Baca PDF (OCR): Pangkataion ni Si Soengkoen dohot Si Aloes

Wason53 PL 5244

P19 PANGKATAION SI SOENGKOEN SI ALOES ni. dohot

UITGAVE VAN DE COMMISSIE VOOR DE VOLKSLECTUUR Nirongkom di pangarongkoman BALE POESTAKA .

UNIV THACA,NY.

PL5244 Wason Pig 1

CORNELL UNIVERSITY LIBRARY CORNELL NIVERSITYCONNI UNDEDB

Serie uitgaven door bemiddeling van de Commissie voor de Volkslectuur No. 453

PANGKATAION ni SI SOENGKOEN dohot SI ALOES Nirongkom di pangarongkoman BALE POESTAKA . DRUKKERIJ VOLKSLECTUUR WELTEVREDEN 1922 .

,,,A SO bo na ala djo dak AL I na par pan sab T ma ang mag

I. Na moroendjoek .

Di na rap mordalan sahali SI SOENGKOEN dohot SI ALOES, djonok ma nasida toe sada hoeta . Diida nasida ma torop dakdanak di bahal ni hoeta i djala dibege nasida do godang soara ni na oroek dibagasan hoeta i.

Doeng i didok SI SOENGKOEN ma toe SI ALOES : „Aha do oelaning na masa di hoeta on, oembahen torop na oroek disi begeon ?" songon i

Didok SI ALOES mangaloesi : „Ahoe pe, 'ndang hoeboto i ! Mene ma djolo hoesoengkoen angka dakdanak na di lamboeng bahal on! "Atehe pedan ! Aha do alana, oembahen na songon i torop angka soara ni djolma na oroek i begeon di hoeta ?"

,,Na mangalap boroe do hami toeson !" ninna dakdanak i mangaloesi . „ Bo , i do hape ?!" ninna Sr ALOES .

Doeng i didok SI ALOES ma toe SI SOENGKOEN : „ 0, na pamoeli boroe do hape disi ! Songon i do antong pangalahona torop ma halak ro toesi tinogihon ni pangoli , i ma angka radja , angka ina , angka donganna saboetoeha ro di angka siporboroeonna .

Torop moese do nang na tinogihon ni porboroe , i ma angka donganna saboetoeha , tondongna , radjana, angka sidjalo djambar ro di angka anakboroe , dongan magodang ni boroe sipamoelion i . Sipata do toemorop halak, angka tinogihon ni porboroe asa angka na tinogihon ni poranak, ai didjooe do sipata angka radja donganna samarga , songon i dohot angka ina , tole hoehoet ala laos di hoeta ni porboroe i do na moroendjoek i. Ala ni toropna i do oembahen na patoengongo i begeon .

Dibege ho do i ? Adong na manaringoti pordjomoehan , adong na mangido indahan , adong moese na mandok hoerang lompan . Na laho mangan ma hoeroha nasida ".

SI SOENGKOEN : 77Ia doeng na laho mangan , ba, boasa ma pola songon i nian oroekna ?"

SI ALOES : 27Leak ma da, antong , songon i oroekna , ai na sai torop silehononna mangan ! Toeng holan , pordjomoehan djolo lehononna toe ganoep djolma na disini , noenga godang na mandjooei , mandok : „ Pordjomoehan , pordjomoehan , ale !" Ba , so piga pordjomoehon mortimbangkon torop ni djolma . Toepa laos so mordjomoek do sipata na deba , ala ngolngolan paimaimahon . Dipangganoephon do indahan dohot djoehoet i toe ganoep panganan . Djotdjotan do otik be djoehoet i dibahen ; indahan i pe , sipata do hoerangan na deba , alai lobian ia na deba .

SI SOENGKOEN : „Ala doeng torop silehononna mangan , ba boasa ma songon i oroekna ; ai 'ndang torop porhobas ?"

,,Olo , torop do nian porhobas , ai soede SI ALOES : ne do dongan ni porboroe i morhobas ; alai toropan do angka porhobas i masisarihon toe dirina be, gabe laos dohot nasida rap mangan dohot na torop i.

Aoet adong ma nian dibahen manang piga doli -doli morhobas , morgoeroe toe torop ni djolma na ro i, holan na marhobas sambing oelaonna , oenang rap mangan nasida dohot na torop i , 'nda soemonang ma nian?! Anggo i , 'ndada songon i dibahen . Angka panganan pe, hoerang do sipata ; doeng pe rade indahan , asa laho mangaloeloei panganan deba nari toe djaboe ni na asing manang toe hoeta na doemonok . Ba, aha ma so goentoer songan i ? !"

SI SOENGKOEN : ,,Ai beha , morsada -sada halak do mangan di ganoep pinggan djala mordoea -doea halak sasaporlompanan ? Panganan i pe , 'ndada djoemolo rade hian i dibahen ?"

SI ALOES : ,,Sada sada nimmoe , sapanganan ? A, didia ma i ?! Toeng haganoepansa ma i soede ? Toeng morlima -lima halak pe sasapanganan , aoet ganoep toeng soera , noenga na oeli . Anggo pala panganan disi : andoeri do deba , ampang deba , ba sapa na bidang molo adong , tandok ; doeng i boeloeng gaol do deba diboeat asa toek panganan .

Anggo na morpanganan pinggan , soehoet poranak ma i dohot radjana , ba radja ni soehoet porboroe . Ia toeng toek manang piga nari , tar toe na soemangap na asing ma i dilehon ; intap i do. Toroptorop do sasapanganan di andoeri manang di ampang , morgoeroe toe siatna do mangkaliangisa . Morporlompanan di pinggan do toetoe anggo na deba , alai angka na soemangap ma i djala goemodang ma djoehoet i hoehoet disi . Anggo di angka halak natorop i do , toe atas ni indahan i sambing do dibahen lompanna ; toepa do holan santanggo be di gañoep halak .

Alai oembahen songon i pangalahona , 'ndada piga pinggan dipeop ganoep ripe ; haroe i , naoeng lam adong ma i noeaeng , doeng ro angka sibontar mata toe hita on, ai noenga boi hita manoehor angka pinggan dohot angka mangkoek sian angka toko . Ianggo nahinan, dibaritahon angka natoea -toea , toepa do sada manang doea pinggan sambing di sada hoeta ; doengkon ni i, sapa sambing nama . Asa nang nidok : dirade hian, toeng na so tarbahen do toek, anggo toeng morsadasada halak di ganoep panganan di oelaon sisongon i.”

SI SOENGKOEN : ,, Bo , songon i do hape ?! Beha, ia na nidokmi , toetoe do santanggo be lompan i di sasahalak , anggo djolma na torop i do ? Anggo didok rohangkoe : 'ndang na toetoe i, ai naoeng dirade soehoet i hian do djoehoet sae ingkaoe ni na ro . 'Nda songon i ?”

SI ALOES : „Olo ; dirade hian do nian toetoe ! Alai 'ndada sai diboto godang ni na ro, asal diagak -agak sambing do . Ia na sai ma tartoehor soehoet i babi , horbo manang lomboe , ba holan i ma dipatoere . Haroe i, 'ndada soede i dibahen lompan ni na ro i , dipasoehi do anggo angka na morgoarna ; doeng i angka djambar ni porhobas i pe , ba diboeat angka pande djoehoet i do i ; ba aha ma so lam moroear ?! Asa godang do sian djoehoet i, na so gabe lompan di natorop i . Alai molo na mora toetoe soehoet poranak i dohot soehoet porboroe , olo ma goemodang djoehoet panganon ni halak na ro toesi , ai olo ma i mamboeat pinahan na oembolon manang toemorop pe , asa toek panganon ni na ro. Asa ia toek bahenon ni soehoet na doea i djala dos hoehoet rohanasida , toepa do lomboe manang hor bo diboeat nasida . asa mahap soede na ro i morlompan djoehoet ".

SI SOENGKOEN : Dipasoehi do ianggo angka na morgoarna , nimmoe nangkin ; angka dia ma hoeroha na morgoarna? "

SI ALOES : „Ianggo i, bege , asa hoepatorang ! Ihoerihoerna ma sada , i ma atas ni ihoerna morgoeroe toe gandjang ni pangoeitna ma i diponggol , ba djambar ni soehoet porboroe ma i ; dipambagihon ma i deba toe hahana manang toe anggina manang toe donganna saboetoeha .

Doeng i osang -osangna , i ma djambar ni radja ni porboroe . Doea na morngingina : sada ma i lehonon ni poranak toe radjana, na sada nari djambar ni hampoeng . Aliang -aliangna pe, laos djambar ni porboroe do i , sibagihononna toe donganna saboetoeha manang toe hoela -hoelana .

Doeng i oepa manamboli , i ma 'deba roesoek ni babi i, ba laos porboroe do parishon i toe donganna saboetoeha , ai sian nasida do panamboli . Poesoe -poesoe ni babi i pe dohot piana, laos djambar ni porboroe do .

Godang dope nian angka na morgoarna na asing , alai 'ndang sai tarpadjodjor-djodjor i soede . 'Nda godang ma angka remeng -remengna ?!

Poelik dope dibahen sibahoee , toeng metmet do i ditanggoi i ma bahen soelang -soelang . Sian poranak do manoelangkon i toe porboroe dohot toe donganna saboetoeha , hoehoet ma didok : Hoesoelang ma , ale , 27 datoelang on ! Sai gabe ma boroena na hoealap hami i ! " ninna. Sai songon i ma disoelang na tama sisoelangonna .

langgo angka na torop i, godang do i na so taroeli , gabe moroengoet -roengoet ma".

SI SOENGKOEN : ,,Ra tabo do dibahen djoehoet i , atehe ; ai tardok ma pesta moroendjoek na pamoeli boroe ?!"

SI ALOES : „A, didia ma tardok tabo lompan disi, ai so sadia rose i dibahen porhobas . Beha ma bahenonna patoerehon tabo di na saí torop ?! Doeng ditanggoi , ba dilompa , doeng i dibontari . Adong ma i maansimhoe , na deba so mordai sira, adong ma i na hoerang masak. Asa djotdjot do hona moeroek angka pande djoehoet di angka oelaon sisongon i . Toeng na hoerang renta dohot hoerang patoere dope angka oelaon porharoanon di hita !

Ianggo di hita angka na oemposo noeaeng , oenang songon i tabahen , molo toeng marpesta hita . Tasoeroe hian ma manang piga halak porhobas , asa toeng tabo dibahen indahan i ro di lompan . Taparade hian angka oela -oela panganan , tabahen nanggo pala hopi ro di panginoemanna . Niindjaman hian ma siindjaman andorang so djoempang mata ni pesta i. Ba, ia so toek bahenonniba manamoeei toemorop , doemenggan holan na soemolhot niarahon , oenang matorophoe ; ia so i, manang djolo tangkas binilangan tamoee i , ia toeng boi . Ainda taganan oemmotik tinamoeean , asal ma rosé binahen asa na godang hape raoes , gabe paro sarita dohot oengoet -oengoet toe iba ? Anggo tarbahen nian, sai naeng do las roha ni dongan di na nioelaniba !

Noenga roepa sae nasida mangan , beta ma hita toe hoeta , asa itabege angka na morpolloeng disi !"

SI SOENGKOEN : „Ai aha dipolloengi disi ?"

SI ALOES : „ Dipandok do disi hata gabe-gabe , tarbege ma disi dohot hata na oeli dohot angka oempama ;

polloenganna ma disi dohot sinamot, adong ma dohot na mangigil paoeseang ."

SI SOENGKOEN : „Molo songon i, beta ma hita toetoe ! 'Ndang dope hea hoebege sisongon i . Beta ma , asa sampang tabege sian bonana ro di oendjoengna !" -

Doeng i laho ma nasida na doea toe hoeta ; diida nasida ma antong morhaliang angka djolma i disi hoendoel marhata . Tar poengoe do angka pangoli i dohot donganna ro di radjana sambariba ; poengoe do porboroe dohot donganna sambariba .

Doeng i dilehon poranak i ma sada ringgit di atas ni sada pinggan na tar oemmias , disoeroe ma na manaroehon i toe porboroe ; doeng i dilehon porboroe i ma i moese toe donganna saboetoela , toe na so pola be sidjalo djambar goarna ; tar songon i ma didok : sidjalo panisean .

Ia doeng sahat i toe sidjalo panisean i, mangkoeling ma i mandok: Masisisean ma hita , lae !" ninna 77 mandok paranak.

Doeng i mangkoeling ma sian paranak, naoeng pinillitna hian mangaloesi , didok ma : ,,Ba masisisean ma toetoe !"

Sian porboroe : „ Ia noenga ro dison pinggan sitio soara angkoep ni ringgit na mormata , sai tio ma panggabean dohot porhorasan di hita on ; ba haroan ni i, dipaboa lae ma!"

Sian poranak : „Olo , ia noenga disoengkoen lae, taringot di siala ni pinggan sitio soara dohot ringgit na mormata , na talehon toe nasida , ba aloesan ma toetoe : Na mangalehon gabe-gabe do i, na mangido gabe -gabe ! I ma dialoes laenta!"

Sian porboroe : „Olo , molo na mangalehon gabe-gabe do dohot na mangido gabe-gabe , ninna radja i, ba gabe hamoe na mangalehon , ba gabe , hami na mandjalo . Alai siangkoep ni i , dipaboa radja i ma !”

Sian poranak : „ Oeng, ianggo siangkoepna , paboaon ma toetoe . Ba na ro do anaknami on manopot boroemoena ; lomo antong roha ni boroemoena i mandjakkon anak ni na pogos songon hami on , ba lomo moese antong dohot rohamoena . Asa ia nilehon pe noeaeng toe hamoena , na manise anak toeboe ma i , na manise boroe toeboe di boroemoena na hoealap hami ."

Sian porboroe : „Ba, molo i ma hape , noenga na oeli ; ba sai gabe ma toetoe boroe na hoepamoeli hami i!

Toeboean laklak ma i ,

Toeboean singkoroe ;

Sai toeboean anak ma i,

Toeboean boroe .

Gabe ma amana na pamoelihon , gabe hami , gabe dohot hamoe na mangalap !"

Sian poranak : „I ma toetoe alé , hata ni radja i ! Gabe ma toetoe boroenasida , na hoealap hami i , gabe hami !

Toertoe ma ninna andoehoer ,

Tio ma ninna lote ;

Hata na oeli nidok ni radja i , Sai oenang moeba , oenang mose !"

Sian porboroe : „Ba, i ma toetoe , songon na nidok ni laenta i ! Didjakkon tondinta ma panggabean porhorasan !

Bintang na roemiris, Omboen na soemorop ; Anak pe antong riris, Ba boroe pe antong torop !

di boroe na hoepamoeli hami i , gabe nasida , gabe hami , horas hita saloehoetna !

Ba ia sinamotmoena , sadia ma naoeng sahat , paboa hamoe ma , asa tangkas dibege angka amanta radja, na liat na lolo on !"

Sian poranak : „ Olo ; ia noenga sahat hoesise gabegabe , horas -horas , noenga dialoesi nasida : gabe ma , ninna, boroe na taalap i , gabe nasida , gabe hita. Ba paboa ma sinamotta , soehoetnami !"

Soehoet poranak : „ Olo da , radjanami ! Noenga toetoe dipaboa nasida gabe-gabe , horas -horas ; ba sai gabe ma toetoe boroenasida na taompot i bahen di anakta inon . Na ra maroerat ma i toe toroe , na ra mardangka toe lamboeng , mardjoengdjoengan toe gindjang ; gabe hita gabe nasida!

Ianggo taringot di sinamot , otik do, ai holan toloe ratoes ringgit do ; naoeng oendoek masioloan do hami disi djala noenga sahat i soede toe nasida ."

Sian poranak : „Ia noenga hoesoengkoen soehoetnami dison , taringot toe godang ni sinamot noenga dibege hamoe , aloesi hamoe ma !"

Sian porboroe : „Aloesi ma i, ale soehoetnami !”

Soehoet porboroe : „ Olo , ba noenga disoengkoen ho , ba noenga dialoesi nasida . Ba, sai gabe ma toetoe boroenta na tapamoeli i . !

Sitoeboe laklak ma i Sitoeboe singkoroe Di dolok ni Poerba Toea : Sitorop anak ma i Sitorop boroe Donganna sarimatoea !

Ianggo taringot di sinamot, toetoe do, noenga oendoek masioloan di sitoloe ratoes ringgit i djala noenga sahat i soede toe hita ."

Sian porboroe : „Ba noenga toetoe na nidokmoena i, toho do naoeng sahat sinamotmoena i ! Beha , adong dope sidohononmoena ?"

Sian poranak : „ Adong ma toetoe ! Patoedoehon hama paoeseang silehononmoena toe boroemoena !"

Soehoet porboroe : „ langgo paoeseng toe boroengkoe , lehononkoe do, i ma haoema Siaoega , doea ronsang ; ianggo asam ni i, toeng soera padondonhononhon , saratoes ringgit. Noenga sirsir i saportoloe ni sinamot na hoedjalo i , hot songon na nidok ni patik na masa noeaeng . I dope djolo na tarlehon ahoe , ai pogos do ahoe , 'ndang halobian ahoe dope i .

Soehoet poranak : „ Ba molo i , oeli ! Lehon hamoe ma oelos pansamot dohot hoephoep ni djoeal !"

Soehoet porboroe : Anggo i , adong do . 'Ndion ma oelos pansamot , sibolang pamontari ; 'ndion ma dohot oelos sirara bahen hoep -hoep ni ampang ."

Soehoet poranak : ,,Ba molo i , oeli !"

Soehoet porboroe : ,,Lehon hamoe ma oepa radja dohot oepa hampoeng onom ringgit !"

Soehoet poranak : „ Na oeli do i na nidokmoena i !

Alai lima ringgit ma somba-somba ní oehoem di radja' i. Na hamoe ma !"

Soehoet porboroe : ,,Ba lehon hamoe ma dohot oepa olop -olop ni hoeta !"

Soehoet poranak : „Denggan , na hamoe ma saringgit !" Soehoet porboroe : ,,Lehon hamoe ma dohot oepa manaroehon , asa haroe sae !"

,,I ma toetoe ; na hamoe ma !" Soehoet poranak : hoehoet dilehon manang sadia .

Soehoet porboroe : ,,Ia noenga sahat djambarta i dílehon nasida tondongta , ba otik pe i, na itadjalo i, ba tahalehethon ! Sai gabe ma boroe i dohot hela i toempahon ni Ompoenta Debata ! Ba , olop -olop ma noeaeng na pinangido sian hita on , ale amang sitoean natorop !"

Ia doeng sidoeng songon i didok, pintor rap ma soede natorop i mandjooehon : ,, Olop -olop ! Olop -olop !"

Doeng sidoeng morhata olop -olop , hehe be ma soede ro i laho moelak toe hoetana . Diborhati porboroe ma siboanon ni boroena , dibahen ma 20 tandok dahanon dohot sada djoeal , na morisi indahan dohot dengke .

Di djolo ma boroe na nialap i dioendoerhon angka anak boroe donganna magodang , doeng djolo dilehon pangoli i oepa na poso manang oepa manaroehon manang sadia . Dipangigilhon boroe na nialap i do antong angka donganna magodang i , asa goemolto djambarnasida . Ia doeng borhat, moedoer ma nasida di dalan i sahat toe hoeta ni pangoli .

Ianggo SI SOENGKOEN dohot SI ALOES , tangkas do dipaidai -ida nasida na morhata i, torang do dibege nasida nang angka hata na pinandok nasida i . Alai doeng sidoeng , dohot ma nasida na doea hehe sian hoeta i , laho moelak be toe hoetana .

Alai di na laho moelak i nasida , didok SI SOENGKOEN ma toe SI ALOES : „ A, mansai denggan hape begeon na morhata gabe-gabe i ! Alai nangkin, adong didok ho pordjomoehan , aha do i ?"

SI ALOES : „ 0, anggo pordjomoehan , porboerian do i nian ; alai tar dihasoebangkon halak do mandok i porboerian , ianggo di na mangan oedjoe di haroan . Pordjomoehan do i didok , asa djomoek ro porsaoelian , ninna, mandok : tobok dapotsa poroelian i.

Anggo porboerian dohononna , ' ndang toere i ninna, ai ias-ias do na binoeri, mandok : ias songon na binoeri , 'ndang djoempang porsaoelian .

Asa hira sitongka do na mandok porboerian ianggo laho mangan dope di haroan ; alai anggo doeng sidoeng mangan , porboerian nama didok goar ni pordjomoehan i disi . Otona do i nian, ai 'ndada binahen ni hata i sambing patobokkon oeli djoempang iba, na morgoeroe toe panoempak ni Debata do i."

SI SOENGKOEN : „ Boasa pola pasoehionna angka na , gabe so toek lompan ni natorop i, morgoar ni babi i gabe patoeboe oengoet -oengoet dohot sarita ?"

SI ALOES : „ Na hoerang toere do i nian toetoe ! Alai hasoeroengan do i di angka soehoet dohot di angka sisolhotna ro di na soemangap . Angkoep ni i , on do na tinembakna disi deba : sai adong do sian soehoet i na so mangan disi , ala ni na parose -rosehon ; ba naeng ma adong lompan ni i doeng natorop i salpoe , asa adong deba lehononna djambar ni angka siboan porboee dohot indahan.

R

'Ndada holan sian soehoet parboroe i sambing porboee dohot indahan panganon ni na ro i , dohot do donganna saboetoeha manggoegoei i ro di donganna sahoeta .

Oehoem sisoli-soli do i, sali -salian sigararonna moese , di djoempang ni haroan di na mangalehon goegoe i. Asa angka oelak ni tandok ni i ma deba oembahen na dipapoelik djoehoet i.

Doeng i apala na roemingkot disi , oembahen ingkon adong na morgoarna : tanda ' do disi, ia na ingot nasida di donganna dohot hoela -hoelana , ai marsintoehoen be do angka na morgoar i djambar ni angka toetoer , anggo pola do toepa silehonon !"

SI SOENGKOEN : 27Aha ma sian djoehoet i djambar ni anak pangoli dohot boroe siolionna i ?”

SI ALOES : 'Ndang dais djoehoet inon toe nasida na doea, ai soebang do i didok natoea -toea . Tongka do toeng allangonna pandjoehoetina , doshon na mangallang siboekna do nasida disi , djadi 'ndang gabe nasida maon , ia so i mortihas anakkonna.

I pe nian, hata oto do i ! Dia ma imbar ni djoehoet panganon , asal ma tabo . 'Ndada djoehoet sibahen na so gabe dohot sibahen na mortihas.

Anggo hita angka na oemposo , oenang olo hita di , haliloean do i!" poda na songon i

SI SOENGKOEN : ,,Ia djambar ni domoe -domoe , na morgoarna dia ma dibahen ?"

SI ALOES : „Sai tar gonting ni babi i do dibahen djambar ni angka domoe -domoe , ia babi dipotong ; doeng i adong do hepeng manang oelas morgoeroe toek ni sibahenon ni na nidomoe -domoeanna ".

SI SOENGKOEN : „Oea na morhata sigabe -gabe i , boasa sai moelak -oelak i pandohonon nasida be, gabe malelengkoe paimaimaon ni angka na manangi -nangi ?"

SI ALOES : „ Na magandjangkoe do i nian toetoe ! Alai beha ma binahen , noenga songon i somalna . Alai anggo di na moroendjoek ondeng , 'ndag tardok be na gandjang i, naoeng mansai boeloes do i dibahen . Beha ma anggo di angka loeat na asing , toepa do mansai leleng. Molo mordomoe antong angka na malo moroempama i , toeng sae do lehetna begeon , tabo ma i tinangihon masialoes -aloesan .

Ba taringot toe sinamot nangkin pe, naoeng boeloes do i, hira so tardok be adang na masiigilan . Beha ma anggo di na asing sipata , pola morbadai angka soehoet i ala ni angka na mangigil sinamot ; toepa sipata sior sirang di lapik i".

SI SOENGKOEN : „ Bo ?! 'Ndang sai dos hape pangalaho ni sisongon i di tano Batak on?"

SI ALOES : „A, 'ndadong ! Ianggo na moroendjoek ondeng , pedan Toba do i. Adong do asingna anggo di Silindoeng, ba sai adong do asingna nang di Hoembang , songon i nang di angka loeat na asing pe . 'Ndang sai tardok dos sitoetoe i di soede hita halak Batak ".

SI SOENGKOEN : Qea na laho borhat i, 'ndada oedoer pangoli i dohot naniolina i mordalan hoeïda ; di djolo do boroe -boroe i, tar dao do di poedi anggo baoa i. Boasa so tampak nasida mordalan ?"

SI ALOES : 77Songon i hian do adat ni hita Batak : anggo halak namboera morbagas , hira tongka do i marosoehoe idaon ni na deba , hira soebang do i tampak hoendoel mangkata -hatai idaon ni halak , toeng dihailahon do i. Doeng pe adong gellengna , asa so dihasoebangkon songon i,

Na so denggan do i nian ; alai ra, sai moeba do i toe djoloan on, ai noenga lam godang taida halak na leban i na andoel toemoere morsaripe oenang hita halak Batak .

Na morboli i pe , ra dohot i moeba moese , ai sai dihata halak sibontar mata i do hita taringot toesi ; naeng nian tiroeonta pambahennasida di rohana taringot toe na pamoeli boroe i ".

SI SOENGKOEN : 77Boasa pola di hatoropan i nangkin pangidoönna oelos pansamot i ? 'Nda oemmoene i nian di na asing , so pola begeon ni na torop ?! ".

SI ALOES : ,, Oemmoene do i nian toetoe ! Alai noenga i hoeroha bangkona , ingkon di hatoropan taringotan songon i, beha bahenon Sae ma i, oenang be sai soengkoeni ahoe ".

SI SOENGKOEN : „ A oenang pola moeroek ho , lae ; i do adatna sai manoengkoen na so oembotosa ".

SI ALOES ,, Ia doeng do songan i , sai pola ma ingkon dohot na oemmetmetna i soengkoenanmoe . Poelik ma ho laho ma ahoe toe hoetanami ! "

SI SOENGKOEN : ,,Nang pe songon i moeroekmoe , sai soengkoenankoe dope ho . Beha do ia di na morharoan , laho mangompoi djaboe na imbaroe , asing do i sian di na pamoeli boroe ? "

SI ALOES : Asing ma toetoe ! molo adong moese diida ho na laho mangompoi djaboe , laho ma ho toesi, molo naeng botoönmoe pangalahona .

Magodangkoe do disoengkoeni ho toe ahoe , maradoe so haäloesan ahoe ho . Songon i ma djolo , laho be ma hita toe hoetanta , ai noenga bot ari . Hipas be ma hita !".

SI SOENGKOEN : Hipas be ma toetoe ! Alai ingkon togihononmoe dope ahoe manang andigan toe pesta na mangompoi djaboe , asa dohot adat na masa disi patorangonmoe toe ahoe . Sombangkoe , lae !"

SI ALOES : ,, Olo , molo toeng adong siompoi bagas goemira idaonta , denggan do i . Songon i ma djolo , hipas be ma !"

SI SOENGKOEN : ,,Oeng , hipas be ma ! So toeng loepa ho di na hoedok i !" Doeng i sirang ma nasida laho masitopot loembanna .

II. Na mangompoi djaboe.

Doeng adong tar doea minggoe , doeng na maroendjoek i , ditopot SI ALOES ma SI SOENGKOEN , didok ma : „Toedia ho laho sadari on , ale SOENGKOEN ?" --- ,,Ai aha hoeroha di ahoe ?" Ninna SI SOENGKOEN .

SI ALOES : Na didok ho do oedjoe i toe ahoe :" „Sai togihon ahoe djolo dohot toe pesta na mangompoi djaboe , asa hoeida manang beha pangalahona " . Ianggo ringkot do roham , asa laho hita annon !"

SI SOENGKOEN : ,,Molo songoni denggan ! Ise hoeroha mangompoi djaboe ?"

Si ALOES : Tondongnami , na di hoeta Sitapongan i do , namboera pe sidoeng djaboe nasida i dipaoeli ."

SI SOENGKOEN : „ Soede do hamoe na saripe annon laho toesi ?"

SI ALOES : Soede do ! Ianggo amanta dohot inanta ro di angka na tinogihonna, noenga pola borhat nangkin. Holan ho do na hoealapi toe hoeta on , oembahen na so nasida hoeihoethon nangkining ; ai na hoeingot do ringkot ni pandokmoe na toe ahoe na oedjoe i , di na laho i hita manangi -nangi poroendjoek . I pe , morhobas ma ho , asa loho hita !"

SI SOENGKOEN : „ Denggan , paima ma santongkin , asa hoealap djolo oeloshoe !"

SI ALOES : „ Olo ; alai pahatop ma , oenang be pola ngolngolan ahoe paima-ima ho !"

Doeng i hatop ma laho si SOENGKOEN toe djaboenasida , dipangke ma badjoe -badjoena na oemmoeli , diboeat ma dohot oelosna , hatop ma ibana moese moelak mandapothon SI ALOES : „Toeani ma hatop ho ro! Beta ma hita, sian panigoran ma hita mordalan , asa toemiboe hita annon sahat !”

SI SOENGKOEN : „ Pandokmoe do ; ia sian i nimmoe , ba sian i , ai so hea dope ahoe sian hoeta i . Beta ma !"

SI ALOES : „Beta ma toetoe ! Sian panigoran on ma , oemboeloes ma i , asal ma goemira hita annon sahat !"

SI SOENGKOEN : „Beha , holan hamoe do tondongna , na dohot toe na mangompoi djaboe i , annon ?"

SI ALOES : ,,Ndadong ! Soede do angka toetoerna djooeonna : Angka hoela -hoelana , boroena ro di angka donganna saboetoeha , asa ro mamboan silehon -lehonna be . Ro do nang angka rajda toesi manggabei ."

SI SOENGKOEN : Ai djaboe aha do siompoanna i annon ?"

SI ALOES : Djaboe Batak , ai roema do ; toeng balga do dibahen nasida , ai sinaoealoe do . Toeng denggan do porpaoeli ni toekangna i disi , hapal do nang pandingdinganna . Na manggorga i pe, toeng na malo ma , ai toeng na so adong do mornatos andor ni gorgana i dibahen ; toeng na so adong do tahe ani ni oelina ."

SI SOENGKOEN : Ai mandok beha do sinaoealoe ?" SI ALOES : ,,Molo didok halak sinaoealoe , mandok djaboe bolon ma i : opat be tiangna di ganoep oendjoerna ; i ma na oembolon angga djaboe Batak . Tar sinaonom do toemorop anggo djaboe , alai tar halehetlehetanna dape balga ni i .

SI SOENGKOEN : „ Molo pola songon i oeli ni djaboe dohot djagarna , noenga toepa piga ratoes ringgit haroegianna toesi ?"

SI ALOES : „Anggo i , ndang tangkas tartontoehon! Hoebege do angka natoenggane i namboera on mangkatai taringot toesi : Tar songon na adong ma didok 400 ringgit haroegianna toe haoe , idjoek ro di gadji ni angka toekang ro di pande gorga . Alai asing sian i, ninna, tar adong dope haroegianna toe indahan , toe lompan dohot toe daonbari ni angka toekang i ro di 200 ringgit nari . Asa molo i, ba noenga gabe adong haroegianna 600 ringgit poengoe .

Alai 'ndada holan i dope , ai sai adong do sipata donganna manang tondongna na ro mangoeroepi ; ba angkoep ni i , sadia godang do ari-ari ni soehoet i ? Asa toeng godang do haroegian , molo pala padjongdjongon roema bolon sisongon i . Alai toetoe , noenga lambas i dibagasan djala toeng djagar idaon .

SI SOENGKOEN : „ Ringgit Batak do i ?"

SI ALOES : ,,Ringgit Batak ma da ! Ai i dope na goemodang masa di hita on. Alai 'ndang roepa sadia leleng nari , matehonon ni Goemponi ma ringgit Batak i , asa hepeng na sian nasida i padalanonta . Doemenggan , antong , ai sai moeba -oeba do arga ni ringgit ma i Batak i dibahen hita Batak . Angkoep ni i , 'ndada na ringgit Batak i nian, ringgit Hispania do ; alai ala naoeng leleng i dipangke halak Batak , i do oembahen na laos ringgit Batak i tadok ."

SI SOENGKOEN : 77Tagamon do sintong i , etongannasida i ?"

SI ALOES : 'Ndang apala tangkas sitoetoe i , ai so manang dipansoerathon i toe boekoe alai tardok ma lobi -lobi saotik ia lobi , hoerang -koerang saotik ia hoerang ; haroe i , naoeng malo do nasida mangaroedjiï i, ai so songon hita na poso noeaeng dope nasida malo toe soerat ."

SI SOENGKOEN : ,,Boasa taripar toe hita on ringgit ni halak Hispania , ai so manang nasida manggomgomi hita ?"

SI ALOES : ,,'Ndang halak Hispania toetoe manggomgomi tanonta on noeaeng ; alai anggo nadjolo , didok barita, roepa nasida do. Diporhatoetoe roha do i antong , ai 'nda toeng morhoea ringgit nasida taripar toe hita on, aoet oenang i dalanna .

SI SOENKOEN : ,,Bo , i do hape ! - Ba molo morpesta ma tongdongmoena i noeaeng laho mangonpoi bagasnasida na imbaroe i , aha ma noeaeng dipotong nasida ?"

SI ALOES : ,,Babi bolon do doea hoebege , pordoeapoeloean be ; i do dipotong bahen lompan ni angka tamoee , na ro mangolopi bagas i ".

Si SOENGKOEN : Bo ; boasa so lomboe manang horbo boeatonna ? Ai anggo didok rohangkoe : 'ndang pola be sadia nari tambaan toe 40 ringgit, asa dapot lomboe manang horbo . 'Nda goemodang ma i nian, asa oemmahap tamoee na ro i ?"

SI ALOES : 'Ndang sai tardok songoni ! Oemboee do djoehoet ni babi asa djoehoet ni horbo manang lomboe ; doeng i oemmoera do halak mahap mangan djoehoet babi asa mangan djoehoet lomboe manang Ianggo horbo tahe manang lomboe , morhesoet horbo . do djoehoet doeng nilompa, gabe oear ; ianggo babi , 'ndang songon i ; sai tong do i boee nang doeng nilompa .

Barita do sipata binoeat ni halak , oembahen na horbo manang lomboe dipantom di haroanna . Noenga na mangan lomboe goarna , ia lomboe diboeat ; noenga na mangan horbo gorna , ia horbo dipantom . Hape nian , anggo sagatna do na niloeloean , toeng na doemenggan do babi potongon . Alai na moratoeran do i hoehoet di hita halak Batak :

1. Panganon manoek ; piringon dongan sadjaboe .

2. Panganon babi na metmet ; piringon dongan sahoeta .

3. Panganon babi na bolon ; djooeon ma angka radja ró di angka natoenggane di dongan sahordja .

4. Panganon lomboe manang horbo ingkon sahat ma i bahenon ro di hordja na asing ".

SI SOENGKOEN : ,,Bo , songon i do hape atoeran - ni i ?! Adong do hoebege di loeat na asing : molo laho iba toe djaboe namboera hinompoan , ingkon adong do lehonon toe pordjaboe i manang aha . Gari na ro sian harangan tahe , toeng soera habotarian , gabe disoeroek djaboe namboera hinompoan , ingkon adong do lehononna manang aha ; ia so adong hepeng di hadjoetna , hapoetoesan rabina manang tangkena lehononna toe nampoena djaboe i . Sampe -toea do, ninna, goar ni na nilehon sisongon i toe nampoena djaboe na imbaroe i . Alai toetoe , roepa sai denggan do ditamoeei pordjaboe i , halak na ro i. Roepa saboelan do roboeroboean ni sisongon i , mandok : saboelan lelengna doeng diompoi pordjaboe i djaboena , djadi do songon i bahenonna toe halak na ro toe djaboena i, nang pe halak na so tinandana i nian . Ia so adong hepeng diboan na ro i , djadi do oelosna soroön ni pordjaboe i ; alai adat do i nahinan , ai sampe -toea disi, do pinangidona 'ndada sidjoeaon i . Songon i ma didok halak hoebege . Anggo toeng songon i do tondongmoena annon bahenon ni noenga maila ahoe , ai sitopotonta on, ba

SI ALOES :,, so adong manang ahalehononkoe ". Toetoe do i nian, na nidokmi di na asing; , anggo alai anggo di hita Toba on , 'ndang apala dibahen haroe songon i . Ianggo mordos ni dison : naoeng djolo roha hian do nasida dohot pordjaboe poan i di godang siomni silehononna be ; naoeng hian do i dohot angka dihatai pang mata ni tondongna , andorang so djoempangompoina i. Ai songon moeaeng : noenga hami ma diboan amanta nangkin silehon - nami toe lehontondongnami , sitopotonta on ; alai toeng mangompoi djaboe soera hami moese , ba ingkon do i toe hami. Asa balosanna oehoem sisolisoli do i." SI SOENGKOEN : Olo da,

toeng garis rohana hoerdjoengkoe do i ; alai so i iba oembahen na hoehoet di iba , ala na so djinooena ro."

SI ALOES : A, 'ndang pola garis i, pos roha ni tondongta roham ! Ai gari asal na ro boti toesi lehononna , ingkon do i mangan ; baliksa ma ho , noenga donganmoe ?! Ba toeng ahoe sipanganon lehon soera pe so adong na mangamangan toe ho, ba toeng pir ma rohangkoe hita ? ' , so rap Ndion

ma hoeta roha i i, na di djolonta on ; torop do hoedi hoeta . na ro , noenga songon na patoengongo begeon Beta ma tapahatop mangan maon dapotonta , toesi so toeng sanga gabe maila hita ;beta!" SI Doeng i laho ma

soek toe hoeta , SOENGKOEN dohot SI ALOES matongon ma apala mandok mangalehoni sipanganon i angka porhobas i didapot ; na ripe mangan ma nasida antong disi sahat .

Ia doeng sidoeng indahan i diporlehon dohot lompan i, mangan ma soede na ro i di alaman ; doeng i mangkoeling ma soehoet i mandok hatana toe natoropi : ,,Toempak ma Ompoenta Debata , manoempak ma dohot sahala ni angka radja, hoela -hoela , siporboroean ro di angka dongan saboetoeha ! Toeboe ma na godang toe djoloan on , asa goemodang lehonon toe angka toetoer dohot toe angka dongan . Ba otik pe i noeaeng , na hoelehon hami i, toeng i ma djolo hinadengganhon ! ,Ndada holit ; alai molo toeng i , ba sai ganda na hinolit, asa goemodang lehonon toe djoloan on ; alai anggo so holit do, sai manoempak ma Debata di hita on saloehoetna . Asa i ma da, ale angka amang radja, otik pe i na hoelehon hami i , sai pamoernas ma i toe daging , saoedara ma i toe bohi ! ninna ,,Ba, i ma toetoe , sai manoempak ma Ompoenta Debata di hita on saloehoetna !" ninna manang piga halak sian angka na mangan i nangaloesi

SI SOENGKOEN : Ai aha do na nidok ni soehoet i disi, ale lae , Aloes ?"

SI ALOES : Na morhoehoeasi do i ! Songon i do somal didok angka partamoee toe tamoeena . Songon na so sadia lehet maon na binahenna i di roha ni halak, molo so didok hata sisongon i toe halak na tinamoeeanna . Toeng godang pe sipanganon na nilehonna i , sai dihoehoeasii do i otik do i didok, oenang songon na pagindjangkon ibana di na binahenna . 'Ndang pola tardok na denggan nian hoehoeasi sisongon i ; ai 'ndada na tamba godang dohot tabo ni sipanganon na nilehon ni portamoee i horhonon ni denggan ni hata na morhoehoeasi ."

Ia doeng sae na mangan i , dipambagihon ma angka na morgoarna toe angka na tama mandjalosa Doeng sidoeng i , dipaoene ma hoendoel morhaliang, asa tole morhata . Ia doeng songon i, mangkoeling ma djoemolo na hoemolang di pormargaon , sahalak sian angka na liat na lolo i, didok ma : ,,Mangkatai ma hita , ale amang soehoetnami !"

SOEHOET : 77Mangkatai ma toetoe !"

NA RO i: „ Olo da, gongkon sipaimaon , djooe -djooe sialoesan . Ia noenga ro djooe -djooe ni radja i , nialoesan , sahat antong toe alamanta , na morampang na mordjoeal on, na morsangap na mortoea on . Ba sai toeboe ma toetoe sangap di hita toe djoloan on ! Ia noenga bosoer na mangan , sagat morlompan djoehoet ; gabe-gabe , horas -horas , i ma sipaboaon ni amanta soehoet !"

Soehoet i : „Gabe ma hita toetoe , radjanani ! Ia noenga mandok radja i , tarsingot di na bosoer mangan , na sagat morlompan djoehoet , ba na padjagarhon do radja i disi , songon na morlompan hoenik , ba sahat ma hita toetoe toe na djagar ! Sai gabe ma na nioela i , asa adong habosoerhononta , sinoer ma dohot na pinahan , asa adong hasagathononta toe djoloan on .

Tarsingot di gabe gabe , di horas -horas , ba gabe -gabe do, horas -horas , oembahen na morpoengoe hita dison . I ma dialoesi radja i !"

Na ro i: „Ia noenga hoesise radja i, di toea ni indahan masak dohot di lompan masak, ia noenga dialoesi , gabe -gabe do, ninna, horas -horas . Ba i ma toetoe : gabe ma na mala , gabe hami pangalehonan . Alai siangkoep ni i , ba dipaboa radja i ma !"

Soehoet i : „Ia noenga masialoesan hatanta di gabegabe di horas -horas : gabe ma , ninna radja i na mala , gabe pangalehonan ! I ma toetoe , sai gabe ma hami toempahon , ni tondi ni angka amanta radja , na liat na lolo on !

Ai binoeat hoedjoer bosi ,

Golanggolang pangarahoetna ;

So sadia pe na hoelehonhami i ,

Sai godang ma pinasoena !

Ia noenga manoengkoen radja di siangkoepna , ba paboaon ma toetoe : Naoeng sidoeng do hoepaoeli hami roemangkon ! I ma antong oehoemna : djooeon radja ni hoelahoela , radja ni boroe angkoep ni radja dongan saboetoeha , manggabei , mangkorasi , mangalehon sampe-toea . Ba, sai sampe ma antong toea di hami , di djaboe na hoepaoeli hami on , sai mortoea hita saloehoetna , angka na morpoengoe on , ale radjanami ! I ma dialoesi radja i !"

Na ro i : „ Ia noenga hoesise di radja i siangkoepna , ba noenga dipaboa : naoeng sidoeng do , ninna , roemana inon, na manggabei , na mangkorasi do ninna , oembahen na didjooe radja inon hita . Oeng ! Gabe ma toetoe nasida mangingani roemana i ! Hot ma i di batoena , togoe ma i di rahoet -rahoetna , momos di hansing-hansingna ! Hatoeboean ni anak ma i , hasorangan ni boroe , sipinta toea, sipinta sinamot toe djoloanna on . Godang ma antong sinamot pintaon ni roema ni radja i, sai loengkas ma dalanna ro, sai dipolpol dalanna laho !

Lili ma di gindjang, Hodong ma di toroe; Gok djolma di gindjang, Gok horbo di toroe,

toempahon ni Ompoenta toempahon Namortoea Debata dohot ni angka amanta radja, na liat na lolo on !"

Soehoet i: „ Ba i ma toetoe , ale , na nidok ni radja i !

Eme sitambatoea ma i, Na taoe bahen boni ; Hata na oeli nidok ni radja i, Ba , i ma didjakkon tondi !

Gabe hami na ginabeannasida , gabe gabei , nasida na mangNa ro

horas i: „ ma hami mangingani djaboenami on!" Ba noenga hoepaboa gabe -gabe hoetta , ba toe soetalehon be ma manang toe sadia toempakta, nasida na mangompoi djaboe on, asa morliat angka amanta radja " di hita on! on mandok hata panggabean porhorasan

Ia doeng songon i, masidjama na ro i, baloeangna ma angka goemodang ma i angka na mangalehon siporboroeonna : adong 20 ringgit, adong na mangalehon 10 , adong na mangalehon hoda , adong 5 ; adong do na mangalehon do na morbaga -bagahon angka hoelahorbo . Anggo hoelana , tar eme ma sian i manang piga toehoek morgoeroe toe na tarlehonsa , morangkoep oelos do i sipata.

Doeng sae saloehoetna i, morsorin-sorin ma angka na ro i mandok hata gabe -gabe dohot hata horas -horas . 'Ndang pola sasadia asingna sian angka naoeng pinandokna di gindjang i, tar angka oempamana ma asing be dipillit angka halak na oemmalo mandok hata .

Doeng i ro ma moese sada halak mandok : „Sise ni pordjolo ma da, sise ni porpoedi ; ba sada pe hita on manise , loehoet ma hita dapotan oeli ." Didok ma moese hata gabe -gabe , morgoeroe toe malona :

„ Laklak ni antahasi 77

Bahen sigira-gira ;

Hata na oeli i,

Tiboe ma i didjakkon tondinta !

Boeloeng ni pangkat

Toe boeloeng ni hotang;

Toesi hita mangalangka ,

Toesi hita dapotan .

1 Toe tonggina ma songon na mangan toboe , toe panggalna ma songon boear -boear , toe tioerna ma songon bonang di gala , toe tiona songon baba ni moeal, toempahon ni Ompoenta Debata na Mortoea !" ninna.

Ia doeng sae nasida na masigabean i, morliat mandok soara , ro ma soehoet i mandok di poedi : „ Ia noenga hoedjalo toempak ni hamoe angka hoela -hoela dohot hamoe angka boroe , noenga hoeampoe gabe-gabe, horas -horas , na nidok ni hamoe radja ,

Tinatap toboe toetoeng Di dolok ni Poerbatoea ; Na denggan moroehoem , Sai saoer matoea ; Morhoesip ma matana , Sahat limoetlimoeton tanggoeroengna !

Sinoean hoenik Di bona ni tada-tada ; Toeboe anak na oeli , Topak boroe sioelibasa Asa adong basa -basahononna Toe angka hoela -hoelana !"

la doeng didok soehoet inon i, didok natorop i ma mangaloesi : „ I ma toetoe , didjakkon tondi ma porsaoelian !"

Doeng sidoeng i loehoetna , dilehon soehoet i ma 5 ringgit oepa manggabei toe angka radja dohot toe angka donganna saboetoeha . Doeng i borhat be ma na ro i masitopot loembanna . Dipoedji ma porharoanon ni soehoet i, ia toere ; dihata ma i, ia hoerang toere dibahen . Tar i ma ditaringoti di tongan dalan dohot doeng sahat ro di hoetana .

SI SOENGKOEN pe dohot SI ALOES , laos i do ditaringoti nasida di dalan i laho moelak. SONGON on ma ,, SONGON i ma hape pangalaho didok SI SOENGKOEN : ni sisongon i ! Anggo didok rohangkoe , naoeng toere do i , atehe ?!"

SI ALOES : ,, Olo ; sipoedjion do toetoe na oeli , sihataon na hoerang denggan ; noenga i bangkona di portibi on.

Asa molo adong manang aha na naeng oelaonta , sai tapingkiri ma manang , dia sibahen na denggan disi , oenang gabe sihataon dohot sisaritaon ni dongan hita disi ; ai toeng na toetoe do na nidok ni oempama ni halak na malo .

Morloega Sitindaon,

Mangan hoda Sigapiton ;

Toe djolo nilangkahon ,

Toe poedi sinarihon ” .

.net/2027/coo.31924020517011 htttptssstle 2025-02-18 22:24 Google-digitized CaL t on Public Domain in the United States, 10