Baca PDF (OCR): Sangkolan. Emadhoeră'aghi sareng

SANGKOLAN

Emadhoeră'aghi sareng

M. SASTROWIGNJO .

KALOWARAN BALAI POESTAΑΚΑ.

Djăr -klèndjăr da' dhisa Băngkal .

È nalèka arè Ahad ghi' agghoe kaoelă èntar djar-klèndjar dari koţţa Bănjoewangi da' kampong Băngkal , lèbát è djhălăn radjă, ngalangkongè lon-alon, èadă'na kabhoepatèn . Bakto ghăpanèka ghi' lagghoe , mèlana ghi' ta' patè panas , sarengngan djhălăn sè èlèbadhi naong , amarghă è kangan -katjèrra bannja' bhoengkana attjem sè pa' -rampa ' . Njamaèpon djhălăn radjă èngghănèka djhălăn eppos . Dhinèng sè andhika'aghi ambhadhi Kandjeng Towan Goepennor-Djèndral DAENDELS è kabidhănnèpon bindhoe (1) sangabellas . Djhălăn eppos ghella ' molaè dări Anjer, è karesidènan Banten , kantos da' mongghing lao'èpon kotța Bănjoewangi , djhǎoeèpon ra-kèra sabătara eppal ; landjhăngnga dări Banten ka Bănjoewangi ra-kèra pardjhălănan 200 eddjhăm . Bănnja' ta-kotta sè djă-radjă è tana Djhăbă sè bădă è pèngghirră djhălăn eppos èngghănèka .

Sadjăn narè ' , arèna sadjan atambă panas , mèlaèpon bhadhăn kaoelă èngghål -èngghål sè adjhălăn, sopadja èngghålå nattol da' kennengngan sè èsaddjha .

Dări djhălăn eppos ghella ' djha' sakènga kaoelă abhiloek dă' lorong kènè' , tanto pas mangghi kampong , sè kerrep tjompo'èpon . Engghănèka kampongngèpon tokang mèghă ' djhoeko ' , mèlana bǎoena ta' saè . E ta'-ata'na po' -tjompo' ghella ' bănnja ' ko '-djhoeko ' sè èdjhemmor .

Sarrèna è kampong ghika'ijă ta' saè bãoeèpon , èngghi amarghă dări ko' -djhoeko ' sè padă èdjhemmor èngghărowa , mèlana bhadhăn kaoelă terros adjhalan neng djhălăn eppos bisaos . Éghika'ijă naong , tjompo' ghella ' èngghi moddha . Ta' antara abit sareng tor po' - kaoelă ampon lèbăt dări kampong ghika'ijă , hawăna ladjhoe èkrassa saè tor tjellep , sakeddjha ' agghi ' kaoelă pas nattol dă' ghir sèrèng . E pèngghir sèrèng ghăpanèka bhoengkana njèjorra sakalangkong kerreppèpon . Kaoelă sanget terrona sè ngal-nèngalana ka tasè ' , djhoegha ta' mangghi djhălăn laèn, kadjhabhăna nerrak è kebbhoen njèjor ghella ' .

Ta' abit kaoelă pas abhiloek noro ' djhălăn kènè ' , sè ta' patè bánnja' karang kittrièpon ; sè tomboe è ghoel - tangghoella lorong

Sangkolan . 1 èngghănèka namong bha -rebbha sareng bhoet -ombhoet . Éghika'ijă bănnja' bhoengkana gheddhăngnga , sè ètamen ta' atoran èlowaranna lorong, kantos dãoenna ngaobhi da' lorong sè èlèbădhi kaoelă . Bhoengkana njèjor è pèngghirră lorong ghika'ijă èngghi bănnja' , djhoegha ta' kantos andhäddhiăghi aobbhă lorong , sabab sapèsan tèngghi , doe kalèna dhăsar ta' patè bănnja' dãoennèpon .

Lorong kènè ' ghella ' ta' èpèjara sama sakalè , tandhăna bănnja gem - tjèlgemma, kantos manabi djhăn -odjhănan , aèng odjhăn ta' kèngèng aghili, panapa polè lampaddhă rodăna djikar sè lèbăt èghika'ijä kettjem ghăn to'ot . Djhoeghǎ rèng -orèng kampong ampon ta' mardoeli bhăr sakalè da' lorongnga sè ampon rosak ghăpanèka ..

Lorong èngghănèka namong èlèbădhi djikar bisaos , sabab djikar panèka lèbădhă èka'imma bisaos kèngèng , anggher kaboewa ' djhălănna. Saopama bădă djikar lèbăt èghikaʼijă, rodăna lettatjellet ka tjellot, kantos rèng -mèrèng . Djhoeghă padjikaranna ta' mardoeli sakalè , amarghǎ tja'na pèkkèrra, sapèna tanto kellar nadjha' , tor polè djikarra ta' kèra robbhoe , sabab wa'-boewă'na sarat . Kaoelă sakalangkong nèserra da' sapèna , sè kantos andjingdjing panarègghă . Djhoeghǎ sè ghadhoeǎn dhi-kadhiă sè tada panganèserra sama sakalè da sapèna sè aten -ketten nadjha ' djikarra , tandhäèpon njaman bisaos sè nokklèk èattas djikarra sambi ko '-roko'an ; dhinèng padjikaran sè èboediänna neng -masenneng sè todjoe ' sambi djhoeng -kèdjhoengan . Nangèng mangkèn manabi wa '-boewă'èpon ampon èbhoengkar , rèng -orèng padjikaran èngghănèka pas tjè' pratènna ka sapèna . Kaoela ta' ngèra sakalè .

Katjatora sareng padjikaran sè dă -adă nèngalè ka kaoelă, pas èngghål alontja' dări djikarra , sarta sapèna ladjhoe ètonton . Aba'na aèra' dã' tja-kantjana , sopadjă torona djhoeghăn . Djhoeghă sareng kaoelă ampon njalèp, kar-padjikaran èngghănèka pas nokklėk polè èattas djikarra sambi bhang - tembhängan , swarana tjè ' lantona ; kantos kaoelă nattol ka Băngkal ghi' mèreng bisaos . Ta' manglo swarana sè kapèrengnga ka djhǎoena , sarrèna kennengngan èghika'ijă tèghär . Samangkèn kaoelă ampon nattol da' dhisa sè ètoddjhoe , èngghi panèka dhisa Băngkal . Dhisa èngghănèka èadă ngangghoej labăng sakètèng , apaghăr ehhèk perrèng èangghi ' . Labăng sakètèng ghella ' mabi kadjoe okèran sarengngan èattas , lerres èbhäktengngana bădă tolèsannèpon mabi aksara aleng -oleng , ongellèpon :

„DHISA BANGKAL . ”

Sareng kaoelă maso ' è labăng sakètèng èngghănèka , ladjhoe èamba ' bhoeroes dădoewă ' sambi aghǎoeng tjè' kadjana, kantos. kaoelă palèngpèngen ; sadjan abit, bhoeroes sè njandher sadjăn bănnja' , sarengngan ropaèpon masè padă seddhi sè nèngalè ka kaoelă , dhi-kadhiá sè ngèkkè'a ongghoeǎn . Djhoegha sareng tongket kaoelă èanarraghi , roes-bhoeroes ghellä akadhi sè ngartè, djha' kaoelă ta' tako' , pas neng -enneng , ta' oeng -ghǎoengan polè . Kadjhabhă roes -bhoeroes èngghánèka , bannja ' djhoeghă orèng , sabănnè bădă sè sambi ngembhăn , sabannè bădă sè băbinè' nonton ana'na . Na'-ana'na ghăpaneka bădă sè abăngkang , bădă djhoeghǎ sè namong asalebbär bisaos . Melana rèng -orèng ghapanèka padă njandher da' kaoelă , ngara sabab terro nèngalana Bălăndhǎ sè lèbăt è lorongnga . E kangan -katjèrra lorong bădă tjompo' atabing perrèng , pamengkangnga ta' patè lèbar tor tada' ka'- bhoengka'annèpon sakalè, djhoeghă bădă lombhoeng padina sareng goedăng bhakona . Edhi '-seddhi'na ghăpanèka bădă lorong kènè'- èpon , padă saè , namong padă tada kadjoeănna . Sapanèka djhoeghăn è kang-pamengkangnga po '- tjompo ' ghella ' kèngèng kotja' tadă rebbhă tomboe sakalè , amarghă manabi bădă rebbha tomboe sakonè ' bisaos , ta' mèlo sareng embi ' otabă dhoembha , sè èlombhăr èghika'ijă .

Lerres è kontjo'èpon djhălăn sè èlèbădhi kaoelă bădă tjompo'na saè sèttong , têmbona potè ngettak tor ressèk , bhidhǎ sanget sareng po '- tjompo' laènnèpon . Tjompo' èngghănèka ampèr adăʼna njalaghăp , bădă tengnga'annèpon , è tanèjanna bădă mandhapana , mabi kamar doe mègghi ' sarengngan padă ngangghoej djanèla abăk radjă ; tanana sadhădjă èplèstèr ; tjompo ' ghella ' mèmper da' tjompo'èpon Bălăndhǎ sè ta' patè mampo ongghoe .

Ediadă ănna bădă bhoen -kebbhoenannèpon , rebbhäna ngabhiroe sarta ètamennè kembhăng mawar ; èdièrèngnganna sareng èboediăn bănnja ' bhoengkana wa' -boewa'an ana -bărna tor è-saè . Tjompo' ghăpanèka ghadhoeǎnnèpon kalèboenna , sè adjhădjhoeloek ARDJODIWIRJO. Kalèboen èngghănèka saè atèèpon ; sareng kaoelă sè kennal ampon kabit dhingèn , sabab kaoelă manabi kalerressan djärklèndjăr , serrèng boe-amboe è tjompo'na, parlo mènta aèngnga dhoegghån otaba wa' -boewă ăn. Mèlana sareng abă'na nèngalè kaoelă , pas èngghål kalowar . Saamponna marè atabi' kaoelă abălă , djhă' namong terro ngamponga boe-amboe sakeddjha ' ; kaoelă pas èpaladjhoe , èpatodjoe ' è korsè gojangnga , dhinèng sè ghădhoeăn tjompo' ghi' lebbhoe da' romana sakeddjha' . Kaoelă nèngalè atorannèpon è ampèr sareng è roma padă è-saè .

Ta' antara abit WIRJO pas kalowar sambi ambhakta galbas dădoewă ' aèssè djhădjhăn , èsoghoeaghi da' kaoelă . Kaoelă klabăn ghátè sè ngala ' djhădjhănna , terros èteddha . Ana'èpon, pata omor lèmabellăs taon , ngangka'è aèngnga dhoegghăn , kompojja ambhakta baki aèssè pao è-saè nem megghi ' pas èsoghoeaghi dă' kaoelă djhoeghă . Pao ghapanèka sareng kaoelă èkabherkat sadhădjă , èbhoendhoe ' neng sattanang . Saamponna , kompojja sareng kaoelă ladjhoe èpersèn pèssè . Klèboenna robăèpon bhoenga sè katamojan kaoelă , djhăng bhoenga'an polè sareng nèngalė kaoelă ta' nampèk ghoe -soghoena .

Kalèboenna akandha , manabi ana'èpon sè wa' -towa'an ampon negghoe ' lako è persil , dhinèng sè dã' -ngodă ăn ghi' asakola è sakola'an kènè . Kompojja tja'èpon bhadhi èpasakola'a dokter Djhăbă, mèlana aba'na pas atanja da' kaoela kèngèng bhoentenna na'-kana' sè ampon aomor nem taon , sabă dăna prèiăn panèka èmaso'aghi ka sakola'an Bálándha. Kaoelă atotor, djha' rassana kèngèng.

Saamponnèpon marè asa-gessa kaoelă pas èbhakta ngal-nèngalè pakarangannèpon . Ka'-bhoengka'an sè bánnja ' èghika'ijă bhoengkana pao, boewana dát-ngarendat tor bhangsa è-saè sareng nèsmanès sadhädja . Klèboenna asangghoep , manabi paona ampon bánnja' massa'èpon , kaoelă bhadhi èaterrana . Dări ghikaʼijă kaoelă pas èadjhak ka ampèr boedina . Éghika'ija kaoelă pas apangghi sareng binèna kalèboenna , robăèpon abak todoes sè nèngalè kaoelá. Kaoelă pas terros maso ' ka romana. Eghika'ijă kaoelă nèngalè kerrès sèttong , ropaèpon saè , èpakaè ' è tèmbo ' . Kaoelă atanja ka WIRJO panapa kèngèng djha ' nèngalana kerrèssa . Sambhiddha „ kèngèng " , sarta kerrèssa pas èkala ' , èdjhoeloeăghi da' kaoelă. Sareng kaoelă sè nèngalè ampon salèssè , njata , manabi karrès èngghănèka dhasar saè ongghoe , kadhi pangèra kaoelă ghella ' . Ghandhärrèpon dări tandoe ' akèr-oker , landhijănnèpon dări tolang , èkèr-okèr djhoegha , tor èèket emmas sareng ètrètèsè ènten . Bái'èpon saklangkong tadjhemma , pamorra èngghi saè . Kaoelă sareng nèngalè kontjo'èpon sè sanget njènjèbbhă, boeloena kolè' ladjhoe boeng -njaromboeng sadhadjă , mèlana sareng kaoelă pas engghål èbăghi polè dã' sè ghădhoeǎn . Saamponna marè èrasop , kerrès èngghănèka ladjhoe èpakaè ' (èpalandhak) è kennengngannèpon polè .

Katjatora WIRJO sabhálaèpon , da' kerrès ghella' saklangkong lèboerră sareng trèsnana, kantos sanarè bădă'ă mellè saèboe ropėja , tanto ta' kèra èbăghi , sabab tadă' djhoewallă. Tja'èpon, margha sangkolan dări băngatowana .

Menorot kapartjadjăʼannèpon sè ghadhoeǎn sareng ghă - tatangghána , tja'èpon kerrès ghăpanèka pangaro ; anggher bădă kerrès ghapanèka bisaos , sè ghadhoean sareng tja-kantjana sadhădjă tanto kaparèngan salamet . Engghi sabhälikkepon, saopama pas èpaondhoer , kantos kalowar dari kampongnga , WIRJO sareng ana' maghar sarèna sadhădjă bhadhi ta' mangghia salamet . Panèka marghäèpon , mèlana klèboen Băngkal sanget èkalèboeri tor èadjhinè sareng saantèrona ana ' maghar sarèna .

Kerrès sangkolanna WIRJO èngghănèka bănnja' dhoengèngngèpon . Dhingèn sè ghadhoeǎn ampon onèng akandhă dă' kaoelă , nalèka kaoelă boe-amboe è tjompo'èpon . Njara sareng kaoelă samangkèn èdhoengèngngaghia , panapa sè ampón èkandhaʼaghi WIRJO da' kaoelă , èngghi saènga'na kaoelă bisaos .

Saamponna marè ngal-nèngalè èssèna pakarangan sareng bengkona WIRJO , kaoelă pas apaamèdhăn , terros palèman . Kaoelă ta' loppa ngotja' kaso'on dã' sè ghadhoeăn tjompo ' atas kasaèannèpon . Molaè dări Băngkal kantos da' tjompo' , ra-kèra bădă padjhălănan saeddjhăm .

II.

Kè Moestari .

Sarrèna bhadhăn -kaoelă ampon karè adjhandjhi dă' sadhădjăna para maos , manabi bhadhi njarèta'aghia bäb kerrès sangkolan èngghårowa , kaoelă wadjib neptebbhi djhăndjhi ghapanèka .

Ghi' lambă' è dhisa Băngkal bădă orèng kasorang anjama MOESTARI , dhăddhi kalèboen è dhisa ghika'ijă . Kalèboen èngghanèka sanget èkaasè'è sareng ana ' maghăr sarèna , amarghă lambha' atatolong . Saopama bădă kantjana ghadhoeän hadjhăt bhadhi alakoa pa-ponapa , sabelloennèpon andjhălănnaghi hadjhăddha , langkong dhingèn njo'on nasèhat da' lorana, kadhi ponapa saèèpon . Sarrèna lorana sapèsan bábätekkèpon lakar ghatè atatolong dã' orèng , doe kalèna sarrèna ampon toboek sè alolongan djhãoe tor ghăsèk lăng -saghoeloeng sareng bhängsa Bălăndhă , dhăddhi lèbăr paanabhanna tor bănnja' pamangghina , dhåddhi onèng biaos amberri' nasèhat da' tja-kantjana , sè andháddhiaghi kasaèannèpon .

Saandhina bădă ana ' maghăr sarèna mangghi kasossa'an pa-ponapa , djhoeghă ta' poron abălă terros terrang ka lorana , panapa sè èkasossa , sareng klèboenna , orèng ghăpanèka ladjhoe èpaksa èsoro ambaddhakkaghi kasossa'anna , parloèpon njopprè abă'na onènga atatolong .

Èbă sapanèka ghi bădă bisaos kantjana kasorang kadoewa sè bhoeto pèssè ; manabi tako' sè ngèndjhăma ka lorana, pas andjhoewal sèmpennannèpon padina sabăgiăn , bha bhakona lèng -ngalèng , ka Tjèna otabă ka orèng Arab klabăn arghă dă-modă . Djhoeghă opama lorana mèreng parkara panèka , tanto sakalangkong ghighirrèpon. Abă'na saklangkong ta' tarèma manabi bădă orèng andjhoewal padina otabă bhakona klabăn arghă dă-modă.

Klèboen èngghănèka sanget ta' sennengnga , manabi bădă Tjèna otabă orèng Arab lär -ghelloer ka dhisana , nanggha ' pa-ponapa , sabab abă'na ampon onèng , djha' kabănnja'an Tjèna otabă orèng Arab èngghănèka bäbätekkepon ta' djhoedjhoer, dhoedjän nèpoan orèng bhoedhoe . Mèlana manabi bădă kantjana terro andjhoewălă padina otaba bhakona, ladjhoe èdjhoewăllaghi sareng lorana.

Sareng lorana padina otaba bhakona kantjana èngghänèka èdjhoewal ka dhágháng sè kèngèng partjadjă, dhinèng ollèna pèssè pas èbăgri sadhadja da' sè ghadhoean bhărăng , abă na sakètèng ta' pong -ngampong . Dhaddhi ampon der-bhenderränna kalèboen èngghănèka sè èkaasèana otaba èkalėboerăna para kantjaèpon, sabab tja-kantjana padă sanget kaprotangan da' lorana. Sarengngan manabi kleboenna sè andjhoewallaghi padjoeèpon larang bisaos .

Kadhăng bădă djhoegha ana' maghăr sarèna , mènangka băbălessä kaprotangannèpon , sè ater pa -ponapa ka lorana, djhoeghá sareng klèboenna ètolak, panolakkèpon sapanèka : „ Bă'na la ta' osa ari' -berri' ka sèngko ' , sabab, sèngko ' ta ' kakorangan pa-apa . Apa sè èbăghia ka sèngko ' djärėja, kakan bhai kembhoeli saana ' binèna. Sengko ' la tjè' bhoengana , mon ngatèla' sang tja-kantja kabbhi pada koptjokop. Bă'na la prasasat ater bhărăng sè tjè' larangnga arghana ka sèngko ' ." Dă-padă orèng Băngkal, MOESTARI lakar maso ' ghi-soghiăn .

Katjatora MOESTARI nalèka aomor nembhellás taon , ghi' mèskèn , paonèngngèpon namong matja sareng nolès nè sakone ' . Aba'na ngaboelà da' towan MAARTEN , Aspirant -Controleur . Sanarè MOESTARI ampon èkotja' dhaddhi maghăng , djhoegha klakoannèpon ta' bhidha sareng abdhi . Lerres aba'na dhăng -kadhăng èpakon noron pa-ponapa sareng towanna, djhoegha saèstona pangghăbăjannepon sè ongghoeăn , ngaladhine towanna bisaos . Sarrèna MOESTARI ngastètè sareng te-ngate , panapa polè bátegghă teptep -mantep da' lorana, mèlana sanget èkaasè'è sareng towan MAARTEN serrèng èparèngè angghoej , sarengngan manabi towanna mèjos ngomèsi , ta' onèng tjettjer sareng MOESTARI .

Dhinèng gådjina è lăn-saboelănna sakarèèpon èkabelli roko ' sareng kaparloan laenna, pas ètaro . MOESTARI èngghănèka ta' rojal kadhi ghăng -maghăng laènnèpon , panapa polè abă'na lakar ampon neddha edalem . Laèn dari gadjina, aba'na dhăng -kadhăng ollè persèn , èngghi panèka manabi towanna kalerressan katamojan kantos ngènep .

Ta' antara abit lorana pas èangkat dhåddhi Controleur ; sarengngan somèlè ampon anjonja, MOESTARI ghi' taksè èastane . Langkonglangkong njonja, sanget bhoengana towan sè kaaghoengan abdhi saèna kadhi MOESTARI . Djhoegha sareng ollè doebellăs taon langkong abittèpon MOESTARI sè ngaboelă , towan Controleur pas songkan sara, kantos kapaksa aperlop ka nagháră Bălandhă .

Báb paneka andhäddhiaghi sanget sossana MOESTARI , sabab aba'na ghi lèboer ngaboelă , sarengngan aba'na ghi ta' ollè long -molong pèssè sè èpamaddhegghá tjompo ' , sareng sè èkabelliă saba sareng sapena . Melana aba'na ghi' kapaksa njarè pangghabajan laèn . MOESTARI ngater lorana sè songkan ka Batawi , la-mala kantos ngèrèng onggha ka kapal . È Bătawi sarrèna koțța radja , aba'na ampon tanto ghămpang mangghi kalakoan . Panapa polè dhasar abă'èpon dhibi' kentjeng se negghoe'ǎ lako è Batawi , ngèras ngantos raboena lorana dari naghară Bălandha doe taon agghi ' . Hadjhăddha sè sapanèka èngghi katekkan .

Katjatora sareng MOESTARI ampon doe taon abittèpon sè apangghăbăj è Bátawi , ladjhoe mèreng kabhar, djha' lorana lakè'-binè ' sareng tra-pottrana ampon raboe dări naghară Bălăndhá. Mèlana pas èsarè'è da' losmèn , bhadhi èèrènga polè . Ampon tanto bisaos lorana lakè'-binè ' sè saklangkong bhoenga , ngoladhi abdhina sè ladjoe abáli polè . Tra-pottrana sareng nèngalè MOESTARI , ladjhoe èsanappellè sarta pas éadjhák èn-maènan , kadhi panapa adhattèpon ghỉ ngèn -dhingènna . Ngabidhi dari nalèka ghăpanèka , abittèpon MOESTARI Sè ngaboelă ka lorana ampon sapolo taon .

Sareng towan MAARTEN èangkat dhäddhi residèn , ta' abit pas aperlop , ghoebhar terros da naghără Bălăndhă, amargha masakola'a tra -pottrana.

Katjatora MOESTARI saklangkong sossaèpon , sareng mèreng djha' lorana bhadhi ta' abălia polè ka tana Djhăbă . Ebá sapanèka aba'na samangkèn ta' emo ' njarè pangghābājän laèn , sabab ampon bannja' ollèna sè long -molong pèssè .

Samangkattepon lorana MOESTARI pas palèman da tana padoempa'anna dărăna , èngghi panèka è Bángkal . Pas maddhek tjompo' , mellè sabă , sareng sanèskarana pakakassa orèng atanè . Ta' abit sabana ampon kèngèng kala' asèllèpon .

MOESTARI ghăpaneka ghadhoeǎn ana' lake ' sèttong anjama WIRJO , omorrèpon doebellas taon . Ana'na èngghănèka sè nolongè anggharap sabana . Ta' antara abit MOESTARI pas èpèlè dhäddhi kalèboen Bängkal . Saamponna dhaddhi patènggi (kalèboen ) pas amboe sè atane ; sapèna ladjhoe èdjhoewal , sabana èpasèwă , sabab samangkèn aba'na kodhoe andjăgă klaban ongghoe atè kasalameddhannèpon ana ' maghăr sarèna . Klèboen anjar panèka èkaasè'è tor èkalèboeri sareng tja-kantjana , amargha lambha' atatolong da' orèng sè parlo ètolong . Lantaran ghapanèka rèngorèng doemè ' è dhisa Bangkal kabilăng ghi-soghi . Manabi ètèmbháng sareng ènlaènnèpon dhisa , dhisa Bangkal èngghänèka sè nja'-bannja'an ngasèllaghi padi, amargha orèngngèpon ter -pènter panamenna : panjèrsèrra (pamasaddha ) bhako , èngghi ter-pènter djhoeghan kantos bhako badhălăn Băngkal maso'è-saèan , mèlana larangan arghăèpon . rang -

Katjatora abit-abit ana ' maghar sarè Bangkal padá sossa , amargha nèngalè lorana atamba arè atamba korang kakowadhănnèpon , sabab ampon towa ; sadhadjana orèng Băngkal padă tako' , amè' èngghål èdhina'aghi . Sanarè ana'èpon sè anjama ARDJODIWIRJO padă pènterra sareng eppa'na , djhoeghá ghi ta' kèngèng èpèlè dhăddhi patènggi , amargha ghi' ngodă dhimèn.

Ta' abit saponapa dări rèng -orèng sè arasanan kadhi ghella ' , lorana pas sakè ' ongghoe . Ropaèpon aba'na ampon arassa , djha' ampon para ' napa'a ka adjällă, mèlana ladjhoe mapolong tja-kantjana sadhădjă , sabab tja'na pèkkèrra, sabelloenna èpondhoet adjal , ghi' terro abăsèjadha dhingèn ka ana' maghår sarèna . Tja-kantjana padă sossa , mala bădă sè kantos nangès , amarghă ampon arassa , djha' lorana ampon para ' napa'a ka djhăndjhina . Ta' abit rèng -orèng sè padă njapot pas palèman sadhădjă , namong karè WIRJO bisaos sè ghi ' njandhing èseddhi'na . Mama'na pas ngotja ' : „ Tjong, saabiddhǎ sèngko ' odi' , sè èrè -sarè sèngko ' nèng kabettjè'an băn kadjhoedjhoerǎn . Ropana djărėja sè dhăddhi lantaranna, sèngko ' sampè ' satėja kan kaparèngan salamet . Molana tang bekkas da' ba'na , tjong, bă'na noro'a boentè ' tang lampat, njopprè èparèngana salamet kèja . Laèn dări djărėja kasalameddhănna èssèna bengko rèja, na' , taghantong da' kerrès arowa . Kerrès djărèja sangkolan dări embana . Nalèka embana para' matèa , băsėjaddhă bărijă ka sèngko ' : „ Katjong , sèngko ' satėja la para' napa'a ka adjăl , sèngko ' ta' andi ' sè èsangkollaghia ka sèdă , kadjhābhăna kerrès sèttong arèja. Sanaddjhăn kerrès djărēja bădă'ă mellè sèboe ropèja sakalè , djhă' djhoewăl , jă, na' , sabab djărèja sangkolan , dhäddhi kennèng angghep tang tolang . Laèn dări djărėja, kasalameddhănna bengko băn saèssèna kabbhi, bădă è kerrès rėja. Mon kerrès djărèja èpaondhoer dări dinna' , la tanto ba'na bhakal nemmoa kabhălăi .”

„Băsèjaddha embana djärėja engkènga'è ongghoeăn . Bhender sèngko ' ta' soghi , tjong , nangèng ijă ta' kakorangan. Dhinèng satèja sarrèna sèngko ' masè la ta' kèra abit polè , kerrès djărèja empassra'aghia ka 'sèdă . Taro băn rabădhi bi' tjè'-bettjè' sarta djha' angghep tjoma sangkolan dări sèngko ' bhãi , nangèng sèdă ènga'a kėja , djha' kerrès djărèja ambherkadhi dã' saèssèna bengko băn kampong dinna' kabbhi ! "

Saabiddha WIRJO njandhing èseddhi'na mama'na , aèng tèngalla ta' peggha ' aghili, amargha kadjhābhǎ mellassa otja'na, ta' mangghă nèngalè kabădăʼannèpon ; mama'na ampon ta' kèngèng aghoeli sama sakalè tor olattèpon ampon potjet, tèngalla kadoeladjă tjelkong, djhoeghă ghi' maksa bisaos sè tja' -ngotja'a polè dă' ana'na , djhoegha ta' metto swara, namong bibirră bisaos sè bi '-kebbi'an , kadhi tjaraèpon orèng adjandon . WIRJO angghaghă soko sareng tanangnga mama'na , èkrassa sadjǎn katjep, mèlana tja'na pèkkèrra ampon tonto tada ' pangarebbhännèpon polè . Pangèrana èngghănèka lerres, sabab ta' antara abit, mama'na pas aondjhoe ' njabă, ladjhoe matè .

Katjatora sareng rèng -orèng è kampong Băngkal mèreng , djha' lorana ampon adhingghål dhoennja , sadhădjă padă sossa sè dăteng nglabat sasat arebbhoe ' ada' ; ngolkol padătengngepon orèng . Lem-malem majjit ampon ranta, pas èbhakta ka makam , èèrèng ana ' maghar sarèna sadhădjă . Toro ' djhălăn, sabannè bădă sè adhikker , sabannè bádă sè madjoengè majjit . Panèka sadhădjă dhaddhi tandha, djha' MOESTARI ghi' odi'na, èkaasè'è tor èkalèboeri para kantjana . Saamponna majjit marè èkobhoerraghi , sè padă ngèrèng pas palèman .

Katjatora sareng MOESTARI ampon adhingghål dhoennja , kalagghoeǎnnèpon pas bădă pèlèan kalèboen anjar ; dhinèng sè dhăddhi orèng sè wa'-towa'an sareng sè ghi-soghiăn è dhisa ghika'ijă .

Samatèna MOESTARI , bhǎrăng dhadhingghålännèpon tèbha ka WIRJO sadhădjă , amarghă emboe'na ampon adhingghål dhoennja djhăng dhingènan . È băkto èngghănèka WirJo ampon aomor 30 taon , ghadhoeǎn ana ' tello' : lakè doewă ' , binè' sèttong . Aba'na saana ' -binèna ladjhoe angghăntè ngennengngè bengkoèpon mama'- na. Dă-padă orèng Băngkal WIRJO èngghănèka maso ' ter -pènterran, amarghă bănnja' ollèa pangadjhărăn dări orèng towaèpon . Obáng dhadhingghălănnèpon orèng towana èkabelli kerbhoej sapasang , djikar sèttong sareng pakakas tanè sapattjrèna, sabab aba'na terro atanèa dhibi' . Saamponna pas terros mabhadhi lombhoeng . Wirjo ghăpanèka bhadjheng alalakon tor saè pangolana sabăna . Aba'na ta' poron anjè , sabelloennèpon padina towa ongghoe . Mèlana manabi apaanjè nja' -bănnja'an ollèna padi , sarengngan karèna sè èteddhă dălem sataon èdjhoewal kalaban argha larang . Bănnja ' tja-kantjana sè padă nèroè kalakoannèpon . Tja-kantjana saklangkong trèsna da aba'na , akadhi da' mama'na nalèka ghi' odi'na , sabab WIRJO lambha' djhoeghăn atatolong da' para kantjana. Sarrèna abă'na serrèng lăng -saghoeloeng sareng Tjèna otabă Arab , dhăddhi bănnja' tambăèpon kapènterranna è bab dhadhăghăngan , mèlana manabi andjhoewal padina otaba bhakona ranglarangan padjoena . Abă'na sareng tja-kantjana sè èangghep ghăntèna mama'na, sapèsan marghă dări lèboerră atatolong , doe kalèna amargha onèng aberri' tarèka, sè è-saè ; mèlana tja-kantjana padă trèsna dã' abă'na , akadhiă orèng atarètan . Báb panèka , mènorot kapertjadjgăʼănèpon rèng -orèng è Băngkal , èngghi alantaran dari kerrès sangkolan èngghårowa .

Lantarannèpon kerrès èngghănèka èangghep pangaro , tjarètaèpon sapanèka :

Ghi' lambă' sè kaaghoengan kerrès ghăpanèka Pangèran, kamangkèn kadhiă ampon ollè doe ratos taon . Djoedjoe'na WIRJO , sè anjama RAHMAN , ngaboelă ka Pangèran bhoeroe .

È nalèka sèttong tempo Pangèran mèjos amamolan ka alas paghoenongan , njarèa mandjhăngan , kèddhăng , bhănţèng sareng bhoeroen alas laènnèpon , èèrèng lá-kaboelăna . Sanattolla ka alas , Pangèran ladjhoe ngarsa'aghi ambhadhi pondhoek pangènebbhăn , sabab kasokanna sabelloenna , ollè kèbăn bhoeroean , ghi' ta' bhoebhară . E kala sèttong arè bădjă lem-malem Pangèran mejos njarè kèbăn ka alas romboe , èèrèng abdhina sè anjama RAHMAN

Ta' antara abit sè kadoewă ladjhoe posang ta' mangghi båtbådhăn , Pangeran ampon pan -saponapan kalè aparèng tatengnger , mamonjè tèngghăr , sopadja lä-kaboelă laènnèpon njandherră, djhoeghă tada' sabighia sẻ katèngal . Sareng ampon sabătara abittèpon sè kadoewå rak-nerrak è alas , Pangèran pas arassa lesso sareng lapar, mèlana ladjhoe rèn -sarènan èbăbăna kadjoeǎn . RAHMAN aromasa nèser , nèngalè lorana kalaparen, mèlana pas ta' ngetong lessona bhădhanna , aba na adjhălăn njarè wa'-boewa'an sareng aèng , bhadhi èatorraghia ka Pangèran. Kantos abit RAHMAN sè sak-bäräksaghăn è alas , nangèng ta' mangghi pa-ponapa ; abit-abit ladjhoe mèreng monjèna aèng aghili tjè-karètjèan. Abă'na pas entar da' ghika'ijă , mangghi soksok nè' kènè ' , aèngnga ngatjèrnang sarta è pèngghirră bannja' bhoengkana gheddhangnga , boewana ampon bănnja' sè lo-solo . RAHMAN ladjhoe njello' aèng èbaddhai bhoetol , saamponna pas mettèk gheddhăng , èpèlè sa'-massa'na , ladjhoe abăli dă' kennengngannèpon lorana. Sareng para' nattola da' ghika'ijă , pas mèreng monjèna tèngghår ; RAHMAN tapadjadja' , tja'èpon pèkkèrra : manabi bănnè lă-kaboelă sè njarè'è Pangèran, ampon tanto sakèng Pangeran mangghi pokpara , mèlana aba'na pas kobátèr , padjhălanna sadjanè èpasanta'è . Sareng ampon ropek, aba'na pas mèreng kasa'na matjan reng -derrengngan . RAHMAN pas ajă-sadijă sè atatolonga ka lorana, sabab tja'èpon pangèrana , tanto lorana atjarok sareng matjan ; aba'na ampon ta' tako' matè , anggher ollè atatolong ka lorana bisaos . Aba'na ampon ta' mardoeli sama sakalè , sanarè bhadhanna è'-takaè ' ka doerina pandjhălin , mala pandjhálanna sadjanè ngapapprang . Sanattolla da' kalèngghiánnėpon lorana , Pangeran ampon èpangghi tada' , namong karè abinannèpon bisaos sè bădă . Kerrès pas èkala' sareng RAHMAN sarta ladjhoe ra'-èra'an sakellarra. Ta' antara abit pas mèreng serrona orèng èdálem ombhoet atjamboerän derrengnga matjan. RAHMAN èngghål berka' da' kennengngan ghika ijá. Sareng ampon nattol , aba'na saklangkong takerdjhát, amargha nèngalè matjan slijoe sèttong sanget radjäèpon . Matjan èngghănèka prappa'na tjel-ngotjel lorana , djhoeghan ampon loka è taboe'na . RAHMAN ladjhoe ngalèng ka kadjoean, asaddjha nèngghará matjan, djhoeghă pas goegoep , ta' kantos ollè masang , sabab sareng matjan nèngalè bădă orèng nganarè tèngghår , ladjhoe alontja' , njarap da' aba'na . Engghi ontongnga lopot, amargha RAHMAN pas èngghål njèsè , ngalèng ka kadjoeän pole sambi ngonos kerrèssa . E bakto matjan njarabha pole, ladjhoe étampane sareng kerrèssa, teppa ' bisaos ka dadana , matjan robbhoe ka tana teiros matè .

Saamponna RAHMAN pas entar ka lorana, sè ghi ' aghentang è tana , apandi dară.

Katjatora la-kaboelă laènnèpon sè njarè'è Pangèran, sak-njasak è alas , ta' kadhik èpangghi . Epangghi-epangghi ampon malem , saamponna Pangeran loka atjarok sareng matjan ; para abdhi pas terros ambhadhi osongan ; sareng ampon marè , Pangèran pas èbhakta bhoebhar ka dhalemma .

Lokana Pangèran kalerressan ta' sara, ella ' sabătara menggoe , salèrana ampon saè pole .

Djha' sakènga nalèkana Pangeran atjarok sareng matjan ta' ètolonga RAHMAN , ampon tanto slèraèpon sè sèdha . Melana sanget kaprotangan da' abdhina èngghănèka . Sakèng radjana kaprotangannèpon , sareng Pangèran abinanna gem -agemmanna èparèngngaghi ka RAHMAN . RAHMAN saghoenong bhoengana atèna ollè ghandjhárăn kerrès èngghånèka ; ngatjètjot sè mator sèboe doe èboe sakalangkong da' ghoestèèpon .

Kabit dari nalèka ghapanèka kerrès bhoeroe èdjă -moldjă sareng orèng bănnja' , tja'èpon margha ampon onèng matè'è matjan . Samatèna RAHMAN kerrèssa ladjhoe èsangkollaghi ka ana'na ; sapanèka saterrossa ron -tèmoron kantos da' WIRJO .

Ampon dhäddhi adhat mongghoe dă orèng Djhăbă , manabi bádă kerrès sè kadhi ghäpaneka pas èangghep pangaro sarengngan tja'èpon onèng nolak kabhălăi . Mèlana sareng sè ghadhoean sanget sè èdjă moldjá . Ébingkèng bhadhi ètjarèta'aghia djhoeghan kapartjadja annèpon WIRJO da' kerrèssa ghapanèka .

Karammèan ana-barna .

Nalèkana osom anje è kampong Băngkal , saklangkong rammeepon . Sabbhán lagghoé lèr kèlèran orèng lake' , bine' sareng na'-kana' entar ka sabá , sabánné bádá sè anjea padina dhibi' , sabannè bădă sè namong ngala'a anjean bisaos . Sarrena è bakto ghapanèka lerres mosèm nèmor , mèlana saklangkong panassèpon , djhoegha rèng -orèng sè pada anjè, sè akartang è panassa , dhikadhia sè ta' arassa panas sakalè , sè anjè masenneng biaos sambi ta' amboe sè djhoeng -kèdjhoengan .

Manabi ampon baktona neddha , bijásaèpon bádjă băn -abán lagghoe , rèng -orèng anjè ghella' sareng kè -lake'an sè padă angghaladjoengė padina, ladjhoe akompol è roeng -baroeng , otabá neng babana rangghoen kennengngannèpon ghoe - toghoe dhingen . Eghaka'ija pas padă apo -ghloempo ' è tana, bădă sè ta' alama ' , badă djhoeghá sè alama ghidhang . Sareng nase' ampon dateng , pas padá neddha asareng , ropaèpon saklangkong ne'maddha .

Ampon èkaadhat sareng rèng - orèng è Bangkal , manabi osom anjè , sasèra sè ghadhoean sabă masté ésalameddhi , mala bădă sè kantos nanggha ' tabbhoeän . E bádja lem-malem manabi padi ollèna anjè ampon èbhäkta palèman , sanattolla ka tjompo èpon ampon mangghi bá'-amba' tabbhoeän , ongellèpon tjak -katjaghăn , mènangka kaormadhăn. Sabǎnnè rèng -orèng sè ghadhoeǎn padi namong aslameddhăn rasol bisaos . Dhinèng rèng -orèng sè padă mekol padi, saamponna marè di-mandi, ladjhoe adhặndhăn , terros akompol è tjompo'èpon orèng sè asalameddhăn . Èghika'ijă pas padă anga -bhoenga amargha sè anjè bănnja' ollèèpon padi. Mojtamoj èsoghoei teddha'an ana -barna . Dhinèng sè èkagessa èngghi băb ollèna padi, sè lè-mellèa , sè mabettjè'a tjompo ' , sè akardja'ă sareng ènlaènnèpon . Rèng-orèng è Bangkal è taon ghăpanèka ampon tanto ta' kèra kakorangan teddha , manabi nèngalè bănnja'èpon ollèna padi. Djhoeghă dă-padá orèng è kampong ghika' ijă sè padă apaanjè , sè nja'-bănnja'an onggghoe ollèna padi WIRJO, amargha abă'na sè palèng onèng angghåráp sabă sareng ngromat tanemman. Djhoeghǎ tja'èpon panjanana tja-kantjana , mèlana WIRJO nja'-bănnja'an ollèna padi , amargha sè ghadhoeǎn kerrès sangkolan pangaro kaissa.

Ra-kèra ollè doe mènggoe dări salobărră anjè, băkto ri'-bhari' parappa'èpon WIRJO sareng ana '-binèna neddha , ladjhoe katamojan èpar lakè'na sè anjama ISLA , dări dhisa Ghalagha . WIRJO lakè' bine' saklangkong bhoengana , sarta pas éadjhak neddha apolong . ISLA sanget dhoeladdha sè pas mangghi nasè ' , sabab aba'na ampon sanget laparra ; dări tjompo'na adharat bisaos , mangka seddheng djhǎoena .

WIRJO atanja ka èparra: „Bărămma , lè' , èko'issa , napè padă salamet ? Binèna so ana'na napè padă bărăs ?”

ISLA : „ Engghi , ka' , ollè bherkat sampèjan, padă kaparèngan bărăs salamet sadhădjă . Kaoelă sè ka'kanto panèka , ka' , bhadhi matora onèng , manabi pottrana tjebbhing, MINGKOEM , è tangghål ka'ijă èpakamponga sareng bhakallèpon , SOEDJONO ana'na kalèboenna . Lă paneka , manabi andhäddhiăghi kasokanna sampėjan sareng embhoek , sampèjan sareng embhoek , èso'ona raboena da' Ghálághă lerres è arè dhaddhina ghābāj , sopadjă aparènga pandoeʼa salamet da' pottrana, tor sopadjă andhäddhiăghia kabhoenga'an da' kaoelă sadhădjă . Kaoelă akardjă'ă nè'-kènè ' bisaos , ka' , sabab sapèsan kaoelă ampon karè andi' nèjat, doe kalèna è mosèm anjè mangkèn, ollè bherkaddhă băngatowa , kèngèng tjettot sadhiddhi ' , saseddhengnga brăghåddha pottrana djhebbhing . Osom anje taon mangkèn langkong saè dări taon sè pon-ampon ."

WIRJO : „ Eko'into engghi bărinto kèja, lè' , saeddjheggha tao anjè , ollèna ta' mara sanonto bannja'na. Parkara otja'na ghănèko , boelá ta' mator enten , mator engghi , djhoegha mon tada ' aral pè-napè , sabab sapèsan boelă lakar terro mabhoenga'a ana'na so binèna dhika , doe kalèna kerbhoejjä sanonto empon tada ' lakona, dhäddhi kennèng djhă' èpanadjhă'ǎ djikar ko'assa, sabab kanponakanna neko mon adhárádha bhãi , empon tanto ta' kellar ."

Ana' lakè'na WIRJO saklangkong pèragghă , sareng mèreng , djha' orèng towana bhadhi èntara akolemman ka tjompo'na madjhădi'na . Sapanèka djhoegha ISLA bhoenga , amargha WIRJO pas ngotja' „ engghi " , dhaddhi kèngèng arep datengnga ka tjompo'èpon. Asalla , èparra èngghănèka kobătèr, tako' WIRJO ta' kèngèng dateng , sabab aba'na ampon onèng , djha' WIRJO tjè' bhănterra alalakon , ta' poron andhingghål , manabi ta' tjè' parlona ongghoe .

Saamponna marè neddha , na' -ana'na pas padă tèdoeng sadhădjă , dhinèng sè katello ghi' terros adon -djandon .

ISLA ngotja' : „Kaoela lagghoe ' ghi' agghoe terro èntara ka kotta sakeddjha ' , ka' , lè-mellèa răng -bhárăng kaparloannèpon ghăbăj . Manabi sampèjan kasokan , njara kaoelă aterraghi, sabab sampèjan ampon bănnja' kennalannèpon kó-tókó èka'issa . "

WIRJO njambhit : „Engghi , lè' , sambi'änna boelă lagghoe ' lakar nējat ka koțța'a, parlo arembhaghăna arghana bhako ."

Saamponna marè asa-gessa sè katello pas padă mapan tèdoeng . Kalagghoeännèpon ghi' petteng WIRJO sareng ana '-binèna , sapanèka djhoegha Isla, ampon padă djhāghā , kadhi adhat bhănsabbhanna . Saamponna padă mare mandi, ladjhoe asarabhăn . È bäkto èngghănèka WIRJO ngotja ' ka èparra : „Mosèm anjè sanonto nèko bănnja ' ongghoe orèng asalameddhăn ; dă'-adă'na boelă njalameddhi padi, pas ghăbăjjá ana'na dhika ; boelă ngèding berta, tja'na , kalèboenna bădă'ă ghăbăjjă kèja , njalameddhăna kompojja.'

ISLA njambhit : „ Parkara ghapanèka ta' dhaddhi panapa , ka' , mala dhaddhi tandha, manabi rèng -orèng ka'ijă sareng è Ghalagha ta' kakorangan . Pola sampèjan sakèng tako' sè tobănga sè angghărăp sabana , ka' ? Saèstona kaoelă kobătèr, tako' sampèjan sareng embhoek ta' kèngèng ngoladhi mantanna pottrana, MINGKOEM ."

WIRJO : „Ó, parkara ghănèko , lè' , dhika pon djha' mang -mangmang , asal tada ' alangan pè-napè bhai , insja Alla boelă sabhăroendhoet kennèng arep datengnga . Maddha , ka, djha' mangkadha ka kotta , pongpong ghi' lagghoe , dhagghi ' molèna mè' ta' malem ! "

Saamponna padă marè asalènan angghoej , WIRJO sareng èparra pas mangkat da' koţţa. Toro' djhălăn sè kadoewă tada' peggha'na sè adon -djandon .

Sanattolla ka koţţa , WIRJO sareng èparra pas entar da' kó-tókó Djhăbă ; saamponna pas ngallè ka tókó Tjèna sareng tókó Arab . ISLA mellè djita ana -barna , sarong , odheng sareng bhǎrăng kaparloan laènnèpon . Samarèna IsLa sè lè-mellè bhărăng , WIRJO pas madhăddhi regghăna bhakona dhibi' sareng bhakona tja-kantjana, sadhadjă padjoe larang. Aba'na mellè djita sareng odheng sè è-saè , bhadhi ètjara'aghia *) ka èparra . Sareng ampon tadă sè èbellia polè , WIRJO sareng ISLA pas palèman asareng rèng -orèng dhisa Băngkal, sè panoddjhoe èntar ka kotța djhoeghăn .

Kalagghoeännèpon ISLA palèman ka Ghălăghă . Sabelloenna mangkat, tjo-mattjo sanget da' WIRJO, èarebbha ongghoe datengnga tjompo'na, teppa ' è pangghina komantan. da'

Saplèmanna èparra, WIRJO pas ta-maranta bhakona sè bhadhi èdjhoewălă ka koţţa , ladjhoe èsèmpen è goedangnga , saamponna pas anggharap sabána , sabab tja'èpon pèkkèrra , sabelloenna èntar akolemman , sabăna sè ampon marèa èlakonè . Sabab saabiddhǎ èntar akolemman , ra-kèra kantos pa ' arè abiddha , tanto abă'na ta' kèngèng toron ka sabăna , Ghi' dem -ardem WIRJO ampon kalowar , ambhakta kerbhoejjä, bhadhi anangghălăʼă , sabab sabăna sè ghi' bhoeroe marè èanjè bhadhi ètamennana bhako .

Sareng ampon nattol da' tèmpona akolemman , pangghăbăjännèpon marè sadhădjă : bhakona ampon marè èdha -baddhái , sabána sè bhadhi èperghiăna bhako , ampon ranta , tjoma karè tamennanna saos .

Mèlana sareng WIRJO èparloaghi sadhădjă pangghåbăjănna èparanta langkong dhingèn , sabab tako' kațèttèran èbingkèng ; sè ta' èntara ta' njaman, amarghǎ sè apangantana panakanna dhibi' . Manabi na' -ana'na ampon ta' katjator pèrakkèpon , sareng onèng djha' ampon para ' mangkadhă .

IV.

Orèng anga -bhoenga sè tatjoghak .

Bădjă ghi agghoe nalèka WIRJO sareng ana'-binèna ampon mangkadha akolemman da' tjompo'èpon èparra è Ghălăghă , djikarra èsadijă aghi è tanèjanna. Djikar èngghånèka ngangghoej ata ' kadjhăng , èdălem èpasangè sor-kasoran , sopadja ka orèng sè todjoe ' ta' malasa . WIRJO ghi' èmo' sè ghă -maongghă băn-ghibänna , akadhiă : salènannèpon ana'-binèna, tjarana sareng djhadjhan anabărna. Dhinèng ana ' lake'na sè kadoewă rèpot sè madjhăng djikarra mabi dăoen băringèn . Sapanèka djhoegha tandoe'na kerbhoejjă èbhet -bhetbheddhi bing-rambingan ana -bárna, dhinèng lè'èrra èpasangè nong -kronong sè radjă. Sareng ampon ranta sadhadjă , sè bine' sareng na -ana'na pas ongghă ; sè ngellèsè WIRJO . Ta ' abit djikar pas mangkat. Saabiddha lèbăt è djhălăn prapadhăn rodăna djikarra serrèng djhoektabhäliddjhoek , sè nompa ' kantos akadhi sè èdjhep -ondjheppaghi . Kadhăng manabi djikarra kalerressan mèrèng , WIRJO sè binè ' (1) sareng na -ana'na kantos atowat, nangèng WIRJO ta' apa-ponapa , sarrěna ampon bijása lèbăt è lorong sè kadhi èngghănèka .

Katjatora WIRJO saana '-binèna è bakto ghăpanèka padă adhăndhăn. Sampèrra è-saè tor ranglarang arghăna ; eddjässă WIRJO tjelleng, klambhi dălemma potè , odhengnga mettjèt, sambi njongkèl kerrès sangkolannèpon . Saeddjhegghă abă'na ghi' ta' onèng njongkèlan kerrèssa , sanarè ka'kamma'a , namong è băkto ghăpanèka bisaos , tja'èpon pèkkèrra ma' ètèngalè tja-kantjaèpon sè è Ghălăghă . Kabidhăn abă'na mangmang sè ambhakta'a kèrrèssa , sabab èmot dã' băsèjaddhă mama'na ; tjompo'na tako' ma' pas mangghi kalèr èboedi . Tor polè aba'na kobătèr, tako ' pèssèna tja-kantjana, sè èpatoro è tjompo'na èlang , manabi kerrrèssa lastarè èbhakta , sabab sanjatana èngghănèka sè atoghoe . Sè -pèssè ghella ' èbăddhǎi talomer kènè' , pas êsabă' èdălem petțè kadjoe , sè seddheng radjăèpon . Eattassa pettè èngghănèka kennengannèpon panjangkè'anna kerrèssa . Dhinèng marghăna tja-kantjana mèlana padă Įmatoro ' pèssè ka WIRJO , sabab tja'na pèkkèrra , èghikaʼijă bădă sè andjăgă , èngghi panèka kerrèssa sè pangaro , dhăddhi ta' kèra sè èlanga . Djhoeghă sarrèna WIRJO sanget addhrengnga sè terro ngatèngallaghia kerrèssa ka tja-kantjana sè padă akolemman, tjotto'na pèkkèrra, kerrèssa lastarè èbhakta.

Antara satengnga eddjhăm abittèpon djikar sè lèbăt è lorong prapadhăn ghella' , pas nattol dă' djhălăn radjă. WIRJO ngotja ' ka. sè binè' : „ Sanonto djhălănna pon njaman sarta naong . Djha' sakènga djhălănna terros kanța ghella ' gharowa bhai, pon tanto dhika so ana'na sè maboe ' ."

Sapanèka djhoeghǎ kerbhoejjă ropaèpon bhoenga , margha mangghi djhălăn saè tor naong , mèlana padjhălănna semmo èpaghăntjangan , kantos djikarra akadhiă sè èghoeloe'ǎghi .

Bădjă pokol satengnga sanga ' rè'-narè ' (1) WIRJO ampon lèbăt dări kotta, pas nattol da' djhălăn laèn sè aop djhoeghăn , èngghi panèka djhălăn dă' dhisa Ghălăghă . Sarrèna djhălănna samangkèn sadjǎn abit sadjăn ngongghǎ'aghi , sabab dhisa Ghălăghă panèka dări tasè' langkong 600 kakè otabă 180 mèter , mèlana kerbhoejjă sarat adindi' padjhălănna . Sareng kèra ampon ollè saparo pardjhălănan, pas amboe èadă'na baroeng . WIRJO sareng ana '-binèna ladjhoe toron ngènom tjaó è băroeng ghika'ijă , dhinèng kerbhoejjä , èteddhǎi sareng èènomè . èngghi èoța'

Saampona padă marè lesso , pas mangkat polè . Pokol sabellăs WIRJO saana ' -binèna ampon para' napa'a da' dhisa Ghălăghă . Ghỉ oe-djhǎoe WIRJO sareng ana '-binèna ampon mèreng monjèna tabbhoeăn , sè ètabbhoe kabit ghi' agghoe mola , andhäddhiăghi sennengnga sè padă mèreng . WIRJO atanja ka ana'na : „ Apa ba'na ta' ngèding monjèna tabbhoeăn , tjong ? Tabbhoean djărėja mènangka ngolok rèng -orèng sè padă akolemmana kassa . Koddhi labăng sakètèngnga èpadjhăng so oen-dãoenan sarta rowa ' abas ! èpasangè bhäng -kembhängan so mandiră, ollè orèng sè akolemmana padă'ă senneng atèna . "

Ana'na sè anjama DOERAHMAN pas ngotja' : „ Tanto bănnja' djhadjhănna èko'issa , ta' engghi , ma ' ? "

Samarèna ngotja ' sapanèka DOERAHMAN pas pa'-kopa'an dări pèragghă . Kana ' èngghånèka tjè' agherră sè èngghălă nattol , agher neddhaʼa djhădjhăn.

Ta' antara abit WIRJO sareng ana '-binèna ampon nattol da' tjompo'èpon ISLA .

Katjatora papadjhăngan è tattarop, è ampèr sareng è romana ISLA , saèna ngalangkongè dări sè è labăng sakètèng ghella ' , akadhia : oen-dãoenan ana -barna, bhăng -kembhängan , mandirăna ber-glebberrán , ambhadhi maremma rèng -orèng sè padă akolemman . È romana , è ampèr sareng è tattarop sadhădjă padă ngangghoej lampoe ghantong . Laèn dări èngghănèka èadă'na labăng roma bădă kwadéna , èngghi panèka kennengngannèpon komantan lakè'-binè ' , băkto èpadjhădjhär . Lerres è paddhoena tattarop kennengnganna tabbhoeǎn sareng ghă -nadjăghăna . Sareng WIRJO saana ' -binèna maso ' è labăng sakètèng , ladjhoe bădă orèng nabbhoe tongtong , aberri' tandhă dă' nadjăghă , manabi bădă tamoj dăteng . E băkto èngghănèka djhoeghăn tabbhoeǎn pas mongel giro, mènangka kaormadhan da' WIRJO sareng da' ana'-binèna . ISLA lakè'-bine ' ladjhoe kalowar , ngamba ' trètanna. WIRJO Sè binè ' sareng na '-ana'na pas padă todjoe ' è tèker sè ampon èsadijăʼăghi è pèr -ampèr, dhinèng sè lake' ghi' ngoța ' kerbhoejjă.

Ta' antara abit moj - tamoj sè ampon padă dăteng ladjhoe padă neddha sambi ètoro'è ongella tabbhoeän . Sè padă neddha saklangkong sennengnga . Sadjan abit atamba bisaos moj - tamoj sè dateng dări dhisa laèn .

È bădjă lem -malem komantanna lakè'-binè ' bhadhi èpangaraghă . Katjatora rèng -orèng sè padă nèngalè , adhărăp èseddhi'na tattarop, salang sellek , sabab padă terro nèngalana komantan . Kadjhābhă rèng-orèng sè padă nèngalè , èlowar pakarangan bănnja' rèngorèng sè awal-djhoewal teddha'an ana -barna, bădă sè mokka' băroeng , bădă sè namong ngangghoej lèntjak malolo , bădă djoeghă sè adhăsar è tana. Rèng sè awal-djhoewal kantos ta' katèngal, dări roboekkèpon orèng sè lè-mellè ; băb sè kadhi panèka ta' angghettonnaghi , sabab rèng -orèng è dhisa Ghălăghă nalèka osom anjè nja' -bănnja' ollèna padi , mèlana sadhădjă sè nèngalè ampon tanto padă njèkep pèssè .

Ghi' pokol tello' , rata tompaʼannèpon mantan lakè'-binè ' ampon èsadijăʼaghi . Rata ghapanėka kaaghoenganna pardjadji soghi , ètarèk djhǎrăn sapasang sè saklangkong gănţeng , ètegghoedhi orèng kadoewă , sabab manabi mèreng monjena tabbhoean , ta' poron neng -enneng , adhi-bhoedhi bisaos .

Pokol empa ' komantan lake' -bine ' kalowar sè bhadhi èaraghă . Angghoejjă răp -ghalirabhăn : sarongnga komantan binè'na songkèt , klambhina sottra ngennjer, selloppèpon èsolam bennang emmas , ghellăngnga ghellăng emmas , è tjețagghǎ ngangghoej djhămang sè tep -karettèbhăn. Mowana abeddha ' potè nalbek, lè'èr sareng lengngenna mabi beddha ' konèng , bibirră ègintjoe , alèssa èparas ladjhoe èpasangè lalata. Sareng komantan lake'-bine ' ampon èpaonggha , ratana pas èpadjhālăn on-laonan . Dhinèng èboedina rata ramme sareng tabbhoeǎn sè tjak -katjaghän ongella , asella monjena mertjon salang padjheddhar . Orèng sè nèngalè dhăddhi salorong. Ana'na WIRJO sè lakè' bhingong masè nègalana komantan, masè nèngalana mertjon sè èsomet toro' djhălăn.

Sareng mantan ampon marè èarak, pas èbhakta palèman ka tjompo'èpon sè binè' polè , èpasèla mèdjhet è baboet , èpadjhădjhăr èada'na kwadé, padă tada' djhoeng gessa'an , namong meddhet bisaos. Pokol doebellás tengnga malem komantan bhoeroe èpalobár . Neng pèr-ampèr possa ' sareng tamoj binè'an, è tarop sareng tamoj lake'an. Djha' -sakeddjha ' moj - tamoj èngghănèka èangka'è teddha'an ana -barna sareng biddhăng . E bakto ghăpanèka gha'- tangghă'èpon bădjăng .

Katjatora sareng dhalang ampon molaè amaènnaghi bădjangnga , moj - tamoj sareng rèng -orèng sè padă nèngalè pas sèrep , sabab padă mèrengngaghi tjarètaèpon . E kala ghapanèka tadă' orèng sè ghădhoeana kasossa'an , sadhădjă sè padă nèngalè katara padă kalèboeren sè mèrengngaghi kandhana bädjăng . Manabi kalerressan dã' dhoengngèng sè lotjo , rèng -orèng sè padă nèngalè pas padă aghella' salang pasowar. Dhinèng sè hoso ' ongghoe ampon ta' kadhik aghella ' sama şakalè, sanarè kalerressan bădă lalotjonna , namong nèlèng bisaos sè mèrengngaghi . Prappa'na mè- rammèna bădjăng , rèng -orèng sè padă nèngalè pas abǎlessadhan masaklèan , mala bădă sè atjerrèng ; dhinèng sababbhă , marghă bădă orèng kasorang dateng nompa ' djhărăn ètjongklang, katara djha' kabhoeroe , amboe èseddhi'èpon karammèan èngghänèka . Satoronna dări djhărănna pas mènta tolong da' orèng kasorang, sè bădă èseddhi'änna negghoe'aghi djhǎrǎnna ; aba'na maso ' kadalem tattarop , katèngallèpon kadhi sè bădă èsarè . Sarrèna è băkto ghăpanèka possa ' sareng rèng -orèng sè padă nèngalè bădjăng , mèlana pamaso'na ka tattarop sanget njangsaraèpon . Djhoegha ta' abit kèngèng njellat sarta pas terros bisaos èntar ka WIRJO , sè ghi' prappa'èpon boer -lèboerră nèngalè bădjăng .

Katjatora WIRJO sareng nèngalè SALÈ (orèng sè bhoeroe dateng ghapanèka SALÈ njamana) dateng djă-ta' bădjă , takerdjhat , sangkana atèna tanto bădă pa-ponapa , mèlana ladjhoe atanja sapanèka : 72„Lè, bădă apa sèdă mè' dateng ghoeng -nangghoeng bărijă ?"

Sangkolan . 2

SALÈ njambhit sambi to'-koto' : „ Edissa kalèr , Jo ; madjoe , kalowar sakeddjha ' , engkandha'ana . "

WIRJO sareng mèreng otja'na SALÈ sapanèka , tabhabhegghen , ta' ngotja' mèra -bhiroe , namong noro ' boentè ' SALÈ bisaos kalowar , lat-njellat è orèng bănnja' sè atjetlettjet nèngalè bădjăng . Aba'na sanget sossa , tek-kettegghå asalamberrăn , sabab pangèrana ampon tanto kampongnga mangghi kabhălăi radjă. Sanattolla kalowar , WIRJO pas ngotja ' ka SALÈ : „ Lè, dă rămma, mara , dhoeli kabălă, bădă kakalèran apa ? " Sè atanja sapanèka WIRJO para ' ta' mettoa sowara .

SALÈ njambhit : „ Ella , dhisa Băngkal para ' ghemmeddha èkakan apoj ."

WIRJO sareng mèreng otja'na SALè sapanèka , akadhiă sè ètappor kèlap , rèto ta' andi' ora' , otja'èpon : „ Dhisa Băngkal para'- ghemmeddha ? Marèna .......?”

Saamponna marè ngotja' sapanèka abă'na pas neng -enneng sakeddjha ' , ta' abit atanja polė : „ Tang bengko dă rămma , apa èkello ' sakalè ?"

SALE : „Ella, bengkona bă'na ghemmet sakalè ."

WIRJO : „ Lombhoeng so goedăngnga bhako bărămma , slamet , jă?" SALE : „ Ghemmet kabbhi ; èssèna bengkona bă'na tadă ' sè èkennènga tolong settonga . "

WIRJO : „Mandhăr pèssèna tja-kantja rowa bhai salameddha . " SALE : „ Abă, băddhinna pèssèna tja-kantja djărēja ta' èkèbă da'anna ' so bă'na ? "

WIRJO : „ Endja ' , pèssè djărėja bădă èdălem pettè kadjoe èseddhi'na katèdoengan ."

SALÈ : „Adoe, adoe , mon bărijă la tada ' karèna sakalė. Orèng kabbhi padă ngèra , djha' pèssèna la tanto èkèbă kanna' so bă'na . Teppa'na dhi-dhaddhina apoj sèngko ' la lebbhoeǎ ka bengkona bă'na , ijă parlo ngala'a kerrèssa, nangèng kalèboenna ta' maghi, sabab tja'na kerrèssa èangghoej so bă'na, dhăddhi sèngko ngèra , pèssèna ta' boeroeng èghibă sakalè . Kerrèssa djärėja sabbhănna ijă èsabă ' èattassa pettè băddhăna pèssèna arowa ? Molana ta' rèng-orèng la'dissa bangal matoro ' pèssèna ka bă'na , ijă amarghă bă'na andi' kerrès pangaro , panolaggha kabhălăi .”

WIRJO : „Bhender otja'na bă'na djărèja, SALÈ . Sanjatana lantaranna kakalèran djärėja dări sèngko ' , molana dalem parkara djărèja sèngko ' sè sala . Sèngko ' la mangmang sè ngèbă'ä kerrès arèja kanna' , otaba bhenderră , mon bi' sèngko ' éghibă , pèssèna mostèna èghibă sakalè . Marèna èdimma sèngko ' sè ollèa pèssè èghăntèaghia ? "

Saamponna marè adon -djandon, WIRJO pas lebbhoe pole kadălem tattarop, padjhălănna asalèndoran , terros entar ka binèna, abălă băb kakalèrannèpon èngghănèka . Băkto kaʼijă kėja mojtamoj laènna èngghi ampon ngèra , djhă'WIRJO mangghi kasossa'an , katara dări olattèpon . Ta' antara abit rèng-orèng sè padă akolemnan ampon padă mèreng sadhădjă , mèlana tabbhoeǎn sareng bădjăngnga èpaamboe sakeddjha ' . E băkto ghăpanèka è tattarop pas sèrep , akadhia kata ' èsamboer . Rèng-orèng sè padă bădă sakalèng adă' èghika'ijă mandheng da' WIRJO lakè'-binè' sarta padă ghădhoeán atè nèser.

WIRJO ngotja' ka binèna: „Boelă molèa kaadă sanonto kėja, dhika so na' -ana'na neng -enneng ko'ijă dhalloe , ngantos bălina boelă . Nangèng bila-bilă boelă sè abălia ko'anto, ghi' ta' kennèng tantoaghi, sabab boelă èko'issa empon tanto rèpot. Bilă boelă empon marè long -mapolong rè-karèna bengko sè katonon băn empon ollè maddhek bengko anjar , boelă pas ko'antoa, ngonèana dhika so ana'na ."

Kalerressan ISLA lake'-binè ' èngghi dhăsar ahadjhăt nahana tarètanna sareng kan-ponakanna è tjompo'na , saabiddhǎ WIRJO ghi' ta' ollè ambhadhi tjompo' bănnèan . Sareng WIRJO ampon ollè èndjhăman djărăn dări kalèboen Ghălăghă, pas palèman asareng SALE .

Sareng WIRJO ampon mangkat, moj - tamoj laènna sareng rèngorèng sè padă nèngalè bădjăng pas abăli kadălem tattarop , nèngalè bădjăng polè . Nangèng ampon ta' poron bhoenga akadhi la' -ghella'na, mèlana bădjăngnga pas èlobărraghi . Salobărră bădjăng , moj - tamoj sareng rèng -orèng sè nèngalè pas palèman , poe - lampoe padá èpatè'è sadhădjă .

Sarrèna towan roema sareng laènnèpon padă lesso , mèlana è malem ghăpanèka sè tèdoeng padă kapatè , namong WIRJO Sè binè' ta' poron njëddha tedoeng , amargha sossa , měkkèrè tjompo'- èpon sareng răng -bhărăngnga . Samalem bhentèng aba'na sè nangès , kalagghoeännèpon sareng ampon djhăghă , tèngalla băko ' .

V.

Katonon .

Katjatora WIRJO sareng SALÈ sè plèman , saampoma ra-kera langkong satengnga eddjhăm abittèpon sè njongklang djhárănna , djhărănna pas èpadjhălăn on-laonan , sabab manabi ètjongklang terros, ampon tanto moghoek . Toro' djhălăn WIRJO atanja ka SALE : „ Lè, djhadjhal , kandhăʼaghi , dări dimma asalla apoj băn sapa sè andi ' lalakon ?"

SALÈ pas akandhă : „ Apoj djărėja asalla dari bengkona kalěboenna . Teppa'na sè binè ' èntar mandi ka songaj , tja'na ana'na èboedi pas en-maènan apoj . Ra-kèra pokol satenga petto ' bhari'

apoj la dháddhi : sarrena è kala djärėja kabhenderrän bharat angen , dhaddhi apoj pas ngolap san -kassannaghi : ka dăporra, kandhangnga so en-laenna . Reng-orèng lake'an è bakto djárėja ghỉ bánnja ' sè ta' molé dari sabá , molana ta' saapa orèng sè dateng atatolong , sampè ' apoj ta' kaladhinan. Aboe-emboe angenna sadjan abit sadjan atamba bharat , molana apoj pas alatlat da' kobengko è kangan-katjèrra djadijă, sampè ' orèng la padă tako' , tjeddhoeá , la tanto ko-bengko è Bangkal bhakal mon angenna ta' katonona kabbhi . Dhinèng rèng -orèng sè atatolong la ta' měkkèrè tjoma ko-bengko sè ghi' ta' èkolap apoj è kangan sè katonon. katjèrra bhai sè èbhănțolė èparobbhoe , ijă bădă sè èsèramè aèng , sopprèna sopadjá apoj ta' sampe'a alatlat da' ko-bengko djárėja. Ontongnga ta' abit pas rèsè' tor angenna bádá tjeddhoena ; pata pokol balloe ' apoj pas reprep . Dhinèng abi'na bengko so andina sèdă, bènnja'na sapolo koren. Djarėja bengkona malolo, laèn dăpor, lombhoeng so goedăng ."

WIRJO : Eh, mon barijă la tjalaka' ongghoe tang aba' , ta' dha-kendha, sabab tang padi so bhako arowa bhai lebbi djhinadjhin doe èboe ropèja , laèn pèssèna rèng -orèng sè èpatoro ' da' sèngko ' . La'rijăna pèssè djárėja so sèngko ' èsaba ' èdálem tromel kènè' èdálem pettè , nangèng pèssè tas -kertassa ngara la dhaddhi lolong kabbhi . Sèngko ' la ta' mèkkèrè parkara tang di'-andi ' sè èkello ' apoj , tjoma sè èkasossa , apa sè èghantèaghia ka orèng nja' -bännja' rowa. Ma' lang-palang dhalloe engko ' rèja , Lè !"

SALÈ njambhit : „ WIRJO, ba'na la djha' sa-sossa loe '-dalloe ' parkara djárėja. Ba'na ta' ijă la tao dhibi ' , djha ' rèng -orèng la'- dissa ghi' mosèm anjè bhoeroe rèja bánnja' ollèna padi sarta bánnja' sè lopot dari apoj ? La tanto kanţa tja-kantja reja ta' kèra ta' mèkkèrè da' ba'na, įjá sakadharră ; panda ' ba'na ta' kèra sampė kalaparan. Kalamon è mosèm anjè dateng dija rèng-orèng bánnja' ollèna padi mara sè bhoeroe , insja Alla kabădăʼanna tja-kantja sè ella padă njandhang kabhălăi , abali one polè . Tjoma sèngko ' satėja maènga'a ka ba'na , sakalè boedina marè'è sè ngèbă'ăn kerrèssa djărėja, Jo, maskè bă'na èntara kamma ; sabab ba'na ghoe ta' la tao dhibi' , kerrèssa djāreja tao nolak bala' sè bhakal datengnga ? "

Otja'na SALE èngghănèka sadjan mangennes atèna WIRJO, mèlana pas émot da' băsèjaddha mama'na , djha' kasalameddhanna tjompo' sareng kampongnga kantos ka èssèna sadhádja , taghantong dã kerrèssa èngghănèka . Sarrèna aba'na nerrak băsèjattèpon mama'na, ambhakta kerrèssa akolemman tor karana terro èdjhellinga tjakantjana , melana mènangka hokomannèpon sè malang sara ' , aba'na mangkèn njandhăng sossa radjă , bháráng di' -andi'na sareng pèssèna tja-kantjana padă ghemmet èkello' apoj sadhadjā . Samangkèn aba'na ampon karè kastana bisaos .

Toro' djhálăn WIRJO kèr-pèkkèran, njarè akal, kadhi ponapa sè onènga angghăntè'è pèssèna tja-kantjana. Ta' abit pas ngotja' sapanèka : „ Bărijă kèja ghoej -angghoejjă binèna ba'na , Lè, sè èpatoro ' ka sèngko ' , sèngko ' mastè angghante'e , sabab parkara èlangnga sèngko ' sè sala, molana sèngko ' wadjib nempoè djărėja kabbhi . Sanjatana bhender otja na bă'na ghella ' , djha' sakenga kerrès rēja ta' ékébá akolemman , kèra sèngko ' pèssèna tang tja-kantja ta' kèra èlang , bán sanaddjhăn bădă ă bengko katonon, ngara ta' kèra kongsè alatlat ka bengko laènna, apa polè ka tang bengko ; baddhinna létjéghǎ bäsèjaddhă mama' , djha' tang kerrès tao nolak bhálai ?"

SALÈ pas njambhoengè otja' : „Rèng towa reja, Jo, ta' kèra njangkolè ana ' bhărăng bă' -djhoeba ' ; parkara pèssè kèra sèngko sè andi' ta' kèra menta ghantè , sabab parkara djrèja kadhäddhiänna ta' kalaban èma'a . Salana ba'na ghoe ta' tjoma sè ngebä kerrèssa èntar akolemman, laèn tada ' . Apa polè sarrèna rèng -orèng la'dissa padă radjá kaprotanganna ka seda , amarghǎ sèdă la bănnja' pètolongnga ka tja-kantja rēja, dhaddhi rassana la tada' djhalanna sè andia karep mènta'a bălina pèssèna , sabab mon mènta pas anjama tada' kaprotanganna sama sakalė ka sèdă . Sambi anna bă na apa sè èghantèaghia ; ollèa dimma pèssè , djha' rèng bengkona , padina so bhakona la ghemmet èkello' apoj kabbhi . Sèdă satėja tjoma andi' djikar sèttong , kerbhoej sapasang so sabă . Molana , Jo, sèdă la djha' sa-sossa parkara sè angghantèana pèssè djărėja. Sèdă bi' partjadja ka sèngko ' , tja-kantja rēja ta' kèra mènta bălina pèssèna , sabab mara sang otja' ghella ' , pèssè djrēja so bă'na ta' ètengnget èpakannaghi ka apoj ."

WIRJO njambhit polè : „ Ija bhender otja'na bana djrēja, Lè, nangèng sèngko ' mostè nempoè pèssèna tja-kantja djărėja, mala mon ollè engko ' tje' agherră sè angghăntèana . Bă'na tao tang karep ? Pabbrik ghoelă Soeko -Widi satėja parlo njèwă tana abák bädän . La dhina tang sabă bi' sèngko ' èpasèwa'ă , bădă'ă satelo taon băn sèwăna so sèngko ' pas èpènta'a sakalèan . Mon ollè , sèngko ' pas andi' pèssè ra-kèra 600 ropėja . Rassa sèngko ' pèssè sadjărėja la tjokop ghăbăj ghaghantèn ."

SALÈ : „Karebbha ba'na djărėja sèngko ' ngalem , nangèng parkara djărėja ollèa èpèkker bi' landjhăng ; marèna mon bă-sabana la èpasèwa ka pabbrik , ba'na ta' pas nèng andi' djikar sèttong so kerbhoejjă sapasang , pas apa sè dhaddhia kasabbha sèdă so ana ' binèna ?"

WIRJO : „Ó, parkara djărėja ghămpang , Lè, anggher sengko ' so tang kerbhoej èparèngè bäras salamet bhai, insja Alla nemmo kasap. Mon tang sabă lastarè empasèwă , sèngko ' pas ngolia ka pabbrik . Endja ' , mon engghoenna bälloeng tji bhai saarè , sèngko ' masè ollèa . Bila osomma orèng nebbăng tebbhoe , tang djikar empangangko'a tebbhoe ka pabbrik . Sè ngarè'aghiă rebbhăna la bădă , ijă arėja katjong sè kadoewă arowa. Kèra sèngko ' ollèna bădjárán balloeng tji djárėja la tjokop engkakan sengko so tang ana ' bine dalem rè-saarèna .”

SALE : „Mon dăʼrijă sèngko ' la ta tao sè tja' -ngotja'a , apa tja'na bă'na bhai , sabab da-padă orèng Băngkal , ba'na kabilăng ter-penterran. Apa polè satėja , ba'na dalem kasossa'an areja, la tanto lebbi bănnja' akalla ètèmbhăng moso ghi' ri' -bari'na. "

WIRJO : „ Ijă , mandhår kanța'a otja'na bă'na djărèja, Lè, tang kabădă'ăn mè' ollè dhoeli abăli onè . La' rijăna mon tja'na rassana tjoma satèja'a bhǎi sèngko ' sè nemmoa tjobhă, tang atè , masè ta' rassana masè ghỉ' bădă ă polè , tapè sèngko ' ta' kènè ' atè , sabab tarme ' tang kerrès pas èlanga pangarona masaklèan bhai.”

Sarrèna sè asa-gessa toro ' djhălăn padă saklangkong ghoematèna , mèlana ta' èkrassa , onèng -onèng ampon èpangghi nattolla ka Bangkal .

Eghika'ijă WIRJO mangghi rèng -orèng lake' padă èmo ' longmapolong rè-karèna po '- tjompo ' sè katonon . Sabănnè bădă sè mèkol perrèng , ladjhoe èbă'-sèba' , sabannè bădă sè ngarkar aboe , njarè'- è răng -bhărăng sè tabhendem . WIRJO sareng nèngalè tjompo'na ampon karè aboena , aèng tèngalla ta' kèngèng taghennè , kretteggha atèna : Adoe, baddhinna sara barijă ! Ontongnga tatanggha sè padă bellas , djha' anoa pas nompènga kamma ana ' binèna tja-kantja sè pada katonon bengkona reja kabbhi .

Eh, tjakang ongghoe orèng Băngkal ; rèja' sè alalakon sampè ' tengnga malem ghi' ta ' amboe , aghábaj neng -kennengngan pangaobhăn . Mon terros daʼrijă , ngara ta' ella ' bărămpa mènggoe agghi , èdinna ' masè la adjhărekdjhegghăna polè bengkona . Eh, sanjatana orèng la'dinna' la rokon ongghoe . "

Nalèka WIRJO kèr-pèkkèran kadhi ghapanèka , SALÈ pas abălă ka tja-kantjana , djhă ' pèssèna sè èpatoro ' ka WIRJO ampon èlang èkello' apoj sadhadja .

Katjatora sareng sè ghadhoeăn mèreng berta bab èngghănèka , sakalangkong sossana , atèna akadhiă sè ètombhak sareng ghentong . Dhinèng sè èkasamboe ' -samboe ' orèng , WIRJO mè' pas bhoeroeǎnna ambhakta kerrèssa kalowar dari kampongnga , sarengngan pèssèna ma ' ta' èbhakta sakalè , halla saeddjheggha ta' onèng ambhakta'an kerrèssa , sanarè ka'kamma'a , sabab èngghi kerrès ghăpanèka sè andjăgă pèssèna . Mangkana rèng -orèng sè ghadhoeǎn obăng pas dhammang matoro ' pèssè dă'ka WIRJO , èngghi amarghă ampon jäkin, djha' kerrès sangkolan èngghårowa onèng nolak kabhálai tor polè sareng sè ghădhoeǎn ampon tanto ta' kèra èpakaloware dări tjompo'na. Kabidhăn rèng -orèng sè ghadhoeăn obăng manglo da'ka WIRJO , amargha pèssèna sè èlang , djhoeghă sareng èpèkker on-laonan , bekkasanna pas nèser , sarrèna èlangnga pèssèna tanto ta' kèra klabăn èma'a . Laèn dări èngghănèka , bhärăngnga WIRJO tada' sè katolongan sèttonga kanan, răngbhărăngnga dhibi' ghỉ bănnja ' sè ta' èkello' apoj .

Ta' abit ladjhoe bădă orèng ambhakta pettè kennengngannèpon panjèmpennanna obangnga WIRJO sareng tja-kantjana ènggharowa . Sareng rèng -orèng nèngalè pettè bhoeroe , panjanana obangnga tanto ghi ' slamet, mèlana pettè ghăpanèka pas éghăribbhoeng orèng bănnja ' . Djhoeghă rèng -orèng sè ghadhoeǎn obăng sadhădjă padá karè angghåribbhoeng , pettèna ampon al-saèl , amarghă trè-pattrèna lotjot sadhădjă ; pèssè kertassa ghemmet èkello' apoj , namong karè longlolongnga bisaos . Pèssè potèna, ngalèllè , dhăddhi salaka lantaghăn. WIRJO ngotja' dã rèng -orèng sè padá angghribbhoeng èghika'ijă : „ Tang tja-kantja kabbhi , parkara èlangnga pèssèna djărėja tadă laèn sè sala, kadjhabhǎ sèngko ' , dhaddhi sèngko ' sè katempoan , molana sèngko ' wadjib angghantè'è pèssèna bă'na djărėja kabbhi . "

Eantarana rèng orèng sè aghribbhoeng ghella bădă orèng towa kasorang njambhidhi otja'na WIRJO : WIRJO, bă'na la djha' sasossa měkkèrè tang pèssè so pèssèna tja-kantja rèja kabbhi , sabab èlangnga ta' krana ètengnget . Molana tjè' ta' pantessa , mon sèngko ' sakantja'an pas menta'a ghantè ka ba'na . Edalem katjalaka'an arèja salana bă'na tadă laèn, tjoma dări korang tè-ngatèna sè pas ngèbă kerrèssa èntar akolemman ka dhisa laèn , laèn tada' . Molana, Jo, engko ' sakantja'an djha' engghăn radjăna pèssè sadjhämpel , sakètèng nèng - tonnèng ta' kèra mènta ghăntè , sèdă la djha' tek -potek parkara djărėja . Tjoma sèngko ' sakantja'an satèja andi' pamènta ka bă'na, ijă arēja : sakalè boedina bă'na sopadjă amarèana sè ngèbă'ăn kerrèssa djărėja kalowar dări kampong dijă ; pandă ' , Jo , la'-tella'ana sakalèan tèja bhải bả'na sè njèkep kerrèssa djărèja, sanaddjhăn èntara adjhălăn kamma, sabab ontong -kalèrra kampong dinna' bădă è kerrèssa bă'na djărėja !"

WIRJO ngotja' polè : „ Panda' , tja-kantja , parkara djărèja la djhă palandjhăng polè . Sarrèna satėja ghi' bănnja ' sè èlakonana , kemma sè ghi' maddhegghå bengko , kemma sè ghi' maddhegghǎ dápor so lombhoeng , bhăngo ' madjoe dhoeli alalakon bhai mè' ollè lekkas kennèng kennengngè . Satėja ta' ollè doer-makendoer lako , sabab maddhek bengko sapolo koren rèja bănnè pangghăbăjăn chă-kèndhă, sarta kodhoe marè dálem sabătara mènggoe . La'rijăna sèngko ' la bhoenga ngatèla ' bă'na kabbhi sè alalakon ambhă ' patè . Tjoma tang pamenta ka ba'na kabbhi, sènga ' , amboei sè mèkkèrè sèngko ' băn pèssèna bă'na sè èlang ; parkara djărėja mo -temmo èboedi , bilă bengko rèja la marè kabbhi. "

Saamponna WIRJO marè tja' -ngotja ' sapanèka , rèng -orèng sè bhoeng -ghribbhoeng ladjhoe molaè apangghābāj polè , kantos ghi' lagghoe potè tèmor . Kalagghoeǎnnèpon sak-rosaghänna tjompo ' sareng dăpor sè katonon ampon marè èpo' - tompo ' sadhădjă ; è kennengngannèpon ampon kèngèng paddhegghi tjompo ' anjar polè .

Dhinèng amboena rèng -orèng sè alalakon namong bädjana asa rabhăn sareng neddha bisaos . É bakto neddha'ă , se alalakon sadhădjă pas akompol , namong WIRJO kabidhänna ta' poron apolong , sabab aba'na ghi ' sossa , djhoeghă sareng èpol -apol kalaban kalèboenna, pas poron noro ' neddha . Saamponna marè neddha rèng -orèng èngghănèka pas molaè alalakon polè .

VI .

Kaghătèan sareng kadjhoedjhoerăn.

Katjatora rèng -orèng sè padă alalakon maddhek tjompo' anjar , sèjang -malem sasat tada ' amboeèpon . Edalem samènggos tjompo sè sapolo koren kantos da' dăporra sasat ampon marè sadhádjá , kennengngannèpon è tèlassa tjompo ' sè katonon. Rèng-orèng sè padă nompèng è tjompo'na tatangghana ampon padă ngallè sadhadja da' tjompo'na sè anjar băng -èbăng . Namong binèna WIRJO ghi' taksè bădă è tjompo'na tarètanna è Ghălăghă , sabab WIRJO ampon asangghoep ngonèana samarèna maddhek tjompo na .

Ta ' ella ' saponapa arè kantos ka lombhoeng sareng pakarangannèpon ampon ranta sadhădjă . Sarengngan lombhoengnga ta' kosong , ampon aèssè padi, băberrina orèng Băngkal sè slamet dari apoi . Kalerressan rèng -orèng è kampong Băngkal padá bánnja ' ollèna padi , mèlana ta' èman sè lowanga èkabhadhi sandhekka sakadharrèpon . Dă-padă lombhoeng anjar sè nja' -bănnja'an èssèna padi , lombhoengnga WIRJO , amargha ta' namong rèng -orèng Băngkal bisaos sè padă ènga' , somèlè tja-kantjana è dhisa Ghălăghă padă noro' ater sakadhärrèpon . Pakakassa tjompo'na èngghi ampon bădă doe ta' saè kadhi dhingèn, sabab kas -pakakas dhadhingghålännèpon mama'na ampon ghemmet èkello ' apoj sadhădjă .

Sareng tjompo'èpon ampon marè , WIRJO pas agher sè ngonèana ana ' -binèna , sabab saabiddha alaèn , ollè teddhă dări ghă-tatangghăna . Manabi terrosa sapanėka bisaos , abă'na ta ' senneng ; aba'na èngghi arassa , djha' ghă-tatangghăna sè aberri' teddha sareng èhlassa atèna , djhoegha tja'èpon pèkkèrra WIRJO ghi' asennengngan neddhă bădhällä (kasabbha ) dhibi' .

Sareng ampon ollè pa'bhellăs arè abiddhă dări sè katonon, WIRJO ladjhoe asoroan orèng èntar ka Ghălăghă , abălă dă' sè binè ' , djhä' abă'na lagghoe ' sè èkonèana . Dhinèng è arè ghapanèka WIRJO njabis da' towan bessarra pabbrik ghoela Soeko -Widi , bhadhi masèwa'a sabăna . Pokol sabellas abă'na ampon bădă èadă'na kantoran . Éghika'ijă apangghi sareng rèng -orèng sè padă njèwă'aghia' sabäna djhoeghăn , bănnja'èpon langkong dări sèket orèng . WIRJO abit sè ngantos ghilirănna , sabab bănnja' orèng sè dặteng djhăng dhingènan .

Sareng ampon nattol da' ghilirännèpon WIRJO , aba'na pas ètèmbhali kadalem kantoran. WIRJO lebbhoe sambi adjhălăn nèngkong . Edălem kantoran èngghănèka bădă Towanna (Bălăndhana ) kadoewă padă ngadă'i mèdjă , sè èattassa possa ' sareng băng -dhaloebáng polè pèssè . WIRJO sadjǎn ngangsek kaada' , ladjhoe njembnă. Towan bessar pas marèksa : „Apa ba'na sè anjama ARDJODIWIRJO ? "

WIRJO : Engghi , Towan bessar . ”

Towan bessar : „ Sabana ba'na la marè èokor, ètemmo lèbăcră kabbhi nem bhǎoe (4¹, H.A. ) lebbi balloeng roe , apa ijă ?"

WIRJO : „Manabi èngghi , Towan bessar ."

Towan bessar : „ Sarrena sabăna bă'na kennengnganna djhãoe dări pabbrik, dhăddhi sèngko ' ta' băngal njèwa larang. Apa èbăghi so sèngko ' èsèwăʼă 180 ropèja kabbhi ?"

WIRJO : „Bhoenten, Towan bessar , ta ' èatorraghi , sabab djoenan-dhalem njèwa da' orèng laènnèpon 40 ropèja sabbhăn sabhãoe , dalem sataon , dhäddhi manabi nem bhàoe 240 ropėja . Djhoeghă sarrèna sabă dhi-dhálem kennengngannèpon nambhăn dări pabbrik, sareng dhi-dhalem èatorraghia 220 ropēja dalem sataon , djhoeghă mabi perdjhåndjhian , Towan bessar

Towan bessar : „Perdjhandjhian apa ? "

WIRJO : „Sabă dhi-dhalem èpasèwă'ă dálem tello taon abittèpon, sarengngan manabi bădă bellássèpon djoenan -dhalem, dhidhălem terro njo'ona sèwăna masakalèan ."

Towan sè kadoewă sareng mèreng atorra WIRJO bhoeroe , pas padă aghella' kak-ngalakkak . Ta' abit Towan bessar atanja polè : „Saeddjhegghǎ sèngko ' ghi ta' tao ngèdingan pardjhändjhiän mara djärėja. Apa ba'na ta' tao , djhă' pabbrik rangrang namennan tebbhoe terros dalem tello taon è sèttong sabă , laèn djhábhá mon sabă djărėja talèbăt landhoena ?"

WIRJO : „Sabă dhi-dhalem , Towan bessar , saklangkong Landhoeèpon sarengngan kennengnganna semma ' ka aèng ."

Towan bessar : „ Ija, sèngko ' partjadjă ka otja'na (jărēja . Nangèng apa sababbhă , bă'na ma' pas mènta sèwana sabana sakalèng adă' , bab djărèja èdinna ' ghi' ta' tao kadjhālănan ."

WIRJO pas adhoengèng dări kabidhän kantos da' bekkassannėpon bab tjompo'na sè katonon, sareng kaparloanna obăng sèwăna sabăna èngghănèka . ,

Towan bessar : „O, mon bărijăʼă ba'na lakar orèng djhoedjhoer ongghoe . Ijă mara sèngko ' atolonga . Nangèng mon dalem onsataonna dhibi'na mènta 220 ropèja , sèngko ' ta' bangal . Tang kabăngalan sabbhăn taonna tjoma 200 ropèja , dhaddhi dalem tello taon 600 ropèja , nangèng kodhoe ngangghoej pardjhandjhiăn kėja . Sarrèna dhibi'na ghi ' kowat, saabiddha sabăna èpasèwă , dhibi'na mostè ngoli ka pabbrik . Rassa sèngko' dalem rè-saarèna dhibi'na tanto ollè opa mon saballoeng tji otabă sadjhampel bhải ."

WIRJO pas ngotja' „ èngghi " bisaos , sarrèna abă'na onèng , sanarè mènta'a tambă polè , sareng Towan bessar ampon tanto ta' kèra èberri ' .

Sareng ampon dhäddhi, towan sèttongnga pas ambhadhi sorat pardjhandjhiăn (kontrak) bab parsèwa'an sabă èngghănèka . WIRJO onèng nolès nè' -sakone ' , mèlana sareng kontrak ampon marè , pas ètèken . Saamponna , pas narèma obăng sèwăna sabana , bănnja'- èpon 600 ropėja . Sareng ampon salèssè sadhădjă , pas palèman . Kabidhăn WIRJO aromasa soghi ghadhoeǎn obăng sapanèka bănnja'na, djhoeghă sareng èmot , djhă' pèssèna èngghănèka bhadhi tadă'ă dălem sabătara eddjhăm agghi ' , abă'na pas sossa ; sarengngan sabăna dalem tello taon abittèpon kèngèng kotja' ta' noro ' ghadhoeăn .

Toro ' djhălăn WIRJO ngennes mèkkèrè kabădăʼănnèpon bhădhănna, sè pas kadhi ghăpanèka ; lantaranna namong dări ambhakta kerrèssa akolemman ka dhisa laèn. Dhingèn sabelloenna mangghi kabhălăi , abă'na è Băngkal kabilăng orèng soghi , serrèng atatolong ka sasamana , mèlana èadjhinè orèng bănnja' ; samangkèn pas tabhälik sakalèng ada' , ta' andi' pa-ponapa tor pas ngoli ka pabbrik ; manabi ontong tjokop èteddha saana '-binèna sareng aba'na dalam rè-saarèna ; mangka aba'na ghi ' terro malessa dhadhă dă tja -kantjana , sè ampon atatolong da' abă na kalana mangghi kakalèran . Bhărăng dhadhingghălăn dări orèng towaèpon ampon tada ' sadhādjă , kadjhābhāna kerrès posakana . Engghi ontongnga aba'na ghi ghadhoeǎn djikar sèttong sareng kerbhoej sapasang , sè bhachi nolongana njarè èngonna dhibi ' sareng ana' -binèna. Dhinèng parkara kerrèssa ghi' ta' èpangghi pangaro bhoentenna , saamponna mangghi kabhălăi .

Manabi sè ghadhoeǎn ampon koko kapartjadjă ănnèpon ka kerrèssa , djhă' onèng nolak bala ' , tandhana : sareng èpakalowar dări kampongnga sakeddjha' bisaos , tjompo'na dhibi' sareng tjompo'na tatangghăna pas ladjhoe katonon. Băb panèka sè mabhegghår atèna WIRJO . Pèkkèrra : manabi obăngnga èngghănèka ampon marè èdjărbădjărraghi ka tja-kantjana , pas ngonèana ana ' -binèna , saamponna ladjhoe ngabidhăna ngoli da' pabbrik, kantos tello taon abittèpon.

Sarrèna abă'na kabit dări ghi' lagghoe mola ta' èlebbhoenè paponapa , mèlana pas arassa lapar ; ladjhoe todjoe ' è băroeng èseddhi'- èpon pabbrik, neddha . WIRJO sè neddha abak bănnja' , amarghă ampon marè sossa , djhoeghǎ manabi èbhändhing sareng dhingènnèpon, sabelloenna mangghi kakalèran , tangè katangarannèpon pèkkerra sareng njamanna paneddhăna . Dări olattèpon bisaos nalkennalanna ampon onèng , djhă' WIRJO ghi ' bhoeroe marè kasossa'an .

Saamponna marè madjări kabellina teddhana pas palèman ; nattolla ka Băngkal ampon bădjă pokol empa ' lem-malem . WIRJO pas terros èntar angghantè'è sè-pèssèna tja-kantjana sè èkello'

apoj , mala kantos sè arobá bhárăng ghălian ètempoè saarghana djhoeghăn. Tja -kantjana sadhádjă padă tatjengnga ' , nèngalė WIRJO sè pas ghadhoeǎn obăng sapanèka bännja'èpon . Bab paneka anjata'- aghi , djha' WIRJO dhasar djhoedjhoer atèèpon , sabab saopama ta' angghantèana , sè ghadhoeǎn ta' kèra apa -panapa . Sarengngan polè pèssè sèwăna sabana ghăpanèka djhă' èangghoeja dhibi ' , sarrèna abána mangkèn ghi ghadhoeăn bănnja ' kaparloan, ghoe ta' lankong saè . Djhoegha ta' poron, sabab nempoè pèssèna orèng èngghănèka sareng WIRJO èangghep wadjib . Rèng -orèng sè ghadhoeăn obăng ampon narèma parkara èlangnga obăngnga èngghånèka , sabab akadhi WIRJO, èkotja'a nengnget matjalaka'a tja -kantjana , panèka ta' ollë dhăddhi . Mèlana sè ghadhoean obăng karebbha ta' nampanana bălina obăngnga , djhoegha kareppèpon WIRJO ta ' kèngèng pellang , obăng masțè ètarèma ; tja'èpon , manabi ghi' ta' ollèa mabáli pèssèna tja -kantjana sè tanoro ' èkello ' apoj , abă'na ghỉ' ta' marem , mèlana bekkasanna sè padă ghadhoeǎn obăng ghellem djhoeghăn nampanè bălina obăngnga , nangèng mabi pardjhandjhian sapanèka : manabi WIRJO mangghi kasossa'an pa -ponapa , tja-kantjana atatolonga soro djha' tolak .

Rèng-orèng paneka tadă ' sè onènga ka djhălănna WIRJO sè pas ollè pèssè 600 ropėja , sarrèna aba'na ta' tja' -ngotja ' ka tja -kantjana , djha engghănèka ollèna masèwă sabăna : sabab tja'na pèkkèrra , manabi tja-kantjana onèng , djha' pèssè sè bhadhi ghante ghella ' ollèna masèwá sabana , ampon tanto pada ta' poron nampanè . Parkara paneka sè onèng namong SALE , djhoegha ètjo -pattjo, sopadjă ta ' ală bălă'a ka ra'pasèra'a , sabelloennèpon pèssèna marè tja-kantjana . èdhoe'oem da'

Melana kalagghoeǎnnèpon SALÈ pas akandha dã rèng -orèng sè padă ghadhoeǎn pèssè , manabi WIRJO sè ollè pèssè 600 ropėja èngghănèka, margha masèwa sabana ka pabbrik Soeko -Widi abittèpon tello taon. Tja-kantjana sareng mèreng bab èngghănèka sadjanè atambă nèserra ka WIRJO , sabab da-padă orèng Băngkal aba'na dhingèn sè ghi-soghian tor èormadhi orèng , mangka samangkèn pas ngoli ka pabbrik . Tja-kantjana ampon rodjoe ' , sè mabaliă obăng , djhoeghă engghănèka , sopadja kèngènga angghoej WIRJO dhibi' WIRJO matetteng ta' poron nampanè , otja'na sapanèka : „ Ella , dhina. tja -kantja , parkara pèssè djrėja la tegghoe ' bhăi , sabab sapa tao , pola paghi ' dhibi'na mè' nemmo alangan apa bha ' apa , ma ' ta' posang rè-sarèan polè ; ella, la tjèlèngè bhai ! ”

Kalagghoeannèpon ghi' beng -rèbeng WIRJO ampon mangkat da' Ghălăghă, ngonèana sè bine ' sareng na -ana'na . Sarrèna djikar sareng kerbhoejjă bădă è tjompo'èpon èparra , aba'na adharat bisaos . Pramèla mangkat èpapettengnge , sopadjá nattola ka ' kassa semmo lagghoe . Toro' djhalan WIRJO njarè akal, kadhi panapa sè abălăă dã' sè bine', bab sabăna sè èpasèwă kantos tello taon, sopadjă sè binè ' ta' takerdjhadha .

Pokol sanga ' ampon nattol da' Ghălăghă . Abana senneng nèngalè ana' -binèna èpangghi bárăs salamet tor ropaèpon ampon èlang sossana .

Sareng ampon pada apolong sadhädjă , ISLA pas ngotja' ka trètanna: „ Endja ' , insja Alla bhärängnga bă'na sè èkello ' apoj lekkas bădă ghantèna . Doe apa, bengko la andi' , sabă bădă băn polè ghi' andi' djikar so kerbhoej . Dhinèng parkara padi bana ta' osa sa-sossa, sèngko ' sè aberri'a . Paghi' bilă palina la dhaddhi băn bănnja' ollèna apaanjè , sabăgiăn pas djhoewal rè-lèrè , ollè padjoe larang. Padjoena djărėja ghoe ta' pas kennèng kabelli kas-pakakas ? Laèn dări djärėja kaka' ta' ijă ghi ' namenna bhako ? Rassa sèngko ' ngala'aghi ka ollèna kroso ' bhãi , răng -bhärăngnga djărėja masè la abălia ."

Binèna WIRJO senneng mèrengngaghi otja na trètanna, mèlana sadjanè addhreng sè palèmana , sabab agher nolongana sè lake' alalakon . Djhoegha kabhoenga'annèpon èngghäneka pas élang sakalèng ada' , sareng WIRJO atotoran , djha' sabana ampon èsèwăʼaghi ka pabbrik dalem tello taon , sarengngan sèwăna ampon tada' , marè èdjăr-bădjárraghi ka tja-kantjana , menangka ghantèna pèssèna sè èpatoro ' ka abana , WIRJO pas ngotja' ka sè bine' : „Pon dhina na , sanaddjhăn sabá épasèwa ka pabbrik , ta' dhåddhi napè , anggher boelă ollè angghantè'è pèssèna tja-kantjana bhái atè pon senneng ."

Saèstona sè bine ' ghi ta' onèng , manabi pèssèna tja-kantjana tanoro ' èkello' apoj , mèlana sareng mèreng kabar bab ghäpaneka aba'na sanget tapadjadja èpon . Djoeghǎ sanarè sabána ampon èpasèwă ka pabbrik sareng lakèna, abă'na sabbhăr bisaos .

Dhineng pamangghina ISLA , WIRJO èangghep tadjhoedjhoer dhingèn, sabab sanaddjhăn aba'na ta' angghantèana pèssèna tja-kantjana sè èlang , ampon tanto sè andi ta' kèra menta bălina, krana èlangnga ta' klaban èma'a ; sarengngan polè sanarè nempoana sakalè, lerressa ètjetjel ghän sakone ' , sabab pasèra onèng èbingkèng arè abă na pola ma' pario ngangghoej obăng .

WIRJO ngotja' ka èparra : „Djha' sakenga boelă ta' mabali pèssè ghănèko , engghi ta' ape-napè , napè polè madjar njetjel sè ta' ollea . Nangèng , boelă pas ta' njaman neng -enneng mon ta' dhălă ă angghantè'è . Mon sanonto boelă pon senneng , sabab pon ta' andi' baberra ' ka orèng ; dhigghål maskè sabă boelă èpasèwá kabbhi ka pabbrik, ta' èkanapė ; parkara sè èkaèngona boelă ngolia bhãi. Namong neko ' panjo'on boelà mandhar èparèngana slamet , kowadha alalakon, mè' ollé lekkas bădă ghăntèna răng -bhárăng sè empon katonon."

Sè bine' sareng mèreng otja'na lakèna sapaneka pendha ollè radjă atè , ladjhoe ngotja' ka trètanna : „Ghi' WIRJO rèja ' halal parkara èlangnga bhárăngnga , sèngko ' pole . Sarrèna satėja la nare ' , seddheng djha ' mangkadhǎ mè' olle der mabhender èdissa . "

Saamponna marè neddha tor kerbhoejjá ampon marè èkaè ' , WIRJO saana ' -binėna pas palèman . Sabelloennèpon mangkat WIRJO loppå ngotja' : tje' pèrraggha ka èparra lake'-bine ' atas ta' kasaèannèpon , sè ampon soddhi ngampe trètanna sareng kanponakanna .

VII .

Kampong Băngkal mangghi katjalaka'an polè .

Katjatora WIRJO saana ' -binèna sè palèman, bădjă rop -sorop arè ampon nattol da' Băngkal. Sè binè ' èngghål toron dări djikarra , amargha tjè' agherră sè terro nèngalana tjompo'èpon sè anjar . Tjompo' èngghánèka saè , djhoegha manabi ètèmbhäng sareng sè dhingèn , tangè sè njapo'a . Pakakassa ghi' tada' , sarengngan ghi' ta' èkorap bhālāka. Edalem romana namong bădă lèntjagghă dădoewă ' sareng medjana sèttong . Dhinèng kas-pakakassa sè dhingèn , akadhia : pettè kadjoe, kennengngannėpon njèmpen obăng sareng bhǎrăng ghăliăn, rèng -pèrèng kembhangan , kèrtjangkèrra sareng si-băsi , sadhădjă ampon padă tada' èkello ' apoj . Sè binè ' pas todjoe ' è lèntjagghă . Sareng nèngalè tjompo'èpon sè kèngèng kotja ' tadă' èssèna sama sakalè , pas arassa tjè' mellassa , ladjhoe njaptjap aèng tèngal . Dhingèn è romana bădă lampoe ghantongnga sè tèra ' , samangkèn aghăntèan dhamar tjonglèt. Na' -ana'na èngghi sossa djhoegha nèngalè tjompo'na pas bănnèan băn sè dhingen. Na' -kana' èngghănèka ta' ngartè apanapa răng -bhărăngnga ma' pas aghäntèan sadhădjă . Randjang kadjoena , katèdoengannèpon na '-kana' ghella ' , samangkèn aghăntèan lèntjak dădoewă ' , sè namong alama ' tèker salambăr sareng abhăntal sèttong èbăng , mangka dhingènna toman tèdoeng è kasor . Bădă ana'na kasorang atanja ka emboe'na : „ Emboe ' , arapa bengko rèja ma' pas bănnèan băn ghỉ bilăn ?"

Emboe'na sè ghi' beng -rembeng aèng tèngal, njambhit :

„ O, tjong, bengkona sè bilan, sè bhaghoes arowa băn kaspakakassa kabbhi la tada ' , èkello ' apoj , sèngko ' so emma'na satėja talèbăt malaraddha ."

Na'-ana'na WIRJO tada ' sè ngartèa , panapa sè èkotja „malarat ", sabab rèng -orèng è kampong Bangkal molaè dhingèn mola tada' sè malaradhă , sadhadjă pada koptjokop . Saamponna marè adondjandon , na' -kana ' engghănèka pas padă tèdoeng è lèntjagghă èkellone emboe'na ; dhinèng WIRJO ghi neddhai kerbhoejjă è kandhăngnga . Sareng ampon marè , pas lebbhoe ka romana . Sa narè sè bine' ampon lèng-ngalèng sè nangès , tako' mè' èpangghi sè lake ' , djhoeghǎ WIRJO onèng , djhă' binèna sossa , nangèng neng-enneng bisaos . Sareng sè binè' nèngalè lakèna lebbhoe ka roma , pas djhāgha sarta ladjhoe ngala ' sobbhloeghăn dări taraktagghá , bhadhi atana'a , djhoeghǎ sareng sè lake' ta' èbăghi , otja'na: „Empon dhigghål djha' atana ' , boelă so dhika sanonto èsoro ngakan è bengkona SALÈ . Naddha djha' ko'assa'a , mè' ollè sambi ngèlangngaghi sossa ! "

Saamponna na'-ana'na ampon padă njèddha sadhădjă , WIRJO sareng binèna pas entar ka tjompo'na SALE . Sanattolla ampon mangghi teddha'an marè èsadjhi , mèlana pas terros padă nedchă apolong . Sareng ampon marè, sè binè' ladjhoe ngrèngkessè rèngpèrèngnga , dhinèng sè lake' ghi' asa-gessa sambi ko'-roko'an. SALÈ pas ngotja' ka WIRJO : „ Sèngko ' la atotoran dã' rèng -orèng sè la padă narèma bălina pèssèna , djha' pèssè sè èbádjárraghi djărėja, ollèna ba'na sè njèwăʼaghi sabăna ka pabbrik . Tja -kantja kabbhi padă nèser ka ba'na bhăreng ngèding bab djărėja. Sanjatana tja-kantja djărėja kabbhi sèttonga tadă ' sè andi'ă èngeddhăn , mènta'a bălina pèssèna dări bă'na, sabab la padă tao , djha bà'- na njandhăng kasossa'an keja. Ba'na djärēja tadjhoedjhoer dhalloe , Jo, sampè ' èlakonè ngoli dhăghă tello taon " .

WIRJO njambhit : „ Ella , ra, la djha' nga' -ngènga'è parkara djărėja polè ; noro ' ghoelina tang atè sèngko ' ta' ngennèng sè ta' bărija'ă . Tebbăssa satėja sèngko ' senneng , tjoma karè ngantos apa sè tèbhăʼă dă sèngko ' èboedi arè . Nangèng sèngko ' partjadjă dă băsèjaddhá mama ' , anggher ghi bădă tang kerrès bhai , sèngko ' ta' kènè' atè . Emboe'na, dhäbek djhă ' molèa , pon malem! Ella, Lè , jă , sèngko ' molèa , la malem ; kaso'on dări sèngko ' sè èri'-berri'i . "

SALÈ : „ Ijă, sèngko ' barija kèja . Pola bă'na la-kala mè' parlo pa-apa , la djha' ghoeng - tangghoeng dhoeli asoroan kanna' , sapa tao pola sèngko ' kabhenderrän ngennèng atatolong . "

WIRJO : „Endja' , sèngko ' la ta' sèkko polè , djha' mènta'a tolong pa-apa ka ba'na , sabab ba'na , bărinna' kėja tja-kantja laènna la engangghep rèng sorang . "

Saamponna marè apaamèdhan , WIRJO sareng binèna ladjhoe palèman ; sanattolla pas terros tèdoeng .

Kalagghoeǎnnèpon ghi' petteng WIRJO saana '-binèna ampon padă ngèding sadhadjă . Abă'na pas terros ka kandhangnga , neddhai kerbhoejjă, dhinèng sè binè ' ngodi'i apoj , atana'a ghăsegghăna lakèna sareng na'-ana'na . Ra-kèra pokol ennem , WIRJO sareng ana '-binèna ampon pada asarabhăn . Sanarè WIRJO ghi' ta' arassa lapar , djhoeghǎ sè neddha èpabădănè , sabab bhadhi alalakona è sabă kantos bheddhoek . Saamponna marè asarabhăn , WIRJO pas adjhălăn ka sabă , sè ampon ètodhoeaghi mandoer pabbrik , sambi nonton kerbhoejjă bhadhi anangghălă'ă . Rakèra pokol sapolo bădă towan sinder kasorang dateng , marèksa pangghăbăjännèpon WIRJO . Towan paneka saklangkong senneng , nèngalè saèna klakoannèpon WIRJO sarta pas èalem , mèlana abăʼna sè apangghăbáj sadjan bhădjheng . Bådjă bheddhoek binèna ngèrèm nasè' ka sabă asareng ana ' lake'na sè wa'-towa'an , ra kèra omor sapolo taon . Melana kana' ghăpanèka èbhakta , sopadjă laèn arèna , emboe'na ta' mambhoeǎ ngèrèm dhibi' , tjokop ana'na bisaos . Prappa'na neddha, WIRJO atotoran da' sè binè' , manabi èalem sareng towan sinder amarghă saèna kalakoannèpon , sarengngan abă'na kèngèng laot pokol empa ' , dhăddhi ghi' ollè alalakon è tjompo'na sakeddjha ' .

Sareng WIRJO marè neddha , sè binè ' sareng ana'na pas palèman , sabab tako ' sè andhingghălă ana'na sè laèn bit-abit, sanarè ampon marè èpatoro ' dã' tatangghăna . Pokol satengnga empa ' kalakoannèpon WIRJO ampon marè sarta ladjhoe palèman . Sanattolla. ka tjompo'na, sabelloenna alalakon laènna , abă na ghi' ngrabadhi kerbhoejjă dhingen, sabab kèbăn ghăpanèka sè alalakon è sabă satengnga matè , mèlana kodhoe èrabădhi bi ' saè. Saamponna marè neddhai sareng ngènomè kerbhoejjă , bhoeroe WIRJO pas alalakon laènnèpon , akadhiă : andhandhănè kas-pakkas tanèna sè ampon rosak, angghăngsè arè'na ana'na sareng salaènna . Bădjă rop -sorop arè bhoeroe amboe sè njambhoet ghābaj . Saamponna marè neddha , WIRJO pas tèdoeng ; sakèng lessoèpon sè apangghăbăj saarè bhentèng ambha ' patè patèdoengnga kadhi sè èbhăntèngngaghi . Sapanèka kalakoannèpon WIRJO è rè-saarèna . Djhoeghă sanarè abă'na sè alalakon abhantèng abă' , ropaèpon bhegghår bisaos, sabab opana tjokop èteddha sareng ana ' -binèna dalem rè -saarèna . Sapanèka djhoeghǎ der-sinder pabbrik saklangkong senneng nèngalè kabhădjhengngan sareng kasaèannèpon kalakoanna WIRJO , mèlana serrèng ngalem, andhäddhiăghi radjana atèna WIRJO .

Sabbhăn arè saplèmannèpon WIRJO dări kalakoanna bădjă pokol , sanattolla ka tjompo'na ladjhoe gher-mogher kadjoe, èbă'- empa ' sèbă' , èkabhadhi kadjoe tono . Djhoeghǎ kennengngannèpon ka'- bhoengka'an sè èpogher èngghănèka ladjhoe ètamenné beltana wă' -boewă'ăn , sopadjă sapaghi'na kèngèng kala ' asèlla ; ta ' antara abit è pamengkangnga ampon bănnja' beltana wa' -boewa'anna sè è-saè. Kadjhabhă dări èngghănèka WIRJO ambhadhi bhoenkebbhoenan nè' -kènè ' , ètamennè ngan-ghanganan , sareng ghaltongghållėpon . Sareng pakarangannèpon ampon ranta , pas molaè ambhadhi pakakassèpon tjompo'na, akadhia : korsè sareng mèdjă dări eppak , djhăngka' dări perrèng sareng erra ' ; saamponna pas ngorap tabingnga tjompo'na.

Katjatora bă-sabana pabbrik sè bhachi ètamennana tebbhoe ampon ranta sadhădjă , mèlana rèng -orèng lake'-bine ' pas molaè namen bibit èghika'ijă. Ta' antara abit bit-bibit èngghănèka ampon .

padi tomboe sadhádjá sarengngan padá loek-dhoeloek . Sareng towan sinder ngoladhi tomboena bhit bhibhit è sabă ghárábhanna WIRJO saklangkong saèna , pas ngotja' , djha dá-pada kebbhoen tebbhoe è bhábá pabbrik Soeko -Widi , kebbhoen ghárábhánna WIRJO Engghănèka sè palèng saè .

Sareng ampon osom nebbăng . WIRIO pas ngangko' tebbhoe ka pabbrik , sè djhãoena ra-kera pardjhálánan saeddjhám . Ontongnga aba'na ghadhoean djikar sareng kerbhoej , sè kèngèng èkasareng njarè kasappèpon . Lerres kerbhoejja ènggháněka kabilăng kowat , djhoegha djikarra ta' éboewa'i tebbhoe kantos sarat, sabab sè ghadhoean aromasa nèser da' boe-oboeannèpon ; doe manabi èbhandhing sareng boewädhännèpon kar-djikar laenna, djikarra WIRJO sè nja'-banhja'an boewadhannèpon . Sarrèna WIRJO ghi bhoeroe sakalèan mangkèn sè mowa ' tebbhoe ka pabbrik , melana sanget ghetton sareng mèreng , djha' djikarra , kerbhoejjá, boewadhanna , la-mala kantos ka rèng -orèngnga sakalė, bhadhi ètèmbhänga . Ta' abit kantjana ngotja' sapanèka ka WIRJO : „La mara, ba'na maso ' kaada ' , nangèng djha' pas terros, amboe èattas ghaladhak arowa ghalloe !"

WIRJO ladjhoe materros djikarra , mandhek è ghälädhak . Samangkèn aba'na onèng , djha' ghălădhak bhoeroe bannè ghaladhak bijása, djhoeghá saèstona tèmbhangan . Namong saparngèdhep abittèpon djikarra sareng saèssèna sadhádja ampon marè sè ètèmbhăng . Sambi matoron boewädhänna WIrJo apèkker sapaneka : „Bărămma sè ètemmoa djha' bărámpa berräddha tang boewádhăn arèja ? Parlona djikar saèssèna kabbhi sè ètèmbhăng , ijă terro taoa barrămpa berråddha tebbhoena ? Mon bărijă ta' bhái masa ètemmoa , sabab berra'na kerbhoej so djikar rėja settong băn sèttongnga la tanto ta' padă."

Saamponna marè ambhoengkar djikarra , WIRJO ladjhoe abali, èngghi lèbăt è ghaladhak sè ghella' pole . Sareng , nengalè djikarra ijă,mon barijă ètembhang , WIRJO pas apèkker sapanèka : „O , la tanto bhai sè èttemmo berräddha tebbhoena .

Sarrena WIRJO nètènè ghoe -ongghoe báb tèmbhángan ghella ' , melana pas ngartè ,manabi berråddha djikar sareng boewadhanna sè ekala ' (@tjengklong ) berråddha djikarra kotong ,karè berråddhă boewadhanna malolo , èngghi paneka tebbhoena .

Sareng djikarra ampon marè ètèmbhăng .WIRJO pas adjhälän terros . Toro ' djhălăn pèkkèrra sapanèka : „Bhaghoes ongghoe pakakas arowa . sè Molana towan andjăgă tèmbhăngan ghella ' pas tao bhai , djha ' berråddha tang boewadhan 20 pèkol , dhaddhi tjotjok moso tang pangèra ; mon bărijă sèngko ' ta' ètjo -kotjo . "

Sapanèka pangghăbăjánnėpon WIRJO ,salandjhangnga arè mowa ' tebbhoe ka pabbrik ,mèlana lakona kerbhoejjă sanget malarattèpon . Băda djhoegha kebbhoen tebbhoe sè nambhän ka pabbrik tor djhalánna lébát è djhalán dhisa sè rosak , njangsara manabi èlèbădhi djikar ; kerbhoej manabi lèbăt èghika'ijă, sè narèk djikar tjen-prettjennan , sabab sapèsan dari berră'èpon boewadhăn , doe kalèna amarghă rodăna djikarra assrèng tatjellet ka tjellot, kantos kettjem ghăn to'ot. Dhjoeghǎ sadhădjäna kerbhoej bhoenten ta' èpanarèk ros -terrosan bisaos , bădă kalana djhoeghǎ èpaamboe , èngghi panèka manabi nglerressè ngantos kar -djikar sè laèn , sè ghi ' ètèmbhăng ; sabab bănnja'na sadhădjă korang langkong sèket djikar. Sabădăna djikar ghella ' pas boe-amboe èadă'èpon pabbrik . Ghadhoeanna WIRJO èngghi sapanèka djhoeghăn . WIRJO ta' loppa sè neddhǎi kerbhoejjă tor sambi èènomè , sarengngan polè saandhina ètèngghă'i lala' ladjhoe èngala'aghi rantja' sè bădă dǎoenna , èkabhadhi ghă-agghă . Dă-padă padjikaran sè mowa' tebbhoe , WIRJO sè tèn-paratènan ka boe-oboeǎnnèpon ; èngghi djhoegha parkara panèka ta' angghettonnaghi , sarrèna WIRJO apangrasa djha' boe -oboeǎnna èngghănèka sè atatolong aba'na njarè kasap sè èteddhă sareng ana '-binèna . Djha' sakènga abăʼna ta' ghadhoeǎna kerbhoej , ampon tanto kaèlangan kasappèpon ; mèlana abă'na saklangkong kaprotangan da' boe-oboeǎnna èngghănèka. Rangrang WIRJO mokolan kerbhoejjă , panapa polè kerbhoejjä dhibi' èngghi ampon toro' otja' . Anèna kerbhoejjă ghapanèka , dhi-kadhia sè ngartè dă' kareppèpon lorana. Engghăn mèreng kasa'na lorana bisaos , kopèngnga pas tek-kotegghăn ; dhinèng manabi lorana aberri' tandha sakonè ' bisaos , opama noddjhoenè èpasangana pangonong , kerbhoejjă pas adhekkong , terros nondoe ' .

È nalèka sèttong arè băkto boe-amboe , WIRJO asa-gessa sareng tja -kantjana èadă'na pabbrik. Ta' abit pas bădă kantjana kasorang atotoran, manabi è dhisa Tjlorèng patana semmo nambhan dari ghika'ijă , bădă kerbhoej ètjapo ' panjakè' „ salèkarang " *) ; panjakè ' ghăpanèka sanget bhabhädjana .

WIRJO semmo takerdjhat mèreng totorra kantjana bhoeroe , ladjhoe atanja sapanèka : „Apa èdinna ' bădă kerbhoej dări dhisa Tjlorèng ?"

Kantjana njambhit : „Bănnja' , arowa ta' djikar dari dissa ." WIRJO ngotja' polè : „Wa, djărėja lalodjă. Sènga ' bi ' tè-ngatè bhải băn djăgă , djha kangsè kerbhoejjă bă'na ngakan rebbhä rè-karèna kerbhoej djărowa. Bă'na taoa , panjakèt djărėja talèbăt nolarè . Ontong sèngko ' andi' tambhana, pètodhoena mama ' ghi' odi'na ; nangèng tambha djrèja mon terro njokodhă , kerbhoej sè èkennèng panjakèt kodhoe ètambhãi ghi' sabhoeroenna . Saopama kerbhoejjă sèdă ètjapo ' panjakèt djărèja, li-dhoeli bhăi èntar ka bengko . La ' bărijăna mandhår èdjhãoeaghia bhai, ta' ijă ? "

Saamponna marè adon -djandon parkara panjakèt, ladjhoe teppa ' dã' ghilirănnèpon djikarra WIRJO sè ètèmbănga . Mèlana WIRJO bi' djıkarra pas adjhălăn ka ghaladhak tèmbhăngan . Sareng djikarra ampon marè èbhoengkar pas abăli polè da' kennengngannèpon orèng nebbăng , ngangko'a tebbhoe .

Bijăsaèpon WIRJO manabi palèman pokol empa ' lem-malem . Sanatolla ka tjompo'na, kerbhoejjă pas èrabădhi kadhi sabbhănnèpon , saamponna bhoeroe njambhoet lalakon laènna ; panda ' maskè è po'- tjompo' tada' neng -ennengnga .

Prappa'na WIRJO alalakon pas katamojan SALÈ asareng Tjèna kasorang anjama LI A SIE. Tjèna paneka dhăghăng soghi , tjompo'èpon è kotta. Dhingènnèpon WIRJO serrèng adjhoewălăn bhakona ka Tjèna bhoeroe .

SALÈ ngotja' ka WIRJO : „ Jo, Tjèna rèja mellé padi dã rèng -orèng la'dinna ' sarta ella dhaddhi arghă ; tjoma satėja karè angko'anna ka kotta ; sarrèna tja -kantja laènna satėja ghi' padă rèpot angghărăp sabăna , ba'na apa ta' kobher djha' ngangko'- aghiă ? "

LI A SIE ladjhoe njambhoengè sapanèka : „ Sokkor dhika ghellem bhăi , embădjără lebbi dări pabrik ."

WIRJO pas mèkkèr : „Masè njaman, sabab pabbrik satėja ta' kakorangan djikar ; dhăddhi mon ghoen sèngko ' bhải sè ta' ngangko ' tebbhoe , ngara ta' kèra dhaddhi katèttèranna lako. Laèn dări djărėja , sarrèna satėja bădă panjakèddhǎ èbin , mon tang kerbhoej èdălem sapolo arè ta' ma '-semma ' da' kerbhoej laènna, tanto ta' kobătèr ètolarè panjakèt.”"

Saamponna marè apèkkèr sapanèka , WIRJO pas njambhit : ,,Engghi , ba, kaoelă poron , djhoeghăn manabi sampèjan dhămmang , kaoelă ngabidhăna lagghoe ' ghi' agghoe sakalè .”

LI A SIE Sakalangkong bhoenga , amarghǎ sè mangghi orèng sè ngangko'a padina . Saamponna marè nodhoeaghi kennengngannèpon padina sè bhadhi èangko'a , LI A SIE pas palèman mompa ' dokarra .

Sareng WIRJO ampon amboe sè akon -lakon, pas entar adondjandon ka tatangghăna , todjoe ' kong -nèngkong è pènghir djhălăn . Dhinèng sè èkadjandon èngghi bab panjakèddhǎ èbin èngghărowa . Sareng ampon ra-kèra ollè satengnga eddjhăm abittèpon sè asa -gessa , sadhă palèmana , WIRJO pas ngotja' ka tja-kantjana : „Pola mè ' kerbhoejjă sèdă sakè ' , dhăddhiă sakè ' apa , sèdă la djhă' pasengka polè èntar ka sèngko ' . Anggher ta' sampè ' kasèp bhăi , insja Alla sèngko ' tao nambhăi ."

Saamponna marè aberri' nasèhat sapanèka , WIRJO pas palèman . Na '-ana'na ampon èpangghi tèdoeng sadhădjă , namong karè sè binè ' ghi ' tos -antosan dătengnga lakèna . Sareng WIRJO ampon dateng , ladjhoe neddha lakè'-binè ' .

Saamponna marè neddha , WIRJO ladjhoe abălă ka sè binè' băb sè ngangko'a padina LI A SIE otja'na : „Boelă ngabidhi lagghoena bhăngo ' ta' alakoa ka pabbrik dhålloe , krana ghella ' lem-malem boelă ngèding berta, djha' bădă kerbhoej gherring, dhăddhi mon kerbhoej boelă èpakompol so kerbhoej ghănèko pon tanto sè èallè'è . Napè polè boelă pon adjhăndjhi ka băbă LI A SIE , bhakal ngangko'aghiă padina ka koţţa sarta ombhällă aradjă'ăn so dări pabbrik ."

Saamponna marè adon -djandon WIRJO sareng binèna ladjhoe padă tèdoeng . Kèra doe eddjăm WIRJO Sè tèdoeng , pas takerdjhat, amargha arassa mèreng kasa'na kerbhoejjă, ta' peggha ' sè njèmonjèan. Pangrasana dhi -kadhiă sè amèmpè , djhoeghǎ saamponna marè tjek-kotjegghăn tèngalla, ladjhoe djhăghă sarengngan pas terrang, djha' monjè èngghănèka monjèna kerbhoejjă. Pèkkèrra sapanèka : „ Monjena apa bha'nèngan arowa. Bäddhinna tang kerbhoej èkennènga panjakèt ?" Ta' talangkè polè abă'na pas alontja' dări katèdoengannèpon , terros kalowar , djhoedjhoek da kandhangnga kerbhoejjă . Sanattolla ka kandhăng , kerbhoejjă pas èlos -ellos ; kerbhoejjă atolè ka lorana, pas amonje , monjèna dhikadhia sẻ bădă èkasakè' . WIRJO sanget kobătèrra, atèna dekgådegghán kantos ta' teppa ' mandjheng , tako ' kerbhoejjă mè' matè . E malem ghapanèka kalerressan tjellep, WIRJO ngetter amarghǎ katjellebbhen. Sambi po'-ngopo ' kerbhoejjă, apèkkèr sapanèka : „Ngara tang kerbhoej la ètjapo ' panjakèt salèkarang arowa . Nalèka apolong so kerbhoej sè bănnja' ghellă ' èadă'ņa pabbrik, ngara kerbhoej rèja ngennèng ngakan rebbhă rè-karèna pakanna kerbhoej sè la gherring. Djha' rèja' rebbhăna ta' lowang bhär sakalè . Băddhinna sèngko ' la tjlaka'a polè ? Marèna bărămma ? Mon lakar kerbhoej arèja èkennèng panjakèt, la tanto laènna, è kampong la'dinna' bhakal katolarana kabbhi . Ngara katjalaka'an arèja katoro'anna tang okoman , sè ngèbă tang kerrès akolemman ka Ghălăghă arowa. O, Alla, mandhär èngghălă èlang kasossa'an bhadhăn-kaoelă, tor moghǎ èngghălă aghăntè kabhoenga'an , Ghoestè ! Sala tjompo' bhadhăn -kaoelă kantos saèssèna sadhădjă ampon katonon, panèka ' aboe-èmboe kerbhoej ampon kèngèng panjakèt . Mandhår èngghălă èparèngè bărăs ja Alla ! "

Teppa'na modjhi sapanèka , WIRJO ngosap aèng tèngalla , sè ghägghår ta ' èkarassa . Ta' abit sè binè ' njosol ambhakta dhamar . WIRJO sareng njoloè djhilăna kerbhoejjă, njata djha' kerbhoejjă lerres kèngèng panjakèt. Abă'na pas ngotja' ka sè binè ' : „ Naddhă dhoeli ghăbăjjaghi djhămo . Napè, praghina pon bădă , tjoma karè andhellănna bhai. Lambă mama ' segghoet andjhămoè kerbhoejjă sè sakè ' bi' djhămo ghănèko , robăna djhoedhoe bhai .”

Sè binè' pas ngodi'i apoj , sè lakè' ngaratjèk djhámo . Sareng ampon marè ladjhoe èandhel èbăddhǎi tjètè. Sarrèna apojja radjă, sakeddjhă ' bisaos djhămona ampon ngalkal, băoena njareggha ' dhăddhi sadăpor ; saamponna ladjhoe èsèlèn ka pennaj , èpatjellep . E malem ghăpanèka djhoeghă kerbhoejjă ladjhoe ètjonțangè djhămo kantos tello kalė . Saamponna marè èdjhamoè , WIRJO pas ghoekmagghoek èseddhi'na , sambi kèr-pèkkèran , bha' kadhi panapa kadhäddhiánnèpon , manabi kerbhoejjă pas matè .

Samalem bhentèng WIRJO sareng sè binè ' ta' njèddha tèdoeng , noghoei kerbhoejjă è kandhangnga , sabab nèser sè èdhigghållaghia . Ketteggha atèna sapanèka : „ Mon tang kerbhoej matè , makamma so sèngko ' èkembhängana sarta èobbhǎrăna mènnjan. Nangèng endja ' , mandhar èparèngana slamet landjhănga omor kanan . Sè ella kadjhălănan lamba' ghi' bădăna mama ' , anggher ta' kasèp bhǎi , tambha rèja tadă bălina. Băn polè , mandhar kerrès rowa bhai ambherkadhana , taoa nolak kabhălăi arèja , bărămma sè ella kalakon ."

Saamponna marè kèr-pèkkèran sapančka , ladjhoe njonţangè djhămo kerbhoejjă polè . Ta ' antara abit dheng seddhengnganna arè ampon njomar, djhoeghan sarrèna kalerressan ondem , arèna ta' katèngal, alam rodep kadhi atèna WIRJO. Ghatatangghana ampon ngèra , djha' WIRJO tanto mangghi kasossa'an , amarghă sabbhannèpon , manabi ngèding ghi lagghoe , pas terros apangghăbăj è tjompo'na . Mangka è bakto ghapanèka è tjompo'na saklangkong seppè , WIRJO èpangghi bădă è kandhăngnga kerbhoejjă sambi doe'-nondoe ' , dhi-kadhia sè sanget sossana . Pèk kèrra tatangghăna sapanèka : „ Arapa bha'nèngan WIRJO arowa ? Apa sakè ' amargha sè alalakon mlarat, ma ' kongsè tatèdoeng èdissa ? Koddhi èdjhăghăʼana on-laonan : „ WIRJO, JO ! " WIRJO ladjhoe andjhengngat terros njandher ka tatangghăna , sè djhengmandjheng è paghărră. Tatangghăna ngotja' : „ Tja' sèngko ' sèdă , nangèng tang kerbhoej mè' sakè ' , JO . " WIRJO njambhit : „Endja ' satėja sakè ' .”

Tatangghăna : „Apa , kerbhoejjă sèdă, sakè ' ? "

Ijă, bări' lem-malem sèngko ' ghoe ta' adon -djandon WIRJO : „ parkara panjakèddhǎ èbin sè allèan arowa. Lă, malemma mè ' dhăddhi tang kerbhoej pas ètjapo ' panjakèt djrėja . Ijă, dhoelat sèngko ' dhoeli ngèding sarta pas dhoeli entambhăi . Satėja la bădă pèndhă'na ."

Ghă-tatangghăna sè padă mèreng báb èngghănèka , padă nèser da'ka WIRJO . Saamponna marè adon -djandon , rèng -orèng bhoeroe ladjhoe adjhălăn ka sabăna . Sabannè , sè ghi' bhoeroe mèreng kabhär, sabelloenna èntar ka sabăna , njanda' WIRJO dhingèn . È arè ghăpanèka ampon tanto WIRJO ta' ngennèng èntar alalakon . Djhă ' alalakona dhibi' èngghi kèngèng , nangèng ta' tèghă sè andhingghălă kerbhoejjă.

È bădjă lem-malem LI A SIE pas dateng ka tjompo'na WIRJO , bhadhi nangrosa marghăna WIRJO sè ta' neptebbhi djhăndjhina . Dhinèng WIRJO sareng nèngalè LI A SIE dateng , ladjhoe ngotja ' ka sè binè' , sopadjă atoghoeǎ kerbhoejjă è kandhangnga , sabab abăʼna mangghianna tamojja. Ta' abit WIRJO pas maso ' ka ampèrra , ampon mangghi Li A SIE lang-nèlang kerrès sangkolanna , sè èpakaè ' è tabingnga bengkona . LIE A SIE ladjhoe atanja ka WIRJO sambi semmo seddhi : „ Bărămma dhika ma' ghi' ta' ngangko ' padi kèja ?"

WIRJO njambhit sambi mandheng ka kerrèssa : „ Djha' dhăddhi ghălina saos , ba, mèlana kaoelă mangkèn ta' ngangko ' kaghoenganna padi, sabab kerbhoej kaoelă ampon molaè malemma gherring. Antos bisaos sabătara arè agghi' , ba.!"

Baba : „Ngantosa sabătara arè agghi' ? Njaman ghănèko . Anapè dhika mè' ta' ngoboe kerbhoej doe pasang ? "

WIRJO : "Kaoelă ta' kowat sè mellèa . Kaoela ta' ghadhoeăn obăng."

Baba : „ Ta' andi' pèssè ? Anapè ma' ta' kerrèssa anèko bhái djhoewal ? Doe ghăbăjă napè dhika ngoboe kerrès nèko , sapèsan bănnè angghoejjă dhika, kapèng doewa'na kerrès nèko ta' pantes bădă èko'into, patoddha èkaandi' orèng soghi . Pon naddha èbelliă boelă bhai , èbăghiă brămpa ? "

WIRJO : „Ba, kerrès panèka sangkolanna mama ' kavelă , kaoelă sama sakalè ta' ghadhoeǎn èngeddhăn maondhoeră kerrès panèka . Sapèsan sangkolan , doe kalèna manabi kaoelá maondhoer kerrès panèka sasat matè'è abă' dhibi ' , ana'-binè sareng èssèna dhisa Băngkal sadhadjā ."

LIA SIE : „ Djha' boela'a , bhăngo'an èdjhoewălă bhải , sabab kerrès něko tjatjat , tandhana : kabidhăn bengkona dhika katonon, sanonto nèko ' kerbhoejjă gherring. Pon maddha bi' boelă èkala'a saratos ropėja , sakèng boelă pon karè lèboer . "

WIRJO : „Sanarè bădă'ă nabár sèboe ropèja saķalè , sareng kaoelă ta' kèra èdjhoewal."

LI A SIE : „Empon, na, djha' da'into, marèna mon kerbhoejjă ghănèko matè , pas napè sè èkabellia polè . Naddha bi' boelă èkala'a 150 ropèja ; èbăghi napè enten . Kèra boelă orèng laèn ta' kèra bădă băngal nabar saghănèko ."

WIRJO ladjhoe seddhi amarghǎ sè èpaksa èsoro andjhoewăl kerrèssa , sambhiddhă : „ Panda' , ba, sanarè kaoelă sareng ana '-binè kaoelă matèa salang lompo sakalè, kaoelă ta' kèra andjhoewal kerrès panèka."

LI A SIE : „ Mon, bărinto engghi empon , nangèng dhika sènga ' mè' kasta kaboedi . Tja'na pangrasa boelă , boelă pon seddheng larangnga sè nabár kerrèssa ghănèko , doe dhika ghi' matetteng ta' maghi bhai . Băn polè boelă èntar ko'anto neko enten ta' parlo dă' kerrèssa ghănèko bhai , boelă agher padi sè dhoeliă napa ' ka kotta ; marèna bilă dhika sè mola'ana ngangko ' ? "

WIRJO : „ Manabi kerbhoej kaoelă ampon saè sadhădjă . ”

LIA SIE : „ Marèna bilă ra-kèra kerbhoejjă sè bărăsă ? ”

WIRJO : „ Ta ' onèng , ba ; doe kèra kaoelă masè ta' abidhă polè . Nara sapanèka bisaos : samangkèn arè Sennen , ta' engghi ?

Ampon , pa'bhellas arè agghi' saos kaoelă mola'ana ngangko ' kaghoenganna padi."

LI A SIE : „ Napè, pa'bhellas arè agghi ' ? Marèna bărămma , sabab kapal sè mowa'a padi ghănèko pon karè samènggoe sè dătengnga . "

, korang WIRJO : „ Parkara ghăpanèka kaoelă ta' onèng . Panda' dări pa'bhellas arè , kaoelă ta' kèngèng ngangko ' , sabab kerbhoej tjè' saèna ongghoe , bi' kaoelă ta' èpalakoa kaoelă manabi ta' ră'-berră' ."

Sarrèna LI A SIE ra-kèra bhakal ta' mangghia djikar laèn polè kadjhabha djikarra WIRJO , dhäddhi parmènta'anna WIRJO pas ètorodhi. Saamponna marè apardjhandjhiăn, LI A SIE pas palèman nompa' dokar. Toro ' djhălăn pèkkèrra sapanèka : „Endja'na WIRJO arowa mè' djă-partjadjă ghalloe ' , djha' kerrèssa djărèja sè tao masalamet abă'na . Nangèng orèng Djhăbă la sasat kabbhi sè partjadjă ka kerrès , lebbi-lebbi mon kerrès djărèja sangkolan . Tja ' sèngko ' mè' èkennènga belli dă -modă . Marèna sanaddjhăn sèboe ropėja tja'na ta' èdjhoewălă . Nangèng elloe ' so sèngko ' èakalana laèn , sabab sèngko ' tjè' terrona sè ngaandi'ǎ kerrès djărèja. "

Sareng LI A SIE ampon palèman , WIRJO ladjhoe abali ka kandhangnga polè , andjhămoè kerbhoejjă. Abă'na sareng nèngalè kerbhoejjă poron neddha nè' -sakonè ' , saklangkong pèragghå , kantos abă'na dhibi' noro ' arassa lapar sakalè , sabab kabit mèreng kerbhoejjă gherring, ta' èlebbhoenè pa-ponapa sakalè , mala aroko ' saos èngghi bhoenten . Melana saamponna marè neddha , ladjhoe aroko ' bhoel -sebbhoelăn . Bădjă lem-malem kerbhoejjă ampon kèngèng njamaè saè , sè ghadhoeǎn lake'-bine ' sanget bhoengana sarengngan pas asokkor ka Ghoestè Alla. Ropaèpon djhămo (tambha) dhadhingghălăn mama'na mandhi ongghoe .

Katjatora è badjă malemma WIRJO njeddha sè tèdoeng , djhoeghă djă-ta' bádja djhagha, parlo andjhămoè kerbhoejjă. Kalagghoeǎnnèpon ghi' petteng WIRJO ampon ngèding , ladjhoe terros ka tegghål , njarè oen-dãoenan sè èkabhadhiă ratjèghănnèpon djhamona kerbhoejjä , sabab tjadhanganna ampon tada ' ; dhinèng sè noghoei kerbhoejjă sè binè .

Pokol sabellas WIRJO ampon dateng , ollèna oen -dãoenan sagharoendjhoe . Sanattolla ka tjompo'na ladjhoe èdjhemmor . Kerbhoejjä ètèngalè ampon sadjăn saè. Sareng tja-kantjana è bădjă lem-malem palèman dari sabăna , sadhădjă pas padă njepper ka tjompo'na WIRJO , terro onènga , kadhi panapa kabădăʼannèpon kerbhoejjă sè gherring. Sareng onèng , djha' kerboejjă ampon saè sadhädja , paplèmanna ladjhoe padă arasanan , djha' tambhana WIRJO èngghineka sanget mandnina .

Ella' sabatara arè kerbhoejjă ampon këngëng èdhingghål alalakon . Sanarè aba'na ta' bannja' oilèna opa , èngghi ta' apanapa , anggher kerbhoejjá saos saè , sabab opana ghăpanèka tjokop èteddha saana'- binèna. E nalèka sèttong arè bădjă ghoelagghoe , kalana aba'na alakoa ka kebbhoen tebbhoe , ladjhoe èolok kantjana kasorang : , ra, sakeddjha' , tang kerbhoej rèja' laghoena „ WIRJO , JO, kanna' nè-bănnèan so kerbhoej laènna, bha ' arapa ongghoe ?"

WIRJO takerdjhat, sabab tja'na pèkkèrra , mon ètjapo ' panjakèt, tanto sakèng kaallèan dari kerbhoejjă dhibi' . WIRJO pas èntar nèngalè kerbhoejjä kantjana bhoeroe , sarta atanja : „La kabit bilă sè kanţa rèja ? "

Kantjana njambhit : „La molaè ghi' kadoemalemmanna rowa sè ta' enda ' ngakan, tja' sèngko ' mè' ta' apa-rapa ."

WIRJO : „Panjakèddha kerbhoejjă arèja semmo sara ; dhoelat pas dhoeli ètemmo . Dhalloe ' antos sakeddjha ' , sèngko ' ghi ' ngala'a tambhă."

È arè ghăpanèka WIRJO ta' tolos sè alakoa ka kebbhoen tebbhoe , sabab sareng nèngalè dhăng -kandhăng laènna, njata djhă' bănnja' kerbhoej gherring. Mèlana ladjhoe asoro aghăbăj tambhǎ sè abăk bădăn ka binèna, sabab panjakèt èngghanèka asalla dări kerbhoejjă dhibi' . Kalagghoeǎnnèpon bhoej -kerbhoej è kampong Băngkal ampon sasat padă gherring sadhădjă , kantos rèng -orèng sè ghadhoeǎn padă kobătèr. Manabi kerbhoej sè gherring ghapanèka pas padă matè sadhădjă , ampon tanto sè ghadhoeǎn sossa radjă, amargha èngghi ghapanèka kantjana alako è sabă , njarè kasap , èteddha sareng ana'-binèna. Lantaran ghăpanèka WIRJO samangkèn saklangkong rèpot kantos ta' sempat alako da' kebbhoen tebbhoe , mala djhăndjhina da' LI A SIE ènggharowa kantos sèsèp sakalè . Sè atatolong ka tja-kantjana klabăn ongghoe atè , ta' ngètong lessona bhadhănna , sabab aba'na jakèn , djha' kerbhoejjă tja-kantjana sè gherring èngghănèka amargha katolaran kerbhoejjă dhibi' . Rè-saarèna tjokbana sè andjhămoè kerbhoejjă tja-kantjana . WIRJO sasat tada ' Sanarè bănnja'èpon kerbhoej sè gherring langkong dări sabidhăk, djhoeghǎ sèttong tada ' sè ta' mèloa tambhă . Bhoenten ta' sadhădjăna kerbhoej sè ollè tambhă dări WIRJO pas padă saè, sè matè djhoeghă bădă , èngghi panèka kerbhoejjä kantjana kadoewă, amarghǎ kasèp ta' dhoeli ètambha aghi . Dhinèng sè ta' matè , dălem pa'bhellas arè bisaos ampon bănnja' ollèna . Kabit dări nalèka ghăpanèka tambhana WIRJO sadjan atambă kalonta kamandhiănnèpon . Ampon tanto bisaos rèng -orèng sè padă ghădhoeǎn kerbhoej sè ampon saè, sanget kaprotangannèpon da' WIRJO .

Kaotja'a kerbhoej è dhisa laèn, sè padă ètjapo ' ghagherring , sè matè aloesénan . Sareng WIRJO ampon bădă lagghăngnga sè ngaladhinè bhoej -kerbhoejjă tja -kantjäna sè gherring , bhoeroe molaè ngangko ' padina Li A SIE. Ta' antara abit padina LI A SIE èngghănèka ampon marè èangko ' sadhădjă . Saamponnèpon WIRJO ladjhoe ngabidhi alako ka pabbrik polè . Ebă sapanèka manabi LI A SIE mellè pa-ponapa è kampong Băngkal sè parlo èangko ' sareng djikar , WIRJO djhoeghăn sè mowa' ka kotța, sabab Li A SIE èngghănèka ampon alangghănan , sarengngan polè băngal madjăr larang .

Katjatora è kampong Băngkal samangkèn ampon para' osom anjè polè . Djhoegha è băkto ghapanèka sasat tada ' mella'na arè . Sèjang arè malem odjhän bisaos , tadă amboena , kantos bännja' padi sareng bhako sè padă rosak, andhäddhiaghi sossana sareng pakèboena rèng -orèng sè ghadhoeăn . Sabab : padina èantossaghiă ka tada'na odjhăn tako' amè ' bănnja ' sè rosak, èanjèa , padina ghi' belloen konèng kontjo ' kanan. Abă-tambă soksok è kangan katjèrra bă-sabana , manabi kalerressan odjhăn , aèngnga kantos ngampak , ngellebbhi padi sareng bhako . Kabădăʼăn è nalèka èngghănèka bhidha sanget , manabi ètèmbhăng sareng è taon sè tapongkor .

È nalèka sèttong arè bădjă ghoelagghoe lèr-kèlèran orèng lakè', bine' sareng na' -kana' sambi djhoeng -kèdjhoengan , padă èntar ka sabă , anjèa . E bakto ghăpanèka odjhănna ta' kadhik terrang, kantos bhako sareng padi padă rondoe sadhădjă . Mèlana rèngorèng sè ghadhoeǎn sabă padă ngèra , djha' ta' bănnja'a ollèna apaanjè.

, ondem molaè sèrdăng , di-padi è sabă Sareng arè molaè tèra' saparo sè tèrep ; manabi tamennan bhako robbhoe sadhădjă . Tja'èpon orèng wa-towana dhisa Băngkal saeddjhegghă ghi' ta' onèng osom anjè kadhi è băkto ghăpanèka apessa . Mangkèn padi ollèna anjè djha' engghăn èdjhoewal , tjokop èteddha sataon bisaos ampon ontong . Panapa polè bhako . Ontongnga rèng -orèng Băngkal bădă sè ghỉ naro pèssè , èngghi panèka ollèna adjhoewal padi ghi nalèka taon sè tapongkor. Djhoeghǎ sè loemra, manabi ta' osom anjè, ta' ghadhoeǎn obăng . Parkara paneka ampon adhattèpon orèng Djhăbă sè kabănnja'an . Saèstona orèng Bhoemè panèka ta' patè ghadhoeăn èman sareng ta' patè prèmpen , ta' patè ghellem kèr-pèkkèran landjhăng. Dalem bab parkara paneka ampon dhikadhia na' -kana ' kènè ' . É bäktona mangghi kaontongan sareng kasennengngan , pas ta' mèkkèr ka arè boedina . Sènga ' manabi pas mangghi kasossa'an , pas posang sè rè-sarèan . Sapanèka djhoeghă băbăteggha rèng -orèng è dhisa Băngkal sè kabannja'an.

WIRJO ngotja' ka binèna : „ Bărămma , lè' , mon empon mara neko kabădă'anna ? Dhoelat boelă dhoeli angghantè'è pèssèna tja-kantja gharowa , djha' anoa bărămma ? Èbă sabărinto sè andı' pèssè karebbha ta' endă'ă narèma bălina pèssèna , sabab tja'na pangrasana abă'na empon soghi . Sanonto rèng -orèng ko ' ijă kabbhi padă njandhăng sangsara , sabab osom anjè sanonto langngè ' so bhoemè mon èbhandhinga so sè pon-empon . Djha' sakènga boelă sampè ' sanonto ghi' ta' angghăntè'è pèssèna tja-kantja gharowa , sèra tao , pola sè andi' mè' pas ango'ngo'an sarta boelă pas èkotja' orèng djhoeba ' , sabab sanonto padă nemmo kasossa'an kabbhi . Èbă sabărinto boelă sanonto maskè ta' èpokol , djherră'ă ongghoe ngèbă'ăn kerrès anèko , sanaddjän ko'amma'a ; panda ' kerrès nèko èpadhăddhiă patoghoena bengko bhǎi , sabab boelă ènga' ka băsèjaddhă mama ' , bărinto : „ Mon kerrès djärėja èsabă' è bengko bhai , tjong , artèna ta' èkèbăi da' ma-kamma, tanto bengkona so dhisa dinna' terros ka èssèna kabbhi bhakal kaparèngana kaontongan băn kaslameddhăn .” Rassa boelă kampong ko'ijă masè sampè'a doe taon sè kakorangan, nangèng perkara ghănèko dhika ta' osa sa-sossa , anggher rèng -orèng koijă bhădjheng alalakon tor prèmpen bhăi, kèra boelă masè ta' èkarassa'a , nangèng mon tada ' tjatjobhan anjar dateng polè . Dhika ta' engghi pon tao dhibi ' , napè marghăna boelă so dhika ma' sampè ' mara nèko bădăna . Djhoeghă pon dhigghål, naddhă padă pasabbhar bhăi. Bhali dhika pabhănter panjo'onna ka Ghoestè Alla, malar mandhär kanèspa'an so kamlaradhanna boelă so dhika dălem tello taon neko dhoelia èparèngana ghăntè kamoldjă'ăn băn kasennengngan , sabab dhika pon tao dhibi' , djha' Ghoestè Alla něko ta' aotang parnjo'onanna omaddha , nangèng bărintoa, lè' , naddhă sambi èchtèjarè apangghăbăj , sopadjă panjoʼonna ghănèko èkabbhoelana , djha' pas neng -enneng bărinto bhai . "

VIII.

Akal djhoeba ' .

Kaotja'a WIRJO sè njarè èngonna ana'-binèna rè -saarè sasat ta' man-plèman è sabă . Rèng -orèng sè padă nèngalè , tanto ghadhoeăn atè nèser , sabab abă'na dhingèn kabilăng soghi tor èormadhi orèng , samangkèn ladjhoe ngoli saarè bhentèng , sè alalakon ambhăntèng aba' .

Ghi' taon sè tapongkor, sarrèna tja-kantjana padă adjhoeloe padi nè' sakonè ' èbăng , dhǎddhi WIRJO Ollè long -molong pèssè , èngghi panèka karèna sè èteddhă dălem rè -saarèna , mèlana sè binè ' ollè tè -ngotè pakakas tjompo' , akadhiă : lampoe ghantong , kasor pès - tèpès sareng ènlaènnèpon .

Djhoeghǎ è taon mangkèn sabăna ta' klowar hasèllèpon . Arghăna padi sareng bherrăs larang ; bherrăs sè djhoebă ' kantos ennem otabă pèttong ropèja sapèkolla. Tja-kantjana WIRJO è Băngkal kantos dã' Ghălăghă tadă sè kobăsa'a njombhăng bherrăs otabă padi ka WIRJO polè , krana padă kakorangan dhibi ' ; sè èteddha'ă dălem sataon ghi' ta' tanto djhă' mangghi . Bălăndjhăna WIRJO è rè -saarèna sadjǎn atambă , mèlana mangkèn ta' kowat mellè angghoejjă ana'èpon sareng răng -bhăráng kaparloan è tjom po'na bhlaka . Djhoegha bab panèka sareng WIRJO lakè'-binè' ampon ta' èkasossa sama sakalè, tjoma modjhi èbingkèng arè bisaos mandhăr pangorèbhănnèpon èparèngana tjokop. Podjhina panèka èbingkèng èngghi kabbhoel, djhoegha sabelloenna aba'na mangghi kaontongan sareng kasennengngan , ghi ' èghåndjhăr kasossa'an dhingèn .

Ra -kèra ella ' tello boelăn dări osom anjè , WIRJO sareng towan pabbrik èpalako è kebbhoen tebbhoe èseddhi'na eppos (ebbra ') Katapan , lerres è ghir sèrèng . Kennengngan bhoeroe nambhănna dări tjompo'na ra-kèra pardjhălănan saeddjhăm , mèlana sabbhăn lagghoe , manabi mangkadhă dă' klakoannèpon , WIRJO ambhakta sango nasè ' . Kabidhăn WIRJO sè anangghălă è kebbhoen tebbhoe ghella ' asareng orèng doe polo , sabab sabă èghika'ijă lèbărră langkong 40 bhǎoe . E rè-saarèna rèng -orèng sè anangghălă korang ghăn kadoewå katello. WIRJO hèran, mèlana ladjhoe atanja ponapa sababbhă . Kantjana atotoran , djhă' rèng -orèng sè amboe anangghală , amarghǎ sakè ' panas tjellep . WIRJO sareng mèreng otja'na kantjana , pas ngèra , djhă' kennengngan èghika'ijă tanto ta' saè hăwăèpon , mèlana pas găt -egghådhen , sabab kobătèr tako ' amè ' anglo djhoeghǎ . WIRJO sanget terrona sè ngallèa dări ghika'ijă , sabab kabit alako èghika'ijă manabi malem serrèng lo-njelloan tjètak .

E nalèka sèttong arè sapalèmanna dări kalakoannèpon, WIRJO arassa ta' njaman abá' . Karebbha aba'na ta' tja' -ngotja'a ka sè binè ' , djhoeghă binèna onèng , djha' lakèna ta' dhammang , sabab rangrang djandonna tor tèngalla abak tjelkong , mangka ghi' ri'- bări'na ta' sapanèka .

Sè binè ' semmo sossa , ladjhoe atanja : „Dhika napè ta' dhămmang, engghi , Jo ? "

WIRJO takerdjhăt mèreng patanjana binèna , amargha aba'na terro ngalènga ; djhoegha pas njambhit : „ Engghi , tjèțak boelă njello , ngara polana ghella ' alalakon è panassa . Nangèng enten ta' apè-napè ; kèdi' èghibă tèdoeng bhai, insja Allah èlang . ”

WIRIO ampon ta' njaman èber sarengngan tako' sè njeddhinga aèng . E malem ghápanèka abă'na ghi ' bhari ' ampon mapan tèdoeng , mèmpèna ta' ro -karoan . Kalagghoeǎnnèpon sadjhăghăna tèdoeng , abă'na ghi' arassa gheddhoer , djhoeghǎ èpaksa bisaos èntar anangghălă ka Katapan , sopprèna sopadjă porona kalowar pello sabab tja'na pèkkèrra, manabi ampon mello, tanto pas dhammang .

Sanattolla da' Katapan WIRJO mèreng kabhär, djha' kantjana kadoewă, sè anangghală ghi' mènggoe sè ampon , malemma matè, lantaran anglo panas tjellep . WIRJO ladjhoe apèkkèr : „ La bhender ongghoe totorra orèng , djha' kennengngan dinna' rèja ta' bettjè' hăwăna. Djha' rèja ' , orèng răs -bărăs ghi ' ta' tahan alako , djha' la sèngko ' polè kowadhă. Nangèng dhina, arè tèja èdinna ' èdjă' -kadjă'ǎ bhãi. Lagghoe ' sèngko ' njo'ona ngallè ka kenneng ngan laèn bhai . Eh, sèngko ' mandhar ta' gherringa bhăi, marèna mon sèngko ' matè , pas sapa sè njarèaghia èngonna sang ana ' -binè . "

Pokol sapolo towan sinder dateng , marèksa pangghăbăjännèpon WIRJO . WIRJO ladjhoe èntar, sabab bădă sè èatorraghiă . Towan sinder sareng nèngalè WIRJO , pas atanja : „Bădă apa , WIRJO ? "

WIRJO ngotja' : „ Mogha ta' dhăddhia dhoekana pandjhennengngan, towan, manabi sareng pandjhennengngan èèdhinè , molaè lagghoeèpon kaoelă ta' anangghälä'ä èka'into polè , sabab kaoelă mangkèn sake' panas tjellep . Dhinèng manabi ghi' èpaksa alako èka'dinto , ta' bhoenten polè panjakèt kaoelă sè atambă sanget ; pasèra onèng , manabi andhäddhiăghi taladjana, pas pasèra sè mèjara'a ana' -binè kaoelă, towan ."

Towan sinder : „ Bă'na noro ' sakè ' sakalè, Jo ! sèngko ' ta ' ngèra sama sakalè , sabab bhadhänna seddheng bärässă . Mon bărijă Katapan rèja lakar ta' bettjè' ongghoe hăwăna. Ghi' pa'bhellas arèanna sè alako èdinna ' doe polo orèng , mangka sè bărăs satėja tjoma karè kaennem. Mon dă'ijă tana rèja sakalè boedina la ta' ètamennana polè ."

Saamponna atodhoe kennengngan laèn ka WIRJO towan sinder pas ka kebbhoen laènnèpon . E arè ghăpanėka WIRJO Sakalangkong njello , tjèțakkèpon akadhiǎ sè bhengka ; kolè'na panas tor ta' poron kalowar pello . Sareng ampon pokol empa ' lem -malem abăʼna palèman ka tjompo'na. Toro' djhălăn pèkkèrra sapanèka ; „ Dhoelat sèngko ' la ta' osa abăli ka lèboenna panjakèt arowa polè . Mon kèdi sèngko ' njèddhǎ tèdoeng , tanto lagghoe ' dhammang tor ngenèng alako ka kebbhoen è paghoenongan . Edissa hawana la tanto bhải sè bhăghoes ."

Djhoeghǎ èbădjă malem WIRJO ta' poron njèddha tèdoeng , mèmpèna ta' ro -karoan sarta ta' pegghǎ ' njaramtjam . Se binè ' kantos takerdjhat , ladjhoe djhagha atanja : „Apane , Jo?" WIRJO pas noro ' ngèding .

Abă'na amèmpè , apangrasa nèngalè bhādjă saklangkong radjăèpon , tjolo'na anganga , ngoltegghă abă'na . Polè apangrasa nèngalè matjan sanget nako'è, njarap kerbhoejjă , pas éghidhing ka alas romboe . Saamponna marè kèr -pèkkèran mèmpèna , pas ngotja' ka , boelá ghi' bhoeroe amèmpè talèbăt nako'è ; dhoelat sè binè ' : „ Lè' dhika pas gha ' -djhāgha ăn djha' anoa boelă atambă sara . Sanonto tjoma karè tjètak ghi tjè' njellona, rassana masè bhengka bän gherroengan kerrèng, sabab talèbăt ardjhăng . Mengkèn , ngala'aghi aèng, boelă terro ngènoma ! "

Sè binè ' pas djhăghǎ ngala ' ghendhi . Sareng WIRJO ampon marè ngènom , sè binè ' ladjhoe aghagha tjèțagghă lakèna sambi ngotja ' sapanèka : „ Adoe , mè tjè' panassa kolè'na dhika , Jo. Marèna bărămma ? "

WIRJO : „Engghi boelă lakar arassa tje' panassa . Kastana boelă sè enda èpalako è Katapan . Djhă' sakènga boelă ta'

anangghălă èkoissa , tanto ta' kèra sakè ' bărinto. Sakalè boedina boelă ta' ghellemma mon èsoro alako ko'assa polè ."

Ta' abit WIRJO pas njèddha polè . Djhoeghă pas njaramtjam , mala sambi atèng -bhantèng sarengngan njabana ngangsor . Sè binè ' sanget kobătèr, kantos ta' njèddha tèdoeng ; sè lakè' ladjhoe èsapo'è mabi eddèk , èrangkebbhi sarong , soepadjă porona metto pello . Sanarè ampon kandhel sapo'èpon , WIRJO ta' kadhik metto pello sakalè , pagghoen bisaos ngobhålla kolle'na .

Kalagghoeännèpon WIRJO djhăghă , pas kalowara, saddjhăna èntara alalakon ka kebbhoen tebbhoe , djhoegha bettèssa arassa tadă ' ora'na sarengngan tjètaggha kapèlengngen , mèlana ladjhoe marobbhoe polè . Abă'na sè sake ' ampon ollè samènggoe , djhoeghă ghi ta' saè, sè binè' sanget sossana , sabab lakèna tako ' mè ' matè . Ngabidhi robbhoe kantos pan -saponapan arè sè èteddha è rè-saarèna tjokop bisaos , djhoegha abit -abit, sarrèna WiRJO ta' ngennèng alalakon, dhäddhi ta' atampa pèssè sakalè , sèmpennanna tadă ' ; tja -kantjana padă nèser měkkèrè WirJo sabhălăna , djhoeghă ampon karè nèserra bisaos , sabab ta' ngennèng adjhoeloe pa-ponapa , amargha padă kakorangan dhibi' . WIRJO dhibi' ta' dhaddhi sè atampa'a loe -djhoeloena tja-kantjana , sabab abă'na onèng , djhă' kabădăʼănnèpon èngghi ghi dà-padána aba'na ; otja'na ka sè binè ' sapanèka : „ Sènga ' , lè' pattjoan, dhika sama sakalè addjhă nampanè băberri'na tja-kantja neko , sabab sanonto padă ta' katjokobhăn ; napè polè ghỉ bădă bhărăng sè èpaghadhia , maskè tada ' engghi ' djhá' tampanè ."

E kala sèttong arè bădjă ghi' agghoe binèna èntar ka kotța , maghadhia ghoej -angghoejjă . Sadătengnga dări kotta , pèssè ollèna adhi -ghadhi ladjhoe èkabäländjhă , djhoegha ta' kantos saponapa abiddhă ampon tada' . Saamponna pas maghadhi odhengnga sè lakè' , ladjhoe sarongnga dhibi' , pas kalambhi tjellengnga na' -ana'na . WIRJO sè gherring ghi' tada ' pèndha'na . Lerres panassa bhadhanna ampon èlang , djhoegha manabi pa'bhellas arè agghi ' bisaos masè ghi ta' kèngènga alalakon , sabab bhadhănna ghi' gheddhoer , mala manabi terro ka' tèngka'ana , kodhoe atongkeddhăn . WiRJO tjè' èmanna měkkèrè ghoej -angghoejjă , bi-lebbi angghoejjă na'- ana'na , sè èpaghadhi , sabab ghapanèka ollèna tè-ngotè , saamponna tjompo'na katonon . Răng -bhărăngnga ampon tanto èlang sadhădjă , sabab sanarè WIRJO saèa , èngghi ta' kèra sè kowadhă nebbhoes . Sarrèna pèssèna ollèna adhi-ghadhi ampon karè satji , mèlana aba'na pas matè akkal . Sè bine ' ghadhoeán èngeddhăn maghadhia tjotjo'na , djhoegha atèna arassa berra ' , sabab tjotjo' èngghănėka dhadhingghălăn dări emboe'na . Nangèng manabi ampon tada ' sè èteddha'a polè , doe kadhia panapa , tanto lastarè djhoegha sè èpaghadhi .

Katjatora è kala sèttong arè bádjă lem -malem prappa'na WIRJO tang -ghentangan è lèntjagghă sambi ètoghoei sè binè ' , ladjhoe katamojan Li A Sie ènggharowa . Li A Sie panèka sè negghoe ' ghadhiăn è kotța, mèlana onèng , djha' WIRJO serrèng maghadhi ghoej-angghoejjă , tja'na pèkkèrra : „Satėja sèngko ' nemmo djhălăn sè ngaollèa kerrès sangkolanna WIRJO rowa. WIRJO satèja la tanto bhoeto pèssè Dhalloe ' , so sèngko ' èakalanna bi' sèlè ." Li A Sie ladjhoe atanja ka WIRJO : „ Napè dhika sakè ' , Jo ? Wa, marèna bărămma , sanjatana boelă sè èntar ko'anto nèko parlo ka dhika èsoroa ngangko ' padı dari Litjin. "

WiRJO njambhit : „Kadhi ponapa djhă' kaoelă ghi' anglo ; ampon saboelặn langkong ka mangkèn sè ta' kèngèng apangghăbăj sakalè, ba . Ebingkèng arè bisaos manabi kaoelă ampon ghăngghăng .”

Li A Sie sareng mèreng otja'na WIRJO sapanèka , pas masossa , sambhiddha : „Nèserra , pon tanto dhika ta' ngennèng njarèaghi èngonna ana '-binèna . Marèna sè èkakan è rè-saarèna saabiddha gherring napè ?"

WIRJO : „Adhi -ghadhi , ba , kantos răng -bhărăng kaoelă ghemmet ; manabi kaoelă terros sapanèka bisaos , ampon tanto răng-bhărăng kaoelă èlang sadhădjă ."

Li A Sie : ,,WIRJO , dhika ta' osa tèr-kobătèr ka èlangnga bhàrăngnga ghănèko , krana sè negghoe ' ghaghadhin boelă . Maddha so boelă ètèmpoana doe taon . Laèn dări ghănèko pola dhika sanonto ma' parlo ngèndjhăma pèssè , maddha něko ' bădă . Parkara serrana , bilă dhika ngennèng apangghăbăj ko'ijă ! ”

WIRJO : „ Anggher pandjhennengngan kasokan rè-lèrè bisaos , èngghi saè, ba . Manabi èparèngè , kaoelă terro njo'ona njambhoet sapolo ropèja saos ."

LI A SIE : „Engghi , nèko ' . Nangèng dhika kodhoe aberri' sorat tandha otang ka boelă . Enten , bănnè pè-napè , tjoma sorat ghănèko mènangka saksè , djha' dhika bhender andi' otang sapolo ropėja ka boelă . Dhika ghoe ta' tao nolès , ta' engghi ? Maddha dhika nèken èko'into !"

Saamponna marè nèken sorat tandha otangnga , WIRJO pas nampanè pèssè sapolo ropėja . Abă'na sareng binèna saklangkong bhoenga , amargha mangkèn pas ta' parlo maghadhi tjotjo'na binèna , djhoegha ta' ngartè , LI A SIE mèlana powa aberri' èndjhăman pèssè , djha' bădă sopprèna laèn. Sareng ampon marè nampaně pèssè sè sapolo ropèja , WIRJO pas ngotja' kaso'on ka LI A SIE, otja'na : Atas partolonganna sampèjan panèka , ba , kaoelă mator sèboe doe èboe saklangkong . Moghă -moghă èbingkèng arè kaoelă onènga males kasaèanna sampėjan . Torè, manabi kaoelă ampon dhammang ongghoe , dhigghål kaoelă sè ngangko'a kaaghoenganna padi dări Litjin ka dhǎlemma . Panda' , ba, molaè mangkèn djikar kaoelă ampon prasasat kaghoenganna baba ."

LI A SIE njambhit : „WIRJO , pèssè sapolo ropėja ghăněko dhăddhiă bărămpa arè , sakeddjha ' agghi ' tanto pon tada' . Nangèng dhika djhă' tèr-kobătèr, mon tada' , asoroan bhai ka bengko .

Nèko ' dhika so boelă èdhina'ana sorat otang pa' mègghi ' , èssèna ghăn sapolo ropėja. Mon dhika parlo ngèndjhăma pèssè polè , sorat něko teken dhålloe, saemponna pas soro aterraghi ka bengko , dhika karè nampa pèssèna bhai. Panda' , Jo, sarrèna abă'na dhika ghi' gheddhoer djha' man-èman sè lowanga pèssè , ngakan kakanan sè makowat bhadhăn mè' lè pas bărăs ongghoe . Băn polè tjè' sèhaddha ongghoe , dhika djha' endi apangghăbăj ." mon ta' Saamponna marè ngotja' sapanèka , Li A SIE pas palèman .

WIRJO sè sakè ' ghi ' ta' poron saè ongghoe , serrèng matkomadhen bisaos , sabab ta' onèng ngontal eppil. Doe boelăn abittèpon WIRJO sè anglo , otangnga ka LI A SIE ampon dhăddhi 40 ropèja . Djhoegha abit-abit èngghi èparèngè bărăs djhoeghă . Sareng ampon kèngèng alalakon, WIRJO pas ngabidhi njètjèl otangnga ka LI A SIE samènggoe saropėja . Pèkkèrra sapanèka : „LI A SIE la tanto endă' nampanè tang panjerra samènggoe saropèja , sabab abă'na masè tjè' bettjè'na ka sèngko '." Pangèrana WIRJO sè sapanėka kalèro.

Sareng WIRJO ampon samènggoe abittèpon sè alako ka LIE A SIE, LIE A SIE pas ngotja' sapanèka : „WIRJO , sarrèna pon samènggoe abiddhǎ sè alako ka boelă , dhika ollè bădjărăn nem ropèja . Nangèng otangnga dhika ko'abbhi 40 ropèja ; bădjărănna sè nem ropèja ghănèko bi' boelă èpotongngaghia ka otangnga , dhăddhi sanonto karè tello polo empa '."

WIRJO ta' njana bhăr sakalè , djha' Li A SIE andi'a pola sapanèka. Sareng WIRJO tja'-ngotja'a, LI A SIE pas adhoelloei ngotja' sapanèka : „Panda' , Jo , parkara nèko dhika ta osa nja -bănnja' djandon, mala dhika kodhoe asokkor, krana bi' boelă dhika ta' èpèntaè boedoe ' . Dhinèng mon dhika ta' narèma parkara bădjărănna sè èserraʼaghi kabbhi ka otangnga , pon maddha lonasè sanonto kèja ! "

WIRJO : „ Djha' engghăn èkabhadhiă madjar otang kaoelă sè andiă , ba , bădjărăn kaoelă tjokop èteddha rè-arè bisaos , ampon ontong."

LI A SIE : „ Mon dhika ta' kellar , kerbhoejjă ghărowa bhai djhoewal ."

WIRJO Semmo seddhi mèreng otja'na LI A SIE bhoeroe , pas njambhit : „ Kerbhoej , èdjhoewălă ba ? Doe mon ghăpanèka tadă' , ta' parsasat kaoelă kaèlangan kasap , sapanèka . Bhoenten, sanarè kadhiă ponapa , bi' kaoelă ta' èdjhoewălă .”

LI A SIE : „ Mon dhika ta' ghellem andjhoewăl kerbhoejjă , kerrèssa ghărowa bhai, naddha so boelă èkala'a 150 ropèja . "

WIRJO : „Ba, kaoelă dhimèn ta' ampon mator ka sampèjan , djhă' kaoelă ta' ghadhoeăn nèjat sama sakalè sè andjhoewălă kerrès èngghårowa , sanarè èpondhoedhǎ saponapa sakalè ."

LI A SIE : „Panda' boelă pon ta' tao napè , Jo, boelă nèng taoa ghenna'na pèssè sè èèndjhăm dhika gharowa bhǎi . Sarrèna dhika ta' kowat madjár, dalem nem mènggoe dhika kodhoe alako ka boelă , opana ghăbăj ra-serrana otangnga . Lagghoe ' dhika masțè dăteng so djikarra ko'anto ! "

WIRJO : „ Marèèpon kaoelă sareng ana'-binè ' kaoelă ta' neddha'a sapanèka , ba ?"

LI A SIE : „Parkara ghănèko la dăʼrămma tja'na dhika, sabab boelă pon seddheng sè atatolong sopadjă dhika nemmoa panjandhăghăn pèssè , sakèng dhika dhibi' sè ta' ghellem atoro ' otja' boelă . Molana boelă pas ta' tao sè tja' -ngotja'a polè ." |

Saamponna marè ngotja' sapanèka , Li A SIE pas lebbhoe ka romana .

, kerbhoejjă, terros palèman . Pèkkèrra toro ' WIRJO ladjhoe ngaè ' djhălăn sapanèka : „O, băddhinna Li A SIE rowa dă'rijă băbătegghă ! Mon bărijă la bhender totorra mama ' . Kabidhănna abăʼna tjè' njamanna djandonna , akanţa sè nèser ongghoeăn , marèna ta' tao djhă' njekkella . "

Sanattolla ka tjompo'na, sareng sè bine' nèngalè lakèna ropaèpon sossa , ladjhoe èsangka sakè ' . WIRJO pas atotoran sapanèka , boelă èkellè'a Tjèna bangsat gharowa . ka sè binè' : „Pa empon , lè' Boelă èsoro alako abiddha nem mènggoe ta' klabăn ollè bădjărăn sakètènga , mènangka ra-serrana otang ghărowa . Nangèng boelă ta' lola sè pas alakoa ko'assa ta' kalabăn èopaè .

Lagghoena boelă alakoa ka pabbrik polè . Parkara otang boelă ètjètjèla sabbhăn mènggoe ghăn doe ropėja , enda ' engghi , ta' enda' empon . Dhaddhi aba'na bilăn sè lăs-mabellăs ka boelă ghărowa , andi' karep laèn, terro ka kerrès boelă , nangèng ko'imma, na, djhălănna boela sè maondhoeră kerrès ."

Kalagghoeǎnnèpon WIRJO pas molaè alako ka pabbrik , ampon ta' mardoeli dă ' ka otja'na LI A SIE sama sakalė . Katello arèanna Li A Sie sareng Tjèna kadoewă, padă tokang boedjoe ' , èntar ka tjompo'na WIRJO , asaddjha nanaghia . WIRJO è băkto ghăpanèka tada ' è tjompo' , bădă ètengnga sabă . Mèlana namong sè binè' sè mangghi'i .

LI A SIE ngotja' ka sè binè ' sambi ngo' -marongo ' : „ Boelă èntar ko'anto parlo nanaghia ka lakèna. "

Sè binè ' njambhit : „Ba, kaoelă samangkèn ghi ta' ghădhoeăn obăng , mangkèn , pana , antos dhingèn ; bhoenten , ba, è mènggoe dateng kaʼijă WIRJO ampon bădă njabis ka'kassa ; tja'èpon ngatorana ghăn doe ropèja samènggoe , kantos lonas. ”

LI A SIE : „ Napè , doe ropèja samènggoe , boelă ango' ta' èserra'ana sama sakalè . Boelă ta' parlo li-bălian ko'anto tjoma parlo pèssè doe ropèja ghănèko . Panda' , andi'ă ta' andi'a , WIRJO sanonto mostè anglonasè otangnga sè tello polo empa ' ropèja ! "

WIRJO sè binè' : „Marèna ka'imma sè ollèa , ba ; djhă' engghăn radjăna pèssè saèngghănèka , saringgit saos kaoelă mangkèn ta' ghadhoean ."

LI A SIE : „ Mon bărinto maddhă epporraghi bhai ." Sè ngotja' sapanèka Li A SIE pas lebbhoe ka bengkona WIRJO , ngala ' kerrès sangkolanna WIRJO sè ètjangkè'aghi è tabingnga , terros èbhoendhoe ' sareng rambing. Dhinèng WIRJO sè binè' sareng nèngalè Li A SIE ngala ' kerrèssa , èngghål aranran , djhoegha kala, sabab Tjena kădoewăna sarengnga Li A SIE pas nadjhă' WIRJO sè binè' , kantos doettjol dări LI A SIE pas terros ongghå ka doekarra. Dhinèng Tjèna kadoewăna ladjhoe noro ' boentè ' ; sareng ampon padă onggha sadhădjă , sè katello terros palèman ka kotta, doekarra ètjongklang bisaos .

Katjatora WIRJO sè binè ' nangès rit-djherridhän , měkkèrè kerrèssa sè èkèbă boeroe LI A SIE, kantos ghatatangghăna padă njandher sadhădjă . Djhoeghă padă tada'sè onènga marghăna WIRJO sè binè sè nangès ; èngghi sanarè onènga , ta' kèra băngal apaponapa , sabab Li A SIE Tjèna soghi .

Pădjă lem-malem WIRJO palèman dări kalakoannèpon , mangghi sè binè ' sanget sossana . Sambi sèghoemen sè binè' atotoran ka WIRJO , djha' kerrèssa èkala' Li A SIE. WIRJO sareng mèreng totorra binèna, sanget anaksona , mowana mèra kadhi dără . Djhă sakènga Li A SIE katjapo' ka abă'na kalana sè ngala ' kerrèssa, ollè dhäddhi mè' èpatè'è . Sareng èlang seddhina , WIRJO pas sanget sossana , sabab tako ' kerrèssa mè' terros ta' abăli . Pèkèrra sapanèka : „ Marèna bărămma akalla sèngko ' sè ngaollèa tang kerrès polè . Sabab mon sèngko ' ta' madjără, la tanto tang kerrès ta' kèra èbaghi . Mangka satėja sèngko ' ta' negghoe ' pèssè sakalè . Ngèndjhăma ka tatangghå èdinna ' , sèngko ' tako' ta' kellar njerraè. Pasang nemmo pèssè , nangèng mon Li A SIE pas ngotja' ollè mellè, sarta Tjèna kadoewăna pas njaksè'è , djha' bhender mellè ka tang binė , sèngko ' pas ngotja'a apa ?"

WIRJO ampon matè akal měkkèrè parkara engghănèka . Dhinèng rèng-orèng è Băngkal sè mèreng bab èngghänèka , sadhădjă padă kobătèr, tako ' kampongnga mangghi katjalaka'an polè . Manabi ta' mangghia pètolongan dări perdjadji Bălăndhă, ampon tanto kerrèssa WIRJO ta' kèra èkaollè , sabab LI A SIE Tjèna soghi . Djhoegha kadhi panapa djhălănna sè pas bădă'ă pardjadji Bălăndha kasokan atatolong . Ampon tanto mlarat. Kamalemmanna WIRJO lakè' binè' padă tada' sè njèddha'a tèdoeng , kèr -pèkkèran kerrèssa bisaos . Tja'na pangèrana , ampon tanto ta' kèngèng arep bălina polè . Sarrèna kerrèssa samangkèn ampon tada' è tjompo'na, dhaddhi WIRJO ta' onèng rangèra kadhi ponapa ontongkalèrra bhadhănna èbingkèng arèna . Orèng sadhisa Băngkal padă noro ' sossa sadhădjă .

IX.

Partolongan sè ta' èkèra sakalè .

Samalem bhentèng WIRJO ta' poron ngèddha tèdoeng , njarè akal kadhi ponapa kerrèssa sè èkaollèa polè . Dhinèng sè èkakobătèrè , tako ' LI A SIE pas mongkèr. Sanarè aba'na njo'ona partolongannèpon towan sinderră pabbrik otabă towan Pètor (1) sakalè , masè ghi tadă ă ghoenana , manabi LI A SIE pas ngako mellė , panapa polè manabi sambi asaksè Tjèna kadoewăna . Laèn dări ghăpanèka , panapa kerana towan sinder otabă towan Pètor kasokan atatolong ka abă'na , orèng mèskèn , băn sè èghoeghăt Tjèna soghi ? Sarengngan ollè dhaddhi LI A Sie bănnja ' kennalannèpon djă-pangradjă .

Kalagghoeǎnnèpon sadjhăghăna tèdoeng WIRJO ghadhoeǎn èngeddhăn terro èntara ka tjompo'na LIE A SIE, mèlana ladjhoe adhandhăn . Angghoejja ta' bhidhǎ sareng angghoejjä koli , sabab ghoej -angghoejjă sè dhingèn , sè èangghoej akolemman ka Ghălăghă ampon marè èpaghadhi sadhădjă ; tjoma pangalemmanna bhersè . Ra-kèra pokol pètto ' ghi' agghoe , bakto WIRJO para ' mangkadhă pas katamojan tja-kantjana , sè dhăddhi pangada'na SALÈ . Saamponna moj - tamojja padă todjoe ' sadhădjă , SALÈ ngotja' ka WIRJO : „Sèngko' so tja-kantja rèja kabbhi, Jo, sè èntar kanna' parlo njandă'ă sèdă , amarghä kerrèssa sè èkala ' LIE A SIE. Nangèng endjă ta' malolo djărèja bhai ; sèngko ' sakantja'an padă kobätèr, tako ' amè' kampong dinna' nemmo kasossa'an polè mara bilăn arowa, krana kerrès la tadă' èdinna ' . Molana sopadjă èlopottaghiă dări kabhălăi sèngko ' so tja-kantja rèja mapolong pèssè sakonè ' èbăng , èghăbăjă sombhăngan ka sèdă , mè' kennèng èpanebbhoes kerrèssa ka LIE A SIE . Rèja' pèssèna . Dhinèng mon sèdă ta' ghellem nampanè , sèdă njamana matjalaka'a tja -kantja èla'dinna ' kabbhi . Masa sèdă andi'a , èngeddhăn kanța djărèja, la tanto endjă ."

WIRJO njambhit : „ Kabhenderrăn djărèja, Lè, karana sèngko ' satėja lakar èntara ka bengkona LIE A SIE ; mon sèngko ' sambi njambi pèssè , rassa sèngko ' tang kerrès tanto pas èbăghi . Sarrèna parkara djărėja sapèsan dhăddhi ontong -kalèrra sèngko ' , kapèng , doewă'na ontong -kalèrra tang tja-kantja kabbhi, dhaddhi pèssè rèja so sèngko ' èkèbă'ǎ bhăi , embădjárraghia ka LIE A SIE, nangèng sabărijă kèja, sèngko ' adjhăndjhiă, dhoemèn sèngko ' tja-kantja rèja enserra'ana kabbhi ." andi '

SALE bhoenga atèna amarghǎ WIRJO sè ghellem nampanè pèssèna sarta ladjhoe njambhit : „ Parkara djărèja, Jo, mo-temmo èboedi , anggher otangnga sèdă la lonas băn kerrèssa djărėja la èkaollè polè , sèngko ' sakantja'an la senneng . "

WIRJO : „Mon bărijă sèngko ' saèboe doe èboe kaso'on atas partolonganna bă'na so tja-kantja laènna reja. Nangèng sèngko ghi' mangmamg mon ta' ollèa pètolongnga pardjadji Bălăndhă , masè ghi' ta' èkaollèa . "

Saamponna moj - tamojja palèman , WWIRJO pas mangkat ka kotta . Sareng ra-kèrra ollè saprapat eddjhăm sè adjhălăn lerres è lăndjhălăn tèko'an , WIRJO pas nèngalè Bălăndha kasorang djhengmandjheng è pèngghir djhălăn. WIRJO ngèra , djhă ' èngghănèka towan pangradjă , katara dări pètjièpon , pèngghirră mabi plèpèt pasmèn ; mèlana abă'na èngghål nèngkong . Towan sareng ngoladhi bădă orèng nèngkong èseddhi'na , pas atolè , sarta marèksa : „ Man , apa bă'na tao , dimma dhisa Băngkal rėja ?"

WIRJO : „Ka'into , kandjeng towan, semma ' . Ghăn tjongabhăn èadă' ka'dinto ampon katèngal."

Towan : „Pola bă'na orèng dări Băngkal ? "

WIRJO : „ Engghi , kandjeng towan. "

Towan : „Apa ba'na kennal dã' orèng njama WIRJO ? "

, kandjeng towan, sè èsambhat WIRJO : „Dhi-dhalem dhibi' WIRJO ."

Towan : „ Mon bărijă kabhenderrăn . Sèngko ' ngèding berta, tja'na bă'na andi' tambhana panjakèddha èbin, apa ijă ?"

WIRJO : „Engghi , kandjeng towan ; dhingèn nalèka è Băngkaļ bădă lalarannèpon kerbhoej, dhi-dhalem sè nambhăi, èngghi bherkat djoenan -dhalem , bănnja ' ollèna , kandjeng towan."

Towan : „O , baddhinna ! Bărămma sèngko ' satėja djha' mellèa tambhăna djărēja, mon bădă sèngko ' mènta'a satos bhoetol , apa bă'na asangghoep ? È kampong lao' dissa bannja' kerbhoej gherring sampè ' rèng -orèng dhisa sossa kabbhi, amarghă la ta' nemmo boekona tambhă ."

WIRJO : „ Engghi, kandjeng towan, djha' engghăn namong satos bhoetol , sanarè langkong sakalè, dhi-dhalem asangghoep ngatorana da' djoenan -dhalem , anggher dhid -hălem èparèngè kopè kotong bisaos . Djhoeghǎ djoenan -dhälem ta' mabi mondhoet , kandjeng towan, sabab dhi-dhalem sè ambhadhi tambha ka'dinto ta' abhăndhǎ sakètèng ."

Towan : „Ba'na satėja èntara kamma ? "

WIRJO : „ Dhi -dhälem ka kotta'a , kandjeng towan, bădă parloèpon."

Towan : „Djha' èpanjorodha ka lagghoe ' bhai kaparloanna djărèja bărămma , apa ta' èkenneng , sabab sèngko ' terro mènta'a satėja kėja tambhana djărėja. Endja' , mara bi' sèngko ' èbelliă ."

WIRJO : „Marèèpon kadhi panapa , kandjeng towan, dhi-dhalem smangkèn sanget parloèpon sè ka kotta'a. Engghi djhoeghă manabi djoenan -dhalem kasokan atatolong da' dhi-dhalem , kaparloan dhi-dhălem kèngèng antossaghi dă' lagghoeèpon . "

Towan : „Parkara apa , koddhi kabălă, pola sèngko ' mè' ngennèng atatolong ."

WIRJO pas mator toklantogghǎ bisaos , djha' kerrès sangkolannèpon èkala' Tjèna sè anjama Li A SIE, kantos abă'na sareng rèng-orèng è dhisa Băngkal sadhădjă sanget sossaèpon .

Towan : „Kaparat ongghoe LI A SIE djărèja. La dhina, tello arè agghi ' kerrèssa djărèja la arep bălina polè ; sèngko ' ijă kennal ka orèngnga . Apa kerrèssa djărèja bhǎghoes ongghoe ? Bărămma robăna ? "

WIRJO ladjhoe njarèta'aghi kabădăʼannèpon kerrèssa .

Towan : „ Mon ta' klèroa sèngko ' lamba' , nalèka ghi' kana ' , ta'- kanţa'a sè la tao ngatèla ' da' kerrès djărèja."

WIRJO : „Ollè dhăddhi djhoeghă , kandjeng towan. Kerrès ka'- dinto sangkolan dări mama ' dhi-dhalem , sè ampon onèng alolongan man -ka'kamman , ghi' nalèkana dhaddhi djongos . Mala kerrès ka'dinto serrèng èoladhi towanna sareng para wan-towan laènnèpon . Ropaèpon somèlè para towan-towan senneng ngoladhi kerrès ghăpanèka ."

Towan : „ Mama'na sèdă sapa njamana ?"

WIRJO : „ MOESTARI , kandjeng towan."

Tawan : „ MOESTARI , MOESTARI . Pola mama'na lambă ' tao ngaboelă dă' towan rèsidèn MAARTEN , jă ?”

WIRJO : „Engghi , lerres, kandjeng towan. "

Towan : „Pola bă'na WIRJO , jă ! Dhălloe ' , sèngko ' atanja'a, ba'na bha' ghi ' ènga'a , djha' towan rèsidèn MAARTEN kaghoengan pottra , anjama sinjo Nico ?” lakè'

WIRJO : „Engghi , èmot , kandjeng towan ; ka'dinto reng -sarengngan dhi-dhalem amaèn . Dhi -dhalem serrèng èpanaè ' djhămbhoe sareng pao ; manabi padjhoedhoenna dhărána kotor , dhi-dhalem djhoeghăn sè ambhersè'è . Sinjo ka'dinto saklangkong lèboerră da' mano ' . Ta' karè na'-kana' , kandjeng towan bessar sinjo NICO ka'dinto , nakallèpon poko .”

Towan : „WIRJO , bă'na apa partjadjă , djhă' sèngko ' pottrana towan rèsidèn MAARTEN sè dã' -ngodă'ăn , sè anjama sinjo Nico djărèja ? Djhădjhăl sèngko ' djhelling patètè . Băddhinna bă'na tang reng -bhärengngan ghi' lamba' rowa ! Sèngko ' satėja djhoemenneng Aspiran Kontellir . "

WIRJO sareng ngèding totorra sapanèka sakalangkong bhoengana , djhoeghă abak tako' , amarghǎ sè ngotja' nakalla poko' , mèlana ladjhoe mator sambi njembhă : „Kandjeng towan , ta' langkong dhi-dhälem njo'ona sapora , dări dhi-dhălem sè tor-mator ta' pantes ghi' bhoeroe mongghoe dă' slèrana djoenan -dhălem , dhi-dhălem ta' onèng ongghoe , sarrèna tjè' ta' èmoddhǎ manabi djoenan -dhalem , pottrana Kandjeng Towan Rèsidèn MAARTEN . "

Aspiran : „ O, endja ' , WIRJO, ta' dhăddhi apa , mala sèngko ' senneng mon noddjhoenè ènga ' dã' tang klakoan nalèka ghi'

kana'na. Bă'na è băkto djărėja ta' ijă so la atowa'an sèngko ' , Ta' sarta bi papa bă'na èsoro noro ' sèngko ' da'kamma'a bhai . ' sè tokang ngèbă'aghi tang boekoe bă'na lambă ' so lèi ,mon sèngko ' la pokol sabellas bă'na ngamba ' ka sakola'an , sarta mon sèngko ' kalaban dokar . Apa bă'na ghi ' ènga ' kalana èn -maènan , so sèngko ' è pamengkang sè lèbăr rowa ,mon mama so papa prappa'na asarè ? ghoe ta' la tao otja ' Bă'na lamba ' Bălăndhă nè' -sakonè ' ta' ijă , Jo ?Apa satèja ghi bădă ènga'na ? , "

„Engghi bădă nè' WIRJO : -sakonè . ”

Aspiran : sèngko ' terro anja ' -tanja'a ka ba'na ;nalèka „Dhalloe ' , mama'na amboe sè ngèrèng papa tja'na bannja ' ro-tarona pèssè . bă'na satėja tanto Rassa sèngko ' mon bhender kanţa djărėja , soghi , apa endja ' ? "

kandjeng towan , soghi ponapa . Lerres nalèka WIRJO : „Doe , dhingèn andhingghål dhoennja , bănnja ' mama ' dhadhingghălănnèpon ça' dhi -dhalem . Djhoeghǎ sapanèka , kandjeng towan , dhidhălem pas kakalèran , tjompo ' dhi -dhălem sareng kas -pakakassa , apoj ,kantos dhi -dhalem kapaksa njèwa'- sadhădjă ghemmet èkello ' aghi sabă dhi -dhălem ka pabbrik , engkabhadhi ghantèna pèssèna tja -kantja dhi -dhalem è Băngkal , sè padă èpatoro 'dă 'dhi -dhălem ; sabab obăng èngghănèka tanoro ' katonon sakalè . "

Aspiran : „Ijă , sèngko ' la ngèding kèja . Mon bărijă ă la bă'na noron ka mama'na ongghoe . "

njana'a djha ' sèngko ' taoa atatemmo polè so Sapa sè bă'na . ladateng ,madjoe 'sèngko 'aterraghi ka bengkona ; Rowa ' tang dokar sèngko ' parlo ka tambhana kerbhoej djărèja , Jo. Bă'na la djhă ' tèr -kobătèr parkara kerrèssa djărowa . Dhina , sèngko ' sè mènta'- LI aghiă bălina ka ASIE , lagghoe ' otabă sadoemalem . Panda ' parkara djărèja sèngko ' tangghoeng . "

WIRJO : „Kandjeng towan ,saghoenong anak bhoengaèpon atè dhidhălem , sabab kerrès ka'dinto sanarè bădăʼă mellè saponapa bisaos , ta' èdjhoewål . sareng dhi -dhălem Mèlana dhi -dhălem sanget ghoematèna ka kerrès ghăpanèka ,kandjeng towan ,sarrèna dhi -dhălem ampon jakèn , djhă ' sèmaontong dhi -dhalem . kerrès ka'dinto "

Aspiran : „Madjoe , ka , djha 'mangkadhă ,sabab sèngko 'nèser dă ' rèng -orèng sè padă gherring èbinna , tanto tè' -dantè'an dătengnga tambhă . "

Saamponna marè adon -djandon , sè kadoewă pas adjhălăn soko terros ka Băngkal . Toro ' djhălăn padă ngènga'è nalèkaèpon padă ghi ' sè asa -gessa saklangkong rapa ' kana ' ; .

Katjatora WIRJO sè binè ' sareng nèngalè lakèna abăli sarta ngèrèng Towan pangradjă kasorang , tor ropaèpon dhi -kadhiă sè ampon kennal abit , sanget ghettonna . Sanattolla ka tjompo'na sè djha ' Towan èngghănèka towan WIRJO pas abălă ka binè ' , Aspiran Kontellir , asmaèpon towan MAARTEN ;pottrana towan rèsidèn MAARTEN , tèlas lorana mama'na . Dhinèng kasokanna bhadhi mondhoedha tambhana kerbhoej gherring. Sè binè ' sareng mèreng otja'na lakèna sapanèka , pas tak-kèțok nolongè ambhadhi tambhă. E băkto ghăpanèka towan Aspiran aghi - lèngghi è bengkona WIRJO . Towan Aspiran saklangkong nèserra ngoladhi romana WIRJO sasat tadă ' paponapana sama sakalè ; mèlana pas kaaghoengan nèjat bhadhi atatolonga klabǎn ongghoe atè ka WIRJO , panapa polè serrèna salèrana ngaghali djha' WIRJO orèng djhoedjhoer băbătegghă .

Ta' antara abit WIRJO sè ambhadhi tambha ampon marè , ollè doebellas bhoetol ; ghăpanèka namong èkabhadhiă partjobhă'ăn bisaos dhingèn . Manabi njokot. WIRJO namong njo'on kèrèmè bhoetol kotong, bănnja'na sakasokanna towan Aspiran . Sareng tambhana ampon marè èbăddhãi , sareng towan Aspiran ladjhoe èpakon sabă ' ka dokarra ; WIRJO sareng towan Aspiran èparèngè persèn doebellas satengnga ropèja, sambi adhaboe sapanèka : „Rēja' , kala' bă'na kennèng ghăbăj kabellina roko ' ."

WIRJO : „ Bhoenten , dhigghål , kandjeng towan, sabab dhi-dhalem ta' toman adjhoewălăn tambhă ."

Aspiran : „ Ella , ra , Jo, la tampanè bhǎi ! Bă'na sanjatana tabettjè ' dhălloe , băn bă'na ta' ijă tao dhibi' tja'-otja'anna orèng : „ Pa-sapa'a tadjhoedjhoer dhalloe , di-boedina matè ngondjhoer . " Bhender bă'na ta' toman adjhoewălăn ka orèng mèskèn , nangèng mon ka Naghără apa djhoebha'na . Naghără aparèng obăng bănnja' ka sèngko ' , èdhikaʼaghi kabelli tambhăna èbin sè gherring. Dhaddhi bă'na satèja prasasat pardjadjina Naghără ; pèssè djărėja mènangka gădji parmola'anna. Mon tambhana ba'na njata djhoedhoe , ella tanto sèngko ' mellè bănnja' ."

Saamponna towan Aspiran marè adhăboe sapanèka , WIRJO pas magghoek sakeddjhă ' ; pèssè doebellăs satengnga ropėja ghellă ' pas ètampanè . Pèkkèrra sapanèka : „ Djhă' rèng Naghără la tanto ta' kèra kakorangan obăng . Sarrèna towan Aspiran adhaboe mondhoedhă tambha bannja' sokkor la njata djhoedhoe , bettjè'na sèngko ' satėja long-mapolong oen-dãoenan , sè parlo èangghoej , pola ma ' pas djhoedhoe ongghoe tang tambhă."

Sareng WIRJO marè nampanè pèssèna , ladjhoe mator kaso'on dă' towan Aspiran ; pas èterrossaghi mator polè băb parkara kerrèssa .

Towan Aspiran adhaboe : „ Ella , ra, dhina, parkara djărèja sèngko' tangghoeng . Mon ta' lagghoe ' , doe malem , sèngko ' ngara bădă napa ' kanna' , ngaterraghia kerrèssa djrèja , sabab sèngko ' ghi ' terro arembhăghăna so bă'na , bărămma bă'na èboedi arè sè sennengnga pangorèbhănna saana ' binèna . Sanjatana, WIRJO , sèngko ' ta' tèghă adjhelling ba'na so ana ' binèna malarat mara rèja , sabab rèng towana bă'na lambă ta ' dăʼijă . Bă'na apènterran băn tja kantjana sè laèn , sabab dhăddhiă nè'-sakonè ' bă'na tao matja băn nolès ; molana ta' pantes sakalè bă'na sè pas ngoliă, alalakon saarè bhentèng ambhantèng aba' ; bă'na tanto nemmo , djhă' sakènga njarè pangghăbăjăn , sè djhăng addhoeǎn dã' aba'na bă'na . "

Saamponna towan MAARTEN marè aboe-dhaboe sapanèka , pas bhoebhar , djhoegha ta ' pas djhoedjhoek ka dhǎlemma , ghi ' terros ka dhisa kennengngannèpon kerbhoej sè gherring .

Katjatora rèng -orèng sè ghadhoeǎn kerbhoej , sareng nèngalè towan Aspiran raboe , saklangkong bhoengana , sabab lakar ampon abit sè èrep -arep raboena , amarghǎ èbin sè gherring ampon bănnja' matè . Dhinèng laènnèpon , manabi ta' ollèa pètolongan tambhă, masè ta' kèngènga arep odi'na polè .

Saraboena towan Aspiran da' ghika'ijă , ladjhoe aparèng pètodhoe dã rèng -orèng sè ghădhoeǎn èbin gherring, kadhi ponapa angghoejänna tambha ghella '. Salèrana tjo -mattjo sanget da' kalèboenna , sopadja ngatorana reppot , kadhi panapa kakanna tambhă bhadhianna WIRJO ghapanèka .

Saamponna marè aparèng nasèhat nja'-bannja' , towan Aspiran pas bhoebhar , raboena ka dhălemma ampon rop -sorop arè .

X.

Partolongannèpon Pangradjă .

Katjatora towan Aspiran saklangkong lessona , djhoegha ta' èpèkkèrè sama sakalè , amarghă ampon karè adjhăndjhi da' WIRJO , djha' mangaollèaghia kerrèssa dalem saarè doe arè . Saamponna marè asèram , towan Aspiran pas adhandhan , terros mėjos ka tjompo'na Li A SIE. Djhoegha ta' pas terros, ghi' per -sepperran dhingèn . Kalana nattol ka bengkona LI A SIE ampon semmo malem. E ampèrra tjompo'na Li A SIE bădă lampoe ghantongnga nem megghi ' , padă èsomet sadhadjá , tèra'na tar-kentaran . Tèmbo'na èrengghă sareng ghambharră orèng ana-bărna . Èdălem romana bădă mèdjă sadjhiannèpon (ettoe' ) , sè bănnja' dhamar lilinna anabărna. Lerres è kangan-katjèrra sadjhiăn bhoeroe bădă artjana KONG HOE TJOE , èngghi panèka podjhăngghǎ bhăngsa Tjèna , sè bitjaksana . Bakto towan Aspiran raboe , è ampèrra tadă' orèng sakalè , mèlana towan Aspiran pas lat-ngoladhi èssèna ampèrra bengkona Li A SIE dhingèn . Sareng ampon sabătara abiddhǎ sè bădă è pèr-ampèr ghi tadă ' orèng ngalèmbă ' djhoeghă , ladjhoe aologhan : „ Spada ! Spada ! " (1) Ta' abit ladjhoe bădă orèng kaso rang kalowar , ropana nakabănna Li A SIE . Towan Aspiran marèksa bădă -tadă'na sè ghădhoeăn tjompo ' . Sareng nakabän mator bădă , ladjhoe èpakon ngolok lorana. Sakeddjhă ' agghi ' LI A SIE pas kalowar . Saamponna marè atabi ' towan Aspiran pas èatorè lèngghi .

Ta' antara abit ladjhoe bădă nakabǎn katello , sè kasorang ambhakta roko ' manèla , kasorangnga ambhakta korèk sareng băddhăna lolong , kasorangnga polè ambhakta ettè , èatorraghi ka towan Aspiran .

Saamponna padă njomet roko'na (towan Aspiran sareng Li A SIE) , towan Aspiran pas adhăboe sapanèka : „ Ghella' ghi ' agghoe bădă orèng kasorang dari dhisa Băngkal angghoeghat sampèjan . "

LI A SIE : „ Baddhinna , angghoeghat parkara ponapa , towan ?"

Aspiran : „ Tja'na sampèjan ngètjo' kerrèssa orèng èngghănèka , panapa bhender ? "

LI A SIE : „Kaoelă eghoeghát ngètjo ' kerrès ? Marèèpon , pandjhennengngan panapa partjadjă ? Pandjhennengngan ampon ngaghali dhibi' , towan, djha' kaoelă somalè ta' soghi , nangèng ta' kakorangan ; panapa sè èkaterroè , kaoelă masțè katekkan . Kaspakakas è ampèr panèka bisaos , towan, djhă' èdjhoewălă ampon langkong doe èboe ropėja . Kadhi ponapa sè ollèa dhaddhi djha ' kaoelă ngètjo ' kerrès . "

Aspiran : „ Engghi, kaoelă partjadja ka otja'na sampèjan èngghănèka. Bhoenten pola sampèjan mè' sakèng mellè kerrèssa orèng èngghărowa ?"

LI A SIE : „ Lá, èngghănèka sè èngghi , sarengngan baktona kaoelă mellé, bădă saksèna , towan, èngghi panèka èpar sareng sapopo kaoelă. Manabi pandjhennengngan kasokan marèksa'a , nara èologhă .”

Aspiran : „Ampon , ta' parlo. Kaoelă èngghi partjadjă ka otja'na sampejan . Saponapa sè èbelli ? Manabi sapanèka sampėjan bări' lem-malem èntar ka tjompo'na ARDJODIWIRJO . "

LI A SIE: „Kerrès èngghănèka sareng kaoelă èbelli satos sèket ropėja . Djhoeghă sarrèna sè ghadhoeăn ghi' andi ' băberra ' ka kaoelă 34 ropėja , dhăddhi kaoelă namong madjar 116 ropèja . "

Aspiran : „ Obăng sè 116 ropèja ghăpanèka ta' èngghi WIRJO dhibi ' sè nampanè ; saamponna kerressa bi' sampèjan pas ètampanè ta' ènggini ?"

LI A SIE : „ Engghi, lerres kadhi dhaboena ka'into ." LI A SIE ladjhoe mèsem , sabab bhoenga , èkèra parkara èngghånèka ampon saè djhălănna. Tor sama sakalè ta' arassa , djhá' kèngèng tjandhak otja'na . Towan Aspiran ladjhoe njentak sakalèan , dhaboena : „LI A SIE, sampėjan orèng djahat, sampèjan ngètjo ' kerrèssa WIRJO , katara dări otja'na dhibi' ghi' bhoeroe ."

LI A SIE : „ Kadhi panapa , towan, pandjhennengngan mè ' pas băngal ngaranè , kaoelă orèng djahat ? " Sè ngotja' sapanèka para ' ta' mettoa swara.

Aspiran : „ Lakar èngghi ; kaoelă kan băngal ngaranè sampèjan orèng djahat, polana sampèjan lètjèk otja'na. Eparra sareng , djhá sapopona ènggharowa padă nerrangngaghi dă' kaoelă ghellă ' nalèka sampèjan mellè kerrès èngghănèka , WIRJO tadă ' è tjompo'na . Sè nampanè pèssèna tja'na sè binè ' . Mangka sampèjan ghellä " ngotja' WIRJO dhibi' sè nampanè pèssè

Tjèna : „Engghi , djhoeghă

Aspiran : „Djhoeghǎ , djhoeghă panapa ? Panda' , kerrès ghăpanèka parèng dhoeli pakalowar, mon bhoenten , samangkèn djhoeghăn sampèjan sareng kaoelă èmaso'aghia ka seppir."

LI A SIE sareng , mèreng dhaboena towan Aspiran bhoeroe , olattèpon pas potjet, ta' kèngèng tja'-ngotja' ponapa polè.

Aspiran : „Parèng , dhoeli pakalowar , sabab kaoelă ta' parlo bit-abit èka'into' ! "

LI A SIE pas lebbhoe ka romana padjhălănna laonan , ngala ' kerrèssa ; saamponna pas èsabá' è mèdjă , sambi ngotja ' sapanèka : „Panèka ' kerrèssa , towan, djhoeghǎ manabi kèngèng , kaoelă terro tor-matora polè ; èdălem parkara panèka kaoelă sama sakalè ta' aromasa sala . Kadhi panapa sè ollèa dhăddhi , kaoelă, LI A SIE, Tjèna sè ghi-soghiãn kadhibi' è kotța ka'ijă èghoeghat ngètjo' kerrès , sè namong argha 150 ropèja . Saponapa'a , towan, obăng 150 ropèja ghăpanèka mongghoe ka kaoelă. Pandjhennengngan ta' ampon ngaghali dhibi' djhă' kaoelă ta' namong èadjhinè rèngorèng kènè ' bisaos , nangèng kantos da' Towan Pètor èngghi todoes ka kaoelă . Kaoelă ango ' èlanga pèssè langkong sèboe ropèja , towan, ètèmbhăng sareng kaoelă ètarka tjo'-ngètjo ' . Manabi pandjhennengngan ta' partjadjă, njara kaoelă băngal sompa , djhă' kaoelă sakontjo'na oboe ' ta' aromasa ghadhoeăn sala sakalè dălem parkara panèka . Dhinèng rèng -orèng sè andjhoeroekkaghi kaoelă ghăpanèka ampon tanto sakèng bădjhi' ka kaoelă otabă sakèng ta' kellar nangalè kasoghiăn kaoelă ”

Towan Aspiran Kontellir pas mondhoet kerrès dări mèdjă sambi adhăboe sapanèka : „ Parkara pèssèna sè sèboe ropèja èngghănėka pon tegghoe ' sampèjan dhibi' bhăi , ba, sabab parkara panèka sareng kaoelă ta' èbhadhiă radjă. Djhoeghǎ manabi sampèjan èbingkèng arè atèngka kadhi panèka polè , sareng kaoelă pas èbhadhiă radjă , mèlana sampèjan marè'è sakalè boedina ."

Bătara saparapat eddjhăm dări băkto bhoeroe towan Aspiran ampon bădă è dhálemma , alèngghi èdălem kamarra sambi langnèlang kerrèssa WIRJO , sabab saklangkong lèboerră ; panapa polè salèrana pas émot da' nalèkana ghi' kana'na . Djhā' -sakeddjhă mèsem , sabab arassa bhaddjhră sè kèngèng ngaollèaghi kerrèssa . WIRJO ta' klabăn mlarat. Orèng sè ghădhoeăn dhiddhi'a pèragghă , manabi nèngalè kerrèssa ampon èkaollè polè , kantos matè rassana ta' kèra loppa da' towan Aspiran , sè ampon onèng atatolong ka bhadhanna . Ghalina towan Aspiran sapanèka : „ Lagghoe ' ghi agghoe kerrès arèja èaterraghiă ka Băngkal , sabab WIRJO tanto sè rep-arebbhăn , krana sèngko ' la karè asomadjă . Nangèng bettjè'na opas bhǎi èsoroa ngaterraghi , sèngko ' èntara lem -malemman, sabab sèngko ' ngantosa reppoddhǎ kalèboen Tjlorèng , parkara tambha rowa. Rassa sèngko ' kalèboenna kennèng arep dătengnga sabelloenna pokol doebellas ."

Saamponna marè kèr-pèkkèran sapanèka , kerrès pas èbhoendhoe ' mabi dhǎloebăng koran, sarta èsabă' è rok-soroghănna mèdjă panjerraddhănna. Sareng towan Aspiran ngèntebbhă rok-soroghăn bhoeroe , pas ngoladhi sorat nompang èattassa băng -dhăloebăng bănnja' . Sorat èngghănèka däri kantjana sè anjama towan DE JAGER . Saamponna marè èmaos , towan Aspiran pas adhaboe : Ijă ongghoe , sèngko ' ghi' ta' malessè towan DE JAGER Sè mènta „ orèng ,, èpadhäddhiă mandoer bhako . Marèna dimma sè nemmoa? Ó, dhalloe ' , mon bărijă, WIRJO bhǎi so sèngko ' èadă'aghia , sabab la pènter alako bhäăko . Laèn dări djărèja rassa sèngko ' masè malarat sè nemmoa orèng kanța WIRJO bettjè'na băn tjakangnga . Tjoma sossana ghi ' ta' karoan djha ' ghellem , sabab abă'na tjè' tako'na sè andhina'a dhisa padoempa'anna dărăna . Doe ètarèa bhăi , sapa tao , pola mè' powa. Dhinèng paghi ' saopama terro molèa polè ka bengkona , kèra sèngko ' towan DE JAGER ta' kèra nglanglang .".

Saamponna marè ambhadhi serrat bångsolan , towan Aspiran pas asarè . Sabelloenna njèddha , ghi kèr-pèkkèran băb kerrès sè èkala ' LI A SIE, sareng pangghăbăjännèpon dhibi' èdălem saarè ghella' .

Kalagghoeǎnnèpon ghi' agghoe towan Aspiran pas makon opas kasorang nompa ' djhărăn ka Băngkal, ngaterraghi kerrès. Sanattolla konkonan, WIRJO èpangghi ghi' bhoeroe dateng njarè oendǎoenan , sè èkabhadhiă tambha, saklangkong bănnja'èpon . Saamponna opas marè andjhoeloeaghi bhoendhoe'ăn , sareng abălă , djha' towanna raboeă mangkèn lem-malemman , ladjhoe palèman .

Katjatora bhoendhoe'an bhoeroe sareng WIRJO pas èbhakta ka romana sarta ladjhoe èboekka ' . Sabelloenna mokka' , abă'na ampon ngèra , djhă' bhoendhoe'an bhoeroe tanto aèssè kerrèssa . Djhoegha sareng èmot da' somadjana towan Aspiran , djhă' kerrès èngghănèka èaterraghia dhibi, atèna pas bădă mangmangnga . Prappa'na mokka' bhoendhoe'an , ana ' -binèna pas lebbhoe ka romana , terro onènga èssèna bhoendhoeʼăn ghella ' . Sareng bhoendhoe'an ampon èboekka ' , njata djhă' ta' aèssè bhărăng laèn , kadjhăbhä kerrès sangkolanna , sè èrampas LI A SIE èngghårowa . WIRJO sareng ana ' -binèna sanget pèragghă , kerrèssa ètjèjom , èso'on èsabă' ka tjèțagghă , otja'na: „ Djha' bănnèa kandjeng towan sè atatolong ka sèngko ' , la tanto kerrès rèja ta' kèra èkaollè polè . Eh, sanja tana la bellas ongghoe kandjeng towan da' sèngko' so da' tjakantja dinna' kabbhi ."

Ghătatangghăna WIRJO padă èntar ka tjompo'na (WIRJO), amarghä èghika'ijă rammè orèng aghellä'än . Sareng ghă - tatangghăna onèng , djhă' kerrès sangkolanna WIRJO èkaollè polè , ladjhoe atotoran ka laènnèpon , kantos berta èngghănèka sakeddjhă ' bisaos ampon bărătta dhaddhi sa-Băngkal . Sadhädjana orèng padă bhoenga , djhoegha ta' loppa tjo-mattjo ka WIRJO, sopadjă kerrèssa ta' èbhakta'a man -ka'kamman polè , sabab salameddha dhisa Băngkal sareng saèssèna sadhădjă bădă è kerrèssa èngghănèka . WIRJO ladjhoe asalameddhăn nanggha ' tabbhoeăn , ngormat kerrèssa . Dhinèng rèng-orèng sè ghi' bhoeroe palèman dări sabăna ghi ' dări djhãoeǎn ampon mèreng monjèna tabbhoeăn , djhoegha tada sè onènga djhă' pasèra sè asalameddhăn . Djhoeghă sareng nèngalè labăng lowarra tjompo'na WIRJO èpasangè oen-dãoenan ana -barna , pas ngèra , djhă' tanto WIRJO sè aslameddhăn , tja'na pèkkèrra : tanto kerrèssa la èkaollè polè . Saamponna mare di-mandi sareng adhăndhăn , rèng -orèng bhoeroe pas èntar ka tjompo'na WIRJO , noro ' anga -bhoenga djoeghăn . Dhinèng sè èkadjandon tadă' laèn , kadjhabhǎ namong ngalem kasaèannèpon towan Aspiran Kontellir , sè kasokan atatolong klaban ongghoe atè ka WIRJO, kantos kerrèssa abăli polè .

Katjatora kalèboen sè èdhika'aghi areppot bab tambha , ampon njabis da' towan Aspiran . Sanattolla ka adjoenanna , pas mator nja' -bănnja ' dã' towan Aspiran bab ollèna tambha sè doebellăs bhoetol . Towan Aspiran ladjhoe marèksa : „ Dhaddhi djhoedhoe njamana tambha djărèja ?”

Klèboen : „Engghi, kandjeng towan, djhoeghǎ dã' èbin sè ghi ' bhoeroe gherring . Rèng -orèng ka dissa sadhădjă padă mator kaso'on da' djoenan -dhalem sarengngan njo'on, moghă -moghǎ djoenandhålem kasokana aparèng tongghållèpon , sè langkong bănnja' ."

Aspiran : „ Ijă , djha' kobătèr ; lalla bă'na la molè kaada ' , sèngko ' satėja èntara ka Băngkal , ngonèana tambha polè ; kabălă dă' tja-kantjana, djha' sèngko ' lagghoe ' ghi' agghoe makèrèma tambhă polè dă'kassa .”

Towan MAARTEN neptebbhi ongghoe kawadjibhännèpon kaantennaranna, ta' mèkkèrè kamalaradhánnèpon salèrana , tor ta' ngètong lesso ; sè èghali sèjang arè malem namong kasalameddhănnèpon orèng doemè'na bisaos . Sabelloenna mangkat da' Băngkal towan Aspiran ampon makon koli sabătara , ambhakta bhoetol kotong kaada ' sè èkabaddha'ă tambhă . Pokol doewă ' sèjang ampon mèjos dă Băngkal , nètènè dokar . Ghi' dări djhãoeăn towan MAARTEN ampon myarsa ongella tabbhoeăn , ghălina sapanèka : „Ngara WIRJO asalameddhăn , sabab kerrès sangkolanna la èkaollė polè . Nangèng la ta' manglo sè talèbădha bhoenga sampè ' nangghă ' tabbhoean , sabab aba'na so tja -kantjana tjè'

partjadjana ongghoe , djha' kerrèssa tao nolak kabhălăi sè bhakal dătengnga . Dhaddhi sanjatana tjè' ghămpangnga pasennengnganna atèna orèng dhisa rèja ! Djhă' rèja' , parkara kanţa rèja bhǎi bhoengana dhagha akanța sè kaghăgghårăn mertjo. Orèng dhisa rèja bhoedhoe , doe sapa sè ngaobhăna kadjhăbhăna antennarra Naghără . Mon tada ' ngaobhi la tanto èkaèn -maènan băn orèng sè djhăng pènterran băn bhängsa tègha'an atèna . " Towan Aspiran talèbăt sennengnga ghalina, amarghă sè ngennèng atatolong băn mabhoenga orèng sadhisa Băngkal .

Ta ' antara abit towan Aspiran ampon nattol da' tjompo'na WIRJO . Katjatora sareng rèng -orèng sè bădă èghika ' - ijă nèngalè towan Aspiran raboe , pas saklangkong rammèèpon , sabab sareng towan Aspiran lebbhoe ka tattarop, ladjhoe padă asorak , sabănnè bădă sè pa -kopa'an , sakèng dări bhoengana . Rèng -orèng ghăpanèka robăna ampon ta' mèkkèrè tako ' sè èdhoekanana , sabab bijăsana , manabi bădă pangradjă raboe da' dhisa pangormaddha rèng -orèng doemè ' ta' sapanèka . Marghăèpon tada ' laèn , namong sabab towan Aspiran mapalèman kerrès sangkolan sè pangaro èngghărowa , dhăddhi prasasat aparèng kaontongan dã rèng orèng Băngkal sadhadjă. Towan Aspiran èngghi ta' dhoeka , sanarè èormat kadhi èngghänèka , mala rèng -orèng èdhika'aghi terros sè anga-bhoenga . Sareng ampon alèngghi , ladjhoe èatorè dhăʼar djhadjhăn ana-bărna èsoghoeaghi dari kangan-katjèr djhăng ghăntjangan . Salèrana pas émot ghi ' nalèkana ghi' kana' , sè toman adha'ărăn djhădjhăn kadhi ghăpanèka . Sarrèna towan Aspiran ghi' kaaghoengan parlo laèn ka WIRJO , mèlana pas ngadjhak WIRJO , arembhaghăn è pèr-ampèrra wa' doewăan . Towan Aspiran ladjhoe alèngghi è lèntjak , dhinèng WIRJO asèla è tana , ta' djhǎoe dări ghika'ijă . Towan Aspiran pas adhaboe ka WIRIO : „ WIRJO, sèngko ' aberri tao ka sèdă , parkara tambhana arowa njata bhaghoes , nangèng dã' èbin sè ghi' bhoeroe gherring. Molana satėja sèngko ' mènta'a polè ka ba'na lebbi bănnja' . Sèngko ' la makèrèm bhoetol kotong dă'anna' , mènangka båddhăna . Sarrèna sèngko ' ghi' bănnja ' orosan sè laèn , ijá parkara dines , dhaddhi ta' ngennèng bit-abit èdijă."

WIRJO : „Parkara pamondhoet tambha dhi-dhalem ta' mator bhoenten , mator èngghi , sabab doe ponapa polè kadhi dhi -dhalem sè èbhădhia les bales da' djoenan -dhalem , sarrèna dhi-dhálem ta' ghadhoeǎn pa-panapa polè , kadjhābhā tambha ka'dinto. Djha' engghăn namong èngghanèka , kandjeng towan, klakoan ta' saponapa , sanarè dhi-dhålem èpakona alalakon sèjang -malem , anggher bădă dhăboe djoenan -dhalem bisaos , dhi-dhalem ampon ta' atangghin polè, sarrèna djoenan -dhalem ampon aparèng kabhoenga'an da' dhi -dhalem sareng da' ana '-binè dhi-dhalem , sè ta' dă -mandă. Parkara tambha dhi -dhalem ampon asadijă , mala kaboelăna mangkèn ghi' prappa'na ngandhel ka'dinto . Lagghoe ' ghi' petteng dhigghål dhi-dhalem dhibi' sè ambhakta'a da' koțța, èboewă'ă djikar . Otabă manabi djoenan -dhalem ngèdhinè , dhi-dhalem dhibi' sè madăpa'a da' Tjlorèng . "

Aspiran : „ Bă'na la ngala ' ongghoe dă' băbătegghå orèng towana. Mama'na MOESTARI , ijă bărijă, opama bădă orèng ta-mènta ka abă'na , lă, rèja ghi loen-belloen la bădă apa sè èkaparlo orèng djărèja . Mon sèdă ngennèng ngaterraghi dhibi' dã' Tjlorèng djărèja lebbi bettjè' , sabab rèng -orèng la'dissa tjè' kabhoeroena sè ollèa tambhăna èbinna . Pa ' arè agghi ' dhibi'na ollè aghăbăj sampè ' pa ' polo otabǎ sèket bhoetol polè . Panda' , Jo, parkara djărėja apa tja'na bă'na , lebbi dări sadjărėja, ijă bhaghoes . Băn mon marè , pas aterraghi kassa kėja."

WIRJO : „ Engghi , saè , kandjeng towan."

Aspiran : „ Sèngko ' mon ta' klèroa la adjhăndjhi ka sèdă , djhă tambhana embelliă ghăn saropėja sabhoetolla . Rèja' , tampanè dhalloe sèket ropèja , dhinèng sakarèna mo -temmo èboedi ."

WIRJO : „ Panèka tabănnja' dhingèn , kandjeng towan, sabab klakoan dhi-dhalem tadă laèn kadjhābhăna njarè oen-dãoenan , manabi mangghi pas èandhel . Sakètènga dhi-dhalem ta' abhăndhă .”

Aspiran : „ Endjă' , Jo, tampanè ella ! Bhender bă'na ta' malarat băn ta' abhăndhă , nangèng kabhoenga'anna orèng sè andi èbin gherring pas bărăs , djarèja ta' èkennèng belli səèket ropèja . Sambi'ănna sèngko ' ta' la ngotja' ka dhibi'na, djha ' djărėja bännè tang pèssè dhibi' , nangèng Naghără sè aparèng , Goepermèn aparèng pèssè bănnja ' ka sèngko ' , èdhika'aghi kabelli tambhana èbin gherring djärèja. Ella , ra , la kala' bhǎi dhăddhiă tang pamènta , sambi ' mè' kennèng ghăbăj băn -lambănna bräghăddha slameddhănna arèja ; karèna tebbhoessaghi dă răng -bhărăngnga bă'na sè èpaghadhi ."

WIRJO : „Engghi , kandjeng towan, dhi-dhalem mator saèboe doe èbce kaso'on da' djoenan -dhalem , moghă -mogha dhi -dhalem ghi ' onènga males kasaèannèpon djoenan -dhälem , langkong dări tambhă èngghănèka ."

Aspiran : „Djărėja tabhälik, Jo; sabhenderră sèngko ' sè mostè aberri ' panarèma ka sèdă , sabab Goepermèn la tanto sè ngalem tang pangghăbăjăn , sabab bin-èbin sè gherring pas bănnja ' bărăs . Bărijă kèja rèng -orèng sè andi' èbin, la tanto radjă kaprotanganna ka sèngko ' , dhăddhi sèngko ' ollè alemman doe kalè : sapèsan dări Naghără băn doe kalèna dări orèng doemè ' . (1)

Satėja sèngko ' terro tja'-ngotja'a bab laèn . Bări sèngko ' la ngotja ' , djha' sèngko ' ta' senneng ngatèla ' kabădăʼanna bă'na sè pas mara rèja . Sèngko ' , Jo, mon ènga ' lambă ' kalana ghi' kana ' , ghi' boer -lèboerră èn-maènan so bă'na , pas ta' dhăddhi sè ngatèla'a bă'na alalakon rat-malarat ghalloe dhăghǎ ènga' sapè ; krana bă'na djhă' sakènga njarè kasap laèn sè lebbhi dhammang tor sè aradjăʼăn bădhallă dări klakonna sè satèja , kèra sèngko ' tanto nemmo . Molana salè -ollè sèngko ' atatolonga ka sèdă . Mon ghellem mara toro ' sang otja' : „Neng bhabă Djember sèngko ' andi' kennalan , njamana towan De JAGER, djárėja dhaddhi towan bessarra bhako . Ghi' roe-bhoeroe rèja abă'na mènta orèng ka sèngko ' , sè pènter alako bhako , bhakal èpadhäddhiă mandoer goedăng . Towan djărėja endja ' ta' ngotja' addhoe adă ' ka sèngko ' , tapè asoradhăn . Soraddhǎ djărėja bhoeroe bări sè ètemmo , bhăreng sèngko ' njabă'ǎ kerrèssa sèdă èdălem rok-soroghănna mèdjă tolès . Dhoemèn sèngko ' marè matja sorat djărèja, mè' pas ènga ' ka bă'na . Bă'na ta' ijă la pènter alako bhako ? Marèna bărămma satėja , ghellem, apa endjă ' ?"

WIRJO : „ Wa, marèèpon kadhi ponapa , towan, saèstona dhidhălem sanget berră'èpon sè andhingghălă dhisa ka'into , sabab mama' adhingghål dhoennja èka'into, sabă dhi-dhalem sè èsèwă pabbrik èngghi bădă èka'ijă djhoeghăn . Panapa polè tja-kantja dhi -dhalem , kandjeng towan, ampon tanto ta' rembhak, manabi dhi-dhălem pas njèngla'a dări dhisa Băngkal ."

Aspiran : „ La bhender tang pangèra , tanto bă'na ngotja' mara djărèja . Nangèng mara, ra, pèkkèr , Jo, bă'na andi' tangghoengan ana ' -binè . Mon ghi' atoghoeă èdijă bhăi , bă'na so ana ' -binèna dălem tello taon bhakal malaradhă odi'na ; băn polè sarrèna bă'na alalakon dări metto arè sampè ' tjompet arè , la tanto kakowadhanna sadjan abit sadjan korang. Nangèng mon pas dhåddhi mandoer bhako , è persilla towan DE JAGER, la tanto senneng , sabab klakoan ta' berrǎ' kanța è sabă , băn sèngko ' băngal nantoaghi , djhă' bă'na bhakal andi'ă lora bhaghoes atèna . Apa , gădji èdissa radjă, tjokop mon engghoenna èkakan bă'na so ana '-binèna bhăi . Saopama bă'na ghoe '-agghoe' andi' èngeddhăn terro molèa kanna ' polè , rassa sèngko ' towan DE JAGER ta' kèra njekkadhi . Parkara sabăna djrèja , ghărăp bilă bă'na molè kanna' polè . Dhăddhi klabăn djhălăn bărijă, kabădă'ănna bă'na lekkas abăli onè kanţa lambă ' polè . Băn polè bă'na djha' loppa , djhă' sèngko ' sè nemmo soraddha towan DE JAGER djărėja prappa'na njabă'ă kerrès sangkolanna bă'na djărowa ."

WIRJO : „ Lerres dhăboe djoenan -dhalem , kandjeng Towan . Saèstona dhi-dhălem ta' kèngèng atoghoe èka'dinto sabit-abiddha , manabi dhi -dhalem ghi ' akarep njarèa kasap sè langkong radjă. Panapa polè sarrèna djoenan -dhälem ampon adhaboe , djhă' serrattèpon towan DE JAGER ghi' bhoeroe èpangghi sareng djoenandhălem prappa'na njabă'ǎ kerrès sangkolan dhi-dhälem kadălem rok-soroghănnèpon mèdjă djoenan -dhalem . Ghoe ta' ampon njata , kandjeng towan, manabi kerrès èngghănèka sè nodhoei djhălănnèpon kaontongan sareng kaslameddhănnèpon dhi-dhălem saana'binè, lerres akadhi băsèjattèpon mama ' , nalèka para ' èpondhoedhă omor . Mèlaèpon dhi-dhalem atoro'a bisaos sapètodhoena kerrès dhi -dhălem "

Aspiran : „ Dhăddhi bă'na ghellem, WIRJO ? "

WIRJO : „Engghi , kandjeng towan, doe matora kadhi ponapa polė . Sanarè dhi-dhalem aromasa berră' sè adhingghălă dhisa Băngkal sareng tja-kantja dhi-dhalem sadhădjă , djhoeghǎ dhidhălem mostè ngèrèng chăboe djoenan -dhalem . Bilăpèon dhidhălem sè èdhika'aghia mangkat , towan ? "

Aspiran : „Dhalloe ' , antos ghalloe , sabab sèngko ' ghi ' asoradhăna da' towan DE JAGER, bila-bilă bă'na sè mangkadhǎ èberri'ăna kabar . Băn polè mon panjakèddhá èbin ghi' ta' èlanga , bă'na djha' endi mangkat. Sarrèna parkara arèja la salèssè , ella, sèngko ' molèa."

WIRJO : „ Engghi , kandjeng towan. Abdhi -dhalem mator saklangkong kaso' on atas kabellăsănnèpon djoenan -dhalem . "

Toro' djhălăn ghălina towan Aspiran sapanèka : „Bhender kanţa tang pangèra bări' rowa. WIRJO SO tja-kantjana la tjè' partjadjăna ongghoe , djha' ontongnga bhadhănna taghăntong ka kerrèssa rowa. Ngara djhă' sakènga WIRJO ta' partjadjă dă' ka pangaroanna kerrèssa , amè' sèngko ' sè ghoeng -ngoghoengan ghella ' rowa tadă parlona ."

Katjatora rèng -orèng sè anga -bhoenga , sareng towan Aspiran ampon bhoebhăr , ladjhoe ngarèbbhoeng WIRJO , padă terro mèrengnga panapa sè èdhăboeaghi towan Aspiran . Sareng rèng -orèng ghăpanèka mèreng kabhar , djha' WIRJO bhadhi ondhoeră dări kampongnga , sadhădjă pas padă sossa . Dhinèng laènnèpon sè tadă ' èghika'ijă, sareng mèreng bab èngghănèka , ladjhoe padă èntar ka WIRJO , anjata'aghi lerres-bhoentenna berta èngghănèka . Sè èkasossa rèng -orèng Băngkal amarghä kerrès sangkolanna WIRJO , sè bhadhi tadă ă èghika'ijă sareng sè bhadhi kaèlangana orèng ngartè sè serrèng aberri' rembhoek sareng pètodhoe dă' orèng dhisa Băngkal . Pèkkèrra sapanèka : „ Bilăn djhă ' engghoenna èkèbă akolemman sakeddjha ' kanan, èdinna ' la nemmo tjalaka ' radjă, bhă bărămma dhaddhina , mon kerrès djărėja pas ondhoer terros dări dinna' ? Sanjatana WIRJO takabhoeroe dhălloe ' sè pas mator èngghi dã' kandjeng towan Aspiran Kontellir . Djha' sakènga mator ghi' arembhăghăna so tja-kantja rèja dhălloe , endja' . Mon satėja doe bărămma'a polè , sabab la dhaddhi otja."

Rèng-orèng ghella ' ladjhoe padă ngoman ka WiRJO , sopadjă maboeroenga karebbhǎ sè dhăddhiă mandoer bhako , sarengngan padă adjhăndjhi, bhadhi atatolonga bab pangorèbhănnèpon . Panda' , karebbhă tja-kantjana , WirJo ta' osa alalakon , ngakan tèdoeng , anggher aba'na ta' aghindjhegghăn dări Băngkal .

Dhinèng WIRJO èngghi sanget terrona sè norodhăna pangoghoengnga tja-kantjana , djhoegha ta' kèngèng , sabab ampon karą.

mator èngghi dã' towan Aspiran ; panapa polè sarrèna ampon jakèn , djha' kerrèssa sè nodhoeaghi djhălănna kaontongannèpon . WIRJO ladjhoe akandha bab towan Aspiran sè mangghi sorat èadă'na orèng bănnja' , bekkasanna pas ngotja ' sapanèka : „ Mara pèkkèrè , tja-kantja , apa sèngko ' ngennèng nolak parkara djărèja, sabab lakar tang kerrès dhibi' sè abherri' djhălănna kaontongan ka sèngko ' ? "

Saamponna WIRJO marè sè akandhă , pas bădă haddjhi towa kasorang , njellat katengnga , ngotja' kadjă sapanèka : „Tan-trètan ! bă'na kabbhi tanto padă ngèding otja'na WIRJO ghi' bhoeroe , sarta tanto la padă ngartè kabbhi karebbhă . Molana , tan-trètan , bă'na kabbhi ta' ngennèng mellang kakarebbhănna WIRJO djărèja, sabab la klabăn takdirra Ghoestè sè amorbhǎ djhaghat, abă'na sè ondhoeră dări dhisa dinna' , njarèa kasap ka naghără laèn . Apa polè ghella' abă'na la angghellärraghi , djhă' mostè noro' djhălăn sè ètodhoeaghi kerrès sangkolanna , sabab băsèjaddhă rèng towana, ontongnga bhadhanna taghäntong ka kerrèssa djărėja. Pandă' èdălem băkto satèja , kerrèssa WIRJO ghi' kodhoe njèngghă dări dhisa Băngkal ghalloe . La kanța djărėja băngsèddhă ka sè andi' . Djărèja, tan-trètan , masțè ètorodhi . Krana mon kerrès sangkolan djrèja èpaksa ètahan èdinna ' bhăi , dhisa Băngkal băn saèssèna kabbhi , masțè kadătengngan kasossa'an polè . Molana bă'na kabbhi la djha' kèr-pèkkèran WIRJO sè ondhoeră dări dinna' ; bhăli' madjoe ' podjhiaghi da'ka sè Aghoeng , moghămoghă abă'na saana ' -binèna bădăna è naghărăna orèng , èparèngana bărăs salamet landjhăng omor èpasțèa atemmo so tja-kantja rèja băn mandhär taoa ako -bengko èdinna ' polè . Sarrèna kerrès sè pangaro djărèja satėja la para ' tadă'ă dinna ' , madjoe ormat klabăn kabhoenga'an , sabab djărèja la klabăn kasókanna Alla Ta'ala, sè tao aberri ' djhălănna kaontongan băn kaslameddhăn dă' ka sè andi ' , băn ka sèngko ' kabbhi èdinna ' ."

Saamponna haddjhi bhoeroe marè tja'-ngotja ' , rèng -orèng sè padă mèrengngaghi pas bhegghår sakalèng ada' sarta ladjhoe padă modjhiaghi WIRJO, moghă -moghǎ èlastarèaghiă mangghi kanoggrahanna Pangèran, alantaran dări kerrèssa ka'rowa . Kantos malem rèng -orèng sè padă jak-ghijăghăn è tjompo'na WIRJO . Dhinèng WIRJO , sanarè ampon rèpot sè ngaladhinè tja-kantjana , ghi' kobher bisaos sè sambi nolongè binèna sè ambhachi tambhă ; sabab : sapèsan tako' sè lètjèghǎ dã' towan Aspiran , krana ampon karè adjhandjhi , kapèng doewă'èpon krana terro ollèa atatolong da' rèng -orèng Tjlorèng , sè ghadhoeăn èbin gherring.

Kalagghoeännèpon sabelloenna tja -kantjana djhăghǎ tèdoeng , WIRJO ampon marè ngaè ' kerbhoejjă, sè ngaterraghiă tambhăna dã' dhisa Tjlorèng . Dhisa èngghănèka seddheng nambhănna dări tjompo'na . Saplèmanna dări Tjlorèng, abă'na njepper dã' ghadhin sakeddjha ' , nebbhoes ghoej -angghoejjă sè binè' sareng na' -ana'na .

Sareng ampon nattol ka tjompo'na, bit dhaboena towan Aspiran , ladjhoe ngella tambhă polè pan-saponapan polo bhoetol . Sakèng mandhina tambhăna èngghănèka , panjakèt èbin è dhisa Tjlorèng dălem pa'bhellas arè ampon bănnja' korangngèpon .

Ta' abit saponapa ampon bădă sorat dari towan DE JAGER , njebbhoettaghi manabi WiRJO tolos èpadhăddhi mandoer , sarengngan salè-ollè sopadjă èngghălă mangkat. Gădjina kabidhăn 40 ropèja saboelăn tor polè ollè tjampo' prèi (tjompo ' kongsi ) .

Sareng WIRJO narèma kabhăr èngghănèka , pas andjhoewål : kas -pakakassa tjompo'èpon, kerbhoejjă, djikarra sareng pakakas tanèna . Abă'na sanget berră'na sè maondhoeră kerbhoejjă, amarghă ampon bannja' pètolongnga da' abă'na , langkonglangkong èdălem bakto aba'na malarat. Engghi ontongnga kerbhoejjă èbelli kantjana, sè dhăsar pratèn dã' èbin , dhăddhi atèna WiRJO pèndhă bădă bhoengana .

WIRJO lakè'-binè ' ta' kellar rassana sè andhingghålä kampongnga , ponapa polè tja-kantjana , sè ampon pan -saponapan taon lăngsaghoeloeng sèjang arè malem sareng aba'na , padă tjè' ta' tèghăna .

Sareng ampon nattol da' băktona sè mangkadha , para ' sadhădjăna orèng Băngkal padă èntar ka tjompo'na WIRJO, njangoè podjhi slamet sareng bhadhi ngaterraghiă .

Katjatora sareng WIRJO saana '-binèna ampon mangkat, bănnja' tja-kantjana sè padă nangès . Dhinèng sè ta' ngater , kantos djhǎoe sè mandheng sarengngan modjhiaghi moghă -moghǎ WIRJO saana ' -binèna kaparèngana bărăs slamet tor onènga apangghi polè . Sareng ampon ta' katèngal , rèng -orèng èngghănèka bhoeroe padă palèman .

IXI .

Persil bhako „Raba -Tanto".

Samangkèn kaoelă bădă è kotta Djember. Katjatora kotța panèka 50 taon sè tapongkor ghi' dhisa . È sakalènglèngnga possa ' sareng alas sè djhrembhen . Orèng Bhoemè sè ambhabhat alas èkabhadhi sabă otabă tegghål , namong kasorang kadoewă tor kennengnganna tja-njalattja , ka'ijă sakonè ' , ka'issa sakonè '. Djhoeghă sareng è tana Djhăbă sadjan abit sadjan kakorangan tana sè èkabhadhiă persil kopi , bhako sareng laènnèpon , para Bălăndhă persil ladjhoe molaè noro' ambhabhăt alas è bhăbă Djember, èbhădhi persil . Saamponna las-alas sè djhrembhen èngghănèka marè èboekka ' sadhădjă , èpadhăddhi persil kopi sareng bhako , pas bănnja' para Bălăndhă persil sè aengghoen è bhabă Djember . Sadjan abit sadjăn bănnja' para sodhaghär sareng dji -pardjadji tjompo' èghika'ijă. Edalem sèket taon abittèpon Djember sè apo'- ampon dhaddhi kotța, sarengngan sadjan abit sadjan atambă rammè , panapa polè saamponna bădă seppoer , sè mowa' hasèlla tana èngghădijă dă Sorbhădjă otabă dă' Panaroghăn . Dhinèng kotta Djember ghăpanèka kennengngannèpon lerres è tana rampa . Bă -sabă è kangan-katjèrra para' sadhädjă'ă ètamennè padi sareng bhako , namong è tana paghoenongan sè bănnja ' tamennan kopina. Samangkèn kaoelă terro èntara da' persil bhako , sè ta' djháoe dări koţţa . Dări Djember kaoelă nompa ' eppir, mangkattèpon ghi ' agghoe . È băkto ghapanèka samèlè ghi' lagghoe , kaoelă ampon arassa panas , panapa polè manabi ampon bheddhoek otabă lèngsèr masè ta' kowadhă panassèpon . Eppir sè ètompa ' kaoelă djhărănna ros -koros , djhoeghă paboeroena bhanter, amargha djhălănna lapang tor è kangan-katjèrra bănnja' bhoengkana assemma sè rampa' , ngaobhi lorong. Toro ' djhălăn monjèna ghoengsèngnga djhărăn ghăpanèka ta' peggha ' sèng -karèngsèngan . Djhă'-sakeddjha ' koesirra ngettegghi djhǎrǎnna, sopadjă paberka'na sadjana santa' . Sè katèngal è kangan-katjèrra djhălăn ghella ' : sabă saklangkong bănnja' , sabănnè ètamennè djhăghoeng otabă tebbhoe , sabănnè ètamennè padi , djhoeghǎ sè nja'-bănnja'an ètamennè bhako . È sabă sè ètamennè bhako èngghănèka ta' rang -korang koli sè alako , para' sadhădja'ă orèng Madhoeră , èadjengnge mandoerra . Ta' katjatora der-sinderră bhako sè nompa ' bendi èntara ngomèsi , bădă sè njalèp kaoelă , paberka'na djhărănna tjè' ghantjangnga . Manabi ampon nattol da' kennengngan sè èèntarana , bèndina èsabă ' è èmbong èbăbăna ka'-bhoengka'an , sè noghoei koesirra ; dhinèng towanna pas so' -njalosso ' ka ko -bhako ngomèsi tanemman ngèras sambi no'-ngono'è doer-mandoer otabă li-koli sè males . Èdhi'-seddhi'na bhako èngghănèka bănnja' dăng -goedăng panjèmpennanna karoso' ngangghoej ata' kadjhăng. Manabi dãoenna bhako ampon èpettèk , ladjhoe èsoddjhin , pas èdjhoemmor kangsè kerrèng. Dhoemèn ampon kerrèng, pas ènjamaè kroso ' ; ladjhoe èrempos , saamponna pas ètampè . Manabi ampon marè ètampè , pas èboewă ' djikar da' goedăng essèng , èngghi panèka kennengngannèpon maddhǎi kroso ' ghăpanèka mabi ghalangsè . Ta' djhaoe dări dăng -goedăng ghella ' bădă tjompo'na nè'-kènnè ' pan -saponapan mègghi ' , èngghi panèka tjompo'na doer -mandoerra goedăng . Ta' abit kaoelă ampon napa ' ka „ Rabă-Tanto " . Dări djhǎoeăn kaoelă nèngalè tjompo' gheddhoeng sèttong , tja'èpon ghăpanèka tjompo'na sinderră bhako . Dhinèng dhalemma towan „besarra " persil radjă tor djhembhar . Njamana towan bessar èngghănèka towan DE JAGER . Sanattolla da' seddhi'na dhalemma towan bessar , eppir pas èsoro amboe , sabab kaoelă terro djar-klèndjără èghika'ijă. Kadjhabha kasorang kaoelă ta' ghadhoeǎn kennalan polè , èngghi panèka ana' sarèjangnga WIRJO, orèng dhisa Băngkal Sangkolan. 5 èngghărowa . Sapalèmanna (saamboena ) WIRJO dări Rabă-Tanto , DOERAHMAN , ana ' sarèjangnga , èdhingghål èpangabdhi da' towan DE JAGER. Sakèng temmenna tor pènterra, bhoeroe omor bălloebellăs taon ampon èpadhäddhi mandoer goedăng sareng towanna, tjompo'na èseddhi'na kabessaran .

Samangkèn kaoelă ngabidhănna akandha kabădăʼănnèpon WIRJO , saabiddha dhaddhi mandoer goedăng è persil Rabă-Tanto. Sanattolla ka'kassa, WIRJO pas ngadhep da' towan bessar , saamponna ladjhoe molaè apangghăbăj . Ta' antara abit ampon katara kapènterrannèpon bab miding bhako , sapanèka djhoeghǎ bab pandjăgăna kroso ' èdalem goedăng ngalangkongè dări tja-kantjana sè laèn . Saabittèpon WIRJO ta' onèng doettjol dări kèr-pèkkèran, panapa sè èlakonana èpèkkèr sè klabăn massa ' dhingèn , saamponna bhoeroe èdjhălănnaghi . Abă-tambă băbătegghǎ djhoedjhoer tor bhadjheng , mèlana abă'na pas dhäddhi kapartjadjáʼännèpon towan DE JAGER . Li-koli sè èorèngè WIRJO sadhădjă padă lèboer dă' abă'na , nglangkongè dări li-koli laènnèpon da' mandoerra băngsèbăng , sabăppèpon èngghi bădă . Lerres abă'na kerras parèntana da' li-kolina, djhoegha djhoedjhoer ta' onèng merressan bhăbăna ; bhidha sareng doer -mandoer laènnèpon , serrèng njettot ombhällă bhăbăna , èghăbăj tambăna pangasèlanna dhibi' . Melana li-koli ghăpanèka pas sakè ' atè da' mandoerra , djhoeghǎ les -bǎlessa pas tèbhă dă' persil. Sarrèna WIRJO èkalèboeri sanget sareng li-kolina, mèlana doer -mandoer laènnèpon pas bădjhi' . Panapa polè sareng nèngalè WIRJO serrèng ollè alemman dări towanna, salo'è atambă somengngèt ka mandoer sèttong èngghănèka . La-mala serrèng WIRJO èghoeghat (èkella ) da' towan bessarra , djhoegha ta' meddhas , sabab sareng towan bessar ta' èangghep . Sakèng dări bădjhina tja-kantjana , kantos bădă mandoer kasorang sè mètenna ka towan bessar , sopadjă WIRJO èleppasa dări pangghăbăjännèpon . Panèka djhoegha ta' akakan. Bădă tja-kantjana WIRJO sè anèjat ngamba'ă WIRJO è boeng -soboengnga , ètokolana èpakongsèa lètja' ; nangèng bănnja ' sè ta' băngal , lantaran ampon mèreng djhă' WIRJO ghădhoeǎn kerrès sangkolan sè talèbăt maladhi dă' orèng sè asaddjhă sala . Abit-abit sarrèna pètennana orèng sareng towan bessar ta' èettjosè sakalè , pas tadă' orèng sè la' -ngella'an WIRJO polè . Dhinèng băb bertana kerrès sangkolannèpon WIRJO , sadjan abit è Rabă-Tanto sadjǎn misoewoer, mala kantos bărätta dhăddhi sa-Djember .

Sareng sabătara abittèpon WIRJO sè dhäddhi mandoer è persil Rabă-Tanto , ladjhoe molaè osom bhako . Sanarè tamennan bhako è-saè, panapa polè è bhăbăna WIRJO , kantos andhäddhiaghi sennengnga towan bessar , djhoeghǎ di-boedina lako saamponna marè osom bhako , ondernèmeng ghi' maksa rogi . Panèka marghăna , sabab è băkto osom kroso' bănnja' goedăng katonon. Dări segghoeddha katonon, kadhăng dălem sataon bădă goedăng sè kantos èobăi tello kalè. Namong goedăngnga WIRJO èparèngè lopot dări apoj . Towan bessar sareng der-sinder laènnèpon sanget ghettonna, mèkkèrè băb èngghănèka . Dhinèng manabi noro' pangèrana tja-kantjana , mèlana goedăngnga WIRJO èparèngè salamet dări apoj , sabab WIRJO ghădhoeǎn kerrès pangaro . Sadjan abit WIRJO sadjăn èadjhinè sareng tja -kantjana .

È nalèka sèttong arè bădjă ghoe - lagghoe , lerres kalagghoeanna bădă goedăng katonon, bădă mandoer towa kasorang njabis ka towan bessar , mator onèng băb kapangaroannèpon kerrèssa WIRJO ; djhoeghǎ towan bessar ta' ngangghep sama sakalè dă atorra mandoer bhoeroe , mala èkală' -ghella ' . Tja'na ghălina towan DE JAGER, mèlana goedăngnga doer -mandoer laènna serrèng katonon, sabab li-kolina bănja' sè sakè ' atè ka mandoerra , djhoegha towan bessar ta' mangghi djhălăn sè ngorosa , mandoer sè ka'kemma sè èkasakè'è atè li-kolina èngghănèka . Ta ' abit pas bădă sinder mator dă' towan DE JAGER , Sopadjă WIRJO èallèa dă' kennengngan , sè goedăngnga serrèng katonon. Atorra sinder bhoeroe èngghi èkabbhoeli , mèlana ta' antara abit WIRJO ladjhoe èallè dã' ghika'ijă ongghoe .

Sareng sabătara menggoe abiddhǎ WIRJO bădă è kennengngan sè anjar , karoesoeǎn sadjan abit sadjǎn ollè korang, abit-abit èngghi pas salamet , tadă ' goedăng èsoleddhi orèng kadhi dhingènna ; bab panèka andhadhiaghi ghettonna orèng bănnjă ' . Doer -mandoer laènnèpon sadjănè jăkèn , djhă' kerrès sangkolanna WIRJO pangaro ongghoe , djhoegha towan bessar ta' partjadjă sakontjo'na oboe' bhălăka'a. Pamangghina towan DE JAGER : manabi goedăng è bhăbăna WIRJO tada' sè katonon, ghăpanèka ta' sakèng dări kerrèssa , nangèng dări orèngnga dhibi' .

Djhoeghă è nalèka sèttong arè towan bessar nèmbhali WIRJO , djhoeghăn , marèksa'a parkara èngghănèka . Sareng WIRJO ampon ngadhep , towan bessar ladjhoe marèksa : „ WIRJO, apa bhender dhibi'- na tja'na rèng -orèng rèja andi' kerrès sangkolan sè pangaro kowa ? "

WIRJO „Engghi, towan bessar . Manabi djoenan -dhálem kasokan ngoladhăna , sareng dhi-dhalen èkala'a ; bhoenten ta' sakèng karana terro èèdhirraghiă , towan bessar , sabab bab panèka èpamangghi abdhi -dhalem ta' saè, tjoma djoenan -dhălem ma' ollè ngaghali .'

Towan bessar : „Ella , la dhina, laèn arè bhai. Satėja sèngko ' terro atanja'a ka ba'na , tja'na orèng , kerrèssa djärėja tao masalamet dhibi'na , sanaddjăn bă'na bădă ă dimma. Apa ba'na partjadjă , Jo ?"

WIRJO : „Engghi , towan bessar , sabab dhi-dhålem ampon serrèng nètènè , tor ampon onèng rassana bădă bhoektèèpon , djha' onèng maslamet dhi -dhalem . Bhoektè sè njata, èngghi dhi-dhălem sè pas mangghi kalakoan èka'into panèka ."

Towan bessar : „Apa ba'na sè pas dhaddhi mandoer èdinna ' rèja ta' alantaran dari partolonganna towan MAARTEN ? Dhaddhi mon tja' sèngko ' bănnè dări kerrèssa djărėja. Nangèng apa ba'na partjadjă ongghoe , Jo , djha' dăng -goedăng sè ètegghoe ' bă'na kan tadă' orèng njomet, alantaran dari kerrès sangkolanna djărèja ?"

WIRJO : „Parkara panèka dhi-dhălem ta' băngal mator, towan bessar , djhoegha dhi-dhălem jäkèn , manabi kerrès dhi-dhălem ka'dinto njellebbhi da' ondernèmeng kaaghoengan dhălem ."

Towan bessar : „ Kèra -kèra apa sè dhăddhi lantaranna è panbărămpan kennengngan ma' segghoet kadhäddhiǎn goedăng katonon, WIRJO ? Pola dhibi'na mè' tao sababbha ?"

WIRJO : „Engghi , onèng , towan bessar , djhoegha dhi-dhalem tako ' sè tor-matora da' djoenan -dhalem , tako ' mè' ta' èangghep . Sarrèna samangkèn djoenan-dhalem dhibi ' marèksa bab ka'dinto , dhaddhi dhi-dhalem băngal mator salerressa . Saèstoèpon towan bessar , parkara katononna dăng -goedăng ka'dinto sè sala mandoerra."

Towan bessar : „ Mandoerra ? Apa marghăna bă'na mè' pas andi' panarka bărijă bhai ?”

WIRJO : Djoenan-dhălem ollè dhaddhi ta' ngaghali , towan bessar, manabi sè kabannja'an doer-mandoer ka'dinto ta' djhoedjhoer , dhoedjan merressan sareng njețțodhăn bădjărănnèpon likolina . "

dhäddhi ghellem ères -perres bărijă so Towan bessar : „Doe ma ' mandoerră ? ”

„Marèèpon , sè ta' "WIRJO : porona kadhi ponapa , djoenan -dhalem ngaghali dhibi ' Manabi djoenan -dhålem kasokan mondhoedhă . katerrangngannèpon , sapanèka : „Opama bada koli arao tamennan Lă , panèka manabi ampon marè tor sanarè ampon rèdjik bhako . ravanmèpon ,mandoerra ghi ' maksa ta' poron narèma , bădă saos sè épèddhoeaghi . Dhaddhi , sarrèna li -koli ka'into bhoedhoe , towan kobatèr bădjărănnèpon tako ' ta' èparèngngaghi , bessar , mè ' pas sè sabăgiăn èdjhoeloeaghi ka mandoerră , anggher klakoannèpon ètarèma bisaos . Manabi sapanèka , bhoeroe mandoerră poron Kalaban djhălăn sapanèka , narèma . towan bessar , ampon tanto sè ères -perres bădjărănnèpon bhoeroe , bisaos likoli pas sakè ' atè ,mèlana pas terro makalèra mandoerră klabhăn djălăn marogi sè onderneming ; è bakto malem goedăngngèpon mandoer dhoedján merressan koli pas èobbhar . Sabab tja'èpon sè koli ampon tanto mandoerra ollè dhadhoekan dări djoenan -dhălem otabă mon ta' kalerressan pas èleppas . Engghi ta' manglo , towan bessar , likoli - sè amarghǎ sè ka'into pas sake'a atè , alalakon saarè bhentèng akartang è mangka sareng ampon narèma ,panassa , bädjărăn , ta' onèng narèma ghenna ' Ghi bănnja ' tongghållèpon , . sè towan bessar , bab kadhi ka'dinto . "

Towan bessar : „ WIRJO , otja'na bă'na djărėja bădă maso'na ka tang akal , nangèng sènga ' , bă'na mèsțè tao dhibi' , mon sèngko anjataʼaghi parkara djărėja , mangka pas ta' nemmo bhoektè pa-apa , otja'na bă'na djărėja masțè makan towan ! Ngartè ! "

WIRJO : „ Saè, towan bessar ; manabi dhi-dhalem mator lètjèk da' djoenan -dhalem , djha' engghăn polè èpaodi ' , èpatè'è sakalè dhi -dhalem ta' mator bhoenten . Djhoeghǎ manabi djoenan -dhălem bhadhi anjataʼaghiă ator dhi-dhalem , kasokana djoenan -dhalem ngangghoej kaadhilăn, sopadjă tadă ă è tongka' tadă ă è dãi . Manabi djoenan - dhalem ampon marèksa klaban adhil, dhi-dhålem băngal kettoghăn lè'èr , djha' bhadhi mangghia bhoektè sè njata. "

Towan bessar : „ Parkara djărèja sèngko ' la tanto marèksa sè kalaban adhil ; ba'na ta' osa tèr-kobătèr. Ella , kassa , nangèng sènga ' , djha' tor -totor ka orèng parkara djărèja ! "

Sareng WIRJO ampon njorot, towan bessar ladjhoe tjengngeng èadă'na mèdjă tolèssa , ghălina : „ Parkara rèja mohal sèngko' sè ta' ngèdinga kabhär . Bărijă kèja der-sinder laènna , ta' ollè dhåddhi sè ta' taoa , djhă' èdälem ondernèmeng la'dinna ' bănnja' doer-mandoer sè djahat. Nangèng sèngko ' satengnga partjadjá ka otja'na WIRJO ghella' . Satėja sè èkasossa sèngko ' sè ngorosa parkara djărèja bărămma , sopadjă doer -mandoer laènna ta' andia atè tambhoeroeǎn . Pa, la dhina, ka, sèngko ' ta' sa' -sossa'a parkara djärėja . Panda' , sèngko ' njarèa bhoektè sè njata , sampè ' nemmo , băn pa'-sapa'a èantarana doer -mandoer sè apangghăbăj ta' djhoedjhoer , kanța otja'na WIRJO arowa , djădijă lalakon ! "

Saamponna marè kèr-pèkkèran sapanèka towan DE JAGER pas terros mėjos ngomèsi pabhakoan . Kabidhăn sè èparèksa li-koli sabătara , èpèlè wa-towana , saamponna ladjhoe laènnèpon , kantos para ' sadhădjána li-koli sè èparèksa . Sè èparèksa dă' -adă'na ngalèng , dări tako' , djhoeghan di-boedina ngako , otja'na : „ Lerres , towan bessar , dhaboe djoenan -dhalem . Dhi-dhalem kodhoe alalakon abhäntèng abă , djhoeghǎ manabi ampon bădjărăn , ta onèng narèma ghenna ' , bădă bisaos sareng mandoerra sè èpotong , èpotong ka'dinto, èpotong ka'dinto ; korang parèksa panapa marghăna . Dhinèng manabi dhi-dhalem sakantja'an băngal mamadhoel bab paneka da' djoenan -dhälem , dhi-dhalem sakantja'an ta' kèra salamet , alalakon ta' mangghi èra sanarè ampon rèdjik , panapa polè manabi sala. Dă -padă mandoer towan bessar , namong WIRJO sè è-saèan sareng djhoer-djhoedjhoerǎn ."

Towan bessar kantos malem sè ngoros parkara èngghănèka . Bekkasan kanjata'an , manabi atorra WIRIO èngghǎrowa lerres sadhădjă , sarengngan doer -mandoer sè atèngka kadhi èngghănèka ampon èpangghi sadhadjă . E bădjă lem-malem towan DE JAGER pas ngompollaghi sadhadjana doer -mandoerra ka dhalemma . Sareng ampon apolong , towan bessar pas adhaboe sapanèka : „Doer mandoer , sèngko ' la anjata'aghi dhibi' , djhǎ' èantarana bă'na kabbhi , bădă sè ta' djhoedjhoer atèna , dhaddhi tokang boedjoe ' , dhoedjǎn merressan bădjărănna li-koli , sampè ' li-kolli rèja bănnja' sè sakè ' atè , pas ngobbhar goedăng , aghăbăj rogina ondernèmeng . Băn sèngko ' la tao doer -mandoer sè kemma sè atèngka mara djărèja, ijă arèja : sèttong ASTRO, doewă ' KARTODJONO băn tello' SOEKIMAN. Doer -mandoer sè katello rèja satėja kèja so sèngko ' èleppas , sabab sèngko ' ta' terro sarta masțè dhoeli ondhoer dări dinna' ngatèla'a mowana polè." Sè adhaboe sapanèka sambi nodhing da' doer -mandoer sè katello bhoeroe , sopadjă èngghălă ondhoer . Doer-mandoer panèka pas kalowar on-laonan klaban kasossaen , amargha kasta, sè apangghăbăj ta' klabăn sadjhoedjhoerră . Dhinèng doer -mandoer sè laèn, nondoe ' bisaos , sabab tako' èleppas djoeghǎ . Namong WIRJO sè băngal onga ' mandheng bisaos da' towan bessar , djha' matora , sapanèka : „Kadhi panapa , towan bessar , lètjèk ator dhi-dhalem ghella ' ghi ' agghoe èngghårowa ? "

Saamponna doer -mandoer sè katello ondhoer , towan bessar pas adhăboe ka sè laèn : „ Doer -mandoer sè laèn ! bă'na kabbhi taoa , molana bă'na ta' èosèr sakalè dări dinna' , endja ' ta' krana kanjata'an djhoedjhoer, endjă ' , sakèng sèngko ' ghi' aparèng ampon ka bă'na. Molana bă'na kabbhi bi ' tè-atè apangghăbăj , sèngko ' ghỉ' lèk-nèlèghăna klakoanna bă'na . Laèn arè , bilă bădă goedăng tangghoengan djărėja la tadă katonon polè , mandoer sè andi ' saporana , so sèngko ' mosțè èleppas . Molana kènga'è ongghoe tang otja' rèja , băn djăgă , djhă' sampè ' bădă goedăng katonon polè . Dhinèng mandoer sè ella njata djhoedjhoer dálem pangghăbăjănna , ta' osa tèr -kobătèr. Ella, mara satèja la abăli polè dă' klakoanna băng-sèbăng ! "

Saamponna marè èdhăboei sapanèka , doer -mandoer ghăpanèka pas kalowar dari kantoran , terros palèman . Nasèhattèpon towan bessar bhoeroe ètoro ' ghoe -ongghoe sareng doer -mandoer , tandhăna kabit dări nalèka ghăpanèka saterrossèpon pas rangrang , mala kèngèng kotja' tadă goedăng katonon sakalè , sarengngan polè li-kolina pas padă ta' angghăndhoe ' atè ka doer -mandoerra .

WIRJO saklangkong bhoengana , amargha atorra da' towan bessar bădă bhoektèna , dhăddhi bănnè ghăbăjăn . Sarrèna samangkèn tadă goedang katonon polè , dhăddhi towan bessar sanget kaprotangan da' mandoer WIRJO , sè ngatorè djhălăn lantaranna kaslameddhän . Menangka tandha kaprotangannèpon , gădjina pas èpaonggha 20 ropėja , dhăddhi 60 ropèja saboelănna ; lantaran ghăpanèka aba'na ollè long-molong sabăgiăn dări gădjina . Saamponna notop taon, WIRJO ghi' ollè persèn polè dări towan bessar sakalèng ada' bannja'èpon 300 ropèja . Sanarè doer -mandoer laènnèpon èngghi padă ollè persèn , djhoegha ta' bănnja' kadhi WIRJO, amarghă goedangnga WIRJO èngghănèka sè palèng bănnja' ollèna kaontongan tor ta' onèng rassana katonon sama sakalè . WIRJO sanarè ollè alemman , panapa polè persèn bănnja' dări towan bessar , bhoenten ta' pas males , sadjanè atambă bhadjheng . È osom kroso' doe kalèna Rabă-Tanto talèbăt bănnja'na ollėna kroso' , abhadhi ghettonna ra-lorana , sabab saeddjhegghă ghi' ta' onèng rassana ollè bhako bănnja' sapanèka . Bănnè namong goedangnga WIRJO bisaos sè possa ' sareng kroso' , terros ka sè laènnèpon èngghi sapanèka djhoeghă . Ghi' taon sè pon-ampon li-koli sareng doer -mandoerra ondernèmeng Rabă-Tanto padă les -males sadhădjă ; samangkèn sareng WIRJO dhăddhi mandoer èghika'ijă, kabădă'ănnèpon pas aobă , sadhădjă ladjhoe padă nèroè kabhădjhengnganna WIRJO ; sarrèna mandoer sè sèttong ta' poron kala ka sèttongnga è bab pamėjarana bhako , dhăddhi pas kadhi sè arebbhoe ' djhoeng saèan .

Katjatora ondernèmeng laènnèpon , sè abătessan sareng persil Rabă-Tanto , padă aèrè nèngalè radjana kaontonganna persilla towan DE JAGER , halla kaontongannèpon ondernèmeng sè laèn èngghănèka ampon kabilăng saè .

Tadă ' orèng sè onènga ka sababbhă persil Rabă-Tanto ma' pas madjhoe sapanèka , kadjhabhäèpon towan bessar . Engghi marghăna dări WIRJO , sabab mandoer panèka sè ngobă kabădă'ăn sè ta' saè . Mèlana towan bessarra saklangkong kaprotangan ka mandoer WIRJO ghăpanèka .

Sarrèna doer -mandoer ampon ta' merressan koli , sè koli èngghi pas ta' onèng ngobbhǎrǎn goedăng . Sapanèka djhoeghǎ WIRJO , bhoenga atèna , sabab saeddjhegghå abă'na dhăddhi mandoer èghika'ijă, pas bănnja ' probhăʼăn sè è-saè, kantos andhäddhiaghi madjhoena ondernèmeng ; doer -mandoer sareng li-kolina padă rokon . Parkara panèka nambăi kokona kapartjadjăʼănna WIRJO dă' kerrès posakana , djhă' lerres tjellebbhăn ongghoe , mèlana pas émot dã' băsèjaddhă mama'na , sapanèka : „Arèja kerrès sangkolan , tjong, djhă' paondhoer da' man-kamman, sabab mon kerrès rèja bădă è bengkona bhai , bă'na bhakal ollèa kaontongan băn kaslameddhăn .”

XII .

Malèng katello .

Katjatora WIRJO sè dhăddhi mandoer è persil Raba-Tanto, ka mangkèn ampon ollè doe taon, tor ampon èangkat dhăddhi hop mandoer . Saamponna marè osom bhako , abă'na pas ollè lagghăng , mèlana ladjhoe ghadhoeǎn ennjet terro aparmèsia ka towan bessar , njapodhǎ tja-kantjana è Băngkal . Sareng towanna WiRJO èparèngè parmèsi saboelăn . Sarrèna ampon abit sè andhingghăl kampongnga , dhaddhi samangkèn abă'na sareng ana '-binèna ampon pada kerrong. Tandhana manabi kalerressan ra'- tèra ' boelăn , todjoe ' è tanèjanna, sè èkagessa tadă' WiRJO lakè'-binè' pas djoe '- polė , kadjhabhǎ tja-kantjana è Băngkal , mèlana pas terro sè palèmana . Edălem doe taon èngghănèka abă'na sè long -molong pèssè ollè 1000 ropèja , djhoeghǎ sabbhăn boelăn ghi' ètambă bisaos ; mèlana ta' sossa båb parkara sango .

Sareng ampon para ' mangkadha , WiRJO pas njabis ka towan bessar , parlona sapèsan terro njo'ona paamèdhăn , kapèng doewă'- na terro matoro'a kerrèssa , sabab ta' èbhakta'a . Sanattolla dã kantoran , WiRJO ladjhoe ngala ' kerrèssa sambi mator sapanèka : „Manabi ta' andhäddhiaghi rèmbheddha pangghaliănnèpon towan bessar , abdhi -dhålem terro matoro'a kerrès panèka èka'into, kantos dhi -dhalem palèman ka'anto polè ."

Ijă, la dhina, nangèng sèngko ' hèran , arapa Towan bessar : „ ma' ta' èangghoej bhai, sabab la bijăsana orèng Djhăbă , mon èntara adjhălănan èmosțèaghi njongkèl kerrès."

WIRJO : „Kappraèpon kadhi ka'dinto , towan bessar , djhoeghă dhi -dhalem tako' kasta kadhi dhingèn polè . Ghi' dhingèn kerrès panèka onèng èbhäkta akolemman ka dhisa laèn sareng dhi-dhălem . Mangka prappa'na rèng -orèng aneng -sennengngan , dhi-dhălem pas èsosol , tjompo' dhi-dhälem katonon. Dhi-dhalem èngghål palèman, terro anjataʼaghia dhibi' băb èngghănèka . Sanattolla ka Băngkal , njata, djhă bănnè tjompo ' dhi-dhalem dhibi' bisaos sè katonon, djhoeghǎ tjompo' laènna, kantos sapolo koren sè èabi ' apoj . Kabit dări nalèka ghăpanèka dhi-dhălem pas malarat, kapaksa ngoli ka pabbrik, sabab răngbhǎrăng dhi-dhalem ampon ghemmet sadhădjă , sabă dhi-dhălem èsèwaʼaghi ka pabbrik ghoelă Soeko -Widi sadhădjă èbhadhi ghăntèèpon pèssèna tja-kantja sè èpatoro ' da' dhi-dhalem krana obăng bhoeroe tanoro' èkello ' apoj sakalè . Djhă' sakènga kerrès kă dinto ta' èbhakta'a akolemman , tanto dhi-dhălem ta' kèra mangghi kabhălăi kadhi bhoeroe , towan bessar . Panèka marghǎèpon , mèlana dhi-dhalem samangkèn tako ' sè ambhakta'a kerrès ka'into polè , sabab dhi-dhalem ampon arassa , èka'dinto masè pas bădă'ǎ kakalèran , manabi dhi-dhalem maksa ambhakta kerrès panèka. Dhäddhi sareng dhi-dhålem èpatoro'a èka'into bisaos ."

Towan DE JAGER pas kasokan myarsa atorra WiRJO bhoeroe ladjhoe adhaboe sapanèka : „ Mon bărijă ijă la dhina, saba' dinna ' bhăi . Ella, mara mandhar padă ă salamet , jă ! "

Saamponna marè apaamèdhăn , WirJo sareng ana ' binèna pas mangkat da' Băngkal .

Samangkèn bhadhi èkandhăʼaghiă , panapa sè ampon kadhaddhiăn è persil Rabă Tanto, saabiddha WirJo aparmèsi ka Băngkal.

E naleka sèttong arè bădjă pokol pètto ' bhari' èadă'èpon kantoranna towan bessar rammè sareng li-koli , sè padă narèma'a bădjărănnèpon . Towan bessar sareng sinder kasorang saklangkong rèpoddhǎ sè madjări li-koli bhoeroe , abittèpon kantos saeddjhăm , bhoeroe marè . Sabǎnnèna saamponna narèma bhădjărăn , li-koli bhoeroe bădă sè pas palèman , sabănnè bădă sè ghi ' adjhădjhăn è băroeng , mellè kopi sareng ghoeringnga gheddhăng , sabănnè bădă sè lè-mellè kaparloannèpon è tjompo'na. E bakto ghăpanèka è lorong saklangkong rammèèpon sareng li-koli , sè padă anga -bhoenga , amarghă ghi' bhoeroe narèma bădjărăn .

Katjatora prappa'na towan bessar atjèmeng sè madjări koli , bădă malèng katello lebbhoe ka pakarangannèpon , maso ' dări bingkèng, naè' è paghăr alassa dhalemma . Sarrèna è băkto èngghănèka petteng , dhaddhi tadă orèng nèngalè . Sareng bătara 20 meter nambhănnèpon dări kennengnganna towan bessar sè madjări li-koli , malèng sè sèttong ladjhoe nèngkong , ngèrrem èboedina kadjoeăn , kantos ra-kèra sapolo mennèt abittèpon . Kadoewăna èngghi noro' pato djhoeghă . Malèng sè dã'- adă' ladjhoe adjhălăn rangka' , maso ' dari labăng boedi , terros maso ' ka roma , pas ngètek èbăbăna difan. Dhinèng malèng kasorangnga ghi ' ngètek bisaos , ngantos lobărra bădjărăn . Ta' abit sè kasorang ladjhoe ngangsek kaada ' , ngèrrem è bhoen -kebbhoenan, èbăbăna krotong.

Saamponna towan bessar marè madjări koli , ladjhoe adha'ar asareng sinderră . Sè adhaar padă semmo kasoesoe , krana towan DE JAGER ghi' njerradhǎ sorat, sè parlo èpadjhălăn kalagghoeǎnnèpon ka eppos , towan sinder ghi' ngongghăʼaghiă bădjărănnèpon koli ka boekoena , mèlaèpon saamponna marè adha'ar , towan sinder pas palèman ; è băkto ghăpanèka ra-kèra ampon pokol sanga ' . Towan bessar pas lebbhoe da' kantoranna, njerrat sorat. Ra-kèra pokol sabellas ghi ' bhoeroe marè . Sareng ampon djhăghă dări korsèna, ladjhoe nèngalè kerrèssa WIRJO , sè èpakaè ' è tèmbo ' èattassa difan . Ghalina sapanèka : „ Hèran ongghoe sèngko ' dã' WIRJO arowa , mè' dhăddhi tjè' partjadjana ka kerrès arèja , kotja ' abă'na pènter sarta la toboek lăng-saghoeloeng so Bălăndhă . Djhă' sakènga orèng laèn sè ghi' bhoedhoe , sèngko ' la ta' kasamboe ' . Nangèng parkara djărėja ta' dhaddhi apa , sè parlo ka sèngko ' : abă'na djhoedjhoer tor bhadjheng , tang ondernèmeng saddjhek andi' mandoer djărèja pas sadjanè atambă madjhoe ."

Saamponna marè kèr-pèkkèran sapanèka sareng towan bessar kerrès èngghänèka pas èdjhăngngo , terro ètèngalana bi' basbas ; teppa'na andjhăngngo sapatoena ladjhoe arassa kadhi sè ngennèng andhoempak orèng , sarengngan sè èkennèng dhoempak pas aèrsèt dhibi' kadalem . Towan bessar tjengngeng sakeddjhă ' , ta' abit kerrès sè èdjango ladjhoe èlaboeng . Sambi ngastanè băi'na kerrès , ghălina sapanèka : „ Dhina, mon satėja sèngko ' ta' kèrès ; èbăbăna difan arèja tanto bădă orèngnga . Lomrana malèng la'dinna' ta' njèkebbhăn sandjhăta apoj , mon kerrès , ijă. Băn polè tanto bădă bhărengnga . Molana entè -atèa bhai , sabab mon malèng djrèja taproppongan , ta' boeroeng njotjo . Dhalloe ' , sèngko ' kalowara bhăi , mènta'a tolong ka tang reng-bhareng .'

Saamponna marè kèr-pèkkèran sapanèka , towan bessar ladjhoe kalowar , lèbăt è labăng boedi sarengngan pas aorak kadjă sapanèka : „SIDIN , AMAT ! kanna' ghantjangan , rèja' bădă malèng ! "

Ta' abit pas bădă orèng kasorang njongop dări bhǎroemana difan , ta' aodhengngan , ta' aklambhiǎn . Sareng towan DE JAGER ngoladhi bădă tjètagghă orèng ngongol è bharoemana difan , èngghål ètjandhak oboe'na sarengngan sambi rak-oraghăn : „ Maling, maling! " Malèng bhoeroe adjheng -ghoedjheng , karebbhă njotjoa , djhoeghǎ towan bessar èngghål ngala ' kerrèssa WIRJO , dhaboena : „ Mara paterros , njotjo ! Nangèng sènga ' , mon bă'na ètjapo' kerrès rèja, ta' kèra njambhát emboe ' polè ." Sanarè malèng èngghănèka ampon ta' kèngèng aghoeli sama sakalè, djhoeghă sareng towan DE JAGER ghi' ètjekkadhi bisaos oboe'na . Ta' abit salèrana pas palasdhă dă' malèng èngghănèka , èngghi panèka ASTRO, mandoer sè èleppas èngghårowa . Sareng ASTRO ta' kowat sakè ' , kerrèssa pas èpaghägghăr , sambi ngotja' sapanèka : „Kaoelă njo'ona sapora , towan bessar , otjollaghi ! " Sè ngotja' sapanèkali -bălian. Towan bessar njambhit: „ Ijă antos sadătengnga reng -bhäreng dhalloe , so sèngko ' pas èotjola ."

Saamponna SIDIN sareng AMAT njandher, ASTRO pas èngghål èrekkep sarta pas èpèngkot soko - tanangnga , kantos ta' kèngèng abhimbhă polè . SIDIN sareng AMAT mator ka towanna , djha' nalèka pakalowarra, nèngalè orèng kadoewă padă boeroe . Pangèrana, tanto ghăpanèka malèngnga , mèlana pas étabăng , djhoeghă ta' ètjapo ' . Dhinèng ASTRO Sè ètlèkong ghi' ta' amboe sè ngotja' njo'ona sapora sambi ngoțak bhadhănna . Towan DE JAGER pas marèksa : „ Sapa bhärengnga kadoewăna arowa ?"

ASTRO : „ Korang prèksa, towan bessar , kaoelă ta' onèng ."

Towan bessar : „Apa ba'na ta' ngakoa , bangsat ? Ijă, mara paterros sè mongkèr, kèdi bă'na ètjapo ' kerrès arèja , ta' boeroeng bhăngka ; ella, bă'na ta' ngakoa ?! "

ASTRO : „Bhoenten, towan besar , kaoelă ngakoa . Sareng kaoelă kadoewăna : KARTODJONO sareng SOEKIMAN. Ghella' ngètek è broenkebbhoenan èbăbăna krotong. Djha' sakènga dhi-dhalem ta' èdhina'- aghi boeroe , sareng dhi-dhalem ta' èkabălă njamana."

Towan besar : „ Bangsat ! Baddhinna sèdă sè njotjoa sèngko ' , ngètjo'a sang pèssè ? Aмat, djăgă , jă, èdijă , sèngko ' ghi ' areppodha ka poelisi è kotța, bangsat arèja ma' èghiring ka seppir băn kantjana ma' èsarè'è kèja."

Saprapat eddjhăm agghi ' towan bessar ampon mangkat da' koţţa , nètènè dokar . Toro' djhălăn èmot da' atorra WIRJO sè sapanèka: „Dhi-dhalem ampon arassa , djhă' è persil Raba-Tanto panèka bhadhi bădăʼa kakalèran, manabi dhi-dhalem maksa ambhakta kerrès panèka ." Towan bessar pas apèkkèr sapanèka : „Mon bărijă , apa kerrès arowa lakar pangaro ongghoe , apa , sampè ' tao nolak kabhălăi băn maontong ka sè andi' ? " Sanarè ampon sapanèka , djhoegha towan DE JAGER ghi' matetteng ta' partjadjă i dă' kerrèssa WIRJO , djha' pangaro , sabab sadhădjana sè ampon kadhăddhiăn, namong pas kalerressan bisaos . Manabi WIRJO Mèreng , djhă ' dhalemma towan bessar èlebbhoenè malèng , djhoeghă slamet, mala malèngnga kèngèng pègha ' , ampon tanto sadjănè sekken kapartjadjăʼannèpon ka kerrèssa.

Towan bessar sanget kaprotangan ka WIRJO ; mèlana berră ' sè ambhakta'a kerrèssa ka Băngkal , amarghă aba'na ampon arassa , djhă' è persil Rabă-Tanto bhachi bădă'a kakalèran . Mangka pas ongghoeǎn .

Bădjă tengnga malem towan bessar ampon nattol dă' kotta Djember , pas terros da' dhalemma towan Pètor . Towan Pètor èpangghi ampon asarè , djhoegha sareng towan DE JAGER ètoktok labăngnga ; towan Pètor abit-abit èngghi pas mèdjhil . Ta' abit towan sè kadoewă pas mangkat da' Raba-Tanto nètènè dokar, apangèrèng poelisi bănnja' nompa' djhărăn. Toro' djhălăn towan DE JAGER agessa băb sè njanchak malèng dări kabidhăn kantos dă' bekkasan ; sapanèka djhoeghǎ bab kerrèssa WIRJO . Towan Pètor pas adhaboe : „Engghi, kerrès posaka panèka lakar bănnja' kaanèannèpon . Sareng orèng Djhăbă èsangka onèng atatolong ka aba'na : tjellebbhăn, èkamora radjhekkè sareng èn-laènna. Djhoeghǎ sè ghadhoeăn ta ' angrasa : opama ta' alalakon, djha' ta' kèra ollè kaontongan pa -ponapa . Kadhăng manabi sè ghădhoeăn mangghi akal pa-ponapa , sè kantos andhäddhiaghi kaontongan bhălă, ghăpanèka tja'èpon alantaran dări kerrèssa djhoeghăn . Èbă sapanèka ampon adjhăng sampèjan kaprotangan da' mandoerra èngghănèka , sabab kalana sè matoro ' kerrèssa ka sampėjan atèna jakèn , djha' kerrès ghăpanèka bhadhi andhäddhiaghia kasalameddhănna sampèjan . Mala kantos kabingkèng arèna sampèjan bhadhi salameddhă terros . "

Towan besar : „ Mè' sapanèka ? "

Towan Pètor : „ Sampèjan bhadhi ta' onènga kamalèngan polè , sabab lèng-malèng ampon onèng , manabi sampèjan kaengghoenan kerrèssa WIRJO, sè onèng mègha ' malèng . Mangkèn èngghi tètènè èbingkèng arè ! Lèng-malèng ghăpanèka tanto tako' sè apara'a dă' dhălemma , sabab badjingan panėka bijăsana sara partjadjă'- ănna da' kapangaroannèpon kerrès sè kadhi èngghănèka . "

Towan bessar : „Manabi sapanèka , dhăddhi sadjǎn lépet kaprotangan kaoelă ka WIRJO ."

Ta' abit dări sè asa-gessa kadhi èngghănèka , towan Pètor sareng towan DE JAGER ampon nattol da' Raba-Tanto. Pata saprapat eddjhăm agghi ' si-poelisi laènnèpon ampon dateng djhoeghăn .

ASTRO èparèksa sarèng towan Pètor ; ASTRO mator salerressa , mala kantos da' sarengnga sè kadoewá èsambhăt sakalè . Saamponna marè èparèksa , pasakèdhăn pas èkalèntong , èbhakta ka kotta , èèrèngngaghi opas kadoewă , terros ètahan è patandhăn .

Saamponna , towan bessar pas ngaterraghi towan Pètor dă' kotta, napa'na ka Raba -Tanto ampon pokol lèma' para' sèjang . E băkto èngghănėka monjèna tongtong ampon rammè , ngolok li-koli sè apangghăbăjă . Sareng ampon sèjang , bab bertana malèng ampon bărătta dhăddhi sapersil , mala kantos dăpa da' Djember. Dhinèng rasanna li-koli , mèlana malengnga kèngèng pèghă ' , tadă laèn tjoma alantaran dari kerrèssa WIRJO ; kerrès ghăpanèka sè dhăddhi lantaranna kaslameddhănna persil Raba -Tanto. Mèlana ampon pantessa towan bessar sè sangeddha kaprotangan dă' sè ghadhoeăn , amarghǎ saeddjhegghå kerrès èngghănèka bădă èghika'ijă , tamennan bhako padă è-saè, kantos ondernèmeng bănnja' kaontongannèpon , tor polè parkara katononan goedăng pas tada sama sakalè .

Ella' doe arè KARTODJONO sareng SOEKIMAN ampon kèngèng pèghǎ djhoeghă . Sabelloenna katangkep, malèng kadoewăna boeroe dă' bhăbă Bhasokè , sabab mèreng kabhăr, djhă ' èsarè'è poelisi ; nangèng bekkasannèpon èngghi ghi kèngèng pègha' djoeghăn .

Pata ollè saboelăn malèng sè katello èngghănèka pas èparèksa è Landraad . ASTRO ampon ta' kèngèng mongkèr polè , namong KARTODJONO sareng SOEKIMAN matetteng sakalè pamongkèrra, djhoeghǎ di-boedina ghi' katerghă , sabab èkèkkè' ASTRO. Sareng pangadhilăn lèng -malèng sè katello padă èokom sadhădjă . ASTRO lèma taon , dhinèng kadoewăna ghăn tello taonan , sadhădjă alako klabän paksa.

Saamponna lèng -malèng sè katello èpadjhălăn , Rabă -Tanto sareng bhabă Djember laènnèpon pas ta' patè onèng lèng -kamalèngan kadhi dhingènna .

XIII .

Panotop.

Katjatora WIRJO sè aparmèsi palèman , sanattolla ka Băngkal tja-kantjana sadhădjă padă saklangkong bhoengana , amarghǎ sè èpastè apangghi polè . Ladjhoeǎ ka'kamma bisaos WIRJO saana'- binèna ètarèma rèng -orèng ka'issa klaban soka rennana atèna . Dări Băngkal pas èntar èn-maèn ka èparra è Ghălăghǎ . WIRJO saklangkong sennengnga nèngalè tja-kantjana è Băngkal padă koptjokop sadhădjă . Sabab saabiddha èdhigghållaghi tamennan padi èka'issa padă è-saè, mèlana è mosèm anjè ghi' bhoeroe , tja-kantjana bannja' ollèna padi , bhidhǎ sanget sareng taon sè ampon.

Tja -kantjana tje' terrona WIRJO sana '-binèna sè plèmana polè ka Băngkal , sabab saabiddha dhaddhi mandoer è Rabă Tanto , tja-kantjana pas ta' mangghi orèng sè èadjhaghă aparembhaghăn , Mèlana sadhadjă padă ngoman , sopadjă WIRJO teptebbha apo'- tjompo è Băngkal polè . Panapa polè bă -sabăna samangkèn ampon potèl kontragghă sarengngan obăng èngghi ampon ghădhoeăn , mala aba'na samangkèn ampon kabilang soghi . Djhoeghǎ WIRJO ghi' ta' asangghoep pa-ponapa da' tja-kantjana , sabab ghi' terro matora ka towan bessar dhingèn . Sè pas andhingghălă pangghăbăjännèpon ta' klabăn bădă marghăna , aba'na tako' èkotja' ta' ghadhoeǎn panarèma sareng towan bessar . Djhoeghǎ tjakantjana tjè' agherră WIRJO sè palèmana terros ka Băngkal , mala saollè -ollè , èarebbhă salobărră osom anjè . Tjak-kantjana padă asangghoep angghărăppaghia sareng namennana sabăna , sopadjă abă'na dhoemèn palèman terros ka Băngkal , pas karèa mangghi padi bisaos .

Tjator lekkas WIRJO saana ' -binèna ampon abăli polè ka RabăTanto , nattolla ka'kassa è bădjă malem . Neng-è lăn-djhălăn abă'- na ampon mèreng dări orèng , djha dhalemma towan bessar èlebbhoenè malèng , djhoegha salamet . WIRJO ghi' ta' onèng njatana bab èngghănèka , mèlana è malem ghăpaneka djhoeghăn pas njabis ka towan bessar , terro onènga terrangnga kabhar bhoeroe .

Towan bessar saklangkong bhoenga , ngoladhi mandoerra WIRJO ampon abăli polè , pas adhăboe sapanèka : „ Bă'na apa la ngèding , Jo, djhă' èdijă èlebbhoenè malèng , nangèng ijä ontong , malèngnga ta' ngennèng pa -apa , mala aba'na dhibi' èkennèng pègha so sèngko ' . Ba , mon ta' è bakto djărèja bănnė klakoan , Jo ! Ijă, dhoelat bădă kerrèssa sèdă djărowa, djha' anoa , sèngko ' ta' boeroeng tjlaka ' . Bhender pangèrana ba'na bilăn, nalèka para ' mangkadhă arowa . Molana sèngko ' tjè' sokkorra ka bă'na , sabab djhă' sènga malèngnga ta' tako' da' kerrèssa bă'na , ella , saendjǎ ' -endja'na sèngko ' sossa . "

WIRJO : „ Engghănèka tabhälik , towan bessar ; salerressa dhidhălem sè mostè sanget mator kaso'on da' djoenan -dhalem , sabab djoenan -dhălem ampon kasokan ngangghoej dhi-dhălem è persil ka'- dinto bakto dhi -dhalem njandhăng mlarat. Langkonglangkong sarrèna djoenan -dhalem sanget pangangghebbha sareng partjadjăna dã' dhi-dhalem . Kadhi ator dhi-dhalem dhingèn , towan bessar, sabelloennèpon dhi-dhalem dhăddhi mandoer èka'ijă , dhi-dhălem ngoli, alako saarè bhentèng sè terro neddha'ăna ana '-binè dhidhălem .

Ijă bhender ; nangèng sanaddjhăn bă'na bilan Towan bessar : „ ngoli , bhăreng satèja la dhaddhi mandoer , pas katara katjakeb bhănna băn kadjhoedjhoerǎnna, sampè dhăddhi madjhoena persil la'dinna' . Molana sè andi' persil , apa polè towan bessarra , la saghoenong panarènana ka sèdă , băn sèdă ta' endjă polè , mostè bhakal narèna'a ghandjhăran. "

WIRJO : „ Ghăpanèka djoenan -dhălem klèro, towan bessar . Saèstona parkara madjhoena persil ka'into sareng malèng sè kèngèng pèghă ' kantos djoenan -dhalem slamet, bănnè alantaran dări dhi-dhalem , djhoeghă dări kerrès sangkolan sè bădă è djoenandhălem . Dhi -dhalem ghoe ta' namong neptebbhi kawădjibhăn dhidhălem dhibi' , laèn tada' , towan bessar ."

Nangèng towan DE JAGER ghi' koko ta' partjadjăna da' kapangaroannèpon kerrès posakana WIRJO , pas adhaboe : „ Parkara djărèja ollè dhăddhi keja, WIRJO ; nangèng djha ' bă'na sè mamadjhoe ondernèmeng Raba-Tanto arèja la bănnja' bhoektèna . Molana kanţa sang otja ' ghella ' , sè andi' persil so sèngko ' sakalè tanto ta' kèra loppa dă' bă'na . Parkara kerrèssa rèja ijă sèngko ' partjadjă kèja djha' bhakal maontonga bă'na so ana '-binèna krana djărèja lakar kerrès bhaghoes ongghoe anggher bäna pagghoen sè tjakang apangghabaj , mantep dă apa sè èlakonè , djhoedjhoer băn ta' doettjol di dhoegha kèra. Kerrèssa bă'na rèja èkatako'è orèng ongghoe , tandhana bhäreng ASTRO ngatèla ' pas ta' andi' ora '." Towan DE JAGER sè ngotja' sapanèka , namong masennengnga atèna WIRJO .

" „Ella, Jo , rèja ' kerrèssa. Pola bă'na mè' ghi bădă sè èatorraghiă polè ?

WIRJO : „Engghi , towan bessar , manabi ta' andhäddhiaghi dhoekana djoenan -dhalem ."

, djha' ko' -tako ' Towan bessar : „ Endja' ; apa ? "

WIRJO : „ Ta' sapanèka , towan bessar , tja-kantja dhi-dhalem è Băngkal sadhădjă padă ngarep bălina dhi-dhălem saamponna lobăr anjè mangkèn ."

Towan bessar : „Dhaddhi bă'na laèn boelăn ghi' mènta'a parmèsi polè ? Ijă, djhă' tèr-kobătèr parkara djărėja. So sèngko ' ètorodhana .”

WIRJO : „Bănnè sapanèka karep dhi-dhalem , towan bessar . Tja -kantja dhi-dhalem è Băngkal padă man -ngoman da' dhi-dhalem , sopadjă salobärră anjè mangkèn, dhi-dhălem palèmana terros ka Băngkal , dhåddhi pas ta' abăli ka'anto polè . Saèstona dhi-dhălem dhibi' samangkèn sanget terroèpon sè palèmana ka padoempa'- anna dără dhi-dhalem . Mèlana manabi ta' andhäddhiaghi dhoekana towan bessar, salobărră bhako ka'ijă dhi-dhălem terro njo'ona amboe dări pangghăbăjän dhi-dhalem ."

Towan bessar : „Băb djărėja, WIRJO , bă'na matakerdjhat tang atè ongghoe . Pola sakèng tang pangangghep ka bă'na korang , apa bă'na ta' perna bădă dijă, otabă bădă hal laènna ? Apa , gădji la tjokop. Mon ghoen korang gadji bhai , mara so sèngko ' èpaongghă'à polè , asal bă'na teptep bădă dinna' . "

WIRJO : „Ampon , towan bessar , paparèng djoenan -dhalem dă abdhi -dhälem ampon bănnja' , kantos dhi-dhalem saana '-binè saklangkong perna bădă èkaʼijă. Mèlana ampon sanget kaprotangan dhi-dhalem da' djoenan -dhalem , djoenan -dhălem sè kasokan ngangkès dhi -dhalem dari kamlaradhăn , kantos dhi-dhalem mangkèn ta' aromasa kakorangan. Karep dhi-dhălem , sarrèna sabă dhidhălem mangkèn ampon poțèl kontragghă dări pabbrik, sarengngan dhi -dhalem ampon ollè long -molong pèssè , dhăddhiă sakonè ' , dhăddhi dhi-dhalem terro angghǎrǎbha sabă dhi-dhalem , towan bessar . Tjakantja dhi -dhalem mangkèn ampon pa' -mateppa ' neng -kennengngan dhi-dhalem , mala kantos da' sabă dhi-dhălem èghäräppaghi sakalè . Melana dhi-dhalem mangkèn wădjib males kaprotangan da' tjakantja dhi -dhalem , palèman ka Băngkal polè . Namong sèttong sè èkatako' dhi -dhalem sè pas andhingghălă persil ka'dinto, towan bessar . "

Towan bessar : „Apa ? "

WIRJO : „ Djoenan -dhalem ampon tanto adhaboe , djha' dhi-dhălem ta' ghadhoeăän kaprotangan sama sakalè da' djoenan-dhalem manabi dhi-dhalem maksa palèman ka Băngkal polè ."

Towan bessar : „Ó, endja ' , Jo. Sanaddjhăn dhibi'na atèngka'a dă rămma sakalè , sèngko ' ta' kèra loppa , djha' kamadjhoeanna ondernèmeng Rabă-Tanto arèja alantaran dari dhibi'na . Mon sèngko ' njekkadhi bă'na , djărèja tadă laèn marghăna , tjoma : sapèsan kaangghoej da' kamadjhoeänna ondernèmeng dinna' , doe kalèna sèngko ' tao , djha' bă'na băbătegghă mantep tor teptep . Bă'na jăkèn , djha' kaontonganna djărèja alantaran dări kerrèssa, nangèng moso tang panemmo ta' tjotjok , tja' sèngko ' bărijă : kaontongan so kaslameddhănna bă'na saana '-binèna djărèja lantaranna tadă laèn kadjhabhă dări kabhädjhengngan , kadjhoedjhoerän so kamantebbhănna atèna bă'na .

Mon bă'na la tjè' ta' èkennèngnga pellang ongghoe sè abăliă ka dhisana polè , salobărră bhako dijă, ijă mara, engko ' ta' njekkadhana , sanaddjhăn sèngko ' talèbăt èmanna ka bă'na . Nangèng sopadjă bădă ă ghantèna bă'na , ana'na sè wa'-towa'an rowa bhǎi dhina èdinna ' . Kana ' djărèja so sèngko ' èpasakola'a , băn saellana pas èadjhǎrǎna apangghăbăj , sampè ' dhăddhi orèng pènter tor djhoedjhoer mara bă'na, mala mandhăr ngongkolana . "

WIRJO : „ Saklangkong , towan bessar , dhi-dhålem langkong bhoenga , sarengngan sabelloennèpon dhi-dhălem mator saèboe doe èboe kaso'on atas kasaèannèpon djoenan-dhalem , sè kasokan ngampè boedoe' dhi-dhalem . Saamponna , panjo'on dhi-dhalem da' djoenandhălem moghă -moghǎ dhi-dhalem ta' èkaghaliă pa-ponapa dări bab abdhi -dhalem sè njo'on amboe dări persil Rabă-Tanto panèka . "

Bălloeng boelăn saamponna èngghănèka , WIRJO sareng ana-' binèna ampon palèman ka Băngkal . Tja-kantjana sadhadjă padă saklangkong bhoengana , nèngalè WIRJO , sè ampon para ' tello taon abittèpon sè apèsa , palèman polè ka Băngkal sareng bárăs -salamet . Tja -kantjana ngamba'i rasol sareng mèn -rammèn è tjompo'na WIRJO dhibi' sè sanget rammèèpon . É băkto ghapanèka tjompo'na èpadjhăng , è tanèjannèpon èpasangè tattarop , sè ngangghoej oendãoenan , bhăng -kembhängan sareng dhaloebăng ana -barna . Neng attassa katodjoe'annèpon WIRJO lakè'-binè ' èpasangè bhăng -kembhăngan èbhadhi panjangkèʼanna kerrès posakana WIRJO Sè pangaro . Dări bhoengana rèng -orèng Băngkal ampon ta' èmot sakalè dã' katjlaka'annèpon sè dhingèn , sè kantos mamalarat orèng bămnja' ka'issa.

Sarrèna samangkèn kerrès posaka èngghánèka ampon bădă è , Băngkal polè , dhăddhi rèng -orèng ghika'ijă pas ta' kobătèr dă' kabhălăi sè bhakal dătengnga , amarghǎ mènorot kapartjadjăʼănnèpon , kerrès èngghănèka èkadjhǎoe kabhlăi . Sapanèka djhoeghă tja'èpon WIRJO sareng ana ' -binèna sè mangghi kaontongan sareng kaslameddhăn , èngghi alantaran dari kerrès sangkolannèpon ghăpanèka . Djhoeghăn pamangghi bhadhăn kaoelă , para maos laènnèpon manabi sapanèka djhoeghă , tjotjok sareng pamangghina towan DE JAGER , sè adhaboe , djha' kaontongan sareng kaslameddhannèpon WIRJO saana '-binèna , alantaran dari kabhädjhengngan , kadjhoedjhoerăn sareng kamantebbhannèpon atèna . Băbătek sè sapanèka kèngèng tolat orèng laènnèpon ; tor ra'-sasèra'a orèng sè nèroè tabiat èngghănèka , dhaddhina èngghi maste ontong tor slamet djhoeghăn .

Ella' sabătara taon , saplèmanna WIRJO dări Rabă-Tanto klèboen dhisa Băngkal njo'on amboe , marghă ampon towa. Para maos ampon ta' mabi atorè onèng , djha' sè angghăntè èngghi panèka : ARDJODIWIRJO , ana'èpon MOESTARI .

ΤΑΜΜΑΤ .

htp:/tragle Google-digitized Columbia Public Domain in the United States