KELAS 4—6 Abdul Latief Apriaman
DOE NEGARE
ENDEQNE TEJUAL
GEGANDEK SAKTI UMAR MAYE
Penulis Abdul Latief Apriaman
KANTOR BAHASA PROVINSI NUSA TENGGARA BARAT
GEGANDEK SAKTI UMAR MAYE
Penulis : Abdul Latief Apriaman
Penyunting : Safoan Abdul Hamid
Ilustrator : Dian dan Hary
Penata Letak : Lalu Ade
Teterbitan leq taon 2022 siq
Kementerian Pendidikan, Kebudayaan, Riset, dan Teknologi
Jalan Jenderal Sudirman, Senayan, Jakarta Pusat
Hak Cipta Tejagaq siq Undang-Undang
Selapuq atawe sebagian isi buku niki endeqne kanggo tepelueq dalam bentuq napi juaq lamun endeq araq izin tertulis lekan penerbit, kecuali tekutip jari keperluan nulis artikel atawe karangan ilmiah.
KATA PENGANTAR KEPALA KANTOR BAHASA NTB
Puji syukur tepade panjatan tipaq Tuhan Saq Maha Esa sengaq atas berkat dait rahmat-Ne, Kantor Bahasa Provinsi Nusa Tenggara Barat bau nerbitan buku cerite kanak niki. Cerite kanak niki tebait leman naskah pemenang Sayembara Penulisan Bahan Bacaa Literasi Berbahasa Daerah untuk Jenjang PAUD kance SD jari program Penerjemahan Kantor Bahasa Provinsi Nusa Tenggara Barat tahun 2022.
Program niki teselanggaraan adeqne araq bahan bacaan saq berkualitas tipaq murit-murit SD kance PAUD. Salaq sopoq syarat bahaan bacaan kanak saq berkualitas yaqni arusne manarik adeqne bau dorong minat bace kanak. Selain nike, cerite kanak niki bedoe ciri khas yaqni bedoe muatan kearifan lokal leqan daerah Lombok, Sumbawa, atowe Bima.
Buku niki jari salaq sopoq ikhtiar Kantor Bahasa Provinsi NTB adeqne tersedie bahan bacaan literasi leq masyaraqat, khususne leq duniq pendidikan dait komunitas literasi leq Provinsi Nusa Tenggara Barat. Araq sepulu judul cerite saq tetulis kadu base daerah, yaqni 5 cerite base Sasaq, 3 cerite base Samawa, dait 2 cerite base Mbojo. Kesepulu cerite nike yaqni Kalembo Ade (bahasa Mbojo, Siti Mariyam), Tutir Aji Deris (bahasa Samawa, Hadrianti), Nyale Leq Tian Manusie (bahasa Sasaq, Wasilatul Jannah), Kenjarian Sengak Sili (bahasa Sasaq, Rohimah), Kapempe Kasato Labo Kaqo Sutra (bahasa Mbojo, Ruslan Ajileo), Gegaendeq Saqti Umar Maye (bahasa Sasaq, Abdul Latief Apriaman), Keliang-keliang Gunung Sempiak (bahasa Sasaq, Lalu Mungguh), Denta ke Beker Subu (bahasa Samawa, Ria Saputri), Dende Mirah Buaq Ate Kembang Mate (bahasa Sasaq, Yulia Isfandiari Mahardhan), dan Cung Kamuru (bahasa Samawa, Mahyut Z.A. Dawari). Kesepuluh cerita tersebut diterjemahkan ke dalam bahasa Indonesia oleh sepuluh penerjemah, yaitu Persahabatan Ali dan Emo (Nurul Fadilah), Cerita Haji Deris (Ritha Nur Oktovika), Nyale di Perut Manusia (Nur Ipadatul Amili), Parah Karena Merah (Lalu Abdul Fatah), Kupu, Belalang, dan Ulat Sutra (Agus Setiawan), Tas Sakti Umar Maye (Lalu Muhammad Gitan Prahana), Elang-Elang Bukit Sempiak (Muhammad Shubhi), Denta dan Beker Subuh (Nensy Suarti Sartika), Denda Mirah si Buah Hati (Arianto Adipurwanto), dan Cung Si Pencemburu (Wildan Nurhayatun).
Cerite leq dalem buku nike teharepan bau bangun imajinasi dait kompetensi berpikir kritis dait ngembangan kreativitas dait ketajaman intuisi, yaqni komunikasi dait kolaborasi jadi syarat keahlian irup leq abad 21. Tiang pade ngucapan terima kasih saq tulus tipaq Kepala Badan Pengembangan dan Pembinaan Bahasa dait selapuq pihak saq bedoe kontribusi leq dalem penyusunan buku ini maraq misal pengarang, penerjemah, penyunting, dari panitia Kantor Bahasa Provinsi NTB. Tiang pade beharep buku cerite niki bau jadi sumber bacaan bermanfaat tipaq murit-murit jenjang PAUD, SD, masyaraqat Nusa Tenggara Barat dait selapuq masyaraqat Indonesia. Semoga buku ini bemanfaatan jari bangun budaya literasi dait nyerdasan kanakkanak bedasar Profil Pelajar Pancasila. Selamat membaca!
Dr. Puji Retno Hardiningtyas, S.S., M.Hum.
SEKAPUR SIRIH
Buku cerite saq Pelungguh bace niki tebait langan kesah saq araq leq wayang Sasak. Tokoh Umar Maye leq wayang Sasak sanget siqne tepercayaq siq Datu Jayeng Rane. Kesah Gegandek Sakti Umar Maye niki jari bukti lamun dengan laeq wah bedoe imajinasi entan ape yaq tedait leq jelo mudi. Jaman internet ne wahne pade ramal siq dengan toaqte laeq.
Araq perajahan penting saq bau tebait langan kesah niki. Endaq pade takut ngimpi, endaq takut berimajinasi. Laguq endaq lupaq endah pade berajah pacu-pacu adeqte pade bau senjariq impiante, imajinasinte. Saq endeq kalah pentingne, ite pade endaq lupaq eleq budayente. Budaye pengadeq-adeq papuq baloqte. Berajah saq pacu, berimajinasi, dait jagaq budaye nike adeqne jari bekel te idup leq mbe-mbe zaman, termasuk zaman teknologi internet niki.
Penulis
Daftar isi
Kata Pengantar Kepala Kantor Bahasa Provinsi NTB ...... iii Sekapur Sirih .................................................................. iv Daftar Isi ......................................................................... v 1 Gegandek Sakti Umar Maye ........................................... Biodata Penulis ............................................................... 26 Biodata Penyunting ........................................................ 27 Biodata Ilustrator ........................................................... 28
Gegandek Sakti Umar Maye
Dinde, Nune, dait batur-baturne pade ngumpul leq sangkok dalang Papuq Meriyun inggas sembahyang Ise. "Pade tokol pacu-pacu. Kelem ni yaqku ceritaqan Gegandek Umar Maye dait asal mule internet leq dunie," Papuq Meriyun mulai ebase.
4
Kanak-kanak pade tedoq sengaq yaqne pade dengah cerite. Papuq Meriyun sugulan wayang Umar Maye lekan gerobak, terus mulai becerite.
Kocap cerite, Kedatuan Puser Bumi tekepung isiq musuh saq santer loeqne. Timuq, baret, lauq, daye langan dateng. Yaqne beriuk serang Datu Jayeng Rane dait rakyatne.
7
!?! 8
Umar Maye endeqne tao serminan berembe yaqne rue Kedatuan Puser Bumi lamun teserang siq musuh saq meno keloeqne. Ngoneq nie mikir berembe entan bau selametan Datu Jayeng Rane dait rakyat Kedatuan Puser Bumi. Lamun nie yaq ngelawan, keruan entan yaq kalah.
"Endeqne araq care lain. Teseboq doang carene," Unin Umar Maye sambil sugulan gegandekne. Beterus siqne lepit Kedatuan Puser Bumi. Nie temaq dait seboq leq dalem gegandek.
? ? 12
Selapuq musuh tinjot. Kedatuan Puser Bumi telang. Endeqne araq ape-ape siqne pade dait, sepi mimit dait suwung. Kedatuan Puser Bumi selung-selung telang, teseboq leq dalem gegandek Umar Maye. "Embe laine Kedatuan Puser Bumi, angkaqne telang?"
Kanak-kanak pade bengaq, "Sakti endih Raden Umar Maye?!" "Aoq, ye mule sakti," basen dalang Meriyun, "Umar Maye saq ngelepit kedatuan beterusne tamaq jok gegandekne. Pade maraq dunie saq telepit, maraq dunie leq dalem laptop. Selapuq araq leq dunie maya."
6 0 J 0 1
J o
"Terus berembe entante mauq gegandek Umar Maye nike adeqte milu sakti, Papuq?" Nune beketuan.
"Gegandek Umar Maye araq sopoq leq wayang Sasak taoqne. Lamun sidepade mele sakti maraq Umar Maye dait bau nguasain dunie, pade pacu-pacu entan berajah," Papuq Meriyun bebase, "Selapuq ape nane wah bau teperajahin leq internet."
"Selapuq de masih bau sakti maraq Umar Maye, nguasain dunie, asal side pade mele perajahin teknologi internet tie. Laguq lamun side endeq pacu-pacu berajah, yaq de pade tekuasai siq dunie," basen Puq Meriyun.
19
"Laptop, dait handphone santer siqne pinter. Lamun side kadu jari main game dait mboye doang, endeq araq kenene. Endeqde yaq mauq ape-ape. Ye saq tekene kecanduan internet" teges Puq Meriyun, "Endaq sampe handphone dait laptopde doang saq pinter, laguq side pade tetep bodo,"
Wah sekene kelem. Papuq Meriyun ingetan kanak-kanak aruan pade oleq. "Nane pade oleq. Lemaq yaq de sekolah," basen Puq Meriyun, "Inget, kanggo de pade sakti dait ceket leq teknologi laguq endaq lupaq ibadah, bakti leq dengan toaq, dait adeb budayente jari dengan Sasak."
23 oOO 24
Dende, Nune, kance batur-baturne besalaman dait siduk ime Puq Meriyun. Beterus niepade oleq sambil bekhayal jari Umar Maye saq sakti mandregune.
BIODATA PENULIS
Abdul Latief Apriaman, kanak Sasak, teanakan leq Praye laguq beleq leq Kekalik, Mentaram, Nusa Tenggara Barat. Anak kelime pasangan Hj. Baiq Tasnim dait H. Zaini, B.A. niki percaye selapuq dengan nike guru, dait selapuq taoq leq dunie niki madrasah. Ye ampoqne sampe nani nie masih jari mahasiswa abadi “Universitas Gumi”.
Pegawean utemene jari wartawan dait dosen ilmu jurnalistik leq kampus UIN Mataram. Latief ato Long—meno ye biase tempoh—bareng seninaqne (Pikong) dait batur-baturne taun 2015 piaq Sekolah Pedalangan Wayang Sasak (SPWS), taoqne berajah jagaq seni tradisi saq mulai endeq tepelengaq siq masyarakat leq zaman modern niki. Sengker nane, SPWS masih terus berupaye berembe entan wayang Sasak tetep bau idup leq zaman digital, dait tekangen isiq masyarakat loeq, terutame masyarakat Sasak.
BIODATA PENYUNTING
Safoan Abdul Hamid, S.Pd., teanakan leq Bilatepung, 31 Desember 1974. Nie jari staf leq Kantor Bahasa Provinsi NTB lekan taun 2007 sampe mangkin. Pendidikan terakhirne S-1 Pendidikan Bahasa Inggris, FKIP, Universitas Mataram. Mangkin, nie jari Penerjemah Ahli Muda leq Kantor Bahasa Provinsi saq araq leq Jalan dokter Sujono, Kelurahan Jempong Baru, Kecamatan Sekarbela, Kota Mataram, Provinsi Nusa Tenggara Barat.
Safoan Abdul Hamid endot leq Bilatepung, Desa Beleke, Kecamatan Gerung, Lombok Barat. Nie bau tehubungin kadu alamat pos-el [email protected] dait nomor ponsel 08175754286. Nie bedoe pengalaman nyunting wewaran saq bejudul Medang Sekar (2021) dait Cerita Rakyat Mbojo (2021). Penyunting sampun milu Pelatihan Penyuntingan Cerita Anak (2022).
BIODATA ILUSTRATOR
Dian dait Hery. Niepade endot leq Gunung Sari, Lombok Barat. Pendidikan terakhir Dian S-1 Desain Komunikasi Visual leq Universitas Bumigora. Taun niki Dian berumur 23 taun. Pendidikan terakhir Hery yaqni S-1 Teknik Informatika leq Universitas Bumigora. Taun niki nie berumur 33 taun. Sengaq nie hobi begambar, piaq nie terus bekarye khususne buku cerite kanak-kanak. Niepade bau tehubungin kadu [email protected] atu heryprayadi@gmail. com.
Kementerian Pendidikan, Kebudayaan, Riset, dan Teknologi Jalan Jenderal Sudirman, Senayan, Jakarta Pusat Laman: www.kemdikbud.go.id