ee

823

N

Milik Departemen P dan K Tidak diperdagangkan Untuk umum

Hikayat

Eelia Tujoh

Ramli Harun

Departemen Pendidikan dan Kebudayaan

BIBLIOTHEEK KITLV

0049 9887

ee.823=N PPS/Ac/2780 Mlk Dep. P dan k

Hikayat

EELIA TUJOH

HIKAYAT EELIA TUJOH

RAMLLHARUN

Departemen Pendidikan dan Kebudayaan PROTEK PENERBITAN BUKU SASTRA INDONESIA DAN DAERAH Jakartà 1961

HOUUT ALJEE TAYAZIH

ee-823-N Milik Dep. P dan K PPS/Ac/2/80 Tidak diperdagangkan

Hikayat

EELIA TUJOH

Diterjemahkan oleh RAMLI HARUN

Departemen Pendidikan dan Kebudayaan PROYEK PENERBITAN BUKU SASTRA

INDONESIA DAN DAERAH Jakarta 1981

3ab9

tsvsxi

EEUUT JOH

Diterbitkan oleh Proyek Penerbitan Buku Sastra Indonesia dan Daerah

Hak pengarang dilindungi undang-undang

dalo asldsmemia U MS

800y

aesyabudsX nsb saxiblbno9 asmahegsC R B A H V 1891 shalel

KATA PENGANTAR

Bahagialah kita, bangsa Indonesia, bahwa hampir di setiap daerah di seluruh tanah air hingga kini masih tersimpan karya-karya sastra lama, yang pada hakikatnya adalah cagar budaya nasional kita. Kesemuanya itu merupakan tuangan pengalaman jiwa bangsa yang dapat dijadikan sumber penelitian bagi pembinaan dan pengembangan kebudayaan dan ilmu di segala bidang. Karya sastra lama akan dapat memberikan khazanah ilmu penge- tahuan yang beraneka macam ragamnya. Penggalian karya sastra lama yang tersebar di daerah-daerah ini, akan menghasilkan ciri-ciri khas kebudayaan daerah, yang meliputi pula pandangan hidup serta landasan falsafah yang mulia dan tinggi nilainya. Modal semacam itu, yang tersimpan dalam karya-karya sastra daerah, akhirnya akan dapat juga menunjang kekayaan sastra Indonesia pada umumnya. Pemeliharaan, pembinaan, dan penggalian sastra daerah jelas akan besar sekali bantuannya dalam usaha kita untuk membina kebudayaan nasional pada umumnya, dan pengarahan pendidikan pada khususnya. Saling pengertian antardaerah, yang sangat besar artinya bagi pemeliharaan kerukunan hidup antarsuku dan agama, akan dapat ter- cipta pula, bila sastra-sastra daerah yang termuat dalam karya-karya sastra lama itu, diterjemahkan atau diungkapkan dalam bahasa Indonesia. Dalam taraf pembangunan bangsa dewasa ini manusia-manusia Indonesia sungguh memerlukan sekali warisan rohaniah yang terkan- dung dalam sastra-sastra daerah itu. Kita yakin bahwa segala sesuatunya yang dapat tergali dari dalamnya tidak hanya akan berguna bagi daerah yang bersangkutan saja, melainkan juga akan dapat bermanfaat bagi seluruh bangsa Indonesia, bahkan lebih dari itu, ia akan dapat menjelma menjadi sumbangan yang khas sifatnya bagi pengembangan sastra dunia. Sejalan dan seirama dengan pertimbangan tersebut di atas, kami sa- jikan pada kesempatan ini suatu karya sastra daerah Aceh, yang berasal dari Museum Banda Aceh, dengan harapan semoga dapat menjadi pengisi dan pelengkap dalam usaha menciptakan minat baca dan apresiasi masyarakat kita terhadap karya sastra, yang masih dirasa sangat terbatas.

Jakarta, 1981 Proyek Penerbitan Buku Sastra Indonesia dan Daerah

RAD ATAR ib dmeab qahsa ib viqmar awded sieanobal agoad .adiz dalaigadss emat aves ael-aei apgmizo msm ina anid s denet doube aum2 ao avabud e aaa avasd ab ae aabab lqab 0 ad amla et aacm aab aknba091 0gnadm00 8a6 a0mg 34d 0mamq ao

.800b16 2|4904 1| .m2
ge mi raresal deanodmem laqab aaa emal sae sva2 5m8l eu2 v102 aa08m29 .0va0881 m826m 62561d 808 au61 aeda nbn maaaaaa aaás ai demab-daah ib msais gnay nasbaal aa qubid aąnabtaq alug buqihm gay denáb onavabudes

smdpalnbbeust evaoa njaom

e daa d 0

.avaevadl abaq aabibaoq adagg aab .evammo abaq 1anoian

26 876 1829d 16802 300 4b6 00594 8012

mt mqab eala emnge mab udunatas qebid aenulun nesisilamo aa-ma maab umor áamab a-sa ald cuq q ni szaded maieb meqséguib uaa nelamsksnb a sal stesa aieuam-áiun ka we sed agnedmq siat mste .anob -m6mł gmey deinado1 nszhaw leoe naahomom dug3aue sbsnoboi symuma slegs apd nbay a u damab aa-smaa malab goub datab ed abugd aae avaer sbi svameeb hab ag agab aa aad iackaamed legeb asa sui malnishem sie aallnened guav amaa ab nae a ukb alaaed anoba gued do aae maaadmgaoq iaed scalaliz eak gnsy magnedme lansm aimub a2 imal .aata ib audse nesnadmiheq asgnsb amaiba aab melais2 l a al as sbe ibatnea laqeb agomoé aeia asmb d abas8 muou hab nab soed tanim aslaqiosm araau msiab qalgesbog asb iigneg sasnib diem goey aus sviad qebadot ss llsnavam keioa

.261μd151 189082 1801 .amalet
an2 0u8 amdmds9 22v019 demkd aab dlnobal

RINGKASAN HIKAYAT EELIA TUJOH

Cerita ini dimulai dengan peristiwa tiga orang yang terkurung dalam sebuah gua. Sesudah masing-masing mereka menyatakan perbuatan baik yang pernah mereka lakukan dan bermohon kepada Tuhan supaya amal mereka diterima, maka akhirnya pintu gua itu terbuka. Kemudian cerita tiga orang Yahudi datang kepada Khalifah Umar menanyakan beberapa masalah yang kalau dapat dijawab mereka akan masuk agama Islam. Dengan bantuan Ali bin Abi Talib semua pertanyaan orang Yahudi itu dapat terjawab. Antara lain ditanyakan dengan apakah pintu langit dibuka dan ditutup. Ali menjawab bahwa langit dibuka dengan mengucap dua kalimah syahadah dan ditutup dengan syirik. Ketiga orang Yahudi itu mendengar jawaban yang tepat itu segera masuk agama Islam. Kemudian orang-orang Yahudi itu menanyakan tentang tujuh orang yang tidur selama 309 tahun dalam sebuah gua yang kemudian bangun kembali. Ali mengatakan bahwa cerita itu berasal dari kitab suci al-Quran yang ringkasannya sebagai berikut: Ketika sebuah kerajaan di negeri Rumawi diperintah oleh seorang raja yang beragama Islam, hidup tujuh orang anak muda yang taat kepada agamanya. Di masa itu ada seorang penggembala yang tidak beragama bernama Dikyanus. Pada suatu hari ketika Dikyanus menggali sumur untuk mencari sumber air buat ternak- nya ia menemukan sebuah peti berisi emas permata yang menurut keterangan seorang ahli, harta itu adalah peninggalan Karun yang terpendam bersama hartanya dahulu kala karena ia tidak mem- bayar zakat. Dikyanus menjadi kaya raya dan dengan kekuatan hartanya ia memberontak terhadap raja yang memerintah. Akhirnya ia menjadi raja. Diantara yang menjadi pembantunya ialah enam orang pemuda Islam. Karena haus kekuasaan akhirnya ia meminta kepada rakyatnya untuk menyembahnya sebagai Tuhan. Sesudah beberapa lama berkuasa anak muda itu merencanakan pembunuhan terhadap Dikyanus karena mereka tidak setuju Dik-

yanus menuhankan dirinya. Tetapi rencana mereka diketahui oleh Dikyanus dan akan membunuh keenam anak muda yang telah berkhianat kepadanya. Salah seorang diantara keenam anak muda itu yang bernama Tamlikha mengetahui rencana raja. Merekapun memutuskan untuk meninggalkan negeri itu. Dengan modal harga sebatang pohon yang dijual oleh Tamlikha mereka berangkat diam-diam. Di tengah jalan mereka bertemu dengan seorang anak muda yang kemudian mengikuti mereka. Ikut pula seekor anjingnya. Ketujuh pemuda itu sampai di sebuah gua di daerah pegunungan. Mereka masuk ke dalam gua itu dan anjing mereka menjaga di pintu. Dengan kehendak Tuhan mereka tertidur nyenyak dalam gua itu, sementara raja Dekyanus sudah memerintahkan rakyatnya untuk mencari dan membunuh keenam pemuda itu. Sampai raja Dikyanus meninggal mereka tidak di- ketemukan. Tiga ratus tahun sudah berlalu. Di masa itu negeri diperintah oleh seorang raja Islam bernama Abdurrahman. Ketika itulah ketujuh pemuda itu terbangun. Mereka merasa lapar dan Tamlikha yang masih mempunyai simpanan uang pergi ke pasar secara diam-diam untuk berbelanja. Tetapi alangkah herannya ketika ia melihat scmua sudah berobah. Di pintu masuk sebuah lapangan tertulis kalimah syahadah dengan Isa sebagai Rasul. Dengan petunjuk seseorang ia sampai di pasar. Dari orang itu ia mendapat penjelasan tentang nama bandar dan raja negeri itu. Tamlikha meminta tolong kepada orang itu untuk membeli makanan dengan menyerahkan uangnya. Orang itu heran melihat mata uang lama. Tamlikha mengatakan bahwa uang itu diperolehnya dari menjual pohon kayu dan pergi menyembunyikan diri di dalam gua karena hendak dibunuh oleh raja Dikyanus beberapa hari yang lalu. Orang itu mengatakan bahwa raja Dikyanus berkuasa 309 tahun yang lalu. Berita aneh itu tersiar luas sampai kepada raja,yang segera memeriksanya. Tamlikha menceritakan segala yang terjadi atas diri mereka. Raja beserta pembesar-pembesar negeri pergi bersama Tamlikha ke gua tempat mereka tidur untuk menyaksikan kekuasaan Tuhan yang ajaib itu. Menjawab pertanyaan raja, di antara pemuda

itu ada yang mengatakan bahwa mereka baru tidur satu setengah hari, yang lain mengatakan baru satu hari. Raja Abdurrahman menjelaskan bahwa mereka sudah tidur selama 309 tahun. Ketika raja mengajak mereka pulang ke tempat mereka masing-masing mereka menolak dan ingin menetap terus di dalam gua itu. Ketujuh anak muda itu berdo'a agar Tuhan segera mencabut nyawa mereka. Selesai berdo'a ketujuh anak muda itu meninggal. Di pintu gua itu raja memerintahkan supaya dibangun sebuah mesjid untuk keperluan orang-orang yang akan berziarah.

Jakarta 31-8-1981

Diterjemahkan dan diringkaskan dari naskah berbahasa Aceh oleh: Ramli Harun

HIKAYAT EELIA TUJOH Bismi l-lahi r-rahmani r-rahim Tujoh boh isem nyang that mulia Ibnu Abah nyang po riwayat Jeuet keu ubat tamse peunawa Sabda Nabi saiden karim Tujoh isem neuyue aja Neuyue peurunoe kanak-kanak Na meung jarak mara baya Bek jeuet jipeurab iblih laknat Deungon beureukat nama Eelia Antara Isa deungon Muhammad Ureueng nyan meuhat saboh masa Dalam tapeuse geuriwayat Nan got sipheuet geupeunyata Suraton Kahphi bak juh Sobeuhan Di sinan teelan lahe nyata Padum-padum na peureuman Tuhan Peungajaran keu Nabi kita Ureueng nyan tujoh lapan ngon asee That meuteuntee kalam Rabbana Aseuhabon Kahphi ureueng tujoh Beurangsoe troh jarak baya Sangkira tasurat nibak rumoh Peunyaket gadoh jioh bala Adat geutet rumoh han tutong Tuhan tulong ngon seubabnya Dum pancuri han jeuet jikarat Seubab beureukat nama eelia Ngon raseuki keumudahan

Karonya Tuhan Rabbon Sama

Sangkira tasurat nyan bak bidok

Han le dudok beurangjan masa

Han le karam dalam laot Beuthat ribot nyang lageena Jarak tupheuen jioh bakat Deungon beureukat nama eelia

Hana Tuhan bri geutanyoe meukarat Ngon beureukat asoe guha Aneuk miet moe nyang that kayem Tasurat isem tujoh nama

'Oh lheueh tasurat bak keureutah Teuma takeubah bak teumpatnya Atawa taboh dalam bantai Han le sagai jimeujaga

Jimoe han lejieh mangat Seubab keuramat nama eelia Bek han tasurat wahe sabat Kasiet le that Tuhan karonya

Ureueng nyang meugoe nak got pade Tasurat le nama mulia Tasurat bak kayee harah beukeunong Di teungoh umong nyan tapula

Sigala peunyaket han le keunong Tikoh ngon geusong han le jilangga Ubat mumang pi sit jeuet that Nyan tasurat beukeunong kutika

Bak jaroe uneun nyan taikat

Karonya halarat sijuek angeeta Mumang gadoh tuboh mangat Ngon beureukat nama eelia

Ureueng nyang bunteng jeuet sukaran Tasurat teelan singra-sigra 'Oh lheueh tasurat teuma talipat Lheueh nyan taikat bak uram pha Bak pha uneun nyan taikat Tulong halarat budak keulua Budak teubiet deungon mangat Karonya rahmat Tuhan Asa Aneuk ngon nang jeuet seulamat Deungon beureukat nama Eelia Sangkira tame bak meuhukom Meunang he kawom jinoe gata Beutangui surat wahe teelan Keunong atoran narit gata Bak sapai uneun nyan taikat Meunang meuhat dawa gata Beuta pateh sunggoh-sunggoh Sit beutaboh bak keupala Sit beutangui beuranggajan Karonya Tuhan jarak bala Sangkira gata raja boh salah Keunong amarah teumeureuka Teuma'oh tajak tangui surat Meu'ah meuhat han le meureuka Akai peunoh soe nyang surat Leubeh pangkat lagi ngon kaya Sangkira tabri bak inong madeueng Burong bajeueng han jeuet jidaya Han jeuet jijak umi sebeuyan Meuteumee meunan dalam sabda Umi sebeuyan inong syeetan Jidaya ensan budak keulua

Meung na surat jarak jih that Deungon beureukat nama mulia Paidah le that han ek peugah Malingkan Allah nyang ek hingga Jeueb-jeueb rumoh beuna tatroh supaya jioh mara baya Wahe kawom tatroh surat nyoe Aduen adoe dum beurata Adat han jeuet tasurat keudroe Taupah adoe tabri beulanja Ka han jeuet droe gob taupah Beulanja taboh dum sikada Bek keuh tasyen upah tabri Meung han pakri meuteumee laba Deungon seubab tatroh surat Neubri beureukat bak areuta Ngon raseuki keumudahan Seubab teelan nama mulia Raseuki mudah baya gadoh Soe nyang na troh nama eelia Beureukat kramat isem nyang tujoh Tuhan peutroh ban nyang sabda Sobhanallah wabihamdihi Maha suci Allah Ta'ala Gadoh beunci teuka gaseh Meung tapateh kalam Rabbana Sobhanallah walhamdulillah Nyoe lon kisah nama eelia Tuhan tulong nibak malang Jinoe lon karang seun sibanja Lon tueng beureukat nibak guree Lon tueng teurajee bak ulama

Ulon peu-Aceh juh Sobeuhan Tulong Tuhan beuek leungka Supaya muphom bak ureueng dungee Nyang na eleumee dum sikada

Deungon mukjizat sigala nabi Bak Tuhan bri iman samporeuna Kalam Tuhan beu ek lon seuon Hingga ajai lon hilang nyawa

Deungon beureukat kalamullah La ilaha illallah beu ek lon kata Watee sukreuet neubri seulamat Soe nyang ingat kalimah mulia

Deungon beureukat ayat Kuruan Peureuman Tuhan nyang mulia Peureuman Allah dalam Kuruan Dumteuh teelan bek talupa

Qala l-lahu Ta'ala: Amhasibta anna ashaba l-kahfi wa r-raqimi kanu min ayatina 'ajaba Neudeungo nibak 'Ujnon Na'im Makna Rakim nyang calitra

Lhee droe ureueng weh di gampong Jak lam gunong meudiwana Teukeudirollah meuleuha kudrat Nyum rhet langet atueh keupala

Ban jikalon lalu jiplueng Seun rot meuteumeung saboh guha Guha batee sangat indah Jitamong pantah sigra-sigra

'Oh sare troh jih u dalam Rhet le meugom pinto guha Guha teutop nyan ngon batee Pakri lagee lheueh u lua

Laiu jimarit sabe keudroe Pakri geutanyoe teubiet u lua Beuranggakri han ek tailah Meung kon bak Allah tamupinta

Peue na amai Tuhan teurimong Jinoe tatueng sinan pahla Talakee bak Allah dumteu jinoe Beuleupah geutanyoe nibak guha

Cuba taingat dum geutanyoe

Tangadu droe bak Rabbana Kri cit narit teuma nyang sidroe Geuhareutoe bak nyang dua

Tadeungo adoe lon hareutoe

Masa saboh roe lon keurija

Nibak peunyum lon moseutajabah Jinoe lon peugah bak Rabbana

Lon peuupah gob pubuet amai Lon bri pangkai ngon beulanja

Ban nyang maklum lon bri meuhat

Ulon peuadat beurangjan masa

Bak siuroe upah ka meuhat Meunan adat lon keurija Nibak siuroe Tuhan teukeudi Sidroe paki nyan jiteuka

Rupa pigot saleh han soe Ureueng lakoe that takuwa Ulonteu peudong lon yue ibadat Upah meuhat ulonteu peuna

Ulonteu kheun bak ureueng nyan Tadong kaman sinoe gata Taibadat sikhan uroe Upah dumnoe kubri keu gata

Sadum ngon upah nyang siuroe Tadong sinoe muda balia Lheueh nyan jidong sikhan uroe Tuhan jipujoe hana reuda 'Oh trok bak hat sikhan uroe Jilakee droe nyan jigisa Lon bri upah ban nyang janji Lalu paki ka jibungka Ureueng nyang dilee teuma sudi Padum na tabri keu muda balia Teuma lon peugah ban nyang lon bri Beungeh paki nyang peutama Ulon nyang pubuet siuroe suntok Sadum cit tajok lagoe belanja Yoh nyan ka beungeh bukon bubarang Paki jiriwang ka jibungka Tinggai upah jih jiboh droe Ulonteu dudoe sosah raya Upah nyang tinggai leumo lon bloe Oseuha droe lon peulara Jimeuaneuk hana teudoh Hingga troh ploh peunoh blang raya Padum lawet akhe dudoe Ureueng saboh roe lom ka teuka Umu tuha sangat la'eh Thatkeuh leumoh jeueb angeeta Lalu jingadab bak lon sidroe Upah saboh roe nyan jipinta Leumo pi le jeuet bak ulon Ka troh rukon bak lon kira Ulon peujok teuma upah Leumo barollah milek gata

Teuma jikheun lon peuwayang Hana sayang lon ka tuha Ulon meusumpah wallah billah Sabet nyo sah milek gata Lon peugah hai keulakuan Di asai phon lon calitra Teuma jipuwoe leumo habeh Sit lon gaseh hate suka Nyankeuh amai lon he teelan Nibak Tuhan lon tueng pahla Ya Tuhanku tadeungo kamoe Lon pubuet nyoe keureuna gata Ya Ilahi wa ya Rabbi Keu lo neubri jalan keulua Meunyo ekeulah amai lon nyoe Beuleupah jinoe nibak guha Kalam pi rhet nyan di babah Gunong pi crah peungeuh teuka Baro leumah cahya uroe Jiyue lom dudoe bak teelannya Cuba digata mohon bak Allah Kadang mee teuhah pinto guha Teuma meututo sidroe teelan Dilon pi rakan bah lon cuba Dilon pi na saboh amai Peureubuatan utong muda Bak saboh masa yoh saboh roe Deuek that nanggroe makanan hana Makanan le bak lon sidroe Laen sinaroe han sapeue na Inong dara teuka bak kamoe Ngon sambinoe jroh that rupa

Rupa that jroh hana lawan Tamse intan jiplueng cahya Jijak gade bak lon makanan Yoh masa nyan peue hale na Jilakee makanan bak lon sidroe Dara sambinoe jroh that rupa Peue na makanan teungku jinoe Ulonteu nyoe lapa dahaga Adat na makanan neubrijinoe Deuek uroe nyoe hana tara Suara mangat han teupeugah Rupa indah sang meutia Rupa sambinoe jroh that laku Ulon napsu teuka hawa Teuma lon kheun bak ureueng binoe Ulonteu nyoe napsu keu gata Tadeungo ulon po sambinoe Ulonteu nyoe teuka hawa Nyang keu gata hate lon that Peue nyang hajat ulon peuna Meung tapeutroh hawa lon nyoe Beuranggapeue jinoe lon bri keu gata Deumi jideungo lon kheun laku Neupreh teungku sikleb mata Lon jak tanyong bak suami Meung ka neubri ulon teuka Ureueng binoe jiwoe ninan Jijak kheun yoh nyan bak judonya 'Oh sare troh bak suami Jitanyong kri pantah sigra Habeh jipeugah gob meukeusud Lakoe jiseuot peue salah na

Ka jilakee jakleh tabri Mubek mate aneuk cut raya Lheueh nyan jijak ureueng binoe Janji bunoe ka jirila Teuma lon kheun bak ureueng binoe Taek keunoe sigra-sigra 'Oh sare troh jiek bak ulon Laju jilhon leumah angeeta Jitumpok ija leumah eerat Lon maken that teuka hawa 'Oh sare rab ulon keunan Yo jih yoh nyan miseue geumpa Teuma lon kheun bak ureueng binoe Pakon meunoe yo anggeeta Ureueng binoe teuma seuot Seubab lon takot keu Rabbana Ngon leumah-leumbot nyan jiseuot Jikheun jitakot keu hak Ta'ala Seubab lon takot nyan ke Tuhan Leungo badan yo anggeeta Deumi lon deungo meunan jipeugah Dilon pi sosah hate lam dada Leumoh ngon tuboh teumakot hate Lon tanyong le pantah sigra Pakri tatakot nyan keu Tuhan Lon sukaran hana tara Ureueng binoe lom jiseuot Leumah-leumbot ngon suara Allah he teungku lon takot that Seksa sangat lam nuraka Nyankeuh seubab leungo badan Lon takot keu Tuhan teumeureuka

Peue jeuet magat teungku jinoe Page dudoe keunong seksa Teuma lon kheun bak inong nyan Bit kong iman that digata Lheueh lon kheun nyan teuma dudoe Lon pi han soe teumakot raya Ulon takot keu poteu Allah Teuka gundah hate lam dada Lon tob eerat buet han jadeh Teuma lon weh pantah sigra Buet han jadeh lon tob eerat Lheueh nyan lon teebat ngon nasuha Ulon teebat lon bri kiparat Keureuna eerat ka teubuka Lon bri seudeukah keu ureueng binoe Jitren jiwoe bak judonya Nyankeuh amai ka lon peugah Meung nyo ekeulah beuleumah tanda Ya tuhanku neudeungo kamoe Lon pubuet nyoe keureuna gata Jakalee neutueng amai lon nyoe Beuleupah jinoe meuteubiet u lua Jikheun pi lheueh gunong pi teuhah Deueh le leumah nyan u lua Kakeuh leumah mata uroe Peungeuh sampoe ban saboh guha Jieu ulua leumah dum peue Peungeuh meusimpreue sigala donya Han cit na jeuet lom jiteubiet Mantong meugriet dalam guha Teuma meututo sidroe teelan Nyankeuh rakan nyang keutiga

Dilon pi na yoh saboh roe Bakeuti lon sidroe keu ibu bapa Ma lon ngon ku tuhaneuh that Lon hareukat mita beulanja Lon tueng upah geubeue kameng Keu napakah ibu ngon bapa Geunab beungoh lon prah ie abin That bit yakin keu nang bapa Beungoh seupot puwoe ie abin Keu minoman droeneuh dua Bak siuroe teukeudirollah Ujeuen Yoh nyan troh ngon sinja Uroe pi seupot ulonteu woe Ayah dua droe teungeuet indra Ngon ie abin lon mat di jaroe Ayah dudoe lon preh jaga Simalam suntok lon dong sidroe Ayah lon sidroe hana jaga Phon sinja kon hingga suboh Hana saboh pi na jaga Hate lon gundah bukon bubarang Mangkong lon tatang troh 'oh paja Lon dong sidroe dalam seupot Hate teumakot saleh meureuka Awai suboh teukeudi Tuhan Jaga yoh nyan ureueng dua Neubeudoh ayah neukalon ulon Lon jok mangkong pantah sigara Bak neusangka ulon ban troh Neucok mangkong neutren lanja Neutroh ie abin yoh nyan rijang Neujak seumbahyang pujoe Rabbana

Lon pi lon tren yoh nyan sajan Jak tueng ie seumbahyang ngon ayaheunda Ayah bunda ulonteu sidroe Malam uroe pujoe Rabbana 'Oh lheueh seumbahyang beuranggajan Jak tueng upahan bak ureueng kaya Ulon peulara ureueng dua droe Han lheueng uroe mita beulanja Ranub pineung bu ngon eungkot Beungoh seupot lon jak mita Lon bloe ija deungon bajee Nak bek malee bak ureueng lingka Yoh masa nyan lon that jeumot Sira ngon panyot lon jak mita Lon tueng upah geubeue kameng Jeueb-jeueb gampong meureuraba 'Oh troh watee lon seumbahyang Rijang-rijang pujoe Rabbana Keureuna ulon peudeh untong Pat meuteumeung ureueng kaya Lon beudoh ninan jak geubeue kameng 'Oh lheueh nyan saweue ayaheunda Tinggai rahmat teuma dudoe Woe u nanggroe keukai baka 'Oh lheueh lon tanom bandua droe Teutap lon nyoe han le goga Meunankeuh buet dilon sidroe Masa yoh roe untong muda Nyankeuh amai dilon sidroe Beuleupah jinoe teubiet u lua Ya Tuhanku tadeungo kamoe Lon pubuet nyoe keureuna gata

Meunyo ekeulah amai lon nyoe Beuleupah jinoe ya Rabbana Kalam pi lheueh gunong pi teuhah Yoh nyan leupah teubiet u lua Teukeudirollah meuleuha kudrat Ban lhee meuhat lheueh u lua Yoh nyan ka teubiet ureueng lhee droe Meunan adoe saboh calitra Meunankeuh dum maseng riwayat Deungo sabat dum beurata Makna rakim neukheun loh batee Meunan meuteuntee saboh calitra Aseuhabon Kahphi sinan meusurat Geutroh meuhat di pinto guha Loh nyan geuboh dalam peutoe Meunan adoe saboh calitra Sobeuhanallah po lon Rabbi Aseuhabon Kahpi lon calitra Antara Isa ngon Muhammad Meunan sabat dalam sabda Aseuhabon Teerit nyang riwayat Teudeungo bak saidina Uma Bak siuroe Tuhan teukeudi Lhee droe Yahudi keunan teuka Lhee droe Yahudi teuka keunan Meututo yoh nyan sidroe panita Ngon tuanteu Uma Yahudi marit Jitanyong keubit jipareksa Yahudi jidong di hadapan Jitanyong yoh nyan pantah sigra He ya Uma di likot Muhammad Peutimang rakyat mat neuraca

Gata Raja bak masa nyoe Peutimang nanggroe peukong agama Jinoe kutanyong dum masaalah Beutapeugah he ya Uma Meung jeueț tapeugah masaalah nyoe Reumbang bak kamoe agama gata Nyo Muhammad sibeuna Nabi Hana meudeungki kamoe dum na Meung han jeuet tapeugah masaalah nyoe Kon bak kamoe agama gata Nabi Muhammad bukon Rasui Nyo beurangpeue tipee daya Saidina Uma neudeungo meunan Neujaweueb yoh nyan pantah sigra Tacuba tanyong he Yahudi Tulong Rabbi akan hamba Lalu jitanyong uleh Yahudi Langet pane gunci ngon geubuka Kubu nyang jak ngon asoe-asoe Nyang peuingat kawom droe kon manusia Kon jeuneh jen wahe saidi Beurapa lagi masaalahnya Limong peukara jinoe lon tanyong Peugah beukeunong bek meuriba Nyang limong nyan tapeugah ma wang Hana jikandong le ibu bapa Manok kukuek peue jipeugah Takheun beusah tapeunyata Di cangguek peue jikheun jinoe Di mirahpati peue jikata Bahkeuh dumnan dilee siat Cuba taingat ube nyang ka

Saidina Uma tundok ulee Meunyum malee bak panita Néutundok ulee nyan u bumoe Sireuta neumoe ro ie mata Han jeuet neupeugah tanyong Yahudi Hana Tuhan bri eleumee lam dada Lalu jibeudoh panita Yahudi Ngon jikheun kri pantah sigra Nabi Muhammad nyo kon Nabi Jinoe meudeungki kamoe dum na Agama Iseulam nyo bit bateue Nyo beurangpeue tipee daya Teuiem sukot dum na Eseulam Meunyum masam ngon ie muka Panita Yahudi maken girang Sulaiman gurantam pantah sigra Na sikeujab Yahudi girang Mengurantam ngon suara Nyan geupeunan Sulaiman Parisi He Yahudi tadeungo hamba Piyoh siat he Yahudi Saidina Ali jeh ka teuka Deumi leumah saidina Ali Teuiem Yahudi sikutika Saidina Ali pi troh keunan Uma yoh nyan hate suka Yoh nyan beudoh neujak mat jaroe Sira neumoe ro ie mata Mumat jaroe ban nyang adat Hate mangat saidina Uma Lheueh nyan teuma nakeuh siat Sulaiman isyarat jaweueb sigra

Peue jitanyong uleh Yahudi Sulaiman Parisi neucalitra Na sikeujab lheueh nibak nyan

Ali yoh nyan lalu beukata

He Yahudi jinoe kapeugah Peue masaalah tanyong gata Jinoe tatanyong he Yahudi Jaweueb lon bri tanyong gata

Rasulollah neupubeuet ulon

Eleumee meuhimpon didalam dada

Meuribee pinto nibak eleumee Allah bri thee akan hamba

Insya Allah tacuba tanyong Beukeunong-keunong sueue gata Teutapi na hajat kamoe Tadeungo jinoe he panita

Meunyo tatem masok Iseulam Jinoe lon bri pham nyang sijahtra Meutatem ucap dua kalimah Jinoe lon peugah tanyong gata

Meutatem pubuet ban di kamoe Lon jaweueb jinoe tanyong gata

Jinoe lon jaweueb dalam Teerit Ban nyang narit Nabi Isa

Jaweueb Yahudi jikheun na'am Saidilanam nyo sibeuna

Nyo Muhammad sibeuna Nabi

Han meudeungki kamoe dum na

Ulonteu tem masok Eseulam Ulonteu pham ban digata

Ulonteu tamong agama Muhammad

Beule rahmat keu kamoe dum na

Lheueh nyan jitanyong uleh Yahudi Nibak Ali jipareksa Saidina Ali tundok ulee Neudeungo lagee tanyong panita Phon jitanyong le Yahudi Saidina Ali neudeungo nyata Pinto langet peue keu gunci Wahe Ali peue ngon geubuka Musyeurek billah jaweueb Ali Nyankeuh gunci laen hana Ureueng musyeurek amaijih tan Neutop le Tuhan pinto dum na Aneuk gunci taucap syahdat Langet meuhat pinto teubuka Pinto langet tujoh lapeh Bandum habeh pinto teubuka Kaphe musyeurek meugunci meuhat Taucap syahdat mangat geubuka Lom meututo saidina Ali He Yahudi tanyong lanja Lom jitanyong uleh Yahudi Ubak Ali jipareksa Kubu jijak asoe didalam Jinoe tabri pham keu kamoe dum na Jaweueb Ali tanyong Yahudi Neupeugah kri pantah sigra Kubu nyang jak asoe didalam Jinoe tapham he panita Nyankeuh eungkot nyang 'uet Nabi Noh Jime ban saboh u laot raya Nyankeuh kubu jijak ngon asoe Nyang laen sinaroe meunan hana

Lom jitanyong le Yahudi Ubak Ali jipareksa Na sapeue treuk wahe kawom Deungo bandum cuba peunyata Geukheun kon jen bukon ensan Saleh peue nan ya saidina Jaweueb Ali yoh masa nyan Neupeugah nan nibak panita Nyankeuh sidom Nabi Sulaiman Bak ri turonan he panita Lom jitanyong uleh Yahudi Ubak Ali jipareksa Limong peukara jinoe kutanyong Hana jikandong uleh bunda Saleh peue nan nyan geyrasi He ya Ali cuba peunyata Jaweueb Ali yoh masa nyan Neupeugah nan limong peukara Nama nyang phon Nabi Adam Nyankeuh tapham nyang peutama Keudua unta Nabi Saleh Keulhee kibah Nabi Ibrahim Keupeuet sidom Nabi Sulaiman Binatang nyan asoe syeureuga Nyang limong nyan tadeungo jinoe 'Nini geutanyoe tuanti Hawa Teuma jitanyong le Yahudi He ya Ali neupeugah lanja Manok kukuek uroe ngon malam Nyan tabri pham keu kamoe dum na Peue jipeugah nyan jikukuek That bit kusyuek taeu rupa

Jitangah u langet jiteukui u bumoe Sang jinoe ro ie mata Ulee meuanggok got that lagee Peue jibri thee manok beukata Jikeupak sayeuep jianggok ulee Got that lagee taeu-rupa Jiteukui tangah peukeuh jikheun Peuleuheuen-leuheuen nyan jikata Leumah leumbot suara peuleuheuen That bit hireuen taeu rupa Jipeugah peue uroe ngon malam Jinoe tabri pham ya saidina Jaweueb Ali tanyong Yahudi Neupeugah kri manok beukata Jikeupak sayeuep jirukuk sujud Tuhan Makbut han jilupa Jikeupak sayeuep yoh masa nyan Jipujoe Tuhan Rabbon Sama Jikeupak sayeuep jianggok ulee Sit jibri thee keu manusia Sireuta jikheun uzkur Allah minal ghafilin Wahe mukmin bek that lupa Jiyue ingat keu poteu Allah Bek that dasyah ingat keu donya Nyankeuh jikheun manok kukuek Takalon kusyuek yoh jikata Jipeuingat ureueng nyang laloe Han thee keudroe ateueh donya Han thee keudroe peuneujeuet Tuhan Page teelan masok nuraka Manok kukuek nyan jipeugah Tapham beusah he panita

Lom jitanyong le Yahudi Ubak Ali jiyue calitra Suara guda tadeungo meuhihi Jinoe neukheun kri peue jikata Jaweueb Ali tanyong Yahudi Guda meuhihi neupeugah makna Tadeungo kupeugah he Yahudi Guda meuhihi nyoe jikata Al-lahumma unsur ibadana mukminina 'alaika farrin Do'a keu mukmin jilakee le guda Beuseunang mukmin beutalo kaphe Meunan sabe jikheun le guda Neupeugah pi lheueh uleh Ali Panita Yahudi tanyong lanja Di mirahpati peue jipeugah Hireuen dasyah kudeungo suara Sang-sang jikheun kubru-kubru Meunan laku bunyoe suara Ali deungo jitanyong meunan Neupeugah yoh nyan pantah sigra Di mirahpati jikheun yahu Jikheun teungku alem ulama Jiseurapa nyang tueng adat gle Nyang tueng wase adat kuala Jiseurapa geunab uroe Riyoh bunyoe geunab masa Hana teudoh nyan di babah A l-lahumma l-’una l-’asyarah Ya Tuhaku neubri laknat Keu ureueng tueng adat bak kuala Nyankeuh jikheun di mirahpati He Yahudi pham le gata

Yahudi tanyong hana teuduek Suara cangguek peue jikata Cangguek peue jikheun rioh sabe Neupeugah le ya saidina

Jaweueb Ali hana teuduek Suara cangguek neucalitra

Nyang su cangguek ucab teuseubeh

Laphai sareh pujoe Rabbana

Hana laloe teuseubeh jiseubot Subhana rabbi l-makbud nyan jikata Jiucap teuseubeh hana khali Jipujoe Rabbi Tuhan Nyang Asa

Suloh nyang akhe dum jibeudoh Hana saboh nyang han jaga

Sireuta jiucap sobeuhan Rabbon Makbud

Tuhan jiseubot rata-rata

Yahudi deungo jaweueb Ali Jiucap le kalimah dua Kalimah jiucap hate mangat Eleuham halarat dalam dada

Asyhadu alla ilaha illa l-lah wa asyhadu anna Muham madan 'abduhu wa rasuluh; Yahudi sunggoh masok agama Nyang dua treuk di sinan teelan Jimeuiman sajan panita

Habeh ban lhee masok Eseulam Tren eleuham dalam dada Teuma dudoe saboh treuk kawom Ban saboh bhom rukon panita

Nyang na roh bhom bandun keubok

Habeh masok bak agama Bandum jitamong agama Eseulam Tren eleuham bak Allah Ta'ala

Teumayong lom panita Yahudi Ubak Ali jipareksa Jitanyong eleumee dijih hana tok 'Oh lheueh jimasok bak agama Yoh nyan jitanyong rijang pantah Na masaalah nyang goh lon buka Nyoe na saboh masaalah Jinoe tapeugah ya saidina Jaweueb Ali rijang pantah Tanyong beuhabeh uleh gata Tulong Allah mukjizat Nabi Jaweueb lon bri tanyong gata Yahudi deungo tuto Ali Jitanyong le pantah sigra Ureueng jameun geukheun tujoh droe Han lon tusoe geukheun nama Lhee reutoh sikureueng thon 'oh lheueh mate Teuma udeb le miseue nyang ka Nanggroegeuh pat namageuh soe Ureueng tujoh droe mate lam guha Asee saboh geukheun sajan Ngon nyan lapan geujak tapa Ureueng tujoh droe lapan ngon asee Sit meuteuntee geujak tapa Geujak tapa dalam gunong Teuma geutamong dalam guha Peue nan guha peue nan gunong Nyan lon tanyong ubak gata Sit nyankeuh tuan tanyong kamoe Tapeugah jinoe ya saidina Saidina Ali lheueh neupike Neujaweueb le tanyong panita

Yoh nyan neujaweueb uleh Ali Sabda Nabi neucalitra Na teuseubot dalam Kuruan Sipheuet gob nyan ban sineuna Ashabon Kahphi ban tujoh droe Di Rom nanggroe teumpat ayaheunda Mideuen Akeusuh nan Bariah Jaheliah nyang boh nama .Ureueng Iseulam nama teusurat Meunan teuseubot dalam calitra Seulayeue keurajeuen Malek Saleh Alem pi leubeh lagi wara'a 'Oh lheueh mate nyan teuma dudoe Laen meugantoe nyang meuagama Keurajeuen Kianoh teuma dudoe Raja pindoe tan agama Kianoh nyan raja Parisi Jimeuungki keu agama Jigeubeue kameng jih nyan dilee Hana soe thee jeuet keu raja Teukeudirollah meuleuha kudrat Meuteumee teumpat kayee raya Di yub kayee nyan sinan jipiyoh Kameng pi troh keunan teuka Na sikeujab Kianoh piyoh Kameng pi troh sangat dahga Jikurek tanoh ie jimeung bri Tuhan teukeudi lagi mata Jikurek tanoh yoh masa nyan Leumah disinan peutoe raya 'Oh ban jieu leumah peutoe Jipeurab jaroe ka jibuka

Teuma jikalon keureutah jroh-jroh Kianoh ploh yoh nyan sigra Meusurat didalam mise kitab Kheuet pi jroh that hana tara Kianoh me u meunasah Bak tuan syiah jiyue baca Cuba teungku beuet surat nyoe Kuteumee bunoe lam peutoe raya Dalam peutoe bunoe kuteumee Di yub kayee kukueh teulaga Lon kurek tanoh bak bri ie kameng Seun sreut meuteumeung peutoe raya Ie kameng pi han meuteumee bri Laju peureugi keunoe bak gata Le that teungku surat didalam Han jeuet lon pham pueh that basa Peunoh peutoe surat didalam Han jeuet lon pham laen basa Nyankeuh teungku lonme keunoe Neubeuet jinoe peue na haba Kianoh jok surat keunan Teungku syeh nyan jeuet neubaca Syiah nyan tuha umu ka jameun Silayeue keurajeuen Nabi Musa Surat neubeuet basa dilee Syeh nyan geuthee umu ka lama Haba lam surat that jilakab Basa Kitab Nabi Musa Syiah neubeuet surat bak jaroe Raja Karon nyoe nyang po areuta Haba lam surat habeh muphom Dua blah geudong meuh lingkanya

Masa raja bumoe peureulan Ngon meuh sajan ji'uet lanja Masa Karon ji'uet le bumoe Seurapa droe Nabi Musa Nabi Musa yue boh jakeuet Bek jireubot Allah Ta'ala Han jiikot Nabi peugah Nabi jitukah jikheun meudina Nyankeuh seubab raja Karon Bumoe peureulan u yub donya Dua blah mon peunoh limpah Syeh nyan peugah neucalitra Syeh nyan peugah bak Kianoh Meuh that damoh jeueb teulaga Kianoh tanyong jinoe pat teumpat Nak kujak kueh tatueng dua Teungku syeh nyan peugah teumpat Kianoh meutat-tat hate lam dada Nyum beuhabeh tatueng sidroe Yo ngon asoe miseue geumpa Kianoh woe le u romoh Jihei mehmoh iseutirinya Tasurung lham keunoe rijang Kumeung me u blang jak kueh teulaga Hana pat le bri ie kameng Tame rijang uroe ka sinja Ureueng binoe teuma seuot Pakon 'oh seupot neukueh teulaga Adat malam pi leumah deuh Buleuen peungeuh peue gundah gata Ureueng binoe teuma surung lham Kianoh u blang jijak lanja

Watee mugreb rab troh 'isya Kianoh lanja nyan jisapa Na sikhan rot Kianoh jak Seun sreut meurumpok iblih cilaka Teudong di rot miseue syiah Hana ubah sang ulama Kianoh kalon yoh nyan that deuh Ureueng keumiet meuh ban jisangka Kianoh eu hana ubah Meubajee jubah sang ulama Iblih laknat yue dong Kianoh Bek that mehmoh tajak gata He Kianoh kadong dilee Kadeungo kee saboh bicara Kajak riwang dilee pantah Kapoh syiah nyan beupana Kapoh syiah jeh beumate Meuh nyan bek le kaweuek dua Meuh na habeh katueng keu kah Jak leh pantah ka enanya Ban jideungo iblih peugah Dum geukeubah didalam dada Gotkeuh kupoh syiah dilee Kutueng keu kee meuh dum nyang na Kianoh riwang u meunasah Teungku syiah jijak mita Lanja jiek u meunasah Peudeueng pantah jisuet sigra Jikeumeung cang teungku syiah Neukheun pantah meunoe haba He Kianoh bek poh ulon Meuh sikeulian han lon hawa

Kianoh kheun peue tapeugah Meung kee kujak kueh hana hawa 'Oh kujak kueh ban malam nyoe Singoh uroe kaboh dawa Kianoh beungeh muka mirah Jitob syiah mate pana Kianoh tob bak ulee hate Syiah mate hilang nyawa Keunong kutika roh that watee Han saboh thee manusia Syiah jitob han saboh thee Reumbang watee jroh kutika Akhe jameun teuma meugah Kianoh dasyah ka jeuet keu raja Han hase le dudoe meugah Kianoh limpah keurajeuen raya Mate syiah bak malam nyan Jikueh yoh nyan meuh dum nyang na Jijok keu raja meuh nam geudong Beuna bek mate geupoh keu bila Jijokkeuh meuh ban nyang napsu Hingga meusyeuhu troh bak raja Teuma geubri mideuen Kianoh Teumpat makruh meuneuen raja Yoh nyan Kianoh kaya limpah Meuh barollah jibri dum na Di sinan ka teutap keudiaman Kianoh yoh nyan kaya raya Areutajih le rakyat meukatoe Jiprang nanggroe hana reuda Seun sigampong seun sinanggroe Teuma dudoe jiprang raja

'Oh habeh talo nanggroe jiprang Dudoe jiriwang jiprang raja

Raja pi talo nanggroe pi jitueng Habeh jibulueng bandum rata

Teutapjitueng keu jih nanggroe

Jipeugot meuligoe saboh nyang raya

Jipeugot meuh pirak teuupam Luah didalam siteuntang mata

Luah didalam saboh peureusah Meunan peuneugah dalam calitra Meuligoe nyan that bit indah

Meuh meutatah meupeureumata

Ban siseun lingka jiboh keu kiieng Hana bandeng indah rupa Jipeuduek di ateueh peuratah meuh Cahya peungeuh sigala donya

Minyeuk daiton jipasoe didalam Geunab malam peungeuh lingka Meunankeuh buet raja Kianoh Meuh that damoh laju teuka

Deureuham jipeugot siploh mah brat

Meunankeuh buet silayeue jih raja Deureuham nyang dilee habeh jiboh

Han le meung saboh jeueb-jeueb banda

Raja Kianoh meuh jih le that Lurong halarat ateueh donya Minyeuk daiton jipasoe lam kande Raja jahe boh areuta

Dalam meuligoe geuta saboh

Meutatah jroh laloe mata

Buju linteueng lapan ploh hah

Meuh meutatah meupeureumata

Di wie uneun keurusi meuh Jiyue duek di ateueh nyang muda-muda Jiyue duek aneuk uleebalang Sajan dendayang jroh-jroh rupa Uleebalang wadi meuntroe Dum sinaroe sajan raja Bandum di ulee kulah kama meuh Cahya peungeuh hana tara Kulah kama meuh ban peuet sagoe Ban mata uroe limpah cahya Na limong ploh aneuk miet sinan Jroh lakuan ilok rupa Aneuk bentara bandum sajan Jibri peukayan bandum rata Jibri peukayan ijo biru Jroh that laku indah rupa Peukayan ijo kuneng mirah Hireuen dasyah pandang rupa Wareuna peukayan le that bagoe Tungkat di jaroe meupeureumata Nibak tungkat meuh sinaroe Intan pudoe jampu meutia Na limong ploh aneuk miet nyan Nam droe di sinan aneuk ulama Nyang nam droe nyan jiboh keu wadi Habeh jipike sicilaka Jiboh keu wadi aneuk miet nam droe Raja pindoe laen bicara Habeh pike deungon khimat Kaphe laknat saboh masa Hajat jiyue kheun droejih tuhan Kianoh nyan asoe nuraka

Meuka jikheun le aneuk miet nam droe Laen sinaroe rijang sireuta Meunan jipike dalam hate Teutapi cre aneuk ulama Aneuk miet nam droe dum jiboh droe Raja pindoe balek agama Meunan pike raja pindoe Aneuk miet nam droe tupeue basa Pat nyang jiduek raja pindoe Aneuk miet nam droe jarak hana Aneuk miet nam hana jithee Laen lagee pike raja Raja Kianoh nyan jikaphe Aneuk miet nam cre saboh masa Bak masa nyan hana tom cre Meung sipade deungon raja Di wie lhee dro uneun lhee droe Han siuroe nyang han sireuta Raja Kianoh wahamjih meunan Aneuk miet nam jeuet ban kata Jeuet ban jikheun jikira dudoe Jiyue kheun droe Allah Ta'ala Jibri peukayan meuh ngon piřak Pandang galak soe eu rupa Pat nyang jiduek ho nyang jijak Hantom jarak aneuk ulama Lhee droe di uneun lhee droe di wie Hantom meusie ban jiaja Nyang lhee droe di wie jimat cicem Meunan kayem rok-rok masa Nyang lhee droe nyan jimat peunuman Didalam nyan klumbak jeumpa Cicem utoh that bit raghoe Jitupeue keudroe 'oh jibasa

'Oh ka jiglib jitupeue le Klumbak hase dalam piala Klumbak hase dalam peunuman. Teureubang cicem nyan pantah sigra Jime ie mawo saboh peunuman Beuranggajan geunab masa Minyeuk ata saboh peunuman Nyan pi meunan jeueb kutika Klumbak jeumpa saboh peunuman Neungui raja nyan got jiaja Peunuman meuh deungon intan Meuteurapan mupeureumata Teuma jipeulheueh cicem di jaroe Sit that raghoe guna biasa Jiteureubang dalam peunuman Lheueh cicem nyan maseng jeumba Nibak ie mawo saboh jibloh Cicem utoh got jiaja Bak minyeuek ata saboh jidong Tahe mantong soe eu rupa Bak klumbak saboh jidong Rakyat teuceungong kalon rupa Bak klumbak saboh jidong Dum teuceungong rakyat nyang na Hingga rata bulee basah Teureubang pantah ateueh raja Jikeupak sayeueb hitam mirah Meuhambo basah ie ateueh raja Lheueh nyan cicem maseng jiwoe Bak teumpat droe aneuk miet tiga Lhee peunuman mantong asoe Aneuk miet lhee droe woe bak raja Le that nekmat raja pindoe Meuribee bagoe sit dum peue na

Peue jipinta sit troh rijang Cicem teureubang jipeuhamba Ka neulurong uleh Tuhan Jeuet keu teelan binatang nyang na Sigala binatang sinan meukawan Lurong Tuhan sicilaka Jeuet ban jikheun cit troh hajat Lurong halarat ateueh donya Raja Kianoh that bit meugah Lurong Allah dalam donya Le that nanggroe taklok bak jih Uso habeh keunan teuka Peue nyang jikheun dum peue hase Raja jahe asoe nuraka Habeh taklok bak jih muwoe Teuma jikheun droe Allah Ta'ala Umu lhee ploh thon keurajaan Lurong Tuhan ateueh donya Hana Kianoh hana habeh Meung silapeh di sinoe na Haba Kianoh le that lanjot Lon boh bacut meung keu punca Loncok punca ninan sipatah Meung lon kisah haba EELIA Haba EELIA asai di sinoe Nyankeuh jeuet nyoe lon cok punca Dilee pi le raja nyang laen Miseue Peura'un meugah raya 'Oh lheueh Peura 'un meugah Karon Meuh jitamon han ek hingga Miseue meugah Nameurut dengon 'At Bandum laknat darohaka Han tom saket kaphe pindoe Jiyue kheun droe Allah Ta'ala

Han cit sabe Kianoh sidroe Meuribee bagoe dijih bicara Padum lawet jikeurajeuen Han tom reuen-mareuen keu jih teuka Han tom saket pi meung ulee Han tom layee meung ie muka Sit meung batok dijih pi tan Lurong Tuhan sicilaka Han tom mmang pi meung siblet Han tom saket sikleb mata Han tom timoh pi meung kude Raja kaphe nekmat lam donya Jiyue kheun droe jih poteu Allah Rakyat jikrah sigala donya Jikrah rakyat jeueb-jeueb nanggroe Jiyue kheun droe Allah Ta'ala Soe nyang pateh jih nyo tuhan Jibri peukayan ngon areuta Soe han pateh jipoh mate That bit jahe sicilaka Umu lhee ploh thon teutap keurajeuen Han tom reuen-mareuen keujih teuka Lheueh nibak nyan teuma dudoc Raja pindoe rab binasa Teukeudirollah teuma dudoe Aneuk miet nam droe keumeung poh raja Aneuk miet nam droe jikeheundak bunuh Raja Kianoh rab binasa Adat kon troh sidroe meuntroe Raja pindoe ka binasa Aneuk miet nam droe meucukeh-cukeh Teuma han jadeh jipoh raja Teuma teupike dalam hate droe Kadang na soe teuma poh bila

Raja pi tan geutanyoe pi mate Meunan pike maseng rata Tadeungo lon peugah sidroe meuntroe Ureueng nyan toe deungon raja Meuntroe peugah bak Kianoh Gata jimeung poh le aneuk ulama Jimupakat jih nyan nam droe Gata sidroe jipupana Jikheun gata kaphe pindoe Tayue kheun droe Allah Ta'ala Ampon tuanku cahi meudeelat Lon peuingat doli sroepada Jikheun jipoh raja Parisi That jideungki tuanku gata Jikheun jipoh tuanku beumate Jikheun kaphe keu doli sroepada Meuntroe peugah jihareutoe Aneuk miet nam droe siat hana Siat leupah aneuk miet nam droe Jihareutoe le bak raja Aneuk miet nam droe leupah jak manoe Meutroe peurunoe raja cilaka Ban jideungo meuntroe peugah Raja gundah pucat muka Pucat ngon muka yo ngon badan Rhet le yoh nyan ateueh geuta Kulah kama rhet di ulee Kakeuh layee ngon ie muka Sit nyan phon hate gundah Teuka sosah raja cilaka Hate gundah muka hiram Yoh nyan jidam aneuk ulama Yoh nyan jiyue poh aneuk nam droe Bak peudana meuntroe ngon peutua

A m m a b a k d u teuma dudoe Aneuk miet nam droe lon kheun nama Deungo lon peugah aneuk miet nam droe Jroh samlakoe kunangan raja Dilee untong jih keunangan Wadi geupeunan 'oh ka raya Nama nyang phon nan TAMLEKHA Nyan nyang bijak nibak nyang na Nyang keudua beutaturi Nan geurasi MAKEUSALEMINA MAREUTUNIH nama nyang keulhee Meunan meuteuntee dalam calitra Ashabul yamin nyan geupeunan Kunangan nyan uneun raja Nama nyang keu peuet NUNUNIH SAREUBUNIH nyang keulima PALIA SEUTATIUNIH nama nyang keunam Habeh tamam lon peunyata Ashabusy syimal nyan geupeunan Di wie raja nyan aneuk miet tiga Di wie lhee droe di uneun lhee droe Raja pindoe sangat kaya Lhee droe di wie lhee dore di uneun Raja hireuen pucat muka Keureuna bunoe meuntrõe peugah Nyankeuh gundah hate raja Hiram muka yoh masa nyan 'Oh troh kunangan kalon raja Masa dilee hana meunan Bak uroe nyan beungeh raja Kunangan kalon muka ubah Raja gundah hate lam dada Yoh nyan Tamlekha ka teupike Ka meucawe dalam dada

Na soe peugah narit geutanyoe Nyankeuh jinoe beungeh raja Nyang dilee kon han tom meunoe Nyo uroe nyoe ureueng peuhaba Saleh soe deungo pakat geutanyoe Han tom meunoe dilee nyang ka Raja beungeh 'oh troh geutanyoe Nyo na bunoe ureueng peuhaba Yoh nyan Tamlekha lom teupike Han jeuet dong le sinoe bak raja Adat nyang raja nyoe tuhan Pakon ban insan dum peukara Makeuen minom ban di kamoe Hana sapeue nyang na bida Dum peukara ban di kamoe Nyo raja nyoe manusia Sipheuet tuhan hana meunan Teutapi han jijeuet kata Meung jikheun kon jipoh mate Raja kaphe laknat raya Meung soe kheun kon raja nyoe tuhan Jikoh badan teuma jisula Uroe malam dawok neupike Sosahkeuh hate aneuk ulama Makeuen pi tan minom pi han Eh pi meunan dum peue hana Han le jikira keu peukayan Teumanyong yoh nyan Makeusalemina He Tamlekha pakon gundah Bak lon tapeugah he syeedara Geutanyoe nam droe hukom saboh Peugah adoe jroh peue keureuna Teuma seuot muda samlakoe Kupike keu droe he syeedara

Langet manyang tumpang jih tan

Kon nyan tuhan nyang meurupa Langet meugantung lon kalon hireuen Uroe ngon buleuen soe puba-ba Soe hue buleuen soe boh bintang Peungeuh bandrang soe boh cahya Bumoe teuleueng hana mumot-mot Pakri han hanyot buket nyang na Meunan teupike lon he adoe Nyang bumoe nyoe pat geuhanta Bumoe teuduek sapat ngon laot Pakri han hanyot soe peulara Jinoe lon pike that teumakot 'Oh jan seupot uroe ho geuba Lom teupike keuuntong droe Yoh cut kamoe lam kandong ma Yoh masa lon dalam kandongan Pane keunan raseuki teuka Soe peugot ban jinoe tuboh Pane utoh keunan teuka Meung raja nyan jeuet jih pi tan Pakri tuhan droe jikata Pakri jiyue kheun droe jih tuhan Utoh jih tan dum peukara Cuba pike dumteu jinoe Nyo raja nyoe nyang peulara Jih pi saban deungon geutanyoe Pakri jinoe toh bicara Tuhan geutanyoe hana lakuan Hana saban mee tapeusa Hana jaroe hana gaki Maha suci Allah Ta'ala Raja nyoe kaphe laknatellah Beuthat jipeugah gajah guda

Beuthat jikheun bek tapateh Raja paleh asoe nuraka Raja paleh kaphe pindoe Han thee keudroe jih gob peuna Patot jiyue kheun droejih Tuhan Imanjih tan kaphe cilaka Raja Kianoh lurong Allah Page balah dijih nuraka Rakan deungo Tamlekha peugah Dum geukeubah didalam dada Rakan nyang limong jaweueb yoh nyan Sabet meunan ban kheun gata Sabet beuna ban tapeugah Hana salah ban takata Kamoe nyang limong bicara tan Bandum sajan keu ngon gata Ban nyang takheun han mubantah Ban tapeugah meuseureuta Meung nyo taikot raja laknat Hana rahmat geutanyoe dum na Meung nyo tapeugah raja nyoe Tuhan Geutanyoe sajan dalam nuraka Tuhan bri adeùeb page dudoe Geutanyoe nam droe sajan raja Tamlekha kheun yoh nyan pantah Hana ilah meung kon tabungka

Meung kon tabungka geutanyoe nam droe

Beujioh nanggroe jinoe tasapa Meung nyo taduek sinoe sabe Han meujan mate jienanya Na soe deungo pakat geutanyoe Raja pindoe hiram muka Pakat geutanyoe na soe peugah Meunan ulah bangon rupa

Hantom meunoe nyang ka dilee Geu-eu keu kee meunan rupa Pakat geutanyoe na soe peuthee Nyankeuh layee ngon ie muka Nyankeuh lon kheun han jeuet dong le Akhe mate jienanya Tacre nibak raja syeetan Tawoe bak Tuhan Rabbon Sama Tuhan nyang peujeuet langet bumoe Keunan geutanyoe he syeedara Meunyo mupakat geutanyoe nam droe Tacre jinoe he adekeunda Akhe meugah kadang dudoe Ureueng nam droe jadeh bungka Tamlekha publoe kayee sibak Keupangkai jak laen hana Lhee boh deureuham nanggroe Parisi Buet Kianoh peugot ria Siploh mah brat saboh-saboh Keurajeuen Kianoh jiyue peuraja Nyankeuh pangkai nyang na meuteumee Sibak kayee jitueng haruga 'Oh sare lheueh kayee jipubloe Beudoh samlakoe pasang guda Yoh nyan jibungka ureueng nam droe Jiboh nanggroe ka jisapa Jiboh peulana teubiet u blang Guda jipasang dumjih rata Ka jiboh ngon taloe keukang Yoh nyan jipasang guda poh lawa Ka jiteubiet ureueng nam droe Raja pindo jithee hana Hana jithee kunangan plueng Leupah jurong meudiwana

Teuma meututo sidroe rakan Bek le teelan tapasang guda Takeubah guda tajak ngon tapak Tiek le galak areuta raja Yoh nyan mupakat ureueng nam droe Jitren u bumoe dumjih rata Guda nam boh sinan jikeubah Jicok langkah ka jibungka Tujoh peureusah jioh jijak Beusot tapak darah keulua Seubab han tom peujalanan Ngon seubab nyan jeuet binasa Teukeudirollah peurintah halarat Meuteumeung ngon sabat di rot raya Meuteumee sidroe ureueng di jalan Teukeudi Tuhan nyang that kaya Ureueng tueng upah geubeue kameng Hate heuneng suci sapha Jiduek di gle tueng upahan Nyankeuh rakan nyang seutia Neubri saleuem ureueng nam droe Ka troh kamoe keunoe bak gata Assalamu 'alaikom dalem meutuah Peurintah Allah meuteumee ngon gata Kamoe dalem apoh-apah That sangat grah lapa dahaga Makanan pitan minoman pi han Peue na rakan jinoe bak gata Kri cit narit sigeubeue kameng Hate heuneng geumaseh raya Jibri ie abin keu minoman Jibri makanan jabet keureuma Ureueng nam droe pajoh makanan Nekmat yoh nyan jati rasa

Jipajoh pi lheueh nekmat hase Uroe nyan le teuka sinja Bak malam nyan teutap sinan Jibri makanan peue hase na Nibak malam peugah meupeugah Pane langkah droeneuh teuka Pane gampong di pat teumpat Peugah sabat ho jak gata Ulon kalon gata rakan Sang lakuan kunangan raja Pane tajak ho meuhajat Peugah sabat deungon sibeuna Pane gata wahe rakan Lon eu peukayan bak anggeeta Ngon peukayan le bak asoe Saleh ho nanggroe tameung bungka Saleh peue seubab taboh nanggroe Peue na adoe peugah sigra Peue na seubab taboh keurajeuen Peue reuen-mareuen saleh teuka Peugah bak kamoe adoe meutuah Takheun beusah adoe raja Ureueng nam droe teuma peugah Habeh jikisah asai bungka Nyang jeuet meucre kamoe nam droe Tadeungo jinoe lon calitra Kamoe nyoe rakan raja Kianoh Nyo bit saheh kunangan raja Nyang jeuet muminah kamoe di nangroe Raja pindoe tan agama Raja Kianoh ka jikaphe Han jeuet dong le kamoe di tangga ka jiyue kheun droe jih tuhan Raja syeetan asoe nuraka

Jikheun droejih poteu Allah Nyankeuh sosah kamoe dum na Soe han pateh jipoh mate Raja kaphe laknat raya Jiyue seumbah droejih bak kamoe Muplueng kamoe nyan baroe sa Nyankeuh punca meuboh nanggroe Kamoe nam droe meuteumee ngon gata Meudong di nanggroe baya keunong Bahle lam gunong meujak tapa Nyankeuh seubab muboh gampong Mita untong nyang sijahtra Adat meunan wahe adoe Lon nyoe sidroe sajan taba Meung nyo meunan ban tapeugah Dilon gundah hate lam dada Lon pi han le kudong di nanggroe Akhe dudoe jeuet binasa Teuma tanyong ureueng nam droe Namateuh soe geuhei gata Soe nan geuhei gata sidroe Peugah adoe bak kamoe nyang na Ureueng duek di gle jihareutoe Bak ureueng nam droe jicalitra Ulonteu nyoe nyang meusyeuhu DAWNUANISU geurasi nama Jinoe pi lon jak tapreh siat Lon jak intat kameng syeedara Lon jak pulang kameng rakan Lon jak sajan deungon gata Teuma jijak pantah rijang Habeh pulang dum areuta 'Oh troh keunan kameng pulang Meu'ah abang lon kubungka

Kameng jipulang meu'ah jilakee Habeh jiteuntee dum peukara Kakeuh jijak ngon ureueng nam droe Jiboh nanggroe takot keu raja Tujoh ngon nyan nam droe dilee Jiseutot asee jeuet lapan ka Asee nyan jroh rupa le ban Beusalahan geukheun ulama Ladom ijo kuneng meujampu Ladom kheun laku mirah rupa Ladom riwayat wareuna langet Puteh meumet-met bangon rupa Sang ija soh ladom peugah Meunan ulah ladom rupa Rupa le ban nama le that Le riwayat khilah ulama Meunan teuseubut bak Kitab Arab Asee geuhisab le that nama Meunan peuneugah dalam nisabi Saidina Ali nyang calitra Neudeungo nibak Rasulullah Dudoe neupeugah bak panita Dudoe nibak wapheuet Nabi Tanyong Yahudi neupeuhaba Dudoe nibak nyan teuma geukisah Ibnu Abah nyang calitra Geuriwayat rupa asee Le ban lagee le peue nama Ibnu Abah neukheun yoh nyan Asee jimeunan Kateumi nama Si Kateumi jimeuhei nan Aseejih nyan sajan jiba Po asee nyan Daunuanisu Meunan teungku kheun ulama

Sit han tom cre jiba sajan Keumeung meukawan asee sireuta Di tuanteu Ali neuriwayat Asee nyan meuhat Diarah nama Si Diarah jimeuhei nan Daunuanisu nyan nyang peulara Nyan nan neukheun di tuanteu Ali Hana sabe khilah ulama Di'ldeura-i neukheun yoh nyan Asee jipeunan Kiteurab nama Si kiteurab jimeuhei nan Asee jih nyan got jiaja Di Ideurai kheun nyan nan asee Di Mujahet teuntee neukheun Sahia Si Sahia jimeuhei nan Aseejih nyan got jiaja Di Mujahet neukheun nyan nan Di Su'ib yoh nyan laen calitra Di Su'ib neukheun bak masa nyan Asee jipeunan a h m a nama Si Ahma jimeuhei nan Aseejih nyan mirah wareuna Di Su’ib meunan neupham Abeudolah Salam laen kata Abeudolah ben Salam yoh nyan neukheun Katirulabila geurasi nama Si Labila jimeuhei nan Aseejih nyan bijaksana Abeudolah ben Salam neukheun nyan na Di Wahab yoh nyan laen calitra Di wahab neukheun yoh nyan Asee jipeunan Takat nama Si Takat Jimeuhei nan Aseejih nyan jigaseh raya

Di Wahab neukheun nyan nan Abu Hanifah yoh nyan laen calitra Di Abu Hanifah neukheun yoh nyan Asee jipeunan Kitamun nama Si Kitamun jimeuhei nan Aseejih nyan ceureudek raya Abu Hanifah neukheun nyan nan Ulama laen lom khilah Nama le that rupa le ban Meunan teelan dalam calitra SiKateumi ladom kheun nan Aseejih nyan ijo wareuna Han ek habeh soe keutahwi Malingkan Rabbi thee sibeuna Kata Muhammad ibnu Mayet Asee nyan sabet lheueh nyan nama 'Oh watee lheueh jimeuhei nan Aseejih nyan kuneng wareuna Ahli tapeuse le that khilah Teutapi Allah thee sibeuna Nyang riwayat ibnu Abah Si Kateumi sah neukheun nama Si Kateumi seutot di likot Ureueng peudhot pura-pura Jijakkeuh ureueng nyan tujoh droe Asee sidroe sajan jiba Ureueng dilee asee di likot Teuma jidhot pura-pura Tamlikha kheun nyan bak rakan Kateumi sajan nyan bek taba Si Kateumi bek taba sajan 'Ayeb teelan nyum di mata Sang-sang ayeb jih di likot Pakri patot rakan bak gata

Ureueng nam droe teuma seuot Pakon tadhot bahle sireuta Ureueng po kheun teuma bacut Bahle kadhot nak jigisa Kateumi deungo meunan geukheun kri Lipat gaki pantah sigra Jab ngon dada yoh nyan u bumoe Sireuta jimoe ngon ie mata Sireuta jiucap dua kalimah Bek takeubah ulon taba Yoh nyan jikheun la ilaha illa l-lah, Nabi Musa kalamu l-lah Kuek saksi poku Tuhan Hana saban miseue hamba Hana jaroe hana gaki Maha suci Allah Ta'ala Kuek saksi Musa nyo Nabi Suroh Rabbi neyue keurija Ulonteu nyoe bek tatinggai Ulonteu kawai dum na gata Kulakee do'a ubak Tuhan Beukong iman teungku dum na Lon lakee beuteutab gata tujoh droe Raja pindoe bek jimita Beuseulamat donya akhirat Bek na sapat meuteumee baya Beurangri baya pi bek keunong Bak Tuhan peutamong dalam syeureuga Ureueng tujoh droe jipujoe Tuhan Jiba sajan u lam rimba Ureueng tujoh droe lapan ngon asee Meunan meuteuntee dalam calitra Ureueng tujoh droe teungoh u gle Meuteumee le saboh guha

Di sinan meuteumee guha batee Got that lagee indah rupa Jabal Kuluh nama gle nyan Ramet jimeunan nama guha Guha that jroh meupalinggam Krueng didalam ie meumata Pinto guha ubit langgam Luah didalam siteuntang mata Dalam guha yoh masa nyan Le that di sinan jabet keureuma Padum-padum ngon bak kayee Nyang mangat bee Gahru ceundana Jabet keureuma masak di bak Tapajoh galak jati rasa Masak di bak rhet bak tangke Tapajoh le ban nyang hawa Dalam tapeuse meunan geupeugah Ibnu Abah po calitra Ureueng tujoh droe pi troh keunan Geutamong yoh nyan bandum rata Asee di lua dijih teumpat Jikeumiet meuhat pinto guha Si Kateumi keumiet pinto Ureueng lalo dum jisangga Uroe malam teugunci tan Beuranggajan jimeujaga Jikeumiet pinto dijih laloe Ureueng tujoh droe teutap lam guha A m m a b a k d u teuma dudoe Ureueng tujoh droe pansan lam guha Bak'Ideura-i peureuman Tuhan Neuyue tren yoh nyan u lam donya He' Ideura-i katren lam gunong Kajak tueng nyawong asoe guha

Kajak tueng nyawong ureueng tujoh droe Raja pindoe balek agama 'Ideura-i deungo peureuman Tuhan Geutren yoh nyan pantah sigra 'Ideura-i tren dalam gunong Neujak tueng nyawong asoe guha Neujak tueng nyawong ureueng tujoh droe Raja pindoe bek jisula ·Ideura-i tren dalam guha nyan Ureueng tujoh droe sinan pana Si Kateumi kawai pinto Deungon kheundak po Tuhan Asa Jiek di pinto sinan sabe Deuekjih han le grah pi hana Hana jiweh asee di sinan Peurintah Tuhan Nyang Kuasa Ureueng tujoh droe sinan pansan Peureuman Tuhan Nyang Kuasa Tuhan yue tren asoe langet Peulara manyet dalam guha Sidroe-droe manyet dua ploh malaikat Tuhan halarat yue peulara Jibalek wie deungon uneun Sithon siseun meunan keurija Sithon siseun manyet jibalek Bek kamoe ek bak anggeeta Sit jeueb-jeueb thon meunan suntok Nak meung bek brok tuboh mulia 'Oh troh-troh bak buleuen Mehram Di sinan tapham tuboh meugisa Siploh uroe buleuen Mehram Sinan gata pham nan Asyura Bak buluenMehram siploh uroe Manyet tujoh droe malaikat gisa

Mata uroe Tuhan suroh Neuyue peutroh dalam guha Nak tho tuboh bek brok jasad Suroh halarat keupadanya Jiek uroe nyan u langet Di uneun manyet keunong cahya Jilob uroe blah wie keunong Ateueh gunong dalam guha Ashabon Kahphi teuduek siat Meuwoe riwayat ubak raja K at a s a h e b po karangan Teumanyong yoh nyan raja cilaka Ka jiteubiet yoh masa nyan Jieu kunangan teuka hana Aneuk miet nam droe ho ka leupah Cuba peugah ho jibungka Seuot rakyat tandi bujang Keunan u blang nyan jisapa Keunankeuh bunoe kamoe pandang Jiteubiet u blang pasang guda Troh 'an jinoe hana jiwoe Saleh ho nanggroe ka jibungka Keunankeuh rot bunoe u tunong Saleh lam gunong jijak tapa Jijak mita laen Tuhan Keu gata han jipeucaya Bak peunyum lon jiplueng leugat Lawet nyoe that dukacita Silawet neukheun droeneuh tuhan Aneuk miet nam dukacita Nyang dilee kon hana meunoe Ureueng nam droe jarak hana Hana tom cre aneuk miet nam droe Tuanku sidroe jigaseh raya

'Oh neukheun droeneuh poteu Allah Nyan phon sosah aneuk ulama Hana jipateh tuanku tuhan Aneuk miet nam ka jibungka

Na nyum kamoe nyo ka jiplueng

Saleh lam gunong jijak tapa Meuri jijak hana jiwoe Aneuk miet nam droe ho saleh ka Meukeumeung tham mupoh mate Teutob hate kamoe dum na Hana meugrak gaki jaroe Aneuk miet nam droe leupah bungka Jipasang guda aneuk miet nam droe Rakyat meukatoe kalon rupa Bit pi meunan han soe tanyong Tahe mantong hana haba Ban raja deungo meunan peuneugah Rakyat jikrah sigala donya Jiyue jak mita aneuk miet nam droe Ban saboh nanggroe jiseuranta Lapan ploh ribee guda jibri Kandran Parisi jak muemita Jibri haba jeueb-jeueb nanggroe Aneuk miet nam droe jiyue mita Tujoh uroe jikrah rakyat Habeh meusapat dum barang na Tujoh uroe jikrah sabe Rakyat ile jeueb-jeueb donya Nyan teupike dum na rakyat Musyawarat ban sineuna Nyang jeuet jiplueng aneuk miet nam droe Jiyue kheun droe Allah Ta'ala Kon raja nyan poteu Allah Nyankeuh sosah aneuk ulama

Jakalee nyo raja nyoe tuhan Aneuk miet ban nam han jibungka Hana patot jiweh sinan Aneukmiet ban nam aneuk ulama Meunan teupike dum bak hate Hana lahe nyan jikata Jikheun kon tuhan hana lahe Jitakot mate jipoh le raja Le that rakyat meunan pike Raja kaphe jiboh agama Siteungoh rakyat nyan bak hate 'Oh jipike gadoh bicara Han jeuet kheun nyo han jeuet kheun kon Seubab jikalon dum peukara Pakri raja nyoe saleh tuhan Saleh cit kon bak geukira Peuekeuh seubab nyan jeuet meunan Ileumee han didalam dada Yoh masa nyan jaheliah Ubah-ubah nibak agama Meujan-jan nyo meujan-jan kon 'Oh jikalon dum peukara Le that rakyat han troh pike Han meu'oh le sok-sok sangka Siteungoh kheun nyo siteungoh kheun kon Meunan bangon rakyat dum na Jaheliah 'etikeuet le ban Makriphat keu Tuhan ileumee hana Han jitu'oh keu makriphat Ileumee singkat dalam dada Le that rakyat yoh nyan kaphe Ladom meung lahe jiseureuta Saboh bangon jitakot meung lahe Jiniet bak hate asoe nuraka

Jikeumeung kheun kon han mupakat

Le that rakyat raja cilaka Le nyang taklok rakyat keunan Ngon seubab nyan han jeuet jikata Joh nyan rakyat habeh meusapat Jibungka leugat han jeuet meudawa Jiyue mita aneuk miet nam droe Rakyat meukatoe yoh nyan bungka Lapan ploh ribee guda jibri Kandran Parisi jak meumita Jiseutot euncit masa jijak Beukah tapak giduek guda Hingga troh bak saboh gunong Rakyat jitamong dalam rimba Rakyat pi troh dalam gunong Meuteumeung sinan saboh guha Jipuweh asee yoh masa nyan Jitamong keunan rakyat dum na Yoh masa nyan teumakot asee Jieu meuree-ree rakyat teuka Jiminah asee sinan siat Jipeurab rakyat u pinto guha Jipreh di lua ladom rakyat Ladom leugat tamong lam guha Nyang preh di lua that barollah Jaheliah tamong lam guha Jaheliah na taturi Niet bak hate sok-sok sangka Raja pi kon jimeuniet tuhan Laen pi meunan sok-sok sangka Nyankeuh ureueng jaheliah Makriphat keu Allah ileumee hana Jaheliah tamong keunan Lam guha nyan dumjih rata

'Oh sare leupah jitamong keunan Jieu ureueng nyan teungeut indra Neupeutren ileuham uleh Allah Jaheliah got that bicara Neubri ileuham ubak hate Sit leumah le akai bicara Jaheliah habeh mupakat Tapeungeut rakyat euntreuk di lua Rakyat di lua euntreuk tapeungeut Ureueng nyan teungeut takheun hana Hana meuteumeung aneuk miet nam droe Saleh ho nanggroe ka jibungka Beumupakat dum geutanyoe Aneuk miet nam droe takheun hana Saleh habeh ka rimueng plah Meunan tapeugah euntreuk u lua Aneuk miet nam droe han meuho le Saleh ka mate dalam rimba Meunan pakat dum geutanyoe Udeh jinoe teubiet u lua Meung kon meunan tapeungeut rakyat Jipoh meuhat asoe guha Jipoh le raja aneuk miet nam droe 'Oh troh u nanggroe teuma jisula Habeh bandum jipoh mate Raja jahe laknat raya Jitet manyet jiboh lam apui Tutong rangui adeueb seksa Jaheliah marit keudroe-droe Aneuk miet nam droe jisangka indra Jisangka teungeut aneuk miet nam droe Hana jipeugoe dumjih rata Pakri jeuet jikheun aneuk miet nam droe Tujoh lagoe sapat lam guha

Teuma jiseuot sidroe rakan Meuteumeung di jalan kadang jiba jaheliah keumah pakat Jiteubiet leugat dum u lua Jitakot 'oh jaga habeh teukeujot Plueng teumakot nyan u lua Teuma jidrob uleh rakyat Jiba leugat ubak raja Nyankeuh seubab han jipeugoe Teubiet sinaroe dum u lua Jaheliah teubiet leugat Jipeungeut rakyat nyang di lua Hana meuteumee aneuk miet nam droe Udeh tawoe geutanyoe dum na Saleh ho-ho nyan ka jiplueng Saleh rimueng pajoh dum na Saleh peue gunong nyan ka mate Bek tadong le tawoe bak raja Rakyat di lua deungo hareutoe Habeh jiwoe dumjih rata Troh bak raja rakyat jiwoe Aneuk miet nam droe jikheun hana Hana meuteumee aneuk miet nam droe Saleh ho nanggroe ka jibungka Deelat tuanku han meuho le Saleh ka mate dalam rimba Jeueb-jeueb seurokan tan meuteumeung Nyankeuh ureueng meujak mita Saleh peue gunong nyan ka jiplueng Saleh cit rimueng gajah seuba Udeb mate hana meukusuh Raja Kianoh han le haba Padum lawet han soe teuoh Kakeuh gadoh han soe jak mita

Hingga mate raja Kianoh Ureueng tujoh droe teutap lam guha Raja laknat mate ka treb Yoh nyan udeb asoe guha Kata saheb po riwayat Udeb meuhat asoe guha Lhee reutoh thon ngon sikureueng Han tom ureueng keunan teuka Padum-padum raja meugantoe Ureueng tujoh droe goh lom jaga Meunan teuseubot dalam Kuruan Peureuman Tuhan Nyang Mulia Le that raja laen meugantoe Ureueng tujoh droe goh lom jaga Silayeue keurajeuen Abeudorahman Yoh masa nyan udeb rata Nabi Isa u langet ka treb Baro udeb asoe guha Keurajeuen Isa lam nanggroe nyoe Ureueng tujoh droe teungeut indra Nabi Isa mekreuet u langet Mantong teungeut asoe guha Raja Jomjomah mate lom sidroe Ureueng tujoh droe goh lom jaga Nabi Isa neumekreuet ka treb Baro udeb ureueng lam guha Masa keurajeuen Abeudorahman Yoh masa nyankeuh phon jaga Tuhan peuudeb ureueng tujoh droe Nyawong neupuwoe nibak angeeta Karonya Tuhan nyawong neuboh Sigo ban tujoh siseun jaga Iradat Tuhan meuleuha kudrat Kuasa that Allah Ta'ala

Kata saheb po riwayat Teduek le meuhat asoe guha 'Oh ban jikalon mata uroe Tahe keudroe sipeunganja Mata uroe jieu ka manyang Yoh nyan teuceungang bandum rata Na sigalah mata uroe Marit sidroe nyang peutua Nama geuhei nan Tamlekha Sangat bijak nibak nyang na Tamlekha kheun yoh nyan bak rakan Tuwo keu Tuhan teungeut Indra Simalam suntok taeh seunang Keu seumbahyang hana takira Na sikeujab lheueh jikheun nyan Beudoh sinan punyo mata Jijak uneun jijak uwie Jimita ie hana sapat na Krueng habeh tho kayee mate Onjih han le tingai baknya Cabeueng ka brok bak treuk tinggai Hireuen akai ngon bicara Bak pi ka brok cabeueng han le Gadoh pike geutanyoe dum na Pruetteu pi deuek lagi ngon grah Pakri ilah ngon bicara Jabet keureuma han le meung bak Bukon that deuek geutanyoe dum na le han sapat makanan tan Bak soe rakan na beulanja Seuot Tamlekha tanyong rakan Bak lontuan na beulanja Tabri dalem keu lon peukayan Ija di badan alat meusapa

Tamlekha teubiet yoh nyan sidroe Rakan nam droe tinggai lam guha Teubiet lam guha jijak sidroe 'Oh troh u nanggroe laloe mata Sira jijak tahe keudroe Jieu nanggroe kon ban nyang ka Rot han meuho peukan han mupat Hireuen jih that gadoh bicara Hana mupat le peukan sot Palang-palot ureueng muda Na sikeujab tahe hireuen Leumahkeuh mideuen jieu rupa Lalu jipeurab nyan bak pinto Di sinan tahe sipeunganja Meusurat kalimah bak pinto mideuen Yoh nyan hireuen ureueng muda La ilaha illa l-lah, 'Isa ruhu l-lah Jibaca pantah kalimat mulia Nyan meusurat bak pinto mideuen Jikalon hireuen laloe mata Jikucueb babah muda samlakoe Dua jaroe rahob muka Na sikeujab teuma dudoe Ureueng lakoe keunan teuka Nyan Habaran geumeuhei nan Meuteumee yoh nyan di pinto raya Di pinto mideuen meuteumee sinan Ureueng lakoe nyan jijak lanja Tamlekha tanyong yoh masa nyan Hajat u peukan tren u banda Tamlekha deungo meunan hareutoe Ulonteu sidroe teungku neuba Neuba ulon teungku u peukan Lon jak sajan deungon gata

Habaran seuot insya Allah Peue na salah jak udehta Na sikeujab nyan beujalan Troh u peukan ureueng dua 'Oh sare troh nyan u peukan Geutamong sajan siseun dua Tamlekha tanyong bak Habaran Peue lakab nan nama banda Peue nan mideuen teungku peugah Soe khaliphah peue nan raja Habaran peugah yoh masa nyan Abeudorahman nama raja Nama raja Abeudorahman Kusuh geupeunan nama banda Tamlekha deungo Habaran peugah Hireuen dasyah hate lam dada Tamlekha kheun yoh masa nyan Tabloe makanan teungku le gata Nyoe deureuham wahe teelan Tabloe makanan keu kamoe hamba Habaran kalon deureuham nyan 'Ajab yoh nyan akai bicara Rayek deureuham siploh mah brat Tahe rak yat ban sineuna Habaran tanyong bak samlakoe Pat he adoe tateumee peudeuna Dilon ladom adoe meutuah Meung han lon peugah ubak raja Tamlekha seuot deumi Allah Jimeusumpah kon peudeuna Sibak kayee ulonteu publoe Na lhee uroe bak lon kira Ulonteu bungka di madinah Hana kuseumbah raja cilaka

Keurajeuen Kianoh raja pindoe Na lhee uroe cre ngon hamba Habaran deungo Tamlekha peugah Bukon beurakah narit gata Hana patot takheun meunan Keureuna raja nyan ka treb pana Lhee reutoh thon ngon sikureueng Dumnan jameun sit ka lama Padum-padum raja meugantoe 'Ajab that kamoe narit gata Teuma meusyeuhu didalam peukan Keudeungoran troh bak raja Meugah bak raja Abeudorahman Geupangge yoh nyan ureueng muda Geuba u dalam yoh masa nyan Rakyat sajan meuribee laksa Tamlekha pi troh yoh masa nyan Raja tanyong neupareksa Abeudorahman neuteumanyong Pane ureueng bunoe teuka Jaweueb bujang sabda Seulotan Meuteumee di peukan doli sroepada Meuteumee ngon kamoe tuanku bunoe Ureueng muda nyoe keunoe muba Meukalon bak jih deureuham jameun Meutanyong jikheun kon peudeuna Jikeumeung mubloe tuanku bunoe Bak peunyum kamoe nyo peudeuna Padum boh guci saleh jiteumee Tuanku lakee bak ureueng muda Tuanku lakee di geutanyoe ladom Meunan muphom adat nyang ka Patot tuanku teurimong bulueng Bagi limong miseue nyang ka

Saboh bagi milek janjongan Nyang ka meunan hukom sroepada Dijih han jitem peugah ban teupat Salah nyan that teumeureuka Raja tanyong yoh masa nyan Bak ureueng nyan neupareksa He ureueng muda takheun beusah Cuba peugah nyang sibeuna Tamlekha yoh nyan ka jingadu Dilon tuanku hana peudeuna Deelat tuanku syahi alam Lhee boh deureuhan nyang na bak hamba Sibak kayee ulonteu publoe Baro lhee uroe bak lon kira Ulon publoe kayee sibak Lon plueng nibak raja cilaka Seulotan Kianoh raja Parisi Jimeuungki keu agama Jiyue kheun droejih poteu Allah Soe han seumbah habeh jisula Manyet jitot dalam apui Tuboh rangui jeuet keu baja Manankeuh buet raja Kianoh Rakyat jibunoh ban sineuna Teukeudirollah meuleuha kudrat Muplueng leugat dalam rimba Jabaj Kuluh nama gle nyan Ramet jimeunan nama guha Dalam guha nyan kamoe som droe Baro lhee uroe kamoe kira Na simalam teungeut di sinan Jaga nibak nyan nyoe ho lon hala Kamoe dum deuek makanan tan Keulaparan hana tara

Ulon teubiet tinggai rakan Lon tren u peukan jak meumita Ulon jak keunoe mita makanan Tinggai rakan sideh lam guha Mideuen kusuh tuanku kamoe Dalam nanggroe nyoe rumoh tangga Deelat tuanku seumbah laman Kamoe kunangan raja cilaka Jiyue kheun droejih poteu Allah Hana meuseumbah muplueng lam rimba Raja Kianoh bit that laknat Le that rakyat jienanya Jigeubeue kameng sijih nyan dilee Hana soe thee ka jeuet keu raja Ampon tuanku ulon teukeunai Meung na tinggai mantong tangga Ibnu Katen bapa lon sinoe Dalam nanggroe nyoe rab ngon raja Deelat tuanku rumoh di sinoe Dalam nanggroe nyoe ibu bapa Asai dilee di Madinah Teuma muminah keunoe bak raja Silayeue keurajeuen Malek Saleh Du lon neuweh keunoe neubungka 'Oh mate nyan laen meugantoe Raja pindoe reuloh agama Tamlekha peugah jihareutoe Harah teumpat droe rumoh tangga Habeh jipeugah miyub manyang Hireun teuceungang yoh nyan raja Sabda raja neuyue intat Ubak teumpat nyang jikata Tamlekha yoh nyan ka geuitat Jiseutot rakyat sajan sireuta

Tamlekha pi troh geuintat u gampong Tamong jurong leumah tangga Rakyat pi troh ek u rumoh Jihei meh-moh asoe tangga Saleh soe na di rumoh nyoe Neutren keunoe na peue haba Asoe rumoh deungo meunan Tren le yoh nyan ureueng tuha

Ureueng tuha nyan that bit datok

Ka jareueng ok di keupala Sion-on treuk tinggai di ateueh Nyum sang gapeueh puteh raya Umu ka jameun hana lagee Ok di ulee meuputa-puta Bungkok ngon rueng kulet ka krot Keuneng ka rhet teutob mata Ureueng tuha nyan seuot sidroe Saleh soe meuhei kamoe hamba Soe nyan di yub meuhei kamoe Pane nanggroe soe nan gata Rakyat seuot ureueng tuha nyan Deelat Seulotan suroh bak gata Nyankeuh jeuet troh kamoe keunoe Ureueng muda nyoe keunoe neu yue ba Ureueng muda nyoe kheun bak kamoe Nyang rumoh nyoe kon digata Jikheun baroe jicre sinoe Soe yue duek nyoe ubak gata Jinoe pi taweh gata sinoe Nyang rumoh nyoe kon digata Ureueng tuha deungo narit meunan Beungeh yoh nyan hu ngon mata Ureueng tuha kheun ngon amarah Cuba peugah soe nan gata

Meung ka meune meung ka meusoe

patot lon boh droe ho langkah ba Bukon le utoh tajak teumaki That beurani hate gata Rumoh dilon sit du lon nyang bri Le that taki lagee bak gata Entukuh tinggai di lon rumoh nyoe Pakon meunoe sabda raja Ureueng tuha nyan sangat amarah Tamlekha peugah sipatah haba Teumpat Tamlekha nama kamoe Nyang rumoh nyoe entu hamba Ibnu Katen nama ayah Baroesa leupah kamoe lam rimba Tinggai ayah lon di sinoe Leupah kamoe dalam rimba Raja Kianoh alaihi laknat Tuhan halarat droejih kata Soe han pateh jih poteu Allah Jikoh lidah badán jisula Manyet jitet dalam apui Tutong rangui angoh anggeeta Di kamoe muplueng dalam gunong Laju meutamong dalam guha Jabai Kuluh nama gle nyan Ramet jimeunan nama guha Ureueng tuha deungo narit meunan Teuingat yoh nyan 'ajab raya Peue cit baroe nyan tapeugah Sit barollah nyan ka lama Lhee reutoh sikureueng thon raja ka mate Han mupat le dum peukara Ureueng tuha nyan baro teuingat Sujud khedeumat bak ureueng muda

74.

Baro teuingat keu ureueng gadoh Dilee meuteuoh ngon Nabi Isa Isa peugah yoh saboh roe Ureueng tujoh droe dalam guha Masa keurajeuen raja Kianoh Nam droe gadoh kunangan raja Ureueng geumubeue sajan sidroe Meunan saboh roe haba Isa Ureueng tujoh droe lapan ngon asee Isa bri thee untong muda Meunan teuingat baro teupike Neusujud le ureueng tuha Seumbah di gaki com di jaroe Kusyik kamoe lagoe gata Syeedara kusyik lon nyang gadoh Masa meuteuoh ngon Nabi Isa Seumbahkeuh rakyat ban saboh Troh meubunyoe ubak raja Raja yue intat bunoe keunoe Ureueng muda nyoe bak ureueng tuha Sabetkeuh beuna ban tapeugah Raja pantah beurangkat u lua Raja pi yoh nyan neubeurangkat Neujak peuedat ureueng muda Sabet ban kheun ureueng muda nyan Abeudorahman jak peumulia Raja pi troh rab ka keunan Neutren yoh nyan di cong guda Nyang phon raja mumat jaroe Lheueh nyan dudoe dum panglima Habeh bandum imum rakyat Geupeuedat ureueng muda Raja ngon rakyat duek meuhimpon Jaroe jiseuon ateueh jeumala

Lheueh mat jaroe duek meuhimpon Lakee ampon bak ureueng muda Raja teumanyong teuma dudoe Rakan nam droe ho saleh ka Tamlekha seuot raja teumanyong mantong lam gunong sideh lam guha Sabda raja bak Tamlekha Udeh rakan jinoe lam guha Taba kamoe kalon piasan Peureubuetan Tuhan dalam guha Tamlekha seuot rijang pantah Peue na salah jak udehta A m m a b a k d u nakeuh siat Neyue krah rakyat uleh raja Neumeung jak sajan ngon samlakoe Neumeung jak eu proe dalam guha Neumeung jak kalon peurusahan Peureubuetan Tuhan Wahidon Kaha Habeh geukrah yoh nyan rakyat Doli halarat kheundak meusapa Habeh meusapat sigala rakyat Kheundak beurangkat Seulotan raja Geusyik waki tandi bujang Uleebalang imum peutua Wadi kali peudana meuntroe Rakyat sinaroe sajan sireuta Habeh meusapat dum sibarang Panglima prang ngon sabanda Habeh meuhimpon ngon sipai Sigala paki ngon ulama Sare habeh rakyat keunan Abeudorahman beurangkat u lua Raja yoh nyan neubeurangkat Habeh meusapat balatandra

A m m a b a k du makna komdian Jiseutot sajan saboh treuk raja Kata saheb ampunya rawi Naseurani jadeh bungka Dijih pi le that habeh meusapat Jiba rakyat ngon peutua Raja Naseurani saj an beurangkat Padum ngon rakyat balatandra Dua raja beurangkat u gunong Han peue tanyong balatandra Raja Iseulam ngon raja kaphe Han peue tanyong le balatandra 'Oh sare troh rakyat keunan Tamlekha yoh nyan kheun bak raja Ampon tuanku jaroe gaki Rakyat bek tabri tamong lam guha Lon takot teukeujot rakan nam droe Raja pindoe jisangka teuka Deelat tuanku jiteumee lawan Jisangka rakan raja cilaka Raja Kianoh jisangka keunoe Rakan nam droe jithee hana Nyankeuh seubab lon peuingat Bek neubri rakyat tamong lam guha Raja deungo meunan hareutoe Muda samlakoe ban kheun gata Jakalee meunan muda samlakoe Geutanyoe dua droe tamong lam guha Raja Naseurani jitamong sidroe Ka jeuet lhee droe tamong lam guha Geutamong pi troh lam guha nyan Abeudorahman neubaca do'a Neubaca do'a hana khali Raja Naseurani iem droe saja

A l-hamduli l-lahi l-lazi najjakum min dakyanusi Raja teumanyong bak ureueng nam droe Padum uroe sinoe gata ladom kheun yawman aw bakda yawmin Meunan yakin lam keunira Ladom jikheun na siuroe Sikhan uroe ladom kata Adat han siuroe sikhan uroe Kamoe sinoe teungeut lam guha Raja neukheun narit meunoe Gata sinoe treb ka lama Lhee reutoh sikureueng thon lam guha nyan Teuma lheueh nyan teungeut indra Gata pansan hana tathee Meunan meuteumee dalam calitra Padum raja laen meugantoe Raja pindoe treb ka pana Nabi Isa keurajeuen di nanggroe Gata sinoe hana jaga Nabi Isa mekreuet ka treb Baro udeb gata lam guha Raja tanyong ubak meuntroe Pakri jinoe geutayoe tagisa Sang na hajat dum geutanyoe Tapuwoe jinoe dum u tangga Tamaba woe jinoe sajan Sit han jeuet han beuseureuta Yoh masa nyan meuntroe tanyong Bak ureueng nyan dalam guha Pakri jinoe wahe teungku Peue na napsu nibak raja Neukheundak puwoe gata u nanggroe Pakri jinoe jak udehta

Sit han jeuet han teungku neuwoe Ban tujoh droe sajan raja Ureueng tujoh droe seuot leugat Hana hajat lon keu tangga Hana hajat lon keu nanggroe Bahkeuh sinoe dalam guha Deelat tuanku neuwoe jinoe Meu'ah keu kamoe dum barang na Neulakee do'a tuanku keu kamoe Beuteutap sinoe dalam guha Nakeuh siat teuma dudoe Ban tujoh droe neubaca do'a Pinta do'a ban tujoh droe Meunoe bunyoe dum geukata Sireuta geuangkat dua jaroe Ban tujoh droe siseun sireuta A l-lahumma bihaqqi ma araitana mina l-'ajaibi fi anfu sina Ala qabalta arwahina walam yattali 'alaina ahadum Ya Tuhanku mupandang han le Barang nyang lahe ateueh donya Na bekkeuh leumah le nyang 'ajayeb Kamoe bek treb tatueng nyawa Bek leumah le kamoe tujoh droe Beuseb ngon nyoe ya Rabbana Do'a pi habeh nyawong pi gadoh Siseun ban tujoh sigo pana Kata saheb po karangan Raja yoh nyan teubiet lam guha Raja Eseulam ngon raja kaphe Jiteubiet le sajan sireuta Raja Eseulam saboh teumpat Sajan rakyat balatandra Raja Euseulam yoh nyan mupakat Deungon rakyat dum barang na

Neuyue peumanoe ureueng tujoh droe nyan Neuyue peukaphan bandum rata 'Oh lheueh manoe deungon kaphan Ulama sajan seumbahyang sigra Sigala rakyat dum leueng amin Paki miseukin lakee do'a Geusie keubeue troh meuribee Raja meujamee di lua guha Geusie keubeue geukhanduri Sigala paki lakee do'a Tujoh uroe raja khanduri Sajan paki di lua guha Pinto guha geutob yoh nyan Geulabo deungon geulak dama Lheueh nyan raja tanyong pakat Pakri mangat geutanyoe dum na Pakri mangat geutanyoe jinoe Keureuna gob nyoe beuragama Beumupakat dum geutanyoe Patotkeuh'jinoe taboh tanda Saboh meuseujid patot takeubah Teumpat diarah soe na teuka Meunankeuh pakat raja Euseulam Raja jahannam laen bicara Raja Nasrani jimeujâmee laen lagee dijih keunira Raja Nasrani kheun bek meunan Mate gob nyan agama hamba Matc gob nyan agama udeb Di kamoe pi wajeb meuboh tanda Patot meupeugot saboh kubah Teumpat meukeubah patong beurala Meunakeuh pakat raja Nasrani Hana khali jiboh dawa

Dua raja hana mupakat Meukeusumat di babah guha Raja Iseulam ngon raja kaphe Meuasoe beude rakyat that bha Dua raja yoh nyan meusugang Hingga jeuet prang meuseunoh guha Keureuna guha nyan bak ceue nanggroe Bandua droe geukheun areuta Raja Iseulam ngon raja kaphe Lheueh beude jeuet prang raya Haba puprangan sit maklum le Ladom mate beurangho na Le alat puprangan sit tan maklum Beude meutum laen pi na Piasan prang le that bagoe Maklum bak droe dum peukara Meung ka jeuet prang meuhat pantah Talo siblah kon bandua Meunang Iseulam talo kaphe Hana soe le ngon meudawa Geupeugot meuseujid teuma di sinan sipeureuti peureuman Allah Ta'ala Lana t-takhizanna 'alaihim masjidan Peureuman Tuhan nyang peunyata Sare mate raja Nasrani Geupeugot le meuseujid raya Bak kubu Tamlekha geupeudong meuseujid Ureueng keumiet beurangjan na Nan Tamlekha beuna tatusoe Di Rom nanggroe rumoh tangga Meuseujid Rom pucakjih intan Tameh lapan sit raya-raya Dum na ureueng jak diarah Rakyat barollah kayem teuka

Inong agam jak peulheueh kaoi Asab meubhoi-bhoi beurangjan masa Ureueng tujoh droe keuramat that Peurintah halarat eelia raya Nyankeuh wali dampeng halarat Ka troh hajat soe meunada Ureueng peulheueh kaoi geunab uroe han tom padoe geunab masa 'Oh lheueh mate ureuèng tujoh droe Asee sinoe mate di lua Iradat Tuhan meuleuha kudrat Asee nyan meuhat masok syeureuga Raja yue tanom yoh nyan asee Teumpat meuteuntee di lua guha Di lua meuseujid raja yue tanom Meunan muphom bak calitra Tamat Kisah Aseuhabon Kahphi Tanyong Yahudi asai mula Tanyong Yahudi ubak Ali Habeh neukheun kri dum peukara Ali tanyong yoh masa nyan Nyo bit meunan lam Teerit kata Seuot Yahudi phon beunalah Hana ubah ban kheun gata Meutamong jinoe agama Muhammad Neulakee rahmat keu kamoe dum na Yoh nyan Yahudi jiucap syahdat Eleuham halarat dalam dada Asyhadu alla ilaha illa l-lah wa asyhadu anna Muhammada r-rasulu l-lah; Yahudi pantah masok agama Aseuhabon Kahphi kisah le that Maseng riwayat dum ulama Khilah bandum ureueng mukmin Maseng yakin akan Rabbana

Maseng takuwa keu poteu Allah Maseng peugah dum ulama 'Oh noe kisah Aseuhabon Kahphi Neutanyong kri bak ulama

Aseuhabon Kahphi ureueng tujoh Beurangsoe troh jarak baya Ureueng tujoh lapan ngon asee Lon boh he sampee sinoe do'a

Tamlikha, Maksalimina, Martunis, Nununis, Sarbunis, Paliastatiunis, Dawnuanisu; Katmi wabuduh La ilaha illa l-lah Muhammada r-rasulu l-lah

Ya Abubakar, ya 'Umar, 'usman, ya 'Ali

Ya Jibra-il, ya Mika-il, ya Israfil, ya 'Izra-il Ta m m at surat uroe Sabtu Watee teungku teungoh leuho Kheuet hana got wahe sabat Lon seumurat hana biasa

Dua blah uroe buleuen Zulka'idah Habeh sudah tamat haba Hajarat siribee lhee reutoh dua ploh sikureueng Meunan geukheun lam calitra Nyoe lon peugah teumpat surat Na tatupat ulon rika Matang Keupula ri Blang Awe Teungku Ali nyang meurika

Meung na napsu lakee siat Keunoe taintat he syeedara Tamat surat wahe adoe Rab cot uroe habeh haba

T a m m a t amin ya Rabba l-'alamin Tammat kalam amin

—

Inong agam jek peulheuch kaoi 1kmału mub dagueq 8nozsM

Ureueng o dro eunm th nodu i on

Peurintah halarat eelia raya emsiu lad hl gnovmetosk Nyankeuh walt dampeng halarat

a o j o o

5028 noga meq8l dojut gnauo1U han tom pedoe geunab masa 6'ob sonie asqma2 ad rod nol

Lradat Tuhan meuluhdw al uanowe andaeile

Ase ayan muhar mas bsmmadui det ai ede al

aja yu 0 yb myan m u 67

Teumpar meuteumtee d.4e svl sv .f-aM ev doidit aY

Di lua meusud raja yue laom mda2 óu 181 u8 1.8 m msT Meunan muphom bak calitra oriuol dogmust ualgmust eotew 1sd62 grew 10g mnad tau9X Tamat Kisah Asubabon Kanphi

.62818 sma 1mumu92 noJ
Tanyong Yaltudi asai mula debł'aluS nuslud sou dełd au Tanyong Yahudi abak Al Habeh neukheun kr dum peukaraadar 1amml dabua dadeł Al tanyong yoh magasumle dlolg sub dotust o sodhie taaiah Nyo bit méunan iam Teerit kata anilao mal nusdluag nanusM Seuot Yahudi phon beunstuh1e taqaiuat daguoq nol oov fana ubah ban kheun gaia. 6lh molu taqu163 sk Meutamong jie aa Muhamoad aw a8 h sluqu,aneeM Neulake rhmat keu kamoe d,p ehm gyn un Yob nyan Yatudi jiucap sy ahdat mi2 902el u2q8m 6m gm0sM Eleuham halarat dalam dada 618b30v2 91181m81 20m0924.

Ad alla aa e (h wa aad aa obe sw e em

Muhammada rraab Hah Yabud pantab sn 1oo da

Aseuhabon Kahphi kisah le that nłouls'l adde8 av aima 1 s m ma T

Mascng riwayat dum uhama

nim6 melellemmsT Khial bandum ureueng mukmin Maseng yakin akan Rabbanaz=aa

952 0984

PN BALAI PUSTAKA — JAKARTA bp