Baca PDF (OCR): Moestiko ʻadat ʻalam Minangkabau

CORNELL UNIVERSITY LIBRARY 3 1924 070 286 376 MOESTIKO 'ADAT 'ALAM MINANGKABAU OELIEH IBRAHIM gala RANGKAJO RADJO alias DATOEA' SANGGOENO DIRADJO PAUCRO. VITY

DIKELOEARKAN OLÉH BALAI POESTΑΚΑ 1920

DRUKKERIJ VOLKSLECTUUR WELTEVREDEN .

UNIVERSITY NELL LIBRARIES * MY

I.

Ampoen bariboe kali ampoen , ampoenlah sajo mangabakan ; ampoen di datoea' kasamonjo , ma'af di toeankoe radjo sajo , sagalo basa nan batoeah , sagalo oerang badjabatan , hino moelie misikin kajo, lipoei'lah itoe kasamonjo , sa-'Alam Minangkabaunjo , salareh Batang Bangkawēh , saēdaran goenoeang Marapi , salili' goenoeang Pasaman , sakoelilieng goenoeang samonjo , sahinggo pintoe rajo hilie, hinggo moearo Takoeang moedie ' , sampai karia' nan badaboea , sajo manjambah pado 'alam, sakali gawa bariboe kali sajo minta ' ampoen , karano datoea' banja' nan batocah, toeankoe banja ' nan kiramat , doebalang banja ' nan sati , pagawai banja ' nan tjaradie' , sajo bamoehoen maangke' sambah :

Ana' itie' atēh dalimo , anak alang dalam baloeka ; katjie' de' sajo tida' akan tapoedji namo , gadang tida ' akan tapoedji gala .

Toengke' galah Amat Diradjo, sitaba diatēh pakan ; ko' salah tobatlah sajo , ko' bana samo ' amakan .

Sajo 'ko djolong mamarang , antah sape ' antah banio, djangan sajo dianta '-anta'kan ; sajo 'ko djolong mangarang , antah dapē ' , antah moh tido, djangan sajo digala '-gala'kan . MOESTIKO 'ADAT ' ALAM MINANGKABAU. 1

Tiai si boengo atai , lah kambang boengo sitawa ; misiki tatjatjah djanggoei ' kalantai , tida ' manoesie nan tida' gawa .

Sadang bingkoedoe le bapawa , ko' koenoen tjoebada ' moedo ; sadang datoea ' laï gawa , koenoenlah sajo oerang moedo ' .

'aka singke' , pandapē ' koerang , pandangaran baloen barapo, paliatan baloen laï djaoeah .

Oerang Soenoea manggoelai raboeang ,

dimakan badarang siang ,

goelai nan tida ' djo kalapo ;

'oemoea baloen satahoen djagoeang ,

darah baloen satampoea ' pinang ,

pandapē' baloen barapo .

Akan digantang tigo gantang , tigo soekē ' akan disoekē' ; akan dirantang hanjo kan pandjang , ēlo' dipoenta ama ' njo singkē' .

Moelonjo soerē' ka dikarang , asanjo kadji ka disaboei ' , ado kapado soeatoe malam, hari nan tarang - tarang larēh , patang Kamih malam Djoema'at , dalam nagari Tandjoeang Sadjati , nagari tigo sasaieng, dioela' batoe babahoe, dimoedie' batoe tataga', ditangah soengai bamoentiko , itoelah ranah nagarinjo , nagari rami ta' mananggoeang, baratoeih roemah didalamnjo , bariboe banja ' isinjo.

Malam nan samalam nantoen, sadang rinai-rinai katjie' , kirokiro poekoea salapan, oerang soedah sambahjang ' isja, badjalan sagalo doebalang , sarato manti djan pagawai , mamoekoea tjanang laloe mamanggie , mahado ' kadalam koto, tio' likoe djalan ditoeroei ' , tio' kampoeang dimasoe'injo , tabalie injo disanan , dihimbaukan dangan tarati' : „Mano sagalo datoea'- datoea' , baie ' oerang nan patoei'-patoei' , sarato imam dangan kati ', bilapoen samo didalamnjo ! Ampoeni kami banja '-banja ' , kami nangko mandjoendjoeang titah , disoeroeah oerang gadang kito ; namon barisoea' hari siang , pagi -pagi kito bakoempoea , katangah balai gadang , tida ' djadi bakatinggalan , mano nan tingga dape ' salah, itoelah titah kami djawē ' , disoeroeah himbaukan pado kami , kapado sagalo ninie ' mama ' , sarato imam dangan kati ' , baie'poen oerang patoei'-patoei' , oetang di kami manjampaikan , ma'aloem di datoea ' kasamonjo . "

Soedah tasingko ' hari siang , hari 'toe hari Djoemaʻat , kirokiro poekoea salapan, sapangga mantari naie' , baboenji taboeah dibalai , maningkah taboeah digalanggang , mandjawab taboeah dimoedie' , mambaléh taboeah dihilie, sahoei'-manjahoei ' taboeah banjak , tatjangang oerang dalam kampoeang , tasimboea darah didado, poelanglah oerang dari doesoen , sabab mandanga boenji taboeah.

Ado sasa'at sakoetiko , kiro-kiro poekoea sambilan , alah datang sagalo ninie ' mama' , sarato imam dangan kati' , bilapoen samo saratonjo , baie'poen oerang patoei' -patoei' , sagalo oerang badjabatan , bahimpoen kabalai gadang, doedoea ' baratoea atëh balai , sirieh -manjirieh tampē' roko ' , tanjo batanjo samo kawan , apokoh garan panggielan 'ko.

Alah mandjawab soerang laï : „Djoko' itoe datoea ' tanjokan, koerang pareso pado hambo, ato hanjo akan saboeah , tipa' di diri hambo soerang, nan samalam-malam tadi , hambo mandanga oerang tabalie manjoeroeah rape ' kabalai 'ko, tida ' djadi bakatinggalan , itoelah boenji tabalienjo , nan hambo danga malam tadi . Tambahan pagi -pagi tadanga poelo boenji taboeah , 'alamat manjoeroeah tjape ' datang ; itoe sadjolah hambo nan tahoe, antahkoh ado kawan nan lain , nan lah ma'aloem tantang itoe ; tjoebolah poelo kito tanjokan , samantaro mananti-nanti kawan ! Djoko ' ado nan lah ma'aloem , apo boeah panggielan 'ko, boeliehlah kito mamikiekan , ko' apo -apo nan kan tibo , ama ' boeliēh kito paiokan ."

Dalam sabanta 'toe djoeo, alah dilēga sambah kiri, dilēnggo ' poelo sambah kanan , batanjo datoca' samo datoea ' , djoko ' ado nan lah ma'aloem, apo boeah panggielan itoe .

Ado sabanta antaronjo , soedahlah poelo tatanjoi , nan badake' nan barampieng , baie' kiri dangan kanan , sagalo datoea ' nan lah doedoea ' , soerangpoen tida ' nan laï tahoe, dalam oerang sabanja ' 'toe ; hanjo moepakat boeah panggielan , itoelah sadjo nan ma'aloem , oelieh sagalo nan rapē' 'toe .

Ado satarie ' sapatana' , kiro-kiro poekoea sapoeloeah , datanglah poelo panggatoeonjo , iolah Datoea' Kapalo , itoelah oerang nan mamanggie , marapē'kan isi nagari 'toe; sarato tibo injo , basalam dangan karapatan , sambie batanjo dangan doedoea ' manih , kapado sidang karapatan .

„Alah lamo garan datoea ' tibo , panē'lah datoea ' de' mananti , de' talambē' hambo sadiki ' , ado poelo oerang nan datang , mambao soere ' dari gadoeang , djoeroetoelihpoen lambē' tibo, bari ma'af hambo de' datoea ."

Laloe mandjawab Karapatan : „ Malah ba'itoe panitahan , sananglah itoe hati kami , djanjo kami kami nan lambe' , sabab hari lah aga' tinggi, taboeahlah baboenji djoeo, takoei' batjampoea djan roesoeah , alah tagoeloei' kami badjalan , kironjo datoea ' koedian poelo . Ko' hanjo tantangan 'toe , itoelah pakai nan biaso, nan tjapē ' tibo dahoeloe , nan lambē' tibo koedian , limbago oerang gadang-gadang, boekan saboeah karadjonjo , maʻaloem kami tantang itoe ."

Alah sabanta antaronjo , injo doedoea ' babintjang -bintjang, babih rokok sabatang soerang, banja'lah kētje ' nan tasaboei ' , basahoei'tan sambah-manjambah .

Sadang lama' patoetoearan, sadang manih panjambahan , kato bamoelo anjolaï , batanjo Datoe' Kapalo : „ Manolah datoea ' kasamonjo , ditangah tibo sambah hambo, alahkoh tjoekoei' iko kini , sagalo datoea ' kasamonjo , nan dalam nagari 'ko, adokoh djoeo nan baloen datang ? Sakian sambah pado datoea ."

Laloe mandjawab Karapatan : „Ampoenlah kami pado datoea ', djoko ' itoe nan panitahan , mananti datoea ' sakoetiko ama ' kami tanjo -batanjo , djoko ' ado kawan nan tingga , nan baloen datang kamari ."

Mambaleh Datoea' Kapalo : „ Insja Allah baie'lah itoe. "

Dalam sabanta itoe djoeo, alah diadjoen pamandangan , dilēnggo ' kiri djan kanan , batanjo datoea ' samo datoea ' , mananjokan kawan nan tingga , kalau ado nan baloen tibo ; alah sasa'at sakoetiko, soedahlah poelo tatanjoi , diparēso nan tida' datang , kapado oerang nan barampieng , nan badakē'-dakē' diam. Alah soedah tanjo -batanjo , sagalo datoea ' nan doedoea ' 'toe, sambah koembali anjolaï , io kapado Datoea' Kapalo :

„Ampoenlah kami pado datoea' , sapandjang pitoea datoea' tadi , alah soedah kami perēso , mano-mano kawan nan tingga . Nan sapandjang pandape' kami , alahlah rape' kasamonjo , ko' tingga lah djo moepakat, paï lah dangan paroendiengan , alah manoeroei ' nan tingga 'toe , kapado nan rapē' siko , ba'apo boeatan Karapatan , manompang injo tantang itoe. Kalau tibo di nan baré' , soekolah injo mandjoedjoeangnjo , kalau tibo di nan ringan , soekolah injo mandjindjiengnjo . Soenggoeahpoen tida' baliau siko, alah saboeah roendiengan 'toe , tida ' salisieh itoe laï , ba' itoe pasan pitoeanja , karano ado kaoesoearan. Soenggoeahpoen alah kato kami , ma'aloem poelang pado datoea '," ba' itoe djawab Karapatan .

Mambalēh Datoea' Kapalo : „Kalau lah soedah djo moepakat, tingga lah djan paroendiengan , paï lah dangan paioan , tida ' mangapo itoe datoea ' . Itoelah pakai nan biaso ; kalau tida ' boelieh ba' itoe, dimano karadjo akan langsoeang, pabilo kato akan salasai , kito hanjo badoeo batigo , balain -lain pakaradjaan , kaoesoearan tida ' batantoe, tida' badjangko bakoetiko , kalau masonjo akan tibo .

Tantangan datoea ' nan tingga 'toe , patoei' lah datoea ' mambaokan, sagalo nan rapē' siko , boekannjo 'toe kini sadjo , sadja ' dahoeloe ba'itoe djoeo, 'adat nan kito pakaikan , ko' sampi ' lapang -malapangi , nan bare' ringan -maringani , tando pangoeloe sahandiko , radjo nan sadaulat, ba'itoe djoeo salamonjo . Namoen banamo ikan pandjang , sakaré ' ikan pandjang djoeo, kalau saikoea ēlo' bana."

Maningkah poelo Karapatan : „ Sabananjo kato datoea ,."

Maoelang Datoea' Kapolo : „Kini saboeah anjolaï , mano , alah kan djadi hambo saboei ' datoea ' sado nan rape' , nan taraso de' hati hambo, nan takalang pado mato, ama ' didjawab poelo de' datoea'."

Mandjawab poelo Karapatan: „Kalau itoe nan panitahan , labieh soekonjo hati kami , manitah djoeo malah datoea ' , kami ma'aloem kasamonjo ."

Barauari Datoea' Kapalo , laloe manitah anjolaï . „Ampoenlah hambo pado datoea ' , sarato oerang patoei'-patoei' , nan saisi mēdan madjalih 'ko , hambo manjaboei ' nan taraso, ko' pandjang minta ' dikare ' , baroebah minta ' dibaie'i , ko' bana dibao laloe, ko' inda' samo diboeangkan, tida ' mandjadi pandjang panda' ."

Adolah pado maso kini , hambo lie' djo mato hambo, hambo danga djo talingo , oerang lah balomba-lomba tio ' nagari , masieng-masieng mantjari djalan kamadjoean , bapatēnggangkan ana ' boeah , baban nan bare' diparingan , djalan nan djaoeah dipadake' . Kalau laï akan sakato, mantjari djalan kabaie'an , boeliehlah poelo kito tjari, nan baiē' patoei' kito pakai , nan boeroea ' boelieh kito boeang , ama ' ēlo' nagari kito, sakian sambah pado datoea '."

Mandjawab poelo Karapatan: „Djoko ' itoe nan titah datoea ' , itoe nan kahanda ' hati kami , poetjoea' ditjinto oelam tibo ,manitah djoeo malah datoea ' , ba ' mano djalan nan kan elo ' , ama' boelieh kami paroendiengkan . "

Mambaleh Datoea' Kapalo : „Kalau lah soeko Karapatan , itoelah sanang hati hambo , boelieh poelo hambo saboei ' , nan taraso di hati hambo, asa kito laï kan saoedjoei' sapangana , mantjari djalan kalapangan , bapatēnggangkan ana' boeah . Saboeah laï pinta ' hambo, tantangan sambah-manjambah , kito lata'kanlah dahoeloe , roendieng banja ' nan ka disaboei' , kato banja' nan ka ditjari ; ēlo'lah singko ' daoen sadjo , ambie' boeahnjo nan katoedjoe ."

Mandjawab poelo Karapatan : „Djoko ' ba ' itoe kato datoea' , itoelah kato sabananja , ama ' bangē ' kato salasai ; tjoerai paраkanlah de' datoea ' , kapado kami nan rape 'ko, boelieh dikadji boeroea ' baie' , ama ' ditimbang de' nan rape' ! "

Maningkah Datoea' Kapalo : „ Malah ba'itoe kaboelatan , manarimo soeko malah hambo, kini ba'itoe anjolaï , maminta ' ma'af hambo pado datoea ' , sarato nan rape' kasamonjo .

Nan tampa' de' diri hambo soerang, ko' boeroea ' kito boeang , kalau laï ēlo' kito pakai , timbang de' datoea ' nan basamo.

Nan taraso de' hati hambo, tantangan sapandjang 'adat, nan kito toeroen kito naie'kan didalam nagari 'ko, hambo tilie' djo hati hambo, banjak nan patoei' kito oebah , nan tida ' ado paidahnjo, hanjo roegi samato-mato. Soenggoeah ba'itoe kato hambo , tjoebolah kito pakadjikan .

Soeatoe ' adat kamatian , nan biaso pado kito, banja ' bana moelaratnjo , ba' kato -kato oerang toeo : „Lah djatoeah dihimpi' djandjang , soedah basah kahoedjanan " . Tjoebolah datoea' timbang - timbang , djoko ' mati oerang soerang, ana'njo dibari gatang , dibari kain doeo heto soerang, kalau ana ' 'toe laki-laki ;

djoko' ana' 'toe parampoean , dibari tigo hēto soerang, sampai kaana'-ana ' soedaronjo , dangan ana ' kamanakannjo , sarato ana' dari tjoetjoenjo , nan sakaoem-kaoem 'toe , dibari balako kasamonjo. Kalau tida' injo barana ' , padoesinjo poelo nan digatang , malainkan nan tida ' boelieh digatang , sagalo aloearan ipa bisannjo , dari oerang nan mati 'toe , saparati ana' de' mama'njo , sarato ana'-ana' ninie'njo . Sagalo nan lah lapeh kaateh , boekankoh ba'itoe nan biaso, nan kito toeroen panaie ' kan, salaroei ' salamo iko ?"

Mandjawab poelo Karapatan : „Sabananjo kato datoea '."

Maoelang Datoea' Kapalo : „Hambo tilie' djan hati hambo, kalau toemboeah kamatian de ' oerang nan banja ' kari' , banja ' bana karoegiannjo ; kadang -kadang hambo lie' , sampai doeo tigo kajoe , ka oentoea ' gatang sadjo , dalam sakali kamatian .

Dimisakan poelo bali kain 'toe , dalam sakajoe tigo roepiah , kalau sampai tigo kajoe , boekankoh lah sambilan roepiah , bali kain kagatang sadjo , baloen laï kapan sidakahnjo , sarato nan lain-lain, de' oerang nan banja ' kari' 'toe .

Ana'-ana ' pantja ( ana '-ana' pisang ) nan kanai gatang 'toe , barapo poelo kasoesahannjo , karano paraloe poelo awa'njo , paï mandjalang tahalie bakonjo 'toe , mambao katidieng poelo saboeah , nan barisi padi atau barēh , sarato nasi lama' , ataupoen nasi koenieng . Kalau dikiro dipikiekan , soerang-soerang ana' pantja , ado poelo karoegiannjo , ko' ta' kan labieh , saroepiah , nan akan pambaléh gatang tadi ; paidahnjo tida ' satoe apo , nan tampa' de' diri hambo soerang.

Kini ko' laï kito kan samoepakat, kito hantikanlah ' adat 'toe , oesah laï kito gatang -manggatang djoeo, ka ana'-ana' pantja kito, kalau toemboeah kito kamatian , sabab lah njato sadjo karoegiannjo , kapado nan batimba balie' , iolah ana' djan bakonjo .

Saboeah laï nan taraso : ēlo'lah kito hantikan poelo , tantangan 'adat saho-manjoho ' , dioekatoe kamatian ; tjoebolah datoea ' pikie -pikie !

Kalau toemboeah kito kamatian , barapo kasoesahnjo sagalo andan pasoemandan , manjalang kain kiri kanan , ka djadi kain panjaho ' 1 ) , saparati kain balapa ' , atau kain salēndang gadang, atau kain adjoeang sarē' , kain panda' kain pandjang goendjai , badjoe soeto galang bahēram , sarato dēta bapalangai , kainkain boeatan lamo, nan soesah bana dapē ' kini ? Sagalo kain saho ' 'toe , tida'lah ado paidahnjo , hanjo tahampai -hampai sadjo , mandjalang oerang soedah tahalie , baroe didjapoei ' poelo babalie' . Apokoh itoe ka goenonjo ? Pado pikiran hati hambo , tida ' lain tida ' boekan , hanjo baboeē ' bodoh sadjo , baparagokan kain awa' , karoemah oerang kamatian . Djoko ' toemboeah malang taraieh , hilang kain 'toe aga ' sahalai , atau galang 'toe aga' salaoea , boekan manjoesah kito djoeo, mamaboea ' ninie ' djo mama' , atau batoeka mambarikan , kapado pasoemandan lain, nan boekan poenjo kain 'toe ? Barapo poelo kasoesahannjo , oerang nan kamatian tadi , mantjari kian koemari , karoemah oerang nan manjaho ' , bapatoekakan kain 'toe, ko' djo siapo-siapo batoekanjo , atau talampo ' de ' mambao , dari nan soerang ka nan soerang ? Nan mati baloen laï tantoe, ikolah diroesoeahkan poelo .

Sabab itoe pikieran hambo, ēlo' poelo kito hantikan , 'adat saho '-manjaho ' 'toe , dioekatoe kito kamatian , labieh baie' kito toekari , dangan 'adat mambao bareh . Kalau toemboeah oerang kamatian , dalam nagari kito iko, barang siapo padoesi nan kapaï mandjangoea ' , kalau injo bapasoemandan kari' , mambao bareh injo sagantang , kalau bapasoemandan nan aga' djara' sakētē ' , mambao barēh injo tangah soekē ' ; kalau oerang nan lain sadjo , nan tida ' bapasoemandan kakioen , mambao barēh sadjo injo satjoepa'. Itoe ado paidahnjo , kapado oerang nan kamatian , nan taraso di hati hambo.

Nan katigo , pado pikieran hati hambo, patoei' poelo kito oebahi, tantangan 'adat marapoelai ; tjoebolah datoea ' timbang poelo ! Kalau soerang laki-laki , nan handa' babini baroe , paraloe awa'njo mambali -bali, pado hari pakan nan paratamo poelang karoemahnjo 'toe , iolah bali nan sapandjang 'adat.

Kadang -kadang habih poelo oeang oeliehnjo , sampai sapoeloeah doeo poeloeah , dalam hari nan sapakan 'toe, sabab pambali -bali barang balai , iolah laoea ' djo paoea'njo , sarato barang nan lain-lain. Inda' ka oentoea ' padoesinjo sadjo, malainkan nan banja ' mahabihkan , iolah de' pambali -balikan kari' djo bai'njo , sarato korong dangan kampoeang, laloe kapado ana' pantjanjo ; bali nan bakētē'-kētē' , itoelah nan banja ' bana mahabihkan .

Tibo diroemah padoesinjo 'toe , apo -apo bali lakinjo tadi , tida' ka oentoea'njo sadjo , malainkan paraloe poelo diagiehagiehnjo , kapado dansana' soedaronjo , sarato kari'njo dalam kampoeang, nan badakē' nan barampieng . Kadang -kadang tida ' barapo , bali 'toe nan tingga dinjo laï , satangah ado poelo nan sampai tatoekoea ' , soepajo ama ' boelieh saritjieh soerang, labieh-labieh sana ' soedaronjo , nan badjarieh de' injo kawin.

Kalau dipikie -pikie bana, 'adat nan saroepo itoe, alah njato bana mambarē'i , kapado kadoeo bala piha ' , iolah laki djo bininjo ; kadang -kadang toemboeah poelo oepe' djo poedji , karano tidak bakasampaian , oentoea ' kari' djo kabiehnjo , mano nan patoei ' -patoei ' boelieh.

Kini labieh baie' kito hantikan poelo ' adat 'toe , oesah laï kito bali-mambalikan kari ' bai' djoeo, apabilo kito baroe kawin, soepajo ringan baban kito , malainkan kalau siapo-siapo kito pangoeloe -pangoeloe , atau oerang nan ampē' djinih nan babini baroe, vakan nan paratamo kito mambari balandjo sadjo aga ' tigo , ampē ' roepiah kabawah , kapado parampoean kito 'toe ; dan pado pakan nan kadoeo , kito mambari balandjo hinggo saringgi ' kabawah , soedah itoe ba'apo-ba'apo pikieran awa ' sadjo laï , misiki ka dibari atau tida ' . Kalau oerang nan patoei'- patoei ' , ana ' bangsawan nan babini baroe, pakan nan paratamo mambari balandjo sadjo injo saringgi ' , pakan nan kadoeo tangah doeo roepiah ; dan kalau oerang itoe bangso oerang kabanja'an sadjo, pakan nan paratamo mambari balandjo injo doeo roepiah , pakan nan kadoeo aga ' satoe roepiah .

Dē ' nan padoesi poelo , oesah laï awa'njo maagieh-agieh bali 'toe djoeo kiri kanan , kapado dansana' soedaronjo , malainkan apo -apo nan dibalinjo djo pitih 'toe, bialah ama ' oentoea'njo sadjo , dan apo -apo nan ka dibali djo pitih 'toe , oesah laï kito tantoei poelo , atau de' dansana' soedaro kito nan padoesi , hanjo dansana'-dansana ' kito , sakadar paï maantakan pitih 'toe sadjolah kakioen , tando awa' baroemah baroe.

Ba' itoelah nan taraso de' hati hambo, ko' sakētē' bana pitih habih , adolah paidahnjo pitih paï , laï bapaidah 'toe rasanjo , itoelah nan taraso de' hati hambo. Tjoebolah datoea ' paiokan , kalau laï ēlo' kito pakai , ko ' tida ' samo kito boeang ."

,,Alah sampai roendieng Datoea' Kapalo ," maningkah Karapatan .

,,Ampoenlah kami pado datoea' , djoko ' itoe nan titah datoea ' , itoelah kato sabananjo , de' kami labieh katoedjoe . Soenggoeahpoen itoe kato bana, manoenggoe datoea ' sakoetiko , ama'- lah kami paroendiengkan ," sambahnjo Datoea' Padoeko Garang .

Mambaleh Datoea' Kapalo : „ Mano Datoea' Padoeko Garang , itoe nan kahanda ' hati hambo, soepajo datoea ' ama ' baïo, ama' samo manganoedjoekan , kalau laï ēlo ' nan ba' itoe, ko' tida' boelieh kito boeang ; ato hanjo nan pinta ' hambo, soegiro malah datoea' baroendieng , ama ' tantoe masa' matahnjo ."

Dalam sabanta itoe djoeo , manjambah Datoea ' Padoeko Garang, kapado datoea ' nan rape' itoe, disambah kiri dangan kanan : „Ampoenlah sajo pado datoea ' , sado nan rape' kasamonjo , hambo 'ko basitjapē ' sadjo, itoelah boenji kito danga , nan panitahan Datoea' Kapalo , kapado kito kasamonjo . Ba' apo itoe de' kito, tantangan 'adat nan tigo 'toe , nan disaboei ' Datoea ' Kapalo, alah njato bana moelaratnjo , kapado kito nan basamo, tida ' ado manantang labo, hanjo roegi samato-mato ? Tipa' dibadan hambo soerang, soekolah hambo mamboeangkan , katigonjo 'adat nantoen, manoeroei' paham Datoea' Kapalo . Kini ba' apo poelo datoea ' nan lain, laïkoh kito akan sakato , manoeroei' paham baliau 'toe ? "

Laloe mandjawab nan lainnjo, sampai barampē' djo balimo , hampie sakato kasamonjo , manoeroei' Datoea' Padoeko Garang , mambanakan kato Datoea' Kapalo .

Dalam datoea ' sabanja ' 'toe , adolah poelo datoea ' soerang , bagala Datoea' Toemanggoeang, injo nan tida' manjahoei'i , , hanjo injo bamanoeang sadjo , sapatah baie' boeroea ' baie' ēlo ' tida ' injo baboenji , sapantoen oerang hilang 'akal .

Manitah Datoea' Kapalo , kapado Datoea' Toemanggoeang : „Dē' Datoea' ba ' apo itoe , apokoh poelo nan taraso , mangko tida ' datoea ' mandjawab , saroepo oerang tida ' ka sato ? ”

Mandanga titah nan ba' itoe, mandjawab Datoea' Toemanggoeang : „Ampoenlah hambo pado datoea ' , sarato nan rape ' kasamonjo , tantangan pitoea datoea ' nantoen, itoelah kato sabananjo , labieh katoedjoe 'toe de' hambo, sabab nan bare 'alah kan ringan , nan sampi ' alah kan lapang ; alangkoh ēlo' nan ba' itoe , awa' ka roegi djadi ' tida ' ? Tatapi sakētē' nan taraso , tipa ' de' diri hambo soerang, mangko hambo doedoea ' tamanoeang , nan sakarang kini nangko , soenggoeahpoen lama' baloen tamakan , ko' pahi ' baloen taloeahkan , apo sababnjo damikian, karano itoe 'adat lamo, 'adat lah toeroen toemoeroen , sadja ' dari ninie ' moejang kito , djawē '-badjawē ' sampai kini . Kalau itoe kan kito oebah , maminta ' pikie hambo dahoeloe , aga' sahari doeo iko, ama ' dapē ' pikieran baie ' , antah ado poelo moelaratnjo . Dimano kito boelieh tahoe , sabab baloen ditimbang bana , apo moelarat moepaʻatnjo , 'adat nan kan diboeang 'toe ? "

Mandjawab Datoea' Kapalo : „Apo goeno datoea ' pikie lamo ? Ko' handa' pikie , pikielah kini , oesah dibao lamo-lamo, ama' lakeh kato salasai , djangan mahambē'-hambē' poelo . "

Maningkah Datoea' Toemanggoeang : „ Didatoea' djoeo sambah hambo, mangko hambo handa' bapikie , aga' sahari doeo iko, ama ' basanang hambo dahoeloe, mantjari pikieran baie' . Ko' ado moelarat moepaʻatnjo , djangan kito talandjoea sadjo , mamboeang 'adat itoe, karano itoe 'adat lamo, kito akan mamboeangkannjo ; kalau ado nanti moelaratnjo , pajahlah kito mamoelangkan . Kalau 'adat 'toe kan diboeang, ko' pandjang akan dikare' , ko' singkē ' akan dihoeboeang, maminta ' djoeo hambo dahoeloe , kapado datoea ' nan basamo, sabab baloen taraso bana dihati hambo, kamano ta'aloea'njo ' adat itoe, apo goenonjo itoe dahoeloe , mangko diboeē ' oerang toeo , 'adat nan saroepo itoe ? "

Maoelang Datoea' Kapalo : „ Manolah Datoea' Toemanggoeang , paham apa paham datoea ' ? Oesah datoea ' mantjari bēla, tantangan djalan nan loeroeih 'ko, nan sapandjang ingatan datoea ' , tida'koh itoe maroegikan , boekankoh itoe mambarati kapado isi nagari 'ko, 'adat nan hambo saboei ' itoe ? "

Mambaleh Datoea' Toemanggoeang : „Ko' itoe soenggoeahlah bana , tatapi hambo maminta ' pikie , ama' dapē ' pikieran haloeih , ko' ado moelarat moepaʻatnjo . Kalau itoe kito boeang, antah moelarat kamoedian , sabab pahamnjo baloen dapē' , baloen taraso itoe de' hambo ; oesah kito bagoeloei' sadjo , ko' kanai kito de' biso kawi, soempah satie nan toeo -toeo , nan mamboee ' 'adat itoe."

Mandjawab Datoea' Kapalo , bakato sambie mambērang : ,,Roendieng apo roendieng datoea ' , mangatokan bare' datoea' pandai , manjaboei ' moelaratnjo datoea ' tida' tahoe ; kalau lah barē' moelarat 'toe, itoe nan akan kito toela' , dapē ' djalan nan ēlo' , boelieh batēnggang nan misikin , de' nan kajo tida' mangapo, oesah disitoe taga' datoea ' ! Pikiekan kami nan misikin , baban ama' samo tabao ; tantangan oerang dahoeloe , djaoeah bana bēsonjo djo kini , oerang dahoeloe banja ' nan bodoh . Kalau injo mamboeē ' 'adat, ataupoen barang sabagainjo, tida'lah ditimbangnjo , nan ka moelarat ka nan banja " , hanjo nan elo' de' injo sadjo , sabab oerang tida ' sikola , tida ' tjoekoei ' panggoeroeannjo ; oesahlah itoe dipagantoeangi bana ! "

Mandanga kato nan ba' itoe, diamlah Datoea' Toemanggoeang, tida' injo baboeni laï, sabab tida ' ado kawannjo , hanjo sagalo datoea ' nan rapē' 'toe , taga' ka-Datoea' Kapalo , manoengkē' Datoea' Padoeko Garang ; sabab karano damikian , djadi manoeroei ' sadjo laï , sabab oerang lah sakato. Soenggoeahpoen injo lah manoeroei ' , tapi tida' sasoenggoeahnjo, sabab ta' sanang dihatinjo , moepakat nan saroepo 'toe; tapi apo boelieh boee' , sabab awa' lah taga' soerang, djadi manoeroei ' sadjo laï .

Alah sasa'at sakoetiko , oerang baroendieng atēh balai , mangadji ēlo' dangan boeroea' , mambodohkan oerang dahoeloe , mamboeē ' ' adat nan tigo 'toe , tida' manimbang ana' tjoetjoe , nan elo' sadjo nan dikana , tida ' dikadji moelaratnjo ; itoelah oepē' nan rapē' 'toe, kapado oerang nan dahoeloe , nan mamboeē ' 'adat itoe, sabab karano dari itoe, gala' lah bajoeah -bajoeah , gami '-manggami ' samo kawan , djatoeah koetjēka ' soerangsoerang , sabab kadji alah taraso.

Dalam sabanta itoe djoeo, laloe sakato anjolaï , sagalo datoea' nan rape' 'toe, mamboeang 'adat nan tigo tadi , tida ' akan dipakai laï, nan sahinggo iko kaatēh, sabab banja ' bana moelaratnjo , laloe kapado ana' tjoetjoe ; hanjolah Datoea' Toemanggoeang , nan doedoea ' tamanoeang djoeo, bagai ditoemboea' aloe loentjoeang , pantoen dipanta ' kali'-kali' . Dalam sabanta itoe djoeo, katopoen poetoeih anjolaï, oelieh sagalo karapata , dikarang djandji maso itoe :

satoe , tida' akan gatang -manggatang laï , kapado ana'-ana' pantja , kalau toemboeah dikamatian .

Kadoeo , tida' nan bakari ' nan bakabieh , sarato andan pasoemandan, akan saho'-manjaho ' laï, dangan barang kain -kain, atau dangan gatang tjintjin, tibo oekatoe kamatian , sabagaimano 'adat lamo . Kalau toemboeh kamatian , diroemah kari ' djo kabiehnjo , atau diroemah pasoemandannjo , barang siapo padoesi nan kan paï mandjangoea ' kakioen , mambao barēh sadjo toe mah laï ; kalau injo bapasoemandan kari' , mambao bareh injo sagantang , kalau nan tida ' hampie bana kari'njo itoe, mambao bareh injo tangah soeke ' , kalau nan oerang loearan sadjo , mambao barēh injo satjoepa ' .

Nan katigo , barang siapo laki-laki , nan mandjadi marapoelai , tida' akan bali -mambalikan kari' djo baï'njo , dan ana'-ana' pantjanjo laï, nan sahinggo iko kaatēh , malainkan kalau oerang nan djadi marapoelai 'toe , pangoeloe atau nan masoea ' bahagian oerang nan ampe' djinih , mambari balandjo sadjo injo tigo roepiah, pado oekatoe hari pakan nan paratamo , injo poelang karoemahnjo 'toe, dan pado pakan nan kadoeo , mambari balandjo sadjo injo saringgi' . Kalau marapoelai 'toe oerang patoei '-patoei ' , tanamo ana' bangsawan , pakan nan paratamo poelang karoemahnjo , mambari balandjo sadjo injo saringgi ' , pakan nan kadoeo tangah doeo roepiah . Kalau bangso oerang kabanja'an sadjo, nan djadi marapoelai 'toe , mambari balandjo injo doeo roepiah , pakan nan kadoeo satoe roepiah . Dan nan parampoean , misiki parampoean siapopoen djoeo, tida ' boelieh lagi awa'njo , maagieh-agieh pambali , sapandjang 'adat nan biaso , dalam nan doeo pakan 'toe , akan djadi tando bali lakinjo, malainkan kalau apo -apo nan dibalinjo , dalam pakan nan doeo 'toe, iolah oentoea ' awanjo sadjo laï .

Siapo -siapo oerang laki -laki , atau parampoean nan dalam nagari 'ko, nan malangga paboeatan 'ko, awa'njo akan disalahkan sapandjang 'adat, dago dagi namo salahnjo , iolah disalahkan mandago kapado pangoeloe , sabab tida ' manoeroei' moepakat pangoeloe -pangoeloe , tantangan djalan kabaie'an pado nagari . Barang siapo nan malangga 'toe , tida ' amoeah mamakai hoekoeman salah dago -dagi 'toe , awa'njo dikaloeakan sapandjang 'adat nagari , ko' saki ' tida ' disilau , ko ' mati tida ' didjangoea ' , dan tida' dibao saa'ra ' sairing saalē ' sadjamoe, dan salarangan sapantangan laï ; kalau apo-apo panggielannjo , tida ' akan ditamoei , kalau injo baloen mambaie kasalahan , sapandjang 'adat nan dihoekoemkan , oelieh pangoeloe -pangoeloe, sabab malangga moepakat 'toe . Damikianlah kasoedahan boenji moepakat 'toe , nan sakali -kali tida ' akan oebah -maoebahi salamolamonjo , toeroen-toemoeroen sampai kapado ana' tjoetjoe nan kamoedian .

II.

Kaba baralieh anjolaï , soenggoeah baralieh sanan djoeo . Adapoen didalam nagari 'toe , adolah poelo datoea soerang, bagala Datoea' Radjo Pangoeloe, oerang tjadie ' tjando kio, lagi djohari bidja'sano , manih moeloei ' bakato -kato , dimaloei oerang nan banja ' , loeboea ' 'akal laoei'tan boedi , tahoe di karang nan malintang , tahoe di angin nan basaloea' , pandai dihērēng dangan gēndēng , tahoe di akie pakadjoan , tahoe dibajang kato sampai , manih moeloei ' katoedjoe baso, pandai menenggang hati oerang, loeroeih nan boekan alang -alang, bana ta' boelieh angin laloe , salah sadiki' de' lah toeo , badannjo tida ' koee ' laï , akan badjalan sano sini, atau mandjalang karapatan , dimano oerang bamoepakat, nan didalam nagari 'toe .

Djoko ' ado karadjo boeroea ' , ataupoen karadjo baie' , apoapo diboeē ' oerang, didalam nagari 'toe, baliau lah mamoelangkan sadjo, kapado kamanakan kandoeang baliau , banamo Soetan Kabilangan , bagala Bagindo Kajo , itoelah nan djadi wakie baliau , mandjalankan sapandjang 'adat, misiki barē atau ringan, poelang kapado Bagindo Kajo , salamo datoea ' 'toe soedah toeo , sabab tida ' koeaso laï , hanjolah tingga disoerau sadja , mangadji -ngadji nan ka oentoea ' badan diri, ka baka dibao poelang .

Namoen samaso le moedonjo, tantangan Datoea' Radjo Pangoeloe , baliau mandjadi atjang -atjang , djadi wakie de' oerang banja ' , oelēh moeloei ' samboeangan lidah , dimano -mano karapatan , baliau djadi kapalo sambah , ikoei'tan sagalo datoea'- datoea ' . Namoen dimano karadjo basa, nan toemboeah dalam nagari 'toe , kalau baliau tida' ado , banja'lah sambah nan tatoemboea ' , banja'lah kato tabangkalai , ba' itoelah banja ' kadjadian ; salamo baliau soedah toeo , tida' basoeo itoe laï.

Tasaboei' poelo kato nan tadi . Adapoen didalam nagari 'toe, oeranglah soedah bamoepakat, mantjari djalan karinganan , mampatēnggangkan ana' boeah , soepajo baban boelieh ringan , ama' badiri kamadjoean , dioebah ' adat nagari .

Pado maso koetiko itoe, adolah Bagindo Kajo , paï poelo injo kasanan, iolah kadalam balai gadang , mahalieri moepakat 'toe, ganti Datoea ' Radja Pangoeloe , djadi wakie moetala'nja . Alah soedah oerang moepakat, poelanglah oerang kasamonjo , katampē'njo masieng -masieng . Tasaboei ' Baginda Kajo , babalie'njo dari sanan, païlah injo kamama'njo , ka-Datoea' Radjo Pangoeloe , disoerau Batoe nan Gadang . Lamo sabanta injo didjalan , sampailah injo kasoerau 'toe ; alah laloe naie' sakali , didapati diatēh soerau , tida'lah ado oerang lain, hanjo datoea ' 'toe soerang sadjo.

Alah sabanta injo tibo , bakato Bagindo Kajo , mangadap pado mama'njo , laloe bakaba anjolaï , mangabakan moepakat tadi , laloe disaboei' samonjo , dari awa sampai kaakie , apo boeah moepakat 'toe , satoepoen tida ' katinggalan , baie' hoekoeman nan diboeē ' , kalau ado oerang malangga , nan sapandjang moepakat 'toe . Mandanga tjoerito Bagindo Kajo , tantangan moepakat 'toe , tamanoeanglah Datoea' Radjo Pangoeloe, injo manjahoei ' , malainkan baliau manakoea sadjo , sapatah tida' sambie manggēlēng-gēlēng katjie' , 'alamat ado nan baliau pikiekan .

Alah salasai Bagindo Kajo , mantjoeritokan boeah moepakat 'toe , batanjolah injo kapado mama'njo , iolah Datoea ' Radjo Pangoeloe :

, nan sapandjang moepakat „Ba' apokoh itoe pikieran datoea ' kami , laïkoh ēlo' nan ba' itoe , atau adokoh itoe salahnjo ? Ko ' , ko' baroebah datoea ' baie'i , ba' pandjang ama ' datoea ' karē ' ato datoea ' ano '-ano ' sadjo ."

Mandanga tanjo Bagindo Kajo , mandjawab Datoea ' Radjo ,,Hai Pangoeloe, sambie mangaloeah maharang pandjang : boejoeang , ko' hanjo tantang boeatan oerang 'toe , ko ' pandjang tida ' akan takarē ' , singkē' tida' akan tahoeboeang 'toe de' hambo, karano roendieng alah habih , kato alah soedah .

Ba' ato kini pitaroeah hambo kapado ang, nan sahinggo iko kaatēh himat -himatlah babitjaro , sabab ang alah gadang, lah tjadie' pandai poelo djanjo oerang, alah dibao oerang sahilie samoedie ' sadoedoea ' sataga' , alah ka toeo poelo ba' roepo hambo 'ko laï, ko' mati awa' hambo , awa'anglah nan kan manggantikan hambo djadi pangoeloe .

Ko' samapi ang djadi pangoeloe , kalau apo -apo nan ka diboeē' , pikieri banalah dahoeloe , timbang moelarat djo moepa- 'at, apo -apo roendiengan oesahlah sahimbau sampai , salangkah tibo sadjo ; bago ko'ēlo' bana tampa' de' mato , atau taraso de' hati , tapi antah ado poelo boeroea'njo , karano tio'-tio' nan ēlo' 'toe, ado poelo nan boeroea ' didalamnjo , dan tio'-tio' nan boeroea ' 'toe, oesah poelo diboeang sadjo ; kadang -kadang banja ' djoeo ēlo'njo . Kabanja'an poelo nan ba' itoe, sabab kato-kato pangoeloe 'toe , satitie ' ka djadi laoei' , sakapa ka djadi goenoeang , ka dipakai de' oerang banja ' , ka didjawē , toeroentoemoeroen , de' ana tjoetjoe nan koedian .

Pikielah itoe de' ang hai , oerang djadi pangoeloe 'toe, ninie' mama ' de' nan banja ' , paï ka kakēh batanjo , poelang ka tampē' babarito , ka mamaliharokan ana ' boeahnjo, akan goebalo patang djan pagi ; boekan goebalo kabau djawi , hanjo goebalo oerang banja ' , talinjo 'adat djan limbago , akan memaliharo kampoeang halaman, akan memaliharo harato bando, akan manimbang boeroea ' djo baie' , mangatahoei moelarat djo moepa'at, nan tapantjie awa' nan ka mampakampoeangkan , nan badarai awa' nan ka manjoesoen, baie' lahie ataupoen batin , samonjo itoe tanggoeangan pangoeloe balako .

Ko' salah boeatan awa' , binaso ana ' kamanakan , binaso korong djo kampoeang, malimpah kadalam soekoe , moelarat masoea ' nagari , namo boeroea ' disaboei' oerang, ana' kamanakan boelieh maloe salamonjo . Alangkoh soesah itoe boejoeang , oerang nan djadi pangoeloe 'toe ?

Kalau toemboeah dikarapatan , tibo diroendieng nan basamo , tatangan 'adat djo limbago , nan dibao kato baïo, oesah dirabo -rabo sadjo , ko' lama' djangan dimakan sadjo , ko' pahi ' nambē ' diloeahkan , malainkan djoko ' apo -apo bitjaro, nan baloen tantoe bana ēlo ' boeroea'njo , bao bapikie sakoetiko, ko' boelieh sahari doeo , timbang , moelarat djo moepaʻat , kadji dahoeloe awa akie, kamano taʻaloea ' kato 'toe , tantoekan bana itoe dahoeloe , kalau boeroea ' akan diboeang, djoko ' ēlo ' nan ka dipakai , sabab pitoea oerang toeo : Adapoen kato ado pangkanjo , djoko ' angin ado poehoennjo, kalau hoedjan ado asanjo .

Pikieri itoe dahoeloe , pikie itoe palito hati, tanang itoe saroego 'aka, pandape' inda' sakali tibo , pangana tida' sakali datang , kana dahoeloe djalan soeroei ' , mangko ka laloe kahadapan, ba' itoe karadjo mangko salamat.

Apo -apo pakaradjaan , tida' djadi diboeroe sadjo , labieh baie' dangan basanang , ama' dape' djalan nan haloeih , boekannjo sanang diam sadjo , hanjo sanang didalam mamikieri ; djoko' dibao sanang diam , itoe 'alamat ka tjilako ; apo karadjo ta' mandjadi , kalau dibao lalai lēngah, malainkan karadjo nan mandjadi , tida'lah boelieh diloepokan , hanjo diboeroe nan ta' boelieh, mandjalang dape' nan salasai . Kalau lah tantoe elo' boeroea'njo , patoei ' itoe disoegirokan , ama ' lakeh karadjo djadi ; mangko ba' itoe kato hambo, hambo 'ko oerang lah toeo , alah marasai sadja ' katjie' , alah banja ' roepo hambo lie ."

Mandanga kato mama'njo 'toe , tatjanganglah Bagindo Kajo , heran nan boekan alang -alang , sapatah tida ' pandai baboeni, bagai ditoemboea ' patoeih toengga, pantoen dihanta ' aloe loentjoeang , alah koesoei' raso pikierannjo, sambie bapikie dalam hati : „Ba ' apo iko garan salahnjo , mako ba' itoe djawab datoea' , saroepo oerang tida ' soeko , mandanga moepakat oerang 'toe ? Nan salaroei ' salamo iko , tida'lah panah nan ba' itoe, kalau apo -apo dikabakan , baie' boeroea ' atau ēlo' , apo -apo moepakat oerang, baliau labieh menjoekokan , ko' pandjang , ko' singkē' baliau hoeboeang , tida'lah ado nan baliau karē ' ba' iko, hanjo nan sakali iko , asieng bana djawab baliau , saroepo tida ' manjoekokan . Apokoh garan salah sili'njo , nan taraso de' baliau , mangko ba' itoe kato baliau ?

Nan pandapē' hati awa' , tantangan moepakat 'toe, itoelah roendieng ēlo ' bana, nan sampi' mandjadi lapang , nan bare' mandjadi ringan , malapangi ka oerang banja ' ; dē' baliau tida ' katoedjoe , itoe nan heran hati awa'. "

Alah sabanta injo bamanoeang, mamikiekan kato nantoen, bakato Bagindo Kajo : „Sapandjang pangadjaran datoea ' nantoen, itoelah bana samonjo , alah paham itoe de' hambo, ato hanjo saboeah , nan sakarang kini nangko , maminta ' hambo pado datoea ' , batanjo tantangan moepakat kami 'toe : ba' apo salah sili'njo , apokoh itoe moelaratnjo ? Tida'lah hambo mangarati , ba'apo djalannjo itoe kini , mangko ba'itoe ' kato daMOEST KO 'ADAT 'ALAM MINANGKABAU. 2

, saroepo tida ' manjoekokan , dalam moepakat kami itoe. toea' Apo banakoh salahnjo ? Datoea' tarangkanlah di hambo, soepajo hambo ama' tahoe, apo moelarat moepaʻatnjo , ba'a bana boeroea ' baie'njo ."

Mandjawab Datoea' Radjo Pangoeloe , sambie mangaloeah maharang pandjang : „Hai boejoeang, ko' hambo saboei ' bana kini ko, apolah akan goenonjo, laï karano oerang alah soedah moepakat, hambo 'ko oerang lah toeo , akan masoea ' tanah anjolaï . Djoko ' santano hambo laï manggarai djoeo, ba ' roepo ang kini 'ko, saboeah tida' nan katoedjoe 'toe de' hambo, moepakat oerang nan ang saboei ' 'toe ; boekantoh hambo de' barado , boekantoh hambo de' laï , awa' ang lah samo tahoe, tipa' di soeka mikin kito , soendoei '-basoendoei ' dari ninie ' , basawah tida' aga ' sapirieng , kan bakeh sipasin batanjo , ko' ladang tida ' aga' , ka tampē' koeririe ' manggaloenggoeang, ameh pēra ' satampo ' djaoeah sakali , soeka nan boekan alang -alang , hidoei ' dioedjoeang goeroen oerang.

Soenggoeah ba'itoe kato hambo, kalau dipandang salintēh laloe , iolah ēlo' nan ba'itoe, samonjo mandjadi ringan , moerah sagala pakaradjaan ; tatapi poelo itoe boejoeang, kalau dikadji sabalie'njo , ditimbang moelarat djo moepaʻat , dikadji labo dangan roegi , basa bana moelaratnjo , soendoei '-basoendoei ' sampai isoea ' , mantjilako kaana' tjoetjoe , maroesa'kan kampoeang halaman , 'alamat koesoei ' kamoedian , kini ba' apo itoe laï, sabab oerang lah sakato, kamano kito akan lari , ba'apo takadie anjolaï .

Dalam pikieran hati hambo, ko' hanjo mantjari kalapangan , mampatēnggangkan ana' boeah , itoe pikieran moelie bana ; kalau basoeo nan ba'itoe, patoei' dipoedji siang malam, disambah patang dangan pagi . Tatapi poelo itoe boejoeang, djarang basoeo maso kini , oerang mangana ana ' boeah , dalam saratoeih maha sapoeloeah , dalam sapoeloeah maha soerang, hanjo nan banja ' hambo lie', nan basoeo maso kini , alēmoe mangaoei ' dipakaikan , bapantang nan ka manoela ' , hanjo marangkoeah balako , dilahie saroepo tida ' , dibatin manggoentieng angin , bapantang kanai bajang -bajangnjo , sapantoen biso kajoe rangēh .

Soenggoeahpoen itoe damikian , nan kiro-kiro hati hambo , kalau tantang 'adat limbago , nan masoea ' kato poesako , atau katjoepa ' nan oesali, tida ' boelieh diasa'-asa' , tida' boelieh di toeka-toeka, djoko ' diasa ' ' adat itoe , atau ditoeka limbago 'toe , nagari tida' sanang diam , hilie kanai koetoea ' soetan , moedie ' kanai koetoea ' radjo, kaateh tida ' bapoetjoea' , kabawah tida ' baoere ' , ditangah dilarie' koembang, awa ' dimakan biso kawi, soempah satie nan toeo-toeo .

Soenggoeah ba'itoe koto hambo, 'adat itoe bamatjam -matjam , ado poelo 'adat nan boeroea' , nan patoei' kito boeang , nan maroegikan ana' boeah , nan moelarat masoea ' nagari , ' adat nan tida' bamakanan , nan batapoea' sabalah tangan , ba' adjoeang barē' sabalah , himbau nan tida ' basaoei'tan , banamo 'adat nan saratoeih .

'Adat nan saratoeih 'toe, diloea tjoepa ' nan oesali, diloea injo mati , namoen diboeboei ' kato nan poesako , kalau diasa' injo lajoea .

Sadangkan 'adat nan saratoeih 'toe , ado poelo ka goenonjo , oentoea ' oerang nan kajo-kajo , ba' pitoea oerang toeo : „Ko ' handa ' toeah bataboea oerai , ko' handa ' kajo badiki ' -diki ” . Djoko ' awa ' handa' batoeah, ama ' magah dimato oerang banja ' , tapakai 'adat nan saratoeih . Adapoen 'adat nan saratoeih 'toe , kasoekoannjo maroegi sadjo , bapantang nan ka balabo , ba ' oerang babadie-badie, atau bamain alang -alang, baie' baramboeang sipa' rago, atau bamain bataroeahan , badjoedi balēnong pinang ; ba'itoe djoeo manjaboeang djo bagoendoe , masoea ' 'adat nan saratoeih , atau mamakai tio' hari, tida ' baoekoea djo badjangko , ba ' oerang kambang dilaboeah, dēta karēh badjoenjo karēh , badjalan kian koemari , hilie oerang hilie awa' , moedie' oerang moedie ' awa' , satoepoen tida ' karadjonjo , dimano oerang soeko rami , alah disanan injo doedoea ' , koetjēka ' bakapandjangan , koetjandan baboeah-boeah , itoe boeatan satio' hari . Ko' tibo haoeih djo lapa, poelanglah karoemah ; diminta ' aie dangan nasi ; ko' lambē' poelo tabari , indoea ' mambērang kapado indoea' , bakēh dansana' , dipatjah parioea ' djo balango, ba'itoe lakoe parangainjo , oerang nan kambang dilaboeah , nan tida ' bapaado'an, itoepoen patoei' dilarangkan .

Tatapi saboeah poelo boejoeang , djangan ang tamanoeang sadjo, kalau nan bare' diparingan , atau nan sampi' dipalapang , itoe didalam 'adat djoeo, asa djangan mamoetoeih barih , asa djan malitja ' tadēh, tida ' mangapo itoe boejoeang, habih 'adat de' karilahan , habih tjoepa ' de' palilihan , itoe boelieh didja lankan , asa tida ' poetoeih talinjo, iolah tali sapandjang barih , tida ' maloea dari djalan, io djalan sapandjang 'adat, boeliehlah bare' diparingan , atau nan tagang dikandoeakan , soepajo 'adat ama ' taïsi , limbago ama ' tatoeang, karano bidaran oerang toeo : „ de' sari ' bakampoeah idjoea ' , nan 'adat dibao djoeo" .

Dibalie ' poelo ba' mamanggang , didjambo -djambo ba' basiang dioelang kato nan tadi , kalau io niat disitoe , handa' mantjari kabaie'an , mampatēnggangkan ana' boeah , banja ' djalan nan ka ditampoeah, nan tida ' maoebah 'adat lamo, nan bapakai dalam nagari . Djoko' oesaho dipakoee' , saparati bahoemo djo batahoen, atau badagang baniago , mano nan malēh disalahkan , mano nan radjin dikasiehi , oesah toelangnjo dipalamah , dipoedji baie ' karadjonjo , maoelēh djangan bakasan, mamboehoea djangan baboekoe .

Elo' 'adat dipakarēh , ama ' koee ' oerang mantjari, ama ' koeē ' oerang baoesaho , mantjari pitih kiri kanan , ama ' gadang maloe de' injo.

Kalau karēh 'adat nagari , oerang mantjari oeang , baoesaho kasano sini, nan ka palawan doenie oerang, païsi 'adat djo limbago, nan toemboeah dalam nagari , bagai mamangan oerang toeo:

Oerang Bandan manggoelai bantai ,

Kami manggoelai mangoerawan ;

Disiko badan mangko sansai ,

Doenie rang kampoeang ta' talawan .

Itoelah kato sabananjo .

Kalau io handa ' mantjari kabaie'an , boekan saboeah ado pintoenjo , roepo - roepo boelieh diboeē ' , asa laï kato samoepakat ; djoko ' handa' mantjari oeang , soepajo sanang ana' boeah , ama' kajo isi nagari , dipabanja ' djalan oeang , djalannjo masoea ' kanagari , dipasampi ' djalan kaloea.

Tjoebolah ang pikie -pikie ! Padoesi banja ' nan sanang, satoepoen tida' karadjonjo , hanjo batana' djo manggoelai , nan disēsokannjo patang pagi . Djoko' batanoen dikarēhkan , mamLoee ' ragam roepo kain, kain boegih kain palēkat, oesah awa ' mambali djoeo, baie'poen tjēla dangan gēnggang, nan ka dipakai tio' hari ; ba'itoe djoeo kēpa djo pansin , disoeroeah boeë ' dẽ'

padoesi, kapado dansana' soedaro , ana ' bini awa' . Djoko ' mambali oesah djaoeah , ēlo'lah samo-samo awa' , labieh dan koerang ta' mangapo, tida ' kamano akan païnjo , ameh bakisa masoea ' taboeang, mano nan pandai ama' mandjoea , atau mamakai boeatannjo , nan tida' bia mambali , asa lē samo -samo awa' , tida ' kamano paï oeang .

Dioesahokan kapēh djo banang, manggantieh dangan manoerang, maloeli djo mangaro ' , atau manakat manarawang , baie' mangajam kampie djo lapie ' , itoe karadjo parampoean , nan doedoea ' tingga diroemah .

Namoen tanamo laki-laki , baoesaho kasawah ladang , atau badagang baniago , baie' mangimpau djo goebalo, asa djangan sanang diam sadjo , dibari batako' kasamonjo . Alangkoh ēlo' nan ba'itoe ? Tjoebolah timbang djo hati ang !

Dibalie ' dibalah poelo , tantangan moepakat tadi , maoebah 'adat nan tigo 'toe , apo bana moelaratnjo , apo bana maroesa'- njo, itoe djoeo nan ang tanjokan ; soesahlah hambo manjaboei'- njo, asieng oerang lain pandape' , kalau dipikie -pikie bana, ko' santano hambo laï moedo djoeo, baloen ka laloe moepakat 'toe, antah ko' djo kakarasan .

Nan kan sakarang kini nangko , oerang koeē ' awa'lah lamah , ko ' boeki ' tida ' ka tadaki laï, ko' loerah tida ' tatoeroeni , nan djaoeah tida ' tadjalang , nan dake' tida ' tahanta laï .

Kalau hambo saboei' djoeo, nan taraso de' hati hambo, ka bērang malah oerang di hambo, dikatokan oerang hambo : „oerang toeo boesoea ' lakoe " , awa'lah toeo handa' mamatjahmatjah moepakat oerang poelo , tida ' tasanang -sanangkan sadjo diam disoerau , mangadji nan ka oentoea ' diri ; bago badan lah dipintoe koeboea , awa' handa' sato-sato djoeo, ko ' apo-apo moepakat oerang.

Lai moh hati gata djoeo, ko' apo -apo roendiengan oerang, datang malah kamano -mano oerang bamoepakat, manga kamanakan awa' djoeo nan disoeroeahkan , dimano -mano oerang rapē ' . Itoelah kato nan ka tibo didiri hambo . Mandanga itoe awa ' ang djoeo nan ka maloe ; itoelah sababnjo mangko sagan hambo manjaboei ' kapado ang, apo-apo moelaratnjo , tantangan moepakat nan diboeē' oerang 'toe . Kini bialah ba' apo -apo , nan dapē ' de' nan moedo -moedo 'toe , ba'itoe malah dahoeloe . Kamano poelo kito akan paï laï ? Namoen takadie 'toe , alah tadjali djoeo sadja ' dahoeloenjo, kini dē' kito oetang manapati sadjo laï , itoe djanganlah awa'ang roesoeah bana tantangan 'toe ; ko' inda' bana hambo saboei' kini 'ko, nan tida ' katoedjoe de' hambo 'toe, koedian ko' oemoea samo pandjang , akan basoeo djoeo di ang aga' saboeah , apo -apo salahnjo 'toe , disitoe tantoelah de' ang, apo -apo moelaratnjo 'toe . Ba'ato kini , karano kato lah soedah , roendieng lah habih , lah ba'itoe boeē ' nagari , nan dikalikan dalam digantoeangkan tinggi, tagoeahtagoeah sadjolah ang disitoe , nan lah talaloe 'toe inda' ka dapē' dikadja laï, malainkan awa'anglah nan ka ingē'- inge' , nan sahinggo iko kaatēh , sabagai nan hambo katokan tadi .

Kalau apo - apo nan ka diboee ' , tantangan 'adat djo limbago , parēso banalah dahoeloe ! Pikie dahoeloe pandapatan , sasa kamoedian nan tjilako, itoe pitoea oerang toeo . Djoko' nan baie' dipaboeē' , basilang tjarano datang ; kalau nan boeroea' dipaboeē ' basilang toendjoea' dibibie .

Boekan moerah oerang djadi pangoeloe , bare' ringan tanggoeangan awa' , kalau tatjapai ka nan boeroea ' , basaki ' manjinta' soeroei ' , oepē ' djo tjatje' tibo di awa ' ; djoko ' nan baie ' tapaboee ' , pandai manimbang ēlo' boeroea ' , tjadie ' disaboei ' oerang ; disitoe moengko soesah bana, datang soerang oerang batanjo , boeroea ' baie ' ditanjokannjo , siang malam tida ' batantoe, awa' rang pandai djanjo oerang, boeroea ' ēlo ' oerang nan datang , batanjo kapado awa' , manjoesah oerang ateh roemah, mamajah oerang didapoea, mahambē'-hambe' palangkahan , karadjo ka laloe djadi tida' , itoe soesahnjo tjadie ' pandai . Tjoebolah pikie di hati ang ! Oerang datang awa' ka pаї sangadjonjo kapado awa' , barapo ka soesah dalam hati ? Awa ' na ' lakēh oerang tibo , labieh -labieh nan bakeh maloe , tantoe babalie' poelo doedoea ' , bago maroko ' aga' sabatang, baroendieng doeo tigo patah , malalaikan karadjo djoeo, itoe soesahnjo tjadie ' pandai , tipa' di bangso kito iko .

Pado pikieran hati hambo, nan ēlo ' kito pakaikan , bingoeang oesah dipaboeē ' , tjadie' oesah talampau bana, ko' sahinggo djadi pangoeloe , sadang ēlo ' patangahan ; anam sipat nan ka dipakai , itoe pakaian de' pangoeloe .

Adapoen sipat nan paratamo , oerang nan ka didjadikan pangoeloe 'toe , dipilieh oerang nan labieh 'akanjo dalam sakaoem -kaoemnjo .

Nan kadoeo , patoei ' injo baalēmoe , mangatahoei lahie djan batin, lakoe parangai ana' boeahnjo , baie' biloei ' atau badoea , ko' pandjang injo nan ka mangarē ' , ko' singkē ' injo nan ka mahoeboeang , tida'lah boelieh dilēngahkannjo , sagalo kaoem kirabatnjo, oerang nan satoe pangoeloe 'toe , baalēmoe poelo injo disanan , tantangan 'adat djo limbago , nan tapakai dalam nagarinjo, tahoe poelo di awa akie, dalam sagala karadjonjo, itoe nomonjo baalēmoe .

Nan katigo , handa'lah injo basipat kajo , kajo injo pado 'akanjo djoeo , aratinjo tida' kakoerangan injo pada 'aka djo boedi .

Nan kaampé' , basipat moerah kapado sagalo handai tolannjo, laki-laki parampoean , lagi moerah poelo kapado piha ' bakato -kato, moeloei ' manih basonjo baie ' , manoendjoea'kan djalan nan loeroeih, managahkan djalan nan bēngko' , koeē ' kapado kabaie'an , hado ' kapado ana' boeahnjo , moendjoea'kan djalan oesahonjo .

Nan kalimo , bahati saba kapado sagalo handai tolannjo , baie ' poelo tingkah lakoenjo , nan ka ditiroe toeladan oelieh sagalo oerang banja ' .

Nan kaanam, tjokoh kapado sagalo karadjonjo.

Itoelah sipat nan anam, nan wadjib pado pangoeloe , nan tida' djadi ditinggakan .

Balainan oerang mamarentah , djadi radjo dalam nagari , ataupoen bangso saudaga, oerang baniago gadang, patoei' bagoeroe tjadie ' pandai , mangatahoei nan soeli'-soeli' , mangadji labo dangan roegi , nan ka mandjadi kaoentoengan, sabab itoe nan karadjonjo, pamēnan patang djo pagi .

Soenggoeah ba'itoe kato hambo, oesah taga' disitoe sadjo , patoei ' djoeo kito bagoeroe , alēmoe doenie doeo tigo , nan ka mambari kabaie'an , ataupoen djalan ka achirat . Soepajo kito baalēmoe, ka djadi poko' pantjarian , kajo Allah siapo tahoe, oentoeang soeratan nan ka datang , djangan awa' bapoetoeih aso, antah ado djandji dahoeloe , kito sakadar manapati , antah badagang baniago, antah moh doedoea ' mamarēntah , mahoekoem dalam nagari , Allah ta'ala kajo soenggoeah , baboeē ' barang sakahanda'njo ; kalau injo akan mambari , tida ' bapintoe djalan datang, itoe sabab patoei' bagoeroe , mantjari alēmoe kiri kanan, soepajo awa' ama ' tahoe, djalan mano patoei' ditampoeah , oentoea ' sakadar badan diri, akan toengkē' djoko '

badjalan , ka ganti pajoeang kaoedjanan , kalau tibo maso -masonjo , boelieh batadoeah dibawahnjo , itoepoen patoei' ang pikiekan."

Mandjawab Bagindo Kajo : „Ko' hanjo pitoea datoea' nantoen , itoelah bana kasamonjo , nan ka hambo pikie siang malam, ka djadi djimat pamaga diri , kalau datoea' ta' ado laï , ka poesako itoe de' hambo.

Ato hanjo nan kini nangko , nan kahanda ' hati hambo, nan taraso -raso djoeo, iolah moepakat kami tadi djoeo ; ba'apo itoe moelaratnjo , apokoh itoe maroesa'njo , nan ka timboea kamoedian . Saboelieh-boelieh pinta ' hambo, datoea ' tarangkan djoeo itoe, soepajo hambo ama ' tahoe, ka djadi pangadjaran itoe de' hambo ! Kalau tida ' datoea ' toendjoea'kan , tida'lah sanang hati hambo ; mangapo poelo mangko datoea ' nan ka dioepē ' oerang, tantangan moepakat itoe, ba'apo djalannjo itoe kini, mangko datoea' nan ka dikatokan oerang, mamatjah -matjah boeatan oerang, datoea ' tida ' paï kasanan , siapo barani itoe kini , nan ka manjaboei ' diri datoea ' , mamatjah moepakat itoe ? Oesah laï datoea ' kasato, mandanga datoea ' lē tida' , tambahan poelo kini nangko , tida ' ado oerang mandanga , hanjolah hambo soerang sadjo ; kalau rasonjo akan moelarat, dimano poelo hambo kan amoeah, manjaboeï ' kaoerang lain, labieh malah maloe hambo, datoea' nan ka disaboei ' oerang. ,

Mangko hambo tarangi djoeo, tantangan moepakat 'toe , ba' apo salah sili'njo, karano datoea ' lah manjaboei ' , saboeah tida' nan katoedjoe de' datoea ' , sagalo moepakat kami 'toe . Sapandjang pandapē' hati hambo, moepakat itoe ēlo ' bana, sabab mantjari karinganan , nan sampi ' mandjadi lapang , nan bare' mandjadi ringan , awa' ka roegi djadi tida ' ; ba'itoe banalah ēlo'njo , nan tampa' didiri hambo soerang, de' datoea ' tida ' katoedjoe . Itoe nan heran hati hambo, oerang maēlo'kan balako , balain bana dangan datoea ' ; ba'apo salahnjo itoe kini, moengko ba'- itoe timbangan datoea ."

Mandanga kato nan ba'itoe, tasanjoem Datoea' Radjo Pangoeloe , sambie mangoentjang girie'-girie' , dimakan sirieh sakapoea, alah bamanoeang sakoetiko , sadang mangoenjah -ngoenjah sirieh.

Ado sabanta injo bamanoeang, alah tibo pikieran baie' , de' Datoea' Radjo Pangoeloe : „ Io poelo kato injo 'toe , ēlo' djoeo hambo katokan , apo nan taraso de' hambo, tantangan moelarat moepaʻatnjo , nan dimoepakati oerang itoe, soepajo injo ama' tahoe djoeo ; ama ' manjanang dalam hatinjo, djangan injo marasoraso djoeo. Kalau tida ' djoeo hambo saboei'kan , djadi manjoesah dihatinjo, maragoe kiro-kironjo, taraso ado dapē ' tida' , bagai si Koedoeang balangkitang . Karano hambo lah tadorong , mangatokan gadang moelaratnjo , labieh baie' hambo saboei'kan , ama' taboeka' kiro-kironjo, ka ganti -ganti maadjanjo, pabilo poelo laï harinjo, hambo akan maadjarinja. "

Alah soedah injo bapikie , alah habieh sirieh sakapoea, bakato Datoea' Radjo Pangoeloe : „Mano ang Bagindo Kajo , kalau itoe kahanda ' hati ang, boelieh poelo hambo tarangkan , sado nan dapē' de' hambo, didalam 'adat nan tigo 'toe , apo moelarat moepaʻatnjo , nan ka timboea kamoedian , kalau itoe kito boeangkan .

Tatapi kini ko' baloen moengkin , sabab hari lah rambang patang , barisoea' sadjolah ang kamari, disiko malah makan pagi , amai ang 'kan paï kasawah ."

Sadang Bagindo Kajo , mandanga kato nan ba'itoe , gadang hati boekan kapalang , raso mandape' goenoeang intan , baminja '-minja' roepo moekonjo , bagagēh sadjo injo mandjawab : , barisoea' malah hambo kamari ." „Malah ba'itoe kato datoea '

Soedah bakato nan ba'itoe , harilah patang anjolaï , laloe injo sambahjang 'asa ; alah sabanta soedah sambahjang , tibo poеlo oekatoe moegarib , dama tapasang anjolaï , sambahjang moegarib poelo disanan , sampailah ' poelo oekatoe 'isa ; alah soedah sambahjang 'isa, baroe poelang Bagindo Kajo , poelang karoemah ana'njo , iolah kakampoeang Taloea ' Dalam , disitoe kampoeang parampoeannjo , banamo si Boengo Tjajo , kamanakan Datoea' Bandaro Moedo.

Lamo sabanta injo didjalan, sampailah injo karoemahnjo , alah laloe naie' sakali , didapati diateh roemah, nasi lah soedah talata ' , sarato kopi salangko'njo .

Alah sabanta injo tibo , laloelah makan anjolaï ; alah soedah poelo minoem makan , doedoea'lah injo djo ana'njo , banamo si Boengo Kapēh , batanjo ana'njo kapadonjo : „Paï kamano bapa' tadi, sadja ' pagi tida ' poelang, hambo lah panē' de' mananti , lah doeo kali hambo batana ' , bapa' ta' poelang-poelangnjo ."

Mandjawab Bagindo Kajo : „ Awa'den kasoerau ninie'kau ado karadjo den disitoe . " Mandanga djawab bapa'njo 'toe, diamlah si Boengo Kapēh , tida ' injo batanjo laï, hanjolah doedoea ' mandjahi ' sadjo , mamboee ' solam sapoe tangan , batakat djo banang amēh , bataboea djo api-api , diliē ' djoeo de' bapa'njo . Kiro-kiro poekoea sapoeloeah , alah tidoea si Boengo Kapēh , tidoealah oerang samonjo , nan saroemah-roemah itoe, soerangpoen tida' nan tingga laï .

Tasaboei ' Bagindo Kajo , hari nan samalam 'toe , sakalo' mato tida' tidoea, rintang bapikie -pikie sadjo , mamikiekan kato nan tadi , apokoh garan moelaratnjo , didalam 'adat nan tigo 'toe , moengko ba'itoe kato datoea ' , itoe djoeo nan dipikienjo ; aga ' ditjoebo dipitjiengkan , tida ' djoeo mato takalo ' , tasinta ' djoeo babalie ' , kiro-kiro kakioen sadjo , dinanang djoeo dalam hati , ditimbang djoeo djo pikieran , tantangan moelarat moepa- 'atnjo , dari 'adat nan tigo 'toe . Alah dihilie dimoedie'kan , laloe tilantangkan , dikadji boeroea ' baie'njo , ditimbang ditoengkoei ' soerang dalam hati , iolah de' Bagindo Kajo , tida ' tampa' djoeo moelaratnjo , hanjo ēlo ' samato-mato , mambari djalan karinganan , mangoerangkan kapado roegi , manambah kapado labo, , bodoh bana malah kironjo, itoe bingoeang bana malah awa' djoeo nan dipikienjo , sambie manoengkoei' atēh banta .

Alah djaoeh laroei'njo malam, sadang bapikie -pikie djoeo , laloe takalo ' anjolaï , tatidoea Bagindo Kajo, laloe bamimpi malam nantoen, raso mandape' paramato , intan djo podi bagolē'an , talata ' ditapi soengai, diatēh pasie kisie' boelan ; sadang de' Bagindo Kajo , dikaoei ' laloe diboengkoeih , dibao poelang sakali , dilata ' kadalam pēti , ba'itoe dalam mimpinjo . Mimpi sampai injo tabangoen, diliē' kiri dangan kanan , satoepoen tida ' kaliatan mangoetjap Bagindo Kajo , laloe doedoea ' injo sakali , digēsē'kan api-api , laloe disalai poelo dama, ajam bakoekoea' anjolaï .

Alah sakali doeo kali, tjoekoei ' katigo hari siang , alah bakitjau poelo moerai, toeroenlah Bagindo Kajo , laloe sakali katapian , paï sambahjang maso nantoen, katapian Talang Eaboengo , aienjo djanieh mato koetjieng .

Alah soedah mandi djo sambahjang , koembali poelang karoemahnjo , injo tibo kopi lah masa' , diantakan de' ana'njo , iolah si Boengo Kapēh , laloe minoem Bagindo Kajo , doedoea ' badoeo djo ana'njo .

Sadang koetiko injo minoem, bakato Bagindo kajo : „O oepie ' , djapoei'lah nasi , awa'den kapaï kasoerau , datoea' manjoeroeah bange' datang ."

Mandjawab si Boengo Kapéh : „Nanti de' bapa' sabanta, nasi baroe hambo kadang , goelaipoen baloen kampoeah amē '. " Mandanga kato ana'njo , diamlah Bagindo Kajo , digilieng roko' sabatang, laloe maroko ' anjolaï , diiso ' sambie bamanoeang .

Ado sabanta antaronjo, nasi disandoea' de' mandēhnjo , io de' si Boengo Tjaja, andēh dē' si Boengo Kapēh , goelai disandoea' de' ana'njo , dibao karoeang tangah . Alah tjoekoei ' nasi djo goelai , pirienglah talata ' poelo , laloe makan injo batigo , makan batigo barana ' .

Barauari Bagindo Kajo , nasi disoeo ' inda ' laloe, aie diminoen ta' taragoea ' , pikieran kamano djoeo , takana roendieng nan kapatang ; alah soedah injo minoen makan , laloe taga' Bagindo kajo, diambie ' kain djo badjoe , diisi poelo kampie roko ' , laloe toeroen sakali , badjalan hado' kasoerau , manamoei djandji mama'njo .

Sabanta lamo didjalan , sampailah injo kasoerau 'toe, alah laloe naie' sakali , doedoea ' didakē' pintoe gabang , injo doedoea ' nasipoen tibo , ditatieng de' si Gandan Sari , bini Datoea' Radjo Pangoeloe , mintoeo de' Bagindo Kajo .

Alah soedah nasi talata ' , kopi lah soedah baïsi , bakato si Gandan Sari : „ Makanlah Bagindo sadjo , itoe nasi alah talata ' , kopi lah hambo isi poelo , kami lah mananti djoeo, de' lambē ' Bagindo datang, kami lah makan dahoeloe , sabab hambo kapaï kasawah , pagi -pagi hambo batana ' , nasi lah dingin itoe kini , adie ' Bagindo lah dahoeloe ."

Mandjawab Bagindo Kajo : „Hambo baroe soedah makan , païlah amai kasawah ! Hari lah tinggi iko kini , oerang lah banja' nan paï."

Maningkah poelo amainjo : „ Makanlah Bagindo barang sado , samantaro hambo bakamēh, ama ' boelieh hambo simpani . "

Manbaleh Bagindo Kajo : „Hambo oesah amai soesahkan, païlah amai kasawah , hari basarang tinggi djoeo."

Mandjawab poelo amainjo : „Ko' lambē' hambo babalie ' , ko ' Bagindo handa' minoen kopi , soeroeah malah oerang mahaboeih , itoe saboea ' didalam taboeang, paminoen kopi diatēh doelang, basaho' djo toedoeang aie' , tarie ' sadjolah de Bagindo ."

Mandjawab Bagindo Kajo : „ Tinggakan sadjolah disitoe , pandai hambolah ba'ēko , païlah amai kasawah ! "

Dalam sabanta itoe djoeo, bakameh si Gandan Sari , nasi lah soedah dikamboei ' , samba lah soedah batoengkoeih , diisikan kakatidieng , sarato daoen pisang batoe, dangan sirieh salangko'njo . Didjindjieng poelo katidieng goelai , badjalan toeroen sakali , dipandang hari lah tinggi, badjalan bagagehgagēh .

Ado sabanta antaronjo , sapaningga si Gandan Sari , bakato Datoea' Radjo Pangoeloe : „Mano ang Bagindo Kajo, tantangan roendiengan nan kapatang , ko' io ang handa' tahoe bana, didjalan sapandjang ' adat, dangakan de' ang soenggoeah -soenggoeah , masoea'kan kadalam hati. Hambo 'ko soedahlah toeo , tida ' kan lamo hidoei ' laï , antah patang antah pagi , djandji nan tida ' tatantoekan , harap hambo tida ' nan lain, hanjolah awa'- ang soerang sadjo , nan ka manggantikan diri hambo ; kalau tida' ado hambo, ēlo '-ēlo ' babitjaro , tantoekan korong kampoeang awa' , paga 'adat djo limbago ! Ba'itoe karadjo moengko salamat, ba'itoe oerang baʻaka , mamaliharo korong djo kampoeang , sarato kari' djo kabiehnjo ; 'adat bakampoeang manolong kampoeang, 'adat basoekoe manolong soekoe , 'adat banagari manolong nagari , 'adat baloeha' manolong loeha' , pado tampatnjo masieng-masieng, dikatahoei hērēng dangan gendēng , dipakai maloe djo sopan ; kalau tida' ka ba'itoe, sakoerangkoerang manoesie , oesah maroesa'kan badan diri .

Kalau awa' djadi pangoeloe , sakoerang -koerang karadjonjo, mangatahoei ana' boeahnjo , nan tapantjie dipakampoeangkan , nan badarai disoesoeni, didjago moelarat moepaʻatnjo , ama' aman kampoeang halaman , ba'itoe 'adat banagari .

Kini dangakanlah de' ang, ama' hambo tjoerai hambo papakan, nan taraso di hati hambo, tantangan 'adat djo limbago , kamari -marilah ang doedoea '."

Mandanga kato mama'njo , mandake' Bagindo Kajo , mangadap pado mama'njo ; dalam sabanta itoe djoeo, datang poelo injo sakali , tida ' mahimbau dari oerang soerang, laloe naie' halaman . Mamandang Bagindo Kajo , dangan Datoea' Radjo Pangoeloe, kironjo si Boedjang Paman , kamanakan Datoea'

Radjo Pangoeloe djoeo, badansana ' iboe djo Bagindo Kajo . Batanjo Datoea' Radjo Pangoeloe 'toe , kapado si Boedjang Paman : „Dari mano ang tadi ?"

Mandjawab si Boedjang Paman : „Hambo dari dangau sadjo , maantakan dadieh ka de' Datoea' , kabau baroe hambo parah , antah lama' antah tida ' ; iko sirieh laï sakabe' , pinang laï ampē' sapieh, kawa baloen hambo bao , sabab baloen masie' amē' ! " Laloe dioendjoea'kannjo sakali , dadieh itoe dangan sirieh , ka-Datoea ' Radjo Pangoeloe , tasanjoem Datoea ' Radjo Pangoeloe : „Mangapo disiko ang lata'kan ? Lata'kan disoedoei ' ētan , sandakan sadjolah disitoe ēlo-ēlo' , ko' tagoeloei' sirieh 'toe bao kamari !"

Sadang de' si Boedjang Paman , alah disandakannjo dadieh nantoen , sirieh pinang dibao katangah , dibarikannjo kamama'njo .

Bakato Datoea' Radjo Pangoeloe , sambie mandjawē ' sirieh 'toe : „Ko' baloen awa'ang makan , itoe nasi laï basaho' , tarie' sadjolah de' ang , amai ang lah paï kasawah ."

Sadang de' si Boedjang Paman, tida ' badjawab kato itoe, diboeka' saho' nasi, laloe doedoea ' makan sakali , tida ' injo baboeni -boeni ; alah sabanta antaronjo , soedahlah injo minoen makan, laloe dibasoeah poelo pinggan , ditoengkoei'kan diatēh indjo ' . Mamandang Datoea' Radjo Pangoeloe , diliē'njo lah soedah makan , mahimbau injo ka si Paman : „Ko' alah soedah awa'ang makan , marilah kamari ang doedoea ' , ado roendieng nan ka dēn saboei ' , saho' sadjolah nasi nantoen !"

Mandanga kato mama'njo , alah mandake' si Boedjang Paman , doedoea ' mangadap kamama'njo , dikida Bagindo Kajo . Bakato Datoea' Radjo Pangoeloe , sambie mangapoea -ngapoea sirieh , diboeka' poelo tali gobe' , dimasoea'kan sirieh sakapoea , laloe dikoentjang girie'-girie' , sadang mangoenjah -ngoenjah pawa : „Dangakan , djoeo de' kalian, baie' de' ang Boedjang Paman , ama' samo hambo adjari , bago ko' io awa' oerang didangau , patoei' djoeo bagoeroe -goeroe , mandanga-danga oerang baroendieng, ama ' taboeka' kiro-kiro, ama' tahoe di boeroea ' baie' , 'adat oerang dalam nagari .

Adapoen 'adat djo limbago , itoe barih djo balabēh, nan dipakai oerang kini 'ko, tio'-tio ' nagari nangko , 'adat nan toeroentoemoeroen , dari ninie ' Katoemanggoeangan , dangan Parapatieh Nan Sabatang , balainan ' adat tiroe-maniroe .

Sagalo 'adat-'adat itoe , diboee ' oerang toeo -toeo , ko' boeroea ' ado ēlo'njo , kalau roegi manantang labo, namoen djarieh manantang boelieh ; tida'lah injo sio-sio , kalau tida ' ka bamakanan , tida' itoe mandjadi 'adat.

Moelo -moelo oerang mamboeē ' sagalo 'adat limbago 'toe , tida'njo dapē ' sahari , tida'njo dapē' doeo hari , tida'njo soedah sapakan, sampai baboelan djo batahoen, oerang manimbang boeroea ' baie'njo , apo moelarat moepaʻatnjo , soedah ditintieng dikarisai , soedah dioedji dibandiengnjo , ditjari dangan kato moepakat. Kalau lah soedah dapē ' moepakat, boelē ' lah boelieh digolē'kan , pipih lah boelieh dilajangkan , dipati djo soempah satie, nan tida' ka oebah -maoebahi, laloe kapado ana' tjoetjoe , tato' salamo - lamonjo , nan salamo gaga' hitam , salamo aie hilie djoeo, salamo goenoeang Marapi badiri, ba'itoe boeatan oerang toeo , maso mamboeē ' 'adat itoe .

Kalau siapo maoebahi, atau maromba' ' adat nantoen, laloe kapado ana ' tjoetjoe , awa'njo kanai biso kawi, soempah satie nan toeo -toeo ; kaatēh tidak bapoetjoea' , kabawah tida ' baoerē ' , ditangah dilarie ' koembang, hidoei ' sagan mati ta' amoeah , ba' itoe tagoeah boeatannjo , oerang toeo maso dahoeloe .

Alah soedah djandji dikarang , alah soedah moepakat diboeē ' , baroelah oerang moesahoeakan , kapado nagari nan banja ' 'ko, sa-'Alam Minangkabaunjo , sampai karia' nan badaboea , salingkaran poelau Amēh 'ko , sahinggo laoei' nan sadidih , nan tida ' akan oebah -maoebahi , ka dipakai toeroen-toemoeroen , tato ' salamo - lamonjo . Ba'itoe boeatan oerang toeo , iolah ninie ' moejang kito, nan toeroen dari Pariangan , nan barasa dari banoea Roehoem , dibao ninie ' Sari Maharadjo , 1) nan manape' dipoentja ' goenoeang Marapi, laloe kapoelau Langgapoeri , antaro boeki' Sigoentang -goentang Mahamēroe , antaro Palembang dangan Djambi, takarang parahoenjo 'toe disinan , tadjatoeah mangkoeto masoea ' laoei' , nan dibao dari Roehoem , disalami oerang pandai salam, kironjo dipaloei ' oela bidai , tida' dape' diambie ' laï .

Dalam koetiko oerang manjalam , radjopoen tidoea maso itoe , radjo batigo badansana ' , nan samo datang dari Roehoem , tidoealah injo katigonjo . Babalie ' oerang nan manjalam , di katokan ka-Tjati Bilang Pandai , banamo Tjati Renosoedah, bahaso mangkoeto 'toe soedah dipaloei ' oela bidai ' , tida ' dapē' diambie' laï. Bapikie Tjati Bilang Pandai : diambie ' amēh sindjato tjati , diboeē ' mangkoeto sanggohani , saroepo nan djatoeah tadi , sadiki ' tida ' balainan , itoelah ganti mangkoeto 'toe ; alah soedah mangkoeto 'toe , toekang diboenoeah anjolaï , tida ' dapē ' ditiroe laï .

Pado maso koetiko 'toe , tabangoen soerang radjo tadi , nan banamo Soetan Sari Maharadjo Diradjo, diambie'njo mangkoeto 'toe , djadilah djatoeah katangannjo .

Kamoedian dari itoe, tabangoen poelo nan badoeo , diliē'njo mangkoeto 'toe, soedah diambie ' de' nan boengsoe ; sabab karano dari itoe , djadi maranjoea ' nan badoeo , sanan baragieh anjolaï . Iolah Soetan Maharadjo 'Ali, itoelah radjo nan toeonjo , babalie ' injo ka -Roehoem , mandjadi radjo injo disanan , Parantjis djo Anggarih, djadi ta'aloea' djadjahannjo , Makkah djo Madinah , injo mangakoe makanannjo . Iolah radjo nan tangahnjo, nan banamo Soetan Sari Maharadjo Depang , balaie kabanoea Tjino , mandjadi radjo poelo disanan , koedo ameh kabasarannjo , malēwe' laloe kaoedaro . Nan Soetan Sari Maharadjo Diradjo , balaie poelo dari sanan, dangan parahoe kajoe djati , mambao oerang anam balēh oerang, sarato saikoea koetjieng Siam , saikoea poelo andjieng moeʻalim, saikoea poelo harimau tjampo , saikoea poelo kambieng hoetan, tatapē' injo kagoenoeang Sērang , tampē'njo dipoelau Djao, patjah parahoenjo 'toe disanan , djadi manitah radjo tadi , manjoeroeah baie'i parahoe 'toe , kapado oerang isi parahoe . Siapo tjakap mambaie'i , akan parahoe nan patjah 'toe , diambie ' djadi minantoe , ba'itoe djandji radjo tadi ; sabab mandanga titah radjo, djadi bakokoh nan tjadie ' pandai, dibaie'i parahoe nantoen, sampai koembali ba' nan lamo, balimo oerang nan karadjo. Antah barapolah lamonjo , balaie poelo dari sanan, manoedjoe karang mandjarodjo ' , hilang timboea ditangah laoei' , dilamoen aloen djo galombang ; tampa' tagēlang dari djaoeah , ado sagadang taloea ajam , maradjo ' ditangah laoei' , ditoedjoe djoeolah kasanan. Tida' barapo antaronjo , sampailah poelo injo kasanan , kironja ado tanah leba, boelieh ka tampē' bakeh diam , itoelah poentja' goenoenang Marapi , laloe diam poelo disanan , iolah ninie' Sari Maradjo , dangan sagalo oerang tadi .

Dē' lamo kakalamoan , laoei ' alah manjinta ' djoeo, batambah laweh boemi Allah ; kamoedian dari itoe, balaie poelo radjo tadi , kapoelau Langgapoeri , laloe diam poelo disanan . Antah barapolah lamonjo , balaie poelo dari sitoe, ditinggakan satangah ana ' boeah , nan ka maoenji poelau nantoen, itoelah asa oerang Palembang .

Adapoen radjo nan tadi , dari poelau Langgapoeri , babalie ' kagoenoeang Marapi, alah diam poelo disitoe . De' lamo-bakalamoan , manoeroen poelo radjo tadi , sarato hambo raʻajatnjo, arah kakaki goenoeang itoe, mamboee ' tampē poelo disanan , dinamoinjo Galoendi nan Basēlo, sabab basēlo galoendi sanan . Alah manato' poelo disanan , baboeē ' roemah tanggo , dikali soemoea tampe' mandi , diboee ' poelo sawah sapirieng , sawah gadang si Tampang Banieh , itoelah namo sawah nantoen.

Lamolah poelo antaronjo , awa' batambah rami djoeo , alah sasa ' poelo kampoeang 'toe, bapindah poelo radjo tadi , sarato hambo raʻajatnjo, kapado saboeah goegoea ' , dikiri Galoendi nan Basēlo ; tanahnjo data ba' ditampo , ēlo ' lērēngnjo sanda lamang, baboeē ' koto poelo disanan , dinamoinjo Paoeroeangan , sabab lah baoeroeang poelo kasanan , Dē' ēlo' tampē' disitoe , alah riang oerang samonjo . De' lamo-bakalamoan , oerang batambah rami djoeo , batambah riang anjolaï , batambah moelie radjo tadi, disambah hambo raʻajatnjo ; bapikielah Tjati Bilang Pandai , dinamoinjo kampoeang nantoen, iolah kampoeang Pariangan , sabab salamo diam disanan , oerang batambah riang sadjo .

Kamoedian dari itoe, adolah pado soeatoe hari , datanglah oerang dari laoei ' , balaie masoea ' kasitoe ; maliē' roepo oerang nantoen, sarato alē' pakakēhnjo , hēranlah oerang Pariangan , patoei' nan boekan alang-alang, baloenlah ado maso itoe, oerang nan datang dari laoei' , hanjolah itoe moelo -moelonjo .

Laloe manitah radjo tadi , sarato Tjati Bilang Pandai, disoeroeah samboei ' oerang itoe, didjapoei ' basamo -samo , dibao karoemah radjo , dimoeliekan poelo oerang itoe.

Ado tasaboei' dalam tambo, roeso nan datang dari laoei ' , didjarē' basamo-samo , itoe kato kiasan , nan sabananjo oerang nan datang , didjapoei ' basamo -samo , dimoeliekan oerang itoe, Atiati Warman koenoen namonjo , io nan djadi pangoeloenjo , datang basamo ana' bininjo, oerang Hindoestan itoe asanjo , oerang Sakawa ' *) pangiriengnjo , dinagari Laboeang tingga radjonjo.

Adokoh loeloeih pado angan, roeso ka datang dari laoei' , boekankoh itoe moestahie, hanjo itoe kiasan sadjo . De' lamobakalamoan , kambang poelolah oerang Hindoe 'toe, sarato oerang Sakawa ' tadi , djadi batambah rami djoeo, akan kampoeang Pariangan 'toe .

Sabab lah rami kampoeang disitoe , bapindah poelo doebalang radjo, nan panjandang padang nan pandjang , kasabalah kanan Pariangan , dirambahnjo poelo rimbo disitoe , mamboeē ' roemah injo disanan , iolah didake' batoe gadang . Malie ' roepo damikian , batambah riang anjolaï , banja ' poelo oerang bapindah , mamboee ' roemah katampē ' 'toe, manoeroei' doebalang radjo tadi , djadi bakampoeang poelo disitoe . Bapikie poelo Tjati Bilang Pandai , dinamoinjo kampoeang nantoen, iolah kampoeang Padang Pandjang ; karano satali kadoeonjo , djadi nagari anjolaï , dinamoi nagari Pariangan Padang Pandjang , oelieh Tjati Bilang Pandai , dangan Datoea' Soeri Diradjo .

Kamoedian dari itoe, moepakat poelo anjolaï , iolah Datoea' Soeri Diradjo, dangan Tjati Bilang Pandai ; rapē'lah kampoeang nan doeo 'toe , Pariangan djan Padang Pandjang, ditanam oerang ka djadi pangoeloe , akan goebalo oerang banjak , akan tampe' maminta ' hoekoem kabanaran , mamarentah dibawah radjo.

Alah dapē' kaboelatan , ditanam Datoea ' Bandaharo Kajo , oentoea ' didalam Pariangan , Datoea' Maharadjo Basa oentoea ' didalam Padang Pandjang ; itoelah Pangoeloe nan dahoeloe , didalam poelau Ameh nangko , sabaloen Datoea' Katoemanggoeangan, dangan Parapatieh Nan Sabatang .

Lamolah poelo antaronjo , kamoedian dari itoe, moepakat poelo anjolaï , isi kampoeang Pariangan , sarato dangan Padang Pandjang, diboee' balai tareh djilatang , dibari baparan aka loendang, akan tampe' maminta hoekoem kaʻadielan , ka tampē' radjo djo pangoeloe , mantjari kato kabanaran , bakeh manimbang boeroea ' baie ' , diboee ' tataran saga djantan , diboee ' taboeah poeloei '-poeloei ' , nan panggatang djange ' toemo , diboeē ' gandang saligoeri , dangan tjanang Soetan Djanab , sarato agoeang basimomo' , boeatan djihin sigoelambai , nan diam dirimbo rawang , diboeē ' poelo lapie ' hilalang , akan pahiēhi balai nantoen, kabasaran radjo djo pangoeloe . Pado maso doeaso 'toe , alah langko ' itoe samonjo , soekolah poelo isi nagari , sarato radjo djo pangoeloe .

Kamoedian dari itoe, diboeē ' poelolah moesadji ' , akan tampē' badjoema'at , tampē' maminta ' hoekoem kitab oe'llah; alah tjoekoei' itoe samonjo , batambah soeko anjolaï .

Kamoedian dari itoe, baistiri radjo tadi, io kapado poeti Endah Djoeliah , barana ' saoerang laki-laki, banamo Soetan Padoeko Basa . Antah barapolah lamanjo , nagari batambah rami djoeo , matilah radjo nan tadi , di-Pariangan Padang Pandjang ; kamoedian mati radjo itoe, bakawin poelo poeti Endah Djoeliah , dangan Tjati Bilang Pandai , nan banamo Indo Djati , barana ' badoeo laki-laki , barampē' oerang parampoean . Akan ana ' nan laki-laki , soerang banamo Sakalo ' Doenie, nan soerang banamo Soetan Baloen ; sadangkan ana' nan parampoean , nan soeloeang banamo poeti Reno Soedi , nan soerang banamo poeti Reno Mandi , soerang banamo poeti Reno Djoedah, nan boengsoe banamo poeti Djamilan. Lamolah poelo antaronjo , moepakat poelo anjolaï , diangkē ' ana' radjo tadi , djadi pangoeloe maso itoe, sabab injo soedahlah gadang, nan banamo Soetan Padoeko Basa , bagala Datoea' Katoemanggoeangan , diangkē ' poelo sakali , nan ana ' Tjati Bilang Pandai , nan banamo Sakalo ' Doenie, bagala Datoea' Parapatieh ; diangkē ' poelo nan soerang laï, nan banamo Soetan Baloen , bagala Datoea' Sari Maharadjo Nan Banago -nago , saïboe injo katigonjo , itoelah injo ninie ' kito , sa -'Alam Minangkabaunjo , nan mandirikan 'adat djo limbago , nan mamboee ' tjoepa' djo gantang , nan manjoesoen nagari -nagari 'ko.

Kamoedian dari itoe, balaie Datoea' Parapatieh , io kahoeloe batang Moea , mandape' injo kajoe sabatang , ditangah - tangah laoei' gadang, baisi pahe' djo papatie , langko ' balako didalamnjo ; sabab karano dari itoe, koembali dari batang Moea, djadi bagala anjolaï , iolah Datoea' Parapatieh Nan Sabatang (kajoe).

Adapoen ninie ' nan batigo 'toe , oerang kiramat hidoei '-hidoei ' moesahoea sampai sakarang , apo-apo nan diboeē'njo , mandjadi balako kasamonjo , namoen di-'Alam Minangkabau 'ko, sadja ' dahoeloe sampai kini , tida ' ado toeloea ' bandiengnjo , tjadie '

nan boekan alang-alang , bananjo pagoeno balako , io ninie ' nan badoeo 'toe, batigo dangan Sari Maharadjo , apo 'adat nan diboeē'njo, tida'lah dapē' dioebahi , loeboea ' 'aka laoei'tan boedi , kaateh maamboen djintan, kabawah takasie ' boelan , ba'itoe sidie'-midie'njo , manggantang aie dilaoei'tan , mambilang kasie' dipantai , mahētong bintang atēh langi ' , ba'itoe tadjam 'akanjo .

Siapo itoe maso kini , dimano doesoen nagarinjo , oerang 'Alam Minangkabau 'ko, nan ka pandai maoebahi, atau manoeka boeatannjo , ditantang ' adat djo limbago , nan diboeē ' ninie' nan badoeo 'toe , batigo dangan Sari Maharadjo ; de' itoe heran hati hambo, ba' apo bana itoe kini , io tjadie'njo oerang nantoen, mangko injo handa ' maoebah , handa ' manoeka ' adat nantoen, 'adat nan lah toeroen-toemoeroen , nan masoea ' tjoepa' oesali , alahkoh injo tahoe bana, tantangan boeroea ' djo baie'njo , atau moelarat moepaʻatnjo , didalam 'adat nan tigo ' toe , mangko injo handa ' mamboeangkan ?

Balainan 'adat tiroe -maniroe , oesah ang samokan sadjo , akan tapoeang dangan kapoea, bago ko ' itoe samo poetieh, rasonjo balain -lain ."

Dalam bakato damikian , alah taga' si Boedjang Paman , bakato pado mama'njo : „ Tida' kan tantoe itoe de' hambo, hambo kapaï anjolaï ," injo bakato sambie taga ' .

Mandjawab Datoea' Radjo Pangoeloe : „ Doedoea'lah sabanta laï , ama ' taboeka' kiro-kiro."

Mambaleh si Boedjang Paman : „ Lamo bana hambo siko, kabau hambo antahlah lapēh, roempoei' baloen hambo sabi' , pinang baloen hambo roentoen , karambie baloen hambo ambie' , baisoea ' hari ka pakan, ba'apo djo datoea ' lah roendieng datoea ' , hambo kapai anjolaï ," laloe injo toeroen sakali , tida ' mamandang kabalakang .

Malie ' lakoe si Paman 'toe , tagala' Datoea' Radjo Pangoeloe , sarato Bagindo Kajo .

Alah lapēh si Paman toeroen, bakato Datoea' Radjo Pangoeloe kapado Bagindo Kajo : „ Tjoebolah pikie itoe de' ang, itoelah nan disaboei' oerang. Baroendieng djo oerang nan ta' tahoe , ba' antan pantjoekie doeri , kalau baroendieng djo nan tahoe, ba' santan dangan tanggoeli . Oerang saroepo adie' ang 'toe , disangko bingoeang injo tjadie' , disangko tjadie' injo bingoeang , itoelah oerang satoe 'aka, tato' sadjo dikaradjonjo ,

'alamat oerang koee ' mantjari, oerang nan saroepo 'toe, barakat pantjariannjo, ēlo' poelo oerang ba'itoe , hanjo baroendieng injo nan tida ' pandai , oerang djo awa' samo sadjo , tida' pandai baroendieng manih , alah ka ba'itoe kabatjannjo , tida ' djadi kito maoepe ' ; kalau oerang saroepo 'toe , injo loeroeih boekan kapalang , tida ' loepo dikaradjonjo, tida ' diragoe itoe ētan.

Ado poelo oerang satangah , manaroeah dansana' nan ba' itoe, dioempina ' patang djo pagi . Kalau injo mandape' oeang , ditjari - tjarikan sadjo kadjalannjo , dioemboea ' djo moeloei ' manih , ama'njo amoeah mambarikan , oeang nan ado ditangannjo, tatapi tida' nan basoeo , oeangnjo habih ta' badjaso , injolah pajah de' mantjari, diboeē ' ba' gadjah paangkoei ' lado ; awa' sanang sahari -hari , dimaboea' songga' siang malam, mantjari sarimih tida'. Apo nan dape ' de' dansana' , dioemboea ' ditipoe - tipoe, dikatokan ka dilakē'kan , ka pambali itoe djo iko ; apo nan dikatoedjoeinjo , itoe disaboei ' kapadonjo , soepajo hatinjo gadang, ama ' amoeah injo mambarikan , oeang nan ado ditangannjo . Baroe sampai katangan awa' , tida'lah djadi disampaikan , dalam sapoeloeah sapadoeo , salabiehnjo disamboenjikan , diambie ' oeangnjo tadi , ka pambali kain djo badjoe , ka oentoea ' salēro awa' ; injo lah pitjajo sadjo , apo nan dikatokan 'toe , karano injo oerang loeroeih, tida ' njo oesoea injo parēso, apo nan alah kato awa,' injolah manoeroei ' sadjo , disangkonjo io balako , apo nan dikatokan 'toe .

Itoe oesah ang pikiekan , boelieh dansana' nan mantjari, saroepo si Paman tadi , paliharokan haratonjo , didjago bana ēlo' ēlo' , ama ' boelieh 'toe kambang bia ' , oesah tapatah paratiannjo , tenggang - tenggang djo bitjaro, nan katjie' ama ' djadi gadang, djangan dirinau haratonja , ba' oerang nan hambo saboei'kan 'toe . Kalau laï kambang haratonja , awa' djoeo nan ka boelieh, ko' tida' awa' kamanakan , tida' kamano ka païnjo.

Oerang loeroeih saroepo 'toe , injo pandai mantjari sadjo , mamakai tida' injo tahoe, baie ' manjimpan mahando'kan , toendjoea'kan djalan nan loeroeih , djangan batoepang dalam hati, atau dilindoeang dihando'kan ; itoe talarang dalam 'adat, disara ' ba'itoe poelo, de' parentah apotoh laï . Itoelah nan disaboei' oerang „malaka'a " koetjieng didapoea , maloekah ikan dalam panai , manahan randjau dibandoea, badie nan mahado'

, manggoentieng dalam poelang, bamoesoeah dalam salimoei ' lipatan . Boeroea' bana itoe boejoeang , djangan ditiroe ditoeladan , oerang nan saroepo itoe, hidoei ' mati disaboei ' oerang, djadi tjatje' kaana ' tjoetjoe , pikiekan bana soenggoeah -soenggoeah .

Tipa' dikato nan tadi , nan dikatokan 'adat tiroe -maniroe , kalau ado pakaian oerang , ēlo' poelo dipandangi , ataupoen barang sabagainjo , maniroe soerang djo badoeo , sampai sapoeloeah, doeo poeloeah , kian lamo labieh katoedjoe , mamakai oerang kasamonjo . De' lamo-bakalamoan , mandjadi 'adat pakaian 'toe ; itoe banamo 'adat tiroe -maniroe , kalau diasa' injo mati , namoen diboeboei' injo lajoea , ba' oerang badēta saloea ' , kini lah mandjadi 'adat, djadi pakaian de' pangoeloe , baie' de' perang patoei'-patoei' , alah boelieh masoea ' katangah . Kalau ditimbang - timbang bana, 'adat itoe baloen laï lamo, sadja ' oerang badēta batie' , ba'itoe baroe lamonjo .

Namoen pakaian oerang dahoeloe , djiko injo oerang pangoeloe , dētanjo hitam bakata ' , kata ' toe ado ma'ana, babadjoe gadang basiba , siba batanti kiri kanan , basarawa goentieng ampē' , basērong kain bibie sirah , satampo' lawēh tapinjo, soeto balako kasamonjo . Kalau injo soedah babajo , disandang poero sahalai , dipasisi ' karih sabilah , badjoe tasangkoei ' digimbahnjo, diganggam toengke' sabatang, disandang poelo sapoe tangan , baboehoea baboengo koeni' , itoe pakaian paratangahan . Nan pakaian ninie ' mama' , dalam loeha' Tanah Data 'ko, kalau injo paï badjalan , mangirieng ana ' boeahnjo , nan ka djadi soeroeah -soeroeahan . Kalau ditampan diroepoi , io pakaian nan ba'itoe , bamanih bana dimato hambo ; djoko ' injo taga ' dimēdan , mamatji ' toengke' sabatang , badiri sapantoen alih, gagah bana hambo pandangi , ba' roepo alang ka tabang , pantoen singo manantang lawan , ba'itoe sigap roeponjo , nan pandangan mato hambo.

Namoen pakaian oerang moedo , nan ana' oerang patoei'- patoei ' , atau oerang nan moelie -moelie , tanamo ana' bangsawan, takalo maso dahoeloenja , nan masoea ' pakaian 'adat djoeo , badēta palangai Atjēh , babadjoe kain kasoembo, goentiengnjo tjaro Minangkabau , djahi'njo tjaro si Alahan, basarawa pandjang Langgai , bakabe' pinggang Pitalah, ataupoen itoe tali lioeang .

Takalo maso dahoeloe, io pakaian nan ba'itoe , tida ' boelieh dipakai sadjo , kalau tida' di nan patoei'njo ; kalau dipakai dapē ' salah, ba'itoe sapandjang 'adat, ama' babēso hambo djo toean.

Namoen pakaian sanagari , ba'apo katoedjoe soerang-soerang, tida' mangapo itoe boejoeang , malah tida ' nan dalam 'adat, dilingka barih djan balabēh, boelieh dipakai samonjo , apo soeko boelieh diboeē ' , asa katoedjoe pado mato , nan baie' pado kirokiro , tida'lah itoe dilarangkan . "

Mandjawab Bagindo Kajo : „Ko' itoe nan kato datoea ' , alah tarang itoe de' hambo, tantangan 'adat djo limbago , baie' 'adat tiroe -maniroe , atau pakaian datoea '-datoea ' , sarato oerang patoei '-patoei' , dalam loeha' Tanah Data 'ko. Tatapi saboeah hanjo laï , ba'apo poelo itoe hado'njo , nan bapakaian parampoеan, nan masoea ' kadalam 'adat, dalam loeha' Tanah Data 'ko, ba'mano hinggo batēhnjo ; ba'apo poelo pakaiannjo , io sagalo , disabalah kaloeha' Agam, atau sabalah Limo datoea '-datoea ' Poeloeah, baie' pakaian parampoeannjo . Samokoh itoe dangan siko , ataukoh ado poelo lainnjo ?"

Mandjawab Datoea ' Radjo Pangoeloe : „Djoko ' itoe nan ang tanjokan , tantangan bangso roepo pakai , banja ' poelo itoe ragamnjo , de' nagari balingkoeang aoea , babagai-bagi kagadangan , dalam nagari masieng-masieng, nan diboeē ' ninie ' moejangnjo , tatakalo maso dahoeloe .

Adapoen pakaian 'adat dalam 'Alam Minangkabau , dilingkaran loeha' nan tigo , babagai -bagai itoe roeponjo , saparati bamanie ' pado lihie , sarato galang kaki djo tangan , baikē' pinggang bakoeli ' baramēh masa' , dan saroeang parisai amēh , sarato karih dangan toengkē' , io simpoea sapoe tangan , tjarano djo doelang gadang, banta djo tilam boengo , salēndang katjie' salēndang gadang, koempoea djara' djo kain panda' , koempoea sarat djo badjoe soeto , sarato kain pandjang goendjai , boengo sanggoea djo galang gadang, sarato tēpa' dangan langgoeai , dangan pamanda ' aka baha, sarato dangan tjintjin Boegih , pakaian ' adat 'toe samonjo .

Adapoen pakaian ninie ' mana ' , dēta ado tigo parakaro , paratamo taboe satoentoeang , kadoeo gadjah manjaso ' , katigo dēta baikē' . Satangah hitam bakata ' , satangah oengoe bapalangai , satangahnjo poetieh koenieng, satangah hidjau baoengoe , dan baramēh masa' dan baantieng -antieng , dan roemah gadang rangkiang randjoeang , sarato karih dangan oentjang barantai, samonjo itoe pakaian gadang . Kalau boekan oerang nan , tida ' boelieh manaroeahnjo . patoei '

Adapoen pakaian gadang , nan dipakai diloeha' Tanah Data 'ko, iolah tabóe satoentoeang, sarato dēta bapalangai , pamanda' aka baha, sarato dangan tjintjin Boegih , dan rantai pado oentjang , sarato kain soeto dēwanggo, dan badjoe panda' langan , dan badjoe kasoembo, itoelah pakaian nan labieh. Dan pakaian parampoeannjo , bakoempo djara' basalēndang gadang , bakain panda' , babadjoe soeto dewanggo , baboengo sanggoea baranggai -anggai , boeatan sagalo sadang, sampai' tida ' lapangpoen tida ' , sadang ēlo ' paratangahan .

Adapoen pakaian gadang , nan djatoeah kaloeboea ' Agam , iolah dēta pandjang badjamboea ameh, dan toengke' pandjang sarato gadang ; namoen pakaian paratangahan , boeatan sagalo lapang , bapakai milie ' kasamonjo , baie' pakaian parampoean , sagalo lapang kasamonjo , singke ' tida ' dalampoen tida ' , salēndangnjo djatoeah kamoeko, sadang ēlo ' oekoea djangkonjo .

Kalau sabalah Limo Poeloeah, nan djadi pakaian gadang, iolah karih pamanda' amēh , dan tjintjin soeaso pado toendjoea' , dan soegi sagama' pado tampe' makan sirieh. Tanamo pakaian laki -laki , nan pakaian paratangahan , boeatan sagalo sadang, kana' dēta gadjah manjaso ' , mangoelai oedjoeang soedoei'njo , angko -angkonjo ba' kan djatoeah , tatapi kokoh takana'njo ; tantangan pakaian parampoean , boeatan sagalo gadang , amba' nan boekan alang -alang , ba ' kajoe sadang rimboen daoen , kana ' kampoeah ba' rang mandoekoeang, pakaian sagalo doeo , batingkah barangai -anggai .

Soenggoeahpoen itoe damikian , tanamo oerang tigo loeha' , boelieh mamakai kasamonjo , ragam pakaian nan ba'itoe, mano katoedjoe pado mato, boelieh ditiroe ditoeladan , boelieh dipakai kasamonjo , asa lē tibo dibarihnjo , tida'lah itoe dilarangkan , sabab oerang nan tigo loeha' , badansana' kasamonjo , mano katoedjoe pado hati, boelieh diboee ' itoe boejoeang, asa lē toemboeah ditanahnjo .

Malainkan pakaian nan diagieh , iolah pakaian gadang tadi , sadang koetiko 'adat badiri, tida' boelieh ambie '-maambie' , kalau tida' djo paroendiengan . Soenggoeahpoen itoe dilarangkan, boelieh poelo itoe dipakai , dē' datoea ' sahandiko , de ' radjo nan sadaulat, asa lē kato samoepakat, habih 'adat de' karilahan, habih tjoepa ' de' palilisan , ba'itoe boee ' oerang toeo , nan hambo danga baritonjo, dalam 'Alam Minangkabau 'ko, salingkaran loeha' nan tigo .

Saboeah laï poelo boejoeang, ko' io ang handa' tahoe bana, didjalan sapandjang 'adat, kadji dahoeloe oendang-oendang, oendang -oendang banja ' matjamnjo , ta'aloea' babagai -bagai , dikadji tjoerai djo paparan . Lantja kadji de' basaboei ' , pasa djalan de' batoeroei' , itoe pitoea oerang toeo , djangan loepo diboee' awa' , ba'itoe masoei' moengko sampai .

Adapoen banja ' oendang -oendang , adolah sambilan poetjoea , ' di-'Alam Minangkabau 'ko ; didalam satoe -satoe poetjoea ' , limo ratoeih banja ' ana'njo . Patoei ' dikadji itoe boejoeang , oendang -oendang nan sambilan poetjoea' 'toe, misiki tida' itoe ka lantja , sabab banja' bana matonjo , tatapi saboeah hanjo pangkanjo , asa lah tahoe di ta'loea'njo , alah boelieh bakeh bagantoeang .

Kini dangakan poelo laï de' ang, ama' hambo tjoeraikan poelo , namonjo oendang nan sambilan poetjoea ' , ama' tantoe nan ka dikadji , pitoea nan hambo djawe' , nan hambo kadjikadji djoeo,samantaro hambo laï moedo .

Satoe oendang-oendang ta'aloea' kapado radjo ,

kadoeo oendang-oendang ta'aloea' kapado pangoeloe,

katigo oendang-oendang ta'aloea' kapado ' alam,

kaampe ' oendang-oendang ta'aloea' kapado pakaian , kalimo oendang-oendang ta'aloea' kapado paramainan ,

kaanam oendang -oendang ta'aloea' kapado boenji -boenjian , katoedjoeah oendang -oendang taʻaloea' kapado rami -ramian,

kadoelapan oendang -oendang ta'aloea' kapado hoekoem nan tapakai pado 'alam,

kasambilan oendang-oendang ta'aloea' kapado kabasaran 'alam.

Didalam oendang -oendang nan sambilan poetjoea' 'toe , anam kato mandjadi pangka , kapado 'adat djo limbago , di-'Alam Minangkabau 'ko, sampai karantau ba'itoe djoeo, kato-kato nan anam itoelah , nan manantoekan satoe -satoe 'adat djo limbago, kamano -mano ta'aloea'njo , sabab kato-kato nan anam 'toe nan banja ' mangandoeang kich 'ibarat 'adat, djaoeah nan boe lieh ditoendjoea'kan , dake' nan boelieh dikako'kan , nan basoerieh ba' sipasin , nan baroeang ba' doerian . "

Mandjawab Bagindo Kajo : „Datoea' saboei'kan poelolah di hambo, kato-kato nan anam 'toe , soepaja boelieh hambo tahoe , ba' mano lata' djalannjo."

Maoelang Datoea' Radjo Pangoeloe : „Adapoen kato -kato nan anam 'toe, dinamoi oerang djoeo „kato nan ampe' tjoepa ' nan doeo" .

Soeatoe banamo kato poesako ,

kadoeo banamo tjoepa ' oesali ,

katigo banamo tjoepa ' boeatan ,

kaampē' banamo kato moepakat,

kalimo banamo kato dahoeloe batapati ,

kaanam banamo kato kamoedian kato batjari .

Nan banamo kato poesako , iolah kato nan asa, nan toeroentoemoeroen dari ninie ' Katoemanggoeangan , dangan Parapatieh Nan Sabatang , nan basoeri batoeladan, ko' djaoeah boelieh ditoendjoea'kan , ko' dake' boelieh dikako'kan , tida'njo lakang de' panēh, tida'njo lapoea' de' hoedjan , digoedam tiado patjah , dipanggang tiado hangoeih , djoko ' diasa' injo ta' mati , namoen injo ta' lajoea , itoe 'ibarat kato poesako , tilie'lah diboeboei' dangan kato-kato 'toe, ama'njo tantoe bana -bana .

Nan banamo tjoepa ' oesali , tjoepa ' nan doeo balēh tahie , gantang nan koerang doeo limo poeloeah tahie , boengka banja' isinjo, nan diboeē' ninie ' Katoemanggoeangan dangan Parapatieh Nan Sabatang , nan dipatjah kian koemari , sa -'Alam Minangkabaunjo , sampai karantau nan doeo balēh. Dari sitoe diambie ' oerang djoeo, babarapo kiasan kato -kato , kalau apaapo nan ka dipakatokan oerang, nan manoeroei ' boeatan lamo, dinamoi oerang itoelah tjoepa ' nan oesali .

Nan banamo tjoepa ' boeatan , tjoepa ' nan koerang atau labieh, dari doeo baleh tahie boengka banja ' isinjo, karano tjoepa ' boeatan 'toe , dipaboeē' oerang kamoedian , dari tjoepa ' nan oesali tadi .

Dan dari sitoe diambie ' oerang poelo , babarapo kiasan katokato, djoko ' apo-apo nan dipakatokan oerang, nan manoeroei ' paboeatan baroe, nan baloen diboeē'-boeē ' oerang dahoeloe , dinamoi oerang poelo 'toe tjoepa ' boeatan.

Nan banamo kato moepakat, iolah kato nan dipaboeē' basamo samo , baie' sakampoeang baie' sasoekoe , baie ' saloeha' , baie ' sa'alam, misiki badoeo djo batigo , nan mamboeē ' kato -kato pamoepakatan , barang soeatoe apo -apo nan dimoepakati , atau mandjadikan barang soeatoe pakadjoan , dangan baio-io 'toe.

Nan banamo kato dahoeloe batapati , iolah manoeroei ' apoapo paboeatan , nan talah soedah diboeē' dahoeloe , saparati oеrang badjandji pioetang , apabilo talah sampai djandjinjo , babaieran sadjo laï , tida ' dioelang laï roendiengan 'toe .

Nan banamo kato kamoedian kato batjari , apabilo tida' dapē' kato samoepakat, dalam apo -apo paboeatan nan dimoepakati , mangko dipaboeē djandji sakali laï , kamoedian ditjari djoeo kaboelatan , sabaloen dapē ' ditjari djoeo. Dan lagi poelo apabilo oerang moengkie pado djandji , kamoedian maminta djandji poelo io, atau handa' maoebah paboeatan, nan lah soedah dahoeloe 'toe , dangan paboeatan nan lain poelo , itoe masoea ' kakato kamoedian kato batjari djoeo. Itoelah injo kato-kato nan anam, dalam oendang-oendang 'alam, nan patoei ' bana ang katahoei , ama ' tantoe djalan nan ka ditoeroei ' , pambēsokan satoe -satoe 'adat 'toe , kamano -mano ta'aloea'njo .

Adapoen 'adat nan dimoepakati oerang 'toe , nan ang tanjokan djoeo kapado hambo, ba'apo salah sili'njo , apo moelarat moepaʻatnjo , nan sapandjang pandapē' hambo, katigo - tigo 'adat 'toe , masoea ' kakato nan poesako , masoea ' ka'adat nan oesali , nan tida ' djadi dioebah-oebah atau dihilangkan , sabab katigo - tigo 'adat 'toe , 'adat lah toeroen-toemoeroen , sadja ' dari ninie ' moejang kito, ta'aloea'njo kaʻadat nan oesali , ko' diasa ' injo ta' mati , namoen diboeboei ' injo ta' lajoea , malainkan hidoei' djoeo kasoedahannjo , ba' kato-kato hadih Malajoe :

Oerang Kampa manoebo kampa ,

matilah ikan saloeboea'njo ;

ko' pandai mantjantjang aka,

mati laloe kapoetjoea'njo ,

toemboeahlah taroea' diroesoea'njo , ba'itoe bana kasoedahannjo , nan dalam pikieran hati hambo.

Hambo pikiekan habih -habih , tantangan boeatan 'toe , akie kala'njo kamoedian , manjasa djoeo kasoedahannjo , karano maoebah 'adat itoe, ba'itoe pikieran hati hambo, tjoebolah ang ; kalau lē oemoea samo pandjang , basoeo djoeo toe samo liē'

koedian, nan ka mandjadi moelaratnjo . Soenggoeahpoen itoe damikian , Alah ta'ala kajo soenggoeah , baboee ' barang sakahanda'njo , dimano kito boelieh tahoe.

Mangko ba'itoe kato hambo, adapoen 'adat nan tapakai , didalam nagari kito 'ko, atau diloeha ' nan tigo 'ko, sampai karantau ba'itoe djoeo, sadiki ' tida ' nan baroebah, saʻalam Minangkabau 'ko, sampai karantau nan doeo balēh, saēdaran poelau Amēh nangko , tantangan harato bando oerang, saparati sawah dangan ladang , baie ' ameh dangan pera ' , atau kabau dangan djawi , sarato nan lain -lain , kalau nan poenjo soedah mati , sagalo harato djo bandonjo 'toe , baie ' banja ' atau sakētē ', djatoeah kapado si warihnjo, dari ninie ' djatoeah kamama' , dari mama' kakamanakan , sampai kapado tjoetjoe pioei ' , tida'njo poetoeih-poetoeihnjo . Ko' poetoeih baoelēh djoeo, boekan ba' poesako oerang lain, nan djatoeah kapado ana' , kalau tida ' injo basoedaro , tida ' poelo iboe bapa'njo , atau nan kari' dari itoe , ataupoen bini ditinggakan , alah tagantoeang poesako 'toe, mandjadi poenjo de' nagari , ha' sarikat itoe laï ; itoepoen tida' mamoelarat, sabab ba'itoe nan 'adatnjo , dari ninie'njo nan dahoeloe , sampai sekarang tato ' djoeo, mandjadi wakaf itoe de' injo, tida' njo oebah -maoebahi .

Dē' kito tida ' ba'itoe, hanjolah ba ' nan hambo saboei ' tadi . Kalau tida ' ado nan ba'itoe , nan sadjari nan stampo, ' itoelah oerang nan kamandjawē ' ; djoko ' tida ' nan satampo ' , nan sadjangka nan ka mandjawē '. Kalau poetoeih nan sadjangka , nan sahēto nan sadapo , itoelah oerang nan ka mandjawē ' ; ko ' poetoeih oerang saindoe, nan sakampoeang akan maoelēh , nan babarih dangan itoe. Ko' poenah oerang sakampoeang, kakampoeang lain baraliehnjo , nan batali dangan itoe ; ko' tida' poelo nan ba'itoe , masoea ' soekoe baraliehnjo . Ko' habih poelo oerang sasoekoe , kasabalah soekoe baraliehnjo , soekoe babalah balako , namoen ka poetoeih injo tida ' , hanjo tali-batali djoeo, misiki kan sampai banagari , tida ' boelieh itoe dipoesikan . Ba ' itoe boeē' oerang toeo , nan dipati djo soempah satie, sadiki ' tida' boelieh baroebah, djoko ' dioebah mambinaso , moelarat masoea' nagari , mandjadi koesoei ' kamoedian .

Akan ' adat gatang -manggatang , baie ' 'adat saho'-manjaho ' , tibo oekatoe kamatian , atau 'adat bali-mambalikan kari' baï ' , dangan ana'-ana ' pantja , oekatoe baradat marapoelai , oerang balaki babini , atau koetiko boelan baie' , goenonjo 'adat-'adat nantoen, diboee ' oerang toeo -toeo , gadang bana paidahnjo , tida ' lah injo sio-sio, boekanlah injo tida' bapikie , mambceē ' 'adat limbago 'toe . Sampai inge' oerang dahoeloe , mamboeē ' 'adat djo limbago , akan pamaliharo ana' tjoetjoenjo , saboeah tida injo takasie , tingganjo pado kito djoeo, sabab tida ' kito pahamkan , satoe -satoe 'adat itoe ; disangko ka maroegi sadjo , tida dikana sabalie'njo , disangko sadjo oerang nan bingoeang , io awa' nan bodoh bana, nan tida ' pandai mamikiekannjo , ditjatje' sadjo nan di oerang.

Nan hambo lie' hambo danga, goenonjo 'adat nan tigo 'toe, tigo poelo ta'aloea'njo .

Nan saboeah djatoeah ta'loea'njo , kapado pakaian nan biaso, nan tapakai dalam nagari , ama ' balēlo ama' baroepo, ama' babēso kari ' djo baï' , iolah djaoeah dangan hampie , antaro oerang dangan awa' , oesahnjo saroepo sadjo .

Nan kadoeo djatoeah ta'aloea'njo , ama ' koeē ' oerang mantjari , ama'koeē ' oerang bakadjo , baoesaho kasano sini, akan palawan doenie oerang, akan païsi 'adat djo limbago , nan tapakai dalam nagari .

Nan katigo djatoeah ta'aloea'njo , ka djadi tali de ' poesako , saparati harato dangan bando, nan milie ' oerang soerang, ama' tantoe tampoea' tangkainjo , ama' tarang djatoeah soearihnjo, ka djadi tjamin de' nagari . Djoko' toemboeah silang salisieh , tantangan warih nan ka didjawe ' , pado harato oerang poenah, atau nan kalam -kalam saba ' , disitoe oerang mantjari ; nan diandja ' tida' sasi , disitoe oerang manilie ' lajoea , nan diboeboei ' tiado mati , hidoei' ka tampē' batanjo , mati ka tampē basoempah, djalan rajo titian batoe. Diliē' kiri dangan kanan , atau oedjoeang dangan pangka , oerang nan salisieh . Ba'apo djaoeah dakē'njo , ba'apo kari' baï'njo , ba'apo 'adat limbagonjo , nan ditoeroen dinaie'kan , nan dilie' isi nagari , nan basoeloeah matohari , bagalanggang mato nan banja' ; ba'apo roepo nan dilie' , antaro kadoeo balah piha ' , hado'njo dangan nan poenah 'toe, nan poenjo harato nan dipasalisiehkan , ba'apo 'adat nan dipakainjo , atau limbago nan ditoeangnjo , oekatoe tibo saki' djo mati , atau didalam karadjo baie' , toemboeah didjalangmandjalang , baie' babini djo balaki , hado' kapado kari baï ' , atau kapado ana' pēna ' , saparati kapan nan salampih , ataupoen gatang nan satjabie ' , baie'poen bali nan saritjieh, tibo oekatoe marapoelai , atau koetiko hari baie' . Ba' mano poelo 'adat nan dipakainjo , limbago nan ditoeangnjo , atau barih djan balabēh, nan soedah didjalankannjo ; samaso injo lē hidoei' , atau samaso dimama'njo , baie' de' ninie ' moejangnjo , ba'apo 'adat nan dipakainjo , tatakalo maso dahoeloenjo.

Itoe paidah 'adat nan tigo 'toe , akan pamaliharo harato bando , io sawah dangan ladang , atau kabau dangan djawi , baie' amēh dangan pera' , atau barang nan lain-lain. Nan tjadie ' oesah maniajo , nan bingoeang oesah taniajo , oerang ama' bakasieh-kasiehan , ama' moerah pintoe pantjarian , ama ' injo tolong-batolong , nan bakari' nan bakabieh . Ba'itoe 'adat disiko, nan diboee ' ninie ' moejang kito , ka djadi soeloeah djadi tjaramin, ka dilie' patang djo pagi , pakaian sanantiaso , nan ditinggakan oerang toeo , ka dipakai anak djo tjoetjoe , ka didjawē ' toeroen toemoeroen , nan tida ' boelieh dioebah-oebah . Kalau dioebah 'adat nantoen, awa' kanai biso kawi , kanai koetoea ' de' oerang toeo , mandjadi sēso salamonjo , soempah sangkoeno itoe namonjo , nagari tida' sanang diam .

Sabagai lagi poelo boejoeang, „asieng loeboea ' lain ikannjo, asieng padang asieng bilalang ", itoe bidaran oerang toeo . Soenggoeah ba'itoe 'adat disiko , nan ka djadi tando tali warih, nan mandjadi 'adat salamonjo , baie'poen 'adat marapoelai , oerang balaki djo babini , ataupoen 'adat kamatian , baie ' 'adat djalangmandjalang , dinagari lain asieng poelo , nan diboeē ' ninie ' moejangnjo ; tatakalo maso dahoeloenjo , samaso nagari djolong ditjatja' , tatakalo 'adat akan dikambang , mamboeē ' balako kasamonjo , tio'-tio ' nagari nangko , nan ka mandjadi tando djo bēti , ka djadi soeloeah tjaramin, panarangi harato bando , pambēsokan kari' djo baï' , balain -lain itoe hado'njo , tida'lah itoe samo sadjo , de' nagari balingkoeang aoea , nan pakaian masieng -masieng , nan dipakai dalam nagari . Soenggoeah balain itoe boejoeang , oedjoei'njo saboeah djoeo, samo -samo ka djadi tando, ka djadi soeloeah djadi tjaramin, oelieh oerang isi nagari ; ba' nan hambo saboei'kan tadi , itoe djoeo oedjoei' moekasoei'njo , hado ' djo roepo nan balain , tatangan djalan mamikiekannjo , didalam satoe -satoe nagari , ado batando balako, mandjadi 'adat kasamonjo . Sagalo tando-tando 'toe, soepajo djangan oerang loepo, ama' tantoe djoeo salamonjo , soendoei '-basoendoei ' sampai isoea ' , itoelah injo nan dikato didalam 'adat : Oesang-oesang dibaroei , nan lapoea'- lapoea' dikadjangi . Kalau oerang mamakai 'adat, mambaroei 'toe namonjo , ama ' tantoe djoeo de' oerang banja ' , antaro oerang nan bakari ' , nan tida' lakang de' panēh, nan tida ' lapoea ' de' hoedjan . Sagalo limbago 'toe , tio'-tio' nagari nangko , ado balako paidahnjo , nan masoea ' tjoepa ' oesali , atau kakato nan poesako , samonjo ado moekasoei'njo , diboeē' ninie ' moejang kito , tio '-tio' nagari nangko . Pikieri bana dalamdalam, timbang dahoeloe habih -habih , hilie moedie'kan kato itoe , mangko tantoe boeroea ' baie'njo ; kalau boeroea ' akan diboeang , nan ēlo' akan dipakai , tantangan 'adat djo limbago , ama ' tantoe apo isinjo.”

Mandjawab Bagindo Kajo : „ Kalau ba'itoe kato datoea' , alah tasalah malah kami , mamboeē ' moepakat 'toe , maoebah 'adat nan tigo 'toe ."

Maningkah Datoea' Radjo Pangoeloe : „Boekannjo itoe kato hambo, kato 'adat hambo katokan , tjoebolah ang pikie banabana, tilie ' dē' ang habih -habih , tantangan 'adat nan tigo 'toe , ba' apo nan ang lie' , nan ditoeroen naie'kan oerang, nan didalam nagari nangko, kalau toemboeah dikamatian , siapo nan ang lie' , oerang nan mantjabie ' gatang , nan ka diagieh -agieh oerang , kapado ana'-ana' pantja .

Laïkoh ado ang malie' , diroemah oerang kamatian , oerang mantjabie ' gatang 'toe ?”

Mandjawab Bagindo Kajo : „Laï ado hambo malie ' , tapi nan tampa ' de' mato hambo, oerang mantjabie ' gatang itoe, atau manjoeroeah mantjabiē'njo , kapado oerang patoei'-patoei , nan ana ' boeahnjo djoeo, dimano -mano oerang kamatian , tida ' lain tida ' boekan, hanjolah datoea ' ninie ' mama' , dari oerang nan mati 'toe , sarato datoea '-datoea ' dalam soekoenjo nan barampieng , nan sasoekoe dangan injo. Dan datoea'-datoea' itoe poelo nan manantoekan , ko ' ana'-ana ' siapo-siapo nan patoei' dibari gatang 'toe , ba'itoelah hanjo nan tampa ' dē' hambo ."

„Laï malah ba'itoe nan tampa ' de ' ang, " kato Datoea' Radjo Pangoeloe .

„Adokoh ang malie' , nan sambarang oerang sadjo , nan mantjabie ' gatang 'toe , atau manjoeroeah mantjabie'njo , atau manantoekan kadatoea'-datoea ' , siapo nan ka dibari gatang itoe. "

Mandjawab Bagindo Kajo : „ Inda ' ado hambo malie' nan ba'itoe hanjo datoea '-datoea ' djoeo nan mangaradjokannjo , ba'itoelah nan basoeo de' hambo, dimano -mano oerang kamatian salamo iko . Kalau datoea '-datoea ' 'toe manjarajo mantjabie'njo , malainkan kapado ana' boeahnjo , nan patoei '-patoei' djoeo disocroeahkannjo , iolah nan warih pangoeloe djoeo."

, oerang mambari gatang 'toe , kapado ana ' Laïkoh ang malie' dansana' oerang nan mati 'toe , jaïtoe dansana'njo nan sabapa ' sadjo dangan injo, tatapi balainan iboe dan ninie ' mama'njo , tida ' batali si warihnjo ? " kato Datoea' Radjo Pangoeloe maoelang bitjaronjo.

,, Itoe tida ' hambo malie' , malainkan nan hambo lie' salamonjo, nan dibari oerang gatang 'toe , hanjolah ana' oerang nan mati 'toe bana, dan ana'- ana ' dansana'njo , nan sakaoem injo sadjo , sarato ana'-ana ' dari tjoetjoenjo , nan satoeroenan itoe djoeo, dan ana'-ana ' kari' -baï'njo , nan sakorong sakampoeangnjo, dan nan djawē '-mandjawē ' haratonjo . Kalau injo badansana' , sabab de' sabapa' sadjo , nan tida' batali warihnjo, tida'- lah dibari oerang gatang 'toe ," djawabnjo Bagindo Kajo .

„Laï malah awa' ang tahoe , ” kato Datoea' Radjo Pangoeloe .

„Adokoh itoe ang pikiekan , ba'apo sababnjo mangko ba'itoe, oerang mambari gatang 'toe , ba'a moengko tida ' dibari oerang, ana' dansana'njo nan sabapa' dangan injo, nan balainan soearihnjo . Boekankoh itoe oerang nan badansana ' bana, manoeroei' sapandjang kadji , nan boelieh mandjadi wali, de ' ana'- njo sabalah-manjabalah ? "

,, Itoe io inda ' hambo tantoei salamo 'ko, ba'a mangko de' ba ' itoe diboeē ' oerang," djawab Bagindo kajo .

Maoelang Datoea ' Radjo Pangoeloe : „Kini dangakanlah de' ang , ama ' hambo katokan bana, ba'apo itoe djalannjo , moengko ba'itoe diboee' oerang, 'adat nan saroepo itoe, tantangan 'adat gatang-manggatang , kapado ana'-ana ' pantja .

Mangko ana'-ana'njo sadjo , dan ana'-ana' dansana'njo , sarato ana'-ana' dari tjoetjoenjo , nan satoeroenan dangan injo ; dan ana'-ana ' kari'njo nan satali warih dangan injo 'toe sadjo , nan dibari oerang gatang , ka djadi tando itoe boejoeang, bahaso si Anoe nan mati 'toe , dangan si Anoe nan hidoei ' kini , oerang 'toe badansana ' kari' , saana' sakamanakan , nan tida ' boelieh tjarai tangga, baie' hidoei ' baie ' mati ; ko' habih sabalah -ma njabalah djawē '-mandjawē ' haratonjo , tando oerang 'toe basoearih , ka djadi tando badansana' . Kalau toemboeah dikamatian , samo digatang ana'-ana'njo , baie' ana' de' nan mati , ataupoen , oerang nan sakaoem 'toe , sampai kapado ana' de' nan hidoei' tjoetjoe pioei'njo , ama ' dilie' de' nagari , ama ' tahoe djo oerang samonjo . Dipaliē'kan saoekatoe mati , dangan tando gatang itoe, kapado ana '-ana'njo , nan datang mandjangoea ' karoemah 'toe, sadang ' rang rami atēh roemah ; itoelah soerē ' atēh batoe, nan tida' dape' dipoepoeih-poepoeih , nan tida' lakang de' paneh , nan diandja ' tiado lajoea , diboeboei ' tiado mati .

De' itoe mangko tida ' boelieh dibari dansana'njo , nan sabapa' sadjo dangan oerang nan mati 'toe , nan balainan kampoeang dangan pangoeloenjo , nan tida' batali soearihnjo , sabab tida ' oerang 'toe badansana' kari' sapandjang 'adat, malainkan injo badansana' kari' sapandjang sara ' , tida ' boelieh djawē'- mandjawe ' haratonjo , antaro sabalah-manjabalah , karano tida ' soearihnjo , manoeroei' 'adat Minangkabau .

Kalau tasalah oerang maagieh-angieh gatang 'toe , nan tida' patoei' dibari nan tabari , mangko batanjo oerang nan tabari , dimoeko sidang karapatan , oékatoe injo dibari 'toe , kapado datoea ' si pangkalan , ninie ' mama ' nan kamatian , atau kakari ' djo kabiehnjo : „Ba'apo djaoeah hampienjo , bapa' hambo djo nan matiko ? " Ko' ado tatah barihnjo, atau talinjo nan tida ' poetoeih , antara bapa' oerang 'toe , dangan oerang nan mati tadi , ditarangkan oerang kapadonjo , ba'apo djaoeah dakē'njo , antaro oerang nan mati 'toe , dangan bapa'njo oerang itoe. Ko' ta' ado tatah barihnjo, disaboei' poelo kapadonjo , bahaso salah mambarikan gatang 'toe . Diambie ' itoe babalie ' , poelang kapado si pangkalan .

Kalau tida' poelo tabari , nan patoei' dibari gatang 'toe , maloe poelo itoe padonjo , ba' roepo boekan oerang disitoe nan bakonjo , ba' roepo bapa'njo oerang taboeang ; djikalau ado injo ka nan rapē' , kapado ninie ' dangan nan ba'itoe , maminta ' mama ' , oerang nan kamatian tadi . Apo sababnjo iko kini , mangko hambo tida ' dibari, io kain gatang 'toe , boekankoh itoe bapa' hambo, io nan mati iko kini ? Maloe bana hamba dē' oerang , dansana' hambo nan lain-lain, boelieh balako kasamonjo, disisieh sadjo badan hambo ; nan sapandjang tahoe hambo , ko' barē' samo dipikoea , ko' ringan samo didjindjieng, kalau tibo di bapa' hambo, dangan bapa' nan mati 'ko ; ko' lawēh baloen bakapieng , ko' pandjang baloen bakarē ; ba' itoe nan hambo danga, dari mandiang bapa' hambo, nan salaroei ' salamo iko , samaso hidoei ' bapa ' hambo, kalau apo -apo nan toemboeah diroemah 'ko, misiki tibo karadjo baie' , ataupoen tibo karadjo boeroea' , apo-apo diboee' oerang, tida'lah tingga diri hambo. Bago ko' io hambo oerang misikin, baloen laï hambo katinggalan , apo 'adat diboee ' oerang, diroemah bako hambo 'ko ; misiki bare' atau ringan, limbago hambo toeang djoeo , ko' 'adat hambo isi djoeo, ba'itoe djoeo salamo iko. Nan sakarang kini nangko , hambo talata ' dibalakang , itoe sababnjo hambo maminta ' tarang , kapado sagalo ninie ' mama'. "

Ba'itoelah sapandjang 'adat, tida ' maloe oerang manjaboei ' , kalau tagēndēng dalam 'adat, ba'apo pakai nan biaso .

Kalau bana nan saboei'njo , dibari oerang injo gatang 'toe , tida' boelieh itoe ditinggakan , misiki bapa'njo bakasoemat, tida' baēlo ' djo nan mati , nan injo digatang djoeo.

Ba'itoe 'adat limbagonjo , tipa' digatang -manggatang , tida'- lah boelieh ditinggakan , sabab bamoesoeah dalam kampoeang, atau batjaka ' bakalahi ; io awa' nan badansana' , tjabie'- tjabie' boeloe ajam , salamo boeroea' injo ka ēlo' , salamo tjarai injo ka rapē' , tida' boelieh mamoetoeih barih. Kalau dilangga nan ba'itoe , balawan awa' djo nan banja ', didatangi oerang dalam soekoe , didatangi isi nagari ; kalau salisieh dihoekoemnjo , namoen badarai disoesoennjo.

Boekan ang samo malie' , oerang gatang -manggatang 'toe, tida' boelieh dibagi sadjo , kapado ana'-ana' pantja ; sabaloen rape' oerang mandjangoea ' , diroemah oerang kamatian , baloenlah itoe diagieh oerang, kain nan akan gatang itoe. Kalau lah rape' oerang mandjangoea ' , sadang rami diatēh roemah, disitoe gatang baroe ditjabie' , dimoeko oeoerang nan rami 'toe, laloe diagieh -agieh itoe sakali , kapado nan patoei'-patoei ' boelieh , dimoeko sidang karapatan .

Kalau nan boelieh gatang itoe, ana' pantja nan laki-laki, dipadētanjo 'toe sakali , kalau ana' 'toe parampoean, dipakainjo itoe sakali , mandjadi tingkah itoe de'njo , sampai poelang karoemahnjo , tida' boelieh diboeka'-boeka ' .

Nan didjadikan gatang itoe, tida ' boelieh sambarang kain, hanjolah kain poetieh salaloe, ama' tarang di mato oerang baMOESTIKO 'ADAT 'ALAM MINANGKABAU . 4 nja' . Ba'itoe banalah sababnjo , mangko ta' boelieh disoeroea'- soeroea'kan , mambao kain gatang itoe, de' ana '-ana' pantja tadi , ama' dilie' oerang nan rape' , nan mandjangoea ' karoemah 'toe, atau basoeo tangah djalan ; ama ' tahoe isi nagari , nan bahaso ana ' si Anoe 'toe , ado bagatang balako , oekatoe si Anoe mati . Itoe tandonjo badansana' , nan basoeloeah matohari , bagalanggang mato nan banja ' , ba'itoe 'adat nan biaso, io limbago nan batoeang, ka djadi tando tali warih, ko' ado oerang basalisieh, oerang baraboei' soearihnjo , boelieh dioesoea diparēso , kapado oerang dalam nagari , nan badakē' nan barampieng . Ba'apo paliatannjo , oekatoe toemboeah dikamatian , antaro oerang nan salisieh , dangan nan poenjo 'toe , tatakalo maso hidoei'njo , hado' kapado ana ' pēna ' . Dan ba'apo 'adat limbagonjo nan soedah dipakaikannjo , atau samaso di mama'njo , baie' samaso di ninie'njo , nan soedah toeroen-toemoeroen , itoe nan soerē' atēh batoe , tida ' dape' dipoepoeih-poepoeih .

Tantangan saboeah laï, di'adat saho'-manjaho ' , kalau toemboeah dikamatian , datang andan pasoemandan, sarato korong djo kampoeangnjo , dangan tarati ' madjalihnjo , mambao kain ka panjaho ' . Saho' itoe babagai -bagai , ado nan saho ' tahampai sadjo , ado saho ' kain gambaran , ado nan disalimoei'kan , kapado nan mati 'toe, ado nan saho ' dikapalo , kapado dansana ' dan iboenjo , manoeroei' djaoeah dakē'njo ; antaro kari'njo nan mati 'toe ; ado nan saho ' dikapalo , kapado dansana' dan iboenjo , manoeroei ' djaoeah dakē'njo , antaro kari'njo nan mati 'toe, dangan pasoemandan nan manjaho ' . Kalau nan dakē' hampie djoeo , namoen nan djara' djara' djoeo, talata'njo bahado ' poelo, tida' boelieh batoeka-toeka ; nan patoei' dakē dakē' djoeo, nan patoei ' djara ' djara' djoeo. Kalau batoeka talata'njo , toemboeahlah renta' maso itoe, maranjoea ' nan poenjo saho ' , diambi'njo kainnjo tadi , dibaonjo poelang sakali , manoeroei' korong kampoeangnjo , nan samo datang mandjangoea ' , sampai bapoedjoea' de' nan rape' , ba' itoe salah sili'njo, djiko tida ' kanai djalannjo.

Oerang nan ka malata'kan saho' 'toe, tida ' boelieh sambarang sadjo , hanjo padoesi nan patoei'-patoei' , nan tahoe di hērēng gēndēng, nan bakari ' ka nan mati 'toe, kalau datang pasoemandannjo , kalau itoe nan kari ' bana, basonsong sahinggo pintoe , batarabo' itoe namonjo , sarato tangih djo rato'njo , didjawē ' ka in panjaho ' , nan dibao pasoemandan 'toe , injo dipapah katangah , dibao doedoea ' dakē' garai, disisi tampē' nan mati , marato' basamo -samo .

Alah sabanta injo marato ' , laloe barhanti anjolaï , dihado'- kan kampie sirieh, oelieh oerang nan datang tadi , sambie manjapoe aie mato, diboeka' kain panjaho ' 'toe, dioendjoea'kan bakeh nan patoei' , kapado kari' nan mati , nan sakampoeang atau sasoekoe , soedah didjawē ' kain itoe, diboeka' dari boengkoeihnjo , dibilang banja ' halainjo , diliē' poelo roeponjo , ataupoen tando nan laï ado , ditoendjoea'kan oekatoe itoe, kalau soedah diliati , baroe diadjoen talata'njo , patoei' tahampai dihampaikan , patoei ' salimoei ' disalimoei'kan , ba'apo handa'- njo nan biaso, maliē' kari'njo nan manjaho ' , ba'apo djaoeh dakē'njo , mangko injo datang manjaho ' , dihampaikan ditantang garai , sabarih roeang ditangah , dari oedjoeang laloe kapangka , tida' boelieh dioesie'-oesie' , sampai kapado manigo hari, baroe didjapoei ' kain itoe, de' oerang nan poenjo saho' , kalau oerang soedah mangadji , diroemah nan mati 'toe .

Itoe de' oerang si pangkalan , kalau lah tibo nan poenjo tadi , mano-mano nan poenjo saho' , diliati poelolah roeponjo , sarato tando nan laï ado .

Kalau lah soedah diliati , dipandangi basamo-samo, oelieh oerang nan ado disitoe , baroe ditoengkoeih kain itoe, dibao poelang babalie ' , de' nan poenjo saho' tadi ; kalau kain oerang disalang , dipoelangkan sabanta itoe, ba'itoe sapandjang 'adat, tantangan saho'-manjaho ' dioekatoe kamatian , ka djadi tando kari ' djoeo, panjatokan oerang 'toe badansana ' , sabab karano si Anoe mati , manjaho ' bini si Anoe , manjaho ' ana' si Anoe , manjaho ' kari' djo kabiehnjo , nan batali dangan nan mati .

Ba'apo djaoeah dakē'njo , antaro oerang badansana' , alah tantoe oekatoe itoe, sabab saho' ana' bininjo, nan djadi pasoemandannjo , tampa' balako de' isi nagari , nan maliē' oekatoe itoe , oerang nan datang mandjangoea ' , atau nan basoeo tangah djalan , ba'apo hado' adangnjo , alah tarang djoeo de' oerang banja ' .

Pado pikieran hati hambo," kato Datoea' Radjo Pangoeloe , ,,kalau dipoetoeih poelo 'adat itoe, akan hilang malah tandotando, nan manoendjoea'kan kari' , djo baï', nan diliē ' oekatoe kamatian , misiki ditoeka dangan bareh , ba' nan ang katokan tadi , itoe baraso tasamboenji , lagi samonjo oerang mambao , tida' tantoe kari' baï'njo .

Siapo oerang nan ka tahoe, bahaso sagantang dibaonjo , ataupoen itoe tangah soeke ' , atau satjoepa ' dibaonjo , sabab baboengkoeih itoe balako, tida ' ka moengkin itoe boejoeang, nan ka dioedji disoekati , dioekatoe oerang rami , akan malie' tando kari'njo , nan mambao injo sagantang , nan mambao injo tangah soekē' , , saroepo sadjo itoe tampa'njo ; djadi ataupoen itoe nan satjoepa ' tida ' tantoe lainnjo, nan bakari' djo nan tida', baiē' djaoeah dangan dake' . Ditilie' saboeah laï , kalau tibo di nan soeka, nan tida ' manaroeah barēh , de' malang tida' tatoela' , de' moedjoea nan tida' taraieh , sadang oekatoe kapoetoesan , kamatian pasoemandannjo , nan kari' bana kapadonjo , saparati diroemah soeaminjo , atau dansana' soeaminjo , oerang nan djawē '-mandjawē ' , atau diroemah minantoenjo ; akan mandjangoea ' ba'a djoeo , bapitih sarimih tida' , akan ditjoebo paï manjalang , itoe barēh oentoea ' pandjangoea ' , atau mahandoea ' kiri kanan , oerangpoen tida ' soeko mambari , sabab awa' lah banja ' doeto , nan dihandoea' saloembahari , atau nan pakan dahoeloe, baie'poen nan sapakan doeo , baloen djoeo laï tabaie, kinilah akan ditambah poelo, oerang ta' akan amoeah mambari , ko' awa' lah sagan poelo ; toemboeah rasahan hati , kasoedahannjo doedoea ' tamanoeang , diambie ' kain salimoei ' , ditoetoei' pintoe samonjo , basiloeboeang didalam roemah, oerang mandjangoea ' awa' tida ' , hati maloe batjampoea ibo, pado siapo dikatokan , manangih sadjo anjolaï .

Alah sahari , alah doeo hari , sampai poelo oerang mangadji , diroemah nan kamatian , awa' tida ' dipanggie oerang, sabab tida ' datang mandjangoea' , kalau ado awa' barakanan , disitoe moengko soesah bana, datanglah oepe' dansana'njo , sarato dangan korong kampoeangnjo : „Elo' bana pasoemandan hambo 'toe, tahoe di 'adat djo limbago , mandjawē sadjo tangannjo pandjang , ikolah djinih oentoeang hambo, alah badoeo kamatian, siapo oerang nan tida' datang , djaoeah dakē' ado balako, injo sadjo nan tida ' tampa' , dikatokan injo ka saki ' , atau badjalan dari siko, banja ' djoeo oerang nan manjaboei ' , diroemah sadjo djanjo oerang ; kalau hatinjo laï ēlo' , djoko ' tida ' manaroeah barēh , malam malah datang kamari, dansana' hambo nan bingoeang bana, itoelah roepo parampoeannjo , tida' padoeli pado awa' , de' injo katoedjoe djoeo, antah apo poelolah nan dipakainjo, dē' ipa bisan hambo 'toe , mangko injo manggagai bana, dansana' hambo saroepo 'toe , kapado bininjo nan ēlo' 'toe .

Ikolah djinih baban nan tibo, malang lah batimpo - timpo , tipa ' dibadan diri kami , nan sakampoeang-kampoeang iko, tida ' ado tampa' moekonjo , pasoemandan hambo nan labieh 'toe, dimano moengkin itoe kawan , nagari sagadang iko, barēh satjoepa ' ta' kan dapē' , batēnggang kian koemari , boekankoh itoe moestahie? Bareh nan akan dimakannjo , mangapo dapē' itoe de' injo, kalau injo, laï maloe, tapandang karang kampoeang 'ko, atau kapado lakinjo 'toe , ka kami 'ko soenggoeah lah tida ' , sabab kami oerang hino, tida' sadjoedoe dangan injo, ba' birah dangan kaladi .

Kalau injo laï handa' kamari , tando awa ' bapasoemandan, baoetang bareh malah dahoeloe , bareh nan sagantang 'toe, lakinjo djoeo nan ka mambaie, baloen laï injo nan ka roegi .

Malah tibo injo disiko , misiki ka dibaonjo itoe babalie' , barēh nan dibaonjo itoe, asa le tampa' injo datang , tida ' mangapo itoe di hambo.

Kini ba' itoe anjolaï , kalau injo kakioen djoeo, io dansana ' hambo itoe, ko' ta' amoeah hambo tagahkan , bialah injo ama' ba' djanjo, baragieh oentoeang malah kami badansana ' , barē' ringan ama' didjoedjoeangnjo , tjoebolah pikie 'toe de' kaka ' , saroepo tida' ado laï baoerang nan lain , nan ka djadi padoesinjo , de' dansana' hambo itoe."

Itoelah oepe' dansana'njo , ko' ado injo barakanan , babarapo banja' oepe' djo poedji , sadang doedoea ' mamakan sirieh , atau koetiko minoen kopi , baie' koetiko paï badjalan , nan samo-samo parampoean .

injo kakioen , Tadanga poelo de' nan lain, alah mandake' ditēlēngkannjo talingonjo , disima'kannjo roendieng itoe, ditambahnjo poelo satoe-satoe, bapadalam panjaki' tadi .

Alah soedah injo bagoendjieng , manjaboei '-njaboei ' roendieng itoe , badjalan poelolah awa'njo , oerang nan mandanga tadi , kapado oerang nan disaboei' , baboeē '-boeē ' maminta ' sirieh , ataupoen barang sabagainjo , sangadjonjo paï bagoendjieng , manjaboei ' roendieng nan tadi , pandjang panda' dikatokannjo, barapo poelo katjimoeihnjo , saboeah roendieng nan didanga, sapoeloeah toekoea ' tambahnjo , de' oerang nan ma njampaikan , samo tahoelah lakoe padoesi , tangah djalan amoeah , asa injo ka bagoendjieng , manjaboei '-njaboei ' oerang nan taga' , nan moelarat pado oerang , lain, tida' dikana boeroea ' baie' nan ēlo' di injo sadjo . Kalau toemboeah silang salisieh , injo batida ' kamoedian, hanta -bahanta anjolaï , akie kala'njo kamoedian , sabab karano roendieng itoe , banja'lah kato nan ta' baie' , tio' hari batoekoea ' djoeo, dari sabalah-manjabalah ; sabab karano goendjieng tadi , toemboeahlah tjaka' djo kalahi , djadilah poetoeih barakanan , ataupoen ana ' djo bakonjo , tida ' djalangmandjalang laï, saki' tida ' silau -manjilau , baralē' tida' panggiemamanggie , labieh djaoeah dari nan djaoeah , awa' nan bapasoemandan kari' , moelonjo sabab tida ' mandjangoea ' , akienjo bapoetoeih tali, antaro andan pasoemandan , ataupoen ana' djo bakonjo , itoe moelarat mambao barēh," kato Datoea' Radjo Pangoeloe .

Kalau dipakai ' adat lamo, 'adat manjaho ' dangan kain, alah biaso salamonjo ; kalau tida' injo manaroeah, korong kampoeangnjo mampasalangi , ataupoen paï manjalangkan , kapado oerang nan manaroeah, sabab ba'itoe nan tapakai , dari ninie'- ninie ' kito , ko' bare' samo didjoedjoeang , ko' maloe samo disaho ' , tida' bapakai dalam kampoeang, atau didalam kaoem soekoe, bapadangkikan kain panjaho ' ; ko' ta' amoeah manjalangi , disaboei ' oerang poelo awa' , dioepe ' korong djo kampoeang , saroepo tida' akan kamatian , de' manaroeah mangko disalang , itoelah kato nan ka datang , dari dansana' soedaronjo , nan bakari ' nan bakabieh , ataupoen oerang dalam soekoe , itoelah sabab karanonjo , oerang tida ' bapadangkikan , io kain panjaho ' itoe ; tambahan kain-kain itoe, tida' akan roesa' binaso , tida' akan dipakai oerang, hanjo tahampai -hampai sadjo , mandjalang oerang lapēh mangadji , diroemah oerang nan kamatian , badjago de' korong kampoeang. Kalau lah soedah oerang mangadji , sagalo kain -kain itoe , babalie' balako kasamonjo , kapado nan poenjo soerang-soerang, ēlo ' poelo itoe de'njo , de' oerang nan poenjo kain, ka ganti mandjamoea -djamoea kainnjo, ka ganti pamboeang -boeang kapoejoea' , nan lah lamo tida' badjamoea , talata ' sadjo dalam pēti .

Io djoeo kato oerang 'toe , kalau dipandang lahie sadjo , 'adat saho '-manjaho ' 'toe , tida'lah itoe ado goenonjo , saroepo oerang bapandie-pandie, kain dihampai -hampaikan sadjo, karoemah oerang kamatian , tida' ado tampa' goenonjo .

Tatapi batinnjo 'adat itoe, sangatlah basa paidahnjo , akan , nan badake' nan barampieng , oesah panantoekan kari' baï' ba' dagang mati sadjo , panjatokan awa' oerang nagari , nan bakari ' nan bakabieh , ama ' njato de' oerang banja ' , kari' kabiehnjo masieng-masieng, nan oesang -oesang dibaharoei , nan lapoea ' dikadjangi .

Kalau tibo dikamatian , badiri 'adat nan ba'itoe, mambaharoei itoe namonjo , panjatokan oerang 'toe badansana' , nan batali soearihnjo , ama ' tahoe djoeo nan baloen tahoe , ama ' djangan loepo salamonjo , tali warih masieng-masieng, pahambe' silang djo salisieh , panoela ' tjaka' djo kalahi , oerang nan mamparaboei'kan soearihnjo , ama ' santoso isi nagari , tato' dimilie ' soerang -soerang, ba'itoe tjaradie'njo oerang toeo ' mamboeē ' 'adat djo limbago , dimano oerang barami -rami , saparati toemboeah kamatian , atau dihale ' dangan djamoe , atau soemandomanjoemando, disitoe tando diboeē'njo , didjadikannjo itoe 'adat, ama ' oesah loepo salamonjo , laloe katjoetjoe kapioei'- njo , ama'njo toeroen-toemoeroen , ba ' itoe oedjoei ' moekasoei'- njo , oerang nan mamboee ' ' adat 'toe .

Kini awa' nan akan mamoetoeih , mahilangkan barih nan tapahē ' , alang kan barē'njo itoe boejoeang, mahilangkan tando oerang bakari ' , mamoetoeihkan salatoe'rrahim , antaro oerang badansana ' , nan bakari ' nan bakabieh, tida' boelieh tjarai tangga .

Tantangan saboeah laï , tipa ' di'adat bamarapoelai , oerang nan balaki babini , djoko ' dipoetoeih poelo 'adat 'toe , kalau tida ' akan bali -mambalikan laï, kapado kari' dangan baï' , nan bakampoeang nan bakaoem , atau ana ' dangan pēna ' , dimano injo akan tahoe, bahaso awa' lah baroemah, bahaso injo lah basoemandan , atau injo baandē baroe, ama ' tahoe banalah awa'njo , diboeē'- boeē'njo saroepo tida ' , sabab 'adat lah baroebah, tida ' manimbang raso laï , tida ' mangana kari'-baï' , saroepo oerang dagang sadjo , tida' sapoinanjapo laï , atau akan djalang -mandjalang , , salah rasonjo tida ' bapangka , sabab pado oekatoe hari baie' moelonjo tida' tahoe , diakienjo tantoe tida ' padoeli, mamoetoeih djoeo tali warih, mahilangkan tando tali 'adat, tando awa' nan badansana ' , nan bakari ' nan bakabieh , nan babako nan babaki , ba' itoe kasoedahannjo .

Adapoen 'adat bali -mambalikan , kapado kari' dangan baï ' , sarato ana' dangan pēna' , dioekatoe bamarapoelai , itoelah 'adat paramoelaan , pambari tahoe sana ' soedaro , sagalo kari' dangan baï' , sarato ana' dangan pēna' , bahaso injo lah bapasoemandan baroe , lah batali kakampoeang itoe, boeliehnjo djalang -mandjalang , sampai kapado ana'-ana'njo , batali -tali salamonjo , mamakaikan 'adat masieng-masieng, nan tapakai dalam nagari , nan manoendjoea'kan kari ' baï' djoeo, pado koetiko tibo djangkonjo , oerang mandirikan 'adat itoe.

Tjoebolah lie' kamoedian , kalau laï oemoea samo pandjang , tibo di ana' dangan tjoetjoe , djoko ' toemboeah silang salisieh , tantangan sawah dangan ladang , atau ameh dangan pēra' , baie' barang nan lainlainnjo, di oerang basalisieh warih, ba' apo akan mantjari sasi , apo tandonjo nan ka diliē' nagari , boeto kasamonjo , akie kala'njo kamoedian , kalau tato' saroepo itoe, djoko' toemboeah silang -salisieh , oerang baraboei ' soerihnjo , sanan bagaloei'lah pikieran , bagai si bisoe barasian , ba' si Koedoeang balangkitang , taraso ado dape' tida ' , ba' pitoea oerang toeo , „ka mangadji soere ' lah hilang , ka batanjo goeroe lah mati " , ba' apo oentoeang anjolaï , disitoe mandi tjadie ' pandai , mano nan bingoeang taniajo , mano nan tjadiē' maniajo , bana dioedjoeang lidah sadjo , tando 'alamat tida' laï , awa' nan bakari ' babaï' , ba'apo manjaboei'kannjo , pado siapo ditanjokan , oerang tida ' nan magatahoei , tandonjo tida ' oerang malie ' , bakari ' djo awa' sadjo, kato nan soerang ba ' itoe poelo , mangarēhkan lidah masieng-masieng, tatapi tida ' ado tandonjo , bahaso awa' nan bakari ' , alangkoh soesah mantjarinjo, djoko ' tato' saroepo 'toe, sabab tida ' batando laï .

Alah poelo hambo maliē' , disabalah ka-Limo Poeloeah, dalam satoe -satoe nagari , oerang nan mahilangkan 'adat lamo , nan mandjadi tando tali warih, antaro nan bakari baï' , ditoeka djo 'adat baroe, djan 'adat tiroe -maniroe , nan ēlo' roepo dipandangi , de' lah lamo 'adat 'toe hilang , lah loepo nan toeo -toeo , lah ragoe nan moedo -moedo , banja'lah toemboeah parakaro , didalam tio'-tio ' kampoeang, oerang basalisieh tanah , sarato amēh dangan pēra' , babagai-bagai itoe djalannjo , mamparaboei'- kan harato oerang, nan lah poenah nan poenjonjo , barapo banja' habih oeang , tagadai sawah dangan ladang , tadjoea kabau dangan djawi , tasando galang padja -padja , sabab karano parakaro , mangatokan awa' si warihnjo, dari oerang nan poe nah 'toe , kato nan soerang ba'itoe poelo , mangarēhkan lidah masieng-masieng, tatapi tida' tantoe tandonjo ; sabab karano dari itoe , pajahlah itoe sabalah-manjabalah , batēnggang kiankoemari , mantjari sasi kapado koto , nan ka manolong parakaro .

Awa' sakampoeang sahalaman , nan salaboeah satapian , nan bakabieh sadja ' dahoeloe , kini lah bamoesoeah -moesoeahan , sabab karano parakaro , oerang lain nan kajo sadjo , baniago dioedjoeang lidah , mambari pitoendjoea ' djo pangadja . Ama ' boelieh awa' djadi manang, bia habih harato bando, asa djangan banamo kalah , ditjari 'akal kiri kanan , sabab tando banja ' nan hilang , djadi moerah silang salisieh , nan toemboeah didalam kampoeang , baie' didalam kaoem soekoe , atau didoesoen dinagari .

Adapoen oerang nan salisieh , dari harato sawah ladang , atau ameh dangan pera' , djarang basoeo djo oerang lain, gali'- njo samo -samo awa' , nan batali -tali djoeo, nan basangkoei'an kiri kanan ; kalau dangan oerang lain , dimano kito ka salisieh , tida ' ado sangkoei '-manjangkoei ' . Barapo banja ' moelaratnjo , kalau 'adat kito hilangkan , nan mandjadikan tando-tando, kapado oerang nan bakari ' , nan manjatokan tali si warih, moerah laloe asoeang pitanah , oedjah kiri oedjah kanan , didalam tio'- tio' kampoeang, baie' basoekoe banagari , mandjadi banja ' kasoematnjo , maroesa'kan isi nagari , manggadoeah kapado kasanangan .

Saboeah laï moelaratnjo , maloepoen koerang dalam kampoeang , atau oerang didalam soekoe , baie' oerang dalam nagari , antah kan lamah paratiannjo , itoe oerang dalam nagari , tantangan bahoemo djo batahoen, baie' badagang baniago .

Ko' timboea pikieran oerang, io pikieran si panjagan , kanapo bana goeno oeang , kanapo goeno kain dibali, sakadar tagoeah alah djadi , misiki mati de' mantjari, soelah kapalo de' manggalēh , 'adat tida ' nan ka diisi, limbago tida ' nan ka ditoeang , malah sakadar kanjang paroei ' , itoelah djadi pantjarian. Djoko ' ba'itoe pikierannjo , sagalo oerang nan panjagan , nan malēh-malēh bakaradjo , batambah lamah oesahonjo, akienjo djatoeah soeka misikin , sabab awa' batambah malēh , djalan maloe tida ' ado laï ; tjoebolah ang pikie -pikie , nanangi de' ang lamo -lamo ! Adapoen 'adat oerang kini , boekannjo itoe kini sadjo, sadja ' dahoeloe ba'itoe djoeo, mangkonjo koee ' oerang mantjari , baoesaho kasano sini, mantjari kiri dangan kanan , baie' bahoemo djo batahoen, atau badagang baniago , io karano 'adat djoeo, itoe parentah labieh koeē ' , siang malam mamaboea ' diri : Kalau awa' tida' amoeah , sana' soedaro manjoeroeahkan , ana' djo bini mamarentah , alang soesahnjo itoe boejoeang, manjoeroeah awa' bakaradjo , manjoeroeah awa' paï mantjari , baoesaho kian koemari , apo nan patoei' djalan oeang , nan ka moengkin dikaradjokan .

Oesahlah sanang diam sadjo , tida' diliē' oerang kini , babagai -bagai pakaiannjo , liē'lah poelo dansana'njo , misiki roemah djo tanggonjo , alah soedah samonjo balako , di awa' satoepoen tida' , ikolah oerang tida' bamaloe , digilo sanang siang malam , ba ' oerang de' hantoe moeno , doedoea ' bamanoeang ta' katoean , ba'apo awa' de' ba'itoe, mangko tida' handa' maniroe , , sagalo oerang nan saroepo itoe, apo oebahnjo dangan awa' oerang nan mantjari 'toe , toelang samo salapan kare ' , ana' oerang silieh -soemilieh, liē'lah poelo ana' awa' , tida ' bakain aga' sahalai , kain basah karieng dipinggang , lah bare' poelo de' panoembo ' , tida'koh awa' maloe sopan, itoe kato sana' soedaro, sarato dangan ana' roemah, kalau basanang-sanang diam sadjo , tida ' ado bapahado'an, tida ' mamakai 'adat limbago , pakaian oerang dalam nagari .

Djikalau 'adat laï karēh , doenie nagari samonjo mandjadi , disitoe bangki ' paratian ; oerang mamakai awa' ka tida ' , balain awa' dangan oerang , ataupoen ana ' kamanakan awa' , djaoeah tatjitjie dari oerang, misiki 'adat dalam nagari , misiki 'adat basamo gadang, mandjadi maloe itoe samonjo ; djoko ' tida' oerang tatoeroei'kan , boekankoh itoe maloe basa, itoelah moelonjo oerang mantjari, nan mangoeē'kan baoesaho , manggalēh kian koemari . Kalau tida ' 'adat taïsi, limbago tida ' tatoeang , tida ' talawan doenie oerang dalam nagari , amoeah oerang badjalan gontai , tida ' mahado ' poelang laï, ba'itoe karēh maloe sopan, djoko ' 'adat tida ' taïsi , limbago tida ' tatoeang, " kato Datoea' Radjo Pangoeloe .

Sadanglah Bagindo Kajo , mandanga kato mama'njo 'toe, alah doedoea ' tamanoeang sadjo , sapatah tida ' pandai baroendieng , bagai ditoemboea ' patoeih tongga, pantoen dihanta ' aloe loentjoeang , tapakoea sadjo injo doedoea ' !

Alah sabanta injo bamanoeang , batanjo Datoea' Radjo Pang oeloe : „Ba'apo pikieran ang, mangko tida' ang sahoei'i apo djoeo laï nan taraso ?"

Maningkah Bagindo Kajo : „Kalau ba' itoe kasoedahannjo , boekanlah itoe kabaie'an , 'adat nan tamoepakati de' kami 'toe , hanjo akan moelarat gadang, akie kala'njo kamoedian , mambinasokan ka ana' tjoetjoe , mamoetoeih kari' baï' oerang, mahilangkan tando tali warih.

Kini ba'itoe anjolaï , nan taraso di hati hambo, bari sipatlah hambo de' datoea ' , tantangan moepakat itoe, sabab sakarang kini nangko , tida'lah hambo soeko laï, manjarikati moepakat itoe , karano lah tampa' bana itoe de' hambo, nan kan mandjadi moelaratnjo .

Ba'apo itoe handa'njo , mamatjah boeatan itoe, ba'apo djalannjo nan kan ēlo' , toendjoea'ilah hambo de' datoea ' , soepajo baranti moepakat itoe, ama' djangan sampai moelarat, kapado isi nagari 'ko, datoea ' barilah hambo djalan nan ēlo ' , soepajo boelieh hambo lakoekan , patoei' dipatjah hambo patjah , atau ba' mano nan ka ēlo'njo , soepajo tarangkoeah nan moepaʻat, bia tatoela' nan moelarat, ama' santoso nagari 'ko," katonjo Bagindo Kajo .

Mandjawab Datoea' Radjo Pangoeloe : „Mano ang Bagindo Kajo, oesah dipikiekan itoe boejoeang, tida ' ka laloe itoe dẽ' ang, tambah mangatjau nan ka laï .

Ato anjo akan saboeah , nan taraso di hati hambo, namoen banamo laki-laki , kato nan soedah taiokan , oesah batida ' kamoedian, nan ka soeroei -soeroei ' balie' , boekan paham itoe namonjo , kana' -kana ' nan ba' itoe .

Namoen oerang nan patoei'-patoei' , bangso oerang nan moelie-moelie, kalau apo -apo nan soedah diboeē'njo , tagoeahlah injo tantang itoe, moelie injo pado djandjinjo , misiki oetang nan ka toemboeah , tida ' manjasa kamoedian , tida ' baroebah oerang de' itoe , sabab soedah boeatan awa' , ba' itoe oerang baie' -baie' .

Kalau bakato boela ' balie' , dalam io manaroeah tida ' , pangalieh awa' namonjo , oerang tida ' pitjajo laï .

De' itoe moengko kato hambo, kalau apo -apo nan ka diboeē ' , pikieri bana dahoeloe , timbang dahoeloe habih -habih , apo moelarat moepaʻatnjo ; kalau baloen taraso bana, oedjoei' moekasoei ' kato itoe, nambē ' dahoeloe didjadikan , sabaloen dape' pi

, timbang djoeo itoe dahoeloe ; kalau lah dapē' nan kieran baie' salasai, disitoe baroe didjadikan .

Dalam pikieran hati hambo, tantangan roendiengan itoe, oesahlah ang baroebah-oebah , ba' apo nan soedah tapaboeē ' . tato' sadjolah ang disitoe , boekan itoę nan karadjo ang, kalau ang handa ' mamatjah djoeo, atau maromba ' moepakat itoe , ēlo'njo ditoeroei'kan oerang, ko' tida ' maloe tasoeo , oerang bērang kapado ang, awa' 'ko bangso oerang katjie' , tida ' akan didanga oerang, hanjolah moesoeah nan ka dapē', bēranglah soekoe kapado ang, bēranglah kapalo kapado ang, awa' ang tida ' sanang diam , oerang koee ' awa' ka lamah , oerang taganggam dihoeloenjo , awa' tapatjie ' dimatonjo , oesah diranggoei itoe boejoeang, tangan djoeo nan ka loeko.

Djoko oentoeang pambari Allah, barakat kiramat ninie ' moejang, nan malamboeih nagari 'ko, nan mamboeē ' 'adat itoe, akan pamaliharo ana' tjoetjoenjo , antah babalie' kamoedian , antah labieh dari nan soedah , pandangi sadjolah dahoeloe , oеsahlah roesoeah tantang itoe, tida ' bidoea' karam sabalah, namoen ka karam samo karam ."

Mandanga kato mama'njo itoe , diamlah Bagindo Kajo , tida ' injo mandjawab laï . Apo² titah mama'njo , tida' barani injo malampaui , ba' itoe djoeo salamonjo , nan dipakaikan Bagindo Kajo , badjalan salangkah maminta' idjin , bakato sapatah injo batanjo , ba' itoe 'adatnjo nan biaso, hado' kapado mama'njo itoe .

Pado hari nan sahari 'toe , hari lah patang anjolaï , bakato Datoea' Radjo Pangoeloe, kapado Bagindo Kajo : „Kini poelanglah ang dahoeloe , sabalah ang tantang itoe, oesah dikanakana djoeo, hanjo saboeah pinta ' hambo, apo nan hambo adjakan tadi , oesahlah itoe ang oebahi, ama salamat badan awa ' ang , patji'kan bana tagoeah - tagoeah , masoea'kan kadalam hati. Iko soere ' laï saboeah , soere' tambo maso dahoeloe , toeroentoemoeroen dari ninie ', kadjilah de' ang soere' iko , pahamkan bana soenggoeah -soenggoeah , ama ' dapē' kato nan haloeih ."

Sadanglah Bagindo Kajo , baroe ba'itoe djanjo mama' njo, injo mandjawab laï, diambie'njo soerē' itoe , laloe taga ' tida ' maminta ' idjin, bakato poelo kaamainjo , mangatokan injo ka poelang laï , baroelah injo badjalan toeroen, mahado' poelang karoemahnjo , mambao saboeah tambo 'adat, nan dibarikan mama'njo itoe.

III .

Kaba baralieh anjolaï, soeggoeah baralieh sinan djoeo , ado sapakam soedah itoe, datang poelo Bagindo Kajo , mangadap pado mama'njo , mananjokan 'adat djo limbago , sarato tjoerai djo paparan .

Alah tibo injo doedoea ', barhado ' djan mama'njo , dangan tarati' madjalihnjo , alah sabanta injo doedoea ' , talata'lah kopi de' amainjo , alah soedah injo maminoem kopi , bakato Bagindo Kajo : „Mangko hambo datang kamari, ado djoeo nan taraso , io didalam hati hambo, de' hari nan pakan dahoeloe , datoea ' manjoeroeah pado hambo , soeroeah mangadji oendang -oendang , sarato tjoerai djo paparan , basoeo de' hambo dalam tambo, dalam soere ' nan datoea ' bari ; hambo lie' dalam soerē' 'toe , lain dari Pariangan Padang Pandjang , ado poelo nagari toeo .

Satoe nagari Soengai Tarab daroe'ssalam, salapan batoe didalamnjo , kadoeo nagari Limo Kaoem , gadjah gadang patah gadiengnjo , katigo nagari Tandjoeang Soengajang , itoe badatoea' nan batoedjoeah, saparti paramato diatēh amēh , ikan batatoea didalam batoe , itoelah poelo namonjo , ba' itoe tasaboei ' dalam tambo.

Ba' apo asa moelonjo , moengko dikato poelo nagari toeo , io nagari nan tigo itoe, toeo ba' apo nagari itoe.

Ba' apo itoe moelonjo , mangko banamo daroe'ssalam, io nagari Soengai Tarab, sarato nan salapan batoe .

Ba' apo poelo itoe djalannjo , io nagari Limo Kaoem , gadjah gadang patah gadiengnjo .

Ba' mano poelo Tandjoeang Soengajang , badatoea ' nan batoedjoeah , nan saparati paramato diatēh ameh , ikan bataloea dalam batoe , ba' apokoh itoe asa moelonjo , datoea ' tarangkanlah itoe de' hambo, ama ' djalēh poelo sakali , tjoerai papakanlah de' datoea ," katonjo Bagindo Kajo .

Mandanga kato nan ba'itoe , tagala ' Datoea' Radjo Pangoeloe , sambie mangapoea -ngapoea sirieh, laloe digoentjang girie' -girie' , bakato sambie mangoenjah : „ Mano ang Bagindo Kajo, apo goenonjo itoe de' ang, mangatahoei nagari oerang, baloen paraloe itoe kini , ato anjo akan saboeah , nan labieh pаraloe dikatahoei , iolah doesoen nagari awa' ; kalau lah tantoe nan di awa' baroe dikadji nan di oerang, misiki awa' tahoe bana, ' adat limbago di'alam 'ko, sarato tjoerai paparannjo , sampai ka -Bantan ka-Batawi, laloe ka-Salat ka-Malako , kalau ta' tarang nan di awa' , apo goenonjo itoe boejoeang, mangatahoei nagari oerang, manantoei laoei' djo dare' , gadjah dipaloepoea' mato, tida ' awa' mangatahoei , toengau disoebarang laoei' , itoe djoeo nan ka dipandang , alang kan djangga itoe boejoeang .

Kini ba' itoelah de' awa' ang, nan patoei' ang kadji kini , iolah 'adat nagari iko, nan tasaboei' didalam tambo, djangan ba' oerang nan banja ' 'ko, de' pandai injo baroendieng , saroepо io balako , dihimbau sadjo nan baboenji , diliē ' tida ' nan basoeo, kabanja'an poelo nan ba'itoe , 'adat dioedjoeang lidah sadjo , oesah ba' itoe mangadji 'adat, oesah babana dioedjoeang lidah , dari moeloei ' laloe kahati , ba'itoe bana handa'njo .

Adapoen nan patoei' ang katahoei , nan ba' pitoea oerang toeo:

Anggarihlah bakarē' koekoe ,

dikarē ' djo pisau raoei' ,

akan paraoei ' batoeang toeo ,

toeonjo ēlo' ka lantai ;

nagari nan bakaampē' soekoe ,

soekoe nan baboeah paroei ' ,

kampoeang nan batoeo,

sarato roemah nan batoengganai .

Tantoekan itoe dahoeloe, mano injo nan kaampē ' soekoe , mano poelo nan boeah paroei ' , itoe kampoeang nan batoeo, dangan roemah nan batoengganai , ba' apo tatah barihnjo, hinggo mano pandjang galahnjo , satoe -satoe pegangan 'toe, nan tida ' boelieh tjarai tingga , ba'apo tjoepa ' gantangnjo , sarato 'adat limbagonjo , ba'apo barih balabēhnjo , antaro itoe dangan iko, djaoeah nan boelieh ditoendjoea'kan , dakē' nan boelieh dikatokan . Kalau lah tantoe nan ba' itoe, alah tarang kampoeang halaman awa' , ba'apo saloea ' baloea'njo , baroe dikadji poelo saboeah laï, hado ' oerang dalam nagari , nan bapakai sanantiaso , nan didalam nagari awa' . Kalau lah tarang itoe samonjo , djoko ' awa' handa' tahoe poelo , baroe dikadji nan di oerang. Kalau baloen tarang nan di awa', satoe -satoe bahagian itoe, oesahlah oerang dikatahoei , mambari maloe itoe boejoeang, djoko ' tibo maso -masonjo , datang soedi djo siasē' , datang soä dangan tanjo , tantangan 'adat , djo apo tanjo nagari awa' , djo apo gajoeang ka disamboei' ka didjawab , awa' tasaboei' tjadie ' pandai , mangatahoei 'adat djo limbago , pandai di tjoerai di paparan , laloe kalaoei ' nan sadidih , moesahoea kian koemari , ditanjo oerang kampoeang awa' , awa' tatjangang - tjangang sadjo , tida ' tadjawab tanjo oerang , sabab awa' tida ' mangatahoei , mangadji handa' tinggi sadjo , disitoe toemboeah maloe basa, tida' tapandang roepo oerang .

Pado pikieran hati hambo, nan sakarang kini nangko , 'adat nan patoei' ang katahoei , nan tapakai dalam nagari 'ko, nan ditoeroen naie'kan oerang, sa-'Alam Minangkabau 'ko, nan dipanggang tida' hangoeih , nan digoedam tida ' patjah , nan soedah toeroen-toemoeroen , dari ninie ' Katoemanggoeangan , dangan Parapatieh Nan Sabatang . Adapoen oerang di'alam 'ko, ado babagi -bagi balako, bakagadangan satoe -satoe , radjo balako pado tampē'njo , djoko ' tinggi ado randahnjo , kalau moelie ado hinonjo, nan hino ado moelienjo , samonjo dilingka 'adat djo limbago , nan tapakai dalam nagari .

Pabēsokan itoe dahoeloe , tantoei bana satoe -satoe , ama' tantoe lata' djalannjo . Kalau pandai bana awa' baroendieng , mangētje ' patang djo pagi , manjaboei ' 'adat siang malam, kalau tidak tantoe lata' djalannjo, nan oentoea ' oerang saoerang, soembang itoe boejoeang namonjo , djoko ' tida ' kanai djalannjo."

Mandjawab Bagindo Kajo : „Malah ba'itoe kato datoea ' , tarangkan djoeolah di hambo, 'adat nan patoei' hambo kadji , djalan nan patoei ' hambo tampoeah."

Mambaleh Datoea' Radjo Pangoeloe : „Kini dangakan djoeolah de' ang, ama' hambo tjoerai hambo papakan , tantangan 'adat dalam nagari , nan tapakai toeroen-toemoeroen , sadja ' di ninie' moejang kito , hado' oerang dalam nagari , banja' poelo itoe pasanjo , dangakan de' ang soenggoeah -soenggoeah , ama' tantoe oentoea ' soerang-soerang.

Djikalau ado oerang bapindah , dari nagari kanagari , dalam 'Alam Minangkabau , misiki oerang laki-laki, baie'poen oerang parampoean , oerang dagang itoe namonjo , baʻadat djoeo itoe boejoeang , kalau djaoeah mantjari soekoe , djoko ' dakē' mantjari kari ' , djaoeah nan boelieh ditoendjoea'kan , dakē' nan boelieh dikako'kan , tampe' injo tabang manoempoe , bakeh injo hinggo ' mantjakam .

Kalau oerang akan pindah , diam ka satoe kampoeang , atau kadalam satoe doesoen , dalam 'Alam Minangkabau , ditantoekan dahoeloe tapatannjo , nan ka mangakoei oerang itoe, nan ka djadi ninie ' mama'njo , nan ka mahilie mamoedie'kan, kalau bare' nan ka mandjoedjoeang , djoko ' ringan nan ka mandjindjieng, kalau apo-apo toemboeah atēh dirinjo , baie' boeroea' atau ēlo' , koembali kapado tapatannjo , nan mangakoei oerang itoe, ba'itoe sapandjang ' adat .

Kalau oerang nan datang 'toe, handa ' soemando -manjoemando, ditampē ' injo manape' , ataupoen handa ' basoeami , kalau itoe nan parampoean, ama' tarang ninie ' mama'njo , itoe tjantjang nan basangkalan , kato nan batapatan , nan mangakoei oerang itoe, baie'poen injo oetang sirieh, ataupoen injo oetang pinang , atau oetang nan lain-lain, tatanggoeang pado tapatannjo, itoelah oerang nan mangakoei , tantangan boeroea' dangan , misiki oetang -pioetangnjo . baie'

Kalau laï ado nan ba'itoe , samolah injo oerang itoe, dangan oerang Boemipoeto , nan didalam nagari 'toe, ditampē ' injo manapē' tadi .

Soenggoeahpoen injo disamokan , dangan oerang nagari 'toe, tida ' boelieh itoe salaloe sadjo , mamboee ' barang sakahanda'- njo, misiki 'adat nan dipakainjo , djoko ' malompē ' basitoempoe, namoen mantjantjang basangkalan , ditantang air malapēh toebo , ditantang ikan nan ka mati , ba'itoe sapandjang 'adat.

Kalau ta' ado nan ba'itoe, malompe ' tida ' basitoempoe, mantjantjang tida ' basangkalan , tida'lah boelieh ditarimo , oerang nan saroepo itoe, pantoen manangko ' kabau djalang , nan lapēh ditangah padang. Kalau injo malawan oerang, ataupoen injo maloekoi , baie'poen injo mamboenoeah oerang, ataupoen barang sabagainjo , pado siapo dikatokan , kamano maminta ' dio, kamano maminta ' bangoen, kalau kito diloekoinjo , kamano kito maminta ' pampēh, oetang siapo mambaiekan , pioetang siapo manarimokan .

Tantangan soemando -manjoemando , nan samo -samo sanagari, nan salingkoeang avea itoe, atau nan badjoembai daoen , atau nan bawatēh tanah , djaoeah nan boelieh ditoendjoea'kan , dake ' nan boelieh dikako'kan , malompe' laï basitoempoe , mantjantjang laï basangkalan , badirilah 'adat tantang itoe, nan batali boelieh diiri' , nan batampoea ' boelieh didjindjieng, basoeo tando baikē' djandji . :

Aloearan pado mamboeē' djandji , itoe ikatan akan kawin, oerang soemando -manjoemando , nan bapakai sapandjang 'adat, kalau akan mampasoeamikan ana' , djoko' ana'njo soedah gadang, lah patoei' poelo karoemahnjo , moepakat dahoeloe atëh roemah , nan sakaoem -kaoem itoe djo bapa'njo , dihadapan ninie ' mama'njo , sarato oerang toeo - toeonjo, ditjari moepakat samo awa' , nan sakaoem sadjo dahoeloe , awa' nan satoe parindoean .

Kalau baloen dape' sapakat , oerang nan bakari '-baï' , nan sakaoem -kaoem itoe, laki-laki parampoean , baloenlah boelieh dilakoekan , paroendiengan soemando -manjoemando , djoko ' koesoei ' disalasaikan , namoen karoeah dipadjanieh , itoe dahoeloe dihabihkan , oelieh pangoeloe nan disanan , nan tapantjie dipakampoeangkan , nan badarai disoesoeni ; kalau baloen kato salasai , talarang itoe dalam 'adat, mamparoendiengkan nan lain-lain , salah itoe pado pangoeloe , kalau tida' disalasaikan , sagalo silang salisiehnjo . Kalau itoe dilakoekan djoeo, didalam kato baloen salasai , mamatjah itoe namonjo , kapado oerang nan bakari ' , boelieh dihoekoem dalam 'adat, oerang nan malakoekan itoe, misiki iboe djo bapa'njo , tida ' boelieh bakahanda ' hati sadjo .

Kalau alah kato salasai , baroe bamoelo paroendiengan , kamano kato sapakat .

Kalau dapē' paroendiengan , antaro kadoeo balah piha ' , dikarang djandji djo boeatan , badiri 'adat tantang itoe, batimbang tando anjolaï , dimoeko ninie ' dangan mama ' , sarato oerang patoei ' -patoei' , nan sakampoeang-kampoeang itoe, diatēh roemah nan parampoean , sarato oerang soemandonjo , nan lah ado diroemah 'toe, disitoe tando basaoea , oelieh kadoeo balah piha ' , atau ditampe' nan lainlainnjo, dari sabalah parampoean .

MOESTIKO 'ADAT 'ALAM MINANGKABAU . 5

Kalau tando soedah batimbang , ditakoea ' hari anjolaï, pabilo karadjo dilansoeangkan , baie' sapakan, baie' saboelan , ataupoen sampai doeo boelan, dimano -mano samoepakat, oerang nan doeo balah piha ' , samantaro injo bahasē, oerang nan batimba balie' .

Namoen tando soedah batimbang , djandji ta' boelieh moengkie laï, ba'itoe sapandjang 'adat, panagoeahkan djandji kadoeo balah piha' (boeatan sabalah-manjabalah ) ; kalau moengkie salah soerang, dimakan hoekoem dalam 'adat, kalau moengkie si laki -laki , kalau injo oerang bapangkē' , nan mamēgang 'adat limbago , djatoeahlah salah kapadonjo , mangganti sakimat tando, tando dipoelangkan poelo anjolaï .

Adapoen sagadang-gadang tando, disabalah laki-laki, kimatan ameh nan doeo poeloeah , ba'itoe 'adat nan biaso , tantangan tando parampoean , doeo kali kimat laki -laki .

Nan tapakai mandjadi tando, manoeroei' sapandjang 'adat, kalau tando si laki-laki , tandonjo oekoearan djari , iolah sabantoea ' tjintjin.

Tantang sabalah parampoean , tandonjo itoe oekoearan langan, jaïtoe sabantoea' galang, tatapi boelieh itoe diganti , dangan tigo bantoea' tjintjin, atau sabantoea' tjintjin sadjo , nan kimatnjo doeo kali si laki-laki .

Kadoeonjo tando-tando itoe, nan pakaian didalam 'adat, tida'- lah boelieh soembarang sadjo .

Kalau nan batando itoe, bangso oerang kabanja'an , ba' itoe djoeo lata' djalannjo, malainkan nan djadi salisiehnjo , iolah kimat haragonjo , manoeroei ' pakaian masieng -masieng , katjie' kajoe katjie' bahannjo , gadang kajoe gadang bahannjo , ba'itoe djoeo itoe boejoeang, manoeroei' tando nan talata ' , tatakalo mangarang djandji .

Soenggoeahpoen itoe damikian , dikadji dahoeloe salah malah , antaro kadoeo balah piha ' ; kalau nan mandjadi sababnjo itoe, mangko moengkie nan laki -laki , datangnjo dari nan parampoean, ataupoen moengkienjo parampoean , datangnjo dari nan laki-laki , ditimbang itoe de' nan rape' , didalam sidang rapē' 'adat, baie'poen dalam rapē' soekoe , ataupoen rapē' banagari, dimano -mano nan patoei'njo . Kalau patoei' itoe sababnjo, moengkonjo itoe djadi moengkie, dikoea' sadjo tando itoe, tangga ikatan masieng -masieng , oerang nan doeo balah piha'.

Oerang nan mamboee ' salah tadi , nan manjababkan oerang djadi moengkie, dihoekoem sapandjang 'adat, salah injo pado pangoeloe, nan mamatji ' boeatan tadi , mandjamoe itoe hoekoemnjo , kapado datoea ' nan mamatji ' , sarato hakim nan mahoekoem , ba'apo timbangan datoea '-datoea ' , manilie ' gadang salahnjo , nan manjababkan moengkie oerang itoe ; itoelah hoekoemannjo dalam 'adat, kalau oerang mamoengkieri djandji , nan soedah batimbang tando, di oerang soemando -manjoemando .

Tantangan pado nan salasai , kalau djandjinjo talah sampai , nan dikarangkan moelo tadi, dibari tahoe ninie ' mama' , didjalang korong dangan kampoeang , sarato indoe dangan soekoe , dibao sirieh nan bakabē' , sarato pinang nan batoemih, ditakoea ' hari ditioei ' boelan .

Kalau lah soedah samporono, didoedoea'kan nan sado itoe , ditantoekan hari koetikonjo , oelieh pangoeloe nan disanan , dilapēhlah panggie kiri kanan , siapo-siapo patoei' dipanggie dipanggie , ditoendjoea'kan oelieh pangoeloe , sarato oerang toeo , nan koeaso dikampoeang itoe.

Kalau lah tibo djangko koetikonjo , dikawinkan oerang itoe , dihadapan pangoeloe dan walinjo, sarato dangan malim nikahnjo, nan koeaso dikampoeang itoe, baie' imam dangan kati' , sarato pandito dangan maulano , tjoekoei ' balako itoe disanan .

Kalau lah soedah 'akad nikah , badirilah 'adat marapoelai , , païnja bahanta -hanta , sarato datangnjo badjapoei '-djapoei ' ara' dangan irieng , baie'poen alē' dangan djamoe, ba' apo pakai tinggi randahnjo djoeo . nan biaso, manilie '

Kalau malang tida' tatoela' , moedjoea tida ' taraieh , djoko ' injo handa' batjarai , antaro oerang nan barakanan , wadjib kapado kadoeonjo , laki-laki dangan parampoean , paï mandjalang pangoeloe tadi , nan mahado'i moelo nikah , ataupoen pangoeloe nan gantinjo, baie'poen nan djadi wakienjo , nan koeaso dikampoeang itoe, dari sabalah parampoean , sarato dangan kali nikahnjo , disitoe tala ' didjatoeahkan , oelieh nan laki-laki ' toe : kalau tida' didanga kali, atau didanga pangoeloenjo 'toe , bida'ah namo tala'njo , ba'itoe sapandjang kadji , nan pitoea goeroe -goeroe , malainkan dimoeko pangoeloe djoeo, sarato kali nan koeaso , dangan sasinjo oerang nan patoei' , ba ' itoe moengko samporono, manoeroei' hadih nabi kito , koelloe sjaiin illa ra dji'in, tio'-tio' koe itoe koembali kapado asanjo , karano nikah itoe moelo djadinjo, dihadapan pangoeloe dangan kali, wadjib tjarainjo , dimoeko pangoeloe dangan kali djoeo . poelo sara '

Tatapi kalau nikah nan batahkim , boelieh dimoeko siapo nan ta'at sadjo djatoeah tala'njo itoe , ba'itoelah 'adat nan biaso, nan dikarang oerang toeo -toeo , dalam 'adat nikah tala' , oerang soemando -manjoemando .

Adab .

Saboeah laï poelo boejoeang, tantangan adab djo tarati' , nan patoei' kito pakaikan .

Adapoen adab nan paratamo , patoei' kito bakasieh -kasiehan , antaro samo-samo hambo Allah , dangan sahabat kanalannjo , sarato kaoem kirabatnjo, dangan dansana' soedaronjo .

Adapoen adab nan kadoeo, haromat kapalo iboe dan bapo, sarato goeroe dangan radjo, baie'poen mama' dangan ninie ' , sarato oerang moelie-moelie.

Adapoen adab nan katigo , nan toeo wadjib dimoeliekan , nan moedo patoei' dikasiehi , samo gadang dipabasokan .

Adapoen adab nan kampē' , adab bakorong djan bakampoeang , adab bakaoem bakirabat , kalau soeko samo tagala' , kalau doeko samo manangih , batolong - tolongan pado djalan kabaie'- an, djangan batolongtolongan pado djalan ma'siat , ataupoen djalan aniajo , oesah mamakai kidji' kianat , sarato lobo djan tama'ah, oesah awa' badangkih -dangkihan , samo -samo kito hambo Allah , pado djalan nan patoei'-patoei' , djanganlah manilie ' kapado sagalo manoesie , dangan tilie' bamasam moeko , itoelah dio adab nan patoei' , kito pakaikan satio' hari.

Tarati' .

Adapoen tarati' kapado radjo-radjo, dangan oerang basabasa, dan kapado 'alim 'aloema , sarato kapado iboe bapo, dan kapado ninie ' mama ' , dan oerang toeo -toeo , dangan oerang nan moelie -moelie , kalau manjamboei ' barang sasoeatoe , handa'lah malata'kan tangan kanannjo , diateh tangan kirinjo . Oekatoe maoendjoea'kan barang soeatoe , doedoea ' mangadapnjo dangan basimpoeah, djoko ' badjalan mangoedian ; kalau samo minoen dan makan, handa'lah koedian dari padonjo , djangan mamatjah matjah nasi , dan djangan mangalatie'kan tangan , labiehkan manakoea dari pado maningadah kapadonjo , manakoeakan injo akan kapalonjo , apabilo injo bakato -kato , dangan oerang basa -basa itoe, handa'lah lamah lamboei' soearonjo .

Sipat parampoean.

Adapoen sagalo parampoean itoe , handa'lah injo bahati saba , manoeroei ' sagalo parentah soeaminjo , sarato iboe djo bapa'- njo, baie' ninie ' djo mama'njo , kalau injo bakato -kato , handa'- lah injo marandahkan diri , kapado sagalo marēka itoe. Dan wadjib baginjo poelo , baradja alēmoe djan tarati' sopan, sarato kalakoean nan baie'-baie' , maindakan injo sagalo parangai , nan ka mandjadi tjalo kapadonjo , atau kapado soeaminjo , atau kapado kaoem kirabatnjo, nan timboea karano lakoe parangainjo , de' tarati'njo nan koerang maradēso, kalau injo lah basoeami, handa'lah injo bahati moe'min, hado' kapado soeaminjo .

Parangai .

Adapoen parangai nan wadjib, atēh sagalo moekaloea ' , lakilaki dan parampoean , iolah manoentoei' alēmoe , dan mamparadjaï 'adat dan haromat , dan marandahkan dirinjo pada tampē'njo djoeo, dan wadjib io bagoeroe , sipat bakato-kato nan maradēso, bagaimano boeni nan akan baie' , didanga oelieh talingo si pandanga , sarato dangan parangai nan lamah lamboei' djoeo dilakoekan , dangan haloeih boedi bahasonjo , karano kito balakoe haromat , kapado oerang basa -basa , dan oerang moelie-moelie dan oerang toeo -toeo , soepajo tapaliharo dari pado oepē ' dan tjatji , itoelah kasamporonoan parbasaan , bagi oerang baie'- , nan tapakai dalam nagari , atau didalam 'alam nangko . baie'

Oetang bagi oerang toeo -toeo .

Adapoen nan oetang bagi oerang toeo-toeo , dan oerang tjaradie ' pandai , dan oerang moelie -moelie, dan sagalo 'arih bidja'sano , jaïtoe haroeih baginjo maingē'kan , kapado sagalo ahli-ahlinjo, dan kapado sagalo oerang nan paratjajo kapadonjo , dan kapado sagalo kaoemnjo , nan takoelitjie ' dari pado malakoekan , parangi dan tarati' nan baie'-baie ' .

Mangko handa'lah dibantahinjo , sagalo kalakoean marēka itoe , nan basalahan dangan kato nan kabanaran djoeo, mambari pitoendjoea ' io akan sagalo kaoemnjo itoe, soepajo io malakoekan, sagalo parangai nan baie dan mamboeangkan sagalo parangai , nan koerang baie' itoe, soepajo moedah sakalian marēka itoe , mangatahoei akan kaēndahannjo , dan kamoeliean nan tapakai , oelieh oerang basa-basa, nan mambao kapado djalan kabadji'kan , dan kasamporonoan hidoei'njo , soepajo inge' sagalo ana ' kamanakannjo itoe kapado nan baie ' , dan lamboei' hatinjo nan karēh itoe, karano hati itoe talabieh karēh dari pado batoe dan basi . Kalau lah bakato -kato oerang toeo -toeo , dan oerang tjaradie ' pandai itoe, dangan alēmoenjo dan pangatahoeannjo nan samporono , ta' boelieh tida ' akan lamboei'lah , oerang nan karēh -karēh itoe oelieh moeslihatnjo , dan kandoealah nan tagang itoe , sabab pandainjo bakato-kato, malaloekan nasihat nan baie'-baie' itoe. Karano itoe wadjiblah bagi oerang nan toeotoeo, dan tjaradie ' pandai itoe, akan mairi' sagalo kaoem kaloeagonjo , dan oerang-oerang nan pitjajo kapadonjo , dangan parkataan nan lamah lamboei ' djoeo, sarato toetoea kato nan baie'- baie' , akan panarie ' hati sakalian marēka itoe, kapado sakalian djalan kabadji'kan , mambari soeko hatinjo mandangakan ; sarato wadjib djoeo, kapado oerang toeo -toeo , dan tjaradie' pandai itoe, akan bakaba-kaba dan mambari -bari inge' , kapado sakalian kaoem kirabatnjo , apo -apo pakabaran , boeroea ' dangan baie' , mantjoeritokan kaba-kaba, nan talah laloe dahoeloe -dahoeloe , nan dilie' dan didanganjo , dangan manjatokan bakehbakēhnjo baie ' dan djahat , soepajo mandjadi pangadjaran dan paringatan djoeo, kapado sagalo ahli-ahlinjo itoe, jaïtoe kaba-kaba nan babatoealan, dangan kiro-kiro si pandanga. Damikianlah nan wadjib dipakaikan , oelieh oerang toeo -toeo , dan tjaradie ' pandai , dan 'arih bidja'sano itoe, dan manjigainjigaikan dirinjo dangan kaoemnjo itoe, aratinjo djanganlah io mangatokan djaoeahnjo , dari pado marēka itoe, malainkan wadjib io manjatokan hampienjo djoeo, soepajo batambahtambah kasieh sajangnjo , kaoem kirabatnjo itoe , dan moerah baginjo malakoekan sagalo nasihat -nasihat , dan pitoendjoea ' nan dilakoekannjo , kapado sakalian oerang itoe.

'Adat bakaoem bakaloeago .

Apabilo ado karadjo dalam kampoeang, atau dalam soekoe atau dalam nagari , misiki karadjo baie' , ataupoen karadjo boeroe' ( nan dikatokan karadjo baie' , karadjo nan manjoekokan , dan nan dikatokan karadjo boeroea ' itoe badoeko -doeko , saoempamo kamatian , dan karoegian nan tibo-tibo sadjo ) ; kalau soeko samo tagala ' , kalau doeko samo manangih , kalau paï karano soeroeah , barhanti karano tagah, aratinjo apo -apo paboeatannjo , handa'lah dangan sapangatahoean pangoeloepangoeloenjo djoeo , sarato oerang toeo - toeonjo, dan sana ' soedaronjo nan patoei'-patoei'. Damikianlah 'adat oerang bakaoem bakaloeago , dan barana ' dan babapa' , baïpa babisan baindoe basoekoe. Itoelah nan dipatalikan , dangan 'adat limbago , nan basaloea ' oere ' , nan badjoembai aka, balēmbai poetjoea' namonjo, manjaroedoea' samo boengkoea ' , malompe ' samo patah ; kalau kaaie samo basah, djoko ' kaapi samo latoei'. Itoelah nan dinamokan samaloe sasopan , kalau kakoerangan toekoea'-manoekoea' , djoko ' sentēng bilai-mambilai , nan barē samo didjoedjoeang , nan ringan samo didjindjieng.

'Adat pangoeloe kapado ana' boeah , atēh karadjo boeroea ' djan karadjo baie' .

Apabilo soedah dipoelangkan , kapado pangoeloe djan oerang toeo-toeo , barang soeatoe hal ana' boeahnjo , wadjiblah bagi sagalo pangoeloe itoe, ko' koesoei ' manjalasaikan , nan karoeah mandjaraniehkannjo ; mahoekoem dangan djalan kaʻadielan , basarato dangan oerang toeo - toeonjo disano .

Adapoen nan dikatokan toeo disano , iolah oerang nan tjaradie ' pandai , oerang nan ba'aka djoeo, nan akan manimbang , tinggi dangan randah , soepajo mandjadi boeroea' dangan baie' salasai , saisi kampoeangnjo itoe .

Djikalau tida ' poetoeih , apo -apo nan dipasalisiehkan , tantangan ana' boeahnjo, dalam satoe -satoe kampoeang, oelieh pangoeloe-pangoeloe dan oerang toeo -toeo disitoe, wadjiblah kapado pangoeloe -pangoeloe , dan oerang toeo -toeo itoe, mambao sarantau hilie sarantau moedie ' , mantjarikan aie nan djanieh saja' nan landai , katian nan gano' , soepajo dapē ' kato kabanaran, dan aman sagalo kaoem kaloeagonjo .

'Adat oerang djadi kali , dan pandito -pandito , dan ' aloema- 'aloema , imam kati' bilal dan maulano, handa'lah io mangatahoei bana-bana, sagalo atoearan agamo sara' , didalam soerau dan moesadji '-moesadji'njo , atau didalam sagalo madjalih padjamoean , dan pado tampē' nan soetji-soetji, baie'poen didoesoen -doesoen , atau dimēdan madjalih oerang banja ' , handa'lah salaloe io malakoekan , parangai nan soetji dan haromatnjo , soepajo mandjadi soeloeah , kapado sagalo isi nagari , dan nan akan ditoeroei ' , oelieh sagalo moeri' -moeri'njo , dan wadjib io maatoeakan, sagalo pandjagaan nan basalahan , dalam moesadji ' soerau-soerau, dan dalam madjalih padjamoean , nan akan mandjadi katjalaan kapado tarati' agamonjo , nan boelieh mambinasokan , tarati ' kamaradēsoan oerang sia'-sia' , 'alim- 'alim ' aloema nan samporono .

'Adat laki-laki kapado parampoean nan soedah dikawinin jo.

Wadjib laki -laki itoe, mambari napakah lahie dan batin, kapado istirinjo itoe, dan mambari tampē' kadiamannjo , sarato mambari minoen makannjo , dan pakaiannjo sakoerang -koerangnjo doeo pasalin satahoen; dan wadjib poelo bagi parampoean itoe, balakoe parangai nan samporono, kapado sagalo ahli-ahli lakinjo, dangan parangai haromat dan tarati' sopan , saparati adab kapado soeaminjo djoego . Damikian poelo wadjiblah bagi si laki-laki itoe, baparangai nan maradēso, kapado sagalo kaoem kirabat ana' istirinjo , saparati io malakoekan parangai , kapado kaoem kirabatnjo nan patoei'-patoei' ; bagaimano parampoean itoe, haromat kapado iboe bapa'njo , dan ninie ' mama'njo , ba'itoe poelo handa'njo , io maharomati dan mamaloei , akan iboe bapa' dan ninie ' mama' parampoeannjo itoe, dangan parbasaan nan lamah lamboei' , dan handa'lah io mambari pitoendjoea ' , akan ana' istirinjo , nan tagoelintjie dari malakoekan haromatnjo , kapado kaoem kirabatnjo , dan iboe bapa' njo dan ninie ' mama'njo , nan sapatoei'-patoei'njo diharomatinjo, soepajo istirinjo itoe, balakoe parangai nan baie '-baie' , dan baradat nan samporono, kapado sagalo ahli-ahlinjo, dan wadjib bagi soeaminjo itoe, malarangkan akan istirinjo itoe, kapado sagalo djalan parangai nan basalahan , dangan adab dan tarati' , nan maradēso dan bantahan , soepajo parampoeannjo itoe, tato ' manoeroei' djalan nan baie'-baie' , dan kalakoean nan sopan, ba'itoelah nan sabaie'-baie'njo , dilakoekan oelieh sagalo laki-laki nan baistiri, kapado istirinjo masieng-masieng.

Milie' .

Adapoen milie ' itoe babagai -bagai , ado milie ' radjo ado milie' pangoeloe , ada milie ' kali ado milie ' manti , ado milie ' doebalang dan pagawai , ado milie ' imam dan kati' , dan ado poelo milie ' oerang banja ' . Akan milie ' soerang-soerang itoe, tida'lah boelieh dikoeasoi , nan tida ' poenjo milie'.

Adapoen milie ' radjo itoe mamarentah , dan mahoekoemkan sagalo pasalisiehan hambo raʻajatnjo, nan sampai kapadonjo , dan mandjago kasantosoan nagari , dan mangatahoei io akan parangai , sakalian oerang nan dibawah kakoeasoannjo , sarato bahoeboeangan dangan sagalo panoengkē'njo , dan mahoekoemkan io kapado sagalo oerang, nan manoengkē'njo nan baboeē ' salah , soepajo samporono sagalo nagarinjo , dan santoso sagalo hambo ra'ajatnjo.

Adapoen milie ' pangoeloe itoe , mandjago io akan kasantosoan , dan kasalamatan ana' boeahnjo , baie' dalam kampoeang, baie' dalam soekoe , baie' dalam nagari , pada tampē'njo masieng-masieng, dan wadjib baginjo manantoekan , batēh bintala ' milie ' anak boeahnjo, didalam satoe-satoe pegangannjo , dan lain-lain nan akan mambari kabadji'kan , kapado sagalo ana' boeahnjo .

Adapoen milie' kali itoe, mahoekoemkan io akan djalandjalan hoekoem sari'at agamo nabi kito Moehammad , dan manantoekan sah bata , pasa dan bab, dalie dan ma'ananjo , tio'- tio' hoekoem agamo nan dikaloeakannjo .

Adapoen milie' pagawai dan doebalang, manoeroei' io apo -apo nan dititahkan pangoeloe -pangoeloe kapadonjo , tantangan madjago kasalamatan nagari , manakie ' nan karēh , manjoedoe , dangan manoeroei' djalan kabanaran djoeo. nan loena '

Adapoen milie ' bagi oerang banja ' itoe, wadjib io manoeroei' sagalo titah parentah pangoeloe -pangoeloenjo , dan oerang toeotoeonjo , dan mamaliharokan io akan pakaradjaannjo masiengmasieng, sarato dangan jakin io manoeroei ' titah radjonjo, nan sampai kapadonjo , dan kalinjo dan iboe bapa'njo , dan sana' seedaronjo .

Adapoen milie' bagi harato bando itoe, saparati sawah ladang , ameh pera' kabaů djawi , ajam itie' , dan lainlainnjo, wadjib taganggam pado nan poenjo milie ' masieng-masieng djoeo , tiadolah haroeih dimilie'i , oefieh nan boekan si milie'njo .

Ha'.

Adapoen ha' itoe tiadolah tato ' tapēgang, kapado nan poenjo ha' itoe salamonjo , ha' nan tapēgang ditangan nan poenjonjo sandiri -sandiri , itoelah „ha' milie " namonjo , dan ado ha' itoe nan tapēgang, dalam tangan oerang lain, mangko dinamoi itoe „ha'njo sadjo ", tatapi nan mamilie'i oerang lain. Itoelah oendang-oendang nan tapakai , dalam nagari di-'Alam Minangkabau 'ko, nan patoei' dahoeloe ang katahoei , tantoei bana itoe dahoeloe , sado nan hambo saboei ' tadi , nan bapakai dalam nagari 'ko , ama' tarang pegangan soerang-soerang, ama ' babēso oerang djo awa' , baie ' djaoeh baie' dake' . Ba'itoe oerang mangadji 'adat ; kalau baloen tarang nan di awa' , djanganlah oerang dikatahoei , sio-sio itoe boejoeang, mangadji handa' tinggi sadjo , tarang nan dibawah ; ba' nan hambo katokan tadi, kalau ta' pikieri bana soenggoeah -soenggoeah , kalau babilang dari aso, namoen mangadji dari alih , ba'itoe oerang baraka , " kato Datoea' Radjo Pangoeloe .

Mandjawab Bagindo Kajo : „Sagalo nan datoea ' saboei ' 'toe, itoelah dalam hati hambo, misiki tida ' datoea ' saboei'kan, itoe kan hambo kadji djoeo, alah takana itoe de' hambo, sagalo nan datoea ' adjakan tadi , tida' ka loepo de' hambo. Ato hanjo nan kini nangko , mangko hambo maminta ' djoeo, itoe kapado diri datoea' , nan hambo tanjokan tadi , ēlo'lah hambo himē' djoeo , injo lē patjah, sabab datoea ' oerang lah toeo , sadang ta' rata ' sadang ta' saki ' oerang lē mati , kalau tibo malang di hambo, djandji 'kan tida' tatantoekan , antah takalo ' pagi -pagi , antah takalo ' patang -patang , antah balakoe para ' siang , kajo Allah siapo tahoe , kalau tida' datoea ' , pado siapo hambo maminta ' , pado siapo hambo tanjokan , namoen nan tantang nagari iko, banja' oerang nan mangatahoei , tida ' kan soesah mantjarinjo . " katonjo Bagindo Kajo .

Madanga djawab Bagindo Kajo , tamanoeang Datoea' Radjo Pangoeloe , laloe bapikie sakoetiko , mamikiekan kato itoe.

Alah sabanta injo bananoeang , laloe bakato anjolaï : „Kalau itoe kahanda ' hati ang, boelieh poelo "hambo tarangkan , mano nan dapē dē ' hambo.

Adapoen nan ang tanjokan itoe, iolah nagari Soengai Tarab, sarato nagari Limo Kaoem , dangan nagari Tandjoeang Soengajang , toeo ba'apo nagari itoe.

Kini dangakanlah de' ang, ama' hambo tjoerai hambo papakan, mano-mano nan hambo danga dari ninie' ang, iolah mandiang bapa' hambo, dangan baliau mandiang datoea' , nan hambo gantikan gala.

Adolah maso dahoeloenjo , tatakalo soemoea ka dikali, nagari akan ditjatja ' , di 'alam poelau Patjo 'ko, ba' nan lah hambo saboei ' dahoeloe , baloen ado oerang banagari , hanjolah Pariangan Padang Pandjang , itoelah sadjo baroe nan ado , nagari dipoelau Amēh nangko ; lain dari pado itoe, hanjo laoei' samatomato, ado bapoelau satoe -satoe , dimano -mano katinggian , tatapi baloen baisi oerang, hanjo rimbo bakampoeang -kampoeang, sarato dangan batoe karang , sadang dilamoen -lamoen omba ' .

Alah soedah nagari Pariangan , sarato dangan Padang Pandjang , de' lamo batambah rami djoeo, alah kambang oerang disitoe, alah sasa ' nagari itoe, djadi bapikie malah radjo, nan bagala Soeltan Sari Maharadjo Diradjo, sarato oerang tjadie' pandai , mantjari moepakat maso itoe, akan mantjari tanah nan lain , akan tampe' oerang bapindah , karano nagari Pariangan , soedah batambah sasa ' ; sasoedah dapē ' kaboelatan , disoeroeahlah Tjati Bilang Pandai , mantjari tanah daratan , akan tampē' oerang bapindah .

Adolah Tjatı Bilang Pandai , sabab ba'itoe titah radjo , didakinjo goenoeang Barapi (Marapi), diliē'-lie' dari sanan, dipandang hilie dangan moedie ' , diliē' kiri dangan kanan , dilajangkan pandang djaoeah , ditoekie'kan pandang dake' , arah kakaki goenoeang itoe , alah tampa' tanah daratan , tampa ' rimbo bakampoeang -kampoeang, boeki' tasoemboea satoe -satoe , kaloea dari dalam laoei' ; diliē '-liē ' dipandangnjo , mano-mano tanah nan data, nan ēlo ' bakeh tampe' diam , bakeh oerang bapindah . De' oentoeang takadie Allah , tampa'lah poelo tanah nan data , laloe ditadah dioeloeari , io tanah nan tampa' itoe, alah tantoe toempoea' lata'njo , babalie' toeroen anjalaï, io kakampoeang Pariangan ; bakamēh Tjati Bilang Pandai, diambie ' saboeah parahoe , dibao kawan doeo tigo , balaie anjolaï , ditoedjoe tanah nan tadi . Tida' barapo antaronjo , angin baie' galombang tanang , sampailah injo katanah 'toe , laloe diliē ' diparēso , lawēh nan boekan alang -alang , toemboeah rimbo bakampoeang-kam poeang , habieh talie' tanah itoe ; alah katoedjoe pado mato, taraga ' poelo dalam hati , sabab datanjo tanah itoe, labieh ēlo dari kampoeang Pariangan , patoei' ka tampē' diam radjo. Alah soedah diparēsonjo , laloe babalie' anjolaï , ka-Pariangan Padang Pandjang, dikatokan poelo pado radjo, sagalo nan soedah diliati .

Mandangakan kaba tanah itoe, sangatlah soeko kati radjo, laloe balaie radjo kasanan , basamo Tjati Bilang Pandai , paï malie' tanah itoe ; alah soedah itoe diliati , katoedjoe poelo pado radjo , laloe babalie ' anjolaï , ka-Pariangan Padang Pandjang mandjapoei ' dansana' soedaronjo .

Tida' barapo antaronjo , alah bapindah radjo itoe, katanah nan dapē ' tadi , dibaonjo toedjoeah parampoean , barampe ' oerang laki-laki , sado nan kari ' radjo itoe, manoeroei' poelo salapan laki-laki , sarato salapan parampoean, diloea kari' radjo tadi . Alah sampai injo kasanan , sangatlah soeko hati radjo, sabab mandapē' tanah itoe, diboeē ' poelo kampoeang disanan , dinamoinjo Boengo Satangkai , sabab oekatoe radjo tibo disanan, ado mandapē' boengo satangkai , laloelah diam radjo disanan , dangan kari'-kari'njo tadi , sarato oerang nan anam balēh, dangan Tjati Bilang Pandai .

Lamolah poelo antaronjo , ramilah poelo oerang disitoe , diboeē ' saboeah pamēdanan, akan tampē' bamain -main , tampē ' radjo basoeko -soeko . Kamoedian dari itoe, koembali poelo radjo tadi , ka-Pariangan Padang Pandjang, sarato Tjati Bilang Pandai ; tinggalah datoea ' nan salapan , sarato kari ' radjo tadi , manoenggoe kampoeang Boengo Satangkai . Tatakalo samaso itoe , ditaga'kan batoe salapan boeah , ditangah , mēdan nan tadi, akan mandjadi tando kagadangan kadoedoea'an datoea' nan salapan . Oekatoe mahoekoem parakaro , sabab radjo akan pindah, koembali ka-Pariangan, tinggalah datoea' nan salapan , akan mahoekoem kampoeang itoe, djadi banamo anjolaï , Datoea ' Nan Salapan Batoe , didalam Boengo Satangkai itoe.

Antah barapolah lamonjo , matilah radjo nan tadi , di-Pariangan Padang Pandjang, tida' diganti itoe disanan , diganti di-Boengo Satangkai , dangan ana' kari'njo tadi ; tatapi baloen mamarentah , sabab baharoe ana' kētē' , hanjolah Datoea ' Nan Salapan , nan mahoekoem samaso itoe, didalam kampoeang Boengo Satangkai . Pado maso koetiko itoe, diboeē ' poelo ba lai balērong , didalam kampoeang Boengo Satangkai , dihalaman radjo itoe, itoelah balai oentoea ' radjo.

Allah ta'ala manggara'kan , dihalaman radjo itoe, kaloea saboeah ana' soengai , datangnjo dari roempoen taro' , sabab karano dari itoe, dinamoi anjolaï , iolah itoe Soengai Taro' * ) , itoelah tampē' mandi radjo ; kamoedian dari itoe, kampoeang Boengo Satangkai , djadi banamo Soengai Tarab , sabab karano soengai tadi , itoelah namonjo sampai kini , tida' ado baroebahoebah . Tatakalo samaso itoe, di-Pariangan Padang Pandjang , lalce ka-Boengo Satangkai , oerang nan djadi wakie radjo , iolah Tjati Bilang Pandai , dangan Datoea' Soeri Diradjo .

Lamolah poelo antaronjo , mangko gadang Datoea' Katoemanggoeangan, dangan Datoea' Parapatieh Nan Sabatang , sarato Datoea' Sari Maharadjo nan banago-nago ; lah gadang itoe katigonjo , baroe diangkē ' djadi pangoeloe, akan djadi koelipah radjo.

Adapoen Datoea ' Katoemanggoeangan , dangan Datoea ' Parapatieh Nan Sabatang , sarato Datoea ' Sari Maharadjo nan banago-nago , koelipah djoeo dari nan badoeo , iolah Tjati Bilang Pandai , dangan Datoea' Soeri Diradjo , boelieh hidajat hidoei'- , tjadie ' boekan alang-alang, lagi djohari bidja'sano hidoei ' pandai manimbang boeroea ' baie ' , ikoei'tan oerang nan banja' , lagi kiramat katigonjo .

Alah soedah djadi pangoeloe, datoea ' nan batigo itoe, sangatlah soeko oerang banja ' , sabab de' adie dan pandainjo .

Ado kapado soeatoe hari , bamoepakat datoea ' nan 'batigo 'toe, sarato Tjati Bilang Pandai , dangan Datoea ' Soeri Diradjo, sarato Datoea' Bandaharo Kajo , dangan Datoea' Maharadjo Basa , handa ' mantjari tanah daratan , akan tampe' oerang bapindah , soepajo lawēh 'alam nangko , ama ' moerah djalan pangidoepan , ditjari poelo tanah nan lapang . Alah poetoeih moepakat itoe, balaie Datoea' Parapatieh Nan Sabatang , dibaonjo balimo laki-laki, balimo poelo parampoean , manoedjoe katangah laoei' , tatapē' kapado satoe tanah lēba, lēba nan boekan alang -alang , tanahnjo data ba ' ditampo , laloe diam injo disanan, dinamoinjo Doesoen Toeo ; baboeē ' roemah poelo disanan , dibawah kajoe nago taran , sarato oerang nan balimo . Lamolah poelo diam disitoe , kambanglah poelo oerang itoe, lah banja '

poelo oerang nan datang , manoeroei' kamoedian ; sabab lah rami itoe disanan , dikaradjankan nan balimo , bagala Datoea' Nan Balimo , itoelah datoea ' nan limo kaoem; sabab balimo kaoem nan kambang , nan moelo datang kakioen , ditampē ' karadjan tadi , dinamoi Tanah Karadjan , itoelah medan nan bamoelo, didalam koto Limo Kaoem , didalam kampoeang Doesoen Toeo .

Adapoen Datoea' Parapatieh Nan Sabatang , mandjadi poetjoea' injo disanan , itoelah radjo de' nan balimo ; de' lamo bakalamoan , diboeē koto doeo balēh, sabab awa' lah rami djoeo , mandjadi nagari anjolaï , banamo nagari Limo Kaoem , limo kaoem doeo balēh koto . Kamoedian dari itoe, babalie ' Datoea ' Parapatieh Nan Sabatang , io kadalam Pariangan, tida ' barapo antaronjo , dibaonjo toedjoeah laki-laki , batoedjoeah poelo parampoean, manoedjoe katangah laoei'. Tida' barapo antaronjo , mandape' poelo tanah sabidang , mandjarodjo ' kadalam laoei ' , dinamoinjo Pangka Boemi , baboeē ' kampoeang poelo disanan, banamo kampoeang Tandjoeang Bali' , sabab babali ' kampoeang itoe. Lamolah poelo antaronjo , mangiang soengai dimoedie'njo , sabab karano dari itoe, dinamoi poelo soengai itoe, iolah soengai Nan Mangiang ; de' lamo batambah rami djoeo , , bapindah satangah oerang iolah kampoeang Tandjoeang Bali ' itoe, mamboeē ' kampoeang saboeah laï , io kasoengai Nan Mangiang , banamo poelo kampoeang itoe, iolah Soengai Nan Mangiang , kamoedian kampoeang Soengajang sadjo , itoe nan moerah manjaboei'njo . Dē' lamo-bakalamoan , ramilah poelo kampoeang nan doeo 'toe, djadi nagari anjolaï, disatoekan kadoeonjo, banamo nagari Tandjoeang Soengajang , itoelah namonjo sampai kini , tida ' ado baroebah-oebah , sadang Pangka Boemi tadi , kini banamo Oedjoeang Tanah .

Kamoedian dari itoe, ditanam poelo toedjoeah datoea ' , iolah oerang nan moelo datang , nan moelo malambēh nagari 'toe , dibawah Datoea' Parapatieh Nan Sabatang , dinamoi itoe kasamonjo , iolah Datoea' Nan Batoedjoeah , didalam kampoeang Tandjoeang Soengajang ; mangko Datoea' Nan Batoedjoeah 'toe , tida' ado baragieh -agieh, samo koeē ' samo koeaso , samo mahoekoem batoedjoeahnjo , didalam kampoeang nan doeo 'toe. Ba'itoe kaba baritonjo , nan hambo danga dari ninie' ang, itoelah sabab karanonjo , mangko djadi nagari nan tigo itoe.

Satoe nagari Boengo Satangkai , iolah ranah Soengai Tarab, nan badatoea ' Nan Salapan .

Kadoeo nagari Limo Kaoem , nan banamo Doesoen Toeo, nan badatoea' nan balimo .

Katigo nagari Tandjoeang Soengajang , nan badatoea' nan batoedjoeah , mangko dikato oerang poelo , nagari itoe nagari toeo , lain dari Pariangan Padang Pandjang , sabab itoe nagari nan dahoeloe bana, sasoedah nagari Pariangan Padang pandjang.

Adapoen oerang di-Pariangan , kanagari nan tigo itoe , moelomoelo bana toeroennjo .

Kamoedian dari itoe, bapindah poelo Datoea' Sari Maharadjo nan banago-nago, mamboee ' kampoeang saboeah laï, dibaroeah nagari Pariangan Padang Pandjang, dialahnjo rimbo sakampoeang, dinamoinjo kampoeang Sialahan ; tatapi tida' barapa lamo, diam dikampoeang Sialahan , sabab koerang itoe datanjo , djadi baralieh anjolaï , arah kabaroeah Sialahan , baboeē' koto injo disanan , dinamoinjo kampoeang Koto Toeo.

Kamoedian dari itoe, badjalan Datoea' Katoemanggoeangan , mandaki goenoeang Marapi , manoeroen injo dari sanan, kasoebalie' goenoeang itoe ; tida ' barapo antaronjo , sampailah poelo kabawahnjo , baboeē ' koto poelo disanan , karano ēlo' itoe padangnjo , dinamoinjo Padang Bandaharo , ditinggakan oerang disanan , akan maoeni kampoeang itoe, ditanam poelo pangoeloe disanan , bagala Datoea' Bandaharo . Kamoedian dari itoe, alah kambang poelo disanan , ramilah Padang Bandaharo , djadi bapindah poelo oerang dari sanan, bapindah katanah radjo, mangko banamo Tanah Radjo . Tatakalo maso dahoeloe , io diPadang Bandaharo , mamandang Datoea' Katoemanggoeangan , manampa ' tanah satoempoea ' , laloe bakato maso itoe, kapado oerang nan disanan : „ Itoe tanah kito djoeo, kalau sasa' kalian disiko , boelieh djoeo pindah kasanan ."

Tatakalo moelo oerang kasanan , dari Padang Bandaharo , banja' oerang nan djadi sagan, sabab karano di-Tanah Radjo, salaloe dilamoen ampoeah , tatapi sabab kasasa'an , bapindah djoeo itoe kasanan , banamo poelo itoe disanan , nagari Ampoeah dangan Baso , sabab babaso moelo kasanan , itoelah namonjo sampai kini .

Adapoen atoea ' Katoemanggoeangan , dangan Datoea' Para patieh Nan Sabatang , sarato Datoea' Sari Maharadjo nan banago-nago , alah soedah nagari-nagari itoe, tato'lah injo katigonjo , di-Pariangan Padang Pandjang, doedoea ' bapikie siang malam, manjoesoen 'adat djo limbago , mamboeē ' tjoepa ' dangan gantang , sarato boengka djo taradjoe , maliē'-liē' tarati' oerang, dalam tio'-tio' nagari itoe.

Pado maso koetiko itoe, adolah Tjati Bilang Pandai , bapa' Datoea' Parapatieh Nan Sabatang , balaie djoeo kian koemari , mantjari tanah daratan , akan tampe' oerang bapindah , ama' laweh djoeo 'alam nangko . De' lamo-bakalamoan , banja'lah poelo tanah nan dape' , akan tampe' oerang bapindah , sabab laoei ' lah manjinta ' djoeo, batambah laweh boemi Allah , alah dibagi -bagi poelo oerang tadi , io de' Tjati Bilang Pandai , dimano-mano tanah baie' , disoeroeah oeni samonjo , didjapoei ' oerang ka-Soengai Tarab , didjapoei ' oerang ka-Limo Kaoem , didjapoei ' ka-Tandjoeang Soengajang ; itoelah sabab karanonjo , mangko disaboei' oerang poelo , oerang toeroen dari nagari nan tigo 'toe , ado djoeo nan dari Pariangan , sarato kampoeang Koto Toeo . Alah banja ' nagari nan baoeni , hampie batoenggoe kasamonjo , mano-mano tanah nan baie' , sananglah hati nan batigo , sarato Tjati Bilang Pandai , laloelah injo siang djo malam, manimbang boeroea ' dangan baie' , mantjari aloea dangan patoei' , nan ka pamaliharo oerang banja ' , ama' salamat 'alam nangko , sampai kapado tjoetjoe pioei' , ba ' itoe niat nan batigo , sarato Tjati Bilang Pandai , dangan Datoea' Soeri Diradjo .

Kamoedian dari itoe, ado kapado satoe hari, badjalan Datoea' Parapatieh Nan Sabatang , sarato Datoea' Katoemanggoeangan , dangan Datoea' Sari Maharadjo nan banago-nago, sarato Tjati Bilang pandai , mandaki goenoeang Marapi ; sampailah bana kapoentja'njo , laloe mamandang kiri kanan , dipandang hilie dangan moedie ' , tampa'lah djoerai tigo djoerai , sadjoerai hado ' ka-Tanah Data , sadjoerai hado' kaloeboea ' Agam , sadjoerai hado ' ka-Limo Poeloeah. Diliē'-lie' dari sanan, sangatlah banja' tanah nan lēba, nan baloen dioeni oerang, tantang djoerai nan tigo tadi ; laloe moepakat maso itoe, handa ' balaie katigonjo, malie' tanah nan tigo itoe, akan diboeē ' djadi nagari , akan tampē' oerang bapindah , laloe dibahagi maso itoe, dari atëh goenoeang Marapi' , kamano -mano akan paï , katanah nan tampa' tadi .

Alah soedah injo bamoepakat, laloe manoeroen anjolaï , kaPariangan Padang Pandjang, dimoeē ' parahoe tigo boeah , oelieh datoea' nan batigo , iolah Datoea' katoemanggoeangan , dangan Parapatieh Nan Sabatang , sarato Datoea ' Sari Maharadjo nan banago-nago ; satoe -satoe parahoe itoe, limo poeloeah oerang banja ' isinjo, laki-laki parampoean , samolah itoe katigonjo , laloe balaie anjolaï , manadai djoerai nan tigo tadi , dibagi -bagi oerang itoe, kapado tio '-tio' tanah , mano nan baloen barisi oerang, babagai -bagai itoe banja'njo , ado nan ampē ' dalam sakoto, ado nan limo dalam sakoto, ado nan anam ado nan toedjoeah, ado djoeo nan salapan , ado poelo nan doeo balēh, isi satoe -satoe koto , manilie ' ba ' apo lawēh tanahnjo , nan akan dioenj oerang nantoen, itoelah asanjo loeha' nan tigo .

Lamolah poelo antaronjo , alah kambang poelo oerang tadi , batambah lēba 'alam nangko , hampie baoenji kasamonjo , baisi taloea' dangan rantau , batambah soeko nan batigo , sarato Tjati Bilang Pandai , batambah sanang dihatinjo, doedoea ' didalam Pariangan .

Kamoedian dari itoe, alah soedah soemoea bakali , soedah nagari batjatja' , tio' -tio ' nagari nangko , oerang nan dibagi tadi , bamoepakat basa anjolaï , dirapē ' sagalo isi nagari tadi , kamoeko Datoea' Katoemanggoeangan , dangan Parapatieh Nan Sabatang , sarato Datoea' Sari Maharadjo nan banago-nago, dangan Tjati Bilang Pandai, dangan Datoea' Soeri Diradjo , diateh daulat jang dipatoean , radjo nan di-Boengo Satangkai , karano lah gadang maso itoe, nan mandjadi radjo itoe , kamanakan Datoea' Katoemanggoeangan , dangan Parapatieh Nan Sabatang . Adapoen moepakat itoe, dimēdan balai saroeang, diPariangan Padang Pandjang; nan djadi boeah moepakatnjo , karano nagari alah banja ' , ko' inda ' rami poelo , saboeah laï katinggalan, karano baloen ado kapalonjo , nan kamahoekoem mandjangkokan , paï ka tampē' batanjo , poelang ka tampē' babarito, kini nan titah dari radjo, akan ditanam anjolaï , didalam tio'-tio ' koto nagari 'toe , lorong nan ka djadi kapalo, akan mamarentahi koto-koto 'toe , karano tio'-tio ' koto itoe , akan dibari baatoearan , io batjoepa ' djo bagantang , ba'adat dangan limbago, batarati ' bakalakoean . Itoelah titah dari radjo, dangan datoea ' nan batigo , sarato Tjati Bilang Pandai , basamo Datoea' Soeri Diradjo.

MOESTIKO 'ADAT 'ALAM MINANGKABAU. 6.

Sabab mandanga titah nantoen, soekolah hati nan banja ' 'toe, koembali poelang anjolaï , sagalo oerang nan rami 'toe , kadalam kotonjo masieng-masieng . Kamoedian dari itoe, badjalanlah datoea ' nan batigo , sarato Tjati Bilang Pandai , mandjalang tio'- tio ' nagari 'toe , bamoepakat poelo tibo disanan , didalam tio-tio' koto 'toe, dangan sagalo oerang banja ' , nan maoenji koto-koto itoe , disoeroeah pilieh di nan banja ' . Dalam injo sabanja ' itoe, siapo-siapo nan akan djadi kapalonjo , didalam tio'-tio' koto itoe, ado barampē ado balimo , ado baranam ado batoedjoeah, dalam sakoto - sakoto , ado djoeo nan salapan, didalam satoe -satoe koto , oerang ditanam djadi pangoeloe , oelieh Tjati Bilang Pandai , dangan datoea ' nan batigo .

Sagalo pangoeloe2 itoelah, nan ka maoekoea mandjangkokan , didalam tio '-tio' koto 'toe , ko' koesoei ' nan ka manjalasaikan ; djoko ' toemboeah silang salisieh , didalam satoes koto 'toe , itoelah oerang nan mahoekoem , ditoeokan oerang itoe, dangan kato samoepakat, oelieh sagalo oerang banja ' , nan didalam koto nagari 'toe , disamokan toeonjo pangoeloe -pangoeloe 'toe , dangan ninie ' dan mama'njo , itoelah mangko pangoeloe 'toe , dipanggiekan datoea ' dan tinggi daradjatnjo , samo ninie ' dan mama'njo , soepajo tida' boelieh dilawani .

Akan batanam pangoeloe 'toe , diboeē' poelo atoearannjo , siapo nan akan djadi pangoeloe , maisi 'adat manoeang limbago, kapado nan banja ' dalam nagari , laki-laki dan parampoean , dan kana '-kana ' nan saisi nagari 'toe , sabab oerang -oerang itoelah nan manggadangkannjo ; siapo nan ka mandjadi radjo, maisi 'adat manoeang limbago , kapado isi 'alam, laki-laki dan parampoean dan kana '-kana ' , karano oerang itoelah nan maradjokannjo , itoelah 'adat nan tapakai , dalam 'alam Minangkabau 'ko, sampai kini tida ' baroebah-oebah .

Kamoedian dari pado itoe, diboeē ' gantang koerang doeo limo poeloeah tahie boengka banja ' isinjo, dan tjoepa ' nan doeo balēh tahie boengka banja ' isinjo, nan saboengka anam balēh amēh, nan saamēh ampē' koepang, nan sakoepang anam koendi mērah tibo katampoea'njo . Itoelah boengka nan piawai , dan diboeē' poelo taradjoe nan bajang , taradjoe nan tida ' paliengan ; itoelah nan akan dipakai , oelieh sagalo pangoeloe -pangoeloe , dan ana' boeahnjo laki-laki parampoean, sarato dipaboeē ' poelo limbago 'alam, iolah dibari batarati ' bakalakoean, sagalo oerang tio' -tio' nagari 'toe. Barang siapo nan tida ' manoeroei' tjoepa ' djo gantang , dan limbago 'alam itoe, sagalo ' adat-'adat nan dibarikan pangoeloe -pangoeloe 'toe , didalam tio' -tio ' basamosamo, kapado pangoeloe -pangoeloe , kalau tida' ditoeroei'njo kasalahan , nan dioetangkan pangoeloe itoe, aratinjo karēh ba' batoe tinggi ba ' langi ' , tida ' amoeah manoeroei' tjoepa ' djo gantang , ' adat djo limbago nan dipakai oerang dalam nagari , mangko oerang itoe disarahkan kapado radjo , dan oelieh radjo disoeroeah poelo oerang itoe, manoeroei' timbangan pangoeloepangoeloe itoe. Kalau tida' poelo ditoeroei'njo , nan dititahkan radjo 'toe , sampai sakali doeo kali, dibari djoeo nasihat kapadonjo ; tida' djoeo injo amoeah manoeroei ' , kalau lapēh dari pado tigo kali, mangko djatoeah hoekoeman radjo , dipantjoeang oerang 'toe ditangah medan , soepajo djangan manoeroei' ' adat limbago nagari , nan soedah diatoeakan radjo dangan pangoeloe .

Sabab itoelah moengko dikatokan , didalam oendang-oendang 'alam , salah kapado radjo tapantjoeang , salah kapado pangoeloe baroetang . Adapoen pamarentahan radjo itoe di-'Alam Minangkabau , tabagi atēh doeo larēh : soeatoe larē Koto Piliang, djoendjoeang larēhnjo Datoea' Katoemanggoeangan , (kapalo larēh koto Piliang ) , kadoeo larēh Bodi Tjaniago, kapalo larēhnjo Datoea' Parapatieh Nan Sabatang .

Adapoen larēh Koto Piliang itoe , oerang baradjo -radjo namonjo, karano Datoea' Katoemanggoeangan , nan djadi djoendjoeangan larēh Koto Piliang itoe, anak dari daulat jang dipatoean ; apo -apo titah radjo , tida'lah boelieh dibandieng laï, oelieh oerang isi larēhnjo , dan dalam larēh Koto Piliang itoe , tjoekoei ' kagadangan didalamnjo , jaïtoe bapamoentja ' , iolah pangoeloe 'alam namonjo . Itoelah nan manjampaikan , apoapo titah radjo, kapado sagalo oerang basanjo , dan hambo raaʻjatnjo, basoeloeah bendang bapajoeang pandji, batoean gadang batjamin taroeih , batjoemati bapasa' koengkoeang, baana' koentji djaloedjoea , dan manaroeah karih kasatian .

Adapoen larēh Bodi Tjaniago 'toe , toeahnjo de' samoepakat, tjilakonjo de' basilang , kalau apo -apo paboeatan , nan toemboeah dalam Bodi Tjaniago, djoko ' lah samoepakat sagalo pangoeloepangoeloe , dalam tio'-tio' nagarinjo , mangko sahlah moepakat itoe, soedah saparati paboeatan radjo , tida ' boelieh dilangga laï ; dan kalau basilang pangoeloe , nan didalam satoe -satoe koto 'toe, tida'lah boelieh didjadikan apo -apo moepakat 'toe , mangko itoe tjilako namonjo .

Soenggoeahpoen kadoeo larēh itoe, ado balain -lainan atoearannjo , tatapi padjalanannjo samo djoeo, tantangan 'adat djo limbago , sadiki ' tida ' balainan . Kalau basilang oerang salarēh Koto Piliang , boelieh mangadoe kapado larēh Bodi Tjaniago , soepajo disalasaikan kato itoe ; dan kalau basilang sagalo pangoeloe , dalam larēh Bodi Tjaniago, boelieh poelo mangadoe kapado larēh Koto Piliang , soepajo dihabihkan pasalisiehan itoe. Kalau tida' habih de' larēh nan doeo 'toe, baroe koembali kapado radjo , iolah radjo 'adat radjo 'ibadat dan radjo 'alam, nan batahta karadjaan diboeki ' Batoe Patah Paga Roejoeang ; disitoe biang ditaboea'kan , disitoe gantieng dipoetoeihkan , tida' boelieh dihoeboeang laï . Kalau apo -apo hoekoeman radjo itoe, tida ' boelieh dibandieng laï ; ba' itoe oemanat nan badoeo , iolah Datoea' Katoemanggoeangan dangan Parapatieh Nan Sabatang , takalo io akan hampie mati , karano oerang Koto Piliang , hambo didalam oelieh radjo, oerang larēh Bodi Tjaniago, hambo jang moelie oelieh radjo 'Alam Minangkabau. Babalie ' roendieng ka nan tadi , alah soedah bapangoeloe balako , tio'-tio' nagari nangko , dan lah soedah poelo dibari batjoepa ' bagantang , ba'adat balimbago , batarati ' bakalakoean balako , dan bapakaian tio '-tio' nagari itoe.

Mangko bamoepakatlah poelo nan batigo , iolah Datoea' Katoemanggoeangan, dangan Parapatieh Nan Sabatang , sarato Datoea ' Sari Maharadjo nan banago-nago, akan maagieh sakalian nagari -nagari , nan soedah dibari batjoepa ' bagantang , dan batarati ' bakalakoean tadi , iolah sagalo nagari , nan soedah dibari bapangoeloe tadi , akan didjadikan doeo larēh dan tigo loeha' .

Soeatóe loeha ' Tanah Data , kadoeo loeha' Loeboea ' Agam , katigo loeha' Limo Poeloeah ; lorong nan tigo loeha' itoe, diparēntahi oelieh larēh nan badoeo , Koto Piliang dangan Bodi Tjaniago ; pambagian loeha' itoe , manoeroei' djoerai nan tigo tadi, pambahagian larēh nan doeo , satoe larēh Koto Piliang, kadoeo lareh Bodi Tjaniago .

Iolah nan hinggo Tandjoeang Gadang moedie ' , hinggo laoei ' nan sadidih , hinggo goenoeang Marapi hilie, koelilieng goenoeang samonjo , masoea ' Koto Piliang, diparentahi oelieh Datoea ' Katoemanggoeangan ; nan hinggo Moearo moedie ' , hinggo Padang Taro' hilie, masoea ' larēh Bodi Tjaniago, masoea ' parentah Datoea ' Parapatieh Nan Sabatang ; dalam itoe salo-manjalo djoeo nagarinjo . Nan diparēntahi , dan nan hinggo boeki' Tamasoe Batoepang moedie' , hinggo Goegoea ' Sikaladi hilie , salarēh Batang Bangkawēh , banamo Lareh Nan Pandjang , pegangan Datoea' Sari Maharadjo nan banago -nago ; soenggoeahpoen itoe de ' nan boensoe , basarikat djoeo katigonjo , dinamoi itoe Pariangan, tangkai 'alam itoe namonjo , sabab itoe nagari toeo , soemarai io balako . Pisang kalē' kalē ' hoetan , pisang tambatoe bagatah -gatah ; dikatokan Koto Piliang boekan, Bodi Tjaniago injo antah ; hanjolah nagari nan diagieh iolah loea dari itoe. Alah soedah lareh diagieh , bapikie Datoea' Parapatieh Nan Sabatang : dihētong isi larēhnjo, kironjo banja' kakoerangan dari lareh Koto Piliang ; sabab karano dari itoe, djadi salisieh anjolaï , dangan Datoea' Katoemanggoeangan , laloe baparang badansana ' , oerang batimba kadoeonjo .

Oelieh Datoea' Katoemanggoeangan , diboeē ' saboeah koeboe batoe, akan tampe' oerang mahando' , sadang de ' Datoea ' Parapatieh Nan Sabatang , diboee ' poelo koeboe tanah , dikali tanah lapang - lapang , akan tampe' oerang manjoeroea ' , dinamoinjo Koeboe Gadang .

Alah soedah koeboe kadoeonjo , djadi baparang anjolaï, iolah Datoea ' Parapatieh Nan Sabatang , awa' sakētē' oerang banja ' , lagi malawan kako toeo . Allah ta'ala manggara'kan , djadilah kalah maso itoe, manang Datoea' Katoemanggoeangan , laloelah toendoea' anjolaï , oerang larēh Tjaniago, kapado oerang Koto Piliang ; badiri 'adat poesako parang , laloe diisi katoendoea'an, kapado oerang koto Piliang , ditjari koedo salapan ikoea, limo nan dari Datoea' nan limo kaoem, tigo ikoea dari Datoea ' nan tigo , iolah nagari Tandjoeang Soengajang , batali tjandai kasamonjo , dihiri ' ka-Salapan Batoe , nan banamo Boengo Satangkai , tarang kalaoei ' nan sididih , moesahoea kian koеmari , kalahnjo Datoea' Parapatieh Nan Sabatang .

Kamoedian dari parang itoe, dinamoi anjolaï, oelieh Datoea' Katoemanggoeangan , io nagari Limo Kaoem , Gadjah Gadang Patah Gadiengnjo , sabab lah kalah de' baparang ; Soengai Tarab Daroe'ssalam itoe namonjo , sabab salamat dalam parang . Dan banamo Pangoeloe 'Alam , Pamoentja ' Koto Piliang, itoe lah nan dapē' kamoedian dinamoi poelo Tandjoeang Soengajang , nan badatoea' nan batoedjoeah, saparati paramato diatēh amēh , ikan bataloea dalam batoe .

Kamoedian dari itoe, sasoedah damai parang tadi , dē bērang hati Datoea' Parapatieh Nan Sabatang , ado kapado satoe malam, paï injo ka-Soengai Tarab, ditikamnjo batoe dangan karih, io dioela ' kampoeang Bodi , djadi taboea ' batoe itoe ; diambie'njo poelo toengkē' basinjo , dianta'njo poelo dangan toengke' itoe, boeboeihlah poelo batoe itoe , ba' itoelah lakoe datoea ' itoe , akan malapēhkan saki ' hatinjo. Tida'njo amoeah manikam oerang , hanjo batoe nan ditikamnjo ; kalau santano oerang lain, tantoelah oerang 'toe nan ditikamnjo , kamano hatinjo saki ' , atau nagari dibakanjo , misiki injo badansana' , tida'lah itoe injo padoeli , asa lapēh saki ' hatinjo , tida ' mangana doso basa, tida ' njo maloe pado oerang, asa hatinjo laï ka lapēh .

Lamolah poelo antaronjo , kamoedian dari itoe, bamoepakat isi larēh nan doeo , io larēh Koto Piliang, dangan Bodi Tjaniago , mangadap ka-Boengo Satangkai , mamoehoen kapado radjo disitoe , soepajo amoeah injo bapindah , io kaboeki ' Batoe Patah, sabab karano radjo itoe, sangat karēh parentahnjo , dalam nagari Soengai Tarab .

, djadilah pindah radjo itoe , Sabab paramintaan oerang banja ' dari nagari Soengai Tarab, nan banamo Boengo Satangkai , baralieh kaboeki ' Batoe Patah , batoedjoeah oerang laki-laki, batoedjoeah poelo parampoean , dangan batigo hoeloebalang.

Mangko didalam Soengai Tarab, tinggalah poelo oerang basanjo , manitah radjo kapadonjo , akan mahoekoem Soengai Tarab, sarato Datoea' Nan Salapan , itoelah asa panitahan .

Tida' barapo antaronjo , hamielah toean poeti Djamilan, parampoean radjo tadi , sampai poelo lahie ana'njo ; mangko bapasan radjo itoe, kadalam nagari Soengai Tarab, maminta ' roejoeang roemandjo , akan djadi pagaran soengai, oentoea ' ka tampe' mandi radjo, sarato ana ' djo bininjo, sabab pado maso itoe , adolah dalam soengai itoe, banja ' boeajo dahoeloenjo, takoei'lah radjo di boeajo ; dihantakan oerang roejoeang itoe, laloe dipaga hoeloe soengai, dangan roejoeang samato-mato, sadja ' soedah bapaga itoe , djadi banamo anjolaï , radjo nan bapaga roejoeang .

Adalah garan limo tahoen, kamoedian dari itoe, datang nangkodoh 1) dari laoei ' , mambao kabau gadang pandjang , pandjangnjo limo balēh dapo, gadangnjo salapan dapo , pandjang tandoea'njo sabalah anam dapo, manape' diboeki ' Gomba' ; dimandikannjo kabau itoe, didalam aie soengai Amēh, balaie djoeo injo moedie ' , sampai kakaki boeki' Batoe Patah . Bahanti injo disanan , naie' kadarē ' anjolaï , batamoe Datoea' Katoemanggoeangan , sarato Datoea ' Parapatieh Nan Sabatang , oerangpoen rapē' maso itoe. Bakato Nangkodoh Basa , kapado Datoea ' Katoemanggoeangan , dangan Datoea' Parapatieh Nan Sabatang :

,,Mangko hambo datang kamari , hambo mandanga kaba baie' , oerang didalam poelau Patjo 'ko, banja ' nan arih bidja'sano , loeboea' 'aka laoei'tan boedi, sabab itoe kami kamari . Kalau datoea' laï soeko , mari kito bataroeah maadoe kabau ; djikalau alah kabau kami , milie'i isi parahoe kami."

Mandjawab Datoea' Katoemanggoeangan , dangan Datoea ' Parapatieh Nan Sabatang , sarato dangan isi loeha' : „Kalau itoe kahanda ' toean nangkodoh , bari djandji kami toedjoeah hari , ama ' kami tjarikan kabau ka lawannjo. " Djadi manoeroei ' nangkodoh itoe.

, ditjari saikoea ana ' kabau, nan sadang De ' oerang isi loeha' injo manjoesoe, diboee ' poelo toepang basi , sambilan koee ' banja' toepangnjo , roentjieng nan boekan alang -alang , tadjam saginjo bagai pisau ; koenoen pandjang toepangnjo itoe, adolah poelo anam dapo. Alah sampai djandji anam hari , ditjarai ana' kabau tadi , tida ' sapaï djo indoea'njo , nan samalam-malam itoe ; sampai hari nan katoedjoeah , dibao kamēdan anjolaï , io dikampoeang Koto Ranah , banamo kampoeang Ranah Batoe , dan Medan Balai Sidasoen . Alah datang poelo nangkodoh tadi , dibaonjo kabau nan gadang , oerangpoen rapē' maso itoe, saisi 'alam poelau Patjo, laki-laki parampoean , akan malie' kabau lago ; mamandang ana ' kabau itoe, tasanjoem Nangkodoh Basa .

Alah sampai sa'at koetikonjo , laloe dihiri ' katangah medan, akan diadoe anjolaï ; alah basiba ' oerang banja ' , dilapēhkan kabau nan gadang , oelieh Nangkodoh Basa tadi , dilapēhkan oerang poelo, akan ana' kabau itoe, sama katangah kadoeonjo .

Adolah kabau nan gadang 'toe , baroe injo dilapēhkan , laloe mamakan -makan roempoei' , sabab tida' tampa' lawannjo. Adapoen ana ' kabau tadi , baroe injo dilapēhkan , laloe balari injo kasanan , manoedjoe kabau nan gadang 'toe, sarato tibo injo manjoesoe, kaparoei ' kabau nan gadang 'toe, sabab karano kahaoesan , alah samalam tida' manjoesoe. Sakali injo manjoesoe, takadjoei ' kabau nan gadang 'toe , sabab lah taboea' diparoei'njo , laloe basora ' oerang banja ' ; doeo kali injo manjoesoe, larilah kabau nan gadang 'toe, basēra' oerang nan banja' , raboraboi sano sini , sabab karano katakoei'an , akan dilando kabau gadang. Adapoen kabau nan gadang itoe , sabab karano injo lari , taboelarai paroei ' anjolaï , laloe tagolē' maso itoe, talaloe mati sakali . Maliē ' roepo damikian , djadilah maloe Nangkodoh Basa , sabab kalah kabau gadangnjo , ditinggakannjo sagalo isi parahoe 'toe , akan pambaie taroeah kabau , injopoen poelang maso itoe ; sabab karano de' bagagēh, tingga poelo sangka ajamnjo , diambie ' de' oerang kampoeang itoe.

Sapaningga nangkodoh itoe, lah manang ana' kabau tadi , moepakat poelo isi loeha' , iolah lareh nan doeo . Sakato itoe kasamonjo , manamoi 'alam nangko , banamo 'Alam Manangkanau, * ) dahoeloe banamo poelau Patjo ; itoelah kampoeang Koto Ranah , tampe' maadoe kabau tadi , dinamoi nagari Minangkabau , itoelah namonjo sampai kini , tida ' ado baroebahoebah , ba' itoe tjoerai paparannjo . "

Mandjawab Bagindo Kajo : „ Itoelah sanang hati hambo, alah tantoe itoe de' hambo, ba' apo tjoerai paparannjo , mano nan datoea ' saboei ' tadi .

Saboeah laï pinta ' hambo, nan taraso -raso djoeo, io didalam Soengai Tarab , nan mano datoea' nan salapan, sarato dangan panitahan , nan mandjadi pangoeloe 'alam ? Apokoh gala poesakonjo, io didalam nagari Limo Kaoem , manokoh poelo kaoem nan limo , sarato koto nan doeo balēh, io didalam Tandjoeang Soengajang , manokoh datoea ' nan batoedjoeah , nan paramato diatēh amēh , ikan bataloea dalam batoe , ba' apo asa moelonjo , mangko banamo damikian ? "

Mandjawab Datoea' Radjo Pangoeloe : „Kalau itoe nan taraso , boelieh poelo hambo tarangkan , tatapi kini 'ko baloen ka moengkin , sabab hari lah patang bana, barisoea ' sadjolah ang kamari ."

,,Malah ba' itoe kato datoea ' , barisoea' malah hambo kamari ," djawabnjo Bagindo Kajo .

Alah sampai hari nan barisoea ' , pagi -pagi injo lah tibo, doedoea ' mangadap kamama'njo , bakato Datoea' Radjo Pangoeloe : „Mano ang Bagindo Kajo , tantangan kato nan kapatang , dangakan poelolah de' ang, ama' hambo kabakan poelo , mano nan dapē' de' hambo.

Paratamo nan ang tanjakan , didalam nagari Soengai Tarab , manokoh datoea ' nan salapan , sarato dangan panitahan , apo nan gala poesakonjo .

Nan kadoeo , didalam nagari Limo Kaoem , mano itoe kaoem nan limo , sarato koto nan doeo balēh .

Nan katigo , didalam nagari Tandjoeang Soengajang , manokoh datoea ' nan batoedjoeah , nan paramato diatēh amēh , ikan bataloea dalam batoe ; ba' apa asa moelonjo , mangko banamo damikian , itoe poelo nan ang tanjokan ."

„Io itoe nan baloen tantoe, datoea' tarangkanlah ka hambo, ama' tarang poelo di hambo," djawabnjo Bagindo Kajo .

Maoelang Datoea' Radjo Pangoeloe : „Kini dangakan poelolah de' ang, ama' hambo saboei'kan poelo, nan ang tanjokan itoe.

Adapoen datoea ' nan salapan, dalam nagari Soengai Tarab : Satoe Datoea' Radjo Mangkoeto , itoe didalam Piliang Sani. Kadoeo Datoea' Tamani , itoe didalam Mandahilieng . Katigo, Datoea' Madjoindo , itoe didalam Piliang Laweh . Kaampē ' Datoea ' Radjo Pangoeloe, itoe didalam soekoe Bendang . Kalimo Datoea' Toenaro , itoe didalam soekoe Bodi.

Nan batigo di Tigo Batoea :

Satoe Datoea' Radjo Malano , itoe didalam soekoe Piliang . Kadoeo Datoea' Radjo Pangoeloe, itoe didalam soekoe Bendang . Katigo Datoea' Simaharadjo , itoe didalam bēndang kampoeang nan anam.

Itoelah datoea ' nan salapan batoe , dalam nagari Soengai Tarab, diatēhnjo panitahan , galanjo Datoea ' Bandaharo Poetieh , pamoentja ' 'alam Koto Piliang, pangoeloe 'alam oelieh radjo ; itoelah tampe' radjo manitah , dalam 'Alam Minangkabau 'ko, mantari basa itoe de' radjo. Nan ta'aloea' djadjahannjo , sampai ka-Banda Nan Sapoeloeah ; kalau injo paï kasanan , djoko' malēnggang tida' tapampēh, namoen taga' tida' tasoenda' , djoko ' mamboenoeah ta' mambangoen, ba'itoe sapandjang ' adat, didalam tjoerai paparannjo , itoe pambari radjo , tatakalo maso dahoeloenjo , ba'itoe kaba baritonjo, nan hambo danga dari ninie' .

Soenggoeahpoen itoe damikian , nan lain dari pado itoe, injo djoeo mamalēntahkan , manarimonjo dari radjo, apoapo titah radjo , tatapi sakadar manjampaikan , kapado oerang basa sadjo , samboeangan moeloei ' injo de' radjo ; batigo poelo basa nan lain, nan samo doedoea ' samo taga' , dangan Toeankoe Panitahan .

Satoe Toean Kali di-Padang Gantieng , soeloeah bendang koto Piliang , itoe namonjo oelieh radjo .

Kadoeo Datoea' Andomo , dalam nagari Saroeaso, pajoeang pandji Koto Piliang, itoelah poelo namonjo .

Katigo Toean Gadang di-Batipoeah , Harimau Kato Piliang , itoelah poelo nan namonjo , Djandaral Malitar itoe pangkatnjo .

Oerang nan barampe ' itoe , mantari radjo kaampē'njo , samo boelieh satjorēng koenieng, samo bagadieng baboelalai , balainlain kagadangannjo , dalam larch Koto Piliang , boelieh mahitam mamoėtiehkan , dalam balainjo masieng-masieng , tida ' siapo bakeh batanjo , injolah djadi poetjoea' boelē ' , itoelah toeah nan disambah , itoelah djoendjoeang nan dipandje ' , dalam balainjo masieng² , oelieh oerang Koto Piliang ; tatapi labieh panitahan , sabab injo nan ganti radjo , dalam nagari Boengo Satangkai , atau diranah Soengai Tarab , oekatoe radjo akan pindah , io kaboeki ' Batoe Patah , injolah mandjadi mantari injo de' basa, dalam 'Alam Minangkabau 'ko , wakie moetala ' radjo , dahoeloe poelo injo ditanam , dari pado basa nan batigo .

Didalam nagari Soengai Tarab, ado poelo satoe kalinjo , nan bapangkē ' Imam 'adat, bagala Datoea' Marabangso , didalam koto Piliang Sani .

Adapoen Datoea' Marabangso 'toe, kalau doedoea'njo samo randah, namoen taga'njo samo tinggi, dangan datoea ' nan salapan ; kalau tantang sapandjang sara ' , injo koeaso sandirinjo, dibawah Toeankoe Panitahan , tatapi didalam nan salapan, angkoeah saroepo radjo 'ibadat, dalam nagari Soengai Tarab .

Tantangan basa nan batigo , tahado ' kapado radjo, Toean Kali di-Padang Gantieng , koeaso sapandjang sara ' , dibawah radjo 'ibadat, dalam 'alam Minangkabau 'ko, salarēh Koto Pi liang , pegangan injo kasamonjo . Kalau toemboeah radjo naie' nobat, baie'poen radjo 'alam, baie'poen radjo ibadat, 'ataupoen radjo 'adat, injo nan mambatjo do'a salamat, sarato dangan 'alim -'alim , maamin oerang samonjo ; ataupoen radjo akan kawin, injolah poelo mangawinkan ; kalau oekatoe radjo mati , injo imam manjambahjangkan , misiki djalan apo -apo , nan tahado' sapandjang sara ' , dalam kampoeang radjo itoe , ataupoen dalam Koto Piliang, parakaro sara' nan ta' habih , poelanglah itoe kapadonjo , kapada Toean Kali di-Padang Gantieng .

Kalau oerang akan basoempah, didalam sidang karapatan , nan sampai kapado radjo, injolah itoe manjoempahi ; lain dari , poelang koembali pado itoe, mano-mano nan hoekoem sara ' djoeo kapadonjo ; kalau tida ' poetoeih de' injo, baroe koembali kapado radjo , iolah itoe radjo 'ibadat , sampai-sampai karadjo 'alam, batali djoeo itoe boejoeang.

Tantangan Toean Andomo , dalam nagari Saroeaso, pajoeang pandji Koto Piliang ; kalau toemboeah radjo naie' nobat, atau oekatoe radjo mati , baie'poen radjo baara ' , baie'poen radjo kawin, injo diatēh katjang pali, taga' badiri dangan pajoeang , mamajoeangi radjo itoe, itoe nan djadi kagadangannjo . Kalau toemboeah dikarapatan , oerang mahoekoem parakaro , nan sampai kamoeko radjo, tanamo oerang Koto Piliang , balindoeang itoe kapadonjo ; apo -apo nan ka disaboei' , kapadonjo itoe disambahkan , injo nan laloe pado radjo , manjampaikan kato itoe, mamegang katian gano' , taradjoe nan tida ' paliengan , injo mandjadi djoeroe bahaso, sabab itoe injo dikato , pajoeang pandji Koto Piliang .

Tantangan Toean Gadang di-Batipoeah , harimau Koto Piliang , itoe pahlawan basa radjo, itoe pangkatnjo dalam 'adat ; kalau toemboeah radjo naie' nobat, atau oekatoe radjo kawin , baie ' koetiko radjo mati , ataupoen apo-apo alē', nan djadi diroemah radjo, injo mandjago kasamonjo , mamalēntahkan oerang banja' , taga' basalēmpang koenieng , mamakai padang batjati , tasaloea' parisai amēh , babarapo poelo dibawahnjo , doebalang 'adat gagah-gagah, mangikoei ' tițahnjo kasamonjo . Kalau koetiko maso parang , injo diikoei ' oerang banja' , mandjadi imam kapalo parang , injo mamboenoeah ta' batanjo , injo mantjantjang ta' mamampēh , ba'itoe sapandjang 'adat, nan takato dalam tjoeraian, kaba barito hambo danga .

Kini dangakan poelo de' ang, ama' hambo kabakan poelo, io nagari Limo Kaoem , limo kaoem doeo balēh koto, sambilan koto didalam , ba'itoe poelo bintjangnjo, itoe larēh Bodi Tjaniago, pegangan Datoea' Parapatieh Nan Sabatang .

Nan banamo kaoem nan limo :

Satoe kaoem Koeboe Radjo, kadoeo kaoem Balai Batoe, katigo kaoem Koto Gadih , kaampe' kaoem Piliang , kalimo kaoem Balalaboeah ; itoelah kaoem nan limo , nan moelo malambēh nagari itoe, nan banamo Koto Nan Doeobalēh, dalam ganggaman Limo Kaoem .

Satoe Laboeah djo Parambahan , kadoeo Silaboea' djo Ampaloe , katigo Tjoebada ' djo Sipandjang , kaampē' Rambatan djo Padang Mage ' , kalimo Nangoen dangan Panti , nan kaanam Pabaloea'an djo Sawah Djaoeah ; itoelah koto nan doea baleh, nan samo naie' ba' galombang , nan samo toeroen ba' kapētjong , dangan itoe kaoem nan limo , samo hilang samo timboea.

Itoe koto nan sambilan , anak kandoeang itoe de' injo.

Baringin Koto Barandja' , Tabe' Batoe djo Sēlokandah , Lantai Batoe djo Boeki ' Gomba' , Soengai Ameh Tandjoeang Baroela ' , sambilan dangan radjo di-Anai , itoelah koto nan sambilan , dalam lingkaran Limo Kaoem .

Ado poelo saboeah laï , itoe Tabe' Sawah Tangah , nan masoea ' pegangan Limo Kaoem , ganggaman Datoea' Tan Tēdjo Garahano , oerang batoeah gadang pandjang , injopoen gadang sandirinjo , didalam tabe' Sawah Tangah , nan manaroeah gandang saligoeri , nan batoengga ' tareh djilatang , nan manaroealh tabe ' gadang, itoe nan djadi kabasarannjo .

Kalau bana ba' kaba oerang, Datoea' Tan Tēdjo nan moelonjo, nan bakoekoea di-Pariangan , gadang pandjang boekan kapalang , tigo boeah medjan tadiri , saboeah tantang kapalonjo , saboeah ditangah - tangah , nan saboeah tantang kakinjo ; kalau diliē ' dipandangi , heranlah kito mamikiekan , maliē' pandjang koeboea oerang, boekan manoesie sambarang -barang . Djoko' ditjari maso kini , tida ' ado toeloea ' bandiengnjo , antahkoh maso nabi Adam ; djoko ' samaso injo hidoei ' , boeki' moengkin dilongkahinjo , dari sabalah kasabalah , danaupoen moengkin dilompatinjo , ko' hanjo alang kapalang laweh , ba'itoe gadang pandjangnjo .

Saboeah laï nan ang tanjokan , io nagari Tandjoeang

Soengajang , nan badatoea' nan batoedjoeah, nan saparati paramato diatēh amēh , ikan bataloea dalam batoe , itoe masoea ' larēh Bodi Tjaniago djoeo , pegangan Datoea' Parapatieh Nan Sabatang .

Nan banamo Datoea' nan batoedjoeah , dalam nagari Tandjoeang Soengajang : Satoe Datoea' Siradjoradjo , kadoeo , Datoea ' Radjo Pangoeloe Nan Gapoeang, katigo Datoea' Malano Poetieh , kaampē' Datoea' Padoeko Radjo , kalimo Datoea' Gadang Madjo Lēlo , kaanam Datoea' Sinaro , katoedjoeah Datoea' Radjo Malano ; itoelah Datoea' nan batoedjoeah, nan moelo datang kasanan , dibao Datoea ' Parapatieh Nan Sabatang , nan malambēh nagari itoe, nan manape' di-Tandjoeang Bali' , disanan kampoeang oedjoeang tanah , nan banamo Pangka Boemi . Nan malambēh nagari itoe, iolah oerang nan toedjoeah pasang, nan talah mandjadi toedjoeah kaoem, toedjoeah poelo pangoeloenjo .

Sadang oerang itoe bakaradjo , mampaboeē ' tarata ' dangan doesoen , datang poelo satoboh laï , datangnjo dari Pariangan Padang Pandjang, manoeroei'i oerang nan toedjoeah pasang tadi , moekasoei ' sangadjo dalam hati , handa ' pindah poelo kasanan .

Adapoen oerang nan datang itoe , adolah poelo 23 pasang, injo sakalian 'toe , io dinagari laki-laki parampoean , manape' Boengo Satangkai , dangan Pangka Boemi tadi , disitoe injo baranti , disitoelah oerang itoe manambē'kan adjoeangnjo . Mangko sagalo oerang itoe, batamoe dangan Datoea' Parapatieh Nan Sabatang , laloe baliau soeroeah oerang itoe, samo-samo baladang - ladang , oelieh Datoea' Parapatieh Nan Sabatang , dangan oerang nan 7 pasang, nan moelo -moelo tibo dahoeloe tadi ; oelieh karano dari itoe, djadilah oerang itoe samo-samo baladang - ladang , mampaboeē ' tarata ' dan doesoen ditampē ' itoe .

Lamolah poelo antaronjo , kamoedian dari pado itoe, djadilah samo -samo kambang , sagalo oerang-oerang itoe , didakē ' tambatan adjoeang tadi , mandjadi rami anjolaï .

Kamoedian dari itoe, tantang tambatan adjoeang tadi , djadi banamo Tambatan Adjoeang , kini banamo Tabē' Adjoeang , asanjo dari tambatan adjoeang , oerang nan 23 pasang itoe, batanam poelo masieng-masiengnjo , satoe kaoem satoe kapalonjo , akan mamalēntahkan kaoemnjo itoe.

Kamoedian dari itoe, tatakalo maso dahoeloenjo , baroe soemoea dikali, soedah nagari batjatja' , habih talambēh nagari 'toe moepakat isi nagari itoe, sarato Datoea ' Parapatieh Nan Sabatang , ditanam datoea ' toedjoeah oerang, iolah datoea ' nan tadi , nan moelo -moelo datang kasitoe , akan mandjadi kapalonjo , akan mahoekoem itoe disanan , dibawahnjo ditanam poelo 23 datoea ' , nan kan mangapaloi kaoemnjo nan 23 tadi , itoelah pangoeloe nan bamoelo, nan ditanam oerang disitoe , tatakalo maso dahoeloenjo.

Alah soedah datoea ' ditanam , moepakat sakali laï , akan mambagi -mambagi kampoeang, sarato paroei ' dangan djoerai , ama' tantoe pegangan masieng-masieng , karano pado maso itoe , baloen laï kampoeang dibagi , baloen laï oerang basoekoe , hanjo soemando -manjoemando , dari kampoeang kakampoeang sadjo ; sabab nagari masih baroe, didirikan sadjo pajoeang toedjoeah batang , akan. djadi tando kagadangan , banamo pajoeang oeboea -oeboea , itoelah pajoeang Bodi Tjaniago, nan tasaboei' didalam tambo, tjoebolah ang lie' bana, oemanat Datoea ' Katoemanggoeangan, kapado oerang isi larēhnjo , tempo injo akan hampie mati.

Tatakalo samaso itoe , baroe banamo Datoea' nan toedjoeah pajoeang , dalam kampoeang Tandjoeang Soengajang . Satoe pajoeang Datoea' Siradjo-radjo , ampē ' pangoeloe dibawahnjo , djadi balimo dangan injo, banamo Datoea' Kampoeang nan ampe' , dibawah pajoeang Datoea ' Saradjo -radjo . Kadoeo pajoeang Datoea ' Radjo Pangoeloe Nan Gapoeang, tigo pangoeloe dibawahnjo , djadi barampē ' dangan injo, banamo Datoea' Kampoeang nan tigo , dibawah pajoeang Datoea' Radjo Pangoeloe Nan Gapoeang . Katigo pajoeang Datoea' Malano Poetieh , limo pangoeloe dibawahnjo , djadi baranam dangan injo, banamo Datoea ' nan baranam , nan dibawah pajoeang Datoea' Malano Poetieh . Kaampē ' pajoeang Datoea' Padoeko Radjo, anam pangoeloe dibawahnjo , djadi batoedjoeah dangan injo, banamo Datoea' nan toedjoeah kampoeang, nan dibawah pajoeang Datoea' Padoeko Radjo. Kalimo pajoeang Datoea' Gadang Madjo Lēlo , anam pangoeloe dibawahnjo , djadi batoedjoeah dangan injo, banamo Datoea' nan toedjoeah djoerai , nan dibawah pajoeang Datoea ' Gadang Madjo Lēlo . Kaanam pajoeang Datoea' Sinaro , ampē' pangoeloe dibawahnjo , djadi balimo dangan injo, banamo Datoea' nan limo boeah paroei ' , nan dibawah pajoeang itoe. Katoedjoeah pajoeang Datoea' Radjo Malano , tida'lah ado dibawahnjo , itoe kampoeang dangan djoerai , ataupoen paroei ' didalamnjo , samolah itoe angkatannjo , dangan djoerai -djoerai tadi .

Kamoedian dari itoe, diboeē ' poelo soekoe ampe ' : Satoe Patapang Katianjie , kadoeo Koto Piliang, katigo Malajoe Mandahilieng , kaampē' Bodi Tjaniago ; itoelah poelo soekoe nan ampē' , dalam kampoeang Tandjoeang Soengajang . Diboeē' poelo balai tigo , tampē' maminta ' hoekoem kaʻadielan , tampe' mangambang 'adat djo limbago . Didirikan poelo satoe moesadji ' , akan tampē' badjoema'at , mandirikan sapandjang sara' . Diangkē ' Datoea' Siradjo-radjo , mandjadi poetjoea' injo disanan , dalam kampoeang Tandjoeang Soengajang , babalai saboeah di -Galanggang Tangah , tampē' injo doedoea ' mahoekoem , sarato datoca ' nan basamo ; dibawahnjo Datoea' Sanggoeno Diradjo, itoe mandjadi sandi gadang, toengkatan Datoea ' Siradjoradjo , djadi tapatan de' nagari , kalau akan paï bahoekoem , kabalai Datoea ' Siradjo-radjo.

Diangke ' Datoea' Radjo Pangoeloe Nan Gapoeang, djadi kapalo soekoe 'adat, dalam Patapang Katianjie , babalai poelo itoe saboeah , itoe banamo Balai Gadang , tampe' injo doedoea ' mahoekoem , sarato datoea ' nan basamo. Adapoen Balai Gadang itoe, poesē ' . djalo poempoenan ikan , dalam kampoeang Tandjoeang Soengajang , tampē' manimbang 'adat djo limbago , tampē' karadjan datoea ' -datoea ' , dari kampoeang Tandjoeang Soengajang , diloea Datoea' Siradjo-radjo, dangan Datoea' Malano Poetieh , karano Datoea' siradjo-radjo, sarato Datoea' Malano Poetieh , dangan nan dibawah pajoeangnjo , kalau injo naie karadjan, kadalam balainjo masieng -masieng .

Dibawah Datoea' Radjo Pangoeloe Nan Gapoeang , ado poelo satoe mantinjo , Datoea' Pamoentja ' Aga'-aga' , itoe nan djadi kaki tangannja , djadi tapatan isi nagari ; kalau akan mangambang 'adat, kabalai Datoea' Radjo Pangoeloe Nan Gapoeang, didjalang mantinjo itoe dahoeloe , doedoea ' nan akan mangambangkan lapie' , naie' akan mamboeka' pintoe, ba' itoe 'adat poesakonjo .

Diangke ' Datoea' Malano Poetieh , djadi kapalo imam 'adat, dalam kampoeang Tandjoeang Soengajang , babalai poelo injo saboeah , tampe' injo doedoea ' mahoekoem , sarato datoea ' nan basamo ; tantangan sapandjang sara' , basamo 'alim 'djo pandito, sarato dangan bila maulano , baie' 'aloema dan hoekoema, kabalai itoe tampe' bahoekoem , mantjari kato kaʻadielan , didalam hoekoem agamo sara ' .

Adapoen balai Datoea' Malano Poetieh , banamo balai Sianau . Dibawah Datoea' Malano Poetieh , ado poelo satoe mantinjo, bagala Datoea' Simaharadjo Lēlo nan tigo balai , ba' itoe dalam bintjangan ; kalau oerang akan bahoekoem , kabalai Datoea ' Malano Poetieh , di djalang Datoea' Simaharadjo Lēlo , itoelah nanti tapatannjo , doedoea ' nan akan mangambangkan lapie ' , naie' nan akan mamboeka ' pintoe.

Katigo - tigonjo datoea ' itoe, satoe Datoea' Siradjo-radjo, kadoeo Datoea' Radjo Pangoeloe Nan Gapoeang , katigo Datoea' Malano Poetieh , soekoenjo Patapang Katianjie , djadi disaboei ' katigonjo , Katianjie Nan Tigo Balai , tigo poelo itoe gadangnjo , tahado' masoea ' nagari . Satoe mandjadi poetjoea' boelē ' , iolah Datoea ' Radjo Pangoeloe Nan Gapoeang, nan katigo mamēgang balai oegamo , iolah Datoea' Malano Poetieh . Itoelah datoea ' nan saparati paramato diatēh amch, basamo -samo katoedjoeahnjo , de' labieh karano ado nan dibawahnjo , manaroeah sandi dangan manti , nan tampē' injo manitah , nan djadi kaki tangannjo, lagi injo mamegang balai , tampē' mangambang 'adat limbago , sarato djalan sapandjang sara ' , dalam nagari Tandjoeang Soengajang . Sabab itoe injo digalaï oelieh Datoea' Katoemanggoeangan , saparati paramato diateh ameh , boengka taganggam kapadonjo , nan dimisakan saparati amēh, iolah Datoea' nan 23 , nan dibawah Datoea' nan batoedjoeah. Tjoebolah ang tanjo - tanjokan , dimano ado nan ba' itoe, diloeha' Tanah Data 'ko , didalam saboeah soekoe , nan manaroeah tigo balai , satoe injo balai 'adat, kadoeo injo balai sara ' , nan katigo balai parhimpoenan , dari balai nan doeo itoe, balai tampē' kasoedahan hoekoem , oelieh oerang satoe nagari , malainkan didalam nagari Pagaroejoeang , nan ado batigo balai , banamo poelo nagari itoe , iolah nagari Tigo Balai , satoe balai radjo 'adat, io didalam Kampoeang Tangah , kadoeo balai radjo 'ibadat, itoe banamo balai Djanggo , katigo balai radjo 'alam, itoe banamo balai Goedam ; itoelah nan tigo balai , tampē' bahoekoem di'alam 'ko, itoe sabab karanonjo , datoea ' nan batigo tadi , dikatokan Datoea ' Katoemanggoeangan , saparati paramato diatēh amēh , karano tjoekoei ' poelo padanjo , angkoeah saroepo di-Pagaroejoeang .

Diangke ' Datoea' Gadang Madjolēlo , mandjadi kapalo soekoe 'adat, dalam soekoe Piliang nan toedjoeah djoerai , naratjo tapēgang kapadonjo .

Diangke' Datoea' Padoeko Radjo, djadi kapalo soekoe ' adat, dalam Malajoe Mandahilieng , nan banja'njo toedjoeah kampoeang, tjoepa ' taganggam kapadonjo .

Diangke ' poelo Datoea' Sinaro , djadi kapalo soekoe 'adat, dalam nan limo boeah paroei ' , iolah Bodi Tjaniago, gantang taganggam kapadonjo .

Alah habih soekoe nan ampe' , habih poelo balai nan tigo , bakapalo kasamonjo , tingga Datoea' Radjo Malano , nan baloen ado pegangannjo .

Bakato Datoea' Parapatieh Nan Sabatang : „Adapoen Datoea' Radjo Malano , mandjadi tjamin itoe de' hambo, didalam kampoeang nan doeo 'ko, maliē ' datoea ' nan baranam , nan ka mamandang patang pagi ; djadi paramato malah datoea ' , djoko ' itoe ameh samato, kalau tida ' paramatonjo , tida'lah ēlo ' dipandangi ," titah Datoea' Parapatieh Nan Sabatang , kapado Datoea' Radjo Malano ; injopoen saparati paramato diatēh ameh , dalam kampoeang nan doeo 'toe, ba' itoe kaba baritonjo .

Kamoedian dari pado itoe, tida' manjanang di hatinjo, io Datoea ' Radjo Malano ; soenggoeahpoen injo oerang basa , tatapi tida ' mamarentah , tida ' manaroeah ana' boeah , pantoen maloekoei ' masoea ' gantang , kaloea tida' mangoerangi , masoea ' poen tida' mamanoeahi , ba'itoe dalam pikierannjo .

Lamolah poelo antaronjo , dalam bapikie -pikie itoe, tida ' djoeo sanang hatinjo , didakinjo boekie ' saboeah , disabalah kampoeang itoe, taga' bamanoeang injo disanan , mamandang kiri dangan kanan , tampa'lah poelo rimbo sakampoeang, disoebalie' boeki' itoe, tanahnjo data ba' ditampo , aie gadang ditangah - tangah , mamandang poelo injo kasanan , arah kakampoeang Tandjoeang Bali' , dangan kampoeang Tandjoeang Soengai Nan Mangiang , batambah hibo dihatinjo, laloe injo manampa dado ; soedah injo manampa dado , manoeroen injo dari sitoe, didjalangnjo rimbo sakampoeang tadi , kironjo galoendi sadjo ; baboeē ' roemah injo disanan , dinamoinjo Galoendi Nan Sakampoeang , laloe diam injo disanan , dangan ana' istirinjo .

MOESTIKO 'ADAT 'ALAM MINANGKABAU. 7

Adapoen boeki' nan tadi , djadi banamo anjolaï , iolah boeki' Tampa Dado .

Kamoedian dari itoe, mantjari ' aka anjolaï , io Datoea' Radjo Malano , baroelang injo ka-Tandjoeang Bali' , ditipoe - tipoenjo oerang disanan , dibaonjo pindah katampē'njo , ka-Galoemdi Nan Sakampoeang ; de' pandai injo mandjalankan , tabao poelo oerang de' injo, oerang dari dalam tigo soekoe .

Sabagian oerang soekoe Katianjie , sabagian oerang soekoe Piliang , sabagian oerang soekoe Malajoe Mandahilieng , itoelah oerang nan dapē ' ditipoe Datoea' Radjo Malano , dalam kampoeang Tandjoeang Soengajang .

Alah rami poelo injo disanan , mamboeē ' koto anjolaï , dinamoinjo Tandjoeang Gadang , itoelah nagari Tandjoeang kini. Kamoedian dari itoe, sabablah rami djoeo disanan , diboeē'njo poelo soekoe tigo , satoe soekoe Katianjie , kadoeo soekoe Malajoe Mandahilieng , kațigo soekoe Piliang , ditanamnjo poelo kapalo soekoe 'adat, nan akan mandjadi kapalo soekoe , mamarentah dikampoeang itoe.

Didjapoei'njo Datoea' Bidjo Diradjo , kanagari Lamboea ' Toeo, diangkē'njo mandjadi soekoe 'adat, dalam Malajoe Mandahilieng .

Didjapoei'njo Datoea' Bagindo Simaharadjo , kanagari Lamboea ' Toeo , ditanamnjo poelo itoe disanan , mandjadi kapalo soekoe 'adat, dalam soekoe Katianjie .

Itoe didalam soekoe Piliang , nan djadi kapalo soekoe 'adat, iolah Datoea' Radjo Malano .

Kamoedian dari itoe, alah soedah injo mamboeē ' soekoe , mamboeē ' poelo balai saboeah , dinamoinjo Balai Boengo. Sabab karano damikian , djadi salísieh anjolaï , dangan Datoea' Siradjoradjo , sarato datoea ' soekoe nan tigo , nan didalam Tandjoeang Bali ' , tida ' injo manjoekokan , ana' boeahnjo dimilie'i, oelieh Datoea' Radjo Malano . Sabab Datoea' Radjo Malano , soedah baboee ' gadang sandirinjo, mandjadi poetjoea' injo disanan , didalam kampoeang Tandjoeang Gadang , handa' manabang marabahkan , handa' mantjantjang mamoetoeihkan , tida' lagi pandang -mamandang , kadalam kampoeang Tandjoeang Bali' , nan banamo Tandjoeang Soengajang . Sabab karano dari itoe, moepakat Datoea' Siradjo-radjo , dangan sagalo datoea '-datoea ' , nan tingga didalam Tandjoeang Bali ' , diminta'njo koembali kasamonjo , sagalo oerang -oerang nan tadi , nan pindah ka-Tandjoeang Gadang , disoeroeah poelang samonjo , kadalam kampoeang Tandjoeang Bali' , iolah kampoeang Tandjoeang Soengajang.

Pado maso koetiko itoe , datanglah Datoea' Parapatieh NanSabatang, dangan Tjati Bilang Pandai , dari dalam Limo Kaoem, kadalam nagari Tandjoeang Gadang , akan mahoekoem koto itoe.

Mamoehoen Datoea' Siradjo-radjo , dangan Datoea' Nan Tigo Soekoe , kapado Datoea' Parapatieh Nan Sabatang , sarato Tjati Bilang Pandai : „ Maminta ' babalie' sagalo oerang 'toe, nan pindah ka-Tandjoeang Gadang , karano Datoea' Radjo Malano , mamboee ' nagari sandirinjo, dangan maoemboea ' dansana' kami , didjadikannjo ana ' boeahnjo , handa' mamakan mahabihkan, handa ' mantjantjang mamoetoeihkan , mamoetoeihkan kami badansana' .

Soedah ditimbang kato itoe, oelieh Datoea' Parapatieh Nan Sabatang , sarato Tjati Bilang Pandai , laloe bakato maso itoe , kapado Datoea' Siradjo-radjo , sarato Datoea' Nan Tigo Soekoe , nan didalam Tandjoeang Soengajang :

, bialah injo diam siko , soepajo ,,Tida' mangapo itoe datoea ' nagari lawēh djoeo, soedah ba' itoe 'adat kito, sadja ' dari Pariangan, kito pindah -bapindah djoeo , mantjari tampē' kasanangan, ama'njo lēba nagariko , io kampoeang Tandjoeang Bali ' , dangan (Soengai Nan Mangiang ) Tandjoeang Soengajang , kito lakoekan itoe ka-Tandjoeang 'ko, bialah injo diam disiko , parentah datoea ' djoeo' malah 'toe , balai gadang di-Tandjoeang Bali' , basarikat djoeo datoea' poenjonjo , oedjoeangnjo malah di -Tandjoeang 'ko, pangkanjo di-Tandjoeng Bali' ( Soengajang ) . Katianjie Nan Tigo Balai, dari Soengajang laloe ka-Tandjoeang 'ko ; Piliang nan toedjoeah djoerai , dari Soengajang laloe ka-Tandjoeang 'ko ; Mandahilieng nan toedjoeah kampoeang, dari Soengajang laloe ka-Tandjoeang 'ko, parentah datoea ' djoeo malah itoe, tida' boelieh tjarai tangga , , tato' salamolamonjo , hanjo Datoea' awa ' oerang badansana ' Radjo Malano , injo mandjadi poetjoea' itoe , tida ' laloe ka-Tandjoeang Bali ' , dangan Soengai Nan Mangiang , malainkan didalam Tandjoeang Gadang sadjo , hanjo Datoea' Siradjo-radjo , nan poetjoea' kadoeo nagarinjo . Kalau apo -apo nan diboeē' , samoepakat djoeo datoea ' samonjo , tida ' boelieh oebah -maoebah, katopoen poetoeih maso itoe , sampai kini tida' baroebah , oerang nagari nan doeo 'toe , djoko ' barē' samo dipikoea , kalau ringan samo didjindjieng.

Katianjie Nan Tigo Balai , dari Soengajang laloe ka-Tandjoeang ; Piliang nan toedjoeah djoerai , dari Soengajang laloe ka-Tandjoeang ; Mandahilieng nan toedjoeah kampoeang, dari Soengajang laloe ka-Tandjoeang ; satoe 'adat limbagonjo , ba' itoe djoeo sampai kini , samo hilang samo timboea, poesē ' djalo poempoenan ikan , tingga dikampoeang Tandjoeang Bali' ( Soengajang ) , malimpah laloe ka-Soengai Patai , masoea ' djoeo itoe kasanan .

Itoe Balai Boengo tadi , djadi banamo Oedjoeang Balai, sampai kini tida' baroebah, sabab karano dari itoe, io Datoea' Radjo Malano , digalaï de' Datoea' Katoemanggoeangan , „ ikan bataloea dalam batoe " ; sabab karano de' pandainjo , dalam nagari nan lah soėdah , injo mamboeē ' koto poelo , mandjadi poetjoea' injo disanan , oerang itoe djoeo nan diambie'njo ; itoelah injo nan disaboei ' , ikan bataloea dalam batoe , didalam kitab tambo ' alam.

Tibo oekatoe dimatinjo , io Datoea' Radjo Malano , tida ' boelieh dikoeboeakan, oelieh Datoea' Siradjo-radjo , didalam kampoeang Tandjoeang Gadang , dibaonjo ka-Tandjoeang Bali' , disanan dikoeboeakannjo , di-Gobah namo tampē'njo , sampai kini disaboei ' oerang djoeo , itoelah koeboea datoea' , nan malambēh nagari Tandjoeang .

Kalau tibo maso-masonjo , ziarah djoeo injo kasanan , oerang kampoeang Tandjoeang Gadang ; itoelah kaba baritonjo, nan hambo danga tjoeraiannjo , tantangan Datoea' nan Batoedjoeah , nan paramato diatēh ameh , ikan bataloea dalam batoe. Lain dari pado itoe, didalam nagari nan tigo 'toe, baie' didalam Soengai Tarab , atau didalam Limo Kaoem , sarato dalam Tandjoeang Soengajang , banja ' djoeo tjoerai paparannjo , io poetjoea' nan mandjambo , sarato oere ' nan mandjala , pandjang djoeo baritonjo , sado itoe lah dahoeloe , koedian kito oelang poelo."

IV.

Kamoedian dari itoe, ado saboelan doeo boelan, sampailah garan tigo boelan, de' malang tida' tatoela ' , de' moedjoea ' tida' taraieh , matilah poelo satoe oerang , banamo Tjajo Nagari , oerang kampoeang Koto Banilo , manti Datoea ' Sinaro Sati, mintoeo Datoea' Madjo Nan Poetieh , matinjo mati baradat , mati baboenikan badie, tataga ' bandēra poetieh, tadjēlo kain djadjakan, tahampai kain tarantang , dari roemah karangkiang , diboee ' oesoeangan katjang pali, tadiri poelo pajoeang gadang , toengga ' bapaloei' kasamonjo , tiang timban bapaloei ' tjindai , tiang pandjang dangan sakalat , ba'itoe 'adat disanan , kalau mati oerang baie'-baie' , tanamo oerang bangsawan .

Di hari nan sahari 'toe , kiro-kiro poekoea doeo balēh, hari nan sadang tangah hari tapē' , alah rami oerang mandjangoea ' , mano nan kari' djo kabiehnjo , dari pagi injolah datang . Tasaboei ' si Ramboen Ameh , dansana ' Datoea ' Madjo Nan Poetieh , dikampoeang Batoe Basoere ' , alah dirapē ' poelo korong kampoeang , awa'njo ka paï mandjangoea ' , karoemah pasoemandannjo , kakampoeang Koto Banilo .

Ado sabanta antaronjo , rapē ' kampoeang karoemahnjo , nan akan paï mandjangoea ' , manoeroei'kan si Ramboen Amēh .

Alah rape ' sana' soedaro, bakokoh si Ramboen Amēh , ditarie ' kain ka panjaho ' , ba' apo 'adat nan biaso, nan tapakai dalam nagari , dilata ' dalam boengkoesan, dibao karoeang tangah , kadakē' korong kampoeangnjo .

Malie' roepo damikian , sagalo korong kampoeang itoe, laloe bakato anjolaï : „Mano kau Ramboen Amēh , kanapo iko kain banja' , tida' pagoeno kini laï, oerang manjaho ' dangan kain ; 'adat lah ditoeka oerang, tida'koh kau mandanga-danga, dari Datoea ' Madjo Nan Poetieh , oerang lah soedah bamoepakat, nan sahinggo iko kaatēh , tida ' kan saho '-manjaho ' laï, dimano oerang kamatian , hanjo katidieng saboeah sadjo , diisi barēh sagantang , kalau mandjangoea ' pasoemandan , nan bakari ' bana tjaro kau 'ko. "

Mandjawab si Ramboen Améh : „Ko' itoe nan kato kaka ', ado poelo hambo mandanga , moepakat oerang nan ba' itoe, datoea' nan manjaboei ' di hambo, bapa' si boejoeang bakaba poelo , de' moelo oerang moepakat 'toe ; akan tatapi kini nangko , soesahlah hambo manjaboei'njo , samo tahoe malah kaka ' , tipa ' di oentoeang badan hambo, hari nan sahari kapatang , ana' hambo kadoeonjo , tidak injo makan disiko , injo pai karoemah ninie'njo , sadja ' pagi -pagi kapatang , sampai kini baloen laï poelang, disitoe injo minoem makan , sebab de' oentoeang malang djoeo. Dē' hambo nan hambo tana' , laï atah saloembari , itoelah hambo kisie '-kisie ' , dapē'lah poelo doeo tjoepa ' , batjampoea - tjampoea djo maloekoei' , hambo tana ' sandjo kapatang , sampai poelo pagi tadi ; nan ka baēko baloen laï tantoe, babalie' kito mandjangoea ' , ko' antah kan makan antah tida ' , katonjo si Ramboen Amēh .

Mandjawab korong kampoeangnjo : „Djoko ' ba'itoe nan katokau , takoei'lah kami tantang itoe, kami ko' tapanggiepanggie , karoemah Datoea' Kapalo , tida'lah kami amoeah samo , kalau kau handa' manjaho ' djoeo ; kalau kami toeroei'kan kau, dihoekoem oerang malah kami, itoe nan kami takoei'kan bana, namoen de ' kami nan datang 'ko, nan akan manoeroei'- kan kau , laï kami mambao bareh , nan kan oentoea ' kami soerang-soerang."

Mandanga kato nan ba'itoe , manangih si Ramboen Améh : „Mano andai dangan kaka ' , tipa ' di nan sakali 'ko, kito pаї djoeolah manjaho ' , saroepo ' adat nan dahoeloe ; kalau tida' andai djan kaka ' , dangan siapo hambo ka paï , salah tjando dilie' oerang, saroepo oerang tida' bakampoeang, ba'roepo oerang diboeang kampoeang, maloe bana hambo rasonjo , kalau tida ' kaka ' toeroei'kan .

Kini ba'itoe anjolaï , asa le amoeah andai djo kaka ' , paï manoeroei'kan hambo, kalau andai djo kaka ' dipanggienjo , bialah hambo dihoekoemnjo , karano hambo nan manjaho ' , kaka ' manoeroei'kan sadjo , tabao sabab de' hambo .

Tjoebolah timbang de' kaka ' , dansana' hambo tadoedoea '

sitoe ; kalau toemboeah dikampoeang lain, ko' tida' de' pasoemandan , tida'lah hambo paï mandjangoea ' , ikolah roepo parasaian , satoepoen tida' nan ditaroeah , oentoeang tida ' saroeро oerang ."

Mandjawab poelo oerang kampoeangnjo : „ Malah ba'itoe kato awa' kau, djangan datoea ' bērang di kami, paï djoeo malah kami , tatapi ko' kami dipanggienja , kau sadjo kami pasalah, tida'lah amoeah kami salah."

Mandjawab si Ramboen Améh : „Ko' ba'itoe nan kato kaka ' , tida'lah hambo ka mangila ." Alah soedah injo baroendieng , laloe bakameh maso itoe, alah diajoen kain panjaho ' , diisi poelo kampie sirieh , alah salamat samporono, malangkah toeroen anjolaï , badjalan basamo -samo , bairieng badombai-dombai manoedjoe kakampoeang Koto Banilo ; alah sampai injo kasanan , disoeroeah naie' karoemah, didjawē ' oerang koenoen kainnjo , io kain panjaho ' tadi , dibao kadakē ' garai , diliē ' basamosamo , laloe dibagi dihampaikan , ba'apo ' adat nan biaso .

Pado maso koetiko itoe, sadang rami oerang mandjangoea ' , banja'lah poelo datoea '-datoea ' , maliē' roepo damikian , alah babisie ' datoea ' ditapi , mamandang karoeang tangah , maliē' kaoerang nan manjaho ' , sambie babisie ' samo datoea' , mamandang ka-Datoea' Madjo Nan Poetieh , dangan sendēng soedoei ' matonjo . Dihari nan sahari 'toe, alah babagai paliatan , ado oerang nan manjaho ' , mamakai saroepo 'adat lamo, ado poelo nan mambao barēh , manoeroei ' nan sapandjang moepakat, satangah tida' injo mandjangoea ' , oerang nan patoei ' tampa' bana, tida' datang injo mandjangoea ' , antah apo sabab karanonjo , tida'lah tantoe maso itoe ; kiro-kiro oekatoe ' asa maï'lah soedah kakoeboea, oerang lah poelang kasamonjo , sagalo oerang nan mandjangoea ' , mano nan kari' tingga djoeo .

Alah sahari doeo hari , masoea ' dihari nan katigo , tapanggielah Datoea' Madjo Nan Poetieh , karoemah pangoeloe soekoe, laloe ditanjo diparēso , io de' pangoeloe soekoe : „Mano Datoea ' Madjo Nan Poetieh , mangko datoea ' hambo panggie, boekan kito lah soedah bamoepakat , tida ' kasaho'-manjaho ' laï , kalau toemboeah dikamatian , diroemah pasoemandan kito soerang-soerang, kini mangapo de' baroebah ? Kami lie' basoenggoeah -soenggoeah , de' mintoeo datoea' mati , dikampoeang Koto Banilo . Apokoh sabab karanonjo , moengko injo si Ram boen Amēh, manjaho ' djoeo kami lie' , tida' manoeroei' moepakat kito, tida'koh datoea' bari tahoe, tida' koh datoea' manjampaikan , io didalam kampoeang datoea' , moepakat kito nan ba' itoe, sio-sio sadjo roeponjo , kito mamboeē ' moepakat itoe, mangapo datoea ' dē ba'itoe ? "

Mandjawab Datoea' Madjo Nan Poetieh : „Sapandjang kato datoea' itoe, itoelah kato sabananjo , tipa ' di diri hambo soerang, satapa ' hambo tida' laloe, sapadi hambo tida' soeroei ' , tantangan moepakat kito itoe ; tempo kito soedah moepakat, hari itoe djoeo hambo rapē'kan , sagalo korong kampoeang hambo , tanamo nan dibawah pajoeang hambo , lah hambo saboei ' kasamonjo , soerangpoen tida' nan laï tingga , hambo saboei ' balako itoe sakali , sagalo moelarat moepaʻatnjo , baie' hoekoeman nan , nan sapandjang moepakat kito, sapatah tida' hambo diboeē ' tinggakan , alah soedah hambo rantang pandjang , alah soedah hambo kaka laweh , io didalam kampoeang hambo. Soedahlah akan oentoeang hambo, dansana' kandoeang nan tjilako, nan ka mambari maloe awa' , tida' manoeroei' kato hambo, malang bana hambo badansana' , tida' saroepo dangan oerang, datoea' lah samo tahoe djoeo, injo oerang kagilan -gilan , asieng nan awa' katokan , asieng poelo nan diboeē'njo ; kalau dihambē ' injo tantang itoe, apo -apo nan diboeē'njo , amoeahlah injo bagolē'- golē ' , amoeahlah injo batjaroei '- tjaroei' , tida' injo maloe di rang banja' , saroepo oerang gilo maboea ' , ba'itoe lakoe parangainjo . Nan kan sakarang kini nangko , tantangan roendiengan 'toe, tida' dapē ' de' hambo laï , mamoelangkanlah hambo kadatoea' , ba'apo djoeo nan kan ēlo ' , patoei' dihoekoem kito hoekoem , ba'- apo timbangan dari datoea ' , manoeroei ' hambo tantang itoe."

Mambaleh pangoeloe soekoe : „Ko' itoe nan kato datoea' , dē hambo tida ' dapē' poelo, sabab itoe pakat nagari ; kini ba'- itoelah di datoea ' , soepajo kato ama' salasai , badan hambo ama' lapēh poelo , mari kito ka -Datoea ' Kapalo ."

Mandjawab Datoea' Madjo Nan Poetieh : „ko' ba'itoe nan kan ēlo ' , manoeroei' poelo malah hambo, ama ' samo lapēh badan kito."

Alah soedah injo baroendieng , bakamēh pangoeloe soekoe , paï mandjalang Datoea' Kapalo kadoeonjo ; lamo sabanta injo badjalan sampai karoemah Datoea' Kapalo , didapē'i oerang sadang rape ' , sadang manimbang parakaro , oerang batjaka'

badansana ' , karano sandoea ' djo parioea' , sampai batjaka ' bakalahi , tjabie'lah kain dangan badjoe , taboeang nasi dangan goelai , sampai kaloea darah hidoeang .

Alah sabanta injo doedoea ' , mananti oerang soedah baroendieng , mamboeē ' soerē ' parakaro , habihlah roko' sabatang soerang ; alah soedah oerang baroendieng , laloe masoea ' pangoeloe soekoe , dangan Datoea' Madjo Nan Poetieh , manamoei Datoea Kapalo , soedah didoedoea ' disambahkannjo , io de' pangoeloe soekoe , kapado Datoea' Kapalo :

,,Moengko kami datang kamari , dangan Datoea' Madjo Nan Poetieh , iolah roendieng nan kapatang , datoea ' manjaboei ' pado hambo, bahaso oerang habih maraso , tantangan si Ramboen Amēh, injo mamatjah pakat nagari , karano injo paï manjaho ' , karoemah Datoea' Sinaro Sati, kakampoeang Koto Banilo , de ande ' datoea ' 'toe mati , itoe sabab hambo kamari .

Alah soedah hambo parēso, kapado Datoea ' Madjo Nan Poetieh , tantangan lakoe si Ramboen Ameh , nan mamatjah moepakat 'toe , baliau mandjawab bakeh hambo, mangatokan tida' katinggalan tantangan 'toe , si Ramboen Amēh hanjo nan salah , tida ' manoeroei' parentahnjo , kato Datoea' Madjo Nan Poetieh , iolah samo bahadapan . Boekan ba'itoe kato datoea' , mandjawab kapado hambo ?"

Mandjawab Datoea' Madjo Nan Poetieh : „Bana ba'itoe kato hambo ."

Maoelang pangoeloe soekoe : „Nan kan sakarang kini , mamoelangkanlah kami bakēh datoea ' , ba'apo djoeo nan kan ēlo ' , tantangan roendiengan itoe, soepajo kato ama ' salasai , dangan Datoea ' Madjo Nan Foetieh ."

Mandjawab Datoea' Kapalo : „ Malah ba'itoe kato datoea' , barisoea ' sadjolah datoea ' kamari , baolah si Ramboen Amēh , ama' boelieh kito parēso, pagi -pagi malah datoea ' datang , hambo ka badjalan poelo ."

Alah sampai hari nan barisoea' , sapanggalah matohari naiē' , kiro-kiro poekoea salapan, alah datang pangoeloe soekoe , dangan Datoea' Madjo Nan Poetieh , sarato si Ramboen Amēh , kagadoeang Datoea' Kapalo .

Alah sabanta injo doedoea ' , bakato pangoeloe soekoe , kapado Datoea ' Kapalo : „ Iko mah si Ramboen Ameh , alah hambo bao kamari , parēso malah de' datoea'."

Mandanga kato pangoeloe soekoe , alah doedoea ' Datoea' Kapalo, badjoentai atēh koerisi , mangadap injo kamēdja , dihimbau si Ramboen Améh , kadake' Datoea' Kapalo , injopoen datang maso itoe ; alah doedoea ' injo basimpoeah , mangadap Datoea ' Kapalo , laloe ditanjo anjolaï :

„Mangko kau hambo panggie , hambo mandanga dari oerang, antah io antah tida ' , de' tempo hari Sinajan, de' andē Datoea ' Sinaro Sati mati , kau mandjangoea ' djanjo oerang, mambao kain panjaho ' , saroepo 'adat nan dahoeloe ; iokoh itoe atau tida ' , oesah kau badoeto -doeto , katokan sadjo basiloeroeih , tida'lah itoe kan mangapo,” katonjo Datoea' Kapalo .

Mandjawab si Ramboen Améh : „Ko' itoe datoea ' tanjokan , io hambo paï mandjangoea ' , mambao kain panjaho ' , de' ba'itoe nan biaso, sadja ' dari dahoeloenjo , hambo boee' djoeo nan ba'- itoe, karano ba'itoe 'adat kito, djo hambo ko' tida ' akan mangapo , sabab lah kado' hambo lakoekan , sadja ' dari mandiang andē hambo , kalau toemboeah dikamatian , diroemah pasoemandan hambo nan boeroea '-boeroea ' , manjaho ' djoeo hambo salamonjo , baloem ado laï nan tida' , oerangpoen ba'itoe poelo , pasoemandan hambo nan boeroea '-boeroea ' itoe, manjaho ' poelo injo kahambo , kalau toemboeah hambo kamatian ."

Mandjawab Datoea' kapalo : „ Itoe bana katokau , tida'koh kàu mandanga -danga, bahaso nagari lah moepakat, nan sahinggo iko kaatēh , tida ' boelieh saho'-manjaho ' laï, kalau toemboeah dikamatian , diroemah pasoemandan awa' soerang-soerang ; kalau siapo nan kan mandjangoea ' , bareh sadjo nan kan dibao, tida ' mambao kain laï, ba'itoe moepakat oerang."

Mandjawab si Ramboen Améh : „ Itoe laï hambo mandanga , , bahaso tida' boelieh manjaho ' datoea' hambo nan manjaboei ' laï, dimano-mano oerang kamatian ; kalau akan paï mandjangoea ' , barēh sadjo nan ka dibao , ba'itoe katonjo bakēh hambo, bapa' si Boejoeang manjaboei ' poelo , moepakat oerang nan ba'- itoe ."

Mandanga djawab si Ramboen Amēh , tagala ' Datoea' Kapalo, laloe batanjo sakali laï : „ Laï moh alah kau tahoe, djo hambo ko' baloen kau tahoe, moepakat oerang nan ba'itoe, kini ba'apo itoe sababnjo , moengko de' kau manjaho ' djoeo, oerang lah soedah bamoepakat, nan kan tida' saho '-manjaho ' laï ; tambahan poelo katokau , datoea'kau lah managahkan poelo , tida ' boelieh manjaho'laï , dimano -mano oerang kamatian , lakikau lah manjaboei' poelo , moepakat oerang nan ba'itoe. Ba'apo itoe djalannjo , moengko kau manjaho ' djoeo , tida' manoeroei' moepakat oerang, tida ' manoeroei' kato datoea'kau, itoe nan hēran hati hambo," katonjo Datoea' Kapalo .

Mandanga kato nan ba'itoe, hano ' sadjo si Ramboen Amēh , sapatah tida' injo manjahoei ' .

Maoelang Datoea ' Kapalo : „Ba ' apo itoe Ramboen Amēh , moengko tida ' kau bari djawab ?" tida ' djoego disahoei'injo .

Dioelang sakali laï , io de' Datoea' Kapalo : „ Mangapo tida ' kau djawab , hambo batanjo basiloeroeih , katokan malah sababnjo, mangko kau manjaho ' djoeo ! "

Tida ' djoeo injo baboeni, malainkan injo manakoea sadjo .

Bakato pangoeloe soekoe : „Ba'apo itoe Ramboen Amēh , moengko kau diam sadjo , djawab malah tanjo itoe."

Tida' djoeo injo baboeni , djangankan injo manjahoei ' , mamandang injo laï tida' , hanjo injo manakoea sadjo .

Ditanjo poelo sakali laï , io de' Datoea' Kapalo , tida ' djoeo disahoei'injo ; sabab karano dari itoe, djadi bērang Datoea ' Kapalo , maranta ' atēh koerisi, sambie manapoea ' atēh mēdja : „Ba'apo ana ' oerang 'ko, sadja ' tadi oerang batanjo , injo basipaka' sadjo ; djan kau baboeē ' gilo , ko' gilo boelieh den kabē', " katonjo Datoea ' Kapalo .

Mandanga ranta ' Datoea' Kapalo , takadjoei ' si Ramboen Améh, laloe manangih maso itoe, mandjawab tanjo Datoea' Kapalo : „Djo hambo ko' tida ' kan mangapo, de' itoe moengko hambo manjaho ' djoeo, de' ba'itoe nan biaso. "

Maoelang Datoea ' Kapalo : „Apo nan biaso, biaso di kau soerang, oeranglah soedah moepakat, kau nan kan maoebahi, biaso bana ana' oerang 'ko, manggadoeah-gadoeah nagari , mamatjah boeatan oerang, nanti kau boelieh den koeroeang, ama ' poeēh kahanda ' hatikau , kaokan bana tjadie' kau 'toe !"

Mandjawab si Ramboen Améh , bakato sambie manangih : „Ko ' ta' boelieh hambo mandjangoea ' , nan kan datang baranti malah hambo, hanjo nan sakali iko , maminta ' ampoen hambo di datoea ' , bari ma'af hambo gadang -gadang."

Maoelang Datoea' Kapalo : „Asieng bana ana' oerang 'ko, hambo tida ' managah kau mandjangoea ' , hanjo nan hambo tanjo, mangapo kau manjaho ' djoeo , oerang lah soedah moepa kat, nan tida ' akan saho '-manjaho ' laï, datoea ' kau lah managahkan poelo , mandjangoea' tida ' ditagahkan ; ko' akan paï mandjangoea ' , barēh nan ka dibao, ba'itoe moepakat perang ; kini asieng poelo nan djawab kau , mangatokan tida ' boelieh mandjangoea' , tjadie ' bana kau baroendieng , mampatcekakan kato oerang ."

Mandjawab si Ramboen Améh , sambie manjapoe aie mato : „Ko' hanjo moepakat datoea ' 'toe , de' hambo tida ' akan tatoeroei' , sabab hambo oerang misikin, oesah laï bareh nan kan pandjangoea ' , nan kan hambo makan sari '-sari ' ; nan sahinggo iko kaatēh , kalau ado oerang kamatian , tida' mandjangoea ' malah hambo, misiki kari' atau tida ' , ba'apo oentoeang anjolaï , akan manjaho ' dapē' salah, tida' kan manjaho ' ba'a djoeo , oepe ' djoeo nan kan tibo , soedah oentoeang awa' misikin, tida ' saroepo dangan oerang, de' datoea' hambo io balako, tida' dikana kabalakang ."

Mandanga kato nan ba'itoe, tapikie Datoea' Kapalo , mamandang ka-Datoea' Madjo Nan Poetieh , sarato dangan pangoeloe soekoe : Ba'apo itoe di datoea' ?" katonjo Datoea ' Kapalo .

Mandjawab pangoeloe soekoe dangan Datoea' Madjo Nan Poetieh : „ Tantangan roendiengan 'toe , ba' apo timbangan dari datoea ' , manoeroei' sadjo diri kami ."

Maoelang Datoea' Kapalo : „Kini ba'itoelah dikau , poelanglah kau dahoeloe , tida ' ka dapē ' roendieng djo kau , ama ' kami bitjarokan, pabilo dipanggie malah datang ."

Mandjawab si Ramboen Améh : „Ko' ba'itoe kato datoea', hambo poelang anjolaï ." Injopoen taga' sakali , badjalan poеlang karoemahnjo .

Sapaningga si Ramboen Amēh , bakato Datoea' Kapalo , kapado pangoeloe soekoe , dangan Datoea' Madjo Nan Poetieh : ,,Ba'apo pikieran datoea ' , tantangan si Ramboen Améh , injo malangga moepakat nagari , alah tarang itoe salahnjo ."

Maningkah Datoea' Madjo Nan Poetieh : „Ba'apo hoekoem dari datoea' , manoeroei ' sadjo badan hambo, tipa ' di diri hambo soerang, tida'lah hambo katinggalan , sadja ' samoelo hambo katokan , sagalo moepakat 'toe , tanamo didalam kampoeang hambo, ko' akan paï mandjangoea ' , bareh nan ka dibao, oesah manjaho '-njaho ' djoeo ; ba'itoe hambo katokan , tida ' kaïnjo soerang sadjo , hambo saboei'kan nan ba'itoe, malainkan samonjo hambo rapē'kan , laki-laki parampoean , sado nan dalam pajoeang hambo, de' ba'itoe moepakat kito ; takoei'lah hambo tantang itoe, datoea ' lah samo maʻaloem , si Ramboen Amēhpoen lah mangakoe poelo , bahaso laï hambo katokan , nan tida ' boelieh manjaho ' . Kini koembalilah bakēh datoea ' , ba'apo djoeo nan kan ēlo' , tantangan roediengan 'toe , manoeroei' sadjo badan hambo. Kalau hambo saboei ' kalakoeannjo , dansana' hambo nan soerang 'toe , soesahlah hambo mangatokan , tida ' manoeroei' bana awa' , nan bana di injo sadjo , tida ' mandanga nan di oerang , injo pandai djanjo sadjo ; datoea ' lah samo tahoe djoeo , injo oerang kagilan -gilan , soedahlah kan oentoeang hambo, malang bana hambo badansana' , tida ' saroepo dangan oerang ."

Mandjawab Datoea' Kapalo : „Kalau ba'itoe kato datoea ' , nanti barisoea' hari siang , ama' hambo rapē' kan nagariko 'ko, ba'apo nan kan ēlo'njo , tantangan moepakat 'toe, boelieh ditjari de' nagari , oesah manjoesah kamoedian , sabab pipi' boekan saïkoea, io djagoeang boekan sabatang , ama ' njo timbang de' nagari . "

Mandjawab Datoea' Madjo Nan Poetieh : „ Malah ba'itoe titah datoea ' , itoelah ēlo' pado hambo, soepajo kato ama' habih , bia roendiengan ama' salasai , djangan taboeroea' diri hambo, malah diliē ' de' nagari , sananglah itoe hati hambo . "

Alah soedah injo baroendieng , dangan Datoea' Madjo Nan Poetieh ,manitah Datoea' Kapalo , disoeroeah panggie manti djo pagawai , dititahkan pangoeloe soekoe , manjoeroeah marapē' kan nagari itoe, io barisoea ' pagi-pagi kagadoeang Datoea ' Kapalo .

Sampai barisoea ' hari siang , kiro-kiro oekatoe loehoea , rapē'- lah oerang samonjo , sagalo datoea ' ninie ' mama' , kagadoeang Datoea ' Kapalo , sagalo oerang badjabatan , alah tjoekoei ' balako kasamonjo , nan didalam nagari 'toe, datang kagadoeang Datoea ' Kapalo .

Alah sabanta antaronjo , alah doedoea ' sagalo ninie ' mama' , bakato Datoea' Kapalo : „ Manolah datoea ' kasamonjo , sado nan halie siko kini , panda' sadjo hambo saboei'kan , kadatoea' sado nan halie , mangkonjo datoea ' hambo panggie ; adapoen kito lah samoepakat, tida ' saho '-manjaho ' laï, kalau toemboeah dikamatian , nan kan sakarang kini nangko , adolah oerang nan manjaho ' , malangga moepakat kito 'toe, iolah si Ramboen

Amēh, dansana' Datoea' Madjo Nan Poetieh ; itoelah nan hambo panggiekan , ama ' ma'aloem datoea' samonjo , kini ba'apo kalata'njo , tjoebolah datoea ' paiokan, ama ' tantoe kasoedahannjo . "

Mandjawab sagalo karapatan : „Kalau itoe nan titah datoea ' , managa datoea ' sakoetiko , ama' kami paiokan , ama' baroendieng kami dahoeloe ."

Maningkah Datoca' Kapalo : „ Insja Allah baie'lah itoe, itoelah nan hambo minta ."

Sadang de nan rape' 'toe, alah ditjoėbo paroendiengkan , dikadji awa ' dangan akie.

Laloe mandjawab scerang datoea ' , bagala Datoea' Padoeko Garang : „Manolah datoea ' kasamonjo , ditangah tiba sambah hambo, nan taraso di hati hambo, tantangan roendiengan itoe, tida'lah goeno kito papandjang , ato hanjo akan saboeah , nan taraso di hati hambo soerang : adapoen moepakat kito, kalau ado oerang nan malangga , datoea ' poen soedah mangatahoei , apolah itoe akan goenonjo , nan kan kito kadji djoeo ,bapajahpajah kito sadjo ; kito tapati sadjolah boeatan 'toe, ama' lakēh kato salasai , soenggoeah ba'itoe kato hambo, poelang ma- ' aloem di nan rape' ."

Mandanga kato nan ba'itoe , alah baroendieng Karapatan , alah banja ' nan mambanakan , roendieng Datoea' Padoeko Garang ; lamo sabanta antaronjo , alah sakato anjolaï , sagalo datoea' nan rape' 'toe , manoeroei' sapandjang moepakat, djandji nan soedah dikarang ; alah soedah boelē ' paroendiengan , dipoelangkan anjolaï , kapado Datoea' Kapalo : „Sapandjang kaboelatan kami , sagalo datoea ' nan rape' 'ko, sapandjang boeatan 'toe , tida ' kan dioebah laï, manoeroei' sapandjang kato moepakat , djandji nan soedah dipaboee ' , hoekoem nan soedah ditantoekan , kapado oerang nan malangga , apo-apo moepakat 'toe, itoelah sadjo nan kan ditoeroei ' , ba'itoe kaboelatan kami , sagalo karapatan . "

Mandjawab Datoea' Kapalo : „ Malah ba'itoe sakato datoea ' , manoeroei ' poelo malah hambo, tatapi saboeah nan taraso , batanjo djoeo hambo di datoea ' : siapo oerang kito hoekoem , didalam oerang nan badoeo , paratamo Datoea' Madjo Nan Poetieh , dansana' si Ramboen Amēh , kadoeo si Ramboen Amēh ; tantangan Datoea' Madjo Nan Poetieh , alah soedah hambo parēso, tida'lah injo katinggalan , sapandjang boeni moepakat kito ; si

Ramboen Ameh mangakoe poelo , bahaso ado dilarangnjo , dē' Datoea' Madjo Nan Poetieh , tantangan manjaho ' itoe.

Ka kito hoekoem si Ramboen Amēh sadjo , lah ka kito sisieh injo nan badoeo , oerang 'toe badansana' kandoeang, tida' limau masam sabalah, tjoebolah datoea ' paiokan , dimano -mano kan lata'njo , ama ' boelieh kito hoekoemkan , djangan poentoeang baraso' poelo ."

Mandanga kato nan ba'itoe, laloe bakato Karapatan : „ Mano Datoea' Madjo Nan Poetieh , mahinda malah datoea' sabanta, ama ' boelieh kami mangadji , bari ma'af malah kami , ko' tapandjang ko' tapanda ' .

Sadanglah Datoea' Madjo Nan Poetieh , mandanga kato nan ba'itoe, tida'lah badjawab itoe laï, maminta ' idjin ka nan rapē' , laloe toeroen injo sakali , taga ' baralieh kahalaman . Sapaningga Datoea ' Madjo Nan Poetieh , alah baroendieng Karapatan , laloe dikadji salah malah , dikadji awa dangan akie, sarato moelarat moepa'atnjo , njato salah si Ramboen Amēh , tida ' manoeroei' moepakat pangoeloe , disalahkan injo „dago dagi ", diloea Datoea ' Madjo Nan Poetieh , hampie sakato poelo disitoe .

Laloe mandjawab satoe datoea ' , bagala Datoea' Magé ' Djabang , alah manjambah maso itoe, kapado sidang Karapatan : „Ampoenlah hambo pado datoea ' , sagalo nan rapē' siko , di hambo ado nan taraso , ko' bana dibao laloe, ko' tida ' kito lata'kan tida' mandjadi apo -apo ."

Maningkah Datoea' Padoeko Garang : „Di datoea ' tibo sambah hambo," sambahnjo ka-Datoea' Mage' Djabang , „kalau laï nan taraso , ēlo' lah datoea ' katangahkan , ama ' didanga de' nan rapē' , boelieh ma'aloem kasamonjo , misiki ēlo' atau boeroea ' , malah samo dikatangahkan , tida ' mandjadi apo -apo , kito mantjari kabanaran ; ēlo ' disaboei' nan taraso , ama' dapē ' djalan nan loeroeih ."

Maoelang Datoea' Magé Djabang : „Adapoen si Ramboen Amēh, injolah akan kito hoekoem , disalahkan injo „dago dagi ", tida ' manoeroei' sapandjang moepakat kito, karano injo lah malangga , itoelah kato sabananjo , kato dahoeloe batapati , kato kamoedian kato batjari ; tatapi sakētē' nan taraso , tantangan si Ramboen Amēh , hambo lah tahoe di lakoenjo , injo oerang kagilan -gilan , ba' oerang gilo -gilo baso, midie' nan boekan alang-alang, bananjo banja' nan pagoeno , loeroeihnjo boekan alang-kapalang , bapantang moengkie didjandjinjo , karēhnjo ba'itoe poelo , loena'njo boelieh disoedoe , ba'itoe nan hambo liē' , lakoenjo si Ramboen Amēh . Kalau injo kito hoekoemkan, disalahkan injo,, dago dagi ", ēlo'njo itoe dipakainjo , ko' tida ' apo tēnggang kito, amoeahlah injo diboeang, ba' moepakat kito djoeo , ko' mati tida' didjangoea ' , ko' saki' tida ' disilau , soekolah injo tantang itoe, akan kito boeang poelo malah injo, dari dalam sapandjang 'adat ; ēlo ' kito kadji dahoeloe, ama' djangan kito talangga , samantaro baloen talaloe, itoelah nan taraso di hati hambo, djangan manjasa kamoedian ."

Mandjawab poelo satoe datoea ' , bagala Datoea' Madjo Moedo : ,,Mano Datoea' Mage' Djabang , di datoea ' tibo sambah hambo ."

Maningkah Datoea' Magé' Djabang : „Kapado Allah , manitahlah datoea ' ! "

Maoelang Datoea' Madjo Moedo : „Adapoen nan taraso de' datoea ' , kalau hoekoem tida' dipakainjo , apo pikieran pado kito, itoe nan taraso di datoea'. "

„Sabananjo , " djawab Datoea' Magé' Djabang .

Maningkah Datoea' Madjo Moedo : „Kalau itoe nan taraso , nan timbangan hambo soerang, kalau hoekoem tida' dipakainjo , kito toeroei' sapandjang moepakat, ko' saki ' tida' kito silau, ko' mati tida ' kito djangoea' , oesah didjalang -djalang roemahnjo , djoko ' apo -apo nan toemboeah ; boekan ba'itoe boeatan kito , mangapo kito nan kan manjasa , oerang tahoekoem de' salahnjo ?"

Maoelang Datoea' Magé' Djabang : „Mano Datoea' Madjo Moedo, ko' injo mati tida' didjangoea ' , saki ' tida' ka disilau , dari tadi lah kito saboei ' djoeo, alah ma'aloem itoe de' hambo ; dalam pikieran hati hambo soerang, itoe nan tida' moengkin bana, apo sababnjo damikian , tjoebolah kito pagēlē'kan, dē' datoea ' sado nan rape' 'ko ; laïkoh kan laloe pado angan, io Datoea' Madjo Nan Poetieh , ka ditjarai djo dansana'njo , ka kito boeang si Ramboen Amēh , ba'apo Datoea' Madjo Nan Poetieh , dimano kito lata'kan ? Tantoe injo kakioen djoeo, ko' apo nan toemboeah di diri si Ramboen Amēh , sabab injo nan bakoeaso, baie' dansana'njo nan lain-lain, nan sakampoeangkampoeang itoe, tantoelah injo manjabalah , tantoe injo kakioen djoeo. Boeang apo namonjo itoe ? Saboeah poelo nan taraso, tantangan Datoea' Soetan Amat, sarato dansana' soeda ronjo , adokoh injo akan baranti , io karoemah si Ramboen Amēh , ko' apo toemboeah diroemah si Ramboen Amēh , misiki ēlo' atau boeroea ' , sabab itoe parampoeannjo , misiki ba'apo malarangnjo , injo ka kakioen djoeo, samo tahoe malah datoea' , kito karoemah ana ' kito , kito kan dilarang oerang, kato moestahie itoe datoea ' ; akan kito boeang malah samonjo , sado nan masoea ' kakioen , mano moengkin itoe datoea ' , sanda-manjanda panjaki ' 'toe , kito bakari ' balako ; tjoebolah pikie 'toe de ' datoea' , mantjabie ' sadjo nan ka moerah, mandjahi'njo wallahoe- 'alam."

Mandanga kato Datoea' Mage' Djabang , mandjawab poelo datoea ' nan lain, sampai barampē ' djo balimo , toeroei '-manoeroei' kato itoe, mambanakan kato Datoea' Mage' Djabang .

Sabab karano dari itoe, djadilah patjah paroendiengan, tida ' dapē' kato sapakat, satangah bamanoeang sadjo .

Alah sabanta antaronjo , mamparoendiengkan kato itoe, laloe manjambah anjolaï , io sagalo Karapatan, kapado Datoea ' Kapalo, disambahkan de ' Datoea' Padoeko Garang :

„Ampoenlah kami pado datoea ' , namoen de' kami nan rapē' 'ko , tida'lah dape' kato sapakat, mahoekoem si Ramboen Amēh, balain -lain pandapatan ; nan kan sakarang kini nangko , mamoelangkanlah kami bakeh datoea' , ba'apo djoeo nan kan ēlo'njo , dimano -mano ka lata'njo , ma'aloem poelang pado datoea ." Itoe sambahnjo karapatan , nan disambahkan Datoea' Padoeko Garang .

Mandjawab Datoea' Kapalo : „ Mano datoea '-datoea ' sado nan halie , malah ba'itoe kaboelatan , panggielah Datoea' Madjo Nan Poetieh ."

Dalam sabanta itoe djoeo, alah dihimbau de' mantinjo , naie ' Datoea ' Madjo Nan Poetieh , laloe doedoea ' dimoeko rapē' .

Tibo Datoea' Madjo Nan Poetieh , manitah Datoea' Kapalo , kapado sagalo Karapatan :

„Mano datoea ' kasamonjo , nan sakarang kini nangko , tantangan roendiengan iko , kito badjandjilah dahoeloe , sabab harilah patang bana, mananti sadjo malah datoea ' , ko ' pabilopabilo harinjo kito barapē' , pabilo hari nan laï lapang , hambo panggie datoea ' koembali , kito tjari djalan nan ēlo ' , soepajo kato ama ' habih , djangan moelarat kamoedian . "

Maningkah poelo Karapatan : „ Malah ba'itoe titah datoea ' , MOESTIKO 'ADAT ' ALAM MINANGKABAU . 8 mananti sadjo malah kami , pabilo-pabilo datoea' mamanggie , soegiro malah kami datang ."

Haripoen sandjo anjolaï , rape' baranti maso itoe, oerang ' toe poelang samonjo , katampē'njo masieng-masieng, talata ' sadjo roendieng itoe.

V.

Baralieh poelo kaba sabanta, soenggoeah baralieh sanan djoeo, sadanglah Bagindo Kajo baroelang djoeo kamama'njo , kaDatoea' Radjo Pangoeloe, mananjokan sapandjang 'adat, mano-mano nan baloen dape ' , ditanjokan balako samonjo . Dē' Datoea' Radjo Pangoeloe , mano nan dapē ' de' injo, diadjakan balako samonjo , kapado Bagindo Kajo , tantangan 'adat djo limbago , baie'poen lakoe djo parangai , 'adat oerang nan patoei'- patoei' , 'adat oerang nan baradjo - radjo , diadjakan balako itoe samonjo , satoepoen tida' katinggalan , tanamo ' adat nagari , misiki hērēng dangan gēndēng , tida'lah itoe ditinggakannjo .

Ado kapado satoe hari, bakaba Bagindo Kajo , ka-Datoea' Radjo Pangoeloe : „Hambo mandanga dari oerang, iolah si Ramboen Ameh , dansana' Datoea' Madjo Nan Poetieh , injo tapanggie djanjo oerang, kagadoeang Datoea' Kapalo , sabab karano de' manjaho ' , karoemah Datoea' Sinaro Sati, de' andē datoea' 'toe mati , dikampoeang Koto Banilo ; kapatang rape' nagari , kagadoeang Datoea' Kapalo , mamparoendiengkan kato itoe, hambo tida' paï kakioen , sabab sagan hati hambo, hambo lah mamoelangkan sadjo , ka-Datoea' Padoeka 'Alam, ba'apo boeatan oerang, manompang sadjo hambo disitoe .

Tadi hambo mandanga poelo , bahaso patjah isi nagari , tida ' dapē ' kato sapakat , mahoekoem si Ramboen Amēh , dangan Datoea' Madjo Nan Poetieh , oerang badoeo badansana' kandoeang, soerang salah soerang tida ' , ragoelah oerang tantang itoe .

Akan dihoekoem si Ramboen Amēh sadjo , manoeroei ' boeni moepakat, disalahkan injo „dago dagi ", ko' tida ' hoekoem dipakainjo, akan kaloea malah injo, dari dalam sapandjang 'adat , ko' saki' tida' ka disilau , mati tida' ka didjangoea ' , ba'apo akan mantjarainjo , dangan Datoea' Madjo Nan Poetieh , oerang saboeah kadoeonjo ; tambahan poelo dangan lakinjo, io Datoea' Soetan Amat, oerang balaki babini , akan diboeang kasamonjo , itoe nan labieh soesah bana, sanda-manjanda panjaki ' , 'toe, tahoekoem oerang nan tida ' salah, de' itoe patjah paroendiengan . Sabab karano dari itoe, djadilah tida' dapē ' pakat , oelieh sagalo datoea ' -datoea ' , mahoekoem si Ramboen Amēh , hanjo nan djadi kapoetoesannjo , mamoelangkan sadjo datoea'- , kapado Datoea' Kapalo , ba'apo nan kan ēlo'njo . datoea '

Tahado ' tantang itoe , io de' Datoea' Kapalo , djadi badjandji kato itoe, baloen tantoe masa' matahnjo , malainkan titah Datoea ' Kapalo , akan barapē' sakali laï, mantjari kato nan salasai , mamparoendiengkan kato itoe, tatapi baloen tantoe harinjo, oerang akan barape' itoe, ba'itoe kaba hambo danga."

Mandjawab Datoea' Radjo Pangoeloe, sambie tatawa gala' sanjoem : „ Mano ang Bagindo Kajo, apo djoeo kato hambo, kalau 'adat nan oesali, soesah bana maoebahnjo , namoen diandja' tida'njo mati , diboeboei ' tida'njo lajoea , toemboeah djoeo taroea ' diroesoea'njo ; boekan ba'itoe kato hambo ? Kini alah itoe basoeo , baloen barapo ado lamonjo , alah tatjakie' datoea ' , tjoebolah timbang itoe de' ang, oerang badansana ' datoea ' kandoeang, atau laki djo bininjo , akan disisieh itoe boejoeang ; itoelah kato moestahie, dē' 'adat talarang bana, kalau tjadie' mamboeang kawan , gapoea ' mamboeang lama' . Dē' sara' ba'- itoe poelo , haram piʻie saroepo itoe , mantjarai oerang badansana' , atau dangan rakanannjo , mamoetoeihkan salatoe'rrahim , antaro oerang saagamo, basa dosonjo itoe boejoeang, parentah poelo maapie'kan , kamano djalan bakēh laloe , pintoe tatoetoei' balako ; itoe hambo anggoeang gajo , akan soeroei ' aie lah gadang , ka laloe djalan lah sama' , djadi taga' tatagoen sadjo , angan laloe paham tatoemboea ' , alangkan soesah itoe boejoeang .

Namoen badjalan dalam ' adat, bakato dalam poesako , tantang 'adat nan oesali, tida' tahambe' tabalintang , laloe balako samonjo , 'adat itoe basandi aloea , aloea itoe djalan nan loeroeih, tida'lah dapē ' dibēngko'kan , sara ' itoe basandi dalie , dalie itoe kato nan ha' , manoeroei' kato kitab 'oellah , tida'lah boelieh dimoengkiei , kalau moengkie sapatah kato , doenie akirat dapē ' doso , parentah ba'itoe poelo , mantjari djalan kabaie'an, manoela ' djalan kadjahatan .

Kalau dihanieng dipikiekan , io djalan nan tigo itoe, soeatoe djalan pado 'adat, kadoeo djalan pado sara' , saboeah oedjoei ' katigonjo , sagadang ramboei' ta' salisieh , samo manoedjoe kabaie'an .

Tjoebolah timbang djan hati ang, baolah tidoea manilantang, hilie moedie'kan katigonjo. Adapoen kato dalam 'adat, kalau koesoei ' disalasaikan , namoen karoeah dipadjanieh , ko' parang dipadamaikan , ko' salisieh dihoekoemkan , babatoealan babaieran , nan baraboei' dikatangahkan , samantaro mantjari bana, nan basalahan itoe dipatoei'kan , dilata'kan itoe pado tampē'njo masieng-masieng , ama'njo habih kasoematnjo , mano nan tjaboeah itoe diboeang , nan baie ' sadjo nan ka dipakai ; ba'- itoe sapandjang 'adat, tida'lah boelieh kasam kasoemat.

De' sara' ba'itoe poelo , tida ' boelieh ambie'-maambie ' , namoen ha' oerang soerang-soerang, halal 'toe pado nan poenjo, tida ' boelieh dikoeasoi , de' oerang nan tida ' mampoenjoi , atau diambie' de' nan lain, oerang nan boekan si milie'njo , misiki sagadang bidjo sawi , walau saramboei ' dipatoedjoeah , kalau diambie ' itoe boejoeang, mandjadi doso kasamonjo .

Parentah ba'itoe poelo , injo mandjago itoe boejoeang , itoe 'adat dangan sara' , tida ' boelieh silang salisieh , injo laloe ditangah - tangah, malata'kan zat pado tampē'njo ; kalau salisieh dalam 'adat, dikoembalikannjo pado 'adat, kalau salisieh tantang sara' , dikoembalikannjo pado sara' , sadiki ' tida' boelieh baroebah, poelang katampē ' masieng-masieng , tida ' boelieh ambie'-maambie' . Kalau maloea dari itoe, djoko ' karēh ditakie'- njo, namoen loena' disoedoenjo, adie nan boekan alang-alang, lagi panjantoen djo panjajang , paibo nan boekan alang -alang, ama' sanang sagalo ana' boeah , ana ' rando badjalan soerang, oerang ama ' bakasieh -kasiehan , tolong -manolong didoenie 'ko, tjadie ' ta' boelieh maniajo , bingoeang ta' boelieh taniajo, langgaian data katian gano' ; ba'itoe oedjoei' diparentah , nan didatangkan oerang poetieh.

De' itoe mangko kato hambo, tipa ' dibadan diri ang, nan sahinggo iko kaatēh , himat -himat djago -djago , apo -apo nan kan diboeē ' , pikiekan bana soenggoeah -soenggoeah , sasa dahoeloe nan batoeah , sasa kamoedian itoe tjilako, itoe pitoea oerang toeo .

Ko' dihoekoem si Ramboen Amēh , hoekoem ko' tida' dipakainjo , ba'apo malakoekannjo , djo apo injo dihoekoem , djo apo injo disalahkan , injo bakato dalam 'adat, badjalan dalam poesako , mandjadi lapēh lanang sadjo .

Tida' injo ka dihoekoem, itoe nan labieh soesah bana, injolah baboee ' salah, malangga moepakat awa' , oerang lah habih talandjoea , sio-sio boeatan awa' , mamboeē ' moepakat 'toe, ka djadi apo itoe laï; boekankoh itoe namonjo , mamboeē ' koesoei' sadjo, mamboee ' soesah dalam sanang ? Ko' tahoe oerang nan diateh , boekan moelarat itoe boejoeang, awa' nan patoei' ma- 'amakan, kini awa' nan manggadoeah , sabab karano kahanda ' awa', nagari tida ' sanang diam .

Adapoen sagalo, datoea '-datoea ' 'ko, nan diangkē ' djadi pangoeloe , djio nagari itoe namonjo , namoen sagalo hoeloebalang, toelang nagari itoe namonjo ; akan imam dangan kati' , sarato bila djo maulano, baie'poen 'alim djo ' aloema , sarato dangan hadji -hadji , itoe banamo soeloeah nagari ; tanamo manti djo pagawai , kaki tangan de' nagari , tanamo oerang tjadie' pandai , baie' moedo atau toeo , itoe oedjoeang lidah nagari ; lorong di oerang baie' roepo, itoe banamo tjajo nagari ; akan sagalo kana'-kana' , sarato sagalo parampoean , pamēnan de' nagari, tida'lah ado nan taboeang , oerang pagoeno samonjo , nan boeto pahamboeih lasoeang ,nan paka ' palapēh badie . Sabab karano dari itoe ,mangko sagalo datoea ' -datoea ' , tahoe bana injo handa'njo ,pado sagalo karadjonjo ,nan kan moelarat nan kan moepa'at , patoei ' ditimbang habih -habih , sabab injo djio nagari . Kalau toemboeah dikarapatan , oesah toeroei ' -manoeroei ' sadjo , kapado kawan nan lain lain - ,kalau baloen tantoe lata'njo ; djoko ' ditoeroei ' -toeroei ' sadjo , djadi moelarat kamoedian , karano awa ' 'toe ,djadi alah sakato . Sabab de ' toeroei ' -manoeroei ' binaso ana ' sangsaro isi nagari , sabab karano de ' boeah , pangoeloe , nan toeroei ' -manoeroei ' tadi , kalau diboe ' nan ba'itoe .

Saparati moepakat nan laloe 'toe ,moelo -moelo moepakat diboee ', saoerang mangatokan ēlo ' , nan lain lah maēlo'kan poelo , ditoeroei ' sadjo kato kawan , tatapi tida' dipikiekan , ba'apo ēlo ' boeroea'njo , antah kamano ta'aloea'njo , kato nan ditoeroei'njo 'toe . Baloen lai mangatahoei , injolah manoeroei ' sadjo , djanjo oerang , injolah maēlo'kan poelo , boeroea ' elo ' ama ' lakeh lapēh badannjo .

Kini itoe kadjadian , boekan manjasa itoe boejoeang ,padoesi tida' tahoekoemkan, baloen tantoe hoekoem ka babandieng , awa' lah habih salisieh , tando tida ' kanai djalannjo, itoe nan koekoea' tjatjo ajam , kitjau -kitjau tjatjo moerai ; kalau lah boengkoea' de' mangajam , tandonjo salah de' bamoelai . Alah banja' kali hambo malie' , takalo maso moedo hambo, dimanomano karapatan , banja ' djoeo datoea '-datoea ' , nan soeko , apo -apo roendiengan oerang ; tatapi injo toeroei'-manoeroei' tida' tahoe, moekasoei' kato nan ditoeroei'njo , antah bana antah tida' , malainkan injo manoeroei' sadjo , ama ' lakēh lapēh badannjo , tida ' dikana awa akie, asa lapēh sabanta itoe, alah baroentoeang injo itoe.

Ado poelo satoe -satoe kali, toemboeah didalam karapatan , oekatoe datang oerang batanjo , oerang gadang basa batoeah, mananjokan sapandjang 'adat, ataupoen kato nan soeli'-soeli' , akan mandjawab tanjo itoe, alah koembali mangoembali , dari nan soerang ka nan soerang. Kalau didjawab de' nan lain, io tanjo nan datang 'toe , lapēh dari nan soerang itoe, digēlē poelo ka nan lain, didjawab poelo de' nan lain, hambo manoeroei' datoea' itoe, alah sadjawab kami djan baliau , sampai badoeo djan batigo , atau barampē' djan balimo , ataupoen labieh dari itoe, toeroei'-manoeroei' sadjo anjolaï . Tatapi poelo itoe boejoeang , de' datoea ' nan manoeroei' tadi , tida'lah injo mangatahoei , apo moekasoei ' tanjo oerang 'toe, ataupoen djawab nan ditoeroei'njo , antah bana djawab oerang 'toe , antahpoen salah mangatokan , tida' lah itoe dipikieinjo, injo manoeroei'kan itoe, asa lapēh badannjo sadjo , sabab oerang alah mandjawab , itoe sadjo nan ditoeroei'njo .

Kalau basoä djawab 'toe, dioelang oerang nan batanjo , namoen tida' tapalapēhkan , de' oerang nan mandjawab tadi , io soä nan tibo itoe.

Tantangan datoea nan manoeroei ' , alah gadang poelo tjangangnjo , tagang kampih oere ' paroei'njo , darah didado toeroen naie ' , takoei' batjampoea djo maloe , sabab awa' tida ' ma- , tanjo baraso ka babalie' 'aloem, arati kato nan ditoeroei ' , io kapado diri awa' , doedoea ' disinta ' kabalakang , sambie mamandang kiri kanan , alah baransoea -ansoea djoeo.

Ado poelo satangahnjo , sabab takoei ' ka kanai tanjo , toemboeahlah saki ' sakoetiko , mamilin paroei ' sabanta 'toe , djadi maminta ' paï toeroen, dikatokan paroei'njo saki ' , ama ' djangan injo kanai tanjo , sabab awa' soedah manoeroei' , dikatokan paï kaaie ; ado poelo nan ba'itoe , kalakoean datoea '-datoea ' , nan soedah basoeo de' hambo, samaso hambo laï moedo .

Namoen soedah oerang barapē ' , koembali poelang karoemahnjo , badjalan samo kawan , gala'lah badarai -darai , kētje ' lah baboeah -boeah , sambie manggami ' poenggoeang kawan , dioelang roendieng nan tadi, laloe ditimbang tangah djalan , disaboei ' awa djan akie.

ود„Dē' hambo ba'itoe nan taraso , tantangan djawab nan tadi , nan taraso de' hati hambo , ba'itoe ba'iko akan djawabnjo ," ditjoeraikan kapado kawan , apo nan ēlo' ka djawabnjo . „Kan io ba'itoe nan biaso, sapandjang 'adat nan kito pakai , nan kito toeroen kito naie'kan , salaroei ' salamo 'ko."

Mandjawablah poelo kawannjo : „ Io nan di datoea ' 'toe , de' hambo ba'itoe poelo , sakato hambo dangan datoea ." Mandjawab poelo nan lainnjo : „Hambo de' itoe diam-diam sadjo , karano tida' itoe sasoeai , djo pikieran djo hati hambo, nan didjawabkan datoea ' 'toe tadi ; akan hambo djawab poelo , sagan poelo awa' rasonjo , sabab baliau lah mandjawab , tapandang awa' di baliau , akan salisieh tangah medan , de' itoe hambo manoeroei' sadjo , ba'apo djawab baliau 'toe . Ko' hanjo di hati hambo soerang, tida' ba'itoe ka djawabnjo , kironjo itoe de baliau , tida ' poelo talapēhkan , disoä oerang djawab baliau , djadi kito maloe samonjo ."

Mandjawab poelo nan saoerang laï : „De' hambo ba'itoe poelo, sabab baliau oerang tjadie' , lah biaso mandjadi atjangatjang , de' itoe hambo manoeroei' sadjo , apo nan baliau katokan ; kironjo iko kadjadiannjo , dape ' maloe kito nan laï , tanjo saboeah ta' tabari ."

Kalau bana djawab oerang 'toe , djawab kawan nan ditoeroei'njo , barapo poelo gadang hati, tambah banja ' kētjē' didjalan , gala' lah baboeah -boeah , sampai poelang karoemahnjo , dioelang djoeo kato tadi , asa laï bakawan djoeo.

Sabab itoe pitoeroeah hambo, ko' sampai ang djadi pangoeloe, oesah diboeē ' nan ba'itoe , kalau tibo dikarapatan , kalau datang soä djan tanjo, namoen baloen taraso bana, apo oedjoei'- njo tanjo itoe, oesah didjawab -djawab sadjo ; kalau baloen awa' mangarati , tanjokan sadjo basiloeroeih , atau katokan tida' dapē ' , tida ' mangapo itoe boejoeang, namonjo awa' tida '

tahoe , tida ' mandjadi maloe sopan . Kalau ditiroe nan ba' oerang 'toe , dimēdan tida' pandai mandjawab , didjalan awa lah pandai , mangētjē ' kapado kawan , ba'itoe ba'iko ka djawabnjo , apo nan ditanjokan oerang, tida' pagoeno itoe boejoeang, soedah makan bismillah .

Datang pitoea orang toeo , „karih tasisi ' didindieng , padang tadjam dalam saroeangnjo " , itoe namonjo djanjo oerang, kalau diboeē ' nan ba'itoe .

Saboeah laï poelo boejoeang, kalau awa' oerang tahoe pandai , di 'adat djan limbago , tjadie ' baroendieng tangah medan , djoko ' datang oerang batanjo , oerang nan patoei' mananjokan , tantangan ' adat djan limbago , atau nan lain dari itoe, didjawab itoe basiloeroeih , djangan dikila paroendiengan , nan bana sadjo disaboei'kan . Kalau dihimbau injo baboeni, diliē ' injo basoeo , ba'itoe djawab handa'njo ; oesah io dimoeloei' sadjo , de' pandai awa' mangētje ' , nan tida ' saroepo io, nan kan pandjawab tanjo oerang, nan sabananjo tida' ba'itoe, kasiangan awa' koedian, binaso poelo 'adat awa' .

Banja ' djoeo hambo mandanga, ado poelo oerang batanjo , kapado oerang tjadie' pandai , ditantang 'adat djan limbago , oempamonjo toean-toean, oerang nan bangso mamarentah , didjawabnjo sadjo tanjo itoe, dangan kato nan lama' manih , nan ēlo' poelo djalannjo , tatapi tida' sabananjo , hanjo maambie' moeko sadjo , karano awa' oerang pandai , maloe manjaboei ' tida ' tahoe, didjawab itoe dangan kila, dibari poelo itoe djalannjo, dikatokan kato kiasan , djadi pitjajo toean itoe, disangkonja bana djawab awa ' .

Lapēh batanjo pado awa' , io toean nan batanjo tadi , batanjo poelo ka nan lain, itoe djoeo ditanjokannjo , akan paoedji djawab awa' , didjawab poelo de' oerang lain, ēlo poelo itoe djawabnjo , kanai poelo itoe djalannjo , karano oerang pandai poelo ; djadilah ragoe toean itoe, iko io itoepoen io, balain -lain pambarian , didalam 'adat nan saboeah , djadilah injo salah sangko, disangkonjo 'adat tida ' karoean, tida' dapē ' dipagantoeangi , tida'lah ēlo ' itoe boejoeang, djadi tatjatjē' ' adat awa' .

Kalau dapē' nan sabananjo , de' toean nan batanjo tadi , dilie' boelieh basoeo , dihimbau injo baboeni , nan didjawabkan oerang kamoedian, balain dangan djawab awa' , djadilah awa' kasiangan , tida' injo pitjajo laï, misiki awa' oerang pandai .

Namoen nan bana disaboei'kan , tida' siapo dape' mantjatja , malantieng lah manoedjoe tangkai , bakato lah manoedjoe bana. ko' badjalan lah di nan pasa, itoelah 'adat sabananjo , kalau diandja ' injo ta' injo ta' mati, ba'itoe lajoea , namoen diboeboei' kato handa'njo , nan kan dipakai salamonjo ."

Alah soedah injo baroendieng 'toe , babalie ' Bagindo Kajo . koembali poelang karoemahnjo .

VI.

Sadanglah Bagindo Kajo , malie' mama'njo ba'itoe, alah sasa' sadjo pikierannjo , oerang lah habih manangih , nan bagole' lah

Kaba baralieh anjolaï , soenggoeah baralieh sanan djoeo, sadanglah Bagindo Kajo , de' sangat radjin hatinjo, tida ' bararti injo datang , tio' hari baroelang djoeo, io kapado mama'njo ' toe, mananjokan sapandjang 'adat, mangadji tambo radjo-гаdjo, baie'poen oendang nan salapan, sarato oendang nan doeo baleh, oendang nagari oendang loeha' , mangadji salah dangan sili' , dapē'lah itoe samonjo, kati-mangati bare' ringan, timbangmanimbang loeroeih bana, itoepoen soedah dikatahoeinjo .

Lamolah poelo antaronjo , adalah garan satoe tahoen , saki Datoea ' Radjo Pangoeloe, sabidjo nasi ta' tamakan , aie diminoem ta' taragoea' , djarieh batjampoea dangan batoea' , ditidoeakan tida' sanang, dibao doedoea ' tambah labieh , namonje saki ' oerang toeo , batimboen oebe' dangan tawa , siang malam tida' baranti , barapo banja oerang manjilau , mambaokan oebe' samonjo , oesahkan samboeah tambah garang .

Malie' roepo damikian , soesahlah Bagindo Kajo , mantjari oerang pandai oebe' , mantjari oerang pandai tawa , paï batanoeang sano sini, dimano sadjo kadangaran , oerang nan pandaipandai oebe' , didjalangnjo itoe samonjo , apo oebe' dibari oerang , dilakē'kan balako kamama'njo , satoepoen tida ' manolongi , djangankan itoe mangoerangkan , hanjo batambah labieh djoeo . Sampailah poelo toedjoeah hari, patang Kamih malam Djoema'at, kiro-kiro poekoea salapan, oerang soedah sambahjang 'isa, pangsan Datoea' Radio Pangoeloe, tida' tahoe di diri laï , injo baboeni, alah bakoemoeah atch lapie ' dihimbau tida ' , napēh kaloea satoe -satoe , bakaroeah -karoeah didadonjo , dingin badannjo pantoen aie, lamah toelangnjo ba' kaladi .

bagolē' , tida' dape ' ditagah laï , nan , nan marato ' lah marato' sakaoem -kaoem itoe ; dalam sabanta itoe djoeo, datang pikieran Bagindo Kajo, balari sadjo injo toeroen, badjalan bagageh-gageh , mandjapoei ' Toeankoe Malim Koenieng , goeroe Datoea"' Radjo Pangoeloe. Ado sabanta antaronjo , sampailah injo kasoerau 'toe, soerau Toeankoe Malim Koenieng , diloerah Pantjoearan Tinggi , laloe naie' Bagindo Kajo , darah didado toeroen naie ' , sasa ' ango'njo de' bagagēh, pakaian tida ' satjoekoei'njo , hanjolah badjoe djan sarawa , kapalo diikē ' djan basahan, didapē'i Toeankoe Malim Koenieng , sadang doedoea ' dakē' mahirab, maadja ana' moeri'njo .

Malie' Bagindo Kajo datang , tatjangang Toeankoe Malim Koenieng , laloe taga' injo sakali , sambie manjapo katjamēhan : „Dari mano Bagindo tadi , mangapo saroepo iko , ba'apo datang kamari , ba'apo kini datoea' kito, hambo mandanga saloembari , baliau saki ' djanjo oerang ; sadja ' dari pagi kapatang , hambolah baraga '-aga' djoeo, akan malie' baliau 'toe , baloen djoeo sampai-sampainjo . "

Mandjawab Bagindo Kajo : „De' itoe hambo kamari , handa ' mandjapoei ' toeankoe kini , sadang sangat hambo tinggakan , antah ba'apolah 'toe kini, Allah djan rasoea nan ka tahoe."

Mandanga kato nan ba'itoe, tida' baboeni Toeankoe Malim Koenieng , laloe bakamēh anjolaï , soedah bakamēh injo toeroen, basamo Bagindo Kajo , badjalan bagagēh-gagēh , ganti dahoeloemandahoeloei ; ado satarie ' sapatana' , sampailah injo kadoeonjo, kasoerau Datoea' Radjo Pangoeloe, alah laloe naie' sakali . Sadang Toeankoe Malim Koenieng , salaloe sadjo injo katangah , ka-Datoea ' Radjo Pangoeloe, dihimbau tida' injo baboeni, diroso ' poelo didadonjo , laloe-laloe kakakinjo , lah dingin sadjo taraso, hango'njo bakaroeah -karoeah , manganta '-anta' didadonjo ; diliē'njo saroepo itoe, bakato Toeankoe Malim Koenieng : „Habih hano' lah dahoeloe , oesah habih manangih djoeo, tida' mangapo baliau 'ko, baolah kamari aie dingin, lata'kan ditjamboeang poetieh ."

Mandanga kato nan ba'itoe , alah hano' oerang nan manangih , laloe diambie ' aie dingin , dibarikan kabaliau , kapado Toeankoe Malim Koenieng , ditarie ' poelo parasapan, laloe dibaka poelo koemajan .

Oelieh Toeankoe Malim Koenieng , laloe ditarie ' aie tadi , di batjokan do'a jasin, dititie'kan kamoeloei'njo , dioerēhkan poelo kaboeboen-boeboennjo , dihamboeihkan tigo kali dioerēh poelo kamoekonjo , sampailah poelo kakakinjo . Ado sabanta antaronjo , alah pandai injo mamandang , antaro sabanta laï , alah pandai injo maminta ' aie , alah diminoemkan poelo aie , laloe ditanjo maso itoe , oelieh Toeankoe Malim Koenieng : „Apo Datoea ' nan labieh saki' ?"

Mandjawab Datoea' Radjo Pangoeloe , soearonjo sajoei '-sajoei' sampai : „Tida ' tantoe nan labieh saki ' , hanjolah saki ' samonjo , toelang lajoeah hango'poen sasa '."

Bakato Toeankoe Malim Koenieng : „Laïkoh datoea ' inge' djoeo , kadji nan hambo adjakan ? " Mahanggoea ' sadjo injo mandjawab .

Ado sabanta antaronjo , dibari oerang poelo boeboea , laloelah poelo tigo sēndo ' , alah aga ' tarang pamandangan, hango'- njo batambah lapang djoeo ; alah pandai poelo injo doedoea ' , basanda digoeloeang kasoea ; alah sabanta injo basanda, laloe bakato poelo baliau , kapado Toeankoe Malim Koenieng : „Disikolah Toeankoe samalam 'ko , ama ' njo tarang hati hambo ."

Mandjawab Toeankoe Malim Koenieng : „ Malah ba'itoe kato datoea' , disiko malah hambo dahoeloe ."

Malie ' roepo damikian , sagalo oerang nan disitoe , alah tarang kiro-kironjo, alah poelang hati nan tjamēh , alah ditana ' poelo nasi, sarato dangan aie ange ' , dibari poelo minoem makan, io Toeankoe Malim Koenieng ; soedahlah poelo minoem makan , basamo Bagindo Kajo , alah doedoea ' mangētjē '-ngētjē ' , sambie maroendieng-roendieng kadji , ka ganti badjago -djago , banja'lah poelo pitoeanjo , io Toeankoe Malim Koenieng , barapo kitab nan dibatjo , sarato dalie maʻananjo .

, alah sakali ajam bakoekoea ' Adolah garan poekoea ampē ' , mahimbau Datoea' Radjo Pangoeloe, kapado Toeankoe Malim Koenieng , soearonjo sajoei'-sajoei' sampai , sakali sadjo injo mahimbau , sambie ' maoendjoea'kan tangannjo ; mandake' Toeankoe Malim Koenieng , didjawē ' tangan dipagangkan , alah ditanjo maso itoe, tatapi tida' injo baboeni , hango'njo toeroentoeroen naiē' , injo tida' mamandang laï , dihimbau sakali laï , tida' djoeo injo baboeni.

Dalam sabanta itoe djoeo, Allah ta'ala basipat kajo, malakoekan barang kahanda'njo , sampailah adja Datoea' Radjo

Pangoeloe , mangoetjap Toeankoe Malim Koenieng . , sambie mambatjo do'a izin, antah apo-apo nan dibatjonjo, tida'lah kami tahoe pandai , baliau babisie'-bisie ' sadjo .

Soedah mambatjo do'a itoe, laloe dilito diparēngah , ditoetoei'kan poelo matonjo , dirapē'kan poelo moeloei'njo , tangan disoesoen atēh dado , tidoeanjo poelo dibaie'i .

Dalam sabanta itoe djoeo, tahoelah oerang nan banja' 'toe, sagalo kari ' djo bai'njo , nan ado disoerau 'toe, laloe manangih anjolaï , alah bandoeang de' boeni rato' , alah basilang tampa didado, rabo-raboi sano sini , bagoelieng -goelieng atēh soerau, hiroea' piroea' tida' karoean , namonjo oerang kamatian .

Malie ' roepo damikian , bakato Toeankoe Malim Koenieng , kapado oerang nan banja ' 'toe : „Saba-sabalah dahoeloe , tida ēlo' oerang marato ' , tida ' boelieh manampa dado , doso basa itoe di kito, oerang lah mati de' djandjinjo , gadang soedah radjaki habih , alah sampai itoe pinta'njo , tida' djadi kito tangihkan; kalau io awa' laï sajang , minta' tolongkan dangan do'a, tida ' kan dapē ' de' rato ' 'toe , mambarē'i nan ka laï, kalau tida ' amoeah hano' dahoeloe , bia hambo koembali poelang. "

Mandanga kato Toeankoe Malim Koenieng , hano'lah rato' tampa dado , hanjo manangih sadjo katjie'-katjie' , laki-laki parampoean .

Alah hano' boeninjo rato' , bakato Toeankoe Malim Koenieng , manjoeroeah oerang maambie' aie : „Kito mandikan baliau 'ko, ama ' barasieh badan baliau ."

Mandanga kato nan ba'itoe, bakokoh Bagindo Kajo , sarato dansana soedaronjo , laki-laki nan ado sitoe, laloe diambie ' malah aie ; alah soedah aie talata ' , bakamēh Toeankoe Malim Koenieng, ditarie ' aie dimandikan , basamo dangan Bagindo Kajo . Alah soedah samporono tjoetji , didjawē'kan aie sambahjang ; soedah salasai mandi , ditatieng poelo katangah , ditidoeakan diatēh kasoea, diatēh hamparan tilam boengo , disalimoe'i anjolaï , dangan kain nan ēlo '-ēlo '.

Dalam sabanta itoe djoeo, hari lah siang anjolaï , tahoelah oerang dikampoeangnjo , bahaso baliau soedah mati , habih balari oerang kasoerau , laki-laki parampoean , rapē'lah itoe samonjo , kasoerau Datoea' Radjo Pangoeloe, tahoelah oerang kiri kanan , datanglah kari' djan kabiehnjo , nan badake' nan barampieng , rapē'lah itoe samonjo .

Kiro-kiro poekoea toedjoeah, rape'lah oerang samonjo , sagalo kaoem djan soekoenjo, kascerau Datoea' Radjo Pangoeloe ; pado maso koetiko itoe, mahimbau oerang dalam kampoeang, sarato datoea ' dalam soekoenjo, kapado Bagindo Kajo , dibaonjo doedoea ' bagandjoea , basiasieng katampē' lain, laloe ditanjo maso itoe : „Ba'apo pikieran di Bagindo , tantangan datoea' kito 'ko, alah sampai hoekoem baliau , apo nan tida' iko kini , saboei ' malah de' Bagindo , ko' djaoeah boelieh kami djapoei' , nan dakē' boelieh kami djangkau , ama ' lakēh kito salamatkan ."

Mandjawab Bagindo Kajo : „Mano dansana ' soedaro hambo, sarato datoea '-datoea ' hambo, tipa' di diri hambo kini , langi ' roentoeah boemilah taban, tampē' bagantoeang alah sakah, tampē' bapidja ' alah roeroei ' , tida ' tantoe pikieran hambo. Kini ba'itoelah di datoea' , sarato dansana' soedaro . hambo, mangoembalilah hambo ka nan rape' , ba'apo pikieran datoea'- datoea' , sarato dansana' soedaro hambo, nan ado disiko kini, iko djinihnjo oentoeang hambo ; djoko ' apo -apo nan koerang , apo nan tida ' pado hambo, nan patoei ' kito pagoenokan, liē'i sadjolah de' kampoeang, sarato datoea ' nan basamo, hambo oesah dipiri' djoeo' , ama ' salamat karadjo 'ko."

Mandanga kato nan ba'itoe, alah bakokoh korong kampoeangnjo, sarato kaoem djan soekoenjo, mano nan tida ' ditjarinjo , apo nan koerang ditambahnjo ; alah bakameh kasamonjo , laki -laki parampoean , oerang dikampoeang Pari ' Batoe, kampoeang Datoea' Radjo Pangoeloe, dibaie'i roemah doeo tigo , akan tampē' oerang mandjangoea ' , ditabang batoeang sabatang , ditaga'kan bandēra poetieh, ditaga'kan poelo pajoeang gadang , banamo pajoeang oeboea -oeboea , dihalaman Datoea' Radjo Pangoeloe ,alah dikambang kain djadja'an , itoe dihanta'an djandjang, diatēh batoe talapa'an , disangkoei'kan kain tarantang , dari roemah karangkiang .

Namoen sagalo parampoean , alah bakokoh atēh roemah, laloe dikambangkan tilam boengo , tahampa lapie' paramadani , dari tangah laloe katapi , saloea '-manjaloea ' lapie' sirah , sarato dangan lapie' roempoei ' , takambang poelo tabie gadang, dari oedjoeang laloe kapangka , diatēh batabie poelo , tagantoeang kalamboe soeto , batirai balangi '- langi ' . Alah tarantang tirai pandjang, toengga' bapaloei' samonjo , tiang timban bapaloei ' tjin dai , tiang pandjang dangan sakalat , itoe sakalat 'ainalbanat , diisi tjarano doeo tigo , batirai balako samonjo .

Sadang diroeang tangah roemah, dibawah tirai koelamboe tadi , ditaga'kan garai saboeah , itoe tampe' datoea' nan mati , dihampaï djan kasoea pandjang , bapaloei' djo kain sarat , langko' djo banta kalangoeloe, ba'itoe 'adat disanan , kalau toemboeah pangoeloe mati , io oerang basa batoeah, ba'itoe 'adat limbagonjo . Alah soedah itoe samonjo , badie baboeni anjolaï , pambari tahoe isi nagari , panjatokan pangoeloe mati , ba'itoe 'adat nan bapakai , kalau toemboeah mati pangoeloe , boeni badie bagaikan loeloeih, goemanta katangah koto , tatoemboea ' tibo di goenoeang , gamoeroeah kadalam loerah , takadjoei ' oerang dalam koto , tagampa oerang dalam kampoeang ; poelanglah oerang dari doesoen , sabab mandanga boeni badie, boeni badie baboeah -boeah , batanjo samo-samo kawan , dimano badie baboeni , siapo poelo nan lah mati , datoea' dimano sampai hoekoem , ba'itoe boeah tanjonjo , io oerang dalam nagari .

Alah sabanta antaronjo , diboeē ' poelo katjang pali, io akan djadi oesoeangan , oesoeangan datoea' nan mati , dilata'kan tangah halaman , mandjalang oerang rape mandjangoea ' .

Kiro -kiro poekoea doeo , oerang koembali badjoema'at , laloe sakali paï mandjangoea' , raminjo boekan alang-alang, sapantoen anai-anai boeboeih , bagai kaloeang bēba patang , datanglah bako djo ana'njo , mambao kapan salampih soerang, dilata ' diatēh doelang , doelang paha bakalai gadang, batirai badalama' , badjoedjoeang itoe mambaonjo , dipajoeangi djo pajoeang gadang , banamo pajoeang oeboea -oeboea ; rape ' mairieng korong kampoeangnjo , sarato dangan ninie ' mama'njo , babarapo poelo parampoean, sarato dangan dajang -dajang , mamakai balako itoe samonjo , pakaian sapandjang 'adat, badjalan badombaidombai , laki -laki samo laki-laki, parampoean samo parampoean, sampai dikampoeang Datoea' Radjo Pangoeloe ; pajoeang didjawē ' de' rang kampoeang, ditaga'kan ditangah halaman , doelang didjawe ' kaatēh roemah , oerang 'toe naie' samonjo , didoedoea'kan diroeang tangah , dibari sirieh ditjarano .

Alah rape' oerang mandjangoea ' , panoeahlah roemah sakampoeangnjo , mano nan aga ' kari'-kari' , sarato oerang nan badake' , sarato kaoem djan soekoenjo, tida'lah dapē ' naie ' karoemah , malainkan tingga dihalaman .

Tanamo sagalo datoea '-datoea ' , sarato oerang patoei'-patoei' , naie' karoemah nan gadang, roemah Datoea' Radjo Pangoeloe ; akan sagalo oerang sia -sia' , sarato labai dangan hadji , baie' 'alim dangan ' aloema , naie' karoemah nan sabalah .

Alah mahato' kasamonjo , makan sirieh sakapoea soerang, sagalo oerang nan mandjangoea ' ; pado maso koetiko itoe, taga' badiri saoerang manti , basanda ditiang pandjang , oerang sabalah dari bako, itoe bako datoea ' nan mati , laloe manjambah maso itoe, manjambahkan kapan dari bakonjo , ba'itoe boeni sambahnjo :

,,Maminta ' ampoenlah sajo , kapado karapatan datoea ' -datoea ' sado nan halie , sarato toean oerang kajo-kajo, nan saisi roemah nan gadang 'ko, sajo mandatangkan sambah ; tida' akan tahato ' akan tabilang , hanjolah sambah mandjalani , soenggoeahpoen ditangah di-Datoea' Padoeko 'Alam¹ ), tampē' tibonjo sambah sajo ."

„Kapado Allah manitahlah toean," djawab Datoea' Padoeko 'Alam .

Maoelang manti itoe : „Apolah nan akan sajo sambahkan , nan ba' pitoea datoea ' nan toeo -toeo , „talang di-Tandjoeang Baroela ' , diambie' ka djoendjoeang sirieh ; de' malang nan Lida' taloela' , de ' moedjoea nan tida' taraieh " ; adapoen akan datoea ' 'ko, lah singkē ' 'oemoea , lah pandjang langkah , lah kadatangan hoekoem Allah , lah tadoehoeloe dari datoea '-datoea ' , dalam nagari nan tigo 'ko ; nan ba'itoe nan bapakai , de' datoea' dalam nagari , mati ana' mangapan bapa' , mati bapa' mangapan ana' . Nan sakarang kini nangko , lah tadahoeloe ana ' dari bakonjo , sadjo iolah kapan nan salampih dari bakonjo , oetjapan datoea ' dalam Piliang Nan Toedjoeah Djoerai, ka dipalaloe kapado datoea' dalam Patapang Nan Tigo Balai, sambah sajopoen alah naie' , titah datoea ' djoeo sajo poehoenkan ."

„Alah sampai de' toean pagawai ?" tanjo Datoea' Padoeko ' Alam.

Insja Allah , sahinggo itoe baroe sambah sajo ," djawab pagawai itoe poelo .

Maoelang Datoea' Padoeko 'Alam : „Managa toean sabanta, ama'lah hambo paiokan . "

1). Datoea ' Padoeko 'Alam , pangoeloe dalam Patapang Nan Tigo Balai , sasoekoe dangan Datoea ' Radjo Pangoeloe nan mati . MOESTIKO 'ADAT 'ALAM MINANGKABAU . 9

,,Alhamdoeli'llah , parēnaïlah datoea '," djawab pagawai itoe poelo .

Mangko baio-iolah Datoea' Padoeko 'Alam , dangan datoea dalam Patapang Nan Tigo Balai , akan manarimo panjambahan kapan itoe. Alah injo samoepakat, mangko disoeroeahlah poelo saoerang manti , oelieh Datoea' Patapang Nan Tigo Balai, mandjawab sambah itoe, laloe taga' poelo mantinjo 'toe , dangan manjambah damikian :

,,Maminta' ampoenlah sajo , bakeh karapatan datoea ' djo toeankoe , sarato partiapan toean manti pagawai , dangan toean oerang kajo -kajo, sado nan halie saisi roemah gadang 'ko ; tida' akan tahato ' akan tabilang , sambah sajo mandjalani datoea sado nan halie, sajo rapa ' panjambahan katangah , soenggoeahpoen ditangah , di toean pagawai tibo sambah. "

Mandjawab manti , nan manjambah moelo tadi : „Kapado Toehan kito , manitahlah toean ."

Maoelang manti nan soerang : „Apolah nan kan sajo sambahkan , nan ba' pitoea toean tadi, oesah kato akan dioelangoelang.

Alang di-Tandjoeang Baroela ' , diambie' ka djoendjoeang sirieh , de' malang nan tida' tatoela' moedjoea nan tida ' taraieh , adapoen datoea ' 'ko lah singkē ' 'oemoea lah pandjang langkah , alah kadatangan hoekoem Allah, alah tadahoeloe dari pado datoea'-datoea' nagari nan tigo .

Nan baïtjo nan bapakai , de' datoea ' dalam nagari , mati bapa' mangapan ana' ; sakarang alah , mati anak mangapan bapa' tadahoeloe ana' dari bakonjo , sadjo iolah kapan nan salampih dari bako, oetjapan datoea ' dalam Piliang Nan Toedjoeah Djoerai , ka dipalaloe ka datoea ' dalam Patapang Nan Tigo Balai, ba'itoe panitahan ."

„Sabananjo , " djawab manti piha ' bako .

Maoelang manti si pangkalan : „ Inda ' laï , oetjapan datoea dalam Patapang Nan Tigo Balai , kasieh ditarimo titah didjoedjoeang . "

„Alhamdoeli'llah ," djawab manti piha ' bako . Alah salasai sambah -manjambah 'toe , mangko kapan ditatieng anjolaï , oelieh manti piha ' bako , sarato dangan doelang-doelangnjo , diantakan kahadapan datoea '-datoea ' , dalam Patapang Nan Tigo Balai ; oelieh datoea '-datoea ' nan Tigo Balai, diambie ' kapan 'toe dari boengkoesannjo dalama' tadi ; mangko doelang sarato dalama' boengkoeihnjo 'toe , diantalah poelo koembali katangah , oelieh manti si pangkalan , kamoeko ninie ' mama' piha' bako 'toe. Damikian itoelah poelo , oerang nan manjambahkan kapan , nan datang dari ana'-ana' datoea ' nan mati 'toe, sarato kapan dari istirinjo , dan manarimonjopoen ba'itoe djoeo, dangan sambah-manjambah djoeo, saparati tasaboei' diatēh tadi , ba'itoe 'adat nan soedah biaso , io dalam nagari 'toe .

Alah tjoekoei ' kapan dari bako dan ana'-ana'njo , sarato kapan dari istirinjo , sagalo parampoean nan djalan pasoemandan , dalam oerang-oerang dalam kampoeang 'toe, sagalo pasoemandan kari' , sagalo ahli warih nan mati 'toe , diadja'lah toeroen kahalaman , oelieh parampoean nan patoei' -patoei' , dalam soekoe datoea ' nan mati 'toe , akan manjaho ' katjang pali tadi , sarato dibarikan kain -kain, nan akan panjaho ' katjang pali 'toe, io kain-kain nan patoei' panjaho ' djoeo, nan dibao pasoemandannjo 'toe.

Pasoemandan toeroen basamo-samo kahalaman , manjaho ' katjang pali 'toe dangan atoeran , nan patoei' dahoeloe dahoeloe djoeo, nan patoei' koedian-koedian djoeo ; tantang kain nan panjaho ' 'toe , babagai -bagai poelo matjamnjo , soeto djo makau banang ameh , ado balako itoe disanan , sagalo kain kaamasan , disaho'kan kakatjang pali , poentja'njo bapaloei' tjandai , batoekoei' poelo dangan dalama' .

Alah soedah itoe disaho ' , sangatlah ēndah dipandangi , ēlo ' roepanjo ta' mananggoeang , mandatangkan ibo paratian , kalau dipandang lamo-lamo .

, alah naie' Bagindo Kajo , Sadang oerang rape' mandjangoea ' mandjalang datoea ' dalam soekoenjo, maantakan kain tigo kajoe , io kain oentoea ' panggatang , panggatang ana' pantjanjo .

Malie' roepo damikian , sagalo datoea ' dalam soekoenjo, laloe batanjo basoelambe ' : „Mangapo iko garan Bagindo , kanapo goenonjo kain iko , boekan kito soedah moepakat ? Nan sahinggo iko kaatēh, tida ' kan gatang -manggatang laï, kapado ana '-ana ' pantja , kalau toemboeah kamatian ; kini mangapo de ' ba'itoe , mangapo Bagindo akan maoebah , mamatjah moepakat itoe ? djadi salisieh kamoedian, kito djoeo nan kan pajah , dida- 'awa datoea ' dalam nagari ."

Mandjawab Bagindo Kajo : „Ko' itoe nan titah datoea ' , itoe lah kato sabananjo , akan tatapi poelo saboeah , maminta ' hambo pado datoea ' , oemanat nan mati 'ko, kalau sampai adjaloe ' llahnjo , 'adat nan oesah dioebahi , nan kapado ana'-ana'njo , disoeroeahnjo gatang kasamonjo ; kalau tida ' hambo sampaikan, disoempahinjo malah hambo, iko kain injo mambali , hambo malakoekan sadjo , ba'itoe oemanatnjo pado hambo , takoei'- lah hambo malampaui , io oemanat baliau 'toe.

Nan kan sakarang kini nangko , maminta' hambo pado datoea ' , datoea ' sambahkan kanagari , bahaso oemanat baliau nan ba'itoe ; tatakalo baliau hidoei ' , alah djoeo hambo katokan , moepakat oerang nan ba'itoe, tatapi kato baliau , gatang djoeo ana '-ana'njo , baliau ta' amoeah maoebahi , nan sapandjang boeē ' oerang toeo ; „kalau tida ' ang sampaikan , hambo manjoempah kamoedian " , ba'itoe kato baliau . Itoelah sabab hambo maminta' , datoea' sambahkan habih -habih , tipa' di nan sakali iko ; kalau tibo sakali laï, kito toeroei' sapandjang pakat , tida'lah hambo akan mangila ."

Mandanga kato nan ba'itoe, mandjawab sagalo datoea ' dalam soekoenjo : „Kalau ba'itoe oemanat baliau , kito tjoeba malah manjambahkan , kapado datoea' dalam nagari . "

Alah soedah injo baroendieng , manjambah Datoea' Padoeko 'Alam, kapado sidang karapatan , manjambahkan handa' manggatang , kapado sagalo ana' pantja , ana' pantja Datoea' Radjo Pangoeloe, bagaimano 'adat nan biaso : „Soenggoeahpoen kito alah moepakat, nan ka tida' gatang-manggatang laï, kapado ana '-ana ' pantja , kalau toemboeah dikamatian , akan tatapi kini nangko , oemanat datoea ' nan mati 'ko, kapado Bagindo Kajo, balau sampai hoekoem baliau , baliau manjoeroeah gatang djoeo, sagalo ana '-ana ' pantja baliau , soerangpoen tida ' boelieh tingga ; ba'itoe oemanat de ' baliau , kapado Bagindo Kajo, boekannjo oemanat sadjo , kain lah baliau tinggakan poelo , nan oentoea ' dipagatang 'toe . Sabab itoe kami. maminta ' , kapado datoea ' sado nan rape' , tipa ' di nan sakali 'ko, handa' mambagi djoeo gatang 'toe ; kalau toemboeah sakali laï, kami pakai sapandjang pakat, tida'lah kami maoebahi, nan sapandjang moepakat kito. Ato hanjo nan kini nangko , mangko kami maminta ' , pado datoea ' sado nan rape' , karano oemanat de ' nan mati , takoei'lah kami mamoengkiei ."

Alah sampai sambahnjo 'toe, alah baroendieng datoea ' dalam nagari , balēga sambah-manjambah , sagalo datoea ' nan mandjangoea ' , alah baraboei ' paroendiengan , satangah mangatokan „djadi , sabab oemanat de' nan mati " ; satangah mandjawab poelo : „kokoh djoeo sapandjang pakat, kalau boelieh aga ' sakali , tantoelah boelieh salamonjo , sio-sio moepakat kito" , ba'- itoe sambah nan satangah .

Didjawab poelo de' nan lain : „Nan sapandjang moepakat kito, tida'lah injo maoebahi , ato hanjo nan kini nangko, mangko injo handa ' manggatang , sabab oemanat de' si mati , ba'apo itoe mamoengkieinjo ; oerang nan manarimo oemanat , handa' malakoekan oemanat 'toe, kito poelo nan kan mahambe' , djadi badoso malah kito, mahambē' oemanat oerang. "

De' lamo ranggoei '-baranggoei ' djoeo, djadi sapakat anjolaï , boelē' lah boelieh digolē'kan , pipih lah boelieh dilajangkan , boeliehlah poelo dibagikan , gatang nan sakali itoe, kapado ana'- ana' pantjanjo , sabab oemanat de' nan mati , ba'itoe dapē' kaboelatan . Alah poetoeih roendiengan 'toe , gatang ditjaboei ' anjolaï , oelieh sagalo ninie ' mama' , dalam Patapang Nan Tigo Balai , laloe dibagi rato-rato , kapado sagalo ana' pantjanjo, dē Datoea' Radjo Pangoeloe , ba'apo 'adat nan biaso, nan tapakai maso dahoeloe .

Samantaro oerang baroendieng , diateh roemah nan gadang ' toe, tanamo sagalo oerang sia' , sagalo iman dangan kati' , baie'- poen pakih maulano , sarato labai dangan hadji , alah bakokoh kasamonjo , dimandikannjo Datoea' Radjo Pangoeloe ; alah soedah samporono mandi , didjawē'kan aie sambahjang . Soedah salasai mandi , laloe dikapan anjolaï , dilata ' atēh oesoeangan , masoea' kadalam katjang pali . Alah salamat itoe samonjo , mai ' diara' anjolaï , hado' kapandam pakoeboearannjo , diara ' basamo -samo , oelieh sagalo oerang sia' , dangan rati' zikiroe 'llah ; samantaro sapandjang djalan , basēra' pitih kiri kanan , disēra'kan oelieh bakonjo , doedoea ' badjoentai dioesoeangan , bapajoeangi dangan pajoeang gadang, banamo pajoeang oeboeaoeboea . Alah sampai dipandam 'toe , dilata'kan baie'-baie' , dikaloeakan anjolaï, dari dalam oesoeangannjo ; soedah itoe disambahjangkan , oelieh sagalo sia'-sia' ; salasai poelo sambahjang, laloe ditanam baie '-baie' , didindieng poelo dangan papan, baroe disoengkoei' ratorato ; soedah disoengkoei ' ratorato , diapoeang poelo tanah badan , ditaga'kan pantjang doeo boeah , saboeah tantang kapalonjo , saboeah tantang kakinjo ; soedah itoe ditalakinkan , diatēh tanah badan tadi , dibatjokan do'a talakin , dikambang poelo oendoeang -oendoeang ; salasai dari pado itoe, baroelah poelang oerang samonjo .

Adapoen datoea ' dalam nagari , nan datang mandjangoea ' tadi , alah moepakat tangah roemah, laloe diadjoen panjambahan , dari oedjoeang laloe kapangka , dari tangah laloe katapi , ditjari kato kaboelatan, handa' maminta ' ganti dansana' , karano soedah sampai hoekoemnjo , minta ' diganti djo nan moedo , itoe moepakat datoea ' nagari . Alah samoepakat kasamonjo, ditanam poelo satoe datoea ' , nan akan djadi oedjoeang lidah kapalo sambah ,manjampaikan kapado si pangkalan ; dapē'lah poelo kaboelatan , bawakie kapado satoe datoea ' , bagala Datoea ' Padoeko Intan , pangoeloe didalam soekoe Piliang , itoe nan akan manjambahkan , parmintaan datoea ' nagari , kapado datoea ' si pangkalan .

Adapoen Datoea ' Padoeko Intan , oerang tjadie ' tjando kio , manih moeloei ' bakato -kato ,biaso djadi atjang -atjang , dimanomano karapatan , laloe manjambah maso itoe , damikian boeni sambahnjo :

Maminta „ ampoenlah sajo , bakeh karapatan datoea ' djo ' toeankoe , sarato partiapan toean manti pagawai , dangan toean oerang kajo -kajo , nan halie saisi roemah gadang 'ko ; tida ' akan tahato ' akan tabilang , sambah sajo mandjalani sidang karapatan datoea ' sajo rapa ' panjambahan katangah , ; soenggoeahpoen ditangah ,di -Datoea ' Padoeko 'Alam tibo sambah . "

Kapado „ djawab Datoea ' Allah , manitahlah datoea ' " , Padoeko 'Alam .

„Apolah nan akan sajo Maoelang Datoea ' Padoeko Intan : karano de 'malang nan tida ' ,moedjoea nan sambahkan , tatoela ' lah singkē ' tida ' taraieh , adapoen akan datoea ' 'ko , 'oemoea lah pandjang langkah , lah tadahoeloe dari datoea ' -datoea ' , dalam nagari nan tigo 'ko .

Nan sakarang kini nangko ,maminta ' kami datoea ' -datoea ' nagari , kapado datoea ' dalam Patapang Nan Tigo Balai ,manoeroei ' sapandjang 'adat kito djoeo , ko'mati gadjah tingga gadiengnjo , mati harimau tingga balangnjo ,mati datoea ' basilieh djo datoea ' nan toeo ,maminta ' ,karano baliau tida ' datoea ' dalam Patapang Nan Tigo Balai , kami kapado datoea ' , iolah handa' disilieh dangan nan moedo , sadjo handa' dikaboeakan parmintaan kami 'toe , de' datoea ' dalam Patapang Nan Tigo Balai , sakian sadjo sambah sajo ."

Mambaleh Datoea' Padoeko 'Alam, wakie datoea ' dalam Patapang Nan Tigo Balai : „Alah sampai de' datoea ' ? "

„Alah sadang," djawab Datoea ' Padoeko Intan.

Maoelang Datoea' Padoeko 'Alam, sambie manjambah damikian boeninjo :

,,Maminta' ampoenlah sajo diharibaan datoea ' , sado nan halie saisi roemah nan gadang 'ko, sajo manjambah tida ' akan tahato ' akan tabilang , sambah sajo mandjalani kaharibaan datoea ' sado nan halie ; sajo rapa " sadjo panjambahan katangah , soenggoeahpoen ditangah di-Datoea' Padoeko Intan tibo sambah sajo ."

„Kapado Allah manitahlah datoea ' ," djawab Datoea ' Padoeko Intan.

Maoelang Datoea' Padoeko 'Alam : „Apolah nan akan sajo sambahkan , nan ba' pitoea datoea ' tadi , karano datoea ' nan toeo 'ko, lah singkē' 'oemoea ' lah pandjang langkah , lah tadahoeloe dari datoea '-datoea ' nagari nan tigo ; sakarang kini datoea' nagari , handa' maminta ' nan sapandjang 'adat, ko' mati gadjah handa' tingga gadiengnjo , mati harimau tingga balangnjo, mati datoea ' basilieh djo datoea ' , ba'itoe nan parmintaan datoea ' nagari kapado kami , datoea ' -datoea ' dalam Patapang Nan Tigo Balai ."

„Sabananjo ," djawab Datoea' Padoeko Intan.

Maoelang Datoea' Padoeko 'Alam : „ Maminta ' ampoen djoeolah sajo , diharibaan datoea ' sado nan halie , nan saisi roemah nan gadang 'ko, sajo manjambah tida ' akan tahato ' akan tabilang sambah sajo , di-Datoea' Padoeko Intan djoeo tampē' tibonjo."

Maoelang Datoea ' Padoeko 'Alam : „Adapoen nan sapandjang parmintaan datoea' nagari 'toe , iolah pakai nan biaso, ko' pandang alah tibo di'alamat , tēmba' lah tibo disasaran , basisoeroei ' pantang kanai , basidjambo asa kanai , alah kanai kami dē' barih , alah talioeang dē balabēh, akan ba'apo poelo laï, ma minta ' djoeo kami pado datoea' , managa datoea' sakoetiko , ama'lah kami paiokan ."

Mandjawab Datoea' Padoeko Intan : „ Mano Datoea' Padoeko 'Alam, djoko ' itoe nan panitahan , poetjoea' ditjinto oelam tibo, basoegiro malah datoea ' , kami mananti samantaro . "

,,Alhamdoeli'llah ," djawab Datoea' Padoeko 'Alam poelo .

Alah soedah sambah -manjambah 'toe , taga'lah sagalo datoea ' , dalam Patapang Nan Tigo Balai , maminta ' izin ka nan rape' , laloe bagandjoea kahalaman , naie' karoemah nan sabalah, karoemah Bagindo Soetan, dipanggie Bagindo Kajo , sarato dansana' soedaronjo , ba'itoe djoeo korong kampoeangnjo , rapē'- lah itoe samonjo , laloe baroendieng anjolaï .

Manitah Datoea' Padoeko 'Alam kapado Bagindo Kajo : ,,Kini ba'itoelah di-Bagindo , sarato korong djo kampoeang 'ko , moengko Bagindo kami himbau , sarato nan rape' samonjo , karano nagari lah manoenggoe , io kapado diri kami , maminta ' handa' digantikan baliau datoea ' nan mati 'ko ; ba'apo pikieran di-Bagindo , sarato korong kampoeang samonjo , bari bana malah kami , ama ' lakēh roendieng badjawab , nagari mananti itoe kini ."

Mandjawab Bagindo Kajo : „Kalau itoe nan titah datoea' , itoelah pakai nan biaso, kalau toemboeah saroepo iko , tantoelah oerang handa' siliehnjo , sabab ba'itoe nan bapakai , baie " di oerang baie' di awa' , tida'lah itoe akan baroebah .

Soenggoeahpoen itoe damikian , nan sakarang kini nangko , maminta ' hambo pado datoea ' , kito lata'kanlah itoe dahoeloe , io poesako hambo itoe ; apo sababnjo damikian , samo ma'aloem malah datoea ' , ikolah roepo parasaian , tipa ' di oentoeang badan hambo, ataupoen padja diroemah 'ko, samo dilie' dipandangi , soeka nan boekan alang-alang, tida' saroepo dangan oerang. Kalau kito bao djoeo, akan moelarat kasoedahannjo , akie kala'njo kamoedian , sangsaro padja -padja 'ko, sawang oentoeangnjo soerang-soerang, sabab harato tida ' laï, 'aka singkē ' toelangpoen lamah, datoea ' djoeo nan ka soesah . Itoelah sabab hambo maminta ' , kapado datoea' samonjo , kito lata'kanlah dahoeloe , djoko ' oentoeang pambari Allah , koedian kito pakai djoeo, datoea ' sambahkan malah kanagari . "

Maningkah Datoea' Padoeko 'Alam: „Kini ba'itoelah di-Bagindo , maminta ' kami basamo -samo ; tantangan di baban iko, tida' djadi kito lata'kan , ko' hanjo nan Bagindo saboei' 'toe, alah ma'aloem itoe de' kami , djoko ' dikadji soeka mikin, di kami labieh dari itoe, oesah Bagindo saboei ' djoeo ; ato hanjo akan saboeah , tjoebolah pikie de' Bagindo , ikolah roepo lawēh kampoeang , barapo banja ' ana ' boeah , nan ganggaman Bagindo soerang. Kalau itoe kito lata'kan , siapo koesoei ' manjalasaikan , siapo salah mamoetoeihkan , pado siapo injo maminta ' ; misiki tida' kito pakai , Bagindo ka soesah pajah djoeo , tida ka tingga itoe de' kami , manantoekan oerang-oerang 'ko, karadjo pangoeloe tida' kan lapēh , Bagindo djoeo mandjalankan ; alangkan boeroea ' dipandangi , karih gadang tida' basaroeang, Bagindo labieh ma'aloem ; dē' kami sado nan rapē' 'ko, tida' lain tida'lah boekan, sadja ' datoea ' 'ko saki '-saki ' , Bagindo djoeo ka gantinjo, nan akan manolong diri kami, sabab Bagindo nan laï tahoe. Kini lah oekatoenjo , Bagindo handa' mangila ' poelo , tida' kan boelieh itoe de' kami , djangan Bagindo lari sanan, maminta ' kami basamo-samo , kito ganti djoeo baliau 'ko ; kalau Bagindo lari djoeo, kami kadja basamo -samo ."

Mandjawab Bagindo Kajo : „Kalau ba'itoe titah datoea ' , mananti datoea ' sakoetiko , ama' hambo paï baroendieng , sado , sarato dangan andai hambo . " kami nan badansana'

Maningkah Datoea' Padoeko 'Alam : „Djoko' itoe kato Bagindo , itoelah kato sabananjo , aga ' bange' malah Bagindo ,. nagari lah lamo manantikan ."

Dalam sabanta itoe djoeo, alah taga' Bagindo Kajo , doedoea'- lah injo basiasieng nan sakaoem-kaoem injo, mamparoendiengkan kato itoe ; itoepoen soeko samonjo , handa' mamakai injo balako , soerang poen tida ' nan managahkan , hanjolah boelē ' samonjo , manjoeroeah mamakai gala itoe, kapado Bagindo Kajo .

Alah soedah injo baroendieng , laloe babalie ' anjolaï , kapado datoea ' nan tadi ; sarato tibo injo doedoea ' , laloe manjambah anjolaï :

„Ampoenlah sajo pado datoea' , nan panitahan datoea ' tadi, alah soedah kami moepakat, sagalo kami nan badansana' .

Nan kaboelatan kami basamo, malah ba'itoe minta ' datoea ' , kamano poelo kami ka lari , misiki patjah djan kapalo , ataupoen roentoeah dangan bahoe , malah dansana' mandjoedjoeangkan, baban kami bao djoeo , kami tarimo anjolaï , nan panitahan datoea ' itoe."

Mandjawab Datoea' Padoeko 'Alam , sambie tatawa gala' sanjoem : „ Malah ba'itoe djo Bagindo , itoelah sanang hati kami.

Kini ba'itoe anjolaï , mano kalian padja -padja , sagalo kito nan sasoekoe , baie ' korong dangan kampoeang 'ko, sagalo oerang patoei '-patoei , habih bakameh malah kito, bari tahoe malah bakonjo , sarato dangan ana' roemahnjo , bahaso Bagindo djadi pangoeloe , manggantikan datoea ' nan mati 'ko, ama ' diangkē' injo kini ; sadiokan malah pakaiannjo , mano nan tida' soeroeah tjari , apo nan koerang soeroeah salang, patantoekan malah de' datoea ' ," kato Datoea' Padoeko 'Alam kapado Datoea ' Lēlo Nan Poetieh ,,, ama ' hambo naie' karoemah , mandapē'kan datoea ' nagari , oerang lah lamo manantikan ."

Dalam sabanta itoe djoeo , bakokohlah korong dangan kampoeangnjo , sarato oerang isi soekoenjo, mantjari apo nan tida' , manoekoea ' apo nan koerang , oentoea ' pakaian de' pangoeloe , diadjoenkan Datoea' Lēlo Nan Poetieh . Soedah salamat samonjo , laloe didjalang poelo bakonjo , sarato ninie ' mama' parampoeannjo , mangatokan Bagindo Kajo djadi pangoeloe , manggantikan datoea ' nan mati .

Mandanga kato ba'itoe, ninie ' mama' sabalah bakonjo , sarato ninie ' mama ' parampoeannjo , laloe mandjawab maso itoe : „Malah ba'itoe kaboelatan , manarimo soeko sadjo kami , alhamdoeli'llah itoe di kami ."

Adapoen Datoea' Padoeko 'Alam, dangan datoea' nan lainlain , sagalo datoea ' dalam Patapang Tigo Balai, laloe babalie' karoemah gadang, mandapē'kan datoea ' nagari , doedoea ' ditantang pintoe gabang, mangadap karoeang tangah ; alah soedah doedoea ' samonjo , laloe manjambah anjolaï , io Datoea' Padoeko 'Alam , kapado datoea ' nagari , ba'itoe boeni sambahnjo :

,,Ampoen basalah sajo de ' datoea ' , sado nan halie saisi roemah nan gadang 'ko, sarato partiapan toean manti pagawai , dangan toean oerang kajo-kajo, sajo mandatangkan sambah , tida' akan tahato ' akan tabilang , sambah sajo mandjalani ka haribaan sagalo datoea ' sado nan halie ; sajo rapa' panjambahan katangah , soenggoeahpoen ditangah , di-Datoea' Padoeko Intan djoeo tampe' tibo sambah. "

„Kapado Allah, manitahlah datoea '," djawab Datoea ' Padoeko Intan .

Maoelang Datoea ' Padoeko 'Alam : „Apolah nan akan sajo sambahkan ? Adapoen nan parmintaan datoea ' nagari tadi , kapado kami datoea '-datoea ' dalam Patapang Nan Tigo Balai, karano datoea ' nagari lah kahilangan soerang dansana' , nan baïtjo nan bapakai , de' datoea ' dalam nagari , ko' mati gadjah tingga gadiengnjo , mati harimau tingga balangnjo , mati datoea ' basilieh djo datoea ' , kini karano datoea ' nan toeo lah dahoeloe dari kito , sakarang handa' siliehnjo datoea' nagari ; ba'itoe parmintaan datoea ' nagari tadi , kapado kami datoea ' dalam Patapang Nan Tigo Balai."

„Sabananjo ," djawab Datoea ' Padoeko Intan.

Maoelang Datoea' Padoeko 'Alam : „ Inda ' lai, dē' kami sagalo datoea '-datoea ' dalam Patapang Nan Tigo Balai , ko' digajoei ' batoe de' datoea ' nagari , iolah akan tanggalam kami , ko' digajoei ' saboei ' iolah akan tarapoeang kami ; kini kami lah dibabani oelieh datoea' nagari , soepajo diganti datoea ' nan hilang 'ko, de' kami datoea'-datoea ' dalam Patapang Nan Tigo Balai.

Itoepoen alah, lah kami paiokan poelo , tantangan parmintaan datoea ' nagari itoe ; barakat kabasaran datoea ' nagari , laï tahimbau di namonjo , laï tatoeroei ' di djalannjo, alah sakato kami disanan , sagalo datoea ' dalam Patapang , sarato korong dangan kampoeang , akan manjilieh datoea ' , nan hilang 'ko.

Alah saoedjoei' sapangana kami dangan datoea ' nagari tantangan itoe.

Soenggoeahpoen itoe damikian , karano pitoea oerang toeo , poetoeih kato dipangkanjo , soedah gajoeang dibalabēh , kini saboeah laï pinta ' kami , kapado datoea ' dalam nagari , sabab hari , koetikopoen lah sadang ēlo ' , alahkoh akan djadi 'ko alah baie' kito soeroeah . kasiekan , tampe' kadoedoea'an oentoea ' datoea ' nan baroe, boekankoh ba'itoe djoeo pitoea dalam nagari , sakian sambah sajo ."

Mandjawab Datoea' Padoeko Intan : „Mano Datoea' Padoeko 'Alam, djoko ' itoe nan panitahan , managa datoea ' sakoetiko , ama' lah sajo paiokan poelo , dangan dansana' sado nan halie . "

,,Alhamdoeli'llah ," djawab Datoea' Padoeko 'Alam .

Laloe manjambah poelo Datoea' Padoeko Intan, kapado datoea' nagari kiri dan kanan , nan saisi roemah itoe manarangkan parmintaan datoea ' dalam Patapang Nan Tigo Balai itoe, tampē' kadoedoea'an , oentoea ' tantangan akan mampaboeë ' datoea ' nan baroe, nan akan diangkē ' 'toe :

„Alah kan patoei' kito soeroeah hasiekan , tampē' kadoedoea'- an datoea ' nan baroe atau baloen, atau ko' ba'apo nan kan , karana datoea ' -datoea ' dalam Patapang Nan Tigo Balai , ēlo ' mananti pitoea dari kito , datoea ' nagari sado nan halie . "

Mandjawab poelo sagalo sidang karapatan datoea ' nagari : „Mano Datoea' Padoeko Intan, djoko ' itoe nan parmintaan datoea ' -datoea ' Patapang Nan Tigo Balai , alah sapatoei'-patoei'njo itoe ; ba'ato poelo laï , laloekanlah de' datoea ' kapado datoea ' Patapang Nan Tigo Balai, soepajo ama ' basoegiro baliau . "

Mangko dikoembalikan poelolah sambah itoe, oelieh Datoea' Padoeko Intan , kapado datoea '-datoea ' dalam Patapang nan tigo balai , damikian boeninjo :

„Maminta ' ampoen djoeolah sajo , kapado karapatan sagalo datoea' djan toeankoe, sarato toean manti pagawai , ataupoen toean oerang kajo-kajo, sado nan halie saisi roemah nan gadang 'ko ; sajo manjambah tida ' akan tahato ' akan tabilang , sambah sajo mandjalani , kaharibaan sagalo datoea '-datoea ' sado nan halie, di -Datoea' Padoeko 'Alam djoeo, tampē' tibonjo sambah sajo ."

,,Kapado Allah , manitahlah datoea '," djawab Datoea' Padoeko 'Alam .

„Apolah nan akan sajo sambahkan , nan ba' pitoea datoea' tadi , karano hari lah baie ' , koetiko alah ēlo ' , alahkoh akan djadi disoeroeah hasiekan , tampe' kadoedoea'an oentoea ' datoea ' nan baroe, ba'itoe panitahan . "

„ Sabananjo , " djawab Datoea ' Padoeko 'Alam.

Moelang poeló Datoea' Padoeko Intan : „ Inda ' lai , limbago lah ba'itoe , nan kahanda ' hati datoea'-datoea ' dalam Patapang Nan Tigo Balai , sapandjang pandapē' kami datoea ' nagari sado nan halie , alahlah saēlo'-ēlo'njo itoe, parēnaïlah datoea ."

,,Alhamdoeli'llah ," djawab Datoea' Padoeko 'Alam.

Salasai dari pado itoe , mangko manitahlah datoea '-datoea ' , dalam Patapang Nan Tigo Balai , kapado oerang nan patoei '-patoei ' , parampoean nan tjadie ' pandai dalam kampoeang 'toe, sarato dihimbau poelo bakonjo Bagindo Kajo , nan akan djadi datoea ' nan baroe, dan kari' ana ' roemahnjo , disoeroeah mampaboeē' kadoedoea'an itoe, manoeroei' sapandjang 'adat, sabarih bandoea ditangah , antaro oedjoeang dangan pangka , alah bakameh poelo bakonjo , sarato kaoem ana ' roemahnjo , mamboeē ' tampē' kadoedoea'an 'toe .

Laloe dikambang kasoea pandjang , dihampaï lapie ' paramadani , takambang poelo tilam boengo , sarato tika sandiaman , dilata'kan poelo saboeah kasoea panda' , baalēh dangan dalama' , balingkoeang dangan lingkoeang kasoea , batoelih dangan banang ameh, bataboea dangan api -api , karih basilang diatēhnjo, karih gadang bahoeloe gadieng, saroeang ameh majang taoerai , sarato kadoei ' barantai , talata ' poelo pandieng djadam , saboeah poelo pandieng amēh , diatēhnjo dēta sabali' amēh ; kasoea nan panda' tadi , dilata'kan dikapalo kasoea pandjang , disabalah kasoea panda ' ; disoesoen poelo kalangoeloe, adolah ampē' limo boeah , banamo balako kasamonjo .

Alah soedah kasoea tabantang , ditaga'kan poelo banta gadang , banamo banta sarago, bamato pandjang timba balie' , basoedji djo banang ameh , batakat makau bakoelilieng , mariboe api -apinjo , bagelangan tjamin gadangnjo ; dimoeko banta gadang 'toe , bahampa dangan kain sakalat , io sakalat ' ainal banat . Alah soedah banta tataga ' , dilata'kan poelo doelang doeo kaki, doelang paha bakaki gadang, baaleh dangan dalama ' , batirai balidah ameh , talata ' poelo pakaian diatēhnjo , tjoekoei'lah itoe sarato padang batjatainjo, io pakaian dari bakonjo , doeo pasalin pakaian dari ana ' roemahnjo nań badoeo , djadi tigo doelang pakaian , ampē dangan pakaian si pangkalan ; dihampaikan poelo kain gambaran , adolah poelo ampē ' pasalin , io kain pandjang goendjai , sarato dangan kampo djara' , basalo dangan salēndang kētë' .

Alah salamat kadoedoea'an , sarato pakaian kasamonjo , laloe dihimbau Bagindo Kajo , oelieh datoea' nan tigo balai , injopoen naie' maso itoe, doedoea ' sabalah katapi , dake' datoea ' nan tigo balai ; alah doedoea ' Bagindo Kajo, manjambah Datoea' Padoeko 'Alam , kahadapan datoea ' nagari , ba'itoe boeni sambahnjo :

,,Maminta ' ampoen djoeolah sajo , bakēh datoea' sado nan halie, saisi -isi roemah nan gadang 'ko, sarato partiapan toean manti pagawai , dangan toean oerang kajo-kajo ; sajo manjambah tida' akan tahato ' akan tabilang , sambah sajo mandjalani datoea' sado nan halie.

Sajo rapa ' panjambahan katangah , soenggoeahpoen ditangah di-Datoea' Padoeko Intan djoeo tampē' tibonjo sambah sajo . "

„Kapado Allah , manitahlah datoea '," djawab Datoea ' Padoeko Intan .

Maoelang Datoea' Padoeko 'Alam : „Apolah nan akan sajo sambahkan , karano pakaian dan kadoedoea'an , nan akan oentoea ' datoea ' nan baroe, alah hasie samonjo .

Kini nan parmintaan kami , datoea '-datoea ' dalam Patapang Nan Tigo Balai, iolah handa' maminta ' djoeo, kapado datoea ' nagari .

Alahkoh kan djadi kito soeroeah mamakai , nan akan djadi datoea ' nan baroe , sapajo kito angkē' basamo -samo , sakian sambah sajo , kapado datoea' sado nan halie . "

Mandjawab Datoea' Padoeko Intan : „ Mano Datoea' Padoeko 'Alam, di datoea ' tibo sambah sajo , managa datoea ' sakoetiko , ama'lah sajo paiokan poelo , dangan dansana' sado nan halie ."

Alhamdoeli'llah ," djawab Datoea' Padoeko 'Alam,

Itoepoen manjambahlah poelo Datoea' Padoeko Intan, kapado sidang karapatan datoea ' nagari , manjampaikan parmintaan datoea'-datoea ' nan tigo balai 'toe , ko' lah kan patoei' disoeroeah mamakai , baliau nan kan djadi datoea ' nan baroe atau baloen, karano alē ' pakaian alah salamat samonjo .

Maka didjawab poelo de ' datoea ' -datoea ' nagari , kapado Datoea' Padoeko Intan, mangatokan saēlo'-ēlo'njo dikatangahkan , baliau nan kan djadi datoea ' nan baroe, karano hari lah baie' koetiko lah ēlo' , tampē'njopoen alah samporono poelo .

Alah dapē' balasan dari datoea '-datoea ' nagari , mangko manjambahlah poelo Datoea ' Padoeko Intan, damikian boeninjo :

„Maminta ' ampoenlah sajo di haribaan datoea ' , sado nan halie saisi roemah nan gadang 'ko, sajo manjambah tida' akan tahato' akan tabilang , sambah sajo mandjalani kaharibaan sagalo datoea ' , di-Datoea' Padoeko 'Alam djoeo tibonjo sambah sajo ."

„Kapado Allah, manitahlah datoea ," djawab Datoea ' Padoeko 'Alam .

Maoelang Datoea ' Padoeko Intan : Mano Datoea ' Padoeko 'Alam, kato dahoeloe basitinah , kato koedian basitjapē ' , basitjapē ' sadjo sajo dangan datoea ' .

Inda ' lai nan sapandjang parmintaan datoea ' -datoea ' , dalam Patapang Nan Tigo Balai 'toe , handa' manjoeroeah mamakai baliau nan kan djadi datoea' nan baroe, soepajo dikatangahkan dan diangkē ' basamo -samo , ba'itoe panitahan datoea '. "

„Sabananjo , " djawab Datoea' Padoeko 'Alam.

Maoelang Datoea' Padoeko Intan : „ Sapandjang parmintaan datoea ' -datoea ' dalam Patapang Nan Tigo Balai itoe, alah poetjoea' ditjinto oelam tibo itoe di kami , parēnaïlah datoea ' , ama ' basoegiro ."

„Alhamdoeli'llah , " djawabnjo Datoea' Padoeko 'Alam .

Alah soedah idjin dari datoea ' nagari 'toe , mangko disoeroeahlah Bagindo Kajo , mamakai pakaian nan talah disadiokan 'toe , de' datoea '-datoea ' dalam Patapang Nan Tigo Balai ; itoepoen dipakailah oelieh Bagindo Kajo , sagalo sahalai pakaian -pakaian nan dari bakonjo , dan diambie'njo poelo sahalai -sahalai pakaian nan dari ana' roemahnjo ( parampoeannjo ) 'toe , sarato pakaian si pangkalan pantjoekoei'i . Dikana'kan sarawa batjanggai Atjēh , sahēto poetjoea' raboeangnjo , batoera' djo banang Amēh , silang -basilang oekie tjinonjo , maratoeih api-apinjo .

Dikana'kan poelo badjoe rompi , biloedoe basolam makau , bataboea ameh satoe-satoe ; alah soedah rompi takana ' , dikana'- kan poelo malah sērong, banamo kain baadjoeang , bataboea djo banang amēh, batjoekie bapoetjoea' raboeang. Alah soedah sērong takana ' , dikana'kan poelo ikē' pinggang , dangan tjandai pandjang toedjoeah ; soedah takana ' ikē' pinggang , dikana'kan poelo pandieng djadam , paboeatan djihin Sigoelambai , rononjo babagai -bagai , dipandang bakilē '-kilē' , hitam tida' biroepoen , adang-adang dipandang poetieh, bagelang disinar panēh ; tida ' alah soedah pandieng takana ' , dipasisi ' karih sabilah , karih gadang bahoeloe gadieng, saroeang amēh majang taoerai .

Alah soedah karih takana ' , disaroeangkan poelo badjoe gadang , badjoe gadang biloedoe gandoem , goentiengnjo tjaro Minangkabau , djahi'njo tjaro Sialahan , lihie tinggi langannjo pandjang , basolam balako samonjo , batakat djo banang amēh , batoelih makau sakoelilieng . Samantaro injo mamakai , oelieh datoea' dalam Patapang , laloe diikē dēta saboeah , banamo dēta sabali ' , kain poetieh balipē ' tigo , dikitjoei' moengko dibali ' , oedjoeangnjo kaateh kabawah , baike' ditangah - tangah ; itoelah dēta moelo paangkē' , ba'itoe sapandjang 'adat.

Alah soedah dēta diike ' , dilata ' dalam tjarano, tjarano gadang batirai, baaleh djan dalama' .

Alah soedah injo mamakai , dētapoen soedah baikē', manitah datoea ' dalam Patapang , kapado Bagindo Kajo , disoeroeah doedoea ' katangah , katampē' nan diboeē ' tadi .

Alah doedoea ' injo kasanan , laloe disoeroeah saoerang manti , oelieh datoea' nan tigo balai , taga' basērong sapatoei'- njo, mambao dēta nan tadi , ditatieng dangan tjaranonjo. Soedah diaso ' djan koemajan , disoeroeah djalankan dēta itoe, dibao kadatoea' poetjoea' , lapēh dari datoea ' poetjoea' , dibao kadatoea' ampē ' soekoe ; lapēh poelo dari sitoe, dibao kadatoea' isi nagari ; sado nan halie diroemah 'toe , baie' manti dangan pagawai , sagalo oerang ampe' djinih , mangako ' balako samonjo , mambatjokan do'a salamat, salamat datoea ' nan baroe, ba' itoe boeni saroenjo , oekatoe mangako' dēta 'toe . Alah soedah dēta didjalankan , laloe dibao anjolaï , kamoeko datoea ' nan baroe, disoeroeah pakai itoe sakali .

Oekatoe dēta akan disaroeangkan , oelieh datoea ' nan baroe 'toe , maminta ' idjin injo kaiboenjo ; soedah maminta ' idjin kaiboenjo , manjambah poelo injo kapangka , manjambah poelo injo kaoedjoeang, manjambah hado ' katapi , manjambah poelo injo katangah , kapado sagalo karapatan , sambah itoe maminta ' idjin , akan manjaroeangkan dēta itoe. Alah soedah injo maminta ' idjin , ditarie ' dēta dilakë'kan , diboeang dēta nan lamo , ditanggaï dari kapalo , disilieh djo dēta baroe, dēta angkatan ninie ' mama' .

Adolah Bagindo Soetan, dansana'njo diroemah nan sabalah 'toe, warih nan kan mandjawe' , nan sadjari dangan injo. Baroe talata ' dēta nan lamo 'toe , laloe ditarie ' dipakainjo , tampa' ba'itoe sapandjang 'adat, pasalinan itoe namonjo , ama' oelieh oerang banja ' , tandonjo injo nan si warih, kalau habih datoea ' nan iko, karoemah itoe baraliehnjo , basalin sagalo haratonjo , baie' banja ' atau sakētē ' , itoelah oerang akan mandjawē ' , sarato gala poesakonjo .

Baroe sadjo dēta disaroeangkan , oelieh datoea ' nan baroe 'toe , dalam sabanta itoe djoeo, laloe taga' saoerang manti , dalam Patapang Nan Tigo Balai, nan bapangkē ' pagawai 'adat, basanda ditiang timboen, mahado' katangah roemah, dimoeko datoea ' nan baroe itoe.

Adolah mantinjo maso itoe, bagala Bagindo Radjo , laloe manjambah ka nan rape' , ba'itoe boeni sambahnjo :

„Assalamoeʻalaikoem ! Ampoen basalah sajo diharibaan sagalo datoea '-datoea ' sajo sado nan halie , atau toean manti pagawai , nan bakaki nan badjalan , nan batangan nan mandjangkau, sarato partiapan toean doebalang nan samaratabat , atau di toeankoe sajo 'alim 'aloema nan saoegamo , atau di toean oerang kajo-kajo sado nan halie , saisi -isi roemah nan gadang 'ko ; sajo manjambah tida ' akan tahato ' akan tabilang , sambah saja mandjalani , sidang karapatan datoea ' sado nan halie , apolah nan akan sajo sambahkan , iolah nan ba' pitoea datoea' nan toeo-toeo :

Ana' itie' atēh dalimo ,

ana ' alang dalam baloeka ;

katjie' de' sajo tida ' akan tapoedji namo ,

gadangpoen tida' akan tapoedji gala.

Malainkan sambah djoeo mandjalani .

Apolah nan akan sajo sambahkan , nan ba' djanjo pitoea datoea' nan toeo -toeo :

Asa Datang mantjalago , asa bidjo toemboeah djoeo ; soenggoeahpoen tida ' datoea ' nan toeo , datoea ' moedo iko nan siliehnjo .

Poelai nan bapangke' naie' , maninggakan roeeh djan boekoe , manoesie nan bapangkē' toeroen, maninggakan barih djan balabēh , 'adat djan poesako .

Mati gadjah tingga gadiengnjo , mati harimau tingga balangnjo , mati datoea ' basilieh djo datoea ' .

Birie' -birie ' tabang kasasa ' ,

dari sasa ' kahalaman ;

dari ninie ' toeroen kamama' ,

dari mama' kakamanakan .

Dē' kamanakan warih didjawē ' , poesako ditolong , piagam dipatji' , koelipah dipakai .

MOESTIKO ' ADAT 'ALAM M NANGKABAU. 10

Ramo - ramo si koembang djanti ,

kati ' Endah poelang bakoedo ;

patah toemboeah hilang baganti ,

poesako datoea ' ba'itoe djoeo.

Mano -manolah poesako datoea ' nan ba'itoe djoeo, iolah nan didalam kampoeang iko, tjoepa ' nan djan gantang , boengka nan piawai , taradjoe nan bagato ' , harato bapoesako , gala bakoelipah .

Pariangan koto nan lamo,

Padang Pandjang nagari asa ;

balarangan sajo manjaboei ' namo,

bapantangan sajo manjaboei ' gala.

Dē' barih moengko dipahē' , de' djalan moengko ditampoeah , ampoenlah sajo de datoea ' , sakarang kini sajo sambahkan , kaharibaan datoea ' sado nan halie : Soetan Kabilangan namonjo , nan bagala Bagindo Kajo dahoeloe , baliaulah nan mamakai koelipah , iolah bagala Datoea' Radjo Pangoeloe .

Itoelah koelipah baliau pakai , nan baliau djawē ' toeroen-toemoeroen , dari pado ninie '-ninie ' baliau . Nan sahinggo iko kaatēh, nan didalam kampoeang iko , kalau tasoeo oetang, baliau nan akan mambaiekan, kalau tasoeo pioetang , baliau nan akan manarimokan .

Baliaulah nan tinggi diandjoeang , gadang dilamboea' , paï akan tampe' batanjo , poelang akan tampē' babarito , nan didalam kampoeang iko.

Sadjo iolah, ama ' dibao saara' sairieng , saale ' sadjamoe , saoetang sapioetang, salarangan sapantangan , datoea' nan baroe iko, nan sahinggo iko kaatēh .

Kalau tasoeo ara' nan djo irieng , alē' nan djo djamoe , sadjo iolah ama ' dioetjap dipanggiekan datoea ' baroe iko .

Baie ' de' toeankoe sajo , radjo nan sadaulat, ataupoen de' datoea' sajo pangoeloe nan sahandiko , atau dē' toeankoe sajo 'alim 'aoelama nan saoegamo , atau de' toean doebalang nan samaratab , atau de' toean manti pagawai , nan bakaki nan badjalan , nan batangan nan mandjangkau , sadjo iolah ama' dikaka lawēh dirantang pandjang , nan sahinggo iko kaatēh , sambah sajopoen naie' , titah datoea ' djoeo sajo poehoenkan , ampoenlah sajo de' datoea '. "

Damikianlah boeninjo sambah manti 'toe .

Salasai manti itoe manjambahkan pidato 'toe , mangko balēgalēga poelolah sagala datoea '-datoea ' isi nagari , nan diatēh roemah 'toe , akan mandjawab panjambahan itoe. Alah sakato samonjo , mangko disoeroeahlah poelo taga' saoerang manti oelieh datoea ' nagari , akan manarimo panjambahan 'toe .

Adolah pado maso itoe, nan disoeroeah oelieh karapatan datoea' nagari , akan manarimo panjambahan itoe, iolah Soetan Madjo Lēlo galanjo , pagawai 'adat dalam soekoe Mandahilieng .

Mangko badirilah poelo Soetan Madjo Lélo , basanda ditiang pandjang , mahado' kapado manti nan manjambahkan moelo tadi , laloe manjambah poelo , damikian boeni sambahnjo :

,,Assalamoeʻalaikoem !

Maminta ' ampoenlah sajo kapado datoea' nagari nan tigo, sarato partiapan toean manti pagawai , sarato toean oerang kajokajo , sado nan tatanai de' lantai , sado nan tasoengkoei ' dē' , dari oedjoeang laloe kapangka , dari tangah laloe katapi , ato ' sajo manjambah tida ' akan tahato ' akan tabilang , sambah sajo mandjalani , kaharibaan sagalo karapatan datoea ' . Sajo rapa' panjambahan katangah , soenggoeahpoen ditangah , di-Toean Bagindo Radjo tampe' tibonjo sambah sajo . "

,,Kapado Allah , manitahlah toean, " djawab Bagindo Radjo.

Maoelang Soetan Madjo Lélo : „Apolah nan akan sajo sambahkan , nan ba' pitoea toean pagawai tadi , oesah kato akan dioelang-oelang :

Asa batang mantjalago ,

asa bidji toemboeah djoeo ;

soenggoeahpoen tida' datoea ' nan toeo ,

datoea ' moedo iko nan siliehnjo .

Poelai nan bapangkē' naie' , maninggakan roeeh djan boekoe ; manoesie nan bapangkē ' toeroen, maninggakan barih djan balabēh, 'adat djan poesako . Mati gadjah tingga gadiengnjo, mati datoea ' basilieh djo datoea' .

tabang kasasa' Birie'-birie' ,

dari sasa ' kahalaman ;

dari ninie ' toeroen kamama' ,

dari mama' kakamanakan .

Dē' kamanakan warih didjawē ', poesako ditolong , koelipah dipakai .

Ramo -ramo si koembang djanti , Kati ' Endah poelang bakoedo ; patah toemboeah hilang baganti , poesako datoea ' ba'itoe djoeo .

Mano -manolah poesako datoea' nan ba'itoe djoeo ? Iolah nan didalam kampoeang iko , tjoepa ' nan djan gantang , boengka nan piawai , taradjoe nan bagato' , harato bapoesako , gala bakoelipah .

Pariangan koto nan lamo,

Padang Pandjang nagari asa ;

Balarangan sajo manjaboei ' namo,

bapantangan sadjo manjaboei ' gala .

Dē' barih mangko dipahē' , de' djalan mangko ditampoeah , ampoenlah sajo di datoea ' , sakarang kini sajo sambahkan ka haribaan datoea ' sado nan halie : Soetan Kabilangan namonjo nan bagala Bagindo Kajo dahoeloe , baliaulah mamakai koelipah .

Mano -manolah koelipah nan baliau pakai , iolah Datoea' Radjo Pangoeloe, manggantikan gala poesako mama ' baliau, itoelah koelipah baliau , nan baliau djawe ' toeroen-toemoeroen , dari ninie '-ninie ' baliau . Nan sahinggo iko kaatēh , nan didalam kampoeang iko, kalau tasoeo oetang , baliau nan akan mambaiekan , kalau tasoeo pioetang, baliaulah nan akan manarimokan . Baliaulah nan tinggi diandjoeang , gadang dilamboea' , paï akan tampē' batanjo , poelang akan tampē' babarito , nan didalam kampoeang iko.

Sadjo iolah ama ' dibao saara ' sairieng , saalē sadjamoe , saoetang sapioetang, salarangan sapantangan , datoea ' nan baroe 'ko, nan sahinggo iko kaatēh.

Kalau basoeo ara' nan djo irieng , alē ' nan djo djamoe , sadjo iolah ama ' dioetjap dipanggiekan , datoea ' nan baroe, nan sahinggo iko kaatēh . Baie' de' toeankoe radjo sajo nan sa daulat , baie' de' datoea ' sajo pangoeloe nan sahandiko , baie ' poen de' toeankoe sajo 'alim 'aloema nan saoegamo , baie' dē' toean doebalang nan samaratabat , baie ' de' toean manti pagawai , nan bakaki nan badjalan , nan batangan nan mandjangkau . Sadjo iolah ama ' dikaka lawēh dirantang pandjang , nan sahinggo iko kaatēh, sambah sajopoen naie' , titah datoea ' djoeo sajo poehoerkan , ba'itoe panjambahan toean."

„Sabananjo ," djawab Bagindo Radjo.

Maoelang Soetan Madjo Lélo : „ Inda ' lai oetjapan sagalo datoea' sado nan halie , kasieh ditarimo , titah didjoedjoeang ." „Alhamdoeli'llah ," djawab Bagindo Radjo poelo .

Soedah itoe manti itoepoen doedoea'lah koembali kadoeonjo , katampē'njo masieng-masieng tadi .

Alah soedah gala disambahkan , dan ditarimo oelieh karapatan datoea ' nagari , mangko disoeroeahlah poelo taga' koembali Bagindo Radjo,, oelieh datoea '-datoea ' dalam Patapang Nan Tigo Balai , manjambahkan ' adat nan akan diisi , limbago nan akan ditoeang kapado sagalo datoea '-datoea ' nagari 'toe.

Itoepoen taga'lah poelo Bagindo Radjo, laloe manjambah , damikian boeninjo :

,,Maminta ' ampoenlah djoeo sajo , di datoea' nagari nan tigo , sarato partiapan toean manti pagawai , dan toean ana ' oerang kajo-kajo, sado nan halie saisi roemah nan gadang 'ko ; sajo manjambah tida ' akan tahato ' akan tabilang , sambah sajo mandjalani kaharibaan sagalo datoea ' nan halie . Apolah nan akan sajo sambahkan ? Karano haripoen lah baie' , koetikopoen lah , dē' ' adat datoea ' dalam nagari , nan baïtjo nan bapakai , nan ēlo ' batoeroen bapanaie'kan , tipa' di nan saroepo iko, 'adat kapado , sidakah kapado sagalo toeankoe. sagalo datoea '

Sakarang kini oetjapan datoea ' , dalam Patapang Nan Tigo Balai , tipa ' di 'adat alahkoh akan djadi dipalaloe , kapado datoea ' nagari nan tigo sado nan halie , dimano -mano tampē' tibonjo , sambah sajo naie' , titah datoea' djoeo sajo poehoenkan."

Mangko sambah itoepoen dipaiokan poelo, oelieh karapatan datoea ' nagari ditangah roemah 'toe. Alah samoepakat, mangko disoeroeah djawabnjo poelo sambah itoe, kapado saoerang mantinjo.

Mangko badirilah poelo saoerang manti datoea ' nagari dari tangah . Adolah mantinjo nan mandjawab sambah 'toe , bagala

Radjo Nan Moedo, manti dalam soekoe Tjaniago , laloe manjambah damikian boeninjo :

,,Maminta ' ampoenlah sajo di haribaan datoea' djan toeankoe, sarato partiapan toean manti pagawai , dan toean doebalang nan samaratabat , atau toean oerang kajo-kajo sado nan halie saisi roemah nan gadang 'ko ; sajo manjambah tida' akan tahato' akan tabilang , sambah sajo mandjalani ka haribaan datoea ' sado nan halie ; sajo rapa' panjambahan katangah , soenggoeahpoen ditangah ditoean Bagindo Radjo tampē' sambah tibo ."

„Kapado Allah , manitahlah toean , " djawab Bagindo Radjo .

Maoelang Radjo Nan Moedo : „Apolah nan akan sajo sambahkan , nan ba' pitoea toean pagawai tadi :

Karano haripoen lah baie ' , koetikopoen lah ēlo ' , tipa' di 'adat djo sidakah , nan baïtjo nan bapakai , de' datoea ' dalam nagari , tipa ' di nan saroepo iko , iolah 'adat kapado sagalo datoea ' , sidakah kapado sagalo toeankoe .

Kini tantangan nan sapandjang 'adat , oetjapan datoea ' dalam Patapang Nan Tigo Balai, alah akan dipalaloe , kapado datoea'- datoea ' nagari , dimano -mano tampe' tibonjo , ba'itoe panjambahan toean ."

„Sabananjo ," djawab Bagindo Radjo .

Maoelang Radjo Nan Moedo : „ Inda ' lai de' datoea ' nagari sado nan halie , lah poetjoea' ditjinto oelam tibo , kasieh ditarimo , titah didjoedjoeang sadjo . "

„Alhamdoeli'llah , itoelah nan kahanda ' hati ," djawab Bagindo Radjo .

Soedah batarimo sambah itoe, mangko datoea ' -datoea ' daiam Patapang Nan Tigo Balaipoen maisilah doeo tigo boeah tjarano batirai, dangan oeang nan akan paisi 'adat itoe, sabagaimano nan soedah dibiasokan .

Alah soedah tjarano diisi, laloe disoeroeah poelo doeo tigo oerang manti , mandjalankan 'adat itoe, kapado sagalo datoea ' nan halie , sarato kapado sagalo oerang patoei'-patoei' samonjo . Mangko manti itoe badjalan dangan haromatnjo , sarato basērong dangan sapatoei'njo , mambarikan 'adat-'adat itoe, kapado sagalo datoea '-datoea ' nan rape' , dan oerang-oerang patoei'- patoei ' kasamonjo . Alah soedah 'adat diisi, limbago soedah ditoeang , kapado sagalo datoea '-datoea ' dan oerang patoei'- patoei' itoe, mangko disoeroeahlah poelo taga' saoerang manti , oelieh datoea ' dalam Patapang Nan Tigo Balai, akan manarangi 'adat-'adat itoe , kapado sidang karapatan datoea '-datoea ' nagari . Mangko badirilah poelo saoerang mantinjo maso itoe, bagala Bagindo Sati, laloe manjambah damikian boeninjo :

,,Maminta ' ampoenlah sajo , kapado karapatan datoea ' sado nan halie , nan saisi -isi roemah nan gadang 'ko , sarato partiapan toean manti pagawai , dangan toean oerang kajo -kajo , sajo manjambah tida ' akan tahato ' akan tabilang , sambah sajo mandjalani kaharibaan datoea ' sado nan halie .

Apolah nan akan sajo sambahkan , karano nan badjalan ana' boeah datoea ' moedo matah , tipa ' di 'adat nan didjalankan , ko' talampau ko' talampo ' , sadjo iolah ama ' batanjoan datoea ' nan badakē'-dakē ' doedoea ' , tio'-tio ' roeang tio'-tio ' saho ' . Ko' oempang boelieh disisi ' , ko' tingga boelieh didjapoei ' , sambah sajopoen naie' , titah datoea ' djoeo sajo poehoenkan."

Mandanga panjambahan itoe, mangko sagalo datoea'-datoea' dan oerang patoei' -patoei' itoe, batanjoanlah nan badakē'- dakē ' doedoea ' , nan tio '-tio' roeang tio '-tio ' saho ' . Alah soedah injo batanjoan 'toe , mangko disoeroeahnjo poelolah saoerang mantinjo , oelieh datoea ' nagari , akan mandjawab panjambahan 'toe, sarato disoeroeah poelo maminta ' idjin sakali .

Pado maso itoe badirilah poelo , saoerang manti datoea ' nagari dari tangah , Parmato Intan galanjo , laloe manjambah damikian boenjinjo : „ Maminta ' ampoenlah sajo dikarapatan datoea' djan toeankoe, sarato toean doebalang nan samaratabat 1 atau toean manti pagawai , sarato partiapan toean oerang kajokajo, sado nan halie saisi roemah nan gadang 'ko. Sajo manjambah tida ' akan tahato ' akan tabilang , sambah sajo mandjalani sidang karapatan datoea ' sado nan halie , sajo rapa ' panjambahan katangah , soenggoeahpoen ditangah ditoean Bagindo Sati tampē' tibo sambah. "

„Kapado Allah , manitahlah toean , " djawab Bagindo Sati . Maoelang Parmato Intan : „Apolah nan akan sajo sambahkan, nan ba' pitoea toean tadi , karano nan badjalan ana ' boeah datoea ' moedo matah, tipa' di 'adat djan limbago nan soedah diisi , sadjo iolah ama ' batanjoan datoea' nan badakē '-dakē' doedoea ' , nan tio -tio' roeang tio '-tio ' saho' , ko ' oempang boelieh disisi' , ko' tingga boelieh didjapoei ' , ba'itoe panjambahan toean."

„Sabananjo ," djawab Bagindo Sati.

Maoelang Parmato Intan : „ Inda ' lai nan sapandjang panjambahan toean 'toe , alah soedah batanjoan sagalo datoea' nan badake'-dakē' doedoea ' , nan tio'-tio' roeang tio' -tio' saho' ; insja Allah ko' tēmba' alah tibo di'alamat , pandang lah tibo disasaran , alah taimbau di namonjo , alah tatoeroei ' didjalannjo, alah salamat itoe samonjo , satoepoen tida' katinggalan dimano-mano tampē' tibonjo ."

„Alhamdoeli'llah , itoelah nan kahanda' hati ," djawab Bagindo Sati .

Maoelang Parmato Intan : „Sabarih laï sambah sajo , ditoean djoeo tampē' tibonjo ."

„Kapado Allah , manitahkah toean ," sahoet Bagindo Sati.

Maoelang Parmato Intan, damikian boeni katonjo : „Apolah nan akan sajo sambahkan , karano hari 'ko lah baie' , koetikopoen alah ēlo' , nan diniē ' alah sampai , kahanda'poen alah salamat, dan angkatan datoea ' nan baroepoen alah samporono samonjo, sakarang kini sagalo datoea ' djan toeankoe, sado nan halie nan saisi roemah nan gadang 'ko, sadjo iolah handa' maminta ' idjin bamain -main kabawah , handa ' poelang koembali katampē' masieng-masieng ; pangharapan datoea ' sado nan halie , handa ' diminta'kan idjin kapado datoea ' si pangkalan , sarato datoea' isi roemah , sakian sadjo sambah sajo ."

Mangko didjawab oelieh Bagindo Sati : „ Managa toean sakoetiko , ama'lah sajo pasambahkan , kapado datoea ' si pangkalan , sarato datoea ' isi roemah."

,,Alhamdoeli'llah ," djawab Parmato Intan.

Mangko datanglah Bagindo Sati , mandapē'kan datoea ' -datoea " dalam Patapang Nan Tigo Balai , sarato datoea ' nan baroe, dangan basimpoeah manarangkan parmintaan datoea ' nagari 'toe.

Mangko sagalo datoea '-datoea ' , dalam Patapang Nan Tigo Balaipoen baio-iolah , akan malapēh datoea ' nagari 'toe , moepakat dangan sagalo oerang-oerang samandonjo , nan sakampoeang itoe sakali . Soedah samoepakat mangko disoeroeahlah djawab panjambahan itoe, oelieh datoea ' Patapang Nan Tigo Balai, kapado Bagindo Sati, mambari idjin malapēh sagalo karapatan datoea' nagari 'toe, dan disoeroeah laloekan poelo parmintaan , oelieh datoea ' nan tigo balai , kapado datoea ' nagari , soepajo diliē'-liē'i djoeo datoea ' nan baroe, oelieh datoea '-datoea ' nagari , samantaro tali dipoetoeih lanta ' ditjaboei ' , karano io soedah ditambatkan sapandjang 'adat, tapaoei ' batali tatambang balanta , namonjo , mandjalang soedah alē'njo .

Mangko badirilah poelo Bagindo Sati manjambahkan itoe, damikian boeni sambahnjo :

,,Minta ' ampoen djoeolah sajo diharibaan sagalo datoea ' djan toeankoe, atau de' toean doebalang nan samaratabat , sarato toean manti pagawai , dangan toean oerang kajo-kajo sado nan halie , saisi roemah nan gadang 'ko ; sajo manjambah tida ' akan tahato' akan tabilang , sambah sajo mandjalani , kaharibaan datoea ' sado nan halie . Sajo rapa' panjambahan katangah , soenggoeahpoen ditangah ditoean Parmato Intan tampē' tibo sambah."

„Kapado Allah manitahlah toean," djawab Paramato Intan.

Maoelang Bagindo Sati : „Nan ba' pitoea toean tadi , karano hari 'ko lah baie' , koetiko alah ēlo ' , sakarang kini sagalo datoea ' djan toeankoe , sarato nan rape' samonjo , alah handa' bamainmain kabawah , handa ' koembali katampē ' masieng-masieng, ba'itoe panjambahan toean ."

„Sabananjo ," djawab Parmato Intan .

Maoelang Bagindo Sati : „ Inda ' lai de' datoea ' si pangkalan , dangan datoea ' nan baroe, sarato datoea' isi roemah, kalau itoe parmintaan baliau datoea '-datoea ' nan halie ' , karang lah tapahē' dibarihnjo, alah taimbau dinamonjo , basisoeroei' pantang kanai , basidjambo asa kanai , alah kanai kami de' barih , alah talioeang de' balabēh ; akan ba'apo poelo laï, sipat malapēh malah kami , alah idjin itoe de' datoea ' si pangkalan , sarato datoea ' isi roemah ; djoko ' oentoeang pambari Allah , djangan tjatje ' maro malintang , salamat sadjo sampai poelang.

Soenggoeahpoen itoe damikian , sabocah laï parmintaan , dari datoea' nan tigo balai , kapado datoea' sado nan halie .

Karano datoea' nan baroe 'ko, dē' ' adat dalam nagari , baliaulah bapaoei ' batali , tatambang balanta ' namonjo , djoko ' oentoeang pambari Allah , diminta ' djoeo ka nan rapē' , ama'lah diliē'-liē' , dioelang -oelang djoeo, baliau datoea ' nan baroe, man djalang tali dipoetoeih lanta ' ditjaboei ' , sakian sadjo sambah sajo."

Mambalēh Parmato Intan : „Mano toean Bagindo Sati, djoko' itoe nan panitahan , alhamdoeli'llah akan djawabnjo , kasieh itoe kami tarimo , naʻimat soeko salamonjo ."

Alah soedah sambah-manjambah 'toe , baroelah sagalo sidang karapatan itoe, bagara ' dari tampē' doedoea'njo masiengmasieng, badiri akan poelang karoemahnjo , sarato basalamsalaman poelo , dangan datoea ' nan baroe, dan datoea '-datoea ' Patapang Nan Tigo Balai , baroelah injo badjalan toeroen .

Sadang oekatoe datoea '-datoea ' isi nagari itoe toeroen kahalaman , mangko katjang pali nan disaho' pasoemandan tadi , diara ' oeranglah hado ' kapandam pakoeboearan datoea' nan mati tadi .

Didalam koetiko itoe bandoeanglah boeni rato ' sagalo kari ' bai' korong kampoeang datoea' nan mati 'toe, sangat manjadiehkan hati mandanganjo , saakan-akan malapēh datoea ' nan mati itoe kapandam pakoeboearan rasonjo .

Dalam koetiko itoe djoeo, bako dan ana' istiri datoea' nan mati 'toe, poelanglah karoemahnjo masieng-masieng, sarato korong kampoeangnjo nan mahanta paï mandjangoea'poen samo poelolah sakali . Bako dan ana' istiri datoea ' nan mati itoe, dianta poelo dangan saparati patoei' barami -rami , oelieh parampoean -parampoean dalam kampoeang dan soekoe datoea ' nan mati 'toe , sampai karoemah tanggonjo , saakan-akan pamoedjoea ' hatinjo nan karam 'toe .

Sampai diroemah bako dan ana' istirinjo 'toe , oerangoerang nan mahanta tadi, dinanti poelo oelieh oerang di kampoeang 'toe dangan saparati patoei' , sarato disadiokan poelo minoem makannjo sakali , pananti oerang mahanta bako dan istiri namonjo . Alah soedah minoem makan, oerang nan mahanta bako dan ana' istirinjo itoe, baroelah injo poelang koembali karoemahnjo masieng-masieng, karano ba'itoelah 'adat nan soedah dibiasokan disitoe .

Sapaningga datoea ' nagari tadi toeroen, baroelah datoea ' nan baroe 'toe, mangganti pakaiannjo dangan pakaian biaso, sarato mamakai dēta bakata ' , pakaian pangoeloe sapandjang ' adat .

Moelaï dari hari 'toe , tinggalah datoea ' nan baroe 'toe , diroe mah soedaronjo , dangan sagalo kaoem kirabatnjo, sarato oerang dalam soekoenjo, baie' laki-laki atau parampoean, ado djoeo nan tingga marami -ramii disitoe ; oerang-oerang dalam sasoekoe itoepoen , silang baganti sadjo kasitoe tio' -tio' hari , sabab datoea ' nan baroe 'toe, baloen boelieh ditingga - tinggakan mandjalang soedah alē'njo , karano oerang-oerang isi nagari, 'toe , satio'-tio' hari banja ' djoeo nan baroelang silau -manjilau , nan bakari ' nan bakabieh kakampoeang 'toe , dangan datoea' -datoea ' nagari , pangoeloe nan sahandiko , radjo nan sadaulat, manjilau balako samonjo , pabilo-pabilo sampai oeliehnjo masieng -masieng, siang atau malam, tida'lah ditantoekan oekatoenjo . Sagalo parampoean-parampoean nan bakari ' , sabab bapasoemandan kasitoe , atau lain-lain poen datang balako , manjilau dangan hēdangan nan saparati patoei'njo .

Hēdangan nan djadi panjilau 'toe, talata ' dalam saboeah doelang paha nan bakaki gadang, langko ' dangan tiraitirainjo , dan basaho' toedoeangnjo dangan sapoe tangan balapa' namonjo , doelang 'toe diiriengi poelo dangan doeo boeah talam , saboeah talam barisi ragam samba, saboeah barisi paminoem kopi , sabagaimano 'adat nan oesali , tida' mamakai ragam koeē, dan goelainjo didjindjieng dalam saboeah gantoeanggantoeang, talata ' dalam tjawan batoekoei'. Kadoeo -doeo talam itoe disaho ' poelo dangan toedoeang aie , dan dalama' sapoe tangan kaamasan . Sagalo parampoean -parampoean nan datang manjilau 'toe, datangnjo langko '- langko ' dangan korong kampoeangnjo dan badajang -dajang , sarato mamakai balako dangan pakaian sapandjang 'adat.

Sagalo hēdangan nan panjilau 'toe, itoelah nan dimakan oelieh sagalo datoea'-datoea ' dan oerang-oerang nan manjilau maoeli'i datoea ' nan baroe 'toe , dimakan basamo -samo dangan datoea' nan baroe itoe.

Pado tio '-tio' hari tida'lah koerang oerang nan datang , manjilau datoea ' nan baroe 'toe , sampai kapado oekatoe harinjo, injo mambantai kabau di baralē' .

Salamo dalam karadjo 'toe, diroemah datoea ' nan baroe 'toe , banja ' poelo mandabieh ajam , sarato poelo mambali bantai dan mamboee ' nasi lama ' , sarato wadji' dan kalamai , nan akan paminoem kopi , oentoea ' oerang datang manjilau , sarato dangan korong kampoeang, nan basoesah satio ' hari. Sagalo alē ' ma kanan 'toe, pambantoe hedangan oerang nan datang , ba'itoe 'adat nan biaso.

Adapoen datoea ' nan baroe 'toe , baloenlah boelieh kamanomano , mandjalang injo soedah baralē ' , malainkan tingga diroemah sadjo, toeroennjo mandi djo sambahjang , lapēh itoe babalie' poelang .

Kalau injo akan mandi , atau injo akan sambahjang , mangirieng badoeo ana' boeahnjo , nan mambao kain basahan, sarato padang batjatainjo ; soedah itoe koembali poelang, tida ' boelieh kamano -mano, karano oerang datang djoeo, manjilau patang dan pagi , sampai malam tida' bapoetoeih, barapo poelo toekang njanji , sarato rabab djan koetjapi , paramikan badjagodjago , ba'itoe 'adat nan tapakai , maangke' gadang pangoeloe , nan didalam nagari 'toe.

Salamo dalam karadjo 'toe , ditanam poelo satoe datoea ' , dipilieh nan tjaradie ' pandai , nan tahoe dihērēng dangan gendēng , datoea ' didalam soekoe itoe, akan mandjadi datoea ' pitoenggoea , tampē' batanjo dan maminta ' , kalau apo -apo nan koerang , didalam karadjo 'toe .

Adapoen nan djadi datoea ' pitoenggoea, didalam karadjo iko , iolah Datoea' Padoeko 'Alam; tanamo datoea ' nan lain-lain, nan didalam soekoe itoe, itoelah mandjadi toengkatannjo . Soedah itoe ditanam soerang laï, pitoenggoea dari parampoean , dipilieh poelo parampoean nan tjadie' pandai , nan tahoe di 'adat djan limbago , sarato hērēng dangan gendēng ; hado' kapado parampoean , kalau apo-apo nan koerang , kapadonjo poelo itoe diminta ' , kalau dakē ' patoei' didjangkau , nan djaoeah patoei' didjapoei ' , baie ' andan pasoemandan , injolah itoe manantoekan , sagalo nan koerang di padoesi, kapadonjo itoe oerang maminta' .

Adapoen nan djadi pitoenggoea parampoean, nan ditanam dialē' 'toe , iolah Sitti Djaléla, dansana' Datoea' Lēlo Nan Poetieh , ditoengke' poelo de' nan lain, dipilieh saoerang sakampoeang, nan tanamo oerang sasoekoe 'toe.

Adapoen akan Sitti Djalēla , oerang djohari bidja'sano , manih moeloei ' bakato-kato , pandai di hērēng dangan gendēng , dimaloei oerang nan banja' , lah biaso mangatja ' alē' , tampe' bagoeroe dan batanjo , oelieh sagalo parampoean, nan sasoekoe -soe-- koe itoe.

Babalie ' kaba ka nan tadi , alah sahari alah doeo hari , gilo barami -rami djoeo , diroemah datoea ' nan baroe 'toe ; babarapo poelo oerang nan datang , manjilau datoea' nan baroe , maoeli'i patang djan pagi , sampailah poelo ampē ' hari, baloen ado roendieng basaboei ' , rintang basando goerau djoeo. Alah sampai hari nan kaampē' , mahimbau datoea' pitoenggoea , kapado datoea ' dalam Patapang , rapē'lah poelo samonjo . alē'

Sadang rapeē' diroemah 'toe, bakato datoea ' pitoenggoea alē, kapado datoea ' sado nan halie, nan sasoekoe -soekoe itoe : „ Mangko datoea' hambo imbau , karano baban kito lah bare' , tipa ' di datoea' nan baroe 'ko, baliau lah loempoeah atēh roemah, karadjo banja ' nan ka dikako ' , kito takabē' balako ; kini ba'apo pikieran datoea ' , soepajo lapēh baban kito, oesah kito tapaoei ' djoeo, ama ' lakēh kato salasai, bari bana hambo de' datoea '," kato Datoea' Padoeko 'Alam, nan djadi pitoenggoea sanan.

Mandanga kato nan ba'kian , mandjawab Datoea' Lélo Nan Poetieh , laloe manjambah maso itoe : „Ampoenlah sajo pado datoea' , sarato nan rape' samonjo , mano Datoea' Padoeko 'Alam , djoko ' itoe nan titah datoea' , itoelah kato sabananjo , ama ' bange ' kato salasai .

Dalam pikieran hati hambo, sarato kami nan rapē' 'ko, tantangan dibaban iko, sadja ' di hari nan sahari , kami lah soedah mamoelangkan, boeroea ' baie' pado datoea' , nan djadi pitoenggoea siko , tida' kami doeo bitjaro.

Kini ba'itoe anjolaï , nan taraso di hati hambo, soerieh barihkanlah de' datoea ' , ko' pandjang barilah baroeēh, ko' singkē ' barilah baboekoe , ama ' bange ' kito soedahi , nan djaoeah boelieh kami djapoei ' , nan dako' boelieh kami djangkau ; manitahlah datoea ' pado kami , kalau apo-apo nan tida ' , nan koеrang patoei' ditoekoea' , nan senteng patoei' dibilai ."

Maningkah Datoea' Padoeko, 'Alam : „ Kalau ba'itoe kato , kito panggie malah padoesi , ama ' tantoe apo nan tida ' datoea' , imbaulah Sitti Djalēla , ama ' samo kito roendieng siko , imbaulah poelo kampoeang sakali , dangan padoesi nan patoei'- patoei'."

Dalam sabanta itoe djoeo, diimbau oerang Sitti Djalēla , dangan andē datoea ' nan baroe, sarato korong djan kampoeangnjo , laki -laki parampoean parar , mano -mano nan tahoe-tahoe ; alah rape ' itoe samonjo , io sagalo parampoean, tanamo oerang pa toei' -patoei' , nan sasoekoe -soekoe itoe, alah datang samonjo , alah doedoea ' didakē' 'toe , sarato poelo datoea ' nan baroe.

Alah salamat datang samonjo , manitah Datoea' Padoeko 'Alam : „ Manolah datoea ' samonjo , sarato kaka ' Sitti Djalēla, dangan andē kadoeonjo , sarato korong dangan kampoeang ! Mangko andē kami imbau, baie' kaka ' Sitti Djalēla , sarato korong dangan kampoeang , adapoen datoea ' nan baroe 'ko, baloen tantoe hilie moedie'njo , balandjo lah batimboen -timboen , kitopoen soesah siang malam , karadjo banja ' habih tingga , badjalan tabang baloen laï hinggo ' baloen laï baranti , ko' , ko' bakato baloen soedah .

Kini nan taraso de' kami , de' datoea ' sado nan rape' , tantangan dibaban iko, adapoen djalan ado doeo , soeatoe baoera' sēlo sadjo , kadoeo baralē mambantai kabau , baara' kabalai gadang , itoelah djalan nan doeo ; manokoh itoe nan ka ditoeroei ' , ama ' tantoe kami mandjalankan ?

Kalau baoera' sēlo sadjo , kito bali kapalo kabau , ditambah poelo dangan bantai , dipanggie datoea ' nagari , alah boelieh kito baoera' selo , tatapi oetang baloen lapēh , hanjolah lapēh samantaro , ba'itoe sapandjang 'adat.

Nan kadoeo baralē ' gadang, kito bali kabau saikoea, ditjari poelo barēh saratoeih , sarato ameh doeo poeloeah , dangan kilang nan sagoetji , dipanggie isi nagari , barara ' kito kabalai gadang , oetangpoen lapēh anjolaï , ko' alē' alahlah banamo. Kini tantangan djalan nan doeo 'toe , ba'apo pikieran di nan rapē' , sarato dangan datoea ' nan baroe , dangan andē malah poelo , nan mano djalan nan kan ditoeroei ' , baie' dikampoeang samonjo ? Tantoekanlah itoe satoe -satoe , ama' tantoe kami pahamkan, kami 'ko oetang malaboeahkan , baban koembali ka nan poenjo . "

Mandjawab mandé datoea ' nan baroe : „ Mano rangkajo Padoeko 'Alam, nan taraso de' diri hambo, ko' hanjo tantangan itoe nan bare' tida' akan tadjoedjoeang , samo ma'aloemlah rangkajo, tipa' di adie' rangkajo 'ko, satoepoen tida ' nan ditaroeah , ēlo'lah nan ringan kito bao , ba'itoe kahanda' hati hambo , soenggoeah ba'itoe kato hambo, rangkajo labieh ma'aloem ."

Maningkah Datoea' Padoeko 'Alam : „ Mano Datoea' Radjo Pangoeloe, di datoea ' ba'apo poelo , nan di andē lah samo kito danga, saboei ' poelolah de' datoea ' , ama' samo kami dangakan , dimano djoeo katibonjo ."

Mandjawab Datoea' Radjo Pangoeloe : „ Mano Datoea ' Padoeko 'Alam, sarato nan rape' samonjo , ampoenlah sajo pado datoea' , tantangan pado diri hambo, tida'lah pandjang itoe de' hambo, hanjo ba' djawab andē tadi , nan barē tida ' akan tadjoedjoeang , ēlo ' nan ringan kito katja' ; soenggoeahpoen itoe damikian , timbangan datoea ' nan basamo , mamoelangkan hambo tantang itoe , labieh ma'aloem malah datoea ' , tipa ' di diri badan kami ."

Mandjawab Datoea' Padoeko 'Alam : „ Mano Datoea' Radjo Pangoeloe , sarato andē kadoeonjo , baie'poen kampoeang samonjo, tantangan kato andē dangan datoea ' , iolah handa ' baoera' sēlo sadjo , itoelah baban nan ringan ; dalam pikieran hati hambo, itoelah sabananjo poelo , djoko ' disitoe akan sakato, manoeroei poelo malah kami ; tatapi sakētē' nan taraso , tantangan dibaban iko, pado pikieran hambo soerang, ēlo ' nan barē' kito bao , soepajo lapēh oetang kito, boekannjo hambo maambaukan , tjoebolah timbang de' nan rape' , sarato andē dangan datoea ' , baie' dikampoeang samonjo . Mano ang Bagindo Soetan , kamari-mari malah doedoea ' , ama' samo kito roendieng kito papa, ama' tantoe boeroea ' ēlo'njo . Adapoen baban nan ringan , iolah baoera ' sēlo sadjo . Soenggoeahpoen ringan bare' djoeo ; nan hambo saboei ' tadi , kito bali kapalo kabau , ditambah poelo dangan bantai , ataupoen djawi kito bali ; kalau ditimbang haragonjo, mangko tjoekoei ' itoe de' kito , nan akan oentoea ' pamakan nasi , adolah poelo tigo poeloeah , ditambah poelo djo pamasa' , iolah lado djan garamnjo , sampailah poelo ampe' poeloeah ; ditjari poelo malah barēh , nan kan kito pagoenokan, adolah poelo aga ' saratoeih , sipoeloei'njo poelo ampē ' poeloeah , ba'itoe mangko sadang ēlo' .

Kalau kito baralē ' gadang, dibali kabau saikoea, nan harago tigo poeloeah , sarato barēh nan saratoeih , dangan amēh nan doeo poeloeah , sarato kilang nan sagoetji , hambo timbang djan hati hambo , tida ' barapo salisiehnjo . Kalau kito baoera' sēlo sadjo , gadang alē' ba'itoe djoeo, balandjonjo tida ' lah koerang , salisiehnjo mambatai dangan tida ' .

Misiki kito baoera' selo , atau kito baralē' gadang, oerang itoe djoeo nan kan dipanggie , sadiki ' tida' labieh koerang , ba landjonjo ba'itoe poelo , malainkan nan djadi salisiehnjo , iolah mambantai dangan tida' , sarato kilang nan sagoetji , dangan ameh nan doeo poeloeah , ba' nan hambo saboei ' tadi ; tida ' bana kito baralē' , 'adat kan kito isi djoeo , habih djoeo ameh doeo poeloeah . Sabab itoe pikieran hambo, ēlo' kito baralē' gadang , tida ' kan barapo salisiehnjo , hanjo sapoeloeah doeo poeloeah , baloemlah itoe akan mangapo, baloenkan kajo kito de' itoe ; kalau kito alah baralē' , oetang kito alahlah lapēh, ko' maloe ba'itoe poelo , alah banamo alē ' kito.

Kalau kito baoera' sēlo sadjo , balandjo lah batimboen -timboen , karih kito alah tagadai , tapi oetang tida' lapēh. Soenggoeah ba'itoe kato hambo, ba'apo kaboelatan nan basamo, sarato korong dangan kampoeang, itoe oerang nan kan mandjoedjoeang , bare' ringan nan kan mananggoeang ; kami 'ko oetang manarangkan , dimano sakato si pangkalan , tida' lah kami akan mangila ' , ba'apo baban nan kan tabao."

Mandanga kato nan ba'itoe, mandjawab si Boengo Inai , dansana ' Datoea' Radjo Pangoeloe : „Kalau ba'itoe kato datoea' , malah tida' kan banja ' salisiehnjo , io awa' habih djoeo , oetang kan kito baie djoeo, ēlo' nan gadang kito djoedjoeang , ama' badjaso pajah datoea ' , de' kami ba'itoe poelo , barapo habih itoe de' datoea ' , asa laï oetang alah ka lapēh, sananglah itoe hati hambo ."

Maningkah poelo oentjoenjo , andé si Boedjang Paman : „De' hambo ba'itoe poelo , malah oetang datoea ' ka lapēh , ēlo' malah kito baralē' , hambo 'ko soedahlah toeo , ama ' maliē' hambo sakali 'ko, ama' tahoe poelo padja -padja 'ko, ba'apo mangatja' alē ."

Mandjawab poelo nan lain, sagalo korong kampoeang itoe : „Dē' kami ba'itoe poelo , ēlo ' baralē' datoea ' sakali 'ko, ama ' badjaso pajah kami , nan basoesah siang djan malam ; kalau baoera ' sēlo sadjo , taboeang sadjo djarieh kami , balandjo ba'- itoe djoeo, oetang datoea ' tida'lah lapēh."

Maningkah poelo soerang laï , iolah Bagindo Soetan, dansana'- njo diroemah nan sabalah, iolah warih nan kan mandjawē ' , nan kan manolong poesakonjo : „Kalau datoea ' laï akan baralē, ' asa laï kito ka banamo, bialah hambo manambahnjo , sahinggo limo poeloeah kabawah , tida ' kan djadi apo-apo , rilalah itoe oelieh hambo, dari doenie ka akirat , asa oetang Datoea' laï ka lapēh ," katonjo Bagindo Soetan, mambanakan oerang samonjo .

Sadanglah Datoea' Radjo Pangoeloe, badoeo dangan andēnjo , mandanga kato nan rape' 'toe , tida' pandai baboeni laï .

Dalam sabanta itoe djoeo, maningkah Datoca' Lélo Nan Poetieh, kapado oerang nan bakari ' , mahado' ka-Datoea' Radjo Pangoeloe : „ Mano datoea' dangan andē , sarato ang Bagindo Soetan ! Ba'apo djoeo nan kan io ? Tantoekan malah poetoeihnjo , ama' lakēh kato salasai , ama ' tantoe nan akan kami patji' ! "

Mandjawab si Boengo Inai , sarato Bagindo Soetan : „Tipa' di kami nan lain 'ko, diloea andē dangan datoea ' , kalau nan barë' kan kami djoedjoeang , malah ba'itoe sakato datoea ' , soekolah kami tantang itoe ; soenggoeahpoen itoe kahanda ' kami , kato poetoeih pado datoea' , ba'apo katoedjoe de' baliau , badoeo dangan andē toeo, kami 'ko manoeroei' poelo ; samantang io kami soeko , kalau baliau tida ' sakato, tida'lah sanang hati kami , manoeroei ' poelo malah kami , ko ' ba ' apo nan kan ēlo'njo ."

Maningkah Datoea' Padoeko 'Alam : „ Mano Datoea' Radjo Pangoeloe , sarato andē kadoeonjo ! Ba'apo pikieran pado datoea ' , sarato andē nan badoeo ? Poetoeihi malah kato 'toe ! Boeni lah samo kito danga, kato 'toe poelang pado datoea ' , sarato andē nan badoeo , ba'itoe sakato nan basamo ; kini ba'apo djoeo nan io, ama'njo poetoeih bitjaro 'ko, soedahi malah de' datoea ' , dangan andē nan badoeo !"

Maningkah andé Datoea' Radjo Pangoeloe : „Kalau ba'itoe djo rangkajo , sarato nan rape' samonjo , kamano poelo hambo ka lari , boemi langi ' dirangkajo , misiki bare' atau ringan, rangkajo djoeo nan kan soesah , sarato korong djan kampoeang 'ko ; hilang timboeakan de' rangkajo , tida ' hambo doeo bitjaro ; hinggo manolah pandape' hambo, labieh malah tahoe rangkajo , nan kan moelarat djo moepa'at . "

Mandanga kato nan ba'itoe , mamandang Datoea ' Padoeko 'Alam , kapado Datoea' Radjo Pangoeloe, sambie tatawa gala ' sanjoem : „Di datoea ' ba'apo poelo ? Ba'itoelah djawab andē kito, poetoeihi malah de ' datoea ' ! "

Mambaleh Datoea' Radjo Pangoeloe, baroendieng sambie tasanjoem : „Kalau ba'itoe sakato datoea ' , sarato nan rapē ' samonjo , kamano poelo hambo ka lari ; tipa ' di diri badan hambo , ba ' pitoea oerang toeo , „patah karih bakéh mati , patah lidah bakéh alah ", kini lah patah lidah hambo, apokan dajo

MOESTIKO ' ADAT ' ALAM MINANGKABAU . 11 hambo laï, djadi kalah malah hambo, manoeroei'lah hambo ka nan banja ' ; malah ba'itoe kaboelatan , misiki ka patjah djan kapalo , ataupoen roentoeah dangan bahoe , malah dansana' sakato sanan , soekolah itoe hati hambo, tida'lah hambo bapandai laï , ma'aloemlah datoea ' samonjo ."

Maningkah Datoea ' Lélo Nan Poetieh : „ Malah ba'itoe kato , alahlah habih roendiengan 'toe , alah tantoe djalan nan datoea' kan ditoeroei ' .

Kini saboeah nan taraso , mano Datoea' Padoeko 'Alam, manitah djoeo malah datoea ' , kapado kami nan rapē' 'ko, sabab kato alahlah poetoeih , alah njato baban nan kan dibao, kini ba' mano akan lata'njo ? Soerieh barihkanlah de' datoea' , ko' kata' barilah baboekoe , pandjang barilah baroeeh, ama' bange' kito soedahi ."

Maningkah Datoea' Padoeko 'Alam : „ Mano Datoea' Lēlo Nan Poetieh ! Sapandjang pitoea datoea ' 'toe , itoelah kato sabananjo ." Mamandang Datoea' Padoeko 'Alam kapado Sitti Djalēla : „Kamari -mari malah kaka' , ama ' boelieh kito paiokan , kalau apo-apo nan tida' , ama' tantoe kito soeroeah tjari ."

Mandanga kato nan ba'itoe , mandakē' Sitti Djalēla , bakato Datoea' Padoeko 'Alam : „Adapoen kini alahlah tantoe, baban nan kan kito bao , iolah kito akan baralē' ; kini atoealah de' kaka ' , mano nan tida ' soeroeahlah tjari , apo nan koerang soeroeahlah , kaka ' hasiekanlah soegiro . Karadjo 'ko bangē' kito toekoea ' lansoeangkan , barisoea' kito barapē ' djoeo ; tanamo oerang nan tigo balai , laki-laki parampoean, rape' malah kito kamari , soepajo boelieh kito tantoekan , apo karadjo soerang-soerang, baie' kajoe dangan aie, ataupoen nan lain-lain , banja ' nan baloen pado kito. Tanamo sagalo parampoean , nan sasoekoe -soekoe kito, himbau malah soerang saroemah, ataupoen kito nan badakē' , awa' nan salantjaran aloe , himbau djoeo itoe kamari , soeroeah bao lapie' sahalai soerang, dangan doelang sakaki soerang, sarato alat pakaiannjo , baie'poen tabie langi '- langi ' ; mano nan koerang toekoea ' djoeo, sarato pirieng dangan mangkoea' , ama ' boelieh kito liē'i, sagalo barang -barang oerang 'toe, ama' boelieh kito soerē'kan, oesah batoeka barang oerang ; kaka ' saboei ' balako di padoesi, soeroeah mambao itoe samonjo , apo nan tida' pado kito, nan kan pagoeno disiko ; kalau tida ' injo manaroeah , soeroeah salangkan ka nan lain , kaka ' lah samo ma'aloem , apo nan ka pagoeno siko , dialē' saroepo iko. "

Mandjawab Sitti Djaléla : „Ko' hanjo tantangan itoe, alah hambo saboei ' balako, alah takana itoe de' hambo, alahlah hasie itoe kini , diroemah kami soerang-soerang , kami mananti titah datoea' ; baie' pirieng baie' mangkoea' atau paha dangan tjarano , sarato alat pakaiannjo , alah hambo soeroeh hasiekan , soedah salamat itoe kini, tingga mambao sadjo lai ; kami mananti koetikonjo , pabilo harinjo djanjo datoea ' , boeliehlah itoe kami hasiekan , kami bao itoe kamari , misiki kito baoera' sēlo , atau kito baralē ' gadang, itoe djoeo kalangkapannjo ; de' itoe hambo sadio djoeo, sabaloen datoea ' mangatokan , karano ba' itoe nan biaso, tibo di nan saroepo iko ."

Mambalēh Datoea' Padoeko 'Alam : „ Malah ba'itoe kato kaka ' , sananglah itoe hati kami , barisoea' baolah kamari , ama' boelieh kito tantoekan , siapo-siapo nan poenjonjo ."

Maningkah Sitti Djaléla : „ Malah ba'itoe titah datoea ' , boeliehlah hambo manjaboei'njo kapado dansana' soedaro ; hambo soeroeah bao malah barisoea' , sagalo pakakēh 'toe . Saboeah laï pinta ' hambo, tantangan kami parampoean, tipa ' di bako djan bininjo, alah kan boelieh hambo manjoeroeah oerang, mambari tahoekan kini-kini , bahaso kito akan baralē' , ama ' djangan oerang tasasa' , sabab babannjo ka barē' poelo , karano de' alē' kito iko ."

Mandjawab Datoea' Padoeko 'Alam : „ Mano kaka ' Sitti Djalēla ! Mananti kaka ' sakoetiko , ama ' baroendieng kami dahoeloe , ama' tantoe hari koetikonjo ; kalau lah soedah kami baroendieng, malah salamat samonjo , barisoea' kaka ' manjoeroeah, mambarı tahoe kabakonjo , sarato dangan ana' roemahnjo , atau kapado nan lain -lain ; sagalo pasoemandan kito, nan batali karoemah iko , bari tahoe itoe samonjo , baie' karoemah nan sabalah, diroemah Bagindo Soetan , saroepo djoeo dangan iko , tida' boelieh kaka ' lainkan , samo bari tahoe itoe samonjo ; tatapi kini nambē ' dahoeloe , sabab aga '-aga ' baroe, baloen boelieh dipatji bana, sabab balandjo baloen hasie ; kalau alah itoe salamat, basoegiro malah kaka ' , mambari tahoe oerang itoe. "

Mandanga kato nan ba'itoe, ano'lah Sitti Djalēla . Alah soedah injo baroendieng , io djan Sitti Djalēla , bapalieng Datoea' Padoeko 'Alam mahado ' kadatoea' Patapang Nan Tigo Balai , sarato oerang patoei'-patoei'

, mano -mano nan ado disitoe, la3 loe bakato maso itoe : „Mano Datoea' Lēlo Nan Poetieh , sarato nan rape' samonjo ! Nan taraso de' hati hambo, ama' bangē' karadjo nangko , kini 'ko hari Sinajan, barisoea' hari Salasa , kamari djoeo kito samonjo , panggie sagalo oerang samando, nan sakampoeang -kampoeang iko , kito barē'kan itoe bakēhnjo , amēh aga ' doeo poeloeah soerang, di kito ba'itoe poelo ; tanamo , nan sasoekoe -soekoe iko , baie ' manti djan kito datoea ' -datoea ' pagawai , sarato imam dangan kati' , mambao balako samonjo , iolah ameh doeo poeloeah soerang. Kalau tida' ado diawa ' , batēnggang malah kiri kanan barisoea ' ado samonjo ; ba'itoe kahanda' hambo. Mangko ba'itoe kahanda ' hambo, hari 'ko soedah tagoeloei ' ; malah tjoekoei ' itoe barisoea ' , hari Raba'a kito mamanggie, mandoedoea'kan ninie ' mama ' , mambari tahoe isi nagari , bahaso kito akan baralē ' ; hari Kamih kito kabalai , mambali kabau nan kan dibantai , sarato alat pamasa'njo , baie barang nan lain-lain, apo nan koerang pado kito ; hari Djoema'at kito maoendjoea'kan kabau , sarato barēh nan saratoeih , dangan kilang nan sagoetji , sarato ameh nan doeo poeloeah , kapado datoea ' nagari ; hari Ahad manaboea aso' , mandjamoe datoea ' nagari , hari Sinajan kito barara ' . Ba'itoe pikieran hati hambo, ma' lakēh karadjo nangko ; soenggoeahpoen ba'itoe pikieran hambo, ba'apo kaboelatan nan basamo , manoeroei' poelo malah hambo."

Mandjawab Datoea' Lélo Nan Poetieh : „ Itoelah bana kato datoea,' ba'apo djoeo kan maoebahnjo ; kalau kito papandjang djoeo , tida'kan ado paidahnjo , hanjolah oetang nan kan batambah ."

Maningkah poelo datoea ' nan lain, sarato nan rape' samonjo : ,,Malah ba'itoe kato datoea ' , manoeroei'lah kami samonjo ; ama' lakēh lapēh badan kito, ēlo'lah kito soegirokan ."

Alah sakato itoe samonjo , baranti roendieng sakoetiko .

Alah tibo hari nan barisoea' , hari itoe hari Salasa, alah bakoempoea poelo datoea '-datoea ' ; laki-laki parampoean , oerang nan sasoekoe itoe, rapē'lah poelo samonjo , karoemah Datoea' Radjo Pangoeloe.

Oelieh sagalo parampoean, alah dibao pakakēhnjo , io doelang dangan paha, sarato tirai dalama'njo , sarato lapie' paramadani , tabie djo tirai langi '- langi ' , sarato galeh laboe -laboe, tjērē' basi tjērē ' lojang , sarato tjērē' tambagonjo , langko ' djan tampē ' basoeah tangan , tjoekoei'lah itoe samonjo ; mano nan tibo disoerē'kan ; sagalo barang nan datang 'toe, dibari batando samonjo , nan poenjo oerang soerang-soerang, ama' djangan djadi salisieh , atau batoeka djo nan lain.

Oelieh sagalo datoea '-datoea ' , sarato oerang samandonjo , dibao oeang doeo poeloeah soerang ; ba'itoe poelo de' nan lain, sagalo oerang patoei'-patoei' , tanamo ana' rang kajo-kajo , mambao poelo sapoeloeah soerang ; alah soedah tjoekoei ' samonjo , ialoe dikoempoea oeang itoe , dapē'lah poelo djoemalahnjo tigo ratoeih limo poeloeah . Soedah dikoempoea oeang itoe, oelieh datoea' pitoenggoea alē' , dibarikan katangan Datoea' Maharadjo , iolah laki si Boengo Inai , ipa Datoea' Radjo Pangoeloe , ba'itoe sapandjang 'adat ; itoelah oerang nan kan manjimpan , iolah oerang samandonjo , nan banamo pēti nan tagoeah, iolah aloeang boenian, nan mangganggam ana' koentji ; kalau apoapo goeno oeang , salamo dalam alē ' 'toe , kapadonjo itoe diminta' , oelieh datoea ' pitoenggoea alē' , disaboei'kan apo goenonjo, ba'itoe 'adat nan biaso.

Alah soedah oeang dikoempoeakan , karadjo bamoelo anjolaï ; sagalo korong dangan kampoeang , sarato oerang soekoe Patapang , bakaradjo kasamonjo ; tanamo sagalo laki-laki , ado baoentoea ' balako, nan patoei' baban soerang-soerang ; ado mantjari kajoe api, ado poelo manabang batoeang, sarato dangan batang pinang ; ditaga'kan satoe palanta , nan kan pahoeboeang roemah gadang, pandjangnjo sapandjang roemah, lawēhnjo salawēh halaman , tatoemboea ' karoemah nan sabalah ; disitoe ka tampē' si pangkalan , dioekatoe alē' datang , tampē' bagandang basaroenai , tampē' basandoea ' mahedangkan , itoe djamba oentoea ' ka alē ' ; disitoe agoeang digantoeangkan , agoeang gadang sibaroengoei' , langko ' djo tjanang talēmpongnjo ; diboēe ' poelo dangau-dangau, tampē batana ' djo manggoelai , mamboee ' wadji' djo kalamai ; ditaga'kan toengkoe ampe ' limo , didjarangkan kantjah gadang , ditabang batoeang ka parian . Oelieh sagalo parampoean , dikaradjokan poelo atēh roemah ; apo nan koerang dibaie'i , mano baroebah dipaēlo ' ; dipanggie andan pasoemandan , nan batali kakampoeang 'toe , tanamo parampoean si pangkalan, dalam sasoekoe -soekoe itoe , disoeroeah batana' mahedangkan . Apo karadjo parampoean , tjoekoei'lah itoe samonjo , diatoeakan Sitti Djalēla.

Pado koetiko itoe djoeo, oelieh sagalo ninie ' mama' , dalam Patapang Nan Tigo Balai , ditanam doeo poeloeah oerang, ana' moedo -moedo nan patoei'-patoei' , iolah ana' oerang bangsawan , akan djadi ajam nan tagēh, banamo boedjang main pantan , nan kan mandoedoea'kan ninie ' mama' , sarato mamanggie alē ' djamoe ; ko ' patang injo maoetjapi , pagi -pagi injo mamanggie . Ba'itoe sapandjang 'adat, kalau toemboeah baralē' gadang, namoen ka paï injo batanjo , kalau poelang injo babarito , kapado datoea ' si pangkalan , ba'itoe pakai nan biaso ; namoen oerang nan doeo poeloeah 'toe, dimoeliekan balako samonjo ; kalau makannjo atēh doelang, doedoea'njo atēh kasoea, tida ' djadi bamoerah-moerah sadjo ; apo sababnjo damikian , karano injo pamanggie alē' , nan mamanggie kiri djo kanan . Kalau injo dipamoerahkan , alē' moerah djadi binaso ; djoko ' tida ' disampaikannjo , itoe panggielan ka nan patoei ' , nan tida ' djadi ditinggakan , saparati bako djan ana'njo , atau pasoemandan nan lain, nan batali kakampoeang 'toe , oerang bababan balako ; nan bakari' nan bakabieh , atau ana' dikampoeang lain, baie'poen kari ' oerang samonjo , nan tida ' djadi ditinggakan , kalau itoe ditinggakannjo , djadi binaso malah alē' .

Kalau laï injo dimoeliekan , namoen injo baboeē ' salah , maninggakan panggielan 'toe , boelieh dihoekoem dalam 'adat, maroesa'kan alē' oerang ; boekannjo injo makan sadjo , boekannjo injo minoem sadjo , nan dibari de' si pangkalan , tatapi 'ačat djan limbago , diisi poelo kapadonjo , sagalo boedjang main pantan ; tida'lah itoe loea' soembieng, diisi sapanoeah -panoeah, kalau alē' soedah salasai .

Karadjo oerang nan doeo poeloeah , iolah boedjang main pantan, salamo alē' baloen habih , tida ' lain tida'lah boekan, hanjo mamanggie oerang sadjo , sarato mananti atēh roemah, mandoedoea'kan ale' panggielan , mambari sirieh ditjarano , manantoekan tampe' doedoea'njo, sagalo alē ' nan lah datang ; patoei ' katangah dikatangahkan , patoei' ditapi dikatapikan , didoedoea'kan dangan tarati' , mangatokan djo moeloei ' manih , dangan bahaso 'adat nan haloeih , ba'itoe sapandjang 'adat.

Barisoea ' oerang akan dipanggie , hari 'ko injo lah badjalan , maoetjapi ninie ' mama' , mano -mano nan kan dipanggie , pagipagi didjalang poele ; mamanggie itoe samonjo , mambao sirieh nan batapēh, sarato pinang nan batoemih, diboengkoeih djo da lama' , sapoe tangan kaamasan ; badoeo -doeo injo sadjalan , kalau hoedjan injo batoedoeang , namoen kalam injo basoeloeah , panggie disampaikan djoeo, tida'lah boelieh dilēngahkan .

Malah tibo diroemah datoea ' , mahimbau dahoeloe dari halaman , kapado parampoeannjo , atau kaoerang diroemah 'toe , dangan tarati' madjalihnjo ; alah mandjangoeah oerang atëh roemah , dikatokan awa' handa ' naie' ; kalau lah idjin dari oerang 'toe , baroelah injo naie' karoemah .

Malah tibo diateh roemah, tida ' boelieh baboeroe -boeroe sadjo ; dimakan dahoeloe sirieh sakapoea , atau maroko' aga ' sabatang, baroe diboeka' paroendiengan ; dioendjoea'kan sirieh dahoeloe , baroe disaboei' nan taraso , disampaikan panggielan tadi , dangan kato nan lama ' manih , basimpoeah mangadap datoea ' : „Mangko sajo datang kamari , dilapēh Datoea' Patapang Nan Tigo Balai , datang maoetjapi datoea ' ; kalau ado moedah -moedahan , pado barisoea' hari siang , baoera' sēlo malah datoea ' , io kakampoeang Pari ' Batoe , karoemah Datoea' Radjo Pangoeloe ; moekasoei ' baliau handa ' baralē ' , sabab baliau hari barisoea ' , handa ' mandoedoea'kan ninie ' mama' ; itoelah niat de' baliau , ama' halie datoea ' kasanan , ba'itoe titah hambo djoedjoeang , dari datoea ' nan tigo balai . "

Insja'Allah baie'lah Mandjawab datoea' nan dioetjapinjo : „ itoe."

Alah soedah injo maoetjapi , baroe diminta ' poelo idjin, awa' akan badjalan poelo , mandjalang datoea ' nan lain ; ba'itoe sapandjang 'adat, baie' mamanggie akan baralē' , atau akan pаї barara ' . Kalau mamanggie datoea'-datoea ' , kalau lah soedah sampai samonjo , sagalo datoea ' nan dioetjapi , babalie' kapado si pangkalan , io kadatoea' nan malapēh , disaboei' alah tadjalang , sagalo alē ' nan dipanggie , disaboei' balako itoe samonjo , manomano nan lah didjalang ; kalau tingga dioelang mamanggie , mano nan oempang 'toe disisi' djoeo, kalau ado nan kaloepoan, dioelang maoetjapinjo .

Oerang nan maoetjapi 'toe, oekatoe injo paï mamanggie , kalau tida ' injo basoeo , dangan datoea ' nan dipanggienjo , disaboei ' kapado parampoeannjo , atau kapado ipa bisannjo , baie'- poen kapado minantoenjo , nan ado diroemah 'toe ; ditinggakan sirieh disitoe , dikatokan itoe ēlo '-ēlo ' , ama ' njo tolong manjampaikan , kapado datoea ' nan dioetjapi .

Kalau lah tibo hari nan barisoea' , badjalan poelo boedjang main pantan, mamanggie datoea' nan kapatang , nan soedah dioetjapinjo , didjalang poelo karoemahnjo , saroepo datang kapatang .

Alah sabanta injo doedoea ' , baroe disaboei' nan taraso , dangan tarati ' madjalihnjo : „ Mangko sajo datang kamari , sajo datang mandjapoei ' datoea ' , dilapēh datoea' nan tigo balai , baoera ' sēlo malah datoea ' , hambo mairieng dibalakang ."

Mandjawab poelo datoea ' 'toe : „Dahoeloe sadjolah pagawai , ama ' hambo bakamēh samantaro , toeroei'ilah datoea ' nan lain, ko' baloen habih samonjo ."

Io de' boedjang main pantan , baroe mandanga kato 'toe, laloe taga' maminta ' idjin , badjalan toeroen kahalaman , mandjalang datoea ' nan lainnjo ; mano-mano nan bahagiannjo didjalang balako itoe samonjo . Kalau lah habih itoe samonjo , mangko babalie' boedjang main pantan , karoemah datoea' si pangkalan , manantikan alē' nan ka datang .

Kalau lah sampai djangko koetikonjo , kiro-kiro oekatoe loehoea, tibolah datoea' nagari ; mangko de' boedjang main pantan , mano nan tibo didoedoea'kan, disilakan karoeang tangah ; djikalau datoea ' sama datoea' , nan patoei' mahado ' dimoekonjo , mahado' poelo didoedoea'kan , tida ' djadi itoe sasaieng, atau poen batoeka-toeka.

Datoea' doedoea ' sirieh talata ' , oelieh boedjang main pantan , basimpoeah injo mambarikan , dikatokan : „ Sirieh datoea' , mangoenjah sirieh malah datoea '. "

Sirieh talata ' sambahpoen tibo , dari datoea ' si pangkalan , kapado datoea ' nan baroe tibo : „Manjanto ' sirieh malah datoea ," itoelah boeni panjambahan .

Didjawab datoea ' nan datang 'toe : „ Insja ' Allah baie'lah itoe." Diangkē'njo poelo tjarano 'toe , dibasokan kiri djo kanan, kapado datoea ' nan dahoeloe ; dibalēhnjo poelo sambah 'toe : „Parēnaïlah datoea ' makan sirieh , kami lah soedah mangoenjah ."

Alah mahato' kasamonjo , sagalo datoea ' nan dipanggie , baie'- poen oerang nan patoei'-patoei ' , baie ' datoea ' kaampē' soekoe , pado maso doeaso itoe, manjambah Datoea' Lélo Nan Poetieh , pangoeloe dalam soekoe Patapang , kapado datoea ' sado nan rapē' , ba'itoe boeni sambahnjo :

,,Maminta' ampoenlah sajo pado datoea ' , sado nan rapē' saisi roemah nan gadang 'ko, sarato partiapan toean manti pagawal , dangan toean oerang kajo-kajo ; sajo manjambah tida ' akan tahato' akan tabilang , sambah sajo mandjalani datoea ' sado nan halie .

Apolah nan akan sajo sambahkan ? Adapoen datoea ' nan baroe 'ko, dē' 'adat datoea ' dalam nagari , baliau lah tapaoei ' batali tatambang balanta ' ; nan sakarang kini nangko , mangko kami daga datoea' nagari , iolah tantangan pado diri baliau , nan moekasoei' hati kami , datoea' nan tigo balai , ko' tali iolah handa ' mamoetoeih, lanta ' iolah handa' mantjaboei ' , itoelah nan niat hati kami , nan kami sambahkan kapado datoea ' nan kaampe' soekoe ; sadjo io handa' pitoea djoeo kami dari datoea' nan kaampē' soekoe , ba ' apo -apo nan kan tibonjo , tantangan niat kami 'toe, sakian sambah pado datoea '."

Mambalēh datoea ' nagari : „ Mano Datoea' Lēlo Nan Poetieh , managa datoea ' sakoetiko , ama'lah kami paiokan ."

Maningkah Datoea' Lēlo Nan Poetieh : „Alhamdoeli'llah parēnaïlah datoea ."

Dalam sabanta itoe djoeo , bamoepakatlah datoea ' kaampē ' soekoe , akan mandjawē ' sambah itoe ; adolah garan sakoetiko , dapē'lah poelo kaboelatan , oelieh datoea' kaampe soekoe , akan mandjawē ' sambah itoe, laloe bawakie maso itoe, kapado Datoea' Magé ' Djabang , itoelah pangoeloe tjadie' pandai , didalam Malajoe Mandahilieng , laloe manjambah anjolaï :

,,Maminta' ampoenlah sajo pado karapatan datoea ' , sarato partiapan toean manti pagawai , dangan toean oerang kajo -kajo , nan saisi -isi roemah nan gadang 'ko ; sajo manjambah tida ' akan tahato ' akan tabilang , sambah sajo mandjalani kaharibaan sagalo datoea ' sado nan halie , di-Datoea' Lēlo Nan Poetieh tampē' tibo sambah."

„Kapado Allah manitahlah datoea', " djawab Datoea ' Lélo Nan Poetieh .

Maoelang Datoea' Magé' Djabang : „Apolah nan kan sajo sambahkan ? Nan ba' pitoea datoea ' tadi , karano datoea ' nan baroe 'ko, de' ' adat datoea ' dalam nagari , iolah tapaoei ' batali tatambang balanta ' namonjo .

Sakarang nan sapandjang niat hati, datoea '-datoea ' dalam Patapang Nan Tigo Balai, ko' tali iolah handa' mamoetoeih, dan lanta ' iolah handa ' mantjaboei ' ; ba'itoe panjambahan ' datoea ' . " „Sabananjo , " djawab Datoea' Lélo Nan Poetieh .

Maoelang Datoea' Magé' Djabang : „ Limbagolah itoe nan taniat oelieh datoea ' nan tigo balai , itoelah nan kahanda ' hati kami poelo , lah poetjoea' ditjinto oelam tibo itoe di kami , alhamdoeli'llah akan djawabnjo , kami tarimo baie' sadjo . "

Mambaleh Datoea' Lélo Nan Poetieh : „Malah ba'itoe kato datoea' , sananglah 'toe hati kami . Soenggoeahpoen itoe damikian , sabarih laï sambah sajo , di-Datoea' Mage' Djabang djoeo tampē' tibonjo . "

, " djawab Datoea' Magé ' „Kapado Allah manitahlah datoea ' Djabang .

Maoelang Datoea' Lélo Nan Poetieh : „Kato dahoeloe basitinah , kato kamoedian basitjapē ', basitjapē ' sadjo sajo djan datoea' , sambah djan simpoeah pamanoeahi .

Iolah manoeroei' ' adat kito djoeo, nan batoeroen banaie'kan , nan baïtjo nan bapakai , didalam nagari kito iko, tipa' di nan saroepo 'ko, iolan baroetang namonjo datoea ' nan baroe, kapado datoea ' nagari , oetang nan sapandjang 'adat; apolah nan djadi oetang de' baliau , kapado datoea ' nagari , iolah kabau nan saikoea, sarato bareh nan saratoeih , dangan kilang nan sagoetji, dangan ameh nan doeo poeloeh . Iokoh itoe nan djadi oetang de' baliau , kapado datoea' nagari , atau bagaimanokoh nan sabananjo , ama' pitoea djoeo kami dari datoea ' , karano kadji lah lamo tida ' basaboei ' ? "

Mambaleh Datoea' Magé ' Djabang : „Mano Datoea' Lēlo Nan Poetieh , sabananjo itoe titah datoea' , ka loepolah malim di soerē'njo ."

Maoelang Datoea' Lélo Nan Poetieh : „Nan biaso djoeo pado kito, tipa ' di oetang nan itoe, djoko ' alah babaieran , kalau baloen badjandjian ; iokoh ba'itoe poelo nan sapandjang 'adat kito ?"

„Sabananjo ," djawab Datoea ' Magé ' Djabang .

Maoelang Datoea' Lélo Nan Poetieh : „Kini nan taniat di hati kami , datoea '-datoea ' dalam Patapang Nan Tigo Balai , sarato datoea' nan baroe iko , manoeroei' 'adat datoea' nagari djoeo , lapēh oetang de' babaie, lapēh kabē dē baoengkai .

Nan sakarang kini nangko , kalau ado moedah -moedahan , tipa '

di oetang datoea ' nan baroe, alah sakato kami datoea '-datoea ' , dalam Patapang Nan Tigo Balai , iolah handa' mambaie lansai sakali , kapado datoea ' nagari , soepajo ama ' bakalapēhan , antaro baliau dangan datoea ' nagari ; itoelah nan sajo sambahkan , kapado datoea ' kaampe' soekoe , ama ' pitoea djoeo kami dari datoea' sado nan halie , tantangan roendiengan itoe."

Mambaleh Datoea' Magé ' Djabang : „Djoko' itoe panitahan , managa datoea ' sakoetiko , amaʼlah sajo paroendiengkan , dangan datoea' sado nan halie ."

Madjawab Datoea ' Lélo Nan Poetieh : „ Insja' Allah baie'- lah itoe."

Dalam sabanta itoe djoeo, manjambahlah Datoea' Magē' Djabang , kapado datoea ' kaampē' soekoe , manjambahkan kato itoe , moekasoei' datoea ' nan tigo balai , handa' mambaie oetang datoea ' nan baroe, kapado datoea' nagari ; alah sabanta injo baroendieng , dapē'lah poelo kaboelatan , oelieh datoea ' kaampē' soekoe.

„Sadionjo kito akan manoenggoe , kapado datoea ' nan tigo balai ; nan kan sakarang kini nangko , alah titie' sadjo itoe ba' hoedjan , alah hinggo ' sadjo itoe ba' langau ; alhamdoeli'llah itoe dikito, kito tarimo soeko sadjo , " kato datoea ' kaampé' soekoe ; „ ato hanjo nan kini nangko , mangoembali djoeolah kami kadatoea' , malakoekan kato itoe."

Mandjawab Datoea' Magé ' Djabang : „Malah ba'itoe sakato datoea' , kamano poelo hambo ka lari , tatapi saboeah pinta ' hambo , ko' pandjang minta dikare ' , ko' singke' minta ' dihoeboeang djoeo , oelieh datoea ' sado nan halie."

Mambalēh datoea ' nagari : „ Insja ' Allah baie'lah itoe. Parēnaï malah datoea ' ."

Dalam sabanta itoe djoeo , manjambah poelo Datoea' Magé' Djabang , kapado Datoea' Lēlo Nan Poetieh : „Maminta ' ampoen djoeolah sajo , didatoea ' nan saisi roemah nan gadang 'ko ; tida ' akan tahato' akan tabilang , sambah sajo mandjalani datoea ' sado nan halie, di-Datoea' Lēlo Nan Poetieh tampe' sambah tibo ."

„Kapado Allah manitahlah datoea' ," djawab Datoea' Lélo Nan Poetieh .

Maoelang poelo Datoea' Magé ' Djabang : „Nan sapandjang pitoea datoea ' tadi, alah soedah sajo paroendiengkan , dangan dansana ' sado nan rape' .

Adapoen nan niat datoea ' dalam Patapang Nan Tigo Balai , iolah handa ' mambaie lansai sakali , tantangan di oetang datoea ' nan baroe, kapado kami datoea ' nagari ; ba'itoe nan panjambahan datoea ."

„Sabananjo ," djawab Datoea' Lélo Nan Poetieh .

Maoelang Datoea' Magé' Djabang : „Limbagolah itoe nan djadi niat, de' datoea ' dalam Patapang Nan Tigo Balai , sarato datoea ' nan baroe.

Nan djadi djawab oelieh sagalo datoea' -datoea ' sado nan halie , tantangan niat datoea ' 'toe , alhamdoeli'llah akan djawabnjo , kami tarimo soeko sadjo ; sadionjo kami kan manoenggoe , kironjo de' moedjoea kami djoeo , de' moerah datoea' nan tigo balai , alah titie' sadjo ba' hoedjan , alah hinggo ' sadjo ba' langau ; alah poetjoea' ditjinto oelam tibo itoe di kami , manarimo kasiehlah kami banja '-banja ' , atēh kamoerahan datoea ' 'toe . "

Maoelang Datoea' Léio Nan Poetieh : „ Mano Datoea' Mage ' Djabang , malah ba'itoe kato datoea ' , itoelah sanang hati kami ; soenggoeahpoen toe alah sanang, sabarih laï sambah sajo, kapado datoea ' sado nan rape' ; nan ba' pitoea datoea' djoeo , soenggoeahpoen itoe niat kami , oetang lah akan dibaie' lansai, kapado datoea ' nagari , tatapi malang djoeo datoea ' sakētē' , karano basoeo ba' pitoea oerang toeo , moerah djoeo di nan ado, soeka djoeo di nan tida ' ; kini karano baloen djoeo laï samporono, alat-alat nan akan djadi pambaie oetang baliau 'toe, kapado datoea ' nagari , karano itoe maminta ' djoeolah kami istirahat , kapado datoea ' nagari , aga ' sahari doeo iko , akan mantjoekoei'kan sagalo alat-alat pakakeh 'toe . Mangko ba' itoe pinta ' kami , manoeroei' pitoea datoea' djoeo , karadjo baie ' lakēh -lakēhkan , ama' djangan ditimpo karadjo boeroea ' , karadjo boeroea ' lambē '-lambē'kan , djoko ' oentoeang pambari Allah , boelieh ditimpo de' nan baie' .

Kini kito akan mamboeē ' karadjo baie' , itoelah kami maminta ' kapado datoea ' kaampē' soekoe , sabab barisoea' hari pakan , ama'lah samo -samo kito paï kapakan , mambali pamakan nasi , io oentoea ' djamoean datoea ' , nan akan palapēhi oetang kami . Itoelah nan parmintaan kami , kapado datoea ' sado nan halie , kapado datoea ' kaampe' soekoe , soepajo ama' samo sakatja' sagama' kami mambalinjo , dangan datoea' kaampē ' soekoe , ko' ba' apo -apo nan kan ēlo ' gadang kētē'njo , soepajo dilie ' dipandangi poelo de' datoea ' nagari ; sakian sambah sajo kapado datoea ' sado nan halie ." .

Mambaleh Datoea' Magé' Djabang : „ Mano Datoea' Lēlo Nan Poetieh , sarato datoea ' dalam Patapang Nan Tigo Balai ! Kalau itoe poelo nan parmintaan datoea ' , kapado kami sado nan , itoelah sabananjo poelo , sabab ba'itoe djoeo nan biaso rape ' pado kito, tipa ' di nan saroepo iko ; djoko ' bare' samo didjoedjoeang , nan ringan samo didjindjieng, boeki' samo didaki , loerah samo ditoeroeni . Soenggoeahpoen itoe damikian , nan parmintaan kami poelo , sagalo datoea ' kaampē' soekoe , kapado datoea' dalam Patapang Nan Tigo Balai, sabab banja ' djoeo nan moeskil , pado diri kami masieng-masieng, djoko ' ado dangan kamoerahan datoea' nan tigo balai , kapado kami datoea ' sado nan halie , maminta djoeo kami pado datoea ' , ko' laï akan moengkin, soerang djan badoeo kami datoea ' nagari , mano -mano nan lapang sakētē' , paï manoeroei'kan datoea ' hari barisoea' , akan paï kapakan 'toe . Laïkoh akan djadi ba'itoe ? "

Mandjawab Datoea' Lélo Nan Poetieh : „Mano Datoea' Mage' Djabang, malah de' kato samoepakat , paï lah djo paroendiengan, tingga lah dangan paioan, apo poelo akan salahnjo ? Kami tarimo soeko sadjo, nan panitahan datoea' itoe . "

Mambaleh Datoea' Magé' Djabang : „Malah ba'itoe kato datoea' , managa datoea' sakoetiko , ama ' kami paroendiengkan ."

Maningkah Datoea ' Lélo Nan Poetieh : „Alhamdoeli'llah parēnaïlah datoea ."

Dalam sabanta itoe djoeo , sagalo datoea' kaampē' soekoe ' , laloe baroendieng anjolaï , mantjari kato kaboelatan ; sagalo datoea' kaampē' soekoe , mantjari kawannjo nan laï lapang , nan kan manoeroei'kan datoea ' nan tigo balai , akan paï kapakan barisoea ' .

Ado sabanta antaronjo , dapē'lah poelo kaboelatan, de' datoea' kaampē' soekoe , dapē ' batigo datoea '-datoea ' , nan kan paï kapakan , manoeroei'kan datoea ' dalam Patapang Nan Tigo Balai , satoe Datoea' Madjo Nan Hitam , dalam Malajoe Mandahilieng , kadoeo Datoea' Sarindo Nan Koenieng , didalam Bodi Tjaniago , katigo Datoea' Sari Maharadjo , datoea ' didalam Koto Piliang ; itoelah datoea ' nan kan paï kapakan , manoeroei'kan datoea ' nan tigo balai .

Alah soedah injo baroendieng , manjambah Datoea' Magé'

Djabang, kapado Datoea ' Lēlo Nan Poetieh ; ba'itoe boeni sambahnjo : „ Mano Datoea' Lēlo Nan Poetieh , sarato nan rape' samonjo , sado nan halie diroemah 'ko ! Sajo mandatangkan sambah , di -Datoea' Lēlo Nan Poetieh djoeo tampē' tibonjo sambah sajo .

Apolah nan akan sajo sambahkan ? Adapoen nan parmintaan datoea ' dalam Patapang Nan Tigo Balai tadi , kapado kami datoea ' nan kaampe' soekoe , iolah ama' samo -samo kito kapakan barisoea ' , mambali pamakan nasi , nan kan oentoea ' djamoean datoea ' nan baroe.

Kini karano banja ' poelo hal , nan malintangi diri kami masieng-masieng, itoepoen de' kamoerahan datoea' nan tigo balai, lapang sadjo kami alah soeko poelo datoea ' , ko' mano nan aga' paï , manoeroei'kan datoea ' barisoea' . Sakarang nan kaboelatan kami datoea ' kaampē' soekoe , alah mamoelangkan kami kapado baliau , Datoea' Madjo Nan Hitam, Datoea' Sarindo Nan Koenieng , dan Datoea' Sari Maharadjo ; baliau -baliau itoelah nan kan manjaratoi datoea ' dalam Patapang Nan Tigo Balai , akan mandjadi wakie datoea ' kaampē' soekoe , nan tida' sampat manjaratoi datoea ' 'toe ; itoelah nan sajo sambahkan kapado datoea '."

Mandjawab Datoea' Lélo Nan Poetieh : „Mano Datoea' Mage ' Djabang , malah ba'itoe , alhamdoeli'llah itoe di kami , kami tarimo soeko sadjo . Ato hanjo akan saboeah , maminta ' poelo kami kapado baliau ; djoko ' ado moedah -moedahan , ama ' soegiro poelo baliau datang barisoea' , soepajo samo sarangkē ' kami dangan baliau dari siko ; itoelah poelo nan pangharapan kami ."

Mandjawab Datoea' Madjo Nan Hitam, dangan Datoea ' Sarindo Nan Koenieng , sarato Datoea' Sari Maharadjo : „ Mano Datoea' Lēlo nan Poetieh , di-Datoea' tibo sambah kami . "

„Kapado Allah manitahlah datoea '," djawab Datoea' Lélo Nan Poetieh .

Maoelang Datoea' Madjo Nan Hitam : „Tantangan pado diri kami nan batigo , maminta'lah kami kapado datoea ' dalam Patapang Nan Tigo Balai , dari nan kamari barisoea' 'toe, bari ma'aflah sadjo kami banja '-banja ' ; oesah laï kami kamari poelo , biarlah ama' kami toeroei' sadjo , datoea ' Patapang Nan Tigo Balai kapakan 'toe barisoea' , dipakan sadjolah kito batamoe ."

Mambaleh Datoea' Lélo Nan Poetieh : „Mano Datoea' Madjo Nan Hitam, sarato katigonjo datoea' Piliang, dangan datoea ' di-Tjaniago, nan kan samo djan kami barisoea' ! Elo'lah samo -samo djoeo kito dari siko, soedah makan kito badjalan ! "

Maoelang Datoea' Madjo Nan Hitam : „ Tantangan parkaro minoem makan 'toe , marilalah kami nan batigo , oesah laï datoea ' soesahkan poelo , tida'lah itoe akan mangapo ; ba'apo hari nan barisoea' , malah tibo kito dipakan , ama ' djangan poelo batjaritjarian , bialah ama' kami toeroei'i datoea ' kapakan kabau, disitoe sadjo kito banantian . "

Maoelang Datoea' Lélo Nan Poetieh : „Malah ba'itoe kato datoea ' , akan ba' apo poelo laï, manoeroei' poelo malah kami , dipakan sadjo malah kito basoeo barisoea ."

Alah habih roendiengan itoe, taga'lah poelo soerang manti , dari datoea ' nan tigo balai , bagala Rangkajo Boengsoe, laloe manjambah maso itoe , karano djamba alah talata ' , samantaro datoea ' baroendieng tadi ; ba'itoe boeni sambahnjo :

,,Maminta ' ampoenlah sajo pado datoea' sado nan rape' , saisi roemah nan gadang 'ko, sarato partiapan toean manti pagawai , dangan toean ana ' oerang kajo-kajo ; sajo manjambah tida ' akan tahato ' akan tabilang , sambah sajo mandjalani datoea ' sado nan halie ; apolah nan akan sajo sambahkan ? Aie alah sadio, hēdangan alah salamat, diharibaan datoea ' kaampē' soekoe . Sadjo iolah saparati aie ama ' didjawē ' , djamoe ama ' disanto ' ; sambah sajo naie' , titah datoea ' djoeo sajo poehoenkan , ampoenlah sajo de' datoea ' . "

Mandanga kato nan ba'itoe, bamoepakatlah poelo datoea'- datoea' kaampē' soekoe , akan mambalēh panjambahan 'toe ; ado sabanta antaronjo , dapē'lah poelo samoepakat, akan manarimo panjambahan 'toe , laloelah poelo bawakie , io datoea ' kaampē ' soekoe , kapado saoerang mantinjo , nan bagala Soetan Madjo Lēlo .

Manjambahlah Soetan Madjo Lélo , damikian boeni sambahnjo :

,,Maminta' ampoenlah sajo , diharibaan datoea' kaampē' soekoe , sarato toean oerang kajo-kajo, dan partiapan toean manti pagawai , sado nan rapē ' saisi roemah nan gadang 'ko ; ditoean Rangkajo Boengsoe tampē' tibo sambah."

„Kapado Allah manitahlah toean," djawab Rangkajo Boeng soe.

Maoelang Soetan Madjo Lélo : „Mano toean Rangkajo Boengsoe ! Nan panjambahan toean tadi , oesah kato akan dioelangoelang , karano hari alah baie' , koetiko alah ēlo ' , ko' aie alah salamat, dan djamba alahlah halie , diharibaan datoea ' kaampē' soekoe sado nan halie ; saparatie aie ama ' didjawe ' , dan hēdangan handa' disanto ' , de ' datoea ' sado nan halie ; ba'itoe panjambahan toean."

„Sabananjo ," djawab Rangkajo Boengsoe.

Maoelang Soetan Madjo Lélo : „ Kalau itoe nan panjambahan , poetjoea' ditjinto oelam tibo , manarimo kasieh kami banja'- banja ' , oetjapan datoea ' nan tigo balai . "

„Alhamdoeli'llah , itoelah nan kahanda' hati, " djawab Rangkajo Boengsoe poelo .

Dalam koetiko itoe djoeo, sasoedah sambah -manjambah 'toe, baroelah makan sagalo datoea'-datoea ' 'toe . Sasoedahnjo makan minoem, ditatieng oerang poelolah tjarano sirieh , makan siriehlah poelo datoea '-datoea' 'toe sakapoea soerang. Mangko pado oekatoe itoe djoeo, bamoepakatlah sagalo datoea'-datoea' kaampē' soekoe ditangah 'toe, akan maminta ' idjin kapado datoea -datoea ' dalam Patapang Nan Tigo Balai, karano minoem alah makanpoen alah, dan niat djo kaoeapoen alah baraso : sampai .

Itoepoen disoeroeahlah soerang mantinjo , taga' manjambah maminta'kan idjin , kapado datoea ' Patapang Nan Tigo Balai , handa' mamoehoen koembali katampē' masieng-masieng ; adolah nan disoeroeahnjo pado koetiko 'toe, iolah Soetan Madjo Lélo djoeo, laloe manjambah damikian boeninjo :

„Maminta' ampoenlah sajo kapado karapatan sagalo datoea ' sado nan rape' , sarato partiapan toean manti pagawai , dan toean oerang kajo-kajo, sado nan halie saisi-isi roemah nan gadang 'ko ; sajo mandatangkan sambah tida ' akan tahato ' akan tabilang , sambah sajo mandjalani datoea ' sado nan halie ; sajo rapa' panjambahan katangah , soenggoeahpoen ditangah didatoea ' Patapang Nan Tigo Balai tampē' tibo sambah."

„Kapada Allah, manitahlah pagawai , " djawab datoea ' dalam Patapang Nan Tigo Balai .

Maoelang Soetan Madjo Lélo : „Apolah nan akan sajo sambahkan ? Karano hari alah baie' , koetiko alah ēlo ' , minoem alah makan alah, niat djo kaoea datoea ' nan tigo balaipoen baraso alah salamat poelo . Kini nan parmintaan datoea' -datoea ' sado nan halie , kaharibaan datoea' dalam Patapang Nan Tigo Balai, handa' bamain-main kabawah , koembali katampē' masiengmasieng ; sadjo io ama ' dibari idjin , de' datoea ' nan tigo balai , sarato datoea ' isi roemah, dangan datoea' nan baroe ; sakian sambah sajo kapado datoea ' ."

Maningkah datoea' nan tigo balai : „Alah sampai de' pagawai ?"

„Alah sadang ēlo ' ," djawab Soetan Madjo Lélo .

Maoelang Datoea' nan tigo balai : „ Managa pagawai sakoetiko , ama'lah kami paiokan , parmintaan baliau itoe."

„Alhamdoeli'llah , parēnaïlah datoea ," djawab Soetan Madjo Lélo.

Dalam sabanta itoe djoeo , mangko baiolah poelo datoea ' nan tigo balai , sarato datoea' nan baroe, dan datoea'-datoea ' isi roemah 'toe. Talah samoepakat kasamonjo , mangko disoeroeahlah poelo saoerang mantinjo , oelieh datoea' nan tigo balai , akan mandjawab sambah itoe, iolah Rangkajo Boengsoe djoeo ; pado maso itoe, mangko badirilah poelo Rangkajo Boengsoe, laloe manjambah damikian boeninjo :

„Maminta ' ampoenlah sajo , diharibaan datoea ' sado nan rapē' , saisi-isi roemah nan gadang 'ko, sarato partiapan toean manti pagawai , dangan toean oerang kajo-kajo ; sajo manjambah tida ' akan tahato ' akan tabilang , malainkan sambah djoeo mandjalani datoea ' sado nan halie ; sajo rapa' panjambahan katangah , soenggoeahpoen ditangah , ditoean Soetan Madjo Lēlo tampē' tibo sambah ."

„Kapado Allah," djawab Soetan Madjo Lélo .

Maoelang Rangkajo Boengsoe : „Apolah nan akan sajo sambahkan ? Nan ba' pitoea toean tadi , karano hari alah baie' , koetiko alah ēlo ' , ininoem alah makanpoen alah , ko' niat djan kaoea datoea '-datoea ' Patapang Nan Tigo Balai , alahlah baraso salamat, ba'ato kini sagalo datoea ' sado nan halie , alah handa' maminta ' idjin , koembali katampē ' masieng-masieng ; ba'itoe panitahan ."

„Sabananjo , " djawab Soetan Madjo Lélo .

Maoelang Rangkajo Boengsoe : „ Inda ' laï, limbago lah ba'- itoe ; nan niat datoea' sado nan rape' , alah dilapēh de' datoea '

Patapang Nan Tigo Balai, dangan datoea' nan baroe, sarato daMOESTIKO 'ADAT 'ALAM MINANGKABAU 12 toea ' isi roemah ,dangan hati nan soetji ,moeko nan djaranieh ; djoko ' oentoeang pambari Allah , djangan tjatje 'maro malintang , salamat sadjo sampai poelang . "

djawab Soetan Madjo Lélo poelo . Alhamdoeli'llah ,, " , Alah habih sambah manjambah , baroelah datoea ' sado nan halie poelang koembali katampē'njo masieng -masieng . 'toe , Alah sampai hari nan barisoea ' hari Kamih sahari 'toe , kiro -kiro , poekoea toedjoeah , alah paï batigo datoea ' , dalam Patapang Nan Tigo Balai , barampē ' dangan Datoea ' Maharadjo , ipa datoea 'Radjo Pangoeloe ;dibaonjo poelo ana ' boeah ,adolah ampē ' limo oerang , nan kan mambao kabau itoe , sarato barang nan alah tibo injo dipakan , lain lain - ; laloe baranti poelo sabanta , doedoea 'maroko ' tapi pakan . Alah sabanta antaronjo ,kiro -kiro poekoea sabalēh , alah banja ' kabau nan datang , laloe paï kapakan kabau , laloe diliē ' dipandangi ; io nan batigo , datoea ' batamoelah poelo maso itoe , laloe dibao minoem kopi , kalapau didakē ' diagieh poelo makan sakali . Alah soedah minoem 'toe , dibaie oetang anjolaï , Maharadjo , dan makan , io de ' Datoea ' nan mamatji ' oeang balandjo ; alah soedah oetang dibaienjo , baroe badjalan masoea ' pakan , sagalo datoea ' nan tadi ,mantjari kabau nan kan dibali , ditindjau -tindjau dari djaoeah , dipatoei ' -patoei ' dipandangi , iolah kabau didalam pakan ,diliē 'kiri dangan kanan , ditjari hilie dangan moedie ' didjalani pakan , samonjo , dari oedjoeang laloe kapangka ,mamandangi kabau nan kan dibali . samonjo , alah dipilieh mano nan Soedah talie ' patoei ' , nan sadang ēlo ' akan pagoeno ; itoepoen alah tampa ' poelo , ditanjokan oerang nan poenjo ; alah basoeo maso itoe , laloe ditanjo kapadonjo : „Kabau dari mano iko ? "

oerang nan poenjo kabau , Dē ' ditoendjoea'kan poelo nagarinjo , dari mano kabau dibaonjo . Alah tantoe koto nagarinjo , alah dipalieng kabau itoe ,dipandangi basamo -samo ;alah soedah kabau dipandangi ,ditanjokan poelo haragonjo ;mandjawab nan disaboei'kannjo haragonjo . poenjo kabau ,

Mambalēh datoea ' nan batanjo : „Maha bana itoe toean ; kami baie sadjolah sakian . kini ba'itoelah de ' toean , " Diminta ' aga ' dibawah , tida'lah amoeah nan poenjo kabau , dioelang sakali laï : „Itoelah patoei ' haragonjo , oesah laï toean tahan djoeo , kami tida ' kan djagalan , de ' iko kabau ka kami dabieh ; kalau amoeah toean sakian , ama ' kami baie haragonjo , minta'kanlah soerē' kini-kini, sabab kami 'ko handa' lakēh. "

Mandjawab nan poenjo kabau : „Ko' hanjo ba ' pinta ' datoea ' 'toe , tida'lah lapēh kabau iko , alah diatēh oerang dari itoe."

Dalam sabanta itoe djoeo, badjalanlah poelo datoea' tadi , mantjari kabau nan lain ; dalam injo badjalan 'toe , alah baroendiengroendieng djoeo , mamparoendiengkan kabau tadi : „ Itoelah patoei' kito bali , tida'lah maha kabau itoe, dalam pikieran hati hambo." Kato datoea ' nan soerang laï : „Sakianlah patoei' kito bali ," disaboei'njo tantang nan patoei ' . Alah sakato poelo disanan , badjalan djoeo maso itoe, maliē' kabau nan lain ; dalam injo badjalan 'toe, laloe disoeroeah saoerang , manindjau kabau nan tadi , mahago sakali laï ; itoepoen datoea' hampielah badapē ' , adolah garan salisiehnjo , sakiro doeo tigo roepiah . Alah babalie' datoea ' itoe, kapado kawannjo tadi , mangatokan hampie badapē' ; dalam sabanta itoe djoeo , alah dipadoe paroendiengan, itoepoen sakato anjolaï , akan mambali kabau itoe, ba'apo kato oerang nan poenjo , karano lah patoei' haragonjo .

Dalam sabanta itoe djoeo, alah babalie ' datoea ' tadi , maoelang kabau nan tadi, mahabihkan paroendiengan ; alah badapē' maso itoe, dapē'lah poelo toeroen sakētē' , dari nan dimoepakati tadi ; disaboei' nan poenjo kabau , dioelang sakali laï, mananjokan balinjo 'toe : „Saboei'kan sadjolah nan bana, ama ' dē' kami kabau iko ," katonjo datoea ' nan mahago . Alah ditoeroenkan poelo de' oerang 'toe, adolah kiro satoe doeo roepiah , alah diminta ' di nan patoei' , hampie badapē' anjolaï , samo batahan kadoeonjo ; adolah doeo tigo kali , samo pinta '-maminta ' djoeo , alah badape' maso itoe, alah soeko nan poenjo kabau , laloe dibari tando djadi, disoeroeah minta'kan poelo soerē'njo . Alah soedah soere' diminta'kan , laloe dibaie haragonjo ; alah soedah bakarilahan , disoeroeah bao kabau itoe, kapado ana' boeahnjo tadi , dibari poelo balandjonjo .

Alah soedah mambali kabau , sagalo datoea' nan tadi , kaloea dari pakan kabau , katangah pasa anjolaï ; disoeroeah poelo ana' boeah, mambali barang nan lain-lain, apo -apo barang nan koerang , baie' alat pamasa'njo , nan kan pamasa' kabau tadi ; alah salamat ditoendjoea'kan , païlah poelo sambahjang loehoea , sagalo datoea ' nan tadi ; babalie' dari sambahjang , dioelang poelo minoem kopi , kalapau ditangah pakan . Alah soedah injo mi noem kopi , dibari poelo balandjonjo , sagalo datoea '-datoea' tadi, nan kan pambali daoen djan timbakau ; moelo -moelo tida' injo amoeah , manarimo balandjo itoe, malainkan injo babaso djoeo ; tatapi de' datoea ' nan tigo balai , disoeroeah tarimo djoeo kēpēng itoe , sabab ba'itoe nan biaso, karano injo oerang dibao .

Alah soedah ditarimonjo , de' datoea ' nan tigo soekoe , diambie'kan poelo itoe sakali , balandjo datoea ' nan tigo balai , io de' Datoea' Maharadjo , ipa Datoea' Radjo Pangoeloe, sarato ana ' boeah itoe, dibari balandjo samonjo . Soedah itoe dibari samonjo , laloe badjalan masoea ' pakan , mambali apo nan katoedjoe, oentoea ' dirinjo masieng-masieng ; soedah salasai dari itoe, laloelah poelang anjolaï , sagalo datoea ' -datoea ' itoe .

Alah sampai poelo isoea ' harinjo, hari Djoemaʻat sahari 'toe, alah rape ' poelo datoea' nagari , karoemah Datoea' Radjo Pangoeloe , nan lah dipanggie kapatang , io de' boedjang main pantan , sabab hari nan sahari 'toe , iolah datoea ' nan tigo balai , akan maoendjoea'kan kabau, sarato bareh nan saratoeih , dangan kilang nan sagoetji , sarato ameh nan doeo poeloeah , baieran oetang datoea ' nan baroe, kapado datoea ' nagari . Alah rape' samonjo , sagalo datoea ' kaampē' soekoe , doedoea ' baatoea ateh roemah laloe manjambah maso itoe, iolah Datoea' Lélo Nan Poetieh , kapado datoea ' sado nan rape' , ba'itoe boeni sambahnjo :

,,Maminta ' ampoenlah sajo pado karapatan sado nan halie , nan saisi -isi roemah nan gadang 'ko ; sajo manjambah tida' akan tahato ' akan tabilang , sambah sajo mandjalani datoea' sado nan halie ; sajo rapa ' panjambahan katangah , didatoea ' sado nan halie tampe' tibo sambah."

„Kapado Allah manitahlah datoea '," djawab datoea ' nagari dari tangah .

Maoelang Datoea' Lélo Nan Poetich : „Apolah nan akan sajo sambahkan, kaharibaan datoea' sado nan halie , iolah tipa' di diri baliau datoea ' nan baroe 'ko ; karano dē' 'adat datoea' dalam nagari , baliau tapaoei' batali tatambang balanta' , alah baoetang baliau sapandjang 'adat, kapado datoea ' nagari . Nan sapandjang ' adat kito djoeo, lapēh oetang de' babaie, lapēh kabē' de' baoengkai . Kini karano datoea ' nagari alah halie , alahkoh djadi sajo manjaboei' , nan taraso dihati nan takalang dimato ? Tantangan itoe ama' pitoea djoeo sajo dari datoea ' nagari !"

Mambaleh datoea ' dari tangah : „Mano Datoea' Lēlo Nan Poetieh , di datoea ' tampe' sambah tibo," katonjo Datoea' Machoedoem Sati, nan djadi wakie datoea' nagari dari tangah .

„Kapado Allah , manitahlah datoea ," djawab Datoea' Lélo Nan Poetieh .

Maoelang Datoea' Machoedoem Sati : „ Djoko ' laï nan taraso dihati , nan takalang dimato , nan ka datoea ' saboei'kan kapado kami , datoea ' kaampē' soekoe , alahlah sadang ēlo' rasonjo ; parēnaïlah datoea ' !"

Maoelang Datoea' Lélo Nan Poetieh : „Alhamdoeli'llah , ama'- lah sajo saboei ' nan taraso dihati, nan takalang dimato ; tatapi ko' pandjang ama' dikare ' , singkē ' dihoeboeang djoeo, dē' datoea ' sado nan halie .

Adapoen tadi soedah sajo sambahkan , tantangan dari datoea' nan baroe, de' ' adat datoea ' dalam nagari , iolah baoetang baliau sapandjang ' adat, alah tapaoei' batali , alah tatambang , baliau de' 'adat kito basamo-samo . balanta '

Ba'ato kini nan djadi niat de' kami , datoea' nan tigo balai , sarato datoea ' nan baroe : ko' oetang baliau 'toe , iolah handa ' mambaie kami hari nan kini, kapado datoea' nagari , dan tali iolah handa' mamoetoeih, lanta ' iolah handa' mantjaboei ' kami hari nan kini. Itoelah niat dihati kami , datoea ' nan tigo balai, sarato datoea' nan baroe ; tantangan itoe iolah handa' pitoea djoeo kami dari pado datoea ' sado nan halie ; sakian sambah sajo ."

Mambaleh Datoea' Machoedoem Sati : „Mano Datoea' Lēlo Nan Poetieh ! Alah sampai de' datoea ' ? "

„Alah sadang," djawab Datoea' Lélo Nan Poetieh .

Maoelang Datoea' Machoedoem Sati : „Managa datoea ' sakoetiko , ama ' kami paiokan sabanta."

„Alhamdoeli'llah , parēnaïlah datoea ' ," djawab Datoea' Lélo Nan Poetieh .

Dalam pado itoepoen balēgalēgalah poelo , sambah -manjambah datoea' nagari ditangah , mamparoendiengkan kato itoe ; ado sabanta antaronjo , dapē'lah poelo kaboelatan , laloe maoelang poelo datoea ' nagari koembali , akan mandjawab sambah itoe, kapado datoea ' Machoedoem Sati. Tatapi de' Datoea' Machoedoem Sati, karano baliau alah aga ' toeo sakētē' , soearo alah aga' koerang djaleh , mangko baliau poelangkanlah poelo , akan manjampaikan panjambahan 'toe, kapado Datoea' Lélo Maharadjo , saoerang pangoeloe nan tjadie' pandai djoeo, pangoeloe andiko dalam kampoeang Piliang. Mangko baliau tarimolah poelo parmintaan itoe, laloe manjambah poelo damikian :

,,Maminta' ampoenlah sajo pado datoea ' sado nan halie, saisiisi roemah nan gadang 'ko, sarato partiapan toean manti pagawai , dangan toean oerang kajo-kajo ; sajo manjambah tida' akan tahato ' akan tabilang , sambah sajo mandjalani datoea ' sado nan halie ; saja rapa ' panjambahan katangah , soenggoeahpoen ditangah , di-Datoea' Lēlo Nan Poetieh tampe' tibo sambah ."

„Kapado Toehan kito, manitahlah datoea '," djawab Datoea' Lélo Nan Poetieh .

Maoelang Datoea' Lélo Maharadjo : „Apolah nan akan sajo sambahkan ? Nan ba'pitoea datoea ' tadi , karano baliau datoea' nan baroe 'ko, de' 'adat dalam nagarı iolah tapaoei batali tatambang balanta' , alah baoetang sapandjang 'adat baliau , kapado kito datoea' nagari . Kini nan djadi niat de' datoea' , dalam Patapang Nan Tigo Balai, sarato datoea ' nan baroe, mangko didaga kami datoea' nagari kamari , iolah tantangan oetang baliau 'toe , alah handa' mambaie datoea' nan tigo balai ; ko' tali alah handa' mamoetoeih , lanta ' alah handa' mantjaboei ' datoea' nan tigo balai , pado hari nan kini, mangko ba'itoe panitahan datoea ."

„Sabananjo ," djawab Datoea' Lélo Nan Poetich .

Maoelang Datoea' Lélo Maharadjo : „ Limbago alah itoe nan taniat , de' datoea ' nan tigo balai , alah poetjoea' ditjinto oelam tibo itoe di kami , alhamdoeli'llah akan djawabnjo ; kami tarimo soeko sadjo ."

Maningkah poelo Datoea' Lélo Nan Poetieh : „Malah ba'itoe kato datoea ' , soekolah itoe hati kami; soenggoeahpoen itoe damikian , sabarih laï sambah sajo , kapado datoea' sado nan halie , di datoea ' djoeo tampē' tibonjo. "

„Kapado Allah manitahlah datoea ," djawab Datoea' Lélo Maharadjo .

Maoelang Datoea' Lélo Nan Poetieh : „Apolah nan akan sajo sambahkan, iolah tantangan nan tadi djoeo , nan ba' pitoea datoea' nan toeo -toeo : „lama' laoea ' dikoenjah -koenjah , lama' kato dipakatokan " , karano kami datoea'-datoea' Patapang Nan Tigo Balai, sarato datoea' nan baroe, alah akan mambaie oetang nan sapandjang 'adat, kapado datoea ' nagari , dan datoea'-datoea ' nagaripoen lah samo-samo soeko poelo , akan manarimo baieran itoe, kini soepajo tarang ama ' bakatarangan , njato ama' bakanjatoan , adapoen nan djadi oetang de' baliau datoea ' nan baroe, kapado datoea ' nagari , tipa' di nan saroepo iko, tolah kabau nan saikoea, bareh nan saratoeih , kilang nan sagoetji, dangan ameh nan doeo poeloeah . Iokoh itoe nan djadi oetang de' baliau , kapado datoea ' nagari atau tida'koh , karano de' lamo loepo , de' banja ' ragoe ? Kadji lah lamo tida' basaboei' ; itoelah nan kami tarangi , kapado datoea ' sado nan halie , ama ' pitoea djoeo kami dari datoea' nagari , tantangan itoe".

Mambaleh Datoea' Lélo Maharadjo : „Mano Datoea ' Lēlo Nan Poetieh ! Di datoea' tibo sambah sajo ."

„Kapado Allah manitahlah datoea ," djawab Datoea' Lélo Nan Poetieh .

Maoelang Datoea' Lélo Maharadjo : „Apolah nan akan sajo sambahkan ? Nan ba' pitoea datoea ' tadi , oesah kato akan dioelang , adapoen nan djadi oetang de' baliau datoea' nan baroe, kapado datoea ' nagari , tipa' di nan saroepo iko , iolah kabau nan saikoea, dangan bareh nan saratoeih , sarato kilang nan sagoetji, dangan ameh nan doeo poeloeah . Iokoh itoe nan djadi oetang, de' baliau kapado datoea' nagari , atau tida'koh itoe nan djadi panjambahan , de' datoea' nan tigo balai , kapado kami datoea' nagari ?"

„Sabananjo , " djawab Datoea' Lélo Nan Poetieh .

Maoelang Datoea' Lélo Maharadjo : „Kalau itoe nan datoea' tanjokan, itoelah kato sabananjo ; tida' salisieh itoe laï, lah tantang aie lapēh toebo, alah tahimbau dinamonjo , alah tatoeroei ' didjalannjo, tida' baroebah itoe laï ; kan loepolah malim di soerē'njo !"

Mambaleh Datoea' Lélo Nan Poetieh : „ Limbago alah itoe, nan oetang de' baliau datoea ' nan baroe, kapado datoea ' nagari . Kini karano hari lah baie' , koetiko alah ēlo' , nan pangharapan kami datoea ' nan tigo balai , ama'lah ditarimo sakali hari nan kini , io de' datoea' nagari , sagalo nan djadi oetang de' baliau 'toe, soepajo ama' bakalapēhan , baliau dangan datoea ' nagari , tantangan oetang baliau itoe. Tipa' di kabau nan saikoea, itoelah tapaoei' dihalaman ; ko' bareh nan saratoeih , kilang nan sagoetji , sarato ameh nan doeo poeloeah , ikolah diateh roemah ; sadjo iolah ama' dilie ' ditarimo sakali , de' datoea' sado nan halie , soepajo boee ' ama' habih , kato ama ' salasai . Itoelah nan djadi pangharapan , oelieh kami datoea' nan tigo balai , sarato datoea' nan baroe, kapado datoea ' nagari ."

Dalam koetiko itoe djoeo, ditatieng oeranglah ameh nan doeo poeloeah 'toe, talata ' dalam satoe boengkoesan, iolah sapoe tangan kaamasan , diatēh tjarano batirai, kahadapan sidang karapatan datoea ' nagari , ditatieng oelieh saoerang mantinjo, dangan pakaian saparati patoei' , sarato basimpoeah malata'kan oeang 'toe, dihadapan datoea ' kaampe' soekoe . Alah soedah tjarano 'toe talata ' , mangko bamoepakatlah datoea'-datoea ' nagari ditangah roemah itoe, tantangan manarimo sakalian baieran , oetang datoea' nan baroe itoe. Alah sabanta antaronjo , datoea ' -datoea ' itoe baroendieng , sambah-manjambahlah datoea ' ditangah , bagaimano manarimo baieran oetang datoea' nan baroe 'toe ; sakiro -kiro damikian boeni paroendiengan , datoea ' nan ditangah 'toe :

„Mano datoea' nan dioedjoeang nan dipangka , nan ditangah nan ditapi , sarapē'njolah datoea' kaampe' soekoe , nan saisiisi roemah nan gadang 'ko," sambah Datoea' Lélo Maharadjo . „Karano baliau datoea '-datoea ' Patapang Nan Tigo Balai, alah malata'kan baieran oetang datoea' nan baroe, kaharibaan datoea ' sado nan halie , alahkoh akan djadi kito tarimo , ama'lah sadjawab kito nan basamo ?"

Mandjawab datoea' nagari kiri dan kanan : „Mano Datoea ' Lēlo Maharadjo ! Karano alah itoe nan panjambahan datoea' nan tigo balai , kapado datoea ' nagari , alah sapatoei'njo bana datoea' nagari , manarimo baieran 'toe , soepajo ama ' bakalapēhan antaro kito, dangan baliau tantangan 'toe, karano sapandjang pitoea datoea ' djoeo : „lapēh oetang de' babaie, lapēh kabe' de' baoengkai ", kini karano baliau handa' dilapēhi , dari pado oetang baliau 'toe, alah baliau oendjoea'kan kapado kito ; alah wadjib poelo di kito manarimonjo 'toe, soepajo ama' samosama bakasanangan , antaro kito kadoeo balah piha' dangan baliau. Atonjo akan saboeah , nan ba' pitoea datoea ' djoeo : „ soedah gajoeang dibalabeh, soedah kato dipangkanjo " , ba'apo kini laï, nan kaboelatan kami nan basamo, tantangan akan manarimonjo 'toe , iolah mangoembali djoeo kami ka datoea ."

Maningkah Datoea' Lélo Maharadjo , sambie manjambah damikian : „ Maminta ' ampoenlah djoeo sajo , diharibaan datoea ' kaampē' soekoe sado nan halie , tantangan akan manarimo 'toe ; maminta'lah sajo kapado datoea' sado nan halie , karano hambo 'ko koerang pandape' tantang itoe, ama'lah datoea ' nan lain poelolah manarimo 'toe , dari datoea ' nan tigo balai ; sakian sambah sajo kapado datoea sado nan halie ."

Maningkah datoea ' nagari : „ Mano Datoea' Lēlo Maharadjo ! Didatoea ' tibo sambah kami ."

„Kapado Toehan kito," djawab Datoea' Lélo Maharadjo .

Maoelang datoea ' kaampé' soekoe : „ Tantangan manarimo itoe, oesahlah doeo tangan poelo kito laï , malainkan sagalo kami datoea' kaampē' soekoe sado nan halie , alah boelē ' sagolē ' , pipih salajang kami nan basamo, malainkan datoea ' djoeo nan akan manarimonjo 'toe, dari pado datoea ' nan tigo balai ."

Mambaleh Datoea' Lélo Maharadjo : „ Limbago alah ba'itoe , kaboelatan datoea ' sado nan halie , karano pitoea datoea ' djoeo : ko' digajoei'i batoe alah akan tinggalam , ko' digajoei'i saboei ' iolah akan tarapoeang , kini karano lah boelē ' datoea' kaampe' soekoe manjoeroeahkan sajo , kamano poelo sajo ka lari ; ama' sajo tjoebotjoebo malah, sakada dapē' de' sajo ; tatapi pangharapan sajo ka datoea' sado nan halie , ko' pandjang ama' dikarē ' , singkē ' ama ' dihoeboeang djoeo sajo de' datoea'."

," djawab datoea ' nagari . „Parēnaïlah datoea'

Mangko manjambahlah Datoea' Lélo Maharadjo :

,,Maminta ' ampoenlah sajo pado datoea ' sado nan rape ' , sarato partiapan toean manti pagawai , dangan toean oerang kajokajo, saisi-isi roemah nan gadang 'ko ; sajo manjambah tida ' akan tahato ' akan tabilang , sambah sajo mandjalani datoea ' sado nan halie ; sajo rapa ' panjambahan katangah , soenggoeahpoen ditangah di - Datoea' Lēlo Nan Poetieh tampe' tibo sambah."

„Kapado Toehan kito," djawab Datoea' Lélo Nan Poetieh .

Maoelang Datoea' Lélo Maharadjo : „Apolah nan akan sajo sambahkan ? Karano datoea' nan tigo balai , alah maoendjoea'- kan baieran oetang datoea' nan baroe, kapado kami datoea' nagari , iolah kabau nan saikoea, kilang nan sagoetji , bareh nan saratoeih , sarato ameh nan doeo poeloeah , iolah ba'itoe nan panjambahan datoea' tadi ."

„Sabananjo , " djawab Datoea' Lélo Nan Poetieh .

Maoelang Datoea ' Lélo Maharadjo : „Tantangan itoe nan sapandjang kaboelatan kami , datoea ' nan kaampe' soekoe , alahlah manarimo soeko kami baieran oetang baliau 'toe, dangan sagalo soeko hati. Ba'ato hari nan kini , baparmintaan poelo kami datoea ' nagari , kapado datoea' dalam Patapang Nan Tigo Balai, sarato datoea' nan baroe. '

Tipa' di kabau nan saikoea, handa' ditolong kami oelieh datoea' nan tigo balai , mambantai sarato mamasa'kannjo sakali, basamo-samo dangan bareh nan saratoeih , dan kilang nan sagoetji ; ko' dagiengnjo ama'lah samo kito lapah disiko , darahnjo amalah samo kito katjau, tandoea'njo ama' samo -samo kito tanam sakali; dan ameh nan doeo poeloeah , iolah handa ' dibagi-bagikan poelo kami sakali , ko' barapo-barapo nan akan bahagian kito masieng-masieng ; pabilo -pabilo harinjo nan akan sampat, de' datoea ' dalam Patapang Nan Tigo Balai , mananti sadjolah kami dari datoea'. Itoelah poelo nan pangharapan kami datoea' nagari , kapado datoea ' dalam Patapang Nan Tigo Balai ; sadjo iolah ama ' dipakanankan , de' datoea ' nan tigo balal , tantang parmintaan kami itoe."

Mambaleh Datoea' Lélo Nan Poetieh : „Mano Datoea' Lélo Maharadjo ! Didatoea' djoeo tibo sambah sajo ; soenggoeahpoen didatoea' , sarapē'njolah datoea' sado nan halie , nan saisi-isi roemah 'ko, tampē' sajo mandatangkan sambah."

,,Kapado Toehan kito, " djawab Datoea' Lélo Maharadjo ,

Maoelang Datoea' Lélo Nan Poetieh : „Apolah nan akan sajo sambahkan ? Nan ba' pitoea datoea ' tadi , karano datoea' nagari alah soedah manarimo , baieran datoea' nan baroe satjoekoei'njo , kini baparmintaan poelo datoea' nagari , kapado kami datoea' nan tigo balai .

Tipa' di kabau nan saikoea, dangan barēh nan saratoeih , ama' dimasa'kan poelo sakali , oelieh kami datoea' nan tigo balai , ka oentoea ' datoea ' nagari , soepajo dagiengnjo samo kito lapah , darahnjo ama ' samo kito katjau, tandoea'njo ama ' samo kito tanam disiko; dan kilang nan sagoetji ' , sarato ameh nan doeo poeloeah , ama ' ditolong poelo datoea ' nagari de' kami , akan mambagi -bagikannjo , ko' barapo-barapo nan patoei' bahagian masieng -masieng ; ba'itoe panitahan datoea'."

„Sabananjo ," djawab Datoea' Lélo Maharadjo .

Maoelang Datoea' Lélo Nan Poetieh : „Kini kalau itoe poelo nan pangharapan datoea ' nagari , kapado kami datoea' nan tigo balai , inda ' laï kamano poelo kami ka lari , ko' digajoei'i batoe iolah akan tinggalam de' datoea ' nagari , ko' digajoei'i saboei ' iolah akan tarapoeang , limbago alah ba'itoe, nan kahanda ' hati dansana ' nan basamo ; kami tarimo soeko sadjo itoe laï .

Atonjo akan saboeah, ko' pabilo-pabilo kami mandaga datoea' nagari tantangan itoe, amalah dihalieri poelo , de' datoea'- datoea' nagari basamo-samo ."

Mambaleh Datoea' Lélo Maharadjo : „ Mano Datoea' Lēlo Nan Poetieh , insja' Allah baie'lah itoe, kami tarimo soeko sadjo ."

Kaba baralieh poelo sabanta, soenggoeah baralieh sanan djoeo , dalam oerang baroendieng 'toe , toemboeahlah poelo silang sakētē' ; soenggoeahpoen silang itoe nan toemboeah , maēlo'kan djoeo pado alē', iolah renta ' dangan sēdēng, nan tapakai sapandjang 'adat ; djoko ' tahērēng atau tagēndēng, dalam koetiko 'adat badiri , ama' tahoe djoeo nan baloen tahoe, ama' pandai djoeo nan baloen pandai , tantangan hērēng dangan gēndēng, dalam koetiko 'adat badiri , biaso djoeo itoe toemboeahnjo .

Adolah datoea' nan baroe 'toe , sadja ' samoelo injo diangkē ' , barapo banja ' oerang manjilau , nan bakari ' nan bakabieh , sagalo andan pasoemandan, nan batali kakampoeang 'toe, datang balako itoe manjilau ; ba'itoe 'adat nan biaso , akan djadi tando pakari'an . Oerang nan manjilau 'toe, diisi doelang saboeah , doelang paha bakaki gadang, batirai badalama' , doeo poelo talam pangiriengnjo ; saboeah barisi ragam samba, saboeah paminoem kopi , langko'lah itoe didalamnjo , makanan sapandjang 'adat, iolah wadji' djo kalamai , boeah koebang djo nasi lama' , sarato sisie bareh poetieh , batjampoea dangan sarikajo, goelai ditjawan batoekoei'i , didjindjieng digantoeanggantoeang .

Oerang nan datang manjilau 'toe, langko' djan korong djan kampoeangnjo , pakaian sapandjang ' adat, barapo poelo dajangdajang, nan mamakai kain sakalat , io sakalat 'aina'lbanat , pakaian oerang patoei'-patoei' , takana ' soebang dangan galang , disandang kain kendang -kēndang , sadanglah poelo pakaiannjo .

Malah tibo diroemah 'toe, baban didjawē ' de' rang kampoeang , dibao hēdangan 'toe , kamoeko datoea ' nan baroe, misiki barapo itoe banja'njo , disitoe balako dibarihkan , diatoeakan boedjang main pantan ; mano nan kari ' dakē' djoeo, nan aga' djara' djara ' poelo , babarih saliri' 'toe, sampai kahilie dan kamoedie' , dihado'an datoea ' nagari , badoelang balako itoe samonjo ; ko' koеrang doelang oerang manjilau , dilangko'kan djan doelang si pangkalan .

Sagalo alē' panjilau 'toe, dimakan basamo-samo , oelieh datoea' nan baroe 'toe , dangan datoea' nan ado disanan , sarato oerang nan banja' 'toe, nan datang satio' hari, atau oekatoe datoea' barapë' , mamparoendiengkan alē' djamoe , mandoedoea'- kan ninie' mama', karano oerang isi nagari , baie' datoea ' baie ' tida' , mano nan bakari ' nan bakabieh , atau sahabat kanalannjo , datang manjilau balako , mamakan hēdangan 'toe ; tanamo oerang laki-laki , kalau tida ' sadang de' itoe, de' makanan oerang manjilau, ditambah itoe de' si pangka , mano nan koerang ditjoekoei'kan , diisi doelang samonjo .

Saboeah poelo pantangnjo , namoen itoe nan kari' bana, pasoemandan nan manjilau , doelangnjo tida ' boelieh diasa' , atau diinsoei ' dari sitoe, dari moeko datoea ' nan baroe ; saboeah doelang dari bakonjo , dangan doelang ana' roemahnjo , tato' disitoe salamonjo , tida'lah boelieh diasa'-asa ' atau diinsoei ' dari sitoe ; tato'lah itoe salamonjo , dimoeko datoea ' nan baroe 'toe .

Namoen nan lain dari itoe, boelieh diansoea oedjoeang pangka, kamoeko datoea' nan lain, nan datang manjilau 'toe, maoeli'i datoea ' nan baroe.

Tasaboei' hari nan tadi , hari 'toe hari Djoema'at , datoea '-datoea ' tantoelah rami , sabab karano hari itoe, oerang marapē ' nagari , mandoedoea'kan ninie ' mama' , sabab maoendjoea'kan kabau dangan barch nan saratoeih , sarato kilang nan sagoetji , dangan ameh nan doeo poeloeah .

Pado hari nan sahari 'toe, barapo banja ' oerang manjilau , karano hari panghabisan , basilang doelang dangan talam , nan bakari' nan bakabieh , banja' nan datang hari 'toe.

Pado koetiko itoe djoeo , datang poelo injo manjilau , iolah si Reno Ameh , bini Datoea' Radjo Pangoeloe ; itoelah parampoeannjo nan moedo , andē dē' Soetan Parhimpoenan , kamanakan Datoea' Mage' Djabang , oerang kampoeang Malajoe Dalam , datang djan korong kampoeangnjo , datangnjo barami -rami , mambao hēdangan nan ka panjilau , langko ' djan doelang djan talamnjo , ba'apo 'adat nan biaso . Alah sampai diroemah 'toe , doelang didjawe ' de' rang kampoeang, sarato talam djan goelainjo , dibarikan ka boedjang main pantan , diantakan kamoeko datoea' nan baroe, itoe nan bao si Rēno Amēh 'toe.

Barauari si Rēno Amēh tadi , sarato korong djan kampoeangnjo , disapo de' oerang kampoeang, didoedoea'kan karoeang tangah , diatēh tilam kasoea pandjang , dikawani oerang kampoeang 'toe , dibari sirieh ditjarano .

Ado sabanta antaronjo , kamoedian dari itoe, tibo poelo nan soerang laï , iolah si Boengo Tjajo , andē dē' si Boengo Kapēh , bini toeo Datoea' Radjo Pangoeloe, kamanakan Datoea' Bandaharo Moedo , nan dikampoeang Taloea' Dalam , datang poelo injo manjilau, langko' djan korong djan kampoeangnjo , saroepo nan tadi djoeo. Alah tibo injo disanan , doelang didjawe ' de' rang kampoeang , dibarikan poelo ka boedjang main pantan . Hado ' kapado si Boengo Tjajo tadi , sarato korong djan kampoeangnjo, dibao poelo doedoea ' katangah , diateh kasoea pandjang poelo, disabalah si Reno Ameh , dibari sirieh ditjarano, dikawani poelo de' rang kampoeang.

Tasaboei ' boedjang main pantan , boekannjo boedjang nan tadi, boedjang ado badoeo batigo , baroe didjawē'njo doelang itoe, io doelang si Boengo Tjajo, sarato talam djan goelainjo , dilata'kannjo poelo itoe kasanan , kamoeko datoea ' nan baroe. Sabab doelang banja ' disanan , djadi ditatieng nan dahoeloe , diasa' sambie kaoedjoeang , sarato talam djan goelainjo , aga ' tadjara'lah sakētē' , antaro tigo ampē ' doelang , dari moeko datoea' nan baroe ; mangko de' boedjang main pantan , doelang nan diasa'njo 'toe , tida'lah injo mangatahoei , bahaso doelang si Rēno Amēh , bini Datoea' Radjo Pangoeloe, disangkonjo doelang si pangkalan , sabab doelang banja ' disanan .

Sadang injo maasa ' 'toe , mangidjo ' oerang dari pangka , iolah Sitti Djalēla, mahimbau ka boedjang main pantan , nan maasa' doelang itoe ; tida ' parēso itoe de' injo, doelang diasa'njo djoeo, ditoeka djo doelang nan baroe datang, io djan doelang si Boengo Tjajo .

Alah soedah doelang diasa'njo , doedoea'lah boedjang main pantan , tida' mamandang kiri kanan , oerang lah manggarih djoeo, soerangpoen tida' nan laï tahoe, oerang nan didakē ' itoe, sabab datoea ' sadang baroendieng , basahoei'an sambah-manjambah .

Dalam sabanta itoe djoeo, mamandang si Reno Amēh , sarato korong djan kampoeangnjo , diliē ' doelangnjo dialieh oerang , disinta ' sambie kaoedjoeang , ditoeka djan doelang baroe datang, io djan doelang si Boengo Tjajo.

Maliē ' roepo damikian , alah sirah tjando moekonjo , manggaranjam paloeah kaloea, garih-manggarih samo injo, mamandang kiri dangan kanan , laloe taga' si Reno Amēh, didoekoeang ana' dikirikan, diambie'njo kain panjaho'njo , tahampai diroeang tangah , disēnta'kan kain gamboeran , dihampaian datoea' nan baroe, injo marēnta ' laloe toeroen, manoeroei' korong kampoeangnjo ; takadjoei ' oerang ateh roemah, tagampa oerang didapoea , galau-bagalau maso itoe, diatēh roemah nan gadang 'toe , dari oedjoeang laloe kapangka ; alah hirau sagalo parampoean, tanjo -batanjo samo injo, barapo bisie ' dangan dasoeih , apo moelonjo itoe tadi , mangko injo poelang sadjo , marēnta ' saroepo 'toe ; itoelah boeni paroendiengan , sagalo kari ' si pangkalan.

Mandjawab Sitti Djaléla baroendieng sambie babisie ' : „Tida' salah dari injo, salahnjo pado kito djoeo , salah de' boedjang main pantan ; io hēdangan si Reno Amēh , dihadapan datoea' nan baroe, mangapo itoe diasa'njo , dialiehnjo sambie kaoedjoeang, ditoekanjo djan doelang nan baroe datang , djan doelang si Boengo Tjajo ; itoe sababnjo injo marēnta'. Kini ba'itoelah di kaka ' , païlah kaka ' aga ' badoeo , toeroei'lah itoe dahoeloe, djalanglah injo kalaboeah, bao tjarano aga' saboeah , poedjoea'- lah itoe dahoeloe ; soeroeah koembali injo kamari , ēlo'-ēlo' kaka ' katokan , oesah kito bagalau djoeo, djanjo oerang padah mangapo, tida' ēlo' dipandang oerang, saroepo alē' tida' bapangka , tida' bainang bagoebalo ; hano' sadjolah nan lain, oesah tanjobatanjo djoeo, salah tjando dipandang oerang."

Mandanga kato nan ba'itoe , alah hano' oerang nan tadi , sagalo si pangkalan , nan tanjo-batanjo tadi .

Dalam koetiko itoe djoeo , bakamēh badoeo parampoean, nan disoeroeah Sitti Djalēla, diisi sirieh ditjarano , ditoeroei ' laloe kalaboeah ; alah batamoe tangah djalan, dioendjoea'kan sirieh itoe, dibao injo baroendieng , disoeroeah babalie' injo dahoeloe, sagalo oerang nan marenta' , dipoedjoea' djo moeloei ' manih , diminta' djan sambah simpoeah ; tida'lah amoeah injo ditahan , badjalan djoeo karoemahnjo , sambie baroendieng pandjang panda' : „ Ikolah roepo alē' gadang, ba'itoe oerang mamboee ' pangoeloe , ba'itoe oerang tjadie ' pandai , ba'itoe datoea' pitoenggoea alē' , maatoeakan boedjang main pantan , tida' bagoeroe tida' batanjo , awa' kan mangatja ' alē' ; djanjo hambo ko' laï alē baatoearan , kironjo alē' ta' batanjo , tida' tahoe di hērēng gēndēng . Laï moh awa' tida' tahoe, mangapo na' djadi atjangatjang , mangamoedikan alē' oerang ? manjasa hambo kamari , taboeang sadjo djarieh hambo," katonjo si Réno Améh , sarato korong djan kampoeangnjo .

Dimano ado oerang basoeo , batanjo oerang kapadonjo : „Mangapo kaka ' poelang sadjo , alahkoh lapēh oerang baralē' ?"

Mandjawab injo nan rami 'toe, manggoendjieng oerang nan baralē ' , pandjang panda' boeni roendiengnjo , namonjo oerang kabangihan .

Sadanglah oerang atëh roemah, sagalo alē' nan dipanggie , laki-laki parampoean , alah tatjangang maso itoe ; io tantangan si Boengo Tjajo , sarato dangan korong kampoeangnjo , nan tida ' tatjangang bana, malainkan injo babisie'-bisie' sadjo , dangan kawannjo samo doedoea ' , sarato dangan gala' sanjoem , disambiekan mangoenjah -ngoenjah sirieh , mantjari djalan tampē' gala ' .

Tanamo parampoean nan lain-lain, sarato datoea' nan ditangah , alah babisie' samo-samo injo, batanjo bakeh kawannjo : „Apo sababnjo itoe tadi , mangko injo marēnta ' sadjo , apokah itoe salah sili'njo ?"

Laloe mandjawab nan laï tahoe, mano nan arih tantang itoe, alah manoendjoea' basoelambē ' , mangatokan sababnjo itoe, satangah manggarih kawan , sambie manjapo basoelambē ' : „Apo goenonjo ditanjokan , kalau tida' ado sababnjo , dimano itoe akan , rasian pamēnan lalo' basoeo ? Tida' mangapo itoe datoea' , katjimpoeang pamēnan mandi , itoe renta' pamēnan alē' , itoelah pakai nan biaso ; kalau tida ' ado oerang marēnta' , dimano oerang , baloenlah gadang alē' itoe ; dimano gadieng nan tida ' baralē ' rata', kalau kajoe samo tingginjo, dimano moengkin angin laloe ?" katonjo satangah datoea '- datoea ' , baroendieng sambie babisie' .

Adapoen datoea ' -datoea' nan tigo balai , Datoea ' Padoeko 'Alam nan djadi pitoenggoea ale' , sarato dangan Sitti Djalēla, malie' roepo damikian , alah bagandjoea injo toeroen, naie' karoemah nan sabalah ; dihimbau poelolah padoesi , adolah doeo tigo oerang , dipanggie boedjang main pantan, nan maasa ' doelang tadi , laloe ditanjo diparēso, ba'apo moelo itoe tadi , mangko marenta' si Rēno Ameh .

Mandjawab Sitti Djaléla : „Adapoen asa moelonjo , de' si Boengo Tjajo datang tadi , diasa'njo doelang si Reno Amēh, io de' boedjang main pantan, dialiehnjo sambie kaoedjoeang , digantinjo djan doelang nan baroe datang , io djan doelang si Boengo Tjajo ; itoelah sabab karanonjo , mangko injo marēnta ' sadjo ."

Mandjawab boedjang main pantan : „Haram lillah hambo ko' tahoe , bahaso itoe nan doelangnjo , io kaka ' Reno Amēh ; djo hambo ko' doelang oerang lain, hambo sangko ko' doelang si pangkalan , sabab lah sampi' bana dake' itoe ; akan tampe' doelang kaka ' Boengo Tjajo , tida' ado taloeang laï, de' itoe mangko hambo ansoea . Ko' hambo sangko itoe doelangnjo , io kaka' Reno Ameh , dimano poelo hambo kan amoeah , maasa' doelangnjo 'toe ? De' moelonjo tibo tadi , hambo inda' diatēh roemah ; sadang hambo manatieng tadi, soerangpoen tida ' nan manjapo . "

Mandjawab Sitti Djaléla : ' ,Hambo lah manggarih djoeo, boedjang tida' mamandang hambo. "

Maningkah Datoea' Padoeko 'Alam : „Nambē'lah itoe kito kadji , tida' kan dape ' itoe laï ; ato hanjo nan kini 'ko, soeroeahlah padoesi aga' batigo , bao katidieng aga ' saboeah , toeroei'i injo dahoeloe , djalanglah injo karoemahnjo , ama ' salamat karadjo 'ko ; aga ' bange ' malah sakētē' , poedjoea'lah injo ēlo'-ēlo' , soeroeah babalie' injo kamari , djanganlah roendieng dipabanja ' ; nan aga' pandai soeroeah paï , soeroeah badjalan kini djoeo ."

Mandanga titah nan ba'itoe , bakamēh Sitti Djalēla, diisinjo katidieng saboeah , dangan bareh koenoen sagantang , disaho ' djan sapoe tangan, iolah sapoe tangan kaamasan ; alah langko ' itoe samonjo , disoeroeahnjo batigo parampoean, badoeo oerang patoei'-patoei' , nan soerang pambao baban, mandjoedjoeang katidieng tadi .

Io de' Sitti Djalēla , diadja poelo oerang itoe, disoeroeah poedjoea' ēlo' -ēlo' , disoeroeah bao itoe sakali , si Rēno Ameh djan ana'njo , sarato korong kampoeangnjo 'toe, nan samo marēnta ' tadi .

Alah salasai itoe samonjo , laloe badjalan padoesi 'toe, karoemah si Rēno Amēh , kakampoeang Malajoe Dalam , didapē'i injo diroemah , sarato korong djan kampoeangnjo , sadang bagoendjieng atēh roemah, sambie manjoesoekan ana'njo djoeo, nan banamo Soetan Parhimpoenan .

Baroe tibo padoesi tadi , mahimbau injo dari halaman , alah hano' oerang nan baroendieng , didjangoea ' kapintoe gabang, alah disoeroeah naie' karoemah ; injopoen naie ' maso itoe, laloe didjawē ' katidiengnjo , dilata'kan diatēh bandoea, io diatëh bandoea ditangah ; oerang 'toe dibao doedoea ' , dibari sirieh ditjarano, dakē' tampē' datoea ' nan baroe, lapie' lah takambang djoeo.

Alah sabanta injo doedoea ' , alah soedah mangoenjah sirieh , taga' poelo si Rēno Ameh , baralieh injo kadapoea ; tinggalah oerang nan tadi , doedoea ' djan korong kampoeangnjo , sambie baroendieng itoe ētan, tida ' tasaboei' ka nan tadi .

Io de' si Reno Amēh , alah diaboeih aie kopi ; dalam koetiko itoe djoeo , mahimbau oerang nan tadi : „ O amai , doedoea'lah ود dahoeloe , kami 'ko kabakēh amai."

Mandjawab si Réno Améh : „ Doedoea'lah kaka ' sabanta, ama ' hambo masa'kan dahoeloe aie ange ' , kamano bana kabagagēh , hari 'ko ka malam djoeo, minoem kopi kito dahoeloe . "

Mambalēh poelo oerang itoe : „ Oesah laï kami minoem poelo , , karadjo banja ' habih tingga , datoea' manjoeroeah kami bangē' samo maʻaloem malah amai, tipa ' di oentoeang badan kami , tida' tantoe hilie moedie'njo , balago samo gadang sadjo . "

Mandjawab si Réno Améh , sambie maamboeih-amboeih api : ,,Alah tahoe hambo tantang itoe, di karadjo banja ' kaka ' ; nantilah sabanta laï, ama' ange ' aie dahoeloe , minoemlah kopi aga' saragoea' , bago ko' io inda ' lama'."

Mandjawab poelo oerang itoe, baroendieng sambie tasanjoem : „Oesah malah amai ba'itoe, ko' hanjo di kami nan datang 'ko, lama' bana kopi amai."

Alah sabanta antaronjo , laloe diisi aie kopi , ditatieng poelo paminoemnjo , dilata ' diatēh talam , io wadji' djan kalamai , sarato dangan nasi lama' ; alah minoem basamo -samo , sadang injo maminoem kopi , alah bamoelo paroendiengan , bakato oerang

MOESTIKO 'ADAT 'ALAM MINANGKABAU . 13 nan datang 'toe : „Mangko kami datang kamari , io kami mandjapoei ' amai , sarato korong kampoeang tadi, bari ma'af kami dē' amai , kami baroendieng sadang minoem ; maminta ' kami bakēh amai , babalie' djoeo amai dahoeloe , sarato korong kampoeang nan tadi ; ba'itoe titah kami bao, dari datoea ' nan tigo balai , tida ' djadi amai batanggoeah ; ba'itoe titah datoea' pitoenggoea , sarato andē Sitti Djalēla . Ibo bana hati kami, oerang baloen minoem makan , amai lah babalie' sadjo ; kalau apo -apo salah kami , awa' badoeo batigo , asieng-asieng kapandaian , bari ma'af kami de' amai ; tantangan nan sakali iko , babalie ' djoeo amai dahoeloe , ama'lah sairieng dangan kami, tida'lah soeko hati kami , ka tingga - tingga sadjo ."

Mandjawab si Réno Améh : „ De' hambo ma'af salaloe, tjoebolah pikie poelo de' kaka ' , ikolah roepo oentoeang hambo ," bakato sambie manangih , „kain ditangko ' mangko doedoea ' , diparah santan dikoekoe, ditakie ' gatah didaoen, alē ' handa' mamоеliekan alē' kaka ' ; padahkan iko ka balēhnjo , siang basalimoei ' panēh, malam basalimoei ' amboen , raboraboi sano sini , de' awa ' oerang soeka djoeo, mantjari apo nan tida ' , diandoea ' kiankoemari , nan kan dibao karoemah kaka ' , ana ' kētē ' didoekoeang djoeo ; kironjo tibo hambo disanan , tampa' bana misikin hambo ; de' makanan tida ' samporono , diasa' sadjo doelang hambo , ditampa'kan ka nan lain , ditoeka djan doelang baroe datang , djan doelang oerang nan moelie , nan baoedji samo merah , nan ; tampa' bana hambo rang hino , basisieh bana bakati samo barē' itoe di kaka '."

Mandjawab oerang nan datang 'toe : „Maminta'lah kami pado amai, oesahlah dioelang-oelang djoeo ; ko' hanjo tantangan itoe, iolah njato salah kami ; bari ma'af kami de' amai , bari maʻaf kami banja '-banja ' ; tipa ' di nan sakali iko , maminta ' kami gadang-gadang , tida'lah itoe disangadjo , hanjolah de' ragoe boedjang main pantan . "

Maningkah si Réno Améh : „ De' hambo maʻaf salaloe , ato hanjo nan kini nangko, poelanglah kaka ' dahoeloe , bago ko' tida' kaka ' toeroei' , hambo ka kakioen djoeo. "

Mandjawab poelo oerang itoe : „Oesah ba'itoe amai laï, ēlo'- lah samo dangan kami , ama'njo sanang hati kami ."

Maningkah si Réno Améh : „ Tida'lah itoe akan manga po, dahoeloe sadjolah kaka ' , hambo oesah diroesoeahkan , boekan ado oerang nan labieh ; tipa' di diri hambo iko , tida ' kan pandjang roendieng itoe, poelanglah kaka' dahoeloe ."

Lamolah poelo batagang - tagang , barapo oemboea ' djo oempina' , oelieh oerang nan datang 'toe , tida' djoeo injo amoeah , lah pane' batagang - tagang , djadilah poelang anjolaï , io oerang nan batigo 'toe ; disoeroeah salinnjo katidiengnjo , tida'lah poelo injo amoeah , akan si Rēno Amēh tadi , manjalin katidieng 'toe , disoeroeah baonjo itoe babalie' ; tatapi oerang nan datang 'toe , tida'lah amoeah injo mambao , sabab baloen disalinkan , ditinggakannjo katidieng 'toe , laloe disalin de' nan lain , iolah oerang kampoeang 'toe. Lah soedah katidieng disalinnjo , baroelah dibarikannjo babalie ' , io katidieng dangan sapoe tangan , laloe didjawē' de' oerang 'toe ; injopoen poelang anjolaï .

Alah sampai injo diroemah , didapē'i oerang lah soedah makan, alē' koembali anjolaï , sagalo datoea' nan rape' 'toe, poelang katampē'njo masieng-masieng .

De' oerang nan batigo tadi , baroe injo lah koembali , didjalangnjo Sitti Djalēla, dangan Datoea' Padoeko 'Alam ; dikabakan habih -habih , ba'apo roendiengan dari sanan : „ Injo nan tida' amoeah dibao, injo mandjawab pado kami , misiki tida ' injo didjapoei ' , injo ka kamari djoeo ; ba'itoe katonjo pado kami , io amai Rēno Amēh .”

Mandanga kato nan ba'itoe , oelieh Datoea' Padoeko 'Alam , dihimbau badoeo laki-laki , nan pandai bakato-kato , nan bidja'- bidja ' baroendieng , akan mamoedjoea ' si Rēno Amēh .

Alah tibo oerang itoe, io boediang main pantan , manitah Datoea ' Padoeko 'Alam : „Païlah ang mamoedjoea'njo , mamoedjoea' si Rēno Amēh ; ēlo'-ēlo ' malah katokan , tabao djoeo injo kamari , sarato korong djan kampoeangnjo , nan samo marēnta ' tadi ; pandai -pandai ang baroendieng, oesah manjinggoeang kiri kanan , ama ' habih roendieng iko . Kalau lah paï ang kakioen, djoko ' tida' injo amoeah djoeo, didjapoei ' nan sakali 'ko, boekanlah renta' itoe namonjo , rēnta' handa' mamoetoeih tali. Namoen renta' sapandjang 'adat, itoe banamo rēnta' sēdēng .

Adapoen 'adat renta' sēdēng , kalau ta' amoeah satoe kali, ditjoekoei'kan doeo kali ; djoko ' tida ' tabao djoeo, ditjoekoei'- kan poelo tigo kali , itoelah poedjoea ' panghabisan , ba'itoe sapandjang 'adat ; kalau lah sampai tigo kali, kalau tida ' injo amoeah djoeo, kato poetoeih roendieng lah habih , ba'itoe pakai nan biaso .

Nan kan sakarang kini nangko, ikolah poedjoea ' panghabisan , poedjoea ' nan katigo kali ; nan djolong sahinggo laboeah, kadoeo lah didjapoei ' djan katidieng , batigo poelo oerang mandjapoei ' , baloen djoeo injo tabao ; kini poedjoea' katigo kali , paï badoeo laki-laki ; kalau injo tida' diroemah djoeo, tida'lah tingga pado kito, lapēhlah kito pado oetang , habih roendieng sakali , djan baboentji '-boentji ' djoeo," kato Datoea' Padoeko 'Alam .

Alah soedah injo baroendieng, alah badjalan oerang nan badoeo 'toe , iolah boedjang main pantan , nan pandai bakato -kato, laloe badjalan kadoeonjo , karoemah si Reno Amēh ; injo tibo haripoen malam, alah laloe tapasang dama, mahimbau boedjang main pantan , mandjangoeah oerang atēh roemah, laloelah disoeroeah naie ' , disoeroeah doedoea ' katangah , dibari sirieh ditjarano .

Sadanglah si Rēno Amēh , alah paï maaboeih kopi , dinantikan de' boedjang main pantan . Ado sabanta antaronjo , masa'lah poelo aie kopi , laloe diisi maso itoe, ditatieng poelo katangah , dihēdangkan ka boedjang main pantan , injopoen minoem maso itoe ; alah soedah injo minoem kopi , mahimbau boedjang main pantan , hado' ka si Rēno Amēh : „ O kaka ,' doedoea'lah dahoeloe , bao kamari si boejoeang 'toe ! "

Alah datang si Reno Amēh , alah doedoea ' didakē' 'toe, ana'- njo laloe didjawē ' , oelieh boedjang main pantan , dipaloea ' ditjioem - tjioem , didjoedjai dipoedji -poedji ; didalam koetiko itoe djoeo , barapo poelo banja ' kētjē' , banja'lah roendieng nan disaboei ' , io de' boedjang main pantan , babagai-bagai ditanjokan, nan kan manjoekokan hatinjo, iolah si Rēno Amēh , baroendieng sambie bagarah , tida' tasaboei' ka nan tadi , hanjo roendieng nan lain sadjo , alah samo -samo tagala ' .

Sadang ēlo ' paroendiengan , sadang lama' patoetoearan, roendieng dialieh anjolaï , io de' boedjang main pantan : „Mano kaka' dangan andē , io kami kamari nangko , dititahkan datoea' nan baroe, sarato datoea ' nan tigo balai , ama'lah samo dangan kami ; ibo bana hati kami , kaka ' lah babalie' sadjo , tida ' mananti oerang makan. "

Mandjawab si Réno Améh : „Mano toean kadoeonjo , kan apo djoeo hambo, oerang misikin bangso koerang , tida'lah samo dangan oerang, boekan ado oerang nan labieh , nan baoedji samo merah , nan bakati samo bare' , oerang nan langko ' hedangannjo ."

Mandjawab boedjang main pantan , sambie tatawa gala' sanjoem : „ Mano kaka ' dangan andē, oesah lai kito saboei ' , itoelah roendieng patjaranan , tida'lah ado paidahnjo ; ato hanjo nan kini nangko , timbang de' andē dangan kaka ' , hatinjo datoea ' nan baroe, sarato datoea' nan tigo balai ; baliau tida'lah salah , sasē ' de' boedjang main pantan , samo ma'aloem malah kaka' , itoe roeponjo gadang alē' , ba'itoe banja ' karadjo , nan kami djago atēh roemah, dimano kami tida'kan gawa, boekannjo itoe disangadjo ; sadang toepai pandai malompe ' , biaso djoeo injo djatoeah , ko' koenoen kami oerang moedo -moedo , de' banja ' matonjo nan dikako ' , djadilah ragoe tantang itoe. Nan sakarang kini nangko , maminta'lah kami pado kaka ' , kito lata'kanlah roendieng 'toe, ama' dapē ' kato nan bana ; ibo kami di si boejoeang 'ko , bapa'njo baroe diangkē ' , oerang baralē ' disitoe , injo tida' akan malie' ; itoe nan maibo hati kami ."

Maningkah si Réno Améh , bakato sambie manangih : „Tjoebolah pikie itoe de' toean, bago ko' io hambo oerang misikin , disisieh bana badan hambo , doelang hambo lah talata ' , dialieh sadjo ka nan lain, hambo lah bapajah -pajah , maandoea ' kiankoemari , de ' awa' oerang misikin , de' maloe ama ' tasaho' djoeo, kironjo itoe akan balēhnjo , itoe nan maibo hati hambo."

Maningkah boedjang main pantan : „Oesah disitoe taga' kaka' , boekanlah hambo saboei' tadi , tida ' salahnjo di nan lain , salah de' boedjang main pantan , de' banja ' mato karadjo , djadi ragoe maso itoe ; pikie malah kaka ' sakētē' , timbanglah datoea ' nan tigo balai , sarato dangan datoea ' nan baroe, baliau tida ' ado salah -salah ; de ' boedjang main pantan , boemi ditēmba ' langi ' kanai , pikielah kaka ' tantang itoe."

Dalam koetiko itoe djoeo, maningkah saoerang-oerang toeo , ninie' dé' si Réno Améh , doedoea ' disabalah kaoedjoeang , sambie mangajam -ngajam soempi ' : ,, Mano kau Reno Amēh , itoe bana kato si boejoeang ; namoen didalam alē ' djamoe, ba'- apo nan tida' nan basoeo , namonjo oerang banja '-banja ' , balainlain kapandaiannjo ; adang-adang tjape ' kakinjo, adang -adang tjapē' tangannjo . Kalau dipatji'kan itoe balako, satoepoen tida' nan kan ēlo' , asieng oerang lain pandapē; kalau itoe kito toeroei'kan , tida'lah itoe ka salamat ; dimano-mano oerang baralē' , biaso djoeo oerang marēnta ' , hambolah toeo de' malie ', boekannjo maliē' sadjo , malakoekan alah poelo .

Tempo de' maso hambo moedo , barapo banja ' alē ' djamoe , samaso doenie laï karēh , hambo koemari paï poelo , sabab manoeroei'kan hoeroe kawan ; nan hambo lie' nan hambo danga, itoe renta' bapakai djoeo, tatapi banamo rēnta' sēdēng , boekannjo renta' mamoetoeih tali, baroepo rēnta' oerang kini 'ko, mangatokan bana awa' sadjo , tida' dikana nan di oerang, tida ' dipikie ' kato kan babalie' , nan banamo renta' sēdēng, nan kami pakai salamo iko . Kalau lah sampai tigo kali, oerang mamoedjoea' kito djoeo, tida' djoeo kito amoeah , tida ' oerang padoeli laï , tinggalah awa' dibalakang ; ba'itoe 'adat oerang dahoeloe, nan hambo lie' salamonjo , samaso hambo laï moedo ; antah ko' 'adat oerang kini , oerang lah banja ' nan pandai, 'adat lah banja ' nan baroebah, tida'lah hambo mangatahoei ; tatapi pikieran hambo soerang,kalau tibo nan sado itoe, djadi apo awa' laï , batambah maloe ka nan banja ' , manangih tida ' dipoedjoea ' oerang, manoeroei' tida' dibao oerang, sabab awa' ba'adat soerang , disaboei' oerang awa' nan ka laï , tida' tahoe di langgam 'adat, awa' 'ko bini pangoeloe . Kini ba'itoelah di kau, bago ko' io kalian pandai-pandai, nan taraso di hati hambo, oesahlah roendieng dipabanja ' ; toeroei'kan sadjolah si boejoeang 'toe ! "

Maningkah boedjang main pantan : „ Itoe bana kato ninie' , oesahkan kaka ' papandjang djoeo , ama' lakeh kito badjalan , samantaro hari baloen malam bana. "

Mandjawab si Réno Améh : „ Malah ba'itoe kato toean , tida'- lah pandjang itoe de' hambo ; mananti toean sabanta, samo-samo malah kito, ama' hambo himbau oerang nan tadi ; makan malah kito dahoeloe , soedah makan kito badjalan ."

Maningkah boedjang main pantan : „Makan itoe maʻaflah kami , disitoe sadjolah kito makan , himbau sadjolah oerang itoe, ama ' soegiro kito paï , samantaro hari laï moedo , djangan kito tamalam bana."

Koenoen de' si Reno Amēh , tida ' badjawab kato itoe, laloe toeroen kahalaman , mahimbau oerang nan tadi , nan samo marēnta' dangan injo ; ado sabanta antaronjo , datang poelo oerang itoe.

Dalam sabanta itoe djoeo, alah bakamēh samonjo , mangana'- kan pakaian masieng-masieng, laloe babalie' malam nantoen, karoemah Datoea' Radjo Pangoeloe , tida ' ado kato -mangato ; sampai disitoe minoem makan, disitoe poelo injo malam, malie' oerang balamin , pagi-pagi baharoe poelang .

Tasaboei' poelo hari itoe, hari Satoe sahari 'toe , alah dibantai poelo kabau, dē' malim Datoea ' Radjo Pangoeloe ; rapē'- lah poelo samonjo , sagalo datoea' nan tigo balai , nan badake' nan barampieng , oerang nan salantjaran aloe , atau hato' nan badjahi ' , dangan bandoea nan batakan , laki-laki parampoean , rapē' balako itoe kasanan, karoemah Datoea' Radjo Pangoeloe ; hari mambantai sahari 'toe , dangan malapēh boedjang main pantan, akan mamanggie isi nagari , sabab akan manaboea aso ', mandjamoe datoea ' nagari , pada barisoea' hari Akad, akan barara' poelang sakali , iolah pado hari Sinajan , maara' datoea' nan baroe, baara' kabalai gadang.

Sadja' dari patang itoe, balamin basa anjolaï , dipanggie sagalo toekang dampēng, toekang tari toekang rabab, dangan oerang toekang koetjapi , sarato sadam dangan soelieng, dipanggie poelo pandai kaba, io itoe toekang si djabang ; rapē'lah itoe samonjo , diroemah Datoea' Radjo Pangoeloe , sasa'lah roemah nan gadang 'toe, de' oerang datang malie' , malimpah sampai kapalanta ; hari nan doeo malam itoe, oerang banjanji siang malam, harinai bataloen djadi, namonjo oerang soeko rami.

Sampailah poelo hari Akad, kiro-kiro oekatoe loehoea , alah datang alē ' panggielan , iolah datoea' nagari , sarato oerang patoei' -patoei ' ; rapē'lah itoe samonjo , laki-laki parampoean , mamakai sapandjang 'adat, tantangan bangso datoea'-datoea' , ninie' mama' nan dipanggie , tio'-tio ' saoerang injo, mangirieng saoerang ana' boeahnjo , mambao badie salarēh , banamo badie sitēngga .

Kalau tibo dikampoeang 'toe, baboeni badie pananti , mambalēh badie nan datang , ba'itoe balako tio' datoea' , tio' datang badie baboeni , boeni badie bagaikan loeloeih, pantoen maradah djira ' moedo , boeninjo basahoei '-sahoei'an. Sagalo datoea ' nan datang 'toe, disilakan naie' karoemah , basamo dangan pangiriengnjo , badie tasanda dihalaman , tio ' datang ba'itoe djoeo ; datang poelo kaoem bakonjo , datangnjo barami -rami , sarato ninie ' djan mama'njo ; alah goempito boeni badie, gamoeroeah kadalam koto, goemanta didalam loerah ; tibo poelo ana' roemahnjo , sarato ninie' djan mama'njo , nan sasoekoe -soekoe itoe, rapē' mangirieng samonjo ; baboeni poelo badie disanan , kalam kaboei' de' aso ' badie ; itoe namonjo manaboea aso ' , sananglah hati mamandangi , malie' oerang parang ' adat.

Alah mahato' samonjo , tjoekoei ' sagalo alē' panggielan , baie'- poen bako djan bininjo, atau ana' rang kampoeang 'toe, manomano nan tida ' djadi tingga , alah samo tampa' balako ; djamba ditatieng anjolaï , katangah alē nan rapē' 'toe, iolah doelang dangan talam, lah baratoeih -ratoeih atëh roemah, dari oedjoeang laloe kapangka , dari tangah laloe katapi , soedah bapatoei' talata'njo , tingga maisi sadjo laï. Alah soedah djamba batatieng , io de' boedjang main pantan , laloe taga ' soerang manti , manaie'kan panjambahan , kapado sidang karapatan . Nan manjambah oekatoe itoe , iolah Bagindo Radjo, ba'itoe boeni sambahnjo :

„Ampoen basalah sajo , dē karapatan datoea' nagari nan tigo , sarato partiapan toean manti pagawai , nan bakaki nan badjalan, nan batangan nan mandjangkau , baie' di toean doebalang nan samaratabat , baie'poen di toeankoe sajo , malim nan saoegamo, sarato toean oerang kajo-kajo, sado nan rapē' saisi-isi roemah nan gadang 'ko ; sajo mandatangkan sambah, tida ' akan tahato ' akan tabilang , sambah sajo mandjalani kaharibaan datoea' sado nan halie . Apolah nan akan sajo sambahkan , iolah nan ba' pitoea datoea ' nan toeo -toeo :

Sajo 'ko djolong marambah ,

djangan dianta '-anta'kan ; sajo djolong mandatangkan sambah , antah dape ' antah moh tido , djangan digala '-gala'kan .

antah sape ' antah banio,

Manjambahlah sajo dari oedjoeang laloe kapangka , dari tangah laloe katapi , manjoeroeang kabalie ' roemah.

Sigoelara ' nan disasa' , laboe nan barapoeang -apoeang ; manjambahlah sajo ninie ' mama' , dikorong dan dikampoeang ;

baie'poen diipa bisan sajo.

Apo badaka' atēh palano, biloeloea' djatoeah kalambah ; akan taga' sajo batanjo , akan doedoea ' sajo manjambah . Si Djolong mangali lambah , babadjoe rono biloedoe gandoem-bagandoem ; sajo 'ko djolong mandatangkan sambah, sakali sajo gawa bariboe kali sajo ampoen . Tali katajo tali kambieng , laï talompe' masoea ' doeri ; boekankah sajo taga'-taga ' samieng, karano taradat dalam nagari ini ; Toengke ' galah Amat Diradjo, sitaba diatēh pakan ; ko' salah tobatlah sajo , ko' bana samo 'amakan. Tiai si boengo atai , lah kambang boengo sitawa ; misiki tatjatjah djanggoei ' kalantai , tida' manoesie nan tida ' gawa. Sadang bingkoedoe laï bapawa, ko' koenoen tjoebada ' moedo ; sadang datoea ' sajo gadang pangoeloe laï gawa, ko' koenoen sajo oerang moedo .

ampoenlah sajo di datoea ' .

Akan ba'apolah bamban kini , labieh malah bamban dahoeloe, akan diambie' lantai balai ; akan ba'apolah djaman kini , labieh malah djaman dahoeloe , dahoeloe banja ' oerang nan pandai .

Djaman kini koerang pasa ba' djalan , toeroea' langkawan ba' daoen djalo , moedo matah ba' bingkoedoe, koerang pandapē ba' sake' , ampoenlah sajo di datoea' .

Baboeah kajoe pinago, sikoedjoea dalam soekatan ; batoeah roemah handiko , laï moedjoea bapandapatan .

Roemah soedah minantoe tibo , djamba tatatieng alē' datang .

Panggielan ka-Mandahilieng ,

toeroen banieh sakatidieng ,

mandjindjieng kamboei' mansiang ;

dapē ' padi sarangkiang .

Roemah gadang tigo sasaieng, saladjang koedo balari , sakoeē' koearan tabang , salajo ' binti malajang , dipangka radjo babandieng , ditangah gadjah maharam , dioedjoeang soerambi papē ' , halaman bintang bataboea, tapa'an tjarano basah, indoea' djandjang kanso balarie' , ana ' djandjang pēra' bahēlo .

Tiang tapi panagoea ale' , tiang timban soeko mananti , tiang pandjang simaradjolēlo , tiang bilie' poeti bakoeroeang, tiang salē' dindiengnjo samie, tiang dapoea soeko di labo, hato ' si labah mangirab , poentja ' hato' raboeang sapoetjoea' , dibari baranggai -anggai .

Kajoe moesang di-Tjaniago,

rabahnjo di-Koto Baroe ;

banta gadang banta sarago ,

kadoedoea'an datoea' moedo nan baroe ;

ampoenlah sajo di datoea ' .

Akan ditjantjang tigo tjantjang,

akan ditingkē ' tigo tingkē ' ;

akan dirantang hanjo ka pandjang ,

ēlo ' dipoenta ama'njo singkē ' ;

ampoen djoeolah sajo de ' datoea ' .

Mangko dimisakanlah saparati nangkodoh akan paï balaie , dandang lah soedah tamoeati , adjoeang lah sare' samonjo .

Sahari 'ko hari nan baie' , sahari 'ko koetiko nan ēlo ' , ko'

gandang nan baloen bapaloe , akan dipaloe anjolaï , saroenai nan baloen ditiroei' , akan ditiroei ' anjolaï , agoeang nan baloen batjētjēh, akan ditjētjēh anjolaï ."

Baharoe sadjo sampai sambah manti disitoe , mangko gandangpoen dipaloe oeranglah , sarato agoeang saroenai , tjanang talēmpongpoen baboenilah samonjo .

Dan dalam koetiko itoe djoeo, manti itoepoen mahoeboeang djoeo sambahnjo itoe, saparati tasaboei' dibawah ini :

„Ampoen djoeolah sajo de' datoea ' , karano haripoen lah baie' koetikopoen lah ēlo' , aiepoen lah halie , hēdanganpoen lah salamat , diharibaan datoea ' nagari nan tigo , oetjapan datoea ' dalam Patapang Nan Tigo Balai , djamoean datoea ' nan baroe. Sadjo iolah aie ama' didjawē ' , djamba ama' disanto ' , dagieng ama' dilapah , darah ama' dikatjau, tandoea' akan ditanam . Sambah sajo naie', titah datoea' djoeo sajo poehoenkan , ampoenlah sajo de' datoea '."

Alah soedah manti 'toe manjambahkan pidatonjo , mangko disoeroeahlah poelo , oelieh karapatan datoea' nagari , saoerang mantinjo mandjawab panjambahan 'toe .

Mangko badirilah poelo manti datoea' nagari 'toe badatang sambah, sabagai tasaboei' diatēh tadi djoeo ; samantaro itoe boenji -boenjianpoen barantilah poelo sabanta ; soedah itoe baroelah sagalo alē' djamoean itoe makan baradat samonjo , dan boenji-boenjianpoen dipaloe oeranglah koembali , tiado barantiantinjo , sampai kapado kasoedahan alē' siang malam.

Alah soedah sagalo pangoeloe -pangoeloe itoe makan, mangko dikatangahkan oeranglah poelo tjarano sirieh, mangko mangoenjah siriehlah datoea'-datoea' itoe samonjo .

Alah sabanta antaronjo , datoea'-datoea ' itoe soedah makan , mangko disoeroeahlah poelo badiri soerang manti , oelieh datoea' nagari , manjambahkan kato minta ' idjin , akan koembali poelang katampē ' masieng-masieng , kapado datoea ' si pangkalan .

Mangko badirilah poelo saoerang manti dari datoea ' nagari , laloe manjambah damikian :

,,Maminta ' ampoenlah sajo diharibaan datoea ' nagari nan tigo , sarato partiapan toean manti pagawai , dangan toean oerang kajo -kajo, sado nan rape' saisi -isi roemah nan gadang 'ko ; sajo manjambah tida ' akan tahato' akan tabilang , sambah sajo mandjalani sidang karapatan datoea' sado nan halie ; sajo rapa' panjambahan katangah , soenggoeahpoen ditangah , diDatoea' Padoeko 'Alam tampē' tibo sambah. "

„Kapado Allah manitahlah pagawai ," djawab Datoea' Padoeko 'Alam .

Maoelang manti itoe : „Apolah nan akan sajo sambahkan , karano hari lah baie' , koetiko alah ēlo' , niatpoen lah sampai , kaoeapoen lah salamat, djamoean datoea' nan baroepoen lah samporono, ko' dagieng lah dilapah , darah lah dikatjau, tandoea'poen lah ditanam .

Sakarang kini sagalo datoea' djan toeankoe, sado nan halie saisi roemah nan gadang 'ko, iolah mamoehoen idjin dari pado datoea' nan tigo balai , sarato datoea ' nan baroe, dan datoea' isi roemah, handa' bamain-main kabawah , poelang katampē masieng-masieng, sambah sajopoen naie' , titah datoea' djoeo sajo poehoenkan."

Mambaleh Datoea Padoeko 'Alam : „Alah sampai de' pagawai ?"

„Alah sadang," djawab manti itoe.

Maningkah Datoea' Padoeko 'Alam : „Managa pagawai sakoetiko , ama ' sajo paiokan dahoeloe ."

„Alhamdoeli'llah , " djawab pagawai itoe.

Mangko baio-iolah poelo Datoea' Padoeko 'Alam, dangan datoea '-datoea ' Patapang Nan Tigo Balai , sarato datoea ' nan baroe, dan sagalo datoea ' -datoea ' isi roemah, oerang-oerang samandonjo , akan malapēh datoea '-datoea ' nagari itoe. Soedah itoe mangko disoeroeahnjo poelo badiri saoerang mantinjo , akan mandjawab panjambahan 'toe , malapēh alē ' djamoean 'toe. Mangko manti itoepoen badirilah poelo , laloe manjambah damikian :

,,Maminta ' ampoenlah djoeo sajo diharibaan datoea ' nagari nan tigo , sarato partiapan toean manti pagawai , dangan toean oerang kajo -kajo, sado nan rape' saisi -isi roemah nan gadang 'ko ; sajo manjambah tida ' akan tahato ' akan tabilang , sambah sajo mandjalani , kaharibaan datoea ' sado nan halie ; sajo rapa ' panjambahan katangah , soenggoeahpoen ditangah , ditoean pagawai tampē' tibo sambah."

Mambalēh manti datoea ' nagari : „Kapado Allah manitahlah toean .”

Maoelang manti si pangkalan tadi : „Apolah nan akan sajo sambahkan ? Nan ba' pitoea toean pagawai tadi , karano haripoen lah baie' , koetikopoen lah ēlo' , niat djo kaoeapoen lah salamat, dan alē' djamoean datoea ' nan baroepoen lah samporono, ko' dagieng lah dilapah , darah lah dikatjau, tandoea lah ditanam , oelieh karapatan datoea ' nagari .

Sakarang kini, sagalo datoea' djan toeankoe , sarato nan halie samonjo , alah handa ' mamoehoen main -main kabawah , poelang katampē ' masieng-masieng ; sadjo iolah ama ' diminta'kan idjin , kapado datoea ' si pangkalan , sarato datoea ' isi roemah ; ba'itoe panjambahan toean."

„Sabananjo ," djawab manti datoea ' nagari .

Maoelang manti si pangkalan : „Limbago lah ba'itoe, nan parmintaan datoea ' sado nan halie , akan ba'apo poelo laï , karano lah tibo diwala'njo . Ato hanjo akan saboeah , djoko ' mínoem nan koerang sadjoea' , ko' makan nan koerang kanjang , atau ko' ado nan tahērēng nan tagēndēng dalam 'adat, sabab ana ' boeah datoea ' nan bagara' moedo matah, iolah ama ' dibari ma- ' af de' datoea ' sado nan halie . Tantangan dari parmintaan datoea ' nagari 'toe, nan ba' pitoea oerang toeo-toeo kito : ko' gajoeang lah tibo dibalabēh , tēmba' lah tibo disasaran , basisoeroei' pantang kanai , basidjambo asa kanai , alah kanai kami dē' barih , alah talioeang de ' balabēh , akan ba' apo poelo laï , sipat malapēh malah kami ; ko' oentoeang pambari Allah, djangan tjatje' maro malintang , salamat sadjo sampai poelang , sambah laloe salam koembali , ma'af djan rila kami minta '."

Mambalēh manti datoea ' nagari : „Kasieh toean kami tarimo , alhamdoeli'llah akan balēhnjo . "

Soedah itoe baroelah sagalo alē' djamoean 'toe , taga' dari tampē'njo masieng-masieng, sarato basalam-salaman dangan datoea' nan baroe, dan datoea ' nan tigo balai ; mangko laloe toeroen kahalaman , badie palapēhpoen diboenikan oerang poelolah oekatoe itoe.

Tasaboei ' poelo isoea ' harinjo, hari Sinajan sahari 'toe , kirokiro poekoea satoe, oerang soedah sambahjang loehoea , bahimpoenlah poelo sagalo datoea' , sarato oerang patoei'-patoei' , karoemah Datoea' Radjo Pangoeloe, laki-laki parampoean ; rapē ' papē ' itoe samonjo , nan saisi nagari 'toe , sabab akan paï barara' , maara' datoea' nan baroe, io katangah balai gadang.

Pado hari itoe djoeo , diroemah bako datoea' nan baroe 'toe , oerang lah barami -rami poelo , rapē'lah korong djan kampoeangnjo , sarato oerang isi soekoenjo, laki-laki parampoean, sarato ninie' dangan mama ' . Tanamo oerang patoei'-patoei ' , rapē' balako samonjo , alah baralē kētē' poelo , mamboeē ' naši koenieng gadang, banamo nasi padaoenan , tinggi sarato djan gadangnjo , roeponjo boelē ' sagi ampē ' , baoekie wadji ' djan kalamai , bapēta'-pēta' ditangah , kaatēh bagondjong satoe , poentjoea'njo baranggaianggai ; langko'lah oekie dangan boengo , basilang goentieng karatēh , sarato dangan paradah amboen , batjampoea lakan djo sakalat , salo-manjalo boeroeang -boeroeang , poetjoea' karambie diboeē'njo , babagai matjam itoe roeponjo , ado koenieng ado mērah , ado oengoe ado hitam , ado nan mērah limbajoeangan , satangah poetieh bakilē ' , badjarieng djo oenoeih batang pisang , boekannjo oenoeih kaloepa'njo , tatapi oenoeih hampoeloeanjo , haloeih mandami soeto kambang , diboee ' sapantoen djarieng , kabē'- mangabe ' kiri-kanan , sabagai djarieng pike' lawah ; banja'lah itoe ragam oekie , babagai boengo karatēh , ado nan angkoeah kambang bodi , ado nan kambang daoen loba' ; sananglah hati mamandangi , boeatan oerang patoei'-patoei' , io oerang nan bidja ' -bidja ' , pandai maloekih djan manggamba, laki-laki parampoean ; tanamo oerang sasoekoe itoe, mamatoei' balako samonjo , tanamo ana' oerang bangsawan , apo nan koerang ditambahnjo .

Alah soedah nasi ditatahnjo , dikana'kan poelo poentja'njo itoe, elo ' nan boekan alang-alang ; dilata'kan diatēh doelang , doelang paha bakaki gadang, batirai balidah amēh , batambah ēlo' dipandangi , pantoen taboei' kataboeang ; ba'itoe hampie saroeponjo .

Adapoen nasi koenieng 'toe , boekannjo saboeah sadjo ; dimano roemah parampoeannjo , parampoean datoea ' nan baroe, mamboeē ' poelo saboeah soerang ; djadi balomban poelo disanan , ganti labieh-malabiehi , iolah boengo djan oekienjo .

Tasaboei' diroemah si pangkalan , alah bamoelo oerang datang, laloe moepakat anjolaï , io datoea ' nan tigo balai , manjoeroeah oerang paï mandjapoei ' , mandjapoei ' nasi koenieng tadi, karoemah bako djan bininjo ; itoelah djapoei ' sapandjang 'adat, mandjapoei ' bako djan bininjo , ba'itoe bapakai nan biaso.

Oerang paï mandjapoei ' 'toe , langko ' djan alat kabasaran , mamakai pajoeang djan marawa ; sarato ninie ' dangan mama ' , langko ' djan manti pagawainjo , sarato oerang moedo -moedo , ana' oerang nan patoei'-patoei' , laki-laki parampoean, mamakai pakaian 'adat , langko ' djan dajang -dajangnjo , sampai sapoeloeah doeo poeloeah , oerang nan paï mandjapoei ' 'toe, hado' karoemah bakonjo ; itoelah awa pandjapoei'an .

Alah badjalan oerang itoe, paï poelo satoboh laï , hado' karoemah párampoeannjo ; ba'itoe djoeo atoearannjo , baie ' nan moedo atau nan toeo , didjapoei ' balako itoe samonjo .

Alah tibo oerang nan mandjapoei ' , diroemah bakonjo tadi , dibari oerang minoem makan , diatēh doelang batirai.

Alah salasai minoem makan, disambahkan anjolaï de' datoea ' nan datang tadi : „ Moekasoei' sangadjo dalam hati , iolah mandjapoei' nasi padaoenan , sarato bako datoea' nan baroe, ama' sairieng itoe sakali , dangan sagalo ninie ' mama' , sarato oerang patoei'-patoei' , laki-laki parampoean , sado nan halie disiko , ama ' sarangke ' itoe sakali ; sakian sambah pado datoea ."

Tida'lah itoe dipandjangkan , alah soedah sambah-manjambah , laloe mamakai anjolaï , bakamēh balako samonjo , manomano oerang nan kan paї .

Diatēh roemah parampoeannjo , ba'itoe poelo itoe hado'njo ; alah soedah sambah-manjambah , mamakai poelo parampoeannjo, io parampoean datoea ' nan baroe, mamakai sapandjang 'adat, sabab injo akan diara ' , basamo dangan datoea' nan baroe . Dipakainjo kain sakalat , io sakalat 'aina'lbanat , dipatingkahkan tjindai soeto , ikē' pinggang ameh bakarang , banamo patah sambilan , dipagatang badjoe soeto , dipakai salēndang adjoeang sarē' , dikanaʼkan poelo galang bahēram, boeatan Siano ' Koto Gadang , saoetēh djan polam biroe mansi , panoeahlah djari kiri kanan , intan djo podi mato tjintjin, takana ' tjanggai dikalingkieng ; dipakai poelo boengo sanggoea, ameh batatah oekie tjino , baboengo baranggai -anggai , dipakai soentieng ditalingo , diganggam poelo sapoe tangan , banamo boengkoesan sirieh , soeto Patani boedjoea sangka , tio ' soedoei ' pakai kabamban , basaloei' djo boengo koeni' , amēh djo oerai samonjo , boeatan Panta Paoeah Tinggi .

Alah soedah pakai dikana'kan , soedah dipatoei' de' nan banja ' , badjalan toeroen anjolaï , bagaloei' soebang ditalingo , mangirieng dajang -dajang banja ' , laloe dipapah toeroen djandjang .

Alah tibo tangah halaman, dipajoeangi djo pajoeang gadang, banamo pajoeang oeboea -oeboea ; ditoeroenkan poelo nasi koenieng , badjoedjoeang itoe mambaonjo , didjoedjoeang oerang laki-laki , dipajoeangi poelo nasi 'toe , dangan pajoeang gadang djoeo . Alah toeroen itoe samonjo , tibo ditangah halaman , laloe diadjoen padjalanan , dahoeloe sagalo datoea'-datoea ' , baroe badjalan nasi koenieng, badjalan poelo itoe sakali , parampoean datoea' nan baroe, sarato pasoemandannjo , badjalan badombaidombai , laki-laki samo laki-laki, parampoean samo parampoean , sarato gandang parara'kan .

Alah sampai dikampoeang 'toe, io kampoeang Datoea' Radjo Pangoeloe , baboeni badie anjolaï , laloe didjawē ' pajoeang gadang , oelieh oerang dikampoeang 'toe, ditaga'kan ditangah halaman ; didjawē ' poelo nasi koenieng , dinaie'kan karoemah gadang .

Piha' sagalo datoea ' -datoea ' , sarato nan rape' samonjo , disilakan naie ' karoemah , karoemah Datoea' Radjo Pangoeloe , didoedoea'kan diroeang tangah , diatēh tilam kasoea pandjang , dibari sirieh ditjarano ; datoea' lah doedoea ' samo datoea ' , sabarih bandoea ditangah , nan patoei' mangadap dimoekonjo ; parampoean samo parampoean, doedoea ' baatoea samonjo , patoei' mahado ' mahado' djoeo, tida'lah boelieh labieh koerang .

Alah datang alē' samonjo , alah sadang ēlo' koetikonjo , manjambah Datoea' Padoeko 'Alam nan djadi pitoenggoea ale' , kapado sidang karapatan , ba'itoe boeni sambahnjo :

,,Maminta ' ampoenlah sajo pado karapatan datoea' nagari nan tigo , sarato partiapan toean manti pagawai , dangan oerang kajo -kajo ; sajo manjambah tida ' akan tahato' akan tabilang , sambah sajo mandjalani datoea ' sado nan rape', saisi roemah nan gadang 'ko.

Apolah nan akan sajo sambahkan ? Nan ba' pitoea datoea' nan toeo -toeo , karano haripoen lah baie' , koetikopoen lah ēlo' , ninie' djan mama'poen lah halie , sarato nan rape' samonjo , samantaro angin laï baie' , sadang galombang laï tanang , bidoea' lah tibo dikalangan , maminta ' kami pado datoea ' , sado nan rapē' samonjo ; alah kan patoei' kito bakokoh , ko' lah patoei' saoeah kito bongka ? ama' pitoea dari datoea ' ! Sakian sadjo sambah sajo ."

Maningkah datoea ' nagari : „Mano Datoea' Padoeko 'Alam , alah sampai itoe de' datoea' ? "

Mandjawab Datoea' Padoeko 'Alam : „ Insja' Allah, alah sadang ēlo '."

Mambalēh poelo Datoea' Magé ' Djabang , wakie datoea ' nagari , laloe manjambah maso itoe ; ba'itoe boeni sambahnjo :

„Maminta' ampoenlah sajo pado karapatan datoea ' , sado nan halie saisi -isi roemah nan gadang 'ko, sarato partiapan toean manti pagawai , dangan oerang kajo-kajo, sajo mandatangkan sambah ; tida' akan tahato ' akan tabilang , sambah sajo mandjalani datoea ' sado nan halie ; sajo rapa ' panjambahan katangah , soenggoeahpoen ditangah , di-Datoea' Padoeko 'Alam tampē tibo sambah ."

„Kapado Allah manitahlah datoea ', " djawab Datoea' Padoeko 'Alam.

Maoelang Datoea' Magé ' Djabang : „Apolah nan akan sajo sambahkan ? Nan ba' pitoea datoea ' tadi , karano hari alah baie ' , sadang koetiko alah ēlo' , ninie ' djan mama'poen lah halie , sarato nan rapē' samonjo , samantaro angin lah baie' , galombang laï tanang poelo , bidoea' lah tibo dikalangan , maminta ' kami pado datoea ' , sado nan rae' samonjo ; alah kan patoei' kito bakokoh , ko' lah patoei ' saoeah dibongka ? Ama' pitoea djoeo ; ba'itoe panitahan datoea ' tadi ." dari datoea '

„Sabananjo ,” djawab Datoea' Padoeko 'Alam.

Maoelang Datoea' Magé' Djabang : „Ko' hanjo tantangan itoe , ko' bidoea' lah tibo dikalangan , adjoeang lah patoei ' dilaiekan , poelang ma'aloem ka nangkodoh , manoeroei' kami tantang itoe ; basoegiro malah datoea ' , kami manompang angin '." baie

Maoelang Datoea' Padoeko 'Alam : „ Djoko ' itoe nan titah datoea' , sananglah itoe hati kami , karano saoeah lah ka dibongka, adjoeang lah kan kito laiekan ; saboeah laï minta ' kami , tipa' di datoea' nan baroe, alah kan djadi baliau mamakai ? Ama ' pitoea djoeo dari datoea ."

Mambaleh Datoea' Magé' Djabang : „Djoko ' salorong tantang itoe, temba' lah tibo di 'alamat, pandang lah tapē' kasasaran , akan ba'apo poelo laï ; basoegiro malah datoea ' , samantaro hari laï moedo ."

Alah soedah sambah manjambah , bakokoh datoea ' nan tigo balai , dipakaii datoea ' nan baroe, dikana'kan sarawa gadang, sahēto poetjoea' raboeangnjo , batakat djan banang amēh , oekie

MOESTIKO 'ADAT ' ALAM MINANGKABAU . 14 tjino djēlo -badjēlo , mariboe api-apinjo ; dikana'kan poelo malah sērong , banamo niroe tagantoeang , kain saroeng balapa' makau , laloe diikē ' poelo pinggang , dangan tjindai pandjang toedjoeah ; disaroeangkan poelo badjoe rompi , basolam djan banang amēh, batakat barapi -api . Alah soedah rompi dikana'kan , dipakai poelo pandieng amēh , banamo dalimo masa' ; alah soedah pandieng takana ' , disaroeangkan poelo badjoe gadang, badjoe gadang biloedoe gadam, goentiengnjo tjaro Minangkabau , djahi'njo tjaro Sialahan , basolam baoekie tjino , bataboea lihie djan dadonjo . Alah soedah badjoe takana' , dipasisi ' kari sabilah , karih gadang bahoeloe gadieng, saroeang ameh majang taoerai , tasangkoei ' badjoe digēmbohnjo ; dipakai dēta sabali " amēh , banamo taboe satoentoeang , djari batjintjin kiri kanan , intan djan podi paramatonjo , basalo dangan dalimo masa' .

Alah soedah injo mamakai , diadjoen poelo panjambahan , oelieh datoea ' nan tigo balai , kapado sidang karapatan , akan barara ' anjolaï , babalēh poelo sambah itoe, oelieh sidang datoea' nagari .

Alah soedah sambah-manjambah , taga'lah oerang nan banja 'toe, baralieh toeroen kahalaman , akan barara ' anjolaï .

Sadanglah datoea ' nan baroe 'toe, basamo dangan parampoeannjo , alah dipapah poelo toeroen djandjang ; alah tibo tangah halaman , basamo alē' nan banja ' 'toe , laloe diadjoen padjalanan ; tigo batang pajoeang tadiri , saboeah pajoeang datoea' nan baroe , doeo pajoeang parampoeannjo , katigonjo itoe pajoeang gadang, banamo pajoeang oeboea -oeboea , tida'lah ado labieh koerang ; babarapo poelo banja ' marawa , pantoen pisang masa ' sapara' . Alah diadjoen palangkahan , badjalan alē' samonjo , dangan tarati' madjalihnjo , dahoeloe sagalo datoea '-datoea' , soedah itoe datoea ' nan baroe , dilingkoeang datoea' nagari ; dibalakang 'toe parampoeannjo , sarato dajang -dajang banja ' , dangan andan pasoemandannjo , baharoe sagalo parampoean , iolah alē' nan banja ' 'toe ; dibalakang itoe poelo , badjalan satoboh laki-laki , ana ' oerang nan patoei'-patoei' , io ana' rang kajo-kajo, tanamo ana ' bangsawan , badombai itoe samonjo .

Dibalakang itoe poelo , baroe sagalo oerang banja ' , io bidoean moedo -moedo , rapē'lah poelo samonjo , dipaloe gandang djan koetjapi , ditioei ' sadam bangsi tjino, dangan saroenai Minang kabau , barapo sora' dangan sorai , harinai baboeah -boeah , boeni gandang mahinjo '-hinjo' , agoeang katjie' bataloen -taloen, agoeang gadang maningkah djoeo, padjalanan sigandjoea lalai , pado laloe soeroei ' nan labieh , namonjo oerang barara ' .

Tasaboei' doebalang nan barampe' , io itoe doebalang 'adat, mamakai sagalo gadang, badjoe gadang sarawa gadang, badēta alang basonsong , diganggam padang batjatai, saroengnjo disandang djoeo, dipasisi ' karih alang ; nan soerang dahoeloe bana, dimoeko sagalo ninie ' mama' , banamo palito amboen ; nan soerang koedian bana, mangiriengkan alē' nan banja ' 'toe ; badoeo ditangah -tangah , soerang dake' datoea ' nan baroe, soerang dakē' parampoeannjo ; doebalang nan barampe ' 'toe , injo mandjago ale' rami . Namoen oerang baboeē ' salah, kalau toemboeah silang salisieh , didalam ara' nan bairieng , atau ko' soembang padjalanan , baie'poen soembang pantjalie'an , maloea dari djalan 'adat, manampoeah djalan nan sērong, diloea tarati' sopan , kalau ta' amoeah disaponjo , ataupoen itoe ditagahnjo , sampai doeo tigo kali , boelieh diike ' dikabē'njo ; kalau malawan dipantjoeangnjo , injo nan radjo ditampē'njo , injo mantjantjang tida' mamampēh, injo mamboenoeah tida ' mambangoen ; ba'itoe sapandjang ' adat , kalau mandoegang parentahnjo , sadang oekatoe 'adat badiri ; ba'itoe maso dahoeloenjo.

Alah sabanta oerang barara ' , tio' simpang oerang mananti , maminta ' sapandjang 'adat, kalau manampoeah simpang djalan , diisi 'adat limbagonjo , djalan nan tida ' ka ditampoeah , kaoerang nan poenjo milie ' , nan basoeo disimpang itoe, alah tatagoen sabanta. Kalau 'adat soedah diisi, baroe boelieh alē ' badjalan ; tida'lah boelieh laloe-laloe sadjo , kalau baloen 'adat diisi , kapado oerang nan poenjo tanah , ba'itoe balako samonjo ; dimano -mano sapandjang djalan ,mandjalang sampai kabalai gadang , tiosimpang 'toe , atau ditantang kampoeang ditio ' ' baratoeih oerang nan malie ' oerang , , babarih dipinggie djalan , oerang nan tida ' paï baralē ' .

Baroe tibo dibalai gadang , didoedoea'kan datoea ' nan baroe , diatēh palanta gadang , basamo parampoeannjo , balingkoeang dangan tabie gadang ,balangi ' -langi ' diatēhnjo . Namoen sagalo dajang -dajang , sarato andan pasoemandannjo , doedoea ' ,baratoea bakoelilieng , dibalakang datoea ' nan baroe , sampai kakiri kakanannjo ; doedoea ' diatēh lapie ' sadjo , dihampakan di atēh tanah , babarapo banja ' tilam boengo ; sagalo datoea '-datoea ' itoe , doedoea ' baratoea bakoelilieng , ditangah balai gadang 'toe, diatēh lapie samonjo ; sabalah bidoean moedo -moedo , bamain mantja ' dangan tari , sarato silē' paramoea'an , babagai indang dangan dampēng, baraga ' bamain padang, malèo samo , ditambah dangan sora' sarai, malēo, maranta ' samo maranta ' harinai baboeah -boeah , boeni gandang bataloen djadi ; tjoekoei'- lah itoe ragam main , ado ' djan gandang ta' baranti , sarato agoeang talēmpongnjo , boeni sadam mahimbau -himbau .

Sagalo oerang nan bamain , bamantja ' ditangah medan, dangan tarati' madjalihnjo ; akan taga' injo manjambah , ka doedoea ' ba'itoe poelo , disoesoen djari nan sapoeloeah , dioendjamkan loetoei ' nan doeo , manjambah kapado ninie ' mama' , disambah kiri dangan kanan , baie' dimoeko dibalakang , disambah itoe samonjo .

Ado sabanta antaronjo , alah soedah oerang nan bamain , alah habih sambah-manjambah , tatakalo maso itoe, badiri datoea ' nan baroe, basēra' pitih anjolaï, katangah alē' nan rami 'toe , hado' katangah galanggang ; baraboei ' oerang nan banja' 'toe , tindieh -batindieh samo kawan , ba' ajam disera'kan padi , sabab mamilieh pitih nantoen .

Dalam koetiko itoe djoeo, alah taga' sagalo datoea '-datoea ' , sarato oerang nan patoei '-patoei' ; dalam sabanta itoe djoeo, alē ' koembali anjolaï , barara ' babalie' poelang, karoemah dansana ' datoea ' nan baroe ; sampailah poelang karoemahnjo , dianta oerang nan rami 'toe, injo naie ' oerangpoen poelang , babalie' karoemah masieng-masieng ; tinggalah datoea ' nan baroe , sarato dangan parampoeannjo , dangan datoea ' nan tigo balai , sarato korong djan kampoeangnjo , nan sasoekoe -soekoe itoe.

Pado barisoea' hari siang, kiro-kiro oekatoe loehoea , datanglah poelo oerang mandjapoei ' , mandjapoei ' datoea ' nan baroe , dari roemah parampoeannjo ; nan toeo moelo mandjapoei ' , datangnjo barami -rami , barara ' bairieng poelo, langko ' djan alat pandjapoei'njo , sarato ninie ' djan mama'njo , nan sasoekoesoekoe itoe, rapē' mandjapoei ' samonjo ; dianta poelo rami -rami , oelieh datoea ' nan tigo balai , dangan tarati' madjalihnjo ; sampai disitoe minoem makan, banja'lah poelo karoegiannjo , parampoean datoea ' nan baroe itoe, sabab baralē kētē' poelo.

Lapēh djapoei' dari nan toeo , alah barisoea' itoe poelo , man djapoei' poelo nan soerang laï, io parampoeannjo nan moedo , barara ' bairieng poelo , saroepo nan tadi djoeo , baroelah habih alē' dangan djamoe , sarato ara' dangan irieng .

Alah soedah injo baralē' , sarato dangan ara' irieng , sampailah poelo tigo hari ; lapēh dari barara ' 'toe , barapē ' poelo Datoea' Radjo Pangoeloe, dangan datoea ' nan tigo balai , sarato korong djan kampoeangnjo , mahetong oeang nan habih , io balandjo de' baralē' , dapē'lah djoemalah samonjo , adolah garan tigo ratoeih , ado labiehnjo tigo soekoe .

Alah soedah oetang dihētong , batanjo Datoea' Padoeko 'Alam, kapado Datoea ' Radjo Pangoeloe : „Ba'apo itoe pikieran datoea ' , tantangan oeang nan tigo ratoeih ? Sagalo oetang kito itoe, tantoelah lakēh kito baie ."

Mandjawab Datoea' Radjo Pangoeloe : „ Itoe bana kato datoea ' , kini mananti datoea ' sabanta, ama ' hambo paï baroendieng , sagalo kami nan badansana '".

Mambaleh Datoea' Padoeko 'Alam : „ Itoelah kato sabananjo ; aga ' soegiro malah datoea ' , ama'lah kami manantikan ."

Dalam sabanta itoe djoeo, alah taga ' Datoea' Radjo Pangoeloe, laloe bagandjoea injo kaoedjoeang ; alah dihimbaunjo mandēnjo , sarato dangan mandē antjoenjo , io mandē si Boedjang Paman ; dihimbaunjo poelo si Boengo Inai , basamo dangan Datoea' Maharadjo , ipa Datoea' Radjo Pangoeloe , laki de' si Boengo Inai ; dihimbaunjo poelo Bagindo Soetan, dansana'njo diroemah nan sabalah, sarato dangan si Boedjang Paman ; alah doedoea ' itoe samonjo , bakato Datoea' Radjo Pangoeloe : „ Mano andē dangan antjoe , sarato datoea' poelo sakali , baie' ang Bagindo Soetan , kini ba'apo pikieran kito, djan apo itoe kito baie, oetang nan tigo ratoeih tadi , sabab karano alē' iko ? "

Mandjawab andé si Paman : „ Tantangan mambaie oetang 'toe, ba'apo nan ēlo' djo pangoeloe , manoeroei ' kami samonjo .”

Maoelang Datoea' Radjo Pangoeloe : „Ko' ba'itoe djanjo antjoe , de' hambo ba'itoe nan taraso : itoe oetang nan tigo ratoeih , baie de' antjoe djan si Paman aga ' saratoeih , nan doeo ratoeih hambo mambaie."

Mandjawab poelo antjoenjo : „Ko' ba'itoe djo pangoeloe , hambo malah mambaienjo , oeang nan saratoeih 'toe ; ba'apa dē' ang itoe Paman ?" bakato mandēnjo itoe mahado' bakeh si Paman.

Mandjawab si Boedjang Paman : „Kalau ba'itoe kato datoea ' , baie de ' andē limo poeloeah , nan limo poeloeah hambo mambaie, ama ' hambo djoea malah kabau hambo, akan panambah nan limo poeloeah 'toe ."

Maningkah poelo mandénjo : „Ampē ' poeloeah laï oeang hambo, nan anam poeloeah tambah de' ang . "

Mandjawab si Boedjang Paman : „Ko' ba'itoe kato andé, kamarikanlah oeang nan ampē ' poeloeah 'toe, ama ' hambo tjarikan akan tambahnjo . "

Mandjawab Datoea' Radjo Pangoeloe : „Ko' alah itoe di antjoe, bialah ama' disimpannjo ; kalau lah dapē' nan kan tambahnjo , nan anam poeloeah dari awa' ang, kito minta ' malah isoea '."

Maningkah si Boedjang Paman : „Ko' ba'itoe kato datoea' , tolong djoeakan kabau hambo," mahado' kapado Bagindo Soetan .

Maoelang Datoea' Radjo Pangoeloe, mahado ' kapado Bagindo Soetan : „Ba'apo itoe de' ang, alahkoh ēlo' nan ba'itoe , antaro kami djan si Paman ? "

Mandjawab Bagindo Soetan : „Pado pikieran hambo soerang , alahlah ēlo' itoe rasonjo ."

Maoelang Datoea' Radjo Pangoeloe , kapado si Boedjang Paman : „Kini ba'itoelah de' ang, pitih hambo laï saratoeih , nan saratoeih laï tambah djoeo de' ang dahoeloe, djoea malah tigo ikoea, pagang dahoeloe sawah hambo, io kabau ang aga' nan di-Limau Sarieng , mandjalang hambo batēnggang ."

Mandanga kato nan ba'itoe, mandjawab andé si Paman : „Oesah ba'itoe laï pangoeloe , ko' alah pitih saratoeih , ditangan pangoeloe kini , di andē pangoeloe laï poelo , ado tangah toedjoeah poeloeah , bali padi tahoen dahoeloe , baloen tapaï hambo liē' , nan akan panoekoea ' oeang itoe ; tenggang - tenggang malah dahoeloe , nambē'lah manggadai sadjo ."

Mandjawab andé Datoea' Radjo Pangoeloe : „Ko' hanjo kēpēng hambo 'toe , io laï toedjoeah poeloeah , limo poeloeahlah hambo tambah, nan doeo poeloeah akan hambo simpan , ka balandjo itoe de' hambo.”

Maningkah andé si Paman : „Asieng bana lakoe kaka' , nan kan balandjo dipikienjo , iko oetang baloen laï tantoe, balandjo kanapo itoe de' kaka ' ; nan kan dimakan laï bapadi , nan kan oentoea ' basanang hati, karambie laï nan kan diambie ' , pisang laï nan kan ditabang ; habihi oetang 'ko dahoeloe , oesah mandape' maloe poelo ! Ko' lambe' pitih oerang tabaie, disaboei' oerang malah awa' , di kaka ' ringan balako , tida' tantoe nan kamaloean , awa' nan kan disaboei ' oerang."

Mandanga kato mandé si Paman , alah diam andē Datoea' Radjo Pangoeloe, tida ' injo manjahoei ' laï .

Maningkah Bagindo Soetan : „Ba'apo itoe de' andē toeo , kito baiekanlah itoe dahoeloe , pitih nan toedjoeah poeloeah 'toe , ama' salasai oetang nangko ; ko' hanjo nan kan balandjo , oesahlah andē toeo roesoeahkan ; kanapo goenonjo de' andē toeo , manjimpan pitih sabanja ' 'toe ?"

Mandjawab andé Datoea' Radjo Pangoeloe : „Ko' ba'itoe djanjo awa' ang , ka ba'apo poelo djo hambo, baiekan malah itoe de' ang, tatapi tinggaï djoeo den sakētē , ka balandjo itoe dē den ; oesah den maminta ' djoeo, ko' apa-apo nan taraga ' , nan lama' di salēro dēn ."

„Ko' itoe djanjo andē toeo , boeliehlah itoe hambo tinggakan, io aga' sapoeloeah roepiah . Mano datoea ' dangan andē, sarato datoea ' malah poelo ," katonjo Bagindo Soetan hado' kаpado Datoea' Maharadjo . „Sapandjang hetongan hambo, alah salamat itoe roepanjo , oetang kito nan tigo ratoeih roepiah ; mangko ba'itoe kato hambo, de' si Paman alah saratoeih , dē datoea' lah saratoeih poelo , de' andē toeo toedjoeah poeloeah ; djadi djoemalah samonjo alah doeo ratoeih toedjoeah poeloeah ; malainkan nan akan kito tjari, iolah tigo poeloeah laï ; kini nan tigo poeloeah itoe, bialah hambo manambahnjo , sabab hambo lah badjandji ; tida ' kan djadi apo -apo , rilalah itoe oelieh hambo, oeang nan tigo poeloeah itoe, akan pambaie oetang datoea' , dari doenia kaakirat."

Maningkah Datoea' Maharadjo : „Kalau ba'itoe djanjo Bagindo' , alah lapēh oetang samonjo ; ba'ato kini anjolaï , pabilo itoe kito pakampoeangkan , ama ' tjoekoei ' katangan kito ? pabilo kito oendjoea'kan , ka datoea ' nan tigo balai ?"

Mandjawab si Boedjang Paman : „Nan saratoeih dari hambo, badjandjilah hambo sapakan 'ko, samantaro mandjoea kabau, sabab baloen ditangan hambo ; hanjo nan alah itoe kini , iolah ampē ' poeloeah roepiah , nan alah ditangan andē kini . "

Maningkah Datoea' Maharadjo , bakato kapado Bagindo Soe tan: „Ko' ba'itoe kato ipa, lapēh pakan kito koempoeakan , alah kan djadi ba'itoe ? "

Mandjawab Bagindo Soetan : „Ko' ba'itoe djanjo datoea' , de' hambo ēlo' bana."

Mangko sakatolah samonjo , mamboee ' djandji lapēh pakan , mangoempoeakan oeang itoe, mananti si Paman mandjoea kabau .

Maoelang Datoea' Maharadjo , mahado' kapado Datoea' Radjo Pangoeloe : „Kini ba'itoelah de' datoea ' , minta'lah djandji sapakan 'ko, ka datoea' nan tigo balai ; lapēh itoe kito baie, sagalo oetang nan tigo ratoeih ."

Maningkah Datoea' Radjo Pangoeloe : „ Malah padē ' roendieng disitoe , hambo minta ' malah djandji , hari nan sapakan iko."

Habihlah roendieng maso itoe, sagalo injo nan badansana '. Alah soedah injo baroendieng , laloe babalie' injo kapangka , kapado datoea ' nan tadi ; alah doedoea ' Datoea' Radjo Pangoeloe , doedoea'lah poelo nan lainnjo ; kopi lah diisi oerang, laloelah minoem anjolaï , sagalo datoea' nan rapē' 'toe.

Samantaro injo minoem kopi , batanjo Datoea' Padoeko 'Alam, ka Datoea' Radjo Pangoeloe : „Alah ba'apo pantjarian, bari kaba malah kami ?"

Maningkah Datoea' Radjo Pangoeloe : „Minoem malah kito dahoeloe , soedah minoem kito baroendieng ."

Mambaleh Datoea' Padoeko 'Alam , sambie tatawa gala' sanjoem , sambie manjoeroeah manambah kopi , hado' kapado datoea ' nan lain 'toe : „ Laï barisi itoe roeponjo , sananglah itoe hati kami ." Oerangpoen gala' samonjo .

Alah soedah injo minoem kopi , bakato Datoea' Radjo Pangoeoeloe : „Mano Datoea' Padoeko 'Alam, sarato datoea ' samonjo , tipa ' di kato nan tadi , alah datoea ' soeroeah kami baroendieng , tanamo kami nan badansana' ; itoepoen alah kami roendieng kami papa , nan akan pambaie oetang itoe, nan pandapatan kami basamo, io djoeo pitoea datoea ' , moerah djoeo di nan laï, soeka djoeo di nan tida ' .

Kini de' malang datoea ' djoeo, baloen laï ado oeang itoe, hanjo mananti datoea ' sapakan 'ko, samantaro kami batēnggang ; lapēh pakan datoea' kamari , kito baie oeang itoe."

Mandjawab Datoea' Padoeko 'Alam : „Malah ba'itoe kato datoea' , sananglah itoe hati kami ; djo kami ko' laï kan kini 'ko, sabab laï tampa' de' kami ."

De' Datoea' Radjo Pangoeloe, tida' badjawab kato itoe, tasanjoem sadjo anjolaï ; alah soedah injo baroendieng , alah batjarai poelo itoe laï ; alah sampai hari lapēh pakan , alah tjoekoei ' oeang samonjo , mahimbau Datoea' Radjo Pangoeloe, kapado datoea' nan tigo balai ; rapē'lah poelo samonjo , nan sasoekoe -soekoe itoe .

Pado maso koetiko itoe, dibantai poelo kambieng saikoea, akan parabahkan palanta , ba'itoe 'adat nan biaso.

Alah rape' itoe samonjo , tanamo oerang nan tigo balai , alah baralē ' katjie' poelo , dibaie oeang nan tigo ratoeih , kapado datoea' nan tigo balai ; alah dibilang ditarimo , laloe dibagi itoe sakali , kapado nan poenjo soerang -soerang ; mano -mano nan ado sanan, siapo nan poenjo oeang itoe, dibaie balako itoe sakali .

Alah soedah oetang dibaie , bakato Datoea' Padoeko 'Alam , kapado oerang nan rape' 'toe : „Koetiko kito laï rapē' , ēlo' hantakan kini -kini , sagalo barang -barang oerang 'ko, mano-mano nan kito salang, ama' salasai barang oerang."

Mandjawab kampoeang samonjo : „Malah ba'itoe titah datoea ' , kami antakan malah kini . "

Laloe dipilieh anjolaï , barang nan poenjo soerang-soerang ; alah basisieh samonjo , alah tantoe nan poenjo masieng-masieng, ditadjoenkan . Sitti Djalēla, mahanta barang -barang oerang 'toe , sarato dangan pahantanjo .

Soedah diadjoen samonjo , alah ditatieng poelo nasi , makanlah poelo maso itoe, sagalo nan rape' samonjo . Alah soedah minoem djan makan, diisi poelo malah 'adat, kapado boedjang main pantan, sarato datoea ' pitoenggoea ale' , basamo dangan Sitti Djalēla , diisi sapanoeah -panoeah , tida'lah itoe loea ' lambang . :

Oelieh datoea ' pitoenggoea alē' , ' adat nan ditarimonjo itoe, dibaginjo poelo maso itoe, kapado datoea ' dalam Patapang ; mano-mano nan manolongnjo , maoesahokan alē' itoe, dibari balako samonjo ; diisi poelo itoe 'adatnjo , iolah manti djan pagawai , sarato doebalang nan barampē' ; habihlah itoe samonjo , mano nan patoei'-patoei' boelieh , tida'lah ado katinggalan , baie ' 'adat oerang batana' , dangan oerang mangapieng kajoe , tjoekoei ' balako samonjo .

Pado oekatoe itoe djoeo, sagalo barang -barang tadi , alah dihanta samonjo , oelieh oerang dikampoeang 'toe ; sarato oerang dalam soekoenjo, manolong djoeo mahantakan , mano -mano nan ado sanan .

Sagalo pakakēh de' baralē ' , io palangko djan palanta , baie' bandēra djan marawa , sarato dangan pajoeang gadang , laloe diboeka' samonjo , disoesoen kajoe -kajoenjo , dibatjokan poelo do'a salamat ; boeē' salasai anjolaï , poelanglah oerang samonjo , katampē'njo masieng-masieng .

Alah salasai alē'njo 'toe, sananglah hati Datoea' Radjo Pangoeloe , mamarentah dalam kampoeangnjo , ‘adie nan boekan alang-alang , manih moeloei ' katoedjoe baso , kakasiehan oerang nan banja ' , kasajangan oerang kampoeang 'toe , loeroeih nan boekan alang-alang, tida' baroebah djan mama'njo , io Datoea' Radjo Pangoeloe, nan mati digantikannjo , dikato samo antah labieh ; datoea ' nan baroe kini 'toe , ikoei'tan oerang dalam soekoe, sambahan ana' boeahnjo , dimaloei oerang nan banja ' , pandai manimbang hati oerang , tahoe bakorong djan bakampoeang, panjaba boekan alang-alang, pangasieh poelo di rang dagang , tjapē ' kaki ringan tangannjo , tida ' mamilieh pakaradjaan , tida'- njo panah maloepokan , apo nan diadjakan de' mama'njo , hanjo batambah nan lē laï .

VII .

Adolah garan limo tahoen, kamoedian dari pado itoe, alah gadang poelo ana'njo , io ana ' Datoea' Radjo Pangoeloe, nan baroe diangkē ' tadi , nan banamo si Boengo Kapēh ; baie' roepo boekan kapalang , sadarhano samporono baisi , tinggi tida ' randahpoen tida' , sadang ēlo ' ka pamēnan , moekonjo bagai boelan panoeah , pipinjo paoeah dilajang, kaniengnjo kilieran tadji , ramboei' batikam tida' djadi , pandjangnjo samoendam panoeah , bibienjo asam saoelēh , lidahnjo ampalam masa' , gigi bakilē ' gewang katjo, lihie djandjang bahoenjo lēba, pinggang rampieng dadonjo bidang , langannjo antaran hanjoei ' , djarinjo haloeih sigoelanda' , koeli'njo koenieng boeah lansē' , indoea' kaki boengka satahie , boeah batih paroei ' padian , boeni toetoeanjo lama' manih , maragoekan oerang nan banja ' , manggilo ana' moedo -moedo , ēlo ' baso boekan kapalang ; siapo datang karoemahnjo , kalau tida ' ka minoem makan , tida ' manjanang dihatinjo ; tjapē ' kaki ringan tangan , paradjan boekan alang-alang. Karadjonjo satio' hari, io mangadji djan sambahjang, pane' mangadji injo mandjahi ' , sarato manakat manarawang , adang manjolam djan mangajam , itoe karadjonjo siang malam, djarang bana paï badjalan , hanjo doedoea ' diroemah sadjo ; dari roemah katapian , itoelah djaoeah padjalanannjo . Kalau akan kamano-mano , nan paraloe ditoeroei'njo , bapantang badjalan soerang ; misikipoen mandi katapian , sairieng injo djan mandēnjo , atau dansana' soedaronjo , nan toeo dari padonjo ; tida'njo soeko sando goerau , dangan gadih nan lain-lain ; kalau injo akan toeroen , ataupoen mandi djan sambahjang , minta ' idjin ka iboenjo ; djoko ' bapa'njo laï diroemah , disaboei'njo poelo ka bapa'njo , tida'njo amoeah toeroen-toeroen sadjo , ba'itoe 'adatnjo salamonjo , dē katjie' masa' pangadja , lah gadang djadi biaso, sangat kasieh iboe bapa'njo , sarato ninie' djan mama'njo , baie'poen oerang kampoeang 'toe, kasieh balako kapadonjo ; pamoerah poelo ka nan banja' , tida' panah silang salisieh , dangan dansana' soedaronjo , atau oerang nan lain-lain. Salamo si Boengo Kapēh lah gadang, banja'lah oerang nan manjoeroeah , maminta ' si Boengo Kapēh , ado ka iboe djan bapa'njo , ado ka ninie ' djan mama'njo , maminta ' handa samando, kapado si Boengo Kapēh ; tatapi tida' batarimo , io de' ninie ' djan mama'njo , sarato iboe djan bapa'njo , gilo baantah -antah sadjo , mangatokan ana'njo katjie' , injo nan baloen samoepakat ; itoe sadjo djadi djawabnjo , palapēh roendieng oerang nan datang , maminta ' si Boengo Kapēh . Sabab injo sadang bapikie -pikie djoeo , io Datoea' Radjo Pangoeloe , sarato ninie' djan mama'njo , mantjari oerang ka minantoenjo , manimbang boeroea ' dangan baie' , mangadji ēlo ' dangan boeroea ' , sarato moelarat moepaʻatnjo , nan kan timboea kamoedian, mangadji oerang nan datang 'toe , nan kan mandjadi minantoenjo , dipilih djoeo dalam hati, nan kan sadjodoe djan ana'njo , nan samo tingkah tarati'njo ; ba'itoe kahanda' hatinjo, io Datoea' Radjo Pangoeloe, tida ' njo mamilieh oerang , tingkah lakoenjo . asa laï baie '

Dē' lamo bapikie -pikie djoeo, ado kapado satoe hari, bakato Datoea' Radjo Pangoeloe, kapado parampoeannjo , io ka si Boengo Tjajo , andēnjo si Boengo Kapēh : „ Mano kau Boengo Tjajo ! Kini ba'apo pikierankau , tantangan ana' kito 'ko ? Oeranglah banja ' nan manjoeroeah , mangatokan handa' samando , soerangpoen tida ' batarimo , tatoela' sadjo roendieng oerang ; nan pikieran hati hambo, kalau kito tahani djoeo , moelarat kasoedahannjo ; banja'lah oerang saki ' hati , sabab de ' ana ' kito iko ."

Mandjawab si Boengo Tjajo : „Di hambo tida ' mangapo, pikieran de' datoea ' soerang ; djoko ' ba'itoe kato datoea' , siapo oerang kito djapoei ' nan kan djadi minantoe kito ? " ,

Mandjawab Datoea ' Radjo Pangoeloe : „Dalam pikieran hati hambo , kalau laï kito akan samoepakat , sarato mama ' sarato antjoe djan angahnjo , djan datoea'njo , baie ' dansana ' soedaronjo , kalau laï kan samo mangatoedjoekan , oerang ēlo ' kito djapoei ' boelieh djoeo pangadjaran ; djoko ' sıa ' , ama ' oen toeang pambari Allah , doenie boelieh akirat dape' , ba'itoe niat hati hambo ."

Maningkah si Boergo Tjajo : „Kalau ba'itoe kahanda' hati , di hambo ēlo bana, tjoebolah saboei ' nan katoedjoe , datoea ' oerang nan laï aga' sia' , nan kan moengkin kito djapoei ' , nan laï kan dapē' pangadjaran , nan sadjodoe djan ana' kito . "

Mambaleh Datoea' Radjo Pangoeloe : „Nan taraso di hati hambo soerang, ko' ado oentoeang djan bagiannjo , nan tampa' de' diri hambo, elo' Toeankoe Imam Moedo, kamanakan Datoea' Padoeko Radjo ; kalau ado oentoeang patamoeannjo , baroentoeang kito boelieh minantoe , alah sadjodoe djan ana' kito, roepo baie' parangai baie' , laï moedo le 'alim poelo , kari nan boekan alang-alang ; larang basoeo maso kini, oerang moedo nan ba'injo 'toe ; boekan saboeah ado ēlo'njo , tjoekoei ' balako samonjo , roepo baie ' lakoepoen baie ' , boedi manih djangan disaboei' . Kalau djadi djan ana' kito, angkoeah saroepo kadoeonjo, ba' pinang dibalah doeo , sananglah hati mamandangi ."

Mandanga kato nan ba'itoe , tagala' si Boengo Tjajo , bini Datoea ' Radjo Pangoeloe : „De' datoea ' ēlo ' samonjo , tida ' oerang 'ko nan batjatje'."

Maningkah Datoea' Radjo Pangoeloe : „Oesah itoe dibao gala' , itoelah kato sabananjo , tida ' hambo bagarah -garah ; kalau tantang sapandjang 'adat, injo djan ana' kito iko , kalau dioedji samo merah , namoen dikati samo bare' , sadiki ' tida ' basalahan ."

Mandjawab si Boengo Tjajo : „Kalau lah itoe nan katoedjoe , laïkoh injo akan amoeah , kito djapoei ' ka ana ' kito , oerang baroemah doeo tigo , oerang kajo sadjo nan kan dilawan , awa' 'ko oerang misikin ? Tjoebolah timbang itoe de' datoea ' ! "

Maningkah Datoea' Radjo Pangoeloe : „Pado pikieran hati hambo, amoeahlah injo kito djapoei ' , akan djadi minantoe kito , sabab alah ado anginnjo , alah poelo hambo soeroeah tindjautindjau, di Bagindo Saripado , sabab injo nan lē saraso, dangan Toeankoe Imam Moedo 'toe ; alah poelo itoe ditjoebonjo baroendieng sambie bagarah ; kato Bagindo Saripado , amoeahlah injo kito djapoei' , kapado si Boengo Kapēh . Tantangan kajo djan misikin, itoe oesah kaupikiekan ; djoko ' oentoeang dangan takadie , tida ' oerang karano itoe ; kalau oerang nan laï baraka , labieh manjoeko di hatinjo, baroemah ka 'rang misikin. Kalau baroemah ka nan kajo, basoeo pitoea oerang toeo , kalau ado pambariannjo , bagai manoekoea ' aie laoei ' ; misiki barapo itoe banja'njo , aie nan datang dari loea , tida lah itoe akan tampa ' ; tatapi baroemah ka nan soeka, bago sakētē' dibarinjo , oelieh oerang nan datang tadi , badjaso bana itoe de' injo, takana goeno salamonjo ; ba'itoe timbangan oerang baraka , kalau hatinjo laï namoeah , tida' mamandang soeka mikin . "

Mambaleh si Boengo Tjajo : „Kalau ba'itoe kato datoea ' , soekolah itoe hati hambo, tida ' hambo bapandai laï ; datoea ' masa'- kanlah roendieng itoe, ama ' bange' kito lansoeangkan ! "

Mandjawab Datoea' Radjo Pangoeloe : „Kalau mamasa'kan 'toe , itoelah kadji moerah bana ; kini ba'itoelah de' kau : ko' alah soeko kau kakioen , patang isoea ' kito baroendieng ; djapoei'lah datoea ' djan mama'njo , soeroeah kamari patang isoea ' , ama' boelieh samo kito kadji ; bago ko ' ēlo ' djanjo kito, kalau tida ' ēlo' djo injo, tida ' kan laloe boeatan 'toe , ēlo ' basamo mangko io."

Roendieng tida' dipandjangkan , alah sampai hari patang isoea ' , alah rape' mama' djan datoea'njo , io datoea ' si Boengo Kapēh , sarato dansana' soedaronjo , nan sakaoem-kaoem itoe, laloe baroendieng maso itoe.

Bakato Datoea' Radjo Pangoeloe : „Mangko datoea ' hambo soeroeah himbau , sarato mama' dangan ipa , tantangan si Boengo Kapēh , awa'njo soedahlah gadang, alah patoei' injo bakawan ; datoea ' lah samo ma'aloem , ana ' oerang nan pangkē ' injo, alah batompangan balako ; maloe bana awa' de ' oerang, malie ' injo alah gadang. Maminta ' ma'af hambo banja '-banja ' , patoei'njo datoea' nan kan roesoeah , nan kan manjaboei ' pado hambo, tantangan roendiengan 'toe , hambo 'ko oetang mananti ; soenggoeahpoen injo ana' hambo, datoea ' nan labieh bakoeaso , datoea' nan poenjo kamanakan , hambo oetang mamaliharo , mangatokan kapado datoea ' ; misiki gadang kato hambo, kalau baloen djanjo datoea ' , sarato mama' dangan ipa, baloenlah itoe akan mandjadi , sabab bare' nan kan mambao , atau ringan nan kan mandjindjieng , poelang kapado diri datoea ' , tipa' di baban nan iko ."

Mandjawab Datoea' Bandaharo Moedo, io datoea ' si Boengo Kapēh , mama' de' si Boengo Tjajo : „Djoko ' itoe kato rangkajo, itoelah kato sabananjo ; de' hambo lah taraso djoeo , maC mandang injo lah gadang ; lah lamo hambo baraga '-aga ' , akan mandjalang rangkajo , baloen djoeo sampai-sampainjo . Namoen di diri hambo nangko , hado' kapado si Boengo Kapēh , ba ' kato rangkajo tadi , io hambo nan patoei ' manjaboei'njo , kapado diri rangkajo ; soenggoeahpoen io awa' hambo , samolah kito tantang itoe ; tipa ' dibadan diri kami , nan saroemahroemah iko , tantangan roendiengan 'toe, atau nan lain dari itoe, tanamo diroemah iko , de' hambo tida' baroebah . Soenggoeahpoen rangkajo oerang samando , tatapi de' kami samonjo , nan sakampoeang-kampoeang iko , rangkajolah djadi ninie ' mama' , paï ka tampē' batanjo , poelang ka tampē' babarito , samo ma- 'aloemlah rangkajo tantang itoe, soerangpoen tida ' nan laï tahoe, tampan djagalan 'toe samonjo ; hambo 'ko soedahlah toeo , ' aka singkē' pandapē ' koerang , toeo hambo 'ko toeo pisang , toeo pisang ditabang oerang ; ba'itoe lakoe oentoeang hambo. Kini ba'itoelah de' rangkajo , tantangan roendiengan iko , tantangan si Boengo Kapēh , ba'apo nan ēlo ' djo rangkajo , badoeo dangan si Tjajo , manoeroei' sadjo diri kami , asa laï baban ka babao ; misiki kamano djo rangkajo , manoeroei' sadjo diri kami ; mano katoedjoe de' rangkajo , itoe katoedjoe pado kami ; mano nan dapē' de' rangkajo , masa'kan sadjolah roendieng 'toe , oesah rangkajo pandjang angan -angan, tida'lah kami manjalahi . "

Maningkah Datoea' Radjo Pangoeloe : „ Mano datoea ' dangan mama' , sarato ipa kadoeonjo , nan sapandjang kato datoea' 'toe , itoelah sabananjo djoeo ; soenggoeahpoen ba'itoe nan kato datoea ' , sarato ipa dangan mama' , di hambo tida'lah lama' ; ato hanjo nan pinta ' hambo, saio sadjo kito dahoeloe ; ko' siapo nan kan kito djapoei ' , moepakat kito dahoeloe , kito roendieng kito kadji ; oesah poelang mamoelangkan sadjo , tida ' ēlo ' roendieng ba'itoe, ēlo'njo dapē ' nan salasai , ko' tibo diangin koesoei ' , basasalan kasoedahannjo . "

Maningkah mama' si Boengo Kapéh : „ Itoe bana kato datoea' , dikadji awa djan akie ; kalau taboeē ' di nan baie' , sananglah itoe hati kito ; malang djan moedjoea ta' batjarai , kajo Allah siapo tahoe , malah soedah kito baminantoe, nan lah ditjari de' bapa'njo , nan dipoelang -poelangkan sadjo , kalau Toehan mantakadiekan , tida ' njo lamo babaoea , atau basilang basalisieh , tida ' sapakat injo djan lakinjo , atau basonjo tida '

ēlo' , tida ' mamandang ka nan lain, mamandang ka bininjo sadjo, tida' njo maloe pado kito ; djadilah kito baoepatan, mangatokan tida' tjari hambo, mangatokan tjari bapa'njo , itoe disaboei ' dibalakang ; dahoeloe awa' mamoelangkan , kamoedian taga' bakisa , dikatokan tjari bapa'njo , karni 'ko manoeroei' sadjo , ba'itoe nan kato awa' ; djadi taoepe ipa bisan , taoepe' minantoe awa' . Tida'lah djadi nan ba'itoe, hanjolah nan kahanda' hati hambo, malah ba'itoe niat datoea ' , ko' io alah injo akan kito patompangkan , saboei'lah de' datoea' nan katoedjoe , atau di kaka ' malah poelo , ko ' alah tampa de' datoea ' , atau dē' kaka ' nan katoedjoe ; saboei'lah itoe pado kami , ama ' boelieh samo kito kadji , kito timbang basamo-samo ! "

Mandjawab Datoea' Radjo Pangoeloe : „Itoe bana kato ipa, itoe nan katoedjoe de' hambo ; malah samo kito roendieng kito papa, tida'lah kito basasalan, tida' timboea oepe ' poedjian , ko' apo -apo nan toemboeah , nan tadjadi kamoedian ; itoe nan kahanda ' hati hambo."

Maningkah Datoea' Bandaharo Moedo : „ Malah ba'itoe kato rangkajo , manoeroei' poelo diri hambo ; kini saboei'kan de ' rangkajo , ama ' boelieh kami paiokan , kamano rangkajo akan baminnantoe, siapo katoedjoe de' rangkajo , ama ' samo kito paroendiengkan , boelieh didanga nan basamo . Saboei'lah itoe de ' rangkajo, mano-mano nan akan ēlo ' , samantaro kito laï rapē ' ! "

Mandjawab Datoea' Radjo Pangoeloe : „Ko' itoe nan kato datoea ' , de ' hambo baloen laï tampa' ; kalau lah tampa' de ' hambo, sadja ' tadi hambo saboei'kan ; kini tjarilah de' datoea' , sarato dangan mama'njo , ama'lah hambo manoeroei'kan ."

Mandjawab Datoea' Bandaharo Moedo : „Kalau baloen tampa' de' rangkajo , nan taraso de' hambo soerang, ēlo'lah oerang mamarentah , soekoe laï kapalo laï ; piliehlah itoe de' rangkajo, mano-mano nan katoedjoe , oerang nan balimo 'toe ."

Maningkah Datoea' Radjo Pangoeloe : „De' ipa ba'apo poelo , laïkoh sapakat dangan datoea ' , de' baliau itoe nan katoedjoe, boekankoh samo kito danga ? "

Mandjawab mama' si Boengo Kapéh : „Kalau sapakat tantang itoe , manoeroei' poelo diri hambo ; tatapi saboeah nan taraso, kito 'ko oerang misikin , oerang 'toe oerang banja ' alē ' , siang malam tida' bapoetoeih, baralē ' bakalaloean , ko' pajah kito kamoedian , ko' manjasa kasoedahannjo . Saboeah laï nan taraso, padja 'ko ana' kētē' baroe, oerang 'toe lah aga ' ba'oemoea ; bago ko' ēlo' djanjo kito, de' injo ko' ta' katoedjoe , tida' salamat karadjo 'ko ; de' takoei ' injo di kito, ditoeroei'njo djoeo roendieng kito, tatapi maibo di hatinjo, djadi maroesa' pikierannjo. Kalau lē kan boelieh pinta ' hambo, soenggoeahlah ēlo ' pado kito , ēlo' poelo itoe handa'njo , de' oerang nan kan mamakai ; ba' itoe mangko samo ēlo' . Soenggoeahpoen kito mamiliehkan, injo mangatoedjoekan poelo , oerang nan kito pilieh 'toe , djangan tapatah di hatinjo, io oerang nan akan mamakai ; ba' itoe handa'njo nan kan ditjari, soepajo sanang di hatinjo, baie' di kito nan kan mamandang, samo lama' itoe handa'njo ; kalau kan ba' pinang diandoeah , poetoeih tali injo badiri , tabi ' santan de' bapatji' , tabi ' minja' de' bakampo , tida'lah ēlo' nan ba'itoe , samo diraso hati kito. "

Mandjawab andé si Boengo Kapéh : „ Maminta ' hambo di datoea' nan basamo, kalau kan oerang mamarentah , tida'lah soeko hati hambo ; ko' laï kan boelieh pinta ' hambo, oerang sia' datoea ' tjarikan, nan laï tahoe mangadji , sabab injo si Boengo Kapēh , soenggoeahpoen injo ana' kētē' , tatapi koeē' injo mangadji , sambahjangnjo tida' nan tingga ; kalau le oerang sia' poelo, tantoe batambah pangadjiannjo , oesah saroepo hambo 'ko poelo , tida' tahoe di hala haram ; djoko ' oentoeang pambari Allah , malah nan sia' datoea' tjarikan , sabab de' mandanga-danga , taboeka' djoeo hati hambo."

Mandjawab Datoea' Bandaharo Moedo : „Kalau ba'itoe nan katokau , itoelah nan ēlo' bana ; kalau lē tampa' de' matokau, saboei'kan malah kini-kini , ama ' dikadji boeroea ' baie ' , koetiko laï samo doedoea '."

Maningkah si Boengo Tjajo : „Nan katoedjoe de' hati hambo, ko' laï datoea' manjoekokan , sarato mama' djan bapa'njo , lē kan amoeah injo poelo , hambo handa' Toeankoe Imam Moedo ; itoe nan katoedjoe de' hambo, ko' lē kan moengkin kito djapoei ' ."

Mandanga kato si Boengo Tjajo , tamanoeang Datoea' Bandaharo Moedo ; alah sabanta injo tamanoeang , laloe bakato anjolaï : „Ko' itoe nan tampa' de' kau , itoelah nan ēlo' bana, alah biaso kito kakioen ; itoe bako mandiang datoea ' nan dahoeloe , nan hambo gantikan gala ; kakioen djoeo itoe bakonjo , bako mandiang oeban hambo, Datoea' Gago ' kato oerang, galanjo Datoea'

MOESTIKO ' ADAT 'ALAM MINANGKABAU . 15

Padoeko Radjo ; sabab de' injo gago' , dihimbaukan oerang Datoea' Gago' ; alah djoeo hambo basoeo , dangan baliau Datoea' Gago ' 'toe , de' samaso hambo kētē', tatapi baloen tarang bana , hanjo loepo - loepo inge' , sabab pado oekatoe itoe, hambo baloen tahoe di kain, tjapē ' bamain tangah halaman , ba'itoelah baroe gadang hambo ; kalau kakioen nan katoedjoe de' si Tjajo, itoelah djadja' lamo djoeo, alah ēlo' bana itoe de' hambo ; soenggoeahpoen elo' kato hambo, pikieran di nan basamo."

Maningkah mama' si Boengo Kapéh : „Ko' itoe nan kato kaka ' , de' hambo itoelah katoedjoe , sabab lah hambo liē' hambo pandang , tantangan lakoe parangainjo , sipat baie' tarati' baie' , lagi baliau oerang 'alim, ikoei'tan oerang disiko . "

Maoelang Datoea' Bandaharo Moedo : „ Mano rangkajo Radjo Pangoeloe, ba' apo itoe de' rangkajo , nan disaboei' si Tjajo tadi , handa' Toeankoe Imam . Moedo, itoe nan katoedjoe de' injo ; ba' apo timbangan de' rangkajo , tantangan nan disaboei'- njo itoe ?"

Mandjawab Datoea ' Radjo Pangoeloe : „Dē' hambo tida'lah pandjang , dimano sapakat datoea ' nan basamo, manoeroer hambo tantang itoe ; tida'lah hambo manjalahi , misiki nan lain dari itoe ; kalau alah sapakat datoea ' nan basamo, manoeroei' djoeo diri hambo."

Roendieng nan tida ' dipandjangkan , soedah dikadji boeroea' , nan samalam-malam itoe , djadi sakato anjolaï , sagalo baie' oerang nan doedoea ' 'toe , akan mandjapoei ' Toeankoe Imam Moedo , nan akan djadi minantoenjo ; diboeē ' poelolah moepakat , dalam awa' nan sabanja ' itoe, siapo nan akan malakoekan , mamboee ' roendiengan 'toe, dangan Toeankoe Imam Moedo ; dapē'- lah poelo naboelatan , oelieh nan rape' samonjo , mamoelangkan ka Datoea' Radjo Pangoeloe, nan kan mamboeē ' roendieng 'toe, kapado Toeankoe Imam Moedo. Sabab alah roendieng sakato, manoeroei' Datoea' Radjo Pangoeloe, tatapi saboeah nan dipinta'njo , de' Datoea' Radjo Pangoeloe, djoko ' oentoeang pambari Allah, ko' dapē ' roendiengan 'toe, tipa' dimamoetceihinjo , koembali ka datoea ' dangan ipa.

Maningkah Datoea' Bandaharo Moedo, dangan mama' si Boengo Kapéh : „Malah ba'itoe kato rangkajo , tjoebolah dahoeloe de' rangkajo ; malah masa' itoe de' rangkajo , dimano rangkajo , ka bamanti , basamo djoeo malah kito. "

Maningkah Datoea' Radjo Pangoeloe : „ Malah ba'itoe kato datoea ' , ama' hambo tjoebo malah baroendieng ; tatapi ko' njo bakanda' amēh , ameh nan sapandjang 'adat, ba' apo itoe de' datoea' ?"

Mandjawab Datoea' Bandaharo Moedo : „Kalau oeang nan sapandjang ' adat, kito bari malah itoe, antah ko' labieh dari itoe, tida'lah akan taisi ; soenggoeahpoen itoe damikian , ba'- apo nan ēlo' djo rangkajo ; tjoebolah masa'kan dahoeloe , mandapē ' kaba malah kami . "

Alah soedah injo baroendieng , dibari poelo minoem makan ; alah salasai minoem makan , baroe injo batjaraitjarai , poelang karoemahnjo masieng-masieng . Tasaboei ' Datoea' Radjo Pangoeloe , alah doeo hari lapēh itoe, didjalangnjo Bagindo Saripado ; disoeroeahnjo paï baroendieng , dangan Toeankoe Imam Moedo , baroendieng kētē' sadjo dahoeloe : „Tjoebolah Bagindo tanjoi bana, ko' io baliau laï kan amoeah , hambo ambie' djadi minantoe , kapado si Boengo Kapēh ."

Mandjawab Bagindo Saripado : „Djoko' ba'itoe kato datoea ' , ama' hambo tjoebo malah, maoelang sakali laï, sabab de' nan tēmpo hari, oekatoe dalam bagarah -garah , roeponjo io baliau amoeah , antah kini ko' baroebah ; tatapi pikieran hati hambo, tida'lah itoe akan baroebah . Kini ba'itoelah di datoea ' , mananti datoea' doeo hari 'ko, ama ' hambo liē' dahoeloe ; malah soedah hambo liē'i, ko' lē ka moengkin itoe rasonjo , boeliehlah hambo datang ka datoea ."

Pado maso koetiko itoe, badjandjilah Datoea' Radjo Pangoeloe, dangan Bagindo Saripado , doeo hari masoek katigo ; alah batjarai kadoeonjo , soedah injo baroendieng itoe.

Tasaboei ' Bagindo Saripado , isoea' harinjo baroendieng, païlah injo badjalan -djalan , kasoerau Toeankoe Imam Moedo.

Oentoeang soeratan nan ka baie' , pado maso koetiko itoe, tida'lah ado baoerang lain, disoerau Toeankoe Imam Moedo, hanjo baliau soerang sadjo , sadang mantjaboei '- tjaboei ' roempoei , doedoea ' ditangah halaman , sadang manjapoe -njapoe saro ' .

Alah tampa ' Bagindo Saripado , tagala ' Toeankoe Imam Moedo , laloe batanjo injo sakali : „Dari mano toean tadi ?"

Mandjawab Bagindo Saripado : „Hambo dari roemah sadjo , moekasoei ' sangadjo dalam hati, handa' basoeo djan toeankoe."

Maningkah Toeankoe Imam Moedo : „ Iko 'kan alah kito basoeo," sambie injo badjawē ' salam. „Mari kito naie' kasoerau , " kato Toeankoe Imam Moedo. Injopoen maie' maso itoe . De' Toeankoe Imam Moedo, diambie' lapie' dikambangkan , dioendjoea'kan poelo tampē' roko' .

,,Doedoea'lah toean sabanta' , ama' harabo kasoerau ētēn, ado nan akan hambo ambie'," kato Toeankbe Imam Moedo .

Mandjawab Bagindo Saripado : „ Insja ' Allah , baie'lah itoe." Dalam sabanta itoe djoeo, toeroen Toeánkoe Imam Moedo, naie ' kasoerau nan saboeah , disoeroeahnjo ana' moeri'njo , maaboeih kopi maso itoe ; injopoen toeroen anjolaï , babalie ' kasoerau nan tadi , kapado Bagindo Saripado . Alah doedoea ' mangētje'- ngētje' , banja'lah roendieng nan disaboei ' , oelieh Bagindo Saripado, kapado Toeankoe Imam Moedo, de' baliau ba' itoe poelo, samo mangētjē ' kadoeonjo , manjaboei ' nan ēlo'-ēlo ' , adangadang samo tagala ' , adang -adang samo tamanoeang. Sadang lama' patoetoearan, sadang ēlo' paroendiengan , bakato Bagindo Saripado : „Mangko hambo datang kamari , ado moekasoei ' dalam hati , sangadjo bakēh toeankoe, tatapi roendieng kito badoeo sadjo , nambē' disaboei' bakēh oerang."

Maningkah Toeankoe Imam Moedo, bakato sambie tatjangang : „Roendieng apo itoe toean, elo'lah saboei ' bakēh hambo, tida' kan pandjang itoe de' hambo, malah ba'itoe kato toean. "

Maningkah Bagindo Saripado : „Nan hambo datangkan ka toeankoe , tida'lah roendieng apo-apo , hanjo roendieng ēlo' bana. Io laï kan amoeah toeankoe, kami djapoei ' kapado si Boengo Kapēh , ana ' Datoea' Radjo Pangoeloe ?"

Mandjawab Toeankoe Imam Moedo : „Ba'apo de' ba'itoe kato toean ?"

Maningkah Bagindo Saripado : „Mangko ba'itoe kato hambo, oerang lah baroendieng -roendieng, handa' mandjapoei ' toeankoe djoeo ; ko' ado toeankoe laï namoeah , adolah oerang nan kan datang , mamasa'kan roendiengan itoe. Kini 'ko hambo kamari, disoeroeah Datoea' Radjo Pangoeloe, manjoeroeah baroendieng djan toeankoe, sabab baliau maloe -maloean , ko' tatoela' de' toeankoe ; djoko ' kironjo toeankoe laï soeko , baliau bana datang kamari , maoelang roendiengan 'toe . "

Maningkah Toeankoe Imam Moedo : „Ko' itoe nan kato toean, tipa' di diri hambo soerang, soekolah hambo tantang itoe ;

tatapi saboeah nan taraso , ko' ba'itoe niat baliau , hambo 'ko oerang sia ' boeroea ', tida ' tahoe disawah ladang , ameh pēra ' djaoeah sakali , samo maʻaloemlah de' toean, siang malam disiko sadjo , dimano pitih ka dapē'."

Maningkah Bagindo Saripado : „Ko' hanjo tantangan itoe, alah ma'aloem itoe dē kami ; oesah toeankoe soesah sanan, poko'njo toeankoe laï amoeah , itoe tida' oerang pikiekan . ”

Maningkah Toeankoe Imam Moedo : „Ko' ba'itoe kato toean, tjoebolah tolong de' toean baroendieng , io djan datoea' hambo ; bago ko' io hambo amoeah , ko ' tida' baliau soeko , tida'lah djoeo kan mandjadi ."

Maningkah Bagindo Saripado : „Ko' ba'itoe kato toeankoe, bialah hambo soesah pajah , ama' hambo djalang poelo malah baliau."

Alah soedah injo baroendieng, alah tibo kopi de' rang sia' , alah minoem Bagindo Saripado , basamo Toeankoe Imam Moedo ; alah soedah injo minoem kopi, alah toeroen Bagindo Saripado , basalam dangan Toeankoe Imam Moedo.

Tasaboei' Bagindo Saripado , toeroen dari soerau itoe, badjalan injo kalaboeah, handa' mandjalang Datoea' Padoėko Radjo , mama' Toeankoe Imam Moedo. Allah ta'ala manggara'kan , basoeo sadjo dilaboeah , akan kasoerau poelo maso itoe, maliē ' Toeankoe Imam Moedo, alah sapakan tida ' kasoerau . Manampa' Datoea' Padoeko Radjo, taga'lah Bagindo Saripado ; alah sampai injo badake' , laloe basalam maso itoe, doedoea ' basiriehsiriehan ; batanjo Datoea' Padoeko Radjo : „Dari mano Bagindo tadi ?"

Mandjawab Bagindo Saripado : „Hambo lah mantjari datoea ' , kasoerau hambo sadja ' tadi , de' lah lambe' datoea' tida' datang , lah pane' hambo mananti , moekasoei ' dalam hati hambo, akan manoeroei'i datoea ' .

Maningkah Datoea' Padoeko Radjo : „Apokoh garan kaba Bagindo ?"

Mandjawab Bagindo Saripado : „Bari ma'af hambo de' datoea' , roendieng 'ko roendieng ēlo ' bana ; dimano djoeo kito baroendieng ? Salah raso hambo de' datoea ' , manjaboei ' ditangah djalan ."

Bakato Datoea' Padoeko Radjo : „Tida' mangapo itoe Bagindo , habih 'adat de' karilahan , habih tjoepa ' de' palilihan ;

ko' ado nan taraso de' Bagindo , djadi disiko Bagindo saboei ' , tida' mangapo itoe de' hambo."

Maningkah Bagindo Saripado : „Malah ba'itoe kato datoea' , bari ma'af hambo de' datoea' . Adapoen hambo kamari 'ko, hambo disoeroeah Datoea' Radjo Pangoeloe, io baroendieng dangan datoea ' ; djoko ' ado moedah -moedahan, kalau lē rila hati datoea ' , baliau handa' mandjapoei' Toeankoe Imam Moedo , akan diambie'njo djadi minantoe , ka dilata'kannjo ka ana'njo , kapado si Boengo Kapēh ; itoelah nar hambo datangkan . "

Mandjawab Datoea' Padoeko Radjo : „Mangapo Bagindo baliau soeroeah , ba'apo mangko de' ba'itoe, ba'apo baliau djan Bagindo . ?"

Mandjawab Bagindo Saripado : „Antaro hambo djan baliau, tida'lah apo kari' kabiehnjo ; ato hanjo hambo kamari, sabab de' kami satoe hati, dangan Datoea' Radjo Pangoeloe , sarato Toeankoe Imam Moedo, hambo 'ko djadi oetoesan sadjo ; djoko' badapē ' roendieng 'toe, baliau djoeo manjoedahi , dangan Datoea' Bandaharo Moedo , nan kan datang kapado datoea'."

Maningkah Datoea' Padoeko Radjo : „Ko' itoe kato Bagindo , kalau lah itoe roendieng sabananjo , di hambo lah ēlo' bana, labieh soekonjo hati hambo ; ko' injo Imam Moedo, ko' ta' amoeah injo baroemah."

Maningkah Bagindo Saripado : „Samantaro hambo mananti datoea ' tadi , alah djoeo hambo kile'kan , roendieng itoe bakeh baliau ; nan djawab baliau bakēh hambo, tantangan roendiengan itoe : „ De' hambo katoedjoe bana, ato hanjo akan saboeah itoe ود sangkoei'njo , timbangan de' datoea ' hambo soerang, " ba'- itoe kato baliau , manjaboei'kan diri datoea' ; „ko' lah soeko diri baliau , soekolah poelo diri hambo ," ba'itoe kato baliau , dē' kami baroendieng tadi ; sabab itoe hambo akan mandjalang datoea' , kironjo de' moedjoea hambo poelo , alah basoeo dangan datoea' . Itoelah nan hambo minta ' lapēhlah sakali 'ko, ama' , datoea ' baliau kami djapoei ' .

Maningkah Datoea' Padoeko Radjo : „Ko' ba'itoe kato Bagindo , marilah kito kasoerau, kito baroendieng samo -samo , djoko' oentoeang pambari Allah , sampai moékasoei ' Bagindo 'toe. Dalam sabanta itoe djoeo, alah badjalan kadoeonjo , babalie ' hado ' kasoerau, laloe naie' sakali . Alah sabanta antaronjo , alah dioelang poelo baroendieng , de' Bagindo Saripado , kapado Datoea ' Padoeko Radjo, dangan Toeankoe Imam Moedo.

Allah ta'ala manggara'kan , de' barih patamoeannjo , dapē'- lah poelo paroendiengan , batamoe roeēh djan boekoe , manarimo Datoea' Padoeko Radjo, dangan Toeankoe Imam Moedo , soekolah injo maso itoe , alah soedah injo baroendieng , laloe badjalan anjolaï , io Bagindo Saripado , dangan Datoea' Padoeko Radjo, akan mamati paroendiengan , dari Datoea ' Radjo Pangoeloe , bapa'njo si Boengo Kapēh , sarato Datoea' Bandaharo Moedo, oerang nan doeo balah piha' . Alah soedah injo badjandji, alah poelang Bagindo Saripado , mangabakan roendiengan 'toe , kapado Datoea' Radjo Pangoeloe, alah disaboei' samonjo , bahaso roendieng nan lah habih , tingga mamati sadjo laï .

Pandjang panda'njo tida' disaboei' , alah sampai djandji koetikonjo, nan diboee ' Bagindo Saripado , laloe batamoe oerang itoe, iolah Datoea' Radjo Pangoeloe , basamo Datoea' Bandaharo Moedo, dangan Datoea' Padoeko Radjo, sarato poelo Bagindo Saripado . Pado maso doeaso itoe, samo disaboei ' nan taraso , disoedahi roendiengan 'toe , oelieh nan doeo balah piha ' , alah laloe batimbang tando, dilaboeahkan djandji akan kawin . Kamoedian dari pado itoe bakokoh kadoeo balah piha ' , mano nan tida' lah ditjari , apo nan koerang diadokan ; alah tjoekoei ' alat samonjo , alah sampai djandji koetikonjo , laloe baralē ' anjolaï, diroemah si Boengo Kapēh , alē'njo sadang ēlo' poelo , mandirikan sapandjang 'adat, ' adat oerang samando-manjamando , pandjang panda'njo tida' disaboei . Alah kawin Toeankoe Imam Moedo , io djan si Boengo Kapēh , tantangan 'adat pakawinan , nan tapakai dinagari 'toe , tjoekoei'lah itoe samonjo , gadang tida' katjie'poen tida ' , sadang ēlo ' alē'njo itoe, 'adat oerang baminantoe , tjoekoei ' tabao samonjo , de' Datoea' Radjo Pangoeloe , sarato dangan si Boengo Tjajo , tida ' ado tjatje' salahnjo .

Alah soedah injo bakawin , alah lapēh poelo alē'njo , alah sahari doeo hari, sampailah garan tigo hari, alah badamai si Boengo Kapēh , dangan Toeankoe Imam Moedo , alah bakasiehkasiehan kadoeonjo . Sadanglah si Boengo Kapēh , sangat haromat akan lakinjo, badjalan salangkah maminta ' idjin , bakato sapatah basitinah , tabaokan 'adat bini rang sia' , tida' panah manoempang kato ; apo nan kato soeaminjo , ditoeroei'njo itoe balako , bapantang bakato kasa, baroendieng salaloe ambie' diba wah, ba'itoe adjaran de' bapa'njo . Malie ' lakoe si Boengo Kapēh, sarato roepo baie' poelo , sangatlah kasieh soeaminjo , io Toeankoe Imam Moedo, kapado si Boengo Kapēh, bakasieh -kasiehan kadoeonjo , sapantoen aoea dangan tabieng .

Tasaboei' Datoea' Radjo Pangoeloe , ajah lapēh injo baminantoe , alah batambah sanang hatinjo ; lamolah poelo soedah itoe, adolah garan doeo tahoen, lapēh injo baminantoe , doedoea'- lah injo dangan sanang, hoekoem ' adie boekan kapalang , moesahoea kian koemari , tahoe di 'adat djan limbago , pandai di hērēng dangan gēndēng , loeboea ' 'aka laoei'tan boedi , kalau maoelēh tida' bakasan, mamboehoea tida' baboekoe , paham dalam timbangan haloeih ; salamo injo mamarentah , mahoekoem didalam kampoeang , tida'lah ado nan maoepe ' , sagalo ana' boeahnjo itoe, laki-laki parampoean, hanjo mamoedji itoe balako , batjampoea takoei' dangan sajang ; ba'itoe lakoe ana' boeahnjo . Hado ' ka Datoea' Radjo Pangoeloe , kalau injo doedoea ' dimēdan , maroendieng nan sapandjang 'adat, manjoekokan oerang nan banja ' , moeloei ' manih basonjo baie' , patoetoearan tida' tasangkoei ' , paham dalam bakaloean, pandai manēnggang hati kawan .

Tasaboei ' pado soeatoe hari , hari Sinajan sahari 'toe, io Datoea ' Radjo Pangoeloe , injo poelang badjalan djaoeah, hari nan sadang tangah hari , sadang koetiko paneh garang , baliau badjalan dalam panēh, sabab karano latieh badannjo , datanglah haoeih dangan lapa , sadang ditangah pasawangan ; de' sangat haoeih badannjo , laloe njo minoem aie dingin , disoemoea ditapi djalan ; soedah injo minoem aie, badjalan djoeo maso itoe. Tida' barapo antaronjo , alah saki ' raso kapalonjo , badjalan djoeo injo poelang, sampai diroemah tidoea sadjo , badannjo ange'-ange" dingin , matonjo mērah pantoen sago , mandilah badan kanai paloeah , kaloeah kasah tida ' karoean. Hari nan sapatang-patang itoe, tida ' baliau minoem makan , sabab karano saki ' badannjo , aie diminoem pahi'-pahi ' , nasi dimakan ta' taragoea' , dibao doedoea ' handa' moetah , dibao tidoea tida' sanang . Soesahlah oerang saroemahnjo , saroemah si Boengo Kapēh , mantjari cebe sano sini , panawa Datoea' Radjo Pangoeloe .

Alah djaoeah laroei'njo malam, kiro-kiro poekoea satoe, alah saki' poelo paroei'njo , moetah bera' tida' baranti, soesahlah oerang saroemah 'toe ; alah ditjoebo maoebē'i , dihimbau doekoen kiri kanan , alah manawa itoe balako , mano nan ado dakē' itoe, tatapi tida' manolongi ; oesahkan saki'njo aga' koerang , hanjo batambah labieh djoeo ; dalam koetiko itoe djoeo , alah pansan Datoea ' Radjo Pangoeloe , loepolah injo akan dirinjo , dihimbau tida' njo baboeni , batambah soesah oerang samonjo . Dalam koеtiko lalai itoe, Allah ta'ala manggara'kan , mangoeo ' Datoea Radjo Pangoeloe, malilie aie matonjo , talaloe mati sakali . Maliē' roepo damikian , iolah si Boengo Kapēh , sarato dangan iboenjo, bagolē'-golē' tangah roemah, alah heboh oerang samonjo , bakadjoei'an oerang kampoeang 'toe , bahamboearan toeroen kabawah , maliē' karoemah 'toe ; alah baboejoen-boejoen sadjo , raminjo oerang nan datang , alah bandoeang de' boeni rato' , manangih oerang samonjo ; maliē' roepo damikian , tida'lah tantoe lawan kawan , habih manangih samonjo , tida ' tantoe nan kan ditoeroei ' .

Adolah poelo oerang samando , nan samo dalam kampoeang 'toe , maliē' roepo damikian , laloe bapikie anjolaï ; diliē'njo tida'- lah ado, nan kari' Datoea' Radjo Pangoeloe , tida'lah poelo ditanjokannjo , sabab tida ' dapē ' baroendieng , oerang gadoeah samonjo , ado manangih ado marato' , karano maroesoeahkan itoe, mamatji'kan si Boengo Kapēh , injo handa' mahamoea ' diri , ibo batjarai djan bapa'njo ; laloe badjalan oerang tadi , kakampoeang Datoea ' Radjo Pangoeloe, dibaonjo poelo soerang kawannjo, nan samo samando disitoe ; sampailah poelo injo kasanan, karoemah dansana' Datoea' Radjo Pangoeloe, laloe mahimbau dari halaman , oerangpoen sadang tidoea . Alah sampai doeo tigo kali , injo mahimbau dari halaman , manjahoei ' oerang atēh roemah, laloe disalai poelo dama, dipasang lampoe minja" tanah , diboeka'kan poelo malah pintoe , naie ' oerang 'toe kadoeonjo ; takadjoei ' oerang atēh roemah, malie' oerang nan datang 'toe, laloe batanjo anjolaï : „Ba'apo toean datang ba'iko hari, apokoh kaba nan dibao ? Tatjamēh rasonjo diri kami , sabab tida ' panah ba'iko ," kato andé si Boedjang Paman , antjoenjo Datoea' Radjo Pangoeloe.

Laloe bakato oerang itoe : „ Mangko kami datang kamari , baliau Datoea' Radjo Pangoeloe, saki ' karēh baliau kini, sadang lalai kami tinggakan , itoe sabab kami kamari ," katonjo oerang nan datang itoe, tida' disaboei' injo mati .

Mandanga kato nan ba'itoe , iolah si Boengo Inai , adie ' Datoea' Radjo Pangoeloe, badoeo dangan antjoenjo , laloe mana ngih anjolaï , sangatlah injo katjamēhan , tambahan mimpinjo boeroea' poelo. Diranggoei'njo kain tahampai , balari sadjo injo toeroen, ditoeroei'i de' Datoea' Maharadjo, lakinjo si Boengo Inai , manoeroei' poelo oerang tadi. Lamo sabanta antaronjo, sampailah itoe samonjo , io kakampoeang Taloea ' Dalam , karoemah si Boengo Kapēh , tida ' mahimbau dari halaman , talaloe sadjo injo naie' ; oerangpoen rami ateh roemah, diliē ' mai' lah tahanta , alah baboedjoea tangah roemah, dioeroeangi oerang nan banja ' .

Baroe tibo si Boengo Inai, sarato dangan antjoenjo , alah taga' si Boengo Kapēh , maraho' injo kasanan , mahampēh-hampēhkan diri , laloe bapaloen katigonjo , alah bagolē'-golē ' sadjo , tida ' tahoe akan dirinjo , hampeh kiri hampēh kanan ; hebohlah oerang mamatji'kan , tida ' diragoe apo -apo , dimaboea' oerang nan batigo 'toe, injo handa' mangamoea ' djoeo' , handa' mamboenoeah diri poelo , handa' maraho ' mai ' itoe ; pajahlah oerang mandjagoi , nan samalam-malam itoe. Alah tasingko ' hari siang , tahoelah oerang kiri kanan , mandanga isi nagari , bahaso mati Datoea' Radjo Pangoeloe, mangoetjap oerang samonjo , hēran boekan alang-alang, sabab tida' mandanga saki' . Ado sasa'at sakoetiko , alah tibo korong kampoeangnjo , sarato kaoem djan soekoenjo, mandjapoei ' mai' Datoea' Radjo Pangoeloe, dibao poelang anjolaï , poelang karoemah soedaronjo , dihantakan basamo -samo , oelieh rang kampoeang Taloea ' Dalam , sampai karoemah tanggonjo . Adolah si Boengo Inai , sarato dangan si Boengo Kapēh , batigo dangan antjoenjo , tida ' tahoe akan dirinjo, diranai oerang poelo malah injo, dibao poelang kakampoeangnjo , dinaie'kan karoemah nan sabalah, io roemah Bagindo Soetan.

Pado maso koetiko itoe, alah rape' poelo ninie ' mama' , dalam Patapang Nan Tigo Balai, didirikan sapandjang 'adat, ba'apo 'adat pangoeloe mati , tataga ' bandēra poetieh, tapantjang pajoeang dihalaman , tadjēlo kain djadjakan , tahampai kain tarantang , dari roemah karangkiang ; diboee ' oesoeangan katjang pali , toengga' bapaloei' samonjo , angkoeah saroepo nan dahoeloe .

Adolah garan poekoea doeo , alah datang bako djan ana'njo , mambao kapan salampih soerang, datangnjo barami -rami , ba' apo 'adat nan biaso, mahanta kapan pangoeloe . Pado maso koe tiko itoe, sadang rami oerang mandjangoea' , alah disambahkan oerang kapan itoe, kapan dari bakonjo tadi , dangan kapan dari ana'njo , ditarimo datoea' nan tigo balai , ba' apo 'adat nan biaso .

Alah soedah itoe samonjo , dimandikan oerang mai' 'toe , soedah mandi dikapaninjo , dilata'kan kakatjang pali, laloe diara' anjolaï, hado' kapandam pakoeboearannjo , goempito de' boeni rato ' , bandoeanglah itoe oerang samonjo , goemoeroeah poelo boeni badie ; ado sabanta antaronjo , alah sampai kapandam pakoeboearannjo .

Oelieh sagalo oerang sia' , sarato labai dangan hadji, disitoe disambahjangkannjo , laloe ditanam baie'-baie ' ; soedah salamat samporono, soedah ditimboen tanah badan, sarato do'a talakinnjo, poelanglah oerang 'toe samonjo .

Tasaboei' datoea ' atēh roemah, sagalo datoea ' isi nagari , nan datang mandjangoea ' tadi , alah moepakat poelo maso itoe , maminta ' ganti dansana'njo , kapado nan tigo balai , manoeroei ' 'adat nan biaso, mati gadjah tingga gadiengnjo , mati harimau tingga balangnjo , mati datoea ' basilieh djan datoea ' , ba'itoe kahanda ' hati nagari , ba'itoe pakai nan biaso, nan batoeroen banaie'kan ; kalau toemboeah pangoeloe mati , maminta ' isi nagari , kapado datoea ' si pangkalan , handa' diganti dansana'njo .

Adolah datoea ' nan tigo balai , sabab lah tibo toenggoe nagari , maminta ' ganti dansana'njo , handa' disilieh djan nan moedo. Alah badjandji injo sabanta, mamoehoen handa' basiasieng , baroendieng toeroen kabawah ; io de' datoea ' nagari , alah dilapēh poelo toeroen, alah toeroen itoe samonjo , sagalo datoea' dalam Patapang , akan baroendieng bamoepakat, sarato korong dangan kampoeang, handa' mantjari ganti pangoeloe , manggantikan datoea ' nan mati ; tatapi apo nan kan disaboei' , oeranglah rano' samonjo , nan sakampoeang-kampoeang itoe, laki -laki parampoean, soerangpoen tida' nan laï tahoe, gilo manangih samonjo , saroepo oerang gilo maboea ' , tida' tahoe akan dirinjo . Malie ' roepo nan damikian , alah roesoeah datoea ' nan tigo balai , laloe babalie ' naie' karoemah , disambahkan kapado datoea ' nagari , mangabakan lakoe nan ba'itoe : „Baloen dapē' kami baroendieng , sabablah rano ' samonjo , ba' banto dilondong aie , itoelah roepo parasaian , bagaikan gilo 'toe samonjo ; ato hanjo akan saboeah , nan kan sakarang kini nangko , maminta ' djandji kami dahoeloe , kapado datbea' samonjo, mandjalang dapē ' paroendiengan , ama ' tahoe dahoeloe, sagalo korong kampoeang iko , soepajo laloe paroendiengan ," sambahnjo datoea ' nan tigo balai , kapado datoea ' nagari .

Mandanga kaba nan ba'itoe , mandjawab datoea ' nagari : ,,Malah ba'itoe kato datoea ' , sananglah itoe hati kami , mananti malah kami dahoeloe , dari datoea' nan tigo balai ."

Alah soedah roendieng itoe, 'adat diisi anjolaï , oelieh datoea nan tigo balai , ' adat kapado datoea ' nagari, 'adat kapado oerang mandjangoea ' .Alah soedah 'adat diisi, soedahlah poelo ditarangi, ko' talampau ko' talompe' , maminta ' idjin anjolaï , sagalo datoea ' nan mandjangoea ' , handa' koembali anjolaï , poelang katampē' masieng-masieng . De' datoea' nan tigo balai , alah dibari poelo idjin , poelanglah oerang samonjo , katampē'njo soerangsoerang, bahati ibo samonjo , manganakan Datoea ' Radjo Pangoeloe .

Koenoen de' datoea' nan tigo balai , lah didjago kampoeang itoe ; sampailah poelo tigo hari, baroelah tahoe soerang-soerang , alah ingē' akan dirinjo ; hanjolah si Boengo Inai , badoeo dangan antjoenjo , talaloe pasie ' sakali , adang-adang injo tagala ' , adang -dang injo manangih , tida ' tahoe di minoem makan, tida' padoeli apo -apo , aboea ' koesoei ' koetoelah banja ' , daki taba kain lah boesoea ' ; kalau nasi dibari oerang, dimakannjo sadang banjanji , kadang -kadang sadang manangih , kadang -kadang diboeangkannjo . Sampailah poelo tigo boelan , banja'lah poelo doekoen maoebē'i , alah baroebah itoe sadiki ' , alah tahoe pado dirinjo , tatapi bamanoeang -manoeang djoeo, kadang -kadang injo marato ' , kadang-kadang injo gala'-gala' soerang, toemboeah saoela '-saoela ' , disalap sētan djo ibilih .

ΤΑΜΜΑ Τ.

VIII .

SADIKI ' SAIE PARASAIAN SI PANGARANG .

Rahmat Toehan 'alam samato, Talah salasai ini tjoerito, Rahim dan balas Toehan kito, Harap ampoeni dagang jang lato .

Ngaloe dan takoei ' sajo mangarang , Sabab pandapē' njatolah koerang , Ngari dan takoei ' boekan sambarang , Nasib nan tida' bagai di oerang.

Kalau dikanang batambah lare ' , Mangkin dikatja' batambah barē' , Kaliroe hatikoe itoe 'ibarē ' , Sambie bamanoeang doedoea ' manjoerē ' .

Ja Ilahi Toehan samato , Ampoeni hambomoe salah bakato , Jakin dan toeloes hatikoe sarato , Manarimo sjafa'at djoendjoeangan kito .

Rasoea pangoeloe 'alam samato , Nabi Moehammad djoendjoeangan kito, Rasoea piliehan soedahlah njato , Di Makkah Madinah namonjo koto.

Djanganlah sja' hati didalam , Itoelah pangoeloe kito didalam 'alam,

Djanganlah loepo siang dan malarn, Tarangkan hati mano nan kalam

Tammatlah soedah „Moestiko " dikarang , Dinagari Roembai dirantau oerang, Boelan December moelo dikarang , 1912 tahoennjo tarang .

Tigo poeloeah Maart baharoe soedah , 1913 tahoen Balanda , Doedoea ' bapikie toendoea ' tingadah , Sabab mangarang boekannjo moedah .

Tambahan tidak 'alēmoe didado , Pikieran pitjie' 'aka tiado , Panggoeroean koerang tidak bapado, Hino misikin bangsopoen moedo .

Lagi mangarang baloen biaso, Banja' parkataan koerang mardēso, Tambahan pikieran tida ' santoso, Mangarang disambiekan sanantiaso .

Oekatoe tempotempo hambo mangarang , Ka ganti badjalan -djalan saparati oerang, Pahilangkan roesoeah doedoea ' saoerang, Ramoea' pikieran boekan sambarang .

Harap ma'afkan toean sagalo, Mano nan akan mandjadi tjalo, Ampoeni hambo dagang jang bēlo, Karangan tida' katoean* ) moelo .

Soere' nan tida' katoean roepo, Dikarangkan oelieh dagang jang paаро , Dangan oerang tida ' saroepo, Lagipoen tida' iboe dan bapo.

Sana' soedaro djaoeah sakali , Misa oempamo aka dan tali , Hino misikin sakali -kali, Tida'lah oerang soeko padoeli .

Djaranglah oerang saparati sajo , Tida' manaroeah hari nan rajo, Lagipoen koerang dajo oepajo, Soedahlah oentoeang apokan dajo .

Sangat batjinto rasonjo hati, Dikampoeang Roembai doedoea ' baranti, Manganangkan oentoeang tida' saparati , Soenggoeahpoen hidoei' oempamo mati .

Nagari djaoeah boekan kapalang , Sana' soedaro dimato hilang , Diam dirimbo bagai bilalang , Soedahlah oentoeang nasib nan malang.

Rasonjo hati talaloe ibo, Aie mato tjoetjoea djatoeah karibo , Dari kanalan ta' dapē' labo, Mano nan dake' mandjadi toebo .

Raso hatikoe talaloe rawan , Takanang oentoeang sabagai hewan , Mananggoeang partjintaan tida' katoean , Sabagai oerang maboea ' tjindawan.

Sangatlah soesah mananggoeang laro, Doedoea ' didalam sasa' sangsaro , Saoerang ta' soeko sana' soedaro, Dipandang sabagai loetoeang dan karo.

Nasib ta' boelieh dikanang lagi, Kahanda ' Toehan soedah mambagi , Oempamo mamandjē ' goenoeang nan tinggi , Tida' koeaso hambo paragi .

Soesahnjo badan dibao oentoeang , Tida'lah ado tampe' bagantoeang, Ibarat badan sakare ' batoeang , Saoerang diri takatoeang -katoeang .

Ja Ilahi Toehan samato, Sarato Moehammad pangoeloe kito, Moehoen partolongan hambo jang lato , Moedah -moedahan lipoei' hati batjinto.

Ja Allah Toehan jang Rahman , Harap hambomoe tagoeahkan iman, Kaka ikara sarato iman, Loeroeih toedjoean bagai padoman.

Hati nan djahe ' minta dipoenah , Mandjalang 'oemoea masoea ' katanah , Toehan djaoeahkan bala pitanah , Oelieh ibilih djangan tapanah .

Tahinda djoeo namo nan lato , Itoelah niat nazar sarato , Barakat sapa'at djoendjoeangan kito, Nabi Moehammad Rasoea jang njato.

Roesoeah hatikoe talaloe bahano, Doedoea ' didalam goendah goelano, Babarapo banja ' pitanah bintjano , Kaateh diri hambo jang hino .

Soedahlah oentoeang nasib tjilako, Haram sakali tida' disangko , Sahabat dan tolan bantji balako , Tida'lah boelieh mamandang moeko .

Itoelah sabab mandjadi goendah, Parkataan ko' tida' ado paidah Langi' nan tinggi disangko randah , Handa ' ditjapai boekannjo moedah .

Roesoeah hatikoe tida' tahimat , Hantjoea loeloeah bagaikan loemat, Mangkin dikanang talaloe amat, Mandanga parkataan talaloe galomat .

Bintjano nan banja ' tida' takiro, Datangnjo tida ' baoero-oero , tjadaro, Dimanokan hati tida' Itoelah sabab mananggoeang laro .

Sabab de' hati talaloe bimbang , Amoeahlah rasonjo badankoe tabang , Kalau basajo ' sabagai koembang, Dangan sakoetiko tantoe mangambang .

Handa ' rasonjo dagang na' lari , Barang kamano mambao diri, Ta' koeaso diam dalam nagari, Mananggoeang partjintaan sahari -hari.

Maloenjo dagang boekan sambarang , Mandanga parkataan dari pado oerang, Kaba nan tida' boelieh dikarang , Tadjamnjo labieh dari pado parang .

Piloe hatikoe tida' tadarito , Oelieh pitanah djihin dan boeto , Parkataan tadjam dari sindjato , Malamahkan toelang sandi anggoto.

Astagafiroe'llah heran bamoelo , Kabasaran Allah ' alam sagalo, Tida'lah tantoe datang pabilo , Langi' nan tinggi manimpo kapalo .

Soedah garan oentoeangkoe toean , Siang dan malam bahati rawan , Sabagai goenoeang disoengkoei' awan, Ditoetoei ' pikieran tida '. karoean .

MOESTIKO 'ADAT 'ALAM MINANGKABAU. 16

Galap pikieran boekan boeatan, Lamēh saparati masoea ' laoei'tan , Roendiengnjo lama' sabagai santan, Moeko manih tampa ' kaliatan .

Oekatoe bahado'an bamanih moeko , Labieh dari pado adie ' dan kako , Sadiki ' tida' hati basangko, Tatapi dibalakang oepe' balako.

Tidak ka lantēh kapado raso, Harimau akan saroepo roeso , Tambago disangko tjintjin soeaso , Lahienjo elo ' boedi bahaso .

Boeahnjo ranoen masa' dibatang , Roeponjo baie' kalau ditantang , Baroe dimakan kalē'njo datang , Gata sabagai daoen djilatang.

Habihlah boedi koedarat koeaso , Karano ta' laloe kapado raso, Lagipoen koerang dajo oepajo, Djadilah tida ' dapē ' santoso .

Djikalau ado koeaso koedarat , Dangan sakoetiko amoeah mangirat , Antah katimoea antah kabarat , Mambao diri bialah larat.

Sakarang apo akan bitjaro, Sabagai oerang dalam pindjaro , Ditanggoeang sadjo sēso sangsaro , Manantikan hoekoem habih parkaro .

Dipoehoenkan kapado Toehan nan mahasoetji , C Tahinda djoeo namo jang kadji , Moedah -moedahan samporono waad dan djandji , Bakalan diakirat poelo tasadji .

F

Dibarakati Toehan Rabboe'l'izati , Namo nan djahat djangan didapati , Djangan talintēh dipintoe hati , Dari pado hidoei' sampai ka mati .

Tatapi apo akan dikato , Kahanda ' Allah Toehan samato, Djandji dahoeloe tantoelah njato , Samaso dirahim boendonjo kito .

Tatapi poelo toean pangoeloe , Misiki ba'itoe djandji dahoeloe , Hatikoe djoeo manaroeah piloe, Karano iman koerang salaloe.

Hati didalam koeranglah saba , Kaliatan djoeo bagai tagamba , Paboeatan oerang datang mamboeba , Tida' tatahan diatēh riba.

Sabab de' baba itoelah roepo , Takadie Allah soedahlah loepo , Tida'lah soekoer bala manimpo , Ibilih mandajo batimpo - timpo .

Itoelah asa mandjadi rawan , Bintjano datang tida' katahoean , Kaoem kirabat disangko kawan , Kironjo itoe mandjadi lawan .

Sabab hatikoe sangat galoerat , Tida' katahoean tangan manjoerat , Parkataan banja ' balarat -larat, Ma'afkan toean doenie akirat.

Ajoehai toean adi dan kako , Toean pangoeloe samo balako, Dangakan pasan dagang jang doeko , Pakie misikin sambah doerhako .

Inilah pasan dagang jang lato, Kapado sakalian toean samato, Mambatjo soerë ' djangan dikato , Soepajo hati djangan tagoento.

Dangan sabananjo hambo kabari , Parkataan kasa tida ' tapari , Bahaso kampoeang satio' hari, Lagipoen hambo boekannjo kari .

Logat dan bahaso tida'lah pandai , Pamanih moeloei ' baandai -andai , Apo nan dapē ' sadjo dikadai , Pantoen batjampoea riboei ' djan badai .

Manjoere ' iko dalam batjinto, Tida' samporono soesoenan kato , Rasokan titie' aienjo mato, tjatje' sarato . Mamikiekan oepe'

Sahinggo ini sadjo dahoeloe , Tjoerito Datoea' Radjo Pangoeloe , Karano hati talaloe piloe , Takoei'lah hambo kalau talaloe .

Mano nan salah harap ampoeni, „MOESTIKO 'ADAT " namonjo ini , Namonjo sadjo jang baie' boeni, Barangkali dihimbau tida ' barani .

Ahli ' adat hambo nan boekan, Apo nan dapē' sadjo ditoelihkan , Karano birahi handa ' mamasoea'kan, Itoelah sabab hambo karangkan .

Rangkajo Radjo galakoe dahoeloe , Datoea ' Sanggoeno Diradjo gala pangoeloe , Poesako ninie ' dari dahoeloe , Mamakai dio hatikoe piloe .

F

Gala dahoeloe itoe nan lakē' , Galaran moedo soedah tatakē ' , Didalam kampoeang oerang sapakē' , Djadi pangoeloe hambo diangkē ' .

Itoelah sabab mandjadi piloe, Karano ' aka koerang salaloe, 'Adat limbago soeka talaloe, Nan didjalankan oelieh sagalo pangoeloe .

Kampoeang halaman poelo dikarang , Di -Tabieng si Tjoeai namonjo tarang , Kampoeang ditangah Goegoea ' Soebarang, Soebarang Balai dihimbaukan oerang.

Tandjoeang Soengajang namo nagari , Darah tatoempah kampoeang sandiri , Itoelah namonjo nagari diri , Lareh Bodi Tjaniago bilangan soeri .

Hinggo ini saʻie sajo karangkan , Mano nan salah harap maʻafkan , Doenie akirat Toehan ampoenkan, Nama -nama nan tasoerē' toean rilakan .

Assalamoeʻalaikoem saloeroeah 'alam, Kapado sakalian moeʻmin Islam , Dawat tatoempah tahanti kalam , Siapo mambatjo tarimolah salam.

: 1

ΤΑΜΜΑΤ .

Digitized by Gogle

ISINJO KITAB MOESTIKO ‘ADAT IKO.

Bab

I. Pidato -pidato dan parmoelaan kitab 'ko akan dikarangkan II . Datoea' Radjo Pangoeloe mambari pangadjaran kapado kamanakannjo nan banamo Soetan Kabilangan, bagala Bagindo Kajo , dalam hal nan sapandjang 'adat 'Alam Minangkabau . III . Bagaimano Datoea' Radjo Pangoeloe mantjoeraikan katoeroenan oerang 'Alam Minangkabau , sadja' nagari moelo batoenggoe . IV. Tjoerito si Ramboen Amēh , saoerang parampoean 'Alam Minangkabau malangga moepakat nagari , tida' djadi tahoekoem oelieh Karapatan Nagari, karano djawab doeo saroepo , balainan dalam malakoekan nan sapandjang ' adat V. Sadiki ' oelangan pangadjaran Datoea' Radjo Pangoeloe kapado Bagindo Kajo dalam nan sapandjang ' adat 'Alam Minangkabau VI . Bagaimano kamatian Datoea' Radjo Pangoeloe nan tasaboei ' dan bagaimano oerang maangkē Bagindo Kajo djadi pangoeloe manggantikan gala' mama'njo 'toe VII. Datoea' Radjo Pangoeloe nan baroe mantjari minantoe mampasoeamikan ana'njo nan parampoean banamo si Boengo Kapēh , djan Toeankoe Imam Moedo 219 VIII. Sadiki ' saʻie parasaian si pangarang panoetoei ' karangan boekoe 'ko 237

Soeloeh menternakakan hidoep -hidoepn I, oléh Dr. B. f 0.75 Vrijburg - H. A. Salim 1 ). . II . Idem 110.75 III . Idem " 0.75 Hikajat Maerten Harpertszoon Tromp, oléh Joh. H. Been " 0.70 Soetan Machoedoem 1 ) . Dari hal tjandoe, oléh N. K. Bieger H. A. Salim 1). " 0.20 Hindia Zelfbestuur , oléh N. J. Spykman - Soetan Moehammad Zain 1). . " 0.70 Pemeliharaan kanak -kanak jang menjoesoe , oléh B.G.D. . " 0.25 - H. A. Salim 1 ) . Pemimpin toekang Batoe, bagian I dan II, oléh J. Vliegenthart -'Abdoe'rrahman 1 ). . . " 1.80 . 11 0.25 Penjakit tjatjing tambang, oléh B.G.D Kissah pelajaran kenegeri Djoedah , oléh 'Abdoe'llah bin 'Abdoe'lkadir , tjétakan kedoea .' • " 0.15 : . " 0.45 Hikajat , pelandoek djenaka, tjétakan kedoea . Hikajat Indera Bangsawan, tjétakan kedoea . . . 0.35 'Ilmoe kesehatan, oléh Komisi Balai Poestaka " 0.40 Niki Bahtera , oléh Moeh . Kasim . " 1.- Tjermin kanak -kanak , oléh A. Sastra-Prawira 190.45 Dari hal pertanaman teboe dan paberik goela , teroetama terkoetip dari karangan Mr. A. Neytzell de Wlde, oléh D. K. Ardiwinata , tjétakan kedoea " 0.45 Hal ihwal Kota Betawi semasa dahoeloe , oléh P. de Roo . " 0.80 de La Faille - S. M. Rassat 1) " 1.10 Pantoen Melajoe , oléh Balai Poestaka. Penjakit perempoean , oléh Dr. F. W. van Haeften-- Goelam 1) 11 0.15

1). Nama penjalin.

/ht tgle Pub zed Gen76