Baca PDF (OCR): Hikayat Cut Diwa Akah I

Cut Diwa Akah \ Hikayat I

Ramli Harun

IDKA YAT CUT DIWA AKAH

Hikayat CUT DIWA AKAH I

Alih aksara

Departemen Pendidikan dan Kebudayaan PROYEK PENERBITAN BUKU SASTRA INDONESIA DAN DAERAH Jakarta 1983

Proyek Buku Sastra · Iridoriesia dan Daerah

Hak pengarang dilindungi undang-undang

KATA PENGANTAR

Bahagialah kita, bangsa Indonesia, bahwa hampir di setiap daerah di seluruh tanah air hingga kini masih tersimpan karya-karya sastra lama, yang pada hakikatnya adalah eagar budaya nasional kita. Kesemuanya itu merupakan tuangan pengalaman jiwa bangsa yang dapat dijadikan sumber penelitian bagi pembinaan dan pengembangan kebudayaan dan ilmu di segala bidang.

Karya sastra lama akan dapat memberikan khazanah ilmu pengetahuan yang beraneka macam ragamnya. Penggalian karya sastra lama yang tersebar di daerah-daerah ini, akan menghasilkan ciri-ciri khas kebudayaan daerah, yang meliputi pula pandangan hidup serta landasan falsafah yang mufia dan tinggi nilainya. Modal semacam itu, yang tersimpan dalam karya-karya sastra daerah, akhirnya akan dapat juga menunjang kekayaan sastra·Indonesia pada umumnya.

Pemeliharaan, pembinaan, dan penggalian sastra daerah jelas akan besar sekali bantuannya dalam usaha kita untuk membina kebudayaan nasional pada umumnya, dan pengarahan pendidikan pada khususnya.

Saling pengertian antardaerah, yang sangat besar artinya bagi pemeliharaan kerukunan hidup antarsuku dan agama, akan dapat tercipta pula, bila sastra-sastra daerah yang termuat dalam karya-karya sastra lama itu, diterjemahkan atau diungkapkan dalam bahasa Indonesia. Dalam taraf pembangunan bangsa dewasa ini manusia-manusia Indonesia sungguh memerlukan sekali warisan rohaniah yang terkandung dalam sastra-sastra daerah itu. Kita yakin bahwa segala sesuatunya yang dapat tergali dari dalamnya tidak hanya akan berguna bagi daerah yang bersangkutan saja, melainkan juga akan dapat bermanfaat bagi seluruh bangsa Indonesia, bahkan lebih dari itu, ia akan dapat menjelma menjadi sumbangan yang khas sifatnya bagi pengembangan sastra dunia.

Sejalan dan seirama dengan pertimbangan tersebut di atas, kami sajikan pada kesempatan ini suatu karya sastra daerah Aceh, dengan harapan semoga dapat menjadi pengisi dan pelengkap dalam usaha menciptakan minat baca dan apresiasi masyarakat kita terhadap karya sastra, yang masih dirasa sangat terbatas.

J i 983

Proyek Penerbitan Buku Sastra Indonesia dan Daerah

ASOE HIKAY AT

JILED KEU SA

I. RAJA DIWA LAKSANA DARI MARTAGANG - SA . . . . . . . . . . . . . . . . . . . . . . . . . . . . . . . . . . . . . . 15 II. DIWA SEUNDARI PEURUPA DROE LAGE E PEURUMOH RAJA . . . . . . . . . . . . . . . . . . . . . . . . . 24 III . RAJA HANA GEUTUPEU E AN EUK KA LAHE . . . 30 IV. CUT DIWA AKAH JAK MEURANTO . . . . . . . . . . . 48 V. MEUTEUME E NGON SYE EDARA MA . . . . . . . . . 70 VI. MEUNUNTUT EL EUMEE BAK SYIAH TAPA . . . . 89 VII. BEUREUMA DIWA DARI NEGARA PURl . . . . . . . 104 VIII . AN EUK RAJA SIKURUENG PLOH TUJOH . . . . . . 115 IX. CUT DIWA AKAH DI TAMAN INDRA SELOKA . . 132 X. MEUTURI NGON PUTROE RAKNA KEUMALA . . 157 XI. PUTROE RAKNA JICOK LE CUT DIWA AKAH ... 174 XII. PRANG MEUSUNOH PUTROE . . . . . . . . . . . . . . . . 189 XIII. RAKNA KEUMALA GEUPEUNIKAH NGON CUT DIWA AKAH . . . . . . . . . . . . . . . . . . . . . . . . . . 214 XIV . KRAMAWANDA KEUM EUNG REUBOT PUTRO E.. . . .. . ... ..... . .. . . .. . .. ........... 230 XV. NEGARA PURl JIPRANG LE KRAMAWANDA. .. 252

PENGANTAR

Seperti umumnya hikayat Aceh, hikayat Cut Diwa Akah inipun tidak diketahui orang nama pengarang yang sebenamya dan tahun penulisannya. Naskah ini kami peroleh dari Pusat Dokumentasi dan Informasi Aceh di Banda Aceh bulan Juni tahun 1982 dalam bentuk tulisan tangan dengan huruf Arab yang terang . Ukuran naskah 25 x 15 em dengan tebal 430 halaman. Di halaman muka tertera nama pemiliknya yaitu Teungku Hasan supir , tinggal di Sirnpang Kandang Meunasah Me. Di halaman terakhir tercantum tanggal selesainya penulisan yaitu tanggal 7 Juli tahun 1958. !\1elihat data tersebut mugkin hikayat ini disalin sendiri oleh pemiliknya ataupun ia mendapatnya dari orang lain.

Hikayat Cut Diwa Akah adalah salah satu hikayat lama yang sudah ada setidak-tidaknya sejak akhir abad ke sembilan be1as. Dr. Snouck Horgrunje te1ah membicarakan hikayat ini dalam bukunya yang terkenal De Atjehers. Hikayat yang telah kami alih aksarakan ini merupakan dongeng dengan berbagai peranan makhluk-makhluk halus. Cut Diwa Akah digambarkan sebagai seorang tokoh yang dapat menundukkan segala raja bangsa jin dan manusia. Sesudah mengembara ke berbagai negeri dan dapat mengalahkan musuh-musuh yang hendak membinasakannya ia pulang ke negeri orang tuanya Martagangsa. Ia dapat mempersatukan kembali ayahnya Diwa Laksana dan ibunya Mandu Diwi yang sudah sekian lama berpisah akibat perbuatan jahat seorang jin wanita bemama Diwa Seundari.

Untuk bahan penelitian bagi pencinta sastra daerah, hikayat ini patut dipelihara sebagai khazanah yang berharga. Untuk memudahkan pembaca mengikuti ja1an cerita hikayat yang panjang ini, penyunting membaginya menjadi dua jilid dengan membuat beberapa judul isinya.

RINGKASAN HIKAYAT CUT DIWA AKAH J I LID I

Negeri Martagan gsa diperintah oleh seorang raja yang adil bernama Diwa Laksana. Baginda belum memperoleh keturunan meskipun sudah hampir tiga puluh tahun memperisterikan putri Mandu Diwi. Menurut ahli nujum baginda akan mendapat seorang putra yang kelak dapat menundukkan segala raja manusia dan jin . Seorang jin perempuan bernama Diwa Seundari telah bersumpah akan menggoda raja Diwa Laksana.

Pada suatu hari ketika putri Mandu Diwi sedang mandi bersama dayang -dayangnya di sebuah kolam, datanglah Diwa Seundari menyamar sebagai putri Mandu . Pakaian putri Mandu diambilnya dan bersama dengan dayang-dayang pulang ke istana. Raja Diwa Laksana tidak mengetahui bahwa isterinya itu bukan isteri yang sebenamya. Keduanya hidup sebagai suami isteri tanpa ada yang mengetahuinya . Putri Mandu yang sudah mengetahui bahwa Diwa Seundari sudah menggantikannya sebagai permaisuri , tinggal di rumah mangkubumi kerajaan dan dimintanya supaya rahasia itu tidak disampaikan kepada baginda. Sebenamya putri Mandu ketika itu sudah hamil dua bulan tetapi tidak diketahui oleh baginda. Beberapa bulan kemudian putri Mandu melahirkan seorang putra dan oleh mangkubumi dinamakan Olt Diwa Akah . Putra mahkota ini dibesarkan dan diajarkan berbagai ilmu di rumah mangkubumi . Lama kelamaan atas keterangan mangkubumi, Olt Diwa Akah mengetahui siapa ayahnya yang sebenamya. Ia bemiat hendak menghukum Diwa Seundari yang telah menipu ayahnya tetapi dihalangi oleh ibunya.

Olt Diwa Akah pergi mengembara, dan di suatu tempat bertemu dengan seorang perempuan tua bernama Purba Danta. Sebilah pedang peninggalan suaminya dihadiahkan kepada Olt Diwa Akah. Dalam perjalanan berikutnya Olt Diwa Akah terpaksa berkelahi dengan seorang bangsa jin bemama Lang-Lang Daranu.

Dalam perkelahian itu Lang-Lang Daranu harus mengakui keunggulan Cut Diwa Akah lalu ia menghadiahkan sebuah jimat dan berjanji setiap waktu bersedia membantunya . Di negeri Mereu Negara Cut Diwa Akah terpaksa pula berkelahi dengan seorang pahlawan bernama Sair. Ia dapat menewaskan Sair dengan pedang pemberian Purba Danta, dan raja Peurana lila yang memerintah negeri itu menjadi ternan baiknya. Ia mendapat pula sebentuk cincin sakti dari raja jin terse but.

Tiada berapa lama kemudian Cut Diwa Akah sampai di sebuah taman kepunyaan Meukuta Raja yang berkuasa di gunung Martaganja. Ketika menyaksikan taman tersebut dengan kolamnya yang i.ndah ia teringat akan nasib yang menimpa ibunya akibat perbuatan Diwa Seundari. Ternyata Meukuta Raja adalah saudara ibunya sendiri. Sesudah mendengar cerita tentang putri Mandu baginda amat murka dan berjanji akan menghukum Diwa Seundari. Meukuta Raja menganjurkan Cut Diwa Akah supaya sebelum menghadapi Diwa Seundari yang sakti itu terlebih dahulu harus bertapa pada seorang guru bernama Beuralunan Sakti. Diberikan pula kepadanya sebuah azimat bernama Guliga Hikmat. Di antara murid-murid Beurahman Sakti yang banyak itu terdapat dua orang anak raja masing-masing bernama Diwa Danta dan Damsyik Kaindra. Di tempat itulah Cut Diwa Akah mendapat berbagai ilmu sakti.

Tersebutlah sebuah negeri bernama Negara Puri yang diperintah oleh seorang raja bemama Beureuma Diwa. Baginda mempunyai em pat orang anak. Tiga diantaranya laki-laki masing-masing bernama Namli Diwa, Kusna Raja dan Mangindra Pari. Yang keempat seorang putri bernama Rakna Keumala. Putri ini tinggal di sebuah mahligai dan dijaga oleh dayang-dayang dan tujuh orang pahlawan .

Beurahman Sakti ber}Jesan kepada Cut Diwa Akah supaya tidak pulang dulu ke negerinya sebelum mendapat putri Rakna Keumala. Murid-murid Beurahman Sakti banyak pula yang ingin mengadu nasib memperebutkan putri Rakna Keumala . Terjadi pula keributan diantara mereka dalam usaha mendapatkan putri cantik itu. Dengan bantu an Lang-Lang Daranu yang menjelma sebagai seekor garuda Cut Diwa Akah sampai di negeri Negara Puri dan turun di sebuah taman kepunyaan seorangjanda tua hernama Bibik Sikandawatl. Di tempat itu ia belajar merangkai bunga. Pada suatu hari . pembantu Bibik Sikandawllti bemama Dang Seundari pergi menjajakan bunga ke istana Rakna Keumala. Putri Rakna tertarik dengan bunga yang dibawa Dang Seundari karena rangkaiannya tidak seperti biasa. la meminta supaya Bibik datang ke istana untuk mengajamya merangkai bunga. Bibik sendiri tidak dapat merangkai bunga seperti dilakukan oleh Cut Diwa Akah, tetapi dengan bantuan seekor lalat, bibik dapat met:"angkainya seperti yang dikehendaki putri Rakna .

Dua orang dayang-dayang memberitahukan putri tentang keadaan Cut Diwa Akah. Keesokan harinya mereka datang lagi ke rumah bibik dan melihat Cut Diwa Akah sedang membuat sepasang burung merak dari em as. Sesudah selesai Lang-Lang Daranu masuk ke dalam tubuh burung merak buatan itu sehingga kedua ekor burung itu dapat berbicara. Buning merak itu dikirim ke istana sebagai hadiah kepada putri Rakna .

Putri Rakna selalu berhubungan dengan Cut Diwa Akah melalui kedua dayang-dayangnya. Pada suatu malam secara diamdiam Cut Diwa Akah pergi ke istana dan dengan pertolongan Lang-Lang Daranu putri Rakna dibawa •ke rumah bibik Sikandawati. Hal ini diketahui oleh tujuh orang pengawal putri dan dengan sejumlah pasukan mereka menuju taman Indra Seloka milik bibik Sikandawati . Di sana mereka menyaksikan putri bersama Cut Diwa Akah. Dengan bantuan empat orang anak Meukuta Raja ketujuh pengawal putri yang hendak membinasakan Cut Diwa Akah dapat ditewaskan . Raja sangat murka mendengar putri - nya diculik lalu mengumumkan barangsiapa yang dapat mengalahkan Cut Diwa Akah akan dinikahkan dengan putri Rakna Keumala. Mendengar janji baginda yang menarik itu , sembilan puluh tujuh orang anak raja yang pemah bertapa bersama Cut Diwa Akah datang dan mengepung taman lndra Seloka hendak menyerang Cut Diwa Akah . Mereka dapat ditawan oleh Cut Diwa Akah tetapi sesudah meminta ampun mereka dibebaskan . Karena sudah beberapa kali gagal, maka Beureuma Diwa berdamai dengan Cut

Diwa Akah dan putri Rakna dinikahkan dengannya .

Adalah seorang raja sakti keturunan bangsa dewa bernama Kramawanda putra mendiang Indra Bangsawan. lbunya bernama Suri Mangirna. Ia memerintah di negeri Rakna Samindra dan mempunyai seorang adik perempuan yang amat cantik hernama Sinaran Cahya. Pada suatu hari ketika Kramawanda sedang terbang rr.elihat-lihat negeri, ia sampa\ di negeri Negara Purl. Di situ ia melihat putri Rakna Keumala sedang memadu kasih dengan Cut Diwa Akah. Ia tertarik dengan kecantikan Rakna Keumala dan 1:-erniat hendak memilikinya . Tetapi ibunya tidak setuju dengan keinginan putranya karena Rakna Keumala sudah bersuami. Dengan mendapat dukungan dari tujuh orang saudaranya terutama Bulia Raksasa, Kramawanda mengirim dua orang utusan membawa surat kepada raja Beureuma Diwa. Di sana kedua utusan itu menjelek-jelekkan Cut Diwa Akah yang bangsa manusia itu. Mendengar ucapan kedua utusan itu raja Beureuma Diwa amat murka dan surat dari Kramawanda dirobeknya. Kedua utusan itu pulang dan melaporkan apa yang dialaminya kepada Kramawanda. Meskipun ibunya Suri Mangirna telah melarang, namun dengan pasukannya yang besar ia menuju negara Purl. Cut Diwa Akah dan Rakna Keumala tidak mengetahui hal itu. Tetapi raja Beureuma Diwa telah bersiap-siap menanti segala kemungkinan dari Kramawanda, dan telah mengangkat keponakannya Bansu Diwa sebagai panglima perang. Dua orang utusan dari Kramawanda datang lagi kepada Beureuma Diwa meminta supaya menyerahkan putrinya . Karena Beureuma Diwa tetap menolak maka pasukan Kramawanda menyerang Negara Purl. Dalam pertempuran itu panglima Bansu Diwa tewas kena panah panglima Syahrum . Akan tetapi akhirnya Syahrum tiwas di tangan Kusna Pari yang menggantikan panglima Bansu Diwa.

HIKAYAT CUT DIWA AKAH I

Bismillahimihmanirrahim

I. RAJA DIWA LAKSANA DARI MARTAGANGSA

Bismillah awai Ion surat Le beureukat jroh sempeuna Tuhan neu bri that akibat Nyankeuh syarat nyang peurtama

Nyankeuh geukheun peureulee syarat Punca beureukat ban sineuna Lagi peurmulaan bak hakikat Jeuet wajeb that nyan umpama

Alhamdulillah keusudahan Nibak peurbuatan nyoe seumporna Nyakni pujoe seukalian Milek Tuhan dum barangna

Nyankeuh nama peurmulaan Pujoe Tuhan nyang seumporna Ase beureukat Tuhan neubri Nyang na turi ngon saidina

Lheueh nibak nyan· seulaweuet keu Nabi Sahbat ngon ali ban sineuna Seureuta do'a umi ngon abi Seureuta syekhi dum barangna

Lon mohon tulong bak halarat Beu troh hajat faki hina Kareuna calitra sangat indah Diwa Akah Cahya Mangindra

Bak ek tamat ulon surat Kareuna sahbat galak raya Hikayat nyoe nan "Diwa Akah" Nyang that meugah ngon peurkasa

Lon mohon tulong nibak Allah Bak ek sudah ya Rabbana Karellna caiitra sangat indah Diwa Akah Cahya Mangindra

Bak jameun nyan sangat meugah Rupa indah sangat peurkasa Asai indra di raja nyan Dudoe ensan manusia

Seugala jen pari mambang Dum seukalian indra jindra Aroma Bakdu dudoe nibak nyan Nyoe karangan saboh raja

Diwa Laksana,geurasi nan Akan raja nyan manusia Rupa indah that samlakoe Keurajeuen di nanggroe Martagangsa

Cukop deungon wadi meuntroe Dalam nanggroe poteu raja Nanggroe aman that meusyeuhu Barat timu keunan teuka

Peukan rame kon sigeutu Meu'u-'u dagang ngon Cina Hukom ade sidek sasat Han tom rakyat teuaniaya

Raja taklok timu barat Wase jiintat jeuep-jeuep masa Raja gagah that beurani Dan lagi samlakoe rupa

Mulot maneh hana sakri Raja doli that bahgia Diwa Laksana hana bandeng Troh nanggroe jen cit geuthee na

Soe nyang kalon hate ngeuren Raja laen meunan hana Cukop kuta ngon meuligoe Sidroe putroe judo raja

Nyanpi indah hana bagoe Sambinoe hana sapat na Elok pareh hana lawan Asai putroe nyan di antara

Kareuna asai Darakat lndran Patot padan deungon raja Kulet puteh ban keululu Muka buju seudeurhana

Sambinoe jroh bungong meulu That sikufu deungon raja Meunyan eungkot nyankeuh ·asam Meunyan agam nyankeuh dara

Ateueh patot that mupadan Sulotan ngon putroe muda Lorn ngon gasehpi han bagoe Tuan putroe deungon raja

Hana jarak meung siuroe Samlakoe gaseh that meusra Umu baro limong blah thon Meualon cahya ie muka

Beukit taeu sang bek tatren Cut ampon mameh han tara Poteu raja gaseh han ban Lam seunangan rok-rok masa

Han tom siblet muka masam Meulaenkan nyang mameh saja Mandu Diwi nan geurasi Judo doli putroe muda

Akai jroh that putro e Meureundah diri nib ak raja Raja gaseh hana bagoc Kareuna putroe jroh that mpa

Dum dendayang lam rn euligoe Sinaroe jigaseh rata Uleh jroh that pie bu doe Baranggasoe that mu lia

Raja gaseh hana bago e Seubab putroe jroh that bahsa Salah bacut keuduka an Sulotan aneukneu harm

Agampi tan inongpi han Nyankeuh jalan ate duka Rab lhee ploh thon umu sampoe Aneuk sidroe gohlom nyata

Nyankeuh syugoi raja nanggroe Maken sampoe umu tuha Akhe mate ulon sidroe Soe nyang gantoe mat neuraca

Meunan ingat raja nanggroe Layak sampoe bak ie muka Seubab neudeungo firman Tuhan Dalam Quran nyang mulia

Almalu wal banun zinatan Hayatid dunya Areuta ngon aneuk keu peurasan Udep teelan dalam donya

Keuhana nyan keumgian Keuaselan han seumpoma Neumupakat deungon est euri Geutanyoe pakri aneuk hana

Tameukaoi hai putroe ti Kadang neubri na Y oh nyan pu troe kaoi jihah Ngon seudeukah jibronya

Deungon tulong nibak Allah Aneu k lidah keu Ion beu na Meunan sabe tiep-tiep uroe Raja ngon putroe lakee do'a

Goh mustajab deungon sampoe Raja nanggroe ate duka Bak siuroe beurangkat sulotan Bale keumang duck bak tahta

Meuntroe wadi uleebalang Ngadap sulotan pot eu raja Mangkubumipi na sajan Seukalian kali bentara

Bahwa raja duek seumayam Sapeuepi tan jatoh sabda Mangkubumi kalon macam Sang-sang masam poteu raja

Peuek seumbah yoh masa nyan Ampon Iaman ya sripada Patek kalon bak lakuan Nibak bangon sang beurcinta

Nibak bangon laen nyoe sang Siulahan duka cita Peue bu seubab ya junjongan Na salahan kamoe .nyang na

Beukit nyang na he junjongan Harap Iaman ampcn beu na Ban neudeungo haba meunan Teusinyom yoh nyan poteu r3ja

Seureuta neukheun meunoe bagoe Wahe meuntroe ngon bentara Hana salah nibak kamoe Asoe nanggroe ban sineuna

Ulon ingat keu untong droe Aneuk kamoe saboh hana Beukit mate ulon sidroe . Soe nyang gantoe mat neuraca

Mat keurajeuen ngon khazanah Takot muminah laen bangsa Nyankeuh ate Ion that gundah Bu kon salah ban dum gata

Meunan sabda raja doli Mangkubumi le beurkata Deelat ampon meuribee kati Di yup gaki harap mulia

Hareuem meuseumbah bangsa laen Meukon junjongan punya bangsa Nibak tuanku salen-malen Nyang saboh tren ngon meukuta

Meunan tuanku cinta hajat Tuhan halarat peutroh pinta Lheueh nyan sabda raja deelat Yue krah leugat nujum dumna

Singoh beungoh pukoi lapan Beu troh datang keunoe dumna Lheueh neukheun nyan le sulotan Beurangka t pulang u istana

Mangkubumi yue le ureueng Jak tueng nujum ban sineuna Singoh beungoh uroe siang Nujum datang dum barangna

Bak baginda nyang sulotan Bale keumang ka seunia Jingadap le uleebalang Seukalian cit hade ka

Nujumpi troh keunan sampoe Geu bet jaroe geudeelat raja Deelat ampon payong nanggroe Kamoe sampoe siri sabda

Nibak raja turon titah Neupeugah bak nujum dumna Wahe nujum taseuleuah Tamupayah bandum gata

Cuba kalon dalam kitab Deungon hisab eleumee gata Ulonteu nyoe that meularat Ek meundapat lagi putra

Ek na aneuk ulon sidroe Nyang jeuet gantoe mat neuraca Na deungon tan tahareutoe Cuba jinoe tapareksa

Seumbah nujum deelat ampon Patek seuon ban nyang sabda Yoh nyan nujum mutala 'ah Buka pantah kitab raya

Fon jilob surat latifah Bak silsilah raja raja Teuma jikalon nibak bintang Jiriwang bak punca indra

Ubak sa 'at lorn jipandang Keulaheran sinan nyata Putoh eleumee nujum dapat Guyang leugat ngon keupala

Teuma geutop le ngon kitab Seumbah deelat po meukuta Deelat ampon payong nanggroe Aneuk sidroe Tuhan karonya

Aneuk agam that seureuloe Samlakoe hana sapat na Gagah sakti ngon beurani Dum jituri jeuep-jeuep donya

Abeh neuhukom jen ngon pari Dum barangri mam bang indra Bandum raja dalam geunggam Sabohpi tan le kreueh jungka

Akan teutapi syahi alam Neutupeue tan lahe aneukda Rabpi tan jeuohpi tan Cit ka ineunan Tuhan kada

Meulaenkan akhe teuma dudoe Baro neuwoe bak meukuta Hingga seunang bandum nanggroe Dalam jaroe paduka aneukda

Raja deungo haba nujum Ka teusinyom poteu raja Ate suka hana macam Aneuk agam neudeungo na

Yah nyan nujum neubri salen Ban lakuan ala kada Seureuta ngon ureueng laen Maseng-maseng ban nyang jeum ba

Neubri seudeukah ngon khanduri Seugala faki lakee do 'a Lakee seujahtra nibak Rabbi Raja doli beu seumporna

Neubri salen uleebalang Meuntroe sajan ngon bentara Bandum rakyat keusukaan Seubab sulotan han le duka

Raja tinggai di meuligoe Deungon putroe meuseusuka Ngon dendayang dum sina.-oe Ngadap putroe deungon raja

Poteu raja suka ate Hana tom ere deungon raja Uroe malam sapat sabe Gaseh ate silagoina

Teukeudi Allah teuma dudoe Harne putroe Mandu Diwa Bit ka dumnan ulah bagoe Hana sidroe tupeue bahsa

Di rajapi han neutuban Putroe intan pruet karaya Meulaenkan leubeh gaseh sayang Han neutuban dumnan bala

Lagi bandum ngon dendayang Putroe nyan ban jithee hana Kareuna pruet gohlom jalan Hana waham dum ban nyang na

Teutap 'oh nan dilee putroe Laen jinoe Ion calitra Seubeurmula teuma dudoe Saboh putroe jen raksasa ll. DIWA SEUNDARI PEURUPA DROE LAGEE PEURUMOH RAJA

Diwa Seundari nama geuhei Buket Niloi teumpat tapa Dalam nujum ka jipandang Akan sulotan Diwa Laksana

Elok pareh hana lawan Seubaek ensan ateueh donya Rupa indah hana bagoe Keurajeuen nanggroe Martagangsa

Hana bandengpi meung sidroe Jeuep-jeuep nanggroe han sapat sa Sang jikalon dalam lumpoe Samlakoe Diwa Laksana

Jen raksasa yo le asoe Beu jeuet keu lakoe Diwa Laksana Meuhan kuteumeung kutueng ensan Kuudep han dalam donya

Jibeudoh le yoh masa nyan Jipeuseunang u Martagangsa Jitamong le saboh taman Duek sinan bak tubarasa

Bahwa sunggoh po taman nyan Pu troe in tan Mandu diwa Diwa Seundari teutap sinan Dalam taman yup tubarasa

Jinoe putroe Ion karangan Nyang geuboh nan Mandu Diwa Bak siuroe putroe intan Jak u taman meuseusuka

Jiireng dum le dendayang Ban lag_ee nyan miseue nyang ka Ngon peungasoh bandum sajan seukalian bita peurira

'Oh sare troh dalam taman Maneh han ban jatirasa Pot ngon bungong macam-macam Lingka kulam dum geupula

Pajoh deungon buah-buahan Maneh han ban jatirasa Lheueh nibak nyan marit putroe Jak tamanoe nak tagisa

Sang ka seupot ulah bagoe Mangat tawoe ka rab seunja Lheueh nibak nyan tren jak manoe Sinaroe dendayang dumna

Meulangue-hingue keudeh keunoe Dalam kulam sangat subra Diwa Seundari jimeusilee Di yub kayee tubarasa

Jipeulheueh eungkot saboh kawan Lam kulam nyan jipeurupa Ka jipagap le dendayang Putroe sajan let seureuta

Lale ngon nyan dalam kulam Uroe peutang ka rab seunja Bak inasa nyan Diwa Seundari Jibeureunti yup seureuba

lja putroe Mandu Diwi Ka jicue le dum jituka Putroe keunan troh peureugi Ija han le ka jituka

Cit ijajih nyang na sinan Putroe yoh nyan masam muka Neukeumeung kheunpi han jeuet le Keunong sihe jen raksasa

Dum dendayang han jipakoe Nyan sa putroe ka lam bala Di jih laloe dum· peugot droe Jalang bisoe tan seutia

Pu troe teudong han habaran Dum pakaian ka jituka Abeh jicok ija lasam Ija padang nostalia

Diwa Seundari ngui pakaian Han ubah ban putroe muda Seureuta jikheun meunoe macam Hai kak dayang jak tagisa

Uroe seupot gadoh peutang Jak tariwang u istana Teuma jijak dum beurjalan Putroe pandang sret ie mata

Putroe tinggai di yup kayee Sret meuree-ree ngon ie mata Di dendayang hana jithee Keunong t.pee jen raksasa

Keupeue guna dum dendayang Sidroepi tan nyang seutia Nyankeuh po cut tameurakan Nyang na sajan budoe bahsa

Nyang na akai ngon pikeran Ngon sipatan kira-kira Udep mate jitem sajan Na deungon tanpi jirela

Bek meurakan ngon binatang Jitupeue han rugoe laba Kareuna adat bak binatang Tuntutjih nyan peuet peukara

Peurtama minom keudua makan Eh tidoran lhee peukara Teuma nyang peuet jimeuagam Nyankeuh teelan nyang jim ita

Seubuleh-buleh geutanyoe ensan Bukon dumnan tausaha Nyankeuh miseue rakan putroe Hana sidroe nyang beurguna

Tueng ibarat he po cut droe Baranggasoe nyang beumama Lheueh nibak nyan haba nyang toe Leugat jiwoe jen raksasa

Dendayang ireng dum sinaroe Jisangka pu troe Mandu Diwa Hana jitheepi m-eung sidroe Jalang bisoe tan bicara

Diwa Seundari ka troh sampoe U meuligoe jiek lanja Leugat jiduek bak keurusi Nyang meuhambo ngon peum1ata

Na sikeujap duek beureunti Jitamong le dalam kama Seureuta jikheun bak dendayang Ulon mumang saket keupala

Jitamong lam peuraduan lnong setan le bicara Na sikeujap dudoe nibak nyan Tamong sulotan Diwa Laksana

Neueu putroe di sinan tan Bak dendayang neupareksa Hai rna inong hoka putroe Hana sinoe lon eu rupa

Dendayang kheun jibet jaroe Tuan putroe saket keupala Ka neutamong lam peuraduan Cit baro ban po meukuta

Raja· deungo kheun dendayang Neutamong rijang lam tiree rawa Ban sare troh lam keuleumbu Neubeuradu sapat dua

Peue nyang hajat peugot laju Sigeutu hana pareksa Hana sidek deungon sasat Meugriet that keudeh neuraba

Hana sabapi meung siat Meukarat that lop lam kuta Seubab hana beursalahan Ngon cut intan Mandu Diwa

Hana sidek bak sulotan Neukuran han jan meusua Diwa Seundari mangat ate Sang mise dapat syeureuga

Troh ban hajat jimeuate Troh ban ase ban jipinta Jimeuhajat yoh di nanggroe Beu jeuet keu lakoe Diwa Laksana

Tuhan neu bri hajat sam poe Jen pindoe suka teurtawa Bahwa sunggoh raja nanggroe Nyokeuh putroe bak neusangka

Han neutupeue meunan bagoe Jitipee nyoe le raksasa Nyang ase buet cit ka dumnan Kheundak Tuhan zat nyang Esa

Jadi teutap raksasa nyan Ngon sulotan ate suka Seubeurmula teutap 'oh nan Karangan laen Ion meugisa

UI. RAJA HANA GEUTUPEUE ANEUK KA LAHE

Mandu Diwi putroe intan Tinggai sinan yu p tu barasa Putroe saba bala datang Pujoe Tuhan hana reuda

Hingga uroepi ka malam Eh di sinan yup tubarasa Neupeujok droe ubak Tuhan Ngon seupot klam hana tara

Sa yang pu troe beurtangisan Bineh kulam eh teurhanta Ka jitiek boh le dendayang Sabohpi tan nyang seutia

Bak masa nyan tuan putroe lngat keudroe sayang raya Hokeuh ion jak kaman jinoe Ho troh kamoe ya Rabbana

Hingga teuma beungoh uroe Tuan putroe beudoh sigra Neujak leugat teuma dudoe Dalam nanggroe leugat neuhala

Bak neujak nyan singkat langkah Sang han leupah putroe muda Eu ncit han tom rasa payah Putroe indah sret ie mata

Hajat putroe neupeureugi Mangkubumi keunan neuhala Meunan hajat putroe siti Neupeureugi keunan sigra

Troh putroe bak babah pinto Teudong tahe hana haba Na sikeujap bri Tuhanku Teubiet laju inong tuha lnong tuha keunan sampoe Jieu sidroe inong muda Bu kon 'ajab hana bagoe Hireuen keudroe datok tuha

Yoh nyan putroe neukheun meunoe Deungo kamoe he rna raja Tatuiong ion rna uroe nyoe Gata jinoe ion seuraya

Tajak he ma bak mangkubumi Narit tame nyang seujahtra Takheun jeh pat sidroe jamee Geumeung meuteumee deungon gata

Meunan takheun ma panguiee Tatuiong kee hai ma raja Inong tuha le peureugi Bak mangkubumi troh ie ianja

Ban troh keunan horeumat geubri Geupeugah le deungon haba Ya mangkubumi sidroe ureueng Hajat meuteumeung deungon gata

Ubak uion geuyue jak kheun Harap meuteumeung deungon gata Mangkubumi deungo meunan Neujak yoh nyan ie pareksa

Ban troh keunan mangkubumi Han neuturi putroe muda Teurlaiu 'ajaeb hana sakri Mangku bumi hana haba

Teuma marit tuan putroe He mama droe pakon lupa Hana neuturi ulon sidroe Ulon putroe Mandu Diwa

Mangkubumi that teukeujot Putroe neusambot neupeumulia Pakon meunoe wahe po cut Peue salah buet po meukuta

Yoh nyan putroe neupeugah ban Lon jitawan le raksasa Abeh jicok dum pakaian Lon keumeung tham hana suara

Jih ka leupah u meuligoe Sinaroe dendayang jiba Ulon tinggai sinan sidroe Lon jak keunoe bak mamanda

Beukit meunan he pangulee Lon jak bri thee ubak raja Bahwa sunggoh ka jitipee Buet asee inong raksasa

Seuot putroe neukheun meunoe Deungo kamoe he mamanda Bek neu bri thee bak uroe nyoe Malee kamoe hana tara

Jih ka neutueng keu esteuri Malee keuji lon bak raja Kala kada ateueh kami Ulon pakri he mamanda

Meuna untong deungon tuah Tuhan balah nyang seujahtra Nyang jinoe bek le neupeugah Simpan keubah lam rahsia

Jikalee an gaseh sayang Lon numpang sajan mamanda Rahsia bek neulaheran Neusimpan di dalam dada

Mangkubumi deungo meunan Puwoe yoh nyan putroe muda Bak esteuri neupeugah ban Nyoe cut intan Mandu Diwa

Abeh neupeugah seukalian Neuyue simpan bek Bak peurumoh mangkubumi Putroe siti that mulia

Deungon teumpat laju geubri Ban seupeurti adat raja Seureuta geubri ngon dendayang Sileungkapan ban sikada

Geubri teumpat peuraduan Na miseue ban istana raja Cukop dumpeue seukalian Han sapeue tan miseue nyang ka

Sangat gaseh mangkubumi Ngon esteuri sama-sama Geunap uroe geupadoli Dumpeue geubri cukop ada

Syahdan pula ulon seubot Keu putroe cut Mandu Diwa Yoh nyan putroe karaya pruet Ayah seubot ate geunta

Akan esteuri mangkubumi Jisudi bak putroe muda Pakon cut pruet meunjadi Tapeugah kri soe keurija

Yoh ·nyan putroe khem teusinyom Seureuta neukheun meunoe haba Masa keunong bak jen hewan Dua bulan ka tan masa

Mangkubumi deungo meunan Pruet le yoh nyan neuyue raba Lahe nyata pruet lhee buleuen Ban nyang neukheun han meuriba

Mangkubumi keusukaan Nyo sulotan punya putra Seureuta neukheun he junjongan Na neutuban uleh raja

Seuot putroe neupeugah ban Sulotan neutupeue hana Di dalam nyan mangkubumi Putroe siti neupeulara

Peue nyang hana neuyue cari Dumpeue neubri sianeka Miseue adat lam meuligoe Meunan sinoe neukeurija

Neukrah ureueng dalam nanggroe Lam neumat droe maharaja Jak seumanoe tuan putroe Miseue bak droe kureueng hana

That mulia hana bagoe Tuan putroe mandu Diwa Hingga cukop buleuen sam poe Tuan putroe pruet that raya

Jimeujaga dum sinaroe Keumiet putroe Mandu Diwa Trok kutika nyang beureukat Nibak sa'at nyang seumpoma

Tuan putroe saket leugat Bri halarat budak nyata Teungoh beukah matauroe Tuan pu troe aneuk ka na

Lahe aneuk ureueng lakoe That seureuloe elok rupa Lang geumilang beurcahyaan Miseue ban buleuen purnama

Jisam bot le uleh bidan Seureuta sajan ngon sempeurna Beu Tuhan bri akhe dudoe Neumat nanggroe gantoe ayahda

Lheueh nyan jiboh le ngon tumpe Jipume-me aneuk raja Troh peurumoh mangkubumi Geusam bot le peumulia

Keudeh siat keunoe siat Peutroh adat reusam maja Beu Tuhan bri leubeh pangkat Aneuk deelat mubahgia

Na sikeujap troh keumbali Mangkubumipi keunan ka Neueu manyak that juhari Neusambot le ate suka

Mangku bumi ate galak Neueu budak jroh that rupa Elok pareh that meusigak Hana parak ban ayahda

Meusigeutu hana ubah Sang ayah Laksana Diwa Mangkubumi galak leupah Khem meuhah-hah ate suka

Ka neutanyong ubak putroe Tuanku soe taboh nama Peue nyang seunang neuhareutoe Uroe nyoe lon rasi nama

Y oh nyan pu troe teuma seuot Peije nyaiJg patot bak mamanda Salah beuna ulon ikot Meuseuki karot syuko ham ba

Mangkubumi deungo meunan Neukheun yoh nyan pantah sigra Cut Diwa Akah Ion rasi nan Lakab timbangan Cahya Mangindra

Beu Tuhan bri dalam iman Ngon seunangan pangkat 'ala Tuan putroe ate seunang Sipatot ban deungon rupa

Ateueh pai'ot that neuboh nan Sigeutu han meumbri cidra Lheueh nibak nyan mangkubumi Neuteubiet le nyan u lua

Neu bri seudeukah dum keu faki Lakee bak Rabbi nyang seujahtra Seugala 'alem deungon syiah Neubri seudeukah tuha muda

Neulakee do'a keu Diwa Akah Cuco lon sah beu mubahgia Seugala 'alem dum leu eng jaroe Keu samlakoe beu seujahtra

Tulong Tuhan do'a sampoe Ase samlakoe leugat raya Maken rayek ho siuroe Mangat asoe sehat raya

Ho siuroe rayek leugat Aneuk deelat indah rupa Soe nyang kalon galakji that Bit that cakap hana tara

Mangkubumi that bit galak Han jeuet jarak siklep mata Baro bah ban jeuet neu tinjak Maken rancak sang cempala

Mangat ate tuan pu troe Neueu samlakoe bijeh mata Lale ngon nyan tuan putroe Tuwo keu lakoe Diwa Laksana

Mangkubumi that neugaseh Neubri peungasoh nyang seumporna Neuyue peugot saboh taman Teumpat maenan aneuk raja

Leungkap deungon buah-buahan ·Han sapeue tan neuyue pula Seugala bungong na di sinan Geu boh jeum baogan batee kaca

Bak teumpat putroe neujak meuen Sajan-sajan ngon aneukda Di teungoh taman kulam saboh Geuturab jroh batee kaca

Kaca pu teh kaca mirah Bukon indah hu meucahya Di bineh kulam saboh bale Meuh meudeune ngon suasa

Beukit taeu that beureuhi Jroh han sakri mupeurmata Bubong nibak teumaga mirah Meujeureulah hu meucahya

Hana bandeng rupa indah Teuhah babah soe ngieng rupa Nyankeuh teumpat tuan putroe Ngon samlakoe banta muda

Keunan neujak geunap uroe Seupot neuwoe ngon rab seunja Diwa Akah nyanpi ka ragoe Neuyue jinoe jak beulaja

Fon-fon neuyue beuet Quran Tulong Tuhan jeuet Je lanja Han padum trep sudah khatam Aneuk sulotan sangat pinta

Abeh Quran neubri kitab Abeh jeuep bab ka neubaca Ase neufam ngon sikeujap Makna kitab dum seumporna

Jak meurunoe eleumee puprangan Asepi nyan siku tika Taki-maki lam puprangan Talo meunang jeuet neukira

Pumeuen peudeueng deungon tumbak Buet meutak-tak di ateueh guda Nyanpi utoh sudah bijak Sangat rancak aneuk raja

Soe nyang kalon teuhah babah Cut Diwa Akah sangat pinta Bit nyo cuco mangkubumi That ugahri bijaksana

Dum peundita teukab bibi Ngon mangkubumi jibeurkata Teungku ampon deungo kamoe Cuconeu nyoe leubeh pinta

Hana lawan le di sinoe Bak sa'at nyoe meunan rupa Mangkubumi deungo meunan Keusukaan hana tara

Neu bri seudeukah le di sinan Lakee bak Tuhan nyang seujahtra Dum ulama deungon syiah Keu Diwa Akah lakee do'a

Tuhan teurimong do'a syiah Fahla seudeukah kabui do 'a Cut Diwa Akah nyang samlakoe Neujak neuwoe deungon bunda

Jak u taman geunap uroe Ngon rakan droe ireng sama Troh u taman sumpit bungong Keunong bandum pat-pat nyang na

Cut Diwa Akah nyang bangsawan Jak u taman jeuep ku tika Beungoh neujak seupot neuwoe Ngon bunda droe Mandu Diwa

Seunang ate tuan putroe Keu lakoe han le neukira 'Oh na aneuk nyang samlakoe Cukop sampoe dum peukara

Di pu troe ngon aneuk agam Di sulotan ngon raksasa Nyankeuh neuuem uroe malam Neutupeue tan jen raksasa

Pihak utak hana jalan Bah sulotan raja raja Padumna trep geueh sajan Pakri ban han peunyum rasa

Bahwa sunggoh beutoi sajan Bak lakuan deungon rupa Dari hai bak peurasaan Beursalahan dum hana sa

Pakri sinan tan tim bangan Nyo raja nyan akai hana Akan teu tapi nyang aselan Ngon grak Tuhan dum barangna

Hana daya jen ngon ensan Meulaenkan ban grak Rabbana Bitpi Ion kheun meudeh meunoe Ase kamoe jeuet upat ceula

Lon harap keu Tuhan sidroe Ampon kamoe deesya nyang ceula Lorn meugisa ubak bunoe Samlakoe dua ngon bunda

Teukeudi Allah bak siuroe Samlakoe peugah bak bunda ldin bunda ion jak meuen Ubak taman teumpat nyang ka

Lon jak siat Ion woe rijang Han jan peutang troh Ion gisa Seuot putroe beukit meunan Tajak kaman bijeh mata

Bek trep tawoe wahe intan Keususahan ate bunda Cut Diwa Akah seumbah umi Tren peureugi yah nyan sigra

Ngon peungasoh kanan kiri Nyang juhari sa be muda Troh u taman neupeureugi Grak teukeudi Tuhan Esa

Leumah neueu ureueng sidroe Ngon aneuk droe sajan jiba Aneuk manyak tingkue keudroe Neutanyong soe uleh banta

Cut Diwa Akah tanyong rijang Bak dendayang nyang seureuta Wahe kakak ngon mak inong Lon teumanyong ubak gata

Tapeugah soe jeh geudukong Dan nyang geudong takheun nama Teuma seuot dum dendayang Jikheun rijang ngon sibeuna

Nyang jidukong meuhat aneuk Nyang meumbawak bapak nama Nyan tuanku nyang mustahak Meuhat bapak me aneukda

Cut Diwa Akah deungo meunan Pike le nyan leumah sigra Nibak !agee ulon kalon Di kee pakon tan ayahda

Meunan ingat po samlakoe Leugat neuwoe troh bak bunda Leugat neusujud ubak teuot Seureuta sret ngon ie mata

Ateueh ulee jaroe neubet Deungon patot kheun bak bunda Wahe bunda rna Ion putroe Neupeugah soe ayah hamba

Rindu deundam ion han bagoe Di ulon soe nan ayahda Putroe deungo haba meunan Putroe yoh nyan duka cita

Teuka sosah hana macam Sret le mubram ngon ie mata Seureuta neukheun he samlakoe Han ayah droe nyan di gata

Bit nan aneuk gata sidroe Tan barangsoe judo bunda Astaghfirullah leugat neukheun Ngon teusinyom maneh muka

Salang baku ngon bak pineung Na cit bandum ureueng pula Nyoe geutanyoe nyang makhluk Meuna aneuk na ayahda

Hai rna bak Ion narit patot Neukheun beu trok bapak hamba Putro c deungo narit meunan Beurtangisan sret ie mata

Cut Diwa Akah neumoe sa jan Neutanyong ban hana tara Putroe neumoe hana kureueng Peuduek bak leumueng bijeh mata

Sira neuwa sira neue om Bungong tanjong bek Ie rugha Taiem keudeh bungong geutoe Gata sidroe tan ayahda

Lon meuaneukpi cit sidroe Tan barangsoe na seureuta Cut Diwa Akah deungo m eunan Neumoe yoh nyan !agee raya

Meugule-gulc bak ribaan Miseue pang san taeu mpa Putroc kalon meunan macam Bak dcndayang neukheun sigra

Jak lch katueng mangkubumi Ngon estueri nyan bandua Dendayang plueng le peureugi Mangkubumipi troh teuka

Sajan-sajan ngon esteuri Ka neuduek Ie sapat dua Putroe peugah keu Cut Diwa Akah Ji,moe Iimpah sare rugha

Jitanyong bak Ion nyang toh ayah Pakri Ion peugah droe cit hana Cuconeuh tanyong nibak uion Beungoh kon fon troh 'an juia

Nyankeuh jinoe ban nyang hukom Nibak uion eieumee hana Teuma marit mangkubumi Bek kiam Ie bijeh mata

Uion keu bapak he boh ate Cuco bek Ie kian rugha Cut Diwa Akah deungo meunan Uion iem han ya nenekda

Ayah ulon neupeugah nan Baro seunang ate hamba Meuhan neupeugah nek t eungku droe Ulon boh droe dalam rim ba

Bahle jikap uleh rimueng Meuhan neukheun nama ayahda Hanco luloh ate pu troe Neungo samlakoe meunan beurkata

Neuwa neucom hana padoe Tuan putroe beukah rasa Mangkubumi kheun le pantah Tuanku peugah ngon sibeuna

Han jeuet Ion kalon sayang l eupah Peue faidah han t abuka Yoh nyan putroe hana daya le Han neu tukri som rahsia

Teuma neupeugah dum peurbuatan Fon bak uram asai mula Abeh tamat seukalian Hingga tamam abeh nyata

Cut Diwa Akah deungo meunan Neuiem yoh nyan han le rugha Ubak bunda teuma neukheun Idin lon simpan inong raksasa

Han jeuet meunan aneuk meutuah Marah ayah nyan keu gata Kareuna jih neugaseh leupah Meuhat salah bijeh mata

Kareuna jih leubeh neugaseh Han neupateh gata aneukda Ngon seubab nyan jeuet keu paleh Pike abeh hai aneukda

Ureueng nyang le han geutuban Gata intan aneuk raja Meunan nyang jroh lon pikekan Saba hai intan cahaya mata

Cut Diwa Akah deungo meunan That beunaran nyan kheun bunda Cut Diwa Akah leumah pikeran Bahle kaman got kubungka

Bahle kujak ku boh nanggroe Kadang soe-soe tern seureuta Deungon tulong Tuhan sidroe Kadang sampoe hajat hamba

Meung hana pueh keumaluan Deumi Tuhan han kugisa Cut Diwa Akah pike meunan Neukheun yoh nyan ubak bunda

Idin bunda Ion seukarang Lon beUJ:jalan dalam . rim ba Lon jak mita gaseh sayang Ubak mam bang pari diwa

Putroe deungo nyan habaran Reubah pangsan pantah sigra Cut Diwa Akah sam bot rijang Neumueng yoh nyan ulee bunda

Peurumoh mangku beudoh rijang Jisiram ngon ie peunawa Putroe beurioh han pangsan le Neuwa bak lihe bijeh mata

Wahe aneuk tangke ate Pakri tacre tinggai bunda Allah hai aneuk jantong badan Tabeurjalan dalam rimba

Tatinggai rna lam meulang-lang Lakoepi tan aneukpi hana Adat na lakoe ka gop rampah He ya Allah ho troh ham ba

Jinoe aneukpi ka leupah Aneuk lidah di Ion hana Mangku bumi ngon esteuri Com di gaki banta muda

Ho hai cuco tapeureugi Nek nyoe pakri sudah tuha Bandua droe klik meu'i-'i Ngon esteuri limpah dada

Fon manyak kon Ion peudoli Jinoe pakri tinggai kuha Le that macam haba ratoh Han ek Ion bah panyang raya

Lon tueng saboh nibak siploh Mubek sanjak haba Cu't Diwa Akah neukheun meunoe Deungo kamoe he nek hamba

Han ek tanggong peurbuatan nyoe Malee kamoe that bit raya Hai nek neujok Ion bak Allah Nyang peurintah langet donya

Nyan bunda Ion neuseuleuah Cit keuneubah Ion bak duha Putroe neuwa cit bak lihe Neucom sabe hana reuda

Wahe aneuk bungong pade Sampe ate tinggai bunda Gata aneuk tajak lam gle 'Oh mate han Ion eu mata

Yoh nyan marit Cut Diwa Akah Lon beuleupah wahe bunda Meuna untong deungon tuah Cit pantah keunoe Ion gisa

Mangkubumi marit bagah Neupeugah bak pu troe muda Tuan putroe bek le gundah Neupeuleupah paduka aneukda

Masa dilee haba nujum Patek maklum ban sineuna Aneuk tuanku saboh agam Hana lawan ateueh donya

Abeh taklok pari mambang Seukalian seugala raja Hana sidroe nyang ek teuntang Dum sulotan taklok dumna

Jinoe neusrah ubak Tuhan Seukalian hukum Rabbana Neudeungo kheun mangkubumi Mandu Diwi ate suka

Ka neusrah ban hukom Rabbi Neumat janji Tuhan Esa Seureuta neucom dum bak badan Kupaban he bijeh mata

Beu neutulong uleh Tuhan Keuaselan peue nyang pinta Lheueh nibak nyan Cut Diwa Akah Neuseumbah bak gaki bunda

Mangkubumipi neuseumbah Lakee meuah keumeung bungka Cut Diwa Akah neu beurjalan Sid roe rakan han a neu ba

Habeh jimoe dum gunangan Bandum neutham bek jak gata Dum dendayang gasehan balah Cut Diwa Akah jroh that guna

Putroe neumoe han peue peugah Aneuk leupah ka jibungka Yoh nyan pu troe saba pantah Neubri seudeukah dum ulama

Seureuta ngon mangkubumi Seudeukah neu bri seureu ta saba Neupeujok ban hukom Rabbi Seungap ate han le kubra

IV. CUT DIWA AKAH JAK MEURANTO

Seubeunnula deungo jinoe Po samlakoe Ion calitra Tamong uteuen leugat sidroe Abeh nanggroe troh lam rim ba

Padum uroe jak lam uteuen Sapeuepi han na mumara Pat nyang seupot neueh sinan Singoh teuma lorn neu bungka

Pad urn na trep lam beurjalan Troh bak padang lndra Sujana. Tamong leugat lam padang nyan Meuteumeung sinan sidroe nisa

Cut Diwa Akah le neupeurab Neudong di nap ureueng tuha Neutanyong le ngon su nyang that Peugah leugat he nek raja

Atawa jen atawa setan Atawa ensan manusia Peue buet taduek di teungoh hutan Sidroe teelan han seureuta

lnong tuha teukeujot that Geudeungo narit manusia Ureueng tuha ngieng le leugat Trang geulihat muda beulia

Geueu rupa jroh samlakoe Hireuen keudroe ureueng tuha Na sikeujap hireuen laloe lngat keudroe yoh nyan sigra

Seureuta jikheun he samlakoe Gata bunoe tanyong ham ba Neuseuot le po samlakoe Ulon sidroe tanyong gata

Teuma seuot le datok ·nyan Bangsa ulon nibak jindra Purbadanta geurasi nan Nyankeuh tuan nama hamba

Padum masa Ion di sinoe Han tom sidroe kalon rupa Teukeudi Allah bak siuroe Lon deungo bunyoe di antara

Akhe jam eu n geu hareu toe Teuka sidroe manusia Cut Diwa Akah geurasi nan Aneuk sulotan Martagangsa

Nyang tanom kah akhe zaman Cit aneuk nyan laen hana Nyankeuh seubab lon duek sinoe Muda samlakoe Ion preh teuka

Jinoe peue aneuk Ion hareutoe Tapeugah soe nama gata Pakon aneuk taboh nanggroe Tajak keunoe peue tamita

Cut Diwa Akah peugah leugat Ulon sisat bak let rusa Sampoe keunoe troh beurangkat Grak halarat meuteumeung gata

Nama ulon Cut Diwa Akah Nama ayah Diwa Laksana Martagangsa nanggroe nyang sa Ka Ion peugah nek bak gata

Ureueng tuha seuot pantah Patot leupah keunoe teuka Meukon aneuk ureueng meusoe Han sampoe keunoe talanda

Ulonpi aneuk uroe nyoe mate Raseuki han le dalam donya Nyoe na peudeueng saboh lon bri Peudeueng suami asai mula

Patot gata po pakaian Aneuk sulotan Martagangsa Nyoekeuh peudeueng that analan Cumehpi han seulama-lama

Meunyo keunong ngon peudeueng nyan Udepji han ateueh donya Brama Jidra suami lon Nyang po peudeueng asai mula

Cut Diwa Akah sam bot rijang Kon bubarang ate suka Meuteumeung peudeueng keusaktian Suka han ban muda beulia

Peudeueng jibri jihpi reubah Cut Diwa Akah peuintat lanja Nafah abeh jihpi leupah Cut Diwa Akah le bicara

Neuseumanoe neuboh gafan Neuseumbahyang tanom lanja Lheueh neutanom neubeurjalan Abeh padang gunong raya

Ka neuek cot neutren panton Le peue neukalon asoe rimba Abeh neueu macam-macam Keukayaan Allah Ta 'ala

Padum neupoh binatang bueh Rusa ngon glueh bek takira Neuek ngon cot neutren geurugoh Abeh neubloh alue paya

Uroe neujak malam neudom 'Oh singoh lorn ka neubungka That seungsara bungong teuprom 'Oh takalon sret ie mata

Cut Diwa Akah meungucap syuko Neupujoe Po Tuhan Esa Neujak leugat le neulalu Han sigeutu ate lia

Bak masa nyan tarek uroe Po samlakoe sang ka dahga Na sikeujap teuma dudoe Neukalon nyoe kayee raya

Bakji rampak hana bagoe Ka neupeutoe keunan lanja Cut Diwa Akah ka troh keunan Bak nawang nyan kayee raya

Neueu di yup sang hamparan Naleuengpi tan sapeue hana Ate mayoh keusukaan Pioh sinan siku tika

Mata layoh bak masa nyan Eh tidoran teungeut indra Seubeurrnula jinoe laen Na sidroe jen hantu ray a

Rupa hebat raya panjang Duek bak cabeueng kayee raya Lang-lang Daranu jih geuboh nan Gagah saktian ngon peurkasa

Nibak idong mubee ensan Troh jitamong lam keupala U yup kayee le jipandang Leumah ensan jieu rupa

Neueh di yup banie kayee Hana lagee ate suka Ate seunang po jen asee Raseukikee ka troh teuka

Sira marit jitren laju Lang-lang Daranu galak raya Bak uroe nyoe troh ban napsu Kupajoh laju manusia

Sira jitren khem meuhah-hah Jisuet lidah na sideupa Ok bak ulee jroh sileupah Hana ubah jiseuon raga

Ngon jideumpek kon bubarang Kayee meuguncang meugisa-gisa Cut Diwa Akah teukeujot rijang Nibak pangsan laju jaga

Nibak neueh neubeudoh dong Leumah neukalon jen that raya Deungon hebat raya panyang Han tajeuet ngieng nibak muka

Lang-lang Daranu tajo leugat Jitangkap muda beulia Cut Diwa Akah pru neulumpat Seureuta neumat jen meureuka

Nibak ulec neumat kong that Abeh hayat kah ceulaka Lang-lang Daranu peurasaan Kreueh neupeugang hana tara

Kira han lheueh jimeulawan Jikheun nyoe ban pantah sigra He ureueng muda peulheueh kamoe Tapeugah soe nama gata

Pakri jeuet troh tajak keunoe Pane nanggroe peue nan bangsa Nama ulon jinoe kupeugah Ol t Diwa Akah Cahya Mangindra

DiV{a Laksana nama ayah Nanggroe nyang sah Martagangsa Seureuta neukheun he maleu'un Jinoe peue kakheun he meureuka

Meunyo hana kaba iman Ngon siat nyan kupufana Lam sa 'at nyoe cit mate kah Haram jadah kheun beu sigra

Meuhan ka pujoe sidroe Allah Han kukeubah kah ceulaka Lang-lang Daranu seuot yoh nyan Lon ba iman he meukuta

Bahwa sunggoh sidroe Tuhan Han bilangan sa ngon dua Seureuta Nabi peusurohan Lon ba iman dum anbia

Seureuta harap neupeulheueh lon Neupeuampon dumna deesya Ho nyang neujak neu ba ulon Tuanku amp on yakin ham ba

Lheueh jikheun nyan Lang-lang Daranu Peulheueh laju yoh nyan sigra Teuma jisujud Lang-lang Daranu Ampon tuanku patek hamba

Olt Diwa Akah suka ate Seubab kafe masok agama Lang-lang Daranu jimarit le Harap doli minta peursila

Harap langkah tuanku ampon Bak rumoh Ion po meukuta Neuseuot le patot Ion jak Kareuna bapak Ion seubot gata

Kareuna ulon ka jeuet keu aneuk Patot Ion jak ubak bapa Cut Diwa Akah le beurjalan Sajan-sajan ngon jen rimba

Deueh neukalon dalam padang Saboh rangkang cut lagoina Geujak leugat le beurjalan Troh bak rangkang keunan lanja

Lang-lang Damna beurkataan Tinggai junjongan siklep mata Patek bri thee ubak ibu Deelat tuanku patek bawa

Cut Diwa Akah seuot laju Pulang dulu wahe bapa Lang-lang Daranu jiwoe leugat Troh bak teumpat laju sigra

Ban sare troh nyan bak teumpat Beuet hekeumat deungon mintra Na sikeujap teuma dudoe Rangkang brok nyoe indah rupa

Miseue istana ngon meuligoe Dum sinaroe ka hade na Panjang rumoh peuet ploh ruweueng Ngon peurasan sianeka

Tiree langet keueumasan Cawan pingan mupeurmata Sifeuet kuluk 'ainul banan Bagoe intan hu meucahya

Seukalian dum seuleungkap Miseue teumpat raja raja Ngon dendayang tari-tari Dum ka ase jeuep peukara

Teuma jikheun bak esteuri Yue peuase sianeka Teuma jak tueng Cut Diwa Akah Peutamong leupah u istana

Ban neukalon teuhah babah Bukon indah silagoina Lang-lang Daranu beurkataan Sila junjongan u istana

Cut Diwa Akah duek le rijang Bak eumasan patarakna Jiduek ngon droe sinan sajan Ngadap junjongan bri mulia

Cut Diwa Akah 'ajab han ban Neueu peurasan hantu raksasa Yoh nyan Diwa Akah pujoe Tuhan Neue saktian jen buraksa

Salang makhluk na sidumnan Jikalee buet Tuhan leungkap seumua Jipeujamee minom makan Pioh sinan siuroe dua

Neuduek sinan beursukaan Minom makan ban sikada Padum uroe neuduek dasyah Cut diwa Akah buka haba

Idin keu lon keumeung langkah Wahe ayah jen buraksa Jiseuot le Lang-lang Daranu Ampon tuanku lon beu taba

Han tern ere meusigeutu Ngon tuanku beursama-sama Cut Diwa Akah neukheun meunoe Uroe nyoe bek tajak gata

Meuna peue-peue uroe dudoe Beu troh sampoe 'oh lon cinta Lang-lang Daranu kheun le leugat Ampon deelat ban nyang sabda

Seureu ta jibri cum boi hekeumat Analan that le peue guna Nyoe tuanku keu alamat Pajan kasad pangge ham ba

Bak cum boi nyoe neuhei laju Lang-lang Daranu nama hamba 'Oh ban sare lon deungo su Bak tuanku troh lon teuka

La en hana peurseum bahan Cumboi nilam nyankeuh nyang na Kasietji le he junjongan Cumboi lon nyan le that guna

Beukit napsu nyan meuligoe Ngon siat nyoe ase saja Neuseubot ngon nama kamoe Jeuet meuligoe deungon kuta

Beukit padang peujeuet keu laot Neuseubot ngon nama hamba Neutiek cumboi lam padang nyan Ase sinan laot raya

Beukit laot jeuet keu padang Keuaselan peue nyang pinta Nyankeuh guna he junjongan Lam cum boi nyan dum keulua

Cut Diwa Akah kesukaan Cok cumboi nyan neujak lanja Mumat jaroe ngon Daranu Neujak laju le neuhala

Banta hadap nap u timu Han sigeutu 'ate lia Abeh padang tamong uteuen Badeuek rimueng dum jiguda

Neujak le\,lgat bungong seupeueng Rot lam uteuen rimba raya Neuek gunong neutren paloh Lam geurugah alue paya

Neujak leugat hana pioh Tunong baroh han neukira Padumna trep neubeurjalan Deuh neupandang gunong raya

Nibak jeuoh keulihatan Gunong manyang hu meucahya Ka teupike bak ate droe Peue gunong nyoe hu meunyala

Beukit meunan bah kupeutoe Kujak eu peue trang cuaca Teuma neujak leugat keunan Gaki gunong nyan troh neuhala

Neueu teumpat indah han ban Kayee sinan le that rupa Anggo deulimapi le sinan Laen tanaman jabet keureuma

Deungon bungong macam-macam Harom pi ban hana tara Batee kuneng panca logam Puspa rngam panca warna

Pasi nibak meuh nyang puteh Meujeureulah hu meucahya 'Ajaeb sangat Cut Diwa Akah Bukon indah hana ngon sa

Seureuta ngon neupujoe Tuhan Keubeusaran Allah Ta'ala Teuma neuek le gunong nyan Uroe malam neujak lanja

Pactum uroe peutjalanan Sampoe yoh nyan pucak raya Ateueh pucak troh samlakoe Neukalon naggroe luah raya

Kuta nanggroe nibak nilam Pinto teuhupam nibak suasa Meutatah ngon meuh palinggam Panca logam siseun lingka

Ban peuet sagoe teudong payong Alam sirong lheueng-lheueng dua Dua alam saboh payong Jroh meusigong hana tara

Ateueh pucak saboh manikam Cahyaji trang that meunyala U jeubh deueh keulihatan That trang bandrang leumah cahya

Beukit malam takheun uroe Meunan bagoe meucuaca 'Ajaeb tahe po samlakoe Hana tom proe dilee nyang ka

Cut Diwa Akah lam beurjalan U teungoh mideuen ka neuhala Neueu bale saboh teudong Nibak mideuen pinto kuta

Tameh teumaga bubong meulo-lo Puteh hijo taeu rupa Ban troh keunan neuduek Ieugat Nibak teumpat nyang teurula

Baro neuduek na sikeuja p Troh Ie Ieugat ureueng jaga Jen na sidroe keumiet bale Jieu lahe manusia

Hireuen teuceungong aneuk jaiang Han tom jipandang meunan rupa Bicara gadoh akai hiiang Hireuen mandang hana haba

Puleh hireuen nibak Iaioe Teuma dudoe jipareksa Pane teuka muda samlakoe Peue nan nanggroe soe bu nama

Seubab Ion kaion that samiakoe Hireuen kamoe sikutika Cut Diwa Akah seuot meunoe Bangsa Ion nyoe manusia

Nama ulon Cut Diwa Akah Nama ayah Diwa Laksana Martagangsa nanggroe nyang sah Kheundak Allah keunoe teuka

Ban jideungo haba meunan Jikheun yoh nyan meunoe haba Jikalee kon aneuk sulotan Han troh jaian keunoe teuka

Padum reutoh thon Ion di sinoe Han troh keunoe manusia Kheundak Tuhan Po geutanyoe Troh keunoe muda beulia

Cut Diwa Akah tanyong meunoe Peue nanggroe nyoe soe nan raja Siri bangsa tahareutoe Ubak kamoe tacalitra

Jiseuot le jikheun meunoe Raja kamoe Peurana Lila Meurcu Neugara nama nanggroe J en hareuloe nama bangsa

Akan peue hai raja kamoe Tujoh uroe siseuen teuka Seureuta ngon wadi meuntroe Laen sinaroe raja-raja

Meungadu sakti sinoe di mideuen Peuleumah dum gagah peurkasa Meunan .adat baranggajan Dum seukalian raja raja

Cut Diwa Akah deungo meunan Neutanyong pajan keunoe teuka Lon keumeung kalon keusaktian Saleh pajan trok bak masa

Jeuet lon kalon atawa han Nyanpi takheun ubak hamba Jiseuot yoh nyan teuma pantah Han peue salah akan hamba

Akan teutapi dilee taminah Bek leumah ubak baginda Meung neukalon ureueng di bale Neuyue poh le han pareksa

Kareuna Baginda Raja nyang sakti Gagah beurani han sapat sa Ak.he neupoh gata sidroe Sayang kamoe that keu gata

Ban neudeungo meunan bagoe Teusinyom samlakoe maneh muka Seureuta neukheun narit sipatah Pane neupoh nyang tan deesya

Lagi kamoe hana salah Teukeudi Allah keunoe teuka Hana Ion minah bak bale nyoe Meuseuki kamoe neutueng nyawa

Ureueng tuha deungo bunoe Deungo kamoe he ureueng muda Tinggai gata taduek sinoe Bah kamoe teubiet u lua

'Oh tan Ion teugah gata sidroe Ateueh kamoe keunong meureuka Lheueh nibak nyan jiteubiet le U likot bale jimeuseunia

Cut Diwa Akah tinggai sinan Bak bale nyan neupreh raja Na sikeujap neuduek sinan Keudeungaran that meutaga

Meusuara dum bunyian Alamat sulotan raja raja Deungon rakyat ireng sajan Seukalian raja raja

Maseng-maseng ateueh kandran Teubiet di dalam Meurcu Neugara Na nyang ateueh guda taji Siteungoh ri ateueh geuta

Ladom giduek ateueh waliman Siteungoh nyan ateueh singa Ladom ateueh naga teuretibang Ladom pasang ateueh rata

Mubagoe-bagoe dum pakaian Payong alam panca warna Syahdan akan aneuk raja jen Dum seukalian pakek mahkota

Kulah kama keueum asan Meutatahkan mutu rakna 'Oh sare troh nyan u mideuen Meu'u-'u dum jidon g ta ntra

'Adi juhan dum pahlawan Sajan sulotan Peurana Lila Takalon sigak that analan Ban puprangan beur angkat raja

Mubagoe-bagoe rupa pupanji Han tatukripi calitra Deumpek pahlawan hujan 'adi I-Iana sakri kiam kubra

Peurana Lila jiek kandran Hana macam hebat raya Di ateueh kandran naga teureubang Meulayang-layang di antara

Sigak lagee that pahlawan Di teungoh mideuen han geunap dua Peuet ploh di ateueh payong teukeumang U teungoh mideuen leugat geuhala

Keunan u bale dumgeu sare Geukalon le manusia Di ateueh bale teudong sidroe Rupa samlakoe hana ngon sa

Ban sare rab ka jipandang Beungeh han ban Peurana Lila Seureuta jikheun bak pahlawan Pane ensan cabak raya

Jak kayue tren beu rijang-rijang Meung bantahan kapufana Jiseuot le sidroe pahlawan Lam kawan nyan jih peurkasa

Jih geupeunan Diwa Sa'id Amarah bit hu ngon mata Meunyan ureueng peue tahisib Kuhapit han jan jihei rna

Han jipateh 'oh Ion peugah Kucacah-cacah kutampa-tampa Meunan jikheun aneuk jalang Jicok peudeueng jijak lanja

Troh bak bale ka meuteumeung Jieu hireuen indah tupa Na sikeujap hireuen laloe Jikheun meunoe yoh nyan sigra

He manusia nyang that beubai Hana akai ngon bicara Pakri taduek bak bale nyan Teumpat larangan raja raja

Nyang got jak tren jinoe rijang Bek kureupang takue gata Cut Diwa Akah deungo meunan Teusinyom yoh nyan muda beulia

Seureuta neukheun pubuet laju Ban nyang napsu takeurija Diwa Sa'id mataji hu Jisuet mupru peudeueng raya

Jitak laju Cut Diwa Akah Pruh neukilah leupah mara Diwa Sa 'id maken marah Jitak pantah hana tara

Taeu jitak meuadoe-adoe Muda samlakoe hana cidra Seureuta neukheun meunoe bagoe Hai jen pindoe theun di gata

Ban neukheun nyan neutak mupang Deungon peudeueng Purbadanta Cut Diwa Akah neutak pantah Seulinteueng reubah lc tcurhanta

Peurana Lila kalon pantah Sa'id ka sah mate fana Deungon mangat hana payah Bit nyo gagah manusia

Y oh nyan raja leumah pike Nibak ate kira-kira Beukit kupohjih nyan mate 'Aeb keuji jeuep-jeuep donya

Kareunajih ureueng dagang Umu seudang lagi muda Jihpi sidroe hana teelan Gop kheun teuman jeungkat hamba

Kadang aneuk raja meugah Meuhan ek sah keunoe teuka Raja in,gat ngon ejtihat Kutueng keu sahbat aneuk muda

Mangat tatanyong gampong nanggroe Lon tueng jinoe keu syeedara Y oh nyan beudoh peurdana meuntroe Ngon samlakoe meuteumeung lanja

Peurdana meuntroe tanyong pantah Tuan tapeugah soe btl nama Siri nanggroe soe nan ayah Lorn tapeugah peu nan bangsa

Cut Diwa Akah seuot leugat tnon sisat jak meurusa Cut Diwa Akah lon geulakab Nanggroe meuhat Martagangsa

Diwa Laksana nama ayah Bangsa nyang sah manusia Deungon kheundak nibak Allah Sampoe langkah keunoe teuka

Meuntroe seuot yoh nyan leugat Jikheun teupat meunoe haba Kareuna raja nyang beurdeelat Neutueng keu sahbat jinoe gata

Di donya kon troh akhirat Raja meuhajat sah syeedara Seuot le Cut Diwa Akah Lon: junjong sah sabda raja

Ateueh jeumala u1on keubah Alhamdu1illah syukor hamba Neutem peusayang u1on gareb Dagang teugeutit neupeumulia

Neumarit deungon leumah leumbot That mupatot deungon rupa Peurdana meuntroe ate sangkot Sibeuna patot raja nyang raya

Y oh nyan peurdana jibet jaroe Jilakee woe le jigisa Seureuta neukheun le samlakoe Taklem kamoe akan Baginda

Peurdana meuntroe leugat jiwoe Troh le jiwoe ubak raja Meuntroe peugah dum seukalian Keulakuan manusia

Seubaek-baek peuneujeuet Tuhan Dalam a1am hana dua Deungon narit leumah leumbot Cit that patot aneuk raja

Seureuta taklem akan deelat Ngon horeumat that mulia Ban jideungo le raja jen Saleuem neukirem akan hamba

Bit nyo ureueng salen-malen Nyo asai tren nibak raja Suka cita dalam ate Beurangkat le Peurana Lila

Seureuta ngon wadi meuntroe Dum sinaroe ireng raja Diwa Akah ngieng raja berangkat Beudohleugatpeumulia

Tren di bale bri horeumat Tanda 'izzat raja raja Ban sare troh mumat jaroe Muda samlakoe Peurana Lila

Ek u bale dum sinaroe Wadi meuntroe raja raja Teuduek sa pat dum meuranjo Saboh sapo singgasana

Nioak keurusi keueumasan Duek raja jen Peurana Lila Dua deungon muda samlakoe l..aen sinaroe ateueh kada

Peurana Lila kalon samlakoe Hireuen lalo hana tara Jieu kuluk sigak bangon Patotkeu tuan aneuk raja

Nibak ate balah kasehan Seupeurti ban sang syeedara Jibri ranup dalam puan Sambot rijang peumulia

Lheueh nibak nyan sabda sulotan Akan raja jen Peurana Lila He syeedara Cut Diwa Akah Geutanyoe beu sah sisyeedara

Miseue saboh rna ngon ayah Tuloh ikhlah gaseh meusra Teuma seuot Cut Diwa Akah Alhamdulillah nibak P.amba

Neutem peusayang dagang gareb Nyoho teugeutit bak teumpat raja Bahwa sunggoh ·deungon bit-bit Bak ate cit sah syeedara

Peurana Lila keusukaan Meuteumeung teelan nyang jroh rupa Teuma meusabda raja sulotan Bak seukalian balatantra

Beudoh jak meuen wahe rakan Syeedara lon kalon teumasa Ban jideungo sabda sulotan Beudoh yoh nyan raja raja

Laju teubiet u teungoh padang Dong meureuntang jroh mubanja 'Adi juhan ngon pahlawan Dum seukalian meuen rata

Di ateueh kandran maseng-maseng Beurpanahan hana reuda Dumji sare peuleumah sakti Peuleumah beurani ngon peurkasa

Ladom likak ngon meunari Hana sakri sangat gura Raja bandua that sukaan Diwa Akah ngon Peurana Lila

Na sikeujap dum beureunti Woe keumbali dalam kuta Seureuta ngon Cut Diwa Akah Tamong leupah u istana

Jiireng le uleebalang Dum seukalian ngon bentara Geuek lanja u meuligoe Ngon samlakoepi seureuta

Kareuna raja goh na putroe Dendayang sinaroe biek peurira Jingadap raja ngon Diwa Akah Teuduek ateueh singgasana

Sangat rame ngon bunyian Han sapeue tan dum suara 'Oh ka malam jak beuradu Lam keuleumbu sapat dua

Meugaseh that ngon Tuanku Bin tang timu jroh that bahsa Watee neujak sapeng-sapeng Lam meujandreng sapat dua

Cut Diwa Akah ngon raja jen Neuek neutren sapat dua Padum lama po samlakoe Da1am nanggroe Meurcu Neugara

Meugaseh that hana bagoe Aduen adoe meunan rupa Hingga teuma bak siuroe Samlakoe neulakee bungka

Idin keu lon syeedara droe Lon keumeung woe bak ayahda Peurana Lila deungo meunan Han muban-ban sret ie mata

Seubab leupah beurkasehan Sang bek leukang ere di mata Peurana Lila beurkataan Lonpi sajan he syeedara

Han seukali lon tern leukang Harap sajan rugoe laba Teuma jaweueb Cut Diwa Akah Deungo lon peugah wahe raja

Lon jak dilee wahe sahbat 'Oh meuteumpat lon hei gata Kareuna lon jak hana meuhat Timu barat han meuhingga

Beukit na peue keusukaran Lon cintakan nama gata Cut Diwa Akah meunan kalam Seungap diam Peurana Lila

Jisuet euncien nibak jaroe Keu samlakoe jijok lanja Seureuta jikheun narit meunoe Euncien nyoe tanda syeedara

Kasiet euncien deungo lon peugah Barangpeue tahah Tuhan peuna Ujeuen apui sangat mudah Laot bahrollah di sinan na

Neuteurimong le samlakoe Sok bak jaroe beuneuri raja Lheueh nibak nyan mumat jaroe Tren samlakoe leugat bungka

V MEUTEUMEE NGON SYEEDARA MA

Banta peunap rot u barat Neutakat bak gunong raya Uteuen seumak rot seumpit that Neujak leugat han neukira

Dum neukalon keubeusaran Tuhan Keukayaan Allah Ta'ala Sangat indah akan padang nyan Tanoh intan naleueng komkoma

Meujampu deungon meuh uri Hireuen lale muda beulia Neukalon padang that seureuloe Muda samlakoe neujak lanja

Ban sare troh u teungoh padang Leumah neukalon saboh rupa Neueu jeuoh that meulu-lu Puteh sang gapu nibak mata

Cut Diwa Akah leugat jalan Neupandang ban siseun lingka Neueu teuma di teungoh nyan Saboh taman indah rupa

Laju neujak leugat keunan Bak teumpat nyan le neuhala Ban troh keunan po samlakoe Hireuen !aloe sikutika

Neukalon le jroh han bagoe Dum sinaroe tiep peukara Pageue taman teumaga mirah Meujeureulah hu meucahya

Pintoji teuma bukon indah Meuh meutatah meupeurmata

Cut Diwa Akah troh bak pinto Teudong tahe sikutika

Jinoe laen ulon ato Hai teungku e deungo nyata Sidroe zangki di pinto taman Jiduek sinan mata-mata

Teukeudi Tuhan bak uroe nyan Sidroe ensan jieu teuka Jikalon rupa that analan Miseue intan cahya muka

Sigak bangon that pahlawan Bak jipandang zangki tuha Teudong di nap muda samlakoe Hana sapeue teubiet haba

Na sikeujap puleh laloe Zangki pindoe meusuara Jitanyong le hai samlakoe Pane nanggroe soebu nama

Pakon tajak hai samlakoe Han tom puroe dilee nyang ka Teuma seuot Cut Diwa Akah Laju neupeugah neucalitra

Diwa Laksana nama ayah Cut Diwa Akah nama hamba Martagangsa nama nanggroe Lon jak keunoe bak let rusa

Tinggai wadi deungon meuntroe Leupah kamoe nyoho teuka Zangki jikheun teuma meunoe Hireuen kamoe hana tara

Limong reutoh thon Ion di sinoe

Han tom sidroe manusia Kareuna jeuoh peurjalanan J ameun-jameun han tom nyang ka

Meukon ureueng kheundak Tuhan Lon pandang muda beulia Teuma neutanyong le samlakoe Peue taman nyoe tacalitra

Kareuna ulon keumeung singgah Pioh payah sikutika Zangki seuot yoh nyan pantah Deungo Ion peugah po areuta

Meukutaraja nyang po taman Keurajeuen di gunong Martaganja Adat baginda tiep-tiep Jum'at Neubeurangkat keunoe lanja

Neuba sajan ngon esteuri Peurmaisuri seugala tantra Meunan sabe han heureunti Raja doli keunan teuka

Cut Diwa Akah neukheun yoh nyan Beukit meunan jak udehta Ulon tamong dalam taman Lon meutcumeung ngon baginda

Cut Diwa Akah neubeurjalan Sajan-sajan ureucng tuha Hireuen neukalon di dalam taman Buah-buahan sianeka

Di teungoh taman saboh bale That meudcune indah rupa Bineh bale jroh han sakri Gadeng mandi ngon ccundana

Meutamah meuh sikureueung mu tu Kaca hijo akan atapnya Geuniieng bale na krueng saboh Analan jroh taeu rupa

Geuturab ngon batee palinggam Ie di dalam sijuek lagoina Di bineh krueng geupula kayee Jroh that teuntee dum mubanja

Anggor jabet deulima meukah Bohji mirah masak rata Laen nibak nyan gandum sya'i Dum meuriti bak keureuma

J euneh tanaman macam-macam Han sapeu tan sianeka Cut Diwa Akah hireuen teuceungong Neukalon bangon miseue syeureuga

Han jeuet sifeuet ubak ate Hilang pike ngon bicara Bak masa nyan bungong pade Teuingat le nyan keu bunda

Tatkala bunda keunong hekeumat Jikhianat le jen rimba Saleh pajan ek Ion dapat Balah khianat akan daya

Sajan teuingat keu taman droe Masa di nanggroe yoh goh bungka That masygol po samlakoe Sajan neumoe ro ie mata

Lheueh nibak nyan neubeurjalan U bineh kulam neumeuseunia Na sikeujap duek di sinan Leumah neukalon saboh rupa

Neukalon saboh rneuligoe indah Meuh rneutatah rnupeurrnata Gadeng rnandi ngon kayee arang Bukon bubarang indah rupa

Meutatah rakna rnutu rnanikarn Geurneurlapan hu rneucahya Geupeudap bubong jakod nyang kuneng Teurna keu dindeng rneuh geuteurnpa

Hireuen sangat po sarnlakoe U rneuligoe neuek lanja Neue alat durn sinaroe Cukop asoe durn peukara

Tiree keuleurnbu keueurnasan Rurnboe intan durn rneutia Cut Diwa Akah bak rnalarn nyan Neueh sinan lam tiree rawa

Sare beungoh uroe siang Beudoh rijang jak srah rnuka Na sikeujab dudoe nibak nyan Zangki keunan sarnpoe teuka

Seureuta jikheun deelat arnpon Keunoe neutren sajan harnba Kareuna baginda harnpe datang Bek le sinan po rneukuta

Sarnbe teusinyorn po sarnlakoe Neukheun rneunoe yoh nyan sigra Cit bahle troh baginda keunoe lngen karnoe pandang rnata

Zangki seuot beukit rneunan Lon jak rneusorn po rneukuta Cut Diwa Akahpi cit rneusorn Lam taman nyan jarak hana

Di dalam nyan na sikeujap Leumah neulihat dua rakata Neueu pantah miseue kilat Keunan leugat cit geuhala

Di dalam ate Cut Diwa Akah Saleh nyan sah Meukutaraja Rakata jitren keunan pantah Rupa indah hana tara

Bak uroe nyan raja beurangkat Meuntroe ngon rakyat hana neuba Nyang na sajan Mangkubumi Peurmaisuri ngon aneukda

Syahdan Diwa nan geurasi Aneuk doli Meukutaraja Na sikeujap beurlayangan Sret u taman laju rakata

Rakata teuduek di leuen bale Ka neutren le Meukutaraja Sajan deungon peurmaisuri Dan lagi dendayang nyang na

Neutamong leugat dalam taman Diwa Syahdan sama-sama Raja neuek ateueh bale Mangkubumi tinggai di lua

Dudoe nibak nyan neupot bungong Dalam taman beurangkat raja Deungon suri sajan-sajan Neubeurjalan lingka-lingka

Troh bak teumpat Cut Diwa Akah Neueu leumah Meukutaraja Rupa hebat miseue rimueng Han tajeuet ngieng nibak rupa

Hebat miseue gunong apui Meugasui-gasui jiek cahya Cut Diwa Akah neubeudoh dong Neubri taklem akan baginda

Raja neungieng yoh masa nyan Hireuen teuceungong poteu raja Ureueng muda sangat indah 'Ajaeb leupah poteu raja

Neutanyong le yoh nyan pantah Hai nyak tapeugah soe nan gata Pane tajak siri teumpat Soe geulakab nan ayahda

Pakri gata beurani that Jak bak teumpat raja raja Cut Diwa Akah seuot yoh nyan Angkat tangan u jeumala

Deelat ampon ya junjongan Ampon Iaman sibarang deesya Nama patek Cut Diwa Akah Nama ayah Diwa Laksana

Martagangsa nanggroe nyang sah Keunoe leupah bak let rusa Mandu Diwi nama ibu Ampon tuanku nyankeuh bunda

Raja deungo nyan peuneugah Hireuen dasyah hana tara Neudeungo narit Cut Diwa Akah Bak silsilah raja

Akan hai putroe Mandu Diwi Syeedara wali ngon baginda Y oh nyan raja suka ate Neucom le muda beulia

Neuwa neucom ban saboh badan Keusukaan Meukutaraja Seureuta neukheun yoh nyan pantah Bu meutuah bijeh mata

Diwa Laksana nama ayah Patot langkah keunoe teuka Cut Diwa Akah seumbah deelat Neubri horeumat that mulia

Poteu raja sambot beureukat Meutuah that cahya mata ul:>ak suri Seumayam di bale peurmata

Ban sare troh ubak suri Neutanyong le ubak baginda Supo aneuk neuba sajan Lon kalon sang indah rupa

Raja seuot neukheun rijang Aneuk sulotan Diwa Laksana Nyankeuh aneuk Mandu Diwi Syeedara doli deungon hamba

Deungon kheundak nibak Rabbi Jatoh keumari bak let rusa Cut Diwa Akah nyang samlakoe Neuseumbah putroe yoh nyan sigra

Peurmaisuri wa samlakoe Neucom bak dhoe ate suka Wahe keumuen tangke ate Rasa cut gle 'oh troh gata

Sijuek mata deungon ate That meusampe 'oh troh gata Bak Diwa Syahdan neuisyarah Neuyue seumbah nyan kakanda

Diwa Syahdan beudoh pantah Cut Diwa Akah seumbah lanja Neuseumbah le neucom bak teuot Banta sambot peumulia

Meucon meuwa mubalot-balot Sabe patot sisyeedara Galak neukalon bunda ngon ayah Sabe cidah banta muda

Keudeh keunoe hana salah Sibeuna sah sang syeedara Neubri ngon ranup dalam karah Cut Diwa Akah pajoh lanja

Ranup neupajohpi lheueh sudah Pulang karah akan bunda Teuma neuyue le Diwa Syahdan Pot buahan sianeka

Laju jipot le dendayang Jiba keunan u nap raja Teuma neusantap buah-buahan Diwa Syahdan ngon banta muda

Ngon baginda sajan-sajan Suri sajan peuet seureuta Lheueh santapan geujak manoe Muda samlakoe beursama-sama

'Oh lheueh manoe leugat geuwoe Kareuna uroepi ka 'asa Cut Diwa Akah neuba sajari Leugat u gunong Martaganja

Ban sare troh keunan rab toe Muda samlakoe suka cita Neueu pucak tangoe lam awan Hana saban gunong nyang na

Di ateueh pucak kuta saboh Analan jroh hana tara Geuturab batee panca logam Jampu pualam sangkamara

Leumah jeuoh bukon he bat Miseue kilat dalam hawa Pintoji nibak meuh nyang mirah Bukon indah hana ngon sa

Cawareudi dum meutatah Tingkap teuhah dum peurmata Padum-padum payong alam That meukrang dum suara

Jeuep-jeuep kuta meunan macam Payong alam bandum rata Jeuep-jeuep sagoe bale geupeudong Ngon bunyian sianeka

Alat bale pudoe intan Cahyaji trang hu meunyala 'Ajaeb neukalon muda samlakoe Seureuta pujoe Allah Ta'ala

Di makhluk ek sidumnoe Tuhan sidroe meuribee ganda Seupeurti ban firman Tuhan Dalam Quran nyang mulia

Innallaha ghaniyyon 'imil 'alamin Keukayaan Allah Ta'ala Bahwa sunggoh kaya Tuhan Bak seukalian alam donya

Hingga raja leugat neuwoe U meuligoe ban seumua Duek seumayam dum sinaroe Ngon samlakoe sama-sama

Di ateueh geuta keueumasan Seumayam sulotan Meukutaraja Cut Diwa Akah Diwa Syahdan Ngadap junjongan doli baginda

Na sikeujap duek seumayam Peursantapanpi troh jiba Raja santap peuet sihidang Sajan-sajan ngon aneukda

Lheueh santapan pinah hidang Ranup lam puan pajoh lanja Teuma neungui ngon bee-beewan Dhien teupasang lam istana

Neumeusabda doli sulotan Neukheun nyoe ban uleh raja Wahe aneuk Cut Diwa Akah Sinoe taeh ngon ayahda

Neuseuot le ban nyang titah Hana bantah nibak hamba Ka jihias teumpat peuraduan Le dendayang ban sineuna

Seureuta jileueng dum hampanin Meuribee ban jeuneh rupa Padum-padum peureumadani Jiseundi pudoe meutia

Jiboh sajan ngon zalzari Ngon kasymiri haloh raya Padum tiree ngon leulanget Mubl'et-bl'et ban bintang kala

Deungon haloh that mumet-met Hana singet ube seuma Deungon bantai wie ngon uneun Jroh that bangon indah rupa

Cukop dumpeue sileungkapan Tamong junjongan peuet seureuta Raja tanyong bak Diwa Akah Aneuk tapeugah ngon sibeuna

Pakon tatinggai bunda ngon ayah Sampoe langkah nyoho teuka Neupeuek seumbah muda samlakoe Neuhareutoe dum peukara

Nyang fon awai troh 'oh dudoe Abeh sampoe neucalitra Sira marit sira neumoe Samlakoe jatoh ie mata

Miseue meutia putoh taloe Meunan neumoe banta muda Raja deungo meunan peneugah Sangat marah keu jen raksasa

Seureuta neukheun insya Allah Bek tagundah cahya mata Ulon balah gunaji nyan Di teungoh mideuen Anta Cahya

Peurmaisuri deungo nyan ban Balah kasehan sret ie mata Seureuta deungon Diwa Syahdan Keudukaan hana tara

Lheueh nibak nyan neubeuradu Lam keuleumbu peuet seureuta Singoh beungoh uroe siang Beudoh rijang jak srah muka

Teuma neuek bak santapan Duek sihidang peuet seureuta Lheueh nyan neungui ngon bee-beewan Beurangkat sulotan jak u lua

U bale rom troh sulotan Ireng sajan aneuk dua Raja seumayam bak keurusi Meuh meuseundi mupeurmata

Muda samlakoe kanan kiri Ngadap doli poteu raja Wadi meuntroe uleebalang Ngadap sulotan Meukutaraja

Bandum hireuen keunan mandang Pane datang ureueng muda Raja kalon dum seukalian Sabe keunan bandum mata

Teusinyom raja leumah gigoe Neukheun meunoe jatoh sabda Na taturi muda samlakoe Keumuen kamoe baro teuka

Diwa Laksana po aneuk nyoe Raja nanggroe Martagangsa Nyang jeuet keu troh langkah keunoe Roh sisat nyoe bak let rusa

Ban geudcungo sabda meunan Beudoh yoh nyan raja raja Beudoh meuntroe uleebalang Jak meuteumeung ngon ureueng muda

Bri horeumat mumat jaroe Muda samlakoe sambot mulia Ate suka dum sinaroe Po samlakoe maneh raya

Lhcueh nibak nyan geubet hidang Peurjamuan nibak raja Makeuen minom seukalian Ban atoran ateueh kada

Poteu santap lhee sihidang Laen nibak nyan maseng kada Miseue adat nyang saboh roe Raja ngon meuntroe han meutuka

Adat bangsapi cit meunan Indra ngon mambang han meutuka Pari ngon jen han jeuet sa pat Maseng meuhat ateueh bangsa

Hana geubri bemjampuran Meunan tuan adat nyang ka 'Oh lheueh minom deungon makan Ranup lam puan geubri rata

Piala meuh tatah intan Peuduek sinan dum mubanja Raja raja uleebahmg Meuntroe sajan ngon bentara

Bak masa nyan suleng-meunyuleng Keusukaan minom rata Seureuta geupeh dum bunyian Gong ngon geundrang dhap nukira

Rame sabe uroe malam Dum peurasan hana reuda Cut Diwa Akah Diwa Syahdan Sabe sajan droeneu dua

Jak ubale ngadap sulotan Sa be sajan jarak hana Miseue syeedara satu jalan Bak lakuan meunan rupa

Suka ate peurmaisuri Raja doli meunan juga Neugaseh that hana sakri Sang seundiri punya putra

Hana ubah ban aneuk droe Bandua droe suka rasa Kata rawi punya kisah Cut Diwa Akah pike teuka

lngat keu nanggroe teuka sosah lie limpah ngon ie mata Teuka ingat bak pikeran Saleh pajan ulon gisa

Pajan apoh keumaluan Lon simpan inong jen rimba J adi ate keusyugolan Uroe malam duka cita

Cut Diwa Akah bak siuroe Neumarit nyoe deungon raja Deelat ampon payong nanggroe ldin Ion woe po meukuta

Bunda tinggai bak mangkubumi Saleh pakri di likot hamba Harap patek idin neubri Beursama suri paduka bunda

Seureuta adek Diwa Syahdan Idin keu cut bang siklep mata Raja deungo meunan kalam Beurdeubaran ate lam dada

Peurmaisuri Diwa Syahdan Jatoh sajan ngon ie mata Kareuna leubeh gaseh sayang Sang bek leukang nibak mata

Meukutaraja tundok ulee Ngon eleumee neupareksa Putoh eleumee ka meuteuntee Pubeudoh ulee seureuta sabda

He aneuk Ion po samiakoe Lon hareutoe nibak gata Bak pandangan uion sidroe Gohiom jeuet woe bijeh mata

Kareuna goh troh bak bilangan Hana seunang bak tagisa Goh tahadap bak prang rayek Gohiom tundok raja raja

'Oh ka taio prang ngon mambang Dum sibarang milon raksasa Meuka taio pari edeurang Baro jeuet riwang he aneukda

Nyankeuh baro jeuet tariwang 'Oh meunang nyan cahya mata Lompi aneuk kuhareutoe Tadeungo nyoe kucalitra

Diwa Seundari na tatusoe Aneuk nyoe raja raksasa Gagah beurani keusaktian Syahi Aiam Bulla raksasa

Bakjih takiok pari mambang Dum sibarang indra jindra Bak sa'at nyoe han soe linteung Ngon nyan tamuprang teuma gata

Bitpi meunan hana peue hit Bek taisit han peue mara Jinoe aneuk bak pike Ion Bahie tatren tajak tapa

Teuma seumbah Cut Diwa Akah lnsya Allah po meukuta Bak soe Ion jak tuanku peugah Peue daerah soe peundita

Baginda teusinyom teuma neupeugah Bu meutuah cahya mata tajak u gunong Halam Sidroe Brahman Sakti teurpuja

Brahman Sakti nama tuan nyan Di gunong Manikam Halam nama Seugala raja dum jak keunan Seubab gop nyan meugah jeuep donya

Cut Diwa Akah deungo meunan lngat yoh nyan nyang seumporna Gotkeu bahle kujak keunan Bak tuan nyan kujak tapa

Kareuna hai Diwa Seundari Aneuk doli raja raksasa Meunyo hana eleumee saktian Seukalian han ek daya

Meuna untong nibak Allah Neubri leupah seugala bahya Beukit hana kupaban bah Hukom Allah ateueh hamba

Seubeurmula wahe sahbat Raja deelat Meukutaraja Neubri saboh guliga hekeumat Analan that banyak guna

Wahe aneuk Cut Diwa Akah Nyoe na saboh kubri keu gata Ka neusambot le samlakoe Neupeuduek nyGe u jeumala

Seureuta neutanyong haba meunoe Guliga nyoe peue beurguna Raja seuot neuhareutoe Ase nanggroe 'oh tacinta

Panguiee jen sinan peuet droe Rakyat meukatoe sajan seurenta Deungon nama Ion peugah soe Kuhareutoe nibak gata

Peurana Diwa nama sidroe That seureuioe ngon peurkasa Gagah beurani kon sigeutu Aneuk tuanku that seutia

Nyang keudua nama Indaran Sakti pahiawan hana tara Ismuraja nama nyang keuihee Keupeuet meuteuntee Dantaraja

Ban peuet droe nyan that pahlawan Analan gagah peurkasa Neucinta Ie yoh masa nyan Troh Ie keunan ban peuet teuka

Ban sare troh seumbah sujud Bak teuot doli baginda Meukutaraja le neusambot Deungon patot balah mulia

Turon titah raja doli Gata Ion bri keu muda beulia Keumuen uion beu na taturi Keunan kubri ban peuet gata

Cut Diwa Akah keumuen kamoe Nyankeuh jinoe tapeulara Udep mate Iaba rugoe Gata peuet droe nyan tajaga

Ho nyang jijak beu taseutot Kuthee nyang got di Ion saja Meunan sabda nibak deelat Seulama hayat patek keurija

Insya Allah ampon deelat Raja nyan peuet sP!ud sigra Lheueh jikheun nyan jiwoe leugat Lam hekeumat nyang that eela

Cut Diwa Akah sukaan that Sujud khidmat bak mamanda Teuma neuseumbah peurmaisuri ·Com di gaki paduka bunda

Suri neumoe han beureunti Raja doli sret ie mata Diwa Syahdan apa lagi Seubab ka ere ngon syeedara

Beurtangisan hana sakri Maklum akhi ureueng bungka Cut Diwa Akah neubeurjalan Sampoe yoh nyan u lua kuta

Neuboh hadap u seulatan Ban wasiet nyan meukutaraja Padum gunong rimba padang Padum sarokan alue paya

VI MEUNUNTUT ELEUMEE BAK SYIAH TAP A

Cut Diwa Akah neupujoe Tuhan Neusrah badan seureuta nyawa Pactum lawet neubeurjalan Troh u padang Lila Peurkasa

Neueu padang that bit luah Cut Diwa Akah 'ajaeb raya Sion naleueng hana timoh Puteh tanoh sama rata

Pasi puteh miseue gapeueh Cahya peungeuh jroh han tara Leugat neujak neubeurjalan Sigeutu han ate lia

Dum neukalon keukayaan Tuhan Keubeusaran Allah Ta'ala Neujak laju u teungoh padang lndah han ban neueu rupa .

Ban troh keunan leumah neukalon Saboh gunong indah rupa Nama gunong Manikam Halam Indah han ban ngon tapeusa

Cut Diwa Akah neujak keunan Gaki gunong nyan troh neuhala Ban troh keunan po samlakoe Neupioh droe sikutika

Neukalon gunong hireuen laloe Dum sinaroe indah rupa Geupeugot nibak metih dua blah mutu Barangsoe eu ate suka

Ngon bak kayee le han bagoe Ate laloe soe eu rupa Deungon bungong macam-macam Harom tuan hana tara

Cut Diwa Akah hireuen mandang Peurintah Tuhan Azza Wajalla Jinoe teuduek Cut Diwa Akah Jinoe Jon peugah laen calitra

po gunong ulon kisah Nyang that meugah hana tara Diwa Sakti nama tuan nyan Lagi Brahman pangkat eela

Bak siuroe kheundak Tuhan Leumah neupandang di dalam tapa Neuduek di bale keueumasan Bale jimeunan Rungka Cahya

Jingadap le murit seukalian Uleebalang raja raja Aneuk raja kureueng sa sireutoh Bandum sunggoh dalam tapa

Timu barat tunong baroh Keunan dum troh bak Sakti Diwa Di dalam dua aneuk sulotan Dua droe nyan that peurkasa

Lagi neugaseh uleh Brahman That leubeh nyan nibak nyang na Diwa Danta sidroe geuboh nan Damsyek Kaindran nyang keudua

Seubeurmula akan Brahman Troh peungeutahuan sampoe mata Deuh neukalon sidroe ureueng Di gaki gunong meuseunia

Sabda Brahman yoh nyan pantah Neupeugah bak raja dua Diwa Danta Damsyek Kaindran Tajak tuan bak aneuk raja

Cut Diwa Akah namajih nyan Aneuk sulotan Diwa Laksana Martagangsa nama nanggroe Jak tueng keunoe syeedara gata

Deungon gata jeuet keu sahbat Jak tueng leugat kcunoe taba Hajat Ion aneuk tameugaseh Bangsa leubeh manusia

Kareuna neupeujeuet uleh Tuhan Leubeh ensan nibak nyang na Lagi aneuk raja that meugah Meusyeuhurah Diwa Laksana

Bandum raja keunan taklok Meurtabat rayek nibak nyang na Ban lheueh sabda nibak Brahman Beudoh yoh nyan raja dua

Deungon rakyat ireng sajan Uleebalang ngon bentara Ban sare troh bak samlakoe Mumat jaroe sabe mulia

Diwa Danta marit meunoe Nyang jeuet kamoe keunoe teuka Rindu deundam Diwa Sakti Neuyue tueng le paduka kakanda

Bagi!lda neupreh nibak bale Saleuem neuyue me bak kamoe dua Cut Diwa Akah deungo meunan Hireuen yoh nyan. hana tara

Bit nyoe that meugah Brahman Abeh neutuban tiep peukara Ayah ulonpi neutusoe Seureuta kamoe geutupeue nama

Beukit meunan wahe adoe Bak kamoe ateueh jeumala Dalehpi ka neuyue jak tueng Adat Han nyanpi Ion teuka

Lheueh nibak nyan geubeurjalan Gunong Halam geuek lanja Abeh gunong geutren curam Bak bale keumang sampoe dum ka

Brahman duek di bale rom Nama geukheun Rungka Cahya Ateueh keurusi nyang keueumasan Meutatahkan mutu rakna

Beurnyala-nyala ban matauroe That peungaroe hebat muka Brahman kalon muda samlakoe Hana bagoe that mulia

Neubri horeumat hana bagoe Keu samlakoe that mulia Taek keunoe aneuk badan Taduek sajan rab ayahda

Cut Diwa Akah deungo meunan Neuek yoh nyan pantah sigra Com di teuot seumbah di gaki Brahman Sakti sampoh keupala

Horeumat taklem hana sakri Diwa sakti gaseh meusra Neukalon muka that peureuseh Meukeumat gaseh di dalam dada

Neubri keurusi keueumasan Meutatahkan mutu rakna Seureuta titah baginda sulotan Duek seumayam he aneuka

Bek meujampu ngon raja laen Meunan atoran bak baginda Ateueh taraf maseng-maseng Ban lagee tren ateueh bangsa

Diwa Sakti tanyong pantah 'Oh na langkah bijeh mata Pakon tatinggai bunda ayah Sampoe troh langkah bak ayahda

Teuma seuot Cut Diwa Akah Seureuta seumbah teuot baginda Jeuet troh langkah patek keumari Peuhamba diri bak rneukuta

Meunjadi kidam keubawah doli Akan 'abdi hamba dina Beukit han trep tuanku ampon Kada sithon atawa dua

Baginda deungo narit meunan Teusinyom yoh nyan doli baginda Patot aneuk tadong sinoe Sajan kamoe siuroe dua

Seureuta tajak eu reusam nanggroe Troh bak kamoe ureueng tuha Sabda raja yoh masa nyan Yue pot buahan sianeka

Troh le jime keunan datang U hadapan doli baginda Teuma neukheun uleh Brahman Santap buahan dumteu rata

Wahe aneuk E:ut Diwa Akah Pajoh pantah boh kayee rimba Neuseuot le alhamdulillah Neucok pantah pajoh lanja

Asoe tapajoh kulet taboh Keudeh bak tanoh tatiek rata Na sikeujap karonya Allah Kulet nyan bagah timoh sigra

Teubiet ngon on di dalam bak Cabeueng rampak hana tara Teubiet ngon boh laju masak Karonya hak sakti baginda

Na sikeujap teuma dudoe Muda samlakoe seumbah baginda Seureuta deungon neubet jaroe Ampon kamoe po meukuta

Harap gaseh deelat ampon Neutueng ulon beu jeuet keu hamba Lon ere gampong deungon teumpat Lon harap keu Tuhan Esa

Di likot nyan Wahe deelat Patek harap ngon sibeuna Neutueng keu namiet soe me kawah Soe sampoh broh lam istana

Meunan harap Ion nyang putoh Sampoe jeuet troh keunoe hamba Brahman deungo seumbah meunan Neutupeue ban hajat pinta

Beukit meunan he samlakoe Tuhan peusampoe hajat gata Sideh takalon uroe dudoe Sajan ngon kamoe Danta Diwa

Cut Diwa Akah keusukaan Neudeungo Brahman peugah haba Hingga teuma lheueh nibak nyan Muda bangsawan le neu aja

Brahman aja muda samlakoe Dum sinaroe eleumee mintra Eleumee meutak tangkeh-mangkeh Bandum abeh neubri aja

Ate peungeuh jroh peureuseh Siat abeh jeuet le sigra Eleumee taki lam puprangan Eleumee meucang ateueh guda

Nyanpi abeh bandum neufam Sangat ajam muda beulia Lheueh neuaja Cut Diwa Akah Baginda pantah masok tapa

Muda samlakoe tinggai sinan Sajan-sajan aneuk raja Na sikeujab dudoe nibak nyan Troh hidangan keu muda beulia

Saboh sapo teuduek sinan Ureueng me tan hidang ka na Seureuta suara keudeungaran Makeuen he tuan dumteu rata

Makeuen he aneuk sihidang sapo Bek meujampu ngon muda beulia Hoka gata he samlakoe Makeuen beu troe bek malee mata

Lah ka tajak nyoho sampoe Makeuen aneuk droe peue-peue nyang na Teuma seuot Cut Diwa Akah Insya Allah po meukuta

Ateueh ulee patek keubah Ban nyang titah doli baginda Suara na keudeungaran Rupaneu tan lahe nyata

Nyan dum sakti that Brahman Sangat hireuen dum barangna Teuma makeuen dum seukalian Maseng tuan ateueh kada

'Oh lheueh makeuen gaeb hidang 'Ajaeb tuan hana tara 'Oh lheueh makeuen gaeb hidang Lahe puan keunan dumna

Bandum teuduek di hadapan 'Ajaeb tuan hana tara Pajoh ranup dum seukalian Puanpi hilang han meuhoka

Lheueh nibak nyan jula malam Beurkataan banta muda Bak raja dua neukheun nyoe ban Lon tiduran teungeut raya

Danta Diwa marit meunoe Deungo kamoe Cahya Mangindra Di ateueh tuanku neumupioh Meunan suroh bak baginda

Cut Diwa Akah deungo meunan Teusinyom yoh nyan mameh muka Teuma neuek bak bale nyan Teumpat seumayam doli baginda

Cut Diwa Akah neueh sidroe Beungoh uroe leugat jaga 'Oh ban jaga po samlakoe Neubeudoh nyoe jak srah muka

Teuma neutren u peungadapan Duek le sajan aneuk raja Meunan sabe baranggajan Seulawet sinan Cahya Mangindra

Di dalam le aneuk sulotan Leubeh saktian muda beulia Nyang keudua Damsyek Kaindran Keulhee tuan Danta Diwa

Di dalam lhee nyang geuturi Leubeh sakti Cahya Mangindra Khedmat jroh hana sakri Meureundah diri ubak baginda

Peuhina droe hana padan Harap gasehan doli sripada Timue gaseh deungon sayang Bak seukalian aneuk raja

Danta Diwa gaseh han ban Miseue badan deungon nyawa Dan lagi Damsyek Kaindran Nyanpi saban gaseh meusra

Laen nibak nyan aneuk sulotan Di jih tuan be unci ray a Syahdanlagideungojinoe Karangan muwoe bak baginda

Jinoe ka troh bak uroe Jum'at Patot beurangkat Brahman Diwa Kareuna lazem meunan adat Uroe Jum'at neujak meusuka

Neujak manoe dalam kulam Murid sajan ireng baginda Nama kulam Dahralfuri Brahman Sakti teumpat meusuka

Diwa Danta Damsyek Kaindra Lhee sajan ngon Cahya Mangindra lreng Brahman jak bak kulam Murid sajan dum seureuta

Saboh sapo jime tabak Di dalam beudak langie ngon ata Rata bandum jiba sajan Meulaenkan nyang tan Cahya Mangindra

Teuma beurkata Damsyek Kaindran Ubak tuan Cahya Mangindra Pakon hana ]angie ngon beudak Jeuet keu rusak 'aeb nama

Di gop rata dum ngon tabak Di gata tajak han sapeuena Sambe teusinyom Cut Diwa Akah Meunoe neupeugah jaweueb haba

Pane bak Ion ]angie ngon beudak Keunoe Ion jak sidroe saja Hana meuntroe ngon uleebalang Pane tuan ureueng nyang ba

Paduka Damsyek seuot yoh nyan Na bak ulon ureueng nyang ba Asai na ]angie deungon beudak Nyang meumbawak gampang saja

Diwa Dantapi kheun meunan Saban-saban jih bandua Bah neudeungo haba meunan Khem teusinyom muda beulia

Neusuet yoh nyan keumala hekeumat Neuse leugat peuet droe raja Lheueh nibak nyan na sikeujap Raja ban peuet troh le teuka

Jisujud bak Cut Diwa Akah Teuma neupeugah le ngon haba He syeedara Ion ban peuet droe Beudak keu kamoe tajak mita

Beu troh tame dalam jeuem nyoe Lon jak manoe sajan baginda Lheueh nibak nyan na sikeujap Raja ban peuet jak mumita

Han padum trep lama jijak Troh le beudak keunan jiba Seureuta deungon saboh tabak Di dalam beudak langie ceundana

Jime le peuet droe uleebalang Hireuen teuceungong raja raja Jieu saktian Cut Diwa Akah Teuhah babah dum sineuna

Seureuta neukheun bak raja peuet droe . Udeh gata nyoe ireng baginda Jiseuot le deelat ampon Patek seuon ban nyang sabda

Ban nyang titah patek junjong Tuanku ampon kamoe seureuta Bahle teuduek dilee haba nyan Muwoe karangan akan baginda

Brahman Sakti jinoe Ion ,seubot Teubiet lam kaluet bak neutapa Jieu le murit dum seukalian Beudoh yoh nyan dum peumulia

Dumji sare sujud khedmat Jibri hoteumat akan baginda Raja peuet droe keumala hekeumat Hireuen dahsyat jieu baginda

Jieu Brahman Diwa Sakti Hebat han sakri lagee rupa 'Oh lheueh seumbah seukalian Baginda beurjalan laju sigra

Neujak bak kulam Dahralfuri Ireng doli aneuk raja Kulam indah hana sakri Brahman Sakti po areuta

Di bineh kulam dum bak bungong Geuboh jeumbangan dum peurmata Ban peuet sagoe bale geupeudong Hireuen jikalon uleh mata

Geupeulheueh eungkot dum lam kulam Mataji intan sisek suasa Geupeugot dua boh naga hekeumat Bukon 'ajab hana tara

Sisekji meuh mata manikam Pusparagam geuboh keu cula 'Oh takalon hebat han ban Rasa pulan meunan rupa

Di teungoh kulam analan jroh Geupeudong saboh singgasana Taeu jeuoh that seureuloe Nam boh sagoe bak calitra

Di ateueh meurcu saboh meurak Teudong di pucak seulama-lama Beukit taeu ate galak Indah meurak hana tara

Paroh nilam ulee manikam Geuboh intan aneuk mata Soe nyang kalon ate galak Sakti nibak Sakti Diwa

Jipot angen meugisa meurak Ngon meukring-krak meusuara Sang takalon sayeuep jikeupak Sang-sang meurak meunan di mata

Buet hekeumat nibak Brahman Keusaktian that baginda Seubeurmula 'oh tee lheueh nyan Diwa Brahman keunan teuka

Troh bak kulam dum sinaroe Tren jak manoe raja raja Uleebalang wadi meuntroe Dum sinaroe ate suka

lsmuraja Paduka lndran Me bee-beewan Cahya Mangindra Cut Diwa Akah muda bangsawan Beudak yoh nyan jicok sigra

Maseng-maseng dalam hidang Hireuen jikalon uleh mata Kareuna neumanoe sajan-sajan Beursiburan sabe muda

Cut Diwa Akah pubuet hekeumat 'Ajaeb sangat taeu rupa Neulambong saboh keusaktian Ju ie kulam meubura-bura

le ka manyang amat dalam Keususahan aneuk raja Meulangue-langue timue-teunggeulam Aneuk sulotan meugriet raya

Meulangue-langue dum sinaroe Muda samlakoe suka teumasa Brahman kalon meunan baEOe Bak samlakoe neukheun sigra

Neukheun ubak Cut Diwa Akah Bek tabalah he aneukda Aneuk raja jeh dum sosah Tacok pantah hekeumat gata

Cut Diwa Akah cok hekeumat Ie jisurot miseue nyang ka Aneuk raja manoe leugat Sukaan that sabe muda

Ija nyang hanyot hana basah 'Ajaeb leupah aneuk raja Kalan sakti Cut Diwa Akah Hireuen dasyah dum sineuna

That bit sakti po samlakoe Baginda pujoe manusia Lheueh nibak nyan abeh manoe Beudoh jak woe Brahman Diwa

Woe u gampong Manikam Halam Aneuk sulotan ireng baginda Cut Diwa Akah neuba sidroe U bale nyoe Rungka Cahya

Neuaja hekeumat dum sinaroe Muda samlakoe ncugasch raya Cit nyankeu buct baranggajan Seulawet sinan Cahya Mangindra

Baginda gaseh hana macarn Nibak seukalian aneuk raja Neugaseh keunan nibak laen Jadi ngeuren dum ban nyang na

Kureueng sa lhee reutoh nyang troh deundam Di dalam hana keulua Malaenkan hana Damsyek Kaindran Dua sajan ngon Danta Diwa

Nyang lacn dum ancuk sulotan Marah tuan keu muda beulia . Hingga teuma bak siuroe Muda samlakoe seumbah baginda

Neulakee idin neukeumeung woe Keudeh u nanggroe Martagangsa Yoh nyan baginda le teusinyom Mameh reunom ngon ie muka

Seureuta neukheun he aneuk droe Deungo kamoe cahya mata Bek · dilee aneuk gat a tawoe Gohlom sampoe bak kutika

Tajak u nanggroe Neugara Puri Sinan meunjadi fon keurija Sinan muprang meungadu sakti lndra ngon pari talo ban nyang na

Lagi aneuk tatueng putroe That sambinoe hana ngon sa · Dum tunangan le that sampoe Raja nanggroe hana suka

Aneuk raja sikureueng ploh tujoh Leungo tuboh miseue geumpa Jikeumeung tueng meuh seuneupoh Jibeudoh troh mohon gisa

Lheueh jiseumbah teuot Brahman Jiwoe yoh nyan bak ayahda Cut Diwa Akah mantong sinan Deune:on Brahman ate suka

Baginda aja uroe malam Baranggajan jeuep kutika Hingga teutap tinggai sinan Nibak Brahman preh kutika

Vll. BEUREUMA DIWA DARI NEGARA PURl

Jinoe Iaen Ion karangan Lon seubot nyan Iaen raja Alkisah tadeungo jinoe Saboh nanggroe Ion calitra

Saboh raja Ion hareutoe That seureuioe hana tara Asai indra bangsa raja nyan That pahlawan ngon peurkasa

Le that raja takiok keunan Nama raja nyan Beureuma Diwa Nama nanggroe Neugara Purl Ngon Iuahpi hana ngon sa

Cukop deungon meun troe wadi Dan Iagi mideuen ngon kuta Geupeugot kuta tujoh Iapeh Saboh bareh peuet pioh deupa

Lapeh nyang fon kuta pirak Jroh meuhaiak puteh safa Lapeh dua teumaga kuneng Hana bandeng ateue-h donya

Lapeh nyang lhee geuturab meuh Taeu peungeuh trang that cahya Lapeh nyang peuet kuta pudoe Hireuen Iaioe soe eu rupa

Lapeh limong kuta intan J roh anaian hana tara Hireuen mata soe nyang pandang Ceumeureulang hu meucahya

Lapeh nyang nam Ion peugah kri Intan biduri tatah rakna Nyanpi indah hana sakri Baek seukali 'ajaeb Iagoina

Nyang keutujoh kuta meuligoe Le that bagoe meutatah rakna Beukit taeu hireuen laloe Sang bek tawoe dumna gata

Beureuma Diwa aneuk peuet droe Ureueng lakoe nyang peurtama Namli .Diwa sidroe geuboh nan Nyang adoe nyan Kusna Raja

Mangindra Pari lorn adoe nyan Aneuk sulotan Beureuma Diwa Aneuk nyang keupeuet ureueng binoe That sambinoe indah rupa

Seubaek-baek ureueng binoe Tan miseue nyoe indah rupa Han peue peugah sifeuet putroe Baranggasoe cit maklum ka

Lang geumilang bukon bubarang Sang buleuen trang yoh purnama Durnnan sifeuet putroe intan Han teuladan meunan rupa

Rakna Keumala geuseubot nan That bit padan deungon rupa · Keulakuan nama geuseubot Lorn meusambot ngon suara

Akaijroh that bungong pade Teuploh ate ayah ngon bunda Neuyue peugot saboh taman Beurteuntangan ngon istana

Teumpat putroe beursukaan Dalam taman seureuba bunga F on geutanom bungong peukan Geunireng nyan deulima dansa

Nyang rot uneun bak siri gadeng Di geunireng meulu cina Takalon ji:oh hana bandeng Meujandreng taeu jipula

Lorn geupeugot saboh kulam Jroh hana ban taeu rupa Kulam indah that seureuloe Ban peuet sagoe batee kaca

le jeureuneh hana bagoe Jeuet talhoh droe leumah nyata Di teungoh kulam saboh bale That meudeune taeu rupa

Tujoh tameh saboh Analan jroh hana ngon sa Di ateueh nyan pucak manikam Meuceureulang hu meucahya

Bubong teuma teumaga kuneng Geuboh lheueng-lheueng ngon suasa Lingka bubong dum meureumboe Sikureueng bagoe jeuneh peurmata

Meujampu ngon batee rukham Panca logam seundi warna Tameh gahru jroh that licen Miseue ceureumen ngon lhoh muka

Sepkeu 'oh nan keu hai taman Maklum tuan dum nyang baca Hana abeh Ion karangan Sikada nyan bacut saja

Lheueh nibak nyan raja nanggroe Tuan putroe keunan neuba Ka neupeuduek bak meuligoe Dayang sinaroe dum seureuta

Neubri peungasoh nyang seudang-seudang Seureuta sajan bita peurira Neukeubah jaga tujoh pahlawan Dum analan gagah peurkasa

Sajan meuntroe uleebalang Kawai sinan putroe muda Sirnalam peuet seun lingka meuligoe Meunankeu proe neubri jeumba

Hingga meugah jeuep-jeuep nanggroe Jroh that putroe aneuk raja Beureuhi ate soe nyang pandang Pari mambang indra jindra

Aneuk raja dum seukalian Keunan datang dum sineuna Jijak pinang putroe intan Aneuk sulotan raja raya

Sireutoh sikureueng ploh aneuk sulotan Peusep beukai kapai bahtra Cukop ase sekalian Kapaijalan dum jibungka

Takalon miseue unggah teureubang Di teungoh arongan meulumba-lumba Neugara Puri jitujuan Ate seunang aneuk raja

Han padum trep peulayaran Kapai datang u kuala Ateueh kuala bandum ka troh Jilhom saoh kapai bahtra

Jitet beude meugeureupoh Sang ka runtoh nanggroe raja Keujruen kuala peurab keunan Geujak tanyong pane bahtra

Jipeugah le aneuk sulotan Hajat tuan ubak raja Keujruen kuala woe u dalam Ngadap sulotan Beureuma Diwa

Baginda seudang peunghadapan Meuntroe seukalian hade sana Keujruen kuala peugah leugat Ampon deelat patek hamba

Kapai tuanku teuka le that Peunoh sarat di kuala Aneuk raja sireutoh sikureueng ploh Dum jipioh dalam bahtra

Jikeumeung ngadap syahi alam Sideh mantong di kuala Raja deungo meunan kalam Y oh nyan sulotan meunoe haba

Hoka gata mangkubumi J ak taili u kuala Tajak tanyong ho peureugi Peue geucari pane teuka

Mangkubumi beudoh rijang Dayong sampan ubak bahtra Ban troh keudeh mubri salam Duek -Ie sajan aneuk raja

Mangkubumi beurkataan Lon surohan nibak raja N euyue tanyong dumna tuan Ho bewjalan peue na haba

Aneuk raja jiseuot le Hai mangkubumi deungo hamba Seubab kamoe datang keumari Kumbang meunyeuri akan bunganya

Kamoe deungo gop hareutoe Meugah na sinoe bungong jeumpa Hajat ate Ion meungpakoe Bungong geutoe nyang jroh rupa

Harap kamoe bu meujadi Keu 'abdi neutueng hamba Nyankeuh hajat hai mangkubumi Meunyeurah diri akan baginda

Mangkubumi deungo meunan Jikheun nyoe ban jak udehta Tajak ngadap baginda sulotan U dalam bak bale raya

Teuma beudoh dum beurjalan Aneuk sulotan ban sineuna Tamong leugat le u dalam U bale keumang dum geuhala

Troh u bale aneuk sulotan Seumbah yoh nyan poteu raja Neuyue duek le ateueh keurusi Maseng geubri ateueh kada •

Deungon ranup raja yue bri Jisambot le aneuk raja Pajoh ranup na sigapu Teuma meusu poteu raja

Wahe aneuk dum sinaroe Troh bak kamoe ureueng tuha Peue meukeusud he aneuk droe Nyangjeuet sampoe keunoe teuka

Teuma seuot aneuk sulotan Seureuta tangan ateueh jeumala Deelat ampon doli junjongan Kalee beurkeunan bak baginda

Harap tuanku neutueng keu namiet Miseue neumeuniet saboh sikamba Si sampoh broh miseue aneuk miet Meunan nyang bit meukeusud di hamba

Raja deungo narit meunan Teupike yoh nyan Beureuma Diwa Dalam ate kureueng seunang Seubab raja nyan kureueng rupa

Aneukku jroh that analan 'Oh tan sipadc.;t pane gura 'Oh han kutueng keususahan Jih u dalam keunoe dum ka

Lagi aneukkupi sidroe Ureueng lakoe sangat that bha Beukit kutueng salah sidroe Nyanpi dudoe jeuet prang raya

Lam pada nyan raja doli Mangirna Pari neuhei sigra Deungon baginda syeedara wali Saboh nini asai mula

Akai bijak sangat ahli Dan lagi umu ka tuha Mangirna Pari aneuk na tujoh Bandum utoh ngon peurkasa

Deungon nama sinoe Ion boh Ban tujoh bandum ka raya Nyang tuha nan Kusna Pari Nama akhi Kusnu Diwa

Nyang keulhee Meureudan Akah Nyang peuet geupeugah Danta Sina Nyang keulimong Syahi Pardan Di leumueng nyan lndra

Ismu Diwa nyang keutujoh Bandum utoh bak peundeka Lagi gagah ngon beurani Lagi sakti that peurira

Teuma meusabda raja doli Mangima Pari neubri bahsa Baginda kheun ngon isyarah Neuyue peugah bak aneuk raja

Mangirna Pari haloh leupah Mufom isyarah kheun baginda Seureuta neukheun haba meunoe Deungo kamoe he aneuk raja

Seupeurti narit nyang ka bunoe Peunamiet droe bak baginda Sureuta deungon gaseh sayang Seupeurti ban sang ayahda

Teutapi bacut keusyugalan Nibak sulotan ate suka Seubab aneuk cit nyan sidroe Ureueng lakoe le that teuka

Akhe dudoe jeuet peue sahbat Meunan ibarat doli baginda Meunan nyang beutoi nibak deelat Peue akibat bak dum raja

Aneuk raja seuot bandum Meunoe jikheun sama rata Bit neueu le kamoe nyoe dum Toh nyang neutueng le baginda

Nyankeuh ureueng dapat putroe Nyang laen woe hana haba Raja deungo meunan kalam Keusukaan that baginda

Seureuta lorn neuisyarah Neuyue peugah beu troh haba Lorn neurnarit Mangirna Pari Neupeugah kri bak aneuk raja

Jinoe he aneuk raja doli Tabeureunti preh troh rnasa Kareuna putroe rnantong keuce Gohlorn bike teuka rnasa

Lagi akai gohlom sarnpe Mantong lahe aneuk dara Aneuk raja deungo meunan Keusukaan hana tara

Seureuta jikheun narit nyoe ban Patek seukalian suka rela Patek lanti deelat arnpon Baek sithon atawa dua

Nibak bale leugat geutren Geuseuon ngon jaroe d ua Peugot kimah teumpat pioh Dang troh tanggoh poteu raja

Teutap haba 'oh nan teudoh Dalam pioh aneuk raja Jinoe teuseubot peukataan Akan sulotan Beureurna Diwa

U istana neuwoe rijang Seumayam ngon putroe muda Neuduek deungon peurmaisuri Dendayangpingadap lingka

Neuyue tueng le Mangirna Pari Meusajan le ngon aneukda Diwa Brahmanpi na sajan Sabda sulotan jinoe sigra

Na sikeujap peurheuntian Ureueng limong nyanpi ka teuka Ban trph keunan seumbah sulotan Duek le sajan rab baginda

Sabda raja yoh masa nyan Bak ureueng limong neumeuhaba Neukheun bak raja Mangirna Pari Meusajan le Brahmana Diwa

Seureuta ngon aneuk ban lhee droe Neukheun meunoe bak baginda Pakri bicara buet geutanyoe Pasai sinaroe aneuk raja

Nibak ate ulon sidroe Hana lagee nyoe aneuk raja Hana meukeunong bak mata lon Han ek mufom bak Ion kira

Teuma seumbah Mangirna Pari Ampon doli po meukuta Meuhan jitueng uleh ate Sosah pike ngon bicara

Han jeuet tuanku talawan ate Roh di akhe bak seungsara Kareuna ate cit sulotan Bak seukalian dum angeeta

Rot tatulak le that jalan Ngon peuleuheuen tabicara Meulaenkan tapreh lhee peuet buleuen Tapaban kheun ngon bicara

Lagipi nyan bek teuma Sabe patot tuanku raja Kareuna tuanku raj a rayek Pakon teujalok gop le teuka

Akan teutapi dalam kirnat Dalam ingat bek na lupa Lagi. han jeuet ubah janji Kareuna doli raja raya

Meunan haba Mangirna Pari Raja doli ate suka Peuet droe raja nyang duek sinan Sibeuna nyan han meutuka

Bahle taeu keulakuan Tangieng jalan pakri rupa Keumah tuto deungon pakat Maseng teumpat dum meugisa

Aneuk sireutoh sikureueng ploh Hana teudoh jak bak raja Hana teudoh teubiet tamong Jak meuteumeung deungon raja

Neugara Purl rame leupah Rakyat barollah sabe teuka Lagot meuneukat han peue peugah Meuhai murah jicoh lanja

Vlll. ANEUK RAJA SIKUREUENG PLOH TUJOH

Seubeunnuia Iaen kisah Jinoe Ion peugah Iaen calitra Jinoe Ion seubot Cut Diwa Akah Nyang indah samiakoe rupa

Meurunoe hekeumat uroe maiam Bak Brahman Sakti Diwa Tuhan neubri abeh tamam Gaseh Tuhan keu cut banta

Bak siuroe Cut Diwa Akah Neuseumbah Brahman Sakti Diwa Neuiakee idin neukeumeung Iangkah Neuharap meuah bak baginda

Seuot Brahman hai intan cut Deungo Ion seubot cahya mata Cit ka dilee uion peugah Jeuoh that Iangkah mantong gata

Lompi teuma rrak tatu'oh J euoh tanoh man usia Tujoh thon burong teureubang Ka Ion pandang bak kutika

Wahe aneuk tadeungo Ion Putroe tatueng uleh gata Neugara Puri nama nanggroe Sinan aneuk droe prang tapuga

lnsya Allah tuiong Tuhan Dum suiotan taklok bak gata Abeh dumpeue Brahman peugah Hireuen dasyah muda beulia

Di dalam nyan bangket meunyeumbah Harap limpah do'a baginda Brahman bri saboh cumboi Jroh meuloi-Ioi hana tara

Seureuta neukheun he samiakoe Cumboi Ion nyoe Ie that guna Nyang beurnama keumaia hekeumat Jeuet keu ubat pakaian gata

Beukit na kheundak baranggapeue Nama kamoe aneuk tacinta Teubiet sinoe raja peuet droe Cukop sampoe baiatantra

Bangsa nibak jen ngon mambang Amat pahlawan that peurkasa Namajih nyan uion peutrang Lila MambangJlyang peurtama

Nita Beuranta sidroe geurasi Beurantawi nyang keutiga Syahid Sikanda nama nyang peuet Hai intan cut Ion bri keu gata

Neusambot le rijang-rijang Peuduek yoh nyan di keupaia Neuseumbah Ie Brahman sidroe Sira neumoe ngon ie rna ta

Brahman yoh nyan neucom bak dhoe Samlakoe beu troh ban pinta Neubeudoh sinan mumat jaroe Raja dua droe meucom meuwa

Seureuta neukheun meunoe bagoe Muda samiakoe ngon ie mata Bek tuwo keu lon dagang gareb Ka trok nasib tinggai gata

Jikalee kon ngon grak Tuhan Seukali han ere ngon gata Teuma seuot raja dua droe Sira jimoe nyan bandua

Wahe syeedara ulon paban Kheundah Tuhan pakri teuma Jikalee kon keusudahan Sabe sajan Ion ngon gata

Gunong manyang neuek leupah Leugat langkah ureueng muda Lheueh nibak nyan Cut Diwa Akah Neujak pantah le neubungka

Sira neutren ateueh gunong nyan Beureunti sinan sikutika Kareuna uroepi tarek that Pioh leugat payah raya

'Oh puleh hek lorn neukarat Neujak leugat miseue nyang ka Teutap dang jak po samlakoe Laen jinoe Ion calitra

Aneuk raja Ion hareutoe Nyang awai woe nibak tapa Ban sare trohjih u nanggroe Jihareutoe bak ayahda

Idin ayah dum keu kamoe Meujak u nanggroe Beureuma Diwa Meujak pinang tuan putroe Aneuk raja nyoe jroh that rupa

Ban jideungo dum le ayah Galak leupah dumgeu rata Jiyue peusep dum peukakah Dum kaftlah balatantra

Ase kapai deungon gurap Peujap-peujap beuncalang jawa Aneuk raja ek le leugat Saoh angkat kapai bungka .

Padum uroe peulayaran Sampoe tuan ho geuhala U kuala kapai dum troh Jilhom saoh laju sigra

Saoh jitiek meuriam jicoh Bunyoe guroh troh lam kuta Sabda raja ubak bujang Tajak rijang u kuala

Tajak laju nyan tatanyong Pakri bangon jaweueb haba Meunyo kapai peurdagangan Peurab keunan bak syahbanda

Meunyo kapai peurmusohan . Teutap sinan di kuala Meunan sabda bak sulotan Yoh nyan bujan.g jijak lanja

Ubak kapai sampoe datang Ek u dalam kapai bahtra Ban troh keunan teungku bujang Tanyong yoh nyan jipareksa

Tuan-tuan baro datang Keumana jalan dumna gata Lon kalon tajak ngon angkatan Tet meuriam di kuala

Saleh peue-peue peurusohan Sabda sulotan yue pareksa Beukit kapai pewjualan Peurab u peukan bak syahbanda

Atawa kapai peurmusohan Nyanpi tuan tacalitra Ureueng kapai seuot meunoe Kon kapai nyoe maniaga

Lagi bukon peurmusohan Aneuk sulotan raja raja Aneuk raja si.kureueng ploh tujoh N anggroe jeuoh jarak ray a

Hajat ate jak keunoe troh Teukeumeung piph bak lieng raja Hajat teupinang tuan putroe Salah sidroe nyang neusuka

Soe nyang untong deungon tuah Putroe indah nyan po jeumba Nyang laen dum woe u nanggroe Hana sapeue haro-hara

Abeh narit bujang jiwoe Troh sampoe u dalam kuta Bak masa nyan baginda sulotan Duek seumayam ateueh tahta

Sajan meuntroe uleebalang Aneuk sulotanpi seureuta Bujang jiduek le di sinan Angkat tangan peugah haba

Deelat ampon ya junjongan Samp6e Iaman ubak bahtra Suara beude nyang meugeucoh Sikureueng ploh tujoh aneuk raja

Nanggroe jarak nyoho ka troh Keumeung pioh bak meukuta Singoh tuanku troh utosan Aneuk sulotan yue ba· haba

Rcija deungo seumbah bujang Neukheun yoh nyan pantah sigra Neukheun bak raja Mangirna Pari Meusajan le Brahman Diwa

Aneuk lhee droe sinan sapat Istalat Majat Lila Cahya Seugala raja neugara Puri Ngadap doli dumteu rata

Sabda raja nyang beurdeelat Pakri pakat bandum gata Haba singoh teuka surat Pakri pakat nyang seujahtra

Seumbah raja Mangirna Pari Ampon doli po meukuta 'Oh troh surat datang keumari Baro jadi tabicara

Yue tueng raja sireutoh sikureueng ploh Ngon raja ban troh peuduek seureuta Di geutanyoe tahei taroh Peue nyang gadoh po meukuta

Soe beurani cit jimuprang Di teungoh padang Anta Cahya Kareunajih dum le that girang Jilandang keunoe jiteuka

Raja deungo meunan macam Keusukaan ate raja Beuna sangat peurkataan Bah jimuprang sa be teuga

Hingga teuma siploh uroe Meubunyoe utosan teuka Raja deungo meunan bagoe Yue tuengjinoe aneuk raja

Aneuk raja sireutoh sikureueng ploh Y oh nyan ka troh dum jiteuka Na sikeujap bunyoe rioh Bandum ka troh aneuk raja

Ban troh keunan junjong iioli Neuyue duek le maseng kada Deungon ranup raja yue bri Duek beureunti preh troh haba

Na sikeujap peurheuntian Troh utosan surat jiba Jitamong le troh u dalam Ngadap sulotan Beureuma Diwa

Lheueh jiseumbah raja deelat Jisurot leugat sigra-sigra Seureuta jikheun syahi alam N yang po makam nyang teureela

Patek peuseumbah keu bawah kidam Meumbawa salam paduka aneukda Patek meumbawa sarat kireman Di dalam nyan nyata sabda

Raja deungo keusukaan That bijakan ureueng teuka Sabda raja yoh masa nyan Surat kireman neuyue baca

Nyang that cidah baca surat lstalat Majat Lila Cahya Y oh masa nyan neubeuet leugat Dalam surat meunoe haba

Seumbah sujud seureuta taklem Nyang teukirem bak aneukda N yang hina lagi miseukin Lagi yatim papa nadra

Aneuk raja sikureueng ploh tujoh N yang baro troh di kuala Lon peuek seumbah keu bawah doli Harap beurani simata-mata

Niet Ion heundak peuhamba diri Keu bawah doli harap mulia Seubuleh-buleh nyang kamoe harap Neupeutroh hajat kamoe nyang teuka

Bit neukalon kamoe le that Nyang hakikat sidroe saja Soe nyang un tong keunan pu troe Nyang laen woe tan peukara

Kon na hajat meudeh meunoe Kareuna kamoe harap seujahtra Nyankeu haba dalam surat Istalat Majat nyang baca

Aneuk raja sireutoh sikureueng ploh Leungo tuboh miseue geumpa Seureuta ngon jicok surat Jipriek leugat di nap raja

Ngon amarah beungehji that v o meutat-tat jeuep angeeta jiploh surat jitiek 'Oh lheueh Teuma jicriek ube-be seuma

He utosan beudoh jak woe Narit kamoe keudeh kaba Bak raja kah kahareutoe Kakheun kamoe nyang po jeumba

Rakna Keumala putroe siti Ka lheueh neubri keu aneuk raja Putoh narit deungon janji Han jeuet mungkiri le bak raja

Jinoe bek le panyang cakri Meung beurani kayue teuka Di padang Anta sideh kunanti Mangat katuri aneuk raja

Sideh kukalon di teungoh mideuen Kreh ngon peudeueng gagah peurkasa Bit kah sang kon ureueng Gop boh kareuem jih jak hila

Gop keumawe jih tiek tanoh teungoh jimr.ng hila Areuta gop jih jak seunoh Hana meu'oh raja gila

He utosan got kayue woe Kayue jak bloe keutuprak jawa Bek meunapsu nyan keu putroe Ka na lakoe aneuk raja

Utosan deungo dum habaran Seumbah sulotan jiwoe lanja Ban troh keudeh peugah ngon trang Peurkabaran aneuk raja

Sireutoh sikureueng ploh aneuk sulotan That kurangkam po meukuta Surat jiploh dum jicang-cang Jikheun binatang po meukuta

Meunyo meuhajat that keu putroe Jiyue jak bloe keutuprak jaw a Le that macam jihareutoe Dum sinaroe aneuk raja

. Me una gagah ngon beurani Sideh jilanti di padang Anta Nyang cut putroe hana kubri Nyan pat bubiri saboh kaba

Aneuk raja sikureueng ploh tujoh Sang teumboh geutop bak dada Sang jeuet geumpa leungo tuboh Sang ka luroh jeuep angeeta

Seureuta jikheun ngon amarah Sideh kubalah di padang Anta Seureuta jikheun dum bak rakyat Tapeusapat alat seunjata

Singoh beungoh meuna hayat Keudeh leugat u padang Anta Bak malam nyan minom makan Beursukaan sabe muda

Seureuta geupeh ngon bunyian Meung geupreh jan teubiet faja Aneuk raja sireutoh sikureueng ploh Hana teudoh jimeujuara

Ngon bunyian kapah-kapoh Bunyoe rioh dalam kuta Aneuk raja dum sinaroe Peumeugah droe hana tara

Hana teudoh peugot beusee Silak bajee di nap raja Hana ubah miseue gutee Kureueng malee aneuk raja

Simalam beungoh sabe meucruk Manok ku'uk hampe faja Seugala bungong beurkeumbangan Dalam taman peulipor lara

Faja meureukah siblah timu Jiteubiet syamsu trang cuaca Dalam hijab tiree eumasan Aneuk sulotan dum ka jaga

Jak srah babah minom makan N gui pakaian sianeka Cukop dumpeue sileungkapan Teubiet u padang Anta Cahya

Sajan meuntroe uleebalang Pahlawan 'adi bentara Peudong kimah dum meureuntang Jipreh lawan teuka

Aneuk raja sikureueng ploh tujoh Uroe beungoh teubiet lanja Sajan meuntroe uleebalang Seukalian balatantra

Aneuk raja ngui pakaian Lu'lu' intan bl'et-bl'ot cahya Jingui meukuta tujoh pangkat Bukon hebat taeu ri.lpa

Jiteungoh le dum u darat Cukop alat dum seunjata Jipeugot kimah dum meureuntang Pahlawan mula peurtama

Di likot nyan uleebalang Keujruen blang dengon bentara Di likot nyan teuma rakyat Jijak leugat dumna tantra

Aneuk raja di teungoh kawan Meuntroe ngon juhan ireng lingka Leugat geutuju u teungoh midan Saureuta bunyian meusuara

Nyang ladom ek ateueh kandran Ladom teureubang ateueh rakata Ladom giduek ateueh jintayu Ladom tengku ateueh guda

Ngon geundrang prang geupeh laju Meu'u-'u siseun bandua Akan baginda raja sulotan Tin,ggai di dalam deungon bentara

Seurnayarh di ateueh bangun-bangunan Eu peurasan u lua kuta Neueu lagee ureueng muprang Di teungoh padang Anta Cahya

Kheun le raja Mangirna Pari Neuyue gunci pinto kuta Seureuta neukheun bak aneuk droe Aduen adoe lhee syeedara

Tajak aneuk duek bak pinto Taeu laku aneuk raja Salah saboh soe nyang talo Bek bri tajo dalarn kuta

Bek bri tamong nyan u dalam Bah jihantam nyan di lua 'Oh nan sabda raja deelat Lon riwayat ureueng ngaza

Bandua blah jiek rapat Meuhadap ngon dua tantra Ban meuteumeung dua pihak Jimeutak hana ban publa

Sideh leumbeng sinoe kapak J ilikak geusyik panglima Tadeungo su deumpek surak Sang meuhayak alam donya

Nyang mate sinan teukeupak Nyang rusak jiklik meu'a- 'a Nyang beurani hana peue kheun Miseue rimueng jilet rusa

Nyang teumakot ate geusuen Sang kameng plueng ujeuen timpa Na sikeujap nyang meunan prang Uroe teungoh trang hilang cahya

Kareuna dhoi ka meusagop Padang seupot glap gulita Hana sapeue keulihatan Meulaenkan kilat seunjata

Keudeh keunoe jimeutop tak Mate rusak dum meukeuba Nyang di meuntroe sabe meuntroe Jimeukiloe han ban publa

Nyang pahlawan sabe pahlawan Uleebalang meunan juga Nyang di rakyat sama rakyat M-eunan adat bek meutuka

Rusak mate han ek kirnat Prang maken that nibak nyang ka Le that mate keudeh keunoe Blahdeh blahnoe dum meutimpa

Darah ile dum u bumoe Jeuet jilangoe gajah guda Taeu darah miseue ie krueng Darah ureueng darah guda

Mate sinan dum teugageueng Seulinteueng dalam ie raya .Prang raya that hana macam Tujoh malam hana reuda

Aneuk raja sikureueng ploh tujoh Maken tanggoh prang jingaza Ho jipeunap keunan teudoh Sang geusampoh safan-safa

Ho jipeukeue keunah seungap Ho jipeunap ka seureufa Peudeueng raya jiseumangat Taeu leunyap dum meukeuba

Le that mate siblah lawan That analan aneuk raja Sikureueng ploh tujoh aneuk sulotan That pahlawan ngon peurkasa

Talo raja sireutoh sikureueng ploh le that teudoh rakyat fana Nyang na tinggai leugat jiplueng Jimeung tamong dalam kuta

Mangirna Pari laju neutham Bek u dalam keunoe gata Jideungo geutham nibak pinto Jiplueng laju dalam rimba

Jiseutot le ka'a-ka'u Jipoh laju han jikira Hingga teutap ureueng nyang plueng Dalam uteuen meuraba-raba

Aneuk raja nyang meunang prang Bipeh padang meuseunia Ubak raja lorn meuriwang Sulotan Beureuma Diwa

Neumeusabda raja doli Mangirna Pari ngon syeedara Seureuta deungon meuntroe wadi JinOe pakri keu aneuk raja

Seumbah meuntroe deelat ampon Neuyue jak tueng po meukuta Bah jipioh sinoe dilee Dudoe teuntee tabicara

Poteu raja yoh nyan neukheun Neuyue jak tueng aneuk raja Mangkubumi beudoh rijang Jak u padang Anta Cahya

'Oh troh keudeh · mumat jaroe Jihareutoe sabda raja Tuanku patek peusurohan Bak sulotan Beureuma Diwa

Harap neulangkah keudeh u dalam Rindu deundam poteu raja Aneuk raja deungo meunan Tamong yoh nyan dalam kuta

U bale rom laju keunan Ngadap junjongan Beureuma Diwa Baginda seudang dihadap urang Uleebalang raja raja

Peunoh seusak di bale rom Hadap bandum poteu raja Aneuk raja ngadap doli Neuyue duek le yoh nyan sigra

Seureuta geubri ngon keurusi Nyang meuseundi mupeurmata Deungon ranup geubri sajan Dalam puan mupeurmata

Aneuk raja sambot rijang Keusukaan that m ulia Raja kheun bak Mangima Pari lsyarat neubri deungon bahsa

Mangima Paripi that ahli Cit neutukri isyarat raja Mangima Pari tanyong rijang Bak aneuk sulotan baro teuka

Tajak keunoe dum he teelan Peue tuntutan tajak mita Aneuk raja seuot leugat Dalam surat ka na haba

Nyankeuh kamoe troh beurangkat Meuharap gaseh baginda Brahman"Diwa seuot leugat Mantong cut that aneuk raja

Pakri jinoe tameuhajat Gohlom trok hat sampoe masa Aneuk raja seuot keudroe Ampon kamoe nyang mulia

Meunyo ubit tuan putroe Lon preh sinoe sithon dua Harap meuna karonya limpah Rahim dan murah doli baginda

Lheueh jikheun nyan aneuk sulotan Peurseumbahan jijok keu raja Jeuneh pudoe deungon intan Beurlian -deungon sukadana

Neuyue sambot rijang-rijang Tanda tuan that mulia Poteu raja dum bri salen Ban lagee tren aneuk raja

Seureuta deungon rakyat laen Maseng-maseng ateuh kada Seureuta geubri minom makan Seukalian aneuk raja

Rame sabe uroe malam Ngon peurasan hana tara Aneuk raja sinan teutap Geubri teumpat ban sikada

Geunap uroe jak meungadap Woe bak teumpat 'oh ka seunja Cit nyankeu buet tiep-tiep uroe Jijak jiwoe ngadap raja

Jipreh rayek tuan putroe U nanggroe hana jigisa Lawet lawan teuma dudoe Teuduek 'oh noe aneuk raja

IX. CUT DIWA AKAH DI TAMAN INDRA SEWKA

Jinoe laen Ion hareutoe Bak samlakoe lorn meugisa Seubeurmula ulon kisah Cut Diwa Akah Cahya Mangindra Neucre di gunong Manikam Halam Troh neujalan gunong Angkasa Antara gunong nyan saboh padang Hireuen teuceungong muda beulia Neueu jeuoh puteh meululu Tanoh gapu naleueng komkoma Ban troh keunan pioh siat Ka teuingat nyan keu bunda Sret ie mata le meudrap-drap Kareuna trep that ka neubungka Ingat maleepi raya that Peue akibat 'oh kugisa Inong raksasa han ek kulukat Lorn maken that malee mata Bunda Ion jok ubak Tuhan Nyang laen tan na kuasa Bah kuikot kheun le Brahman 'Oh sampoe nyan troh di mata Teuma teuingat Lang-lang Daranu Nama laju le neucinta Ngon sikeujap troh jilalu Lang-lang Daranu sujud sigra Seureuta jikheun ya tuanku Peue na napsu neuhei hamba Siri gunong neukeumeung ek Siri tasek neukeumeung hala Pat na janji ka mubalek Pat nyang han ek neuprang kuta

Teuma seuot Cut Diwa Akah Wahe ayah Ion hei gata Lon nyoe hajat jeuoh langkah uleh gata

Taba ulon u Neugara Puri Raja geurasi Beureuma Diwa Lang-lang Daranu ka teusinyom Ka jimaklum hajat cita

Beukit meunan tuanku droe Bak rueng kamoe neuduek lanja Keu geureuda jipeujeuet droe Cukop sampoe deungon rungka

Cut Diwa Akah ek le rijang Neupasang ateueh geureuda Lang-lang Daranu jiteureubang Sangat tajam hana tara

Rab meusampoh deungon awan Dumnan manyang bak calitra Padum uroe jipo sunggoh Sampoe troh bak nanggroe raja

Geureuda tren ka jibaroh Sampe troh bak padang Anta Cut Diwa Akah neubem:jalan Sret bak taman lndra Seloka

Taman nyan rab istana putroe Sinan sidroe inong tuha Nama bibi Sikandawati Dilee esteuri tuan syeedaga

Lakoepi mate geuduek sinan Pula tanaman sianeka Padum ureueng lakee meukawen Hana geutem seubab ka tuha

Lorn ngon male aneukpi tan Han seulindan le keu donya Geuduek lam keubon pula bungong Peue nyang keunong nibak mata

Cut Diwa Akah tamong keunan Dalam taman Indra seloka Neueu peurasan macam-macam Jeuneh bungong le that rupa

Seureuta ngon buah-buahan Han sapeue tan dum seugala Cut Diwa Akah neudong sinan Leumah geukalon le ureueng tuha

Geukalon rupa indah han ban Hireuen mandang hana haba Padumna trep meunan bagoe Muda samlakoe marit lanja

Hai rna teungku neungieng keunoe Neubri keu kamoe peue hade na Neubri hai rna ie siteugok Lon baro trok keunoe teuka

Yoh nyan bibi ka teukeujot Geudeungo narit ureueng teuka Seureuta neukheun tatamong keunoe Ubak kamoe rna ka tuha

Ka neutamong po samlakoe Mumat jaroe sigra-sigra Neuyue duek le ubak teumpat Neutanyong leugat neupareksa

Pane langkah po samlakoe Pajan keunoe troh tateuka Pane gampong deungon nanggroe Tapeugah soe ibu bapa

Deungon nama tahareutoe Pakri sampoe keunoe teuka Neuseuot le po samlakoe Neuhareutoe dum peukara

Nama ulon rna meutuah Cut Diwa Akah Cahya Mangindra Diwa Laksana nama ayah Bangsa nyang sah manusia

Martagangsa nama nanggroe Jeuet troh keunoe bak let rusa Kheun rna bibi Sikandawati Beuna seukali cahya mata

Meukon aneuk raja doli Han beurani keunoe teuka Kareuna jeuoh peurjalanan Kayangan ngon nanggroe donya

Jinoe aneuk pakri seunang Beursamaan deungon bunda Kareuna Ion aneukpi tan Sampoe badan Ion ka tuha

Jinoe aneuk gaseh sayang Tadong sajan deungon hamba Seuot le Cut Diwa Akah Han peue salah he ma raja

Meuka neutem cit peusayang Keusukaan nibak hamba Ma bibi neudeungo meunan Sangat yoh nyan ate suka

Sang meuteumeung peurmata intan Keusukaan ureueng tuha Neuyue jak pot dum buahan Bak seukalian hamba sahya

Jime keunan u hadapan Makeuen rijang ri nyang suka Nyang han abeh dum sinaroe Pajoh keudroe rna Sikanda

Bri ngon teumpat keu samlakoe Nyang meusujoe tiree rawa Meunankeu buet baranggajan Seulawet datang banta muda

Cut Diwa Akah neukhideumat Miseue adat rajaraja 'Oh ka beungoh neuseumanoe Neuuet asoe pat nyang leuta

Lheueh seumanoe minom makan Lheueh nibak nyan jak pot bunga Po samlakoe neuba sajan Dalam taman lndra seloka

Ban sare troh u yup bungong Duek meunawong yup bak jeumpa Neudeungo bungong jimupanton Su meualon mangat raya

Ikan beulanak di bawah titi Anak tiong maen di pante Beurapa lama putroe meunanti Baro seukarang tuanku sampe

Bungong peukan balah panton Jroh that bangon meusuara Kapai beurdiri di singapura Angen beurgasak di ateueh kurong

Jika lambat tuanku teuka Buah masak dimakan burong Bungong meulu lorn jitaleh Nyanpi hmbeh that suara

Burong gagak turon mandi Mirahpati di dalam kandang Jika lama tuanku keumari Tuan putri diambek urang

Meunan bandum mubalah-balah Cut Diwa Akah hana haba Neupujoe Po sidroe Allah Peunoh limpah that kuasa

Lheueh nibak nyan jak pot bungong Ngon rna inong ti Sikanda Bungong ase leugat neuwoe Samlakoe ngon ureueng tuha

Troh u rumoh karang bungong Keumeung peutamong dalam kuta Cut Diwa Akah sinan sajan Neulakee karang nibak bunda

Neubri hai rna ulon karang Mangat rijang bek tho bunga Y oh nyan teusinyom Sikandawati Neupeugah le meunoe sigra

Cuba karang he boh ate Lon eu pakri keunarang gata Y oh nyan neukarang le samlakoe Hana ngon taloe meunan saja

Ban neukalon le rna bibi That bit baek neueu rupa Allah hai aneuk han tom Ion pandang Peue geupeunan keunarang gata

Neuseuot le muda samlakoe Keunarang nyoe hana nama Lon karang ngon cabak jaroe Tan meurunoe asai mula

Ma bibi 'ajaeb han bagoe Neueu buet jaroe muda beulia Bit areh that po samlakoe Patot ngon putroe sama padra

Miseue buleuen ngon matauroe Meunan bagoe ureueng bandua Lheueh neukarang bungong sinaroe Teuma neupasoe lam ceurana

Neutop ngon sahab nyang meusujoe lndah that bagoe takalon rupa Teuma neutanyong le samlakoe Keupeue bungong nyoe wahe bunda

Lon kalon neutop ngon sahab sange Miseue neumeung me keu raja raja Seuot rna bibi Sikandawati Bungong nyoe Ion me keu putroe muda

Ban neudeungo keu tuan putroe Muda samlakoe ate suka Neutanyong lorn meunoe bagoe Peue nan putroe toh ayahda

Nama nanggroe peue geurasi Neupeugah kri wahe bunda Seuot rna bibi Sikandawati Pakon tasudi han tom nyang ka-ka

Ma btbi neuseuot meunoe Nama putroe Rakna Keumala Nama nanggroe N eugara Puri Raja geurasi Beureuma Diwa

Putroe indah hana sakri Patot seukali beukit ngon gata Seubab elok sama padan Peureuseh saban hana beda

Teutapi jinoe ka na tunangan Aneuk sulotan kureueng tiga Aneuk raja sikureueng ploh tujoh Nyang baro troh that peurkasa

Prang raya that _ meugeureupoh Sireutoh sikureueng ploh aneuk raja Band urn talo ka jiparoh Raja nyang troh leubeh peurkasa

Jinoe mantong sinoe jipioh Jipreh umu troh putroe muda Cut Diwa Akah neukheun leugat Linto le that lagoe hai rna

'Oh tapike sangat 'ajab Taloe le that saboh tima Bahwa sunggoh po samlakoe Ka neutusoe aneuk raja

Murid Brahman dum sinaroe Ngon samlakoe cit biasa Akan rna bibi Sikandawati Neupeureugi dalam kuta

Deungon bungong saboh talam Sidroe teubosan nyang meumbawa Dang Seundari nyang me bungong Leugat neutamong dalam kuta

Sikandawati jak bak wareh Seundari keudeh u istana Ban sare troh u meuligoe Dendayang bloe yoh nyan sigra

Jieu bungong jroh han bagoe Keunarang nyoe han tom nyang ka Siumu Ion han tom kukalon Keunarang bungong taloe hana

Bak masa nyan tuan putroe Neuduek sidroe atcueh geuta Neueu dendayang durn bloe bungong Sinan meutamon di bineh raga

Neukheun bak dendayang Manginda Diwi Bungong tayue me Ion eu rupa Nyang ba bungong tahei keunoe Nyang laen nyoe pakri rupa

Yoh nyan jihei le dendayang Bungong rijang keunan jiba Dang Seundaripi troh keunan Seumbah yoh nyan putroe muda

Putroe kheun le yoh nyan pantah Cuba peuleumah bungong gata Dang Seundari le jipeuhah Jipeuseumbah ngon-ngon raga

Cok sitaloe putroe lihat Bukon 'ajab hana tara Keunarang nyoe bit indah that Saleh pat-pat nyang keurija

Satang keunarang sidumnoe got Beukit nyang peugot leubeh ganda Putroe kheun bak Dang Seundari Bak rna bibi tacalitra

Takheun singoh datang keumari Nyang meuseuti han jeuet hana Lon meung meurunoe karang bungong Tayue tamong ureueng tuha

Meuhana troh esok pagi Ma bibi keunong meureuka Meunan takheun hai Seundari Jak keumbali keudeh lanja

Dang Seundari leugat jiwoe Troh sampoe u rumoh tangga Bak rna bibi jihareutoe Haba putroe jicalitra

Neuyue tamong uleh putroe Keumeung meurunoe karang bunga Meuhana trok neukheun paloe Tuan putroe pumeureuka

Pada masa jihareutoe Samlakoe sinan seureuta Ka teusinyom 'oh leumah gigoe Neudeungo putroe keumeung beulaja

Ma bibi deungo narit putroe Kuyut asoe ureueng tuha Seureuta neukheun narit meunoe Pakri kamoe ya Rabbana

Neupoh meuhat uleh putroe Han jeuet kamoe karang bunga Maken sosah hana bagoe Samlakoe bacut teurtawa

Seureuta neukheun he rna bibi Bek kiam le he rna raja Cit neubri jeuet uleh Tuhan N a rot jalan bak aneukda

Lon bri saboh lalat hijo Ho jilalo n yank eu t anda Pat nyang jidong lalat hijo 1 arom laj u keunan neu ba

Na sikeujap beungoh uroe Ma bibi sidroe baro jaga Neujak peugoe aneuk lam rumoh Bek le kaeh he beulaga

Jibeudoh le ka'a-ka'u Ladom teungku jak pot bunga Nyang ladom peurab u dapu J ak taguen bu ngon ie kahwa

Na sikeujap ase bungong Ka meutamon saboh raga Bupi lheueh dalam hidang Jibet rijang keu ureueng muda

Neupajoh bu po samlakoe Nekmat ka troe 'oh mumada Ma bibi jak makeuen dudoe Dum sinaroe aneuk nyang na

Bupi lheueh cok ngon bungong Ka neutamong u istana Ban sare troh u meuligoe Leumah putroe duek le sigra

Neubri ngon ranup teuma dudoe Neusambot nyoe ngon mulia Neupajoh ranup na sigapu Marit laju putroe muda

He rna bibi Ion yue jak eu Na peue napsu Ion bak gata Lon meurunoe karang bungong Miseue bangon nyang ka taba

Ban neudeungo narit meunan Teusinyom yoh nyan ureueng tuba Neucok bungong mat bak jaroe Neupeurunoe putroe muda

Jarom neumat siblah uneun Lalat jidong ateuh bunga Pat nyang jidong Iaiat hijo Jarom laju neutop lanja

Meukarang le bungong keudroe Tan ngon taloe jarom saja Sabe jingieng keunan putroe 'Ajaeb taloe ureueng tuha

F on beungoh kon troh cot uroe Sabe putroe keunan mata Ho maken trep maken !aloe Lalat pindoe dong bak mata

Putroe paroh le ngon jaroe Keudeh jiwoe ubak bunga Pat nyang jidong lalat hij o Jarom tajo keunan lanja

Putroe kalon 'ajab tahe Lalat hijo le bicara Ho maken toe putroe peurab Maken rapat ureueng tuha

Bak mata lorn jidong lalat Ka jikap bak iku mata Putroe kheun le ngon amarah Lalat bedeu'ah le bicara

Geutanyoe teungoh beulaja keumarang Lalat suang dong bak mata Lalat neupoh deungon jaroe Teukeujot nyoe ureueng tuha

Lalat mate gop nyan teukeujot Jarompi sret pura mita Seureuta neukheun ubak putroe Got uroe nyoe karang nyang na

Lakee idin neukeumeung woe Lagi uroe ka poh dua Seuot putroe jeuet tariwang Singoh dendayang Ion yue teuka

Lon yue dendayang jak pot bungong Dalam taman Indra seloka 'Oh lheueh marit deungon putroe Ma bibi woe le neugisa

Troh u rumoh bak samlakoe Neueu sidroe sinan saja Neutanyong le ka lheueh manoe He samlakoe cahya mata

Kadang meubupi cit gohlom Bungong teuprom kadang lapa N euseuot le gohlom makan Manoepi tan Ion preh bunda

Teusinyok Sikandawati Seunang ate ureueng tuba Beukit meunan he samlakoe Tajak keunoe manoe sigra

Neubeudoh le rijang keudroe Neujak manoe yoh nyan sigra 'Oh lheueh manoe jak pajoh bu Sajan teungku ti Sikanda

'Oh lheueh bu pinah hidang N gui bee-beewan sianeka Neutanyong hai di meuligoe Haba putroe Rakna Keumala

Pakon tatanyong po samlakoe Dilee baroe han tom nyang ka Neuseuot le hai rna badan Lon meuayang pura-pura

Syahdan teuma uroe malam Neueh tiduran malam jula Beungoh uroe cahyapi trang Beudoh rijang jak srah muka

Hidang geubet bu neupajoh Teurna nneuteuoh haba nyang ka Kheun rna bibi he sarnlakoe Tamakeuen jinoe cahya rnata

Kareuna baroe sabda putroe Dendayang keunoe neuyue teuka Ka teusinyorn po sarnlakoe Neurnakeuen jinoe pantah sigra

'Oh lheueh rnakeun neusrah jaroe Dendayang dua droepi ka teuka Dendayang jiek laju keunan Duek le sajan rna Sikanda

Jieu sidroe ureueng agam Hana lawan indah rupa Hireuen jikalon po sarnlakoe Dalam nanggroe han sapat sa

Saleh supo cit aneuk nyoe Hana rneunoe laen rupa Jisangka aneuk Diwa Mambang Hireuen rnandangji bandua

Ka neutanyong le rna bibi Bila keurnari dayang dua Peue neusuroh le putroe ti Bak rna bibi namiet tuha

Dayang dua baro teukeujot Jideungo narit rna ti Sikanda Teuma jikheun narit nyoe ban Lon surohan putroe rnuda

Ma bibi yue panggelan Deungon bungong cit neuyue ba Kheun rna bibi he dendayang Sinoe diarn siat gata

Ulon jak pot bungong keumang Lon woe ninan tajak lanja Kheun dendayang he rna bibi Lon peureugi sajan gata

Lon jak kalon taman indah Nyang meugah lndra seloka Ma bibi nyan tren le langkah Dendayang sahpi seureuta

Sira neujak jihareutoe Jitanyong soe ureueng muda Lon eu rupa that samlakoe Hana meunoe nyang na

Wahe dayang deungo kupeugah Cut Diwa Akah geuboh nama Diwa Laksana nama ayah Nanggroe nyang sah Martagangsa

Manusia bangsa gop nyan Nyang leubeh nyan nibak nyang na J ak meurusa peurburuan Sisat gop nyan troh keunoe ka

Ulon tueng keu aneuk angkat Seubab jroh that budi bah sa Lheueh marit geujak leugat Troh bak teumpat geupot bunga

Bungong geupot ka seuleusoe Teuma geuwoe yoh nyan sigra Troh u mmoh nyan ban lhee droe Bungong geupasoe lam ceurana

Geutop ngon sahab nyang meusujoe Dendayang dua droe neuyue bawa Ma bibi jak yoh nyan rijang Ngon dendayang sama-sama

U meuligoe sampoe datang Neuek rijang rna Sikanda Bak masa nyan tuan putroe Neuduek sidroe ateueh geuta

Bak peuranginan tingkap meuligoe Neueu sampoe rna Sikanda Troh rna bibi Sikandawati Com di gaki putroe muda

Neusapa Ie putroe siti E rna bibi ka troh teuka Keunoe taduek rab ngon kamoe Tapeurunoe beu seumporna

Jroh that hai rna keunarang baroe Galak kamoe hana tara Ban neudeungo haba putroe Ma bibi nyoe duka cita

Pakri jinoe kupeurunoe Han jeuet kamoe Ialat hana Lalat hijopi ka neupoh Soe peuieumah nyan keu hamba

Ate rna bibi sangat gundah Neukheun pantah meunoe haba Hana.jeuet Ie po cut ampon Eieumee Ion nyankeu nyang na

Laen nibak nyan hana mufom Beukit neupoh Ion Iaen hana Putroe deungo kheun rna bibi Neuiem putroe ti han Ie haba

Seumbah putroe com di gaki Tren rna bibi langkah gisa Troh u rumoh rna bibi woe Banta sidroe tanyong haba

Peue na haba wahe rna droe Tuan putroe yue tueng gata Peue na saiah peurbuatan Nyang surohan putroe muda

Sikandawati ka teusinyom Seureuta neukheun meunoe ha;ba Lon neuyue tueng uieh putroe Yue peurunoe karang bunga

Neuyue peuiheueh keunarang baroe Nyankeuh kamoe neuyue teuka Teuma Ion kheun han Ion tu 'oh J arom gadoh han meuho ka

Seubab Iaiatpi ka ne_upoh Nyankeu gadoh akai hamba Cut Diwa Akah khem teusinyom Mameh reunom ngon ie muka

Lheueh nibak nyan jak beuradu Lam keuieumbu teumpat nyang ka Seubeurmuia Ion hareutoe Dendayang baroe peugah haba

Jipeuseumbah ubak putroe Ureue.ng Iakoe jroh that rupa Po cut ampon sidroe ensan Bak makam bibi Sikanda

Samiakoe jroh hana Iawan Na rniseue ban gamba di peuta Eiok maneh hana macam Sapatpi tan meunan rupa

Lang geurnilang cahya badan Muka na ban buieuen purnama Ladat mata patek pandang Teuceungong han sapeue haba

Siumu Ion po cut ampon Tan Ion kalon meunan rupa Ie mlika jroh that meualon Meuek meutren taeu cahya

Beukit jieu le ureueng duson Jipeugah kon manusia Narit meujeulih supan santon Bak agak Ion aneuk raja

Di dalam nyan patek sudi Bak rna bibi sajan gata Pane ureueng han Ion turi Hai rna bibi sajan gata

Kheun rna bibi nyankeu ensan Aneuk sulotan Diwa Laksana Martagangsa nama makam Luah han ban rame raya

Nama gop nyan Cut Diwa Akah Bukon cidah hana tara Jeuet keunoe troh sam poe jalan Peurburuan paroh rusa

Tinggai meuntroe uleebalang Sampoe datang troh keunoe ka Putroe deungo nyan jipeugah Sang aruwah ka keulua

Satang haba ban gop peugah Beukit leumah pakri rasa Lheueh nyan putroe jikheun nyoe ban He kak dayang that peurbula

Narit gata Ion pikekan Agak lon tan tapeugah na Ban jideungo narit putroe Bandua droe khem teurtawa

Ngon jiseumbah tuan putroe Jibet jaroe le bandua Neukheun po cut kamoe sulet Na padum blet meunoe nyang ka

Jameun masa padum lawet Han tom siblet nyang peurbula Meulaenkan nyang ka na Ion pandang Nyang leubeh trang ngon dua mata

Tuan putroe lorn kheun yoh nyan Tajak keunan lorn bandua Tajak kalon mantong sinan Na deungon tan tawoe lanja

Na sikeujap keudeh sampoe Bandua droe tamong lanja Leumah jikalon Cut Diwa Akah Bak bale indah neumeuseunia

Nibakjaroe jieu keureutah Teungoh neutuleh peue nyang suka Dendayang dong bandua droe Hana sapeue jimeuhaba

Tahe hireuen pandang laloe Sang kameng troe pajoh buga Han a sapeue jeuet jimarit Nyang na mumet-met aneuk mata

Jikalon rupa jroh that keubit Jikeumeung marit sang han daya Akan proe hai muda samlakoe Neupura iem droe han neusapa

Dendayang dong sinan lakoe Banta iem droe hana haba N a sikeujap jidong sinan Marit yoh nyan dalam dua

Nyoekeu saleh Cut Diwa Akah Nyang geupeugah indah rupa Teuma seuot le nyang sidroe Agak lon nyo laen hana

Lon eu rupa jroh samlakoe Lam nanggrne nyoe han sapat na Han tom lon eu rupa meunoe Seulama kamoe pandang donya

Nyoekeuh Ion eu rupa cidah Meung Diwa Akah laen hana Seuot sidroe jipeugah bit Ban gata marit sabet beuna

Cuba tanyong ho rna bibi Suroh putroe ti geutanyoe dua Teuma jitanyong le jisudi Jibeurani dendayang dua

Nyo tuanku Cut Diwa Akah Neutulong peugah hoka Sikanda Hoka rna bibi Sikandawati Tuanku neubri jaweueb lanja

Muda samlakoe teuma seuot Deungon patot kon ngon gasa Cut Diwa Akah nyo nama lon Keupeue tatanyong bunda hamba

Peue meukeusud cuba takheun Mangat seunang lon calitra Ban jideungo le dendayang Keumanisan ngon suara

Lorn deungon su leumah leumbot That mupatot deungon rupa Y oh nyan dendayang ka jiseuot Sajan jibot jaroe dua

Lon surohan tuan putroe Neuyue kamoe jak cok bunga Pat tuanku bunda jinoe Hajat kamoe lakee bunga

Banta seuot ka lam keubon Jak pot burigong meulu cina Dendayang dua sinan jidong Lale jikalon neutuleh gamba

Jieu neutuleh macam-macam Hireuen dendayang hana tara Jikalon meurak meugambaran Kheun dendayang meunoe haba

Adat meujeuet keu meurak bit-bit Indah sangat hana tara Muda samlakoe ka teusinyom Seureuta neukheun meunoe haba

Beukit na nyawong meurak Ion nyoe Na ureueng bloe ubakgata Jiseuot le jikheunmeunoe Bak patek nyoe han kuasa

Beukit neubri kamoe puwoe Keu putroe Rakna Keumala Beukit jeuet nyoe keu meurak sunggoh Padum yum neuboh kamoe calitra

Pakri ek jeuet tuanku ampon Meurak tulesan neuyue bawa Neuseuot le he kak dayang Nyankeuh kalam sia-sia

Nyang boh nyawong cit meung Tuhan Jen ngon ensan hana daya Peue cit bunoe Ion meuayang Teulanjoran kon Ion saja

Y oh nyan dendayang teukhern galak Bit that bijak ureueng rnuda Bit tuanku bunoe wayang Sangkira nyan ek na nyawa

Lheueh nibak nyan Cut Diwa Akah Neuek bagah duek bak geuta Na sikeujap duek beureunti Troh rna bibi ka neugisa

U rurnoh ka neuek pantah Cut Diwa Akah duek seureuta Ma bibi kalon dendayang Y oh nyan rijang neupareksa

Pane tajak he dendayang Peue surohan putroe rnuda Jiseuot le bandua droe Suroh putroe rnita bunga

Nyankeu jeuet troh keunoe sampoe Trep ka bunoe hana cut rna Beukit rneunan he dendayang Kaek rijang keunoe lanja

Ban jideungo ha ba rneunan Jiek yoh nyan laju sigra Cut Diwa Akah jiseurnbah le Ngon rna bibi sama-sarna

Jiduek leugat jibeureunti Ranup geubri le Sikanda Cut Diwa Akah beudoh leugat Neuhei sahbat jen raksasa

Neukheun nama Lang-lang Daranu Troh le laju ngon siklep rnata Jikheun arnpon he tuanku Peue na napsu neuhei hamba

Neuseuot le wahe bapak Dua meurak Ion peulara Taeu rakan toh nyang bijak Tayue lop bak meurak gamba

Tayue marit peue nyang patot Nyang karot bek tabri buka Lang-lang Daranu seumbah sujud Bek teumakot gampang saja

Lam gambajiyue lop leugat 'Oh ka troh hat kakeulua Makanan kah di ateueh kee Jeuep-jeuep watee lam kukira

Di kah nyoe buet kupeureulee Di Ion kuthee nyang jroh saja Lheueh marit Lang-lang Daranu Jiwoe laju seumbah banta

Jen dua droe nibak hantu Jilop laju dalam gamba Cut Diwa Akah teubiet rijang Jak duek sajan rna Sikanda

Meurakpi troh keunan datang Jiteureuban nyan bandua Jisujud bak Cut Diwa Akah Jiseumbah ngon sayeuep dua

Sifeuet meurak deungo Ion peugah Bukon cidah hana tara Tuboh hijo miseue zamrut Bulee yakut ngon peurmata

Bulee iku panyang laJijot Meuharot takalon rupa Mata nibak manikam mirah Teuma di babah meutatah rakna

Sisek gaki pudoe intan Geumeurlapan that meucahya Saboh inong saboh agam Meurak nyan sijudo dua

Jidong di nap Cut Diwa Akah Jiseumbah ngon sayeuep dua Ma bibi ka teuhah babah Tan sipatah meusuara

·Dendayangpi tahe mandang Hana kalam sikrak haba Jieu meurak jroh hana ban Di hadapan banta muda

Jimeunari syae madah Mangat leupah ngon suara Meunoe bangon jimupanton Mula fon buka suara

Puan di pingge .sireh di dalam Peursantapan Diwa Nur Mali Tuanku raja nyang beurseumayam Patek datang meunjunjong doli

Sira jikeupak deungon sayeuep Teuma jisujud com di gaki Nyang ka mupanton meurak agam Jinoe he teelan meurak padusi

Meurak inong dong rab agam Surot keudeh lorn hai suami Kukeumeung sujud bak baginda Kuseumbahnya com di gaki

Seureuta jikheun syae madah Rancak babah meurak padusi Faja sidek meuneurangkan nyata Bintang timu cahya beundeurang

Tuap kami ureueng beurbangsa Sudah rneusyeuhu seugala alarn Taeu jigrop rneugisa-gisa Bandua inong ngon agarn

Dendayang ngon rna Sikanda Bandua ka tahe rrnandang Biet areh that Cut Diwa Akah Meunan jipeugah le dendayang

Di rna bibi teuhah babah Han sipatah teubiet kalarn Teurna dendayang jibet jaroe Jimohon droe heundak pulang

Teusinyorn le po sarnlakoe Neukheun rneunoe peurkataan Nyan pat meurakkah tapuwoe Keu cut putroe peurseurnbahan

Seureuta panton neukheun keudroe Meunoe bagoe fon rnulaan Bunga pandan dalarn ceurana Lipat rindi tuliskan kata

lni peurseu:.mbahan dagang nyang hina Akan peurbuatan rnaenan rnata Lorn sikrak treuk neurnupanton J roh rneualon ngon suara

Pokok rrnarnplam beunua Cina Pohon rarnpak peunghibur hati Katakan seurnbah dagang nyang hina Niatnya heundak peurharnba diri

Dendayang deungo bunyoe panton Khern teusinyorn ngon Sikandawati Nibak ate cit rnuforn ka Maklurn teurna ka jituri

X MEUTURI NGON PUTROE RAKNA KEUMALA

Dendayang tren le jigisa Bandua ka jipeureugi Troh sampoe bak pinto kuta Jipareksa le keumisi

Jitanyong le pane gata F on baroe ka ule-ili Cuba peugah peue keurija Bek doseuta nyang meuseuti

Jiseuot le bandua droe Tuan putroe yue peureugi Bungong meulu neuyue jak bloe Bak keubon nyoe Sikandawati

'Oh lheueh marit leugat jiwoe Troh bak putroe com di gaki Tatkala nyan cut sambinoe Di seuramoe neubeureunti

Deungon dendayang dum sinaroe Lingka putroe kanan kiri Jipeuduek le meurak ragoe Di nap putroe nyang juhari

Bak masa nyan tuan putroe Hireuen laloe hana sakri Neueu meurak nyan dua boh Bukon le jroh hana sakri

Inong saboh agam saboh Cut putroe jroh 'ajaeb diri Putroe tanyong wahe kakak Pane meurak bawak keumari

Lon kalon jroh that meusigak Sang-sang galak lon kalon hi

Yoh nyan dendayang peuek seumbah Bak Cut Diwa Akah ampon doli

Keu po . cut geuyue peuseumbah Tanda ikhlah akan bakti Abeh jipeugah akhe ngon fon Deungon panton sama seukali

'Ajaeb patek po cut ampon Han tom Ion kalon that bit sakti Sam poe meurak jimeusyae 'Ajaeb ate patek ini

Putroe deungo kheun dendayang Meugeulumbang dalam Sang adat jeuet meundapatkan Rasa meunan bak putroe ti

Dang-dang putroe neumeututo Meurak tajo datang keumari Jidong di nap tuan putroe Sayeuep jaroe meureundah diri

Seureuta jikheun narit meunoe Ampon kamoe po cut siti Deungon pan ton jikheun sajan Jroh that ragam mangat bunyi

Ganceng eumas di dalam peuti Dirampah uleh tukang meunatu Patek unggah baro di sini Akan meunjunjong doli tuanku

Teuma jibalah le meurak inong Su meudeungong miseue bangsi Ureueng deungo dum teuceungong Meurak inong jikheun nyanyi

Burong pipit teureubang beurdua Sang-sang galak lon kalon hi Patek nan burong dari angkasa

Saya meungadap cut po doli Abeh mabok dum dendayang Bukon 'ajam meurak meunari Apalagi putroe intan Keusukaan hana sakri Sampoe haba dum meuhayak Meugah meurak bak putroe ti Jimeututo sangat rancak Troh meugah bak raja doli Poteu raja ate galak Neudeungo meurak bak putroe ti Bak masa nyan leugat neujak Deungon cut nyak peurmaisuri

Deungo aneukpi na sajan Aneuk agam lhee seukali Namli Diwa sidroe geuboh nan Nyang adoe nyan Mangindra Pari

Nyang keulhee Kusnaraja Ireng ayahda neupeureugi 'Oh troh keudeh poteu raja Bak seulasa neubeureunti

Neuyue jak eu putroe muda Troh le lanja neupeureugi Neuseumbah le ayah bunda Ngon syeedara dum seukali

Mangat ate poteu raja Bandua paduka suri Neueu pareh that aneukda Ayah bunda sijuek ate Neumarit le raja nanggroe Ubak putroe neupeugah le Tayue jak tueng meurak keunoe Gop peugah nyoe jimeunyanyi

Lon keumeung eu pakri bagoe Kakanda nyoe suka ate Putroe neuyue bak dendayang J ak tueng rijang meurak ahli

Jibeudoh le jibeurjalan Troh le datang bak meurak ahli Dendayang kheun le bak meurak Gata neuyue jak le putroe ti

Tajak keunoe mangat Ion ba Ubak raja deungon suri Me4rak deungo meunan sabda Teureubang lanja ngon esteuri

Ban sare troh keunan sampoe Peureundah droe junjong doli Seumbah raja deungon putroe Sinaroe peurmaisuri

Ka jibet ngon sayeuep dua Di nap raja jimeunari Deelat ampon patek hamba Meu'ah deesya jaroe gaki

Seureuta ngon jikheun panton Mula fon-fon nyan esteuri Dari Rangon akan Peutani Simpang eumpat jalan satu

Alang keudua patek jalani Akan meungadap doli tuanku Lorn sikrak treuk jikheun pan ton Su meualon kon sigeutu

Gunteng keureutah di ladang peuti Digunteng deungon gunteng kaen Patek nan unggah si Rapikah Deungon peurintah buleh beurmaen

Teuma jibalah le meurak inong Jroh that bangon jimeunyanyi Aneuk meureubok keutitiran Aneuk beulatok teureubang keu desa

Tuanku mabok deungo-deungoran Seubab si kutok bawak teumasa Tim bon batu di jalan gaki Di tim bon sampe di ateueh jeurat

Ampon tuanku raja doli Patek ini khadamnya deelat Meunan panton meurak inong That teuceungong raja deelat

Peurmaisuri bek tatanyong Sangat keunong bak neulihat Dum dendayang bek tapeugah Babah teuhah peunoh lalat

Jideungo su mangat leupah Hireuen dasyah nyang na lihat Tatkala nyan Mangindra Pari Teuduek pike fam ibarat

Peurbuatan nyoe ureueng ahli Eleumee sakti teuntee meuhat Saleh supo meurakgeu nyan Pakon meunan cidah that-that

Neumeung peugah bak junjongan Takot sinan jeuet meularat Mangindra Pari that budiman Akai tajam ngon ijtihat

Barang peue buet ngon peulahan Kon barangjan ngon meukarat Seubeurmula didalam nyan Doli junjongan neumeusabda

Neuyue peugot le rante meuh Geuboh diateueh dum peurmata Takalon hu cahya peungeuh Rante meuh ngon mutiara

Neuboh bak gaki meurak dua boh Bukon le jroh hana tara 'Oh ban neuboh pruh jibeudoh Bandua boh seumbah raja

Seureuta ngon jimupanton Bak agam fon mula-mula Syah beurdeelat mambang Sikanda Bungong jeumpa tiga beurkarang

Limpah karonya doli baginda Teurima gaseh bukon bubarang Teuma seuot meurak inong Jroh that bangon mangat suara

Takoh keudundong ateueh pante Jatoh teurleutak keu timung jati Suka teurceungong mak di pagi lndahnya tidak lagi teurpeuri

Lheueh jikheun nyan jigrop rijang Lam ribaan Candra Lela Seureuta jikheun takalon nyoe Rante kamoe jroh lagoina

Seudeukah doli raja nanggroe Mee Ion pakoe kak beurkata Mee ulon ngui atawa han Beu takheun nyan da le gata

Teuma jicoh nibak susu Ate seuu meurak dua Candra Lela that teukeujot Rasa saket hana tara

Bit meurak nyoe coh geutanyoe Hana mupeue ngon kareuna Seuu raya mangat asoe Gak\jaroe rante kana

Teuma jikheun meurak jan tan Hai kak dayang bek marah raya Kareuna ka leupah lon meuayang Hai kak in tan Candra Lela

Akan baginda suka galak Neukalon meurak jimeuseunda Peurmaisuri khem meukhak-khak Neukalon meurak ngon Candra Lela

Ban jikalon le meurak inong Meurak agam teungoh meuseunda Beungehji that hana macam Jicoh yoh nyan bak keupala

Jicoh bak ulee meurak agam Seureuta kalam meunoe haba Agam bajeueng hana malee Salang di nap kee kueu teumasa

Beukit di likot beurapa lagi Adat barangri kameuseunda Seureuta jipoh lorn ngon sayeuep Han sapeue jeuet jibeurkata

Teuma jiplueng meurak agam Jimeusom jipadok muka Jimeusom di likot putroe Khem sinaroe ban sineuna

Poteu raja hireuen laloe Meurak ragoe jimeuhaba Lheueh n:ibak nyan raja deelat Neubeurangkat u istana

Maseng-maseng woe bak teumpat Maseng adat teulah nyang ka Makeuen minom beursukaan Uroe malam le ho seunja

Rakna Keumala putroe intan Bak malam nyan teungeut hana Dalam ate rindu deundam Rasa jipandang muda beulia

Hingga beungoh uroe siang Putroe intan beudoh sigra Jimeuhei le ngon dendayang Nyang geuboh nan Candra Lela

Troh le keunan bandua droe Seumbah putroe Rakna Keumala Seureuta jikheun meunoe bagoe Tajak jinoe gata dua

Bak samlakoe Cut Diwa Akah Meunoe tapeugah sikrak haba Takheun saleuem deungon seumbah Keu Cut Diwa Akah nyang mula

Ceurana Beurisi gandom Ambong-ambong di dalam buloh Haba surat teulihat beulom Meukunjong-kunjong datang meunyeumbah

Ambong-ambong di dalam buloh Kutep deulima deungon tangkenya Sikeujap-keujap datang peusuroh Bagaimana karangan akhenya

Dendayang jak leugat pantah Bak Diwa Akah taman Saluka Ban troh keunan ka jiseumbah Dendayang peugah le ngon haba

Tuanku ampon nyang troh kamoe Saleuem putroe keu meukuta Seureuta jikheun syae nyanyoe Miseue bunoe putroe baca

Cut Diwa Akah khem teusinyom Deungon panton meulaksana Teuma neukheun bak dendayang Jibalasan jak leh taba

Ambek parang rancongkan buloh Akan manikam meulumba-lumba Sabet dagang datang peusuroh Nietnya heundak meunjadi hamba

Aneuk badeuek mate di rimba Keuna tumbak tidak beurtali Jakalee sudi meunjadi hamba Relalah dagang meunyeurah diri

Dendayang deungo bunyoe panton Leugat jitren le bandua Jiwoe leugat jikeumbali Bak putroe ti sampoe lanja

Ban troh keunan jibeureunti Com di gaki putroe muda Putroe tanyong yoh nyan rijang Peue na barang sideh taba

Meunyo ka na peuduek rijang Lon pandang pakri ban rupa Ka jiseuot le dendayang Jroh that barang po cut raja

Beukit ija karong nyang Peulimbang Biek Padang Bugeh Beunggala Teuma jipeugah le ngon panton Miseue neukheun ubah hana

Putroe deungo khem teusinyom Maneh meunyum sang meurasa Lorn jipeugah le dendayang Ampon Iaman po meukuta

Bijaksana hana lawan Peue nyang takheun jaweueb kata Lagi ru pa that analan Sapatpi tan na umpama

Putroe kheun le bak dendayang Jak tariwang lorn le gata Deungon panton Ion taba sajan Meunoe macam takheun hai da

Kayee seurapat di tanoh lnggreh Patah dahan beurganti tumboh Dayakan sahbat sajakan buleh Kalee sitia tidakkan takot

Meunan putroe jikheun pan ton Dendayang tren le bandua Hingga sampoe dalam keubon Jiek langsong u istana

Meuteumeung le ngon rna bibi Duek beureunti sinan dua Seureuta ngon muda samlakoe Jiseumbah nyoe sigra-sigra

Lheueh jiseumbah jikheun pan ton Bak po cut Ion putroe muda Cut Diwa Akah khem teusinyom Makna panton trang that nyata

Teuma neukheun le samlakoe Beukit tawoe gata hai da Tame panton Ion keu putroe Tapuwoe jinoe le gata

Tanom halia kalee nak tumboh Tanoh digali sampoe bungka Budi seutia tiada sunggoh Bukalah patot raja nyang beusa

Guda leumbu guda buraksa Meulayang dumna diheumpaskan Hanco leumbot badan binasa Seutia tidak dimungkirkan

Lheueh nibak nyan dendayang woe Bandua droe le jigisa Ban sare troh u meuligoe Seumbah putroe peugah haba

Seugala panton Cut Diwa Akah Dum jipeugah jicalitra Putroe dem1go mangat leupah Meurasa glah jeuep anggeeta

Dalam hate meunanggong 'ibarat Gaseh teurikat di dalam dada Sang adat bu meundapat Meunan hajat putroe muda

Neukheun bak Dang Mangindra Diwi Bit juhari bijaksana linggong haba dum geuturi Sangat ahli ureueng muda

Jinoe tajak lorn u keubon Deungon panton sajan taba Putroe kheun le jroh meualon Dendayang sam nyang ba haba

Yakot intan dalam peutoe Sujoe bantai sutra beuleudu Jangan di takot saket dan mate Miseue abeh dari dahulu

Tanom ganja di teungoh pasi Ditanom uieh datok Mangka J aga beutoi raja nyang be usa Mari beursila keu taman beta

Meunan panton tuan putroe Dendayang nyoe jak Ie sigra Leugat jituju u daiam keubon Leumah jikaion Ie ureueng jaga

Leumah jikaion le kawai putroe Dendayang dua droe jak u Iua Geunap uroe pulang peureugi Peue tacari pat keurija

Jiseuot Ie jipeugah kri Cut putroe ti suroh hamba Neuyue ngadap raja doli Saban pagi Ion u Iua

Ureueng jaga deungo meunan Seungap yoh nyan han le haba Jijak leugat jibeurjalan U taman Indra seloka

Jijak ngadap Cut Diwa Akah Jiseumbah bak teuot lanja Kheun samiakoe yoh nyan pantah Lon kira han leupah keunoe gata

Lon kheun han troh gata keunoe Tapreh kamoe di istana J iseuot le dendayang ragoe Seubab keunoe patek teuka

Kareuna Ion neuyue ba panton Bak po cut Ion di istana Neuyue ba keu deelat'ampon Nyankeu troh Ion bak meukuta

Teuma seuot Cut Diwa Akah Cuba peugah he kak sigra Kadang cit jeuet keu faidah Lon keubah siumu donya

Dendayang kheun le ngon syae Bangon mise putroe baca Hana salah meung sigeutu Uram iku han meutuka

Cut Diwa Akah neukheun laju Nyoe sigeutu bak Ion nyang na Lon keumeung ngadap tuan putroe Takot kamoe ureueng jaga

Raja Zangki jaga that kreueh Takot han lheueh jan Ion teuka Bitpi meunan he dayang droe le tawoe dilee gata

Takheun saleuem Ion keu putroe Panton Ion nyoe me le gata Seulaseh dalam ceurana Tanoh kulam ie meuleleh

Gata seumbah dagang nyang hina Jaga malam seunjanya saleh Tanoh kulam ie meuleleh Bunga teurjatoh keu dalam randi

Jaga malam seunjakan jadeh Akan beta meungadap doli Lheueh jideungo haba panton Jaroe jiseuon lakee gisa

Lheueh nibak nyan leugat jitren J iwoe langsong u istana Ban sare troh u meuligoe Seumbah putroe le bandua

Jipeugah dum jihareutoe Panton samlakoe jicalitra Seureuta jikheun jipeusaheh Malam nyoe neupreh jamee teuka

Cawan pingan patot neusrah Cut Diwa Akah sampoe teuka Teusinyom le tuan putroe Neukheun meunoe laju sigra

Manusia ladom sulet Di gata bit tapeucaya Kheun dendayang po cut ampon Bak agak Ion troh neuteuka

Kareuna baginda Cut Diwa Akah Nyang that meugah hana tara Neuthee keunoe saja leupah Patek peugah kon peurbula

Ban jideungo le meurak agam Laju keunan le jihala Leugat u nap tuan putroe J ibet jaroe sayeuep d ua

Seureuta ngon syae panton Meunoe jikheun fon beurkata Wahe po cut peurmaisuri Deungo kiranya patek beurpeuri

Baginda itu saja keumari Seudiket tidak takot dan ngeuri Meung taman nyoe han neujeut tamong Han gunaan gagah peurkasa

Neutren di gunong Manikam Halam Hana neupantang barangri raja Meung dum sigak raja Zangki Hana neugri peue neusangka

Neuthee saja datang keumari Malam ini lahe nyata Ngon jilumpat han jitukri J inari jilila-lila

Meunan narit meurak agam Kheun dendayang J andra Lila Hana laen nyang pahlawan Ngon saktian that peurkasa

Bah kukalon euntreuk malam Inong agam nyan pat nyata Jikalee troh nyo bit jantan Jikalee han nyo peurbula

Seureuta jigrop u hadapan Hai dendayang peue ri haba Pakon kapeutan keu po kamoe Bit nyo kah nyoe keumeung fana

Meunyo han troh euntreuk malam Keunyataan kee doseuta Meung watee troh pakri macam Peue balasan keu kah teuma

Euntreuk malam ka preh keunoe Kah sinaroe kaeu nyata Jicoh bak mom yoh nyan rijang Meunoe macam kukeurija

Beungeh dayang hana bagoe Jicoh geutanyoe bak-bak dada Seureuta jikheun meurak teuboh Geutanyoe jicoh han kareuna

Seuot meurak nyan goh kupoh Baro kucoh nak karasa Rame meukhem lam meuligoe Dayang sinaroe dum teurtawa

Suka galak hana bagoe Tuan putroe leubeh ganda Laloe geukalon meurak meuayang Ngon dendayang Candra Lela

Putroe kheun bak meurak jan tan Beuna cit ban narit gata Lon bri upah seutimang brat Kareuna beureukat babah gata

Yoh nyan meurak seumbah putroe Jikheun meunoe jibeurkata Meuhana troh bak malam nyoe Bandua kamoe neupumeureuka

Tuanku hukon sipeunoh hukom Ateueh ulon ban nyang suka Beukit nyang troh po cut ampon Neubri hukom si Dang Cahya

Putroe deungo haba meurak Suka galak hana tara Dum dendayang meukhem meukhak Suka galak khem teurtawa

Seureuta meuase seukalian Dum makanan jati rasa Abeh jihiah seukalian Sileungkapan lam istana

Tiree langet reumboe intan Dum seukalian ase dum ka Tilam keuleumbu nyang eumasan Reumboe intan mutiara

Sare ase dum sinaroe Neujak manoe putroe muda Sabon wangi pleu bak badan Po cut intan gleh angeeta

Lheueh nibak nyan ngui pakaian Jeuneh intan mutu rakna Cukop leungkap seukalian That analan putroe muda

Duek bak geuta keueumasan Dum dendayang ngadap lingka Sina syamsu nyang teungoh trang Lang geumilang limpah cahya

Meutamah lorn ngon dendayang Cahya that trang hana tara Sang buleuen jipageue bin tang Meunan teelan umpamanya

Dum dendayang that sambinoe Ngadap putroe Rakna Keumala Beukit taeu baranggasoe Sang bek tawoe meunan rasa

Teuduek bandum ngadap putroe Preh samlakoe pajan teuka Beurseunda guroe dum dendayang Meurak sajan poh-poh cakra

Teutap 'oh nan siat diam Bak uram keudeh meugisa Seubeurmula deungo jinoe Po samlakoe Ion calitra

XI PUTROE RAKNA JICOK LE CUT DIWA AKAH

'Oh ban sare seupot uroe Neujak manoe po jroh rupa Neulakee le bak rna bibi Beudak ngon langie lam ceurana

Neubeudoh le neupeureugi Beudak ngon langie sajan neuba Lheueh nibak nyan neujak manoe Neupleu asoe pat nyang leuta

Ma bibi uet dum sinaroe Suci sam poe jeueb angeeta 'Oh lheueh manoe suci badan Ngui pakaian sianeka

Pakaian alat keurajaan Jeuneh pakaian raja raja Maken meutamah lorn beurseuri Gaseh rna bibi lorn meuganda

Teuma neutanyong le neusudi Ho peureugi cahya mata Heundak keumana tuan beurjalan Lon eu pakaian seugala rupa

Cut Diwa Akah seuot rijang Hai rna badan u istana Bak malam nyoe Ion beurjalan Saleuem putroe nyan han jeuet hana

Ban geudeungo meunan macam Sret le mubram ngon ie mata Pakri tajak bungong geutoe Ban peuet sagoe ureueng jaga

Raja Zangki ban tujoh droe Kuta meuligoe jikuasa Meuntroe wadi uleebalang Pahlawan gagah peurkasa

Pakri tajak bungong peukan 'Oh jipandang ho lheueh gata Neuseuot le cut Diwa Akah Bek neugundah po rna raja

Meuna tulong nibak Allah Neuthee leupah ngon tan mara Deungon tulong Tuhan sidroe Dum sinaroe seupot mata

Ma bibi deungo meunan bagoe Ka geuiem droe han le haba Bitpi neuiem neubeureunti Cit sret sabe ngon ie mata

Sayangneu that bungong pade Neutakot mate cahya mata Bak masa nyan bungong meulu Lang-lang Daranu le neucinta

bak sa'at nyan troh jilalu Teudong laju di nap banta Jiseumbah le po samlakoe Jipeujeuet droe keu geureuda

U ateueh rueng neuek samlakoe Jitanyong nyoe ho patek ba Neuseuot leu meuligoe Bak putroe Rakna Keumala

Geureuda yoh nyan peulayang droe 'Ajaeb tuloe rna Siganda Meuna dumnan keusaktian Leupah jalan u istana

Bijaksana sangat 'ajam Areh bangsawan hana tara Dapat meulakee nyang deumikian Patot keu lawan Rakna Keumala

Meutamah gaseh hana macam Keusukaan hana tara

Syahdan jinoe Ion hareutoe Samlakoe Cahya Mangindra

Deurtgon siat sudah sampoe Bak meuligoe putroe .nuda Cut Diwa Akah leugat neutren Di ateueh rueng burong geureuda

Rot tingkap laju neutamong Neuyue riwang le geureuda Bak likot tiree sinan neudong Neukalon putroe jroh rupa

Cut Diwa Akah mandang hireuen Neueu buleuen hu meucahya Teuduek di ateueh geuta meuh Dendayang dum ngadap lingka

Hireuen teuceungong tahe mandang lndah han ban neueu rupa Yoh nyan teuingat muda bangsawan Neupujoe Tuhan Rabbon 'ala

Salang makhluk sidumnan tarek Beukit nyang khalek meuribee ganda 'Oh neukalon meungucap syuko Bee meuhambo lam istana

Angen bapot that meudram-dram Dum bee-beewan that geumeunta Yoh nyan beurtitah putroe intan Bak dendayang ban sineuna

Putroe com bee naruwastu That meuharu silagoina Saleh malaikat teuka keunoe Bak malam nyoe han tom nyang ka

Candra Lela seuot pantah Beuna sileupah po cut raja Bak idong Ion that mupeuah Bee jroh leupah hana tara

Meunan jikheun dum mupakat Marit meuhat Lela Cahya Beukit na bee nyang miseue rtyoe Ureueng lakoe pungo gila

Beukit nyang inong agam beureuhi litem barangkri trom ngon tampa Abeh meukhem dum sinaroe Teusinyom putroe neudeungo haba

Sepkeu 'oh nan haba meuligoe Jinoe samlakoe ulon kira Neudeungo khem dum dendayang Teukhem sajan muda beulia

Seureuta droe keuhaderan Di hadapan putroe muda Tuan putroe ngon dendayang Hireuen mandang hana haba

Sikunyong-kunyong ka na sinan Malee-malee han Rakna Keumala Bahle putroe patot meunan Dum dendayang peue keurija

Deumi teudong di hadapan Sidroepi tan na soe sapa Cut Diwa Akah kalon meunan Sidroepi han meusuara

Teuma neukheun le samlakoe Meunoe bagoe panton seuluka Raja lndra Lila peurdana Tabai di padang lndrapuspa

Apa mula deungon kareuna Dagang nyang datang tidak meungapa Tuan putroe deungo meunan Neungieng yoh nyan dayang Nur Lela

Hana jituri isyarat putroe Bandum laloe publoe mata Bandum hireuen mabok keudroe Jieu samlakoe indah rupa

Neuek meuligoe deungon mudah Nyankeu dasyah keunan mata Dum dendayang 'ajab leupah Lagi indah han sapat sa

J ieu le meurak teuma yoh nyan Peurab bak dayang Candra Lela Seureuta jicoh bak geulunyueng Teuma jikheun meunoe haba

Bit nyo gata sang ureueng tuloe Neuhei le putroe padoli hana Candra Lela that teukeujot 'Jiplueng u likot putroe muda

Seureuta jikheun po cut ampon Muda bangsawan jeh ka teuka Putroe neukheun tajak peugah Tayue pioh bak singgasana

Lheueh nyan jijak pantah-pantah Jiseumbah deungon mulia Tuanku ampon sila beureunti Bak keurusi singgasana

Ka teusinyom muda juhari Neupioh le yoh nyan sigra Cut Diwa Akah duek beureunti Ngon putroe ti sapeng dua

Dum dendayang duek di kiri J iiringi putroe ngon banta Miseue uroe deungon buleuen Soe eu hireuen ladat mata

Miseue gamba ngon tulesan Meunan tuan proe umpama Jibri ngon ranup dalam puan Buet dendayang putroe muda

Seureuta jibet deungon jaroe Jikheun meunoe panton seuluka Tanoh suci di neugri Arab Sireh seuleupong bak kamoe nyang na

Jika sudi tuanku santap Jika tidak apakan daya Teuma neukheun le samlakoe Meunoe bagoe balah haba

Batang nireh buatkan titi Bunga tanjong di atas papan Datang sireh padanya putri Teulah dijunjong maka dimakan

Meunan neukheun po samlakoe Teusinyom putroe Rakna Keumala 'Oh lheueh nibak nyan teuma dudoe Geubet jinoe hidang raya

Leugat jipeuduek u hadapan J aroe sajan jibet sigra Deelat ampon syahi alam Peursantapan bak adekda

Makanan ureueng Neugara Puri Harap putroe ti tuanku rasa Cut Diwa Akah khem teusinyom Seureuta neukheun meunoe haba

Han peue salah hai kak dayang Keumuliaan that bak hamba Teutapi harap Ion dek dayang Sajan-sajan ngon putroe muda

Neujak keunoe tuan putroe Makeuen ngon kamoe sama-sama Teuma seuot tuan putroe Bahie dudoe Ion kakanda

Neumakeuen dilee he junjongan Di beuiakang santap adekda Kheun samiakoe beukit meunan Di uion han hai adekda

Tabri idin uion jak woe Lon nyoe sidroe han meuguna Ban jideungo narit jak woe Beudoh putroe makeuen sama

Makeuen dua Ie sihidang Dum dendayang suka cita Mubagoe-bagoe jeuneh makanan Lam hidangan sianeka

Suieueng-muieueng keudeh keunoe Raja ngon putroe sabe muda Jehpi utoh nyoepi ragoe Bandua droe sabe padra

'Oh lheueh makeuen pinah hidang Bet minoman lam piala 'Oh lheueh minom raja ngon putroe Dendayang sinaroe minom rata

Bandum minom keusukaan Dum dendayang muda-muda Sare mabok seukalian Panton dendayang maken gura

Panton Ie that macam-macam Hana teelan Ion calitra 'Oh Ion ingat han jeuet keu buet Nyang na meujeuet cit keu deesya

Hingga teuma bak malam nyan Rioh kiam lam istana Seubab mabok dum dendayang Sare kiam khem teurtawa

Ureueng datang sampoe keunan Bak dendayang jak pareksa Peue jeh rioh lam meuligoe Malam uroe sangat kubra

Peue na saket tuan putroe Lon bri thee nyoe bak baginda Ka jiseuot le dendayang Sapeuepi tan mara bahya

Meukalon meurak peugot wayang Nyankeuh kiam khem teurtawa Hingga 'oh nan seungap kalam Jiwoe yoh nyan ureuengjaga

Dalam meuligoepi ka diam Kareuna malampi ka jula Cut Diwa Akah jak beuradu Lam keuleumbu tiree rawa

Akan putroe bungong meulu Malee sipu sang bak ru pa Cut Diwa Akah turi laku Neucok laju le neubawa

Pakon meunan he cut bungsu Han mee taeu kamoe teuka Meuny1 meunan he nyak putroe Bah lor jak woe yoh goh faja

Peue meukeusud Ion eh sidroe Tuan putroe kureueng suka Putroe yoh nyan khem tesinyom Neutamong lam tiree rawa

Jadi ate keusukaan Eh tiduran le bandua Bandua droe ate rindu Peue lorn teungku Ion calitra

Pubuet leugat peue nyang napsu Minom laju peue nyang suka Buet nyang laen harlan seubot Ulon takot jeuet keu deesya

Kareuna buet nyan dalam seupot Hana patot Ion jak buka Maseng teungku rnaklurn bak droe Baranggasoe nyang na baca

Kareuna raja deungan pu troe Seubab ragoe cit bandua Lagi urnupi ka sarnpoe Bandua droe sabe muda

Peue guna lorn Ion hareutoe Baranggasoe cit maklum ka Tujoh uroe tujoh malarn Nyang ka sinan banta muda

Troh bak urae nyang keulapan Bak urae nyan neumeusabda 'Oh lheueh makeuen deungon rninom Ngui pakaian sianeka

Nibak putroe neukheun nyoe ban ldin intan akan kanda Lon woe siat bak rna bibi Saleh pakri ureueng tuha

'Oh ka seupot Ion keumbali Idin tabri cahya mata Seuot putroe ampon doli Han ulan bri te:.Ibiet u lua

Meung sitapak han Ion bri ere Udep mate beu seureuta Beukit mate saboh kubu Meunan napsu Ion kakanda

Ngon ie mata sret meu'u-'u Putroe meulu sayang rugha Beukit neujak Iaen nanggroe Uion jinoe cit beu neuba

Udep mate Iaba rugoe Lon seutot Iakoe jeuep-jeuep donya Beuthat gohiom neuseuot nikah Bak Ion sudah Ion meuniet ka

Bak ate Ion hana ubah Wallah billah han meutuka Meunan narit tuan putroe Samlakoe sosah neukira

Seubab sayang that keu putroe Uiah bagoe kong seutia Leumah pike daiam ate Cut putroe ti bahie kuba

Bak rna bibi Sikandawati Taman geurasi Indra Seloka Lagi seunang kumeuiawan Bak seukalian raja raja

Meunan ingat muda budiman Neucom yoh nyan Rakna Keumaia Neupeuduek Ie ubak Ieumueng Seureuta neukheun meunoe haba

Gaseh sunggoh rupa ya tuan Akan abang dagang nyang hina Tatem putroe baranggaban Beursamaan ngon kakanda

Seuot putroe nyang analan Peue lorn cut bang han·peucaya Tutue krueng tingkeuern papeuen patah Ie raya lirnpah sarnpoe lam bangka

Narit abeh surnpah ka leupah Kalee ubah kiarnat donya Ka teusinyorn rnuda sarnlakoe Utoh putroe canek haba

Beukit rneunan hai bngong geutoe Gata uroe nyoe jadeh Ion ba Ubak teurnpat Sikandawati Sinan beureunti putroe rnuda

Tuan putroe seuot yoh nyan Bek rneung 'oh nan he kakanda Beukit neupo dalarn awan Ulon sajan he rneukuta

Bek 'oh teurnp<J.t Sikandawati Lam laot api ulon seureuta Meusitapak ere han Ion bri Udep mate sajan dua

Rakna Keurnala rneunan kalarn Keusukaan rnuda beulia Sang rneundapat gunong rnanikarn Meunan nyurn sang urnparnanya

Neubeudoh sinan neujak leugat Neuduek bak tingkap nyan jeundila Deungon putroe duek rneusapat 'Oh talihat rnarneh raya

Neucinta Brahman Diwa Sakti Siat troh le saboh rakata Teupat tingkap sinan hade Indah han sabe laen rakata

Rakata nibak nilam pualam Pusparagam seundi warna Deungon raya kon sigeutu Indah laku hana tara

neuseubot Lang-lang Daranu Nyanpi laju hade teuka Teudong di nap doli tuanku Sujud laju jap keupala

Seureuta jikheun ya junjongan Neupangge laman po meukuta Cut Diwa Akah seuot yoh nyan Deungo Iaman lon meusabda

Jinoe taba lon u taman Nyang geupeunan lndra seloka Nyan pat rakata di leuen meuligoe Tapeudieng putroe Rakna Keumala

Deungon dendayang dum sinaroe Dum tapasoe dalam rakata Dum peungasoh ngon dendayang Masok u dalam ban sineuna

Han jeuet sidroe na tinggalan Meulaenkan bawak seumua Dendayang dum ka'a-ka'u .Tiek laju dalam rakata

Hana tinggaipi meung sidroe Soh meuligoe ngon istana Hingga neuek le samlakoe Deungon putroe dalam rakata

Lang-lang Daranu jicok leugat Ka jiangkat laju rakata Jiteureubang miseue kilat Troh le siat lndra seloka

Hireuen sangat tuan putroe Dendayang sinaroe 'ajab raya That sakti muda samlakoe Judo putroe Rakna Keumala

Masa jipo Lang-lang Daranu Ka jimeusu that meutaga Tadeungo he tuan tuan Seukalian rajaraja

Wahe Zangki nyang tujoh droe Tuan pL>troe nyoe ka Ion ba Deungon dendayang dum sinaroe Soh meuligoe han sapeue na

Biet ka kuba hana jeuoh Dalam lampoh lndra seloka Meuna agam lam kawan nyoe Seutot kamoe jinoe sigra

Nyang cok putroe deungo Ion peugah Cut Diwa Akah Cahya Mangindra Beukit beurani deungon gagah Seutot bagah putroe muda

Lheueh jimeusu haba meunan Troh u taman lndra seloka Nyoe Ion peugah keu rna bibi Duek beureunti bak seulasa

Teungoh-teungoh duek di sinan Samlakoe nyan Jeumah nyata Sajan neuba tuan putroe Sinaroe dendayang dumna

Hireuen teuceungong mabok keudroe Bit samlakoe sakti raya Meuna dumnan gagah sakti Raja barangri hana kuasa

Teuma neutren le rna bibi Beurlari-lari ureueng tuba Reubah limpah kanan kiri Lorn rna bibi beudoh sigra

Peurab laju bak samlakoe Deungon putroe Rakna Keumala Sira neukheun meunoe bagoe Sira neumoe ro ie mata

He samlakoe pakon meunoe Taba putroe aneuk raja 'Oh neuthee le raja nanggroe Dum geutanyoe mate fana

Sira neukheun deungon neumoe Neutumbok droe hana reuda Teuma neukheun Cut Diwa Akah Ma meutuah jroh neusaba

Meuna untong bisa leupah Adat han bah pakri teuma Ka teusurat bak azali Sarna mate ngon putroe muda

Ka teusinyom le rna bibi Dalam ate sangat geunta That teumakot nyan rna bibi Gadoh pike ngon bicara

'Oh lheueh nyan teuma dudoe Mat di jaroe putroe muda . Bek trep po cut neudong sinoe Saleh soe-soe kalon rupa

Sila po cut laju neuek Rumoh patek namiet tuba Teusinyom putroe seudang baek Yah nyan neuek pantah sigra

Nyoe Ion peugah muda samlakoe Neucinta jinoe saboh do'a Rumoh rna bibi indah han bagoe J euet meuligoe ngon istana

Ngon peukakah dum sinaroe Meureumboe-reumboe dum meutia J euet meuligoe tujoh pangkat Cukop alat ban sineuna

J euneh tiree ngon lelanget Bandum cukop intan meutia Meuligoe jroh hana sakri Teumpat putroe ti Rakna Keumala

Leubeh nibak meuligoe droe Meureumboe-reumboe intan peurmata Suka hireuen tuan putroe Ase sinaroe sikutika

Teutap sinan tuan putroe Ngon samlakoe ate suka Miseue buleuen deungon uroe Samlakoe ngon putroe muda

Ngon dendayang dum sinaroe Ngadap putroe Rakna Keumala Putroe di teungoh miseue buleuen Barangsoe hireuen jikalon rupa

Hana bandeng ngon teuladan Nyang sa ngon nyan putroe muda Teutap 'oh nan lam meuligoe Laen jinoe Ion calitra

Xll PRANG MEUSUNOH PUTROE

Syahdan lagi deungo jinoe Dum sinaroe nyang na baca Raja Zangki nyang tujoh droe Kawai meuligoe suroh raja

Hingga teuma bak siuroe Jideungo bunyoe di antara Saboh rakata nyan jipandang Jiteureubang dalam miga

Raja Zangki beungeh han ban Jibewjalan u istana Jijak kalon putroe intan Bit nyo kadang nyan jibawa

Ban troh keunan jieu ka tan Meung dendayang sidroe hana Lam meuligoe bunyoe seungap Saboh lalat jieu hana

Bek ngon ureueng langongpi tan Seukalian beungeh raya Sangat hireuen hana macam ?utroe hilang sikutika

Jiduek yoh nyan seukalian Mita jalan toh bicara Buvyoe suara nyang di manyang Sang u taman putroe muda

Pakri jinoe nyang mupakat Tajak seutot putroe muda Bek tabri thee ubak deelat Tajak leugat keudeh lanja

'Oh meuteumeung nyan ba putroe Taboh taloe si ceulaka Ubak raja le tapuwoe Bak Ion sidroe meunan gura

Seuot laen beuna meunan Ban takheun nyan han meuriba Meunyo ase peukeurjaan Sabet tuan dapat nama

1 ikalee han teuma pakri 'Aeb keuji Ion bak raja Kadang-kadangpi cit mate Donya han le 'aeb nama

Kareuna Ion deungo bak jipeugah Cut Diwa Akah Cahya Mangindra Bak pike lon that bit gagah Ban peuneugah that peurkasa

Meutan gagah deungon sakti Han beurani jijak langga Beureuma Diwa Cit geuturi Di jih pakri han jitaba

Meukon ka sep pangkai jime Han seukali putroe jiba Jicok putroe deungon mudah Hana payah ngon

Keupeue jaga dum neukeubah Aneuk khalifah tujoh raja Putroe gop ba hana tathee Pad urn malee geutanyoe jaga

Lorn jinoe tapeugot beusee Han tabri thee ubak raja Tajak seutot lajuji nyan U taman Indra seloka

Jikalee ek tapohji nyan Beukit han ho tame muka Nyankeu bacut nyang na bak lon Nyang laen hom bak kakanda

Miseue haba si mupanton Bahie Ion kheun saboh banja Tutue krueng Biang Me dumna kuat Troh ie raya that patah dua

Meuhan abeh sifeuet gutee jeungkat Hana meuhat meuteumee Iaba Bek nyang Iaba kadang rugoe Peunyaket tabloe utang tapeuna

Nyankeuh narit bak Ion adoe Sibarang peue Ion seureuta Teuma seuot aduen nyang nam Jikalee han duek di gata

Cuba kaion kujak hantam Kusimpan ngon siklep mata Jibeudoh Ie jibeUijaian Ngon angkatan baiatantra

Beungehji that hana macam Peudeueng jireugam hu ngon mata Troh taman jibeurdiri Jidong antri dua dua

Taeu jidong dum meuriti Nyang marsose dong di muka Bataiiyon di beuiakang Beude panyang tumbak rata

Taeu jidong jroh meureuntang Di hadapan dum keupala Maseng-maseng dum kapitan Ngon leteunan nyang bri aja

Raja Zangki di hadapan Meuhei lawan hana reuda Wahe ureueng nyang ba putroe Teubiet keunoe kueu muka

Beukit gata ureueng lakoe Tajak keunoe meuen seunjata Mangat kupeucre ulee ngon badan Seubab kapitan kamoe dumna

Rakna Keumala kucok pulang Aneuk sulotan Beureuma Diwa Dendayang eu blah rot barat Rakyat le that tujoh raja

Dum dendayang ka teukeujot 'lek ngon geuntot meubura-bura Leungo badan yo ngon atot Teumakot ate lam dada

Ladom han jan jibeudoh dong Bak duek mantong ek keulua Nyang !adorn duek nyang ladom dong Tahe mantong yo sang geumpa

Sidroe dendayang saboh laku Sare 'a-'u kiam subra Allah hai Po ya Tuhanku Neubantu muda beulia

Nyang leubeh that Sikandawati Neugule-gule lam duka cita Hana sapeue neupadoli Sikandawati neutumbok dada

Dum meukeumat ek bak badan Hironeu tan ureueng tuha 'lek deungon ek dum meuligan Geuniet bee-beewan minyeuk ata

Teuploh pingang teusuet luweue Meugaleue-galeue miseue waba Hireuen dendayang hana sakri Jieu rna bibi peugot keugura

Dendayang plueng meuhah-meuhah Bak Diwa Akah ngon putroe muda Ban troh keunan ka jipeugah lie limpah ngon ie mata

Ampon tuanku meuribee kali Geutanyoe mate ban sineuna Jipoh le aneuk raja Zangki Ka jiantri dum di lua

Lua taman bandum jidong Jimeutamong keunoe lanja Sira marit beurtangisan Dum dendayang tuha muda

Yoh nyan putroe ka teuingat Akan deelat ayah bunda Di dalam nyan muka pucat Sret le leugat ngon ie mata

Sret ie mata beurlinangan lngat panyang putroe muda Cut Diwa Akah khem teusinyom Putroe neukalon ubah raya

Teuma tanyong po samlakoe Tuan putroe pakon rugha Sang miseue nyan gata adoe Bak laku proe Ion eu rupa

Kuluk lagee ulon kalon Tameuduek dong ngon kakanda Takheun tabloh laot apui Baro 'oh noe laen sang ka

Jinoe taiem he sambinoe Bek le tamoe nyawong kakanda Dum neupeugah meudeh meunoe Seungap putroe han le rugha

Cut Diwa Akah 'oh noe heunti Raja Zangki Ion ca!itra Di lua taman jibeureunti Jinari-nari jjlila-lila

Seureuta jihei meuadoe-adoe Teubiet keunoe he ureueng muda Pakon jinoe kah teumakot Dilee kapubuet jalan mungka

Jinoe peue lorn hoka meunggrop Kubalot han jan ka gisa Beukit nyo kah aneuk agam Teubiet rijang keunoe lanja

Kupeucre ulee deungon badan Sinoe lam blang kukeurija Neudeungo narit Cut Diwa Akah Bacut marah 'oh sikada

Ubak putroe teuma neupeugah Lon langkah siat u lua Lon jihei le raja Zangki Malee ate Ion han tara

Han Ion teubiet hana meukri Malee keuji Ion adekda Teuma neubeudoh rijang-rijang N eungui pakaian sianeka

Ban jikalon uleh putroe Jimat samlakoe yoh nyan sigra Seureuta jikheun narit meunoe Sira jimoe ro ic mata

Bek neuteubiet bak uroe nyoe Bah sinoe mate bandua Kareuna sitree muploh katoe Kakanda sidroe pakri daya

Seureuta neukheun peulheueh hai putroe Beuthat sidroe han peue mara Meudum aneuk raja Zangki Hana ngeuri ate kakanda

Tuan putroe han cit neubri Muda juhari sosah raya Seureuta neukheun uleh putroe Sira jimoe ngon ie mata

Hana neugaseh keu lon sidroe Bit tuboh nyoe tan bahgia Lon boh nang mbah seutot lakoe 'Oh troh keunoe beunci teuka

Neukeumeung jak muprang sidroe Gop meukatoe laksin laksa Ate ulon han ek sampoe Han lon bri nyoe jak u lua

Meuna gaseh keu Ion sidroe Bek sam poe neumeung jak ngaza Meunan jikheun uleh putroe Samlakoe gadoh bicara

Hilang budi bicara abeh Kareuna gaseh keu putroe muda Bek le tamoe tuan putroe Han ulon yue teubiet u lua

Udep mate bahle sinoe Deungon putroe meusapat dua Neubeudoh le teuma dudoe Bak tingkap meuligoe neuduek banta

Beursama deungon tuan putroe Neukalon nyoe ngieng u lua Tuan put'roe ate ngilu Han neujeuet eu kilat seunjata

Maken jihei mubagoe-bagoe He ureueng lakoe nyang angkara Teubiet rijang leugat keunoe Bek uem putroe sabe gata

Raja Zangki meunan jikheun Aneuk bajeueng leupah haba Cut Diwa Akah deungo sabe Nibak ate han ek saba

Keumeung teubiet putroe han bri Muda juhari ingat sigra Y oh nyan neusuet keumala hekeumat Neuingat nama mamanda

nyang beurdeelat Nyang po hekeumat asai mula Na sikeujap teuma dudoe Teuka peuet droe aneuk raja

Ban troh keunan jibet jaroe J iseumbah nyoe teuot baginda Seureuta jikheun deelat ampon J euet neuhei Ion peue kareuna

Siri nanggroe neukeumeung prang Pat gunong neumeung plah dua Cut Diwa Akah seuot rijang Bak raja nyan neukheun sigra

Jeuet Ion pangge gata teelan Lon yue lawan raja raja Raja Zangki nyang tujoh droe Aduen adce sisyeedara

Jikheun keu kamoe le that bagoe Nyankeuh jinoe lawan gata Raja peuet droe peuek seumbah · Ban nyang titah junjong hamba

Bek antara raja tujoh Beukit sireutoh milek hamba Deungon beureukat keubawah doli Han patek bri nama cidra

Baranggasoe han Ion ngeuri 'Oh mate abeh keurija Cut Diwa Akah deungo meunan Keusukaan hana tara

Neujok ranup dalam puan Peuet raja nyan ate suka Putroe kalon sangat 'ajab Bukon hebat peuet droe raja

Ma Sikanda galakneu that Raja deelat sakti raya Raja peuet droe lakee idin Leugat jitren peuet seureuta

Jiteubiet le troh u padang Ubak lawan jipeurab lanja Ban troh keunan meuhadapan Di tangan peudeueng jipuba

Hana sapeue jimeukalam Jihantam leugat lam tantra J igisa wie deungon uneun Teugageueng reubah meutimpa

Tadeungo su peuet boh peudeueng Hana meutheun ho nyang jigisa Reubah mate cangkieng-mangkeueng Seulinteueng mate meukeuba

Rakyat Zangkipi amarah Ngon jipanah hana reuda Aneuk panah han jihireuen Cit peudeueng leugat jipuba

Hana sapatpi meukaleueng Buet peudeueng raja keumala Raja peuet droe that guransang Rakyat jicang dum meukeuba

Sang rimueng leupah tangkapan Jilet kameng deungon rusa Rakyat Zangki han ek le theun Leugat jiplueng le rab raja

Raja Zangki yoh nyan kalon Rakyat jiplueng ban sineuna Ateueh guda ka jilumpat Beungehji that hana tara

Ban tujoh droe jimupakat Jijak leugat linteueng raja Ban meuteumeung jitanyong le Raja Zangki deumpek sigra

Hai ureueng peuet han kuturi That beurani keunoe teuka Nyang kumeuhei si tueng putroe Kah nyang peuet droe teuma teuka

Jinoe nama kapeugah soe Kah ban peuet droe tinggai donya Raja peuet droe seuot pantah Ngon amarah hana tara

Wahe Zangki haram jadah Bit kuthee kah sang beulaga Kee nyoe ureueng Cut Diwa Akah Nyang geupeugah Cahya Mangindra

Kah nyan ureueng sang binatang Hana jalan utak keupala Zangki deungon marah han ban Panah yoh nyang peulheueh lanja

Raja peuet droe hiroji tan Dum panah nyan hana guna Beukit keunong nibak badan Sang tasrom ban bungong seulanga

Raja peuet droe that amarah Jigrop pantah keunan sigra Jitak ngon peudeueng sangat gagah Teuhah babah tujoh raja

Han jituho mita ilah Sangat gagah peuet droe raja Keunong peudeueng sinan reubah Ban tujoh sah ka teurhanta

Rakyat kalon raja han le Jiplueng sare ban sineuna Ladom plueng tamong u dalam Bak sulotan Beureuma Diwa

Tatkala nyan doli junjongan Seumayam di bale rakna Raja raja dum di sinan Ngadap junjongan seugala raja

Rakyat nyang plueng peuek seumbah Jipeugah akan buet nyang ka Jikheun putroe ka gop baplueng U taman lndra seloka

Raja Zangki seutot jak prang Abeh karam ban tujoh raja Raja peuet nyang poh mate Hana sakri gagah peurkasa

Miseue siwah rajawali Cukop beurani po meukuta Ban neudeungo haba rakyat Raja deelat beungeh raya

Yo le badan ngon meutat-tat Mirah leugat le ngon muka Meunyala-nyala miseue apui Jibeudoh rui bulee mata

Deelat meutitah bak raja peuet droe Lam nanggroe droe poteu raja Gagah beurani hana bagoe Aduen adoe ban peuet raja

Lapan reutoh uleebalang Nyang genggam sidroe-droe raja Nyang di rakyat han tatuban Uleebalang bandum saja

Raja nyang peuet han lorn boh nan Harap sulotan Beureuma Diwa Sabda raja bak masa nyan Tajak u taman Indra seloka

Tapoh mate ureueng peuet droe Raja nanggroe jatoh sabda Raja nyan peuet beudoh yoh nyan Leugat u taman lndra seloka

Ban sare troh bak teumpat nyan Peudong sinan balatantra Deumpek surak bukon bubarang Sang meulinggang alam donya

Bak masa nyan po samlakoe Bak tingkap meuligoe meuseunia Sajan deungon tuan putroe Raja peuet droepi seureuta

Leumah neukalon rakyat meukatoe Peunoh sinaroe peudeueng raya Seureuta neukheun le samlakoe Ubak peuet droe raja keumala

He syeedara jak tala wan Raja seukalian baro teuka Seugala ureueng Neugara Puri Tapoh mate ban sineuna

Uleebalang meuntroe wadi Dum seukali tapufana Sira neungieng ateueh putroe Ulah bagoe masam muka

Seubab neuyue poh ureueng nanggroe Jadi putroe duka cita Ka teusinyom po samlakoe Neukheun dudoe bak peuet raja

Jak syeedara beu seulamat Nyang khianat tapufana Tiep-tiep nyang jroh bel.,! seulamat Tiep-tiep umat dum syeedara

Baro teuploh muka putroe Raja peuet droe beudoh sigra Seumbah raja deungon putroe Teubiet sampoe troh u lua

Ban sare troh dalam kawan jihantam hana pareksa Ban peuet sa be bak jimeucang Na tamse ban kilat faja

Rakyat mate wie ngon uneun Han jan jikheun meung halua Reubah mate dum teugageung Seulinteueng mate meukeuba

Dumna rakyat han ek jitheun Le that jiplueng ubak raja Deelat tuanku leugat jikheun Han tom meuteumeung meunan peurkasa

Teuma marit Bulia Seumindon Ubak aduen jipareksa Peuet geutanyoe pakri mufom Nyang bak ulon pindek saja

That meusyuke bak talawan Peuet raja nyan sang silaksa Han ek tala wan pakri jalan Bak sulotan kadang meureuka

Uleebalang dumnan beurani Siribee kali adat tuannya Seuot nyang lhee teuma lagi Beutoi seukali ban kheun gata

Meunyo meunan jak udeh woe Ban peuet droe leugat jigisa Deungon rakyat dum sinaroe Troh le sampoe ubak raja

Sujud seumbah beuet jaroe Raja peuet droe pucat muka Sabda raja bak raja peuet Na tapubuet ban nyang sabda

Ka lheueh tapoh atawa tan Kheun beurijang Ion deungo nyata Kamoe meujak ureueng peuet nyan Padum rakan nyang ka fana

Sakti tuanku bukon bubarang Patek pandang ate lia Teutapi nyang ka di beulakang Tuanku pandang pakri rupa

Bak uroe nyoe akai hilang Patek lawan hana daya Meutan tuanku syawe pike Rakyat mate jeuheut nama

Raja deungo seumbah meunan Teupike yoh nyan doli baginda Dalam ate meunyum gundah Pakri kusrah adang di muka

Ubak meuntroe raja peugah Jinoe takrah taseuranta Soe-soe nyang poh ureueng limong droe Keunan putroe Rakna Keumala

Ban jideungo uleh meuntroe Teubiet jinoe jak seuranta Bak ureueng le keubanyakan Meuntroe sinan peugah haba

Ayoh he tuan dum seukalian Akan sulotan duka cita Soe nyang ek poh musoh doli Keunan neubri putroe muda

Soe ek Ia wan jeuet meujanji Raja doli hana mungka Jideungo uleh rcija tujoh ploh Deumpek rioh that meutaga

Seureuta jikheun ubak putroe Jak leh tawoe ubak raja Kamoe nyang poh ureueng limong droe Bek sosah nyoe le baginda

Bek antara nyang_limong nyan Siribee dumnan han kutaba Sireutoh sikureueng ploh ek cit simpan Meudum po nyan teuungka-ungka

Meunyo ngon kce siat sudah "T:aeu kuplah nyan di muka 'Bah beurani deungon gagah Hana payah siat saja

Meungon kamoe gadoh agam Bukon kalam Ion peurbula Jeuet takalon sideh di blang 'Oh mupandang sinan nyata

Raja deungo meunan kalam Keusukaan Beureuma Diwa Neukira na ban jikheun nyan Ate junjongan rab lagoina

Seureuta neukheun adat meunan Buet nyoe tuan bek le lama Bek tapeutrep he boh ate Meutamah keuji lon ayahda

Ban jideungo kheun sulotan Jiteubiet ngon balatantra Seugala 'adi juhan pahlawan Ireng sulotan aneuk raja

Deumpek surak hana teudoh Sang ka runtoh alam donya Jitarek alam macam-macam Leugat u taman le jihala

Aneuk raja dum seukalian Maseng kandran dumji rata Ladom ateueh singa peutawi Siteungoh ri ateueh geureuda

Ladom giduek ateueh waliman Ladom tuan naga angkara Maseng-maseng ateueh kandran Aneuk sulotan that peurkasa

Rakyat laen meukalot-kalot Miseue laot sangat that bha Gajah guda han jeuet seubot Jak meuikot masengjaga

Payong miseue naga burak Intan pucak taeu cahya Alat seunjata miseue rangkah Meujeureulah cahya mahkota

Geugap geumpita han jeuet tapeugah Seuu leupah tujoh peursangka Dumji sare aneuk sulotan Keupong taman Indra seloka

Cut Diwa Akah deungon putroe Bak tingkap meuligoe meuseunia Neukalon rakyat muploh katoe Dum sinaroe gajah guda

Sajan deungon surak deumpek Keunan jiek dumji rata Rioh sare bunyi-bunyian Hudom keunan dumji lingka

Cut Diwa Akah tanyong rijang Ban dendayang Candra Lela Pane raja keunoe datang Hai kak dayang tacalitra

Jiseuot le yoh masa nyan Jibet tangan u jeumala Nyankeuh tuanku tunangan putroe Dum sinaroe aneuk raja

Kureueng lhee reutoh tuanku droe Nyang ka sampoe keunoe teuka Cut Diwa Akah dum neuturi Dilee beureunti sama-sama

Bak Brahman Diwa Sakti Sinan meuturi masa jak tapa Masa nyan neukheun le samlakoe Ngon raja peuet droe sajan seureuta

Jinoe tajak gata peuet droe Gantoe kamoe he syeedara lawan raja datang Jih that girang hana tara

Raja peuet droe seuot leugat Ampon deelat junjong hamba Jicinta le ngon hekeumat Troh le rakyat meuribee laksa

Jeuneh pari deungon mambang Diwa sajan indra jindra Jen raksasa bandum datang Peunoh padang Anta Cahya

Jiteubiet dum dalam taman U padang nyan dum jihala Ase rakyat dum sinaroe Raja peuet droe seumbah raja

Ek cong kandran dum sinaroe U padang nyoe dum geuhala Ban sare troh u mideuen prang Meuseueh -seueh ngon dum seunjata

Jipalee le deungon geundrang Han tatuban kiam kubra Jieu le raja sikureueng ploh tujoh Hana teudoh rakyat teuka

Seun siribee seun sireutoh Hana putoh saban teuka Jiteubiet dum dalam taman Raya angkatan bak Ion kira

Hireuen bandum yoh masa nyan That teuceungong aneuk raja Jimeututo sabe keudroe Meunoe bagoe jimeuhaba

Saleh raja nyang beurdeelat Bak talihat lagee rupa Hana meunoe le that rakyat Ngon sikeujap muploh laksa

Takalon bunoe cit limong droe Teuma jinoe meulaksin laksa Di dalam nyan marit sidroe Le that bagoepi ka teuka

Bek that-that le tameukalam Keurugian bek takira Bah raja pangkat sulotan Ulon lawan duek di gata

Seubab geutanyoe narit ka leupah Pakri taubah he syeedara Udep mate bahle sudah Bumoe peuet hah dumpatpi na

Beudoh jinoe tajak muprang Bek le panyang kira-mira Jibeudoh le seukalian Tamong u padang ban sineuna

Jideumpek le ngon jisurak Dua pihak meuhadap ka Taeu jigrop ngon jilikak Jimeutop tak mulll-mula

Prang nyan hana beutjampuran Meulaenkan ngon sabe bangsa Meunyo mambang sabe mambang Diwa tuan sabe diwa

Meunyo pari sabe pari Han seukali jeuet meutuka Prang raya that hana sakri Rusak mate bek takira

Jimeutop-top deungon leumbeng Dum mupateng lam-lam mata Reubah mate dum meupunggeng Keunong leumbeng beusot keupala

Na sikeujap prang nyang meunan Ka seupot klam glap-gulita Hana sapeue deuh tapandang Jimeucang han ban publa

Han le meuri lawan kawan Ji hantam soe meusuara Bunyoe cokma kon bubarang Han tatubanpi calitra

Na sikeujap nyang lagee nyan Dudoe nibak nyan trang cuaca Rakyat mate han peue peugah lle darah ban ie raya

Ureueng muprang lorn ka leumah Subhanallah mate ngon luka Aneuk raja sikureueng ploh tujoh Han teudoh meuen seunjata

U ateueh raja keumala hekeumat Le that rakyat dum binasa Kata ureueng po karangan Akan prang nyan maken raya

Tujoh uroe tujoh malam Sikeujap tan nyang na reuda Jieu le raja keumala hekeumat Le that rakyat dum ka fana

Jitajo le ban peuet leugat Dalam rakyat aneuk raja Taeu jitak wie ngon uneun Teugageueng reubah meutimpa

Hana sapatpi na meutheun Buet peudeueng raja keumala Mate le that hanta tudum Leu'am-leu'um dum teurhanta

Hana saboh nyang leupah plueng Ri meuteumeung dum seureufa Na sikeujap meunan jicang Peungeuh lapang blah utara

Aneuk raja kalon rijang Rakyat hilang dum seureufa Jibeudoh le jijak linteueng Pana ureueng sangat that kha

'Oh ban sare ka meuteumeung Ka jimaklum raja keumala Ka jitupeue Cut Diwa Akah Sangat marahji han tara

Seureuta jikheun yoh nyan pantah Kajak woe kah wahe indra Yue jak keunoe jih nyang ensan Kumeung hantam di keupala

Tunangan kee kucok pulang J ak leh rijang kayue teuka Meunyo ngon kah hana padan Cit meung ensan nyang kumita

Raja keumala seuot nyoe ban Bit binatang bandum gata Meung kamoe peuet han ek kapoh Jalan nyang toh raya haba

Bit bak ureueng kon jalan jroh Naritteubohjijeuetbuka Aneuk raja that amarah Jipeulheueh panah u antara

Na sikeujap teuma ka jeuet Keu busu bleuet ban sineuna Jitren ateueh raja nyang peuet Dum busu bleuet han meuguna

Troh teumpat nyan laju hilang Sakti tuan raja keumala Mangirna Diwa that amarah Peulheueh panah u antara

Aneuk panah jeuet keu taloe Rante beusoe ngon teumaga Rante jipo laju keudroe Jipeutoe bak aneuk raja

Mupalet ban saboh tuboh Miseue tikoh roh lam cintra Gadoh rancak han le utoh Bak tuboh rante meusingkla

Abeh meuntroe uleebalang Dum meujantang ban sineuna Han sidroe keutinggalan Seukalian rakyat dumna

Maseng-maseng ateueh kandran Rante sajan ube-be pha Nyang di rakyat teudong lam blang Meureuntang rante dum rata

'Oh takalon bit that sayang Ka meureughang dum ban nyang na Lheueh nibak nyan raja peuet droe Leugat neuwoe bak baginda

Seureuta rakyat dum sinaroe Ka lam taloe dum sineuna Nyang di raja ateueh kandran Rante sajan dum seureuta

Rakyat keumala di beulakang · Miseue ban jiparoh guda Ka troh bandum dalam taman Peurseumbah nyan bak baginda

Deelat ampon patek laman Peurseumbahan keu meukuta Aneuk raja sikureueng ploh tujoh Bandum ka roh dalam singkla

Jinoe peue-peue hukom putoh Wajeb haroh bak meukuta Cut Diwa Akah deungo meunan Teusinyom nyan 'oh mumada

Seureuta neukheun bah di sinan Lam ikatan sikutika Nyang taingat dilee keudroe Nyang baro woe bak prang ngaza

Peue nyang patot tapeujaroe Nyang rakyat droe lam keumala Cut Diwa Abh nyana juhari Cinta sakti nyana seujabtra

Ngon sikeujap ase jadi Ka teudong le geudong raya Jeuneh pakaian dum di sinan Lam geudong nyan sianeka

Saboh geudong dum makanan . Han sapeue tan jeuneh rupa . Lheueh nyan neubri dum salenan Seukalian dumna tantra

Maseng-maseng ban lakuan Ban atoran maseng kada Seureuta neubri minom makan Angkatan dalam keumala

Raja peuet droe keusukaan Sulotan banyak karonya Hingga teuma po samlakoe Bak siuroe neumeusabda

Neukheun ubak raja peuet droe Taploh taloe aneuk raja U gam pong tayue dum jak woe Ban sinaroe rakyat dumna

Teuma seuot raja peuet droe Beuna that nyoe po meukuta Seumpornaan nama tuanku Cit meusyeuhu jeuep-jeuep donya

Cut Diwa Akah jak u bale Rakyat sakti ireng sama Leugat neuduek bak keurusi Nyang meuhambo ngon meutia

Aneuk raja geuploh taloe Dum sinaroe keunan geuba Seumbah sujud bak samlakoe Jibet jaroe sama rata

Troh tujoh seun jikheun deelat Bak halarat turon sabda " Teulah maklum wahe sahbat Buleh angkat dum keupala

Lheueh nyan teuma dum beureunti Bak keurusi nyang raja raja Peursalenan dum neuyue bri Ban seupeurti salen raja

Seureuta rakyat seukalian Neubri bandum han nyang kada Lorn neuyue bri minom makan Seukalian balatantra

Seureuta ngon keusukaan Uroe malam hana reuda Sabda raja Cut Diwa Akah Neupeugah bak aneuk raja

Gata tawoe dum bak ayah TeuJah leupah seugala deesya Jinoe geutanyoe jeuet keu sahbat Jan..na pakat beu troh teuka

Aneuk raja seuot leugat Ampon deelat junjong hamba Jan tuanku na meularat Nama meuhat tuanku cinta

Troh le kamoe deungon siat Meungadap deelat po meukuta Aneuk raja seumbah doli Tren peureugi leugat gisa

Aneuk raja ka leupah woe Samlakoe di dalam suka 'Ajaeb ate tuan putroe Samlakoe jieu peurkasa

Meusampe kutinggai nang mbah Cut Diwa Akah raja raya Ate putroe mangat leupat Siulah-ulah dapat syeureuga

Cut Diwa Akah teutap sinan Lam taman lndra seloka U roe malam keusukaan Ngon intan Rakna Keumala

Raja peuet droe nyang kemawai Cit nyan sagai jikeurija Teutap 'oh nan haba tinggai J inoe laen hai Ion calitra

Xlll. RAKNA KEUMALA GEUPEUNIKAH NGON CUT DIW A AKAH

Seubeurmula peurkataan Akan sulotan Beureuma Diwa Neudeungo prang keutiwasan Keukalahan aneuk raja

Band urn jidrop jiboh taloe Hana sidroe nyang meudawa Uleebalang wadi meuntroe Dum sinaroe dalam singkla

Na sikeujap meunan macam Jatoh kalam nibak raja Wahe tuan seugala tuan Peue pikeran na bak gata

Kareuna ulon that maluan Jiboh adang nibak muka Pakri jalan rot tala wan Peugah teelan -nyang sijahtra

Hana sidroe na jeuet seuot Kareuna takot keunong meureuka Kareuna raja amarah that Nyankeuh seungap laen raja

Di dalam nyan padum lawi Mangima Pari peugah haba Deelat ampon keubawah doli Patek ini po bicara

Nibak pike dan "ibarat Tueng keu sahbat leubeh eela Meunan tuanku leubeh jroh that Hana sapat jeuet keu cidra

Beukit neutueng ureueng laen

Hana meunan gagah peurkasa Nibak patek he junjongan Sang got ngon nyan po meukuta

Meukon anewc ureueng meusoe Han troh keunoe ek jihala Teuntee aneuk raja nanggroe Jeuet troh sampoe keunoe teuka

Lorn ngon jitueng uleh putroe Nyankeuh lakoe ka jirela Lorn ngon rupa that samlakoe Deungon putroe cit patot raya

Raja deungo seumbah meunan Bak junjongan sangat beuna Seureuta neukheun yoh masa nyan J ak tueng kaman keunoe sigra

Sabda raja nyang beurdeelat lstalat Halam tajak gata Uleebalang deungon rakyat Jak tueng leugat banta muda

Lheueh nibak nyan Diwa Istalat J ijak leugat ngon balatantra Akan raja nyang beurdeelat Yue hiasan teumpat ban sineuna

Bale rom geuboh pakaian Geuleungkapan tiree rawa Got istana seukalian Yue hiasan ban sineuna

Cukop dumpeue seukalian Bak sulotan peue nyan hana Teutap 'oh nan siat diam Istalat halam lon calitra Ubak tamanpi ka sampoe Pioh sinoe nyan di lua

Geubri haba bak samlakoe Ureueng sampoe nibak raja Jiplueng laju jijak peugah Cut Diwa Akah di bale rakna Deelat ampon na utosan Istalat Halam yue ayahda

Heundak meungadap keu bawah kidam Jeh pat gop nyan dum di lua Teuma neukheun tamong rijang Lon sukaan hana tara

Seureuta neungui dum pakaian Sileungkapan alat raja Bukon hebat hana macam Aneuk :;ulotan indah rupa

Teuduek meungadap muda samlakoe Raja peuet droe lam keumala Sajan deungon wadi meuntroe Hebat han soe taeu rupa

Na sikeujap dudoe nibak nyan Raja utosanpi troh teuka Ban troh keunan tahe hireuen Jikalon buleuen hu meucahya

Tahe mandang teujak teudong Han tom jikalon meunan rupa Sang-sang han jeuet ek u bale Neusapa le muda beulia

He syeedara taek rijang Bek trep sinan hana gura Peue neutitah le junjongan Peugah rijang he syeedara Baro teukeujot raja utosan Keudeungaran muda beulia

Leumah leumbot ate rawan Geuek rijang yoh nyan sigra

Geuduek sajan raja peuet droe Seumbah samlakoe nyang mulia Seureuta geukheun he junjongan Patek Iaman suroh ayalida

Neuyue jak tueng syahi alam Seureuta sajan ngon adekda Kareuna baginda rindu deundam Neuyue Iaman bawa sabda

Ban neudeungo meunan kalam Teusinyom yoh nyan seureuta sabda He syeedara leubeh that Ion Lon meujak com gaki baginda

Beukit salah harap ampon Leubeh untong ka troh sabda Lheueh nibak nyan Cut Diwa Akah Neutren pantah jak bak raja

Meubak putroe tan neupeugah Neumeulangkah keudeh lanja Raja peuet droe ireng sajan Uleebalang lam keumala

Seureuta raja nyang utosan Troh u dalarn muda beulia Akan raja di bale rom Jingadap dum raja raja

Ban troh keunan po samlakoe Tren sinaroe laen raja Beureuma Diwa neubeudoh dong Hireuen neukalon indah rupa

Hana haba tahe mandang Titat teuceungong poteu raja Na sikeujap meunan bagoe Neukheun meunoe le baginda

j

Taek keunoe he aneuk droe Rindu kamoe bijeh mata ·Cut Diwa akah neuek leugat Com bak teuot poteu raja

Raja sambot teuma leugat Seureuta neumat bak tangannya Neupeuduek le bak keurusi Nyang meuhambo ngon peurmata

Deungon aneukda neupeuturi Lhee seukali aneuk raja Neubeudoh le po samlakoe Mumat jaroe ngon kakanda

Com bak teuot nyan ban lhee droe Aduen putroe Rakna Keumala Aneuk raja Ion seubot nan Mangat tuan taturi nama

Nyang tuha nama Namli Diu Adoe teungku Kusnaraja Teuma adoe nyan Mangindra Pari Aneuk doli Beureuma Diwa

Bandum geuseubot deungon taklem Muwa meucom ngon syeedara Ate suka hana macam Sang meuteumeung gunong meutia

Raja neubri ranup lam karah Neusambot pantah ngon mulia Lheueh neupajoh ranup sibabah Turon titah nibak raja

Neukheun ubak aneuk lhee droe Taba samlakoe meungadap bunda Aneuk ban lhee bangket mt!unyeumbah Cut Diwa Akah laju neuba

Leugat neutamong lam meuligoe Mumat jaroe peuet seureuta Bak masa nyan peurmaisuri Jingadap le dendayang dumna

Neukalon aneuk lhee peureugi Han neuturi sidroe teuma Elok pareh hana sakri Peurmaisuri hireuen lagoina

Sajan puleh nibak hireuen Teuma neutanyorig bak aneukda Supo aneuk taba sajan Han tom kupandang meunan rupa

Aneuk ban lhee yoh nyan peugah Sujud seumbah ubak bunda Nyoe he bunda Cut Diwa Akah Sabda ayah keunoe lon ba

Peurinaisuri deungo meunan That sukaan dalam dada Neueu rupa hana lawan Miseue intan cahya muka

Di dalam ate peurmaisuri Patot seukali ngon aneukda Keudeh keunoe hana undi Putroe ti ngon banta muda

Dalam pike meunan bagoe Muda samlakoe .seumbah bunda Lhee go seumbah meuturot-turot Hana neusambot seumbah banta

Troh nyang keupeuet baro teukeujot Teuma neusambot seureuta haba Bek weueh ate aneuk meutuah Deumi Allah kon lon saja

Bunda lale hireuen dasyah Lon kalon indah cahya mata · Teuma neubri ranup lam puan Pajoh rijang lhee seureuta

Jadi hireuen dum dendayang Geukalon bintang hu meucahya Patot seukali judo putroe Nyankeu lakoe Rakna Keumala

Miseue saka deungon susu Jroh that laku maneh raya Hana salah meusigeutu That sikufu putroe muda

Lheueh nibak nyan po samlakoe Ban peuet droe neuseumbah bunda J ak u bale bak ayah droe · Tioh sampoe neuseumbah raja

Duek meungadap raja nanggroe Samlakoe deungon kakanda Raja galak hana bagoe Samlakoe maneh di mata

Sabda raja bak dendayang Jak tueng rijang Rakna Keumala Jibeudoh le jak meuron-ron Troh u keubon tamong lanja

Tuan putroe yoh masa nyan Seumayam bak patarakna Jihadap le dum dendayang Seureuta sajan rna Sikanda

Bak masa nyan troh dendayang Seumbah rijang putroe muda Seureuta jikheun po cut ampon Neuyue jak tueng le ayahda

Seureuta ngon bunda sajan Suroh Iaman keunoe teuka Putroe deungo keusukaan Ngui pakaian sigra-sigra

Teuma neutren neubeurjalan Dendayang ireng dum lingka Neujak pantah hana macam Troh u dalam putroe muda

U meuligoe neuek pantah Neuseumbah paduka bunda Peurmaisuri galak leupah Neucom pantah ngon geuwa-wa

Seureuta deungon beurtangisan Dum dendayang sama juga 'Oh nan teutap habaran nyan Putroe sinan lam istana

Jinoe raja lon karangan Peurmulaan fon keurija Peuet ploh uroe peuet ploh malam Peuduek peurasan dalam kuta

Peurmaenan macam-macam Peurjamuan raja raja Teubiet tamong hana teudoh Jamee dum troh hana reuda

Uroe malam meugeureupoh Bunyoe rioh kiam kubra Cut Diwa Akah nyang samlakoe Saboh meuligoe raja karonya

Sinan neud uek lam meuligoe Raja peuet droe sama-sama Geunap uroe jak u bale Ngadap doli poteu raja

Raja gaseh hana sakri Muda juhari indah rupa Adapun akan peurmaisuri Peurintah neubri lam istana

Neuyue leueng tika peureumadani Kaso lahuri mupeurmata Neuyue hias ngon peuraduan Dum seukalian bantai tika

Ngon keuleumbu nyang bee-beewan Reumboe intan mutiara Cukop dumpeue seukalian Bak sulotan peue takira

Hingga troh bak keusudahan Peungabesan buet keurija Hana lon boh panyang kalam Bak ingatan hana laba

Dara baro geukoh andam Euntreuk malam linto geuba Kareuna buet nyoe cit han jeuet tan Adat reusan nibak raja

Bak koh andam macam-macam Puntong capang nyang beurguna Maseng-maseng keusukaan

Lheueh nibak nyan ngui pakaian Sileungkapan aneuk raja Gleueng ngon subang mata intan Seukalian mupeurmata

Duek geuta keueumasan Dum dendayang ireng lingka Aneuk wadi aneuk meuntroe Ngadap putroe nyang jroh rupa

Bandum dara goh na lakoe Dum sinaroe ngadap lingka Teutap 'oh nan dara baro Jinoe linto lon calitra

Akan banta Cut Diwa Akah Ka geuhiah le raja raja Ban nyang patot geupeurintah Ban jumeulah adat raja

Ngui pakaian dum sinaroe Cukop sampe sianeka Miseue buleuen peuet blah uroe Samlakoe indah that rupa

Cut Diwa Akah nyang meubudoe Jinoe geupuwoe u istana Teuma geupeuek muda bangsawan Ateueh peurarakan campa warna

Meutatah ngon mutu manikam Panca lugam sendi warna Peurarakan limong pangkat Maseng babat deungon jeumba

Lapeh nyang fon cit ka meuhat Pahlawan kuat ban sineuna Geubri pakaian peue nyang layak That meusigak taeu rupa

Lapeh dua aneuk peunghulu Nyanpi teungku hebat raya Geubri pakaian ban silaku Beukit taeu ate suka

Lapeh keulhee uleebalang Seureuta tuan aneuk bentara Sangat indah dum pakaian Kreh meudulang bandum rata

Lapeh nyang peuet aneuk meuntroe Dum sinaroe muda-muda Leungkap alat nibak asoe . Intan pudoe ngon peurmata

Lapeh limong dum gunangan Nyang duek sajan banta muda Pakaian dum keueumasan Seukalian muda-muda

Ija bajee indah han soe Meusujoe intan peurmata Kreh sarongan meukeurawang Lhat di pinggang bandum rata

Maseng-maseng ban lakuan Bak atoran han meutuka Nyang ladom me peuludahan Dibeulakang banta muda

Nyang mat ciriek mata intan Sapat sinan sajan dua Nyang mat kipah mata pudoe Po samlakoe banta muda

Sapotangan jimat sidroe Rab samlakoe hana reuda Dua ureueng jimat puan Ran up santa pan di jih jiba

Maseng-maseng peukeutjaan Jroh atoran han meutuka Teubuka payong nyang kunengan Sabe keumang nyan teubuka

Laen nibak nyan keubanyakan Payong ngon alam bek takira Teudong beuntara lapang siblah Payong jipeuhah panca warna

'Oh takalon bukon indah Meujeureulah hu meucahya Saboh reutak nyang me peudeueng Blah rot uneun banta muda

Nyanpi 'ajaeb taeu hireuen Nyang me peudeueng hebat rupa Ngon bunyian dum sinaroe Le that bagoe hana tara

Mangirna Pari nyang hareutoe Laen sinaroe junjong sabda Raja sireutoh tujoh plohpi ka keunan Di hadapan muda be:ulia

Raja keumala nyang peuet sajan Nyang beurjalan mula-mula Deungon rakyat meuntroe sajan Uleebalang lam keumala

Di likot tantra keumala hekeumat Teuma beurangkat po banta muda Ngon bunyian that 'adimat Kiam sangat that meutaga

U meuligoe laju beurangkat Banta deelat arak lanja Peurarakan keunan hade Geusambot le dua raja

Indra Diwa nyang fon sambot Geuikot le Brahman Diwa U istana peuek leugat Peuduek siat bak singgasana

Teungku kalipi ka hade Peunikah le yoh nyan sigra Ijab kabuipi ka ase Peungeuh ate banta muda

Lheueh nibak nyan teuma dudoe Geucok samlakoe le raja dua Geupeuek leu meuligoe Teuma dudoe neucok le raja

Neumat leugat nibak jaroe Bak aneuk droe leugat neuba Teuma neupeuduek di uneun putroe Ban matauroe limpah cahya

Rakna Keumala miseue buleuen Barangsoe hireuen jikalon rupa Keudeh keunoe hana peue kheun Wie ngon uneun hana beda

Cit that patot deungon padan Miseue santan deungon saka Raja kalon keusukaan That sipadan cahya mata

Bandua droe that analan Siukoran cit bandua Lheueh nyan raja leugat neutren U bale rom le neuhala

Raja yoh nyan yue khanduri Meuntroe wadi raja raja Minom makeuen bandum geubri Raja doli meusuka-suka

Tujoh uroe tujoh malam Minom makan rakyat dumna Le karonya bak sulotan Dum seukalian ate suka

Lheueh nibak nyan teuma dudoe Geujak seumanoe banta muda Sajan deungon tuan putroe Geujak pumanoe laot Saluka

Geupeuek ateueh peurarakan Nyang jimeunan panca peursada Geuba u laot bahron mahlak Ureueng nyang jak meuribee laksa

Ngon bunyian bukon that sigak Takalon galak keumaen mata Troh u laot geuseumanoe Banta ngon putroe Rakna Keumala

Lheueh nibak nyan teuma geupuwoe U meuligoe lam istana Beurema Diwa neubri seudeukah Keu hamba Allah ban sineuna

Got nyang hina got nyang meugah Tueng seudeukah nibak raja Raja meuntroe uleebalang Rakyat sajan sambot rata

Mangat ate seukalian Akan sulotan lakee seujahtra Lheueh seuleusoe raja khanduri Dum keumbali bak teumpatnya

Raja raja meuntroe wadi Seumbah doli band urn gisa Abeh jiwoe seugala rakyat Ubak teumpat u rumoh tangga

Beureuma Diwa nyang beurdeelat Tinggai teutap lam istana Syahdan akan po samlakoe Deungon putroe Rakna Keumala

Keusukaan lam meuligoe Geunap uroe jeuep kutika Akan raja keumala hekeumat Banta deelat neuyue gisa

Tuhan neubri siat teutap He raja peuet jak woe gata Pajan-pajan na meularat Nama meuhat ulon cinta

Raja keumala beuet jaroe Leugat jiwoe ban sineuna Deungon rakyat dum sinaroe Bandun jiwoe lam keumala

Deungon siat bandum hilang Hireuen teuceungong poteu raja Neueu meulintee keusaktian Ate sulotan suka rasa

Nibak ate raja nanggroe Bit aneuk nyoe raja raya Gagah peurkasa hana bagoe Samlakoe beu mubahgia

Raja gaseh hana bagoe Ho siuroe leubeh ganda Raja laen dum sinaroe Ngon samlakoe gaseh meusra

Lawet sinan Cut Diwa Akah Ujeuen mudah sabe teuka Nanggroe makmu rame leupah Makanan murah jeuep-jeuep donya

J adi seunang aman nanggroe Lawet samlakoe di sinan na Tuhan neubri nekmat sampoe Banta ngon putroe jarak hana

Uroe malam keusukaan Ngon dendayang lam istana Deungon putroe gaseh han ban J arakpi tan jeuep kutika

Teutap sinan dilee siat Lon sambat laen calitra Sidroe raja Ion riwayat Meugah sangat ateueh donya

XN. KRAMAWANDA KEUMEUNG REUBOT PUTROE

Sidroe raja Ion riwayat Meugah sangat ateueh donya Krama wanda nama geurasi Gagah sakti han sapat sa

Ayah mate trep that lawi Nyang gantoe doli Kramawanda Nyang mat keurajeuen dalam makam Badai sulotan nyan aneukda

Deungon bunda neuduek sajan Seureuta deungon nyan syeedara Sidroe adoe ureueng binoe J roh peurangoe hana ngon sa

Han·a band eng jeuep-jeuep nanggroe Nama putroe Sinaran Cahya Umu baro tujoh blah thon Goh meukawen putroe muda

Padum raja nyang jak pinang Neukabui han soe nyang teuka Rakna Samindra nama nanggroe Cukop meuligoe deungon kuta

Nanggroe luah hana bagoe That seureuloe hana ngon sa Meurcu Angkasa nama gunong Teumpat seumayam Kramawanda

Abeh neuhukom diwa ngon mambang Raja di Padang Hilam Cahya Jen ngon pari abeh neutarek Raja di Tasek Bahron Samindra

lndra jindra raksasa sajan Seukalian di bawah tahta

Padum raja taklok keunan Bak bilangan dua ploh laksa

Laen meuntroe uleebalang Taklok keunan bak Baginda Bangsa diwa asai raja nyan Gagah pahlawan hana tara

Bak jameun nyan hana Ia wan Sapatpi tan nyang kreueh jungka Umu baro that juhari Goh na esteuri mantong teuruna

An euk r aja dum sambinoe Hana sidroe ate suka Suri Mangirna sosah keudroe Seubab samlakoe hana rela

Kareuna aneuk han meukawen Jadi ngeuren ate bunda Padum putroe canden-canden Han cit neutem Kramawanda

Sosah bunda geunap uroe Samlakoe sabe meudawa Han neutem tueng geubri putroe lale keudroe sabe muda

Neujak meuen tiep-tiep uroe Kalon nanggroe jeuep-jeuep desa Seugala teumpat jeuoh ngon toe Troh sampoe Kramawanda

Beungoh neujak seupot neuwoe Geunap uroe nyan keurija Ateueh rakata keusaktian Ngon nyan teureubang jeuep kutika

Gagah peurkasa hana lawan Dum sulotan hana daya Leubeh bak ayah nyang ka dilee Siploh sukee lorn meuganda

Kramawanda that jitubee Dum ka jithee jeuep-jeuep raja Nanggroe diwa pari mambang Abeh jalan Kramawanda

'Oh ka neuwoe baranggajan Ek tuan jak seumbah bunda ladom kayem meunan macam Neubeurjalan suntok masa

Bak siuroe grak teukeudi langsong doli nanggroe indra Troh bak nanggroe Neugara Puri Raja doli Kramawanda

Jieu ureueng rame sangat Jitren leugat jak pareksa Jikeubah rakata di dalam blang Di teungoh padang Anta Cahya

Jijak leugat le u dalam Keulakuan miseue indra Hana sidroe ureueng tanyong Troh jitamong lam istana

Jipeujeuet droe ban keudindeng Jijak rijang u istana Troh bak teumpat Cut Diwa Akah Keunan leupah Kramawanda

Ban jikalon put roe indah Teuhah babah Kramawanda Han tom jieu meunan putroe Nyang bagoe Rakna Kcumala

Leungo badan dum sinaroe Jieu putroe indah rupa Cut Diwa Akah nyang samlakoe Duek ngon putroe sama-sama

Jingadap dum le dendayang Seureuta sajan biek peurwira Miseue buleuen jipageue bin tang Pakri ban trang hu meucahya

Kramawanda hireuen laloe Jieu putroe Rakna Keumala Teudong hireuen mabok keudroe Adat jeuet nyoe jidrop jiwa

Dalam ate that beureuhi Jinoe pakri kubicara Nyang na bacut kana suami Adat han jibri le ayahda

Beukit meunan kubri narit Peue kuisip meung manusia Saboh daruet tan kumeuniet 'Oh meugriet jileupah saja

Meung suka bunda deungon ayah Nyan mudah 'oh tabicara Meunan ingat kakeu sudah Jitren pantah le jigisa

Ateueh rakata jiek rijang Jiteureubang jiwoe lanja Dalam ate rindu deundam Keu cut intan putroe muda

Troh u nanggroe sudah datang Ek rijangjak ngadap bunda Ban troh jiek ubak umi Jicom gaki Paduka Bunda

Neutanyong le peurmaisuri Hai boh ate pane gata Padum uroe tapeureugi Peue tacari bijeh mata

Meunan tanyong peurmaisuri Teusinyom le Kramawanda Seureuta jil¢leun wahe umi Lon peureugi kalon desa

Troh u nanggroe Neugara Puri Lon eu putroe ti indah rupa Rakna Keumala nan geurasi Aneuk doli Beureuma Diwa

Wahe bunda neujak pinang Akan putroe nyan that Ion hawa Meung nyang laen h1na Ion tueng Keu putroe nyan neuba haba

Peurmaisuri deungo meunan Sosah han ban dalam dada Wahe aneuk keupeue meunan Pakon putroe nyan that tahawa

Kareuna putroe ka na suami Jalan pakri tabicara Ka na lakoe putroe indah Laen mudah nyang jroh rupa

Lagi'aeb nama keuji Tatueng esteuri manusia Putroe laen ulon cari Bek seukali nyan tacinta

Kramawanda marah yoh nyan Jideungo nan manusia Wahe bunda bek neukheun nyan Nyang laen han Ion meuhawa

Nyang putroe nyan saja Ion cok Jih Ion keutok di keupala Keu manusia Ion hana syok Ngon sudok Ion p9h di muka

Peunnaisuri deungo meunan Keususahan hana tara Wahe aneuk cahya badan Pakon intan meunan haba

Ujob teumeu'a pungah teukabo Sinan nyang le jeuet keu cidra Hilang kuat gadoh beuhe Areuta nyang lepi ek fana

Kareuna aneuk keuleubehan Nibak seukalian geutanyoe nyang na . Meunan neupeujeuet uleh Tuhan Leubeh ensan dum barangna

Lagi aneuk sangat gagah Cut Diwa Akah that peurkasa Diwa pari mambang nyang meugah Bak Diwa Akah taklok seumua

Kramawanda saket ate Bek marit le wahe bunda Nyang jih sidroe Ion poh mate Bah beu sakti gagah peurkasa

Meung manusia saboh ulee Han Ion malee peue neusangka Peue tatakot meung jih sidroe Geutanyoe meukatoe ribee laksa

Peunnaisuri neukheun meunoe Deungo kamoe bijeh mata Beukit napsu cit keu putroe Yue tueng keunoe seugala raja

Bulla Raksasa tayue seutot Kareuna pangkat tamubapa Sri Geumpita raja Halam

Tapanggelan keunoe dumna ' 235

Keu sulotan Diwa Halam Keunan bek han tabri haba Kareuna bukon ureueng laen Darah dageng cit di gata

'Oh troh keunoe tamupakat Musyawarat deungon apa Meunan aneuk lon ijtihat Tabri surat dum beurata

Meunan titah peurmaisuri Ubak doli Kramawanda Lheueh nibak nyan seumbah umi Tren peureugi teuma lanja

Kramawanda tren u bale Ureueng rame ireng lingka Dum seumayam bak keurusi Sabda jibri jeuep-jeuep raja

Raja tujoh jiyue jak tueng Nyang geukheun bunoe le bunda Ban tujoh droe jibri ureueng Jitren mameung jak le sigra

Padumna trep jibeurjalan Troh datang bak tujoh raja Jipeugah dum peurkabaran Surohan Kramawanda

Raja tujoh deungo meunan Teurpanggelan bak aneukda Geubeudoh le dum sulotan Suri sajan bandum geuba

Deungon meuntroe uleebalang Rakyat sajan han ek kira Padumna trep geujak sunggoh Sampoe troh u Rakna Samindra

Di padang Hilam durn geupioh Hingga troh meugah bak raja Kramawanda bri le ureueng Jiyue ampeueng tujoh raja

Jiteubiet le uleebalang Jak tueng rijang raja raja Ban sare troh keunan datang Uleebalang seurnbah raja

Teuma jipeugah peurkabaran Sabda sulotan Kramawanda Neuyue jak tueng deelat ampon U bale rom minta sila

Geubeudohleseukalian Jak u dalam bandurn raja Meuteurneung le ngon sulotan Bangsawan Krarnawanda

Mumat jaroe muliaan Duek le yoh nyan nibak tahta Akan esteuri raja sinaroe Tamong bak putroe u istana

'Oh troh keunan dum sinaroe Seurnbah putroe Suri Mangima Sri Geurnpita na aneuk droe Ureueng binoe jroh that rupa

Rupa indah hana bagoe Miseue putroe Sinaran Cahya Leubeh kureueng bacut saho Ureueng nyan hai po meusyeedara

Teutap sinan lam meuligoe Deungon putroe Sinaran Cahya Syahdan raja seukalian Di bale rom ban sineuna

Geubri ranup dalam puan Akan seukalian raja raja Dalam puan keueumasan Meutatahkan mutu ratna

Na sikeujap dudoe nibak nyan Troh sulotan Kramawanda Duek bak teumpat keueumasan Ngon seukeulian raja raja

Lheueh nyan gebet Ie hidangan U hadapan seugala raja Makeuen minom seukalian Peue sukaan cukop ada

'Oh Iheueh makeuen ngui bee-beewan Meunan atoran seugala raja Ngon minoman di hadapan Teurieutakkan ateueh meja

Seureuta neukheun keusukaan Dum seukeulian raja raja Kramawanda nyang sulotan Bak masa nyan jatoh sabda

He mainanda dum sinaroe Lon hareutoe bacut haba Kareuna hai ulon sidroe Saboh putroe Ion meuhawa

Aneuk raja N eugara Purl Nan geurasi Rakna Keumala Nyankeu putroe Ion beureuhi Meuhan geubri that ceulaka

Akan putroe nyan ka na Iakoe Gop hareutoe rnanusia Bahle beuthat ka na Iakoe Nyan cit putroe nyang Ion cinta

Meukon putroe Neugara Purl Han seukali ulon suka Meunyo putroe han geutem bri Lon peureugi meudiwana

Nyan pat kuta ngo'n meuligoe Nyan pat nanggroe bak mamanda mon jinoe bah kuboh droe Han le Ion woe seulama-lama

Kramawanda meunan kalam Raja seukalian pindek saja Syah alam Bulla duek pikeran Eleumee jifam ngon kutika

Bulla Raksasa that saktian Eleumee tamam jeuep peukara Abeh rata dum jipandang Keulaheran leumah nyata

Cut Diwa Akah akhe dudoe Nyankeuh sidroe raja raya Abeh taklok jeuep-jeuep sagoe Dum sinaroe indra jindra

Akan teutapi nyang ateueh droe Hana sam poe jipareksa Neubri lupot uleh Tuhan Nyan jeuet panyang haba calitra

'Oh lheueh leumah dum jipandang Marah yoh nyan hana tara Teubiet ngon reuoh dum meuree-ree Timoh ngon ulee siribee sa

Yo ngon badan teubiet ngon bulee Miseue lagee sang ka geumpa Sireutoh deupa parlyang badan Meulinggang sare dum nyang na

Rasa bumoe sang ka beukah Seubab amarah raja raksasa Raja laen hireuen dasyah Jikalon gagah Alam Bulia

Na sikeujap teuma dudoe Jikheun meunoe raja raksasa Wahe aneuk payong nanggroe Bek taboh droe Kramawanda

Peue cit sosah meunyan putroe Le that bagoe ngon tadaya Teutapi dilee tabri surat Tadeungo narit peue calitra

Pakri narit Beureuma Diu Na meunapsu nyang seujahtra Meunan bak lon aneuk teungku Leubeh dulu tabri haba

Gata aneuk jitem teurimong Jitulak ngon manusia Beukit jitueng atawa han Di dalam nyan tabicara

Cut Diwa Akah sidroe meuhat Hana rakyat keunan jiba Bak lon kira buet mudah that Ase siat tabicara

Beureuma Diwa hana sajan Mudah talawan manusia Beukit rohjihpi tapaban Bacutpi tan gli ngon geunta

Teuma seuot raja nam droe Nibak kamoe meunan juga Cit dilee kon nyan tunangan Lam tamuprang deungon indra

Bek antara meung raja nyan Jitamah lorn siploh laksa Seuot Geumpita Raja Halam Bak Ion tuan sama juga

Indra ngon jindra seukalian Cit talawan geutanyoe dumna Nanggroe luah rakyat sajan Seukalian kureueng hana

Nyang na bacut keususahan Seubab ensan taseureuta Kareuna seugala peuneujeuet Tuhan Leubeh ensan nibak nyang na

Nyakeu bacut suka jalan Nyang laen tan Ion meuniet na Bulla Raksasa teuma seuot Bek tatakot keu manusia

Ulon lawanjih nyan sidroe Taeu dudoe 'oh tangaza Gata laen bek peuroh droe Bagi kamoe manusia

Kramawanda deungo meunan Keusukaan hana tara Jiy.ue peugot surat kireman Di dalam nyan jiboh haba

Peugot surat mangkubumi Nan geurasi Danta Diwa Jih nyang bijak jeuet keurani Dum jitukri adat raja

Jisurat le pantah-pantah Siat sudah abeh haba U1eueh jisurat jipeuleumah Baca pantah di nap raja

Raja deungo keusukaan Surat kireman beutoi raya Jilipat le yoh nyan rijang Yue utosan dua raja

Sidroe nama raja Juhan Kamarsyah tuan nyang keudua Banduajih aneuk raja jen Jiba kirem Kramawanda

Jituju u Neugara Purl Rakyat sare dum seureuta Padumna trep jipeureugi Neugara Purl troh jihala

Troh bak pinto kuta nanggroe Pioh sinoe sikutika Jibr-i haba ubak meuntroe Hajat kamoe jak bak raja

Peurdana meuntroe le peureugi Bak doli jak peugah haba Ban troh keunan sujud seumbah Jipeugah utosan teuka

Sa bda raja han peue salah Peutamong pantah keunoe sigra Raja beurangkat u bale rom Neuyue tueng utosan teuka

Meuntroe wadi uleebalang Ngadap sulotan Beureuma Diwa Na sikeujap raja seumayam Troh utosan keunan teuka

Troh u bale junjong doli Neuyue ek le uleh raja Seumbah sujud meureundah diri Teumpat geubri ban sikada

Bandum teuduek bak keurusi Jroh meuriti santeut banja Raja raja Neugara Purl Ngad'Clp doli dum seureuta

Utosan duek na sikeujap Jijok surat Kramawanda Mangkubumi sambot surat Bak deelat peuseumbah sigra

Sabda raja baca leugat Lam surat peue bunyoe haba Mangkubumi kheun le deelat Jibeuet surat le jibaca

Meunoe haba dalam surat Bak deelat Kramawanda aneukda po surat nyoe Raja nanggroe Rak11a Samindra

Peuet peunjuru dum alam nyoe Lam jaroe Paduka aneukda Barang-barang sampoekan hajat Keupada deelat Beureuma Diwa

Neugara Purl nanggroe geulakap Sinan teutap meunjadi raja Akan meuminta tuloh ikhlah Miseue keureutah nyang puteh safa

Harap banyak kasihan balah Neutueng beu sah lon keu hamba Jika sudi ayahda tuan Aneukda datang ngadap ayal1da

Kalee tidak ayahda relakan Tantra ulon prang beu kong ngon kuta Saja meuhat lon prang naggroe Lon tueng putroe Rakna Keumala

Nyankeuh narit nibak kamoe lngat keudroe he ayahda Raja deungo haba kireman Muka masam yoh nyan raja

Seureuta neukheun bak utosan Deungo Ion kheun ubak gata He raja jen Ion peugah kri Kon han Ion bri Rakna Keumala

Kareuna jinoe ka na suami Pakri kutukri lorn bicara Ka lheueh kawen ngon Diwa Akah Raja meugah manusia

Diwa Laksana nama ayah Nanggroe nyang sah Martagangsa Kareuna aneuk cit nyan saboh Ngon jalan toh kubicara

Ngon seubab nyan ulon jipoh Pakri ban jroh Ion teurima Ngon seubab nyan ulon jiprang That bit girang Kramawanda

Dum kuasa kamoe lawan Kareunajih nyan that angkara Raja utosan deungo meunan Jikheun yoh nyan le

Deelat ampon he junjongan Seumbah Iaman sikrak haba Beukit neudeungo jroh that seunang Jikalee han apakah daya

Kareuna aneuk raja nyang garang Gadoh 'ajam dum raja raja Meung manusia sidroe bujang Jikeumeung lawan Kramawanda

Hana neumeuniet saboh daruet Nyang ka neupubuet hana dawa Seuot Indra Namli Diu Mangat that su gata meuhaba

Hana pike meung sigeutu Nyang na meulaku cit raja gata Bit nyo kuthee biek bangsa jen Barangkri jitem malee hana

Peurumoh gop lakee meukawen Bit-bit meung jen hana agama Raja laen jikeumeung peutan Nyang na agam Kramawanda

Jak leh peugah keudeh rijang Pajan jiprang tayue teuka Insya Allah ngon tulong Tuhan Saja kulawan ureueng angkara

Han kutakot bek kawaham Sideh di padang Anta Cahya Surat jiplah deungon jipriek Keudeh jitiek bak raja teuka

Raja utosan that amarah Surat jiplah di nap mata Jibeudoh le jiwoe pantah Hana jiseumbah Beureuma Diwa

Padumna trep jibeurjalan Troh bak makam Rakna Samindra Tamong leugat nyan u dalam Ngadap sulotan Kramawanda

Ban sare troh ka jiseumbah Leugat jipeugah deungon haba Deelat ampon pateh sudah Surat jiplah di nap mata

Hanjitakot keu tuanku Jiyue laju jinoe teuka Jiyqe laju ban nyang napsu Han sigeutu ate lia

Raja deungo kheun utosan Beungeh han ban Kramawanda Mukaji hu that amarah Dada mirah sang keusumba

Bulla Raksasa nyang that panah Ulee timoh siribee sa Seureuta jikheun he aneuk droe Jinoe geutanyoe malee raya

Tapeukeumah dum sinaroe Keudeh geutanyoe u padang Anta Beureuma Diwa sangat beurani Han jituri le keu gata

Jinoe taprang Neugara Purl Taungki ban saboh donya Kramawanda le beurtitah Jipeugah bak Diwa Danta

Raja taklok dum jiyue krah Beu troh langkah keunoe sigra Lheueh nibak nyan mangkubumi Haba jibri jeuep-jeuep raja

Troh le keunan jipeureugi Ngadap doli Kramawanda Dua ploh laksa raja taklok Keunan ka trok dum jiteuka

Rakyat jitren meukalot-kalot Meukeubok-keubok dalam kuta Sang sidom teubiet lam umpung Meunankeu dum taeu rupa

Abeh rakyat dum ka keunan Lam padang nyan Hilam Cahya .Sudah cukop dum angkatan Beudoh sulotan ek bak bunda

Peurmaisuri Mangirna bangsawan Kutika nyan duek bak geuta Kramawanda seumbah umi Com di gaki Paduka Bunda

Wahe bunda idin neubri Neugara Purl ulon bungka Lon that 'aeb malee keuji Han jibri Rakna Keumala

Neuseuot le peurmaisuri Allah pakii cahya mata Nyang ulon tham han tapateh Han tagaseh ulon bunda

Napsu setan that tapateh Akhe paleh cahya mata Bek tajak he bungong geutoe Laen putroe Ion jak mita

Nyang leubeh jroh lorn sambinoe Ngon putroe nyoe leubeh ganda Kramawanda seuot yoh nyan Bunda jangan lon neusangga

Ka teulanjo leupah kalam Ngon seukalian raja raja Neulakee do'a hai rna badan Uroe malam bek na reuda

Bu meuteumeung putroe intan Bek maluan aneuk bunda Allah hai aneuk bungong karang Kupaban do'a keu gata

Han neukabui uleh Tuhan Seubab ensan that bahgia Sira neumoe beurtangisan Sira neutham bijeh mata

Kramawanda seumbah umi Seureuta Iagi com adekda Tinggai gata adek badan Keu cut a bang Iakee do 'a

Sinaran Cahya seumbah rijang Wahe cut abang Ion seureuta Sira jimoe putroe intan Sangat sayang keu syeedara

Bek neukeubah Ion e cut bang Lon jak sajan rugoe laba Ayah han Ie aduen Ion tan He Tuhan peue untong hamba

Kramawanda deungo meunan Jikheun yoh nyan meunoe haba Bek Ie tamoe adek badan Di beulakang Ion tueng gata

Deungon bunda sajan-sajan Hai intan bek tamoe rugha Ban jideungo haba meunan Seungap yoh nyan putroe muda

Krama wanda ngui pakaian Di hadapan Paduka Bunda Putroe Sinaranpi na sajan Jieu Iakuan akan kakanda

Jingui pakaiana sileungkapan Alat puprangan jeuneh rupa Jingui mahkuta tujoh pangkat Hu meukilat mupeurmata

Cukop dumpeue seukallan Leugat yoh nyan seumbah bunda Neuwa neucom ban saboh oadan That neusayang bijeh mata

Peurmaisuri beurtangisan PadoH tan Kramawanda Jitren leugat jibeurjalan U bale rom le jihala

Raja raja dum seukalian Jipreh sulotan Kramaw ... nda Y oh nyan beudoh le beurjalan Dum angkatan balat:mtra

Bulla Raksasa nyang beudoh fon Lheueh nibak nyan Sri Geumpita Teuma sulotan Alam Tasek Lheueh nyan adek Lila Mangima

Teuma beudoh lndra Syamsu Sajan ngon Diu Bulla Sina 'Oh ka abeh raja tujoh droe Beudoh sinaroe laen raja

Maseng-maseng ateueh kandran Ladom tuan ateueh rakata Ladom ateueh naga teureubang l..adom pasang ateueh singa

Ladom ateueh pakah teureubang Ladom tuan gagak suara Dong meuseueh-seueh dum meureuntang Di teungoh padang Hilam Cahya

Bulla Raksasa ek le kandran Rakata teureubang mupeurmata Bajee direh meukeurawang Meutatahkan mutu rakna

Jingui mahkuta tujoh ploh-pangkat Teurlalu hebat raja raksasa Sigak na ban gunong apui Meugasui-gasui taeu cahya

Payongji pudoe meukeurawang Siblah lapan jroh mubanja Lanja jiek u teungoh padang Uleebalang ireng lingka

Sri Geumpita raja Halam Jimeukandran ateueh geureuda Jingui bajee meuteurapan Pudoe intan hu meucahya

Mahkuta sikureueng blah pangkat Analan that raja indra Nam blah payong beurkeumbangan lndah lakuan hana tara

Uleebalang wadi meuntroe Ireng sinaroe akan raja Kramawanda di beulakang Rakata saktian jimeucinta

Jimeupayong iram kuneng Hana bandeng indah rupa Peuet ploh payong beurkeumbangan Beuranteng-anteng panca wama

Padum guda padum gajah That barollah han teukira Wie ngon uneun likot hadapan Ireng junjongan Kramawanda

Jingui mahkuta tujoh ploh bagoe Intan pudoe mupeurmata Bajee meurante meuh meuseundi Utoh ahli bak jiteumpa l..anja jiek u teungoh padang Raja seukalian ngadap lingka Raja raja dum beurjalan ireng sulotan Kramawanda

Troh u Tasek Bahron 'alak Pioh siat balantra Seugala raja peugot kimah Teumpat pioh dum seumua

Bulla Raksasa cinta hekeumat Ngon sisa'at jeuet le kuta Kuta luah hana bagoe Peuet ploh uroe bak talingka

Leungkap istana ngon bale rom Tamong bandum rakyat ngon raja Ureueng nanggroe keumala hekeumat Ka meusapat sajan seureuta

Raja neuek u bale rom Ngadap bandum Kramawanda Makeuen minom beursukaan Ngon bunyian sianeka

Teuma pakat bak buet muprang Raja seukalian mubicara Syahdan teuduek 'oh nan siat Lon riwayat Beureuma Diwa

XV. NEUGARA PURl JIPRANG LE KRAMAWANDA

Meugah bak raja Neugara Purl Ka troh u pasi Kramawanda Padum-padum raja nyang sakti Kimah teurdiri meuribee laksa Di bineh laot Bahron 'alak Rakyat meusak-sak dum keunan ka Baginda teubiet u bale rom Jingadap dum le raja raja Uleebalang 'adi juhan Ngadap sulotan Beureuma Diwa Neuyue pangge Mangirna Pari Beu sajan le ngon aneukda Sulotan raja Diwa Halam Sajan-sajan ngon aneukda Teuma hade Alam Peutawi Paduka Sri Halam Muda Syahi Mangirna diwa mambang Paduka Indran Keumba Udara Istat Majat Lila Jayani Diwa Sali sajan seureuta Abeh bandum beurangkat keunan Ngadap sulotan Beureuma Diwa Raja nyang taklok bandum ka keunan Uleebalang dum ban nyang na Teuduek bandum ateueh keurusi Ngadap doli meunanti haba Na sikeujap teuduek beureunti Titah doli Beureuma Diwa Neukheun bak raja Mangirna Pari Dan lagi seugala raja Jinoe pakat dum he teelan Akan sulotan Krama wanda

Bandum ka troh keunan datang Ngon angkatan balatantra Raja raja bandum sajan Keusaktian hana tara

Jinoe pakri wahe teelan Peugah rijang peue bicara Seumbah raja Mangima Pari Ampon doli tan bicara

'Oh talawan nyang meusakti Gagah beurani apakan daya lndra ngon diwa beursamaan Patot padan po meukuta

Teungoh geuduek beukataan Troh utosan Kramawanda Jipeuseumbah bak sulotan Utosan jeh pat di lua

Sabda raja peutamong rijang Peue habaran keunoe lanja Hingga teuma haba nyang rab Tamong leugat ureueng teuka

Troh u bale seumbah deelat Jijok surat Kramawanda Raja yue beuet teuma leugat Cuba lihat pakri haba

Mangkubumi seumbah deelat Geubeuet surat le geubaca Bahwa ini satu surat Nibak deelat Kramawanda

Raja ban peuet peunjuru alam Mahkuta dum seugala raja Jen ngon pari diwa mambang Seukalian indra jindra

Walee raja Neugara Purl Taklok bak doli simata-mata Jinoe takheun peue nyang kheundak Tateumeung duek lam seujahtra

Ata wa cit takeumeung jak Pakri galak Beureuma Diwa Meuna tasayang akan meurtabat Taba lam ikat manusia

Rakna Keumala keunoe taintat Pupeunoh adat kamoe raja Supaya seulamat dumteu sare N eugara Purl han binasa

Meuhan tadeungo surat ini Esok hari teubiet ngaza Ban neudeungo haba surat Amarah that Beureuma Diwa

Mangirna Pari hana peue kheun Beungeh bandum seugala raja Teuma marit Diwa Brahman Keudeungoran jen kureueng bangsa

Barangri mideuen barangri padang Singoh jadeh prang keupeue haba Raja utosan amarah that Beudoh leugat le jigisa

Hana jiseumbah raja deelat Narit saket that geuteuoh bangsa 'Oh leupah woe nyan utosan Doli junjongan neumeusabda

Geutanyoe singoh ka jadeh prang Toh nyang keunong keu panglima Mangirna Pari le peuseumbah Ban nyang titah bak meukuta

Siri nyang jroh tuanku peugah Hana bantah kamoe dumna Sabda raja neukheun nyoe ban Panglima prang Bisnu Diwa

Nibak ulon nyang laen tan Meulaenkan cit keumuen hamba Seureuta neubri peursalenan Arak yoh nyan Bisnu Diwa

Geupeuek ateueh peurarakan Arak yoh nyan siseun lingka Teuma geupuwoe lorn u dalam Ngadap sulotan Beureuma Diwa

Makeuen minom ngon sukaan Seukalian seugala raja Seubeurmula deungo jinoe Po samlakoe Ion calitra

Cut Diwa Akah deungon putroe Lale keudroe lam istana Hana neuthee dum peurbuatan Ka rab jeuet prang neuthee hana

Lam m euligoe keusukaan Uroe malam jarak hana Raja utosan Ion hereutoe Leugat jiwoe troh bak raja

Kramawanda nyang samlako.e Di bale nyoe duek beurtahta Utosan duek jibet tangan Ampon Iaman po meukuta

Suratpi han jiteurimong Sangat sombong Beureuma Diwa Barangsoe han jipadoli Han jituri po meukuta

Meunyo gagah ngon beurani Kuturi di. padang Anta Meunan jikheun tuanku droe Dum sinaroe raja raja

Marah keu patek hana bagoe Lon tren Ion woe keunoe lanja Kramawanda deungo meunan Marah yoh nyan hana tara

Singoh beungoh pubeudoh prang Raja seukalian deungo nyata Bak mamanda dum seukalian Singoh taprang soe panglima

Bulla Raksasa seuot meunoe Nyang got jinoe Syahrom Diwa Kareunaj'ih bangsa pari Lagi sakti ngon peurkasa

Krama wanda deungo meunan Sibeuna nyan kheun mamanda Seureuta geubri peursalenan Akan Syahrom nyang panglima

Geuarak le bak masa nyan Ngon bunyian sianeka Makeun minom beursukaan Sekalian seugala raja

Bak malam nyan hana geueh Sam poe mureh trang cuaca Teubiet uroe trang peureuseh Ureueng abeh teubiet u lua

Maseng-maseng ateueh kandran Leungkap deungon alat seunjata Ka meubunyoe le geundrang prang Bukon bubarang ngon nukira

Rioh bunyoe deurnpek surak Blah pihak Krama wanda Keudeungoran Neugara Purl Geuseupot le geundrang sigra

. Seugala raja teubiet u mideuen deungon seunjata Maseng-maseng ek cong kandran Uleebalang raja raja

Na nyang ateueh naga teureubang Ladom tuan ateueh geureuda Dua pihak ka u midan Maseng tuan ngon seunjata

Sideh beuho sinoe gasang Ka jadi prang dua raja Sideh geuek sinoe peucrok Ka meurumpok dua tantra

Beukit mate hana peue syok Rijang jicok rab ngon kuta Nyang di meuntroe sabe meuntroe Jimeukiloe han ban publa

Beukit mate salah sidroe Raja nanggroe nyang tueng hila Uleebalang ngon uleebalang Jimeucang han teudoh reuda

Nyawong teubiet han jisayang Buet sulotan raja raja Nyang meugajah sabe gajah Jimeuhah-hah lagee raya

Nyang ka mate sinan reubah Bandua blah hana beda Nyang pahlawan sabe pahlawan Jimeutop cang meuhue hila

Keudeh mate keunoe simpan Nyang meucang jimeucang lanja Rusak mate han tatuban Meutamon sinan mate meukeuba

Jibeudoh dhoi seupot padang Jimeucang han le meuhingga Soe meuteumeung di hadapan La wan rakan han jikira

Mate rusak han soe tuban Allah Tuhan nyang ek kira Darah ile nyan u bumoe Baro jinoe trang cuaca

Baro meuri lawan ngon droe Sideh sinoe trang ka nyata Darah ile miseue ie krueng Leupah ji'plueng tungkang raya

Anyot bangke han tatudum Ka ie baplueng u kuala Prang raya that hana teudoh Sang guroh geulanteue raya

Suara cokma meugeureupoh Sang ka runtoh alam donya Nyang beurani taeu jigrop Nyang teumakot kliek lagoina

Suara peudeueng miseue ribot Sang talop u ate donya Sare geunap tujoh uroe Tiwah keunoe siblah raja

Neugara Purl le that paloe Ka jiboh droe rakyat dumna Diwa Bisnu kalon meunan Keutiwasan rakyat nyang na

Jilumpat le nyan u padang Rakyat kalon dum jigisa Diwa Bisnu gagah sangat Jicang rakyat Kramawanda

U timu sigo jilumpat U barat sigo jigisa Nyang meulinteueng di hadapan Hana meujan bak jihei rna

Peudeueng pajoh dum meukhan-khan Ka meutamon reubah meutimpa Dua ploh raja nyang ka hilang Buet tangan Bisnu Diwa

Rakyat Samindra abeh jiplueng Syahrom kalon beungeh raya Jimat peudeueng nibak tangan Jilinteueng nyan Bisnu Diwa

Seureuta jikheun ngon amarah Soe nama kah wahe jindra Meukah sidroe cit nyang meugah Kapeuleumah bak tan kuasa

Cuba riwang keunoe ngon kee Mangat kathee nak karasa Bisnu Diwa gisa keunan Deungon Syahrom meuhadap ka

Seureuta neul41eun meunoe macam He binatang pari bangsa Bisnu Diwa kee geuboh nan Aneuk keumuen Beureuma Diwa

Di kah teuma soe geuboh nan Cuba kakheun jinoe sigra Teuma seuot raja Syahrom Hana mufom nama hamba

Puprangan nyoe bak kee hukom Keuaselan kee panglima Ka jipeulheueh le ngon panah Leugat ateueh Bisnu Diwa

Bunyoe suara miseue guroh Sang-sang runtoh peue-peue nyang na Rijang jitangkeh ngon peurise Abeh tune rakyat dumna

Diwa Bisnu jibalah le Panah sakti hana tara Panah apui hu raya that Jitimpa rakyat Kramawanda

Ka jipanah uleh Syahrom Panah ujeuen leubat raya Jitimpa apui dum abeh len Amarah yoh nyan Bisnu Diwa

La en panah ka jigadang Aneuk panah nyan jeuet keu naga Jipeuteupat ateueh Syahrom Jikeumeung klong uleh naga

Jipeulheueh panah le u manyang Aneuk panah nyan jeuet geureuda Geureuda ngon naga jimeureupah Rasa reuloh bumoe donya

Na sikeujap jimeureupah Naga tiwah mate fana 'Oh ban mate naga sakti Amarah le Bisnu Diwa

Jipeulheueh panah teuma lagi Geureuda mate keunong cokma Geureuda mate Syahrom marah Beurpanah-panah gop nyan dua

Keudeh keunoe hana tiwah Saban gagah ngon peurkasa Diwa Syahrom beungeh han ban Jieu keunong han Bisnu Diwa

Teuma jicok panah laen Nyang saktian nibak nyang ka Lheueh jigadang teuma panah Laju ateueh Bisnu Diwa

Kakeu dumnan kheundak Allah Silap tangkeh Bisnu Diwa Keunong bak dada beusot u rueng Reubah linteueng mate fana

Bisnu Diwa kakeu mate Jisurak le ngon meutaga Akan raja N eugara Puri Jingadap rame balatatra

Aneuk lhee droepi di sinan Raja laenpi seureuta Mangima Pari bak masa nyan Aneuk ban nampi seureuta

Teuduek ateueh bangun-bangunan Geueu u padang Anta Cahya Bisnu Diwa geueu han le Saket ate dum syeedara

Sujud di gaki doli junjongan Lheueh nibak nyan bak ayahda Ban limong droe ek cong kandran Leugat u padang le geuhala

Jijak mita Diwa Syahrom 'Oh meuteumeung han le haba Taeu jipanah cit ban limong Diwa Syahrom jitheun sangga

Hana sidroe nyang na keunong Panah ban limong hana meuguna Jinoe jibalah Diwa Syahrom Ngon panah nyang sakti raya

Sigo jitarek limong teubiet Pantah ban kilat hana tara Leugat ateueh raja limong Bandum keunong nibak dada

Troh u likot dum sinaroe Hana sidroe nyang tinggai na Jieu le syeedara nyang na sidroe Ri geumanoe ngon ie mata

Kusna Pari namaji nyan Seumbah junjongan Beureuma Diwa Lheueh nibak nyan seumbah ayah Peunoh limpah ngon ie mata

Jiek leugat ateueh kandran Diwa Syahrom jijak mita Akan raja Mangirna Pari Heundak peureugi tuntut bila

Beureuma Diwa han neutem bri Bek peureugi geutanyoe dua 'Oh ka mate raja seukalian Baro teuman geutanyoe ngaza

Teutap 'oh nan Mangirna Pari Hana neubri le Baginda Jinoe teuseubot Kusna Pari Nyang carl bila syeedara

Ban meuteumeung Diwa Syahrom Meunoe jikheun Pari Kusna Wahe pari hoka meung plueng Keunoe riwang wahe raja

Cuba katheun buet jaroe kee Kon ban dilee laen nyoe ka Diwa Syahrom yoh nyan lihat Jieu he bat sidroe jindra

Teuduek ateueh rakata teureubang Bukon bubarang gagah peurkasa Diwa Syahrom peurab keunan Meuhadapan sabe muda

Teuma jitanyong soe nama kah Cuba peugah wahe jindra Kusna Pari seuot pantah Deungo kupeugah he ceulaka

Kusna Pari kee geuboh nan Mahkuta seukalian raja jindra Nyang jeuet kujak .u mideuen prang Kukeumeung reupang takue gata

Seubab kapoh syeedara kee Jinoe kathee kutueng bila Diwa Syahrom deungo meunan Jipanah yoh nyan pantah sigra

Jitangkeh le ngon peurise Patah-pate jeuet keu sira Diwa Syahrom lorn jipanah Apui pantah jeuet le sigra

Kusna Pari yoh nyan balah Deungon panah sakti raya Tadeungo su miseue guroh Meugeureupoh that meutaga

JitangkeJ"t le Diwa Syahrom Su meudeungong hana tara Hu meunyala ateueh peurise Suara tunye that peurkasa

Suara miseue geulanteue plah Raya leupah bunyoe taga Jipanah le Kusna Pari Panah sakti leubeh bak nyang ka

Jimupake aneuk panah Jimeureupah han ban publa Keulam-kabot han peue peugah Sakti meureupah 'ajaeb raya

Na sikeujap jimupoh-poh Talo saboh ka binasa Talo panah Diwa Syahrom Abeh bandum purak-peuranda

Meunang panah Kusna Pari Surak rame hana tara Jipoh rakyat le aneuk panah Nyang siblah Kramawanda

Beungeh raya Diwa Syahrom Panah laen jicok lanja Nyankeu panah sakti han ban Jirasi nan Nilawanta

Nyankeu panah nyang that lanteueh Barangsoe han lheueh 'oh meusua Jipanah ateueh Kusna Pari Jitangkeh le leupah mara

Jibalah le Kusna Pari Panah peureugi u antara Ngon sikeujap jeuet keu parang Ngon tajam dua blah mata

Di antara jitren curam Han jikalon keunong bak dada Nibak dada beusot u rueng Jeumeulueng bulat ngon mata

Jiwa Syahrom sudah mate Hana soe le keu panglima Surak meuhubo hana sakri Bukon rame padang Anta

Akan raja Kusna Pari Rakyat neutadi han ek kira Teuma uroe hampe peutang Geupeh geundrang bandum gisa

Rotdeh rotnoe geumuwoe-woe Geutamong sampoe u dalam kuta Kusna Pari mantong di blang Dang_ geuusong rna yet syeedara

Geupuwoe leugat nyan u dalam Tanom rijang bak beasa Lheueh geutanom ban seupeurti Kusna Pari ngadap raja

Deungon ayah Mangirna Pari Ngadap doli Beureuma Diwa Raja neucom Kusna Pari Salen neubri nyang teurula

Uleebalang meuntroe wadi Rakyat lagi bandum rata Bandum salen rata neubri Raja doli dum karonya

Lheueh nibak nyan teuma dudoe Raja neu woe u istana Deungon laen dum sinaroe Maseng dum woe bak teumpatnya

Mangirna Pari ngon aneuk droe U meuligoe jak bandua Peurmaisuri bri horeumat Duek bak teumpat nyang mulia

Mangi{na Pari dukaan ' that Teuingat akan aneukda ' aneuk nyan ban nam droe Sira neumoe ngon ie mata · Peunnaisuripi moe sajan Seukalian stet ie mata Hana teudoh keusyugolan Uroe malam duka cita Teuduek sinoe habaran nyan Nyoe karangan Kramawanda Jiled keusa kabeh 'oh nan Keudeh sambongan jiled keudua

" .•. -· PN BALM PUSTAKA