KEMENTERIAN PENDIDIKAN, KEBUDAYAAN, RISET, DAN TEKNOLOGI 2024
TIDAK DIPERDAGANGKAN
ANI
KEMENTERIAN PENDIDIKAN, KEBUDAYAAN, RISET, DAN TEKNOLOGI 2024
Hak Cipta pada Kementerian Pendidikan, Kebudayaan, Riset, dan Teknologi Republik Indonesia.
Dilindungi Undang-Undang
Penafian: Buku cerita anak dwibahasa ini disiapkan untuk menunjang pemenuhan buku bacaan bahasa daerah dan Indonesia, khususnya di wilayah Kalimantan Selatan. Buku cerita ini berbasis sains, teknologi, teknik, seni, dan matematika serta kearifan lokal. Buku cerita dwibahasa ini diterjemahkan dan disunting oleh berbagai pihak. Buku ini hadir untuk menambah ilmu dan memperluas wawasan anak-anak Indonesia, khususnya di wilayah Kalimantan Selatan.
MAHAMBIT /
MENGANYAM
Penulis : Ani
Penanggung Jawab : Armiati Rasyid
Penerjemah : Wahdanie Rahman
Penyunting : Hatmiati Masy’ud Siti Alfa Ariestya
Ilustrator : Ade Oktapianor
Tata Letak : Putri Maulida Rahmah
Penerbit
Dikeluarkan oleh
Balai Bahasa Provinsi Kalimantan Selatan Jalan Ahmad Yani Km. 32,2 Loktabat Utara Banjarbaru, 70712 Telepon (0511) 4772641 Faksimile (0511) 4784328 Posel: [email protected].
Cetakan pertama, 2024
ISBN :
Isi buku ini menggunakan huruf Andika New Basic 14, 40 hlm: 21 x 29,7 cm.
PESAN BU ARMI
Halo, Sahabat Bahasa dan Sastra!
KKLP Penerjemahan menghadirkan buku-buku menarik untuk para sahabat bahasa dan sastra di Provinsi Kalimantan Selatan. Buku ini bertujuan menginternasionalkan bahasa dan budaya Indonesia serta mendukung bahan bacaan anak. Kalian dapat membaca cerita-cerita unik dan hebat tentang budaya Kalimantan Selatan. Cerita dalam buku ini mengajak kalian untuk berpikir kreatif, berani mencoba hal-hal baru, berinteraksi dengan alam, dan belajar budaya tradisional. Ilustrasi buku ini juga sangat indah yang akan membantu kalian untuk membayangkan cerita di dalamnya.
Lebih uniknya, buku ini ditulis dalam dua bahasa, bahasa Indonesia dan bahasa Banjar, agar kalian mau belajar dan tetap melestarikan bahasa daerah kalian. Semoga buku-buku ini membuat kalian lebih cinta membaca dan melestarikan budaya daerah.
Selamat membaca!
Kepala Balai Bahasa Provinsi Kalimantan Selatan
Armiati Rasyid, S.Ag., M.Pd.
DAFTAR ISI
Sambutan .................................................................................iii Daftar Isi..................................................................................iv Isi Cerita ..................................................................................1
Acut tinggal di kampung Tambaruntung. Di belakangnya berjejer tumbuh pohon rumbia. Saat angin berhembus, daunnya berbunyi kitikkitik sepanjang hari. Tidak jemu telinga mendengarnya dan kadangkadang diikuti nyanyian burung seperti sengaja mengiringi.
Saat malam, hujan turun sangat deras, sedangkan Acut lagi mengerjakan PR matematika. Pada saat Acut sedang menulis, tiba-tiba air menetes di depannya saat itu. Air hujan membasahi meja dan bukubukunya.
Acut segera memanggil ayahnya yang sedang bekerja di dapur.
“Yah, atap bocor, buku saya basah terkena air hujan,” Acut berteriak memanggil orang tua.
Ayahnya datang mendekat dan mulai melihat ke arah atap. Ternyata lantai memang basah dan atap bocor karena di makan usia.
Acut bagana di Kampung Tambaruntung nang di balakangnya banyak bajijir-jijir tumbuh rapun rumbia. Lamun ditampur angin dadaunannya manimbulakan bunyi kitik-kitik sapanjang ari, kada muyak didangar talinga. Bahahanu taimbai nyanyian burung-burung nang kaya singhaja mairingi.
Malam ari hujan turun liwar labatnya, pas parahatan Acut manggawi PR Matematika. Wayah a`asikannya Acut manulis di buku tulisnya, bakajutan titikan banyu ka hadapannya. Banyu hujan layau mambasahi mija wan buku-bukunya.
Acut lakas mangiyau abahnya nang rahatan bagawian di dapur.
“Bah, … hatap miris, buku Ulun habis kabasahan kana banyu hujan,” Acut bakuciak mangiyau kuitan.
Abahnya datang baparak, laluai maitihi ampah ka atas bubungan. Sakalinya mambadayi basah lantai, hatap miris marga hudah lawas wan japukan dimakan ari.
Hujan tetap deras, dari setelah Isya hingga pukul sepuluh tidak berhenti sama sekali. Acut segera membawa bukunya ke ruang depan. Ia mengambil ember dan baskom kemudian diletakkannya di bawah atap untuk menadah air hujan supaya tidak ke mana-mana.
Hampir tiga kali Acut membuang air hujan yang penuh di ember dan baskom ke luar rumah. Setelah itu, hujan mulai reda. Ibunya Acut mengelap lantai dengan kain bekas baju kaos yang tidak terpakai.
Setelah hujan reda, lantai sudah dilap, Acut berhenti ribut dengan ayah dan ibunya. Acut merasa gelisah. Ia berhenti mengerjakan PR matematika dari gurunya di sekolah. Ia memasukan buku-buku dan peralatan sekolah lainnya ke dalam tas.
Hujan pagun haja manggarabak, matan imbah Isya lacit ka pukul sapuluh kada sing taduhan. Acut lakas bajauh mambawa bukubukunya ka ruang pamukaan. Diambilnya imbir wan baskum, diandaknya di bawah hatap nang miris mananai banyu hujan supaya kada layau.
Imbir wan baskum baisi banyu hujan dibuang Acut kaluar rumah. Sawat talu kali baskum wan imbir hibak banyunya hanyar taduh hujan. Umanya Acut malap lantai wan kain bakas baju kaus kada tapakai.
Imbah hujan taduh, lantai hudah dilap, hanyar ampih abut Acut wan abah mamanya. Acut asa kada karuan, inya bamandak manggawi PR Matimatika suruhan gurunya di sakulahan. Disimpuninya buku-buku wan pakakas sakulah lainnya, dimasukakan ka dalam tas.
Acut ada ide, “Yah, kita punya pohon rumbia, bagaimana kalau kita membuat atap sendiri dan tidak usah beli.”
“Saat hari minggu berangkat ke tanggul untuk menengok pohon rumbia, semoga ada daunnya yang bisa dibuat atap,” kata Ayahnya Acut.
Acut dan ibunya tersenyum mendengar ayahnya berniat akan membuat atap sendiri.
“Baiklah, nanti Ibu membantu memotong, Yah,” kata Ibunya Acut.
Malam sudah semakin dingin, setelah hujan deras. Di luar rumah, angin berhembus tanpa henti menerpa dinding. Mereka bertiga masih ramai berbicara masalah atap.
“Hari minggu saya libur sekolah, saya bisa membantu mengangkut, Yah,” kata Acut menjawab.
Akhirnya, satu keluarga sepakat memotong pohon rumbia sendiri untuk membuat atap. Mereka akan menebang bambu untuk membuat bangkunya dan memotong bemban untuk pengikatnya.
Acut baidabul, “Bah, kita baisian rapun rumbia, jaka kita baulah hatap saurang, kada usah manukar.”
“Isuk ari Ahad tulak ka pamatang manjinguk rapun rumbia, mudahan ada daunnya nang kawa diulah hatap,” ujar abahnya Acut.
Acut wan umanya lihum mandangar abahnya baniat handak baulah hatap saurang.
“Ayuha kaina Uma mandangani mandarap Abah Acut ai,” ujar umanya Acut.
Malam hudah sasain dingin ngarannya gin mantuk hujan labat. Di luar rumah angin mandibur-dibur kada sing rantian maranjah ka tawing. Batalu baranak masih guramaian bapandir sual hatap.
“Ari Ahad Ulun parai akulah, kawa ulun mandangani maangkut, Bah ai,” Acut umpat manyahut.
Ayungannya saparanakan mupakat handak mandarap rapun rumbia saurang gasan baulah hatap. Manabang paring saurang gasan baulah bangkauannya, manatak bamban saurang gasan panjaratnya.
Pagi hari setelah makan, Acut dan orang tuanya berangkat ke tanggul, membawa parang untuk memotong pelepah rumbia. Ibunya Acut membawa bekal air minum dan cempedak goreng. Mereka bertiga berangkat dengan jalan kaki ke daerah rumbia yang tidak terlalu jauh.
Ayah Acut mulai memotongi pelepah rumbia yang daunnya luas dan panjang. Setelah itu, beliau menarik dan menumpuk di tempat yang teduh. Saat puluhan daun rumbia sudah terkumpul, ibunya Acut mulai mengiris daunnya.
Pekerjaan mengiris daun rumbia di pelepahnya disebut mandarap. Tidak menunggu disuruh, Acut langsung menyusun daun-daun rumbia yang sudah diiris oleh ayahnya. Setelah itu, ayahnya mengikat erat menjadi satu dengan tali.
Baisukan sawat imbah makanan, Acut wan kuitannya tulakan ka pamatang, mambawa parang gasan manatak palapah rumbia. Mamanya Acut mambawa sangu banyu gasan nginum wan wadai guguduh tiwadak. Batalu baranak tulakan bajalan batis ka pulau rumbia nang kada talalu jauh.
Abah Acut mulai manataki palapah rumbia, nang daunnya lumbah wan panjang-panjang. Imbahitu dijuhuti, dituyuk sidin di naung. Imbah takumpul bapuluh-puluh palapah hanyar disasap daunnya ulih mamanya Acut.
Gawian manyasap daun rumbia di palapahnya disambat urang mandarap. Kada sarana disuruh, Acut lakas manyusuni daun-daun rumbia nang hudah disasap abahnya. Imbahitu dijarat pisit-pisit ulih abahnya jadi satu kabat wan tali bilaran.
Kemudian ayahnya Acut menebang sebatang bambu untuk membuat bangku. Bambu dipotong dengan gergaji sepanjang tujuh jengkal orang tua. Kemudian dibelah dengan parang sebesar telunjuk dan dibuang bagian kulitnya yang tajam.
Pelepah rumbia juga dipotong menggunakan gergaji dengan ukuran sama panjang. Setelah itu, dibelah dua, di belah kecil-kecil dan jadi panganak. Acut berkeringat mengumpulkan bangkuan dan panganak bikinan ayahnya.
Ibuya Acut selesai mengupas batang bemban untuk tali anyaman. Sudah setengah hari mereka berada di bawah pohon rumbia. Bekal sudah habis. Acut mengajak pulang saat orang tuanya sudah selesai.
Imbahitu abahnya Acut matabang sabatang paring gasan baulah bangkauan. Paring ditatak wan garagaji sapanjang pitung kilan urang tuha. Laluai dibalah dua wan parang, diricih-ricih saganal talunjuk, buangi sambilunya jadilah bangkauan.
Nang kaya itu jua palapah rumbia, ditatak wan garagaji sama panjangnya wan ukuran bangkauan. Imbahitu dibalah dua, diricihricih halus, jadilah ngarannya panganak. Acut tapaluh tumpar mangumpulakan bangkauan wan panganak pakulih gawian abahnya.
Umanya Acut parak tuntung maumih batang bamban gasan diulah tali mahambit. Batangah arian hudah batalu baranak di bawah rapun rumbia. Sangu hudah habis, Acut batagih bulikan pas gawian abah mamanya hudah tuntung.
Sebelum dirangkai menjadi atap, daun-daun rumbia diletakan ayahnya Acut di teras yang teduh. Bilah besar direndam di sungai yang agak kecil supaya tidak ada bubuknya. Potongan tali bemban direndam juga supaya tetap elastis saat dianyam.
Ayahnya Acut melihat ke atas menghitung panjang tulang atap di kali dengan jumlah reng. Setelah itu, beliau tahu berapa bidang atap yang diperlukan.
“Atap rumah kita sudah lapuk karena terlalu lama, lebih baik kita perbarui seluruh atap rumah. Ayah sudah menghitung jumlah yang diperlukan untuk satu rumah adalah 200 bidang.”
“Baiklah, pelan-pelan kita lepas daun rumbia dari pelepahnya, kita anyam supaya atap tidak bocor,” kata Ibunya tersenyum.
“Saya siap saja membantu Ayah dan Ibu mengerjakan atap rumbia,” kata Acut.
Di luar angin terasa dingin dan merupakan pertanda sudah tengah malam, Acut tertidur kelelahan.
Daun-daun rumbia sabalum diulah hatap diandak abahnya Acut di palatar nang naung. Bangkauan dirandam di banyu susungaian supaya kada babubuk. Ricihan tali bamban dirandam jua supaya tatap layat wayah dipakai mahambit.
Abahnya Acut maitihi ka atas maitung panjang tulang bubungan di kali wan jumlah naikan ri`ing. Imbahitu sidin tahu saapa bidang hatap nang diparluakan.
“Hatap rumah kita hudah japuk kalawasan, bagusnya kita hanyari sarumahan. Abah hudah marikin, supaya mayu sarumahan kita maulah hatap 200 bidang.”
“Ayuha bagamatan ai kita rajini mandarap, rajini mahambit, supaya hatap ampih katitikan,” ujar umanya lihum.
“Ulun siyap haja mandangani Abah Mama bagawian ka bawah rumbia,” ujar Acut.
Di luar rumah angin sasain dingin alamat hudah jawuh malam, Acut taguring kauyuhan.
Bilah-bilah besar diangkat dari sungai kecil setelah seminggu direndam. Ibu dan ayahnya Acut akan segera menganyam, supaya atap segera selesai. Hujan sering turun, atap yang bocor terpaksa disisipi dengan daun gandaria.
Ayahnya Acut sudah banyak mengumpulkan daun rumbia yang akan dianyam. Ibunya Acut sudah banyak menyiapkan tali dari bemban untuk menganyam. Acut sering belajar menganyam dengan ibunya saat sedang libur sekolah.
“Bu, ayo kita menganyam, biar cepat selesai, jadi kita bisa segera mengganti atap yang bocor,” kata Acut.
“Kita akan mulai mengayam esok, kata Ayahmu, Nak,” Ibunya menjawab sambil memasak di dapur.
Acut sangat gembira, “Saya akan ikut membantu supaya cepat selesai.”
Bilah-bilah bangkauan diangkit di susungaian imbah hudah saminggu labih dirandam. Uma wan abah Acut cagar balakas mahambit, supaya hatap lakas tuntung diulah. Marganya hujan sasain rancak, hatap nang miris tapaksa disusupi wan daun ramania.
Abah Acut hudah banyak mangumpulakan daun rumbia nang cagar dihambit. Umanya Acut hudah banyak manyiapakan umihan bamban gasan mahambit. Acut sasain rancak balajar mahambit wan umanya wayah parai sakulah.
“Ma, pabila lakasi kita mahambit, lakas tuntung, lakas kita ganti hatap nang miris,” ujar Acut manggasak.
“Isuk ujar abah ikam kita mahambit, Nak ai,” umanya manyahuti sambil bamasak di padu.
Acut kahimungan, “Ulun umpat mandangani supaya lakas tuntung."
Ibunya Acut duduk bersila di teras, di sampingnya ada setumpuk daun rumbia, bilah kecil, bilah besar, dan tali bemban yang sudah dibelah. Beliau mulai menganyam, daun rumbia disusun dua lembar baru dilipat dua sama panjang pada bilah besar. Setelah itu, tali bemban dililitkan pada bilah kecil.
Daun rumbia yang sudah dilipat dirapatkan ditusuk dengan bemban yang sudah ditajamkan ujungnya. Tusukan tali bemban berfungsi menjahit susunan daun rumbia hingga sampai ke ujung bilah besar. Acut memperhatikan ibunya menganyam sampai selesai sebidang atap.
Acut mengambil buku tulis dan pulpen. Ia mencatat langkahlangkah menganyam yang dicontohkan oleh ibunya. Ibunya tersenyum melihat anaknya mencatat cara menganyam sehingga ia cepat bisa menganyam.
Umanya Acut duduk basila di palatar, di higa awaknya batuyuk daun rumbia, bangkauan, panganak, wan tali ricihan bamban. Sidin mulai mahambit, daun rumbia disusun dua lambar hanyar dilipat dua sama panjangnya di bangkauan. Imbahitu tali bamban dililitkan ka panganak.
Daun rumbia nang hudah balipat dirapatakan dicucuk wan bamban nang hudah bacuring hujungnya. Cucukan tali bamban dijalujur ka susunan daun rumbia satarusnya hampai ka hujungan bangkauan. Acut maitihi umanya mahambit hampai tuntung sabidang hatap.
Acut maambil buku tulis wan pulpin, dicatatnya langkah-langkah mahambit nang dicuntuhakan umanya. Umanya lihum maliat anaknya taakal mancatat supaya lakas bisa mahambit. Abahnya umpat jua duduk mahambit di hujung palatar supaya lakas pakulih hatap.
Acut mencatat di buku tulisnya:
Pertama, bilah kecil diikat dulu dengan tali bemban yang di belah dan ujungnya sudah ditajamkan.
Kedua, ambil dua lembar daun rumbia, susun tumpang dengan posisi setengah bagian menutupi bagian yang lain.
Ketiga, letakan daun rumbia pada bilah besar.
Keempat, lipat dua daun rumbia dan tumpangkan posisi ujungnya supaya sama rata.
Kelima, bilah kecil diletakan di atas lipatan daun, dempetkan dengan bilah besar.
Keenam, tali bemban yang dibelah kecil-kecil dan ujungnya di tajamkan ditusukan menembus daun rumbia, kemudian dikembalikan lagi.
Ketujuh, ambil lagi daun rumbia, kemudian disusun sambil dijahit dengan tali bemban yang dibelah.
Kedelapan, saat menjahit, daun rumbia ditekan erat-erat supaya tidak melengket atau menyatu dengan bilah besar dan bilah kecil.
Kesembilan, setelah tali bemban yang dibelah, ditusukkan, dikembalikan, dan tarik ujungnya supaya erat.
Saat daun rumbianya sudah sampai keujung bilah besar, ikat mati ke bilah kecil supaya terjepit.
Proses menganyam sebidang atap selesai.
Acut mancatat di buku tulisnya;
Panambayan/ Asa; Panganak dijarat dahulu wan tali bamban baricih nang hudah bacuring hujungnya.
Dua; ambil daun rumbia dua lambar, susun tumpang saparu.
Talu; daun rumbia andak di bawah bilah bangkauan.
Ampat; daun rumbia dilipat dua tangkupakan sakira hujungnya sama rata.
Lima; bilah panganak andak di atas palipatan daun, rampitakan wan bilah bangkauan.
Anam; tali bamban baricih nang bajarat bacuring hujung tadi cucukakan hampai tambus ka daun rumbia, cucuk bulikakan.
Pitu; ambil pulang daun rumbia tarus disusun sambil dijalujur wan tali bamban baricih.
Walu; wayah manjalujur, daun rumbia dipicik pisit-pisit supaya kada marangkat atawa manyatu wan bilah bangkauan-bilah panganak.
Sanga; imbah tali bamban baricih dicucukakan, bulikakan, tarik hujungnya kuat-kuat supaya pisit.
Lamun hudah hampai ka hujung bilah bangkauan manyusun daun rumbianya, jarat mati ka bilah panganak pisit-pisit gasan panggapit.
Tuntung mahambit sabidang hatap.
Atap yang sudah selesai dianyam disusun dan dijemur di bawah panas matahari. Atap disusun tumpang separo pada bagian ujungnya dengan atap yang lainnya, supaya atap daun rumbia terlihat rapat atau tidak acak-acakan ujungnya.
Apabila bagus anyamannya, maka harga jualnya Rp300.000,00 perbidangnya. Namun ibunya Acut tidak menjual, tetapi menganyam atap untuk dipakai di rumah sendiri. Untungnya ayahnya Acut memiliki pohon rumbia sendiri di dekat tanggul.
Anyaman atap ibunya Acut sangat bagus, oleh sebab itu, ada orang yang tertarik untuk membelinya. Namun, atapnya hanya untuk mengganti atap rumah sendiri yang bocor. Seandainya tidak menganyam sendiri maka terpaksa harus membeli untuk mengganti di rumah sendiri.
Hatap nang hudah tuntung dihambit disusun dijamur di panas matahari. Hatap disusun tindih saparu hujungnya, wan hatap nang lainnya. Supaya hatap daun rumbia kalihatan misra atawa kada jarunggatan hujungnya.
Lamun bagus hambitannya kalu handak bajual payu haja 300 ribu rupiah 100 bidangnya. Tapi umanya Acut kada cagar bajual, atanapi mahambit hatap gasan mamakai di rumah saurang. Untungnya abah Acut ada baisian rapun rumbia saurang di pamatang.
Maliat hatap hambitan mamanya Acut langkar banar, ada ai nang handak manukari. Tagal ham kabalujuran hatap gasan dipakai mangganti hatap rumah saurang nang miris. Jaka kada mahambit rumbia saurang, tapaksa am manukar hatap gasan mangganti nang miris.
Dua ratus bidang atap sudah terkumpul di samping rumah. Hari ini, ayahnya Acut akan mengganti atap rumahnya yang bocor. Adat gotong royong masih kuat di kampung ini. Warga kampung pasti datang membantu apabila ada warga yang sedang memperbaiki rumah.
Ada yang mengambil tangga untuk naik, ada yang membelah bemban untuk mengikat atap ke reng. Ada juga yang mengangkat atapnya, ada juga yang naik di atas atap. Masing-masing berperan mengganti atap rumah ayahnya Acut. Mereka bekerja, bercakapcakap, dan tertawa.
Ibunya Acut sibuk memasak di dapur beserta ibu-ibu tetangga. Ada yang menggoreng ikan, ada yang membuat sayur labu, ada yang merebus air. Seperti halnya bapak-bapak, ibu-ibu juga bekerja sambil bercakap-cakap. Kita akan mudah saat memiliki tetangga yang tidak pelit dengan tulang dan suka menolong.
Hatap hudah 200 bidang labih takumpul diandak di higa rumah. Ari ini abah Acut pacang mangganti hatap rumahnya nang miris. Di kampung ini hudah tabiasa lamun ada nang babaik rumah musti datangan warga handak batulung. Bubuhan lalakiannya masih kuat mamingkuti adat gutung ruyung.
Ada nang maambil tangga gasan naik, ada nang maricih bamban, gasan manjarat hatap ka ri`ing. Ada jua nang maangkatakan hatapnya, ada jua nang hudah mancungkung di bubungan. Sabarataan asingasingnya bagian mangganti hatap rumah abahnya Acut. Rami banar bagawian sambil baricau pandir wan batatawaan.
Umanya Acut aur bamasak-masak di padu wan bibinian tatangga subalah. Ada nang manyanga iwak, ada nang manggangan waluh, ada nang manjarang banyu. Sama kaya bubuhan lalakiannya jua, bagawian sambil barucau bapandiran. Nyaman banar barumah baparakan wan batatangga nang kada pamalar ditulang, katuju batutulungan.
Reng yang lapuk terkena air hujan akan diganti dengan reng baru. Selagi banyak orang yang membantu dan kondisi masih terbongkar, kata ayahnya Acut. Mereka membongkar sampai memasang atap dari pagi hingga menjelang Zuhur. Rumahnya tidak terlalu besar, ukurannya tujuh meter kali sembilan meter.
Ibu-ibu menata nasi, sayur, kobokan, sambal terasi, air teh dan lain-lain. Setelah mencuci tangan, bapak-bapak duduk menghadap sayur dan nasi yang masih berasap. Mereka makan sambil bercakapcakap. Setelah makan, masing-masing berserdawa.
Ayah dan ibunya Acut mengucapkan terima kasih kepada tetangganya yang baik hati. Sayang sekali Acut tidak melihat orang yang gotong royong memasang atap rumah. Acut ingin meminta izin tidak masuk sekolah untuk melihat perbaikan atap rumahnya. Namun ayah dan ibunya Acut tidak mengizinkan supaya tidak ketinggalan pelajaran.
Ri`ing nang japuk kana banyu hujan wan hudah lawas diganti wan ri`ing hanyar. Tampulu babungkar jua wan banyak tanaga mandangani, ujar abahnya Acut. Matan baisukan bagawian mambabak hampai mahatap, parak zuhur hanyar tuntung. Rumahnya kada ganal jua pang, buka pitu kali panjang sanga mitir.
Buhan bibian batatap bakaut nasi wan basusurung gangan waluh, kubukan, sambal acan, banyu tih wan sarabanya. Imbah babasuh tangan, lakas buhan lalakian mahadapi nasi wan gangan nang magun bakukus. Rami banar pulang buhan lalakian makanan sambil barucau. Imbah tuntung makanan kataguman riga.
Abah mama Acut batarima kasih liwar wan tatangganya nang hudah babaik hati. Sayangnya, Acut kada maliat urang gutung ruyung mahatapi rumahnya. Handakai Acut inta ijin kada turun maliat rumahnya dibabak hatapnya. Atanapi abah mamanya kada mambariakan supaya kada katinggalan palajaran.
Pulang sekolah, Acut sangat senang melihat atap rumahnya sudah baru. Ia tidak takut lagi saat belajar di rumah, ada air yang menetes di bukunya.
“Bu, ada bagusnya juga ada air hujan yang menetes di buku saya, atap kita berubah menjadi baru,” kata Acut tertawa.
“Iya, Ayah kamu langsung memotong rumbia,” kata Ibunya.
Pada malam hari, hujan turun dengan lebatnya, Acut kebetulan mengerjakan PR lagi. Rumah Acut sudah tidak bocor lagi. Ia belajar tanpa ada gangguan. Kilat yang menyambar sudah tidak terlihat lagi disela atap yang bocor.
Hanya suara guntur yang terdengar.
Pada malam hari, Acut tidur nyenyak. Ia sudah tidak khawatir lagi air hujan akan menetes ke dalam. Ia bahkan bermimpi mengayuh sepeda baru seperti punya temannya. Saat pagi hari, ia menceritakan mimpinya itu kepada ibu dan ayahnya. “Insyaallah Ayah akan membelikanmu sepeda saat Ayah ada rezeki,” kata Ibunya sambil bersedih.
Bulikan sakulah, Acut kahimungan maliat hatap rumahnya hudah hanyar samunyaan. Inya kada takutan lagi wayah balajar di kamar bukunya katitikan banyu hujan.
“Haan Ma, ada bagusnya jua buku Ulun katitikan banyu hujan, jadinya hatap hanyar,” ujar Acut tatawa.
“Iya am, jadinya Abah ikam lakas mandarap rumbia,” sahut umanya.
Malam arinya hujan labat banar pulang, kabalujuran ha Acut manggawi PR pulang. Rumah Acut kada katitikan lagi, inya nyaman banar balajar kada taganggu lagi. Kilat sambar-manyambar kada lagi taliat di sasala hatap miris. Pada Guntur hingganya nang tadangar gadaguman.
Malam ini Acut guring janak, marganya kada mahatiakan katitikan banyu hujan lagi. Hampai-hampai inya tamimpi manunggang sapida hanyar kaya ampun kawalnya. Wayah baisukan mimpinya nitu dikisahakannya wan mama abahnya. “Insyaa Allah kaina bila abah ada razaki, abah tukarakan,” ujar mamanya sambil marista.
Ibunya sedih saat mengingat Acut bermimpi sepeda baru seperti temannya. Ia ingin sekali membelikan sepeda, tetapi uangnya tidak ada. Pekerjaan ayahnya tidak pasti, kadang-kadang menerima jasa potong rumput, kadang menjadi tukang. Ibunya juga menerima upah bekerja sebagai buruh di sawah.
Untungnya Acut cukup sabar dengan keadaan orang tuanya dan tidak banyak permintaan. Ia rajin ke sekolah, berangkat dengan jalan kaki, dan uang saku tidak banyak seperti teman-temannya. Meskipun demikian, ia selalu juara satu dari kelas satu sampai kelas lima. Gurunya di sekolah sayang dengan Acut dan sering memberi uang untuk menambah uang sakunya.
Ia tidak pernah berkelahi dengan temannya dan banyak mengalah supaya tidak melakukan kesalahan. Acut belajar mengaji dengan guru Basuki dan mendapat dua puluh juz. Ibunya senang sekali, Acut rajin salat ke mesjid mengikuti ayahnya. Saat salat Subuh, ia lebih dulu membangunkan ayahnya untuk segera ke mesjid.
Marista umanya kaganangan Acut baucap tamimpi basapida hanyar kaya ampun kawalnya. Kapingin banar manukarakan sapida, tagal duitnya nang kadada gasan ditukarakan. Abahnya gawian kada manantu, bahahanu maambil upah basiang, bahahanu umpat batukang. Umanya kaya itu jua, maambil upah bagawian ka pahumaan.
Untungnya Acut sabar haja wan kaadaan kuitan, kada tapi banyak pamintaan. Sakulah rajin haja tulak bajalan biar sangu kada banyak kaya kakawalannya. Tagal matan kalas satu hampai ngini kalas lima ringking satu tarus. Gurunya di sakulahan sayang wan inya, rancak inya dibari duit manambahiakan sangunya gasan balanja.
Bamainan wan kakawalan kada suah tahual, inya banyak bakalah supaya kada tasalah. Balajar mangaji wan guru Basuki hudah baulih dua puluh jus. Nang umanya himung banar, Acut rajin sambahyang ka masigit mambuntil mairingi abahnya. Lamun subuh inya nang rahat manggarak abahnya mambawai ka masigit.
Ibunya Acut seringkali menyuruh Acut supaya rajin ibadah. Apalagi saat mendekati bulan Ramadan. Sekali melakukan amal indah, maka pahalanya akan dilipat gandakan oleh Tuhan. Kita akan beruntung sekali apabila bertemu dengan bulan yang mulia ini.
Acut adalah anak yang penurut dengan orang tua, apabila di suruh ia akan langsung mengerjakan perintah. Orang tuanya merasa sangat beruntung memiliki anak satu-satunya yang tidak susah dipelihara. Orang tuanya juga hanya bisa menyuruh saja. Ayah dan ibunya tidak pernah putus mendoakan Acut supaya beriman dan beruntung.
Keluarga Acut tergolong keluarga yang miskin apabila dibandingkan dengan warga di dekat rumahnya. Tempat tinggalnya saja adalah rumah panggung dengan bahan kayu sederhana dan beratap daun rumbia. Tetangga di dekat rumah Acut banyak yang tinggal di rumah beton. Walaupun rumah panggung, tetapi kayunya ulin dan atapnya seng.
Umanya Acut rancak banar batutuduh wan Acut supaya rajin-rajin sambahiyang. Napalagi ni parak banar wan bulan Ramadan, bulan puasa. Sakali baamal ibadah dilipatgandaakan upah pahalanya ulih Tuhan. Untung banar lamun ditamuakan pulang wan bulan nang mulia ngini.
Acut anak pamaasian dipadahi kuitan, lamun disuruhi lakas manggawi. Kuitan asa bauntung banar baisian anak saikungannya nang kada ngalih digaduh. Kuitannya kada sakadar batutuduh wan muntung haja pang jua. Uma abahnya kada pagatnya imbah sambahyang mandu`aakan Acut supaya baiman bauntung batuah.
Kaluarga Acut ni taitung kaluarga nang miskin lamun diindaakan wan warga di parak rumahnya. Kaganaan haja rumah panggung bahan kayu sadarhana bahatap daun rumbia. Tatangga-tatangga parak rumah Acut banyak rumah batun. Biar rumah panggung jua tagal kayunya ulin hatapnya sing.
Setelah makan siang, Acut dan ayahnya duduk di teras sambil berkipas karena gerah. Acut teringat saat memotong daun rumbia di tanggul. Untungnya mereka memiliki pohon rumbia peninggalan nenek moyangnya zaman dahulu. Ibunya juga bisa membuat daun menjadi atap.
“Ibu belajar membuat atap di mana, Bu?” Acut bertanya.
“Zaman dahulu, Ibu belajar dengan Kakekmu,” kata Ayahnya.
Acut terdiam mendengar jawaban ayahnya, ibunya tersenyum sambil membersihkan piring bekas makanan.
“Orang membuat atap daun rumbia karena kepanasan dan kehujanan. Kebetulan di daerah tempat tinggal banyak pohon rumbia, lalu ada ide menggunakan rumbia. Nah, itulah yang dinamakan teknologi pedesaan.
Tuntung makan siang, Acut wan abahnya dudukan di palatar sambil bakipas-kipas kahumapan. Acut kaganangan wayah bagawian mandarap daun rumbia di pamatang. Untung banar baisian pulau rumbia, paninggalan padatuan bahari. Untung banar pulang umanya bisa maulah daun jadi hatap.
“Wan siapa Pian balajar baulah hatap, Ma?” Acut batakun.
“Pahin bahari Uma ikam balajar baulah hatap wan Kayi ikam,” ujar abahnya manyahuti.
Acut tacaragal mandangar abahnya manyahuti, umanya lihum sambil basisimpun piring bakas makanan.
“Urang baulah hatap daun rumbia pamulaan tapikir lantaran kapanasan kahujanan. Kabalujuran di wadah paganaan banyak rapun rumbia, laluai tapikir. Nah, ituti disambat urang wayahini tiknulugi padisaan.
Saat asik berbicara di teras, Haji Idak datang dan berkata,
“Ayahnya Acut, aku akan membuat kandang ayam pedaging. Buatkan atap 400 bidang.” kata Haji Idak.
“Bagaimana, ya? Daun rumbia kami sudah banyak yang di potong, apakah cukup untuk membuat sebanyak itu?”
“Apabila daun rumbiamu tidak cukup, kamu potong daun rumbia punyaku. Kemudian kamu hitung berapa biayanya.”
Abah Acut sangat gembira karena mendapatkan pekerjaan besar yang tidak disangka-sangka.
Ayah dan ibunya Acut bersemangat bekerja memotong rumbia lagi. Rumbia ayahnya Acut cuma beberapa pohon karena sudah banyak di potong. Ayahnya Acut terpaksa pindah ke tempat rumbia Haji Idak yang tidak jauh lokasinya. Pembagiannya adalah dua pertiga yang mengerjakan dan sepertiga yang memiliki lahan.
Ayahnya Acut sangat beruntung sekali karena mendapatkan atap empat ratus bidang. Ia berupaya menolong tetangga dan juga mendapatkan uang yang sangat banyak. Ibunya Acut sangat bersyukur mendapatkan rezeki yang banyak. Ayahnya Acut tidak pernah mendapatkan uang sebanyak itu.
Wayah asik bapandiran di palatar, datang Haji Idak mamandiri.
“Abah Acut, aku pacang baulah kurungan hayam padaging, ulahakan am hatap 400 bidang,” ujar Haji Idak.
“Umai, rumbia kami hudah banyak didarap, mayu juakah saitu banyaknya.”
“Lamun kada mayu rumbia ikam, mandarap rumbiaku itung ha barapa ungkusnya.”
Abah Acut kahimungan kada disangka-sangka baulih gawian malaran ganal.
Napangada cangkal banar abah mama Acut bagawian mandarap pulang. Rumbia abah Acut tatinggal babarapa rapun haja lagi marga hudah banyak didarap. Abah Acut tapaksa baugah ka pulau rumbia Haji Idak nang kada jauh andaknya. Itungannya dua par tiga bahagian nang manggawi, sapartiga bahagian ampun rumbia.
Abah Acut asa untung banar marganya baulih hatap maampat ratus bidang. Salagian kawa manulungi tatangga, salagian bapakulih duit banyak banar. Basukur banar umanya Acut baulih razaki ganal. Kada biasanya abah Acut baulihi duit sabanyak ngitu.
Pada siang hari, Haji Idak datang memberikan uang satu juta lebih. Ayahnya Acut sangat senang menerima uang hasil keringatnya. Bagaimana tidak senang, hasil kerja beliau biasanya hanyalah dua ratus ribu. Hasil tersebut hanya cukup membeli keperluan dapur dan belanja Acut selama sehari atau dua hari.
Aneh, rumah keluarga Acut pada malam itu sunyi, tidak ada suara. Biasanya terdengar suara pembicaraan mereka bertiga setelah pulang dari mesjid. Padahal siang tadi baru menerima uang satu juta lebih dari Haji Idak. Kira-kira mereka terkejut merasa kaya dan bingung.
Acut tidak terdengar suaranya karena sudah tidur setelah selesai mengerjakan PR. Ibunya juga tidak ada suaranya karena ingin membeli panci baru, tetapi takut tidak diizinkan oleh ayahnya Acut. Ayah juga tidak ada bunyinya karena ingin membeli sendal baru, tetapi takut tidak diizinkan ibunya Acut. Menjelang Subuh, mereka tertidur.
Siang arinya Haji Idak datang mailangi maunjuk duit sajuta labih. Abah Acut himung liwar manarima duit pakulihan titik paluh. Kaya apa kada himung, sidin biasanya pakulih bagawi paling banyak dua ratus ribu. Nang mayu gasan sahari dua hari, gasan nukar pakakas dapur wan balanja Acut.
Anih, … malam arinya dalam rumah kaluarga Acut sunyi, kadada tadangar bapandiran. Biasanya imbah bulik di masigit kadangaran pandir guramaian batalu baranak. Padahal siang hintadi hanyar diunjuki Haji Idak duit sajuta labih. Bisa jua kikira takajut asa sugih manggasut, laluai asa bingung.
Acut kada tadangar pandirnya marga hudah guring imbah tuntung manggawi PR. Umanya jua kada sing suaraan, handak nukar panci hanyar, tagal kalu ditangati abah Acut. Abahnya jua kada sing bunyian handak nukar sandal hanyar, tagal kalu ditangati umanya Acut. Parak subuh ari badudua mata kilip-kilip haja taguring jua.
Saat Acut sekolah, ibunya Acut berbicara kepada ayahnya.
“Saya ingat cerita Acut, ia bermimpi naik sepeda seperti punya temannya.”
“Nah, bagaimana apabila uang hasil menjual atap kita belikan sepeda untuk Acut.”
Ibunya sangat setuju, tetapi yang jadi pikiran adalah uang untuk membeli sepeda. Apabila sepeda baru, maka harganya akan mahal. Akhirnya, ayahnya Acut membeli sepeda bekas saja.
Wayah Acut di sakulahan, umanya Acut baucap kanu abahnya Acut.
“Ulun kaganangan Acut bakisah, inya bamimpi manunggang sampida nang kaya ampun kawalnya.”
“Nah, lamun kaya nitu duit pakulih bajual hatap kita tukarakan ka sampida gasan Acut.”
Umanya katuju banar, tagal nang jadi pikiran mayu kadanya gasan sabuah sampida. Lamun sampida nang hanyar larang haraganya, bisabisa kada mayu. Ayungannya abah uma Acut sapakat manukar sampida nang hudah bakas dipakai urang haja.
Abahnya Acut berangkat ke kota membawa uang satu juta hasil menjual atap. Ia berjalan di pasar dan bertemu dengan orang yang berjualan barang bekas. Ayahnya Acut mendapat beberapa pilihan sepeda anak-anak yang sudah dipakai orang.
“Alhamdulillah,” kata ayahnya Acut tidak repot menawar harga dan akhirnya sepakat. Ayahnya Acut pulang naik becak membawa sebuah sepeda anak-anak yang cocok untuk anaknya. Saat tiba di rumah, Acut tidak ada karena masih belum pulang sekolah.
Pulang sekolah, Acut sangat senang melihat sepeda berwarna merah yang pas untuk dirinya. Acut naik sepeda berkeliling halaman rumahnya dan lupa dengan tas sekolahnya yang digendong di belakang. Acut tertawa sangat senang.
Abah Acut tulak ka kuta mambawa duit sajuta pakulih bajual hatap. Kujuk-kujuk di pasar ayungannya batamuan urang nang bajualan pakakas bakas. Diliat abah Acut ada babarapa buah sampida kakanakan nang hudah bakas dipakai urang.
“Alhamdulillah,” ujar abah Acut kada ngalih-ngalih batatawaran haraga lakas haja tarukui. Abah Acut bulik babica mambawa sabuah sampida kakanakan nang sadang gasan anaknya. Hampai di rumah Acut kadada, inya balum bulikan sakulah.
Bulik sakulah Acut kahimungan liwar maliat sampida bakalir habang nang sadang wan awaknya. Acut manunggang sampida bakuliling halaman rumahnya, kada ingat wan tas sakulahnya pagun basandang di balukuk. Acut tatawa-tawa kahimungan liwar sambil maninjak sampidanya.
H
ISTILAH KHUSUS
1. Bangkaaun: Bilah agak besar terbuat dari bambu sebagai tulang utama membuat atap rumbia
2. Panganak: Bilah kecil terbuat dari pelepah rumbia sebagai tulang pelengkap membuat atap rumbia
3. Mahambit: Proses mengolah daun rumbia menjadi atap
4. Mandarap: Melepaskan daun-daun rumbia dari pelepah
5. Maumih: Proses membuat tali dari batang bamban
6. Misra: Rapi
BIODATA PENULIS
Ani, S.Pd. kelahiran 07 februari 1992 di Desa Pematang Karangan Hulu, Kecamatan Tapin Tengah, Kabupaten Tapin. Penulis bersekolah di SDN Pematang Karangan Hulu. SMPN 1 Tapin Tengah pada tahun lulus 2007 dan tamat dari SMAN 1 Rantau pada tahun 2010, setelah itu melanjutkan lagi di STKIP PGRI Banjarmasin tahun lulus 2014. Kemudian
setelah lulus kuliah bekerja di SMPN 1 Tapin Tengah selama kurang lebih 5 tahun sebagai GTT, kemudian pada 2022 bekerja lagi di instansi lain di SMPN 2 Rantau sebagai GTT.
Acut anak kampung Tambaruntung. Dia merasa terganggu saat belajar, karena atap rumahnya bocor. Rumahnya sederhana beratap daun rumbia yang sebagian sudah tua dan lapuk. Acut kelas 5 SD, ia tinggal bersama kedua orang tuanya. Keluarga Acut hidup sangat sederhana, namun Acut tidak rendah diri. Suatu hari Acut berniat mengganti atap yang bocor. Acut diajak mahambit, yaitu mengumpulkan daun rumbia untuk dibuat atap. Akhirnya atap bocor diganti dengan atap rumbia yang baru buatan sendiri. Acut belajar dengan tenang dengan atap daun rumbia yang baru.