Baca PDF (OCR): Hikayat Banta Amat Ngon Nahuda Seukeuem

Milik Depdikbud Tidak diperdagangkan

Hikayat

IANTA AMAT NGON NAHUDA SEUKEUEM

DEPARTEMEN PENDIDIKAN DAN KEBUDAYAAN

Milik Depdikbud PPS/Ac/1/84 Tidak diperdagangkan

HIKAYAT BANTA AMAT NGON NAHUDA SEUKEUEM

Alih Aksara Drs. RAMLI HARUN

Departemen Pendidikan dan Kebudayaan PROYEK PENERBITAN BUKU SASTRA INDONESIA DAN DAERAH Jakarta 1985

Proyek Penerbitan Buku Sastra Indonesia dan Daerah Hak pengarang dilindungi undang-undang

Naskah Hikayat Nahuda Seuekeuem ini kami peroleh dari Saudara Mawardi, pegawai Museum Banda Aceh tanggal 27 Agus- tus 1984. Naskah bahasa Aceh huruf Arab ini tebalnya 407 halaman dengan ukuran 20 X 16 cm. Tiap halaman terdiri rata-rata delapan belas baris. Di halaman pertama tercantum kata-kata: "Inilah hikayat nakhoda Seukeuem dengan Bangta Ahmad yang amat indah-indah ceritanya. Yang empunya ini hikayat Muhammad Djamil" Melihat data ini jelas menunjukkan bahwa Muhammad Djamil bukan sebagai pengarangnya. Di bagian akhir dikatakan bahwa penulis malu menyebutkan namanya selain nama dae- rahnya, Basitang dan selesai ditulis tahun 1334 H (1915—1916). Dalam usia lebih kurang enam puluh delapan tahun naskah ini masih terang sehingga terbaca semua. Halaman 191 dalam naskah tidak ada. Hal ini menunjukkan bahwa naskah ini merupakan sa- linan seperti halnya kebanyakan naskah hikayat Aceh lainnya. Namun kehilangan satu halaman tidak mengganggu jalan ceritanya. Di halaman 296 jilid I alih aksara, terdapat beberapa huruf Arab yang tidak ada kaitannya dengan isi. Bagian ini kami sunting dengan mencantumkan kata-kata Arab yang sesuai dengan maksud cerita. Melihat peranan Bangta Ahmad lebih menonjol, maka judul hikayat ini kami namakan "Hikayat Banta Amat ngon nahuda Seukeuem". Hal-hal yang membudaya dalam hikayat Aceh seperti putri kaca, raksasa yang setia dan sang putri direbut orang, semuanya terdapat dalam hikayat ini. Diperlukan data yang lengkap untuk menganalisa kemungkinan adanya hubungan antara hikayat Aceh dengan cerita-cerita Melayu dan India Selatan seperti dikatakan oleh Prof. Dr.C. Snouck Hurgronje.

Masih banyak karya-karya sastra yang tersimpan di pedalaman daerah Aceh untuk dilestarikan sebagai budaya bangsa.

Jakarta, 1985 Proyek Penerbitan Buku Sastra Indonesia dan Daerah

•

Jilid I

Dahulu kala Sultan Abidin dari negeri Teurumon sangat ter- kenal. Dari permaisuri Kariman Binti, sultan mempunyai dua orang putra masing-masing bernama Banta Amat dan Banta Sulotan. Ketika kedua putra mahkota meningkat remaja, sultan kawin lagi dengan seorang gadis bernama Siti Cahya. Pada suatu hari seekor burung kena sumpitan Banta Amat. Burung itu jatuh di halaman istana, dan diambil oleh Siti Cahya. Banta Amat dan Banta Sulotan yang tidak mengenal ibu tirinya itu merampas burung itu dari tangannya. — Sebenarnya Siti Cahya tertarik dengan ketampanan kedua anak tirinya itu. Kesal rindunya tidak dibalas ia menuduh mereka hendak memperko- sanya. Sultan Amat marah mendengar pengaduan isterinya. Untuk menghindari hal-hal yang tidak diingini, Kariman Binti menyuruh kedua anaknya pergi dari istana. Di sebuah hutan Banta Amat dan Banta Sulotan bertemu dengan Datuk Malik, seorang tua yang sudah lama ingin menang- kap seekor burung bayan. Menurut Wasiat Nabi Sulaiman barangsiapa yang berhasil memakan kepala burung itu ia akan menjadi raja dan yang memakan hatinya akan menderita sebelum menjadi raja. Ketika Datuk Malik keluar rumah hendak mandi, burung bayan itu dapat disumpit oleh Banta Sulotan. Meskipun Datuk Malik memintanya, namun mereka terus memanggang burung itu lalu kepalanya dimakan oleh Banta Sulotan dan hatinya oleh Banta Amat. Dengan tidak diketahui oleh Banta Amat, seekor gajah datang dan menculik Banta Sulotan lalu membawanya ke negeri Anta Kisah. Di sana ia diangkat menjadi raja dan menikah dengan" Putri Keumala Donya.

Dalam pelayaran ke negeri Keling, Banta Amat dilempar ke laut oleh Nahuda Seukeuem. Tetapi dengan tiba-tiba kapal berhen- ti. Tahulah anak buah kapal bahwa hal itu disebabkan perbuatan jahat Nahuda Seukeuem. Banta Amat dinaikkan kembali ke kapal. Barulah mereka dapat meneruskan pelayaran. Tersebutlah seorang raja di negeri Tinggi bernama Ibnu Hasan. Baginda terpaksa berjanji harus menyerahkan ketujuh orang putrinya kepada sekawan naga. Sekembali dari negeri Keling, Nahuda Seukeuem singgah di negeri Tinggi. Banta Amat dijualnya sebagai budak kepada Raja Ibnu Hasan, dan karena tidak dapat berlayar tanpa Banta Amat, Nahuda Seukeuem juga terpaksa tinggal di negeri tersebut. Banta Amat yang mendapat tugas menggembala kambing istana, pada suatu hari tersesat dalam rimba. Ia bertemu dengan se- pasang raksasa tua. Kedua raksasa itu berjanji akan membantu Banta Amat setiap waktu. Saatnya tiba Raja Ibnu Hasan akan menyerahkan ketujuh orang putrinya kepada kawanan naga. Dalam pada itu baginda me- ngumumkan kepada seluruh rakyat bahwa barangsiapa dapat mengalahkan kawanan naga akan diberi hadiah berupa sebagian negeri berikut ketujuh orang putrinya. Tidak ada orang yang berani menyambut pengumuman raja itu kecuali Nahuda Seukeuem. Ia menyatakan sanggup membunuh semua naga jahat itu. Dengan bantuan raksasa Banta Amat berhasil membunuh semua naga yang hendak mengambil putri raja. Tetapi dengan bukti yang dibuat-buat Nahuda Seukeuem dapat meyakinkan raja bahwa dialah yang telah membunuh ketujuh ekor naga sambil mem- perlihatkan badannya yang berlumuran darah. Raja tidak dapat menolak keterangan Nahuda Seukeuem dan dengan demikian harus menepati janjinya menikahkan pembunuh naga dengan putrinya. Ketujuh orang putri, terutama Putri Bungsu menentang keterangan Nahuda Seukeuem karena mereka telah menyaksikan sendiri siapa sebenarnya yang membunuh naga.

Pada suatu hari permaisuri raja hendak mengetahui siapa di antara ketujuh orang menantunya yang pantas menggantikan Ibnu Hasan sebagai raja. Kepada ketujuh orang putrinya permaisuri meminta supaya mencari ikan secukupnya untuk keperluan pesta. Ternyata Banta Amat yang dapat melakukannya. Demikian pula ketika raja memberitahukan bahwa baginda ingin makan da- ging rusa. Hanya Banta Amat yang dapat membawa rusa hidup- hidup kepada Baginda. Semuanya dapat dilakukan berkat cincin saktinya.

BANTA AMAT NGON NAHUDA SEUKEUEM

Jiled keu sa

Inilah hikayat Nakhoda Seukeuem dengan Bangta Ahmad yang amat indah-indah ceritanya. Yang empunya ini hikayat Muhammad Jamil.

Bismillahirrahmanirrahim Dengan ayat nyan Tuhan Esa Alhambulillahirabbiralamin Tuhan Karim Rabbul Ghaffar

Geumaseh that lagi halim Dumna mukmin na'imah busyra Dalam syeuruga pangkat neubri Dum barangri nyang takuwa

Subhanallah ajab sikali Deungon teukeudi Tuhan Taala Tamse malam dalam hari Dalam sunyi lahe nyata

Meunan bangon Ion tamse proe Tamse uroe teuka cahya Seupot dilee peungeuh dudoe Meunan bagoe Ion umpama

Dilee peungeuh dudoe reudok Jirahop le nyan gurana

Seupot seupeuet ngon teumakot Jeuet klam kabot sang ka sinja Han Ion tuho darat laot Uroe seupot glap gulita

Sang meugap deungon meugop Ka seupot ban saboh donya Di Ion teungku nyum teumakot Sang langet sret bak Ion sangka

Abeh Ion plueng sigala nanggroe Keu deh keu noe meureuraba Hingga troh bak saboh nanggroe Hireuen laloe Ion eu rupa

Lon eu raja neubeurangkat Deungon rakyat balateuntra Troh bak nanggroe nyang indah that Amat sangat ade raja Raja ade nanggroe aman Di sinan jeuneh peunula Peukan rame nanggroe tangkoh Han torn musoh keu nan teuka

Peudana meuntroe uleebalang Dum sibarang ikot raja Ngon mideuen got nana macam Bangon dali tan sapat sa

Dua lhee uroe lon di sinan Lam nanggroe nyan teumpat raja Na sikeujap lon duek sinan Datang yoh nyan ureueng muda

Meuteumee le meumat jaroe Deungon kamoe lawan meuseunda

Dairah Teurumon nan daratan Di sinan teumpat neuraja Bak kamoe geukheun hareutoe Hana bagoe ajab raya

Jameun saboh jeuet nanggroe Saboh putroe indah rupa Jinoe lon boh laen bagoe Kon ban bunoe dilee nyang ka

Masa dilee geuhikayat Kureueng ajab hana gura Laot Silan that meu'u'u Bahtra teungku le binasa Bak Tuhan lon lakee bantu Nyan teungku ngon Muhammadara Ngon beureukat dumna syiah Tulong Allah dum eelia

Deungon beureukat Muhammadan Tulong Tuhan Rabbul Ghafara Ya Tuhanku keu lon neubri Nyang peungeuh hu ban peulita

Lon meung hambo saboh lagu Lon tabu beutimoh rata Lon ato beukeunong lagee Bak guree doa lon pinta

Beujeuet ruweueng nebri teupat Beumeuhad na dum geujangka Peuraho cut lancang pukat Bungka hajat laot raya

Teungku po cut teuka bakat Ngon siat umbak ceuncala

Han lon tuho laot darat Pinta hajat jeuep eelia Ulon teungku eleumee singkat Lafai ralat kon lon saja

Hana utoh lon seumurat Kalam lon mat hana bida Meujan keunong ngarasy bayan Meujan-jan hana biasa

Ulon bingong eleumee tan Lon baro ban beuet aleh ba Hankeu na pat tanyong manyong Nanggroe tunong duson lagoina

Kreueh beurani ulon tuan Bitpi meunan bah lon cuba Bak Allah bri Po lon Tuhan Di sinan doa lon pinta

Keu lon neubri nur deungon fam Ate beutrang ban peulita Meunan neubri keu lor, tuan Bak katakan raja raya

Soe tuban thee buet di Tuhan Ulon tuan hana kuasa Iuhanku neubri roh lon padan Rabbur Rahman sidroe Esa

Soe nyang deungo lagi hiran Ban lakuan babul ula Keunong rungkhok jroh meupadan Soe deungoran galak suka

Bahkeu 'oh noe nyang khuteubah Laen kisah lon calitra

Daweuet hitam keureutah Hindi Badai lon bri ungkoh deureuma Geulantoe lon bri ranup layee Badai teubee ngon u muda

Nyoekeu nyang na wahe sampee Jampang meuteumee di rot raya Geulantoe lon bri gleueng ngon subang Badai puan nyang meucintra

Badai peundeng gleueng ngon in tan Badai lon pulang rumoh raya Nyoe na teungku sipatah kalam Jampang-jampang jeuet neubaca

Meutamah akai deungon pike Leumah syawe ngon bicara Ya Ilahi Po lon Tuhan Ulon tuan neuampon deesya

Ureueng jameun po riwayat Deungo sahbat lon calitra Masa keurajeuen Nabi Sulaiman Yoh masa nyan phon lon mula

Ajaib subhanallah Deungo lon kisah sidroe raja Dairah Teurumon nan daratan Di sinan teumpat neuraja

Raja meugah areuta makmu That meusyeuhu hana tara Hukom ade nanggroe aman Keumudahan dum peukara

Meugah ade hana bagoe Sigala nanggroe dum geupuja

Nama deelat wahe teelan Raja Abidin geurasi nama Judo raja putroe in tan Jroh hana ban ateueh donya

Rupa cidah hana lawan Na dum bintang malam jula Ok di ulee patah mayam Keuieng ban salang tren di para

Dhoe meuangget buleuen siuroe Kilat gigoe ban suasa Reukueng panyang got geularek Gigoe leuntek dum geujangka

Babah cidah bibi lipeh Kulet puteh meulu cina Soe nyang kalon ate gaseh Bak teuseuheh-seuheh nyum di mata

Dawok laloe dalam mideuen Putroe buleuen deungon raja Bak simalam teukeudi Tuhan Teuingat yoh nyan raja raya

Teukeudi mate ulon sidroe Soe geulantoe mat neuraca Teungoh neukheun nyan raja neumoe Meuteutaloe ngon ie mata

Putroe tanyong teuma meunoe Tuanku droe pakon rugha Raja seuot narit putroe Lon moe keudroe nyak jroh rupa

Adat mate ulon sidroe Teuboh nanggroe nan soe raja

Aneuk nanggroe cangkeng-makeueng Jeuet keu uteuen meutan raja Nyankeu sabab nyang jeuet lon moe Teupike keudroe lon ka tuha

Meuna aneuk soe badai lon Na soe seuon dum peukara Teuma seuot si nyak putroe Deungo lon nyoe po meukuta

Tameulakee nibak Tuhan Uroe malam bek talupa Ban raja ngo haba putroe Dum geupasoe dalam da da

Neupangge nujum dalam nanggroe Abeh sampoe keu noe teuka 'Oh abeh troh dum sibarang Tamong u dalam ngadap raja

Deelat tuanku meukuta nanggroe Neupangge kamoe peue na haba Sabda raja ubak kadi Lon khanduri mohon pinta

Neusie keubeue meung khanduri Peujamee faki uleh raja Lheueh khanduri bri seudeukah Berkatalah raja raya

Wahe teungku dum sinaroe Deungo lon nyoe peugah haba Ulon mate aneukku tan Pakri padan nibak gata

Teungku lakee ubak Tuhan Aneuk agam keu lon beuna

Abeh haba raja nanggroe Syiah neuwoe ka neugisa Tinggai raja deungon putroe Geunap uroe meuseusuka

Doa syiah geunap uroe Tuhan sidroe peutroh pinta Teukeudi Allah Po geutanyoe Hame putroe judo raja

Meusyeuhu dum sagoe don Rakyat jitren han teukira Judo meuntroe uleebalang Panglima prang imum muda

Me bu kunyet deungon tumpoe Jak eu putroe judo raja Boh timon bruek ngon timon phang Laen nibak nyan timon saka

Ranup meuraga u meutaloe Jak eu putroe ureueng tuha Tuah budak lam kandongan Han sapaeue tan keu nan teuka

Siploh buleuen mume putroe Teuma jinoe budak keulua Baro beukah matauroe Si manyak moe maukua-kua

Aneuk agam ureueng lakoe Tiwah uroe ban keulua Ngon samlakoe rupa indah Sang siulah bintang kala

Tuan putroe mangat ate Sabe-sabe aneuk dua

Soe nyang kalon bandum hireuen Bagoe buleuen cahya muka Beuphet kulet mangat asoe Po samlakoe meubahgia

Meunan sempeuna ureueng nanggroe Dum sinaroe tuha muda Imum geusyik panglima prang Keu nan datang ubak raja

Teutap sinan lam meuligoe Tuan putroe deungon aneukda Teukeudi Allah po alam nyoe Goh lorn meuasoe putroe muda

Siploh buleuen mume putroe Lahe jinoe budak nyata 'Oh lheueh siploh madeueng putroe Geuseumanoe uleh maja

'Oh gleh kalang nibak asoe Badan meuwoe miseue nyang ka Sare cukop ngui peukayan Putroe intan seumbah raja

Mangat ate bandua droe Geunap uroe meuseusuka Ngon dendayang ate galak Jingieng meurak dua-dua

Meutuah that Raja Abidin Meunan jikheun dumjih rata Teuduek 'oh nan saboh ato Laenpi le ulon rika

Poteu raja neuhei bujang Mari abang keu noe gata

'Oh troh keu nan u meuligoe Beuot jaroe ateueh jeumala Ampon tuanku meuribee katoe Keupeue kamoe neuseurantaa

Poteu raja neukheun meunoe Aneuk nanggroe bandum taba Hajat ulon kukhanduri Kaoi janji ngon eelia

Beudoh bujang pantah leugat Troh le siat jipeuteuka 'Oh troh keu nan ubak teungku Jikheun laju sabda raja

Wahe teungku ngo lon peugah Deelat syah neuyue tueng gata Ban neudeungo raja pangge Neubeudoh le sigra-sigra

Cok ngon tungkat ngui peukayan Neuba rakan bube nyang na Ban sare troh u meuligoe Seumbah jinoe poteu raja

Poteu raja neukheun nyoe ban Teungku khatam neulakee doa Lheueh khatam beuot khanduri Alem faki dum neugisa

'Oh leupah woe teungku syiah Berkatalah raja raya Wahe putroe puteh lumat Pakri pakat nibak gata

Aneuk geutanyoe na dua droe Hai putroe soe taboh nama

Meunyo meunan puteh lumat Bangta Ahmad lon boh nama Nyang aduen nyan Bangta Sulotan That pahlawan bak ri rupa

Bangta Sulotan nyang di kamoe Nyang adoe nyan hukom gata Ban putroe ngo haba meunan Neucok yoh nyan Bangta Muda Neucok Bangta ka neutimang Neurasi nan Ahmad Bangta Bangta Sulotan deungon adoe Geunap uroe meuseusuka

Beungoh neujak seupot neuwoe U meuligoe ubak bunda Deungon rakan hana torn ere Sabe-sabe aneuk dua

Putroe peugot sumpit intan Bangta budiman ate suka Sumpitjih meuh aneuk intan Wahe intan le hareuga

Teuduek siat nyang haba nyan Karangan laen lon calitra Lon surat nyoe he teungku jroh Sabab gadoh dua muka

Tan naseukah wahe adoe Jeuoh nanggroe payah mita Nyankeu sabab he teungku cut Di Simpang Peuet asai mula

Adat karot bacut sapat Puteh lumat bek ceureuca

Meunankeu lon teungku abang Miseue parang tumpoi mata Sepkeu dumnan ulon peugah Putroe indah lon calitra

Neucok Bangta ka neutimang Boh ate nang beurijang raya Jak lon timang putik nangsat Cut Ahmad rupa samlakoe

Bumeutuah puteh lumat Beujeuet deelat uroe dudoe Jak lon timang kusyang-kusyang Paneuk panyang on geureutoe

Bumeutuah bungong keumang Beuek kapeugang jeuep-jeuep nanggroe Jak lon timang putik labu Bakpi leuhu boh meureula

Beu Allah bri panyang umu Beujeuet teungku aneuk gata Jak lon timang putik rambot Bak meuleugot cabeueng meureula

Beule rakan jak di likot Nyang patot ureueng peutua Allah hai jak lon timang bob Jeh putik u sret lam leuhop

Bek tajak-jak po nyakkeu noe Si nyak nyoe ka lon bri keu gop Jak lon kheun do kudendayang Jehseulayang dalam hawa

Rayek si nyak beurijang-rijang Beuek kapeugang jeuep-jeuep donya

Beujeuet aneuk uleebalang Beule rakan sajan gata Jak lon kheun do kudak ido Beuroh aneuk tulo dalam cintra

Beurijang rayek putik hijo Beuroh judo aneuk raja Bumeutuah bungong kundo Asoe kaso mayen mata

Jak lon kheun do kudak idi Bijeh seusawi dalam anoe Beujeuet aneuk badai abi Beu Allah bri mangat asoe

Allah hai jak kutimang prok Bok grok-grok dalam ceurana Teupeuen lon brok han jeuet lon pok Dang lon cok jantong ate ma

le kuala tabeue masen Kayem ujeuen buleuen keunong sa Meung 'oh rayek bintang canden Lon peukawen ngon aneuk raja

Jak lon timang putik nangsat Cut Ahmad rupa samlakoe Bumeutuah puteh lumat Beujeuet deelat uroe dudoe

Meunan sabe kheun putroe cut Beungoh seupot hana padoe Teuduek haba ayon putroe Laen jinoe lon calitra

Teutap raja lam meuligoe Deungon putroe meuseusuka

Jijak meu'en jeuep geulanggang Jak meutandang geunap uroe Geunap uroe sabe meunan Han ubah bandua droe

Raja peugot boh sumpit intan Bangta budiman ate suka Sumpitjih meuh aneuk intan Cut budiman galak han sa

Jak meucicem geunap uroe Bandua droe ngon adekda Beungoh neujak seupot neuwoe U meuligoe bak putroe muda

Putroe ngon raja mangat ate Sabe-sabe aneuk dua Teutap sinan lam meuligoe Raja ngon putroe ate suka

Teukeudi Allah bak simalam Teuingat yoh nyan kaoi Bangta Masa dilee yoh saboh roe Putroe meukaoi deungon raja

Beuna aneuk ureueng lakoe Lon intat jinoe bak peunita Lheueh nibak nyan teuma dudoe Raja ngon putroe meukeukira

Pakri laku he putroe cut Tajak pubeuet Bangta muda Keu deh taintat ubak syiah U binasah bineh rimba

Nama teungku Syekh Ibrahim That salihin hana tara

Ureueng teuka geunap uroe Keu nan sampoe bak peunita Troh meuribee ureueng meudagang Bahle keu nan taintat Bangta

Siuroe jak jeuoh nanggroe Keu nan sampoe bak syekhuna Cit sapeue kheun bandua droe Tuan putroe deungon raja

Neumeuase tuan putroe Baranggapeue alat bungka Putroe meuhei ngon dendayang Tajak rijang keu noe gata

Neuyue me tika dalam uroe Tuan putroe ate suka Adee pade dum sinaroe Peuase droe putroe muda

Neuyue top teupong keu peunajoh Bak asoe rumoh tuha muda Ase teupong ngon makanan Keu beukalan aneuk bungka

Ladon peugot ngon peutisah Le that ulah han ek kira Wot meuseukat deungon kanji Peugot ruti aneuk dara

Dumna peunajoh bak malam nyan Abeh macam taeu rupa Hana jieh bak malam nyan Dum sikeulian aneuk dara

Hingga beungoh puteh uroe Meuhei samlakoe uleh bunda

Bangta deungo haba meunan Peurab yoh nyan le bandua Neucok sileuweue meuseulipok Putroe neujok keu Cut Bangta

Neucok ija meukasab mbon Neupeuseuon kulah kama Neubri tangkulok meukasab reumboe Adat tabloe le hareuga

Aneuk sumpit na sireutoh Cut putroe boh dalam ija Jampang-jampang Bangta jak meu'en Jimeucicem dalam rimba

Cukop alat dua di asoe Raja jinoe meuhei Bangta Wahe aneuk po samlakoe Kuintat jinoe bijeh mata

'Oh neudengo neumeung pubeuet Bangta sujud ubak bunda Com di teuot seumbah di gaki Cut putroe ti sret ie mata

Wahe aneuk po bintang sret Bek lupot ate keu bunda Beuphet kulet beumangat asoe Samlakoe beumubahgia

Bumeutuah bintang canden Beumalem bandua gata Meuna umu uroe dudoe Saweue kamoe po jroh rupa

Abeh haba deungon putroe Bandua droe Bangta muda

Kulah kama Bangta seuon Cut bintang tren le bandua 'Oh leupah tren po samlakoe Tuan putroe ate rugha

Putroe neumoe hana sakri Boh ate ka leupah bungka Teungoh galak po sambinoe Bandua droe keu Cut Bangta

That neugaseh ngon neusayang Nyum bek leukang ere di mata Poteu raja neujak leugat Neuintat Banta jroh rupa

Jak ngon rakyat dua lhee ploh Ikot suroh raja raya Beungoh-beungoh neucre nanggroe Troh sampoe watee asa

'Oh sare troh Raja Abidin Neutren yoh nyan dum ulama Jak meuteumeung dum sinaroe Raja nanggroe ka troh teuka

Ban sare troh u binasah Teungku syiah kalon raja Ulon gantoe nyang ka beukah Pat na salah tapeuhaba

Syekh Ibrahim meubri saleuem Deungon tuan jamee teuka Assalam alaikum tuanku droe Ka troh keu noe po meukuta

Wa alaikum salam teungku syiah Ka troh leugat po meukuta

Lheueh nibak nyan neujok bungkoh Ranup neupajoh le bandua Teuma neuduek le neupiyoh 'Oh tho reuoh raja raya

Teungku tanyong bak khalifah Hobu langkah po meukuta Kru seumangat he teungku droe Lon jak keu noe bak peunita

Raya hajat hana bagoe Nyang troh lon nyoe ubak gata Aneuk ulon na dua droe Ureueng lakoe Bangta muda

Aduen tuha Bangta Sulotan Nyang adoe nyan Ahmad Bangta Hajat ulon teungku pubeuet Nyang meukeusud laen hana

Kru seumangat tanglong nanggroe Bak kamoe ateueh jeumala Neujok Bangta bandua droe Raja nanggroe ka neugisa

'Oh troh neuwoe u meuligoe Teutap jinoe raja raya Bahle dumnan dilee siat Laen sahbat lon calitra

Sireuta lon balek ayat Hana mangat meulagee nyoe Amma bakdu keumudian lagi Ngo lon kheun kri wahe adoe

Teungku jinoe cok kuruan Pubeuet yoh nyan po samlakoe

Peungeuh ate that peureuseh Ban beureuteh lheueh geutampoe Teuma neupubeuet kuruan raya Jimeuhija malam uroe

Tamat kuruan beuet bidayah Matan surah abeh sampoe Lheueh nibak nyan pubeuet sirah Meutamahpi seuleusoe

Eleumee tasawohpi that ahli Eleumee laduni that seureuloe Neubeuet sabe uroe malam Hingga malem bandua droe

Lheueh makeuen baranggajan Jak meutandang geunap uroe Bangta Ahmad deungon dalem Jak meucicem aduen adoe

Geunap uroe meunan sabe Ho rayek le po samlakoe Deungon rakan hana torn ere Meunan sabe geunap uroe

Ngon suara leumoh leumbot Sit meusambot deungon rupa Teutap Bangta nibak syiah Nyoe lon peugah u meuligoe

Bak siuroe teukeudi Tuhan Teuingat yoh nyan raja nanggroe Hana teungeut uroe malam Cut intan teuoh aneuk droe

Ka troh lhee thon neumeudagang Han torn riwang meusiuroe Neuduek nan kong neudong sosah Cut indah ingat samlakoe

Teuma raja neumeututo Ngon putroe jroh indah rupa Pakri laku wahe putroe Nibak kamoe saboh bicara

Aneuk geutanyoe na dua droe Han torn jiwoe he putroe muda Tabri idin puteh licen Lon meukawen rab ngon Bangta Jampang-jampang Bangta lakoe Na ho jiwoe aneuk gata Teuma seuot si nyak putroe Tuanku droe ban nyang suka

Sabab aneuk na dua droe Tuan putroe ka neurila Mangat ate puteh licen Neuyue meukawen poteu raja

'Oh neudeungo haba putroe Raja nanggroe ate suka Neujak kalon aneuk meuntroe Jroh sambinoe indah rupa Nama geukheun aneukgeu nyan Geurasi nan Siti Cahya Teuma raja neumeukawen Putroe canden indah rupa

Bak Bangta cut hana neupeugah Teukeudi Allah Tuhan Esa Bak siuroe Bangta jak meu'en Peumayen rab deungon kuta Neukalon cicem di cong kayee Le that lagee hana tara Ladom rampuneue ngon beureugom Sinan jidom bineh kuta

'Oh ban keunong jiteureubang Sret meulayang dalam kuta Ban jikalon uleh putroe Jicok jinoe baplueng sigra

Ureueng laen hana sinan Abeh u blang jak seumula Bangta lakee han jitem bri Baplueng salli putroe muda

Bek tabaplueng wahe putroe Cicem kamoe pulang sigra Han jideungo uleh putroe U meuligoe jiek lanja

Cicem indah hana bagoe Harok Putroe Siti Cahya Bulee hijo miseue hilam Ladom hitam miseue baja

Gukee kuneng ban meuh meuntah Paroh mirah ban suasa Bangta kalon cicem indah Maken gagah lakee sigra

Meuna gaseh wahe putroe Tabri keu noe cicem hamba bangta di lua putroe di dalam Abeh macam bak meucakra

Ulon pulang cicem jinoe Tatueng putroe nyoe nyan keu gata Meukon meunan han lon pulang Adat meucangpi lon rila

Kareuna Bangta that samlakoe Harok Putroe Siti Cahya Nyankeu sabab ate dukhoe Tuan putroe pungo gila

Deungon cicem mat di jaroe Dara pindoe meuhei Bangta Tamong keu noe po samlakoe Lon pulang nyoe po jroh rupa

Bangta tamong bandua droe Jiplueng Putroe Siti Cahya 'Oh troh Bangta ubak rinyeun Ek cut buleuen 'oh seulasa

Phon beungoh kon troh cot uroe Bangta ngon putroe dawok meucakra Hankeu ek le meutulak deungki Meunang Siti talo Bangta

Bangta dua mandang keundroe Aduen adoe hana haba Bukon paleh dara jalang Jipeuayang geutanyoe dua

Bangta beungeh bandua droe Aduen adoe mirah muka Adat jeuet keu ureueng lakoe Kucang jinoe dara ceulaka

Ban putroe ngo Bangta marah Jikheun pantah sikrak haba Boh timon di wie sikin di uneun Peue nyang takheun po meukuta

Meunan jikheun putroe suang Ubak bintang Bangta muda Bangta ngon putroe dawok meucakri Han jituri peurumoh raja

Si Nyak Cahya han jipeugah Jikira troh ban jipinta Duek di rambat cicem di jaroe Bangta kheun meunoe bak putroe muda

Pulang cicem he pocut droe Jeh 'oh uroe tameucakra Nyoe leupeue cicem he teungku droe Peurab keu noe bandua gata

Tuan putroe jikheun panton Su meulon hana tara Kuceng hitam humeue tikoh Anjeng meureugoh humeue rusa

Pakoh teungku han neujeuet bloh Hana musoh soe poh gata Meunyo geubri han ek pajoh Watee geutroh tajak mita

Ngon Bangta ngo haba meunan Malee han ban ureueng muda Teuma neukheun ubak putroe Pakon sambinoe tameuseunda

Han tapulang tuan putroe Rampuneue nyoe bungong jeumpa Lorn jiseuot si nyak putroe Jikheun meunoe bak Cut Bangta

Takoh iboh laya keu umpang Takoh seuke blang laya keu tika

Teuma seuot po samlakoe Pakon sambinoe leupah haba Bak keutapang di bineh blang Takoh cabang keu lidah bangsi

Masa dilee takheun tapulang 'Oh troh u dalam pakon han tabri Lorn jiseuot si nyak putroe Jikheun meunoe haba tangoe

Ija puteh peukayan syiah Ija mirah peukayan putroe Wahe teungku ngo lon peugah Bek tapasah hajat lon nyoe

Sipeurti ban panton Meulayu Deungo teungku lon kheun jinoe Anak pari mandi ke laut Anak afret mandi ke paya

Satu raja tidak kutakut Jikalau maut apakan daya Teuma seuot Bangta Sulotan Taeu hiram ngon ie muka

Seribu layak meukuta alam Baju sahaya tinggal di bukit Putri berpantun sangat ajam Malu sahaya bukan sedikit

Aneuk tiong di cong panjoe Puyoh manoe dalam cintra Meung tapeutroh hajat lon nyoe Kubri jinoe cicem rimba

Teuma seuot po samlakoe Bek le putroe leupah haba Narit leupah peukayan rugoe Hai putroe bek le meuseunda

Peuraho raya tamong kuala Riyeuek timpa reuloh rubeng Meung hana troh napsu hamba Bandua hana lon bri tren

Di Blang Pante asan geupula Di yup jeumpa reului mangat Nyawong tuboh jikalee keulua Keu Bangta nyang that jiingat

Ranup seulaseh tawo teubee Meujampu ngon ranup uteuen Lon tuanku bungong keumee Miseue boh kayee luroh bak dheuen

Siti Cahya rindu deundam Ate bok bang keu cut buleuen Miseue pungguk tren u bumoe Cempala manoe bak kulon data

Tuanku sideh lon di sinoe Geunap uroe lon ro ie mata Wahe teungku po samlakoe Tatueng putroe nyoe keu gata

Meunan jikheun putroe suang Beungeh yoh nyan Bangta muda Han neupulang kheun bumeuhad Bek meuharap nak lon gisa

Beungehjih that cut budiman Meunoe jikheun sikrak haba Ureueng keumawe lhok mon buni Jikap keurisi inong teureubok

Bukon paleh inong baduwi Jisom pancuri lam lipat ok

Teuma tajo Bangta Ahmat Putroe jimat bantu sigra Bangta Sulotan mat di tangan Neucok yoh nyan cicem rimba

'Oh lheueh cicem dalam jaroe Neupeulheueh putroe uleh Bangta Padumna kha ureueng binoe Bangta dua droe teuga raya

'Oh roh cicem dalam jaroe Neutren jinoe pantah sigra Bangta teubiet bandua droe Neumeusom jinoe bineh kuta

Neue akai putroe suang Pakri bangon jibicara Hana leumah bandua droe Ka neusom droe Bangta muda

'Oh hana le po samlakoe Putroe poh droe salili ala Jireuet-reuet ok jiplah bajee Putroe seudee pungo gila

Sabab napsujih hana troh Ok jimeung koh dara ceulaka Teuma jicok ngon geudubang Ok jireupang pantah sigra

Jicok bak reudeuep le u jaroe Jigaro droe Siti Cahya Ka jibalek dalam duroe Nibak asoe darah keulua

Muka keumong leungo gigoe Bak jipoh droe Siti Cahya Bangta kalon putroe poh droe Laju neuwoe le bandua

Neutakot meuthee ubak syiah Cut meutuah jeuheut nama Bangta Sulotan teuduek siat Laen ayat lon calitra

Neudeungo lon he cutda droe Baranggasoe tuha muda Bek peujeuheut bunda ngon ayah Bek peuleumah napsu hawa

Agam cidah bek meunapsu Meung ka taeu akai bicara Peuturot napsu gata adoe Roh dudoe ban Putroe Cahya

Cit taturi hawa napsu Lagi umu han meumada Tadeungo lon hamba Allah Napsu amarah bek seureuta

Kareuna napsu atejih tan Hingga tuan ajai teuka Allah Tuhan Muhammad Nabi Soe bahgia han jilupa

Napsu jalang peue tapeubuet Nyang jeuheut hana jikira Teuduek haba ureueng seumurat Lon riwayat Putroe Cahya

Hingga seupot uroe malam Jiwoe di blang namiet dumna Jieu putroe bak tidoran Han meuban-ban ro ie mata

Jieu ok ka meureupang Nibak badan darah keulua

Lon kalon ok ka meureupang Peugah rijang pocut raja Teuma seuot putroe suang Jikheun nyoe ban pantah sigra

Aneuk raja na dua droe Teuka keu noe 'oh leupah gata Jak meudagang nibak syiah Di binasah bineh rimba

Jijak keu noe bandua droe Deungon kamoe jimeuseunda Hana patot aneuk jalang Jimeurakan deungo hamba

Hana kutem kumeulawan Ok jireupang lon nyoe sigra Teuma jipoh ulon tuan Nyoe bak badan darah keulua

Sabab napsujih hana troh Nyankeu jipoh lon nyoe hai da Meunankeu dum putroe peugah Le beurakah aneuk dara

Abeh nieuthee dalam nanggroe Ka troh bunyoe ubak raja U binasahpi ka meuthee Ubak guree Pocut Bangta

Raja beungeh yoh nyan sigra Geumita muda samlakoe Keunong fiteunah putroe suang Hana sayang dua Bangta

Bit that paleh lalat mirah Jifeteunah Ahmad Bangta Di nap got di likot salah Bit that cidah dara ceulaka

Na tadeungo aduen adoe Baranggasoe tuha muda Untong-untong gop fiteunah Gata beungeh hu ngon mata

Teuduek kisah si nyak putroe Jinoe meuwoe Pocut Bangta Raja seutot Bangta budiman Ngon meuteumeung neukheun sula

Bangta Sulotan deungon adoe Leugat neuwoe ubak bunda Raja di Baroh woe u Tunong Hana meuteumeung deungon Bangta

Poteu raja troh bak putroe Muda samlakoe troh bak bunda Allah peusie cut budiman Jalan rot wie neuwoe raja

Jalan rot uneun po samlakoe Ka troh sampoe ubak bunda Adat meuteumeung di etungoh jalan Meuhad neucang uleh raja

Sabab neupateh dara jalang Hana sayang keu aneukda Meuteupat niet deungon kasad Barang teumpat han binasa

Poteu Allah nyang na kalon Salahjih tan Bangta dua 'Oh sare troh u meuligoe Tuan putroe kalon Bangta

Teuma neucok ngon breueh pade Neuseupreuek le ateueh jeumala

Neuseumbah le teuntang teuot Putroe sambot deungon ie mata Neucok Bangta bandua droe Neucom di dhoe uleh bunda

Lorn putroe com teuntang talak Neukheun ubak Bangta dua Bumeutuah po samlakoe Trep that tawoe keu noe gisa

Meutan gata he aneuk droe Geunap uroe lon ro ie mata Geunap seupotlon leueng jaroe Po samlakoe keu gata dua

Beuphet kulet beumangat asoe He aneuk droe bijeh mata Beuneung raja dalam paya Jibeudoh cahya u langet bumoe

Lon eh han teungeut lon bleut han jaga Pajan masa aneuk tawoe Abeh haba putroe rawoh Samlakoe jroh neuduek sigra

'Oh lheueh nyan neubeuot bu Putroe meulu meusuara Wahe aneuk po samlakoe Makeuen jinoe bijeh mata

Neupajoh bu sibuju jaroe Nekmat ka troe troh u dada Tuan putroe hei bendayang Pinah idang di nap Bangta

'Oh sare lheueh pinah idang Putroe intan neuduek sigra Teuma putroe neuteumanyong Bak cut bungong indah rupa

Teuma seuot Bangta seudang HE ma badan peue na haba Han peue salah wahe mawang Bak ulon nyang aneuk gata

Lon deungo aneuk po samlakoe Tipee Putroe Siti Cahya Meunan meugah ubak kamoe He aneuk droe bijeh mata

Pakon meunan po samlakoe Taboh kamoe wahe Bangta Raja beungeh bukon bubarang Neukeumeung cang gata dua

Nyoe ka leupah keu deh bunoe Samlakoe jak mita gata Teuma seuot cut puteh di He ma kami di lon hana

Hana patot buet lon meunan Allah kalon dum peukara Kon kupeubuet ma meutuah Beudeumi Allah di lon hana

Teukeudi Allah peurintah Tuhan Lon meucicem deungon Bangta Lon jak hai ma ngon Bangta Ahmad Troh bak teumpat Siti Cahya

Di gaki kuta sibak kayee Jroh that lagee ramphak raya Le that cicem lon eu sinan He ma badan troh meulaksa

Teuma lon cok sumpit u jaroe Lon pruh jinoe pantah sigra

Ureueng laen abeh u blang Tinggai di dalam Siti Cahya Teuma jicok uleh Siti Han jitem bri pulang keu hamba

Ulon lakee cicem budiman Jiplueng yoh nyan putroe muda Teuma jikheun uleh putroe Ubak kamoe he ma raja

Meutatem eh sajan kamoe Lon bri jinoe cicem keu gata Ban lon deungo haba meunan Lon reubot yoh nyan sigra-sigra

'Oh ka cicem ubak kamoe Meutren meuwoe le bandua 'Oh troh bak rot he ma putroe Ulon som droe deungon Bangta

Lon eu akai putroe suang Pakri bangon jibicara 'Oh leupah tren dua kamoe Jipoh droe Siti Cahya

Tema jicok sikin geudubang Ok jireupang he ma raja Jicok bak reudeuep le u jaroe Jigaro asoe droe pantah sigra

Bek le tatanyong he ma putroe Bahle dumnoe lon peuhaba Ban sare lheueh Bangta peugah Putroe limpah ngon ie mata

Bukon paleh dara jalang Bumeulang-lang troh an tuha Gata dua na dum bintang Hana sayang dara ceulaka

Sabab napsujih hana troh Jimeung yue poh gata dua Meunan neukheun uleh putroe Sira neumoe ngon ie mata

Teuma neuek u meuligoe Cit peutoe le neubuka Neucok peukayan uleh putroe Peutren jinoe pantah sigra

Putroe neukheun teuma meunoe Bak aneuk droe bijeh mata Wahe aneuk bungong peukan Ngui peukayan nyak jroh rupa

Geulantoe aneuk lon peukawen Puteh licen cahya mata Saleh suroe nyoe lheueh lon pandang Buleuen trang Bangta muda

'Oh neudeungo haba putroe Bandua droe sret ie mata Neujok kreh meukeurawang Meuh ngon intan yum sibahra

'Oh sare neujok siluweue suti Cut putroe ti ate rugha Putroe neujok le ngon bungkoh Ngon boh ru meuh banpeuet punca

Ija bajee meuseulipok Jinoe neusok uleh Bangta Neungui abeh dum u asoe Na ban uroe cahya muka

Neutop ulee kayen hijo Tiek di baho kayen sutra

Hana sapat na teuladan Deungon tuan Ahmad Bangta Bahkeu dumnan ulon peugah Cut meutuah seumbah bunda

Com di teuot seumbah di gaki Horeumat jibri uleh Bangta Neubri idin ma teungku droe Ulon jinoe hendak bungka

Ban neudeungo uleh putroe Ri geumanoe ngon ie mata Wahe aneuk kupaban bah Ka grak Allah aneuk keu gata

Kala kada nibak Tuhan Sepkeu dumnan hak aneukda Tajak aneuk beuseulamat Beujeuoh laknat beujarak bahya

Bangta neutren neujak laju Troh teungku u istana Watee neujak lintak linto Ujong baho sang geutempa

Ngon samlakoe rupa indah Sang siulah bungong jeumpa Jimeung bungka bandua droe Sabab putroe jalang meureuka

Meunan jikheun ureueng nanggroe Bangta jinoe leugat bungka 'Oh sare troh u teungoh blang Yup keutapang piyoh Bangta

Jimeupakat bandua droe Ho geutanyoe adoe raja Bangta Sulotan deungon adoe Taeu jimoe ro ie mata

Bintang kutob sagop awan Cuaca bulan laot beuladeh Nyankeu raja akai hilang Adat binatang nacit kira

Jiba aneuk hana sayang jibuang keunong di daya Teutap Bangta di teungoh blang Nyoe lon karang putroe muda

'Oh ban leupah po samlakoe Tuan putroe pungo gila Neureuet-reuet ok neuplah bajee Bungong keumee ate rugha

'Oh tan aneuk bandua boh Ate reuloh putroe muda Bandum dendayang lam meuligoe Ka jipoh droe kiam gubra

Bukon sayang buleuen peuet blah Han le leumah lon eu cahya Kamoe bandum ate sosah Cut meutuah 'oh tan gata

Tujoh uroe tujoh malam Bae meuguncang lam istana Nyang that rugoe putroe intan Sabab ka tan bijeh mata

Wahe aneuk po samlakoe Ho kutiek droe e bentara Keupeue kuta ulon tuan Hai intan 'oh hana gata

Allah hai Po ya Tuhanku Pakri laku jinoe hamba

Pakri lon bah ka grak Allah Abeh langkah wahe Bangta Tinggai alat dum peukayan Soe nguipi tan 'oh tan gata

Bukon sayang bungong awe Cit lam sabe angen timpa 'Oh lon ingat reuloh ate Lon beumate sajan gata

Peuebu salah gata geupoh He aneuk beh dara ceulaka Hana sapeue kueu na buet He intan cut cahya mata

'Oh tan gata bandua boh Ateku reuloh wahe Bangta Wahe Bangta peue lon peugah Rasa beukah langet donya

Allah hai aneuk Bangta Ahmad Beutaingat ma ka tuha Ok ka puteh gigoe ka rumpang Tawoe beurijang tajak tanom ma

Wahe aneuk po samlakoe Tinggai kamoe ureueng tuha Bukon sayang minyeuk simplah Dalam keudah ro u lua

Ate lon nyoe sang ka beukah Nyak meutuah 'oh tan gata Bukon sayang lon eu pade Dalam gle ujeuen timpa

Lon peulara han meusampe Boh ate ka leupah bungka Tinggai rumoh meuh ngon intan Gata ka tan wahe Bangta

Teuma beudoh bandua droe Bungka jinoe Bangta muda Bukon sayang bungong awe Jijak lam gle arong rimba

Limong buleuen peurjalanan Meuteumeung krueng sungoe raya Iejih puteh na ban dadeh Rasajih mamehban ie nira

Bangta minom saboh teugok Nekmat ka tok jeuep anggeeta 'Oh lheueh jep ie Bangta piyoh Preh tho reuoh sikutika

'Oh tho reuoh nibak badan Neuberjalan Bangta muda Bangta mudek seutot bineh krueng Neueu rangkang yup kayee raya

'Oh troh Bangta neujak keu noe Neueu sidroe ureueng tuha 'Oh ban leumah neueu rangkang Peurab keu nan panath sigra

Ok ka puteh gigoe ka rumpang Miengpi tuan meuuruek panta Datok meutuah tuha sangat Rab meulipat badan dua

Nama geukheun Datok Malek That ceureudek hana ngon sa Trep that umu di Datok nyan Silayeue tuan Sulaiman Raja

Phon manyak kon geuduek sinan Dalam uteuen rimba raya

Di cong kayee saboh bayeuen Indah bangon sang meutia Buleejih meuh mata intan Parohjih ban sang suasa

Bulee badan nyang jroh that hu Bulee iku sang peurmata Sion puteh sion hitam Na miseue ban meuh geuteumpa

Ayeuem jaroe Nabi Sulaiman Indah han ban ateueh donya Masa dilee bak Sulaiman Tren di sinan bayeuen seutia

Nabi neukheun masa dilee Soe pajoh ulee dilee keu raja Soe pajoh ate meuteumee saket Akhe trep-trep jeuet keu raja

Masa dilee yoh neukheun nyan Na di sinan Datok tuha Teuma wafeuet Nabi Sulaiman Raja bayeuen woe lam rimba

Teuma geuseutot le Tok Malek Teutap geuduek ureueng tuha Teuduek siat haba Tok Malek Ureueng ceureudek hana tara

Amma bakdu laen kisah Nyoe lon peugah po samlakoe Ban sare troh Bangta keu nan Neueu ureueng tuha sidroe

Bangta Sulotan meubri saleuem Meunoe neukheun le samlakoe Assalamu alaikum du junjungan Seumbah laman du teungku droe

Wahe aneuk nyak jroh rupa Tamong lanja intan meuntroe 'Oh neudeungo haba Tok nyan Cut budiman tamong jinoe

Teuma beudoh Datok tuha Deungon Bangta meumat jaroe Neueu rupa Bangta Ahmad Na dum panyot wahe adoe

Bak neukalon keulakuan Siulahan raja nanggroe Saleh pakon jeuet keu meunan Jiboh teumon po samlakoe

Meunan bak ate datok Malek That ceureudek hana bagoe Teuma neucok Bangta muda Ka neuwa-wa neucom bak dhoe

That meutuah kamoe tuha 'Oh troh gata he samlakoe Wahe aneuk Bangta muda Peuebu nama gampong nanggroe

Ayah peu nan ibu soe nan Peugah laju he aneuk droe Teuma seuot Bangta dua Deungo hamba du teungku droe

Nama Putroe Kariman Binti That juhari he kuya droe Di lon ayah Raja Abidin Deungo laman peuhareutoe

Bangta Ahmad adek laman Bangta Sulotan lon nyoe sidroe

Pakon aneuk jeuet keu meunan Taboh teumon gampong nanggroe Soe na carot soe na pake Nyak boh ate po samlakoe

Lon eu bangon sang ureueng geuboh Na meubantah yoh di nanggroe Bek tatanyong du meutuah Teungku ayah meung poh kamoe

Neupoh mate kamoe dua He du raja aduen adoe Maken meunan Bangta peugah Tok meutuah teungoh neumoe

Bangta Sulotan peugah laju Ie mata du meuteutaloe Sayangneu that hana sabe Nyak boh ate bungong uroe

Adat meung aneuk di lon meunan Kumeukaoi jeuep-jeuep nanggroe Kueu rupa sangat indah Hana tuah raja nanggroe

Teuma beudoh kuya laju Jak taguen bu keu samlakoe 'Oh masak bu rijang-rijang Neuhei yoh nyan le aneuk droe

Tajak aneuk keu noe makeuen Cut buleuen po intan meuntroe 'Oh neudeungo haba meunan Beudoh yoh nyan bandua droe

Neubeuot bu le Datok nyan Makeuen intan po samlakoe Sinoe aneuk kureueng eungkot Jarak laot banda han toe

Neucok bate jaroe neusrah Makeuen pantah po samlakoe Limong buleuen tan jieu bu Sayang taeu bungong uroe

'Oh lheueh bu jaroe neusrah Beudoh pantah bandua droe Bupi lheueh jula malam Jieh yoh nyan po samlakoe

Sira neueh cut meutuah Tanyong pantah bak kuya droe Wahe ayah deungo lon kheun Peue buet lam uteuen taboh nanggroe

Peue neukeumiet he du badan Nyang jeuet meunan hana neuwoe Teuma seuot le Datok nyan Neukheun nyoe ban bak samlakoe

Lon duek sinoe nyak budiman Lon keumiet cicem he aneuk droe Peue meukeusud wahe ayah Cuba peugah tahareutoe

Raya meukeusud nyak meutuah Ngo lon peugah intan meuntroe Adat meuteumeung wahe nyak cut Raya meukeusud dalam nanggroe

Tapajoh uiee dilee taraja Ngo he Bangta lon hareutoe Adat aneuk tapajoh ate Teuma akhe tapeugang nanggroe

Ban sare lheueh kuya peugah Cut meutuah ka jiiem droe

'Oh teukeujot uroe beungoh Kuya beudoh tren jak manoe Leupah kuya geujak u krueng Beudoh makeuen po samlakoe

Neucok sumpit uleh Bangta Neumat lanja nibak jaroe Teuma geutangah u cong kayee Jroh meuteuntee hana bagoe

Neusumpit le Bangta muda Sret le sigra ateueh jaroe Teuma neukheun uleh dalem Talueh cicem wahe adoe

'Oh lheueh jisie ka jijak srah Cut meutuah bagah han soe Teuma geuboh dalam panggang Neutet rijang le samlakoe

Bangta Ahmadpi lheueh maguen Geuwoe di krueng Datok pindoe 'Oh neukalon cicem lam panggang Neugeurantang Bangta dua droe

Bukon paleh aneuk jalang Sinoe sayn nyawong sampoe Neupura dhot mangat jiplueng Tinggai cicem sinan keudroe

Meunan bak ate di Datok nyan Cut intan bandua iem droe Neucok kayee le Tok tuha Neusrom lingka po samlakoe

Peubeungeh droe hana sakri Saleh jibri cicem keudroe Meunan pike Datok Tuha Dua Bangta duek teupipoe

Neugrop u yup le bandua Neuplueng lanja po samlakoe Bangta Sulotan baplueng kanot bu Sapeue sapo ka neupakoe

'Oh neukalon jime panggang Neukheun rijang le kuya droe Bek tabaplueng aneuk teungku Peuwoe laju po samlakoe

Bangta pantah hana macam Ban guda plueng nyang that ragoe Datok Malek meuhah-meuhah Ban asee grah woe lam uroe

Neulet laju maken sunggoh Neukira roh raja le droe Teuma meupok sikrak bateueng Reubah seulinteueng le teupipoe

Bangta Ahmad neuplueng lari Ban keudidi ateueh duroe Pantahpi that na dum kilat Neuplueng leugat po samlakoe

Dang-dang beudoh nibak reubah Han le leumah tanglong nanggroe Neumeung seutot neujak laju Han neutuho dalam duroe

Teuma geuwoe le u rangkang Bukon sayang kuya sidroe Sira geumoe that meupot-pot Neuceumarot kiam tuloe

Neuceumarot hana teudoh Hingga troh u rangkang neuwoe

Neucok ngon meuh le neubuang Neutiek lam krueng peutoe-peutoe Areuta paleh ke peue kutroh 'Oh hana roh kumat nanggroe

Kupeuabeh jinoe kuseuet Han sakon jeuet dum sinaroe Keu peu cit dum sinoe bak kee Anek asee paleh tuloe

Jicue cicem di cong kayee Kee jitipee aneuk bisoe Adat kuthee meunoe balah Ka kupinah seupot baroe

Phon manyak kon kuduek sinoe Napsu kamoe han ek sampoe Lam meupot-pot hana reuda Neuseurapa geunap uroe

Teutap kuya nibak rangkang Nyoe lon karang po samlakoe Teuma beudoh bandua droe Bungka jinoe Bangta muda

Bukon sayang aneuk beulalang Cicem subang po meugisa Jinoe Bangta ka meulang-lang Pangge wang he syeedara

Limong buleuen tan jieu bu Jiseureuku boh salang para Jibloh alue jisrang-abrang Jijeumeurang lam-lam duroe

Jaroe gaki duroe pajoh Uteuen jibloh tan jikira Jijak sabe hana teudoh Hingga troh yup kayee raya

Neujok ulee nyan keu aduen Uleh tuan Bangta muda Jimat ate le samlakoe Lakee jinoe le kakanda

Menoe ate hai dek keu kee Pajoh ulee nyan di gata Bek neulakee he dalem droe Deungo kamoe peugah haba

Tok Malek kheun masa dilee Soe pajoh ulee dilee keu raja Nyankeu cut nyang bek neulakee Neupajoh ulee uleh kanda

Sinan piyoh di yup kayee Bungong keumee ngon adekda Neupajoh bu teuma jinoe Aduen adoe sapat dua

'Oh lheueh bu po samlakoe Beudoh jinoe pantah sigra Neubeudoh le neusrang-abrang Uteuen padang han neukira

Neujak sabe uroe malam Neupiyoh tan he syeedara Neujak ho troh neupajoh peue lot Jeuep simpang rot ro ie mata

Sabab neupateh dara jalang Hana sayang dua Bangta Meunan sabe dawok neujak Meurumpok sibak kayee raya

Dheuenjih rampak han peue peugah Bagoe keureutah nanggroe Jawa

Jipot angen seupui-seupui Mata leubui Ahmad muda Neumueng ulee dalem siat Mata lon prat teungeut raya

Han peue salah wahe adoe Taeh jinoe he adekda Teutap teungeut di yup kayee Bungong keumee Pocut Bangta

Nyoe lon peugah saboh nanggroe Ngo barangsoe agam dara Nama nanggroe Anta Kisah Sinan khalifah baro bungka

Raja mate aneukneu tan Han soe tuan mat neuraca Nakeu baro tujoh uroe Rakyat lam nanggroe sosah raya

Geukeumeung baranggasoe Gajah sidroe han jirila Bandum jipoh uleh gajah Rakyat sosah hana raja

Teukeudi Allah bak simalam Meulumpoe yoh nyan gajah meunta Jimeulumpoe jijak lam uteuen Meuteumeung deungon muda beulia

Dalam uteuen that meuteuntee Di yup kayee hu meucahya Teuma jiseutot lumpoe yoh nyan Gajah beurjalan jinoe sigra

Tujoh uroe tujoh malam Hingga peujam dalam rimba Ka jiek gle jitren panton Leupah leupon troh bak data

Bangta Sulotan neujak kalon Keutam keutum keu nan lanja Nakeu jeuoh siaweuet umong Ka meuteumeung gajah meunta

Teuma jibet u ateueh rueng Ka jibaplueng Bangta muda Sira jibaplueng Bangta jimoe Ingat keu adoe dalajn rimba

Tangah u langet teukui u bumoe Meuteutaloe ro ie mata Han jituho adoe seutot Le culot po Ahmad muda

Bangta Ahmad di yup kayee Hana jithee aduen bungka Bungka laju Bangta Sulotan Neubeurjalan ho gajah ba

Bangta ingat nyan keu adoe Sira neumoe ngon ie mata Teuma leumah dalam ate Jimeurawe dalam dada

Bahle kutiek boh sumpit saboh Mangat jitu'oh lon kubungka Meunan sabe geunap uroe Abeh dum nyoe ka seureupha

Yoh nyan Bangta gundah ate Boh sumpit han le pakri daya Leumah pike po samlakoe Ija jinoe neuplah sigra

Neupriek ija bube sijaroe Neulhom jinoe uleh Bangta

Meunan sabe baranggajan Ka simpan tujoh krak ija Gajah baplueng uroe malam Hingga peujam sungoe beusa

Teuma gajah jijeumeurang Trohu gampong nanggroe raya Jipeutamong le u dalam Bangta seudang indah rupa

Teuma jikeubah ateueh bale Hana soe theeka troh jiba Dendayang tren di meuligoe Jieu samlakoe indah rupa

Teuma jiek u meuligoe Bak cut putroe peugah haba Allah hai pocut lon tren bunoe U seuramoe pocut raja

Leumah lon eu ureueng sidroe Na ban uroe cahya muka Han torn lon eu ureueng meunan Silayeue tuan lon nyoe raya

Han jeuet lon jak meupalet gaki Pueh lon titi saket lam pha Adat meuroh mata meuneuntang Saleh hilang nyawong hamba

Putroe tanyong pantah rijang Hai dendayang bit jroh rupa Jak udeh tren cutda badan Tajak kalon ureueng muda

Putroe jitren di meuligoe Jak eu samlakoe indah rupa Ban sare troh ubak rinyeun Tahe buleuen hana haba

Neucok ranup neukoh tangke Neupasoe le pantah sigra Neuboh ranup sureng-sureng Bagoe-reubeng papeuen bahtra

Bungong lawang dum jipateng Jipuseng le bakong lila Di Aceh kon tanggoe u Kleng Hana bandeng ngon tapeusa

Ase ranup dalam puan Cut intan gunci jimita Jicok gunci mat u jaroe Ceu'iet peutoe le jibuka

Ka jicok gleueng dengon subang Jicok geureusang boh bak dada Jingui minyeuk that bee-beewan Cut intan atejih suka

Jisanggoi ok jroh meusigak Cut putroe jak sapa Bangta Jingui ija sawak sungket Jiek jahet ngon ie muka

Jiboh baja nibak gigoe Jipakoe ngon minyeuk ata Ase alat dum u asoe Tren cut putroe 'oh seulasa

Teuma neuhei ngon dendayang Tame puan wahe cutda Si Nyak Isah Si Nyak Umi Peungon Cutti Keumala Donya

'Oh sare troh u leuen meuligoe Tuan putroe sapa Bangta

Nateu keu noe teungku amp on Jaroe lon seuon ateueh jeumala Putroe jok ranup dalam puan Keu cut indan jamee teuka

Nyoe tuanku ranup tabeue Seuleupong pageue kureueng rasa Ranup ateuen pineung boh awe Lon bineh gle jarak ngon banda

Kureueng meujeulih kamoe tunong Cut bungong bek neuupat ceula Reusam kanun han lon turi Sang baduwi tren lam rimba

Bek weueh ate tuangku droe Nyoe bak kamoe ranup tuha Teuma seuot Bangta Sulotan Neukheun nyoe ban bak putroe muda

Nabu kamoe cut meuubon Datang ulon nibak gata Laonpi adek that reuen mareuen Peuet blah buleuen dalam rimba

Teuma jicok uleh gajah Cut meutuah keu noe jiba Ban jideungo Bangta peugah Jiseupreuek pantah beureuteh lanja

Jiseupreuek beureuteh ateueh gajah Bumeutuah ulon raja Gajah deumpek su geumeuntam Geumpa alam hama tara

Jitren rakyat dalam nanggroe Ka troh sampoe dalam kuta Dua blah krueng banda peukan Abeh keu nan bandum teuka

Abeh meusapat sikeulian Bangta Sulotan geuboh keu raja Geupeuduek bak batee pudoe Geutabai jinoe pantah sigra

Kulah kama geupeuseuon Geuhei ampon deelat raja Geuhei sare geutet meuriam Geurasi nan Raja Muda

Teuma geupeuek u meuligoe Peunikah Putroe Keumala Donya Umu baro limong blah thon Indah bangon sang meutia

Suara mangat leumoh leumbot Sit meusambot deungon rupa Teuma geupeuek u meuligoe Geujok bak Putroe Keumala Donya

Teuma tajo dum dendayang Seupreuek bungong ateueh jeumala Ladom seupreuek minyeuk gahru Meujampu ngon minyeuk ata

Minyeuek keumunyan dengon bungong Mabok inong peue takira Meunankeu dum meuteuratak Gahru keulumbak bungong jeumpa

Beuphet kulet beumangat asoe Tuan putroe deungon Ban eta Meunan sempeuna ureueng nanggroe Dum sinaroe tuha muda

Teuma geupeumueng dara baro Teutiba le bak ureueng tuha

Dumna rakyat mabok keudroe Jieu putroe deungon raja

Rupa ilok dum buleuen trang Bagoe bintang malam jula Raja Muda ban panyot hu Putroe teungku ban bintang kala

Hana saho leubeh kureueng Si nyak meugleueng deungon raja Jicok puan mat u jaroe Seumbah jinoe Bangta muda

Beuot jaroe ateueh teuot Sang leuek meulet ngon cempala Bak seumeumah han peue peurunoe Sit ka ragoe Keumala Donya

Teuma geubeuot ngon peunuman Di likot nyan idang raya Teuma geucok ie ngon srah jaroe Tuan putroe deungon Bangta

Lheueh nibak nyan geucok sange Inong rame sinan lingka Bangta cok bu ka neusuleueng Abeh ureueng keu nan mata

Neusuleueng bu lhee boh babah Putroe cidah asek muka 'Oh lheueh makeuen po samlakoe Pinah jinoe idang raya

Putroe suleueng ranup sigapu Jak beuradu le bandua Beudoh dendayang peulen panyot Eh putroe got sajan Bangta

Hana jarak meusigeutu Lam keuleumbu tiree rawa Tujoh uroe tujoh malam Sikeujap han jitem jaga

'Oh troh keu nan dalam keubon Teungku ampon ho ka raja Teubee meuon u meutaloe Jak eu putroe judo ka na

Dumna rakyat abeh gundah Raja meutuah goh lorn jaga Teuduek siat rakyat sosah Lon peugah cut putroe muda

Tuan putroe han teukeujot Lam seulimbot Raja Muda Umpama pade teungoh layee Teuma jinoe teuka ie raya

'Oh na ujeuen wahe adoe Saleh jinoe meuwoe muda Meunan jinoe tuan putroe Jeh 'oh uroe keu nan raja

Miseue ureueng pajoh makanan Siuroe tan pakri daya 'Oh meuteumeung wahe adoe Baranggapeuepi jiseuba

Meunyo tabri keu ureueng troe Adat teumpoe jikheun cuka Meunan miseue ulon peugah Putroe indah deungon raja

Nakeu umu tujoh uroe Jaga putroe indah rupa 'Oh teukeujot bak beuradu Meusyeuhu sigala raja

Jitren rakyat Barat Timu Tamong laju dalam kuta

Geujok kuta ngon meuligoe Putroe-putroe jinoe kau Bangta Lheueh nibak nyan bandum geuwoe Tinggai samlajcoe indah rupa

Ngon dendayang dum sinaroe Geunap uroe meucom meuwa Geupeukawen raja ngon putroe Hana adoe meukeurija

Di po inongpi tan andam Di po agampi tan gaca Teutap Bangta peutimang nanggroe Deungon putroe indah rupa

Hukompi kreueh nibak dilee Bacut han mee jeuet meutuka Boh kayee le jeuep simpang rot Hana soe pot barangjan masa

Meugot raja hukom seunang Uleebalang kayem teuka Ujeuen di gle kayem jitren Ureueng gasien bandum kaya

Aneuk nanggroe bandum mangat Dumna rakyat ate suka Suara mangat rupa indah Cut meutuah meubahgia

Teuduek haba dilee siat Han lon surat lagee nyoe le Subhanallah balek ayat Hana mangat meuka sabe

Nyoe lon peugah Bangta Ahmad Meunyo teungeut rasa mate 'Oh teukeujot bak tidoran Duek teusimpan bungong pade

Hana sapat na su ureueng Cut meugleueng nyum reuloh ate Jisumpom droe hana tara Meugeugisa ban seusuwe

Bangta Ahmad moe meu'u—'u Dalem teungku lon beumate Allah hai dalem cut abang droe Taboh lon nyoe di dalam gle

Bangta Ahmad taeu jimoe Meuteutaloe ie mata ile Ie mata ro seun-seun siploh Ban ujeuen toh taeu sabe

Allah hai dalem cut abang droe Jeuep-jeuep nanggroe lon meurabe Bunda ngon ayah hana geutueng Gata aduen ka taboh lam gle

Adat dalem gata ka tan Lon beusajan jinoe mate Bangta ingat keu untong droe Po samlakoe ie mata ile

Wahe untong badan nyang malang Jeuep sagoe blang ulon ere bre Allah hai dalem intan payong Neucok ulon lem boh ate

Jeuep-jeuep rumoh jeuep-jeuep gampong Teugo tan kawom lon meusampe

Neueu tapak ban uruek pisang Peue binatang rabon gule Bangta peurab neujak kalon Leumah yoh nyan boh sumpit le

Teuma neucok boh lam ija Le Cut Bangta bungong pade Ka jipajoh le binatang Saleh dalemku hana le

Lon eu tapak uruek pisang Saleh badan na bube gle Lorn meuteumeung raja ija Cut Bangta ie mata ile

Neusumpom droe keu deh keu noe Po samlakoe sang ka page Limpah dada tumbok ulee Moe meuree-ree bungong sitangke

Sabab meuteumeung ija beukah Cut meutuah reuloh ate Bak jisangka han le Bangta Nyankeu rugha bungong pade

Nyan meugajah han jituri Han torn jieu binatang gle Allah Allah ya Tuhanku Pakri laku dalem han le

Saleh pakri keu lon jinoe Jeuep-jeuep nanggroe lon meurabe Allah Tuhan Po di kamoe Tinggai sidroe han meusampe

Neucok ulon dalem raja Bek meuraba lam uteuen le Ban aneuk Kleng geupubloe ba Meureuraba lam uteuen gle

Sira neujak Bangta bae Ie mata ro meugeugule Rot gajah jak neubeurjalan Uroe malam piyoh han le

Hana piyoh uroe malam Ka troh u blang bungong pade Bangta seutot tapak gajah Leuhop gadoh han meuho le

'Oh hana le tapak gajah Cut meutuah gadoh pike Nyo hana le dalem raja Ya Rabbana lon beumate

Jiplueng keu deh jiplueng keu noe Po samlakoe sang ka page Sabab tan le tapak gajah Ate beukah hana mise

Bangta Ahmad ka jiplueng-plueng Keumeung jeumeurang jalo hana le Hankeu ek le Bangta plueng-plueng Jilangue krueng cut boh ate

'Oh sare troh u meurandeh Sinan neueh ateueh pante Teungoh lam krueng Bangta piyoh Preh tho reuoh bungong pade

'Oh tho reuoh nibak badan Neubeurjalan hana pike Bukon sayang bungong kuyuen Watee ujeuen cit luroh le

Bangta Ahmad 'oh tan aduen Lam teujanun sabe-sabe

Silawet ere dengon aduen Lam meujeuen-jeuen ie mata ile Bangta Ahmad ka jibae Ie mata ro han leumah le

'Oh hana le dalem teungku Ya Tuhanku lon beumate Sabab hana meupat Bangta Bungong jeumpa jimoe sabe

Adat neujak simpang uneun Roh bak aduen Bangta muda Bangta neujak rot simpang wie Allah peusie bak syeedara

Amma bakdu teuma dudoe Po samlakoe lon calitra Hingga uroepi ka seupot Bangta neulop jurong Ara

Leumah neueu saboh binasah Cut meutuah peurab sigra Neueu ureueng sinan sidroe Po samlakoe peurab lanja

Nyankeu namiet Nahuda Seukeuem Jiduek sinan seumbahyang asa Nama gop nyan na taturi Nan geurasi Si Nyak Laba

Peurab Bangta jak mat jaroe Neukheun meunoe pantah sigra Neubri lon dom teungku sinoe Bak malam nyoe teumpat gata

Han peue salah wahe adoe Taduek sinoe nyak jroh rupa Teuma beudoh Si Laba woe Neukheun meunoe le cut Bangta

Bak pihak deuek abeh lagee Keumeunalee han teukira Sira neukheun Bangta neumoe Ingat keudroe aneuk raja

Insya Allah seuot ureueng nyan Cut budiman bek le rugha Teuma jiwoe le u rumoh Bak peurumoh di Si Laba

Geubeuot le deungon idang Makeuen yoh nyan di Si Laba Bruek jipeuduek di yup dalong Jisinthong eungkot nyang raya

Jikira na ka sikhan bruek Bujihpi lheueh di Si Laba Jicok ngon bruek ka jibalot Jipeulimbot dalam ija

Teuma peurumoh pinah dalong Laju jitren Si Nyak Laba Laju jijak u binasah Cut meutuah ho ka gata

Bangta seuot nyoe pat ulon Laju neutren keu nan sigra Bangta Ahmad tanyong apui Hana lagoe tanglong neuba

Tacok kayee hai nyak dilee Bahle apui lon jak mita Laju neujok ubak tangan Ka jiriwang di Si Laba

Bangta cok boh sumpit intan Dalam baluem neusuet sigra

Bangta cok bu le neupajoh Na siat troh woe Si Laba 'Oh neudeungo su lam jurong Peulop lam baluem uleh Bangta

Si Laba tanyong teuma meunoe Pakon samlakoe peulen peulita Pane apui ka kupeulen Hana lagoe keu noe taba

'Oh jideungo haba meunan Beungeh yoh nyan di Si Laba Teuma jiwoe pantah laju Jijak ngadu bak Nahuda

Ampon tuanku po di kamoe Teuka sidroe ureueng muda Bunoe teuka asa uroe Ubak kamoe po meukuta

Jiyue me bu nibak kamoe Tuwo lon nyoe apui lon ba Ulon jok bu bak samlakoe Teuma dudoe apui lon mita

'Oh troh ulon bak babah rot Jipeulen panyot pantah sigra Bunoe that hu meujeureulah Hana ubah ban bintang kala

Nahuda pike nyokeu intan Bak lakuan jipeuhaba Nahuda tanyong teuma meunoe Patbu jinoe Bangta muda

Teuma jikheun pantah-pantah Di binasah po meukuta

Keu deh laju u binasah Cut meutuah jieu rupa Jieu rupa na dum bintang Ka rab pangsan po meukuta

Sare puleh nibak pangsan Meunoe jikheun pantah sigra Assalamu alaikum pocut indah Ka troh langkah ubak hamba

Teuma seuot Bangta Ahmad Suara mangat sang biula Laju jijak ubak binasah Cut meutuah ho ka gata

Banta seuot nyoe pat ulon Laju neutren keu nan sigra Bangta Ahmad tanyong apui Hana lagoe tanglong neuba

Alaikum salam Nahuda droe Ka troh keu noe ubak gata Teuma Nahuda neukheun meunoe Bak samlakoe Bangta muda

Bek hai pocut tadom sinoe Jak bak kamoe nyak jroh rupa Ulon rakan dilee ngon ayah Nyak meutuah yoh ubit gata

Lon takot meugah keu deh u nanggroe Neuboh kamoe u cong sula Meunan jikheun Nahuda Seukeuem Aneuk bajeueng sulet raya

Meudeh meunoe ka jipeugah Cut meutuah han le haba Bangta Ahmad han haba le Ka rab ase ban jipinta

'Oh neudeungo jikheun meunan Leumoh yoh nyan ate Bangta Teuma neutamong le u rumoh Jipeuduek jroh ateueh geuta

Rupa ilok hana macam Bagoe bintang malam jula Bangta Ahmad ateueh keurusi Peureumadani jroh meutahta

Po Nahuda tren di rumoh Taeu mehmoh hana tara 'Oh sare troh u seuramoe Jiduek le toe deungon Bangta

Hicok ranup dalam karah Jroh that indah hana ngon sa Teuma jijok keu Bangta Ahmad Nahuda angkat jaroe dua

Po samlakoe sambot leugat Neuangkat ateueh jeumala Teuma jibeuot deungon peunuman Di likot nyan idang raya

'Oh sare troh u hadapan Nahuda yoh nyan buka haba Tapeusinget geupet peubasah jaroe Tamakeuen jinoe wahe Bangta

Kru seumangat wahe teungku droe Bak kamoe ateueh jeumala Bangta cok ie neusrah jaroe Makeuen sidroe ureueng muda

Teuma neubuka le ngon idang Han sapeue tan reundang Jawa

'Oh lheueh makeuen cut meutuah Malam sudah leupah 'isya Teuma geupinah le ngon idang Ulee mumang Bangta muda

Amma bakdu wahe adek Bah lon balek saboh lagee Nahuda bri ngon teumpat eh Bungong puteh mata layee

Teuma Nahuda jikheun meunoe Tuanku droe peuingat mee Nanggroe nyoe le that baduwi Na pancuri he pangulee

Peu na tuanku nyang keumah-keumah Bri lon pinah lam peutoe kee Bangta seuot teuma meunoe Hana sapeue he pangulee

Lorn jitanyong bak cut puteh Lam baluem jeh peue meusilee Teuma seuot cut meuubon Boh sumpit lon nyang na dilee

Nahuda Seukeuem jilakee le Cut boh ate me noe bak kee Han neumeung bri hana meukri Tanglong neugri hapit ulee

Teuma jisuet dalam baluem Jieu intan jroh that lagoe Nahuda kheun puteh leusoh Bahle lon troh kaman dilee

Singoh beungoh watee beurjalan Ulon pulang bungong keumee Bangta deungo haba meunan Neujok yoh nyan bandum sampee

Jimeututo deungon binoe Bangta sidroe hana neuthee Boh sumpit nyoe bek pulang le Takheun pancuri aneuk asee

Nakeu watee teungoh malam Nahuda Seukeuem laen lagee Ka jibeudoh Nahuda paleh Jiteutah binteh teuntang ulee

Peutoe saboh jitiek u yup Bangta teungeut hana neuthee Teuma Nahuda jihei bantu le Jikheun pancuri tabantu kee

Jibantu le ureueng gampong Meusong abong meudilee-dilee 'Oh troh keu nan dum u yup moh Peutoe saboh nyan na teuntee

Rakyat tanyong dum jisudi Ho pancuri he pangulee Po Nahuda seuot pantah Saleh ho leupah aneuk asee

Jieu keu deh jieu keu noe Tren u seuramoe mat ngon kayee Bangta teungeut cuet le taloe Po samlakoe hana neuthee

Ka jirante jaroe gaki Jipeukeuji bungong keumee Hankeu na jeuet jimeulawan Neumoe yoh nyan Bangta muda

Hingga beungoh puteh uroe Sabe neumoe bungong jeumpa

Teuma jicok le on pisang Jipalet bak badan le Nahuda Jicok apui ka jitet le Nahuda kaphe jeuheut raya

Neugrop keu noe neugrop keu deh Bungong puteh ate rugha Ngon abeh hu apuipi len Bintang canden ro ie mata

Jaroe gaki ka lam ikat Jiboh lam glap le Nahuda Laju jiba ubak bagan Jikeubah sinan Bangta muda

Lheueh jiikat po samlakoe Laju jiwoe dumjih rata Teutap sinan Bangta Ahmad Ate reungat hana tara

Silawet ere deungon dalem Puteh licen kayem bala 'Oh neuingat keu untong droe Dawok neumoe Bangta muda

Bukon sayang lon eu kulat 'Oh uroe cot abeh mala Bukon sayang Bangta Ahmad Jiboh lam glap le Nahuda

Wahe untong kupaban bah Nibak Allah ka troh masa Teutap Bangta dalam sosah Nyoe lon peugah po Nahuda

Amma bakdu teuma dudoe Nahuda jinoe yue peugot bahtra Jikrah utoh dalam nanggroe Dum sinaroe tuha muda

Teuma seuot Nahuda Seukeuem Peugot keu lon siat bahtra Hajat ulon kuwoe u Kleng Kumeung peudieng pineung dumna

'Oh jideungo haba meunan Utoh yoh nyan teungoh rimba Utoh ka troh u dalam gle Ka jikoh le meudang ara

Kayee jikoh han layee on Ka jipeutren peugot bahtra Ase tihang ngon keumudoe Teuma jiwoe bak Nahuda

'Oh troh keu deh jikheun meunoe Nahuda droe kapai ka leungka Neubri idin kamoe meuwoe Tapreh dilee kheun Nahuda

Teuma jiek u rumoh droe Ceu'it peutoe le jibuka Ka jicok dum nyang jitroh-troh Jisalen utoh le Nahuda

Jibri ringget sidroe siploh Jiwoe utoh pantah sigra Teuma jikrah rakyat lam nanggroe Nahuda jinoe peutren bahtra

Troh le rakyat dum meuribee Tamong dilee bak Nahuda Kamoe bandum ka troh keu noe Toh buet jinoe peugah sigra

Teuma seuot Nahuda pindoe Jikheun meunoe pantah sigra

Teuma beudoh dumna rakyat Ka jipeurab bandum rata Troh meuribee ureueng tulak Hana meugrak kapai raya

Sosah ate Nahuda Seukeuem Han jitem tren kapai bahtra Teukeudi Allah bak simalam Melumpoe yoh nyan le Nahuda

Bek that mehmoh Nahuda Seukeuem Lon kutren han peue tasangka Meuna hajat tapeutren kamoe Tamita ureueng taboh keu lila

Meukon meunan hana lon tren Baranggadum ureueng tamaba Lheueh meututo beungoh uroe Nahuda pindoepi ka jaga

Ate sosah yoh masa nyan Hana ureueng jiboh keu lila Teuma teuingat aneuk pindoe Pancuri saboh roe dalam singkla

Bah kujak cok kaman jinoe Aneuk pindoe kuboh keu lila Teuma Nahuda jibeurjalan Troh bak bagan keu nan sigra

'Oh troh keu nan bak samlakoe Jicok jinoe pantah sigra Bangta beudoh reubah-reuboh Samlakoe jroh sayang raya

Limong buleuen dalam bagan Le that kalang han ek kira 'Oh troh keu nan po samlakoe Jiseumanoe le Nahuda

Teuma jipeuwoe pantah laju Jijak bri bu le Nahuda 'Oh lheueh bu malam uroe Po samlakoe teungeut indra

Teuma troh ureueng keu nan sidroe Jikheun meunoe bak Cut Bangta Wahe adek po samlakoe Gata sidroe jiboh keu lila

Singoh hai nyak ek u dalam Tapeusunteng uleh gata Deungon tulong Po geutanyoe Jitren keudroe kapai bahtra

Lheueh jikheun nyan jihpi gadoh Uroe beungoh teukeujot Bangta 'Oh teukeujot po samlakoe Teuduek keudroe hana haba

Teuma jikheun le Nahuda pindoe Tajak keu noe kalon bahtra Ka jibeudo'h po samlakoe Jijak jinoe ngon Nahuda

Nahuda klep ubak rakyat Beudoh leugat jimat Bangta Kajiikat jaroe gaki Po juhari indah rupa

Teuma neukheun le samlakoe Bak sinaroe rakyat dumna Wahe teungku yang pangulee Piyoh dilee bandum gata

Bahle ulon cuba sunteng Meuhan jiten taboh hamba

Teuma neuek le u dalam Bangta mohon bak Rabbana Ya Illahi wa ya Rabbi Po lon neubri ban lon pinta

Neubri jitren kapai keudroe Tuhan sidroe tulong hamba Neucok teupong neupubeudak Neupeusijuek uleh Bangta

Neucok bu leukat neupeusunteng Yoh nyan jitren kapai bahtra Han soe tarek jitren keudroe Tuah samlakoe Bangta muda

Dumna rakyat teukap jaroe Tahe keudroe hana haba Troh meuribee geutanyoe tulak Hana meugrak kapai raya

Bak uroe nyoe jitren keudroe Muda samlakoe tuah raya Meunan jikheun dumna rakyat Teuduek siat saboh leua

Teuma jiwoe Bangta Ahmad Kapai teutap lam krueng raya Amma bakdu teuduek siat Ulon sambat lagee jareueng

Teukeudi Allah peurintah Tuhan Jiseumeudieng Nahuda Seukeuem Peudieng awe le u dalam Laen nibak nyan deungon pineung

Geutah simanyam ngon pineung cang Le that barang han ek bileueng Tujoh uroe peudieng leugat Yoh nyan sarat kapai bajeueng

Teuma jiek dalam kapai Tulak yoh nyan nibak reuleueng Yoh nyan kapai hana meugrak Sabab tan jak sidroe ureueng

Dum keulasi teubiet reuoh Taeu sunggoh cangkeng mangkeueng Tulak sabe hana reunggang Meugrakpi tan kapai bajeueng

Nibak jijak maken that kong Sosah han ban Nahuda Seukeuem Tulak sabe hana reunggang Meugrakpi tan kapai bajeueng

Nibak jijak maken that kong Sosah han ban Nahuda Seukeuem Teuma seupot le ngon uroe Laju jiwoe ka seumeureueng

Ureueng binoe tanyong sigra Hana bungka peue na meutheun Jiseuot le pantah-pantah Jiseumeugah Nahuda Seukeuem

Ka lhee uroe ulon tulak Hana meugrak kapai bajeueng Meuhan jijak singoh beungoh Kupeuteungoh dumna pineung

Meunan jikheun Nahuda pindoe Po samlakoe duek teujunun Teuma jieh bak malam nyan Teukeudi Tuhan leumah peuraseuen

Kapai teuma peuleumah droe Deungo kamoe Nahuda Seukeuem

Meunan kapia peuleumah droe Jaga jinoe aneuk bajeueng 'Oh ban jaga beungoh uroe Jiba jinoe pocut buleuen

Wahe e nyak bungong jeumpa Udeh bungka hai nyak meugleueng Teuma seuot Pocut Bangta Bak Nahuda meunoe jikheun

Kru seumangat he Nahuda Ulon taba wahe aduen Teuma jitren po Nahuda Sajan jiba ngon cut buleuen

'Oh troh keu deh bandua droe Jiek jinoe Nahuda Seukeuem Bangta neukheun tarek saoh Teungku kawot keu nan bandum

Keulasi deungo haba meunan Beudoh yoh nyan jimeuplueng-plueng Teuma lheueh nyan Bangta tulak Kapai jijak nibak reuleueng

Teuma layeue le jipeuhah Angenpi drah budueng-budueng Beungoh-beungoh Timu laot 'Oh seupot angen di rueng

Watee seupot angen darat Kapai teutap miseue bateueng Bahtra jijak that meu'u-'u le di iku na ban tupeuen

Jipot angen Timu kurong Kapai jamprong bangon budueng Tujoh uroe tujoh malam Gadoh daratan ka seumeurueng

Han got ate kaphe pindoe Jiboh samlakoe aneuk bajeueng Nyankeu geukheun Nahuda kaphe Han got ate si rimueng keung

Areuta jitueng ureueng jipoh Teuma jiboh dalam budueng Bukon sayang bungong geutoe Angen tampoe sret dalam krueng

Masa di gampong jiboh lam glap Jiikat Nahuda bajeueng Teuma jiba bak meulayeue Jitiek jinoe lam ie ruweueng

Bukon sayang Bangta sidroe Cit meupaloe jeuep-jeuep ruweueng Bukon sayang po bintang sret Jitiek u laot le po Seukeuem

Teuduek haba Nahuda pindoe Kisah meuwoe keu cut buleuen 'Oh lheueh jitiek po samlakoe Bak keumudoe si nyak meugleueng

Bangta mumat bak keumudoe Bintang cot uroe bungong seupeueng 'Oh lheueh jitiek po samlakoe Teudong keudroe kapai bajeueng

Meusijeungkai hana jijak Sabab jarak sidroe ureueng

Sabab tatiek po samlakoe Kapai jinoe miseue bateueng Nahuda paleh akai han got Jiboh culot bungong kareueng

Abeh beungeh dum sinaroe Nahuda pindoe meunoe jikheun Rame pancuri yang jeuet kupoh Bahle kuboh aneuk bajeueng

Teuma seuot dum sidadu Kaya that ku po rimuen keung Kaya that ku po rimueng keung Nahuda paleh ka jiiem droe Hana sapeue jaweueb ureueng

Yoh nyan keulasi gundah ate Jimita le pocut buleuen Jieu keu deh jieu keu noe Bak keumudoe si nyak meugleueng

'Oh jikalon bak keumudoe Jicok jinoe bungong kareueng Troh u dalam bungong meurak Kapai jijak lagee tupeuen

Bacut-bacut angen darat Kapai leugat le seumeureueng Tujoh uroe tujoh malam Sabe timang angen di rueng

Padum lawet peulayaran Sampoe tuan abeh buleuen Bahtra jijak meupuseng-puseng Troh nanggroe Kleng Nahuda Seukeuem

Laju keu nan le jibaroh Jilhom saoh nibak reuleueng

Dalam peukan tamong lanja Ngon syeedaga ka meuteumeung Meubri saleuem meumat jaroe Pane nanggroe syeedaga kheun

Jiseuot le pantah-pantah Anta Kisah di lon mideuen Peue meuneukat tame keu noe Bah kamoe bloe kaman bandum

Teuma seuot po Nahuda Awe ngon dama lilen pineung Laen nibak nyan dum bicah blah Gadeng gajah barang bandum

Tapeuteungoh keu noe beurab Angkat leugat bak seurayueng 'Oh jideungo haba meunan Peuteungoh yoh nyan bandum pineung

Majeue kisah po riwayat Teuduek siat eungkong Seukeuem Meuah pocut balek ayat Hana mangat lagee nyoe dum

Ajayeb subhanallah Nyoe lon kisah saboh nanggroe Ngo lon peugah nanggroe Tinggi Peukan rame hana bagoe

Ureueng lam peukan han teupeugah Miseue siwah deungon unoe Kruengpi le hana macam Ureueng lam peukan meuploh katoe

'Oh troh mate boh meuriam Meunan bangon bak hareutoe Keude meuranoe geudong meurandeh Troh lhee lapeh kuta meutaloe

Nanggroe makmu hana lawan That sukaan hana bagoe Ibnu Hasan geuboh nama Sidroe raja dalam nanggroe

Neumeuaneuk poteu raja Allah karonya na tujoh droe Tujoh aneuk goh lorn kawen Puteh licen si nyak putroe

Kaoi putroe geubri keu naga Hajat raja yoh saboh roe 'Oh troh umu si nyak putroe Raja nanggroe meunan kata

Nyoe goh lorn troh blah thon Putroe bintang sajan baginda Nama geukheun aneukgeu nyan Deungo tuan lon kheun nyata

Aneuk tuha Putroe Meulu Adoe teungku Siti Indra Di leumueng nyan Si Nyak Intan Nyang adoe nyan Siti Jeumpa

Di leumueng nyan Si Nyak Sunoe Nyang adoe Si Nyak Meutia Putroe nyang nam ka lon seubot Nyang tulet jinoe peunyata

Geurasi nan Putroe Bungsu Ban panyot hu tujoh mata Kulet badan puteh hijo Ujong baho dum geuteumpa

Aneuk jaroe sang geurawot Ban aneuk lot geutroh u para

Soe nyang kalon ate gaseh Bak taeh-eh nyum di mata Ok di ulee patah manyam Keuieng ban lhang tren di para

Soe nyang kalon putroe seudang Abeh mumang tuha muda Taeu cahya ban meuh seupoh Hu seumeuloh cahya muka

Rupa ilok hana bagoe Na ban uroe baro keulua Nakeu umujih siploh thon Poteu peutren saboh rahsia

Cut Bungsu eh di meuligoe Leumah lumpoe Allah peunyata Jilumpoe bintang dua sirungkhe Di dalam gle rimba raya

Na sikeujap di dalam gle Han leumah le u antara Teudoh angen wahe teungku Leumah lorn hu bintang kala

Nyang saboh hana meuho le Angen peume dalam rimba Tinggai saboh nibak putroe Neuboh jinoe ateueh jeumala

Nibak lumpoe putroe bintang Teukeujot yoh nyan uroe ka faja Han jeuet neuboh makna lumpoe Si nyak putroe ro ie mata

Dendayang tanyong nibak putroe He pocut droe pakon rugha Han neuseuot putroe iem droe Dawok neumoe po jroh rupa

Ampon tuanku syahi alam Di yup kidam horeumat mulia Putroe Bungsu di meuligoe Dawok neumoe po meukuta

Ban raja ngo haba meunan Tatueng rijang putroe muda Ban sare troh ubak putroe Peugah jinoe hajat raja

Ban putroe ngo hana meunan Neujak yoh nyan bak ayahda Ban sare troh ubak ayah Bungsu seumbah teuot sigra

Raja tanyong teuma meunoe Pakon sambinoe lon eu rugha Teuma seuot si nyak putroe Leumah lumpoe lon meukuta

Peue talumpoe hai aneuk droe Peugah bak kamoe bijeh mata Lon lumpoe du malam bunoe Dilee lumpoe dudoe jaga

Lon lumpoe bintang dua sirungkhe Di dalam gle angen bawa Teuma jiek dalam awan Sret sinan lam leumueng hamba

Nyankeu lumpoe tuanku droe Teukueujot kamoe uroe ka faja Teuma seuot raja nanggroe Deungo kamoe e bijeh mata

Talumpoe bintang sret lam leumueng Teuka peutumuen judo gata

Adat na umu uroe dudoe Sit troh keu noe ubak gata Nyankeu aneuk gata lumpoe Tajakkeu woe po jroh rupa

'Oh jideungo haba meunan That sukaan putroe muda Han le sosah malam uroe Si nyak putroe ate suka

'Oh nyan abeh haba lumpoe Laen jinoe lon calitra Amma bakdu teuma dudoe Karangan meuwoe bak Nahuda

Dumna pineung abeh jipeubloe Nahuda pindoe keumeung gisa Jibri ringget dum sinaroe Laen jibloe barang syeedaga

Barang syeedaga Nuhada bloe Peudieng jinoe angkot sigra Abeh peudieng ban nyang babat Jiboh ngon cap bek meutuka

Teuma jihei Bangta Ahmad Tawoe leugat mangat tabungka Neuek sajan ngon samlakoe Jicok jinoe saoh meuhad

Jicok saoh peuhah layeue Angenpi kheue reumbang pasa Angenpi jroh pasa mangat Kapai leugat le jiguda

Tujoh uroe tujoh malam Peujam daratan safan safa Bahtra jiplueng uroe malam Sampoe tuan ban nyang kata

Troh dalam lhok jilhom saoh Beude jicoh meugeumpita Dua seun tujoh su meuriam Keudeungoran ubak raja

Ka teukeujot Ibnu Hasan Neuhei bujang pantah sigra Ho ka gata tandi waki Jak taili u kuala

Lon ngo beude meungeureupoh Peue kapai troh saleh teuka Jikalee nyo kapai meuneukat Talakee adat wase kuala

Atawa kapai peurmainan Masok u dalam sikutika Jikalee nyo kapai peurmusohan Nanti tuan siklep mata

Abeh haba Ibnu Hasan Jicok sampan dayong lanja 'Oh sare troh ubak kapai Jitanyong hai pane teuka

Meuntroe tanyong ngon basa Meulayu Meunoe laku jibeurkata Tuan-tuan di mana datang Apa barang bawa ke sini

Jikalau ada bawa meuneukat Niscaya angkat sekarang ini Pane gampong deungon nanggroe Tajak keu noe peue keurija

Teuma seuot Nahuda Seukeuem Manoe jikheun pantah sigra

Hana sapeue na meuneukat Hana kheurajat wase kuala Bukon ulon permayenan Peue buet laman masok kuta

Jinoe lon bri saboh surat Akan deelat raja gata Keureutah jimat deungon kalam Jimeurasam po Nahuda

Lheueh jisurat teuma jilipat Jijok leugat bak waki raja Bujang sambot le u jaroe Laju jiwoe pantah sigra

Teungoh laju peurdana meuntroe Tamong jinoe dalam kuta Jidong di yup peurakna seumbah Jaroe dua blah ateueh jeumala

Deelat teugayu syahi alam Seumbah laman po meukuta Tuanku beude meugeureupoh Bukon musoh he sroepada

Deelat kapai jiowe di Kleng Keu noe datang bak meukuta Nyang na surat geujok keu noe Geuyue peuwoe keu meukuta

Goh lorn lon ploh dalam lipat Cuba lihat peue na haba Raja sambot surat u jaroe Neubeuet keudroe pantah sigra

Menoe haba dalam surat Ngo he sahbat meng sibanja Sahaya datang di Anta Kisah Bak khalifah raja raya

Menan haba dalam surat Raja deelat tanyong sigra Na takalon jikheun teubosan Pakri bangon taeu rupa

Ampon tuanku meukuta nanggroe Indah han soe ateueh donya Rupa indah bukon bubarang Bagoe bintang malam jula

Han torn meunan tuanku teubosan Silayeue laman po meukuta Ban raja ngo haba meunan Neutueng rijang po Nahuda

Peurdana jak teuma jinoe Ka troh sampoe ubak bahtra Ka jipeugah awai akhe Raja pangge dalam kuta

Bek trep le jinoe beurijang Ngon teubosan sajan taba Bangta deungo geupanggelan Neungui peukayan nyang mulia

Ka geuek le dalam sampan Dayong yoh nyan u kuala 'Oh sare troh nyan u darat Jiba leugat le waki raja

Jijak laju rot lam peukan Rakyat pandang keu nan mata Leupah peukan troh lam gampong Bungong tanjong indah rupa

Ban sare troh nyan u leupu Tamong laju pantah sigra

Deelat tuanku po di kamoe Ka troh keu noe nyak Nahuda Teuma sabda syahi alam Neuyue tanyong pantah sigra

Pane teubosan po samlakoe Pane nanggroe keu noe taba Teuma seuot Nahuda Seukeuem Meunoe jikheun ubak raja

Deelat tuanku syahi alam Teumon laman po meukuta Namiet ulon na siribee Jih nyang ulee nibak nyang na Laen bandum abeh jipoh Nyang jeuet lon boh jeuheut raya Nyang jeuet lon ba sigala nanggroe Lon jak peubloe jeuep-jeuep banda

Meunan jikheun Nahuda pindoe Jimeung peubloe Ahmad Bangta Na sikeujab Bangta sinan Dum dendayang duka cita

Jieu rupa po samlakoe Na ban uroe cahya muka Teuma jiowe dum dendayang Bak cut bintang jak peuhaba

Allah hai pocut lon tren bunoe U seuramoe pocut raja Leumah lon eu muda samlakoe Na dum uroe cahya muka

Hana that deuh ulon pandang Pocut bintang seumilu mata Han jeuet lon jak meupalet gaki Pueh lon titi saket lam pha

Teuma neutanyong uleh putroe Patbu jinoe wahe cutda Ka jiseuot Siti Sunoe Sideh bunoe sajan peurdana

Adat meunan hai dendayang Bri lon pandang siklep mata Putroe jitren di meuligoe Jak eu samlakoe indah rupa

'Oh troh ubak peurakna seumbah Neuek leupah putroe muda Bungsu pandang bak samlakoe Teupike keudroe po jroh rupa

Nyankeu ureueng nyang lon lumpoe Bak suroe nyoe lon eu rupa Sideh buleuen sinoe uroe Si nyak putroe deungon Bangta

'Oh neudeungo jikheun teubosan Neuyue tanyong padum hareuga Yoh nyan putroe peuek seumbah Bak khalifah raja raya

Deelat teugayu syahi alam Seumbah laman po meukuta Beukit tuanku nyo teubosan Po junjongan bri hareuga

Ban raja ngo haba putroe Dum geupasoe dalam dada Yoh nyan meusabda syahi alam Neuyue tanyong bak Nahuda

Meuntroe deungo haba meunan Tanyong rijang pantah sigra

Adat na hajat neukeumeung bloe Sitimang droe nyan hareuga 'Oh neudeungo haba meunan Po junjongan neumeusabda

Neucok gunci abak jaroe Neujok jinoe bak peurdana Neuyue cok meuh dalam peutoe Neukheundak bloe muda beulia

'Oh sare troh u meuligoe Buka peutoe le nyang raya Buka geudong dum sinaroe Jicok jinoe meuh barangna

Laju jimoe keu nan sampoe Jipeujaroe ubak raja Abeh neutunggeng dengon pirak Neupasoe bak siblah neuraca

Bangta Ahmad di dalam nyan Rakyat pandang meukulah kama 'Oh geubeuot bacut manyang Hana timang po jroh rupa

Ka abeh dum dalam geudong Han cit timang lam neuraca Yoh nyan raja gundah ate Akai han le ngon bicara

Hana sapat le neutueng meuh Hana le deuh neueu rupa Geupasoe gleueng dengon subang Han cit timang lam neuraca

Teuma meugah bak Putroe Bungsu Gundah ate po jroh rupa Saleh han troh ban kulumpoe Neuleueng jaroe putroe muda

Beutroh hajat lon nyoe sidroe Ureueng kulumpoe sang ka nyata Gata nyang mee peutroh hajat Sabab murah that lagi kaya

Kalampi sret nibak bibi Tuhanku Rabbi kabui pinta Yoh nyan meugrak ubak ate Poteu neubri juru basa

Teuma neuploh ngon seunanggoi Neuek kaoi bak eelia Ya Ilahi Po lon Tuhan Neupeutroh ban pinta hamba

Lheueh neukheun nyan tuan putroe Neucok jinoe bungong jeumpa Ka neucok bungong sitangke Nyang meuriti sajan ceumara

Nyankeu bungong wahe teungku Neungui Bungsu aneuk raja Dumpeue jeuneh nan di sinan Pudoe intan deungon meutia

Yoh nyan putroe bungong jimat Jimeuhajat bak eelia Beukit nyan jeuet keu judo kamoe Ngon bungong nyoe sit hareuga

Ka neujok bak Siti Sunoe Deungon adoe Siti Jeumpa Neuyue jok ngon Siti Ubat Nyang arah that bijaksana

Neuyue cok meuh nyang ka geuboh Jiyue pinah le putroe muda

Bangta neuduek neupeuseumang Ka timang lidah neuraca Lheueh nibak nyan teuma dudoe Neuyue peuwoe uleh raja

Poteu raja neuyue peuwoe Ubak Putroe Bungsu muda Ban jideungo uleh bujang Peuwoe rijang u istana

Teuma meuntroe peuek seumbah Bak cut indah Bungsu muda Wahe pocut tanglong nanggroe Ureueng raja bloe nyoho lon ba

Putroe jingeuk u seuramoe Leumah samlakoe indah rupa Cut Bungsu kheun bak dendayang Kacok puan nyang meucintra

Kacok tilam deungon kaso Bak duek teungku jamee teuka Bandum dendayang taeu mehmoh Ka jibeudoh jak leueng tika

Teungoh jileueng peureumadani Laen lagi putroe muda Neucok sikin mat u jaroe Lason jinoe pineung muda

Puliek pineung pancalogam Masak pleh nam muda plah dua Jiboh ranup surang sareng Sang keurubeng papeuen bahtra

Bungong lawan dum jipateng Jipuseng le bakong meulila Di Aceh kon tanggoe u Kleng Hana bandeng dalam donya

Jicok keutumbu na sijudo Baro-baro ban lheueh geuteumpa Saboh keutumbu boh jeumuju Saobh keutumbu gapu naga

Abeh ranup dalam karah Jaroe dua blah ateueh jeumala Jicok gunci mat u jaroe Ceu'iet peutoe le jibuka

Ka jicok gleueng deungon subang Cok geureusang boh bak dada Jicok ija sawak sungket Jiek jahet ngon ie muka

Putroe Bungsu ate mangat Ka jimat ulee ceumara Jingui minyeuk that bee-beewan Cut intan atejih suka

Abeh alat dum u asoe Cut putroe jijak bak seumapa Ban sare troh ubak rambat Jikheun leugat meunoe haba

Ya Ilahi wa ya Rabbi Po lon neubri ban lon pinta Bijeh lon tanom beumeujadi Pucok neubri beujikeulua

Bek jeuet ayeb deungon keuji Tuhan neubri bek malee mata Meunan jikheun si nyak putroe Di seuramoe neuduek Bangta

Lon tren jinoe jak meuteumee Deungon jamee ureueng teuka

Ban sare troh ubak pinto Tadeungo sye jiseumapa Nateu keu noe teungku ampon Jak saweue lon po meukuta

Beuleubah rok ureueng gumpoi Beuladeh toi geusurieng sutra Naneu keu noe polem jamaloi Lon ikat kaoi bak eelia

Kureueng meujeulih kamoe duson Meuah ampon teungku raja Bangta Ahmad seot meunoe Nabu kamoe he adekda

Dua lhee go neumeucakri Jitren cutti ubak Bangta Duek ngon Bangta meuhadapan Seumbah yoh nyan teuot Bangta

Com di teuot seumbah di gaki Horeumat le putroe muda Putroe jok ranup dalam karah Jaroe dua blah ateueh jeumala

Nyoe tuanku ranup tabeue Seuleupong pageue kureueng rasa Miseue mante tren lam gunong Hana keunong bak seumapa

Kru seumangat wahe adoe Bak kamoe ateueh jeumala Di gata pocut na cit dumnoe Bak lon adoe han sapeue na

Tinggai Bangta di seuramoe Ek cut putroe u istana Putroe meuhei ngon dendayang Beuot idang u nap Bangta

Neupeumeuah polem siblet Peusinget geupet peubasah jaroe Eungkot di laot han ek lon bloe Neumakeuen troe bu ngon sira

Sinoe tuanku jarak laot Hana eungkot pasi hana Eungkot di laot lon deungo gah Teungku meutuah han soe jak mita

Adat lon yue bak lakoe gop 'Oh troh u rot bagi dua Adat meuna nyan lakoe droe Lon pajoh troe lon peubloe na

Teuma seuot po samlakoe Neukheun meunoe bak peulita Kru seumangat wahe putroe Peurab keu noe he adekda

Jiseuot le si nyak putroe Goh lorn sampoe makeuen dua Nyokeu meunan wahe putroe Tuwo kamoe lon hei gata

Makeuen teuma sibuju jaroe Nekmat ka troe jatirasa 'Oh lheueh makeuen neusrah jaroe Pinah jinoe idang raya

Teutap Bangta sajan putroe Kisah meuwoe bak Nahuda Lheueh jipeubloe po samlakoe Nahuda pindoe keumeung gisa

Jikeumeung woe kapai han jijak Ate rusak rimueng seuba

Yoh nyan teulah hana bagoe Ka jipoh droe aneuk beulaga Bukon paleh badan suang Kuboh bintang Bangta muda

Lon keumeung woe kapai han jijak Sabab jarak sidroe ureueng Bahle jinoe kubloe pulang Bak cut bintang Bungsu muda

Adat han jibri siploh ribee Siploh katoe meuh kupeuna 'Oh lheueh pike Nahuda Seukeuem Jijak yoh nyan pantah sigra

'Oh sare troh u meuligoe Bak Cut Putroe Bungsu muda Jimeututo Nhuda pindoe Ngon cut putroe indah rupa

Ampon pocut meuribee katoe Neubri lon bloe muda beulia Dumna galak pocut boh yum Baranggadum lon bri hareuga

Han jeuet pocut ulon syawoe Meutan samlakoe han jijak bahtra Bungsu deungo Nahuda peugah Cut indah jiseuot sigra

Bek talakee Nahuda droe Laen lon bloe meuna taba Ampon pocut po di kamoe Han jeuet lon woe meutan Bangta

'Oh putroe ngo haba meunan Beungeh yoh nyan putroe muda Maken han kubri lorn jilakee Si buya pangkee gajah sula

Bukon paleh aneuk asee Ngon seulanggoi kee kugeulawa Kuteumeung cang ngon parang dapu Kumeung balu ane uk beulaga

Kudrop rijang kuboh rante Kupeuek le u cong sula 'Oh jideungo haba meunan Jiteubiet yoh nyan pantah sigra

Lagee asee geukoh iku Jiwoe laju hana haba Jimeupot-pot sira jiwoe Jitumbok droe hana tara

Bukon paleh badanku nyoe U nanggroe han jeuet kugisa Teutap jiduek dalam peukan Lon karangan keu Cut Bangta

Troh sibuleuen sajan putroe Nan han meusoe ureueng muda Teuma teupike po sambinoe Soe nan gop nyoe saleh nama

Putroe tanyong teuma meunoe Bak samlakoe Bangta muda Wahe dalem deungo kamoe Patbu nanggroe ayah bunda

Gatapi soe geuurohan Peugah rijang dalem raja Teuma seuot po samlakoe Neukheun meunoe bak peulita

Bek tatanyong he pocut droe Ulonteu nyoe teumon Nahuda

Meunan neukheun le samlakoe Sira neumoe ngon ie mata Han neupeugah ubak putroe Kareuna droe aneuk raja

Bungsu tanyong han neupeugah Sit lam jojah ngon ie maia Teutap sinan sajan putroe Laen jinoe lon calitra

Lorn teupike si nyak putroe Sang nyo gop nyoe aneuk raja Meunyo meunan meunoe pike Euntreuk bahle kubicara

Hingga seupot uroe malam Cut intan jak meuhei Bangta Wahe dalem cut abang droe Neuek keu noe pantah sigra

Bek le diyup hai polem beh Bu ka lon boh jipreh gata Bangta deungo haba putroe Neuek jinoe pantah sigra

Bangta ka troh u seuramoe Tren Cut Putroe Bungsu muda Cut Bungsu hei le dendayang Beuot idang u nap Bangta

'Oh lheueh bu po samlakoe Eh le jinoe safan safa Bangta neueh di seuramoe Cut putroe dalam istana

Teungoh malam poh dua blah Bungsu indah beudoh sigra Jicok ija patah nilam Jireugam ulee ceumara

Cut Bungsu eh di seuramoe Rab samlakoe Bangta muda 'Oh ban jaga Bangta seudang Cut bintang jieu le sigra

Yoh nyan Bangta jikheun meunoe He putroe bek tameuseunda Peue taleungo meunyum u riek Keupeue tagliek aneuk muda

Silama goh lorn lon meunikah Wallah billah hana lon hawa 'Oh putroe deungo narit ajab Nyum nasabah aneuk raja

Hingga beungoh puteh uroe Tren samlakoe jak srah muka Amma bakdu teuma dudoe Kameng putroe lon calitra

Kameng putroe na sireutoh Inong meureugoh biek banggala Neujak geubeue le samlakoe Ngon galak droe soe yue hana

Saboh kameng lam kawan nyan Raya tuan bube guda Nyan geugiduek geunap uroe Jijak geubeue le Cut Bangta

Meunan sabe geunap uroe Teupike keudroe Bungsu muda Teuma jiek u meuligoe Buka peutoe le nyang raya

Neucok ngon meuh dua katoe Jitren jinoe po jroh rupa

Wahe dalem neutren keu noe Tajak tueng keu noe utoh sigra Jijak pantah miseue kilat Troh le siat miseue guda

'Oh troh keu deh ubak pande Ka jikheun le meunoe haba Wahe teungku nyang seumande Putroe pangge dalam kuta

Ban jideungo putroe pangge Ka jijak le pantah sigra Putroe jok ranup dalam bate Neuseumbah le ateueh jeumala

Lheueh pajoh ranup sigapu Putroe Bungsu meusuara Neudeungo wahe teungku droe Peugot keu adoe saboh geunta

Jicok ngon meuh dua katoe Lem utoh woe sigra-sigra 'Oh troh keu deh neupeugot le Geunta ase sudah leungka

Teuma jipeuwoe u meuligoe Jok bak Putroe Bungsu muda Ka jiboh le deungon taloe Neujok jinoe bak Cut Bangta

Bangta boh bak reukueng kameng Su meugreng hana tara Bacut leungo 'oh jihayak Lhee uroe jak suara geunta

Watee beungoh puteh uroe Po samlakoe giduek sigra Peurot kameng le Bangta cut Seun-seun bacut jarak kuta

Po samlakoe dalam kawan Kameng ireng ban seun lingka Jipejeuet droe kanak-kanak Miseue budak Bangta muda

'Oh troh keu nan po samlakoe Tren Cut Putroe Bungsu muda Wahe dalem payong nanggroe Neujak manoe dalem raja

Lon eu kalang nibak asoe Hitam tuloe na dum baja 'Oh neudeungo haba putroe Neujak manoe Bangta muda

'Oh troh Bangta lam pupalang Tren cut bintang Bungsu muda Putroe crong ie neuseumanoe Samlakoe po bintang kala

'Oh gleh kalang nibak asoe Na dum uroe cahya muka Rupa ilok ban buleuen trang Lang geumilang jiplueng cahya

Teuma neuek u meuligoe Neuduek jinoe ateueh geuta Na sikeujap neuduek sinan Beuot idang u nap Bangta

Bungsu cok ie neusrah jaroe Po samlakoe Bangta muda Teuma neutham le samlakoe Sipu malee ureueng muda

Bek hai pocut neusrah jaroe Ulonteu nyoe hamba saya

Bangta Ahmad ka neuiem droe Ban buet Putroe Bungsu muda Lagee ureueng lakoe binoe Si nyak putroe deungon Bangta

Nyang jeuet meunan jipeulaku Jeuet keu judo bak jisangka Adat na untong nibak Tuhan Jeuet peutumuen akhe masa

Bak jikalon keulakuan Siulahan aneuk raja Jieu sehat ngon meusigak Hana sagai le bicara

Meunan teusyawe si nyak putroe Baro geuwoe le bak raja Meunan bangon bak jipandang Teuka waham Bungsu muda

Bandum dendayang ka jiiem droe Jieu putroe deungon Bangta Adat meugah bak sulotan Beungehneu han keu putroe muda

Hana beungeh raja nanggroe Ban nyang buet droe aneuk raja 'Oh lheueh makeuen po samlakoe Pinah jinoe idang raya

'Oh sare lheueh pinah idang Putroe tatang ngon ceurana Neujok teuma keu samlakoe Duek cut putroe rab di sana

Bangta pajoh ranup sigapu Putroe Bungsu meusuara Wahe dalem bungong peukan Soe geukheun nan aduen raja

Masa dilee yoh di gampong Nama ulon nyoe si Kamba Laen pocut han lon tuban Cut that laman bak Nahuda

Teuma jiba sigala nanggroe Ka jipeubloe nyak keu gata Lorn jiseuot Putroe Bungsu Pakon teungku laen neurika

Lon tanyong nyoe neupeugah jeh Sang that jayeh lon di mata Si Nyak Bungsu that ceureudek Lom ngon lisek hana tara

Lagi bijak han peue peugah Babah cidah dum cempala Putroe tanyong teuma meunoe HE teungku soe nama gata

Tapeugah nan lem jamaloe Mangat meusoe singoh lusa Bangta seuot teuma meunoe He putroe panyot peulita

Meung tatanyong wahe putroe Bah kutop droe di nap gata Bangta neucok sikin u jaroe Tajo putroe neumat sigra

Wahe dalem payong nanggroe Bek tatop droe dalem raja Meudeh meunoe jikheun takwi Bangta meuri rumeh muka

Putroe areh hana bagoe Jeuet jipatroe pat nyang luka

'Oh jipeukhem uleh putroe Po samlakoe ka teurtawa

Han le beungeh po samlakoe Utoh putroe le bicara Cut Bungsu kheun teuma meunoe Bak samlakoe Bangta muda

Putroe jikheun narit wayang Dalem Kameng geukheun gata 'Oh putroe hei neuseuot le Mangat ate nyak jroh rupa

Nama kameng geukheun Yabluek Nyang giduek le Bangta muda Nakeu sithon Bangta sinan Jeuet kameng nyan dua laksa

Ngon meutuah po samlakoe Hana sapeue teuka bala 'Oh lheueh makeuen puteh leusoh Ateueh geureupoh le neuhala

Meung ranup han jan neupajoh Samlakoe jroh neutren sigra Neutakot jimat uleh putroe Neutren laju po jroh rupa

Watee beungoh puteh uroe Beudoh samlakoe Ahmad Bangta Hankeu na lom neusuet kameng Mantong jak meu'en pura-pura

Hingga beungoh le ngon uroe Ek samlakoe pantah sigra Neubeuot bu le cut putroe Makeuen jinoe Bangta muda

Oh lheueh bu neusrah jaroe Tren cut putroe cidah rupa Di likot nyan tren dendayang Pinah idang di nap Bangta

Han jeuet lon boh makna lumpoe Cuba dalem droe boh le gata Bangta seuot teuma meunoe Peue talumpoe putroe muda

Lon lumpoe bintang dua sirungke Di dalam gle rimba raya Na sikeujap di dalam gle Saboh han le lon eu rupa

Teudoh angen dalem teungku Leumah le hu bintang kala Nyang saboh hana meuho le Angen peume u an tara

Tinggai saboh bungong sitangke Ulon sanggoi le di jeumala Nyankeu lumpoe lem teungku droe Teukeujot kamoe uroe ka faja

Teuma seuot po samlakoe Nyang talumpoe sang ka teuka Untong-untong sit na sinoe Ureueng talumpoe putroe muda

Putroe deungo haba meunan Neutanyong yoh nyan bak Cut Bangta Pakon dalem takheun meunan Ka troh wahamteu di gata

That jitanyong uleh Bungsu Neutren laju Bangta muda Bangta suet le kameng lam weue Neujak geubeue u blang raya

Giduek Yabluek teungoh meurot Jipeuseutot naleueng muda

Laju jilop dalam uteuen Jirot naleueng tuha muda Jijak laju pantah-pantah Troh u teungoh rimba raya

Han torn sidroe soe jak keu nan Bak uteuen nyan he syeedara Uteuen luah hana bagoe Dua uroe pasang guda

Tanoh batee ngon manikam Naleueng panyang dum komkoma Bangta neutren ateueh Yabluek Neujak duek yup kayee raya

Teutap Bangta sinan piyoh Teukeudi Allah Tuhan Esa Amma bakdu teuma dudoe Gogasi jinoe lon calitra

Gogasi jak jeuep-jeuep sirokan Abeh panton troh bak data Sampoe keu nan inong gogasi Allah teukeudi ka troh masa

'Oh troh keu nan jijak laju Jikalon di yup kayee raya Bangta teungeut sinan sidroe Jicok jinoe baplueng sigra

Inong gogasi jiplueng tajam Keutam keutum kayee bungka Jipeutamong le u dalam Suara han ban inong tuha

Teuma jipeueh po samlakoe Jiduek keudroe hana haba 'Oh teukeujot bungong uroe Kon bak bunoe neueu rupa

Neueu di nap nyan peunutueng Neueu di rueng meusiret buya Bangta tanyong teuma meunoe Hai ma keu noe ulon soe ba

Teuma seuot gogasi pindoe Hai samlakoe mateue bawa Peue buet taeh di yup kayee Aneuk pangulee cahya mata

Bangta seuot teuma meunoe Deungo kamoe he ma raja Di yup kayee teungeut kamoe Kameng putroe le lagoina

Abeh jideungo awai akhe Bek kiam le aneuk raja Teutap Bangta bak gogasi Woe suami agam tuha

Keutam keutum patah kayee Miseue bade ribot raya Salang mantong gogasi jeuoh Tango kiroh dalam rimba

Jime gajah na sireutoh That bit sunggoh teuga raya Laen nibak nyan bacut sapeue Lutong ngon bue han ek kira

Patah kayee dum ube-be Neutanyong le Ahmad Bangta Wahe po ma peue su kiam Peugah rijang lon ngo nyata

Bek tagundah po samlakoe Ayahteu geuwoe dalam rimba

'Oh neudeungo kheun gogasi Bangta meuri pucat muka Bangta tanyong lom neusudi Ulon pakri he ma raja

Bek tagundah po samlakoe Kusom jinoe bijeh mata Teuma jicok po samlakoe Peuek jinoe keu deh u para

Di jih jiduek di seuramoe Troh le lakoe keu nan sigra Jisumpom gajah dua reutoh Teubiet reuoh lam-lam mata

Teuma jiek le u rumoh Jipiyoh le sigra-sigra Teuma jitanyong bak ureueng binoe Saleh peue bee mangat raya

Bee-bee manok ayek putroe Na di sinoe manusia Teuma seuot ureueng binoe Hana sinoe ayek raja

Peue buet keu noe teuka insan Dalam uteuen rimba raya Meunan jikheun uleh inong Seungap agam han le haba

Teuma seungap gogasi pindoe Peurab keu noe wahe nisa Tajak keu noe tuan putroe Taeu gutee gatai raya

'Oh jideungo jiyue eu gutee Jicok palee pantah sigra Ka jipeutren rijang-rijang Siploh gantang brat meulila

Sira jijeh gutee lakoe Jikheun meunoe inong tuha Wahe teungku tanglong nanggroe Deungo kamoe saboh haba

Jikalee na aneuk di kamoe Di teungku soe neukheun sigra 'Oh jideungo kheun inong nyan Seuot yoh nyan agam tuha

Meunyo na aneuk tuan putroe Nibak kamoepi aneukda Lon meukaoi uroe malam Putroe bintang aneuk bak na

Adat mate ulon sidroe Mangat na soe garo rimba Meung na aneuk ureueng lakoe Rupa bagoe manusia Han neupajoh tuanku droe Takheun jinoe lon ngo nyata Teuma seuot gogasi agam Meunoe jikheun ubak nisa

Hareuem tuboh deungon darah Wallah billah han lon hawa Meunan jikheun le ureueng lakoe Beudoh sambinoe ek u para

Ban sare troh bak samlakoe Jicok jinoe Bangta muda 'Oh jikalon aneuk agam Tiwasan bintang malam jula

Jieu rupa na dum intan Jidrop yoh nyan jicom jiwa

Yoh nyan Bangta sang teumakot Yo ngon atot miseue geumpa

Sret aruwah dalam jasad Gadoh ingat po jroh rupa Teumakot that he pangulee Sang kayee buket nyang raya

Teuma jipeulheueh le ureueng lakoe Ureueng binoe ate suka Teuma jicok awe batee Ikat dilee ayon Bangta

Jicok Bangta boh lam ayon Syae panton inong tuha Suara mangat leumoh leumbot Bagoe geuyup sangkakala

Allah hai do kudak idang Jeh seulayang dalam hawa Beurayek si nyak beurijang-rijang Beuek kang-kang jeuep-jeuep rimba

Allah hai do kudak idang Bungong mancang jroh han sakri Padumna trep lon meuhajat Keu si nyak bintang that juhari

Jak lon timang putik bugeng Cut linteng jroh hana sakri Bumeutuah bintang canden Lon peukawen ngon putroe ti

Bahkeu 'oh nan jimeuayon Le that bangon kheun gogasi Teutap Bangta bak gogasi Cut putroe ti lon calitra

'Oh hana woe dalem kameng Putroe jimoe ngon ie mata Putroe Bungsu ka jibae Tadeungo sye ngon suara

Jisumpom droe keu deh keu noe Si nyak putroe pungo gila Allah Allah dalem teungku droe Takeubah adoe dalam kuta

Adat han le dalem tawoe Tatueng adoe sajan gata Keupeue guna lem boh ate Tinggai tangke han le bunga

Gata tajak he dalem droe Tinggai adoe ate luka Ulon tamse kayee rampak Geulanteue tak sibak raya

Ate lon nyoe kayem rusak Gata tajak dalem raja Bukon sayang bungong sirungke Sret meugule dalam tika

'Oh lon ingat reuloh ate Bungong pade han meuho ka Bukon sayang bungong geutoe Putoh taloe sret meutia

Meuka han le gata sidroe Tinggai putroe keupeue guna Tase ija geutroh lam peutoe Meutan soe ngui abeh tuha

'Oh lon ingat bukon rugoe He dalem droe 'oh tan gata Bak sirahet timon di gle Buloh peulangge bineh paya

Saleh dalem han neuwoe le Tinggai rungke dalam kuta

'Oh tan gata dalem teungku Beuhareuem bu ka lhee uroe Bak meuraksa di teungoh buleuen Patah saboh dheuen silayeue geumpa Lhee uroe tan nyum sibuleuen Bu lon makeuen han meurasa Sabab tan woe po samlakoe Putroe poh droe salli ala

Bukon sayang cicem murong Jimeuumpung bak lueng sungoe 'Oh lon ingat nyan keu untong Peue salah lon teungku han neuwoe

Teungoh galak lon idang surot Neutem peulikot ka neuboh droe Keupeue pingan deungon cawan Soe lon idang 'oh tan gata

Bahle kutet jinoe beuabeh Kaso paleh ka meuduroe Poteu raja tahe mandang 'Oh neukalon ateueh putroe

Dum dendayang abeh tahe Putroe bae bak seulasa Watee seupot dong bak rinyeun Cut buleuen jak preh woe Bangta

Bukon sayang bak rangkileh Bohjih abeh peulandok seuba Wahe dalem bungong puteh Ngon soe lon eh 'oh tan gata

Bukon sayang bungong kundo 'Oh uroe tho abeh mala Putroe Bungsu duek di pinto Preh woe Teungku Ahmad Bangta

Cuba mita Barat Timu Cum Bungsu soe na keumiet Neupajoh bu lon priek eungkot Lon peuseulimbot watee neueh

Kukuek manok lon taguen bu Neukheun teungku ate peudeh Watee lheueh bu ranup suleueng Pane ureueng dum lon gaseh

Meudeh meunoe lon peulaku Bak teungku han leumah gaseh Pakri dalem ulon padan Meung sajan nyang goh lom lon eh

Wahe teungku bungong peukan Hana sayang keu cut puteh Bukon sayang bintang paroe Watee uroe cahya abeh

Bukon sayang Bungsu sidroe Lhee uroe jingieng tika eh Wahe dalem pane nanggroe Tunong adoe bungong puteh

'Oh hana le gata sidroe Lhee uroe lon ngieng cut puteh Hana meunan bube nyang ka Miseue gata ulon gaseh

Teungoh peuet thon lon duek sajan Han torn siseun ate peudeh Lon pajoh bu leukiet dum lilen Lon minom ie han cit abeh

Makanan mam eh ka jeuet keu phet Reukueng saket ate peudeh

Watee teungeut teukeuta-keuta Ingat keu gata lon duek lon eh

Saleh han roh jeuet keu lakoe Bit nyo kee nyoe badan paleh Teuduek siat haba bae Laenpi le han cit abeh

Teutap Bungsu di meuligoe Karangan meuwoe keu cut puteh Umu lhee uroe bak gogasi Teuingat le Bangta muda

'Oh teuingat nyan keu putroe Ri geumanoe ngon ie mata Jilakee idin teuma dudoe Ubak ma droe gogasi tuha

Gogasi duek di seuramoe Deungon lakoe sapat dua Bangta marit teuma meunoe Deungo kamoe he ma raja

Tabri idin du teungku droe Lon keumeung woe siklep mata 'Oh jideungo haba meunan Inong agam ate rugha

Wahe aneuk bungong peukan Pakon intan lakee gisa Hana sayang he aneuk droe Tinggai kamoe dalam rimba

Teuma seuot Bangta Ahmad Suara mangat hana tara Tabri hai ma siat lon woe Troh lom keu noe ulon teuka

Lon peuwoe kameng dilee siat Lon intat bak putroe muda Meudeh meunoe Bangta peugah Leumoh ate ureueng tuha

Bangta neutren neuwoe laju Bak Cut Bungsu putroe muda Neucok kameng. ka neugiduek Peurot Yabluek le Cut Bangta

Gogasi bae lakoe binoe 'Oh leupah woe Bangta muda Bukon sayang lon eu uroe Reudok tampoe han le cahya

Bukon sayang Bangta sidroe Han le lon eu po jroh rupa 'Oh leupah tren po samlakoe Gogasi moe keumong muka

Bangta Ahmad laju neuwoe Rab ka sampoe bineh kuta Si Nyak Bungsu buka tingkap Jikalon pat Bangta muda

Putroe neungieng keu deh keu noe Leumah bintang hu meucahya Na sikeujap putroe pandang Troh le keu nan po jroh rupa

Ban jikalon ka troh u leuen Tren cut buleuen ngon ie mata Teuma neucok le Lem Kameng Neume u mon pantah sigra

Ka neucrong ie neuseumanoe Uleh Putroe Bungsu muda 'Oh sare lheueh neuseumanoe Ek Cut Putroe Bungsu muda

Di likot nyan teuma dudoe Bak samlakoe Bangta muda

Neucok bate neusrah jaroe Makeuen jinoe po jroh rupa Lheueh makeuen pinah idang Cut meusubang peurab sigra

Putroe tanyong teuma meunoe Bak samlakoe Bangta muda Pakon trep woe lem jeunulang Saleh pat blang kameng neuba

Teuma seuot po samlakoe Deungo kamoe pocut raja Lale kamoe pocut teungku Jijak laju kameng gata

Ulon pucut seutot di likot Yabluek jilop dalam rimba Lon tham keu deh jiplueng keu noe Seupot uroe le ho sinja

Umu lhee uroe ulon pangsan Wahe intan dalam rimba 'Oh sare troh bak lhee uroe Jaga kamoe po jroh rupa

Lon eu Yabluek mantong sinan Lon peuwoe yoh nyan ubak gata 'Oh sare lheueh Bangta peugah Putroe limpah ngon ie mata

Lon kira han le dalem tawoe Mate putroe adoe gata Meuhad lon grop u dalam krueng Bah jimakeuen uleh buya

Putroe Bungsu jikheun mise Weueh that ate panyot peulita Saboh cicem dalam nanggroe Baranggasoe tameuhawa

'Oh tan gata dalem teungku Beuhareuem bu tan kurasa Bukon sayang lon eu seulodang Meuhambo manyam ujeuen timpa

Keupeue takeubah ranup ka tho Gadoh hijo kureueng rasa Asoe tarek abeh keundo Untong baro han soe hawa

Ulon miseue bungong keumbee He pangulee goh lom mala Masa jinoe han soe lakee Meuka layee keupeue guna

Meunan jikheun uleh putroe Bak samlakoe Bangta muda 'Oh Bangta ngo haba putroe Pakon sampoe tameucakra

Meunyo meunan wahe putroe Bah lon boh droe dalam rimba Bangta beudoh neucok tapak Ka jimat bak punca ija

Bukon sayang lon eu meurak 'Oh jijak bagoe leuek kua Jimat Bangta han jibri jak Ngon si nyak meuhue-hue hila

Putroe peukhem jipeulikak Ka jikheun bak Bangta muda Trep-trep siblet lon meuayang Pakon rijang dalem bungka

Meusigeutu hana sayang Jampang-jampang lon meuseunda

Meunan jikheun bintang canden Rab-rab teukhem Bangta muda Bungsu kalon Bangta teukhem Puteh licen ate suka

Ate saket jeuet keu mangat Utoh hekeumat putroe muda Lagee jiboh ubat gamat Puleh saket gadoh luka

Teutap sinan sajan putroe Lam meuligoe Bangta muda Bandua droe gaseh ate Rot noe sabe rot dehpi sa

Bangta ngon putroe teuduek siat Ulon sambat haba nyang ka Amma bakdu teuma dudoe Tujoh putroe lon calitra

'Oh troh umu limong blah thon Neukheun neupeutren u kuala Meunan janji Ibnu Hasan Cut budiman indah rupa

Rupa indah hana bagoe Bantujoh droe sisyeedara Ho siuroe rayek leugat Miseue kulat putroe muda

'Oh troh umu si nyak putroe Naga jinoe guransang raya Ie di laot dum meuguncang Jibeudoh yoh nyan naga raya

Jimeung teungoh dum u nanggroe Jak cok putroe aneuk raja Meuhana troh geujak intat Jijak leugat u kuala

Poteu raja gundah ate Nyum reuloh gle gunong beusa Sayangneu that bungong pade Boh ate po nyak jroh rupa

Raja yoh nyan pangge bujang Mari abang keu noe gata 'Oh troh u yup peurakna seumbah Jaroe dua blah ateueh jeumala

Ampon tuanku po di kamoe Hobu jinoe pangge hamba Takrah ureueng dalam nanggroe Yue tren keu noe bandum rata

'Oh jideungo haba meunan Beudoh yoh nyan pantah sigra Bujang mudek le u Tunong Jipeh mong-mong meuseuranta

Tujoh uroe rakyat jikrah Dum barollah keu nan teuka Ladom uroe ladom malam Jitren curam ubak raja

Dalam sarat mideuen seuleusak Leumbeng kapak dum bak nangla Dua blah krueng banda peukan Abeh keu nan imum muda

Uleebalang peuet tuha lapan Abeh keu nan cut ngon raya Meuntroe bujang peuek seumbah Jaroe dua blah ateueh jeumala

Seumbah patek keu bawah doli Ampon kami po meukuta

Abeh seumbah uleebalang Tren di manyang sabda raja Nyang lon pangge gata keu noe Hajat kamoe na nyang raya

Cuba tanyong ubak bujang Soe tueng bintang aneuk hamba Meuna soe cang naga tujoh droe Tujoh putroe jipeuhamba

Lom ngon nanggroe lon bri siblah Soe na tuah cuba kata Meunan narit Ibnu Hasan Bujang yoh nyan meusuara

Bujang meuhei teuma meunoe Soe tueng putroe aneuk raja Tacang naga bantujoh droe Tujoh putroe cok keu gata

Siblah nanggroe lom neupulang Tatueng bintang aneuk raja Meunan jikheun uleh bujang Sidroepi tan meusuara

Dang-dang bujang jiteumanyong Nahuda Seukeuem lon calitra Mantong sinan goh lom jiwoe Dalam nanggroe raja raya

Lheueh jipeubloe Bangta Ahmad Han jitem jak kapai bahtra Teutap jiduek dalam peukan Jideungoran ureueng teuka

Ubak raja dum jitamong Geubri bungong indah rupa Meunankeu dum jeuep-jeuep babah Nahuda pantah jak le sigra

Jidong sinan po Nahuda Yoh nyan bujang lom teumanyong Nahuda Seukeuem seuot lanja

Bekle tatanyong teungku bujang Bahle lon cang naga ceulaka Meunan jikheun Nahuda pindoe Rakyat sinaroe keu nan mata

Dumna rakyat jimeusah-sah Peue kapeugah datok tuha Dalam babah han le gigoe Datok pindoe pungo gila

Meunan jikheun dum sinaroe Seungap jinoe han le haba 'Oh bujang ngo haba meunan Seumbah yoh nyan ubak raja

Raja deungo haba meunan Peuek saleuem bak Nahuda Lon deungo gah Nahuda droe Gata sidroe ek cang naga

Teuma seuot Nahuda Seukeuem Meunoe jikheun ubak raja Bit tuanku ek ulon cang He junjongan po meukuta

Meuntroe kheun le teuma nyoe ban Di hadapan dum peutua Dum ruman kah Nahuda droe Han meusoe-soe ek cang naga

Peue tapeugah meuntroe rumpang Lon meung cang naga ceulaka Nahuda Seukeuem jikheun meunoe Yue peugot meuligoe u kuala

'Oh neudeungo haba meunan Ibnu Hasan ate suka

Teulaga beulhok tuanku droe Pageue beusoe pancang lingka Bek rab tuanku ngon meuligoe Mate Putroe Bungsu muda

Adat keunong tuanku lon cang Jimeulawan reuloh kuta Jisumpom droe keu deh keu noe Mate putroe aneuk raja

Meunan jikheun Nahuda Seukeuem Aneuk bajeueng sulet raya Poteu raja mangat ate Ka meusampe bak neukira

Rakyat le that dum sinaroe Abeh jiwoe tuha muda Mangat ate dumna rakyat Bahle muikat rimueng seuba

Datok paleh rupa sang iblih Dum rumanjih keumeung cang naga Bek an tara jikheun jicang Meujipandang yo sang geumpa

Meunan jikheun dumna rakyat Jiwoe leugat dumjih rata 'Oh noe teuduek haba rakyat Lon riwayat poteu raja

Neukrah utoh dalam nanggroe Peugot meuligoe di kuala 'Oh jideungo haba meunan Sunggoh han ban dumjih rata

Lom u gle jak koh kayee Peutren meuree-ree u kuala Ladom utoh bak teumarah Ladom cidah bak meurika

'Oh cot uroe jipot angen Got that ramen taeu indah Troh sibuleuen hana jiwoe Lheueh meuligoe bandum sudah

Teuma jiwoe le u nanggroe Ka troh sampoe bak khalifah Teuduek di yup bandum teungku Jijunjong le doli alam syah

Deelat teugayu syahi alam Meuligoe tuan bandum sudah Ka ase dum po junjongan Idin laman dum kapilah

Teuma seuot raja nanggroe Idin bak kamoe Leube Dayah Abeh jiwoe bandum utoh Laen lon boh jinoe kisah

Teutap raja ngon Nahuda Laen haba ulon peugah Ka meuase dum angkatan Keu makanan putroe cidah

Wot meuseukat deungon doi-doi Jitet le bhoi ngon keukarah Meung jak intat putroe bintang Bungong keumang rupa indah

Teuduek siat haba putroe Nahuda jinoe ulon peugah Teuma beudoh Nahuda Seukeuem Jijak kueh mon tok beurakah

Jak ngon rakyat dua lhee ploh Raja suroh dum kapilah

Ladom rakyat peugot pageue Taeu soseue han teupeugah Kalot-kalot Allah hai ma Taloe tima dua ploh hah

Le that akai Nahuda pindoe Mangat jisom droe si rimueng plah Teumakot that hana tara Jieu naga ate ka ugah

Bek antara jikheun jicang Meujipandang keulu keusah Teuduek siat haba gop nyoe Raja nanggroe ulon peugah

Neukrah rakyat dalam nanggroe Nyak intan putroe si nyak cidah Jitren rakyat uroe malam Ngon peurasan han peue peugah

Ureueng banda ngon ureueng duson Jak meuron-ron dum kapilah Dum peurasan dalam nanggroe Abeh sampoe keu nan sudah

Abeh jitren inong agam Jak eu bintang putroe indah 'Oh jikalon ateueh Bungsu Moe meu'u—'u dum barollah

Geukeumeung bri nyan keu naga Sayang raya putroe cidah Rupa ilok dum buleuen trang Soe nyang kalon abeh reubah

Teuma neukheun raja nanggroe Intat putroe dum kapilah 'Oh jideungo haba meunan Sret mubram ie mata jojah

Bandum rakyat peukeumah droe Intat putroe rupa cidah Teuduek dilee haba gop nyan Lon karangan laen haba

Putroe Bungsu di meuligoe Ngon samlakoe Bangta muda Jarak hamtom meung sigeutu Ngon Cut Bungsu dalam kuta

Miseue bungong dua sirungke Cut putroe ti deungon Bangta Bandua droe gaseh ate Rot noe sabe rot dehpi sa

Teuma jikheun uleh putroe Bak samlakoe Bangta muda Wahe dalem payong nanggroe Deungo adoe pugah haba

Nyoe pat kuta ngon meuligoe Lem teungku droe hukom gata Nyoe lom kaso deungon tilam Dalem badan eh le gata

Bek taboh-boh he dalem droe Keu geulantoe Bungsu muda Jampang-jampang neuingat adoe Bak kaso nyoe neungieng mata

Aruwah lon lem teungka droe Sabab dukhoe lon keu gata Tapeumeuh dum sinaroe Deesya Putroe Bungsu muda

Meunan jikheun si nyak Bungsu Ka meuhambo ngon ie mata

Allah hai dalem peue lon peugah Rasa beukah langet donya Putroe Bungsu jitumbok droe Ingat budoe Pocut Bangta

Wahe cut bang bungong meulu Han troh napsu lon ngon gata Ulon kira ka meusampe Roh sirungke geutanyoe dua

Wahe Tuhan Po di kamoe Ulon sidroe putoh asa Keupeue jeuet lom lem boh ate Ulon mate tinggai gata

Bak suroe nyoe wahe dalem Peulheueh meusyen geutanyoe dua Com di teuot seumbah di gaki Cut putroe ti ro ie mata

Peuduek bak neumueng uleh putroe Po samlakoe ate rugha Bangta neukheun teuma meunoe Bak Cut Putroe Bungsu muda

Ampon bak Allah ngon bak Nabi Bak po ti hana deesya Meunan neukheun le samlakoe Bak putroe panyot peulita

Sira jimoe Si Nyak Bungsu Jijak laju bak ayah da 'Oh sare troh ubak ayah Bungsu seumbah teuot sigra

Seumbah di teuot com di gaki Horeumat jibri keu ayahda Lheueh jiseumbah uleh putroe Bantujoh droe aneuk raja

Meuna untong uroe dudoe Siar troh tawoe bak ayahda Ban jideungo meunan peuneugah Putroe limpah ngon ie mata

Neujak laju cut putroe ti Ka neuili u kuala Rakyat ireng meuploh katoe Sajan putroe aneuk raja

Ngon peurasan han peue peugah That barollah han ek kira Poteu raja neukhanduri Keu putroe ti indah rupa

Sireuta ngon bri seudeukah Nyankeu syiah ngon ulama Neunit putroe sudah mate Meunan bak ate poteu raja

Putroe jijak pantah laju Cut Bungsu ateneu rugha Neujak laju putroe bintang Troh le rijang u kuala

Peurab laju bak meuligoe Bantujoh droe putroe muda Abeh sampoe bandum keunan Tamong intan dalam kuta

Nahuda Seukeuem di dalam mon Putroe intan di istana Teuduek kisah tuan putroe Karangan meuwoe keu Cut Bangta

'Oh leupah tren si nyak putroe Bangta manoe ngon ie mata

Neujak laju bak gogasi Po juhari ate rugha 'Oh troh keu deh bak ma sebot Cot di teuot peumulia

Jak meuteumeung deungon ayah Cut meutuah ngon ie mata Ate sosah bungong keumang Ingat keu bintang di kuala

Teuma neukheun bak gogasi Wahe umi ayah bunda Neudeungo lon ma teungku droe Ayah kamoe dua gata

Pakri laku du jeunulang Putroe bintang geubri keu naga Nyoe han le di meuligoe Tuan putroe di kuala

Bangta peugah jihareutoe Tujoh putroe tujoh naga Gogasi deungo Bangta peugah Bek tagundah bijeh mata

Bek that gundah po samlakoe Deungo kamoe po jroh rupa Gata jinoe jak u peukan Tabloe sikin nyang tajam mata

Saboh peutoe sikin peuranggi Taglong di pasi di kuala Mata u ateueh ulee u bumoe He aneuk droe takeurija

Sipaleuet manyang aieueh tanoh Buleuen peunoh tapateh ma Bak jiteungoh sinan taglong Bek that manyang troh bak gata

Jicok peudeueng le gogasi Teuma jibri keu Cut Bangta Peudeueng cidah ulee teupheuet Mata ube bleuet panyang lhee deupa

Laen dumpeue ka jipulang Jijok rijang keu Cut Bangta Jijok bungkoh tapak cato Ngon boh ru meuh banpeuet punca

Kulah kama lom jipulang Dum sibarang keu Cut Bangta Teuma jijok saboh malakat Rupa jroh that hana tara

Nyoe hai aneuk euncien malakat Tasok meuhad ubak jaroe Tapeulara ngon tasatoh Bek taboh-boh he aneuk droe

Peue nyang napsu tameuhajat Deungon siat Allah peusampoe Meunan jikheun le gogasi Mangat ate intan meuntroe

Laen teuma jipeuingat Abeh amanat bak samalakoe Lheueh amanat bak gogasi Neubeudoh le po samlakoe

Watee meugriet nyak boh ate Lon tapangge uroe dudoe Bangta peurab ubak umi Samlakoepi beudoh lanja

Com di teuot seumbah di gaki Neubeudoh le Bangta sidroe

Kulah kama Bangta seuon Hu ban tanglong hana bagoe Bangta ili jak u peukan Cahya badan na dum uroe

Neutiek aleh yum sigupang Neupoh linggang yum sikatoe Soe nyang kalon bungong keumang Abeh pangsan mabok keudroe

Bangta neujak ka troh u blang Tahe mandang ureueng nanggroe Han jituri Bangta Ahmad Na dum panyot wahe adoe

Jisangka pane aneuk raja Han torn nyang ka jieu puroe 'Oh jieu le aneuk dara Han jan gisa reubah keudroe

Kon meudara reubah pangsan Tuhan meunan bandum laloe Ladom jikheun meunoe haba Adat muda kee nyoe sidroe

Meunan jikheun tok bedeuah Dalam babah han le gigoe Sabab jieu Bangta Ahmad Gadoh ingat datok pindoe

Meunan jikheun sama rata Tuha muda dum sinaroe Bangta Ahmad neujak tajam Troh u peukan po samlakoe

Bangta tamong dalam peukan Payong intan keulubong droe Peudeueng di baho Bangta sandang Ureueng lam peukan tahe laloe

Abeh bandum jijak keu nan Mumat tangan po samlakoe Han jituri Bangta Ahmad Ureueng teuka na dum unoe

Rupa ilok dum buleuen trang Soe nyang pandang mata laloe Laju neuek saboh keude Neupiyoh le po samlakoe

Bangta kalon sikin peuranggi Ka neubloe le saboh peutoe Teuma neuhei sidroe rakan Mari abang siat 'oh noe

Ampon tuanku meuribee ampon Ho neusuron ulon sidroe Teuma seuot Bangta Ahmad Deungo sahbat lon hareutoe

Lon keumeung jak u kuala Deungon gata siat jinoe Beudoh laju wahe rakan Tame tuan siat peutoe

Jimeudawapi han jijeuet Jitakot keu raja nanggroe Yoh masa nyan teulahjih that Keupeue kupeurab bunoe keu noe

Adat kuthee dumnoe balah Han kuminah bak sot bunoe Lom meututo Bangta Ahmad Beudoh leugat he teungku droe

'Oh jideungo haba meunan Seuon rijang jinoe peutoe

'Oh troh keu nan le bandua Ureueng neuba keubah peutoe Teuma jikheun ubak Bangta Lon kugisa he samlakoe

Teuma seuot pocut indah Han peue salah he dalem droe Bangta cok ringget teuma siploh Ka neuboh bak punca ija

Nyoe hai dalem peng sigupang Ngon bloe pisang keu teumuda Kru seumangat wahe adoe Bak kamoe atueh jeumala

Bak gata adoe peng sigupang Bak lon tuan siploh laksa Teuma jiwoe di ureueng nyan Tinggai sinan Bangta muda

Hingga seupot le ngon uroe Po samlakoe laen haba Meunoe leumah dalam ate Jimeusyawe dalam dada

Neukheundak jak buka peutoe Po samlakoe leumah bicara 'Oh lheueh pike po samlakoe Neujak sidroe dalam kuta

Bangta ka troh u meuligoe Si nyak putroe kalon rupa 'Oh neukalon po samlakoe Tuan putroe sang teutawa

Teuma jitren Putroe Meulu Putroe Bungsu di istana Po da nyan neumumat jaroe Tinggai Putroe Bungsu muda

Sangat cangklak dara baro Puteh hijo neueu Bangta Sang jituri po samlakoe Meunan bagoe po jroh rupa

Putroe jingieng bak samlakoe Tahe keudroe hana haba Sang neujeuet kheun dalem kameng Putroe ingen ate lam dada

Bitpi meunan hana lahe Troh lam ate putroe muda Bah lon kalon bicara gop nyoe Pakri bagoe geupeurupa

Hana jitren si nyak putroe Bahle keu noe neuek Bangta Teuma neuek po samlakoe Sajan Putroe Nyak Meutia

Oh troh keu deh u meuligoe Duek samlakoe ateueh geuta Teuduek sinan Bangta sidroe Si nyak putroe lon calitra

Cok rampagoe le u jaroe Lason jinoe pineung muda Puliek pineung pancalogam Masak plah nam muda plah dua

Neucok ranup neupasoe suson Nyang kuneng on ban suasa Dudoe nibak nyan jikoh tangke Jipasoe le lam ceurana

Jiboh ranup surang sareng Jipateng ngon pineung muda

Bungong lawang dum jipateng Jipuseng ngon bakong meulila Di Aceh kon tanggoe u Kleng Hana bandeng ngon tapeusa

Ase ranup dalam karah Jaroe dua blah ateueh jeumala Peurab laju bak samlakoe Di jaioe puan meucintra

'Oh sare troh u seuramoe Sapa jinoe Bangta muda Nateu keu noe teungku ampon Jaroe lon seuon po meukuta

Kureueng meujeulih kamoe duson Meuah ampon dalem raja Teuma seuot Bangta Ahmad Suara mangat bagoe biula

Nabu kamoe pirak lipat Allah intat ubak gata Neujok ranup ke cut intan Dalam puan Bungsu muda

Nyoe tuanku ranup tabeue Seuleupong pageue kureueng rasa Kru seumangat he nyak putroe Nibak kamoe that mulia

Sinoe sideh geujok bungkoh Ranup neupajoh siseun dua Ranup neupajoh baro bicah Buka babah Bangta muda

Wahe putroe buleuen peunah Peue buet nyak jroh di kuala Lon eu gata bantujoh droe Peunyum kamoe sisyeedara

Ayah meukaoi yoh saboh roe Geubri kamoe po meukuta Hana neusayang le di ayah Teungku meutuah geubri keu naga

Wahe dalem bungong pade Neutem mate sajan hamba Teungoh jipeugah putroe jimoe Ri geumanoe ngon ie mata

Barangsoe udep wajeb mate Bungong pade nyak jroh rupa Teutapi na bacut adoe Ureueng teulumpoe goh lom teuka

Bangta Ahmad neuteumanyong Bak cut bungong Bungsu muda Wahe putroe bungong keumang Adat na soe cang pakri bak gata

Teuma seuot si nyak putroe Sira jimoe ngon ie mata Meuna soe cang tuanku droe Tujoh kamoe jipeuhamba

Lom ngon nanggroe jikeurajeuen Kamoe bandum jipeubloe ba Kru seumangat wahe putroe Han patot adoe lon peuhamba

Gatapi nyak hamba Tuhan Lonpi saban deungon gata Meunyo meunan he adek cut Toh alamat ureueng cang naga

'Oh putroe ngo haba meunan Neuseuet euncien neujok sigra

Bek hai pocut tabri euncien Menoe subang he adekda Ban putroe ngon haba meunan Neucok subang neujok sigra

Bantujoh droe han le subang Neujok rijang keu Cut Bangta Han le subang bak geulunyueng Ka neusurung nyan keu tanda

Bangta Ahmad neukheun meunoe Tuan putroe ka di gata Di lon putroepi ka lon bri He po ti panyot peulita

Bangta neusuet euncien di gitek Neujok keu adek Bungsu muda Putroe sambot le u jaroe Neuboh jinoe ateueh jeumala

Geujok tanda rot deh rot noe Seupot uroe le ngon sinja Bangta Ahmad neukheun meunoe Di lon putroe bah lon gisa

Si Nyak Bungsu jikheun meunoe Neusaweue kamoe po meukuta Laju neutren di meuligoe Bangta peutoe u kuala

Troh u pasi po samlakoe Piyoh jinoe muda beulia Sinan neuduek di yup ayon Neueu bangon Bangta muda

Teukeudi Allah malam Seunayan Jiteungoh yoh nyan naga raya Jikeumeung cok Putroe Meulu Aneuk tuanku phon nyang tuha

Jikeupong ie dalam laot Sang teukeujot Ahmad Bangta Jiteungoh le rijang-rijang Jeuet geulumbang naga raya

Badan raya bube gunong Ulee keumang sang beurala Jiteungoh laju le u darat Bangta Ahmad neubeudoh sigra

'Oh neukalon raya badan Neuplueng yoh nyan Bangta muda Han neuingat le keu malee Bungong keumee teukeujot raya

Rab troh neuplueng u meuligoe Teuingat keudroe ureueng muda 'Oh neuingat teuka malee Neuplueng meuhee u kuala

Nibak udep gotkeu mate Ayeb keuji gadoh nama Beungehneu that po samlakoe Peudeueng di jaroe neusuet sigra

Na sikeujap neuduek sinan Troh le yoh nyan naga raya Bangta neudong ateueh pusu Leumah jieu uleh naga

Naga kalon Bangta sidroe Peudeueng di jaroe bube raya Teuma meututo naga pindoe Jikheun meunoe bak Cut Bangta

Adat kumamoh gatai gigoe Pane keu noe bube lada

Tujoh gampong ka kusimpan Sidroepi tan jimeudawa

'Oh troh kujak bak nanggroe nyoe Saleh sinoe kee binasa Kumeung jak cok putroe intan Bungong keumang cidah rupa

Bak suroe nyoe ka kah linteueng Ngon peudeueng na bube raya Han kutakot nyan keu peudeueng Meubulee ruengku han luka

Sit that beuhe aneuk bisoe Meukah sidroe nyang na teuga Meukah aneuk naga pindoe Ka peuet uroe kupreh teuka

Badan raya ka sang ka droe Peurab keu noe mangat ka cuba 'Oh jideungo haba meunan Jihirup yoh nyan uleh naga

Sigo jihirup wahe teungku Abeh pusu dum meuleua Abeh leukang tanoh pusu Meusaho dalam pruet naga

Dumna anoe seutot pusu Abeh bandum meubura-bura Bangta Ahmad mantong bak cot Tan meusurot muda beulia

Naga hirup laju keu nan Neutak yoh nya le Cut Bangta Hana kuyut po samlakoe Tuhan sidroe nyang peulara

'Oh ban neucang le Bangta cut Naga ka jeuet meukhan dua Deungon tulong Poku Tuhan Beuek kucang naga raya

Pantahneu that bungong keumang Neutak di rueng putoh dua 'Oh ban keunong naga meukhan Jimeulawan lagee raya

Bangta kalon meunan laku Neucok iku neugeulawa Neugeuti ngon ujong peudeueng Sret bineh mon po Nahuda

Bangta Ahmadpi that gagah Sireutoh gajah dumnan teuga Teuduek siat po samlakoe Keu deh meuwoe bak Nahuda

'Oh ban jieu ka troh keu nan U bineh mon ulee naga Nahuda paleh teungoh rijang Yoh nyan jicang ulee naga

Sabe hawa keu bungong keumee Abeh lagee po Nahuda Jikira roh keujih putroe Nahuda pindoe pungo gila

Jicang naga maken sunggoh Darah jisampoh bak-bak muka Abeh jiboh nibak badan Dum jiligan nibak ija

Jisie sapai teuma sapat Tanda alamat jih cang naga Han soe pateh uroe dudoe Nyoe bak jaroe lon na luka

Sabab harok keu cut putroe Luka asoe han jikira

Meuka geubri si nyak putroe Singoh meugantoe asoe luka Meunan leumah dalam ate Jicang sabe ulee naga

Teuma piyoh Nahuda pindoe Jilop jinoe lam teulaga Teutap sinan jiduek sidroe Karangan meuwoe keu Cut Bangta

Lheueh cang naga po samlakoe Piyoh jinoe siklep mata Na sikeujap neuduek sinan Ka meuguncang ie kuala

Bangta Ahmad neumeusilee Hana jithee uleh naga Naga teungoh laju u darat Bangta seumangat peudeueng raya

Wahe peudeueng nan Kumiran Bantu laman ulon raja Masa jijok le gogasi Kah jibri geuyue cang naga

Peudeueng seuot insya Allah Poteu Allah bri kuasa Beugot pocut lon neusayong Lonpi girang kuooh naga

Ban neudeungo haba peudeueng Srui bulee rueng Ahmad muda Teuma naga peujangak ulee Neutak meupee le Cut Bangta

'Oh ban keunong han jan jiplueng Putoh le rueng meukhan dua Bangta geuti ngon ujong peudeueng Sret bineh mon po Nahuda

Meunankeu buet aneuk bisoe Napsu putroe datok tuha Mantong napsu bungong uroe Han thee keudroe dagang tuha

Meuka lon jak di likot putroe Lon nyoe sidroe meulintee raja Jampang-jampang lon jak di likot Sit meusambot deungon rupa

Teuntee buleuen lawan uroe Cut putroe lawan Nahuda Salah sapat han meutanggong Watee jikhem leumah jungka

Jigrop keu deh jigrop keu noe Reubah teupipoe han jikira Reubah seulinteueng datok seudee Meusak ulee lam darah naga

Hana sapeue deuh jikalon Taeu badan dum keusumba Le that darah nibak badan Nahuda Seukeuem peudeh mata

Saketjih that apoh apah Yoh nyan teulan hana tara Jijak keu noe jijak keu deh Mata peudeh po Nahuda

Datok paleh ka teungeut-ngeut Han jeuet jibleut peudeh mata Sosahjih that hana bagoe Bahle bek putroe han ho kuba

Teungoh saket jikheun meunan Puleh nibak nyan laen kira

Teutap Nahuda bak jipoh droe Bangta jinoe lon calitra Mantong neudong ateueh pusu Neupreh lalu jiteungoh naga

Deungon peudeueng mat di jaroe Neudong sidroe hana haba Naga jijak keu nan leugat Ka jipeurab u kuala

Naga baro leumah ulee Neutak meupee le Cut Bangta Bangta bagah neumeusilee Neutak ulee putoh dua

Jiteungoh laen dum jigagah Cut meutuah neucang lanja Abeh bannam naga mate Bungong pade teuga raya

Kuat sangat hana bagoe Po samlakoe that peurkasa Bangta geuti ngon ujong peudeueng Sret bineh mon po Nahuda

Abeh bannam geutiek keu nan Le cut intan Ahmad Bangta 'Oh ban jieu hana meumet Sit jicang le hana tara

Miseue bunoe hana ubah Han le peugah panyang haba Teuduek siat haba tok nyan Lon peuriwang keu Cut Bangta

Putroe nyang nam ka seulamat Nyang tulet jroh mantong bala Naga raya goh lom mate Hana sabe laen nyang ka

Bangta Ahmad hana neuwoe Mantong adoe di kuala Mantong sinan di bineh pasi Neupreh akhe jiteungoh naga

Na sikeujap neuduek sinan Neudeungoran ka tron naga Naga beudoh nibak jidu Meu'u "u na ban geureuda

Ie di laot na ban tupeuen 'Oh jiplueng naga gomtala Laju jiteungoh le u darat Bangta Ahmad jieu rupa

Deungon peudeueng nibak jaroe Meututo jinoe naga raya Wahe nyak cut po samlakoe Peue buet sinoe di kuala

Lon eu peudeueng nibak tangan Soe tameung cang nyak jroh rupa Teuma seuot po samlakoe Neukheun meunoe ubak naga

Ulon tuan kuduek sinoe Keumiet Putroe Bungsu muda Nama lon na katuri Nan geurasi Ahmad Bangta

Masa dilee kadeungo gah Suroe nyoe sah kaeu rupa Na katuri naga teungku Judo Bungsu aneuk raja

Pane kubri keu kah putroe Jakleh kawoe po gomtala

Kucre gampong deungon nanggroe Jak cok putroe aneuk raja Wahe Nyak Cut Bangta Ahmad Surot leugat bek binasa

Surot rijang wahe adoe Samlakoe bek tameuseunda Sit tarek that aneuk bisoe Meukah sidroe nyang na teuga

Kasangka droe han soe lawan Teugo badankeuh that raya 'Oh jideungo haba meunan Beungeh yoh nyan po gomtala

Beungehjih that hana bagoe Naga pindoe mirah mata Aneuk manyak bube sidom 'Oh tateugom han meudawa

Jiteugon le Bangta Ahmad Neuse bacut po jroh rupa Bangta pantah hana bagoe Bak peuglah droe hana tara

Jiteugom keu deh neugrop keu noe Abeh anoe lam pruet naga Bangta Ahmad ka neutiti Ban keudidi plueng lam paya

Sit pantah that neucok gaki Neutiti na dum cempala Neugrop manyang ka meulambong Neutak di rueng le Cut Bangta

Bek antara putoh badan Meubulee rueng hana luka Maken beungeh hana bagoe Naga pindoe mirah muka

Bangta Ahmad teuma seuot Han torn kusurot bube nyang ka Hana kubri keukah putroe Jak leh kawoe po gomtala

Sira neukheun Bangta Ahmad Neutak leugat naga raya Teubiet meuk peudeueng meujeureulah Han jipajoh naga ceulaka

Bangta Ahmad yoh nyan sosah Gadoh ilah ngon bicara Naga hirup that jigagah Yoh nyan reubah Bangta muda

'Oh jikalon Bangta reubah Jiteugom pantah jipet mata Hankeu na le neutukri cang Bungong keumang lam babah naga

Naga yoh nyan keumeung teugom Ka meuteumeung peudeueng singkla Bangta Ahmad neudong sidroe Samlakoe gadoh bicara

Rupa indah ban buleuen trang Bungong keumang indah rupa Bukon sayang rupa indah Hankeu le glah nibak naga

Teukeudi Allah peurintah Tuhan Teuingat yoh nyan janji nyang ka Masa dilee geumeujanji Ngon gogasi dalam rimba

Watee meugriet uroe dudoe Tahei kamoe bijeh mata

Neusuet di gitek euncien malakat Neumeuhajat beutroh po ma Tuhan kabui doa samlakoe Teuka dudoe ureueng rimba

Troh le keu nan lakoe binoe Jieu samlakoe lam babah naga Bandua droe inong agam Jicriek yoh nyan beukah dua

Kakeu mate naga pindoe Jicok samlakoe uleh po ma Naga mate bantujoh droe Seulamat putroe panyot peulita

'Oh kamate bantujoh droe Hankeu na soe karu donya Teutap Bangta bak gogasi Cut meutuah ti dalam kuta

Abeh mate naga geucang Bungong keumang jithee hana Mantong sinan si nyak putroe Di meuligoe mieng kuala

Teuduek siat haba putroe Keu deh meuwoe ureueng tiga Gogasi cok naga bunoe Lakoe oinoe sinan dua

Siblah sapo ka jimakan Abeh sikhan bangke naga Di po inong abeh sikhan Di po agam ka seureupha

Pruetjih tarek han peue peugah Gogasi paleh jiuroe raya Gogasi kheun teuma meunoe Bak samlakoe Bangta muda

Meunan jikheun le gogasi Bangta pike nyo sibeuna Nyokeu meunan ban tapeugah Beudoh pantah jak u dehta

Teuma beudoh gogasi pindoe Lakoe binoe le bandua Di likot nyan teuma dudoe Beudoh samlakoe Bangta muda

Neujak sajan po samlakoe Laju neuwoe dalam rimba Bahkeu meunan gogasi woe Laen jinoe lon calitra

Teukeudi Allah beungoh uroe Teungoh jinoe po Nahuda Baro teungoh di dalam mon Nahuda Seukeuem ka troh tapa

Jiplueng laju u meuligoe Bak Cut Putroe Bungsu muda 'Oh troh keu nan meuhah-meuhah Teusuet lidah na sideupa

Han jikira teuseut lidah Teungoh payah jimeuhaba Jimeung tanyong tuan putroe Sabab meuloe-loe ngon suara

Hana mangat ate putroe Saleh nyo tijeungoh naga Neueu Nahudapi that mehmoh Saleh jiteungoh naga raya

Teuma putroe neuyue piyoh Bek that meuhmoh teungku raja

'Oh tho reueoh lom jipeugah Meubaro sah jimeuhaba Naga ka mate he pocut droe Jak udeh woe bak ayahda

'Oh putroe ngon naga ka mate That meusampe teungku raja Putroe tujoh han le jimoe Ingat keudroe rab binasa

Nahuda deungo jikheun teungku Yoh nyan seuu aneuk beulaga Ka jigrop lingka putroe Lam meuligoe galak raya

Sira jigrop jikheun meunoe Lon putroe kawen ngon gata Bekkeu trep le tuan putroe Jak u deh woe bak meukuta

Bek tagundah Nahuda droe Jinoe tawoe bak ayahda Han ek pocut le kutheun droe Jak u deh woe he peulita

Meuri sabab ka kukalon Han ek kutheun pocut raja Teuma seuot si nyak putroe Saba dilee teungku Nahuda

Nahuda deungo haba putroe Yo ngon asoe miseue geumpa Han jeuet jingieng ateuh Bungsu Dum panyot hu tujoh mata

Sangkira jeuet keu makanan Jipeureulan ngon siklep mata Meunan bak ate Nahuda Seukeuem Aneuk bajeueng sulet raya

Sabda raja ubak bujang Mari abang keu noe gata 'Oh troh u yup peurakna seumbah Jaroe dua blah ateueh jeumala

Deelat teugayu po junjongan Seumbah laman po meukuta Peue tuanku pangge kamoe Neukheun jinoe siri sabda

Sabda raja tren di manyang Deungo kamoe dumna gata Uleebalang deungon meuntroe Ih jinoe u kuala

'Oh jideungo haba meunan Hi yoh nyan pantah sigra Troh le rakyat dum meuron-ron Ka meuhimpon u kuala

'Oh troh keu nan bineh pasi Jikalon le bangke naga 'Oh ban leumah jieu bangke Jipeurab le dalam kuta

Teuma jiek u meuligoe Bak Cut Putroe Bungsu muda Ampon pocut meuribee katoe Nyang troh keu noe suroh raja

'Oh neudeungo suroh ayah Putroe meukeumah bandum rata Neucok ija ngui u asoe Laju neuwoe bak ayahda

Abeh bantujoh putroe riwang Bungong mancang indah rupa

Ate mangat datok pindoe Ngon cut putroe rab-rab dua Ngon peukayan dum bak asoe Sidroe-droe na yum sibara

'Oh jikalon Putroe Bungsu Nyum han lot bu meunan rasa Putroe jijak jroh jilinggang Datok rumpang lem pap guda

Po Nahuda mabok keudroe Geunireng Putroe Bungsu muda Dum Nahuda gigoejih tan Heundak tueng bintang aneuk raja

Rakyat le that ireng putroe Leugat neuwoe bak ayahda Rab troh sampoe bungong keumang Geutet meuriam dalam kuta

Jipeh tambo ngon nafiri Seupot kudangdi ngon nukara Jijak ampeueng cut putroe ti Han tatukri ngon suara

Jime alam ngon pupanji Jipeunari dalam uroe kha Su meuriam geunta bumoe Ampeueng putroe aneuk raja

Dum peurasan dalam nanggroe Abeh keu noe dalam kuta Phon beungoh kon troh cot uroe Hana padoe kiam gubra

Geutet laju beude nubat Jitren rakyat han teukira Abeh jitren inong agam Jak eu bintang Bungsu muda

Peurumoh geusyik imum nanggroe Abeh sampoe dalam kuta Seungap beude deungon geundrang Troh cut bintang Bungsu muda

Jak meuteumeung deungon ayah Cut indah panyot peulita Com diteuot seumbah di gaki Bandum sare adoe ngon a

Poteu raja mangat ate Ka meusampe bak neukira Lheueh meuteumeung deungon ayah Cut indah jak seumbah bunda

'Oh troh keu deh u meuligoe Bantujoh droe seumbah bunda Kru seumangat bungong awe Cit lam sabe ulon cinta

Ulon sangka sit hana le Boh ate jime le naga Mantong seulamat he aneuk droe Sambinoe ngon tuah bunda

Simalam beungoh hana lon eh Dawok lon teuoh aneuk keu gata Meunan neukheun le cut putroe Sira neumoe ngon ie mata

Teuma seuot Putroe Bungsu Hai ma teungku bek le rugha Tapaban bah ka grak Allah Ban peurintah Tuhan Esa

Allah tulong hai ma putroe Mantong kamoe udep nyawa Deungon tulong Poku Tuhan Sidroepi tan jeuet binasa

Mantong udep bantujoh droe Hai ma putroengon doa gata

Rupa ilok hana bagoe Na ban uroe cahya muka Ulon kalon bak lakuan Siulahan aneuk raja

Siseun lon ngieng sang Lem Kameng Meunan bangon lon eu rupa Neujak keu noe baroe lhee uroe Hai ma putroe goh lom meugisa

Putroe Bungus jikheun meunoe Bak bunda droe neupareksa Dalem kameng di meuligoe Hai ma putroe ho geuhala

Teuma seuot bunda sidroe Hai nyak putroe lon eupi hana Silawet tan si nyak putroe Jih nyan sidroe lon eu hana

Teuma seuot si nyak putroe Jikheun meunoe ubak bunda Meunyo meunan hai ma putroe Lem Kameng nyoe aneuk raja

Naga tujoh gop nyankeu cang Geulakee subang bak lon tanda Teuma lon jok siblah sapo Hai ma putroe geutren lanja

Teuma beungoh le ngon uroe Muda samlakoe hana meuho ka Teuma seuot bunda sidroe Pakon sambinoe meunan haba

Pakon putroe meunan takheun Nahuda Seukeuem lagoe sang naga Kon hai ma Nahuda Seukeuem Di jih lam mon si gajah sula

Nyang seumeugah si nyak putroe Po da nam droe iem droe saja Sabab rancak dara baro Puteh hijo panyot peulita

Teutap sinan si nyak putroe Bantujoh sajan bunda Mangat ate hana bagoe 'Oh na putroe cahya mata

Teuduek haba putroe indah Nyoe lon peugah Nahuda sidroe Troh u rumoh bungong meurak Nahuda jak bak raja nanggroe

'Oh troh keu deh bak khalifah Seumbah pantah ngon dua jaroe Jikheun ampon ubak deelat Bulat-bulat jihareutoe

Han jan jiduek jiseumeugah Teungoh payah aneuk bisoe Sabab jieu bungong keumang Nahuda mumang keu cut putroe

'Oh roh deungon ureueng dagang Abeh macam he teungku droe Raja deungo ate sosah Peue kapeugah datok tuha

Ibnu Hasan neukheun meunoe Piyoh dilee he dalem droe 'Oh geudeungo haba meunan Teuduek yoh nyan datok pindoe 'Oh tho reuoh lom jipeugah Meubaro sah tango bunyoe

Naga tujoh sudah mate Pajan ase lon ngon putroe Bek le lambat he tuanku Lon ngon Bungsu kawen jinoe

Han peue salah he Nahuda Milek gata tujoh putroe Jinoe dilee piyoh siat Lon krah rakyat dalam nanggroe

Lom jiseuot po Nahuda Meunoe haba jihareutoe Han neupateh po meukuta Neueu luka lon bak jaroe

Tanda euncit lon cang naga Nyoe pat luka tuanku droe Poteu raja seuot pantah Han peue kisah nahuda droe

Cit saja roh nyan keu dalem Puteh licen si nyak putroe Seungap yoh nyan datok tuha Laen haba lon hareutoe

Sireuta lon balek ayat Hana mangat meunan laju Laen kisah lon calitra Haba keu raja wahe teungku

Raja yue tet ngon meuriam Sigala alam tango 'a-'u Jitren peurumoh uleebalang Bak cut bintang Putroe Bungsu

'Oh troh keu nan u meuligoe Dum sinaroe maseng laku Neuyue peuduek ngon peurasan Han sapeue tan wahe teungku

Jieu rupa putroe indah Jikheun pantah meunoe laku Geubri lakoe agam tuha Teuboh rupa Putroe Bungsu

Meunan jikheun dum sinaroe Sayang putroe ban panyot hu Ureueng tuha seuot meunoe Di seuramoe nibak dapu

Ka peutumuen nibak Allah Tapakri bah aneuk teungku Hankeu na jeuet geutanyoe ubah Ka bak Allah meunan laku

Bek that kiam dum geutanyoe Katren keu noe jak pajoh bu Kakeu seungap ureueng binoe Di yup meuligoe mantong 'a—'u

Saboh sagoe jipoh tambo Syum kasyum sye hana laku Dum peurasan sinan abeh Bak cut puteh Putroe Bungsu

Ureueng Timu mat biula Aneuk Jawa poh beureulu Aneuk Cina nyang meunari Aneuk Cati nyang boh laku

Cit utoh jibeuot gaki Ban keudidi plueng bak on u Tujoh uroe tujoh malam Peurasan bak Putroe Bungsu

Teuduek siat peurasan le Dara baro lon peuteuntu

Cit ka maklum wahe adoe Han peue sinoe lon boh laju Lheueh geuandam putroe intan Umpama ban bintang timu

'Oh jikalon ateueh putroe Baranggasoe teuka napsu Abeh tahe ureueng nanggroe Jieu putroe bungong meulu

Geucok sinan geuseumanoe Bantujoh droe deungon Bungsu 'Oh lheueh manoe putroe intan Geubri peukayan nyang meulaku Abeh jingui dum u asoe Na ban uroe cahya that hu Dalam tujoh ulon teuoh Nyang leubeh jroh Putroe Bungsu

Putroe jisok subang hijo Ateueh baho cahya that hu Teuntang baho 'oh jilinggang Blet blot subang wahe te ungku

Soe nyang kalon putroe seudang Ate girang hana laku Taeu rupa jroh that rumeh Teukhem mameh sang ie madu

Watee jikhem teuseungeh-seungeh Le nyang beungeh ureueng tan bu 'Oh jimeusu putroe muda Ureueng tuha abeh 'a-'u

Ladom inong han peue peugah Ate dahsyah wahe teungku Aneuk jime han jan jicok Sabab harok keu Putroe Bungsu

Ureueng le that sajan linto Salli walo kawen Nahuda Jiek laju u meuligoe Di seuramoe linto tuha 'Oh jikalon Nauhda Seukeuem Meunoe jikheun putroe muda Dum ruman kah meukawen ngon kee Geukoh ulee waba puta Poteu rajapi di sinan Putroe neugeucang po Nahuda Hana sapeue jeuet jipeugah teuhah babah mantong saja Adat meunyo naga kah cang Menoe subang kujok tanda Meunyo ka na subang bunoe Meutem kamoe kawen ngon gata Meunyo hana bakjih subang Tok beugeuncang le bicara Si malam beungoh jiduek lam mon Rimueng seuon waba puta Meunan jikheun bantujoh putroe Sang meupaloe si nyak Nahuda Hana sapeue jeuet jipeugah Teuhah babah mantong saja

That jikarat teungku syiah Yue peunikah pantah sigra Lom jiseuot si nyak putroe Jikheun meunoe bak ayahda

Di lon ayah han kumeukawen Hana lon tern ngon nahuda Le that akai datok pindoe Kon jih sidroe nyang cang naga

Meuntroe tanyong teuma rijang Bit na subang po Nahuda Bek tatanyong teungku bujang Hana subang lon eu rupa

Jeuet jipeugah meudeh meunoe Jieu kamoe ureueng tuha Ok ka puteh gigoe ka rumpong Han meutanggong bak jikira Nyankeu jikheun meudeh meunoe Masa dilee na Nahuda Masa dilee naga mantong Sang-sang carong nyak Nahuda Sabab naga nyoe ka mate Nyankeu han le kee meuguna Nyankeu jinoe ka jibalek Upak apek putroe muda Han neupateh tuanku droe Neueu jaroe lon naluka Meunan jikheun datok pindoe Peubeungeh droe pura-pura Teuma seuot raja nanggroe Neukheun meunoe bak peunita Meunyo meunan teungku syiah Neupeunikah si nyak Nahuda Hankeu na jeuet geutanyoe ubah Ka bak Allah dumnan kada 'Oh neudeungo le teungku syiah Neupeunikah datok tuha Ka neucok ie ngon srah babah Ngon bismillah neubeuet doa Sare lheueh neupeunikah Nahuda pantah seuot ha ha

Bek antara ureueng lakoe Ureueng binoe khem dum rata Jieu buettan Nahuda sidroe Mabok keudroe pungo gila

Simalam beungoh tuengku peubeuet Han jitem jeuet po Nahuda Tuhan sidroe nyang peulupot Han jeuet jiseuot rimueng seuba

Teutap Nahuda geupeunikah Laen kisah lon calitra Meuna mantong jipot barat Mantong bakat ujong raja

Meuna mantong lon seumarat Mantong leugat kalam meurika Bahle lon boh sanjak kalam Bah lon reusam meusibanja

Nahuda miseue umpama sidom Peu jikalon keunong di mata Umpama sidom kalon manisan Jipeureulan ngon siklep mata

Napsu han troh jihpi mate Timue bangke lam piala Peuturot angen putoh taloe Peuturot putroe mabok Nahuda

Peuturot langkah gadoh meuhad Peuturot sahbat hana tara Peuturot napsu malee han le Peuturot ate hilang nyawa

Cok kada gop boh kada droe Sabab adoe tan bicara

Beutaingat wahe sahbat Nyang kon teumpat bek rab gata Bahle dumnan wahe sahbat Lon eh siat ingat keudroe

Dalam sosah ulon sabe Sabab ate seunang han soe 'Oh lon ingat nyan u gampong Nyum beutroh lon ngon siseun nyoe

Teuduek 'oh noe sanjak kalam Lon peuriwang ubak bunoe Amma bakdu teuma dudoe Kisah meuwoe keu Cut Bangta

Bangta Ahmad teungoh neuwoe Nibak ma droe dalam rimba Payong intan ateueh ulee Jroh that lagee hana tara

Takalon hu na dum bintang Blet blot intan jiplueng cahya Kulah kama Bangta seuon Hu ban tanglong hana tara

U meuligoe neuek rijang Bungong keumang indah rupa Bangta Ahmad neuek pantah Teungoh peunikah nyak Nahuda

Teungku kadi nyang peunikah Mantong jipeugah sabe ha ha Pocut Ahmad neuek laju Troh bak pinto neuduek sigra

Lawan bu leukat meuhad tumpoe Lawan putroe meuhad Bangta Sinan neuduek samlakoe jroh Rakyat beudoh abeh dumna

Rakyat ireng raja nanggroe Jak mat jaroe ngon Cut Bangta Abeh beudoh teungku kadi Kakeu tahe po Nahuda

Hankeu na le soe peunikah Ate sosah hana tara Teuduek haba Nahuda Seukeuem Lon peuriwang ubak raja

'Oh sare lheueh meumat jaroe Neuhei sidroe nyak me tika Kame tika keu noe rijang Bak duek bintang jamee teuka

Tilam kaso meuseulipok Bak teumpat duek Bangta muda Hana that got bak duek linto Leubeh teungku bak duek Bangta

Bangta neuduek ka neupiyoh Neujok bungkoh uleh raja Ban putroe ngieng u seuramoe Leumah samlakoe Bangta muda

Putroe Bungsu rupa indah Babah cidah dum cempala Si nyak putroe jikheun pantah Nyankeu ayah ureueng cang naga

Naga tujoh gop nyankeu cang Geulakee subang bak lon tanda Di lon ayah kujok subang Teuma geuriwang getren lanja

Han neupateh lon tujoh droe Nahuda nyoe neukheun cang naga

Galakneu that Nahuda Seukeuem Watee jikhem leumah jungka Meunan jikheun uleh putroe Seuot jinoe poteu raja

Bek kiam bungong keumee Hana kuthee bijeh mata Kusangka aneuk Nahuda Seukeuem Meuri jikheun jih cang naga

Bek le gundah he aneuk droe Geulunyueng tuloe lon ka tuha Teuma jikheun Si Nyak Bungsu Meunoe laku jibeurkata

Meuna napsu si nyak putroe Tasrah jaroe po Nahuda Bukon sayang Nahuda sidroe 'Oh seuramoe meugisa-gisa

Si Nyak Bungsu ka jipeukhem Nahuda paleng lam binteh muka Nyan geutanyoe hawa putroe Han thee keudroe lem pap guda

Teuma seungap haba putroe Laen jinoe lon calitra Amma bakdu teuma dudoe Karangan meuwoe keu Cut Bangta

Bangta Ahmad neucok subang Neujok rijang ubak raja Nyoe pat subang bungong keumee Masa dilee janji keu tanda

Ka neupulang ubak deelat Tanda alamat ureueng cang naga Wahe aneuk po samlakoe Pakon bak kamoe bijeh mata

'Oh jikalon uleh rakyat Subang alamat ubak raja Teuma jikheun ureueng sidroe Wah Nahuda droe peue bicara

Sikrak sapeue laju jikheun Nahuda Seukeuem jeuheut raya Bukon sayang bungong mancang Teungoh keumang ujeuen timpa

Po Nahuda basi andam Bungong keumang jimeuhawa Meunan jikheun dum sinaroe Nahuda sidroe sayang raya

Ladom ureueng teungoh meututo Ladom tajo trom Nahuda Jitrom sinan meuron keu deh Meusak lam binteh dagang tuha

'Oh jikalon ka rab binteh Jitrom keu deh bak seulasa Poteu raja yoh nyan neutham Bek le katrom si nyak Nahuda

Han jideungo uleh rakyat Ureueng le that leubeh laksa Gop cang naga jih tueng putroe Datok pindoe le bicara

Jitrom laju leugat-leugat Ka sret u yup ureueng tuha 'Oh sret u yup Nahuda Seukeuem Ka jimeukhem dumjih rata

Rakyat bandum jikhen meunoe Bek payah droe tren Nahuda

Seungap rakyat dum sinaroe Nahuda jinoe lon calitra 'Oh troh u yup aneuk pindoe Jipoh-poh droe salli ala

Jiantok droe keu deh keu noe Leugat jiwoe ubak bahtra Sira jijak jikheun meunoe Badanku nyoe paleh raya

Adat meuroh kuseuot nikah Putroe indah lon teumeung ba Teungoh jijak jitumbok droe Hana putroe putoh asa

Ate saket hana bagoe Datok pindoe pungo gila Nahuda paleh akai han got Ngon siat-at meuteumeung bala

Lheueh jipeubloe Bangta Ahmad Han torn mangat na jirasa Teuduek haba Nahuda Seukeuem Lon peuriwang dalam kuta

Putroe tujoh di meuligoe Jitren jinoe jak seumapa Jak meuteumeung ngon samlakoe Bantujoh droe aneuk raja

Rupa indah hana bagoe Di jaroe puan meucintra Top di ulee kayen hijo Tiek di baho slap Banggala

Teuma jitren Putroe Bungsu Jak eu linto Bangta muda 'Oh sare troh ubak pinto Tadeungo syee jiseumapa

Teuma seuot Bangta Ahmad Suara mangat hana tara Nabu kamoe nyak jeunulang Jak saweue bintang panyot peulita

Dua lhee go jimeucakri Jitren Cutti Bungsu muda Putroe peurab bantujoh droe Jak mat jaroe deungon Bangta

Com di teuot seumbah di gaki Horeumat jibri putroe muda Putroe jok ranup dalam karah Jaroe dua blah ateueh jeumala

Nyoe tuanku ranup tabeue Seuleupong pageue kureueng rasa Beurayek meuah tuanku droe Nibak adoe ureueng hina

Kru seumangat wahe adoe Nibak kamoe that mulia Gata pocut ranup uteuen Bak lon tuan buleuen seulaseh jawa

Di lon adek ranup layee Sinan meuteumee di rot raya Teuma lon boh dalam bungkoh Hai adoe beh lon bri keu gata

Lom meuteumeung bak simpang rot Sinan lon pot ranup tuha Nyoe hai adoe ranup mirah Ngon srah babah putroe muda

Neujok bungkoh le samlakoe Si nyak putroe seumbah sigra

Sinan tinggai si nyak putroe Di seuramoe deungon Bangta Lheueh pajoh ranup sigapu Putroe Bungsu meusuara

Bunoe sinja lon ngo tuanku Baro lon eu bulee mata Pakon trep that neusaweue adoe Neukeubah sidroe di kuala

Ulon preh-preh tuanku droe Bak malam nyoe lon eu rupa 'Oh hana troh tuanku droe Teuma lon woe bak ayahda

Nyoepi ka troh bak malam nyoe Tuah adoe dalem raja Na peue dalem adoe tanyong Peugah beukeunong lon ngo nyata

Patbu gampong deungon nanggroe Teungkupi soe nan geuaja Soe nan ayah teungku ampon Siri gampong teumpat raja

Peugah jinoe ubak adoe Ibuneu soe po meukuta Le that gaseh tuanku droe Keu adoe dagang nyang hina

Seulamat lon bantujoh droe E teungku droe gaseh gata Meunan bandum putroe peugah Seuot pantah Ahmad Bangta

Bangta Ahmad neukheun meunoe Deungo kamoe nyak jroh rupa Jeuoh gampong deungon nanggroe Matauroe nyan keu tanda

Ka taturi wahe Bungsu Tanyong laju nyak jroh rupa Nyang jeuet adoe lon jak keu noe Lon ngo di sinoe meukeurija

Pihak hawa keu sie meukuah Lon meulangkah hana tamaba Jinoe hai nyak ho ka linto Dara baro cidah rupa

Masa lon ek teungoh peunikah Nyoe ho leupah lakoe gata Bukon sayang si nyak putroe Han le lakoe linto tuha

Teuma seuot Putroe Bungsu Bek tuanku panyang haba Meuna gaseh tuanku droe Neutueng kamoe keu hamba saya

Han tuanku neutueng keu droe Neupeubloe neutueng hereuga Adat han jitueng keu meuh pirak Peue nyang galak po meukuta

Ka han jitueng keu breueh pulot Peue nyang lagot sikrak gula Kru seumangat wahe putroe Bak kamoe ateueh jeumala

Hana patot lon peuteumon Gata intan aneuk raja Bangta Ahmad ka neuiem droe Seuot Putroe Bungsu muda

Putroe Bungsu that ceureudek Abeh jitilek ateueh Bangta

Meung peukayan nyang na laen Putroe canden ate suka Adat Lem Kameng mangat meufom Lon kheun pantoh sikrak haba

Bak murong di leuen ka layee on Di yup aron ureueng poh panta Cit jeuoh that neuboh takwi Cut putroe ti le bicara

'Oh neudeungo haba putroe Meufom bak droe Bangta muda Nyokeu ulon ka jituri Le Si Nyak Ti Bungsu muda

Bahle lon peugah haba mise Bungong pade jifam makna Takarang mok dua sirungke Takarang pade dua ngon nangla

Hanco reumoh dalam ate Pakon talahe keu noe u lua Pakon adek hana malee Deungon jamee tameuseunda

Pakon ngon jamee tameucakri Bit si nyak ti malee hana Teuma seuot Putroe Bungsu Deungon teungku lon meucakra

Deungon laen ulon pantang Ngon cut abatng lon meuseunda Lom jiseuot Bangta Ahmad Neukheun leugat bak peulita

Takoh peutek larek keu dulang Takoh keutapang keu pha jeureukha Bek deungon lon tameuayang Hai bintang panyot peulita

Bek tuanku neumeuplueng-plueng Rab meuteumeung po meukuta Putroe Bungsu that juhari Ka jituri Bangta muda

Na tamse ban panton Meulayu Deungo teungku nyang tupeue makna Awan bergantung di puncong siblah Orang berbuat awan terjali

Alang-alang di kata orang Baiklah lalu buat sekali Teuma seuot po samlakoe Jikheun meunoe bak si nyak ti

Ukirkan lawan berlarat Cempedak tiada bunganya Jikalau cakap boleh kubuat Jikalau tidak apa gunanya

Tinggi bukit bukan sedikit Duduk mantang di kampung seberang Kasih adik bukan sedikit Mabuk dulu sampai sekarang

Pulau Pinang jauh di tengah Di balik pulau atasnya dua Putih tulang di dalam tanah Budi yang baik dikenang juga

Anak gajah makan di padang Rusa memakan rumput lam padi Sia-sia mata memandang Dosa menanggung main tak jadi

Bak keumukoh timoh di lampoh Cabeueng troh u mideuen raja

Meung na hajat pajoh puyoh Di gunong goh tasawak cintra Meung na hajat keu ureueng jeuoh Beungot tapeupoh bek leupah bungka

Aneuk rusa dalam ceunarueh Teuka aneuk glueh jilila-lila Meuka lon mat pat lon peulheueh Meugoh lom pueh lon ngieng mata

Mirahpati bulee hijo Aneuk tulo dalam cintra Bek le dalem neumeututo Ka lontukri dum peukara

Leuek jikutru di cong panjoe Tiyong manoe dalam cintra Peue tuanku lom neuiem droe Bahle meunoe troh an tuha

Lon tuanku bungong keumee Teungoh meubee goh lom mala Masa jinoe han soe lakee Meuka layee keupeue guna

Meunan jikheun uleh putroe Seuot jinoe Bangta muda Bek tagundah puteh licen Tameukawen putroe muda

Di gata nyak ngon Lem Kameng Putroe nyang nyan nyang neusuka Di lon hai nyak hana napsu Bintang timu bandum gata

Masa dilee yoh saboh roe Gata meulumpoe putroe muda Talumpoe bintang dua sirungke Bungong pade judo gata

Meunanpi jeuet tuanku droe Bak kamoe ateueh jeumala Hana dawa Putroe Bungsu Ka jituri Bangta muda Teuma meututo Peutro Meulu Adoe teungku piyoh gata Simalam beungoh tameucakri Bit si nyak ti malee hana

Meunyo hai nyak tapeugot droe Han peue adoe tapeutaba Bee-bee mangat watee jicom Hai bungong rom Bungsu muda

Watee geueh geukheun hugop Beudoh tapot uleh gata Bupi tabet pingan tabeuot Beumeusambot bue ngon rupa

Bak geueh beugot tasampoh 'Oh jiuroh beurijang jaga Gunong manyang buket meulinteueng Gle meukanjeueng teumpat eelia

Pat nyang jiduek ranup meusuleueng Nyankeu ureueng peuet peukara Meuna meunan wahe adoe Jeuep-jeuep nanggroe geujak mita

Meugot pie deungon budoe Han peue adoe tapeutaba 'Oh jideungo haba meunan Seuot yoh nyan Bungsu muda

Bukon sayang lon eu beuraleuen Jimeurakan ngon pucok buga

Di teungoh blang geuyup seurune Geupoh tupe kiam gubra Dua kamoe nyang meuuroe Tadeungo keudroe di gata cutda

Lumo agam meurot di lampoh Keubeue meureugoh meurot lam paya Peue meusaket tahei taroh Cutda Meulu seuot sigra

Pakon adek marah keu kamoe Hai putroe panyot peulita Jikalee jeuet bahle lon kheun Adek buleuen cahya mata Adat han jeuet bah lon iem droe Ban nyang buet droe putroe muda 'Oh jideungo haba meunan Putroe intan seuot sigra

Bek tagundah he cutda droe Adek putroe peugah haba Han jideungo Putroe Bungsu Dawok meucakri deungon Bangta

Teuma jiek Putroe Meulu Ubak ibu putroe tuha Pakri laku ma jeunulang Toh padan keu Bungsu muda

Lon eu adek that juhari Dawok meucakri ngon Cut Bangta Geutanyoe sosah meutakalon Di jih mantong jimeucakra

Meunan jikheun Putroe Meulu Seuot ibu putroe tuha Han lon tukri wahe buleuen Han jeuet lon kheun adoe gata

Meunyo meunan wahe intan Ban nyang padan nibak gata Teuma neuyue bak dendayang Beuot idang u nap Bangta

'Oh jikalon uleh Bungsu Jiek laju sigra-gigra Hankeu le na jiduek sinan Teuka peunuman jijak peubla

Oh hana li si nyak putroe Neuduek sidroe Bangta muda Neucok bate neusrah jaroe Makeuen sidroe Bangta muda

Lheueh pajoh ranup sigapu Peurab laju poteu raja 'Oh troh keu nan bak samlakoe Neukheun meunoe pantah sigra

Wahe aneuk bungong uroe Keu adoe pakri bicara Bek hai aneuk le taiem droe Tuha keudroe keupeue guna

Ka han aneuk tatueng keudroe Bah tapeubloe uleh gata Meunan neukheum Ibnu Hasan Seuot yoh nyan Bangta muda

Kru seumangat tuanku droe Bak kamoe ateueh jeumala Tuanku deungo ulon peugah Putroe indah aneuk meukuta

Neupeukawen nyang nam putroe Tinggai sidroe Bungsu muda

Nyan tuanku neupeukawen Putroe canden indah rupa Meunan jikheun le samlakoe Neutren jinoe pantah sigra

'Oh troh u yup Bangta sidroe Laju neuwoe dalam rimba Amma bakdu laen kisah Nyoe lon peugah raja nanggroe

Poteu raja neuhei bujang Neuyue kalon aneuk meuntroe Bujang jak le pantah rijang Troh le datang jeuep-jeuep nanggroe

'Oh troh keu nan u istana Peunikah teuma deungon putroe Lheueh peunikah maseng jeumba Peuek teuma u meuligoe

Tan keurija deungon peurasan Ha ek tuan ulon peudoe Bah lon peugah meusigeutu Wahe teungku nak ta tusoe

Meureudom Singa Putroe Meulu Deungo laku lon hareutoe Nyang adoe nyan Si Nyak Intan Muda pahlawan geubri lakoe

Siti Sunoe Raja Makmu Laen teungku lon peugah soe Si Nyak Jeumpa nan Beurahman Sabab gop nyan malem tuloe

Si Nyak Meutia Raja Juho Bandum teungku abeh sampoe Abeh bannam lon calitra Aneuk raja ka na lakoe

Bangta Ahmad neupeugah kri Bak gogasi nyang bunda droe Bunda ayah neucom gaki Deungo kami he ma putroe

Dua gata ngon ma ayah Nyoe lon peugah haba saboh roe Ulon heundak kumeukawen Puteh licen si nyak putroe

Aneuk Raja Ibnu Hasan Nyankeu tuan lon he ma droe Sireutoh raja taklok keu nan Ibnu Hasan nyang seureuloe

Kon han meusoe bisan gata Nyankeu hai ma du teungku droe 'Oh ji deungo haba meunan Inong agam suka han soe

Jiseuot le laju pantah Hana salah nyak teungku droe Uroe malam lon meukaoi Beuna judo he samlakoe

Ma ngon ayah mangat ate That meusampe bungong uroe Meunan jikheun le gogasi Mangat ate hana bagoe

Jitanyong le pantah sigra Pajan keurija po samlakoe Bangta Ahmad seuot sigra Tango hai ma lon hareutoe

Jinoe lon woe u istana Goh lom haba putoh uroe

Beudoh jak woe bijeh mata Beurijang teuka aneuk keu noe Bak lon sidroe sangat indah Han peue salah ma teungku droe

Seumbah teuot com di gaki Moe meu'i—'i bandua droe Bangta Ahmad keubah peukayan Neucok laen miseue puroe

Kreh ngon peudeueng ka neukeubah Tampok keupiah dum sibagoe Bangta neungui peukayan laen Ija seunalen di mauligoe

Nyang meukasab jijok Bungsu Han torn neungui po samlakoe Siat teuingat keudroe hina Le Nahuda ka jipeubloe

Meunan pike Bangta Ahmad Keubah leugat dum sinaroe Abeh neungui dum peukayan Beudoh rijang laju neuwoe

Bandum kameng peuwoe yoh nyan Le cut intan po samlakoe Nyang meureugoh Bangta pasang Han ubah ban dilee puroe

Kameng jijak got meurumpan Na miseue ban kawan unoe Dalam kawan Ahmad Bangta Ngon su geunta hana bagoe

Keu nan laju rab istana Jingeuk teuma le cut putroe Putroe Bungsu ka teusinyom 'Oh neukalon po samlakoe

Bitpi meunan dalam ate Han jilahe bungong uroe Bak lon sidroe aneuk raja Bahle rupa meudeh meunoe

Bangta jinoe lon calitra Saboh leua si nyak putroe Laju neuek u istana Neuduek lanja po samlakoe

Teuma namiet beudoh rijang Beuot idang keu nan sampoe Neucok bate neusrah tangan Makeuen yoh nyan bungong geutoe

Lheueh makeuen Pocut Bangta Pinah sigra idang jinoe Jicok ranup le dendayang Jijok rijang keu samlakoe

Lheueh neupajoh ranup sigapu Peurab laju raja nanggroe Neumeututo teuma nyoe ban He cut intan bungong uroe

Wahe aneuk bungong keumang Deungo laman peuhareutoe Raya hajat kamoe tuha Wahe Bangta nyak samlakoe

Teuma seuot Bangta Ahmad Suara mangat bungong panjoe Peue na hajat wahe ayah Cuba peugah lon ngo jinoe

Hajat aneuk lon peukawen Peulheueh meusyen duteu sidroe

Kon hai aneuk ngon ureueng laen Puteh licen si nyak putroe Lon bri aneuk Putroe Bungsu Nyankeu judo bungong uroe

Bak lon aneuk sit beutatem Peulheueh meusyen duteu sidroe Meunan neukheun Ibnu Hasan Cut budiman seuot jinoe

Ampon deelat po junjongan Deungo laman peuhareutoe Hana patot keu lon neubri Aneuk doli si nyak putroe

Meunyo teumon sabe teumon Meunan bangon tuanku droe Han geujampu meuh ngon pirak Hana layak tuanku droe

Miseue santan ngon manisan Taboh lawan leukat ngon jatoe Nyoepi meunan wahe doli Bangta neubri lakoe putroe

Meukon meunan po junjongan Han siwadan bungong uroe Nyankeu judo neubri lawan Cut intan po bungong geutoe

Meukon meunan han meusampe Kiam pake geunap uroe 'Oh roh neubri keu Lem Kameng Lam meucukheng tuanku droe

Geunap uroe jimeugeucang Keupeue tatueng ureueng tabloe Tuanku droe nyang peudeh mata Lon takot raya teugah dudoe

Meunan jikheun le Cut Bangta Bak raja meukuta nanggroe Sit jeuoh that neuboh takwi Bek neuturi po samlakoe

Teuma raja neukheun nyoe ban Bak intan po bungong uroe Wahe nyak cut bungong peutek Bek tapasek he aneuk droe

Bitpi lon kheun meunoe meunan Han meuhad han tuanku droe Bangta beudoh laju neutren Sira kheun horn tunku droe Poteu raja mangat ate Ka meusampe bak kira droe Amma bakdu teuduek siat Lon sambat haba keu raja

Raja yue tet dum meuriam Suara geumeuntam hana tara Ngon beude cut jeuep-jeuep sagoe Kiam bunyoe 'a—'u gubra

Meunan miseue ulon peugah Meulayenkan Allah kalon nyata Jitet laju beude nubat Jitren rakyat han teukira

Dua blah krueng banda peukan Abeh keu nan ureueng teuka Ureueng binoe ureueng lakoe Tamong jinoe dalam kuta

Abeh teuka dum sibarang Uleebalang maharaja

'Oh meuhimpon dum sibarang Teuku bujang peugah haba Meuntroe rumpang peuek seumbah Jaroe dua blah ateueh jeumala

Ampon tuanku meukuta nanggroe Peue hareutoe neuseuranta Cut ngon raya abeh keu noe Tuanku droe peue na sabda

Siri gampong nyang meusugang Toh siri blang tan musara Siri kuala nyang tan wase Toh siri gle adat hana

Abeh narit uleebalang Tren di manyang sabda raja Poteu raja neukheun meunoe Deungo kamoe dumna gata

Kupeukawen Putroe Bungsu Lon bri judo ureueng muda Nyang geubeue kameng geunap uroe Kutueng keu lakoe putroe muda

Meunan wasiet masa dilee Bungong keumee nyang cang naga Hana jeuet le geutanyoe ubah Nibak Allah dumnan kada

Ka peutumuen nibak Tuhan Cut intan po Bungsu muda Meunan neukheun Ibnu Hasan Uleebalang seuot sigra

Han peue salah tuanku droe Bak kamoe ateueh jeumala Pocut inong gop jeh agam Cit siwadan lon eu rupa

Kareunajih ureueng meudagang Toh keu bisan kamoe raja Teuma seuot uleebalang Jikheun nyoe ban pantah sigra

Meunyo tuanku neumeubisan Nyang timang cit sabe raja Meukon meunan mukhalafah Talo siblah meunang meukuta

Beuthat meunan wahe meuntroe Bisan kamoe bahle gata Gata bandum tadong siblah Putroe indah kuboh gaca

Peue han ase tapeuase Ubat beude tabloe lanja Bek meusampe ureueng meudagang Teugo tan wang han soe kira

Bek weueh ate po samlakoe Bungong uroe indah rupa Meunan haba Ibnu Hasan Uleebalang seuot sigra

Han peue salah tuanku droe Bak kamoe ateueh jeumala Meunan jikheun dum sinaroe Raja nanggroe lom meuhaba

Meuka keumah ban lon pike Tameuase peue nyang hana Tacok Unto kaman jinoe Jak tapeuwoe taboh gaca

Peuet blah uroe buleuen peunoh Linto u rumoh keu raja raya

'Oh leupah woe uleebalang Geutet meuriam dalam kuta Geutet laju beude nubat Jitren rakyat han teukira

Inong agam abeh jitren Tamong meuron-ron dalam kuta Ulee ili teubiet tamong Bak cut bungong geuboh gaca

Dum peurasan sinan abeh Bak cut puteh meukeurija Jidrop keubeue dum ube-be Jipeuwoe le nyan u midan

Ase keubeue dalam ikat Jimeupakat laen padan Jijak koh trieung di lampoh jeurat Ladom ikat ngon pupalng

Ladom rakan peugot madat Bak teumpat meujra meuriam Peugot kuta saboh sagoe Teumpat laloe inong agam

Bungong apui dum jipasoe Sudah sampoe sikalian Padum uroe geumeuase Troh bak janji buleuen Muharram

Nyoekeu baro jeuet keurija Kilat lila ngon meuriam Troh le datang keu nan sigra Dum peutua uleebalang

Malam Hameh geuboh gaca Putroe muda nyang analan Ngon peurasan han ek kira Nyang di maja saboh macam

Aneuk Jawa nyang meubareh Aneuk Inggreh nyang meutak tham Jipeulikak peudeueng puteh Jimeutangkeh meu'en wayang

Saboh sagoe meukat payeh Ladom wareh meukat apam Saboh sagoe meukat tumpoe Ladom adoe meukat pisang

Saboh sagoe meulabari Meuseudati saboh macam Rakyat tamong ulee ili Sipai nyang kawai Dalam

Jipeh tambo ngon nafiri Jiyup bangsi lagu Siam Jipeh ngon dhap hana sakri Biulapi ka jiragam

Jimeupanton sang Meulayu Galak taeu uroe malam Aneuk dara ate seuu Jideungo su tambo geundrang

Na lon deungo cit sigeutu Kheun Meulayu meunoe macam Benang putih jahitkan baju Meujampo ngon benang hitam

Negeri ini banyak teungku Le that lon eu tan sembahyang Pulau Pinang airnya deras Ayek Batang melintang pukat

Pulau Pinang hukumnya keras Aceh banyak tinggai lam utang

Soe nyang deungo ate seuu Beukit teungku tiek seureuban Gadoh malee pihak rindu Syetan jiseuru dalam badan

Aneuk dara nyang that seuu Di teungku na cit meujan-jan Ureueng keumalon han teupeugah Han lon kisah panyang kalam

Teuma geupeungui dara baro Ureueng that le taeu kiam Peusok bajee tuan putroe Bak jaroe ikai meukarang

Kru seumangat wahe rakan Soe nyang kalon bandum teuceungang Keuruncong meuh nibak gaki Siluweue suti bungong mancang

Ija pinggang meuseulipok Sanggoi ok pancalogam 'Oh jisunteng bungong tajok Rupa ilok sang buleuen trang

Soe nyang kalon ate mabok Miseue pungguk rindu keu bulan Ceukam sanggoi lon jisarok Ngon minyeuk ok that bee-beewan

Ngon simpah meuh nibak baho Taloe keuieng ro pudoe intan Let lon cahya dum meulo-lo Soe eu tahe reubah pangsan

Ayeuem gum bak lom jiseundo Peukayan le han sapeue tan 'Oh geupeungui dara baro Duek bak kaso ateueh tilam

Nyankeu sabab he syeedara Jeuet meugisa meuwoe ulang 'Oh lon ingat nyan u nanggroe Lon keumeung woe beulanja tan

Ka siploh thon dalam rimba Tan meukala ija pinggang Padum lawet ka lon bungka Jeuep-jeuep banda lon duek utang

Bit ka raya taeu tuboh Hai teungku beh peurumoh tan Lon keumeung woe cit lam thon nyoe Jipeuwawoe lon le syetan

Teuka rakan dua lhee droe Jikheun meunoe bak lon tuan Pakri laku wahe adoe Bak kamoe na saboh padan

Got bek tawoe dalam thon nyoe Di nanggroe haro haraan Kaphe jiduek dalam nanggroe Di tanyoe jak peugot jalan

Han lon tukri lem boh ate Lon pike meudue malam Bahle dumna saboh leua Meule cakra jeuet keu wayang

Sireuta lon balek ayat Hana mangat meunyo sa-sa Amma bakdu teuma dudoe Peurdana meuntroe lon caUtra

Uleebalang jidong siblah Peuleumah seunabah ubak raja

Jitet beude malam uroe Bangon bagoe prang Ulanda

Perudana meuntroe himpon rakyat Jipeusapat tuha muda Jibri jeumfea ban nyang babat Jieu rakyat le that teuka

Nyang teuga-teuga jiyue meume Nyang lape-lape keubah lam kuta Nyang utoh jiyue meutak Nyang rancak jiyue meuhaba

Ureueng agam ka seuleusoe Ureueng binoe lon calitra Nyang teuga-teuga boh ie lam geupet Nyang cire-ciret duek bak guha

Aneuk dara sinan damoh Nyang meuseunoh bak peh gaca Sinan jiduek lingka batee Teupeh ulee han jikira

Nyang duek jarak jikheun meunoe Siblah jaroe di lon cutda Nyang meugleueng geuyue meuidang Nyang meusubang geuyue seumapa

Nyang mat bate Si Nyak Puteh Nyang tiek aleh Si Nyak Jeumpa Nyang mat ranup Si Nyak Intan Nyang mat puan Cut Neh Saka

Nyang peuek ie deungon tayeuen Si Nyak Buleuen ngon Si Nyak Ala Nyang peh kunyet Si Nyak Irat Taeu grat-grat jipeh lanja

Nyang srah pingan dengan cawan Cutda Buhan ngon ma Si Baha Nyang mat aweuek Si Nyak Hijo Ho nyang le-le jiboh lanja

Nyang meupanton Muda Seudang Nyang meugeundrang ureueng tuha Jisie keubeue kapah kapoh TJreueng jeuoh dum jiteuka

Nyang ureueng rab wahe adoe Jijak keudroe han peue maba Peurumoh geusyik imum nanggroe Abeh sampoe keu nan teuka

Ngon su beude jeuep-jeuep sagoe Kiam bunyoe 'a—'u gubra Bitpi meunan suara beude Siploh lagi leubeh ben tara

Nanggroe raja sang ka seupot Deungon sagop meuriam lila Hana peue kheun peurdana meuntroe Peuleumah budoe nibak raja

Dangdimuri suleng bangsi Keucapi hareudammama Cantek maneh mudawansi Han soe tukri peucaUtra

Ladom taeu jimeuancak JiUkak aneuk deurama Dum peurasan sinan sampoe Peurdana meuntroe meukeurija

Tujoh uroe tujoh malam Meupeurasan dalam kuta Bitpi le that dum peurasan Bangsawan nyang leubeh gura

Saboh bangon di ureueng binoe Aneuk jimoe han jikira Di jih gundah bak peurasan Inong jalang malee hana

Teuma jikheun le ureueng sidroe Aneukteu moe gata cutda Bek kacok-cok bahle jimoe Kuek sinoe kulet di pha

Aneuk paleh jitupeue tan Nyoe peurasan tuengoh gura Teuma geupeungui linto baro Peukayan le han ek kira

Jicok teuma bungkoh aneuh Ngon boh ru meuh banpeuet punca Abeh jijok bandum keu nan Neucok yoh nyan le Cut Bangta

Bangta neungui le u asoe Na ban uroe cahya muka Jroh that rupa Bangta Ahmad Na dum panyot tujoh mata

Jilhat ngon kreh meukeurawang Meuh ngon intan yum sibara Rupa jroh that hana sakri Kilat bibi ban suasa

Bangta Ahmad teusinyom-sinyom Ureueng keumalon keu nan mata Lheueh keurija tujoh uroe Ureueng nanggroe tren dum rata

Biek deureuham bungong jaroe Geusyik sagoe imum muda

Ladom busok ladom gupang Uleebalang me sipeuha Nyang ba keubeue ureueng meusoe Geusyik sagoe maharaja

Nyang me ringget peutua cut-cut Ube nyang jeuet ban nyang kada Abeh teumeutuek uleh meuntroe Dum sinaroe keu Cut Bangta

Bangta geupuwoe ubak kadi Geutet beude hana reuda Bit that indah hana sakri Leubeh kadi nibak raja

Ngon peurasan han soe tukri Teungku kadi meukeurija Geutet meuriam geunta nanggroe Muda samlakoe geuboh gaca

Ngon peurasan han peue peugah That barollah nibak nyang ka Han peue peugah wahe adoe Ka lheueh bunoe lon caUtra

Lom seunalen po samlakoe Miseue bunoe meunan rupa Neubri ija meukasab mbon Neupeuseuon kulah kama

Soe nyang kalon ate girang Abeh mumang tuha muda Ureueng keumalon tahe mandang Han jitujan pungo gila

Kulah kama Bangta seuon Hu ban tanglong cahya muka 'Oh jieu le ureueng duson Jisangka kon manusia

Abeh peukayan dum ka geubri Teungku kadi ate suka Teuduek haba po samlakoe Laen jinoe lon caUtra

Teutap Bangta nibak kadi Nyoe gogasi lon peuhaba Gogasi duek di seuramoe Deungon lakoe sapat dua

'Oh jideungo su meuriam Jikheun nyoe ban pantah sigra Wahe teungku deungo kamoe Aneuk geutanyoe saleh keurija Lon ngo beude meugeureupoh Pakon han troh keu noe Bangta Saleh na peue hali nanggroe Tajak geutanyoe kaman sigra

Laju jijak bandua droe Troh le jinoe bak keurija Jime ngon meuh sireutoh katoe Jeunamee Putroe Bungsu muda

Jijak laju inong agam Bube gunong badan raya Ate mangat hana bagoe Troh u nanggroe gampong raja

'Oh sare troh nyan u dalam Abeh kiam 'a—'u gubra Rakyat jiplueng meusong abong Dalam leusong jisak muka

Ladom jilop lam geureupoh Taeu kiroh agam ngon dara

Yoh masa nyan wahe sahbat Gadoh ingat tuha muda Ladom jikheun bak meulintee Kacok kee katiek u lua

Teukeujot roh dalam jasad Sret seumangat tuha muda Jieu badan na bube krong Reuhung idong bube raja

Taeu di nap ban peuluntueng Taeu di rueng meuria buya 'Oh neudong na bube binteh 'Oh neueh na bube bahtra

Bak datok nyan han peue tanyong 'Oh neudong hana leumah muka 'Oh neueu le Bangta Ahmad Neutren leugat ubak poma

Assalam alaikom du teungku droe Ka troh keu noe he du raja Lon meukaoi malam uroe Beutroh ma putroe ngon ayahda

Alaikom salam aneuk teungku droe Ka troh keu noe ubak gata Kru seumangat he ma putroe Bak kamoe ateueh jeumala

Teuma tajo po samlakoe Bandua droe seumbah sigra Com diteuot seumbah di gaki Horeumat neubri uleh Bangta

Teuma neuduek po samlakoe Rab ma putroe ngon du raja Gogasi kheun teuma meunoe Wah samlakoe peue bicara

Wahe aneuk po samlakoe Taboh kamoe bijeh mata Masa dilee yoh saboh roe Samlakoe puteh mata ma

Ulon preh-preh bungong uroe Judo Putroe Bungsu muda Hana taingat hai aneuk droe Kareuna kamoe ureueng tuha

Bangta Ahmad seuot meunoe Deungo kamoe hai ma raja Ulon jicok uleh meuntroe Geutueng kamoe aneuk gata

Meudeh meunoe Bangta peugah Leumoh ate ureueng tuha Ate saket meunyum mangat Le hekeumat Bangta muda

Sang ka jiboh ubat gamat Puleh saket ate luka Bandua droe mangat ate Ka jikheun le bak Cut Bangta

Wahe aneuk bungong uroe Nyoe bak kamoe peuha gata Jijok le meuh sireuoth katoe Jipeujaroe keu Cut Bangta

Teuma jijok lom manikam Raya tuan ban boh angsa Nyoekeu aneuk bungong jaroe Jeulamee Putroe Bungsu muda

Han peue salah ma teungku droe Nibak kamoe ateueh jeumala Bangta sambot le u jaroe Hana bagoe ate suka

Bangta Ahmad yoh nyan sosah Pat kukeubah ureueng dua

Hoka gata dumna rakyat Teutah leugat binteh seulasa Meunan neukheun le samlakoe Gogasi jinoe seuot sigra

Bek that gundah he aneuk droe Bahle sinoe kamoe dua Adat lon ek nyan u rumoh Meuhad reuloh he aneukda

Ka jeuet aneuk lon duek sinoe He samlakoe bijeh mata Meunyo meunan ma teungku droe Nibak kamoe ban meurasa

Bangta Ahmad teuma pike Yue peugot le kimah raya Sare lheueh Bangta peugah Jipeugot pantah sigra-sigra

Kimahpi lheueh sudah ase Yue piyoh le ureueng dua Nyang teukeujot abeh jiwoe Miseue bunoe dalam kuta

Bangta Ahmad neukheun meunoe Deungo kamoe dumna gata Jinoe rakan taangkot bu U yup jambo keu ayahda

Ngon eungkot sie bandum keu nan Mangat neumakeuen le du raja Meunan neukheun le samlakoe Rakyat sinaroe seuot sigra

Han meujeuet jak bungong uroe Teumakot kamoe ate Ua Salang jarak he samlakoe Bandum kamoe yo sang geumpa

Bangta peurab u yup jambo Rakyat tajo bandum rata Jicok bu dalam umpang Jime rijang pantah sigra

Lheueh me bu mata u Ukot That teumakot dumjih rata Bitpi sinan Bangta Ahmad Mata let lot bagoe sua

'Oh teusinyom gogasi khem Jiplueng cut binoe bandum rata Han lon jeuet jak wahe rakan Beuthat neucang uleh bangta

Han kujeuet eu bandua droe Yoku adoe miseue geumpa Badan raya bube gunong Nyum-nyum nyawong lon keulua

Bahle teuduek haba gop nyan Lon karangan laen caUtra Nam gunca breueh bu ka keu nan Abeh meutamon u nap Bangta

Ngon eungkor sie bandum keu nan Nam boh teelan keubeue raya Abeh meutamon sikalian Bangta yoh nyan meusuara

Neudeungo lon ma teungku droe Neumakeuen jinoe ngon ayahda Han peue salah bungong uroe Bak kamoe ateueh jeumala

Lheuen neukheun nyan le po samlakoe U meuligoe neuek lanja

Jipajoh bu siro jipet-pet Jijakhep abeh sigunca Bu meutamon nam gunca breueh Abeh siklep mata

Pruetjih mantong dum geuraleue Hna cit na troejih bandua Rakyat le that dum keumalon Jieu buettan ureueng rimba

Teutap sinan di yup jambo Jinoe linto lon calitra Troh ubak ka peuet uroe Linto geupeuwoe ubak raja

Ureueng lakoe ureueng binoe Intat mampleue Bangta muda Na siribee payong uroe Padok keudroe bek tutong Bangta

Deungon gajah meubalohan Di ateueh nyan aneuk raja Ngon peukayan pudoe intan Tangkulok nyan kulah kama

Rakyat ireng meurubee katoe Bangta geupeuwoe dalam kuta Ngon peurasan han peue peugah That barollah di blang raya

Jikasyuh dhap jipeh tambo Peuwoe linto Bangta muda Jipalee gong ngon nafiri Meu'i-'i ngon sangkakala

Aneuk dara ate seuu Jideungo su tambo geunta Ka jitarek ija pinggang Ladoom hei nang ladom apa

Dum peurasan dalam nanggroe Abeh keu noe lam blang raya Ureueng le that miseue abee Intat mampleue Bangta muda

Ban saboh blang bungong apui Jiek meurui-rui u an tara Takalon hu na ban tanglong Peungeuh gampong nanggroe raja

Suara beude that meugrum-grum Nyang meutum tadeungo hana Abeh 'a—'u ban saboh blang Inong agam lam seupot buta

Nyang aneuk ka jikheun adoe Nyang lakoe ka jikheun apa Inong agam meupalot-palot Dalam seupot jimeuwa-wa

Aneuk miet muda gatai asoe Jak meutaloe kiam gubra Uk sagoe jeh uk sagoe jeh uk sagoe nyoe Gatai asoe aneuk dara

Di gogasi ka meujeumeulah Ka meusiblah di jih dua Di jih jijak bandua droe Lakoe binoe sabe raya

Ureueng laen han jeuet peurab Teumakot that dumjih rata Teungku kadi ba seulaweuet Rakyat seuot kiam gubra

Ureueng rame han peue peugah That barollah di blang raya

Di gogasipi jiseuot Su meudhot-dhot ban geureuda Ka jimeusu inong agam Tiwah meuriam ngon ureueng dua

Dumna ureueng abeh teudu 'Oh jimeusu ureueng rimba Bangta Ahmad yoh nyan gundah Rakyat reubah agam dara

Teuma neukheun bak gogasi Bek meusu le gata dua Dumna rakyat abeh teudu 'Oh tameusu gata dua

Meunan neukheun le samlakoe Bak ma putroe ngon du raja Teuma seuot aneuk bisoe Jikheun meunoe bak Cut Bangta

Ri ka teungeut pakri han reubah Malam teulah leupah 'isya Di lon hana that kumeusu Di jih jidu teungeut mata

Bahle jieh baranggapat Bek gundah that wahe Bangta Beuthat meunan he ayah droe Bek le jinoe tameusu gata

Meunan neukheun le samlakoe Seungap iem droe han le haba Geutet beude rot deh rot noe Ulah bagoe prang Ulanda

Ka geuampeueng linto baro Na sang bae ngon suara Han jeuet taeu dum peurasan Bak uroe nyan abeh gura

Abeh tamong inong agam SikaUan tuha muda Di Ukot nyan teuma lagi Tamong gogasi ureueng rimba

'Oh jikalon uleh rakyat Sret seumangat plueng jiguda Jiplueng keu deh jiplueng keu noe Reubah keudroe dum teurhanta

Ureueng reubah dum meutindeh Tamse bileh dalam raga Sabab jieu ureueng dua droe Ka teupipoe agam ngon dara

Gogasi dong nibak sagoe Hana sapeue jimeuhaba Dalam kuta peungeuh lapang Inong agam ka jiguda

Gogasi kheun teuma meunoe Bak samlakoe Ahmad Bangta He aneuk cut bungong uroe Bah lon jak woe bijeh mata

Lon eu ureueng han le sidroe Samlakoe tinggai meugata Laen aneuk abeh jiplueng Agam inong ka jiguda

Kadang teumakot jieu kamoe Got aneuk droe bah lon gisa Salang hana lon meututo Jiplueng laju agam ngon dara

Gotkeu aneuk bah ulon woe Samlakoe bak idin gata

'Oh jideungo haba meunan Jiteubiet yoh nyan le bandua Lem gogasi ka leupah woe Rakyat sinaroe lom jigisa

Ka meusapat miseue bunoe Dum sinaroe tuha muda Nyang teukeujot abeh jiwoe Miseue bunoe dalam kuta

Jitet beude meugumpita Bak rajapi kiam bunyoe Salli wala hana reuda Sleueng sideupa salem maloe

Troh u mideuen geuseumapa Ban cempala jibeuot jaroe Waki Minat nyang blah Bangta Blah raja peurdana meuntroe

Meujurayah bak seumapa Bandua ceureudek han soe Teuma geubeuot bate suasa U jeumala geubet jaroe

Seumbah saleuem le jikata Deungon suara that meubudoe Pulo Pinang geutimang lada U Singapura geujak peubloe

Tuan bisan na tateuka Lon preh gata tujoh uroe Teuma seuot Waki Minat Suara mangat hata bagoe

Ija puteh keu seureuban Tacok sikhan taboh reumboe Nabu kamoe tuan bisan 'Oh noe malam baro sampoe

Kapai mudek u Kuala Langkat Jidong siat di Teupin Sungoe Tuan bisan ho beurangkat Deungon rakyat meuploh katoe

Meunan seuot teuku peurdana Ubak Minat jihareutoe Hijo-hijo naleueng sambo Meurungko ngon naleueng lakoe

Lon meung intat bungong kundo Asoe kaso cut nyak putroe Teuma seuot Leube Dayah Khem meuhah-hah gop nyan sidroe

Mirahpati po meuhuet-huet Jisujud u ateueh bumoe Bek le haba he teungku cut Mata teungeut bandum kamoe

Reudok di gle ujeuen han jadeh Geutabu bijeh leukat ngon jatoe Bek le teungku tameuraweh Han ek lon preh beungoh uroe

Geutanyoe taduek malam jijak Aneuk manyak teungetu han soe Han peue salah Teungku Dayah Jinoe talangkah u meuligoe

Teuma seuot meuntroe rumpang Meunoe macam jibeurkata Kuala Idi meukat meupudoe Ie krueng Keureutoe ile meuputa

Ho ka Unto judo putroe Peuleumah keu noe lon eu rupa

Rot noe geupreh rot deh geujak Ka meurampak sabe tuha Meurak iku sikawan tujoh Aneuk puyoh jiteueng-teueng droe

Sideh puan sinoe bungkoh Ranup geupajoh dum sinaroe Takoh bak jok tarah keu lham Takoh bak asan rok keu peutoe

Teuma geujoh ranup peurakan Peuek yoh nyan u meuligoe Di likot nyan geuek teuma Ureueng tuha dua lhee droe

Di leuen rumoh timoh beuraleuen Aneuk rambideuen jiseumujoe Teuku linto teudong di leuen Geureuhem siseun tuha sidroe

Teuma geuek bandum laju Rab teungku neuduek samlakoe Poteu raja neuwakilah Neuyue peunikah si nyak putroe

Na sikeujap neuduek sinan Meukeumah yoh nyan teungku jinoe Ka neujok ie keu cit indah Ngon srah babah po samlakoe

Teuma neukheun ngon bismillah Lon peunikah bungong uroe Neuduek teungku rab di sinan Neumat tangan Bangta sidroe

Roh neukheun ngon basa Arab Troh that cakap hana bagoe Meunoe neukheun wahe sabat Basa Arab deungo jinoe

Kabui tuan nikah ase Bungsu juhari judo kita Lheueh jiba kabui nikah Cut meutuah beudoh sigra

Bangta beudoh neubeuot langkah Teungku syiah gulong tika Teuma geupeuek u meuligoe Bak cut Putroe Bungsu muda

Bangta ka troh nibak pinto Jitajo dendayang rata Jijak seupreuek minyeuk gahru Ka jisibu minyeuk ata

'Oh lheueh nyan seupreuek bungong Mabok inong peue takira Ureueng keumalon that meupadoe Jieu putroe duengon Bangta

Teuma geubet boh manok hitam Peulho yoh nyan uleh maja Lom geupeuek ateueh tilam Duek teusumpan wet ngon sila

Teuma geupeumueng dara baro Khem meuhambo rot wie Bangta Jaroe dua ateueh teuot Jibet-bet 'oh santeut dada

'Oh takalon jaroe jibet Ban leuek meulet ngon cempala Putroe gisa deungon puan Na miseue ban ureueng sapa

Dua lhee go jigisa bate Neusambot le Bangta muda

Cahya muka that seumeuloh Dum paridoh nanggroe Jawa Lingka sanggoi jiboh bungong Maken reunom cahya.muka

Jiboh jaroe ateueh teuot Po Bungsu cut seumbah Bangta Han peue aja han peue peurunoe Sit ka ragoe putroe muda

Sit utoh that si nyak putroe Ban leuek ragoe dalam cintra Bangta Ahmad sang bintang timu Putroe Bungsu dum bintang kala

Ureueng keumalon ate rindu Dum Bungsu ngon Malem Diwa Keu nan mata bandum laloe Jingieng putroe deungon Bangta

Rupa ilok hana bagoe Cut putroe panyot peuUta Hana saho talo meunang Dum geutimang dalam neuraca

Bangta cidah putroe linteng Hana bandeng ngon tapeusa Na miseue ban bintang timu Meuseunoh hu ngon bintang kala

Meunan miseue si nyak putroe Ngon samlakoe Bangta muda Banuda droe sapeng-sapeng Cut linteng ngon Pocut Bangta

Rot wie Bangta bungong meulu Hireuen taeu dum peukara Lheueh peumueng dara baro Duek peunganjo sajan Bangta

Neucok bate neusrah jaroe Si nyak putroe deungon Bangta Bangta cok bu ka neusuleueng Abeh ureueng keu nan mata

Lhee boh babah neusuleueng bu Putroe Bungsu asek muka Nyang keumalon han peue pike Rindu ate agam dara

Nyang putik lagee geutanyoe Jiek jinoe keu deh u para Jiplah binteh ka jimeungeuk 'Oh lot sineuk aneuk mata

Teuma jikheun le ureueng sidroe Bit nyo gop nyoe malee hana Meutajingeuk bek di tanyoe Nyang putroe neuuem le Bangta

Aneuk dara jikehun meunoe Adat meulakoe lon hai cutda Kaiem keu deh bek kiam le Han sep jieu aneuk beulaga

Adat neudeungo uleh putroe Neukoh jaroe dara ceulaka Bangta ngon putroe teungoh makeuen Ka rab jimeuglueng nibak seulasa

Lheueh makeuen po samlakoe Pinah jinoe idang raya Putroe cok le ranup meugapu Suleueng laju keu Cut Bangta

'Oh lheueh ranup pinah puan Ulee mumang Bangta muda

Kon meung Bangta nyan ngon putroe Adat geutanyoe meunan juga Han peue e nyak lon boh sinoe Maklum bak droe dum teurata

Miseue ureueng pajoh seunujoh Meuie babah taeu rupa 'Oh sare roh dalam babah Masya Allah peue ban rasa

'Oh abeh nyan leumah laen Maken masen nibak nyang ka Ho siuroe maken leubeh Tamse bijeh lheueh geupula

Beungoh puteh seupot hijo Leubeh laju kureueng hana Meutan saket cit ek sabe Meugoh mate mantong ek saja

Ulon peugah miseue haba Nyankeu rupa wahe adoe Dilee putik dudoe tuha Inong muda le soe peutoe

Ureueng seumuratpi ka geueh Lon peuwoe keu deh u meuligoe Hingga beungoh puteh uroe Tren jak manoe Bungsu muda

Lheueh manoe bandua droe Ek samlakoe u istana Sabe meunan geunap uroe Si nyak putroe deungon Bangta

Han jeuet jarak meusigeutu Cut Bungsu panyot peuUta Teutap sinan geunap uroe Lam meuligoe meuseusuka

Haba keurija 'oh noe sampoe Karangan meuwoe keu Cut Bangta Amma bakdu teuma dudoe Hame putroe judo raja

Gak Sarin ka neupeubuet buet Peuraya pruet pura-pura Neucok reungkan ka neukandong Ureueng inong le bicara

Neueu meulintee bantujoh droe Peusaket droe putroe tuha Neueu akai aneuk tujoh Neukeumeung boh sidroe keu raja

Hana meusidroe neuturi boh Meuri bantujoh aneuk sa-sa Neueu akai meulintee nyang nam Neujak meuramiem u kuala

Neuhei aneuk bantujoh droe Troh le sampoe keu nan sigra Wahe aneuk nyak sambinoe Kheun bak lakoe bandum gata

Ulon heundak jak u laot Kupajbh eungkot nyang raya-raya Kadang mate bak siseun nyoe Hai aneuk droe cahya mata

Peugah aneuk bak suami Hai po ti panyot peulita Meunan neukheun dum barangri Lon jak u pasi bijeh mata

Lheueh neukheun nyan uleh putroe Ek sambinoe bandum rata

Putroe Bungsu neukheun meunoe Bak samalkoe Bangta muda Ampon tuanku meuribee katoe Deungo kamoe he sroepada

Ibu singoh geujak meuramien Beuna sajan po meukuta Bangta Ahmad teuma seuot Leumoh leumbot ngon suara

Han peue salah tuan putroe Bak kamoe ateueh jeumala Pajan jadeh hai sambinoe Singoh uroe po meukuta

'Oh neudeungo haba meunan Neujak yoh nyan u kuala Bangta Ahmad teubiet sidroe Matauroe ka rab asa

'Oh sare troh u teungoh leuen Neumeuinseuen bak Rabbana Ya Illahi wa ya Rabbi Po lon neubri ban lon pinta

Beureukat keuramat euncien malakat Lon beujroh that neubri rupa Sare lheueh neumeulakee Tuhan nyang mee peutroh pinta

Rupa jroh that hana bagoe Na dum uroe baro keulua Teuma neujak laju sidroe Ka troh sampoe u kuala

Laju neujak bak pawang pukat Beudoh rakyat tuha muda meuteumee troh dumna rakyat Pane beurangkat po meukuta

Ureueng teuka sidroe sane Jak eu pane aneuk raja Abeh meusapat bandum pawang Peurab keu nan bak Cut Bangta

Nyang pawang jeue ngon pawang blat Pawang pukat dum ka teuka Pawang angkoi deungon kawe Keu nan hampe bandum rata

Jak meuteumeung ngon samlakoe Dum sinaroe tuha muda Hana jituri Bangta Ahmad Le that rakyat keu nan teuka

Teuma pawang beuot jaroe Bak samlakoe Bangta muda Ampon pocut meuribee katoe Pane nanggroe po meukuta

Nyangka han torn teuka keu noe Bak suroe nyoe peue na sabda Bek tatanyong teungku pawang Lon daratan nanggroe gata

Jeuoh gampong bek tasudi Siteuntang bibi bineh mata Meunan neukheun le samlakoe Pawang jinoe lom meuhaba

Peue na hajat tunaku droe Nibak kamoe hamba saya Teuma seuot po samlakoe Deungo kamoe bandum gata

Raya hajat wahe rakan Eungkot teelan singoh beuna

Soe nyang na troh jak lakee bloe Bek tapeubloe he syeedara Meuseuki raja dalam nanggroe Bek tapeubloe saboh kadra

Insya Allah tuanku droe Bak kamoe ateueh jeumala Lheueh meututo sinja uroe Bangta neuwoe dalam kuta

'Oh troh Bangta u meuligoe Si nyak putroe tanyong sigra Pane neujak tuanku droe Gadoh sinoe po meukuta

Bek tatanyong putroe intan Saket badan lon han tara Saket ulee lon he putroe Kueh sidroe bak seunia

Meunankeu dum Bangta peugah Cut meutuah han le haba Teuma neuek u meuUgoe Samlakoe seumbahyang sigra

'Oh lheueh seumbahyang po samlakoe Beudoh Putroe Bungsu muda Neujak boh bu le cut putroe Keu samlakoe indah rupa

'Oh ase bu dalam idang Cut bintang meuhei le Bangta Teungku beudoh rijang keu noe Di gop bunoe deukgeu raya

Bangta deungo haba putroe Beudoh jinoe pantah sigra Putroe cok ie neusrah jaroe Po samlakoe Bangta muda

Di Ukot nyan beudoh Bungsu Jak beuradu sajan dua Teutap teungeut bandua droe Teumuda putroe lon calitra

Nakeu baro kukuk ayam Jaga yoh nyan teumuda Bangta Maseng-maseng kheun bak binoe Deungo kamoe putroe muda

Ulon jinoe jak u pasi He pocut ti yoh goh faja Adat taiU bungong keumee Mangat meuteuntee eungkot keu gata

Bu-bu tame keu deh singoh Mangat tapajoh u kuala Bek tapike lakoe Si Bungsu Bahle jidu teumon beulaga

Teuma jitren laju u leuen Jimeuhei yoh nyan dum syeedara Ka meuhimpon dum sinaroe Jijak jinoe u kuala

Geutanyoe bannam tajak laju Lakoe Si Bungsu hana jaga Mantong jidom teumon paleh Peurasat eh teungeut buta

Roh di Bungsu jitueng keu lakoe Mangat na soe seupet tika Han jiingat meusilapeh Peurasa eh aneuk beulaga

Saboh eungkot singoh bek tabri Bandum sare meunan kata

Pukat di laot teungoh geulaboh Keu nan ka troh nam droe raja Peurab lanja bak pawang pukat Jikheun leugat meunoe haba

Tadeungo lon teungku pawang Eungkot keu lon bandum gata Meunan jikheun le bangta nam Seuot pawang pantah sigra

Bek talakee hai teungku droe Eungkot uroe nyoe keu aneuk raja Teuma seuot bangta nyang nam Pane pawang laen raja

Nyoekeu kamoe wahe pawang Aneuk raja nam meulintee raja Keupeue tapeugah meudeh meunoe Nyang suroe nyoe han jeuet keu gata

Hana jibri uleh pawang Bangta nyang nam beudoh sigra Bandum bangta ka meusiseue Ladom bak jeue jipeuteuka

'Oh troh keu nan jilakee bloe Han jeuet adoe eungkot keu raja Ho nyang jijak han jitem bri Ulee iU bannam bangta

Sayang bangta ulee iU Ban saboh pasi meugisa-gisa Teuduek siat bangta nam droe Tuan putroe lon caUtra

Putroe nyang nam beudoh laju Jak bak ibu putroe tuha Keu deh bandum ka meusapat Heundak beurangkat u kuala

Abeh teuka inong agam Geumeupadan dalam kuta Dang preh troh Si Nyak Bungsu Mantong meucakri deungon Bangta

Bangta Ahmad peusaket droe Si nyak putroe that jimaba Putroe karat maba laju Bangta teungku saket keupala

Bangta neueh meukeulubong Hieh ie idong pura-pura Bungsu sangka nyo saket that Han jikarat le jimaba

Le that akai Bangta Ahmad Ka neupeungeut putroe muda Hnakeu ek le meutulak deungki Talo siti meunang Bangta

Teuma jitren si nyak putroe Tinggai samlakoe Bangta muda Jitiek aleh jroh meulinggang Putroe bintang jak ngon bunda

Bukon sayang bungong meulu Sret meutabu dalam tika Bukon sayang Si Nyak Bungsu Tinggai teungku dalam tika

Putroe jijak keu deh laju Soe nyang na eu ate suka Bukon sayang Putroe Bungsu Rupa hu ban panyot kaca

Soe nyang na eu hireuen mandang Cutda nam meuseurapa

Mirapati po meuhuet-huet Jisujud bak bubong para Baro leumah po gajah pap Ka lheueh junub waba puta

Dara paleh nyoe baro troh Akai biyoh bloh dara ceulaka Hana malee inong bajeueng Salang teumon jimeuseutia

Geutem bri lakoe po geubeue kameng Dawok meucukheng jula jaga Putroe Bungsu teuma seuot Ingat u likot wahe cutda

Ureueng tuha geukheun nyoeban Nyang ludah u manyang sret u muka Di lon cutda hana gundah Ka bak Allah dumnan kada

Ka peutumuen nibak Allah Pakri taubah wahe cutda Beukit tapreh dalam awan Teuma keu nan lom meugisa

Meunan jikheun putroe intan Seungap yoh nyan bannam cutda Teuma beudoh dum sinaroe Geujak jinoe u kuala

Dumna rakyat abeh ili Jak u pasi tuha muda Ladom jalo ladom sampan Ili yoh nyan bandum rata

Peurumoh geusyik uleebalang Bentara blang tuha muda Abeh bandum ureueng iU Troh u pasi agam dara

Ho ka lakoe hai nyak puteh Mantong jieh sipat tika Peue buet tajak tatueng malee Sibak teubee han ek tadaya

Peue buet jieh di meuUgoe Nyoe ho binoe u kuala Nyankeu ureueng hana adat Han jiingat gop upat ceula

Teuma seuot Putroe Bungsu Ka meuhambo ngon ie mata Keupeue takheun sabe-sabe Kheundak meupake saleh cutda

Ka han geujak bahle geueh Han lon pajoh eungkot gata Ngon ie mata na dum ujeuen Cut buleuen pike droe hina

'Oh jikalon po Bungsu moe Hana sapeue yoh nyan haba Teutap inong sinan piyoh Agam mehmoh jak meumita

Ladom rakan jak bak pukat Mita leugat eungkot raya 'Oh troh keu nan jilakee bloe Jikheun meunoe pantah sigra

Neubri teungku eungkot lon bloe Lon meung peuwoe u kuala Pawang seuot jikheun meunoe Han jeuet adoe eungkot keu raja

Ho nyang jijak meunan jipeugah Rakyat sosah hana tara

Ureueng nyang nam saleh ho leupah Geutanyoe preh-preh hu ngon mata Beuklam hai ma neukheun bak kamoe Neuyue preh sinoe di kuala

'Oh noe uroe goh lom leumah Saleh pukat toh neujak mita Saleh tan eungkot nibak pukat Nyankeu lambat trep neugisa

Meunan neukheun uleh ibu Putroe Meulu han le haba Lheueh nibak nyan teuma dudoe Ka troh jiwoe nam droe bangta

Putroe nyang nam tanyong meunoe Hana lagoe eungkot neuba Kamoe deuek that hana bagoe Meupreh-preh woe bandum gata

Beuklam takheun tajak u laot Toh me eungkot keu noe lanja Pakon trep that eungkot tapeuwoe Kamoe ceukoe aneuk mata

Meunan jikheun si nyak putroe Bangta nam droe malee raya 'Oh roh di keue rakyat meukatoe Bangta nam droe seuot sigra

Pakon pocut taceumarot Bak tan eungkot lon jak mita Jeuep-jeuep pukat lon lakee bloe Han jipeubloe eungkot keu raja

Ulee ili bannam kamoe Keu deh keu noe jak meumita Pat lon lakee meunan jikheun Hai nyak buleuen bek le gubra

Meunan peuneugah ureueng nam droe Seuot putroe aneuk raja Teuma seuot cutda sidroe Kadang suroe nyoe eungkot hata

Beuklam tatren seupot-seupot Saboh eungkot han ek tadaya Teuduek haba bangata nam droe Karangan meuwoe u istana

'Oh ban leupah Putroe Bungsu Neutren laju Bangta muda Bangta neudong di teungoh leuen Neumeuinseuen bak Rabbana

Ya Ilahi wa ya Rabbi Po lon neubri ban lon pinta Beureukat keuramat euncien malakat Beutroh hajat ban lon pinta

Bangta teupok paleuet jaroe Teubiet jinoe nam boh guda Deungon ureueng na Umong droe Hana bagoe indah rupa

Deungon peudeueng lam jisandang Hibat bangon han sabe sa Teudong di keue po samlakoe Beuot jaroe ateueh jeumala

Ampon tuanku meuribee katoe Keupeue kamoe neuseuranta Saleh peue buet nyang meusugang Toh siri prang tiwah Bangta

Teuma seuot po samlakoe Neukheun meunoe bak jen raya Nyang lon pangge gata adoe Tajak jinoe u kuala

Tuan putroe ka u pasi Jak taiU adoe raja

Ban jideungo haba meunan Beudoh yoh nyan bandum rata

Bangta giduek guda hijo Soe eu tahe ate suka Nama guda Geureudan Hijo Nyo siuko po areuta

Payong intan ateueh ulee Yum siriebe kulah kama Laen guda mirah hitam Di ateueh nyan aneuk raja

Bangta neujak pantah leugat Troh le siat u kuala Neutren laju ateueh kandran Deungon rakan dum laseuka

Sinan neuduek bungong tanjong Di yup aron meuseunia Leumah jieu le pawang pukat Teungoh leugat dumjih rata

'Oh troh keunan meumat jaroe Ngon samlakoe Bangta muda Lheueh mat jaroe pawang tanyong Cut bungong eungkot ho lon ba

Teuma seuot po samlakoe Peuteungoh keu noe bandum gata 'Oh jideungo haba meunan Pawang yoh nyan meuhei raga

Kame raga deungon dayong Kajak usong eungkot keu raja Ban jideungo haba pawang Sunggoh han ban dumjih rata

Jipeuteungoh yoh nyan pantah Ka jiruah di nap Bangta Bangta neukheun teuma meunoe Pileh adoe siat nyang raya

Lheueh jicarot uleh putroe Sabv, keudroe jimeuhaba Bandum geutanyoe nyansa payah Jitem marah aneuk beulaga

'Oh roh di keue rakyat meukatoe Bandum geutanyoe han jithee na Roh di tuan geutem iem droe Aneukgeu putroe meuseurapa

Meunan jikehun bangta nam droe Beudoh adoe jak u dehta Meutan meuteumeung eungkot uroe nyoe Bekle tawoe barangjan masa

Jijak lanja nap u Timu Troh teungku bak aron Bangta 'Oh ban leumah po samlakoe Raja nam droe peurab sigra

Meubri saleuem meumat jaroe Sideh sinoe sabe bangta Lheueh mat jaroe neujok bungkoh Ranup geupajoh sini sana

Teuma meututo Bangta Ahmad Neutanyong leugat bak teumuda Patbu gampong dalem teungku droe Han torn keu noe lon eu rupa

Teuma seuot bangta nam droe Deungo kamoe he adekda Meureudom Sing ajikheun meunoe Nyoekeu kamoe meuUntee raja

Lom teumanyong Bangta Ahmad Neukheun leugat bak teumuda

Padum droe aneuk di raja nyan Cuba kaman neucaUtra Jipeugah le teuma meunoe Deungo lon nyoe adoe raja

Nama Raja Ibnu Hasan Nyankeu tuan lon he Bangta Raja meuaneuk na tujoh droe Nyang nam putroe judo hamba

Aneuk tulet nan Si Bungsu Geubri judo teumon Nahuda Nyan peurumoh ka u pasi Suami mantong lam tika

Peue buet tajak dalam kawan Peng sigupang tan bak ija Tatueng malee inong carot Jidhot-dhot di keue rakyat bha

Bangta Ahmad ka teusinyom 'Oh neudeungo kheun teumuda Lom meututo raja nam droe Jikheun meunoe bak Cut Bangta

Tabri eungkot bacut lon bloe Lon meung peuwoe u kuala Jeuep-jeuep pukat lon lakee bloe Eungkot uroe nyoe dum keu raja

Nyankeu sabab nyang troh keu noe Gashe adoe bannam hamba Teuma seuot po samlakoe Deungo adoe dalem raja

Bek neulakee eungkot uroe nyoe Han jeuet peubloe saboh kadra Ka han ek tabri lon bloe Ban nyang adoe gaseh gata

Udeueng batee aneuk toktok Bek eungkot got keu teumuda Jicok situek ka jiboh le Seuon sare pantah sigra

Teumuda nam ka leupah woe Bangta jinoe ek cong guda Deungon eungkot dum sinaroe Neume jinoe u kuala

'Oh troh keu deh po samlakoe Neuhei Putroe Bungsu muda Wahe e nyak po sambinoe Tajak keu noe siat gata

Ban neudeungo haba meunan Jijak yoh nyan pantah sigra Ngon dendayang dum sinaroe Ireng putroe panyot donya

'Oh troh keu nan po sambinoe Neukheun meunoe le Cut Bangta Nyoe pat eungkot wahe adoe Meuri lakoe tan di gata

Teumuda kheun bak lon bunoe Di gata lakoe dalam tika Lheueh neukheun nyan po samlakoe Neuek jinoe ateueh guda

Neucok keukang mat u jaroe Guda ragoe neupoh lawa Siseun u Timu siseun u Barat Bangta Ahmad ate suka

Teutap sinan po samlakoe Si nyak putroe lon calitra

Putroe Bungsu jikheun meunoe Bak bunda droe putroe tuha Wahe po ma pakri laku Han tabri bu ureueng muda

Teuma seuot tuan putroe Hai aneuk droe ban nyang suka Ban Bungsu ngo haba meunan Hei dendayang pantah sigra

Wahe cutda deungo kamoe Jak tueng keu noe ureueng meuguda Siti Ubat Siti Sunoe Jijak jinoe ubak Bangta

'Oh troh keu deh bak po samlakoe Jikheun meunoe pantah sigra Wahe teungku deungo kamoe Hajat putroe u kuala

Bek lambat le tuanku droe Beujinoe beudeungon hamba Bangta deungo haba meunan Neuek yoh nyan ateueh guda

Neupoh lawa Geureudan Hijo Keu deh laju u kuala Neubeuot bu uleh putroe Po samlakoe makeuen lanja

'Oh lheueh bu seutek jaroe Beudoh jinoe Bangta muda Keu deh neuwoe ubak teumpat Deungon rakyat jen paria

Neucok dua eungkot tangiroe Laju neuwoe po jroh rupa 'Oh sare troh u teungoh leuen Bangta neukheun meunoe haba

Neutiek dua eungkot tangiroe Di seuramoe bak sulasa Laju neulop lam keuleumbu Neubeuradu Bangta muda

Teutap sinan po samlakoe Si nyak putroe lon caUtra Cok ujong on Putroe Bungsu Jipate bu keu Cut Bangta

Jiboh eungkot bacut sapeue Ka jitingkue putroe muda Deungon cutda hana tuto Jiwoe laju po jroh rupa

Laju jiek dalam sampan Dayong yoh nyan pantah sigra 'Oh sare troh woe u gampong Panyot tanglong ek bak tangga

Troh bak pinto putroe tulet Jieu eungkot bak seulasa Jiek laju bak meuUgoe Bak samlakoe Bangta muda

Si nyak putroe lop keuleumbu Jieu teungku hana jaga Bungsu ceupet teuntang teuot Ka teukeuiot Ahmad Bangta

'Oh ban neubleut ateueh putroe Jikheun meunoe pantah sigra Teungku beudoh dilee siat Na peue hajat lon han tara

'Oh ban neungieng si nyak putroe Samlakoe teukhem teurtawa

Neutanyong le po samlakoe Pakon putroe lon eu rugha Pakon tamoe cut puteh di Peue na pake ngon teumuda

Soe na carot bungong uroe Peugah bak kamoe Bungsu muda Teuma seuot si nyak putroe Jikheun meunoe bak judonya

Bek neutanyong tuanku droe Cutda nam droemeuseurapa 'Oh troh keu deh lon u pasi Geutanyong le po meukuta

Geutanyong bak ulon tuan Le cutda nam di kuala Ho ka lakoe hai nyak puteh Mantong jieh seupet tika

Peue buet tajak dalam kawan Peng sigupang tan bak ija Teuma seuot ulon tuan Ngon cutda nam lon meudawa

Bek hai cutda takheun sabe Sep ka bek le meuseurapa Ka han geujak bahle geueh Han lon pajoh eungkot gata

Teuma seungap si nyak putroe Beudoh samlakoe Bangta muda Bangta neuduek ateueh tilam Beuot idang pantah sigra 'Oh lheueh bu po samlakoe Si nyak putroe le beurkata Pane eungkot di seuramoe Teungku sidroe hana jaga

Hana geuseuot ulon iem droe Peunyum kamoe nyo teumuda Ban sare lheueh Bangta peugah Putroe indah han le haba

Teuma jitren u seuramoe Bak bunda droe jibeurkata Bungsu peugah awai akhe Ka teupike putroe tuha

Jipeungeut kah hai nyak putroe Kadang jih bunoe di kuala Lakoe Si Meulu pane tangiroe Bunoe jipeuwoe ciriek buta

Neuduek raja di seuramoe Ek cut putroe u istana 'Oh troh keu deh bak suami Lom jisudi putroe muda

Kon teumuda me eungkot nyoe Teungku sidroe laen hana Nam ureueng lon eu di pasi Nyang sidroe hi po meukuta

'Oh lheueh bu geu beudoh leugat Siklep siklap han meuho ka Nyankeu gadoh sideh bunoe Nyoe ho neuwoe u istana

Ka lon tukri teungku ampon Neupeungeut lon deungon po ma Homteu kaman wahe putroe Lon sidroe kubeudoh hana

Bunoe suboh lon eh sidroe Nyoe tapeugoe 'oh owe gata

Teutap Bangta deungon putroe Keu deh meuwoe lom bak raja Ka teupike raja nanggroe Bahle jinoe kubicara

Raja yoh nyan peusaket droe Ka lhee uroe bu-bu hana Neuhei aneuk ban tujoh droe Tajak keu noe bijeh mata

'Oh troh keu nan ubak deelat Duek meusapat ceupet Ungka Raja marit teuma meunoe Hai aneuk droe ngo ayahda

Peugah aneuk ubak lakoe Hawa kamoe keu sie rusa Rusa udep tayue peuwoe Lon sie keudroe he aneukda

Kadang mate lon siseun nyoe He aneuk droe nyankeu haba Teuma jiek cut putroe ti Bak suami jibeurkata

Teungku ayah saket sangat Hawaneu that keu sie rusa Rusa udep neuyue peuwoe 'Oh troh keu noe neusie lanja

Bangta Ahmad seuot pantah Insya Allah putroe muda Nyang ek peutroh cit meung Tuhan Nyang ensan hana kuasa

Lheueh meututo jula malam Neueh yoh nyan le bandua Kukuek manok saboh saboh Samlakoe jroh jak lam rimba

Neutiek euncien ateueh bumoe Teudong meuUgoe deungon kuta Di leuen meuUgoe saboh bale Jroh meudeune tuempat raja

Deungon kulam jroh meusigak Teumpat Si Nyak Bangta muda Bangta neubaca saboh hakeumat Abeh meusapat kawan rusa

Saboh rusa bulee ie meuh Jroh that peungeuh jiplueng cahya Soe nyang kalon hireuen teuceungong Tahe mantong hana haba

Teutap sinoe po samlakoe Teumuda putroe lon caUtra

Tamat jihe keu sa. Musambong bak jiled ke dua

BALAI PUSTAKA-JAKARTA