bah that bak raja sama bak Rabbi Hana meulisi bandum saban hak Gata dum meuhat amanat lon bri Nibak buet keuji bek that tagalak

Nyang teugah Tuhan nyang larang Nabi

Zina ngon judi taboh beujarak Peureulee ngon sunat ingat bek sunyi Bak ret nyang keuji meung bek tajak-jak Sulotan Mahmud seubut meunan kri Rakyat meu'i-'i jimoe mubulak Teuka ate weueh inseueh han sakri Sama sikali ate ka pipak Rakyat dum jimoerangoe bandum pi Kareuna duli neubungka jarak Bandum jisayang hana nyang beunci Sabab tan geubri ate nyang rusak Rakyat tan geudra di raja duli Ban that barangri hana keunong pak Hana meung sidroe taloe meugari Meung kon pancuri nyang ka sah nampak Han tom neucarot neudhot barangri Hana tom han jihaba meung sikrak

Han jeuet jiingat deelat peureugi Sang-sang meusundi ate meukuak Inong ngon agam kiam han sakri Rata meu'i-'i bandum ka palak Dicong u gadeng na cicem nuri Dicong bak kuli uleue meusawak Lon ubah lagu buhu laen kri Bek jeuet keu basi meutamah apak Gumilang cahya cuaca uroe Peungeuh lam nanggroe cahya trang bandrang Keu poteu raja haba lon puwoe Lheueh seuleusoe peugah habaran Teuma dirakyat leugat le sampoe Beudoh dum jiwoe ban sikeulian Langkah sulotan dalam meuligoe Ubak aneuk droe putroe andalan Raja com aneuk meuheuk ka neumoe Ile meulangoe ie mata meugram Wahe aneuk e kundo sambinoe Idin keu kamoe hajat beujalan Lon tinggai intan dalam meulingoe Gata sambinoe bek na susahan U tanoh Arab beurangkat kamoe Wahe aneuk droe lon pujoe Tuhan Ulon jak teebat riwat meukatoe Dua lhee uroe ulon beujalan Bek susah-susah kipah meusujoe Lon jok bak meuntroe lon yue jagaan Peue-peue jipeugah bek bantah putroe Bek na aneuk droe ate nyang lapang Di Badariah reubah teupipoe Jingo ayah droe kheundak beujalan Kiroh deundayang dalam meuligoe Bandum ka jimoe ulee ka gujang Ulon peugisa keu raja nanggroe Deungon cut putroe po bungong rihan

Oh ban teukeujot rambot meujumphoe

Ingat lom muwoe lagee mise ban Ban sare jaga cahya peungaroe Jikheun le meunoe nibak du badan

Wahe ayah e hanco lam asoe Akan aneuk droe beuna neusayang Diayah neujak ka jarak nanggroe Han neuba kamoe jeuet sapat sajan

E ayah payong ulon ka sidroe Neukeubah sinoe meung ibu lon tan

Han le soe teugah oh salah kamoe Meung tan ayah droe disinoe sajan Saleh cit pakri jadi oh dudoe Dalam meuligoe diulon teuman Bukon le sayang lon pandang uroe Ka reudok tampoe han le leumah trang

Bukon that sayang lontuan'sidroe

Tinggai di nanggroe ayah dilon tan Bukon le sayang kawan beuragoe Habeh mupaloe bak jiteureubang Han jeuet lon ingat meuhat lagee nyoe Oh tinggai sidroe ka lam meulang-lang Allah he untong peureulong asoe Dilon tiep uroe jinoe susahan Poma pi han le mate saboh roe Teuma lom jinoe ayah pi ka tan Allah hai badan ka suang keudroe Dalam meuligoe han le meukriban Allah hai babah soe teugah jinoe Allah hai jaroe peue lom kareugam Allah hai gaki pakrikeu bagoe Allah mata droe peue lom kapandang Allah hai reukueng peue makeun jinoe Allah hai gigoe han le rasaan Allah hai idong peue kacom lom roe Allah hai asoe meung pat lom seunang

Allah hai tapak kajak jinoe Allah punyueng nyoe peue lom kangoran Allah hai tuboh ka roh mupaloe Meung soe lom jinoe peusok peukayan Neukheun le raja teuma lom meunoe Bek le tamoe-moe he bungong peukan Ingat keu Tuhan barangjan uroe Bek jipeulaloe gata le syeetan Meung tan amalan sajanteu jinoe Teulah oh dudoe wahe e intan Seuot sinyak Ti jikheun kri meunoe Wahe ayah droe neuba lon sajan Bek dilee tajak e he nyak putroe Oh dudoe-dudoe lon jak tueng gata Oh nankeu haba di raja nanggroe Beudoh le sampoe laju beujalan Po bungong peukan dalam meuligoe Hate lam rangoe dalam barangjan Teutap di raja bungka le sampoe Teutap di putroe sajan deundayang Mubee meukumbang rihan astana Mubanja-banja geupula dileuen Akan meuntroe Jam lon ulang haba Bak nanggroe Bada jimat keurajeuen Peue-peue jipeugah soe bantah hana Salah ngon beuna hana soe linteueng Meuntroe Jam teungoh ban suroh raja Hana meutuka meung ube kumeun Keu sinyak putroe sampoe jikira Han tom beulanja na jibri kureueng Uroe ngon malam dalam jijaga Gaseh lam dada keu putroe buleuen Di Badariah meugah ulua Ceudah that rupa bungong siyueng-yueng Nibak simalam meuntroe Jam teuka Dalam astana langkah jisunyueng

Nibak masa nyan keumang on mula Dalam musala teungoh teujeunun Teungoh cut putroe laloe meudo'a Meuntroe Jam teuka ukeue cut meugleueng Oh ban jikalon leupah jom muka Beujeuet bak jiwa meunan rasa nyum Meurawe-rawe hate lam dada Napsu teubuka han ek le peutheun

Cut putroe meulu meusu le sigra Peue jeuet troh teuka keunoe mubayeueng Peue buetteu keunoe bak kamoe dara Han tom nyang ka-ka ka jameun-jameun

Jeuet malam-malam e bintang kala Sabab sinoe na bungong teukareuem Bungong meusalob ngon ija Mubee ulua get that meuhum-hum

Manyoh ngon meusyen polem digata

Didalam dada han ek le neutheun Ulon keumeung pot bungong get rupa Meunankeu cinta mebeuleuen-buleuen

Bah le lon Aceh bijeh tapula He putroe muda ulon nyoe tatueng Cuba tapeukong seudong ngon kala Aneuk ceumpala taci bri eumpeuen Gaseh dan sayang keumang on capa Gaseh keu hamba sijeuem dua jeuem Gata meuuntong lon-lon meulaba

Hate nyang luka puleh le bandum

Ban putroe deungo leungo anggeeta Teubiet ie mata teubiet meujeuem-jeuem Teuma cut putroe meunoe meuhaba Dilee neusaba siat neupeutheun Beudoh neujak eh keudeh lam kama Neupreh lon teuka keunan mubayeueng

Teuma meuntroe Jam dalam geumbira Nibak jisangka teuntee meueumpeuen Beudoh le langkah pantah ngon sigra U dalam kama langkah jisunyung Dimeuntroe asee ka lagee buya Teueh teuhanta sinan ka cateueng Hana teupike meung ube seuma Keu guna raja hana le meuyum Sabab ka pangkat meulhat be raya Hana jikira keu gob bri eumpeuen

Ka jinak eumpoe cut putroe muda Meuntroe ceulaka akai that kureueng Teuku meuntroe Jam sinan lam kama Cut putroe muda deungo ulon kheun Jicok ngon bajee pangkee musalla Teubiet ulua laju le jiplueng Leupah lam uteuen buleuen purnama Sabab han suka bak buet nyang hareuem Dimeuntroe jahe hate muputa Jipreh-preh hana tamong cut buleuen Bunoe ka keumah keubah peue nyang na Nibak jisangka ka troh lagee kheun

Oh ban po meuntroe teubiet lam kama Jikalon hana cut putroe meugleueng Keunoe ngon keudeh habeh pareksa Hate meugisa ka laen rubeueng Haba piteunah nak peugah teuma Keudeh bak raja mangat geumaklum Han le dinanggroe putroe ka gob ba Roh lam buet deesya ngon agam bajeueng Aneuk tangiroe jiwoe meujandreng Dalam ie masen meureutoh-reutoh Keu teuku meuntroe jinoe lon bareng Surat jikirem peuget teuma troh

Haba lam surat get that mupaleng Deungo he polem jinoe ulon boh Saleuem horeumat meuhat lon kirem Seumah dan takzem dibawah kawon Akan meukuta na haba peunteng Sinoe lon bareng baca beutroh-troh Kareuna hamba jaga geunireng Lahe ngon baten tunong ngon baroh Gantoe meukuta hana soe laen Bak lon neujok ceng dilee deelat boh Pulang keurajeuen bandum neusalen Bek jeuet keu mireng jeueb sagoe lampoh Jinoe cut putroe sambinoe licen Jiba ho laen han meuho ka troh Habeh lon mita rata lon puseng Cut putroe canden rata ka lon lhoh Ka roh jipubuet nyang jeuheut baten Deungon gob laen meugampoh-gampoh Dalam meuligoe putroe ka jitren Ka lon keulileng habeh jeueb ho troh Oh nan deelat syah lon peugah bareng Hana lam baten keunoe lon saloh Bek roh salah lon langsong jeuet mireng Didalam zihen keu lon deelat boh Lheueh jisurat leugat jisireng Akai lagee jen sita' un sampoh Bak ureueng dua yue ba keunireng Dumnankeu licen dimeuntroe haloh Sampoe u Makah langkah jipuseng Yoh nyan keureuleng tunong ngon baroh Meuteumee raja teuma geuduek dreng Surat keunirem jijok laju troh Raja neulihat lipat neugunteng Ka neukeureuleng habeh dum neulhoh Habeh neubaca haba nyang peunteng Teubiet meuleng-leng ie mata jatoh

Ingat keu putroe sampoe ka mireng Jipubuet zalem pakon meunan roh Han jeuet tapike hate ka gigeng Keu bungong lapeng zina meusaloh Neuingat malee ulee mupaleng Mupuseng-puseng hate lam tuboh Teubiet ie mata muka ka ceuken Haba that meurheng bak meuntroe jiboh Raja kheun meunoe jak woe keudeh tren Haba lon kirim narit nyang putoh Dilon kugisa teuma thon laen Meunyo bek na len nyawong lam tuboh Meunakeu haba di raja malem Hate lam zihen lagee geureuloh Ureueng nyan dua gisa laju tren Langkah jipaleng peukeue u baroh Lawet bak lawan teuman he dalem Sampoe mupateng u nanggroe ka troh Peugah hareutoe nibak meuntroe jen Haba nyang peunteng bandum jipeutroh Bak meuntroe pike han le mupaleng Nyang ka buet mireng hana le reuyoh Hate ka seunang keumang lam zihen Jikeumeung peulen bak buet ka mubloh Mita beulheueh droe bek na soe tunggeng Dumnankeu licen bangon jiratoh Jipot angen gle pade meutimpa Teungoh geupula reubah teudu-du Cut bungong awe kande meutia Nyang ka lam rimba lon peugah laku Ka jiek paloh jibloh beuluka Bungong keupula sayang oh taeu Gaki ka pipak rusak binasa Habeh jiseuba le kareueng tincu Sayang cut putroe sambinoe rupa Jijak lam rimba sidroe meulu-lu

Bak pihak putroe hana soe bila Oh hana bapa nyan deungon ibu Lom jih pi inong pi mantong dara Baro baroesa nyan sampoe umu Sayang bungong rom untong seungsara Sabab peusuna bak meuntroe badu Nyang deuek deungon grah Allah nyang kira Maklum lam rimba watee hana bu Nibak on kayee teuntee taraba Asai meung ka na nibak pruet meusu

Dumnankeu seudeh puteh meucahya

Didalam rimba meurayu-rayu

Di Badariah basah anggeeta

Reuoh bak muka ile meutabu Malam ngon uroe putroe jibungka Hana le kira keu jen ngon hantu Sabe lam jijak sinyak jroh rupa Didalam rimba hana le kuyu Troh saboh teumpat meuhat le teuma Lam padang raya linteueng ngon buju Putroe jipandang kulam jroh rupa Yub kayee raya pioh le mupru Jitron lam kulam jisiram muka Ngon uroe pi ka sampoe waktu Putroe meusilee yub kayee raya Tika musalla jileueng le laju Laju seumbahyang disinan lanja Bungong keupula pujoe Tuhanku Putroe meudike sabe tan reuda Akan keu donya hana le rindu Teutap disinan keumang on mula Boh kayee rimba jipajoh keu bu Hana le jijak pirak teuupa Jiduek teuhanta disinan jidu Putroe pioh bek capek lagoena Padum lawet ka lam jijak laju

Malam ngon uroe pujoe Rabbana

Ngon khusyuek raya bukon seugitu Dalam angen mboh tuboh anggeeta Han le jikira keu ujeuen sibu Pakri tapaban ka meunan kada Didalam saba bungong rawatu Cubaan Tuhan intan meucahya Tanda bahgia dudoe meusyeuhu Dicong bak jaloh bakoh meuseunda Dicong keupula aneuk leuek kutru Jinoe lon teuoh na saboh raja Juhan Syah nama deelat teurgahyu Goh na isteuri duli sripada Cit mantong muda baro troh umu Ngon nama nanggroe jinoe lon kata Irak geuthee na nama meusyeuhu Raja pi ade sabe goh puja Deungon agama hana meujampu Bandum Iseulam cit tan na Budha Nanggroe pi kaya leupah that makmu Banda pi rame han meune teuka Jak maniaga keunan dum lalu Di raja Irak geujak meurusa U dalam rimba keudeh meuburu Geuba ngon rakyat meuhat sikada Maklum buet raja wahe e teungku Padum laman gobnyan lam rimba Meung saboh rusa pi hana geueu Keunoe ngon keudeh habeh useuha Jak mita rusa barat ngon timu Watee cot uroe sampoe ka dahga Meung ie pi hana meujan seugitu Turon le titah Juhan Syah Raja Geuyue jak mita teuma le laju Peugah bak malek yue mudek sigra Didalam rimba rata neuyue eu

Ulon nyoe ka grah leupah that dahga Tajak useuha jinoekeu laju Teuma jimalek jigek pat nyang na Rata jeueb paya teuma jijak eu Habeh yub kayee jiteumee hana Jidong le teuma diateueh busu Rata jipandang dalam blang raya Leumah cuaca ka deuh mirah hu Meunyum bak hate pike muputa Teuntee sinan na bahle lon jak eu Teuma dimalek mudek le sigra Yub kayee raya keunan jituju Leumah jipandang geumilang rupa Teuot ka geunta lam hate rindu Teubiet ngon napah leupah mubura Siti mulia disinan teudu Meurawe-rawe hate lam dada Peue nyoe jen rimba atawa hantu Saleh cit ensan lagee nyan rupa Sang aneuk raja nibak ri laku Bahle lon peurab leugat ngon sigra Lon jak peunyata beutrang ulon eu Meunyo kon ensan tapaban teuma Adak ka pahna ka troh waktu Meunyo-nyo ensan ka trang meulaba Lon puwoe teuma meukawen laju Rupa pi keunong hana ngon peusa Bahle kucuba keudeh kujak eu Malek jipeurab leugat le sigra Meunoe meuhaba teuma le laju Wahe cut putroe pudoe meutia Ie saboh tima tabri keu aku Kamoe dum ka grah leupat that dahga Bak jak meurusa he bungong meulu Jijaweueb putroe meunoe meuhaba Hana meusangga bak lon e teungku

Dum-dum tameung cok teumok le sigra Hana meusangga bukon hak aku Milek di Tuhan ban-ban nyang suka Tacok le gata jak puwoe laju Malek le teumok sudok ngon tima Jipubloe mata bak bungong meulu Tapi lam hate pike muputa Bak peugah haba han jijeuet meusu Meunyum bak hate pike eelia Jitakot teuma dudoe roh teudu Malek ka jiwoe sampoe bak raja Teuma pareksa neutanyong mupru Meung pat kacok le leupie lagoena Na bagoe nira nyum rasa madu Malek jiseuot jibot keupala Ulon jak mita wahe tuanku Bak saboh padang na kulam raya Wahe meukuta disinan lon eu Sinan na putroe sidroe nyang jaga Ceudah that rupa ban bintang timu Beujeuet lon teugom ngon jom pi raya Cuaca muka na tamse lampu Leupah meusambot likot ngon dada Hana meunan sa nyang ka-ka lon eu Kulet peureuseh puteh meucahya Cit mantong dara baro troh umu Han jeuet ulon eu seumilu mata Sang-sang ban gamba meunankeu laku Oh watee jikhem meuleng-leng cahya Tamse meutia gigoe cut meulu Allah he duli gaki lon geumpa Rab-rab meuraba dilon tuanku Han jueuet lon ingat hana sapat sa Nyang meunan rupa nyang ka lon eu-eu Dak kon teujalok dilon syok sangka Takot eelia disinan teudu

Meuhan ka jadeh tan lon weh lingka Han le lon gisa nibak tuanku Lon ingat teuman gobnyan lam rimba Teuntee eelia nibak ri laku Ban raja deungo leungo anggeeta Teubiet suara teuma le laju Beutoi kapeugah beurakah hana Bah keudeh teuma jinoe tajak eu E deelat ampon dilon hana kra Ube lon kata hana peuleusù Meunyo sulet lon langsong neusula Wahe meukuta bek ragu-ragu Ulon nyang peugah ka sah sibeuna Nibak lon hana sulet seugitu Raja Juhan Syah meulangkah teuma Neuek cong guda pasang le laju Rakyat dum ireng disampeng rata Meuntroe panglima dan teungku-teungku Hingga troh sampoe bak putroe muda Geureuhem teuma deelat tuanku Yoh nyan teukeujot mubot keupala Nyang bungong jeumpa jiplueng meu'u-'u Umiyub kayee meusilee sigra Teubiet suara jimeuhon laju E ya Ilahi neubri ban pinta Beuneusom hamba wahe Tuhanku Bek jimat badan le agam muda Wahe Rabbana neutulong aku Ka grak bak Allah peurintah Esa Neukabui teuma pinta cut meulu Bak kayee teuhah beukah be raya Cut putroe muda jilob le laju Leupah udalam keumang on capa Bak kayee teuma meukap ban dulu Ka lam bak kayee keumbee jroh rupa Tika musalla dilua teudu

Raja Juhan Syah susah lagoena Putroe han le na disinan neueu Bunoe neupandang ka trang sinan na Leupah jroh rupa cit ka deuh neueu Raja teupike hate lam dada Meuputa-puta han meukri lagu Sabab cut kande han le meuho ka Teudong teupula deelat tuanku Saleh putroe jen meulaen rupa Bunoe na nyata jinoe ho jidu Meunan sulotan pikeran teuka Tika musalla leumah deuh neueu Deungon haleukom meugulong nyata Teuma diraja yakin kon hantu Teuntee nyo ensan kadang eelia Sinan geutapa jeuet sinoe teudu Meuhan han meunoe jinoe han le na Teuntee na mintra jeuet han deuh taeu Meunan pikeran didalam dada Juhan raja neumeuhon laju Lakee bak Tuhan beutrang lom nyata Meunoe suara teuma teubiet su E ya Ilahi po lon ya Rabbi E po lon neubri hajat beusampoe Ulon mupinta hana nyang keuji Cut putroe Siti beuleumah jinoe Neubri beuleumah kipah biduri Beujeuet isteuri keu judo kamoe Beujeuet tunangan keumang meulati Po lon ya Rabbi beuleumah jinoe Ulon neutulong langsong ya Rabbi Sinyak putroe Ti bek le lagee nyoe Bandum droeneu thee lagoe barangkri E po lon Rabbi Tuhan dikamoe Lheueh meudo'a raja juhari Tuhan teukeudi ka leumah putroe

Bak kayee teuhah beukah teujadi Sinyak putroe Ti ka deuh ban bunoe Raja neupeurab leugat neulisi Nibak putroe Ti neumat bak jaroe Teuma meuhaba cahya biduri Meung bek duli neumat-mat kamoe Meung goh meunikah teugah Ilahi Seksaan neubri oh uroe dudoe Raya that deesya teuma bak Rabbi Ingat he duli bek jeuet mupaloe Beuraya saba bek na barangkri Beh roh teukeudi nibak nyang rugoe Beuek neulawan syeetan nyang deungki Yue pubuet keuji malam ngon uroe Syeetan beujeuoh musoh di Nabi Bek le jitaki ateueh geutanyoe Meunankeu haba cahya puteh di Nasihat jibri keu raja nanggroe Raja Juhan Syah peugah meunoe kri Wahe e nyak Ti tabeudoh keunoe Gata lon puwoe jinoe putroe Ti Keudeh taili bek le disinoe Meunankeu haba di raja duli Peueek sinyak Ti cong guda sampoe Laju geupuwoe putroe juhari Sampoe sinyak Ti dalam meuligoe Yue pangge reujang nyan tuan kali Bak dalem waki geuyue ba sampoe Meulangkah sigra teuma lem waki Bak teungku kali teuma geupeutoe Laju meuhaba sabda bak duli Teungku peureugi dalam meuligoe Surohan raja sigra peureugi Meunan lem waki peugah hareutoe Meukeumah yoh nyan dituan kali Ngon bajee haji laju geupakoe

Geujak lam kuta sigra peureugi Sampoe dikali dalam meuligoe Lheueh geudeelat horeumat geubri Ngon raja duli geumumat jaroe Teungku neupioh sampoe ngon gaki Meunoe neukheun kri le raja nanggroe Ulon meunapsu teungku keumari Deungon putroe Ti peunikah kamoe Teungku srah babah nikah ka neubri Keu raja duli dua ngon putroe Oh lheueh nikah Juhan Syah Duli Diteungku kali beudoh le sampoe Han lon peue peugah kisah panyang kri Napsu beureuhi dua ngon putroe Dalam sukaan malam dan hari Sinyak putroe Ti dua ngon lakoe Get that jikhadam akan suami Hana meulisi meulaen bagoe Bandum jipapah jisrah ngon gaki Han tom sinyak Ti na tuto seungkoe Teuka gasehan hana nyang beunci Deungon suami lagee leuek raghoe Ka roh siwadan nyan ban dua si Meunyokeu duli teuntee jih putroe Han sapat tiwah babah ngon bibi Meunyo jih nuri ret noe beuraghoe Lawet bak lawan teuman sinyak Ti Ka padum lawi hame le sampoe Putroe meungandong langsong yoh nyan pi Hana tom seui saket lam asoe Dalam seunangan malam ngon hari Sinyak putroe Ti dalam meuligoe Retnoe ngon retdeh gaseh meusundi Manyoh beureuhi raja ngon putroe Oh troh bak watee kumbee meulati Lahe Tuhan bri manyak dua droe

Bandua agam Tuhan ka neubri Rupa juhari hana tamse proe Putroe ngon raja suka han sakri Neukalon bayi rupa samlakoe Ngon haba ringkah ulon peugah kri Rayek lajupi sinyak dua droe Hana siuroe asoe na seui Po bungong giri han tom jimoe-moe Na umu sithon tanglong meuriti Rayek lajupi sinyak dua droe Ti Badariah susah teujadi Ingat keu abi hana neuwoe-woe Ka treb dilee cre tan le keumbali Ditanoh suci disideh laloe Ie mata joh-jah kipah biduri Sinyak putroe Ti laın sabe rangoe Ban raja kalon po bungong giri Tanyong meunoe kri nibak judo droe Pakon cut putroe tamoe meu'i-'i Hana beuranti malam ngon uroe Peue jeuet intan beh jeuet roh meunoe kri Peue na he nyak Ti nyang tan ulon bloe Peugah intan cut bek jeuet keu sangsi Nyang na beureuhi peugah bak kamoe Jiseuot teuma cahya puteh di Wahe e duli lon ingat keu droe Pihak tan kawom dilon he duli Habeh jeueb tuwi dilon ka phang-phoe

Adak na ayah leupah u Haji

Ka padum lawi hana neuwoe-woe

Rata jeueb rimba ka lon peureugi Sidroe hana pi jak seutet kamoe

Allah hai judo kundo juhari Ka kheundak Rabbi ulon lagee nyoe Ulon ka keunoe cit sidroe jati Kawen ngon duli ka lheueh seuleusoe

Neutem peusayang lontuan sini Goh lom meuturi po du dikamoe

Ayah deungon ma hana meutukri

Kadang sipai roh ureueng geubloe Ulon neupuwoe keunoe he duli Neupangge kali nikah pi sampoe Hate lon beukah Allah ya Rabbi Keu guna duli ingat dikamoe Sira seumeugah kipah biduri Hana beurantu cut putroe jimoe Raja Juhan Syah peugah meunoe kri Bek le e nyak Ti digata rangoe Ka grak bak Tuhan e bintang pari Han jeuet tapeusie nibak geutanyoe Peuteumuen langkah ka sah bak Rabbi Mawot raseuki meunan cit bagoe Han jeuet tapeuseuek taweuek be bayi Bandum teukeudi bak Tuhan sidroe Bek le susahan intan biduri Jinoe tarawi nibak asai proe Peue jeuet tabungka keumala hari Gata soe deungki masa dinanggroe Teuma di putroe jimoe meu'i-’i Laju jirawi le meunoe bagoe

E judo payong ulon peugah kri Ayah lon duli nyang peugang nanggroe

Di nanggroe Bada raja geuturi Hana soe anti nyang ka-ka lampoe Raja bawahan teuma he duli

Nyang na lon turi nyan peuet ribee droe

Ubak meuntroe Jam teuman geuwaki

Sama sikali ayah peujaroe Ayah geubungka teuma u haji Tinggai lon duli dalam meuligoe Lam meuntroe kira sama sikali Sira ngon campli jeuneh dum bagoe

Nibak simalam Tuhan teukeudi Meuntroe peureugi dalam meuligoe Hana sidroe thee bak watee sunyi Gobnyan geulisi u teumpat kamoe Ulon geupadan keujam han sakri Rab-rab he duli dilon mupaloe Lon mita ruweueng lon plueng laju pi Lam uteuen sunyi ka lon jak sidroe Sampoe yub kayee dilee beuranti Sinan he duli malam ngon uroe Lawet bak lawan sinan he duli Ka jeuet suami deelat ngon kamoe Meunan habaran po bintang pari Ka teukap bibi di raja nanggroe Di raja Juhan tanyong nan abi Wahe e nyak Ti cuba hareutoe

Ayah digata nama nyang lawi Peugah puteh di jinoe beutanggoe Cut Badariah teuma peugah kri

Laju jirawi nama ayah droe Sulotan Mahmud seubut he duli Meunan geukheun kri ka lon hareutoe

Ulon meusyen that meuhat keu abi Saleh cit pakri hana neuwoe-woe

Udep ngon mate tan le lon tukri Ka treb peureugi masa saboh roe Meung na neusayang keupada kami Idin beuneubri jak seutet jinoe Sauot di raja teuma meunoe kri Bah lon peureugi wahe judo droe Bah tinggai gata keumala hari Bek sangsi-sangsi lon tinggai sinoe Sinyak bandua lon ba jinoe pi Mangat neuturi uleh ponek droe Seuot di putroe meunoe jirawi Meung bek he duli neutinggai nanggroe

Bahle lontuan kaman peureugi

Diampon duli neuduek disinoe

Bek roh meukuta teuma nyang keuji Bah lon peureugi dilee beusampoe

Harap lontuan bumanyang tinggi Idin deelat bri dilee keu kamoe Meunyo ka sampoe kamoe bak abi Deelat peureugi teuma oh dudoe Meunyokeu meunan keumang meulati Ka jeuet taili wahe sambinoe Raja Juhan Syah peugah meunan kri Idin ka neubri keu tuan putroe Peugah bak meuntroe neurawi Deungon rakyat pi bandum sinaroe Jak intat putroe u nanggroe haji Keudeh bak abi jak ba beusampoe Seureuta sinyak bawak jinoe pi Ban lhee sijuli taba keudeh roe Taboh lam usong tanglong meuriti Peureumadani ija meurumboe Meunan peurintah Juhan Syah duli Sama sikali jak peuhase droe Oh lheueh siap leungkap bandum pi Po bungong giri geuusong jinoe Cukop makanan sajan peuili Hana lon rawi nyang panyang rampoe Nyang meuh ngon pirak meukrak lam guni Meunyo bak duli han peue hareutoe Meunyo bak raja hana peue rawi Meuguci-guci intan ngon pudoe Daleh pi raja nama ka tinggi

Wase dum jibri keunan jipuwoe

Jinoe ngon dilee teuntee meunan kri Meuguni-guni segala bagoe Timu ngon barat intat keu duli Han peue lon rawi maklum teungku droe

Ie krueng keureutoe ceukoe meujan-jan Ile dalam blang peunoh dalam lueng Sireutoh meuntroe ngon putroe sajan Nyang ulee kawan Alakah geukheun Meuntroe Alakah ka sah nyang uram Keupala sinan beuna tamaklum Diateueh guda rata meukandran Ngon rakyat sajan dan imum-imum Han peue lon peugah kisah that panyang Geubungka yohnyan intat cut buleuen Raja Juhan Syah neulangkah sajan Bandum beujalan ret ueh lam uteuen Na dua uroe geuwoe digobnyan Lheueh mumat tangan deungon cut meugleueng Cut Badariah lakee maafkan Deungon sulotan jijak meuteumeung Neuidin keu lon ampon jonjongan Ulon beujalan bek sapat meutheun Beuek seulamat bumangat badan Beutroh lon riwang sampoe u mideuen Cut putroe jimoe rangoe kon wayang Hate gundahan bungong siyueng-yueng Raja Juhan Syah peugah le teuman Bek le susahan he putroe buleuen Ulon leueng jaroe uroe ngon malam Seulamat jalan bek sapat meutheun Beujarak musoh beujeuoh syeetan Beutroh tariwang ngon lon meuteumeung Beutroh he putroe tawoe beureujang Nibak lontuan paleuet teulinteueng Oh troh bak ayah bagah tariwang Bek jeuet susahan ulon dimideuen Meunyo treb tawoe paloe lontuan He putroe intan lon tiek keurajeuen Habeh han habeh gaseh ngon sayang Keu gata intan nyang asoe neuuem

Geutanyoe dua hana bidaan Lon niet maknikam lon boh bak reukueng Meunyo roh gadoh reuloh kon wayang Mangat teureubang nyawong Tuhan tueng Meung hana putroe ngon kamoe sajan Dilon meulang-lang jeueb sagoe uteuen Meunankeu haba di raja Juhan Ie mata curam ile meujeuen-jeuen Beudoh le geuwoe sampoe u makam Keu bungong peukan deungo ulon kheun Oh cre ngon raja teuma beujalan Uroe ngon malam hana le leueueng Na peuet ploh uroe sampoe hat oh nan Pioh le teuman bak saboh uteuen Peuget ngon kimah bagah le teuman Nibak tidoran bek keunong ujeuen Tuhan teukeudi ka neubri meunan Bak tanyoe ensan han ek tamaklum Meuntroe Alakah leumah pikeran Hate cintaan keu putroe meugleueng Hate teugoe goe uroe ngon malam Galak kon wayang han ek le neutheun Han ek jikalon bangon lakuan Cuaca badan na bagoe buleuen Leumah muble-ble sabe jipandang Dimeuntroe suwang iku ka cateueng Meuntroe ka gila guda le syeetan Hate lam badan sabe meuhum-hum Dak jeuet ka jiwa teuma bak badan Dimeuntroe suwang akai that kureueng Meuntroe Alakah susah kon wayang Pakri jipadan beuek teulinteueng Sabe teugoe-goe lumpoe meujan-jan Beujeuet ka sajan jireugam-ruguem Teuma ka jijak ubak cut intan Dikeue hadapan jidong ka cateueng

Meuntra ka jidong rab bungong peukan

Bak jaroe simban ka jimat peudeueng Putroe teumanyong meukeunong ragam Gata lon pandang pakon jeuet hireuen Seuot le meuntroe meunoe lakuan Wahe cut intan deungo ulon kheun Hate lon rindu meujampu deundam Han ek lon pandang cuaca buleuen Gaseh he putroe jinoe beureujang Aneuk tulo plang neuci bri eumpeuen Tapeutroh hajat siat he intan Patot tasayang ka treb lam uteuen Taniet khanduri kupi sicawan Akan lontuan meung bek tapeutheun Maklum putroe beh jeuoh beujalan Tabri balasan cuba taseuleueng Patot that tabri he nyak Ti seudang Sabab lontuan pi ka treb meulheueng Oh hana lon ba nyan ma siagam Di lontuan ka tinggai baluem Patot meugantoe le putroe reujang Bek saket badan tajak lam uteuen Seuot cut putroe meunoe lakuan Pakon sukaan bak buet nyang hareuem Uroe akherat ingat salahan Neuraka jahnam nyan geubri buleueng Dalam neuraka teuma geuseumban Teutap disinan lam apui seuuem Watee tasukreuet han jeuet tekheun ban Nyawongteu geutran han ek tapeutheun Sang-sang nyum hanco teupuro badan Patah meukhan-khan ban bandum tuleueng Ingat he meuntroe mupaloe teuman Beuna sabaran nibak buet hareuem Meunankeu haba jeumpa meukarang Dimeuntroe yoh nyan teuma lom jikheun

Bek le tapeugah kisah that panyang Bek le habaran he putroe buleuen Bek roh mupaloe he putroe teuman Ingat cut intan bacut bumaklum Seuot di putroe meunoe lom ragam Barangkri padan dilon han kutueng Asai buet salah nyang teugah Tuhan Peujeuoh reujang bek le mubayeueng Walee tapaksa hana sukaan Nyawong teureubang rila ulon theun Hana ek daya sigala ensan Meung grak Tuhan nyawong lon neutueng Ka mate uroe han sampoe malam Ka troh bak tanggam hana soe peutheun Bah that digata meuhaba meunan Ulon takot tan tareugam peudeueng Hana lon takot janggot be eumpang Hana lon pantang miseue cateueng Lon teubiet bak ma dara kon agam Hana ubahan lagee ban lon kheun Meunankeu haba jeumpa meukarang Di meuntroe suwang meutamah seuuem Keu putroe cantek han ek jipandang Dalam barangjan iku jih cateueng Ka putoh asa muka ka masam Han ek jipadan cut putroe buleuen Ka meunyum malee lagee asee plang Leumah pikeran nyang brok mubayeueng Aneuk dua droe jaroe jireugam Teuma jireupang laju bak reukueng Ka jikoh takue meuhue-hue sinan Di meuntroe suwang bit akai bajeueng Pihak tan sampoe bagoe jipadan Jitem jak reupang manyak be kumeun Putroe ka jimoe rangoe kon wayang Jikheun meunoe ban teuma cut meugleueng

Sabab jikalon bangon laen ban Aneuk dua nyan ka putoh reukueng Wahe meuntroe beh pioh siat nyan Pakon jeuet meunan bagah that seuuem Digata tutong dilon roe wayang Pakon pikeran digata kureueng Ulon hai meuntroe bagoe boh mamplam Sikin tareugam bak jaroe uneun Jan-jan oh tasie diwie bek leukang Meunan tamselan dilon ho kuplueng Tapioh siat bek that gurangsang Sabab lontuan ban teuka buleuen Lheueh seuleusoe manoe lontuan Kri-kri tapadan hana le meutheun Cit ka hak gata sigala macam Tuboh lon pulang keu gata bandum Siat tasaba dua lhee malam Di meuntroe yoh nyan ka sret le peudeueng Han le jiganggu meulu meukarang Hate ka seunang ka gadoh seuuem Nibak jisangka haba cut intan Teuntee nyo meunan hana le meutheun Ka meuraseuki nibak jiwaham Aneuk tulo plang teuntee na eumpeuen Hana bu jithee meutipee uram Po bungong peukan narit that useueng Putroe jibeudoh bak teungoh malam Meunoe lakuan teuma ka jikheun Sinoe neupioh ka putoh kalam Lon teubiet keunan siat bineh lueng Ulon iek saket ceuret meujan-jan Bah lon jak buang dilee neupeutheun Neupreh disinoe dang kamoe riwang Bek le susahan kri-kri nyang neukheun Meuntroe jideungo ka nyo lagee nyan Jiidin teuman keu putroe buleuen

Didalam hate jipike ka can Nibak nyum sang-sang ka na lagee kheun Leupah that seuu rindu hana ban Dalam pikeran putroe meuteumeung Peukeumah ngon droe di meuntroe yoh nyan Keubah peukayan keubah le bandum Meung jipreh-preh woe putroe andalan Jinak peusimban reugam ngon ruguem Sinan jipioh jipreh troh riwang Di meuntroe yoh nyan iku ka cateueng Meung nyankeu putroe bagoe maknikam Bak teugah Tuhan bandum jipeutheun Bandum jisaba sigala macam Nibak salahan bek na be kumeun Putroe ka jijak tapak meulayang Seurah bak Tuhan bahla meuteumeung E ya ilahi Khalikon manan Gaseh ya Rahman ulon neupeutheun Lon neupeusiblah nibak salahan Bek roh jitawan uleh meulaun Putroe cok langkah minah disinan Laju beujalan keudeh lam uteuen Adak meung inong hana kong iman Laju disinan jieh teulinteueng Nyang na jiingat siat mangat nyan Hana pikeran keu jeuheut gob kheun Asai ka sampoe asoe bek reunggang Kri-kri ban padan laju ka jitueng Meunankeu bagoe binoe tan iman Hana jipantang nibak buet hareuem Keu Badariah ulon peugah ban Po bungong peukan jijak lam uteuen Troh saboh teumpat riwat meukarang Dalam seupot klam jijak tan leueueng Sidroe pancuri Zanggi geuboh nan Poh dua malam guda jipuplueng

Jijak ceumeucue peue-peue na barang

Jeueb-jeueb barangjan hana tom meulheueng

Malam meujaga simasa meunan Oh uroe teuman jieh meukuweueng Ngon grak Ilahi teukeudi Tuhan Meuteumee yoh nyan ngon putroe buleuen Laju jipeurab meuhadap yoh nyan Dikeue cut intan teudong le mupeung Teuma di Zanggi rawi meunoe ban Pakon he intan jeuet keunoe taplueng Meung ho tameung jak pirak teuupam Ho tabeujalan gata cut meugleueng Wahe putroe cut peue jeuetkeu meunan Dalam seupot klam lon ngieng mubayeueng Lon kalon sidroe keunoe beujalan Pakon roe jeuet tan na laen ureueng Jiseuot putroe meunoe lakuan Di ulontuan ka meuteumeung bayeueng Ulon ka sisat tan mupat jalan Nyang jeuet meulang-lang roh keunoe teusreueng Zanggi ngo haba suka kon wayang Jimat bak tangan po bungong seupeueng Laju jitarek peuek cong kandran U rumoh yoh nyan laju jibaplueng Ban troh u rumoh meh-moh hana ban Leupah gurangsang di Zanggi bajeueng Hate that suka ka na makanan Dalam pikeran meunan mubayeueng Got that meutuah langkah lontuan Sabab mulaan roh langkah uneun Tuhan teukeudi raseuki meutran Di ateueh jalan ka teutiek baluem Han tom nyang ka-ka padun lamaan Nyang meunoe macam dilon meuteumeung Nibak malam nyoe meuasoe reugam Puleh lon tuan badan ka seuuem

Pihak raseuki neubri le Tuhan Bit-bit lontuan roh langkah uneuen Jinoe mantong lon capek lon han ban Reuoh bak badan pi mantong paseueng Euntreuk oh puleh lon jak eh teuman Beusapat sajan deungon cut buleuen Meunan teupike sijahe suwang Nyang na ingatan keu buet nyang hareuem Teuma meuhaba sigra le reujang Haba meunoe ban teuma le jikheun Beudoh sambinoe jinoe sikarang Bek le disinan taduek meukuweueng Tajak eh leugat sapat lontuan Buka peukayan jinoe ban bandum Ulon pi rindu napsu ka simban Jak keunoe reujang he bungong seupeueng Gata raseuki neubri le Tuhan Ek roh meujantang ngon lon meuteumeung Han tom na dilee lagee meunoe ban Nyang ka beulakang ka jameun-jameun Bit-bit raseuki he nyak Ti seudang Watee lon pandang bulee lon cateueng Tabeudoh laju he meulu keumang Bek le disinan taduek teujeunun Seuot di putroe meunoe lakuan Han peue salahan lon patot buleueng Dilon pi rindu napsu lagee nyan Bek na susahan wahe e aduen Daleh ka sampoe keunoe lam reugam Di ulontuan han le roh lon plueng Ban-ban nyang suka hana meularang Tapi hai abang dilee neupeutheun Han peue neupike hate syok waham Lon beudoh keunan teuma lon suleueng Siat lon pioh meureuoh badan Saba hai abang dilee sinyawong

Teuma di Zanggi beureuhi han ban Jingo habaran beutoi ban jikheun Jijeb le arak ngon tuak sajan Nak leubeh garang asoeji seueum Dumnankeu jeuheut sifeuet lakuan Di Zanggi suwang galak nyang hareuem Laju le mabok meuanggok yoh nyan Gadoh pikeran keu putroe meugleueng Ban ureueng seudee ulee ka guyang Jigrob meulayang yoh nyan jiplueng-plueng Mata ka mirah ngon muntah sajan Beudoh cut intan jitron le uleuen Laju ka jijak meurak teureubang Jicok ngon kandran yoh nyan le jiplueng Hana jipioh seumeuloh bandrang Uroe ngon malam jijak ret uteuen Hingga ka sampoe cut putroe seudang Awa Sapahan nanggroe nyan geukheun Cut putroe haloh ka troh naggroe nyan Uroe ka malam tamong lam mideuen Teuma meuteumeung ureueng disinan Buya Pari nan meunoe le jikheun Meung ho tameung jak pirak teuhupam Lam malam-malam lon eu mubayeueng Jiseuot putroe meunoe lakuan Di ulontuan ka meuteueng bayeueng Ulon ka sisat tan mupat jalan Teukeudi Tuhan nyoe ho ka teusreueng Di Buya Pari jikheun kri teuman Sajan lontuan jak woe he buleuen Sayang lon kalon bangon gata nyan Sidroe beujalan didalam uteuen Gata pi binoe tan sidroe agam Bek le beujalan bungong siyueng-yueng Udeh tajak woe bak kamoe reujang Han get lakuan meunyo roh taplueng

Di Badariah meulangkah teuman Hana dakwaan na sapeue jikheun Sinyak sambinoe sampoe le yoh nyan Nibak rumoh nyan po bungong naleueng Di sinan teutap riwat meukarang Padum lamaan hana jiplueng-plueng Ngon grak Ilahi teukeudi Tuhan Buya Pari nyan meunoe le jikheun Wahe sambinoe pudoe maknikam Na saboh padan he putroe buleuen Geutanyoe dua ka kada Tuhan Ek roh mupasang ngon lon meuteumeung Ka kheundak Rabbon Khalikon Manan Nibak pikeran ngon lon peuteumuen Bah tameukawen canden geumilang Deungon lontuan he bungong seupeueng Bek roh tapubuet jeuheut lakuan Nyang teugah Tuhan nibak nyang hareuem Bah tameunikah nyang ceudah reumbang Pakri pikeran cuba jinoe kheun Seuot le putroe meunoe jikheun ban Hajat cit meunan meunyo teungku tueng Daleh pi lakoe di kamoe ka tan Han peue salahan han jeuet keu hareuem Ka bacut salah idah lontuan Baro beujalan na dua buleuen Oh habeh idah meunikah teuman Deungon lontuan ka patot bulueng Kamoe neukira hana nyang lapang Daleh lontuan pi ka teungku tueng Saboh siribee lon pangkee reujang Laen balasan hana be kumeun Daleh di kamoe ka na soe sayang Dak han lontuan ka meuteueng bayeueng Meung bek le susah ka sah meulabang Tanggoh lontuan bah habeh buleuen

Jinoe neusaba sigala macam Bek roh salahan tapubuet hareuem Geutanyoe dua cit ka grak tuan Mise maknikam ka roh lam baluem Meunankeu haba jeumpa meukarang Bagoe meunisan suara bandum Buaya Pari ngo ka nyo lagee nyan

Tanggoh cut intan dang habeh buleuen

Hana bujithee lagee simpangan Po bungong peukan haba that useueng Jipreh troh idah kipah meukarang Hate ka seunang hana le keng-keueng Di nanggroe Idi Pasi that gura Rumoh mubanja di Langkat Teumieng Akan pancuri Zanggi ceulaka Di rumoh tangga nyang ka meukuwien Ka puleh mabok oh trok kutika Cut putroe muda hana le jingieng Keunoe ngon keudeh habeh jimita Hana meuho ka po bungong karieng Pancuri paleh seudeh jiraya Tijoh ie mata ile nibak mieng Yoh nyan ka jimoe sampoe meu'a-'a Saba ka hana sinyak putroe Dien Hate keuliru teunu lagoena Ka putoh asa han le peue jingieng Seumpom-seumpom droe bagoe ka gila Muputa-puta meukuwien-kuwien Rata jibalek jiek u para Jijak pareksa po bungong karieng Dumnankeu bagoe ka jimoe subra Zanggi ceulaka oh watee tangieng Sabab hana le kande meucahya Ka payah jiba jikeumeung peusieng Tuhan teukeudi Siti meulia Han neubri cupa bak buet nyang khieng-khieng

Meuntroe Alakah lon peugah teuma Keunoe meuhaba sirimueng kuwien Jinoe geutanyoe jak woe bak raja Tapeugah haba putroe ka jiplueng Putroe hana le ka cre jibungka Hana meuho ka rata teungieng Aneuk dua droe paloe ka pahna Le putroe muda ka lheueh jipeusieng Meunan tapeugah ka sah bak raja Aneuk bandua tanom nak bek khieng Peuget ngon kubu laju beusigra Beudoh jak gisa sinoe bek taiem Di ulon sidroe jinoe tan gisa Bah lon jak mita po bungong karieng Kadang cit mantong bungong keupula Hana meuho ka bahle lon jak ngieng Bahle ron rawon kalon lam rimba Cut putroe muda kadang pat jiiem Meunan hareutoe meuntroe ceulaka Hate meugisa keu bungong karieng Rakyat duin jiwoe sampoe bak raja Tamong lam kuta meulaksa-laksin Dua jaroe ka sah nyang peugah haba Ngon jaroe dua jibot meulawin E deelat ampon ulon calitra Wasiet ulon ba meuntroe ka galieng Meuntroe ka geujak peutak lam rimba Ka geujak mita cut bungong karieng Sabab hana le kande meutia Samlakoe dua pi ka meukuwien Sinyak ka mate wahe meukuta Takue bandua ka keunong sikin Ka lheueh teukubu laju ngon sigra Kamoe neugisa teuma peue taiem Ulon jak bri thee nak teuntee haba Bek jeuet keu cupa meuntroe nyang galieng

Hana meusoe poh sinyak jroh rupa Sigo bandua sinan meukuwien Bak teungoh malam kamoe tan jaga Teungeut dum rata nyang jeuet tan neungieng Dalam malam nyan dalam klam buta Han le meuho ka po bungong karieng Kamoe dum susah ka sah sigala Ka tahe teuma oh watee meungieng Meuntroe ka palak geujak pareksa Bungong keupula pat nyang ka meuiem

Kamoe geuyue woe sampoe ban nyang na

Bek le lam rimba sabe geuyue iem Han jeuet mupike reule lam dada Tijoh ie mata bandum meujiem-jiem

Nyang jeuet di meuntroe sampoe tan gisa

Meung goh meujumpa sinyak putroe Dien Gob nyan tan geuwoe putroe pi hana Ka geujak mita jeueb ho geujak ngieng Cut bungong kawet rayeb dimata Hana meuho ka euntah pat geuiem Habeh hareutoe sampoe sigala Ube calitra bak meuntroesurieng Raja weueh hate ile ie mata Keu bungong jeumpa hana le neungieng Sabab putroe jroh gadoh lam rimba Beujeuet bak dada neutob ngon sikin Bahle bumate bek le bak donya Teubiet ie mata basah nibak mieng Han jeuet neuingat riwat jroh rupa Ngon aneuk dua pi ka meukuwien Hate sang bicah reubah le teuma Pangsan le sigra sang-sang ka teulien Labo ie mawo leungo anggeeta Teukeujot teuma han le meukuwien Muwoe ngon ingat meuhat ban nyang ka Neutron le sigra neucok ngon ladieng

Raja Juhan Syah langkah lam rimba Tinggai astana hana le soe ngieng Han le na ingat pangkat be raya Neujak lam rimba mita putroe Dien Tinggai keurajeuen mideuen ngon kuta Tinggai hareuta meulaksa-laksin Ka neuek paloh neubloh beuluka Han le neukira keu nyawong teulien Malam ngon uroe neumoe han reuda Teubiet ie mata sabe meujeuen-jeuen Oh tee takalon bangon ka gila Ngon bu han tom na pruet-pruet meukuwien Gaki mupaloe dum duroe seuba Bak badan ija mubee habeh khieng Raja Juhan Syah leupah seungsara Sayangteu raya meunyo na tangieng Lam uteuen seumak neujak tan reuda Bak meujak mita cut bungong karieng Badan ka pijuet ngon pruet ka buta Didalam rimba ka pulang-palieng Hanco that hate pike di raja Inong han le na aneuk ka teulien Kareuna meuntroe sampoe meuraba Harap binasa ka jipeugalieng Meung nyankeu ureueng geukheun beulaga Aneuk maniha akai that surieng Hana pikeran didalam dada Dum aneuk raja pi ka jipeusieng Di cong bak tuphah aneuk siwah dong Didalam leupon na eumpung bate Keu Badariah kisah teuma lom Po bungong siron jinoe lon rawe Nanggroe Aspahan disinan mantong Jiduek ngon jidong lam susah hate Leumah pikeran yoh nyan meurawon Han jeuet le lon dong sinoe dilon le

Akhe mupaloe rugoe meuteugom Yoh goh meutaron dilon meurante Meung roh meunikah ka leupah lom ghon Deesya lon teudong hana ampon le Sabab lakoe droe di kamoe mantong Bah tan lon kalon sabab ka cre-bre Kadang meuteumee teuntee teuma lom Di sinoe muprom hana guna le Bah le beujarak lon jak bumeusom Sabab yoh goh lom di lon meurante Jisok peukayan yoh nyan putroe jom Kupiah jigom nibak ulee le Meungui ban agam yoh nyan takalon Ngon ok ka jisom po bungong pade Leupah meukeunong po bungong siron Watee takalon cahya muble-ble Jitron putroe jroh tanoh jigidong Jitakot cugong hana jiduek le Tan na meung sidroe nyang na soe kalon Sinyak putroe jom disinan ka cre Jijak tan pioh ka jibloh panton Rata jirawon paya deungon gle Hana jihiroe duroe teudong-dong Gaki dum leungkom hana jipike Badan ka pijuet han jeuet takalon Sabab bu han tom hana makeuen le Sayang cut putroe asoeji ka bron Rata jeueb panton ka meute tuble Troh nanggroe laen canden jirawon Cut putroe kalon sang suka hate Bak saboh duson langsong le jidong Po bungong teuprom hana jijak le Jipioh sinan keumang on siron Cut putroe meusom nibak bineh gle U dalam kuta hana jirawon Takot mupangkhong ngon ureueng sabe

Meukarang-karang dalam bak madon Di dalam leupon na eumpung bace Di Damintoran sinan putroe dong Hana jirawon jinoe saho le Sinan ka teutap riwat rupa jom Cut putroe meusom nibak sagoe gle Sabab le ureueng bajeueng takalon Meuteugom-teugom nibak buet jahe Inong nyang ceudah babah ka teuplong Iku le teudong meujungkat sabe Saba tan malee lagee geuleugong Keunan jisong-song han jeuet jipike Baban peurangui cit bagoe sidom Han jeuet jikalon ie madu caye Hana jiingat leugat meuseumpom Sinan meukabom laju ka mate Sabe meulab-lab kilat oh malam Nibak ateueng blang eumpung daruet kleng Keu bungong riwat ayat lon ulang Di Damintoran sinan jipateng Cut putroe lale jipujoe Tuhan Uroe ngon malam ingat tan laen Hana jigundah ceudah peukayan Hana gurangsang bak buet nyang mireng Hana that rihon pawon ngon subang Hana sukaan keu ija licen Akan keu donya hana that bimbang Bukon mise ban nyan ureueng laen Di sinan teutap riwat meukarang Dalam sabaran cut bungong sunteng Raja ka mate tan le nanggroe nyan Padum lamaan goh lom na laen Susah di meuntroe uroe ngon malam Teuma mupadan laju geuduek dreng Soe taboh gantoe jinoe sulotan Nyang mat hukoman bek jeuet keu mireng

Ureueng jeueb sagoe hana soe timang Dalam dakwaan hana soe nyang ceng Narit le sidroe meuntroe andalan Nyang tuha sinan bak meuntroe laen Jameun-jameunkon kalon lontuan Gajah balohan geupeulheueh kayem Gajah nyang sakti nyang turi ruman Nyang jeuet sulotan jih nyan keureuleng Asai nyang jih ba hana dakwaan Ateueh lahtaan keunan jipeutren Oh ban geudeungo ka nyo lagee nyan Gajah le teuman laju geusalen Gajah geupeulheueh bak ret ueh teuman Ka jibeujalan jijak ho meuchen Gajah beurangkat teumpat cut intan Sampoe le keunan bak bungong lapeng Putroe jisudok jicok le yoh nyan Teukeujot han ban muka ka ceuken Jiboh nibak rueng buleuen geumilang Sampoe troh u blang ka meuntroe ireng

Geupeh deungon gong ang-ong ngon geundrang

Bunyi-bunyian meusu ngon suleng Rakyat meulaksa lingka cut intan Bandum sukaan oh jikeureuleng Jikalon rupa hana tamselan Sang-sang buleuen trang cahya mubreng-breng Peuduek bak batee kumbee on rihan Gajah balohan jidong le ngon geng

Jibot beurale teuntee meulayang

Horeumat cut intan ka meunan lazem Wazi ngon meuntroe jaroe u manyang Jingadap keunan bak bungong sunteng Lheueh jideelat horeumat sajan Surot beulakang bacut jipuseng Meuntroe nyang tuha haba meunoe ban Jaroe u manyang dua meugandeng

E Alam Syahi teukeudi Tuhan Kamoe bawahan hana jeuet paleng Wasiet bak raja masa saboh jan Di Damintoran deelat nyang mat ceng Jinoe ka sampoe gantoe sulotan Ngon kheundak Tuhan ka neubri laen Jinoe ka patot sambot peunulang Kamoe ikotan hana mupaleng Putroe le jaweueb seubut meunoe ban Deungon grak Tuhan di lon ka kutem Rakyat meuron-ron jitron le keunan Jiba haluen ban-ban nyang lazem Ban-ban nyang babat pangkat di gobnyan Macam dum macam meulaen-laen Nyang u ngon teubee meuribee karang Nyang ladom pisang keunan jipeutron Hana ulon boh ratoh that panyang Teutap disinan po bungong husen Peutimang nanggroe putroe andalan Hukom Kuruan jimat cut linteng Ureueng lam nanggroe jinoe insafan Bandum seumbahyang hana le laklem Nanggroe pi makmu meusyeuhu han ban Keunan dum datang sampoe ureueng Kleng Meuse Bagdad meusapat keunan Cina ngon Siam dan laen-laen Ureueng lam naggroe sampoe ka seunang Inong ngon agam hana le ceuken Pade pi ka doe sampoe dalam blang Meukuyan-kuyan hana soe bandeng Lawet cut putroe nanggroe jigeunggam

Ujeuen tan pirang oh troh bak musem

Sabe ade that riwat meukarang

Hana nyang irang meung bacut laklem

Akai pi jroh that sapat tan masam

Dum uleebalang bandum teukhem-khem

Judi ngon zina hana mubayang Bandum geularang nibak buet baten Nibak siuroe putroe pikeran Leumah ingatan didalam zihen Lon pangge keunoe nyan sidroe tukang Rupa lontuan bah lon yue salen Yue salen gamba rupa lontuan Bek na salahan bacut meulaen Lheueh cut putroe tanggoe pikeran Meusabda teuma cut bungong husen Yue pangge sampoe nyan sidroe tukang Peuget gambaran laju yue salen Ulon tagamba beusaban-saban Bek na ubahan bacut meulaen Tapi na bacut bek jeuet salah pham Haba lontuan bak gata baten Lon meurahsia bak gata tukang Bek na leumahan bak ureueng laen Meunan meuhaba cahya geumilang Laju le yoh nyan putroe meusalen Meungui ban dilee teuntee le reujang Han le ban agam cut puteh licen Teuma jigamba sigra le yoh nyan Jisaleuek ruman cut putroe linteng Oh sare leungkap siap gambaran Soe-soe nyang pandang sinan meutunggeng Dumnankeu ceudah han pat peugah ban Hadiah teuman bri bungong husen Putroe bri sinar teuma keu tukang Jiwoe le yoh nyan laju ka jitren Tinggai cut putroe pudoe maknikam Meunggui ban agam laju meusalen Lagee biasa ija seureuban Cut bungong peukan ka jisom baten Teutap cut putroe hana soe tuban Jisangka agam cut putroe canden

Hana teujalok sidroe syok waham Di Damintoran po bintang canden Kareuna rupa nyata ban agam Bacut tan soe pham rahsia baten Ateueh gle paru jimeusu meurak Di cong ceumpeudak unoe meusarang Lon balek buhu laju sikrak-krak Mangat meusigak nibak bacaan Haba lon ulang bintang meuhalak Nyang teuduek rancak ateueh tahtaan Teuma meusabda jeumpa meugumbak Haba jisawak bak uleebalang Tapeuget teumpat meuhat tatambak Bek jeuoh jarak beutoe ngon simpang Laju tapeuget beuget meusigak Teumpat tasawak saboh gambaran Meunan meuhaba cahya meubhak-bhak Peuget seunambak le rakyat yoh nyan Jiato tanoh pi jroh meusigak Teumpat ureueng jak bak simpang jalan Oh hase siap leungkap jitambak Cut bungong meurak meunoe habaran Nyopat gamba nyoe jinoe tasawak Kawai bak jarak disinan sajan Nyang jeuet tajaga gata bek jarak Watee ureueng jak beuna tapandang Soe-soe na taeu lagee nyang nampak Ureueng teungoh jak jidong ka mandang Oh taeu jimoe jaroe tasinthak Laju tabawak nibak lontuan Meunan habaran keumang on salak Lagee jipeujak hana soe tuban Rakyat jiturot rambot meukeuprak Gamba jisawak laju bak simpang Sinan jipeudong bangon meusigak Leumah meuhalak deuh ureueng pandang

Ureueng nyang kawai tinggai nyang krak-krak Peudeueng ngon tumbak ka leungkap sajan Sinan jijaga hana jijak-jak Hana tom jarak keumiet gambaran Teutapkeu oh nan haba nyan sikrak Laen lon peujak jinoe e rakan Haba lon ulang teuman lom ubak Masa putroe jak dilee beujalan Masa bak Zanggi sinyak Ti jijak Bak jiplueng sinyak masa saboh jan Bak Buya Pari sinyak Ti jarak Cut bungong meurak padum lamaan Lheueh nyan cut putroe sampoe ka jijak Jihayon gumbak u Zamintoran Di Buya Pari hate pi palak Leupah that rusak putroe ka hilang Habeh jimita rata jeueb sawak

Sapat tan nampak cahya buleuen trang

Di Buya Pari teuma jipeujak Hate that palak seutet cut intan

Hate that tutong jantong sang rusak

Teuma troh jijak u Zamintoran Sampoe bak gamba teuma ka nampak Buya Pari jak peurab le keunan

Ka deuh jikalon po bungong meurak

Sang-sang ka nampak putroe jipandang Jikheun le teuma haba meutimplak Ile mubhak-bhak ie mata yoh nyan Allah adek beh ka troh ulon jak

Nyoe pat ka nampak'e bungong peukan

Dilee ka hilang bintang meuhalak

Hate lon rusak uroe ngon malam

Nyoe ho meuteumeung taplueng ka jarak He puan pirak peue jeuet lagee nyan Janji ngon kamoe ka meunoe layak Dilee takheun hak akan lontuan

Allah he adoe sambinoe bijak Pakon tailak janji saboh jan Dilee ka tatem meukawen galak Lon preh-preh he nyak idah habeh nyan Oh meunoe-meunoe rugoe meuhalak Gata tapeujak tinggai lontuan Hana lon sangka gata roh jarak Bit-bit dilon hak ban Pak Beulalang Hana ulon thee lagee nyan layak Lon-lon ka apak jibeudoh kalang Allah adoe e hanco lon mubhak Sabab gata nyak han le lon pandang Rata lon mita gata jeueb sawak Uroe nyoe nampak lon kalon ka trang Buya pari moe bumoe meuhayak Ulee jisawak ateueh gambaran Sinan jiwa-wa hana le jarak Get that meusigak sang ureueng mumang Hana jithee droe lam asoe ka phak Dumnankeu galak jiwa gambaran Ureueng nyang jaga cit ka jisurak Jikalon layak laen lakuan Di ureueng laen jikhem meukhak-khak Sinan teungoh jak bak simpang jalan Di Buya Pari hana jipeujak Ka mireng utak jiwa gambaran Teuma jidrob le rante ka jisak Laju jibawak dalam tutopan Langet manyang bintang meuriti Bak cabeueng giri na abeuk got-got Lon ulang haba teuma keu Zanggi Dijih ka seui ate mupot-pot Sabab hana le kande meuriti Habeh jicari rata lam seupot Hana meuteumeung buleuen juhari Teuma di Zanggi muka sabe krot

Nibak jisangka ka na raseuki Tiong ngon nuri jikeumeung peulot

Ban puleh mabok sibok han sakri

Sabab sinyak Ti ka jipeulikot Ka putoh asa buya peunari Teukab ngon bibi ate mubot-bot Meuhasek ulee lagee geusundi Teuma di Zanggi langkah jibeuot Laju beujalan yoh nyan peureugi Hana meunyum gli lam uteuen seupot Ate meulayang sang-sang meurawi Nyang ka bak bibi makanan ka srot Habeh jeueb sagoe putroe jicari

Laju jiili meung ho-ho nyang srot

U Zamintoran yoh nyan peureugi

Keunan di Zanggi langkah ka meugrob

Sabab niet jeuheut nak pubuet keuji

Tuhan teukeudi ka neulhom kutok

Troh Zamintoran keunan di Zanggi

Deuh jieu siti teudong mupunjot

Oh ban jipandang ka trang sinyak Ti

Peurab laju pi keunan ka jigrob Teubiet ie mata hana beuranti Jinoe meu'i-'i disinan ribot Hana jituban gambaran siti Pungo di Zanggi beujeuet ka jikhob

Na tamse asee mubee nyang hanyi Galak han sakri taeu jigrob-grob

Sinan bak simpang guyang di Zanggi

Meunoe jikheun kri tango mupot-pot Allah sambinoe jinoe lon pakri Tatem peureugi nyoe ho mubapot Ulon takeubah kipah biduri Dilee tarawi get that meusambot Tapeungeut kamoe keunoe taili

Pakon puteh di keu ulon lupot

Hana ulon thee lagee meunoe kri Lon-lon ka seui oh tan bungong srot Rata lon tamong gunong lon titi Lon seutet nyak Ti lam uteuen seupot Hana tasayang keumang meulati Keu lon nyoe pakri he bungong rambot Beudoh tajak woe jinoe keumbali Bek le he nyak Ti sinoe mubalot Meunankeu haba buya peunari Gambaran siti hana jiseuot Bagoe ka seudee lagee meunan kri Yoh nyan di Zanggi laju jigrob-grob Get that keuliru seuu di Zanggi Hana jitukri sang-sang ka jigot Pancuri guda haba that keuji Malee hana pi sirimueng angkot Ureueng dum surak guyak han sakri Tan jipeuduli jingieng u likot Di Zanggi laloe jaroe jilili Bak gamba Siti sinan jigot-jigot Teuma jidrob le rante jigari Jimoe meu'i-'i baro teukeujot Dalam peunjara jiba laju pi Ngon Buya Pari sapat jipeulob Oh tee laparan makanan jibri Meunan mupeuti bak bungong rambot Meunan atoran didalam neugri Meunan raja bri hukom nyang patot Aneuk raja nggang teureubang u gle Aneuk rangkale jiwoe lam uteuen Keu raja Juhan Lok Ulang Rawe Gundah geupike keu bungong seupeueng Raja Juhan Syah lam susah ate Geujak dalam gle mubuleuen-buleuen Badan neupeusak ka phak bak pike Hana le ate neumat keurajeuen

Akan putroe cut han jeuet ingat le Ie mata sabe teubiet meugrum-grum Jeueb-jeueb simpang ret jak seutet sabe Po bungong awe hana mubayeueng Abeh jeueb rimba rata neurabe Abeh jeueb-jeueb gle gaki neusunyueng Luka ngon asoe jaroe meucungke Keunong bak awe nyan deungon kareueng Nyang deuek deungon grah han peue peugah le Adak ka mate meung peuekeu neukheun Raja Juhan Syah sang beukah ate Ka meute guble gobnyan teueng bayeueng Bajee ka beukah darah pi ile Lam suntok sabe neujak tan leueueng Dumnan seungsara di raja ade Sabab neupike keu sinyak meugleueng U Zamintoran yoh nyan ka sampe Teuma neudong le mata ka hireuen Ureueng meutamon teudong dum sare Rame bukon le sinan meulinteueng Peurab le keunan gob nyan yoh nyan le Leumah muble-ble deuh gamba ureueng Nibak neukira meutia kande Nibak neupike cut putroe buleuen Di raja Juhan sang leukang ate Ie mata ile meunoe le neukheun Wahe judo lon e payong page Pakon cut kande jeuet keunoe taplueng Nibak lon sangka hana lon eu le Lon rab-rab mate bak jak lam uteuen Allah he putroe asoe lon reule Get that meusampe e bungong naleueng Nibak lon kira gata hana le

E bungong awe han le meuteumeung

Allah he putroe rangoe lon pike

Lon jak dålam gle mubuleuen-buleuen

Meunan habaran pangsan laju le Raja meugule sinan teulinteueng Tajo le leugat rakyat dum sare Pangkee laju le keudeh jibaplueng U dalam kuta jiba yoh nyan le Po bungong pade ka tahe hireuen Ka nyo nyan lakoe cut putroe kande Ie mata ile teuma meugrum-grum Teubiet ie mata hana reuda le Didalam ate meunoe le jikheun Allah judo droe keunoe ka sampe Kusangka han le ngon lon meuteumeung Han jeuet kuingat nekmat meugule Sinyak ka mate ka jikoh reukueng Allah e judo hanco that ate Sampoe ek sampe keunoe mubayeueng Hana lon sangka seutia mate Neujak meurabe u dalam uteuen Mideuen ngon kuta hana ingat le Neujak dalam gle neutiek keurajeuan Han jeuet lon pandang leukang lam ate Ija ka cre-bre rata beukah dum Allah e judo kundo on awe Beukah that ate meunan rasa nyum Neujak seutet lon rawon dalam gle Gaki meucungke duroe ngon kareueng Pihak seutia mita lon sabe Tan ingat mate didalam uteuen Allah judo jroh reuloh that ate Oh tee lon pike sampoe meutemeung Meunankeu haba putroe meusyae Ie mata ile takalon jron-jreuen Ingat keu lakoe asoe nyum reule Han jeuet jipike ka meuteueng-bayeueng Di Badariah teuma peugah le Keunan neupangge meuntroe ban bandum

Jak leueng hamparan beureujang hase Tika meuuke sujoe meurubeueng Kaso meuplapeh tindeh beusare Bantai ngon sipre beudoh tajak leueng Meunankeu haba meutia kande Meuntroe peuhase teuma rata dum Oh cukop siap leungkap yoh nyan le Di raja ade teuma ka hireuen Didalam dada teuma geupike Teutapi lahe hana geukheun-kheun Jitron le meuntroe sampoe yoh nyan le Ngon raja ade jak mubri saleuem Lheueh mumat jaroe meunoe geurawe Teumpat ka hase keudeh neutimpeueng Raja Juhan Syah langkah laju le Didalam ate meunoe mubayeueng Teuntee na sinoe cut putroe kande Bak ulah mise lon peunyum-peunyum Lon kalon gamba pi ka muble-ble Bunoe lon pike sang bit-bit ureueng Bunoe lon pandang ka trang ngon lahe Cut bungong pade sinoe meuteumeung Di raja Juhan meunan teupike Hana neulahe sapeue tan neukheun Teuma neupioh ka troh keunan le Ngon teumpat hase ceudah ban bandum Jibet ngon hidang keunan ka sampe Di raja ade yoh nyan neumakeuen Meung bu neupajoh ka troh bak ate Han jitem let le sangkot bak reukueng Meung pruet ka buta sirasa mate Teuingat sabe keu putroe meugleueng Ngon haba ringkah lon peugah sabe Meung le tarawe hana get bandum Tatueng meukeusud nyang jeuet tapike Juhan Syah ade didalam hireuen

Neuluem rahsia mita kri hase Pat putroe kande meunan neuluem-luem Yoh neueu gamba ka mangat ate Neuduek neupike hana neukheun-kheun Sinan ka teutap deelat nyang ade Sajan cut kande hana neuplueng-plueng Meunan tiep uroe neuiem droe sabe Hana neuweh le disinan neuiem Tapula geutah tacah beuluka Peuget mubanja meuriti-riti Meuntroe Alakah lon kisah teuma Akai ceulaka aneuk Yahudi Jijak dalam gle ate sang luka Bungong keupula nyan jijak cari Kareuna galak sinyak jroh rupa Han teungeut mata sirimueng dodi Malam ngon uroe laloe meujaga Jijak tan reuda han tom beuranti Teuma ka sampoe u nanggroe Badan U dalam banda laju peureugi Laju jak mubloe meuntroe ceulaka Sidroe syeedaga teuma seumudi Pane deureuham nyan wang digata Na meucap nama putroe Juhari Nan Badariah ka sah meutanda Meung pat tamita cuba peugah kri Meung han tapeugah ka sah lon dakwa Teuntee nyo gata sabet pancuri

Peng nanggroe kamoe disinoe nyang na

Pane digata meung kon teumaki Deungon meuntroe Jam keunan ka teuka Jiyue drob teuma jaroe jigari Meuntroe Alakah beureukah teuma Dalam peunjara peulon teuma pi Umu simalam dalam peunjara Peuteubiet teuma sigra geusudi

Jipeugah teuman deureuham jiba Bukon di hamba lon curi-curi Kamoe nanggroe droe meunoe ban rupa Hana meutuka ka padum lawi Meunyo ka meunan kaman di gata Keudeh jak sigra bak teungku kali Tayue hukom droe soe-soe nyang beuna Nak mupat punca bek roh meutaki Meuntroe Alakah meulangkah sigra Jaroe bandua taloe meugari Sampoe bak teungku laju pareksa Bak asai mula laju geusudi Sinan tan putoh teudoh peukara Alakah jiba keudeh bak duli Meuntroe Alakah u Makah jiba Bak poteu raja di nanggroe suci Teuku meuntroe Jam sajan seureuta Mubantah dua dakwa ngon dakwi Oh troh bak deelat leugat meuhaba Deureuham jiba nama putroe Ti Nan Badariah ka sah sinan ka Ka meucap tanda wahe e duli Meung pat jicok nyan deureuham jiba Cuba pareksa he alam syahi Deelat tuanku laju pareksa Pane hareuta di gata soe bri Jaweueb Alakah peugah le sigra Di nanggroe lon ba wahe e duli Di naggroe Irak bawak di hamba Deureuham lon ba hana lon curi Sulotan Juhan Syah nyang meugah raya Peng nyoe meukuta nyang na geuasi Raja deungoran meunan calitra Tahe le sigra hireuen han sakri Han tom na hukom langsong meunoe ka Padum seun lama ka lawi-lawi

Sinoe han putoh teudoh peukara Jinoe tabungka keudeh peureugi U Zamintoran keunan tateuka Di sinan raja ade han sakri Meung buet nyang gayep sabet dum nyata Di sinan lanca han jeuet seumbunyi Raja keuramat sangat teupuja Sulotan muda hana soe ungki Di lon that hireuen lagee kheun gata Dua boh raja nama sinyak Ti Alakah meuntroe sampoe le jiba Ngon raja-raja sama sikali Lawet bak lawan keunan troh teuka Meuntroe Jam teuma laju peureugi Bak ureueng sinan pahlawan jaga Nyang duek di lua jaga meuligi Ulon troh keunoe sampoe lon bungka Di nanggroe Bada datang keumari Di kamoe hajat meungadap raja Kamoe ka dakwa nyan bandua si Lon jak meuhukom di lon bandua Jinoe lon neuba hadapan duli Pahlawan beudoh meh-moh le sigra Keudeh bak raja laju peureugi Beuot le jaroe sampoe bandua Pahlawan jaga meunoe le rawi E deelat-ampon ulon ka teuka Jamee di lua meuhadap duli Gob nyan meuhajat hadap meukuta Di nanggroe Bada datang keumari Sulotan Mahmud geuseubut nama Keunoe geuteuka ngon meuntri-meuntri Abeh peuneugah ka sah sigala Cut putroe muda meunoe jikheun kri Wahe meuntroe tanyoe bek cupa Raja nyan teuka horeumat tabri

Meunan habaran po bintang kala

Di meuntroe sigra jileueng lahori Oh cukop siap leungkap sigala Jipeuek raja jamee ban ili Teutap di sinan makanan jiba Ngon hidang raya peuduek keu duli Lheueh minoman makan ka leungkap Cut putroe muda keunan peureugi Jak seumah ayah kipah meutia Beudoh di raja horeumat ka neubri Ret noe ngon ret deh meutindeh muka Tapi di raja hana neuturi Meuntroe Alakah pi seumah raja Cut putroe muda horeumat jibri Teuma jisurot u likot sigra Ngon Jam bandua keudeh beudiri Maseng dum babat meuhat ban jeumba Ladom bak tika ladom keurusi Ban bandum seungap meuhat tan haba Sulotan Bada teuma peugah kri

Deelat ampon tanglong bak donya Kamoe nyoe teuka datang keumari

Meung jak khideumat deelat sripada

Ka troh ban pinta Tuhanku neubri Tapi na bacut lon seubut haba

Bak asai mula jinoe lon rawi

Ulon boh nanggroe sampoe di lon ka Yoh saboh masa wahe e duli

Ubak meuntroe Jam lon pulang teuma Deungon aneukda sama sikali

Hana lon woe-woe sampoe oh lusa

Bungong keupula saleh ka pakri Udep ngon mate hana lon kira Cut putroe muda han meuho ili Saboh kireman datang bak hamba Di dalam haba lon malee keuji

Han le di nanggroe putroe jroh rupa Hana meuho ka ka gob peulari Meunan habaran meuntroe Jam nyang ka Kirem keu hamba yoh masa lawi Na padum lawet ka treb bak lama Meuntroe nyoe dua ka troh peureugi Pasal deureuham teuma troh dakwa Sabab meutanda nama putroe Ti Nan Badariah ka sah sinan na Meuntroe bandua ka dakwa-dakwi Bak meuntroe Irak jijak u Bada Deureuham jiba nama sinyak Ti Nanggroe lontuan meunan cit tanda Deureuham sama bandua neugri Han jeuet lon timang pakriban cara Putoh peukara keunoe bak duli Sulotan Mahmud seubut calitra Ile ie mata po bungong giri Teuingat keudroe di putroe muda Masa lam rimba jikeumeung taki Aneuk ka mate tan le bandua Alakah beulaga akai that keuji Di. Badariah peugah le sigra Meuntroe bandua ancaman jibri Jiyue boh rante teuma le lanja Meuntroe ceulaka ka teuheng gusi Dua droe meuntroe meunoe meuhaba Peue cit nyoe raja ade han sakri Tanyoe jirante tan le pareksa Hukoman paksa nyoe ka teujadi Lom turon titah ka sah bak raja Sulotan muda yue meuhei Zanggi Laju peureugi Zanggi ka jiba Laju pareksa uleh sinyak Ti Wahe e Zanggi pakri digata Oh taeu gamba tamoe meu'i-'i

Jinoe tapeugah salah ngon beuna Bek meusom punca jinoe tarawi Seuot di Zanggi pakri digata Ampon meukuta nyang alam syahi Na sidroe inong meukeunong rupa Lagee ban gamba rumah sabab hi Ka lon meukawen ngeuren lon raya Ulon that suka wahe e duli Ubak rumoh droe lon puwoe teuma Meusuka-suka ka padum lawi Nibak siuroe lon rugoe raya Teungoh teuhanta ulon e duli Teuma ka jijak pirak meuupa Hana meuhoka laju peureugi Abeh jeueb sagoe ka kamoe mita Sampoe keunoe ka di lon kuili Sideh bak simpang lon pandang rupa Teuingat hamba akan esteuri Nyang jeuet ulon moe sampoe ngon subra Ceudah that guna keu ka jibri Seuot di putroe meunoe meuhaba Seb oh nan sahja wahe e Zanggi Cut bungong meulu laju meusabda Yue pangge teuma nyan Buya Pari Di Buya Pari teuma jibawa Hadapan raja keunan beudiri Teuma teumanyong cut bungong jeumpa Pakri digata hai Buya Pari Peue sabab tamoe sampoe meu'a-’a Oh troh bak gamba peue na teujadi Di buya pari jirawi sigra Ampon meukuta po alam syahi Nyang jeuet ulon moe sampoe oh subra Ka leumah nyata lon ngieng esteuri Ulon ka meh-moh beungoh ngon sinja Han meuho ka dijih jilari

Di lon that sayang keumang on capa Ube nyang ka-ka tan dakwa-dakwi Teuma ka hilang ngon tan kareuna Nyang jeuetkeu subra di lon e duli Meunankeu meunan macam jirupa Seuot le teuma sinyak putroe Ti Meung jeuetkeu oh nan bek panyang raya Beudoh bandua jinoe keumbali Meunyo inong nyan tunangan raja Bukon hak gata nyang jeuet jilari Meung bek tapeugah salah lagoena Nyang hana-hana bandum tarawi Di ureueng laen jikhem mubura Meunoe lom haba teuma sinyak Ti Gata dua droe jinoe jak gisa Inong nyan hana bek le tacari Sabab ka jiwoe bak po hareuta Bek le tamita jinoe jak ili Ureueng dua droe jiwoe le sigra Bak meuntroe teuma cut putroe sudi Ubak Alakah ka sah pareksa Juhan Syah raja keunan beudiri Raja Juhan Syah peugah le teuma Meuntroe di hamba wahe duli Estiri kamoe jinoe ho jiba Aneuk lon dua ho ka peureugi Raja Juhan Syah ka mirah muka Meuntroe ceulaka meutat-tat bibi Hana sapeue le jeuet rawe haba Badan ka geumpa bandum ka seui Sulotan Mahmud ka teungeut jaga Didalam dada pike meurawi Sang-sang cut putroe meuntroe nyoe bawa Yoh dilee masa ka padum lawi Raja Juhan Syah peugah le sigra Ile ie mata meusundi-sundi

Ampon e duli lon rawi haba Bak asai mula ulon peugah kri Saboh wakeutu meuburu rusa Didalam rimba kamoe peureugi Keudeh ngon keunoe kamoe jak mita Meuteumee hana teuma beuranti Laju mupioh ka troh kutika Kamoe dum dahga he ampon duli Kamoe mita ie meung sapat hana Didalam rimba rata peureugi Dudoe meuteumee yub kayee raya Kulam sinan na ceudah han sakri Cut putroe intan disinan jaga Lon puwoe teuma kawen teujadi Abeh lon tanyong bangon sigala Peue jeuet lam rimba sidroe peureugi Teuma jipeugah ka sah le teuma Bak saboh masa dalam meuligi Bak saboh malam meuntroe Jam teuka Putroe jipaksa jikeumeung taki Jisuet ngon peudeueng teuma keumeung wa Cut putroe muda jeunaweueb jibri Neupioh siat meung bek that goga Oh lheueh isya teuma barangkri Jak tueng ie seumbahyang keumang on mula Laju lam rimba keudeh jilari Di meuyub kayee meusilee sigra Sinan meujumpa di lon sinyak Ti Meuntroe Jam deungo leungo anggeeta Tuboh ka geunta jaroe ngon gaki Sulotan Mahmud han jeuet takira Ile ie mata neudeungo rawi Nyan baro neuthee jitipee daya Harap binasa sampoe ek jadi Di tuan putroe meunoe meuhaba Meuntroe bandua yue ikat gaki

Jiba le sampoe pasoe peunjara Meung ie han jiba meung bu han jibri Akhe bak akhe mate bandua Dalam peunjara abeh raseuki Dumnankeu bagoe meuntroe ceulaka Harap binasa jipubuet keuji Ingat he kawom duson ngon kuta Nyang meunan rupa bek na teujadi Bak buet nyang salah teugah Rabbana Bek that tageuma bak jeuheut bagoe Oh dudoe-dudoe paloe tarasa Cit nakeu sahja kutok Tuhan bri Oh tameurakan teuman bek cupa Beuna paulahra sama sikali Peurumoh rakan saban syeedara Seugitu bek na haba nyang keuji Lon ulang rawi siti jroh rupa Teubiet ie mata ile bak bibi Teuingat keudroe ngon meuntroe dua Didalam rimba masa peureugi Aneuk hana le mate bandua Ate that rugha po bungong sawi Cut putroe jiek lam bilek sigra Bajee jibuka sama sikali Ka jisok laen meusalen teuma Lagee ban nyang ka meungui sinyak Ti Peukayan agam simpan lam kama Lagee biasa mangat geuturi Jisok ngon subang intan meucahya Ngon ok pi teuma boh minyeuk wangi Lheueh meusalen canden meutia Wareuna muka ban bintang pari Lheueh nyan jitren tanglong meucahya Teuot ayahnda seumah sinyak Ti Raja Juhan Syah jak seumah sigra Ka hireuen mata baro geuturi

Ka geumomoe-moe hana soe publa Ban lhee sinan na laju meu'i-'i Di raja Juhan teuma meuhaba E putroe muda hana lon turi Nyoe baro teuhah leumah rahsia Hana lon sangka ka jeuet keu duli Di lon teujalok ka sok-sok sangka Lon eu bak gamba rupa putroe Ti E buleuen peuet blah meutuah raya Ek troh meujumpa sampoe Tuhan bri Allah judo lon meuuntong mata Deuh lon eu rupa gata putroe Ti Meunyo hana le kande meutia Di lon lam rimba teuntee meusundi Sulotan Mahmud lon seubut teuma Pulang sigala keu judo siti Pulang keurajeuen mideuen ngon kuta Teuma di raja laju peureugi Geuwoe u Makah ka sah yoh nyan ka Di raja tuha ayah putroe Ti Disinan laloe geupujoe Esa Han le geukira keu donya ini Han le geuharap keu pangkat raya

Han le geuhawa keu nama tinggi

Di Badariah kipah meutia Gantoe le raja geuboh suami Raja Juhan Syah ka sah keu raja Di rakyat teuma dum teuhing gusi Sabab jipandang ruman meutuka Jinoe ka dara rupa putroe Ti Dileekon agam gobnyan keu raja Le that bicara hana soe turi Bit-bit cut putroe han soe angkara Barangri raja han ek atasi Gobnyan sulotan agam ka nyata Inong ka teuma oh troh suami

Oh nankeu teutap rakyat meuhaba Ulon peugisa keu raja duli Keu raja Juhan pulang bandum ka Peugang neugara ban lhee boh neugri Nanggroe ka seunang aman seuntosa Kon lagee nyang ka ka lawa-lawi Rata jeueb pawok jitaklok raja Ate geumbira sama sikali Raja Juhan Syah meugah jeueb donya Bak mat neuraca ade han sakri Rakyat tan geudhot carot ngon rapa Sidroe tan geudra meung kon pancuri Di raja Juhan didalam suka Ngon putroe muda mabok beureuhi Tuhan bri seunang gobnyan bandua Ka seb seungsara cubaan Rabbi Sabab niet teupat meuhat lam dada Hana muputa itu dan ini Bandum geupulang ke Tuhan Esa Nyang deuh eu rupa jeuheut ngon keuji Na lhee thon meuhat neumat neuraca Ban lhee neugara hana meulisi Putroe meungandong langsong le teuma Kheundak Rabbana Tuhanku Rabbi Oh watee lahe kande jroh rupa Agam bandua ka lom Tuhan bri Bandua agam cit tan na dara Di poteu raja galak han pakri Ate ka seunang gobnyan bandua Gaunantoe ka na Tuhan teukeudi Lawet bak lawan Tuhan lom kada Cit hana daya nibak ensani Ka lom meungandong tanglong meutia Oh sampoe masa lahe Tuhan bri Nyan lom pi agam Tuhan karonya Aneuk di raja ceudah han sakri

Rayek le laju meulu jroh rupa Nibak ulama neuyue meungaji Jawoe ngon Arab neumat ban nyang na Ban lhee sampoe ka meunan Tuhan bri Donya akherat leungkap sigala Euleumee mintra han soe atasi Ngon haba ringkah lon peugah sigra Hana le gura meung panyang rawi Oh sampoe umu meulu jroh rupa Ban lhee aneukda nanggroe ka neubri Keurajeuen sidroe bak nanggroe Bada Aneuk nyang tuha disinan duli Di nanggroe Irak sinyak keudua Disinan raja pi bintang pari Di Zamintoran ma nyang keutiga Dum maseng jeumba meunan ka neubri Di raja Juhan dalam astana Ngon putroe dua neupujoe Rabbi Uroe ngon malam dalam takua Han le meukira keu donya ini Meunan riwayat meuhat sigala Wahe syeedara ka tamat rawi Bandum ka abeh rinteh ban nyang na Han le pat mita oh dudoe pakri Han le lon tuban cit oh nan sahja Keunarang hamba sama sikali Tamat riwayat tamat lon rika Meuah syeedara keueueng ngon hanyi Leubeh ngon kureueng bandum sigala Pat-pat na haba nyang hana meukri Meuah deesya lom kawom pat nyang na Bek jeuet keu cupa ayeb dan keuji Haba ka jameun bandum calitra Lon salen teuma bek jeuet keu basi Lon balek buhu ngon lagu sahja Soe-soe nyang baca ka teupat rawi

Karangan jameun bandum muputa Han mupat punca ujong han meukri Buhu lon balek titek lon tuka Nyang ka udep A lon boh mate I Mangat meukeunong bangon sigala Mise umpama sira ngon campli Tajampu-jampu laju le sigra Adok lom teuma asam boh sunti Laen nibak nyan bawang halia Tatamah lada aweueh bacut pi Minyeuk boh bacut bak jeuet meurasa Meunan umpama haba lon rawi Meunan meukeusud buet kamoe tuha Bak karang haba cit le that cakri Nyang leupah ceudah Seulawah Dara Nyang leupah gura gunong Meurapi Teungku Abdullah ka sah nyang rika Di Kutaraja jinoe e akhi Di Jirat Manyang disinan pi na Meurumoh tangga di tanoh Pasi Oh nan e kawom bak lon sibanja Ka abeh haba oh noe beuranti Deungon wassalam akan syeedara Saleuem bahgia horeumat lon bri ****

23571984

bpPN BALAI PUSTAKA — JAKARTA